اشعار حضرت زینب(س)

اگر صاحب قلم لر چوخ یازوب ایثار زینبدن
وگر چوخ آشنالیقلار اولوب افکار زینبدن
منیم طبعیم جوشور جوشقون سولار تک پیچ و خملرده
چیخور ذرات لر دریاچهٔ اسرار زینبدن

او زینب که اولوب روز ازلدن غملر آماجی
طواف کعبه عشق حسینی آختاران حاجی
اولوبدور حاجیان راه عشقه هادی ناجی
یاراشماز دور بجز زینب حسینه آیری بیر باجی
گرک حمد و ثنا و شکر ایداخ دادار زینبدن

اوگون که قویدی زهرا دهرده دورت غنچهٔ بی خار
همان دورت غنچه نی اوز سینه سینده حیدر کرار
بجردوب هر بیرین بیر نحویله بیر بلبله غمخوار
اولوب حاصل خانم زینب حسینه محرم اسرار
حسین اسراری ایلردی مدام اظهار زینبدن

او گهواره ای که یاتمشدی حسین اوندا اوشاق چاقی
قدح در کف کنارینده گزردی کوثره ساقی
اونین تعظیمینه گوندردی خالق اهل آفاقی
همان گهواره قالمشدی حسیندن زینبه باقی
که اوپّوشدی حسینین اللری گهوار زینبدن

ازل نقاشی نقشین چکدی بیر تخت زر اوستونده
یرین تخت ایلدی تختین قویوب برگ تر اوستونده
او بیر گل دور که بلبلر آچوب بال و پر اوستونده
همان عصمت دی بش قارداش وروب بیر معجر اوستونده
آچیلموب لیک او معجر لحظه ده رخسار زینبدن

• یکشنبه
• 24
• مرداد
• 1400
• ساعت
• 13:54
• نوشته شده توسط
• یوسف اکبری

مرحبا گوهر یکتادی حسینین باجی سی
درّ گنجینهٔ تقوادی حسینین باجی سی
عصمت الله قزی کانون حیا کامله سی
سینه پروردهٔ زهرا دی حسینین باجی سی

شیر زن شیر دلاور قزی زینب دی آدی
قالدی زینب آدنین هامی آغزلاردا دادی
رتبه ده شأن ده مریم دن او بانو اوجادی
نو گل گلشن طاهادی حسینین باجی سی

کوکب مهردی اسپهر وفا الدوزی دی
سفرهٔ مهر و محبت دادی دی هم دوزی دی
بیر خانم دور آناسی ختم پیمبر قزی دی
اوندان ارثیهٔ والادی حسینین باجی سی

اولاً حُسن و ملاحتده خانم تک یارانیب
دخت پیغمبر حق مثلی مبارک یارانیب
حُسن یوسف ندی اونداندا بو گورچک یارانیب
فخر یوسف نه زلیخا دی حسینین باجی سی

چون علی، زینب کبری ده ده غیرت واریدی
فاطمه مثلی بو مرحومه ده همت واریدی
استقامت واریدی روح قیامت واریدی
قهرمان یلیل هیجادی حسینین باجی سی

کربلا واقعه سینده که اولوب غرق بلا
بیر بلین باغلادی محکم اوزون آتدی قباقا
سسلنوب دور عُمَره باشیوی سالما اشاقا
گورموسن بی کس و تنهادی حسینین باجی سی

ساتموسان دینیوی دنیایه ریاست تاپاسان
یا که ری ملکی الونده قالا ثروت تاپاسان
قویمارام سن داخی بوندان بیله عزت تاپاسان
بول که سندن ده توانادی حسینین باجی سی

هرنه دن خاطر قرآنه الین اوزدی حسین
الدوروب سوز هامی انصارینی یالقوزدی حسین
گرچه بو عرصه ده یالقوزدی اوغولسوزدی حسین
لیک اوغولدان اونا اولی دی حسینین باجی سی

وردی رخصت دل طوفاندا خانم گوز یاشینا
گوزلرین تیکدی تعجب له حسین قارداشینا
اللرین قالخزوب آهسته آپاردی باشنا
گوردولر واله و شیدا دی حسینین باجی سی

آخرین لحظه ده میدانه شه ایلوردی شتاب
غصه دن دختر خیر البشرین قلبی کباب
قیلدی بیر نحویله بو جمله نی مخیمده خطاب
قوخمیون شیر دل آرادی حسینین باجی سی

نطق زینب له تاپوب قدرت حسینین اورگی
حق طرفداری علی مظهری قرآن کمکی
سویلیوب فاطمه ورمشدی بو نان و نمکی
عشق اولا صبرده دریادی حسینین باجی سی

بزم منطق ده یازیلار همهٔ اهل کمال
گلمیوب زینب کبری کیمی شیرین مقال
شیوهٔ نطق و بیان دا اوزینه آلدی مدال
دائماً حق سوزه گویادی حسینین باجی سی

بیر خانم دور که خانملار باشینا تاج اولوری
بیر خانم دور که خانملار اونا محتاج اولوری
صبر ایدوب هر نجه عظما غمه آماج اولوری
یاز "امینی" اوزی عظما دی حسینین باجی سی

• یکشنبه
• 24
• مرداد
• 1400
• ساعت
• 16:25
• نوشته شده توسط
• یوسف اکبری

گرک اهل ولا عمرینجه عالمده بلا گورسون
سوور خالق ولا اهلین بلایه مبتلا گورسون

محبت اهلی بیگانه گرکدور عیش دنیادن
اوزین اهل ولا ، لازمدی درده آشنا گورسون

جلال و عزتندن ال گوتورسون راه جاناندا
بقای جاودانی درک ایدوب ، عمرین فنا گورسون

رموزات محبتده نکات عشقده دارا
اولا هر کیمسه شایق ، کاملاً اهل وفا گورسون

بصیرت دیده سین آچسین بلا صحراسینه باخسون
مقام عشقده دارا اولان اهل ولا گورسون

غلطدور سالک راه حقیقت ، ذکر ایدم آدین
باخوب عشاق عالم راه عشقه رهنما گورسون

آدی ام المصائب ، مخزن غم ، حضرت زینب
اونون تک کیمدی اثبات محبتده جفا گورسون

گورون وار بیر باجی ، قارداش یولوندا دار دنیاده
نقدری محنت و غم یوز ویره نفسین رضا گورسون

هامی غم بیر یانا غارتده اما اوزگه بیر غم وار
نجه شمرین النده معجرین کان حیا گورسون

سوروشدوم بیر نفر عالمدن اوضاع قیامتدن
اشاره ویردی غارتدن ، گوز ایستر برملا گورسون

دیمه غارت قیامتدن علامتدور ، نه سوزدور بو؟
او صغری دور بو کبری ، باخان وار مطلقا گورسون

عیال مصطفایه مین قیامت اولدی غارتده
مسلط اهل علم ایستر ، خبرده مبتدا گورسون

النده تازیانه آلدی لشگر زینب اطرافین
خبر ویر ای صبا گلسون قیزین خیرالنساء گورسون

یوزی اوسته دوشوب غش ایلدی زینب او حالتده
بو اوضاعی گلوب ایکاش ختم انبیا گورسون

سکینه گوردی بو حالی ، پوزولدی حالی بی طاقت
دئدی بو حالی یارب هاردادور شیر خدا گورسون

باخوبدور اهل بیت عصمته سسلندی یا اختا
روادور بیر نفر عورت بیله بیر ابتلا گورسون؟

رقیه دور ایاقه عمه مین سال باشنا قاره
مبادا عصمت کبری جمالین اشقیا گورسون

دوگولر عمه می ، آز قالدی ئولدورسونله کافرلر
دئن یوخ اهل شام و کوفه آز ظلمی روا گورسون

تاپولمور بیر نفر شمرین الیندن عمه می آلسون
نجه بو خفتی بولمم عیال هل اتی گورسون

گویردی قولاری ، چگنی ، یارالاردان آخار قانی
هانی بیر رحم ایدن ؟ دورسون تدارک بیر دوا گورسون

