اشعار ترکی مخصوص امام زمان (عج)

ای زائر مدینه عجّل علی ظهورک
ارباب بی قرینه عجّل علی ظهورک

ای صاحب کرامت ، ارباب با لیاقت
آتش گرفته سینه عجّل علی ظهورک

ما را ز غم رها کن ، زوار کربلا کن
ذکرم فقط همینه عجّل علی ظهورک

مولا بیا که هر آن ، بهر شکست قرآن
دشمن کند هزینه عجّل علی ظهورک

ای آشنای قرآن ، امّید مستمندان
باز آ که دل غمینه عجّل علی ظهورک

ای مشعل هدایت ، زهرا کند صدایت
بهر شفای سینه عجّل علی ظهورک

ویرّم قسم حسینه ، سلطان عالمینه
لطف ایله بو حزینه عجّل علی ظهورک

اولسان اگر مهیّا ، گل کربلایه مولا
گوزلور یولون سکینه عجّل علی ظهورک

• سه شنبه
• 28
• اردیبهشت
• 1400
• ساعت
• 13:13
• نوشته شده توسط
• یوسف اکبری

عاشقم بیر گُله من،عاشق اونا گُللردی
گُل نه گُل، گُل یوزی آئینه پیغمبردی
مین خزان گَلسه ده سولماز، بو گُل حیدردی
سایه سینده بو گُلون، مُلک و مَلک دالدالانور
گونده اوچ دفعه اونون باشینه، دنیا دولانور

گُل نه گُل، نوروینی بوندان آلوری شمس و قَمر
حیف دیر طلعتینی یوسفه اوخشاتسام اگر
تک بونون بیر باخیشی یوسف کنعانه دگر
نور ذات اَزَلی اون بیر امامین گوزودی
بو گُلون مُشتریسی حضرت زهرا ئوزودی

گُل نه گُل، رشک آپاران حُسنونه گُللردی بونون
دئمَرَم آی، ئوزی آیداندا منوِّردی بونون
حُسنونه بنده اولان جمله گوزللردی بونون
گلشن جنّت الاعلایه بو گُل، سؤ گُلی دی
باغ جنّت گُلی یوخ یوخ، دئنه زهرا گِلی دی

گُل نه گُل، مثلی نه گُلزار و نه گُلشنده اولار
باخسا آی حُسن دل آراسینه شرمنده اولار
گون دئدیم سهو ائلدیم، گون بو گُله بنده اولار
اهلبیتون گوزلی، شاهد حُسن اَزَلی
باغ جنّتده دئیلر بونا زهرا گوزلی

گُل نه گُل، حق بونی ئوز ذاتینه مظهر یارادیب
مَه جمالین بو گُلون مهردن اَنور یارادیب
دیمَرم یوسفه، پیغمبره مظهر یارادیب
تک نه یئرلرده، سمالرده بو دلبر سوزودی
گوزلری قاشلاری، سیماسی پیمبر ئوزودی

گُل نه گُل، شرح ائلیه وصفینی قاصردی زبان
گُل نه گُل، حُسنی ملک، غنچه لبی، قاشی کمان
گُل نه گُل، هر تِلینه باغلیدی مین حور جنان
بونی خلّاق اَزَل حُسن ازل خلق ایلیوب
گُل گوزلدور، بونی گُلدنده گوزل خلق ایلیوب

جمله دلخوشدی هره، بیر دل و بیر دلبرینه
هر کس ئوز یارینی تشبیه ائدی بیر تازه گُله
یئر یوزی دولسا گُلیله، گینه چاتماز بو گُله
روحیمیز روز اَزَلدن بو گُلون شایقیدی
تک نه بیز، حضرت زهراده بونون عاشقیدی

بیز که دنیانی فدا ایلَمیشوق عشقیمیزه
وئردوق ای مُدّعیلر جیفۀ دنیانی سیزه
بسدی تنها پسر فاطمه نین عشقی بیزه
ثبت اولوب دفتر عشّاقیده باشدا آدیمیز
مهدی فاطمه دیر ایمدی بیزیم هر زادیمیز

دئمیون یوخدی بیزیم، ساقی جان پروریمیز
دئمیون یوخدی بیزیم، سروریمیز، رهبریمیز
دئمیون یوخدی بیزیم، سؤگُللومیز، دلبریمیز
حُسنی آیداندا گوزل، دلبریمیز واردی بیزیم
یوسف فاطمه تک رهبریمیز واردی بیزیم

قوی نفاق اهلی دئسونلر بیزه دیوانه دیلر
نه تانور عشقی اولار، عشقیله بیگانه دیلر
اولارین سوزلری هم ئوزلری افسانه دیلر
عشق سرمستی بولر لذّت مستانه لیقی
وئرمه روق هر ایکی دنیایه بو دیوانه لیقی

بزم خلوتگه وحدتدی بیزیم هیئت میز
نام و شهرت نَدی، پرچمدی بیزیم شهرت میز
نیلروخ ثروتی، مهدی دی بیزیم ثروت میز
او بیزه عشقدی جانانه دی دلبردی بیزه
او گُل حضرت زهرادی، او رهبردی بیزه

گَل آقا مصئبۀ عدلی مقام ائت ئوزیوه
قویما حسرت قالا عاشقلریوی گُل یوزیوه
گَزمه گوز یاشلی بیابانلاری قربان گوزیوه
سنه زیبنده دی مؤمنلره سرور اولاسان
سنه تنها یاراشیر عالمه رهبر اولاسان

بیز حسین غملرینه، سینه میزی داغلیاروخ
نَقَدر واردی نفس، سینه ویروب آغلیاروخ
هر محرّمده قرا باشمیزه باغلیاروخ
دوداقین بوزمه محرّمده قرا باغلیانا
دوداقوندان چالی بیر یول دیساق عبّاس آقیا

«عدلجو» سانما که شاعر اولی هر نوحه یازان
اوچولار ائو، گوره معمارین ایشین قبر، قازان
هر گَلن نوحه یازان اولسا، نه لازمدی یازان
صدقیله نوحه دیوب آخسا اگر گوز یاشون
بونی بول نوحه یازاندان چوخ اولار پاداشون

• چهارشنبه
• 5
• خرداد
• 1400
• ساعت
• 20:31
• نوشته شده توسط
• یوسف اکبری

اي خدا دل تنگه گلدي دلستانيم گلمدي
جان يورولدي غصّه دن آرام جانيم گلمدي
گل لريم سولدي سارالدي باغبانيم گلمدي
هرج و مرج اولدي زمان صاحب زمانيم گلمدي
جمعه سايماقدان يورولديم مهربانيم گلمدي

هی دعاده سسلدوخ أین معز الاوليا
هر سحرگاهان ظهورين ايستدوخ ائتدوخ دعا
بولمورم آیا نه دن ائتمز مشیّت اقتضا
سهله دن یا جمکراندا سسلدوخ یا ليتنا
یوسف زهرا چراغ جمکرانيم گلمدي
جمعه سايماقدان يورولدوم مهربانيم گلمدي

