اشعار حضرت زینب(س)

زینب ای دخت ولی / زینت نام علی
بیت وحیین سن دوزوسان/حیدرین اَرشدقیزیسان
زینب ای کان وفا/ بیزه سن ایله عطا
بیت وحیین سن دوزوسان/اسداللهین قیزیسان
گل باغ فاطمه سن/ غمی دیللردن سیله سن
سن عزیز فاطمه سن/دیلده کی دردی بولسن
آدیوی صبح و مسا - دیرم دیرم دیرم دیرم
ای عزیز آل عبا/بیزه لطفیوی سن ایله عطا
منی نوکرلیقا ایله قبول / ایدرم سنه من جانی فدا

یا زینب یازینب

زینب ای کان کرم/آدیوی سسلیرم
دشمنون کام آلمیه جاخ/حرمون بوش قالمیه جاخ
یتیشوب وقت ظفر /ایتمه احساس خطر
علم عباس اسدی/داعشین نسلین کسدی
من اوزوم چون حیدری ام / مست جام علی ام
من اوزوم چون حیدری ام / مجنون زینبی ام
آدیوی صبح و مسا-دیرم دیرم دیرم دیرم
ای حسینه روح و روان/ایدرم سنه من دردی بیان
کرمون بیزه سن ایله عیان/سنه قربان دیلا پیر و جوان

یا زینب یازینب

زینب ای شمس حیا /ای آدی درده دوا
عصمتین بیر اولدوزیسان/حضرت زهرا قیزیسان
تا واردی دخت بتول / اولماز عشق اهلی ملول
سیزی شیعه آتمیه جاخ / بوعلملر یاتمیه جاخ
سن اوزون بیر عالِمه سن/قیل دوا بو نسگیله سن
سن اوزون بیر عالِمه سن / (بیکَسی) گتدون دیله سن

آدیوی صبح و مسا -دیرم دیرم دیرم دیرم
ای گل گلزار ولا/دیلیمزده واربیله نوا
کرمیله اوزون ایله عطا/بیزه لطف ایله کرب وبلا

یا زینب یازینب

• یکشنبه
• 24
• اسفند
• 1399
• ساعت
• 20:42
• نوشته شده توسط
• یوسف اکبری

زینَت نام علی زینب کبرادی ۳
فاطمه نین مَثَلی زینب کبرادی ۳

صاحب احسان و عطا سن زینب زینب
دُختر سلطان ولا سن زینب زینب
عمّه ی ساداتِ هُداسن زینب زینب
شیر زنِ کرب و بلا سن زینب زینب

ای دَفتَر بتوله یازیلمیش گوزل غزل
زینب آدین سنه قویوب ا... لَم یَزل
چوخ صاحب جمالی یارالدیب خدا ولی
بیر دَفعه ده یاراتمیه جاق سن کیمی گوزل

زینب مدد مدد گُل زهرا مدد مدد

گوهر کَنزِ ولا زینب کبرادی ۳
قهرمان کربلا زینب کبرادی ۳

خسته اورکلره صفا ویر زینب زینب
دیده ی احبابه ضیا ویر زینب زینب
مریض عشقیوه شفا ویر زینب زینب
عاشقلره کرب و بلا ویر زینب زینب

صولتده مرتضا ولی سیرَتده فاطمه
غیرتده مرتضا ولی عصمتده فاطمه
حیران قالوب هامی رُخ زیبای زینبه
جَلوَتده مرتضا ولی خَلوَتده فاطمه

زینب مدد مدد گُل زهرا مدد مدد

نور عین مجتبی زینب کبرادی ۳
یار شاه شهدا زینب کبرادی ۳

ایّوب اولوب صبریوه حیران زینب زینب
ای خواهر شاه شهیدان زینب زینب
(بیکَسلره) گَل ایله احسان زینب زینب
عاشقلر اولسون سنه قربان زینب زینب

درباریوین خانیم گجه گوندوز گداسی وار
نام شریفیوین بولورم چوخ صفاسی وار
قووماز کریم لر قاپیسیندان گدالری
گیتسین هارا گدا بو گدانین هاراسی وار

زینب مدد مدد گُل زهرا مدد مدد

• یکشنبه
• 24
• اسفند
• 1399
• ساعت
• 20:44
• نوشته شده توسط
• یوسف اکبری

بیتِ مولا اولوب رضوان
صورتِ مَه لقاسیندان

شأن و شوکَتده یکتادی
ارث آپاریب آناسیندان

ای زمزمه ی لَب/گوزل آدی زینب
فاطمه نین ای گول بالاسی

ای زینتِ حیدر /ای عمّه ی اکبر
زهرا ایوینین ای صفاسی

مُجتبایه دلبر / ای مهربان خواهر
ای عشقی اورکده نهانی

حسینه ای یاور / هامی سنی سسلر
ای کرب و بلا قهرمانی

مددی یا زینب مددی یا زینب مددی یا زینب یا زینب

سن خانیم ماهِ پُر نورِ
آسمانِ ولایت سن

منبع جود و احسان سان
کانِ لطف و سخاوت سن

ای ماهِ شبِ تار /اولدی سنه زَوّار
عرشیدن اَنَنده ملکلر

اوپدی یوزون حَوّا /هم مریم و سارا
گوزل آدیوی سَسلیه لر

ای زاده ی زهرا / ای عشقیده یکتا
حسینیوه چالدون نِیِ عشق

ولایته ساقی / یاندیرما عُشّاقی
پیاله مه دولدور مِیِ عشق

مددی یا زینب مددی یا زینب مددی یا زینب یا زینب

گیتمرم آستانوندان
گول یانیندا اگر خارم

عشقیوه چون اَزل گوندن
سن بولورسن گرفتارم

(بیکَس) و حَزینم /گور نجه غَمینم
اَللرونده آخر گوزوم وار

ای خواهر مولا /زیارته یوللا
دیلده سیزه چوخلی سوزوم وار

بیر عَبدِ ذَلیلم / قاپوندا دَخیلم
واردی اورگیمده شراره

قیل منی سراَفراز /حسینه خاطر یاز
ششگوشه مزاری دوباره

مددی یا زینب مددی یا زینب مددی یا زینب یا زینب

• یکشنبه
• 24
• اسفند
• 1399
• ساعت
• 20:46
• نوشته شده توسط
• یوسف اکبری

دنیایه گلدی تا دختر زهرا
لطف ایتدی خالق یکتا
قدمین قویدی جهانه اولا زینب یاور مولا

بو ایشقلی بیر سراجیدی
حیدرین باشیندا تاجیدی

سپهر عشقه گلدی کوکب
خدا آدین قویوبدی زینب

«زینبین وصفینده دیل عاجز قلم آواره دی چاره سیز درده اونون عشقی یقیناًچاره دی»

زینبا یا زینبا یا زینبا یا زینبا

زینبون گُل آدی روحه صفادی
عشقی هر درده دوادی
بیزه احسان ایده جاقدی قهرمان کرب و بلادی

مرتضانین ای گوزل قیزی
نهر علقمه جاغیر بیزی

آیری قاپیه گیتمروخ بیز
فدای نام زینبوخ بیز

«کربلا خواهی اگر از دامن زینب بگیر چون کلید کربلا در اختیار زینب است»

زینبا یا زینبا یا زینبا یا زینبا

بوهمان قیزدی غوغا ایلیوبدی
محشر برپا ایلیوبدی
قولی باغلی شامیده بو دشمنی رسوا ایلیوبدی