آغارمیش زلفینی اوز باشنون قانی خضاب ایتدی
یاخوندور سرپرستین غرق خون ، آل عبا گورسون

ئولنجه بو یارالار وای منه مرهم قبول ایتمز
خبر ویر باجیسین گلسون عموم صاحب لوا گورسون

دیسم زیبنده دور سس گلدی درگاه جلالتدن
مقدردور حبیبم بیله غملی ماجرا گورسون

چکون اما ابوالفضلین یارالی نعشنه پرده
مبادا شمر النده باجیسین بی اقربا گورسون

الی یوخدور دوروب شمرین الندن زینبی آلسون
او غیرت کانی مشگلدور بو حالی برملا گورسون

به حق عصمت زینب اوزون لطف ایله معبودا
(حسینی) بو مرضدن بیرده عالمده شفا گورسون

اورکده حسرتی واردور ازل گیتسون خراسانه
اجل درک ایتممیش بیرده مقامین کربلا گورسون

• شنبه
• 6
• شهریور
• 1400
• ساعت
• 23:32
• نوشته شده توسط
• یوسف اکبری

زینب گوروب دوتوب اورگین محنت و ملال
باد صبایه یوز چووروب ایتدی شرح حال

گیت ویر صبا اُلوم خبرین یاره یاریدن
هجران سوزون نگاره آپار بو دیاریدن

کرب و بلایه ایله گذر کوی عشقی تاپ
آگاه قیل حسینی سرانجام کاریدن

دی زینبون یامان گونیدور یوخیدی بیر کسی
مایوس اولوب قبیلدن ایلدن تباریدن

غم بسترینده ایندی دوشوبدور شکسته پَر
عشقون سالوبدی زینبیوی اقتداریدن

غصّه وجودینی اَریدیب قالمیوب رمق
تاب و توان گیدوب اَل اوزوب روزگاریدن

آخر نفس لرین چکوری یولدا گوزلری
کسمیش علاقه زندگی مستعاریدن

پروانه تک طواف ایلیوب عشق شمعنی
بال و پری یانوب شرر شعله باریدن

گاهی سیزیلدوری گهی بیجان دوشور یره
مدهوش اولور شرارهء طوف نگاریدن

حاله گلنده سویلوری قارداش هایانداسان
گل زینبی خلاص ایله بو انتظاریدن

غربت دیاریده اُلورم یوخدی بیر کسیم
غربت غمی چتیندی غم احتضاریدن

یوخ یتدی قارداشین بیری احوالیمی بیله
سالدی عجب فلک باجیوی اعتباریدن

منزل غریب دیار غریب جان ویرن غریب
بو غربت ایوده یوخ گلنیم اهل داریدن

ای یوسف مدینه باجون عطریوی آلور
پیراهن دریدهء بی پود و تاریدن

بو پیرهنده نقش اولونوب اوزگه منظره
روز بلاده کشکمش آشکاریدن

باشدان باشا بو پیرهنون جای زخمی وار
گلبرگ تک جفا یتشوب نیش خاردن

هر تار و پودی شرح جنایات اهل کین
هر رشته سی نشان عمل ناگواردن

کالای عشقدور بونا جان نقدی ویرمیشم
تا آلمشام اراذل بی شرم و عاریدن

بو کوینگ اوسته نولدی منه بیر خدا بولر
عاجزدی دل، بیان غم بیشماردن

گودال قتلگاهده گوردی گوزوم نجه
قان چشمه تک آخور بدن زخمداریدن

خشک ایتماقا یارالاریوی ایلدیم تلاش
دشمن ولیک ویرمدی فرصت کناریدن

بیر بی حیا بروزه ویروب اوز شقاوتین
حیرتدیم دایانمادی گردون مداریدن

الله بولور او لحظه نه غم یتدی زینبه
زلفوم آغاردی دوشدی بدن اختیاریدن

قدّیم کمانه دوندی او گوندن دوزلمدی
تار اولدی گوزلریمده گونوز لیل تاریدن

یولّاندی شام و کوفیه سرعتله قافله
گه شهریدن چکردیله گه کوهساریدن

هر بیر یره یتیشدی باجون باشلادی نوا
نی لر نوایه گلدیله بو آه و زاریدن

من اُلمدیم اوزوم، منی اُلدوردی اهل شام
بیر شام که خلیفه سی وار میگساریدن

سس دوشدی شهره بدرین آلون انتقامینی
فرمان گلوبدی حاکم بی بند و باریدن

هر کس ایشتدی گلدی گیدنلر دایاندیلار
باغلاندی راه کوچه او دم رهگذاریدن

بعضی شماتت ایتدی بیزه بعضی چالدی کف
کینه تموّج ایتدی دل کین شعاریدن

هر بیر جفا که فکره گلور ایتدیلر بیزه
ایوای او شهرده اولونان سنگساریدن

هر داش گلنده رنگی سارالدی رقیه نون
اشکین توکردی دیدهء گوهر نثاردیدن

حسین وفالی باجون حال احتضاره دوشوب
درون سینه ده یورقون نفس شماره دوشوب

محبت عالمینی سیر ایدن وفالی مرید
دیار غمده گوزوندن ایراق فشاره دوشوب

طریق عشقی پیاده گزوب قدم به قدم
حسین دیه دیه آردینجا کوهساره دوشوب

اسیر حسنون اولوب مرغ روحیم ازلدن
او گون بو گوزلریم اول نرکس خماره دوشوب

قضا قدرله ویروب ال اله یازاندا یازی
هامی بلا بو بلاکش دوشن مداره دوشوب

او شام شوم که گوزده ایدوبدی گوندوزی شام
دولاندی دوره او شهره یولوم دوباره دوشوب

او گوهری که تراب ایچره ایلدیم مدفون
منیله ایندی اونون قبری همجواره دوشوب

ایله منور ایدوب تیره شامی خلق دیور
سپهر مهر و وفادن یره ستاره دوشوب

شمیم عشق و محبت مشام جانی دوتوب
زبسکه بلبل غم دیده لاله زاره دوشوب

او زینبی که یخوب کاخ ظلمی همتیله
شکسته حالیله شام ایچره گیر و داره دوشوب

نفس گیدور داخی گلمور گوزوم قالوب یولدا
ئولوم توزی عرق مرگیله عذاره دوشوب

نه بیر نفر سنی حالیمدن ایلوری حالی
نه بیر کسین یولی عباس نامداره دوشوب

دیه وفالی باجون غربت ائلده جان ویروری
ئوزوب قبیله دن ال حال انزجاره دوشوب

گوزومده گوزلروون عکسین ائتمیشم ترسیم
گوزوم ئولنده ده گورسونله عکس یاره دوشوب

سنه باخان گوزومی آز قالور اجل یومسون
کمند مرگیله اووچی پی شکاره دوشوب

گوزومده گوزلریوین عکسین ایتمیشم ترسیم
گوزوم اُلنده ده گورسونله عکس یاره‌ دوشوب
‌
جمالون عکسینه قورخوم بودور چکه هاله
ایشقلی آی کیمی چون چشم اشکباره دوشوب

