اشعار حضرت زینب(س)

در آهنگ : یابن الحسن ای گل باغ ولا

گـل ای شـهِ بی کفنیم ئولورم
چیخور جانیم یوخ گلنیم ئولورم
بید عمری لایلای دئموشم سنه من
یوخومدی لایلای دینیم ئولورم
دیده سی قانیاش حسین
چک منه بیر باش حسین
تنگـه دوشـوب نفسیـم
گـل یاسا قارداش حسین
آخر دوشـر دیللـره غملی سوزوم
جان اوسته ام یولدا قالوبدی گوزوم

امـانـدی گل یـاسیمه زینب ئولور
خبـر وئـر عبـاشیمه زینب ئولور
واریمدی چوخ درد و گلایه حسین
اکبـریلـه قـاسیمه زینب ئولور
دیده می سیلمـدیلـر
دردیمـی بیلمـدیلـر
زینب آدمسیز ئولـور
یاسیمـه گلمـدیلـر
آخر دوشـر دیللـره غملی سوزوم
جان اوسته ام یولدا قالوبدی گوزوم

ئولـونجـه آلامیـوه آغلاموشام
حسین دیوب سینمی داغلاموشم
چیخاندا گونلر قاباغیندا جانین
یانـا یانـا گوزوی باغلاموشام
گل منه آغلا حسین
سینوی داغلا حسین
دِینــوی ایلــه اَدا
گوزومی باغلا حسین
آخر دوشـر دیللـره غملی سوزوم
جان اوسته ام یولدا قالوبدی گوزوم

• جمعه
• 10
• بهمن
• 1399
• ساعت
• 17:15
• نوشته شده توسط
• یوسف اکبری

یاز قلم اولدی شیرین فِرقت دلدار آجیسی
آنادان اولدی بو گون شاه شهیدان باجیسی
آناسی یوز گـوزونه بوسه وئروب هی اییلر
بَلگیـن بـاغ جنـانـان گتیـروب حوریللر
بَـزیوبللـر گویی اولدوزلارینـان اهل سما
جار سالوبلار کی گلوب دردی اولانلاره دوا
خـانـة فـاطمه گویـا کی اولوب باغ جنان
گوروشـه گلـدیله زهـرا ائوینـه جنتیان
دستـه دستـه هـامی تبریک دیور زهرایه
عرشیـان تهفـه گتیـرمیـش نوة طاهایه
یازدیغیم سوز خانیمون عزتینون شمه سیدی
اکبـر و قاسم و مهدی آقامین عمه سیدی
بو خانیم فاطمنون سینه سینون پاره سیدی
جار سالون ائللره بیچاره لرین چاره سیدی
بـو خانیـم عالـم امکانـه شـرافت گتدی
قارداشـی شـاه شهیـدانـه شرافت گتدی
بو خانیم بیر باجیدی مِثلینی گورمز ملکوت
اونـا عاشقـدی جماداتیلـه کُـل جَبَـروت
بی مُعلمـدی ولیـکن بو خانیـم عالمـه دی
آتاسی چونکی علیـدور ،آناسی فاطمه دی
دئیـولَـر سیدِ جنت ایکـی قارداشـلاریـنا
اودور علت دولانورگـون اولارین باشلارینا
بو خانیم فاطمـه ریحانی ؛ علینون قیزیدی
آسمـان شرفیـن هم آی هـم اولدوزودی
آی دئدیم زینبـه ای وای منـه ای اهل قلم
ایلـدیم زینبون حَقینده قلم چوخلی ستم
جمع اولا بیر یئره داشلار گینه الماس اولماز
نَدی اولدوز؟نَدی آی؟زینبه مقیاس اولماز
گویده اولدوزلارینـان آی دولانورلار باشینا
یِدی گوی صبح و مسا ؛ آی دولانورلار باشینا
گویده اولدوزلار اونون تللرینون خوشه سیدی
ئوزی گوی،گوزلری گون،آی گوزونون گوشه سیدی
زینبـون آدی بوتـون دردلـره درمـان الییر
او شرفلـی آدی هـر مشکـی آسـان الییـر
ایندی کی حرملـه و شُمـر زمـان داعشیدی
داعشون نسلینی کسمک اله زینب ایشیدی
ایندی کی داعشـی لر بیـر بئله طغیـان الیور
مهـدی فـاطمنـون گوز یاشینـی قـان الیور
الـده اسـلام علمـی مُخلـص شیطانـدی اولار
سانما انسـان اولاری ، بدتـر از حیواندی اولار
او جنـایـت کـی اولار خلـق مسلمـانه
ائدور بئلـه فکـر ایلـور عمـل آیـة قـرانـه ائدور
او جنـایت کـی ائـدور داعشـی لر انسـانـه
آنـدولا آللهـآ حیـوان المــز حیــوانـه
گوزلـر اسلانسـا اگـر زینـب کبـرا سیلَنی
نیلیـاخ دینمینینـده اولاجـاخـدور دینَنی
تابشـوراخ زینبـه داعش لری مغلوب السین
کوفـه و شام کیمی داعشی سرکوب السین
قلـب ظـلامی علـی اوج شجاعتـله دلـوب
او شجـاعت او شـرف زینبـه ارثیـه گلوب
شیـر یزدان قیزی گر ایسته سه طوفان الییر
داعشـون گـوز یاشینی نطقیله القان الییر
زینبون خطبـه لری ؛ غیضیلـی تکبیریللری
مَحـو ائدر داعـش و وهـابی و تکفیریللری

• جمعه
• 10
• بهمن
• 1399
• ساعت
• 19:21
• نوشته شده توسط
• یوسف اکبری

در آهنگ ( ساقی ساقی ای ساقی)

نغمـه جلـی زینب
نور منجلی زینب
دیللری چکوب بنده
بَضعِه علی زینب

سائل درگهون اهل آسمان زینب
عمه حضرت صاحب الزمان زینب

ای عـزیـز پیغمبر
نور دیـده حیـدر
چاکـران درگـاهت
انس و جن و حورالر

آدیوه جان فدا ای عزیز جان زینب
عمه حضرت صاحب الزمان زینب

زنگ عشقیوی چالدون
شامـه ولـوله سالدون
دشمنـان حیـــدردن
غیرتیلـه بـاج آلدون

تحت امرونده دی یکسره زمان زینب
عمـه حضـرت صاحـب الزمان زینب

حشرجن آدون باتماز
عارف عشقیوی آتماز
شیعه قبریون گردین
بـاغ جنتـه سـاتماز

شیعیه مدفنون جنت و جنان زینب
عمـه حضـرت صاحب الزمان زینب

جلـوه مبـارک سـن
سینه لرده سن حک سن
عرشه جبرئیل یازمیش
سن علی کیمی تک سن

عاشق اولدی سنه جمله قدسیان زینب
عمــه حضـرت صـاحـب الزمان زینب

• جمعه
• 10
• بهمن
• 1399
• ساعت
• 19:22
• نوشته شده توسط
• یوسف اکبری

در آهنگ(منم باید برم...... )

شيريكَه الحسين زينب تو حيدري نسب
عَقيلَـه الَعَـرَب ؛ جانِ حسين و زِين ِ اَب
گـرفتـه ايـن دلـم بهـانـه مـزار تـو
شـدم اسيـر و هـم ديـوانـه مـزار تـو

عنايتي بكن به اين دو ديـدة تَرَم
بيام به سوريه بشـم مدافـع حرم
به راه تو فدا كنم دل و تَن و سَرم

منم بايد برم برم به سمت سوريه
ببينم اي خدا قبر بي بي چجوريه

مَلكلـر آغليـار سنـون دو چشـم زاريوه
ئـوزوم ؛ آتـام ؛ آنـام ؛ فدا اولاخ مزاريوه
نه نوعي راضي سن غميلـه قلبيمـي بُولم
واريمـدي آرزو مزاريـوي گـورَوم ئولم

آلـوب قـراريمي ياشيـل عَلم عَلم عَلم
اولوبدي هي سوزوم حَرم حَرم حَرم حَرم
مـزاريـوه گـرك گَلَـم قَدَم قَدَم قَدَم