باخ بو قیزدا سن صلابته
دشمنی سالوبدی حیرته

سربه سر احساسیدی زینب
مظهر عبّاسیدی زینب

یوز دوتوبدی تا یزیده چرخ عصمت اولدوزی
سسلدی ای بیحیا لال اول منم حیدر قیزی

زینبا یا زینبا یا زینبا یا زینبا

• یکشنبه
• 24
• اسفند
• 1399
• ساعت
• 20:49
• نوشته شده توسط
• یوسف اکبری

گلدی وقتِ تماشا
شاد اولدی قلبِ اَحبّا
ایشیقلانوب بیت مولا
جمال زینبدن

حیرته دوشدی ائل لر
سووندی غمدیده دیل لر
تعجب ایلوبدی گول لر
کمال زینبدن

گول یوزی مُنجَلی/عمّه ی نُه وَلی
گوزل آدی اولوب/ زیبِ نام علی

مددی یا زینب مددی یا زینب

گُل گلزار خلقت
زینت باغ ولایت
علی ایوین ایتدی جنّت
گوز آچدی تا زینب

کیمسه دویماز اوزوندن
نه کیرپیگیندن گوزوندن
حسین ئوپنده یوزوندن
دییَردی یا زینب

حیدره نور عین/باعث شور و شین
گلوب اولسون خانیم/شریکة الحسین

مددی یا زینب مددی یا زینب

نه گوزل اولدی تقدیر
داعش اولوبدی زمین گیر
دمشقی گویلوم چوخ ایستیر
دعا اثر ویردی

اهل کفر اولدی حیران
کاخ ستم اولدی ویران
چون خون پاک شهیدان
گینه ثمر ویردی

دیل گَرک شاد اولا/غمدن آزاد اولا
شهدایه دیون/ ایویز آباد اولا

مددی یا زینب مددی یا زینب

درگهوزده گدا وار
عشقیزه چوخ مبتلا وار
آرزوی کربلا وار
ای محترم بانو

قیل عنایت (بیکَسم)
امیدیمی قویما کَسم
قبر حسینی گورمه سَم
دوزنمرم بانو

کاظمین سامرا /سوریه نینوا
یاز بیزه اربعین /نجف تا کربلا

مددی یا زینب مددی یا زینب

• یکشنبه
• 24
• اسفند
• 1399
• ساعت
• 20:51
• نوشته شده توسط
• یوسف اکبری

گوز آچوب عالمه بیر کوکب
قدمین قویدی یره زینب

تهنیت ویردی اودم طاها
گوزلرون آیدین اولا زهرا

دامن زهرا آچوب گینه بیر غنچه ی تر
آدی زینبدی اولار زینَت نام حیدر
گَله هیهات عالَمه بو گوزللیقدا خواهر

یا زینب ۲ یا زینب ۲

یا زینب دییَرم اولارام من غلامی
یا زینب دییَرم آلارام کربلامی

یا زینب یا زینب

نور عینِ مرتضا گَلدی
قهرمان کربلا گَلدی

بونا اربابیمیز عاشقدی
زینب اولماق بونا لایقدی

سیرَتی چون فاطمه صولتی شیر یزدان
حَسَنینین باجیسی گُل گلزار ایمان
خواهر عبّاسیدی آدینا شیعه قربان

یا زینب ۲ یا زینب ۲

یا زینب دییَرم اولارام من غلامی
یا زینب دییَرم آلارام کربلامی

یا زینب یا زینب

گول آدی دردلره درماندی
زینبین نوکری سلطاندی

کیم اولوب عشقینه وابسته
اولمییب اولمییه جاق خسته

کُلُّنا عَبّاسُکِ دیدی چوخلی جوانلار
عالمی حیران قوبوب شورو غوغا سالانلار
گینه آماده دیلر گیتماقا بو قالانلار

یا زینب ۲ یا زینب ۲

یا زینب دییَرم اولارام من غلامی
یا زینب دییَرم آلارام کربلامی

یا زینب یا زینب

• یکشنبه
• 24
• اسفند
• 1399
• ساعت
• 20:55
• نوشته شده توسط
• یوسف اکبری

لطف ایدوب حیّ یکتا
گل آچدی گلزار زهرا
مدینیه دوشدی غوغا
مژده ویرون یاران

بیر دل آرا گلوبدی
نایب زهرا گلوبدی
زینب کبری گلوبدی
آدینا جان قربان

بیت وَحین دوزی/سولمین اولدوزی
شاد اولوب مرتضی/گلدی زهرا قیزی

بنت الحیدر مدد

رحمتی بی کراندی
عالمه غوغا سالاندی
عشقی اورکده قالاندی
بو دختر حیدر

ماه انور گلوبدی
شیر دلاور گلوبدی
حسینه یاور گلوبدی
تاج سرِ حیدر

گل باغ ولی/گول یوزی منجلی
سهم و صولتده چون/شیر یزدان علی

بنت الحیدر مدد

مژده ویر شیعیانه
اَله دوشوبدی بهانه
بیزه ویرر عیدیانه
شهید عاشورا

خسته قلبین قراری
حسینین ای غمگساری
قووما قاپوندان بو زاری
به خاطر مولا

ویر بو قلبه صفا
دردیمه قیل دوا
نه اولار بیرده یاز
بیزه بیر کربلا

بنت الحیدر مدد

یوزی رشک جناندی
عالمه محشر سالاندی
عمّه ی صاحب زماندی
بو دختر زیبا

سرو باغ ولادی
انیسی دردو بلادی
شیر زن کربلادی
بو دختر زهرا

(بیکَس) و مضطرم/آدیوی سسلرم
اوگوزل قبریوی/نه اولار من گورم

بنت الحیدر مدد

• یکشنبه
• 24
• اسفند
• 1399
• ساعت
• 20:57
• نوشته شده توسط
• یوسف اکبری

دُرّ عشقه صدف گلوبدی/شیعیانه شرف گلوبدی
مژده اولسون اهل ولایه/دخت شاه نجف گلوبدی(۲)

مددی یا حضرت زینب(۲)

عشقی دیلرده ازلی دی / آتاسی دنیایه ولی دی
قدمین قویدی بو جهانه/ بو گل زیبای علی دی (۲)

مددی یا حضرت زینب(۲)

منبع احسان و سخادی/ دل و جان و روحه صفادی
دردین اولسا آدینی سسله/ گوزل آدی درده دوادی(۲)

مددی یاحضرت زینب

دخت حیدر ایله عنایت / کرمونله ایله کرامت
عاشقانه ور عیدیانه/قسمت ائت بیروقفه زیارت(۲)

مددی یا حضرت زینب

• یکشنبه
• 24
• اسفند
• 1399
• ساعت
• 21:03
• نوشته شده توسط
• یوسف اکبری

منم حیدر قیزی زیبا آدیم وار
صفالی قلبیلر ایچره یادیم وار
نَییم یوخدور منیم آخر جهاندا
حسینیم وار منیم هربیر زادیم وار

««چاره سیز قالانلار/ دردیلن یانانلار
سسله سین اورکدن/ زینب یا زینب»»

منم زینب بلا مشتاقیم من
ره عشق و وفاده باقیم من
کیم ایستیر معرفت تاپسین حسینه
مِیِ عشقِ حسینه ساقیم من

««چاره سیز قالانلار/ دردیلن یانانلار
سسله سین اورکدن/ زینب یا زینب»»

خُم محنتده مین رنگه بویاندیم
دیمه امّا بلالردن اوساندیم
جهاندا صبری من سالدیم ایاقدان
بلا گلدوقجا من دوزدوم دایاندیم

««چاره سیز قالانلار/ دردیلن یانانلار
سسله سین اورکدن/ زینب یا زینب»»

منم زینب عزیز حیدرم من
مطیع امر حیّ داورم من
شریک اولدوم غم و آلامه دیلدن
حسینه غم گونونده یاورم من

««چاره سیز قالانلار/ دردیلن یانانلار
سسله سین اورکدن/ زینب یا زینب»»

خدنگ محنته توش اولسا سینَن
قوتاررام من سنی درد و مُحندن
بوتون (بیکَسلره) یارو مُعینم
کمکلیق ایستیون هریرده مندن

««چاره سیز قالانلار/ دردیلن یانانلار
سسله سین اورکدن/ زینب یا زینب»»

• یکشنبه
• 24
• اسفند
• 1399
• ساعت
• 21:07
• نوشته شده توسط
• یوسف اکبری

زینب ای زهرا بالاسی
بیت مولانین صفاسی
نچه ایلدی اولموشام من
دیلدن عشقون مبتلاسی

سنه من نوکرم/آدیوی سسلرم
قاپوندان من خانیم/ئولونجه گیتمرم

مدد زینب مدد

کوکب رخشاندی زینب
خسته قلبه جاندی زینب
دردمند و بینوانین
دردینه درماندی زینب

آچار مشکل لری/حُسینین خواهری
بیزه احسان ایدر/ کَرَم لی اللری

مدد زینب مدد

عاشقی چوخدور جهاندا
نوکرین ساخلار اَماندا
زینبین باخ شأنینه سن
تاپشیریب صاحب زماندا (عج)

بو بانوی حرم / ائدر دائم کَرَم
کیم اولسا نوکری اولار چوخ محترم

مدد زینب مدد

زینب ای اُم المصائب
دیلده وار بعضی مطالب
عفّت و شَرم و حیانی
ایستوری پوزسون اَجانب

