اشعار حضرت زینب(س)

تیر آماله نشان- ایتمه گوز یاشیمی قان
سینونده درد نهان - گیتمه آنا جان(2)
گول تک رخساری سولان - غم غصّه صبرین آلان
محنتدن قدّی کمان - گیتمه آناجان(2)

سن‌سیز منه گوندوز قارادی
گیتمه آنا سینن - یارادی
گیزلین - گیدوسن دی گوروم
قبرون - آناجان هارادی

سینونده درد نهان - گیتمه آناجان (۲)
نوالیسان آنا
بلالیسان آنا

سن آسمان عفّت و ایمانین - هلالیسان آنا
ولی بو نسگلون منی چوخ داغلار - یارالیسان آنا
سینونده درد نهان - گیتمه آناجان

اشگیم رخساره آخار - آهیم دنیانی یاخار
حسرتله حسین و حسن - تابوته باخار(2)
سن‌سیز زینب داریخار - نالم افلاکه چیخار
حسرتله حسین و حسن - تابوته باخار(2)

غربت سنه اولدی وطنون
قالدی اورگونده محنون
آز سنّیده _تز قوجالوب
زلفونده_ آغاردی سنون

حسرتله حسین و حسن - تابوته باخار (۲)
دوزوم نه نوعی من
عزایه یوخ گلن

پیمبرین عزیزه‌سی - آللّهه حبیبه‌سن آنا
ئولیدی زینبون ولی - یثربده- غریبه‌سن آنا
حسرتله حسین و حسن - تابوته باخار (۲)

• سه شنبه
• 7
• اردیبهشت
• 1400
• ساعت
• 20:35
• نوشته شده توسط
• یوسف اکبری

اول دفتر به بسم الله رحمن الرحیم
ثانیا حقه پناهنده ز شیطان رجیم
ثالثا الطافین ارزان ایله دی حی کریم
رابعا ثبته یتوردوم زینب کبری آدین
خامسا یاز ای قلم زینب بیلر صبرین دادین

ای قلم زینب نه زینب نور پاک ایزدی
زینت افزای گلستان و حدیق احمدی
فاطمه ریحانه سی عشقین بهار سر مدی
گلشن پاک ولایتده گل خوش رایحه
فی قلوب مومنین دور یوخ نیازی مادحه

کیمدی زینب زینت نام علی المرتضی
کیمدی زینب اولیا آدینده سسلر حَبذا
کیمدی زینب عمرینون طولینده راضی بر قضا
دیللره دوشموش گوزل نام بلند آوازه سی
حُب زینبدور یقینا جنتین دروازه سی

عاشقانه عشق زینب دهریده مقیاسیدور
چشم حیرتلن باخان درگاهینه الیاسیدور
عشقیده همپایه تنها زینبه عباسیدور
زینبون تعریفی تنها ئوز کمالاتینده دور
مادر گیتی دوغا زینب محالاتینده دور

ای قلم زینب نه زینب لطفی دریادور خانم
هیبتینده غیرتینده همچو سقادور خانم
عالمه گلمز شبیهی مثل زهرادور خانم
سینمادی گرچه وجودی اولدی سر تا پا کبود
«کربلا در کربلا می ماند اگر زینب نبود»

آسمان عصمتین مهر فروزان جاهیدور
صاحب علم و بصیرت بانوی آگاهیدور
سرزمین حلم و صبرین عالی شاهنشاهیدور
هر بلا گلدی شجاعانه دوام ایتدی خانم
نهضت خون حسینی مستدام ایتدی خانم

کوفیه داخل اولاندا نیزه لر اوسته رئوس
آیه کهفی قرائت ایلیور فخرالشموش
سینه لرده اونداکی خوفیندن حبس اولدی نفوس
تیز و برنده بیانیله جهاد ایتدی خانم
لحن شیوائیله تفسیر معاد ایتدی خانم

گوش استبداده سالدی صوتینون آهنگینی
انقلاب کربلانین نشر ایدوب فرهنگینی
مرتضی تأیید ایدوب سجادینون سرهنگینی
صحبته دیل آچدی زینب حقی اِنشاد ایله دی
دودمان کفر و استبدادی بر باد ایله دی

قیلدی فرمایش یزیدون کاسه لیس پستی سوز
دین و ایماندان تهی، سیم و طلا نون مستی سوز
قتل ایدوب غارت ایدن غداره لر هم دستی سوز
یوخدی قورخوم بو شعاریمدور منیم قوم عِناد
مرگ بر آل امیه ، آل حیدر زنده باد

ایلیوب افشاگری دنیانی بیدار ایلرم
آبرو قویمام یزیده دهریده خوار ایلرم
اول خبیثی تختیدن ساللام نگون سار ایلرم
قصرینی ویران ایدوب عز و شرف کسب ایلرم
کاخ سبز اوسته ابالفضل پرچمین نصب ایلرم

درهم و دیناره ساتدوز دهریده ایمانوزی
نفسه خاطر پایمال ایتدوز او یوخ وجدانوزی
اشک تمساح، پاک ایدنمز لکه لی دامانوزی
روز و شب افغان ایدوب گوز یاشوز القانه دونه
حاشَ لِله قلبیده یاندیردیقوز آتش سونه

عالمینه سرورین وِیردوز عجب پاداشینی
ویرمیسوز مرآت حقه بغض و کینه داشینی
میزبانلار میهمانون ذبح ایدوبسوز باشینی
اوچ پر اوخنان سینه ی سیناسینی سیدیرمیسوز
قلب دخت حضرت طاهانی سیز یاندیرمیسوز

ارباً اربا دوغرادوز شهزاده ی زیباسینی
قلب قان ایتدوز علیِّ اکبرین لیلاسینی
سیز فَرَس پامالی ایتدوز قاسمون اعضاسینی
غربت ایچره آل طاهانی عجیبه یوخلادوز
تیر زهر آلودیلن بیر شیر خواری اوخلادوز

عترت پیغمبره سد ایلدوز سو یوللارین
سرو آل حیدرین ظلمیله سالدوز خوللارین
سیز قلم ایتدوز جفائیله اباالفضل قوللارین
قانه غرق ایتدوز آنام ام البنین گوز یاشینی
سو کنارینده سوسوز کسدوز اباالفضل باشینی

ظلمیلن چکدوز طنابه عترت پیغمبری
دیده گریان قلبی قان ایتدوز بتول اطهری
کوی و برزنده دولاندیردوز سیز آل حیدری
بامیلر اوستن نه بی شرمانه ایتدوز هلهله
حشریده جدیم رسوله ایلرم سیزدن گله

وای اولا سیز راهِ ابلیسِ زمانی خوشلادوز
هتک حرمت ایلیوب جور و جفانی باشلادوز
نیزه اوسته راس شاه کربلانی داشلادوز
باش سینوب قان آخدی القان اولدی شهلا گوزلری
«ثاقبا» اَل ساخلا یازما بسدی سوزان سوزلری

• چهارشنبه
• 8
• اردیبهشت
• 1400
• ساعت
• 16:37
• نوشته شده توسط
• یوسف اکبری

ای دردی اولان بنده دینن یا زینب
قال قلعه ی ایمنده دینن یا زینب

کیمدور بوخانم قلعه ی مستحکمدی
ایمنده دی هر کیم آدینا محرمدی
درمان سیز اولان دردیلره مرهمدی
چون باب الحوائج دی سوزی محکمدی
محکم دی بو پرونده دینن یا زینب
قال قلعه ی ایمنده دینن یا زینب

کیمدور بو خانم دایره ی امکاندا
همتاسی تاپولمازدی اونون دوراندا
سسلور آدونی شاه و گدا بحراندا
هردکتر حاذق که قالور درماندا
سسلور آدونی سنده دینن یا زینب
قال قلعه ی ایمنده دینن یا زینب

کیم سسلسه بو آدی پشیمان اولماز
اوّل گیجه قبرونده هراسان اولماز
محشرده گولر گوزلری گریان اولماز
شک ایلیه نون دردینه درمان اولماز
شک ایلمه کوبنده دینن یا زینب
قال قلعه ی ایمنده دینن یا زینب

کیمدور بو خانم عصاره ی خلقتدی
باشدان ایاقا نجابت و غیرتدی
مردان جهانه معرفت ئورگتدی
یانموش چادری مکتب حرّیتدی
اسلامی ایدوب زنده دینن یا زینب
قال قلعه ی ایمنده دینن یا زینب

کیمدور بو خانم گویده ملک لر تاجی
یرده هامی شاهلار آدینون محتاجی
ایمان و حیا بال و پر معراجی
بش یاشدان اولوب تیر بلا آما جی
بو عشقه برازنده دینن یا زینب
قال قلعه ی ایمنده دینن یا زینب

سر لوحه دی زهرا بالاسی ایثاره
سر سلسله دور زمره ی پرچمداره
قاتما گوزل آدون خانمون اغیاره
سسلن آدونی قالمیاسان آواره
احسن بیله فرزنده دینن یا زینب
قال قلعه ی ایمنده دینن یا زینب