قوم کفارين اهانت قصدی وار پيغمبره
وار جسارت فکری بعثی لر مقام حيدره
منتظر دی روح زهرا انتقام و کيفره
بير نظر قیل مجتبی ده قانه باتميش لبلره
دادگاه کيفره دادستانیم گلمدي
جمعه سايماقدان يورولدوم مهربانیم گلمدي

قالدي راکد بایگانی کربلا برنامه سی
چيخميوب یاد دان حسينين قتلنين هنگامه سی
سینه ليلاده قالدي اکبرين عمامه سی
قامت عباسه زينتدي شهادت جامه سی
سسلنر امّ البنين اللّه جوانيم گلمدي
جمعه سايماقدان يورولدوم مهربانيم گلمدي

شام زین العابدینه ائتدي صبحی تیره شام
اود دوتوب باشدا عمامه گئتدي قلبيندن دوام
بولمورم قالدي نه حاله ناقه نین اوسته امام
سسلدي یا لیت اُمّی لم تُلدني والسّلام
پاک قانلار يرده قالدي قان آلانيم گلمدي
جمعه سايماقدان يورولدوم مهربانیم گلمدي

آغلارام یانّام امام باقره لیل و نهار
جعفر صادق غمينده دلار اولدي داغدار
محبس بغداديده موسي بن جعفر دلفکار
ملک ايراندا قويوب اوغلي رضاني اشگبار
عرض ائدر یا رب جواديم نوحه خوانیم گلمدي
جمعه سايماقدان يورولدوم مهربانیم گلمدي

زهر مسمومي نقی گوزلر ظهورون ناگران
هم امام عسکری هجرونده اولميش باغري قان
شیعه لر عجّل ديوب آغلار ائدر شور و فغان
آچ جمالوندن نقاب ای مهدی صاحب زمان
ياشلي گوزلر جمله یول گوزلر امانيم گلمدي
جمعه سايماقدان يورولدوم مهربانیم گلمدي

چهارده معصومه خاطر ای خدای نُه قباب
حضرت صاحب زمانين قیل ظهورينده شتاب
آخ بو قدری پردهٔ ظلمتده گزمز آفتاب
دولدوروب کوني فساد و ظلم و شور انقلاب
تنگه گلدوخ مصلح کل جهانيم گلمدي
جمعه سايماقدان يورولدوم مهربانيم گلمدي

• یکشنبه
• 9
• خرداد
• 1400
• ساعت
• 17:45
• نوشته شده توسط
• یوسف اکبری

هار داسان هارداسان ای قامتی رعنا تئز گل
گوز یاشی قانه دونوپ آخدی دالینجا تئز گل

سپسه لر سو دالیسیجا گیده نین تئز قییدَر
بیز دالینجا اله دیخ گوز یاشی مولا تئز گل

عدلیلن دولدوراجاخسان بیلیروخ دنیانی
اود دوتوب یاندی آقا ظلمیله دنیا تئز گل

کیم وئره بیر باخیشین عالمه واللاه اوتوزوپ
گوز لریندی گوره نه جنّت الاعلی تئز گل

انبیا وارثی سن سنده دی اعجاز رسل
دم عیسی، ید موسائیله آقا تئز گل

شیعه یعقوب پیمبر کیمی آغلار قالدی
آی گوزل لر گوزلی یوسف زهرا تئز گل

گورسه یوسف دا سنی گوزلریوه عاشق اولار
ائیلی یَر خوش باخیشین عالمی شیدا تئز گل

سنی گوزلور گوزوموز هاردا قالیپسان آقاجان
اوره ک ایستیر سنی ای یار دل آرا تئز گل

گلشن فاطمه دن تکجه قالان گول سنسن
سنه قربان جانیمیز ای گل طاها تئز گل

• شنبه
• 29
• خرداد
• 1400
• ساعت
• 21:14
• نوشته شده توسط
• یوسف اکبری

ای مهدی ای صاحبَ الزَّمان
وِی حجَّت حَی لا مَکان

بَر اِنس و جان پادشه تویی
اَلطافی بَر مِهر و مَه تویی

ای دیدن جمال بی مثال تو شبی
گشته آرزو برای یوسف نَبی

سَر گشته اَت پیر و جوان
در انتظار تو جهان

از پرده ی غیبت بُرون شو تو ای مهربان
عالم کند تا فدای تو جان

? ( آذری ) ?

ای مهدی ای زاده ی بَتول
سن سیز اِنس و جان اولوب مَلول

عالم سندن نورینی آلار
سن سیز دنیا ظلمیدَه قالار

ای ذوالفقار مرتضایَه وارث ای آقا
عالمَه ظهورووِی گَل ایله بَرمَلا

یولارووَه گوزلر قالوب
گول سندن ئوز عطرین آلوب

گلسون دوتار عطرون تَماماً بیزیم عالمی
شاد ایلر هم آدم هم خاتمی

• یکشنبه
• 13
• تیر
• 1400
• ساعت
• 15:01
• نوشته شده توسط
• یوسف اکبری

ای ولایت شهینون زهره ی اطهر ننه سی
قبری گیزلین قالان ای حجت داور ننه سی

گر یوبانسا بالانون غربت اراده سفری
هی باخاریولارا بو رسمیدی گوزلر ننه سی

گوگرن اللری قالخیز سن ئوزون ایله دعا
قان ئورکلر اسوری ای دل و دلبر ننه سی

گر ظهور ائتسه بالون یارووه مرهم گتورر
شرقیلن غربی ائدر عطری معطرننه سی

گلسه اوغلون چیخادارگیزلنن اسراری یوزه
دئدیگون قاعده نی ایلیر اظهر ننه سی

آشکار ایلیه جک عالمه بیر قبری اوگون
ای ستم دیده لره دهریده یاور ننه سی

گیزلنن قبروون اوندا هامی زواری اولار
چاغورالار آدووی شاه مظفر ننه سی

گجه لر اوندا چراغان اولاجاق غملی بقیع
بوقرانلوق گجه لرصبح اولی آخر ننه سی

قبرووه زائر اولار(نادر) سرگشته اوگون
حجت داورون ای شانیده کوثر ننه سی

• یکشنبه
• 13
• تیر
• 1400
• ساعت
• 15:18
• نوشته شده توسط
• یوسف اکبری

فارسی

ای نور چشم زهرا - ای بنـد قلب مولا
مهدی بیا که دلها - خون شد زهجرت آقا
ای نگار نازنینـــم مَه جبینــم یابن الزهرا
در فراغت بی قرارم دلغمینم یابن الزهرا
یا اباصالح یا مهدی 2

مولا به انتظارت - بنشستـــــه عاشقانت
پنهان زدیده تاکی - مهدی بیا زغیبت
من فدای رویت ای گل آن روی زهرایی تو
مست بوی عطر یاســــم آن بوی مولایی تو
یا اباصالح یا مهدی 2

ترکی

گل ای عزیـــز زهرا - ای شیعیانه مولا
قورتار بو انتظــاری - گل ای امید دلها
ای پناهیم قبلــــه گاهیم سنسن عـــالم مقتداسی
یوخدی مولا بو جهانون سنسیز آقا هیچ صفاسی
یا اباصالح یا مهدی 2