سنه باخان گوزومی آز قالور اجل یومسون
کمند مرگیله اوچی پیِ شکاره دوشوب

کتاب عمرومی بیربیر ورق ورور گوگلوم
گوزی سنیله گچن دور روزگاره دوشوب

بلا چولونده گزور گلشن وفانی گورور
ستمله پرپر اولوب قانلی جویباره دوشوب

نه گل نه غنچه هامی سرولر صنوبرلر
سنوبدی قول بوداغی شاخه دن کناره دوشوب

دوشوبدی بیر یانا شرمنده شیر شرزهء عشق
بیر آیری یرده گلوپاره شیرخواره دوشوب

بویاندا عورت اوشاق وامحمّدا سسلنور
اویاندا لشکر کین فکر تار و ماره دوشوب

ویرور غروریله سعداوغلی لشکره فرمان
غریبه فرصت او گون قوم کین شعاره دوشوب

حریم عصمتی قصد ایلیوب سپاه شرور
کبوتران حرم فکرت فراره دوشوب

نه بیر پناه تاپور سایه سینده دالدالانا
نه فکرینه او زمان آیری راه چاره دوشوب

ریاض خلده ووران طعنه گل کیمی بالالار
اسوبدی باد مخالف کمند خاره دوشوب

قاچوبلا چوللره اللر باشندا دیز تیترور
دالنجا هر بالانین بیر نچه سواره دوشوب

بیری ستمله آلور بیر قیزین گلوبندین
بیریسینون الینه قانلی گوشواره دوشوب

بیریسی غارت ایدوب جبریله حریر و طلا
بیرینه قسمت او غارتده گاهواره دوشوب

وراندا هر بالیه تازیانه غارت ایدن
منیمده جسمیمه مین یاره اوسته یاره دوشوب

نلر اولوب دیمورم ساخلورام یانان دلده
قلم یازاندا اورک دردیمی اشاره دوشوب

قالان اساسیمیزه ظلم الیله ویردیلا اود
منیم او اودّا یانان قلبیمه شراره دوشوب

همان اودون اثری ایمدیده یانان دلده
چکور زبانه، شرر قلب داغداره دوشوب

اماندی (اصلی) دایان دفترون الولاندی
نه اوت دی خامهء زرّین و زرنگاره دوشوب

یقین بو آتش جانسوز آه زینبدی
نه خامه شعله سی هر قلب بردباره دوشوب

• دوشنبه
• 8
• شهریور
• 1400
• ساعت
• 22:05
• نوشته شده توسط
• یوسف اکبری

ئولوری باجون حسینیم
قوری یرده گل اذان وئر
بوغازون یاراسی قربان
اوزیوی منه نشان وئر

بو دمشقیده حسینیم
منی بیرنفر سوروشمور
ائویمه گلوب گئدن یوخ
باجیویلا کس دانشمور
سنی گوزلورم الیمدن
بیلوسن بیری یاپشمور
بو بلالی باشیمی گل
دیزین اوسته بیرمکان وئر

یوزیوه باخوم که چخسون
جانیم آی وفالی قارداش
گجه گوندوز آغلادوم من
سنه ای یارالی قارداش
ئولوری آدامسیز ایندی
بو باشی بلالی قارداش
گوروسن که یوخلادوم من
یوخودان اویات تکان وئر

گونه حایل اولما قارداش
دئمین باجون یاتوبدی
باجوون بو یاتماقیلان
گونی آخره چاتوبدی
غریبم حسین سنون تک
منی اقربا آتوبدی
یتیش ای مسیح زهرا
دم آخریمده جان وئر

سنه الّی ایل حسینیم
بیلوسن باخوب اوجالدیم
ائله عشقیوه ویریلدیم
که من عشقیدن باج آلدیم
ولی قتلگهده گوردوم
یاری گونده من قوجالدیم
دئدیم ای بلالی صحرا
منه بوردا آشیان وئر

او یارالی جسم عریان
هله چیخمیوب یادیمنان
هامی قونشولار داریخدی
دیله گلدی فریادیمنان
گوزی یولدا قالموشام گل
منی سیله بیر آدیمنان
قورویان دوداقلاریلا
قوری جسمیمه روان وئر

نه یاراوی باغلادوم من
نه دویونجا آغلادوم من
قومون اوسته گوردوم عریان
اُسرانی ساخلادوم من
یوزی اوسته دوشموشیدون
بدنون قوجاخلادیم من
سنی سسلنوردوم ایوای
گئده بولمورم توان وئر

داغیلان جنازون اوسته
اوزونی سکینه سالدی
گوره بولمدی دویونجا
اؤرگیمده یاره قالدی
کسیلن الیوی چکدون
دالی ناله میز اوجالدی
سولَدیم که شمر وورما
گئدوروک بیر آز زمان وئر

بیلگین قانینی گوردوم
سوزولوردی تپراق اوسته
باشا چاتمیشیدی اوخلار
سینن اوسته دسته دسته
بوغازون اؤپوب دیوردوم
منه استقامت ایسته
گئده بولمورم بو چولدن
نجه آیریلیم بیان وئر

باجون اوردا ئولدی قارداش
جانی ایلیوب معطل
سنه قتلگاه اولوبدی
منی ئولدوروبدی مقتل
نگراندی جانی چخمور
باشیم اوستونه اوزون گل
گل حسین باخوم دویونجا
دم آخریمده سان وئر

دورا بیلمورم ایاقه
قاپودا قالوب گوزوم گل
باشیم ا‌وسته بیردم اگلش
باشوا دونوم اوزوم گل
بویانان اورکده قارداش
سنه واردی چوخ سوزوم گل
خوش اولار باجون دئسن گر
گنه غملی امتحان وئر

بو خرابه شامه قارداش
یولومی فلک سالوبدی
گزه بیلمورم بو شهری
جگریمده داغ قالوبدی
آنامون نشانه سیندن
باجون عطریوی آلوبدی
منی کوینگوه چولقا
کفن ایله ارمغان وئر