آلور چادر شَبی / بولورسن مطلبی
خانیم قویما گیده / حجاب زینبی

مدد زینب مدد

• یکشنبه
• 24
• اسفند
• 1399
• ساعت
• 21:09
• نوشته شده توسط
• یوسف اکبری

ای دُخت سلطان نجف/یا زینب یازینب
گوهر عشقه بیر صدف
کیم گیده آیری قاپیه
عمرونی ایلیوب تَلف

یازینبا یا زینبا

حقّ سنی تضمین ایلیوب/یا زینب یازینب
عشقیوی تحسین ایلیوب
خالق فردوس بَرین
آدیوی تعیین ایلیوب

زهرایه نورعین سن/یا زینب یازینب
دلیل و شورو شین سن
مقامیوا بسدی خانیم
شریکة الحسین سن

فاطمه نین نایبه سی/یا زینب یازینب
حیدره بنذین سسی
هیچ کسی مأیوس ایلمز
صاحب زمانین عمّه سی

شیر زن دشت بلا/یا زینب یازینب
مُعلم اهل ولا
سن بیل حسینیوین جانی
یاز بیزه بیر کرب و بلا

ای گُل گلزار بتول/یا زینب یازینب
قویما اولاق زار و ملول
بو )بیکَس( و دربه دری
نوکرلیقا ایله قبول

• یکشنبه
• 24
• اسفند
• 1399
• ساعت
• 22:57
• نوشته شده توسط
• یوسف اکبری

ای مدینه گلعذاری
تز داغیتدون لاله زاری
زینبه رحم ایت آناجان
گوزدن آتما سن بو زاری

اوت ویرار نسگیللرون اهل جهانه
نه روادور آغ کفن سن تک جوانه

وای آنام آنام آنام

رخت وصلی سن سویوبسان
سن بابامی تک قویوبسان
بیز کی سندن دویمامیشدوخ
اولما بیزدن سن دویوبسان

ای جوانلیقدا اولان باشی بلالی
نصف شب ایودن آنا گیتمه یارالی

وای آنام آنام آنام

وار گلایم یول کسندن
چوخ یورولدون درد و غمدن
دوشدون امّا سن ایاقدان
پشت درده ضعف ایدندن

گَل دانیش بیرده آنا دردون آلیم من
زخم مسماره گینه مرهم سالیم من

وای آنام آنام آنام

من یتیمی گوزدن آتما
گوزده اشکی قانه قاتما
جسمیوین وار چوخ یاراسی
توپراق آتدا بیله یاتما

واردی بعضی یاره بو خسته بدنده
آغلادوبدی مرتضانی غسل ایدنده

وای آنام آنام آنام

ای نگار بی قرینه
راحت اولدی اهل کینه
بیرده شِکوَه ایلمزلر
ناله ایتمور قانلی سینه

دلده کی مقصود و آماله چاتاللار
اهل یثرب بو گجه راحت یاتاللار

وای آنام آنام آنام

غملی دیلده وار شراره
دردیمع یوخ راه چاره
زینبوندن اوز چوورمه
(بیکَسم) من قیل نظاره

زینبیوی غمده گل آواره ایتمه
ایو دولاندیرماق منه مشکلدی گیتمه

وای آنام آنام آنام

• چهارشنبه
• 27
• اسفند
• 1399
• ساعت
• 21:47
• نوشته شده توسط
• یوسف اکبری

شکسته قلبیمده/آنا واریمدی غم و تَعَب
ئولیدی زینبون/هارا گیدورسن بو نصف شب

صبر ایله آنا/سنه من فدا/
گیتمه یاره لی/ایوای آنا

قیزیوین اوره گین سیخیسان
گیدیسن ایویمی یخیسان
گونوز ایودن آنا باری چیخ
گجه وقتی نیه چخیسان

وای وای وای وای

نجه دایانسینلار/بو غم و درده بالالارون
یارالی جسمونده/هله ویرور قان یارالارون

ای خسته بدن/یاننام غصه دن/
دشمنلر سنی/دویدی ندن

آنا غم سنی دوره لییوب
یارالار هله توختامیوب
ایله بیل بیر اوشاقدی ئولن
دویولن بدنون ارییوب

وای وای وای وای

خیاله گلمزدی/بیله بهاریم گولی سولا
قیزون اینانموردی/کی بش یاشیندا یتیم اولا

قاره باغلارام/سینه داغلارام/
تاواردی نفس/من آغلارام

چخار عرشه سیزیلتی سسی
بوغازیمدا سیخور نفسی
اِله دون منِ (بیکَسی) سن
ایویوین بالا فاطمه سی

وای وای وای وای

• چهارشنبه
• 27
• اسفند
• 1399
• ساعت
• 21:49
• نوشته شده توسط
• یوسف اکبری

زینبم من دخت زهرای بتول
علّت فخریه ی آل رســـــول

زینبم من حضرت زهرا قیـــزی
آل طاهانون ایشیقلی اولدوزی

آدیــمی ا... اوزی تعیین ایـــدوب
لافتی شاهی منی تحسین ایدوب

فخـــر قیلّام من علی فرزندیــم
حیدرین تا آدی وار من زنده یم

اورگـــدوب زهرا منه درس حیا
درس عصمت درس ایثار و وفا

پشت درده اورگدوب درس ولا
درس پشتیبانــی از شیر خدا

اورگدوب انســـان امامـــه یار اولار
گورسه یالقوزدی اونا غمخوار اولار

اورگدوب یتسه امامه هر بلا
حجت اللهه ایدم جانـــی فدا

گورسن اما ئولماقون کافی دگول
زخم اسلامه بو قان شافی دگـول

دین یولوندا ال گوتور دلبندیدن
سن قیزیم ال چکگیلن فرزندیدن

من نجه محسن کیمی وردیم فـدا
لازم اولســا گــیچ بالاندان زیــنـبـا

اورگدوب باش اَگمه سن اهریمنه
گر اسیر اولسان کیچیلمه دشــمنه

کوفیه دیل داغلی قول باغلی گیدم
زاده ی مرجانــــه نی رســـــوا ایدم

اورگـدوب شاماتی مردانــه گـَزَم
قصـر خضراده یــزیـــدی من اَزَم

آدیــــم اولــدی زیـنــت نام علـــــــی
اَللی بش ایل عمروم اولدی غصّه لی

جـدّیمیــز گتــدی دیـار باقیـــــه
بیز دُچار اولدوخ شرفسیز ثانیه

بش یاشیمدان قاره معجر سالمیشام
ظلــــم ثانیـــدن آناسیـــز قالمیشـام

توکدی زینب دائماً گوز یاشینی
ابن ملجم یاردی حیدر باشینی

مجتبایه تشتی حاضر ایتمیشم
لخته قانــی لبلریندن سیلمیشم

بیر بیــله درد و ملالیم بیر یانا
کربلاده بیر یاریم گون بیر یانا

بولمدی بیچاره زینـب نیلیه
اکبرین نعشی گلنده خیمیه

رنگ رخساریم سارالمیشدی اوگون
قاسمین قدّی اوجالمیشدی اوگون

اوردا بیر جوت کوکب بختیم یاتوب
عون و فضل و جعفریم قانـه باتوب

کسدیلر بیر نچّه گون سو یوللارین
سالــدیـلار عباسین اوردا قولّلارین

اوردا گوردی دلغمین اهل حرم
پاره بیر مشکیله بیر قانلی عَلَم

گورجاقیــن یانــدردی قلبین زینبین
اصغرین حلقینده اوچ پر اوخ یرین

بی سبب اولموب بو زلفون آغلیقی
من ربابــه ویرمیشم باش ساغلیقی

آه او دمدن کی اوجالدی شور و شین
زیـنـبـــه تاپشــوردی اطفالــی حسین

تیر هجران قلبیمون باشیـن اویوب
آیریلیب گیتدی منی یالقوز قویوب

زینبم من نار هجران گورمــوشم
ذوالجناحی تک گلنده گورموشم

پرچم آهی اورکده ساچمیشـام
قتلگاهه اَل باشیمدا قاچمیشام

حفظ جـان حجت اللهه گوره
من اَل آتدیم تیغ شمر کافره

چوللره دوشدوم حسینیمدن اوتور
صبر قیلدیم بیرجه دینیمدن اوتور

اینـــدی اما تابیمی غملـــــر آلــوب
غربت ایچره گوزلریم یولدا قالوب

تیــغ تـــک هجران غمــی قلبی بولور
هارداسان تیز گل حسین زینب ئولور

گلســـن اما سویلمــه عباســیمه
قویما گلسین اول دلاور یاسیمه

ایستیرم قانلــی عذاری سولماسین
قولّلاری یوخدی خجالت اولماسین

قویما غم یوز ورسین آخر روحیمه
اَل آتانماز قارداشیـــم تابـــوتـیـمــه

مبــتــلالــر درده درمـــــان آختارار
هر ئولن جان اوسته جانان آختارار

هچ دیمم گل قبریمه گوندر منی
لااقل گـل قبلیــــه دوندر منـــی

صون نفسلــردور منــــــه ای نور عیــن
زینبون جان اوسته دور تیز گل حسین

بسدی(بیکَس)مطلبه چوخ ورمه طول
بســــدی بیر بیتـــی،اگر اولسا قبــــول

• یکشنبه
• 1
• فروردین
• 1400
• ساعت
• 18:49
• نوشته شده توسط
• یوسف اکبری

گوزوم قالدی یوللاردا قارداش
باجون جان ویریر گَل هَرایه

بَلالی باجون زینَب ایندی
باخور کربلایه

عشقون ووروب بوینوما اَللی ایل گورنه زنجیر
یازدی فراقی بیزه نیلیوم دَستِ تَقدیر
جان اوستیَم دردیمی گَل دیوم باری بیر بیر
حسین جان سنی گویلوم ایستیر