کیمدوربوخانم حسنی دوتوب آفاقی
حیرتده قویوبدور عالمی انفاقی
جناته چتین توکون ویرر عشّا قی
زینبدی حجاب آیه سینون مصداقی
آنداولسون او روبنده دین یا زینب
قال قلعه ی ایمنده دینن یا زینب

• پنج شنبه
• 9
• اردیبهشت
• 1400
• ساعت
• 16:31
• نوشته شده توسط
• یوسف اکبری

ای دل عشقون عیاری زینبدی
باغ حسنون بهاری زینبدی

کربلا ، کربلا قالوبدی اگر
شکّی یوخ ، اعتباری زینبدی

گرچه دنیا حسینی چوخ ایستر
لیک حسینون نگاری زینبدی

گورمینده حسینی آغلاردی
چون حسینون قراری زینبدی

عفته فاطمه صدفدی اگر
گوهر شاهواری زینبدی

عصمت اللهیدور اگر زهرا
اونون آئینه داری زینبدی

مریمون سرگذشتینی اوخودوم
گوردوم آموزگاری زینبدی

ناز ایدر زرق و برق دنیایه
او که دار و نداری زینبدی

کیم بو دنیاده یار زینبدی
صبح محشرده یاری زینبدی

کیمدی زینب شفیعه ی عرصات
گوندرون روح پاکینه صلوات......

زینب آئینه ی حقیقتدی
مَطلع مُصحف نجابتدی

حلمیده یوخ نظیری دنیاده
صبریده کوه استقامتدی

قارداشی کشتی نجات اولسا
خانم استاد درس حکمتدی

وار یقینیم که صبح محشرده
زینب هر یرده اولسا جنتدی

آنامون باشینه دولانّام من
او منه زینب آدین ئورگتدی

نیلورم تاج و تخت شاهانه
لطف زینب منه کفایتدی

گونده یوز مرتبه دیسم زینب
منه بالاترین عبادتدی

زینبون هییتینده ئولسم اگر
بو ئولوم سر به سر سعادتدی

کیمدی زینب شفیعه ی عرصات
گوندرون روح پاکینه صلوات.....

• یکشنبه
• 12
• اردیبهشت
• 1400
• ساعت
• 19:56
• نوشته شده توسط
• یوسف اکبری

اللی دورت ایل غم غم اوستن گلدی عُلیا زینبه
غم دئمه، معشوق ادیردور عشقی انشاء زینبه

بذل اِدیبدور، شأنِ لایَحصی، خدای لامکان
صبرِ کبری، فهمِ والا، نطقِ غَرّا زینبه

فی المثل، کرب و بلاده عرشیان قالموشدولار
عالم لاهوتیده، غرق تماشا زینبه

دوزدی ظاهرده سینیخمیشدور، یورولموشدور خانیم
هی ووروردی طعنه اوستن طعنه، اعدا زینبه...

هی باسیردی باغرینا، سوسو وران اولدوزلاری
جان وئریردی خسته جانلار چولده؛ گویا زینبه

حقّی وار، ام المصائب آدلانا زهرا قیزی
حقی وار احسن دییه معناده زهرا زینبه

کیمدی زینب؛ فارغ التحصیل دانشگاه عشق
مدرکین شاه نجف ایلوبدی امضاء زینبه

ولوله سالدی تمام شهره دخت بوتراب
اونداکی اِتدی مدد؛ اول نطق گویا زینیه

سس دوشوبدی شامده دینجلدی غملر خسته سی
اتمدی بیر گون وفا بو دارِ دنیا زینبه

گون قاباغینده قالیب غمنن آغاردی زلفولر
پیک حتمیِ اجل وئردی تسلا زینبه

نه سرین سو ایچدی، نه دینجلدی راحت سایه ده
آغلادی احوالینه معناده بابا زینبه

هارداسان قارداش دئدی گل گوزلریم باغلا حسین
باشیمی آل دیزلرین ئوسته بیر آز آغلا حسین

من سنین عشقینده چون چولدن چوله توشدوم حسین
عالمه قارداش باجی عشقین بیلیندیردیم حسین

اکبره باخدیم؛پوزولموش حالیوه یاندیم حسین
خیردا قیزلار خیمه ده یاندی، من اودلاندیم حسین

وای ربانین حالینه،وای اصغره، وای زینبه
قتلگاه ایچره توشن بیر پیکره، وای زینبه

• دوشنبه
• 20
• اردیبهشت
• 1400
• ساعت
• 19:31
• نوشته شده توسط
• یوسف اکبری

زینبین درسی استقامتدور
مظهر صبریدور شهامتدور

زین اب آدلانیب خانم زینب
باب احسان وهم کرامتدور

خوش گونو حسرته قویوب لیکن
عمری باشدان باشا مصیبتدور

هر کیمین گوزلری گورنمز اونو
چون او بانو عفافه عفّتدور

قامتی قدّ و قامته تفسیر
گر قیام ائیله سه قیامتدور

پرچمی کی آلوب اله بیللّم
قولسوز عبّاسیدن امانتدور

علم عشق و شوریدی احساس
پرچم تشنگان وحدتدور

گر چه یوخدور معلمی ، زینب
عالمه علمیدن اشارتدور

زیور و زینت و زمین و زمان
عشقه زیبنده بیر عبارتدور

یار و همدم دی سالک عشقه
عشقی باشدان باشا ارادتدور

نای نور و نی و نیستاندور
معنی با صفای همتدور

باء یعنی بلاغت حیدر
بانی حلمیدور شرافتدور

دئدی ابن زیاد ملعونه
دانیشان سنله کوه غیرتدور

بو حسینی که کسمیسوز باشینی
عرشه پیرایه دور وجاهتدور

مکه ، مروه ، صفا و حلّ و حرم
بو باشین عشقینه علامتدور

گرچه کورسان گوزون گورمور
قارداشیم مشعل هدایتدور

سن دئمه خوار اولوبدو آل الله
البلاء للولایه سیرتدور

سن خیال ائیلمه اسیرم من
بو اسارت نه ، بلکه عزتدور

کوفه اهلین گوروم کی خوار اولسون
میهمان کوللّر اوسته دعوتدور

خیزران وورما بیر دایان ظالم
دوداقی یاره دور جراحتدور

فاطمه نایبی اولار زینب
نیت و قصدی زینبیتدور

ای «مؤقر» شجاعتیندن یاز
بو خانیم افتخار خلقتدور

• سه شنبه
• 28
• اردیبهشت
• 1400
• ساعت
• 12:59
• نوشته شده توسط
• یوسف اکبری

ای قلم قبله ی ایماندی حسینون باجیسی
مظهر خالق یزدان دی حسینون باجیسی
زینت روضه ی رضواندی حسینون باجیسی
پیکر معرفته جاندی حسینون باجیسی
درد بیچاریه درمان دی حسینون باجیسی

قارداشی ئولدی خانم بوشلامادی میدانی
دشمنی خار ایله دی داغدان آغیر ایمانی

وارث خون شهیداندی حسینون باجیسی
معنی مصحف قرآندی حسینون باجیسی
شیر دخت شه مرداندی حسینون باجیسی
رگ غیرتده گزن قاندی حسینون باجیسی
حافظ ملت ایراندی حسینون باجیسی

زینبون آدی گلن یرده گرک شور اولسون
خانما آغلامیان دیده گرک کور اولسون

کیمدی زینب صدف معرفتون گوهریدی
زینت نام علیدور شرفون جوهریدی
نه فقط یر ، گویون اهلی خانما مشتریدی
دشمنی خوار ایلین باشدا قرا معجریدی
شمری مقتلده یوران حیدر اوپن اللریدی

مقتله گلدی دیدی اند اولا روح حسنه
نیزه باشینده کی باش تاج شرافتدی منه

کیمدی زینب گل بی خار گلستان ادب
نه عجم ده تایی واردورنه گوروب مثلین عرب
قامتین گورمه دی همسایه سیده یاللعجب
حرمتون حفظ ایله یازما خانما لهو و لعب
بو خانم ایتسه غضب ایلیر آلله دا غضب

خلقتی قطره حساب ایله خانم دریادی
باخماسا صبح قیامت بیزه واویلادی

کیمدی زینب ثمر نخل رسالتدی خانم
دختر نابغه ی شاه ولایت دی خانم
عالمه ، فاضله ، دیباچه ی غیرت دی خانم
صاحب تیغ بیان فن بلاغت دی خانم
چوخونا شامیده درس ادب ئورگتدی خانم

""ایندیده شامیده زینب اوجادان پرچم اسور""
پرچمون سایه سینه گیتماقا قلبیم تلسور

چاتورام مطلبه عذر ایستیورم زهرادن
کیچور اون دورده یاخون قرنیدی عاشورادن
دویمیوب گوش فلک ایندیده واویلادن
ایندیده وا اَبَتا صوتی گلور صحرادن
اصغره ویرمه دیلر آتلار ایچن دریادن