• دوشنبه
• 22
• شهریور
• 1400
• ساعت
• 19:13
• نوشته شده توسط
• یوسف اکبری

اسلامه بیوک یار مددکاریدی زینب
ذرّیّۀ پیغمبره غمخواریدی زینب

آلموشدی ادب درسنی زهرا و علیدن
هر حادثۀ شومده بیداریدی زینب

پیغمبر عزاسینده ازل ایلدی شرکت
گه حضرت زهرایه عزاداریدی زینب

گه باغلادی مولا باشنی کوفه ده یاندی
محنت زدۀ حیدر کرّاریدی زینب

بیر گونده حسن قارداشنا اولدی عزادار
چوخ محنته دنیاده گرفتاریدی زینب

بیر گونده حسینیله گیدوب کرب و بلایه
آیرلمادی بیر لحظه وفاداریدی زینب

گوردی که آلوب قارداشین اطرافنی دشمن
آماده اولوب هر غمه ناچاریدی زینب

هر غصّه گلوب سینه سنی ویردی قباقه
امّید قرار شه ابراریدی زینب

عرض ایتدی حسینم هاموسو داده ازلدن
غم ایلمه جانیله خریداریدی زینب

قویماز یاتا اسلام علمی اولسه علمدار
آخر سنه اسلامه علمداریدی زینب

هر غمده حسینه اولان عالمده هوادار
زهرا بالاسی زینبدی مونس و غمخوار

• جمعه
• 9
• مهر
• 1400
• ساعت
• 15:25
• نوشته شده توسط
• یوسف اکبری

بو همان زینبدی زهرا قلبینون آئینه سی
شیر حق اممیشدی عشقیلن دولیدی سینه سی

بو همان زینبدی تکدور احتشام و شوکتی
بو رشیده بیر خانمدور شیرزن دور شهرتی

بو همان زینبدی صولتده علیّ المرتضی
کشور سهم صلابتده اولوب انگشت نما

بو همان زینبدی وار باشدا شهامتدن تاجی
که حسین تک قارداشا لایقدی زینب تک باجی

بو همان زینبدی کشتی وفانون نوحدور
زینبین روحی حسین، زینب حسینین روحدور

بو همان زینبدی عشقی عالمه سرمشقدور
وار باشندا تاج عزّت رهنمای عشقدور

بو همان زینبدی دینه وقف ایدوبدور جانینی
ایلیوب عالمده زنده جدّینون قرآنینی

بو همان زینبدی عشقین عالمه اعلان ویروب
کربلا دشتینده اسلامه ایکی قربان ویروب

بو همان زینبدی گوردی کربلا هنگامه سین
کوفه و شامین یازوب گوزیاشیله برنامه سین

بو همان زینبدی آچدی کوفه ده لعل لبین
باشلیوب بیر خطبه خلقه آندیروبدور مطلبین

بو همان زینبدی اسلامه اولوبدور جان نثار
پرچم اسلامی عالمده ایدوبدور پایدار

بو همان زینبدی اگنینده اسارت جامه سی
عالمه بیر شور سالدی باشینون هنگامه سی

بو همان زینبدی دینی شامیده ترویج ایدوب
نقشه ی فکر یزیدی هیچ اندر هیچ ایدوب

بو همان زینبدی دین برنامه سین آلدی اله
مجلس هنداوغلونا شوریله سالدی ولوله

بو همان زینبدی افعال و گوزل کرداریلن
بزم عامی برهم ایتدی آتشین گفتاریلن

بو همان زینبدی کام آلدی صفای بختیدن
زاده ی مرجانه نی آهیله سالدی تختیدن

بو همان زینبدی حکم دینی اجرا ایلدی
تا یزیدی شامیده خلق ایچره رسوا ایلدی

بو همان زینبدی اعلان ایتدی احساساتینی
پوزدی معناده یقیناً کفر تشکیلاتینی

بو همان زینبدی واردور حق یانندا منصبی
دوشسه هر کیم مشکله سسلر جناب زینبی

بو همان زینبدی اسلامین اوجالدوب پرچمین
بو همان زینبدی یازدی اعظمی شرح غمین

• دوشنبه
• 12
• مهر
• 1400
• ساعت
• 16:37
• نوشته شده توسط
• یوسف اکبری

بیله حیالی خانم گلمیوبدی دنیایه
دوباره سالمیاجاخ مثلی اوسته گوی سایه

آناسی فاطمه دن درد و محنتی چوخدور
بونون غمی غم اهل جهاندان آرتوخدور

یازوبلا حین تولد، بو غم کش ایام
گوزین تکوب قاپویا، گوز یاشی توکردی مدام

کمال لطفیله نواده سین رسول انام
آلوب الینه اوپردی که ایلیه آرام

نقدر ایستدی رام ایتسون اولمادی مانوس
علی و فاطمه هم مجتبا اولوب مایوس

او دمده منزله قویدی قدم امام حسین
قولاقینه یتشوب زینبین کلام حسین

نه گوردیله اوزین ایستور آنا قوجاقندان
آتا یره، اوپه قارداشینون ایاقندان

او حالیله که حسین گوردی نازلی زینبینی
عزیز خواهرینین بیلدی عین مطلبینی

آچوب ایکی قولونی، سسلدی خانیم باجی گل
یاخوندی آتش غمدن یانا جانیم باجی گل

قماط زینبی آلدی او دم الی اوسته
دئدی قولاقنه بیر سوز و لیک آهسته

بئله گمان ایدیرم نور دیده یاسین
دئردی خواهرینه کربلا قضایاسین

حسین زینبه، زینب حسینه آغلاردی
او آغلاماق دل خیرالنسانی داغلاردی

حسینه بو خانمین چوخ محبتی واریدی
محبتده اورکدن مسرتی واریدی

• دوشنبه
• 12
• مهر
• 1400
• ساعت
• 16:46
• نوشته شده توسط
• یوسف اکبری

خامه مین مدادی اولوب روان، ایستوری گیده راه زینبی
ال یتورسه حق، ایلرم بیان، شان و عزت و جاه زینبی

مصحف محبتده برملا، گل آدی گلر سوره وفا
سوره صداقتده مطلقا، آیه صداقتدی هم صفا
بی معلمه، بی مفهمه، علمده بلاغتده خود کفا
بی سبب دگل اوج علمده ، حق قوروبدی خرگاه زینبی

اهل ذکر سویلوبله قرخ گجه، هر کس ایتسه راز و نیاز شب
بیر صفا تاپار قلبی، دولدورار قلبین علمیله بی نیاز شب
درس آلوب آناسندان عمریجه، هر گجه قیلوبدور نماز شب
دولدوربدی الله علمیله، قلب پاک و آگاه زینبی

گر دیسم ادبلی، خطا اولار، اوندا ختم اولوبدی ادب سوزی
گر دیسم که عصمتلیدور، گینه نقص اولار، اودور عصمتین گوزی
عفتینده صحبت ایدنمرم، سر به سر اودور عفتین اوزی
عفت آختاران، عصمت آختاران، طی ایده گرک راه زینبی

جد پاکیدور ختم انبیا، هم آناسیدور مصطفا قیزی
هم آتاسیدور، شاه اولیا، هم اوزی شه لافتی قیزی
هم اوزیدی هر مشکلی آچان، هم امام مشگل گشا قیزی
ای بلا گرفتاری وور، در درگه علا جاه زینبی

منطقینده وار چوخ بلاغتی، صحبتنده عالی فصاحتی
علم دینده علامه، حلمده مجتبایه وار شباهتی
صحنه حسینی ده برملا واردی هم حسینی شهامتی
اولماقا حسینیله هم قدم، یازمیوبله اکراه زینبی

صاحب وقار و سکینه دور، قول و فعلده یاغدیران ادب
جوهر حیا، گوهر شرف، فاطمی نسب، مرتضا حسب
نطقی آتشین، نهضت آفرین، زینب اوز آدی، یعنی زین اب
کهربای زین ابی آلوب، قلبده اولان کاه زینبی

• دوشنبه
• 12
• مهر
• 1400
• ساعت
• 16:47
• نوشته شده توسط
• یوسف اکبری

درسبڪ

آهنگ معمای شاه

زینب

عفیف و پاک و با نجابت

ستاره سپهر غیرت

امید لشکر برادر

سفیر با وقار نهضت

زینب

شهیر ملک استقامت

همیشه یاور ولایت

گرفته خو به راه مادر

چو فاطمه مه امامت

زینب

معلم بصیر قرآن

نشسته پای عهد و پیمان

محافظ لوای دین و

صدای او صفیر ایمان

زینب

شریف و تاجدار عزت

شفیع و ناجی قیامت

درون جنگ و شور و بلوا

به فکر سجده و عبادت

زینب

دوشوبدی صولتی جهانه

اولوبدی صبری جاودانه

جهاد و صبریله جهاندا

یتیبدی شانی آسمانه

زینب

حسینون ای وفالی یاری

یانیخلی قلبینین قراری

دیوبدی انقلابه لبیک

لوادن ائتدی پاسداری

زینب

یوزونده واردی غم نشانی

چکیبدی جور و هر بلانی

اورکده واردی چوخ یاراسی

خرانه دوندی بوستانی

زینب

چوخ آغلادی بلالی چولده

الی قالان هلالی بئلده

اولونجه سسلدی حسینیم

باشون نیه اوتوردی کولده

• شنبه
• 17
• تیر
• 1402
• ساعت
• 20:34
• نوشته شده توسط
• یوسف اکبری

با آهنگ از ضلابت و ملت وارتش سپاه....

گلدی عالمه بو گیجه حیدرین _ گوزل قیزی

منزل علینون گلوب شیعه لر _ دادی دوزی

اهل بیت عصمت اولدی غرق شورو شین

گوز آچوب جهانه گلدی خواهر حسین

یا زینب سنه فدا یا زینب 2بار

ای آدی بوتون دردلره دوا
معدن وفا دخت مرتضا
عرش فرشه دوشدی بوگون زمزمه
خواهر حسیندی گلوب عالمه
یا زینب سنه فدا یا زینت 2بار

اولیا گلستانینه زینت _ چمن گلوب
شیعه لر بوگون عالمه خواهر _ حسن گلوب

محرم دل حسیندی گلدی عالمه
آدینی ملک لر ایتدی گویده زمزمه

یا زینب سنه فدا یا زینب 2بار

شأن رتبه سی بی بدل خانم
مثل فاطمه چوخ گوزل خانم
زنده ساخلادین کربلا نهضتین
قویمادین سینا سن حسین عزتین