ای عاشقانه سرور - شیعه یولیـــوی گوزلر
قربان گلن یولیوه - گل قان اولوب اورکلر
شاه عالم الــــــده پرچم گـــــل یتیش فریاده مولا
ظلم اعدا چوخدی مولا ریشه سین کس یابن الزهرا
یا اباصالح یا مهدی 2

ای قلبیمون قـــراری - عشق اهلینون بهاری
گل ای عــــزیز زهـرا - ـــورتار بو انتظاری
شیعه قربان جــــان جانان گــوزلرینده کی یاشیوا
من فدایم خاک پایم اوچ یوز اون اوچ یولداشیوا
یا اباصالح یا مهدی 2

• یکشنبه
• 20
• تیر
• 1400
• ساعت
• 15:25
• نوشته شده توسط
• یوسف اکبری

شکُفته غنچهِ ی گُل - نَوا خوان گشته بلبل
جهان شد گُلسِتان و - چَمن شد پُر زِسُنبل
سرور آمده - سُخنور آمده
به کُلِّ هستی رهبر آمده
آمده عزیز فاطمه 4

شبِ غم ها سرامد - به شیعه دلبر آمد
عزیز مرتضی و - گُلِ پیغمبر آمد
غم بِدَر شده - نرجس مادر شده
امام عسگری پدر شده
آمده عزیز فاطمه 4

ترکی

گلوب شمــــع تولّا - گلوب ماه دلارا
گلِ خوشبوی باغِ - خانم زهرا و مولا
جان جان گلوب - مَهِ جنان گلوب
امام صاحب اَلزَّمان گلوب
آمده عزیز فاطمه 4

آدی مهدیدی یاران - امام کون و امکان
گلوب اولسون پناهِ - یتیمان و ضعیفان
حیدره مَثَل - امام بی بدل
آقادی هر گوزللردن گوزل
آمده عزیز فاطمه 4

تمام شیعه دلشاد - هامی غملردن آزاد
امام عسگرینون - اولوبدور بیتی آباد
مهربان گلوب - عزیز جان گلوب
مَهِ زمین و آسمان گلوب
آمده عزیز فاطمه 4

یازاندا شعری (پویا ) - دیدی یا مهدی مولا
اورکده حاجتیم وار - نظر قیل جان زهرا
دردلره دوا - مریضه ویر شفا
بو جمعه ویر برات کربلا
آمده عزیز فاطمه 4

• یکشنبه
• 20
• تیر
• 1400
• ساعت
• 16:02
• نوشته شده توسط
• یوسف اکبری

فدا اولوم گوزوه انتظاروام تیز گل
دونوبدی قانه گویول بی قراروام تیز گل

انیسیم آهئدی بو گوزیاشیم منه مونس
یوخومدی هجره دوزوم، اشکباروام تیز گل

شراب وصلویله مست ایلدون گیتدون
ترحم ایله دوباره خماروام تیز گل

گجه گونوز بودی فکریم ایاقون آلتندا
فدا بو جانی ایدم جانثاروام تیز گل

سنون یولوندا باشیم داره گیتسه لا دیمرم
سنه فدا من اولوم یار، یاروام تیز گل

سنون‌همیشه آچوقدور او خوان احسانون
منیده دعوت ایله، ریزه خواروام تیز گل

یاخوندی درد فراقون منی هلاک ایلیه
علاجی سنده دی، بیمار زاروام تیز گل

نَیَم‌ سنونکی ام ای گل لره اولان زیور
گلون یانندا اولار خار، خاروام تیز گل

گئجه صباحه کیمی نی کیمین نوا ایدرم
گورم جمالوی چشم انتظاروام تیز گل

سیزون مقاموزا لایق الیمده بیر زاد یوخ
فقیر در به در و شرمساروام ‌تیز گل

سلوک عشقده ای یار مرشدیم سنسن
گدای خاک نشین دیاروام تیز گل

گل ای نگار قدم قوی بو گوزلریم اوسته
ایاقوه دوشنیم، خاکساروام تیز گل

ایاقلارون توزونی کیپریگیمله پاک ایدرم
رقیبلر گوره خدمتگزاروام تیز گل

ویروبدی حافظی یعقوبیه ادب درسی
بقیع ده دیه بیر انتظاروام تیز گل

• جمعه
• 1
• مرداد
• 1400
• ساعت
• 21:01
• نوشته شده توسط
• یوسف اکبری

گینه ده نیمه ی شعباندی مبارکدی بو گون
جشن میلاد وصیّ فتبارکدی بو گون
آقانین نور جمالی یایلیب ئولکه میزه
چپ باخانمز بیری دیواره دوشن کولگه میزه

اهل ایران چوخی اثنی عشری مسلکدی
اودی قرآنله عترت بیزه مایملکدی
اونادا حکم خدا ختم رُسُل مدرکدی
کیم بو ارکان تشیّعده اوزین لا بیلسه
ردّ اولار هر عملی حجّت سبحان گلسه

صاحب عصرکی دائم بیز اونا مفتخروک
روز میلادی هر ایل شهر و دیاری بزروک
گینه بیر جمعه ظهور ایلیجک با خبروک
گوزوموز یولدا قولاق سسده اودور جمعه لری
گزروک حضرتین عشقیله هامی تکیه لری

اودی خورشیده وئرن نور فروزان قمر
اونا خاطر وئرر اشجار گنه کاره ثمر
اونا خاطر گل آچار دشت و بیابان گورر
اونون عشقیله عناصر بیزه نور افشاندی
اونا خاطر نعم باری بیزه احساندی

آقانون لیل ولادت هر ایل ایلوبله رقم
مقدمیندن چوخالور آب طهور زمزم
مؤمنینه آچور آلله او گئجه باب کرم
شب رحمتدی مسلمانه شب زیبادی
یازیلور نار سقردن هامیا آزادی

وار خبر حضرت باقر و آقا صادقدن
چوخ فضیلت او گئجه اهلینه وار خالقدن
بیر منادا بئله سسلور فلق صادقدن
نقدر اولسا حسینون بو گئجه زوّاری
هاموسین عفو ائلدی حضرته خاطر باری

محترمدی نقدر گور بو حسین آللّهه
منتسب ایلدی آلله اونی ثار آللّهه
هم عزیز ایلدی کلّیه ی خلق آللّهه
او عزیز هامی خلق آللّهه جانیم قربان
جان نه ارزش واردی روح روانیم قربان

حجّت بن الحسن عسگری باباسی حسن
آناسی نرجس خاتونیدی رومیّه وطن
خواستگار اولدی اونا فاطمه رؤیاده علن
تاپدی توفیق سعادت بو خانم رؤیاده
کسب ایمان پیمبر علی و اولاده

اوصیاء خاتمی سمّی محمّد صلوات
یازیلا نامه ی اعمالیمزه قوی حسنات
وئرر آلله بیزه ده بو مه احساندا برات
چارده نور و بو ایّامی اوزی رحمتدن
بیزه خاطر قویوب آلله قوتاراق زحمتدن

کیمدی مهدی عجّل الله تعالی و شریف
چون ظهور ایلدی اولماز اونا مانند و حریف
سلفی _ داعش و تکفیری نقدر اولسا ردیف
دول کفر تماماً یغیشا بیر طرفه
هاموسین منهدم ایلر آقامیز بیر هدفه