خیمه لر یاندی خانم دیل دولوسی قان اوتدی
بیر پارا خیمه تاپوب شام غریبان دوتدی

• چهارشنبه
• 29
• اردیبهشت
• 1400
• ساعت
• 22:58
• نوشته شده توسط
• یوسف اکبری

ای ایکی دنیایه شرف
دُر یم تقوایه صدف
یا زینب کبری

فاطمه نون تاج سری
نور بصر شاه نجف
یا زینب کبری

چاتمازسنه والله
ای رتبه سی اعظم
خلق اولسا دوباره
مین هاجر و مریم

آدوون فداسی یم من
بیلورم کی عاصی یم من
منی قوما درگهوندن
قاپوون گداسی یم من

ای گل گلزار حیا
ای فاطمه تک خیرنسا
بانوی کرامت

ای پناه اهل ولا
ای بنده ی ممتازخدا
فخر بشریت

ای صاحب عزّ و
اجلال و جلالت
عیسی سنه نوکر
مریم سنه کلفت

ای آدی دیلیمده ازبر
گل گلشن پیمبر
قدمونله بو جهانی
ائلدون بو گون منور

آدوون فداسی یم من
بیلورم کی عاصی یم من
منی قوما درگهوندن
قاپوون گداسی یم من

قهرمان کرب وبلا
ای حامی خون شهدا
اسلامه طرفدار

اله عباسین علمین
آلدون خانیم اولدون سپه
قرآنه علمدار

ای معدن غیرت
تندیس صلابت
اسلامه سنیدون
وئردون ابدیت

سنون آی خانیم تلاشون
علل بقای دیندی
سنه کیمده اولسا وجدان
دیر آیری بیر حسیندی

آدوون فداسی یم من
بیلورم کی عاصی یم من
منی قوما درگهوندن
قاپوون گداسی یم من

سنه قربان خسته جانیم
احیا ائلدون دینی خانیم
قول باغلی سیه پوش

حشرجک مدیوندی سنه
خاکی ائلسه بیر لحظه سنی
دنیاده فراموش

ای دختر زهرا
وار سنده شهامت
بوینومدادی حقون
تا روز قیامت

سنیدون یزیدی رسوا
ائلدون باشوندا قاره
سنه بنذر عورت حاشا
گله بیرده روزگاره

آدوون فداسی یم من
بیلورم کی عاصی یم من
منی قوما درگهوندن
قاپوون گداسی یم من

• سه شنبه
• 4
• خرداد
• 1400
• ساعت
• 21:13
• نوشته شده توسط
• یوسف اکبری

گل جان ویرورم حالیمه باخ آغلا سکینه
آچ معجریوی، گوزلریمی باغلا سکینه

ای قارداشیمون نازلی بالاسی سنه قربان
دوندر یوزومی قبله ی جانانه ویروم جان

گرچه باخارام یولّارا چوخ چوخدی ملالیم
زلفیم کیمی پوزقوندی پریشاندی خیالیم
دنیا بویی نسگل اولی اهل دله حالیم
آغلالّا، منی یاده سالوب شیون ایده لّه
قبریمدن اوتور مصره گهی شامه گیده لّه

بیجا دیمه اشکیم آخوری عارض زرده
اُلسم من اگر چکمه بو درد و غمه پرده
قارداشیم حسین هجری گتوردی منی درده
سسلردیم اونی داده گله، گلمدی امّا
بی مهر دگولدی منه، وار علّتی گویا

عمّن ایلوری ایمدی سنه نچّه وصیّت
ترک ایلسه دنیانی بو گون ایلسه رحلت
گر یثربه گیتسن وطن اولسا سنه قسمت
سویله آنامین قبرینه ای باشی بلالی
زینب قیزون اُلدی اورگی غملی یارالی

جسمیم یارالی، قلبی شکسته اُلورم من
گل گوزلریمی باغلا قیزیم ایلمه شیون
قوی من اُلوم، اوندانصورا شیون ایلسن سن
گوزدن یوزیوه اشک تر حسرتی باغلا
باغلا گوزومی، صوندا یانان سینوی داغلا

گل سینمی حسرت اوخی چوخ دلدی سکینه
غم یورقونی عمّن داخی دینجلدی سکینه
قرآن اوخیون پیک اجل گلدی سکینه
قرآن اوخیان اکبر و عبّاسیم اُلوبدی
هم عون و هم جعفریله قاسم اُلوبدی

بیرده بو وصیّتدی اگر اولماسا زحمت
زحمتده قیزیم اولسا اگر قوی منه منّت
بو پیرهنی قبریمه قوی گر اولا فرصت
تا قبریده زهرایه ایدوم ردّ امانت
بو کوینک اولار امّته اسباب شفاعت

بو کوینک او کوینکدی که شاهنشه بطحا
گیموشدی بونی اگنینه تا سویمیه اعدا
بو کوینک او کوینکدی که ایتموشدوله یغما
غارتدن آلوب ساخلاموشام مایه ی شیون
قارداشیم حسینندی بونی چوخ سویرم من

دلدن دوشوب ازبسکه دیوب دل او وفالی
یاندی دلی اولدوقجا بی بی حالینه حالی
نسگل شرریندن اورگی اولدی یارالی
چوخ حسرتیله گوردی گوزی صاق صولی گوزلر
گویا گوزی یولدا گلنی وار یولی گوزلر

سویلوب نیه حسرت باخوسان صاق صولا عمّه
آز قالدی گوگل کاسه سی قاندان دولا عمّه
سن تک باخورام منده چوخ حسرت یولا عمّه
فکر ایلیورم قوم و قلبیلم گله ای کاش
گاهی دیورم هاردا قالوبسان علی قارداش

گل گور نجه عمّن قالوب آواره وطندن
ناخوشدی عیادت نظری وار علی سندن
که سسلر آتامی گهی ایستر سنی مندن
عمّم اُلوری لطفیوی شامل ایله قارداش
گل آغلیاق احوالینه قارداش باجی قانیاش

بو شام یرین عمّه گوروم بیر باغ اولیدی
دورینده حصاری بو باغین بیر داغ اولیدی
ایکاش ابوالفضل عموم ایمدی صاق اولیدی
سن حسرتیله ترک جهان ایلمییدون
یولّاره باخوب باغریمی قان ایلمییدون

مرسومیدی اود یانسا اود اوسته قازان آغلار
غربتده غریب اُلسه مزارین قازان آغلار
غم دفترینه درد و ملالین یازان آغلار
یاز سنده بو نسگللری قبریم داشی اوسته
بولسونله اُلوبدی بو باجی قارداشی اوسته

بیر قدر سکینیله دانیشدی او بلاکش
دوندی قاپویه باخدی اولوب حالی مشوّش
بیر آه چکوب سالدی دل عالمه آتش
سولدوردی او آهی گل زهرانی ساراتدی
یعنی چمن و گلشن طاهانی ساراتدی

سسلندی گل ای حجّت حق شاه ولایت
گل یاخشی گلوبسن قیزون ایلور بابا رحلت
چوخ شکر اولا اللهه منه اولدی سعادت
گلدون دیمه که ایلمدی زینبون اعزاز
یوخ تاب و توانی سورونوب ایلیه پیشواز

قربان او گلن یولّاران ای حجّت رحمان
ای ناطق قرآن اوخی قرآن ویرورم جان
تاپشور ملکُ الموته آلا جانیمی آسان
سویله بدنی خسته دی ایذا و جفادن
جسمینده نشان وار ستم کرب و بلادن

زهرا بالاسیندان (حسنی) بیر صله ایسته
هر شام و سحر بو صله نی گل دله ایسته
نه تک بو ایله بلکه تماماً ایله ایسته
یعنی اولاسان کرب و بلا دشتینه زوّار
بو جمعیله هر ایل اولاسان اوردا عزادار

• دوشنبه
• 10
• خرداد
• 1400
• ساعت
• 16:29
• نوشته شده توسط
• یوسف اکبری

باجون اُلور بو غم چاغی گوزونده غم نماسی وار
بو دمده مقتلون گورور دلنده آه و واسی وار

گورور که کوفه لشکری آلوب آرایه پیکرون
گلن وورور گیدن وورور یوخوندی بیرجه یاورون
سانلّا نه جفائیله اُلوبدی عون و اکبرون
باخولّا نه او باشوون حسابسیز بلاسی وار

یارالی جسموون قانی اولوردی چشمه تک روان
داشاندا چشمه، ظلمله دوزردی داشی کوفیان
که بلکه قانی سدّ اولا ولی گلردی تازه قان
توکردی مقتل اوستونه بدنده نه دماسی وار

گوزی ساتاشدی خولینون گوروب بوغازوی عیان
گلوبدی قهریله یاخین الینده تیز بیر سِنان
ووروب سوکوب بوغازوی، بُولوب اولوب قانی روان
نجه ووروبدی نیزه سین؟ قولوندا نه قواسی وار

جفاسی شمر کافرین جهانی یاندروب یاخار
او داش اورک لی سانمادی او پیکرین قانی آخار
دوروب کناریدن او دم آناسی فاطمه باخار
گوزونده اشک خونفشان دلنده ده نواسی وار