یا زینب سنه فدا یا زینب 2بار

آدی زین و اب دختر مرتضی _ علیدی بو
خواهر حسین زینت گلشن _ نبی دی بو

دخت مصطفا یه حق ویروب گوزل بالا
زینت پدردی گلشنه ویروب صفا

یا زینب سنه فدا یا زینب 2بار

اعتباریمیز افتخاریمیز
چوخ شجادی اول با وقاریمیز
شامیده خانم خوار ایدوب دشمنی
قویمادی یاتا تا حسین پرچمی

یا زینب سنه فدا یا زینب 2بار

پای بونی بوگون حضرت حیدره _ خدا ویروب
فاطمه گلی گلشنه شیعه لر _ صفا ویروب

نهضت حسینی زنده ساخلار عشقیله
خطبه سیله شامیده سالار او ول وله

یا زینب سنه فدا یا زینب 2بار

شاد اولوب بوگون حجت خدا
گلدی زینت عرش کبریا
دیور بوتون شیعه لر مرحبا
سنه فدا جانیمیز زینبا

یا زینب سنه فدا یا زینب 2بار

• چهارشنبه
• 18
• مرداد
• 1402
• ساعت
• 23:43
• نوشته شده توسط
• یوسف اکبری

هر کیمون وار دردی، هر درده دوا زینبده دی
سسله یا زینب ، براتِ کربلا زینبده دی
_

کربلاده گرچه آلام و غمه قالدی خانیم
لیک، نطقیلن حسینون قانینی آلدی خانیم
شامیده لرزه یزیدون جانینه سالدی خانیم
ثبت اولوب تاریخیده، راز بقا زینبده دی
____

کربلانون چوخلی رنج و محنتین زینب چکوب
هر مصیبت وار اگر بو نهضتین، زینب چکوب
بیز اگر اولدوق حسینچی،زحمتین زینب چکوب
اعتلای پرچمِ سرخِ عزا زینبده دی
___

جان عالملر فدادی زینبون لبخندینه
قلبینون بندی حسیندور،بند اولوبدور بندینه
دگمیوب نامحرمین حتی الی روبندینه
یاز قلم گنجینه ی حجب و حیا زینبده دی
_

آزمایش ایلدی زینب جهاندا بختینی
انتخاب ائتدی ازلدن هر ایشون بو،سختینی
عاقبت فاتح چیخوب،چوندردی ظلمون تختینی
آل سفیان باشینه،حکم قضا زینبده دی
_

زینبون دامانینه چنگ توسل کیم ویرا
رشته ی ظلمی گورک،عباسِ تک،هر دَم قیرا
هانسی عورت گورموشوز تاریخیده بت سیندیرا؟
مرحبا روحیه ی خیرالنسا زینبده دی
__

بیر خانیمدور بو خانم،اعجوبه دور،ئوز دهرینه
ئورگدوب قرآنی، نسوانِ مدینه شهرینه
غوطه ور اولدی اگر چه غصه و غم بحرینه
ظالمه باش اگمیوب اگمز ، وفا زینبده دی
____

ایستدی زینب جهاندا وحدتی،تحکیم ائده
درس حجب و عفّتی عالملره تعلیم ائده
حاتم طایی گورک درگاهینه تعظیم ائده
گر اصالتلن باخان اصل عطا زینبده دی

• پنج شنبه
• 19
• مرداد
• 1402
• ساعت
• 00:32
• نوشته شده توسط
• یوسف اکبری

☑️ بند اول

سالار نیزه نشینم عزیز جان زینب
روح و روان زینب تاب و توان زینب

دلتنگ تو ام کجایی بیا که بیقرارم
بیا که غصه دارم ای مهربان زینب

ای مرغ شکسته بالم از هجرت سوزم و نالم
توی آخرین نفس هام منتظر وصالم

دل خستم قسم به جونت میمیره یه روضه خونت
اون که قتلگاه رو دیده خواهر قد کمونت

واے داداش یه روز خوش ندیدم
واے خدا میدونه چی کشیدم

? حـــســـیـــن غــریــب مــادر / غــریــب مــادر / غــریــب مــادر

☑️ بند دوم

از داغ فراقت هرشب پر ز نوا و آهم
عزیز و تکیه گاهم امیر بی سپاهم

دارم جون میدم ولی باز غریب مادر من
حسین بی سر من به یاد قتلگاهم

واویلا چه ها کشیدم راس روی نیزه دیدم
دیدم جسم بی سر تو برادر شهیدم

رو خاک ها تو رو کشیدن جسم پاکتو دریدن
میسوزه دلم از این غم دستاتو بریدن

واے جسم تو رو به کی سپردم
واے چرا کنار تو نمردم

? حـــســـیـــن غــریــب مــادر / غــریــب مــادر / غــریــب مــادر

☑️ بند سوم

میدونی تمام عمرم به دست غم اسیرم
برادرم امیرم دیگه دارم میمیرم

میمیرم ولی کنارم برادری نمونده
غم کمرم شکونده داغ تو کرده پیرم

دوس دارم این دم آخر ای جانم غریب مادر
خودت بیایی و ببندی چشمامو برادر

حال و روز من خرابه قلب خواهرت کبابه
اونکه خواهرت رو پیرکرد غم های ربابه

واے چی بود گناه شیرخواره
واے شش ماهه که زدن نداره

? حـــســـیـــن غــریــب مــادر / غــریــب مــادر / غــریــب مــادر

☑️ بند چهارم

بارون غم از چشم من میباره روی گونم
مرغ بی آشیونم زینب قد کمونم

کاش میشد بیاد به پیشم پشت و پناه بابا
عزیز جان لیلا اکبر نو جوونم

آخرین باری که دیدم دستی رو سرش کشیدم
راهی شد به سوی میدان دلبند رشیدم

اکبر شبه مصطفی بود اکبر دلربای ما بود
رفت و موقعی که برگشت در بین عبا بود

واے جماعت کوفه چه پستن
واے سر عزیزمو شکستن

? حـــســـیـــن غــریــب مــادر / غــریــب مــادر / غــریــب مــادر

♻️ ابیات ترکی?

☑️ بند پنجم

قارداش زینبین وئریر جان هرایه گل اماندی
غمونده قلبی یاندی گوزلری ناگران دی

غربت یرده اقرباسیز سونور چراغ جانی
یانیندا مهربانی اولمادی باغری قاندی

گور زینب نه حاله قالدی گل مثلی سولدی سارالدی
قارداش گل شهر دمشقه آغلیینین قوجالدی