ایوای یارالی یارالی یارالی یارالی3
یارالی حسینیم

یوزون اوسته قارداش دوشَنده
چوخور یرده دشتِ بَلاده

یتوب گوردی زینب وجودون
قالیبدی آراده

یاندیم سَنون پیکَرون قان ایچینده گورَندن
خَنجَر یری گیتمیوبدور اَلیمی بولَندن
قَمچی آیردی، باجون یوخسا دویمازدی سَندن
آیردی او باشسیز بَدَندن

ایوای یارالی یارالی یارالی یارالی3
یارالی حسینیم

خَبر ویر فَرات اوسته قارداش
یارالی یاتان شیر مَرده

ئولور یدّی قارداش باجیسی
قالور نعشی یرده

یوخ یوخ دینَن گَلمه سین دَفنه اُول سَرو قامت
آیری دوشوب قوللاری جسمیده وار جَراحَت
تابوتیمه اَل آتانماز چَکر چوخ خجالت
چَتیندی بولورسن شماتت

ایوای یارالی یارالی یارالی یارالی3
یارالی حسینیم

اگر گَلمه سن گَلمه قارداش
گلایه سَنه ایتمَرَم من

بویور اَکبره شامه تز گیت
ئولور (بیکَس) عمّه ن

آتدان دوشَن گون علی اکبریم سَر شکسته
ایتدی وَفا زینَبون سَنله عَهدِ اَلَسته
پَرپَر اولان اَکبرین گَلمیشم باشی اوسته
دینَن گَل، ویریر جان، بو خَسته

ایوای یارالی یارالی یارالی یارالی3
یارالی حسینیم

• یکشنبه
• 1
• فروردین
• 1400
• ساعت
• 18:52
• نوشته شده توسط
• یوسف اکبری

عشق عالمی آشوبه گلوب جوهر طبعیم
لبریزیدی احساس غمه ساغر طبعیم

جوهر آرا ال تاپدیم ازل مطلبه گویا
روحیم قوشولوب دخت علی زینبه گویا

زینب آدی گلدی گئنه سهل اولدی وصالیم
بیر بحر خروشانه دؤنوب شط خیالیم

واللّهی نه وار بیلمیورم زینب آدیندا
یازدوقجا شجاعت گورورم زینب آدیندا

حورالر اوچون مشقیدی بو زینبون آدی
اعلاء سخن عشقیدی بو زینبون آدی

جان ستمـه واهمه دی زینبون آدی
نامِ دگر فاطمه دی زینبون آدی

حیدر آدینون زینتیــدی زینبون آدی
الله قانیـنون قیمتی دی زینبون آدی

غم کش لره روحـیـّـه دی بو زینبون آدی
حق دیللره نشـریـّه دی بو زینبون آدی

بی چاره لر آئینه سی دور زینبون آدی
مظلوم لرون سینه سی دور زینبون آدی

آزادیـّـتون هِیکلیدی زیبون آدی
شاه شهدا مقتلیدی زینبون آدی

کیم دی بو خانم داغدان اوجا همّتی واردی
هر محفل غیرت ده اونون صحبتی واردی

کیم دی بو خانم رمز بقا غیرته وئردی
کیم دی بو خانم درس شرف امّـتـه وئردی

کیم دی بو خانم ییخدی یئره مین بئله مـَردی
یاندیردی جفا ریشه سینی آتشِ دردی

کیم دی بو خانم منطق آرا آدی مـَـثَل دی
بیر کـلـْمه سی پیکان سایاقی دشمنی دَلدی

کیم دی بو خانم شهرت دیرینه سی واردی
اهل حسدیلن دل پر کینه سی واردی

کیم دی بو خانم بند اسارت لری قیردی
حق پرچمینی بزمگه باطله ووردی

کیم دی بو خانم عصمتینی ائتدی مجسّم
حسرتله باخار شوکتینه مردم عالم

کیم دی بو خانم قدرت آلوب شاه نجف دن
هند اوغلو تا روز ابد سالدی شرفدن

کیم دی بو خانم گؤرسدیب آثار رشادت
تاریخیده وار کیم ده بو اندازه شهامت

کیم دی بو خانم درد و غمه مشتری اولدی
تصویر بلا نقشه ی انگشتری اولدی

کیم دی بو خانم ایندی ده چوخ دشمنی واردی
امّا نه صلابت له قالان مدفنی واردی

بیر نابغه بانودی بو تاریخ بشر ده
اسلام آدینی حفظ ائلدی پشت سپر ده

کیم دال چووروب زینبه تز راهین ایتیردی
هر کیم که چاغیردی آدینی فتحه یئتیردی

پس جوششه گل خامه دئنن کیمدی بو زینب
پایان وئروب آلامه دئنن کیمدی بو زینب

محنت یولونون عاشق شیداسی دی زینب
مجنونیدی ثارالله و لیلاسی دی زینب

حق حیطه سینون ذرّه رخشانی دی زینب
قارداشینون حق اوسته باتان قانی دی زینب

میدان مصییاته رجز خوانیدی زینب
آند اولسون علی جانینه طوفانیدی زینب

ظلمت گئجه نین جلوه لی فانوسیدی زینب
عاشور بلانین بلی ناموسیدی زینب

نطق عالمی زهرا ائوینون پیری دی زینب
جنگ عالمی حیدر الینون شیری دی زینب

اسرار بلا دشتینه آگاهیدی زینب
ثارللهـّین حلقونده اولان آهیدی زینب

دیلده بوغولان غصه لی احساسیدی زینب
هم قاسم و اکبردی هم عباسیدی زینب

یتمیش ایکی جانبازه ئورک داغلیان اولدی
اردوی پریشانه علم ساخلیان اولدی

اسرار بلایانی ائدوب قلبیده توشه
دیل یاره لی کوفه دولانیب کوچه به کوچه

عریان دَوه لر اوسته گئدور غملی قطاری
آغوشه آلور قمچی گویردن بالالاری

دشمن ده عیان اولدی او گون شدّت جهلی
داش وورماقا آماده اولوب کوفه نن اهلی

دیداره گلوب وجد و سروریله جماعت
بیرده ائده لر یاره لی باشلاره اهانت

گوللر یئرینه باشینه کوللر اَلـِـیوللر
بیرده اُسرا یاره سینی تازه‌لِیوللر

زینب دی آچان هر گرهی وقت بلاده
قیزلاردا بیر گؤزی،بیر گؤزده جداده

بیر باخ دئدی غمخواریوه سرنیزه ده قارداش
باشسیزلاریوی ایلدیلر غمزده قارداش

بو حالی گوروب عترتیوه آغلاموسان سن
قیزلار دویولور گوزلریوی باغلاموسان سن

آند اولسون آنام فاطمه یه منده دؤزوم وار
بیر نیزه باشیننان منه باخ دیلده سؤزوم وار