یتیشدی ووردی بیر تپوک قارشدی لحمیله عظام
یریندن اوینادون او دم یارالی جسمیلن تمام
جفاسینه او کافرین چتین جهان گوره ختام
ایدر تمام مرد و زن او حاله نه بُکاسی وار

امان او ظلمدن امان، الهی آه و اَلامان
آغورلادوردی سینوی اوخیله داشیله سنان
چخوبدی سینن اوستونه علاوه شمر بی امان
ترحم ایتمدی او دون سیننده چوخ یاراسی وار

یتنده گوردی زینبون آلوبدی خنجرین اله
سیننده اگلشوب سالور جهانه اوزگه زلزله
هجوم ایدوب باجون او دم گوروندی آیری ولوله
دیدیم بس ایت بو بیکسین نه خویش و اقرباسی وار

دوتاندا شمر خنجرین خدا بولور نلر اولوب
یانوندا فاطمه آنام باشون آچوب ملر اولوب
کسیلدی زینبین الی قانیله غوطه ور اولوب
که ناگهان آچوب گوزون دیدون خدا رضاسی وار

دایانما زینبیم اماندی بوردا دورما قالما گیت
توان و صبر و طاقتی حسیندن گل آلما گیت
بو کاروان مرگدور بو دمده لنگه سالما گیت
شهادت عشقی قارداشون باشیندا چوخ هواسی وار

گیت اول مواظب، عترتیم بلایه چوخلی دوشمسون
سویاندا خیمه نی عدو آرایه چوخلی دوشمسون
نواسی قیزلارون او دم سمایه چوخلی دوشمسون
اگرچه حشره تک بو یرده داد و وا صداسی وار

مطیع امرون اولموشام خیامه تئز قیتماقا
جفالی شمرله قویوب خیامه فوری گیتماقا
آدامسیز اهلبیتله فغان و ناله ایتماقا
او ناله شرحینی دیسم عجیبه ماجراسی وار

دونوب باخاندا گورموشم جداده قانلی باشوی
باشون بدندن آیریلوبدی ترک ایدوب فراشوی
گوزون او حالیمه منیم آخئدی قانلی یاشوی
که یعنی ناگرانوام باشوندا چوخ بلاسی وار

باجون بلاسی ختم اولور ولیک ناگران گیدور
بِلی بوکوح سفید مو یارالی باغریقان گیدور
بو غربت اُلکه ده ویرور غریب مثلی جان گیدور
غریب لر بولر کی بو غمین نه انتهاسی وار

#نگینوه نگینِ خدمت ایتمیسن عطا حسین
باشندا شور عشق وار دلنده کربلا حسین
اورکده کی غمین بیزه ایدوبدی برملا حسین
عنایت ایله رفع اولا نقدری ابتلاسی وار

• چهارشنبه
• 12
• خرداد
• 1400
• ساعت
• 17:49
• نوشته شده توسط
• یوسف اکبری

زهرا دییر جان زینبیم
جان سنه قربان زینبیم
عشقین حسینه ای قیزیم
سن ائیله اعلان زینبیم
نازلی بالا نازلی بالا
یا زینبا یا زینبا

آچ گوزلرین گلدی حسین
یاشلی گوزون سیلدی حسین
عشقین قیزیم بیلدی حسین
باخدی سنه گولدی حسین
جانیم سنه اولسون فدا
یا زینبا یا زینبا

باخ ختم مرسل سروره
فخر بشر پیغمبره
آغوشه آلمیش زینبی
لای لای چالی اُول دلبره
آغلییردییر ای جان بالا
یا زینبا یا زینبا

واردی سنین چوخلی غمین
کرب وبلاده ماتمین
چوخ ماجرا گورره ن یقین
اوندا تحمّل دی چتین
اولّان بلایه مبتلا
یا زینبا یا زینبا

زهرا بالاسی ای خانم
غم مبتلاسی ای خانم
دردین دواسی ای خانم
حقین رضاسی ای خانم
باخ بیزلره روز جزا
یا زینبا یا زینبا

زهرایه احسن مرحبا
سن تک گتیردی بیر بالا
اولسان اگر بیزدن رضا
لطف ائت برات کربلا
تاپسین ولایی ده ولا
یا زینبا یا زینبا

• سه شنبه
• 1
• تیر
• 1400
• ساعت
• 19:11
• نوشته شده توسط
• یوسف اکبری

ای گل نا ز یم با لا
محرم را ز یم بالا
افتخار ین اوجینه
بال پر وا زیم بالا

ای یا و ر قرآن
آچ گوزلرین بیرآن
سن تک گل نا ز ه
زهرا ننن قر بان
یاز ینب یاز ینب <۲>

آچ گوزون ای نازنین
دلر با ی مه جبین
اولموسان ذر عالمی
یار غمخوار حسین

سن شرافت رازیسن
صاحب اعزا ز یسن
فخرحیدرسن قیزیم
عشقده ممتاز یسن

ای یا و ر قرآن
آچ گوزلرین بیر آن
سن تک گل نا زه
زهرا ننن قر بان
یازینب یازینب <۲>

سن شر یعت جانیسن
عا شق قرآ نیسن
آسمان عصمته
کو کب رخشا نیسن

نازلی یار یمسن منیم
دل قرا یمسن منیم
سن طر یق عشقد ه
افتخار یمسن منیم

ای یا و ر قر آ ن
آچ گوز لر ین بیر آن
سن تک گل نا ز ه
زهرا ننن قر با ن
یاز ینب یاز ینب <۲>

آچ گوزون بیرآن قیزیم
حقه پشتیبان قیزیم
رمز و راز عشقید ه
درد یمه درمان قیزیم

بیرگولومسون باخ منه
جان دییم قربان سنه
سنله بئش.ائیل دلخوشام
جان یتیشسین ایمنه

ای یا و ر قر آ ن
آچ گوزلر ین بیر آن
سن تک گل نا زه
زهرا ننن قر بان
یاز ینب یاز ینب

• یکشنبه
• 6
• تیر
• 1400
• ساعت
• 12:26
• نوشته شده توسط
• یوسف اکبری

شادلیق ائدون عزیزان
یر گوی اولوب چراغان
هامی دئسون ئورکدن
زینب اولوب آنادان

زینبه ائللر قربان
عشقلی دللر قربان

مژده وئرور منادی
اولدی زمان شادی
قویدی قدم دنیایه
فاطمه نون نوزادی

اونون آدی زینبدی
زینتِ اُمُّ و اَبدی

زینبه ائللر قربان
عشقلی دللر قربان

گویلرده حور و ملک
ساکنان نُه فلک
دیولر یا مُحمد
بو قیز سیزه مبارک

اونون آدی زینبدی
زینت اُمُّ و ابدی

زینبه ائللر قربان
عشقلی دللر قربان

گلدی زینب دنیایه
دینه وئره پیرایه
ئوپ اوزوندن زینبون
وئر ننه سی زهرایه

وار باشینون غوغاسی
کرب و بلا سوداسی

زینبه ائللرقربان
عشقلی دللر قربان

مولود اطیب زینب
ستاره ی شب زینب
ولایتین بامینده
ایشیقلی کوکب زینب

دختر حیدر زینب
حیدره زیور زینب

زینبه ائللرقربان
عشقلی دللر قربان

عشقده عُلیا زینب
عصمته معنا زینب
صبرده دریا زینب
مام بلا یا زینب

دردی اولانلاردییر
زینب زینب یا ز ینب

زینبه ائللرقربان
عشقلی دللر قربان

• دوشنبه
• 7
• تیر
• 1400
• ساعت
• 12:43
• نوشته شده توسط
• یوسف اکبری

زبانحال حضرت زینب (س) به امام حسین (ع)

عزیــــز پیمــــبر حسین جان
باجون سن کیمی شاهه قربان
گتــــور سال یولا الــده قران
ایکی طفل عطشان
اولسون فدا ایکی اوغـلوم اخا اکبریوه
بونلاری قربان ویرور زینبون اصغریوه
یارالی یارالی2

الیم بوشدی عفـو ایله قارداش
عذاره توکــــور زینبون یاش
قبـــول ایلــــیه رهبریم کاش
بو قربانلاریمی
کاش گورمسون زینبون دلده تاب و تبیوی
تز سال یولا ایکی سین راحت ایت زینبیوی
یارالی یارالی2

آل آغوشـــه قــربانلاریمی
بیله چــــولده مهمانلاریمی
حسین ایکی اوغلانلاریمی
یولا سال جهاده
آند اولسون اوز جانوه غم یوزه یاخمارام من
هیــــچ دالّاریجا قسم اصغــــره باخمارام من
یارالی یارالی 2

بولار فدیــــه دور اکبریوه
فدا جانــــــلاری اصغریوه
نظر ایله بو خــــــواهریوه
اولوب قلبی یاره
قوی قانه باتسونلا بو دشت کرب و بلاده
هیچ غــــم یمه گلسلر اکبرون تک عباده
یارالی یارالی 2