عرشه چخدی آه و واسی چوخدور باشینین بلاسی
حتی اولسه وار باشین دا عشق کربلاسی

واے گوزوم قالیب یولوندا قارداش
واے عاشق بیماریوه چک باش

? حـــســـیـــن غــریــب مــادر / غــریــب مــادر / غــریــب مــادر

☑️ بند ششم

قارداش کربلا چولونده عجب جنایت اولدی
هوای محنت اولدی قانلی قیامت اولدی

قاچدی چوللره بالالار کاسه ی صبری داشدی
ظلمه عدو ال آچدی موقع غارت اولدی

دردیمه یوخیدی چاره ویردیلار قلبیمه یاره
سسلیردی رقیه عمه سویولدی گوشواره

قلبی یاندیریب باخیردی گوز یاشی یوزه آخیردی
گاهی القمه گهی ده گوداله باخیردی

واے قلبیمه تیر غم ساچیردی
واے قولاغینین قانی آخیردی

? حـــســـیـــن غــریــب مــادر / غــریــب مــادر / غــریــب مــادر

• پنج شنبه
• 23
• شهریور
• 1402
• ساعت
• 00:26
• نوشته شده توسط
• یوسف اکبری

☑️ بند اول

یارالی اخا
قربتده زینبین وریر جان

باجین اولوری
گل قارداش دوت شام غریبان

نوادن توشموشم تئز گل هرایه
اولور زینب حسینیم گل عزایه

گل سنده سینه داغلا
گل باشیم اوسته آغلا

? یارالی ام حسین / یارالی ام / یارالی ام / یارالی ام

☑️ بند دوم

هایانداسان ای
گوزلری پیغمبر مثالی

یولوندا قالیب
گوزلریم آرتیب دیل ملالی

چخیر گل طائر روحوم قفسدن
توشور غم خوار عاشورا نفسدن

گل یوخدی دیلده تابیم
سیل گوزدن اشک نابیم

? یارالی ام حسین / یارالی ام / یارالی ام / یارالی ام

☑️ بند سوم

سولوب سارالان
گلزاره بنذیر پیکریم گل

غریبم حسین
یوخدی بیر یار و یاوریم گل

طبیبیم قیل نظر بیر دم بو زاره
اوزون گل زینبی تاپشیر مزاره

گل نور هر دو عینیم
گل سنسیزم حسینیم

? یارالی ام حسین / یارالی ام / یارالی ام / یارالی ام

☑️ بند چهارم

قرار دیلی
هجران کربلا آلیبدی

بو سون نفسی
کوینکین سینمده قالیبدی

بو کوینک دن حسین عطرین آلاردیم
باخاندا اوخ یرینه اوتلاناردیم

واے دیلده طاقتیم یوخ
واے دئیدی سینوه اوخ

? یارالی ام حسین / یارالی ام / یارالی ام / یارالی ام

☑️ بند پنجم

اریتدی منی
غم ناری اوتلاندی کوزومده

علامتی وار
جسمیمده مجروحام اوزومده

او یرده باشه خاک غم الندی
الیم گودال ایچینده یاره‌لندی

واے اوت توتوب آلیشدیم
واے قانیمه قاریشدیم

? یارالی ام حسین / یارالی ام / یارالی ام / یارالی ام

• پنج شنبه
• 23
• شهریور
• 1402
• ساعت
• 00:27
• نوشته شده توسط
• یوسف اکبری

☑️ بند اول

گینه مدینه غرق نور اولوبدی
ولایتین بد خواهی کور اولوبدی
آچیبدی زینب گوزلرین جهانه
سرای حیدر رشک تور اولوبدی

یل حنینین یاوری گلیب
آقام حسینین خواهری گلیب

? زینب یادگار حیدر

☑️ بند دوم

بیری اوپور آنین بیری یاناغین
بیری الین اوپدی بیری ایاغین
گلیب ملک لر عرش کبریا دن
دییله زهرا خوش گلیب قوناغین

عزیز جان مصطفی گلیب
حسینه یار با وفا گلیب

? زینب یادگار حیدر

☑️ بند سوم

شمیم قدسی شهری توتدی یکسر
اولوب دل اهلی مست جام کوثر
آلاندا آغوشه آنا بالانی
گوروب سویوندی پادشاه خیبر

یتیشدی عرشه بو خبر سسی
گوزون آچیب ساداتین عمه سی

? زینب یادگار حیدر

☑️ بند چهارم

ابوترابین ای گوزل بالاسی
صفالی آدین دردیمین دواسی
بو نوکر نالایقین باشیندا
همیشه وار سودای کربلاسی

بو غصه دن ائیله منی رها
اورک ده واردی شوق کربلا

? زینب یادگار حیدر

☑️ بند پنجم

خانم فراقین آتشینده یاننیخ
اولوب حرم سیز ، قاره زندگانلیخ
بو جمعی دعوت ائیله سن دمشقه
گلیب حرمده باشوا دولانیخ

دمشق دنده شامه یول سالاخ
خانم رقیه س عطرینی آلاخ

? زینب یادگار حیدر

• شنبه
• 25
• شهریور
• 1402
• ساعت
• 00:35
• نوشته شده توسط
• یوسف اکبری

☑️ بند اول
ای که تو نور بصری حضرت زینب
خاتم جان را گوهری حضرت زینب

دختر عالی نسب حضرت زهرا
زینت نام پدری حضرت زینب

اون که به دام عشقت افتاد منم
اون که دلش رو به شما داد منم

عمه ی سادات فدای توام
عبد و گدای سرای توام

?زینب کبری مددی یا زینب

☑️ بند دوم
سینه زنم عمریه ی زیر علم تو
سائلم و سائل لطف و کرم تو

تنگه دلم بهر شما آرزوم اینه
گریه کنم یک شب جمعه حرم تو

عالمی داره زیر ایوونِ طلات
روضه بگیریم سینه زن ها به فدات

از غم دوری نجاتم بده
جون رقیه براتم بده

?زینب کبری مددی یا زینب

☑️ بند سوم
چوخلی جوانلار گلیب آمالینه یئتدی
فانی جهاندان ال اوزوب جنته گئتدی

چوخلاری لبیک دییب اوج بلاده
حائل اولوب قبریوه سینه سپر ائتدی

چاتدیلا کامه اولدولار محترم
آدلاری اولدی مدافعان حرم

شهد شهادت ایچیب یاتدیلار
راه ولاده قانا باتدیلار

?زینب کبری مددی یا زینب

☑️ بند چهارم
درگهیزه عاشق اولوب غرق نوایم
شائق احسانم و محتاج عطایم

فاش دی بی پرده سیزه دلده کی منظور
عاشق صحن و حرم کربوبلایم

عاشقم آدیم حرم آواره سی دی
مرقد عباس دردیمین چاره سی دی

ایسته بو زاری گل نازنین
پای پیاده گلیم اربعین

?زینب کبری مددی یا زینب(س)

• یکشنبه
• 26
• شهریور
• 1402
• ساعت
• 22:16
• نوشته شده توسط
• یوسف اکبری

عمروم یاخنلاشیبدور
یتسین تمامه قارداش
پیک اجل گلونجه
گل سنده شامه قارداش

سن گلمسن یقین بول هجران اوتوندا یانّام
بولسم گلن دقیقون جان ورمرم دایانّام
ئولسمده سن گلنده تشییعیمه اویانّام
ال سینده اوتورّام عرض سلامه قارداش

عاشور کربلادن سندن آرالیام من
هیچ بولمورم دیاریم هاردا هارالیام من
قارداشلاریم ئولندن دلدن یارالیام من
دوندردی گوندوزومی غم غصه شامه قارداش

من بلبل حزینم گولسیز چمنسیز ئوللم
آیری دوشوب وطندن ایلسیز وطنسیز ئوللم
اورگشمیشم حسینیم سندن کفن سیز ئوللم
اگنیمده واردی سندن بیر قاره جامه قارداش

یوخ طاقت و توانیم از بس که خسته یم من
مانند پر شکسته بلبل قفسده یم من
یتمیش جانیم دوداقه آخ

• سه شنبه
• 6
• فروردین
• 1398
• ساعت
• 11:00
• نوشته شده توسط
• ابوالفضل عابدی پور

زینبون جان اوسته دی ای مهربان قارداش حسین
حالیمه یوخدور بو غربتده یانان قارداش حسین

واردی سندن خواهشیم ای معدن لطف و عطا
تئز یتیر شامه اؤزون جانیم سنه اولسون فدا
صون نفسده باشیم اوسته گل اوخی قران اخا
محضرونده بذل ائدیم جانانه جان قارداش حسین

اولموشام الّی بئش ایل دی عشقیویله آشنا
عشقیوه خاطر دئدیم هر نه بلا گلدی بلی
باشیوین آردیجا گزدیم چوللری گئتدین هارا
کوی عشقونده دولاندیم هر زمان قارداش حسین

شامیده دولدی بلادن صبریمین پیمانه سی
غربت اولکه اولدی آخر بو غریبین خانه سی
گل اولوم من بیرده شمع لطفوین پروانه سی
هارداسان ای زینبه روح و روان قارداش حسین

گویلوم ایستیر ایلییم بیرده زیارت من سنی

• سه شنبه
• 6
• فروردین
• 1398
• ساعت
• 12:08
• نوشته شده توسط
• ابوالفضل عابدی پور

زینبون یانوبدی دلدن
جان وئرنده سن یارالی
گل حسین باجون وئرور جان
سربسر بدن یارالی