عالم بیلوری چوخدی سنه قارداش علاقم
من عاشق قرآن اوخویان قانلی دوداقم

عفو ایله منی گر ائلسم شیون و ناله
پرپر وورورام من بیلوسن شوق وصاله

بو کوفه لی لر عادت ائدوب آتماقا داشه
رحم ایلمز حتی بو کسوک یاره لی باشه

سن ایله دعا قدّیمی غم أگمیه قارداش
بیر ایش گورورم غیرتیوه دگمیه قارداش

ئولسم ده حسین شامه کیمی باشون آپارّام
داش دگسه سنون باشیوه من باشیمی یارّام

هر نوعیدی زینب بو مصیباته دایاندی
قلبینده اولان جام شکیباسی جالاندی

سر گشته گزوب چوللری جان جان دئدی یاره
اول یاره لی باشدان گئده بیلمزدی کناره

گوز گوزده گلوب شامه کیمی زینب او باشلا
دریایه دؤنوب باخدیقیجا گوزلری یاشلا

باجی دولانان یئرلره قارداشی باخوردی
زینب ده بیر اولدوز کیمی محنت ده آخوردی

بیر یئرده ولی یومدی گؤزون اول نگران باش
تاب ایلمدی باخماقا ویرانه ده قارداش

ویرانه لی لر، باغلی گوزون گوردی حسینی
او لحظه کی سسلندی بابا،نور دو عینی

‌حسّاسیدی زینب او شیرین دیللی بالایه
دوزمزدی رقیه قوشا سس آه و نوایه

اول شب که رقیه ایاقی باغلی وئروب جان
ال باشدا هراسان دولانیب زینب گریان

آلمیشدی قوجاقه بالانین جسم ضعیفین
اول قمچی اذّیت ائلین جان نحیفین

آرام او قیزون قیرداجا قولارینی آچدی
هجران اوخونی سینه ی درد اهلینه ساچدی

دورت گوشۀ ویرانه نی گزدیردی هراسان
گوز یومدو بالا سسلدی زینب گل حسین جان

شیرین سخنون خسته دی زینب قوجاقیندا
جان وئردی بابا آدی او یاره دوداقیندا

بو لحظه ده آواره لیق حالیله بوروشدوم
آواره قالان ساعتیوون یادینه دؤشدوم

ایندی بیلورم لحظه آخر نه چکوبسن
قالمیشدی قوجاقینده که اصغر نه چکوبسن

نه نوعیله میدانی دولاندیردین حسین جان
عالم ئورگین حالیوه یاندیردین حسین جان

نه خیمه یه گلدون نه ده میداندا دایاندون
قیزلاردان اوتاندون اودی تل اوسته یوباندون