گلنده شهیـــد تز گلردیم
یوزه گوزیاشیمــی الردیم
اونا آغلـــــیاردیم ملردیم
تسلی ویرردیم
قربان حسین سنده دائم اولان دستمازه
گلمز باجون گر شهید اولسالار پیشوازه
یارالی یارالی

• سه شنبه
• 22
• تیر
• 1400
• ساعت
• 12:04
• نوشته شده توسط
• یوسف اکبری

فارسی

دل من امشب شده مست جام اولاد مرتضا
مدینه گشـــته منور زِ یُمن دُخت شیر خدا
گشته عالم شادمان - مفخـــــر باغ جنان
زینت نــــام عــلی - زینب آمد بر جهان
بر دلــم تاب و تب است
ذکــر امشب زینب است
زینبا یا زینبا 2

دهــــد مـُنادی به عـــالم که آمد زینب قهرمان
خانه ی حیدر چراغان زنورش روشن هفت آسمان
شیــر زن بی واهمه - بر لبم این زمزمه
به چه زیبا دختری - مـــرحبا بر فاطمه

به لطف ساقیِ دلــها همه شیعیانش مست اوست
شفاعت عاشقانش به روز محشر در دست اوست
دخت حیدر آمده - عشق کـــوثر آمده
بر حســـین فاطمه - یار و یـــاور آمده

ترکی

مبارک اولسون بو میلاد سنه یا مهدی صاحب زمان
قدوم پُر خیـــر زینب ایـــدوبدی دنیانی گلسِتان
گوهـر ارزنـده دی - اختـــــر تـــابنــــده دی
فاطمه ریحانـه سی - نطقی چوخ کوبنده دی
شیعه تاب و تبده دی
گوزلری زینبده دی
زینبا یا زینبا 2

گلر او گون کی بو زینب حسینسیز قارداشسیز تک قـــالار
علی بالاســی قولــــی باغــــلی شـــامی ظلم اهلیندن آلار
حیـــدری شـاد ایلیر - بنــدی آزاد ایــلیر
اوچ یاشوندا عشقیلن - شــامی آبـاد ایلیر
شیعه تاب و تبده دی
گوزلری زینبده دی
زینبا یا زینبا 2

بو گجه بایراملوخ ایسته خانم زینبدن ای (پورِیا)
بو جمعه ویرسون خانم کربلا بیرده مریضانه شفا
ایکی دنیـــا شــــافعه - بـــی معلــــم عالمه
گوزلرون آیدین علی - شاد و خندان فاطمه
شیعه تاب و تبده دی
گوزلری زینبده دی
زینبا یا زینبا 2

• پنج شنبه
• 24
• تیر
• 1400
• ساعت
• 13:40
• نوشته شده توسط
• یوسف اکبری

غریب یرده صبا غم دچاریم ئولورم
یتور حسینه که چشم انتظاریم ئولورم

اجل تری اوتوروب آننوما چخور جانیم
حسین تشنه لبین اشکباریم ئولورم

بو آغلیان گوزومی تیکمیشم گلن یولونا
حسین دیه دیه لحظه شماریم ئولورم

اورکده درد و غمیم ایمدی آیریلق غمیدی
وصال یارین اودور بی قراریم ئولورم

او زینبم که منی آغلادانمیوب دشمن
بو غمده مثل او ابر بهاریم ئولورم

محبتین گلی عشقین بهارینه عاشق
او باغری قان گولومون داغداریم ئولورم

اوبلبلم که منی نشئه ایلین گولومون
کنار شامیده ایمدی خماریم ئولورم

باخشلاروندان هله دویمیوب یانان اورگیم
یاروم باخیش باخشین من شکاریم ئولورم

باخا او توپراقا گر کیمیا اولار یکسر
او کیمیاگر عشقین دچاریم ئولورم

او سروری که اولوبدور بو خلقته باعث
اونون جهانیده دار و نداریم ئولورم

یوبانما سال یولوی کربلا دیاریندن
یتور او شاهه که من دل فکاریم ئولورم

دنن باجون دئیوری آغلیان حساب ایله
من غریبی که بیر عمر زاریم ئولورم

• یکشنبه
• 3
• مرداد
• 1400
• ساعت
• 11:19
• نوشته شده توسط
• یوسف اکبری

الهی ایمدی که عمروم یتوبدی پایانه

یتور حسینیمی باری من پریشانه

وار التجا سنه یعقوبی صبریدن قوتاریب

دوباره شمسی یئتیردون او ماه کنعانه

اماندی رحم ایله غربتده زینبه یارب

دوشوبدی کشتی عمروم بلالی طوفانه

مدینه یوسفینی تز یتور باشیم اوسته

سنی قسم ویرورم آیه آیه قرانه

یامان گونومدی منیم کیمسه یاوریم یوخدی

دیار شامیده جانیم چخور غریبانه

بو آغلیان گوزومی تیکمیشم گلن یولونا

یئتورگیلن الیمی سون نفسده جانانه

سن ای همیشه باشیم اوسته حاضر و ناظر

فراق یار منی گتدی عاقبت جانه

الیمی درگهیوه آچمشام امیدیله

علاج ایله اورکیمده بو درد هجرانه

سنون الوندن اوجا هانسی الدی عالمده

سنون الوندی دوتان اللری کریمانه

دارخمشام بو ولایتده نچه مدتدی

حسینون هجری منی ایلیوبدی دیوانه

یتور حبیبیمی بو دمده باغلاسین گوزومی

غریب شهریده جان ویرمیوم یانا یانه

غم فراقی چکوب عمرومی باشا ویردیم

دونوبدی گوزدن آخان گوز یاشیم قزیل قانه

حسینون عشقینه خاطیر باشیم بلایه دوشوب

سالوبدی اود غم هجرانی خرمن جانه

ایله اسور اورگیم قبرینون زیارتینه

توکم گوزوم یاشینی قبر شاه عطشانه

چوخ آرزو ایلدیم اولمادی ولی قسمت

منی او قوش کیمی گویا سالوبلا زندانه

محال الونده سنون لا محالیدور لطف ائت

حسینی باری خدایا یتور بو نالانه

عنایتون اولاجاق زینبه بیوک احسان

نه چون رقیه ده مشتاقیدور بو احسانه

وصاله تک نه منم بیقرار دنیاده

که بی قراریدی مندنده چوخ او دردانه

فلک اونون یوزونی راضی اولمادی گولسون

گوزی گوتورمدی باخدوقجا دور دورانه

او شاهزاده نی سالمشدی بیر یامان درده

گلردی صبح و مسا درد الیندن افغانه

دیردی عمه منی چوخ داریخدرور شامات

خصوصا اهلی جفا ایلیوله مهمانه

یورلدی یومدی گوزون روزگاریدن آخر

عزاسی شامی او گون ایلدی عزاخانه

خرابه یرده اونون قبرینی اوزوم قازدوم

او نازنین بالیا مسکن اولدی ویرانه

واریمدی قورخی که منده اولم بو غربتده

قالا مزاریمز حشره کیمین غریبانه

یازاندا غم سوزونی ((ساده)) دوشدی دفتره اوت

یانوب آلشدی مقالی یتونجه پایانه

عنایت ایله الهی منیم بو شاعریمه

او دم کی لنگ گلر پای حکم و میزانه

• یکشنبه
• 3
• مرداد
• 1400
• ساعت
• 11:21
• نوشته شده توسط
• یوسف اکبری

کوثر یثربه دردانه گل اهل ولا
زینت نام علی زینب فرخنده لقا

در دریای شرف جوهر عصمتدی خانم
پرورش یافتـه مکــتب عفـتدی خانم
گل خوشبوی گلـستان نجابتدی خانم
رهـروصـادق قرآن و شریعتـدی خانم
مظهرپاکی و ایمان و شجاعتدی خانم
سینه پرورده ی سلطان ولایتدی خانم
گـوهرعمـرینی جانانه ساتان زینــبدی
ماسوا اللهینی گـوزلردن آتان زینــبدی

دودمان عـلویده اودی صدیقـه نشان
درس آلوب فاطمدن دخت علی عمران
آناسی حضرت زهـراکیمی فخـرنسوان
جرعه نوش ازلـی مست شراب عـرفان
عـاشق دین خداوند رئـوف و رحمـان
سـروباغ شه دین زینت گلـُـزارجنـان
کان غیـرت شـرف بحـرحیا زینــبدی
آنـاسی فاطمه تک دینه فدا زینــبدی

• شنبه
• 9
• مرداد
• 1400
• ساعت
• 13:48
• نوشته شده توسط
• یوسف اکبری

زین اب گـوهـــر کــنز نبــوی مام بـــلا
معــدن حجب و حیا دخترسلطـان ولا

دردریای شرف جوهرعصمتدی خانم
پرورش یافتـه مکــتب عفـتدی خانم
گل خوشبوی گلستان نجابتدی خانم
رهـروصادق قرآن و شریعتـدی خانم
مظهرپاکی وایمان وشجاعتدی خانم
سینه پرورده سلطان ولایتدی خانم
گـوهــرعمـرینی جــانانه ساتان زینـبدی
ماسوا اللهیـــنی گـوزلردن آتان زینـبدی