منم بايد برم برم به سمت سوريه
ببينم اي خدا قبر بي بي چجوريه

زِ دوريِ شمـا حَـزين شـده نوايِ من
نظـر كنـي اگر بـه دردِ بـي دواي من
ز رحمـت شمـا شـوَم مـدافـع حـرم
بميـرم و؛مـدام روضـه بخُـونه مادرم

منم ميخام بيام عزيز مُحترم بشم
عنايني كني دِعبل و محتشم بشم
يه آرزو دارم مدافع حرم بشم

منم بايد برم برم به سمت سوريه
ببينم اي خدا قبر بي بي چجوريه

گجه گونوز سنون غمونده سينه داغلارام
گلنـده قبـريون آدي اوركـدن آغلارام
نگـار فاطمـه vقسـم عـزيـزه جانيـوه
هميشـه غبطـه ايلَــرَم مدافعانيـوه

بو گلستانيـوه گوزوملـه قانلي ياش وئرم
بو جانيمي فدا سنون عشقونده كاش وئرم
اولام مدافعون سنـون يولـوندا باش وئرم
منم بايد برم برم به سمت سوريه
ببينم اي خدا قبر بي بي چجوريه

• جمعه
• 10
• بهمن
• 1399
• ساعت
• 20:40
• نوشته شده توسط
• یوسف اکبری

هرکس اوز نیتینی عشقه گوره صاف تانیر
یا اوزون عشقیده بیر خبرلی صراف تانیر
بونا انصاف السین کیمسه کی انصاف تانیر
«دین اسلامی دیریلدن کیمیدی؛؟ زینبیدی» کلامی
«آل صفیانی کیچیلدن کیمیدی؛؟ زینبیدی»

عالم عشقیده غوغا الیین ؛ زینبدی
معاویه اوغلـونی رسوا الیین ؛ زینبدی
شهدا قانینی احیا الیین ؛ زینبدی
آل صفیان اورگین منطقیله سیخدی خانیم
دشمن آل علینون اووینی ییخدی خانیم

بو خانیم کیمدی کی عیناً خوده طاها کیمیدی
لحـن و گفتـاریده زینب دئمه ؛ مولا کیمیدی
معجـرین دشمنـه وئرمز؛ نیه ؟ زهرا کیمیدی
دشمنون قلبینه حیدر کیمی اوخ نیزه تاخیر
چـون دییردی بو دامارلاردا علی قانی آخیر

سـویلیـردی همشـه سفـره عصمت دوزویام
کهکشـان علـوی فاطمـه دی ؛ اولـدوزویام
کیمسه دن قورخویوخوم چونکی علینون قیزییام
غیرت و منزلتی پای منه وئرمیشدی بابام
مصطفاجدیم ؛ آتام حیدر و؛ زهرادی آنام

زینبین خلقتی اللهلیغا آیتـدی بیزه
زینبین شانینه بو جمله کفایتدی بیزه
منزوی بوسوزی یازموش اله حجتدی بیزه
«خاله زیبـایه نجه حاشییه لب یاراشار»
«بو حسینه باجیلیخ اتمگه زینب یاراشار» منزوی

• چهارشنبه
• 15
• بهمن
• 1399
• ساعت
• 21:38
• نوشته شده توسط
• یوسف اکبری

ای دخت علی نایبه ی عصمت کبری
شان و شرف و عفّتی آیینه ی زهرا

سنسن او خانم که آدیوی حین ولادت
پیغمبره ابلاغ ایلدی خالق رحمت
یعنی که بو قیزدور آتاسی حیدره زینت
شایسته دی زینب اولا زِین اَبه دارا

سنسن او خانم که گل گلزار وفاسن
سن عزّت و وقر و شرف شیرخداسن
سن گوهر پرقیمت دریای حیاسن
زیرا که آنان فاطمه دور عصمته دریا

سنسن او خانم که اونی تقدیر ایدر عالم
وار مدرکی اثباتینه چوخ قاطع و محکم
ذلّتدی آتایه قیز اگرچه اولا مریم
بیر سن بیر آنان فاطمه دور لیک مجزّی

سنسن او خانم که اوجادی اوج خیالون
هر عصریده تابنده دی خورشید جمالون
ناچاردی مستلزم ترقیم جلالون
استبرق اولا صفحه قلم شاخه ی طوبی

سنسن او خانم که سنه مسحوردی دنیا
سنسن دُرِ ناب صدف عصمت زهرا
شخصیّتیوه غبطه ایدر هاجر و سارا
محتاج غبار قدمون دیده ی حورا

سنسن او خانم که ایلیوب خالق داور
مین رمز وفا صفحه ی رویونده مفسّر
زیبنده دی عشقون اولا عشق اهلینه رهبر
انوار محبّت ایلیوب سنده تجلّی

سنسن او خانم که نه قدر یتدی مصیبت
ابراز ایلدون مین او قدر صبر و شهامت
ایتدون او شدائدده حسینیله شراکت
حیراندی سنون قوّت قلبونده شکیبا

سنسن او خانم که هامی اسراردن آگاه
سجّاد وجودیله او یالقوز یارالی شاه
تاپشوردی سنه قیزلارین ای دخت یدا...
کافیدی سنون صورت عشقونده بو معنا

سنسن او خانم که سنه واضح هامی مُعضل
تا اُلدی حسین اولدی سنه امر محوّل
هر بیر قیزا غارتده دیدون قاچما قیزیم گل
خونریزیدی خونخواریدی بو لشکر اعدا

سنسن او خانم که هامونی حیرته سالدون
هر سس واریدی کوفه ده بیر وهله ده آلدون
ا... اوزی عالمدی که نه حالته قالدون
تا گوردون او گل یوزده کول آثاری هویدا

سنسن او خانم که سنه عزّتدی اسارت
مرجانه نین اوغلی ایلین وقته جسارت
بیر سن ایلدون سیّد سجّاده حمایت
قتلیندن ایدوب صرف نظر ایتمدی ایذا

سنسن او خانم که شرر عشقیله یاندون
گلدی نه بلا راه محبّتده دایاندون
ظاهرده اگر ناقه ده شاماتی دولاندون
معناده ولی ایلدون اوز عهدیوه ایفا

سنسن او خانم که سنه محتاجدی عالم
(خوندل) سیزه منسوبدی ای بانوی اعظم
ذیحقدی بو منظوریله فخر ایلیه هردم
صدق ایتسه اگر بو سوزون حقّینده او رویا

• شنبه
• 18
• بهمن
• 1399
• ساعت
• 19:03
• نوشته شده توسط
• یوسف اکبری

دُّر شاهِوار جنت _ ناجی خون امامت
زینت نام علی دور _ دختر شاه ولایت
قلبه صفا گلوبدی
عشقه بها گلوبدی
خونخواه بی‌بدیل
کرب‌وبلا گلوبدی

فرشی،عرش‌و‌آسماندی_ چاره‌ی‌بیچارگاندی
خواهر شاه شهیدان_عمه‌ی صاحب زماندی
عاشق ‌لره بهانه
گلدی بوگون جهانه
مهدی وِئرر یقیناً
عُشاقه عیدیانه

آل طاهایه ثَمردی _ صدف عشقه گُهردی
گلمیوب گلمز نظیری _ بَشَرُ کَیفَ بَشَردی
آتا پُر احترامُ
آنا روح قیامُ
جَدی ختم رسولان
قارداشلاری امامُ

روحی چونکی یاسه بنذر_گوزلری‌الماسه‌بنذر
فاطمه تک شیرِ زَندی_ غیرتی عباسه بنذر
سیرتده مرتضادی
صورتده مجتبادی
عفت گداسی اولدی
چون دریای حیادی

• شنبه
• 18
• بهمن
• 1399
• ساعت
• 19:05
• نوشته شده توسط
• یوسف اکبری

سبک : از صلابت ملّت و ارتش و سپاه ما

مژده شیعلر خواهر شاه کربلا گلوب
شیعه لر اورکده اولان دردوزه__دوا گلوب

زینب آدیدی اونون بیوک مقامی وار
گویدکی ملک لرین اونا سلامی وار

یا زینبا خوش آمدی یا زینبا(۲ )