درک ایلدیم ایندی نه چکوبسن آتام اوغلی
اوچ پر اوخی نه نوعی چکوبسن آتام اوغلی

• سه شنبه
• 3
• فروردین
• 1400
• ساعت
• 14:33
• نوشته شده توسط
• یوسف اکبری

شجاعتین سَماده تختی مکان زینبه‌دی
طریق عصمتین اسراری عیان زینبه‌دی

سُراغ پیر خراباتِ عشقی قصد ائله‌سن
اونون مقامی گؤررسن کی جوان زینبه‌دی

دئمه اولدوزلاری گوی صفحه‌سینه چوخ یاراشیر
گویدن آرتیق اتگینده یاراشان زینبه‌دی

اونون حیاسی‌دی غالب تمامِ عرصه لره
وجود ظلم فقط بیر هیجان زینبه‌دی

او قدر آدین دییرم تا گئدیب بهشته گؤرم
خدای عشقیدن هدیه جنان زینبه‌دی

مسیر کوثری تاپماقدا یقین حاصل اولا
گؤرم ختامیده انهاری روان زینبه‌دی

چکیبدیلر قلمه قهرمان عصر لری
یارانیبدی حماسه‌لر کی نشان زینبه‌دی

نئی اتحاف ائدوم قدومینه بو وصفیله من!؟
دولانماقیندا دا شرمنده زبان زینبه‌دی

کی وصف زینبی تکرار حقیقت بیلَرَم
یازیلانلار هامی دفترده عیان زینبه‌دی

جوهر عشقیدی زُهدی ائدن عرفانه عوض
جلوس منبر عشّاق جهان زینبه‌دی

عشقینه شکّ ائله‌سن عومرون اولار شاعر عبث
اینانیلماز او کمالاتی اینان زینبه‌دی

• چهارشنبه
• 4
• فروردین
• 1400
• ساعت
• 22:00
• نوشته شده توسط
• یوسف اکبری

دین و قرآن زنده از روحِ سِتَبْرِ زینب است

روحِ ایّوبِ نبی٬ حیرانْ زِصبرِ زینب است

کُلُّنا عَبّاسُکِ زینبْ٬ فقط یک حرف نیست

حفظِ ناموسِ تَشَیُّعْ٬ حفظِ قبرِ زینب است

آسمان تعظیم ائدر روحِ سِتَبرِ زینبه

غبطه ایلر حضرتِ ایّوبْ٬ صبرِ زینبه

تاابالفضل‌عشقی‌حاکمدور٬قلوبِ شیعیه

چپ باخانمز داعش و وهّابی قبرِ زینبه

• پنج شنبه
• 5
• فروردین
• 1400
• ساعت
• 16:13
• نوشته شده توسط
• یوسف اکبری

حسین حسین نقدر ماجراسی وار باشوون
بلالیدور غم بی انتهاسی وار باشوون

یتنده کوفیه گوردوم بیر عده ناله ایدور
هزار شکر اولا چوخ آشناسی وار باشوون

جدا باشیندان ایشیتدیم گوزل تلاوتیوی
باشیم اوجالدی عجب خوش صداسی وار باشوون

گتیردی باشووی خولی آلا هدیه سینی
اودا بیلیردی که حتمً بهاسی وار باشوون

تلاش ایدولّه که سئنسین مقام و منزلتون
مقام و منزلت کبریاسی وار باشوون

باجون ئولیدی باشون بیر گیجه کول اوسته یاتوب
اولوم فدا اثر دلرباسی وار باشوون

گوزوم چخیدی گوزونده کولون علامتی وار
فراز نیزده آی تک نماسی وار باشوون

اگرچه کوللرین اوسته سالوبلا بستریوی
او حالیلن گینه گون تک ضیاسی وار باشوون

او یاره سجدو گهوندن دگوب نه یاره سیدی؟
باجون ئولیدی حسین داش یاراسی وار باشوون

بلالی باشیمی یاردیم گورنده حالتووی
گورن دیور نیه قاندان حناسی وار باشوون

نه چاره چاتمورالیم تایووام محاسنووی
سیلم قانین گوره لرنه صفاسی وارباشووون

حسین او یاره لره گوز یاشیم اولار مرهم
طبابت ائتمگه منده دواسی وار باشوون

مصیبتون نه آغیردی گوگه قرا چکیلیب
مقام عرشیده بزم عزاسی وار باشوون

رضای حقّه گوره باش ویروب مقام آلدون
رضای حقّه ازلدن رضاسی وار باشوون

او قانلی گوزلریلن اهل بیته ایله نظر
نقدر گور باجوون اولسون فداسی وار باشوون

وداع ایدنده صد افسوس اؤپنمدیم گوزووی
قاباقدا من نه بلیدیم بلاسی وار باشوون

قوتاربو مطلبی (احسان) جنون گلر باشووا
مواظب اول که دییللر هواسی وار باشوون

دیسونده عاقله یوخ؛ عاشقه بیان ایله
اولار بیللَّه غم کربلاسی وار باشوون

• یکشنبه
• 8
• فروردین
• 1400
• ساعت
• 12:12
• نوشته شده توسط
• یوسف اکبری

نور عالمگیر ذات کبریا زینبده دی
چشمِ صَدحُور و فرشته دلرُبا زینبده دی

عزّت خلقتدی بو صاحب زمانون عَمّه سی
چاره سی هر مُشکُلون بِنت اُلهدی زینبده دی

باخما گویچک قبرینه حسرت قالوب زائرلری
ظلم ایوی ویران اولان ایودی بَقا زینبده دی

قامت غیرتدی زهرانون بو مَرداَفکن قیزی
صبر و تابِ حضرت خیراَلنساء زینبده دی

نطق آتشبارِ زینبدور رقیبِ ذوالفقار
هیبت و حُرّیَتِ شیر خدا زینبده دی

مادر گیتی دوغانمز بیرده همتا زینبه
صبرِ بی پایان و عشقِ بی ریا زینبده دی

زینبه تَشبیهِ مَریم لَر غلط اندیشه دور
چشم حُورا سُفرهء کانِ سَخا زینبده دی

دردمند اولسون اَل آتما دامنِ بیگانیه
مُعجزِ عیسالری بوشلا، دوا زینبده دی

• پنج شنبه
• 12
• فروردین
• 1400
• ساعت
• 12:02
• نوشته شده توسط
• یوسف اکبری

گنه شکر لله کی ميلاد اولوب
بحمدالله اهل ولا شاد اولوب
يازيم لطف حقّيله بير مثنوی
تايين يازميوب انور و منزوی
سحر چاغی سِحر حلاليله من
گزيرديم، زمانی، خَياليله من
قييتديم دالی پنجم هجرته
دئنن مرحبا بير بئله همّته
اؤتورموشدوم ائوده باخيرديم گويه
گوروردوم گلور بير گوزل قوش ائوه
او دم سؤيلدی هاتف ملک راز
بشيرا بشيری ائله پيشواز
صدای محبت سسيندن گلور
بنی هاشمين کوچه سيندن گلور
دوروب ياکريمه سلام ايلديم
قنادين ئوپوب احترام ايلديم
دئدی گل گئداق شهر پيغمبره
او شهر ايچره واردور گوزل منظره
دئديم ای بشارت قوشو ياکريم
منيم اوچماقا يوخدو بال و پريم
دئدی غم يئمه٬ سن به صوت جلی
گوزون يوم چاغور صدقيلن ياعلی
اوجاتديم اليمی به حال قنوت
اليمدن دئديم دست لطفيله دوت
ائليکی دئديم خُذ يَدی يا علی
اليمدن ياپوشدی يدالله اَلی
او قوش اوشدی آرديجا من پُر شتاب
دييردون شاخور گويده بير جوت شهاب
اولوبدور جمادیّ الاوّل آيي
گوزيمی آچوب گويده گوردوم آيي
نه آی، عالمی ايليوب منجلی
بودور مطلبين آخيری اوّلی
او آيينه دور آی دگول بی گمان
وئرور زينبين نور پاکين نشان
تخيّل گوزيله باخاندا يئره
گوزه جلوه لندی گوزل منظره
گوزيمه گوروندو ولايت باغی
ولايت باغی يا محبّت باغی
همان باغ کی مشهور اولوبدور فدک
چيچک درديم اُول باغيدن بير اتک
دريب دست عشقيله گول باغلاديم
ز بس شاديديم شوقيدن آغلاديم
ديوم نه گولو درديم اُول باغيدن
چکيلمز ایيي باغيدن داغيدن
قيزيل گول، گورنده ديير خاص و عام
رسول امينه درود و سلام
قيزيل گوللری ايسترم جان کيمی
نه جان، ايسترم بلکه جانان کيمی
او بير دسته گول بلبل ائتدی منی
دولانديم سراسر او خوش گلشنی
گوزل بير ثمردور گل تجربه
يئتيشديم غرض بلده ی يثربه
نه گوردوم ائدور بحر نور اوردا موج
سمادن ملک لر گلور فوج فوج
سپور جنّت اهلی او شهره گلاب
يئر اهلينی مدهوش ائدور عطر ناب
دئديم ياکريمه کرم ايلدون
منی لايق بو حرم ايلدون
حرم يوخ حريم عدن دور بورا
کی کاشانه ی پنج تن دور بورا
دئدی باخ او پنج تنين جمعينه
او جمعين ايچينده حيا شمعينه
باخاندا نه گوردوم عجب خانه دی
بيری شمعدور دوردو پروانه دی
اونا بيلمورم شمع يا گول ديوم
او گول عشقینه خلقه بولبول دیوم
خانيم فاطمه گولدو جنّت گولو
سارالماز يقين باغ عصمت گولو
قوجاقه آلوب بير گوزل غنچه نی
او غنچه صفالنديروب گلشنی
ائله غنچه، گول مثلی اطيب دی او
آتا زینتی یعنی زینب دی او
او مولود زيبادی گول پيرهن
قوجاقه آلور بیر به بير پنج تن
نبیّ و علیّ و بتول و حسن
گولوللر، چمنده گولور ياسمن
اولوب زينب اُول گلشنه زيب و زين
آچوب بال و پر قوش مثالی حسين
دئديم آديوه من فدا ياحسين
عزيز دل مصطفی ياحسين
گل باغ خیرالنسا یاحسین
فروغ رُخ مرتضی یاحسین
او آلله کی خلق ايليوب کوکبی
سنه گورمه سين چوخ، باجون زينبی
منيم باشيمه سايه سال ياحسين
بو دسته گولو مندن آل ياحسين
گولو آلدی مندن وئروب زينبه
دئديم شکر اولا چاتموشام مطلبه
گنه اُول گولو وئردی مولا منه
منی تاپشروب خالق ذوالمنه
بويوردی فدکدن دروبسن آپار
اونو سن وئر عشّاقيمه يادگار
اولان ای امام حسين عاشقی
حسين چوخ سؤور عاشق صادقی
صداقتله من گلموشم هيئته
سیزون تک نچون عاشقم عترته
ولايت بهارين گوروب گلموشم
مدينه ديارين گوروب گلموشم
بورا گلموشم عشقه تعظيم ائدم
بو دسته گولو بلکه تقديم ائدم
اوزوم خارم امّا سوزوم دسته گول
اگر چه چوخ اولدو ولی بس دگول
الهی هامی درده ايله دوا
بوگون هر مريضه اوزون وئر شفا
کيمين حاجتی واردی ايله روا
بيزه قسمت ايله گنه کربلا
خانيم زينبه خاطر ای دادگر
عنايت ائله قوی سوزومده اثر
حسين درگهينده غلام اولموشام
اودور لايق احترام اولموشام
به حقّ حسين و به حقّ حسن
باغيشلا منی ای حق ذوالمنن

• یکشنبه
• 15
• فروردین
• 1400
• ساعت
• 20:42
• نوشته شده توسط
• یوسف اکبری

مژده مژده ای شیعیان علی
چراغان شده آسمان علی
با نور کوکب/ شد روشن امشب
زهرا خوشحال است/ آمده زینب
زینب یازینب (۲)

زهرا زهرا زهرا دختر آورده
دریا دریا دریا گوهر آورده
زینب چو زهراست/ مانند دریاست
گوید فرشته/ نامش چه زیباست
زینب یازینب (۲)

گلی از گلشن احمدی آمد
عطر گل محمّدی آمد
مشتاق نوریم/ غرق سُروریم
در بزم شادی/ پُر شوق و شوریم
زینب یازینب (۲)

بیر گول آچدی که عالمین سووندی
زینب گلدی حسن حسین سووندی
طاها سووندی/ مولا سووندی
شاد اولدی عالم/ زهرا سووندی
زینب یازینب (۲)

فرشته لر دسته دسته گول سپور
حوری لر زینبین الیندن ئوپور
شاد اولدی یکسر/ آل پیمبر
شیعه٬ علی دن/ بایراملیق ایستر
زینب یازینب (۲)

بهشته دوندی مدینه دیاری
گلدی دنیایه عشقین عیاری
حیدره زینت/ کوثره عزت
اسوه ی عفت/ الگوی عصمت
زینب یازینب (۲)

دوزدور که حق یولدا باشی اوجالار
اما غملر الینده تئز قوجالار
آغارار باشی/ آخار گوزیاشی
گئدر الیندن/ یئددی قارداشی
زینب یازینب (۲)

کیم آغلاسا بونا٬ بویوردی طاها
حسن حسینه آغلیوبدی گویا
درده دوادی/ قلبه صفادی
دیون هر یئرده/ مشکل گشادی
زینب یازینب (۲)

• یکشنبه
• 15
• فروردین
• 1400
• ساعت
• 20:45
• نوشته شده توسط
• یوسف اکبری

گل بپاشید ای/ عاشقان امشب
شد چراغانی / آسمان امشب
آمده دنیا زاده ی زهرا
زینت حیدر زینب کبری

شاد باش ای دل / جشن میلاد است
مرغ جان ما / از غم آزاد است
نور باران شد / شهر پیغمبر
هم حسن شاد است هم حسین شاد است
بر جهان امشب_ زد قدم زینب
شوق حق در سر ذکر حق در لب

غنچه ای وا شد / نو بهار آمد
بر مشام ما / عطر یار آمد
حبذا امشب / آل حیدر را
مایه ی عز و / افتخار آمد
آیه ی کوثر جان پیغمبر
زینب است نور خانه ی حیدر

بو قیزیل گولده / چوخ طراوت وار
هم گوزللیک وار / هم لطافت وار
زینبی آلله / انتخاب ا,تمیش
نام پاکینده/ عطر جنت وار
مثل اولدوزی سفره یه دوزدی
شاه مردانه مهربان قیزدی