دودمان عـلویده اودی صدیقــه نشان
درس آلوب فاطمدن دخت علی عمران
آناسی حضرت زهـراکیمی فخـر نسوان
جرعه نوش ازلـی مست شراب عـرفان
عـاشق دین خــداوند رئـوف و رحمـان
ســرو باغ شه دین زینت گلـُـزار جنـان
کان غیــــرت شـرف بحـــر حیـا زینــبدی
آنـاسی فـــاطمه تک دینه فــــدا زینــبدی

• دوشنبه
• 11
• مرداد
• 1400
• ساعت
• 11:49
• نوشته شده توسط
• یوسف اکبری

بحر وفائیله ، صفا ، زینبه اقتدا ائدر
دهریده شاهینن گدا زینبه اقتدا ائدر

فاطمه نون نشانه سی ،مرتضی نازدانه سی
ختم نبی و مرتضی ، زینبه اقتدا ائدر

فاطمیه حیاده و غیرتی حیدره چکوب
جمله تمام اولیا ، زینبه اقتدا ائدر

گویلره وصفینی چکم گون اوتانار غروب ائدر
گون ندی اهل نه سما زینبه ا قتدا ائدر

وار یئری حیدرین قیزی اولسا عقیله العرب
کل زمین کریلا زینبه اقتدا ادئدر

عاشقی چوخدی زینبین آد آپاریم من هانسیسین
کفردی ولی خود خدا زینبه اقتدا ائدر

کیمدی حسینه رهنما عالم ذرده سس گلوب؟؟
روح الامین وئروب ندا ، زینبه اقتدا ائدر

زینبه کیم دخیل اولوب چاره تاپوبدی دردینه
دردینه کیم آلوب دوا زینبه اقتدا ائدر

اوندا کی شامه قیزلاری اهل جفا آپاردیلار
بیلدیله اهل بو سرا زینبه اقتدا ائدر

قصریده ولوله سالوب باتمیا قارداشی قانی
منطق و اصل ماجرا زینبه اقتدا ائدر

اما آلوب قوجاقینه خردا قیزی که آغلیور
بیلدیله خرداجا بالا زینبه اقتدا ائدر

سنده "خدایی" عشقیله زینب آدین گیتیر دیله
تا دئیلر که بو گدا زینبه اقتدا ائدر

• سه شنبه
• 12
• مرداد
• 1400
• ساعت
• 13:24
• نوشته شده توسط
• یوسف اکبری

یاحسین عشقیده بو دلبره باخ ،زینبه باخ
یاحسین جنگیده جنگ آوره باخ ، زینبه باخ

نجه تصدیق ائلیوب سوزلریوی بنت علی
منطق و غیرته سن حیدره باخ ، زینبه باخ

کربلاده باتان اولدوزلارا سن گونسن حسین
سیر عشقینده قالان اختره باخ ، زینبه باخ

باغلیدی سوریه نین یولاری یا یابن الحسن
بو فراقدان قان اولان دیلره باخ ، زینبه باخ

نچه ایلدی اورگیم کرب و بلا ایستیر حسین
ئوز قاپیندا قوجالان نوکره باخ زینبه باخ

کربلا فاجعه سینده چوخلاری اولدی شهید
بو جدالدا نگران مادره باخ زینبه باخ

زینبین غیرتی حیدردن اونا ارث یتیشیب
یا ابوالفضل قوی پیکره باخ زینبه باخ

• سه شنبه
• 12
• مرداد
• 1400
• ساعت
• 13:30
• نوشته شده توسط
• یوسف اکبری

فضای عصمتین رخشنده ماهی
حیا و عفتین محکم گواهی
دیار کربلانین شیری زینب
حقین برّنده بیر شمشیری زینب

نه زینب مثلی فعلا اولموب ایجاد
کورکلر سینه انلی قدّی شمشاد
اوزی یل نطقی آتش پنجه فولاد
شجاعت قافینون عنقاسی زینب
علی نین قورخوسیز زهراسی زینب

سپهر همته زهرای ثانی
فنون رزمده دین قهرمانی
گلیبدور رگلرینده جوشه قانی
زن رزم آور دیرینه زینب
سپهر ایتدی بلایه سینه زینب

پلنگ بیشه زار دین یکتا
نهنگ برفراز و قعر دریا
بجردوبسن ایوین آباد زهرا
سراسر موج دور طوفاندی زینب
دل طوفاندا نوحه جاندی زینب

قلجلار نیزه لر اوینور هواده
قوشون قان قان دیور دشت بلاده
شهیدلر نقش اولوب قانلی مناده
گوروندی صفحهء هیجاده زینب
گلور قارداشینا امداده زینب

حسینه اوندا که ال آچدی لشکر
همان ساعت آچوب زینب ده شهپر
امامی الدورنده شمر کافر
یتوب گوداله چون دیوانه زینب
ال آتدی خنجر عریانه زینب

امان الله امامت شمعی سوندی
خراب اولموش زمانین چرخی دوندی
اگر یوم القیام اولسا بوگوندی
قیامتدن قیام افزادی زینب
خصوصاً نص کر منادی زینب

مقام زینبیت بر ملادی
شهامتده علی المرتضادی
سپهسالار شاه کربلادی
سفیر مجلس اعلادی زینب
اودور شاماته رهپیمادی زینب

شهادت تاپدی قرآن شهسواری
قالوب میدان ایچینده ایل تباری
یتنده کوفیه محنت قطاری
اوتورموشدی سنیق محمل ده زینب
حسینیم وای صداسی دلده زینب

بولوتلاردان یاغیشلار باشلاناندا
گلیمی ظلمتین آرغاشلاناندا
حسینین قانلی باشی داشلاناندا
قنادسیز قوش کمی دورموشدی زینب
قهرلنمش هما تک اوشدی زینب

گزوز آیلا سریر نیزه لر ده
دوتوب قان یوزلرینی پرده پرده
دایانمشدی سپهر لاجورده
نوا و ناله و افغان زینب
صدای نغمه ء قرآن زینب

چالور ال اوینور اهل شقاوت
سریر نیزه ده شاه ولایت
ایدور آیات کهفی هی تلاوت
دوتولموش غصه دن بی چاره زینب
توکور گوز یاشینی رخساره زینب

زیاد اوغلون جری ایلوب سیاست
اونی یولدان چادوب تخت ریاست
تدارک وردی بیر بزم ضیافت
مقامی دللره منشور زینب
سالبدور بزم عیشه شور زینب

قباقینده گوروب رأس امامین
وروب گرمیتیله اوز سلامین
یتورسین خلقه ایستوردی پیامین
باشیندا معجرین برکیتدی زینب
عبید اللهی رسوا ایتدی زینب

سران شهر کوفه جمله حاضر
اونین اعمالینه حضار ناظر
یاراتدی مجلس ایچره بیر مناظر
الینده قاره بیر پرچمله زینب
ایدوبدور خصم دینه حمله زینب

اگر چه قالمیوب صبر و تحمل
ولیک اللهه ایلبدور توکل
((امینی))ویرمیسان چنگ توسل
طبیب اعظم و اکرمدی زینب
مریضه محرم و همدمدی زینب

• پنج شنبه
• 21
• مرداد
• 1400
• ساعت
• 13:04
• نوشته شده توسط
• یوسف اکبری

او زینبم غم هجرانیوه دوزن باجیوام
سرشک حسرتی رخسارینه سوزن باجیوام
بلا چولونده سالان مین بلالره باشیمی
یامان گونومده حسین سندن ال اوزن باجیوام

او زینبم علمون چگنیمه آلان باجیوام
دیار شامده او گون زلزله سالان باجیوام
مریضه یم منه گل سن اوزون طبابت ایله
آدامسیزام الی قوینوندا گَل قالان باجیوام

او زینبم سنون ائللردی آغلیان باجیوام
غمونده سینه ویروب سینه داغلیان باجیوام
اگر چه یاره لرون قانی نی سیلنمه میشم
خیال ایوینده ولی یاره باغلیان باجیوام

او زینبم غم اوخی قلبینی اویان باجیوام
عزا مجالسینین بنیه سین قویان باجیوام
ندوم فلک منی آغلاتمادان که دویمویاجاق
ولیک من بو فنا عمرینه دویان باجیوام

او زینبم یوکی غم ناقه سین چکم باجیوام
قدم قدم یولا غم بذرینی امن باجیوام
یورولموشام یولومی سالمشام بو غملی باغا
گوزتلورم سنی گوز یوللارا تیکن باجیوام

• جمعه
• 22
• مرداد
• 1400
• ساعت
• 17:36
• نوشته شده توسط
• یوسف اکبری

ویروب سپاه کینه اود
خیام آل یاسینه
یوخ اعتراض ایلین
بو لشگرین جفاسینه
یانور بنات فاطمه
دوشور هوا تلاطمه
بلالی عمه وین علی
باخ ایندی ماجراسینه