دخت مرتضی حامی ولا
هم سلاله پاک مصطفی

گلوبدی عشق اورگده عالمه
گلوبدی کفره وره خاتمه

یا زینبا خوش آمدی یا زینبا(۲ )

—------------------

خوش گلوبسن،عالم اولا آدیوه__فدا خانم
چون وریبدی عشقون سنون عالمه__صفا خانم

غبطه ایلری ملائکه جلالیوه
روشن اولدی چون مدینه گل جمالیوه

یا زینبا خوش آمدی یا زینبا(۲ )

پنجم جمادی ولادتون
سالدی عالمه سایه رحمتون

که شیعیان سسلنیر مرحبا
دییله ذوقیله یا زینبا

یا زینبا خوش آمدی یا زینبا(۲ )

—------------------

خلق ائدوبدی الله سنی __قهرمان کربلا
اولماسیدون اوردا بیلنمزدی راز نینوا

ناجی غیور پرچم محمدی
نامدار عصمت حریم احمدی

یا زینبا خوش آمدی یا زینبا(۲ )

«رستگاره» ایله عطا خانم
ور برات کربوبلا خانم

که کربلا ده دییم درد عشق
آلام من اوردان برات دمشق

یا زینبا خوش آمدی یا زینبا(۲ )

• چهارشنبه
• 22
• بهمن
• 1399
• ساعت
• 21:54
• نوشته شده توسط
• یوسف اکبری

رسوا یزیدی ائتموشم بیرعال تبلیغاتیله
تثبیت قدرت ایلدیم منطقله معلوماتیله
اوّل داغیتدوم کوفه نی اوندان سورا شاماتیله
وقتی که اولدوم روبرو گَتدیم فغانه یاحسین

قارداش٬ زیاد اوغلونلا من اتمام حجت ایلدیم
مرجانه اوغلی سسلدوم کشف هویت ایلدیم
ائتدوم اونی بی آبرو ایله خجالت ایلدیم
فکر ائتدولر حیدردی بو علم و بیانه یاحسین

چیخدوم او مجلسدن اخا گوردوم تماماً مرد و زن
بولدوم قالوبلار هامّوسی انگشت حیرت بر دهن
نجوا ائدوردی کوفیان٬کیمدور خطیب شیرزن
زهرا قیزی زینبدی بو فخر زمانه یاحسین

چکدوم بو کشتینی اخا دریای غمدن ساحله
مُطلق سنین قانین منیم نطقیم یِتیردی حاصله
وئردوخ باجی قارداش گینه معناده بیرده ال اله
احیای قرآن ایلدوخ اسلامیانه یاحسین

شامه گئدوب گوردوم یزید فخر ائیلوری اوْباشینه
فکر ایلدی زینب گلوب شامه ائله اؤز باشینه
آنداولسون عباسه حسین تختین چُووردوم باشینه
آندیردیم او شخصیتین پیر و جوانه یاحسین

• جمعه
• 24
• بهمن
• 1399
• ساعت
• 18:01
• نوشته شده توسط
• یوسف اکبری

یوزده زلفیم اللریم باشدا توکر قان یاش گوزوم
دیزلریم تترر دونوبدور تیره شامه گوندوزوم
قویما گوزیاشیم کیمی دوشسون یره قارداش سوزوم
قیل توجه، نطقه گل دیندیر بونالانی حسین

ای دوشن ایسّی قوم اوسته پیکر صدپاره سی
زینبون محزون قالوب، ای چاره سیزلر چاره سی
آز قالیر دیبدن توکولسون صبریمین دیواره سی
کیمسه یوخ دردین دئسون، یوخ درده درمانی حسین

دُخت زهرایم اسارت قیدینه پابسته یم
اوغلی قارداشی اؤلن بیر دستیه سر دسته یم
آند اولا اوز جانیوه جانیم عزیزی خسته یم
آز قالور پاشیده اولسون جسمیم ارکانی حسین

حشمت و جاهین تالاندی ای سلیمان زمن
تاپدی بو چولده سن ال بی مروّت اهرمن
بیر عقیق انگشتر اوسته خیردا بارماقون کسن
عالم معناده آغلاتدی سلیمانی حسین

ظلمده ظلم اهلی قارداش جای نقصان قویمویوب
هئچ قتیلی قاتلی بو نوع عریان قویمویوب
پیکرونده کهنه بیر کوینکده دونان قویمویوب
نه مروّتسیزدیلر اتباع سفیانی حسین

نعشیوی عریان قویانلار سویدی آل حیدری
نه عبا قالموش باشیندا، نه عقیق انگشتری
گون قباقینده قویور عریان بو باشسیز پیکری
من کیمی وار هانسی گلزارین نوا خوانی حسین

• دوشنبه
• 27
• بهمن
• 1399
• ساعت
• 09:41
• نوشته شده توسط
• یوسف اکبری

باشون فداسی اولوم سرور جهان قارداش
که رأس اطهرون اولدی زینت سنان قارداش

امیر کشور دلها شهنشه کونین
اوزی عیالی اؤلن چولده لامکان قارداش

سنیله من هامی محنتلره شریک اولدم
غمونده وردیم اولوب آهلن فغان قارداش

سن اَر شهید، من اولدوم اسیر قوم دغا
پیاده چوللره من اولموشام روان قارداش

نجه روادی سنون قان آخا محاسینوه
منیم باشیم ساغ اولا، یارمیشام اینان قارداش

بو کوفه دور، بودا اهلی، گلوب تماشایه
عجب مناظره دی، یاتما دور اویان قارداش

بوشهر ایچنده سنون دشمنین آشوب حدّن
نظاره گر اولوری پیرله جوان قارداش

که تا گوره اوللار، باجون نجور آغلور
شماتت ایلیه لر اهل کوفیان قارداش

• دوشنبه
• 27
• بهمن
• 1399
• ساعت
• 20:15
• نوشته شده توسط
• یوسف اکبری

تک یگانه گهر گنج حیا زینبدی
ایکی دنیا شرف آلبعا زینبدی

خلقتی عالمه نعمت، سبب زینت عرش
همچو صدیقهٔ محبوب خدا، زینبدی

دست پروردهٔ سلطان عرب، شاه جهان
دختر بت شکنِ شاهن ولا زینبدی

تربیت یافتهٔ مکتب زهرای بتول
مونس و کفوّ علی، خیرنسا زینبدی

یارادوب پنج تنین عشقینه دنیانی ودود
لنگر پنج تن آل عبا زینبدی

عاقبت اؤپدی شجاعت الینی، گلدی دیله
دیدی که شیرزن کرب وبلا زینبدی

حلمده فاطمه دی لهجه و منطقده علی
ناجی خون حسین و شهدا زینبدی

غیرتی همچو علمدار وفادار حسین
مونس و پشت و پناه اُسرا زینبدی

تانوموردی او زنازاده علینون قیزینی
دیدیلر خادمه لر، امّ بلا زینبدی

تا ایشتدی علوی گپهرِ مه پاره سینی
باشلادی زینب غمپروره دل یاره سینی

ایسته دی جمعیده زهرا قیزنی خوار ائله سین
او سینان قلبی دوباره بئله آزار ائله سین

خلقه آندیرسین او ظالم حقِ مطلق بیزیدوخ
ظلمی که ائتدی حسینه گینه انکار ائله سین

صورا ئوز زینبه دوتدی او شرور اموی
طعنه لی سوزلرینی زینبه اظهار ائله سین

دیدی زینب سیزه گور نیله دی قارداشین حسین
مگر انصافیدی سیزلرله بو رفتار ائله سین

ئوزی اؤلدی بالالار اولدی کمندیمده اسیر
نه روا..........................