سن وئرنده تشنه لب جان
کربلاده قوملار اوسته
گلدیم اُول زمان حسین جان
قتلگاهه دلشکسته
شمر الین دوتاندا اولدی
اللریم شکسته بسته
عورتی ندن وورورسان
اولمادی دییَن یارالی

لطف قیل بو غربت ائوده
گل یارالی سینه داغلا
قبلیه چوور یوزومی
باخ منه سیزیلدا آغلا
اللرون بدنده اولسا
باری گوزلریمی باغلا
قالماسون اؤرکده نسگل
جان وئرنده من یارالی

ارث دور بیز اهل بیته
غربت اؤلکه ده وئراخ جان
خوشدی زینبه بو اؤلماق
چونکه ایسدیوبدی جانان
بیرجه گُل یوزون گورِیدوم
تا که جان وئریدیم آسان
قبض روحه وئرمرم سن
گلمیینجه تن یارالی

گر سنون بو

• سه شنبه
• 6
• فروردین
• 1398
• ساعت
• 14:21
• نوشته شده توسط
• ابوالفضل عابدی پور

حسینیم آز قالوری تار اولا جهان گؤزومه
وئرور اجل ملکی چهره سین نشان گؤزومه

تولّدومده گؤز آچدیم ازل سنون گؤزیوه
گل ایندی باخ عوضینده وئرنده جان گؤزومه

گؤزوم یاشین الرم، شوقیلن گلن یولیوا
نولار قدم قویاسان چشمه سی روان گؤزومه

اورکده خاطره لر دفترین ورقلیورم
دویونجا غم گورورم گورسدوب زمان گؤزومه

نئجه چیخار یارالی حالتون خیالیمدن
گلور او قتلگهون صحنه سی هرآن گؤزومه

او قتلگه که سنی آرخان اوسته دؤندردیم
سینونده بیر یارا گؤرسندی ناگهان گؤزومه

گؤزوم یاشین یاراوا مرهم ایلدئم یاندیم
دئدیم گؤز آچ یارالی،باخ بو ناگران گؤزومه

وئرنده جان باشیوین اوسته گلموشم قارداش
گل ایندی سن اوزیوی وئرگیلن نشان گؤزو

• سه شنبه
• 6
• فروردین
• 1398
• ساعت
• 15:27
• نوشته شده توسط
• ابوالفضل عابدی پور

دخترِ ام ابیها زینب
وارثِ عصمتِ کبری زینب
یکتنه فاتحِ شام و کوفه
قهرمان کربلا یازینب
یازینب

یازینب ذکرِ طوفانیم
تربتش مهرِ پیشانیم
با یادش دیده بارانیم
یازینب

کربلا کرببلای زینب
کنجِ ویرانه سرای زینب
همه دیدند که در عاشورا
قدَر افتاده به پای زینب
یازینب

در صولت اسدالله ترین
چون حیدر سالکِ راه ترین
درمحراب مستِ الله ترین
یازینب

ملکِ دل خورده به نامِ زینب
من غلامم به غلامِ زینب
در مطافِ قتلگاه وخیمه
خزر شد تشنه ی جامِ زینب
یازینب

زینب ای محرمِ رازِ دل
روضه ات بهترین سازِ دل
در اوجِ حق پرستی شود
عشقِ تو بالِ پروازِ دل
یازینب

بانوی مخدره یازینب
طاهره مطهره یازینب
نحضتت در همه جای عالم
میشود

• پنج شنبه
• 28
• شهریور
• 1398
• ساعت
• 10:23
• نوشته شده توسط
• ابوالفضل عابدی پور

السلام ای دخت علی
آئینۀ عشقین گوزلی
یا حضرت زینب
.
جلوۀ نور ازلی
دیوان عفافین غزلی
یاحضرت زینب
.
ای هدیۀ سبحان
گلواژۀ ایمان
سنسن گلِ زهرا
عالم سنه قربان
.
سن عزیزِ نه سماسن
گل باغِ انماسن
ملکوتیدن گلور سس
هامی دردلره دواسن
.
شرفون وقاری زینب
هدف اقتداری زینب
سنی سسلیور فلک لر
سنه جان دیور ملک لر
.
ای عزیز جان حیدر
قدمون مبارک اولسون
.
.
.
.
.
.
.
.
السلام ای یار حسین
دلدار وفادار حسین
یاحضرت زینب
.
قهرما ن کرببلا
دردانه ی سلطان ولا
یاحضرت زینب
.
ای همتی والا
خلقتده دلارا
هم عقشی مصور
هم صبرده دریا
.
ای عزیزجان حیدر
گل باغ عشق و باور
سنه جان شیعه قربان
سنه فخر ائدور پیمبر
.
سن عزیز نه سماسن
گل

• پنج شنبه
• 5
• دی
• 1398
• ساعت
• 11:00
• نوشته شده توسط
• ابوالفضل عابدی پور

مژده ویرون احراره گلوب عالمه زینب – گلوب عالمه زینب
ویردی حیدرین غملرینه خاتمه زینب – گلوب عالمه زینب
.
گلن کان و فادی
در کنز حیادی
بو خاتون دوعالم
هامی درده دوادی
.
مبارکدی مبارک
.
.
.
.
.
گلدی یره گویدن ملک و حوری و غلمان
پیغمبراوپوپ گل یوزینی اولدی خرامان
زهرایه دیور روح الامین شوقیله تبریک
نوریله دولوب ارض و سما ؛عالم امکان
.
گلوب دختر مولا
گل باغ تولا
آدین قویدی پیمبر
اولوب زینت بابا
.
مبارکدی مبارک
.
.
.
.
.
تبریک دیون ای اهل ولا شاه شهیده
دنیا گرگ اولسون شاد ایله یوم سعیده
زینب باجووین گلمگینه وار یری شاها
شکرایلیه سن صبح و مسا رب حمیده
.
گلوب صورتی مهتاب
ایدوب حیدری شاداب
دیون شوقیله ب

• پنج شنبه
• 5
• دی
• 1398
• ساعت
• 11:20
• نوشته شده توسط
• ابوالفضل عابدی پور

ای عاشقان مژده آمد شب شادی
پنجم جمادی میلاد زینب
قلب همه عالم افتاده در این دام
دلها شود آرام با یاد زینب
.
فرزند مولا امشب خوش آمد
دلبند زهرا زینب خوش آمد
.
.
.
در شهر مدینه شوری به پا گشته
از غم رها گشته زهرا و حیدر
چشم حسن روشن نور دو عین آمد
بهر حسین آمد دردانه خواهر
خورشید نور افشان زد جلوه ای دیگر
در آسمان پر زد روح برادر
.
فرزند مولا امشب خوش آمد
دلبند زهرا زینب خوش آمد
.
.
.
فصل خزان رفت و شد نوبهار امشب
از مقدم زینب الحمدلله
بلبل بخوان نغمه در گلشن حیدر
زد غنچه ای دیگر خوشرنگ و زیبا
از مقدم این گل عالم گلستان شد
غمها گریزان شد از جمله دلها
.
فرزند مولا امشب خوش آمد
دلبند زهرا زینب خوش

• پنج شنبه
• 5
• دی
• 1398
• ساعت
• 11:22
• نوشته شده توسط
• ابوالفضل عابدی پور

#فارسی
.
دختر شیر خدا جان سادات آمده
روح معنا و هدف بر مناجات آمده
بی معلم عالمه بر عبادات آمده
.
کرده عنایت حَیِّ تبارک
میلاد زینب باشد مبارک
.
شده میلاد زینب دختر زهرا
گل معنا به عیدی می دهد مولا
.
.
.
.
قهرمان کربلا دختر بدرالدجا
مایۀ آرامش قلب ناز مصطفی
دختر بحر سخا می دهد عیدی به ما
.
کرده عنایت حَیِّ تبارک
میلاد زینب باشد مبارک
.
شده میلاد زینب دختر زهرا
گل معنا به عیدی می دهد مولا
.
.
.
.
مژده ای دل گوهر بحر احسان آمده
آسمان عشق را مِهر ایمان آمده
اُسوۀ حُجب و حیا بهر نسوان آمده
.
کرده عنایت حَیِّ تبارک
میلاد زینب باشد مبارک
.
شده میلاد زینب دختر زهرا
گل معنا به عیدی می دهد مولا
.
.
.
.