زره جعفر طیّار آقانون تن پوشی
باشدا دستار پیمبر علوی سر دوشی
ذوالفقار الده مسلمانه آچیق آغوشی
اوچ یوز اون اوچ فدوی لشکر عزّت جاهی
جمله توحیدی مسلمان هامی حزب اللهی

گئجه گوندوز یره رحمت یاغاجاق گولردن
بهره مند اولسون هامی لطف مه انوردن
کاش بیزده یتیشک کامه او دوز رهبردن
ای خدا رحم ائله دنیاده مسلمان قلیل
قویما وهّابی الینده اولا اسلامی ذلیل

گرچه شعبان آیی ماه شعف و شادیدی
دوز حسینی لره اوتدان مه آزادیدی
آخرت ملکینه خوش فرصت آبادیدی
الده وار یاخچی بهانه بیر آز اولسون شادلیق
کربلا شاهینه آغلا آلاغون بایراملیق

بیر حسین کی اونی آللّهدا چوخ ایستر هامیدان
یا حسین سسله گوزون یاشینی قیل سنده روان
بلکه آلله بیزیده عفو ائده بو عید گران
عمر نوح ایلیه سن گر بو جهان فانیدی
فکر عقبی ائله دائم سنه بارانیدی

گور نه طرزیله حسین دین محکیندن کچدی
دگدی بیر اوخ اورگیندن کورگیندن کچدی
اورگین یاردی پی و لحم و رگیندن کچدی
دئدی آلله نه وئریبسن هامی قرباندی سنه
سنده محشر گونی عفو ایله عزاداری منه

قطعه قطعه بولونوب اکبر و عباس جوان
قالمیوبدی اوزینون صاف یری مقتلده عیان
قان ایچینده چوبالور زینب ائدور آه و فغان
گینه اول حالده قیزلارینا فکر ایلمیور
هی رضایم بقضا اوز اوزینه ذکر ائلیور

اوخ گلور نیزه گلور تیغه ی شمشیر گلور
یوخ دفاع ایلمگه حالی گینه تیر گلور
ذوالفقاری دوشوب الدن گوزه دلگیر گلور
قورخوسیندان قاچان اشرار گلوبلر یوخینا
باش کسنلر آلیب اطرافینی یاز آغلا «صفا»

یوخ وفا عمره نه دنیایه نه مال و حشمه
قالیب ایش محشر کبرا حق صاحب کرمه
وئره جک عفو عمومی بیزه زهرایه گوره
شیعه نی اوغلی حسین هاویه دن قورتاراجاق
نار دوزخده فقط دشمن زهرا یاناجاق

• یکشنبه
• 3
• مرداد
• 1400
• ساعت
• 17:39
• نوشته شده توسط
• یوسف اکبری

هارداسان یابن الحسن آقا حسینون یادگاری
ظلم طغیان ایلوری گل ای علینون ذوالفقاری

قرارو صبریمی
سنون هجرون آلوب
هاچان وقتون یتور
گوزوم یولدا قالوب

آقا یابن الحسن( ۴)

سندن اخذ ایلور آقا شمس وقمر نور و ضیانی
سن اگر گلسن آقا دنیا دوتار صلح و صفانی

بنی هاشم گلی
حسینون سویگلی
سنیلن حل اولار
بو جمعون مشگلی

آقا یابن الحسن(۴)

یتور عمروم باشه آقا گورمدوم کربوبلانی
اکبره خاطر بیزه لطف ایله سن پایینِ پانی

گوراخ اول مدفنی
اوپاخ ششگوشنی
دیاخ مهدی ویروب
بیزه بو هدیه نی

آقا یابن الحسن(۴)

ایلیوب عقباده زهرانی بیزه آلله شفیعه
سنی زهرا دعوت ایله صادقی گلسون بقیعه

دعای صبحنی
و یا شامین دیسون؟
هامی آچسون الون
اونا آمین دیسون

آقا یابن الحسن (۴)

• چهارشنبه
• 6
• مرداد
• 1400
• ساعت
• 15:14
• نوشته شده توسط
• یوسف اکبری

نرجسین گلی گوزآچوب عالمه وئروب صفا
لمعه لمعه نوری جهانه سالوب بوگون ضیا
سامرا اولوبدی غرق نعمت و نعم
تاقدم قویوب او شهره سرور امم
یامهدی یابقیه الله یامهدی

صاحب الزمان پور عسگری
گلشن بتولین صنوبری
سرو باغ عشق نور حیدری
نوری ایلیوب خیره گوزلری
عزیزکون و مکان یاردین
گلوب جهانه شه عالمین
یامهدی یابقیه الله یامهدی

گلدی صاحب شوکت و علم
نور وجه حق شاه محتشم
فخر اولیا ‌ میر منتقم
منبع سخا معدن کرم
آچوبدی گل غنچه لربرملا
دیون بومولوده صدمرحبا
یامهدی یابقیه الله یامهدی

شهریار عالم فدا سنه
قوی قدملرون باغ و گلشنه
لاله نسترن گلدی شیونه
جان تازه وئر یاس و سوسنه
دوشوب فراقون اوتی جانه گل
سنی قسم شاه مردانه گل
یامهدی یابقیه الله یامهدی

• شنبه
• 9
• مرداد
• 1400
• ساعت
• 13:22
• نوشته شده توسط
• یوسف اکبری

گلدی جمعه گینه اما نیه مهدی گلمیر
چوخ چکر گلمسی گویا نیه مهدی گلمیر

گوزوموز یولدا قالوب هی یولا تیکدیم گوزومی
وار سوال سنله خدا نیه مهدی گلمیر

نچه ایلدی که تاپانمور اوچ یوز اون اوچ یاری
یوخ یاری نیلیم آیا نیه مهدی گلمیر

گوروسن که هامی هر گون سنی سسلور آقاجان
هامی ایلیوردی دعا نیه مهدی گلمیر

بیری بیمار وصال و بیری عاشقدی سنه
ایندی یوخ درده دوا نیه مهدی گلمیر

گوروسن ایندی اقا ظلم و فساد پا گیر اولوب
ائله بیر حشری به پا نیه مهدی گلمیر

بعضی لر جور و جفانین لجنینده بوقولوب
یولوی سالما بورا نیه مهدی گلدی

سن آقا گلمسن اما نه ائدر منتظرون؟؟
من گئدون سنسیز هارا نیه مهدی گلمیر

آقا جان ایندی تبرج چوخالوب باشلاردا
چاغیرور شاه و گدا نیه مهدی گلمیر

گورورم گونده حجابلار کسیلور سو مثلی
گونوموز اولدی قرا نیه مهدی گلمیر

گورورم گونده چوخالمیش بیزه ایراد ائلین
ائدورم نوحه نوا نیه مهدی گلمیر

جانیمی نذر ائلدیم تا ایاقین آلتدا وئرم
سنه جانیمدی فدا نیه مهدی گلمیر

آقا جان دیل داریخیبدی سنه گوزلور بو اورک
گوی دیوم گونده آقا نیه مهدی گلمیر

ای "خدایی" گلجک مهدی آقا قورخماگینان
سن دئنن حضرت زهرا نیه مهدی گلمیر

• جمعه
• 15
• مرداد
• 1400
• ساعت
• 18:46
• نوشته شده توسط
• یوسف اکبری

ای حجت الهی
یابن الحسن آقا جان
عالم لرین پناهی
یابن الحسن آقا جان
یابن الحسن آقا جان