دوزمه دی زخم زبانه گل گلزار، ولی
شیر تک قاخدی ایاقه ائیله بیل دوردی علی

باشلادی صحبته علّامهٔ فرخنده لقا
ائتدی اللهه ازل شکر وسپاس، حمد و ثنا

صورا ئوز دوتدی او فرزند جگرخواره طرف
دیدی لال اول سسیوی کَس، ثمر تخم زنا

کیم دئور زینب اولوب زادهٔ سفیانه اسیر
من اسیرم اول باشا کی اولونوب ذبح قفا

کیم دئور سلطنت آختاردی حسین بن علی
سه طلاقه ایلیوب دهری، آتام شیرخدا

آلوسان باشدان علینون قیزینین معجرینی
قالوری پرده دالینذا حرمین، پست و دغا

سیز اولارسیز کی دوتوبسوز هله لات و حُبلی
طلقازاده تانوللار سیزی یابن الطلقا

اولاسان لات و حبل شامیده هرلحظه یزید
منده بوردا دییللر تبر کرب و بلا

هرزمان بو سوزی انشاد ائله مطلبده «فقیر»
زینب اولماز طلقازاده یه هئچ حالدا اسیر

• سه شنبه
• 28
• بهمن
• 1399
• ساعت
• 22:30
• نوشته شده توسط
• یوسف اکبری

لحظه ای که رسم اولوبدی عالم امکان عشق
زینب والا مقامه لطف ائدوب سبحان عشق
صبر ایوب و صفای احمد و علم علی
جمع ایدوب بیر یرده ب محبوبیه سلطان عشق

فارغ التحصیل عشق مصطفادور بو خانم
نور عین فاطمه چون مرتضادور بو خانم
زیب هستی،افتخار انبیادور بو خانم
هر جهتدن بیر شریک اولدی حسینه یار عشق
هر مصیبتده دوام ائتدی غمه غمخوار عشق

کربلا هر نوعیله تاپدی خلاصه فیسله
ظاهراً قورتولدی اما دوشدی زینب مشکله
بیرسوری اطفال سرگردان،خانم سر قافله
نه حسین وار نه ابولفضل، تکدی میداندار عشق
دیلده یا باب الحوائج باشلانوب ایثار عشق

وارد اولدی شامیده تالار دخت مرتضی
نظمیلن دورون آلوبدی دختران باوفا
گوردی بو حالی ظنین اولدی یزید بیحیا
کیمدی بو عورت دیدی بیله وقاریلن گلوب
بو مگر شهزاده دی چوخ افتخاریلن گلوب

سویلوبلر دختر شیر خدا زینبدی بو
وارث خون حسین و اولیا زینبدی بو
قهرمان نامدار کربلا زینبدی بو
کربلادن شامه یا باب الحوائج سسلیوب
مکتب زهراده،زهرای سه ساله بسلیوب

سیندی ناکس دل آچوب گفتارینه بهتانیله
باشلادی بی دین سوزون اوّلده بو عنوانیله
من امیرالمومنینم مدرک شایانیله
عادل و عاقلدی الله کیملری خار ایلسین
کیمسنی لایق امیر و کیمسنی زار ایلسین

زینبه گلدی گران عوعو کلب اموی
دوردی بیردن ایاقا حامی خون علوی
دیدی لال اول،سسیوی کس، اوزوی بیلمه قوی
شرفی هر کسین اولسا سنه بیعت ایلمز
آل طاها بالاسی سیزدن حمایت ایلمز

دور ایاقه دِنن حضاره،سنین کیمدی آتان؟
هامی یاخشی تانیری هرزه دی بدکاره آنان
تانمورسان تانی،من زینبم ای فتنه سالان
هنده نین اوغلی،آتام شیرخدا حیدردی
منیم استادم آنام فاطمه ی اطهردی

زینبم فخر نسا فاطمه دن صود اَمنم
اوز ایونده سنی آواره و رسوا ائدنم
من علینون قیزیام،بت شکنم شیرزنم
گلمیشم شامیده پرونده وی افشا ائلیم
طلقازاده گرک من سنی رسوا ائلیم

تانمورسان تانی من فاتح خیبر قیزیام
شیرزن شیر خدانون او دلاور قیزیام
ذوالفقاره یتورن نطقی برابر قیزیام
چون علینون قانی تزریقدی قانیمده منیم
ذوالفقارین کسَری واردی بیانیمده منیم

یاحسین سن بول اول زینب سنی چوخ ایسته ردی
منِ بی لایقین اشعارینه امضا ویراسان
سن « فقیرا» شهی وئر حضرت زهرایه قسم
قبرین اوّل گجه سینده مته حامی دوراسان

• سه شنبه
• 28
• بهمن
• 1399
• ساعت
• 22:56
• نوشته شده توسط
• یوسف اکبری

عالمی حیران قویوب غیرتده دخت بوتراب
پوزدی تشکیلات ظلمی زینب علیا جناب
ثبت اولوبدی قلب تاریخه بو قانلی انقلاب
شامیده حیدر مثالی ایلویبدی فتح باب
چون تمام همت مولا،زینب کبراده دی

بیر شجاعت گوستروبدی کوفه ده اول شیرزن
تک ب تک قالدی هامی انگشت حیرت بر دهن
زاده ی مرجانه نی سیندیردی اَزدی بت شکن
بیر ب بیر احسن دئدی بو اقتداره،پنج تن
قدرت بازوی سقّا، زینب کبراده دی

همّت و غیرتده حیدر،عفّتی زهرا روش
منطق و حلم و وقار و صولتی طاها منش
تاپبدی دامان علیّ المرتضاده پرورش
حقّ و باطلنن اؤلونجه ایلویبدی کشمکش
لوح احسن یاز «فقیرا» زینب کبراده دی

• پنج شنبه
• 30
• بهمن
• 1399
• ساعت
• 22:21
• نوشته شده توسط
• یوسف اکبری

صود وئروب کان شرف دریای غیرت زینبه
اوج خلقتده وئروب حق،اوج زینت زینبه

کاروان «خویدان» چیخاندا دوشدی دل تاب و تبه
زینبی وئردوم قسم غارتده کی چادر شبه
ائیله سین امداد قدسی،سوز وئرسین مطلبه
زینبون اوز «بارگاهینده» یازوم سوز زینبه
حمد اولا ملهم اولوب،شعر شجاعت زینبه

کیمدی بو زینب علیّ المرتضانین دختری
روز عاشورا،حسینون باشرف همسنگری
قانلی میدانین،یانان چادرلرون رزم آوری
قورخلی شامین یولوندا،قیزلارون سرلشگری
روز خلقتدن اولوب،بذل و عنایت زینبه

کیمدی بو زینب فدک اسنادینین دیرینه سی
عفّتی زهرا،شجاعتده علی آیئنه سی
قلعه ی مستحکم اسلام اولوبدی سینه سی
هندین اوغلون نطقلن اَزدی شرف گنجینه سی
وصفینه آزدی یازام،کوه صلابت زینبه

بو همان زینبدی عفتده،خانم زهرا کیمی
کربلانین پرچمین آلدی اله سقا کیمی
کوفه ده بیر خطبه ایراد ایلدی مولا کیمی
امپراطور دمشقی سیندیروب عزّا کیمی
بت شکنلر ایلدی وجد و مسرّت زینبه

بو همان زینبدی آلامیله هرگون شادیدی
شیر مردان جدالین بو خانم استادیدی
ملتِ بی غیرته لعنت بونون فریادیدی
غیرت زینب قسم عباسه مادرزادیدی
صبر و همّت ایلدی عرض و ارادت زینبه

بو همان زینبدی باغ اهلبیتون یاسیدی
قهرمان بی بدیل و مظهرِ احساسیدی
قلب دشمنده سوزی،چون تیغه ی الماسیدی
کربلاده زینبیدی،،شامیده عباسیدی
با مُصمّادی دئسم بحر شرافت زینبه

ایندی ده قلبی حسینون فرقتیندن یاره دی
صبر و قدرت همّتیندن واله و آواره دی
قهرمان باصلابت،نطقی آتشپاره دی
امپراطور دمشقی سیندیران آواره دی؟؟؟
کیم یازا بیچاره ائیلوبدی خیانت زینبه

یک بند هم از مخمس گریز

بو همان زینبدی گوردی یرده عریان پیکری
نحر اولوب قارداشینون لب تشنه،دالدان حنجری
سیندیروب داشلار دیشین،الواندی قانه لبلری
نصف شب غارت اولوب انگشتیله انگشتری
کربلاده گورسنوب روز قیامت زینبه

• پنج شنبه
• 30
• بهمن
• 1399
• ساعت
• 23:18
• نوشته شده توسط
• یوسف اکبری

دختر سلطان نجف--سپر آل شرف--قویدی دنیایه قدم
شرف پنج تن
زینب کبرادی گلن--قلب حسین عشق حسن--زاده ی سردار زمن
اوزده شیرزن