• پنج شنبه
• 5
• دی
• 1398
• ساعت
• 12:25
• نوشته شده توسط
• ابوالفضل عابدی پور

سبک: الا یاایهاالساقی
.
تجلّی گاه رحمت دن
فروغ حق عیان اولدی
به یُمن مقدَم زینب
خلایق نغمه خوان اولدی
.
.
((صفا گلدی- وفا گلدی
گلِ خیرالنسا گلدی
غم و درده- دوا گلدی
سلیلِ مرتضی گلدی))
.
.
.
.
.
ایچن مخمورومست اولدی
می ناب ولایت دن
چخوب بیرکوکب رخشان
ورای برج عصمت دن
زلیخالر قالوب حیران
او گوزلردن او طلعت دن
.
((صفا گلدی- وفا گلدی
گلِ خیرالنسا گلدی
غم و درده- دوا گلدی
سلیلِ مرتضی گلدی))
.
.
.
.
.
بوگون بخشندۀ سبحان
سپهرعشقه آی وئردی
صلابت ده شهامت ده
خانم زهرایه تای وئردی
کویر ظلمته یزدان
جوشان دریانی پای وئردی
.
((صفا گلدی- وفا گلدی
گلِ خیرالنسا گلدی
غم و درده- دوا گلدی
سلیلِ مرتضی گلدی))
.
.

• پنج شنبه
• 5
• دی
• 1398
• ساعت
• 12:30
• نوشته شده توسط
• ابوالفضل عابدی پور

گل حسین دمشقده جان وئرور
غمیله رفاقت ائدن باجون
دوشوب استقامت جسمدن
غمه استقامت ائدن باجون
.
.
سنون عشقویله قدم وروب
ره ابتلاده یورولمشام
یتوروب مراموی عالمه
یتیشوب مراده یورولمشام
دورا بیلمورم ایاق اوستنه
ائله فوق العاده یورولمشام
یوزی قبله‌ده کمک آختارور
زحماته طاقت ائدن باجون
.
.
نه خانم ربابه یتور الیم
منه باری بیر مدد ایلیه
نه واریمدی دسترسیم حسین
حرمون ستم زده لیلیه
دیلی خوش رقیه‌ده قالمادی
آچا باشینی بی‌بی وای دیه
عجب حسرتیله گوزون یومور
هاموزا محبت ائدن باجون
.
.
من او زینبم که وصالوی
ائدرم گیجه گونوز آرزو
ولی دامنون اله دوشمیور
گزورم جهانیده کو به کو
خم اولوب قدیم باشمون توکی
آغاروبدی

• یکشنبه
• 20
• بهمن
• 1398
• ساعت
• 09:23
• نوشته شده توسط
• سید محمد حسینی

من عزیز فاطمیم فلک
منه حرمتون ندن اولمادی
ئولورم کنار دمشقیده
باشیم اوستونه گلن اولمادی
.
.
رقم ملال و مصیبتیم
یازیلا چتیندی قلم قلم
بیر حسینیمیدی بلی دین
محن زمانیه بیر منم
هانی بیر اسیره منیم کیمی
آغاروب ساچی اولا قدی خم
مُحَنیم کیمی هیچ عزالینون
مُحَنی کمر شکن اولمادی
.
.
غم وغصه دن قوتارور اجل
سویورام قبای اسارتی
گونی ایل کیمی گچن عمریمون
یتیشوبدی آخره ساعتی
یری واردی سنگ مزاریمه
یازالار بو غملی عبارتی
یر اوزونده زینب زار تک
یورولوب بلا چکن اولمادی
.
.
نقدر نفس ویروب آلمیشام
او قدر منه یتیشوبدی غم
هایانا مسافرت ایتمیشم
منیله بلا اولوب همقدم
بو جهاندا دینجله بولمدیم
گیدورم مزاریده دینجلم
با

• سه شنبه
• 27
• اسفند
• 1398
• ساعت
• 22:23
• نوشته شده توسط
• ابوالفضل عابدی پور

محبتین گلی ، عشقین بهاری زینب دی

چمنده لاله لرین داغداری زینب دی

وقاری فاطمه وقری اؤرکده صبر علی

حسین قلب جهاندور قراری زینبدی

بهشت خانملاری زهرایه فخر ایده لّه ولی

آناسی فاطمه نین افتخاری زینب دی

حسین زینبه تاپشوردی حق ودیعه سینی

امام ساجد و باقر مداری زینب دی

حسیندی شه لره تاج شرف قیامتده

او قان حماسه سینین شاهکاری زینب دی

حبیبه دور بو خانم اوزگه بیر جلالتی وار

ملیکۀ دو جهان یادگاری زینب دی

قرا علم لره کج باخمیون که کور اولاسیز

حسین مجالسنون پاسداری زینب دی

او مکتبی که وئروب آغلیانلارا تعلیم

حسینه آند اولا بنیانگذاری زینب دی

قویون بو مطلبی اهل جهانه فاش ایلیوم

بو مکتبین شرف و اعتباری زنینب دی

فدک قضیه سینی ایلیوب خانم تکرار

که یعنی قارداشنون جان نثاری زینب دی

بلا چولونده گلاویز اولوبدی شمریله

او قانلی رزمگهین زخمداری زینب دی

او قصرلر که اولوب شام و کوفه ده تخریب

مسلّماً سبب انفجاری زینب دی

خطابه وقتی ازل معجرین ایدوب محکم

بنات طاهره نین استتاری زینب دی

قیلاردی اوتدوقی یرده ولی نماز شبین

نمازین عاشق شب زنده داری زینب دی

حسینه آغلا عزا ساخلا بی ریا ((خوشزاد))

بو غملی انجمنین اشکباری زینب دی

• یکشنبه
• 18
• آبان
• 1399
• ساعت
• 15:15
• نوشته شده توسط
• یوسف اکبری

گل حسین قبول ایت بو ایکی غلامی
قانیله دولوبدی ایندی دیده جامی
عازم ایله میدانه
زینبون گلوب جانه
غم یمه حسینیم (۲)

غم یمه برادر ئولدی یارو انصار
تنگ اولوب گوزونده عرصه‌گاه پیکار
گل بولاری ایله سن فدایی یار
گل یوزون سولوب قارداش
اکبرون ئولوب قارداش
غم یمه حسینیم (۲)

دشمنون چوخ اولدی ای سلیل حیدر
اولدی قانلی صحرا عرصه گاه محشر
قوی بولار یولوندا جان ویره برادر
توپراق اوسته یاتسونلار
باشیمی اوجاتسونلار
غم یمه حسینیم (۲)

دشمنه بویورما یالقوزام وحیدم
قوی قانا بویانسون ایکّی نور دیدم
افتخار ایدوم من مادر شهیدم
اولماز هر کیمه قسمت
ایلیه سنه خدمت
غم یمه حسینیم (۲)

اوز آتالاری چون ایلیوب اشاره
هرزمان حسینیم دوشسه گر فشاره
بو ایکی بالامی یوللا کارزاره
بو همان اوساعتدی
خدوتون سعادتدی
غم یمه حسینیم (۲)

تحفه یوللّور هر کس یاره اوز بالاسین
خیمه ده ایشیتدیم لیلینون نواسین
اوخشوری سریّه ایندی مه لقاسین
سینه میز گلوب تنگه
قوی بولار گیده جنگه
غم یمه حسینیم (۲)

دشت پر بلانین حالی غم فزادی
(بی کس) و غریبوخ یر گویی بلادی
کربلا دگول بو وادی منادی
کاش آنام گله قارداش
زینبون ئوله قارداش
غم یمه حسینیم (۲)

• شنبه
• 1
• آذر
• 1399
• ساعت
• 22:35
• نوشته شده توسط
• یوسف اکبری