یولون اوسته دایانام
اشگ غمه بویانام
گورسم گوزل جمالون
من باشیوه دولانام

ای فاطمه بالاسی
ای قلبیمین صفاسی
قوما منی قاپوندان
ای دردلرین دواسی

احسانه گلمیشم من
درمانه گلمیشم من
یوخ آیری تکیه گاهیم
افغانه گلمیشم من

سن سن عزیز طاها
نور دوچشم زهرا
ایله دعا ظهوره
ای روح پاک تقوا

• یکشنبه
• 17
• مرداد
• 1400
• ساعت
• 11:44
• نوشته شده توسط
• یوسف اکبری

صاحب عصروزمان. مفخرکون ومکان
زینت باغ جنان. یاورمصتضعفان
مهدی جان. صفای دلهاتوئی
مهدی جان. دوای دلهاتوئی

رهبرهردوجهان. تاج سرشیعیان
عطرگل گلستان. نورتوهرجاعیان
مهدی جان. عزیززهراتوئی
مهدی جان. امیدطاهاتوئی

لنگرعرض وسما. زیورعرش خدا
چشمه فیض بقا. معدن لطف وعطا
مهدی جان. تویاورامتی
مهدی جان. توصاحب قدرتی

هامی خون خدا. بنددل مرتضی
نوگل باغ ولا. جان به قدومت فدا
مهدی جان. امیدعالم توئی
مهدی جان. به شیعه همدم توئی

مالک ملک صمد. بنده حی احد
فتنه گذشته زحد. کن به محبان مدد
مهدی جان. ای پسرثارالله
مهدی جان. نوردل ال الله

سولدی گل وگلستان. شیعه لرایلرفغان
سن گله جکسن هاچان. دلراولوب لخته قان
مهدی جان. اورکده وارسوزوموز
مهدی جان. یولداقالیب گوزوموز

شیعه گلیبدیرجانا. دوندواورکلرقانا
ایله نظرایرانا. یوخدودوزوم هجرانا
مهدی جان. ذولفقاری آل اله
مهدی جان. بلکه اورک دینجله

باخ توکولن قانلارا. لاله وریحانلارا
آه مسلمانلارا. سینه سی سوزانلارا
مهدی جان. ئولوبدوچوخلوجوان
مهدی جان. خزان اولوب گلستان

عارف نالان منم. دیده سی گریان منم
طالب احسان منم. سن شه قربان منم
مهدی جان. لطف وعطاایستیرم
مهدی جان. درده دواایستیرم

• یکشنبه
• 17
• مرداد
• 1400
• ساعت
• 22:20
• نوشته شده توسط
• یوسف اکبری

دلبریم بسدور بوقدری غارت جان ایلَمَه
آفتابی زلفِ مشکین آلتدا پنهان ایلَمَه

گورهاچاندور دیدۀ مَخمورون مجنونیم
قلبیمی، ای یاس نَرجس چوخ پریشان ایلَمَه

دوشمشم جاندان اگرچه انتظارم وصلوه
بوندان آرتیق سائلی سَردَر گریبان ایلَمَه

خنجر ابرولرون جان آلسامندن راضی ام
صیدی ای صیاددل، چوللرده حیران ایلَمَه

بیرجهان دل باغلیدورجانا شکنجِ زلفووه
یا ظهور ایله و یا قصد دل و جان ایلَمَه

صبریوسف یوخدی منده ای مَلَک سیمانگار
روحیمی زندانی چاه زنخدان ایلمه

شهرغیبتدن کناراول یوسفیم بازاره گَل
عشقیمون کاشانه سین هجرونله ویران
ایلَمَه
یاحجاب آچ صورتوندن باشه چاتسون
افتراق
طرّۀ طرّاروی یا عنبر افشان ایلَمَه