گلدی سفیرکربلا،تهنیت یاحسین
کان ادب بحر وفا،تهنیت یاحسین

کنزِ حقایقدی خانم--دُرِّ خلایقدی خانم--بونا عاشقدی خانم
سسلویه جاندی حسین
هم علوی غیرتی وار--فاطمی عفتی وار--عرشیده ده صحبتی وار
میرِ جناندی حسین
کاخ ظلامی یخاجاخ--او قرا پرچمینی--قصر یزیده ویراجاخ
شه خیبر قیزی
گوهر بحرِ ازلی--حضرت زهرا گوزلی--صولتی همتای علی
بودی حیدر قیزی

عشقینه عالمدی اسیر،،یاحسین تهنیت
یازدی بو اشعاری «فقیر»، یاحسین تهنیت

آلدی پیمبر قوجاقا--ویردی بوسه دوداقا--آچا زینب گوزونی
گینه ده آچمادی
باغرینا باسدی اوزمان--آتاسی شاه جهان--آناسی فخر جنان
گینه ده آچمادی

هامّی اولوب غرق مُحن--آلدی آغوشه حسن--دیدی قربان گوزوه
باجی آچ گوزلرون
تا الینه آلدی حسین--ال ایاق چالدی بالا--گوزونی آچدی اونا
تانیدی دلبرون

گوزلرونون نوری دئدی،،سنه من عاشقم
هر هارا گئتسن گلرم،،سوزومه صادقم

• شنبه
• 2
• اسفند
• 1399
• ساعت
• 18:58
• نوشته شده توسط
• یوسف اکبری

که زینب،او که دریای وقار است
به خلقت در دو عالم شاهکار است
زبانش همچو تیغ ذوالفقار است
دو سر دارد اگر شمشیر حیدر
علی یک سو ،و زینب سوی دیگر

سوره ی احزابیده، بو آیه ی تطهیریدی
آیه ی تطهیر همانا،زینیون تفسیریدی
قهرمان بی مهابا،عرصه گهده شیریدی
گول زبانی مرتضانین دو لبه شمشیریدی
ذوالفقار آلماز کَسرده،قوی سبقت زینبه

شخصیّت زینیدن،بو عالمه پیدادی
غیرت اولا بیر قطره،زینب ولی دریادی
غیرتده شجاعتده،هیبتده علی مثلی
عفّتده لیاقتده،آیئنه ی زهرادی

• شنبه
• 2
• اسفند
• 1399
• ساعت
• 19:01
• نوشته شده توسط
• یوسف اکبری

قلم یاز آیت سبحاندی زینب
علی تک دینه پشتیباندی زینب
ستون قلعه ی ایماندی زینب
همای قله ی عرفاندی زینب
رگ دین مبینده قاندی زینب
حسینه هم باجی هم جاندی زینب

فصاحتده یقین طاهایه بنذر
شجاعتده علی مولایه بنذر
متانتده خانم زهرایه بنذر
حیاده مادر عیسایه بنذر
وفاده هاجرو سارایه بنذر
یقینا"وارث خوباندی زینب

وفالوحینده اقدس آدی حکدی
مقامی برترازانس وملکدی
مقام صبرینه حیران فلکدی
اگرچه دردی چوخ، قاره لچکدی
ولی صبرعالمینده فرد و تکدی
دنن ایوب هر دوراندی زینب

سیغیشمازعقله اوصاف وکمالی
ساچوبدورسینیه عزت مدالی
باجیلیق منصبینده یوخ مثالی
قوتارمازشعریلن شان وجلالی
اولوب دورت سنیدن افسوس عزالی
اوره ک القانیله الواندی زینب

سیه پوش اولدی پیغمبرغمینده
سالوب باشه قرا مادر غمینده
ایدوب آه و نوا حیدر غمینده
قوجالدی حجت داور غمینده
شریک اولدی حسینون هر غمینده
شه عطشانه هم پیماندی زینب

بویورموش مهدی صاحب زمانه
دوشنده رنج ودرد بی کرانه
چکنده غم اودی دلدن زبانه
ویرون چنگ توسل مخلصانه
دوتون یوززینب زهرانشانه
دواسیز دردوزه درماندی زینب

سماواتی دوتوبدور عز و جاهی
قویوبوب شانینده حیران مهر وماهی
امیه نسلینی یاندیردی آهی
اله آلدی لوای دادخواهی
سالوبدورتختین اوستن پادشاهی
اوره کلر ملکینه سلطاندی زینب

توکل ایلدی لطف خدایه
ویروبدی درس عبرت اشقیایه
خوش ایفا ایلدی عهدووفایه
یزیدی سالدی درد بی دوایه
صورایول باشلادی کرب وبلایه
بیلوبلر زایءر جاناندی زینب

غرض رسواایدوبدی شامیانی
یولاسالدی بلالی کاروانی
ایدوب قارداش غمی قدین کمانی
چتیندور واقعا عشق امتحانی
قویوب حیرتده زینب انبیانی
رسوله دختر شایاندی زینب

حمایت ایلدی دین مبینه
اوبانوی وحیدو بی قرینه
ویروب اشکیله سو گلزاردینه
غمی چوخ قلبی خسته داغلی سینه
گتوردی کاروانی اربعینه
عزادارشه عطشاندی زینب

یتیشدی کاروان کرب وبلایه
خانیملارغرق اولوبلار آه ووایه
باخوب شش گوشه گلدیلرنوایه
اوجالدی ناله لر عرش خدایه
سالوب اود نوحه لر ارض و سمایه
هامیدان چوخ ولی گریاندی زینب

اوجالدی زینبون غملی نواسی
دیدی ای زینبون گوزده ضیاسی
باجون عطشان لبون اولسون فداسی
اوره کده زینبین چوخدور یاراسی
دانیشدیر سن من پوزقون اساسی
فراقونده داخی نالاندی زینب

چکورغم آتشی دلدن زبانه
دیوم هاردان دیلیم گلمور بیانه
فراقوندن دونوب قدیم کمانه
گوگردیب قوللاریمی تازیانه
ییخانماز زینبی قهر زمانه
اگرچه قلبی چوخ شان شاندی زینب

امان قارداش امان کوفی داشیندان
اگرچه ویردیلارقمچی باشیمدان
دوشه من قویمادیم معجرباشیمدان
دیدیم ال چکمرم من قارداشیمدان
فلک شرم اتمدی بو گوزیاشیمدان
سنون هجر آتشونده یاندی زینب

گلون درده دوشوبدی خارالیندن
یانورقلبیم حسین اشرارالیندن
امان بو گردش پرگارالیندن
باحون فاتح چیخوب غدار الیندن
اوپوبدورباجووین ایثارالیندن
علی تک مرد هرمیداندی زینب

من ایفا ایلدیم عهدالسته
اسیراتدیم یزیدی دست بسته
گونی تارایلدیم اول رذل وپسته
شمادتدن اولوب قلبیم شکسته
قسم مردان پاک و حق پرسته
فدای مکتب قرآندی زینب

جفادن دویمادی آل امیه
یزیدنابکارو کج رویه
جفا اتدی زنان هاشمیه
هامونی یاندیروبدی بوقضیه
خرابه یرده جان وردی رقیه
اودورکه قدی چون چوگاندی زینب

علینون دختردلبندیم من
اوشاهین آدینه زیبندیم من
حسینجان عشقووین پابندیم من
غم و اندوهیلن آکندیم من
رقیوندن ساری شرمندیم من
غمینده یاندی هم اودلاندی زینب

اولارزواره عالی توشه قبرون
ندورعلت اولوب ششگوشه قبرون
باجون زینب آلوب آغوشه قبرون
ووروب اود بو دل صدریشه قبرون
رگیمده قانی گتدی جوشه قبرون
اونی گورجک غمی داشلاندی زینب

یتوردوم مقصدینه انقلابی
تانیتدیردیم حسین خلقه کتابی
سرافرتزایتدیم آل بوترابی
اگرچه باجووین یوخ صبروتابی
ولی زهراجانی دیندیرربابی
دیوریازسام غمیم دیواندی، زینب