مدح ا,ده بیلمز / قطره دریانی
اوپدی حوریلر / طفل زهرانی
زینب کبری / ایله گولدور کی
عطریلندیردی / کل دنیانی
بیله پای اولماز بیله آی اولماز
کل عالمده بونا تای اولماز

ای دلیم هر آن / سسله یازینب
ایسته سون رضوان / سسله یازینب
صدق قلبیله / ایستیورسن گر
دردیوه درمان/ سسله یازینب
بیله آد اولماز گولدی بو سولماز
عشق یار اولسا قلبه غم دولماز

حیدرین باشدا / تاجی دور زینب
کعبه ی عشقه / حاجی دور زینب
کیمدی بو کیمدی / شاه عطشانه
هم آنادور هم / باجی دور زینب
هامی بیماره ایلیر چاره
حیف اولا دایم گییجک قاره

باخدی مولوده / مصطفی گولدی
فاطمه گولدی / مرتضی گولدی
باغ خلقتده / بو بالا گولدی
هم آتا گولدی / هم آنا گولدی
بوستان دین گلشن آیین
عطر زینبدن اولدی عطرآگین

بو گجه آیری / دوشمه خوباندان
عشقوی ابراز / ا,ت دل و جاندان
دم غنیمتدی / یاخشی فرصتدی
ایسته بایراملیق / شاه مرداندان
هم دوا ایسته / هم شفا ایسته
بنت زهرادن / کربلا ایسته

درده درماندی / زینب کبری
بذل و بخشش ده / ایله بیل دریا
ای اولان دردی / جشن میلاده
گل امیدیله / نا امید اولما
شیعه ی حیدر قلبیدن سسلر
ای بشیر اولسون _ حق سنه یاور

• یکشنبه
• 15
• فروردین
• 1400
• ساعت
• 20:49
• نوشته شده توسط
• یوسف اکبری

غصّه لی ایّامیده گلمه دی قارداشلاریم
جان وئریرم شامیده گلمه دی قارداشلاریم
یولدا قالوبدور گوزوم
دیلده واریمدور سوزوم

چاره لری اولمادی یوخسا گلردی اولار
غمله یانان قلبیمه گونده گلوب غم دولار
علّت اودور دمبدم گول کیمی رنگیم سولار
خانه ی غم فامیده گلمه دی قارداشلاریم

بیلمورم هئچ هانسی بیر درد و غمه آغلیوم
چاره یوخومدورگرک قلبیمی من داغلیوم
قبلیه ساری دؤنوم اؤز گوزومی باغلیوم
قالمیشام آلامیده گلمه دی قارداشلاریم

شیرخدانین قانی شیر ائلیوب زینبی
لیک حسینون غمی پیر ائلیوب زینبی
محنتی بو دهریدن سیر ائلیوب زینبی
بو چتین هنگامیده گلمه دی قارداشلاریم

زینبم عمروم بویی چوخ یارالار باغلادیم
آتش آهیمله من سینه لری داغلادیم
یدّی گؤزل قارداشا شام و سحر آغلادیم
حیف، سرانجامیده گلمه دی قارداشلاریم

الّی بئش ایل اولدی کی آغلادی القان گوزوم
غصّه و غمدن منه قالمادی ذرّه دؤزوم
حیف دیه بیلمه دیم قالدی اؤرکده سؤزوم
آیریلیق آخشامیده گلمه دی قارداشلاریم

آغلامیشام قبره جک آغلا «بشیر»ا منه
منده نظر ایلرم محشر اولاندا سنه
یاد ائله بو لحظه می سؤیله دیلیمجه گئنه
جان وئرروم شامیده گلمه دی قارداشلاریم

• دوشنبه
• 16
• فروردین
• 1400
• ساعت
• 17:55
• نوشته شده توسط
• یوسف اکبری

بیر عمری دوشوب درد و غم و مشکله زینب
سانکی یارانیب اولسون آنا نیسیکله زینب

صیدقیله گلن‌لر آلاجاق جنّتین عطرین
رحمت قدمین قویسا اگر محفیله زینب

عمریجه اونوتمادی اولو تانری‌نی بیر آن
یعنی کی اونوتموشدو اوزون بیر بئله زینب

آچدی گوزونو بیرجه گوزلّیک‌لری گوردو
مین دردی چکیب ایلمه‌دی بیر گیله زینب

آدلاندی دوزوم داغی او قدری غمه دوزدو
شیکوه سوزونو سالما، گتیرمز دیله زینب

یاددان بئله بیر صحنه‌نی تاریخ، چیخاتماز
تلّ اوستن الی باشدا قاچوب مقتله زینب

قورتاردی شهادت ولی باشلاندی اسارت
حق بایراغین عباس تک آلدی اله زینب

هم گول‌لری ساخلادی تیکانلارین ایچینده
هم دیندیریب اطفالی گتیردی دیله زینب

فیکرین دنیزینه نقدر جومدوم او قدری
دوشدوم باشا وُورماز باشی‌نی محمیله زینب

نطقیندن اونون ایندیده ظالم‌لر اسیرلر
ظولمون جانینا گور نه سالیب زلزله زینب

قارداشلاری‌نین هئچ بیری اولمادی یانیندا
جان اوسته دئدی سوزلرین آخر یئله زینب

دنیاده حسین‌ین غمی اُول قدری یوروبدور
فکر ایله‌میرم قبریده‌ده دینجله زینب

اعدایه مدافع‌لر ائدیر بو سوزو اعلان
جان کعبه‌سی‌دیر اهل ولایه هله زینب

آیری قاپیا بو قاپی‌دان گئتمه بشیرا
اخلاصیله یاز شعریوی ویرسین صله زینب

• دوشنبه
• 23
• فروردین
• 1400
• ساعت
• 15:47
• نوشته شده توسط
• یوسف اکبری

زینبم من عالمه درس شهامت وئرمیشم
درس ایثاروشجاعت درس غیرت وئرمیشم

عالمه حق آنام زهرانی اثبات ایلدیم
تک باشا من زاده ی مرجانه نی خوارایلدیم
دشمن دینون ائوین نطقیله برباد ایلدیم
قانیمیلن دین اسلامه شرافت وئرمیشم

من بابام حیدر کیمی اعدایه لرزه سالمیشام
همتیلن قوللاری باغلی دمشقی آلمیشام
پرچم دینی یزیدون قصرینه ساشدیرمیشام
کل مردانه اوگون من درس عزت وئرمیشم

هرباجی ایستروئرنده جان اولا قارداشلاری
بختی قاره زینب اما هی گورور داغ داشلاری
بیرمنم بیرده قالوبدورزینبه گوزیاشلاری
گورنه وضعیلن حسین غربتده من جان وئرمیشم

ایندی اما حیف اولا یوخ هئچ کسیم بیراغلیا
گوزلریمی یوخدی عباس دلاور باغلیا
وای باجیم ای وای دئیوب قلب جهانی داغلیا
اللریم قوینومدا من شاماتیده جان وئرمیشم

خلعت شایانینی زینب وئروبدور«حیدره»
پس اودورکی گوز آچاندان اولدی عاشق زینبه
وار امیدیم جان وئرنده دادیمه زینب گله
گوز آچاندان زینب کبرایه من دل وئرمیشم

• چهارشنبه
• 25
• فروردین
• 1400
• ساعت
• 15:50
• نوشته شده توسط
• یوسف اکبری

او زینبی کی ملک فخر ائدور جلاتیتینه
او زینبی که فلک ناز ائدور صلابتینه
او زینبی کی حسین عشق ائدوب شهامتینه
دیار شامیده تک جان وئرور عداوته باخ
او صون نفسده چیخان قلبیدن حرارته باخ

دئدی حسین سنه من قتلگهده آغلامیشام
کسنده باشیوی شمر خنجرینی ساخلامیشام
توکوب عذاره گوزیاشیمی همده سینه داغلامیشام
گل ایندی سنده حسین جان وئرور باجون زینب
اگر کی گلمییسن خوار ئولور باجون زینب

فلک منیم باشیما بئش یاشیمدا قاره سالوب
غریب یئرده منیم گوزیاشیمی قانه قاتوب
حسین داخی ئولورم اللریم ئورکده قالوب
او قانلی کوینگیوی سینم اوسته ساخلامیشام
ننم علامتیدی هر باخاندا آغلامیشام

دیار شامیده قارداش ئوزون گل آغلا منه
هم آغلیوب یارالی همده سینه داغلا منه
شامه گل اکبریلن یاسیمی سن ساخلامنه
گلنده قارداش حسین بیرکفنده الده گتور
جنازه می الی قوینوندا سنده قبره یتور