گوزلریم قربان نقدری آخ دیوم یول گوزلیوم
قامتی خَم عاشقی هجرونده ویلان ایلمه

"سیفی ام"من هفت شهرعشقوون عطّاریم
صبح امیدی منه شام غریبان ایلَمَه

• یکشنبه
• 31
• مرداد
• 1400
• ساعت
• 17:21
• نوشته شده توسط
• یوسف اکبری

سالوب فشاره منی روزگار کینه نهاد
ایدم امام زَمان دان گرکدی استمداد

محسّناتیده گر چه نگاریم اکملدور
ولی یوزین گوره بُلمز او گوز که احولدور

جمال شاهد غیبی گورنمز اهل شهود
بو باب قدرت قهّاریله مقفّلدور

یازوب جمالینه والشّمسی کاتب قدرت
گون اوسته پرده چکوب زلفی لیل اَلیَلدور

جمالی گوندی، اوزی آی کیمی بولوتدا گزر
نه گون نه آی قمر و شمس دن بو افضلدور

بونون یوزیندن ایدر کسب نور شمس و قمر
اولار سراجیدی بو نور حقّه مشعلدور

اولوبدی خلقتی انوار خمسه دن مشتق
باباسی احمد محمود شاه مُرسلدور

وجودی نور اوزی نور اصلی نور باطنی نور
ولیک صورت انسانیله مُشَکّلدور

بو منتظَردی بونا منتظِردی کون و مکان
نه انبیا نه ائمّه اولار که اعقلدور

دیوب خدا بونا حتّی اوزیمده منتظرم
بو لفظه فَانتَظِروا آیه سی مُدَلّلدور

بو نور اوّل ایدوب سُرَّ مَن رَآده ظهور
بیانی مُجمَل اوزی قصّهء مفصّلدور

ایدوب بو نور دوباره غروب ظاهرده
غروبی لفظ معمّادی حلّی مُعضَلدور

او آفتاب منیره چکوبدی پرده سحاب
شعاعی گون کیمی عالملره مسلسلدور

بو نور بیر گون اولور شرق مکّه دن طالع
گورر هامی او جمالی که سرّ مُنزَلدور

ظهور علائمینی جدّی حضرت صادق
خبر ویروبدی، روایت ایدن مفضّلدور

او گونکه یر یوزینی جور و ظلم دولدوراجاق
بنای ظلمی یخان بو امام اَعدَلدور

ظهور ایدر یر اوزین دولدولار عدالتیله
جفا عدالته عالم گورر مبدّلدور

لوای ظلم هامی شهرلرده پرچم آچوب
یاخوندی گَلماقی معلوم اولار معجّلدور

ازل ظهوریده دیوار کعبیه دایانور
بو مختصر خبرین شرحی چوخ مطوّلدور

قویار مبارک الین ذوالفقار قبضه سینه
گورلّه تاج شرفدن باشی مُکَلَّلدور

بلند صوتیله اوّل کمک لرین چاقورور
گیدن کومکلیقا اوچ یوز اون اوچ مکمّلدور

قاباقجا جدّی حسینون او شاه قانین آلار
بو قانی آلماق عدودن اونا محوّلدور

بنی امیّه الینده حسین اولوب مظلوم
او منتقم آلا بو انتقامی اجملدور

حسینه شام غریبان دوتانمیوب زینب
همین عبارت مستور لفظ مقتلدور

آناسی فاطمه گَلدی جنازه سی اوسته
نه گوردی شام غریبانی خیلی ارذلدور

نه واردی شام غریبان دوتان نه آغلیانی
یانان چادردا قیزی نیلسون معطّلدور

ورق ورق یازیلوب جسم پاکی قرآن تک
قلجلارین یری گویا که سرخ جدولدور

اوغول قانین گوتوروب زلفینه یاخوب اوّل
بو قان او زلف مطرّایه زیب اوّلدور

بویوردی حرمتیوی هتک ایدوب بو قوم ندن؟
خیال ایدوبدیله قانون مگر محلّلدور

شکسته تیر و سِنانیله پیکرون بَزَنوب
سپهر تک بدنون نجمیله مجلّلدور

گورنده اللرینی ووردی باشه غشّ ایتدی
او طول مُحنته بو بیر بیان مَجمَلدور

گَلنده هوشه دیدی کیم سنی بو حاله سالوب
کسن بو اللری هانسی خطالی بیر اَلدور

گَلوب کسوک بوغازیندان حزین سسیله صدا
منی بو حاله سالان بیر لعین اعجلدور

کسوب بیلکدن آنا ساربانیم اللریمی
ولیک بارماقیمون قطعی ظلم بَجدَلدور

(حسینی) دلده حسین آدینی ایدوب ازبر
اُلونجه ترکین ایدنمز بو مشق ازّلدور

مدرّس ازلی درسینی ویروبدی اَزَل
مدیر مکتب عشّاقیدن محصّلدور

• سه شنبه
• 9
• شهریور
• 1400
• ساعت
• 20:08
• نوشته شده توسط
• یوسف اکبری

ای منتقم مُنتَظَر، ای قائم موعود
وی گیزلنن انظاردن افکارده موجود

چوللرده سحر آخشام ائدن ناله و افغان
عالم لرین اَرواحی او آغلار گوزه قربان

یابن الحسن ای حجت اثنی عشر الغوث
ای صاحب ثارات شه منتظر الغوث
بو منتظِر احبابوه قیل بیر نظر الغوث
تا کی بولود آلتیندا نهان شمس امامت
تا کی تاپاجاق زمرۀ خفاش جسارت

ای وجه خدا حق یولونا صورتی منهاج
ای قصر مَشید ای هامی شاهلاردان آلان باج
ای بئرِ مُعَطَّل ، هامی عالم سنه محتاج
ذات حق یکتایه شها سوگلی سنسن
توحید و رسالت باغینون نوگلی سنسن

حق وعده ویروبدور اولا اسلام جهانگیر
بو وعده تحقق تاپار آلسان اله شمشیر
قربانون اولوم ائتمه ظهوره داخی تأخیر
گَل دوغرولا تا وعده حی حق داور
دنیانی ائده پرچم اسلام مُسخَّر

پیغمبرینه وعده وئروب خالق اکبر
اول گون که ستمله دولاجاق یئر یوزی یکسر
سن دولدوراجاقسان اونی عدلیله سراسر
عدله هامی آفاقده غالب ستم اولدی
گل عدلیله دولدور یئر اوزی ظلمیله دولدی

مُلغی ائدن اشراریدن عنوان لاری سنسن
فرمانبر ائدن صاحب فرمانلاری سنسن
وآلّلهی آلان یئرده قالان قانلاری سنسن
مظلوم اولان ارواح مُطهر سنی گوزلر
تقصیر سیز اللرده ئولنلر سنی گوزلر

ای مصلح محبوب جهان بشریت
متروک اولوری گون بگون احکام شریعت
قرآن که پیمبر اونی قویموشدی ودیعت
ظاهرده قویور خلق آراسیندا باشا جُهّال
ایلور هره بیر نحویله باطنده لگد مال

ای عزت قرآن، کمک سیزدی بو قرآن
غربی زده لیق قویدی مسلمانلاری حیران
ارباب کلیسا تاپوب آت چاپماقا میدان
تئز گل گتور عیسانی اولا امر مسلم
بیلسونله که تابع دی سنه عیسی مریم

ای جدینه چوللرده ائدن داد و نوا گل
ای گوز یاشی رخساره توکن صبح و مسا گل
آغلار گوزووه شیعه لرین جانی فدا گل
گل منتظر احبابی خلاص ائیله بلادن
مظلوم لرین دادینی آل اهل جفادن

ای گون کیمی نوری بولود آلتیندا قالان گل
ای خرمن کفره قلیجی برق سالان گل
ای کرب و بلاده توکولن قانی آلان گل
طول اولدی زِ بس گردش دوران آرالیقدا
آز قالدی گئده ناحقّ آخان قان آرالیقدا

احباب گوزینده شب تار اولدی گونوزلر
یولاردا قالوب خون دیلیله دولی گوزلر
قان صاحبی قبرینده یاتوبدور سنی گوزلر
گل قانینی آل شیعه لرین جسمینه جان ویر
دشمن لروه قدرت قهاری نشان وئر

ای سلطنت حقه نی تشیید ائلین گل
ای یر یوزینون شرکینی توحید ایلین گل
ای جدّینون احکامینی تجدید ائلین گل
تعطیل ائدوب احکام اللهیّه نی اشرار
قربانون اولوم آل اله شمشیر شرر بار

اجدادون، آتان، عمّن، ایا سرور مهموم
هر تک تکی، عالمده اولوب ظلمیله مظلوم
ممکن دگول اولسون اولارین محنتی مرقوم
عمّن کیمی مظلومه ولی دهرده یوخدور
بالّلهی آنان فاطمه دن غصه سی چوخدور

تاریخ حیاتین یازا عاجزدی قلم لر
قاصردی دلیم شرحینه چکدی نه الم لر
شمشاد قدین ایلدی خم، بارِ ستم لر
گورموب او گورن غملری بیر قدی خمیده
باجادی دئسم عمَّن اگر اولدی شهیده

حقون وار ایا شاه جهان سرور اکوان
هر صبح و مسا عمه وه گر آغلیاسان قان
یوخ مجمع عالمده ایله حالی پریشان
بیر غمکش اونون مثلی گله عالمه هیهات
بیر کس دُوزه عمَّن کیمی هر بیر غمه هیهات

بیر جمع پریشان دل و ارباب نیایش
(سعدی زماندان) بو سوزی ائتدیله خواهش
سنده اولارا قیل ایکی دنیاده نوازش
بیچاره لر ایستور ایده سن لطف و کرامت
دنیاده سلامت بدن عقباده شفاعت