اوزون باخ قانه یاشلی گوزلریمده
آغاردی ساچلاریمدا تللریمده
منی سالدی گوزوندن اصغریمده
قالیب دیرناق یاراسی دوشلریمده
کنیزین هچ سوروشمور سروریمده
ربابون قلبی غمدن قاندی زینب

چکوب دنیاده بیحد جوروجبری
قویوب گوزیاشینه حیرتده ابری
گوروب نهره طرف بیر خیرداقبری
دیدی وای اصغریمون اوردا قبری
داشیب پیمانه ی سرشار صبری
اوغول داغی مگر آساندی، زینب

دیدیم اتمه بوقدری آه وزاری
بویاتماگوزیاشا سولموش عذاری
دایانسون سفله چرخون کج مداری
اوقبر آلمیش اوره کلردن قراری
اودور قارداشیم عباسون مزاری
اودورکه غرق درافغاندی زینب

قاپوندازینبا (ناعم ) گدادی
گجه گوندوزسنه نوحه سرادی
زیارت ایستیورغرق نوادی
نواخوان شه کرب و بلادی
اوره کده غصه سی بی انتهادی
سنون درگاهووه درباندی، زینب

• جمعه
• 8
• اسفند
• 1399
• ساعت
• 23:10
• نوشته شده توسط
• یوسف اکبری

مصائب هجمه سیله کربلاده باغریقان زینب

دایاندی اولمادی مرعوب دشمن هئچ زمان زینب

صلابتله ائدیب حق دن دفاع بی امان زینب

قیام کربلایه وئردی سانکی تازه جان زینب

غلط دؤشمزدئسم اسلامی ائتدی جاودان زینب

آدی ثبت اولدی تاریخه اوگؤندن قهرمان زینب

اونون اؤلدؤردولرمیداندا گرچه آلتی قارداشین

وحتئ اؤزحضورونداحسینین کسدیلرباشین

ولیکن گؤرمه دی دشمن اونون بیرقطره گؤزیاشین

وقاری خوارائدیب دیرکوفه نین اشرارواوباشین

دؤزؤب هرظلم وجوره ائتمه دی آه وفغان زینب

آدی ثبت اولدی تاریخه اوگؤندن قهرمان زینب

حسینین عهدوپیمان الستی تااولااجرا

ایکی اوغلون ائدیب آماده رزمه زینب کبرئ

الوبلارعازم میدان ایکی دردانه بی پروا

ائدیبلر دین اسلامین یولوندا جانلارین اهدا

اولوب تاکی شهادت مکتبینده امتحان زینب

آدی ثبت اولدی تاریخه اوگؤندن قهرمان زینب

ظفرطبلین چالان هنگام دشمن عصرعاشورا

هجوم آوراولانداخیمه گاهه لشگراعدا

دؤشنده وحشته وحشی قوشوندان عترت طاها

طنین اندازاولانداظلمودن فریادواویلا

پناه اولدی بناته صولتین ائتدی عیان زینب

آدی ثبت اولدی تاریخ اوگؤندن قهرمان زینب

اودم کی فارغ اولدی لشگرخونریزغارت دن

اولوبلاراهل بیته حمله وراوج عداوتدن

دگنده تازیانه قیزلارااهل شقاوتدن

اؤزون هایل ائدیردی ایمن اولسونلاراوضربت دن

حراست ایله ماقدان اولمادی غافل بیرآن زینب

آدی ثبت اولدی تاریخه اوگؤندن قهرمان زینب

گؤرنده نیزه باشینداحسینین ذبح اولان باشین

دؤزرهانسی باجی آیاگؤره اوحالداقارداشین

قولی باغلی اؤرک داغلی گؤرنده یارویولداشین

ووروبدورمحمله باشین قاتیب قانیله گؤزیاشین

ائدیب تجدیدپیمانین بونوعیله بیان زینب

آدی ثبت اولدی تاریخه اوگؤندن قهرمان زینب

اوگؤنکی وارداولدی کوفیه بنداسارتده

بیلیب یوخدورحقیقت بین گؤزی خائن جماعتده

سکوته ایله ئیب دعوت اوقومی بدو صحبتده

حسینین آرمانیندن آچیب سؤز اوج عزتده

ائدیب افشاءیزیدوابن سعدی توأمان زینب

آدی ثبت اولدی تاریخه اوگؤندن قهرمان زینب

رسالت حکمونه هارداخانیم فرصت اله سالدی

ائدیب افشاجنایات یزیدی ولوله سالدی

قیام کربلااهدافینی دیل دن دیله سالدی

وحتی خطبه سیله شهرشامه زلزله سالدی

یزیدین کاخ استبدادینه وئردی تکان زینب

آدی ثبت اولدی تاریخه اوگؤندن قهرمان زینب

ستوهه گلدی اماشامیده حجم مصیبتدن

یانیردی داغ دیده قلبی آلام وشماتددن

ولیکن اولمادی بیرلحظه ده غافل رسالتدن

قالیب حیرتده راوی لراوصبرواستقامتدن

اگرچه اوج عزتده اولوب بی خانمان زینب

آدی ثبت اولدی تاریخه اوگؤندن قهرمان زینب

نئجه تشریح ائدیم آیاسیزه ویرانهٔ شامی

تمام شهراولادشمن ولیکن اولمیا حامی

یتیمه قیزلارین شدت تاپاندا رنج وآلامی

اوقوندورماق نئجه ممکن اولارآیا او ایتامی

دولوب پیمانهٔ صبری نمادصبراولان زینب

آدی ثبت اولدی تاریخه اوگؤندن قهرمان زینب

قلم عاجزدی شرحیندن یازام نه ظلمولر اولدی

دوباره تازه لندی داغ ،اؤرکلرقانیله دولدی

شهادت گلشنین بیرغنچهٔ آلاله سی سولدی

حسینین اوچ یاشیندا نازپروربیر قیزی ئولدی

یولوب زلف پریشانین، سدیدا، باغریقان زینب

آدی ثبت اولدی تاریخ اوگؤندن قهرمان زینب

• شنبه
• 9
• اسفند
• 1399
• ساعت
• 10:38
• نوشته شده توسط
• یوسف اکبری

ای برادربیا،موسم ماتم شده
ازغم زینبت،قدفلک خم شده
غرق درشوروشین،،برلبم یاحسین
ای بـــــــرادر۲

جسم مجروح من مانده به شام بلا
یک نگاهم بود،جانب کرب وبلا
ناله سرمیدهم ای شه عطشان من
وقت جان دادنم،لحظهٔ آخربیا
میدهم دلغمین،جان بجان آفرین
ای برادر ای برادر

ای برادرمنم،زینب غمپرورت
آنکه بودازوفا،درهمه جایاورت
وقت جان دادنم،دیده به راه تواَم
خسته جان میدهد،غرق بلاخواهرت
مرغ پربسته ام،،،،ازجفاخسته ام
ای برادر ای برادر

پیش چشمان من،کرده جفادشمنت
تیروخنجرزده،اهل جفابرتنت
کربلابودومن بودم وتویاحسین
قتلگه بودواین دست من ودامنت
ای حبیب خدا،،،میزدی دست وپا
ای برادر ای برادر

یاحسین داده گل،قلبی یانان زینبم
آهیله باشیمه،قاره سالان زینبم
جان چیخورسینه دن،صون نفسیمدورحسین
یتیش امدادیمه،تئزقوجالان زینبم
تئزباتان کوکبم،،،باغریقان زینبم
قارداشیم گل قارداشی گل

خوش اولاریاحسین،گوزلریمی باغلاسون
باشیم اوسته گلیب،سینووی گرداغلاسون
سن بیلورسن سنه،شام وسحرآغلادیم
باجیلیق حقیمه،خوشدی منه آغلاسون
گل منی یادائله،،گوگلومی شادائله
قارداشیم گل قارداشیم گل

داده سسلورسنی،قلبی یارالی باجون
فرقتوندن اولان،دائم عزالی باجون
شهرغربتده یوخدورمنی یاده سالان
جان وئرورشامیده،ائلدن آرالی باجون
مرغ پربستیَم،،خستیَم خستیَم
قارداشیم گل قارداشیم گل