گل ای امام ساجدین
عباد و زین العابدین
آتان شهید اولوب علی
سن اولماسان قالار بو دین
زمانیه امام سن
اسیر اهل شام سن
شرار کینه نی سنه
روا گورور گروه کین

قوشون گلوب جسارته
چکور خیامی غارته
یقینیم اولدی باغلیام
کمر علی اسارته
گروه اشقیایه باخ
او شمر بی حیایه باخ
شرور بی مثال دور
که ال ویرور شرارته

• شنبه
• 23
• مرداد
• 1400
• ساعت
• 15:44
• نوشته شده توسط
• یوسف اکبری

فضای عصمتین روشن درخشان اختری زینب
حیا و عفتین قیمتلی درّی گوهری زینب
علی المرتضی نین اوز الیلن بسلنن شیری
بتول اطهرین قائم مقام و مظهری زینب

نه زینب دوغرودان کوه دیانت قوّلی انسان
نه زینب واقعا روح امانت منبع وجدان
نه زینب صبرده ایوبی قویموش واله و حیران
آپارمش سینه سینده هر بلاده غملری زینب

نه زینب دگسه طوفانلار اگیلمز قد رعناسی
نه زینب نوحی سرگردان قویار طوفانلی غوغاسی
نه زینب کربلانین قورخوسوز همتلی زهراسی
حسینین روز ازّلدن اولان همسنگری زینب

نه زینب چاه عشقین یوسفی یا مصر سلطانی
نه زینب عشقی مات و سرگران قویموش زلیخانی
نه زینب ناقه سی مغلوب ایدن تخت سلیمانی
اولان قالیچهٔ عشقین ثمرلی لنگری زینب

نه زینب عشقین آواسین سالان کوه و بیابانه
نه زینب درس هجران اورگدن یعقوب کنعانه
نه زینب لب ویراندا نغمهٔ آیات قرآنه
سرازیر ایلر الحق ساکنان گوگلری زینب

• یکشنبه
• 24
• مرداد
• 1400
• ساعت
• 14:00
• نوشته شده توسط
• یوسف اکبری

حسین وفالی باجون حال احتضاره دوشوب
درون سینه ده یورقون نفس شماره دوشوب

محبت عالمینی سیر ایدن وفالی مرید
دیار غمده گوزوندن ایراق فشاره دوشوب

طریق عشقی پیاده گزوب قدم به قدم
حسین دیه دیه آردینجا کوهساره دوشوب

اسیر حسنون اولوب مرغ روحیم ازلدن
او گون بو گوزلریم اول نرکس خماره دوشوب

قضا قدرله ویروب ال اله یازاندا یازی
هامی بلا بو بلاکش دوشن مداره دوشوب

او شام شوم که گوزده ایدوبدی گوندوزی شام
دولاندی دوره او شهره یولوم دوباره دوشوب

او گوهری که تراب ایچره ایلدیم مدفون
منیله ایندی اونون قبری همجواره دوشوب

ایله منور ایدوب تیره شامی خلق دیور
سپهر مهر و وفادن یره ستاره دوشوب

شمیم عشق و محبت مشام جانی دوتوب
زبسکه بلبل غم دیده لاله زاره دوشوب

او زینبی که یخوب کاخ ظلمی همتیله
شکسته حالیله شام ایچره گیر و داره دوشوب

نفس گیدور داخی گلمور گوزوم قالوب یولدا
ئولوم توزی عرق مرگیله عذاره دوشوب

نه بیر نفر سنی حالیمدن ایلوری حالی
نه بیر کسین یولی عباس نامداره دوشوب

دیه وفالی باجون غربت ائلده جان ویروری
ئوزوب قبیله دن ال حال انزجاره دوشوب

گوزومده گوزلروون عکسین ائتمیشم ترسیم
گوزوم ئولنده ده گورسونله عکس یاره دوشوب

سنه باخان گوزومی آز قالور اجل یومسون
کمند مرگیله اووچی پی شکاره دوشوب

گوزومده گوزلریوین عکسین ایتمیشم ترسیم
گوزوم اُلنده ده گورسونله عکس یاره‌ دوشوب
‌
جمالون عکسینه قورخوم بودور چکه هاله
ایشقلی آی کیمی چون چشم اشکباره دوشوب