• چهارشنبه
• 10
• شهریور
• 1400
• ساعت
• 14:43
• نوشته شده توسط
• یوسف اکبری

ای ظهورونده سالان نه فلکه ولوله گل
انتقام آلماقا شمشیریوی دور آل اله گل

گل آنان فاطمه نین قانینی آل ثانی دن
غم اوخی سینه لری قویما بو قدری دَلَه گل

نقدر بیز ایشیداخ قنفذ ظالم ستمین
نقدر شیعه لرین شور و نوایه گله گل

گل اوزون یغ بو قرا پرچمی منزلردن
واردی یا سَیّدی سنده نقدر حوصله گل

گل نشان ویر بیزه زهرانین او گیزلین قبرین
آغلادور شیعه نی قان سَیّدی بو مسئله گل

آناوا ظلم الین آچدی اوز ائوینده ثانی
عرشه زهرانین ایویندن اوجالوب هلهله گل

ای گزن چوللری گوز یاشلی ؛ ئورکلر قاندی
گل (علومیده) سالا دامن وصلون اله گل

• یکشنبه
• 4
• مهر
• 1400
• ساعت
• 14:03
• نوشته شده توسط
• یوسف اکبری

گل ای هامی درده دوا یابن الحسن یابن الحسن
حاجت لری ائیله روا یابن الحسن یابن الحسن

(( یابن الحسن یابن الحسن))

گل داده یا صاحب زمان
گونلریمیز کئچیر یامان
سنه فقط گلیر گومان
یابن الحسن یابن الحسن

سن فاطمه بالاسی سان
انتقامین آلاسی سان
شیعه لرین مؤلاسی سان
یابن الحسن یابن الحسن

سنی آنان زهرا جانی
ناحق یئره آخان قانی
کسمه نظر بیزدن آنی
یابن الحسن یابن الحسن

یؤلدا قالیب آغللار گؤزوم
اؤرگیمده گیزلین سؤزوم
فراقیوه نئجه دؤزوم
یابن الحسن یابن الحسن

دای صبریمیز جالاندی گل
جانلار اؤدا قالاندی گل
عمروم داها طالاندی گل
یابن الحسن یابن الحسن

قاپیندا من دیل آچمیشام
گؤز یاشیمدان سئل آچمیشام
حاجتیم وار ال آچمیشام
یابن الحسن یابن الحسن

غمین اؤرک لری اؤیوب
چؤخ دیللری (نالان) قؤیوب
سنسیز هامی جاندان دؤیوب
یابن الحسن یابن الحسن

• یکشنبه
• 15
• مرداد
• 1402
• ساعت
• 14:52
• نوشته شده توسط
• یوسف اکبری

ای عشقی غوغا ، آدی دل صفا سی
عزیز جان سئوگولی ، دل قواسی
امید حیدر گل باغ ایمان
عزیز زهرا گوزلیمسن ای جان

عاشقم ای دلارا حسن رخ جمیله
یاردی حق سنیله ناز ائله جبرئله

سن جان جان زهراسن آی زهراسن
امید فجر فرداسن آی فرداسن
یات ای عزیزیم جانانیم آی جانانیم
طلوع سرخ قرآنیم آی قرآنیم
سن عشقده بی همتاسن بی همتاسن
که وارث عا شوراسن بی همتاسن

سن گل بی بدلسن
هرگوزلدن گوزلسن

عزیز مادر یا مهدی
امید حیدر یا مهدی

ای آسمان شرفین هماسی
شکوه عشقین گل انماسی
گول ئوزلی یاریم مه برج ایمان
گوزل نگاریم گل باغ رضوان

سن گل انماسن حکمت کبریاسن
وارث عشق حیدر آینه ی خداسن

سن جان عشق جانانسان آی جانانسان
سن غیرت جا

• جمعه
• 26
• بهمن
• 1397
• ساعت
• 15:34
• نوشته شده توسط
• ابوالفضل عابدی پور

پیمانۀ عزته صفا مهدی دی
میخانۀ نصرته بقا مهدی دی
سالار زمانه مطلقا مهدی دی
مصداق کلام هل اتی مهدی دی
گنجینه کنز لافتی مهدی دی
خونخواه شهید کربلا مهدی دی

هر درد و غمه ائدن دوا مهدی دی
بیز شیعه لرین شعاری یا مهدی دی

طوفان بلاده سسلرم یا مهدی
احرام و مناده سسلرم یا مهدی
محراب دعاده سسلرم یا مهدی
ایوان طلاده سسلرم یا مهدی
هر ذکر و صلاده سسلرم یا مهدی
سعی اوسته،صفاده سسلرم یا مهدی

ذکر حرم و حِلّ و منا مهدی دی
بیز شیعه لرین شعاری یا مهدی دی

شأنین نئجه شاهانه دی زهرابالاسی
مد حون دیله شکرانه دی زهرا بالاسی
هجرون نه غریبانه دی زهرابالاسی
دل وصلیوه دیوانه دی زهرا بالاسی
جانلار سنه پروانه دی زهرا با

• جمعه
• 26
• بهمن
• 1397
• ساعت
• 15:36
• نوشته شده توسط
• ابوالفضل عابدی پور

ای شیعیان میلاد دلدار آمد
بوی سحر بر جان گلزار آمد
مرغ سحر میخواند این نغمه ز جان
یار آمد و یار آمد و یار آمد
دوران هم عهدی مبارک بادا
ولادت مهدی مبارک بادا

همای عزت و سعادت آمد
بهار خرم ولایت آمد
سرآمد انتظار اهل ایمان
تا آخرین نور امامت آمد
دوران هم عهدی مبارک بادا
ولادت مهدی مبارک بادا

آمد ز ره پور حسن ماه منیر انجمن
بهر قدومش نسترن کرده هوای گل شدن
از سامرا بر شیعیان آید شمیم یاسمن
شد ذکر دل یابن الحسن ، یابن الحسن یابن الحسن
دوران هم عهدی مبارک بادا
ولادت مهدی مبارک بادا

اعجازی از جانانه می گویم کنون
از بیت عصمت آفتاب آمد برون
جشن طلوع آفتاب فاطمه ست
شادیّ دل گشته ز اندازه برون
دوران ه

• سه شنبه
• 3
• اردیبهشت
• 1398
• ساعت
• 11:02
• نوشته شده توسط
• ابوالفضل عابدی پور

سیزون قاپوز در لطف و عطادی یا مهدی
محبّت اهلینه چوخ با صفادی یا مهدی

صفای دلدی سیزون درگهوز محبّ لره
در بهشت حق کبریادی یا مهدی

دیسم خلاف دگل خاک پاک درگاهوز
ملائکین گوزینه توتیادی یا مهدی

سیزون محبّتوزی کیم ویره بو دنیایه
ولایت اهلی دگل بی ولادی یا مهدی

او سائلم که من اسراریمی سیزه دیرم
شکسته نی کیمی شغلوم نوادی یا مهدی

منی قاپوزدان اگر دست خالی قِیترسوز
سیزه سزا دگلی ناروادی یا مهدی

بسیمدی گوشه ی چشمیله بیر نظر ایلسوز
او باخماقوز منه جداً عطادی یا مهدی

دونوبدی قانه گوگللر چو لاله ی رنگین
گئجه گونوز سوزوموز کربلادی یا مهدی

حسین محبّتینی کیمدی جنّته ویرسون
بهشتیدنده بیزه پربهادی یا مهد

• چهارشنبه
• 4
• اردیبهشت
• 1398
• ساعت
• 11:08
• نوشته شده توسط
• ابوالفضل عابدی پور

گلّنوب بو گونده گلشن امامت
جلوه لندی بی حد اولدی باطراوت
گُل گُله باخوب گولدی
گوردی چوخ گوزل گولدی
عاشقان بشارت۲