• سه شنبه
• 12
• اسفند
• 1399
• ساعت
• 23:04
• نوشته شده توسط
• یوسف اکبری

گل حسین قبول ایت بو ایکی غلامی

قانیله دولوبدی ایندی دیده جامی

عازم ایله میدانه/ زینبون گلوب جانه

غم یمه حسینیم

غم یمه برادر ئولدی یارو انصار

تنگ اولوب گوزنده عرصه گاه پیکار

گل بولاری ایله سن فدایی یار

گل یوزون سولوب قارداش/

اکبرون ئولوب قارداش

غم یمه حسینیم

دشمنون چوخ اولدی ای سلیل حیدر

اولدی قانلی صحراعرصه گاه محشر

قوی بولار یولوندا جان ویره برادر

توپراق اوسته یاستونلار/

باشیمی اوجاتسونلار

غم یمه حسینیم

دشمنه بویورما یالقوزام وحیدم

قوی قانا بویانسون ایکّی نور دیدم

افتخار ایدوم من مادر شهیدم

اولماز هر کیمه قسمت/ ایلیه سنه خدمت

غم یمه حسینیم

اوز آتالاری چون ایلیوب اشاره

هر زمان حسینیم دوشسه گرفشاره

بو ایکی بالامی یوللا کارزاره

بو همان اوساعتدی/خدوتون سعادتدی

غم یمه حسینیم

تحفه یوللّور هر کس یاره اوز بالاسین

خیمه ده ایشیتدیم لیلینون نواسین

اوخشوری سریّه ایندی مه لقاسین

سینه میز گلوب تنگه/قوی بولار گیده جنگه

غم یمه حسینیم

دشت پر بلانین حالی غم فزادی
(بیکَس) و غریبوخ یر گویی بلادی
کربلا دگول بو وادی منادی

کاش آنام گله قارداش/زینبون ئوله قارداش

غم یمه حسینیم

• جمعه
• 22
• اسفند
• 1399
• ساعت
• 16:02
• نوشته شده توسط
• یوسف اکبری

لایلای ای باغ وفانین سویملی سنبلی لایلای
گلشن عشق و صفانین عطرلی ترگلی لایلای
آنوون گوزلری قرا گوزلره قربان
جلوه لنر سنله قیزیم گلشن ایمان
منیم دان اولدوزومسان*منیم دادیم دوزومسان
منیم گوزل قیزیمسان
ایشیقلی،،، کوکبیم،،،،، آغلاما،،، زینبیم
لایلای بالا..لایلای بالا..۲

یوزده کی نورجمالون آسماندا آیا بنذر
گوزیاشون داغ داشدان آخمیش پاک واطهر چایا بنذر
سپهر عصمتده ایشیق کوکبیم لایلای
عمرومون صفاسی گوزل زینبیم لایلای
سنه من لایلای چالام...قادووی اوزوم آلام
غملرون جانه آلام
ایشیقلی...کوکبیم. ..آغلاما...زینبیم
لایلای بالا..........

• شنبه
• 23
• اسفند
• 1399
• ساعت
• 16:29
• نوشته شده توسط
• یوسف اکبری

سویوندی غملی دللر*فرحلنوبدی ایءللر
گلوب نوایه بلبل * چمنده آچدی گللر
زینب گوزآچدی بوگجه جهانه
مبارک اولسون صاحب الزمانه
گویده ملکلرسسلنور تبارک
میلاد بنت المرتضی مبارک

برج وفاده والله*زینب کیمی آی اولماز
عصمتده بعدزهرا*هیچ کس اونا تای اولماز
کوه وقاروعصمت وادبدی
دخت علیدی فاطمه نسبدی
گویده ملکلر...........

آلدی قوجاقه طاها*باخدی دیدی ماشاءالله
سن تک رشیده بیرقیز*گلمزجهانه والله
زهرا آنا گر مرتضی اب اولسا
اعجب دگول قیزلاری زینب اولسا
گویده ملکلر........

هرکس قوجاقه آلدی*باغلیدی غملی گوزلر
آچموردی گوزلرین تا*آلدی حسین مکدر
تا آلدی عطر شاه مشرقینی
آچدی گوزین شاد ایلدی حسینی
گویده ملکلر......

قارداشی سسلدی سن*باشدامنیم تاجیمسان
هم گوزلریم ضیاسی*هم سویگولی باجیمسان
سندن اینان من قالمارام آرالی
حتی اگر نی ده گزه م یارالی
گویده ملکلر......

• شنبه
• 23
• اسفند
• 1399
• ساعت
• 16:30
• نوشته شده توسط
• یوسف اکبری

مژده ای عاشقان آمده بنت الهدی مبارک
همچوگلشن شده خانه شیرخدا
مبارک
ماه وفاشدعیان گل باغ جنان
یازینب
مبارک مبارک ولادتش مبارک

تو گل گلشن حضرت پیغمبری
یازینب
زینت دامن فاطمه اطهری
یازینب
ای شرف عالمین نورچشم حسین
یازینب
مبارک.....

آلدی آغوشینه فاطمه تازینبی
دیللندی
دیدی سنلن بالا گلشن آل علی
گللندی
عمرومه سرمایه سن
دینه پیرایه سن یازینب
مبارک.مبارک.تولدون مبارک

ای اولان بحرعصمتده بهالی گهر
یازینب
باغلاماگوزلرون،ایندی حسینون گلر
یازینب
آغلامالایلای قیزیم
گوزی زیباقیزیم
یازینب
مبارک......

• شنبه
• 23
• اسفند
• 1399
• ساعت
• 16:36
• نوشته شده توسط
• یوسف اکبری

دوشدي بو قلبيم گينه تاب و تبه
چكدي قلم سالدي مني مطلبه
عرض ارادت ايلييه زينبه
عشقي اونون گتدي مني مذهبه
خاتمه وئردي بو قرانلوق شَبَه
عرض ايدورم اي يوزي چون آفتاب
باغلامني بير نخ چادر شبه

جودو سخا لطف و عطا سنده دي
حاتم طائي قاپووا بنده دي
صبر، سنون صبريوه شرمنده دي
زينب آدي تا به ابد زنده دي
درگيوين سائلي ايمنده دي
چوخ قيزي زينب چاغيروبلار ولي
زينب آدي بير سنه زيبنده دي

اي گل گلزار ولايت خانم
معني ايثار و شهامت خانم
نوكريوه ايله عنايت خانم
دوزدي كه يوخ منده لياقت خانم
سائلوَم ايتموشم عادت خانم
حق ياراداندا سني اي مَه جبين
ايليوب الحق كه قيامت خانم

سن كه ولا اهلينه منهاجيسان
كعبه ي عشق ايچره خانم حاجيسان
سن حَسَنينه نه گوزل باجيسان
دوزدي هميشه غمين، آماجيسان
بير فقط آللهيوا محتاجيسان
من نه ديوم شأنيوه لايق خانم
بسدي كه حيدر باشينون تاجيسان

سینه ی زهرادن اَموبسن چو شیر
شیر بِیجردن قیز اولار چوخ دلیر
سهم و صلابتده یوخوندور نظیر
گورنه یارالدوبدی خدای قدیر
دشمنی رسوا ایلدون بیر به بیر
کیم دیوری قوللاریوی باغلانوب
شام امیرین، ایلدون سن

جوشه گلوبدور قلميم برملا
عشقي گرك قلبيمه هر آن دولا
آدينا ( بيكَس) اوزي قربان اولا
قوي دیوم عشق ايلسون اهل ولا
خسته اورکلر گینه تاپسین جَلا
سن بول آنان فاطمه جاني خانم
یاز بیزه بير تذکره ی كربلا

• یکشنبه
• 24
• اسفند
• 1399
• ساعت
• 20:31
• نوشته شده توسط
• یوسف اکبری

شهر مدینه/بوگون دوباره/رشک جناندی
مولودپاک/دختر شاهِ/جهانیاندی

خجالتیندن/گلشنده هر گُل/بوگون سولوبدی
شأنینده بسدی/حیدره بو قیز/زینت اولوبدی

غملریزه خاتمه گلدی
دخت علی عالمه گلدی
من نجه تعریف ایلیم چون
نایبه ی فاطمه گلدی

«لطف ایلیوب خالق یکتا
گوزلرون آیدین اولا زهرا»