اهل کسادی دائمی دل داغلیان منه
من وای دیینده عشق ئوزی سسلردی جان منه
افسوس ئولنده اولمادی گوز باغلیان منه
هریئرده وار حسین سوزی ازبردی زینبه
بو غملی گون بیر عالم دیگردی زینبه

غساله گلوب غسل الیه باخدی هراسان
سسلندی آقا گل قاباقا ای شه دوران
سجاد آقا گلدی قاباقا فوری شتابان
زینب بی بیمون باربلا قدین اگوبدی
غارت گونی گل جسمینه چوخ قمچی دگوبدی

• چهارشنبه
• 25
• فروردین
• 1400
• ساعت
• 17:06
• نوشته شده توسط
• یوسف اکبری

شکایتیم وار آنام اوغلی درد غربتدن

سالوبدی زینبی آخر نفسده طاقتدن

نیی بهانه ایدوب انتقام آلور مندن

ندن فلک بو قدر دویموری اذیتدن

او گونده نیکه گوز آچدیم غم و بلا گوردوم

اورک بو مدتی اودلاندی نار محنتدن

سنیله الّلی بش ایلّلیق بو عمرومی قارداش

بلی بلایه دیدوم یاندیم هر مصیبتدن

اسیر عشقون اولوب گزدیم هر دیاری حسین

سینیق کجاوه ده ایتدیم دفاع شریعتدن

وورولدی بوینوما زنجیر عشق اینجیمدیم

چوخ اینجیدیم ولی یوللارداکی شماتتدن

نقدری اینجیمیش اولسام یولوندا عشقیم وار

یولونی سالک آییرماز ره طریقتدن

بلیمی بار غم اگدی ولیک سینمامیشام

هله ده دوشممیشم اعتبار و قدرتدن

بو صون نفس گنه ده مین یزیدی خوار ایدرم

بنی امیّه نی سالّلام جلال و شوکتدن

جهاندا زاده مرجانیه بولوندورم

که دوشمز آل علی هیچ زماندا قیمتدن

نقدری کربوبلائیله واردی نام حسین

سیلینمز عالم اوزی نام زینبیّتدن

الیمده بیر یارا وار کربلا علامتیدور

دوشنده یادیمه غرق اوللام اشگ حسرتدن

اوگون که سن یارالی ذوالجناحیدن دوشدون

اوگون که زینبه باش اولدی مین قیامتدن

اوگون که آلدی حسین اشقیا آرایه سنی

گلن ووراردی سنی منتهای جرأتدن

او گون که کوفه لیلر چالدی طبل پیروزی

اوجالدی هلهله اعدای بی مروتدن

اوگون که شمر شقی ایتدی خنجرین عریان

یتیشدی قتلگهه آه حسین او ساعتدن

منیم الیم آنام اوغلی سنون کسیلدی باشون

قاریشدی قانیم حسین قانیوه نهایتدن

گرک ئولیدیم حسین گورمییدیم ئولمگیوی

نه اینکه جان قوتارام بیر ایله جنایتدن

اوگون کی گون باجون ئولسون سنه چتین گونودی

باشیوون اوسته منیدیم گلن محبتدن

بوگونده گل سنه قربان منه چتین گوندی

هرایه سسلنورم بو اوزاق مسافتدن

آماندی زینبی جان اوسته قویما تک قالسین

هایانداسان ئولورم دوشدوم استقامتدن

یتیشدی جان دوداقا قالدی گوزلریم یولدا

او گوز که دائمی ایسلاندی اشگ حسرتدن

او گوز که گوردی بتولین سینه سینون یاراسین

شهیده گیتدی اورکده اولان جراحتدن

او گوز که گوردی علینون قلجلانان باشین

بویاندی سجده ده اوز قانینه شقاوتدن

او گوز که گوردی جفائیله دوغرانان جگری

توکولدی طشته جگر قانی ظلم عورتدن

او گوز که گوردی علی اکبری عبا ایچره

وجودی قطعه به قطعه اولان جراحتدن

او گوز که گوردی دگوب اصغرین بوغازینه اوخ

سالوب ربابین او غنچه گولون طراوتدن

او گوز که گوردی ابوالفضلی سو کنارینده

خیامه قویمادی نعشی گله خجالتدن

او گوز که گوردی سنی شمر الینده جان ویروسن

وورولدی نیزیه قانلی باشون عداوتدن

اوگوز که گوردی یانور خیمه لر رقیه قاچور

دوشنده یاده وجودیم اسور او حالتدن

او گوز که گوردی بالا قیزلارین دویولماقین

قاچاردی آت قاباقیجه رقیه وحشتدن

او گوز حسین یومولور ایندی باغلیان یوخدی

آنام دوشوب یادیما بیر نچه مصیبتدن

اودا دیردی نه قارداش یانیمدا وار نه آنام

یاسیما کیم گله جاخ ایندی شهر غربتدن

فدا گلن یولووا باری تز گلورسن گل

ئولنده باشیمی آل سینه وه عنایتدن

وجودیمه خوش اولار سن کفن گییندیره سن

مضایقه ایلمه اولسا کهنه خلعتدن

بیزه محبتینی ( اکرمی ) ایدوب ثابت

آماندی ایلمه محروم اونی شفاعتدن

• پنج شنبه
• 2
• اردیبهشت
• 1400
• ساعت
• 14:27
• نوشته شده توسط
• یوسف اکبری

زینب گوز آچوب دنیایه
دنیایه ویروب پیرایه
ایدوب عالمی حیران جمالِ دلرباسیندن
زهرانین ایوی گوللندی
بلبل لر اوخور گلشندی
آتاسی خرامان دور بیله حسن صفاسیندن
اهل_عشقه رهبر زینب
شیر _حقّه بنزر زینب
نورین سالوب بیت ولایه تا زینب
سسلندی آدین حضرت طاها زینب
اهل ولایت سسلنر روز ولادتده
صد مرحبا ای مظهر زهرا زینب
زینب_زینب زینب_زینب

تندیس وقار و عفت
کوه شرف و شخصیت
آناسی کیمی زینبده صبر و حلمه دارادی
دریای حیا و عصمت
معنای حجاب و عزت
آتاسی علی تک چشمهٔ ایمان و تقوادی
اهل_ عشقه رهبر _زینب
شیر_حقّه بنزر _زینب
اُمّ المصائب هر گوزل حسنه دارا
درگاهینون مخدومه سی یکسر حورا
سنله خانم دنیاده قالدی پاینده
بو نهضت خونین روز عاشورا
زینب_زینب زینب_زینب

• شنبه
• 4
• اردیبهشت
• 1400
• ساعت
• 16:18
• نوشته شده توسط
• یوسف اکبری

هجران منی دلدن سالدی

آرامیمی الدن آلدی

من جان ویرورم غربتده

یولدا گوزوم حسرت قالدی

گیت ای صبا کرب و بلایه

ایله خبر اهل عزایه

قارداشلاریم گلسون نوایه

قارداش غریبم من - غریبم (۳)

غربتده منه کیم آغلار -

قلبین منه بس کیم داغلار

زهرا آناما نیسگلدور -

ئولسم گوزومی کیم باغلار

یاننام داخی بو نسگلیمدن

واردور کیمیم دوتسون الیمدن

آهیم چیخار عرشه دیلیمدن

قارداش غریبم من - غریبم (۳)

دوزدوم من حسین هر درده

باخ قسمتیمه آخرده

تشییعیمه بیر فکر ایله

قویما قالا نعشیم یرده

گل زینبین گور سوز و سازین

آرتور بو یرده امتیازین

سن قیل منه میّت نمازین

قارداش غریبم من - غریبم

سن سیز نجه محنت چکدیم -

چوخ یرده شماتت چکدیم

من سندن اوتور بوینومدا

زنجیر اسارت چکدیم

گل شام ویرانه حسین جان

دوت زینبه شام غریبان

قارداش تلاوت ایله قرآن

قارداش غریبم‌ من - غریبم (۳)

قویما منه غم یار اولسون

دنیا گوزومه تار اولسون

شام اهلی گولر خوار اولسام

گل قویما باجون خوار اولسون

عبّاسه بو حالی یتور گیت

گل دردیمه درمان گتور گیت

قال نعشیمی یردن‌گوتور گیت

قارداش غریبم من - غریبم (۳)

• یکشنبه
• 5
• اردیبهشت
• 1400
• ساعت
• 21:43
• نوشته شده توسط
• یوسف اکبری