بو خبر یتیشدی عاشقان عشقه
گلدیلر حضور میزبان عشقه
تهنیت دئیوبلر باغبان عشقه
شاد اولوب قلوب خاندان عصمت
اختر ولا گلدی
خلقه رهنما گلدی
عاشقان بشارت۲

عطری دولدوروبدی اول گلون جهانی
باصفا ائدوبدی قلبی شیعیانی
قالمادی داخی هئچ بیر غم نهانی
ایزد توانا آچدی خوان رحمت
عسکری اولوب خندان
گلدی حامی قرآن
عاشقان بشارت۲

بو گُلون نظیری گلمیوب جهانه
گورمیوب بو گل تک دیده ی زمانه
عطری دوندروبدی عالمی جنانه
مقدمی وئروبدی عرش و فرشه زینت
حجت خدا گلدی
دردلره دوا گلدی
عاشقان بشارت۲

• چهارشنبه
• 4
• اردیبهشت
• 1398
• ساعت
• 11:11
• نوشته شده توسط
• ابوالفضل عابدی پور

گوزلریم یوللاردا قالمیش گوزلورم دلبر گله
هفت طاق و نه رواقین تختینه سرور گله

آسمان عشق اوچون بیر دلبر سیمینه رو
افتخار عالمین و زیب بحر و بر گله

پرتو اقبالی دنیاده در تابنده دور
گلشن عشقه نولی بیر غنچه احمر گله

منشی قدرت چکن بیر نازلی مه سیما نگار
گویلومی تسخیر ایدن هم روحیمه جوهر گله

ساکن خمخانیم مشتاق آغاز بهار
قورخورام باد اجل بو وصله غارتگر گله

خار خشکه قیل ترحم گل گولوم انصاف ایله
تنگدور فرصت مبادا گلشنه آذر گله؟

دایم آردینجا سوروننم تا نفس وار سینه ده
عهد قیلدیم یانسام ار آردینجا خاکستر گله

ملک استغناده حمد اولسون الاهه ساکنم
بیر فقط یول گوزلورم سلطان جان پرور گله

گل قدومین باغ ل

• چهارشنبه
• 4
• اردیبهشت
• 1398
• ساعت
• 11:21
• نوشته شده توسط
• ابوالفضل عابدی پور

چاتاجاقدور منه بير خوش خبر ان شاءالله
وار اميديم كه نگاريم گلر ان شاءالله

گئجه گوندوز باخورام يولاّرا يار عشقينده
گلجاقدور يا بوگون يا سحر ان شاءالله

گورمه ميش عاشقی ام گلمگينی گوزلیورم
منه بسدى باخا گر منتظَر ان شاءالله

آيريليق دردينه يوخ چاره گرك صبر ائلييم
آنجاق آخرده تاپام بیر ظفر ان شاءالله

گر چه من چوخ اوزاقام اوندان او ياخيندى منه
منه اُول ياريم اوزى باش چكر ان شاءالله

اورگيم لاله كيمى قانه دونوب هجرينده
بير باخيشلا منى مسرور ائدر ان شاءالله

آرزومين آغاجى گوزياشيميلان گويروب
وئره جاق نخل اميديم ثمر ان شاءالله

كعبه دن اونداكى گون تك چيخاجاقدور ياريم
غصّه دن قلبيم او دم دينجلر ان ش

• چهارشنبه
• 4
• اردیبهشت
• 1398
• ساعت
• 11:33
• نوشته شده توسط
• ابوالفضل عابدی پور

ای خدای الرّحمان، قئل نظر عطا گلسین
رحم ائله ئوزون یا ربّ، دیللره رجا گلسین

امر ائله گونه گؤیده، ساچلارین آچیب هورسین
تئل به تئل او گیسودن، گوزلره ضیا گلسین

بیرده گلشن عشقه رحمتون سنون یاغسین
عطر جان فشانیندن عالمه صفا گلسین

ای صبا گلستاندا گل لره سلام ائیله
تا کی نکهت جانان، جانه، جا به جا گلسین

ایستئیون مسلمانلار هر نماز صبحوزده
بزم عیش و وحدتدن ساغر شفا گلسین

غرق اولوبدی انسانلار منجلاب شهوتده
ایستئیون مسلمانلار شاه با وفا گلسین

کعبه ی محبّتده عشقی بر قرار اولسون
تخت نوره اگلش سین، صاحب لوا گلسین

صاحب الزّمان عدلین، دولتین بنا ائتسین
آسمان بهجتدن، حقّیدن ثنا گلسین

«بو امام بر حقدی،

• چهارشنبه
• 18
• اردیبهشت
• 1398
• ساعت
• 14:35
• نوشته شده توسط
• ابوالفضل عابدی پور

گل ای امید دل بی شکیب و بی تابیم
گل ای قرار دو چشم خراب و بی خوابیم

گل ای یگانه چراغ هدایت بشری
گل ای شب سیه ایچره ایشیقلی مهتابیم

گل ای سحاب امید و عطا و بخشش و جود
میان دشت سراسر کویر و بی آبیم

گل ای حقیقتِ (مِن ماء کلّ شئٍ حَی)
گل ای جهان سنیلن زنده، حضرت آبیم

دایانما پرده غیبت ده ، چهره گیزلتمه
قوتار بو آیریلیقی ای غریب سردابیم

بو نامرتّبیِ وضع حالیمه ، باخما
گل ای خراب اولونان دلده گنج نایابیم

دیمَم که نوکریوم گر دیسَم یقین گوره جاق
ادب ملاحظه سینده نقیصه آدابیم

او یوزده یوخدی دیَم درگهونده مدّاحم
که مادح اولماقا ائتمز لیاقت ایجابیم

نه نوکرم و نه مدّاح با لیاقتیوم
فقط ایشیم بودورا

• دوشنبه
• 3
• تیر
• 1398
• ساعت
• 10:10
• نوشته شده توسط
• ابوالفضل عابدی پور

غائب اولدی تا امام عصریمیز، عنقا کیمی،
روزگاری عالمین اولدی شب یلدا کیمی
چکدی عالمدن اؤزون بیر دست استغنا کیمی،
نور چشمیم پرده لندی کعبۀ عُلیا کیمی،
گوشه گیر خلوت اولدو دیدۀ پلتا کیمی
.
کنز مخفیدن نهان اولموش کَن اُول دُرّ یتیم،
عالم ناسوته گلدی، اولدی بیر مدّت مقیم
اُول سراج مجلسِ وحدت، صراط المستقیم،
گؤردی اولموش عالم صورتده آسایش عدیم،
دیدۀ اغیاردَن اولدی نهان معنا کیمی
.
اُول کلیم طور وحدت کیم علوّ نام دَن،
والیِ مصر ولایتدیر ازل ایّام دَن
عاقبت چکدی نه غملر، دُؤر صبح و شام دَن،
کینۀ فرعون و قوم شوم و بد انجام دَن،
جیب غیبی ایله دی منزل ید بیضا کیمی
.
کشف اُولوب اُول نور اوّل ابتلای مصطفا،

• شنبه
• 5
• مرداد
• 1398
• ساعت
• 14:31
• نوشته شده توسط
• ابوالفضل عابدی پور