ایدوبدی روشن/بیت ولانی/بو ماه اَنور
گلوب جهانه/بوقیز اولا تا/حسینه یاور

پای ویروب ا.../خیرالنسایه/بیرگل زیبا
آقام حسینه/گلوبدی غمخوار/زینب کبری

منبع احسان و سخادی
گل آدی هر درده دوادی
تذکره وی ایلیر امضا
شیر زن کرب و بلادی

«لطف ایلیوب خالق یکتا
گوزلرون آیدین اولا زهرا»

عشقین یولوندا/دوشر بلایه/بودخت حیدر
غم وبلانین/شجاعتیله/قدین خم ایلر

دخت بتولون/صبرینه ایّوب/حیران قالوبدی
صبراوزی درسین/زهراقیزیندان/اوّل آلوبدی

جودو سخاده بی بدل دی
دختر فاطمه گوزل دی
بیله باجی جهانه گلمز
عشقی اورکلرده مثل دی

«لطف ایلیوب خالق یکتا
گوزلرون آیدین اولا زهرا»

قلبیمده واردی/شور تولّا/به عشق زینب
قسمت اولیدی/دوباره باهم/دمشق زینب

گوزل مزاری/ داعش الیندن/اولوبدی آزاد
(بیکَس) اودور کی/یازور ترانه/اولوبدی دلشاد

یا رب اَله دوشوب بهانه
لطف ایله بو اهل جهانه
ظهور صاحب الزمانی
شیعه لره ویر عیدیانه

«لطف ایلیوب خالق یکتا
گوزلرون آیدین اولا زهرا»

• یکشنبه
• 24
• اسفند
• 1399
• ساعت
• 20:33
• نوشته شده توسط
• یوسف اکبری

آچدی گوز _گل گلزار عصمت
زینب اول کان عفت
شیریزدانه زینت

یازهرا_دیلیمزده ترانه
اله دوشدی بهانه
بیزه ویر عیدیانه

غصه لی قلبه گل اوزون بیر صفاویر
مریض عشقوخ بیزه خاک شفاویر
زینبه خاطر بیزه کرب و بلا ویر

(زینب کبری گل زهرا خوش آمدی)

(زینب کبری اولا جانیم سنه فدا)

گل یوزی _چوگُل اَرغواندی
بیت زهرا جناندی
حوریلر نغمه خواندی

دنیاده_بیله زیبا آی اولماز
بونا کیمسه تای اولماز
بیله گویچک پای اولماز

رشک جناندی، گل زهرای اطهر
اهل سماوات، دوروب اللرده ساغر
ذکرملائک دَخیلکْ بنتُ الحیدر

(زینب کبری گل زهرا خوش آمدی)

بوزینب_گل باغ ولادی
هامی درده دوادی
درگهی باصفادی

بویوروب_حضرت صاحب الزمان(عج)
ای محبین و شیعیان
مبتلایان و بی کسان

کیمون اورکده واریدی بیر بویوک غمی
دیون کی گزمه بو طبیبان عالمی
شفیع گتیرسین منه بو زینب عمه می

(زینب کبری گل زهرا خوش آمدی)

(بیکَسم)_آستانونده نوکرم
منی قووساندا گیتمرم
آدیوی ازبر ایلرم

یازینب_منی قویمایولی آزدیم
ویراجازه گینه یازیم
آدیوی سینمه قازیم

اوگونگی اولدوم سیزه منده مدیحه خوان
ویروب شرافت نوکریِ بو خاندان
بسیمدی یازساز آدیمی کلب آستان

(زینب کبری گل زهرا خوش آمدی)

• یکشنبه
• 24
• اسفند
• 1399
• ساعت
• 20:35
• نوشته شده توسط
• یوسف اکبری

یثربده غوغادی/بیر روز زیبادی
مولود مسعود/فرزند زهرادی

زینب مدد زینب

حیدر اولوب دلشاد/غمدن اولوب آزاد
عشقیله سویلردی/زهرا ایوین آباد

رُخ ماه چارده شب/گوزقاره شیرین لب
ا... اوزی قویدی/گُل آدینی زینب

بونازنین دختر/دنیانی مات ایلر
باخ شأنینه اولدی/تاج سر حیدر

بو غنچه ی گلزار/عاشق لره دلدار
گلدی بو دنیاده/اولسون حسینه یار

دیللر جَلا ایستر/مِهر وِلا ایستر
آچسین الین هرکیم/کرب و بلا ایستر

هیهات ایداخ خواهش/بیز ایتمروخ خواهش
شکر اولسون آللهه/نابود اولوب داعش

(بیکَس) نواخواندی/عشقونده حیراندی
قیل دردینه چاره/قلبی دولی قاندی

• یکشنبه
• 24
• اسفند
• 1399
• ساعت
• 20:37
• نوشته شده توسط
• یوسف اکبری

ویرون مژده بوگون سیز شیعیانه
دونوب زهرا ایـــــوی باغ جنانـــه
زمان شادی و جشن اولــدی یاران
گلوبدور عمّه ی مهدی(عج)‌ جهانــــه

دیلده شور و نوا*هامی اهل ولا*قدمون مبارک
ایله مدح و ثنا*دینه یازینبا*قدمون مبارک

مولاتی یا زینب(س)

بو قیز بیر آیـــت حُسن ازلـــدی
چو مرآت جمـــــال لم یزلــــدی
ملاحتده بونا کیمسه تای اولماز
آناسی فاطــمه مثلی گوزلــــدی

ای وفا مشعلی*صولتی چون علی*قدمون مبارک
روشن ایت عالمی*گون کیمی مُنجلی*قدمون مبارک

مولاتی یازینب(س)

نام عشق ایسته سز پاینده قالسون
گرکدور زینبـیــن آدی اوجالسیــــن
گر عُشّاق جهان آختارسا اســــــتاد
گلوب درس وفــا زینبدن آلســــون

دیللره ویر صفا*ای عزیز طاها*قدمون مبارک
بیزه قیل سن عطا*سوریه کربلا*قدمون مبارک

مولاتی یازینب(‌س)‌

بوقیـــــز ریحــــانه ی باغ ولادی
جهاندا بانــــی بـزم عــــــــــزادی
بونون مثلی چتین گلسون جهانه
شریک پادشـــاه کربـــــــــــــلادی

ای حسینه غمخوار*غم گونی پرستار*قدمون مبارک
آشنا و اغیار*حُسنوه گرفتار*قدمون مبارک

مولاتی یازینب(س)

• یکشنبه
• 24
• اسفند
• 1399
• ساعت
• 20:38
• نوشته شده توسط
• یوسف اکبری

کَنز عطادی زینب/چوخ با صفادی زینب
درمان درد عالَم / درده دوادی زینب

حضرت زهرا عزیزیدی
خواهر شاه حَجیزیدی
مریم اوزی فخر ایدر اگر
زینبه گورسه کنیزیدی

زینب کبری خوش آمدی

شوره گلوب ملک لر/مسرور اولوبدی ائل لر
زهرا قیزین گورنده/گیزلَندی تز گوزل لر

گلشن عشقه ثمر گلوب
دامنِ شمسه قمر گلوب
آدینی زینب قویوب خدا
زینَت نام پدر گلوب

زینب کبری خوش آمدی

دُخت عزیز حیدر/یوخ شأنینه برابر
گلدی جهانه اولسون/شاه شهیده یاور

شکسته قلبه جَلا ویرر
دیللره عشق ولا ویرر
حسینه خاطر گَلن لره
برات کرب و بلا ویرر

زینب کبری خوش آمدی

عشقونده مبتلایم /من (بیکَسم) گدایم
من تا اَبد فَدای / فرزند مرتضایم

ویردی شهیدلر خوش امتحان
عشقونده بانو ویروبله جان
منیمده عشقیم فقط بودی
اولام سربازِ صاحب زمان (عج)

زینب کبری خوش آمدی

• یکشنبه
• 24
• اسفند
• 1399
• ساعت
• 20:40
• نوشته شده توسط
• یوسف اکبری