سنه باخان گوزومی آز قالور اجل یومسون
کمند مرگیله اوچی پیِ شکاره دوشوب

کتاب عمرومی بیربیر ورق ورور گوگلوم
گوزی سنیله گچن دور روزگاره دوشوب

بلا چولونده گزور گلشن وفانی گورور
ستمله پرپر اولوب قانلی جویباره دوشوب

نه گل نه غنچه هامی سرولر صنوبرلر
سنوبدی قول بوداغی شاخه دن کناره دوشوب

دوشوبدی بیر یانا شرمنده شیر شرزهء عشق
بیر آیری یرده گلوپاره شیرخواره دوشوب

بویاندا عورت اوشاق وامحمّدا سسلنور
اویاندا لشکر کین فکر تار و ماره دوشوب

ویرور غروریله سعداوغلی لشکره فرمان
غریبه فرصت او گون قوم کین شعاره دوشوب

حریم عصمتی قصد ایلیوب سپاه شرور
کبوتران حرم فکرت فراره دوشوب

نه بیر پناه تاپور سایه سینده دالدالانا
نه فکرینه او زمان آیری راه چاره دوشوب

ریاض خلده ووران طعنه گل کیمی بالالار
اسوبدی باد مخالف کمند خاره دوشوب

قاچوبلا چوللره اللر باشندا دیز تیترور
دالنجا هر بالانین بیر نچه سواره دوشوب

بیری ستمله آلور بیر قیزین گلوبندین
بیریسینون الینه قانلی گوشواره دوشوب

بیریسی غارت ایدوب جبریله حریر و طلا
بیرینه قسمت او غارتده گاهواره دوشوب

وراندا هر بالیه تازیانه غارت ایدن
منیمده جسمیمه مین یاره اوسته یاره دوشوب

نلر اولوب دیمورم ساخلورام یانان دلده
قلم یازاندا اورک دردیمی اشاره دوشوب

قالان اساسیمیزه ظلم الیله ویردیلا اود
منیم او اودّا یانان قلبیمه شراره دوشوب

همان اودون اثری ایمدیده یانان دلده
چکور زبانه، شرر قلب داغداره دوشوب

اماندی (اصلی) دایان دفترون الولاندی
نه اوت دی خامهء زرّین و زرنگاره دوشوب

یقین بو آتش جانسوز آه زینبدی
نه خامه شعله سی هر قلب بردباره دوشوب

• شنبه
• 6
• شهریور
• 1400
• ساعت
• 23:27
• نوشته شده توسط
• یوسف اکبری

زینب گوروب دوتوب اورگین محنت و ملال
باد صبایه یوز چووروب ایتدی شرح حال

گیت ویر صبا اُلوم خبرین یاره یاریدن
هجران سوزون نگاره آپار بو دیاریدن

کرب و بلایه ایله گذر کوی عشقی تاپ
آگاه قیل حسینی سرانجام کاریدن

دی زینبون یامان گونیدور یوخیدی بیر کسی
مایوس اولوب قبیلدن ایلدن تباریدن

غم بسترینده ایندی دوشوبدور شکسته پَر
عشقون سالوبدی زینبیوی اقتداریدن

غصّه وجودینی اَریدیب قالمیوب رمق
تاب و توان گیدوب اَل اوزوب روزگاریدن

آخر نفس لرین چکوری یولدا گوزلری
کسمیش علاقه زندگی مستعاریدن

پروانه تک طواف ایلیوب عشق شمعنی
بال و پری یانوب شرر شعله باریدن

گاهی سیزیلدوری گهی بیجان دوشور یره
مدهوش اولور شرارهء طوف نگاریدن

حاله گلنده سویلوری قارداش هایانداسان
گل زینبی خلاص ایله بو انتظاریدن

غربت دیاریده اُلورم یوخدی بیر کسیم
غربت غمی چتیندی غم احتضاریدن

یوخ یتدی قارداشین بیری احوالیمی بیله
سالدی عجب فلک باجیوی اعتباریدن

منزل غریب دیار غریب جان ویرن غریب
بو غربت ایوده یوخ گلنیم اهل داریدن

ای یوسف مدینه باجون عطریوی آلور
پیراهن دریدهء بی پود و تاریدن

بو پیرهنده نقش اولونوب اوزگه منظره
روز بلاده کشکمش آشکاریدن

باشدان باشا بو پیرهنون جای زخمی وار
گلبرگ تک جفا یتشوب نیش خاردن

هر تار و پودی شرح جنایات اهل کین
هر رشته سی نشان عمل ناگواردن

کالای عشقدور بونا جان نقدی ویرمیشم
تا آلمشام اراذل بی شرم و عاریدن

بو کوینگ اوسته نولدی منه بیر خدا بولر
عاجزدی دل، بیان غم بیشماردن

گودال قتلگاهده گوردی گوزوم نجه
قان چشمه تک آخور بدن زخمداریدن

خشک ایتماقا یارالاریوی ایلدیم تلاش
دشمن ولیک ویرمدی فرصت کناریدن

بیر بی حیا بروزه ویروب اوز شقاوتین
حیرتدیم دایانمادی گردون مداریدن

الله بولور او لحظه نه غم یتدی زینبه
زلفوم آغاردی دوشدی بدن اختیاریدن

قدّیم کمانه دوندی او گوندن دوزلمدی
تار اولدی گوزلریمده گونوز لیل تاریدن

یولّاندی شام و کوفیه سرعتله قافله
گه شهریدن چکردیله گه کوهساریدن

هر بیر یره یتیشدی باجون باشلادی نوا
نی لر نوایه گلدیله بو آه و زاریدن

من اُلمدیم اوزوم، منی اُلدوردی اهل شام
بیر شام که خلیفه سی وار میگساریدن

سس دوشدی شهره بدرین آلون انتقامینی
فرمان گلوبدی حاکم بی بند و باریدن

هر کس ایشتدی گلدی گیدنلر دایاندیلار
باغلاندی راه کوچه او دم رهگذاریدن

بعضی شماتت ایتدی بیزه بعضی چالدی کف
کینه تموّج ایتدی دل کین شعاریدن

هر بیر جفا که فکره گلور ایتدیلر بیزه
ایوای او شهرده اولونان سنگساریدن

هر داش گلنده رنگی سارالدی رقیه نون
اشکین توکردی دیدهء گوهر نثاردیدن

حسین وفالی باجون حال احتضاره دوشوب
درون سینه ده یورقون نفس شماره دوشوب

محبت عالمینی سیر ایدن وفالی مرید
دیار غمده گوزوندن ایراق فشاره دوشوب

طریق عشقی پیاده گزوب قدم به قدم
حسین دیه دیه آردینجا کوهساره دوشوب

اسیر حسنون اولوب مرغ روحیم ازلدن
او گون بو گوزلریم اول نرکس خماره دوشوب

قضا قدرله ویروب ال اله یازاندا یازی
هامی بلا بو بلاکش دوشن مداره دوشوب

او شام شوم که گوزده ایدوبدی گوندوزی شام
دولاندی دوره او شهره یولوم دوباره دوشوب

او گوهری که تراب ایچره ایلدیم مدفون
منیله ایندی اونون قبری همجواره دوشوب

ایله منور ایدوب تیره شامی خلق دیور
سپهر مهر و وفادن یره ستاره دوشوب

شمیم عشق و محبت مشام جانی دوتوب
زبسکه بلبل غم دیده لاله زاره دوشوب

او زینبی که یخوب کاخ ظلمی همتیله
شکسته حالیله شام ایچره گیر و داره دوشوب

نفس گیدور داخی گلمور گوزوم قالوب یولدا
ئولوم توزی عرق مرگیله عذاره دوشوب

نه بیر نفر سنی حالیمدن ایلوری حالی
نه بیر کسین یولی عباس نامداره دوشوب

دیه وفالی باجون غربت ائلده جان ویروری
ئوزوب قبیله دن ال حال انزجاره دوشوب

گوزومده گوزلروون عکسین ائتمیشم ترسیم
گوزوم ئولنده ده گورسونله عکس یاره دوشوب

سنه باخان گوزومی آز قالور اجل یومسون
کمند مرگیله اووچی پی شکاره دوشوب

گوزومده گوزلریوین عکسین ایتمیشم ترسیم
گوزوم اُلنده ده گورسونله عکس یاره‌ دوشوب
‌
جمالون عکسینه قورخوم بودور چکه هاله
ایشقلی آی کیمی چون چشم اشکباره دوشوب

سنه باخان گوزومی آز قالور اجل یومسون
کمند مرگیله اوچی پیِ شکاره دوشوب

کتاب عمرومی بیربیر ورق ورور گوگلوم
گوزی سنیله گچن دور روزگاره دوشوب

بلا چولونده گزور گلشن وفانی گورور
ستمله پرپر اولوب قانلی جویباره دوشوب

نه گل نه غنچه هامی سرولر صنوبرلر
سنوبدی قول بوداغی شاخه دن کناره دوشوب

دوشوبدی بیر یانا شرمنده شیر شرزهء عشق
بیر آیری یرده گلوپاره شیرخواره دوشوب

بویاندا عورت اوشاق وامحمّدا سسلنور
اویاندا لشکر کین فکر تار و ماره دوشوب

ویرور غروریله سعداوغلی لشکره فرمان
غریبه فرصت او گون قوم کین شعاره دوشوب

حریم عصمتی قصد ایلیوب سپاه شرور
کبوتران حرم فکرت فراره دوشوب

نه بیر پناه تاپور سایه سینده دالدالانا
نه فکرینه او زمان آیری راه چاره دوشوب

ریاض خلده ووران طعنه گل کیمی بالالار
اسوبدی باد مخالف کمند خاره دوشوب

قاچوبلا چوللره اللر باشندا دیز تیترور
دالنجا هر بالانین بیر نچه سواره دوشوب

بیری ستمله آلور بیر قیزین گلوبندین
بیریسینون الینه قانلی گوشواره دوشوب

بیریسی غارت ایدوب جبریله حریر و طلا
بیرینه قسمت او غارتده گاهواره دوشوب

وراندا هر بالیه تازیانه غارت ایدن
منیمده جسمیمه مین یاره اوسته یاره دوشوب

نلر اولوب دیمورم ساخلورام یانان دلده
قلم یازاندا اورک دردیمی اشاره دوشوب

قالان اساسیمیزه ظلم الیله ویردیلا اود
منیم او اودّا یانان قلبیمه شراره دوشوب

همان اودون اثری ایمدیده یانان دلده
چکور زبانه، شرر قلب داغداره دوشوب

اماندی (اصلی) دایان دفترون الولاندی
نه اوت دی خامهء زرّین و زرنگاره دوشوب

یقین بو آتش جانسوز آه زینبدی
نه خامه شعله سی هر قلب بردباره دوشوب

• دوشنبه
• 8
• شهریور
• 1400
• ساعت
• 22:05
• نوشته شده توسط
• یوسف اکبری

ویردی گر گلزار دینه خونِ شاهِ دین صفا
بو خانمدا اِیتدی اوز عهدینده بیر عالی وفا

او شهید اولماقدا اِسلامین اوجالدوب بیرقین
بو اسیر اولماقدا گوردی دین حقین رونقین

او شهید اولدی مخالف شری نه ایتدی علاج
بو اسیر اولدی ویروب احکامِ قرآنه رَواج

او سویردی قانیله الوان اولا گُل پیکری
بو سویردی قوللاری کتفی اولا نیلوفری

او سووب چخسون جدا باشندا سیره باشیله
بو سووب اولسون او یولدا همسفر قارداشیله

او سویردی خیمه گاه و شوکتی تاراج اولا
بو سویردی کوفه ده تیر غمه آماج اولا

او سویردی بزمِ شرب شامده گورسون اوزون
بو سویردی خیزران ظلمون گوروب یومسون گوزون

او نماز ظهر قیلدی چاک چاک اَعضائیله
بو نماز شب قیلاردی هر گیجه اِیذائیله

نه نماز شب نجه سجده نجه راز و نیاز
نه عُبودیت نجه طاعت نجه عالی نماز

بو عبودیّت فقط بیر زینبه زیبنده دی
حشره تک بو بنده لیقدان بنده لر شرمنده دی

سیّد سجاد اوزی نقل ایلوری بو مَطلبی
بیر گیجه ویران سراده گوردوم عمّم زینبی

نصف شبده بی نیازیله ایدور راز و نیاز
حال ضعفیله قیلور اگلشدیقی یِرده نماز

یا دوزل میر بارِ محنتدن خمیده قامتی
یا که وار ضعفِ قواسی یوخ قیامه طاقتی

سرّین استفسار اِیتدیم مطلبین عُلیا جَناب
گوزلرین دولدوردی اَشکیله بیله ویردی جواب

من پرستارِ یتیمانم بو واضح دور سنه
تاپشوروب قارداشیم اَطفالین وداعنده منه

آتموشام باشدان او دور هر حالی دَه اوز غصه می
ویرم اطفاله غذا سهمیه سنده حصه می

او آلوب آغوشه قبر اِیچره علیّ اکبری
بو اِیدوب همراه اوزینه لیلیّ غم پروری

او آلوب اَطرافه یتمیش بیر نفر نیکو سرشت
بو یغوب دور باشه هشتاد اوُچ خواتینِ بهشت

او یاتردوب سینه سینده اصغری لایلای دیر
بو ربابین ناله سینه سس چگوب ایوای دیر

او کنار نهر علقمده قویوب بیر پاسبان
بو دیار کوفه ده کُلثومه اولموش هم زبان

او گیدنده تاپشوروب زین العبایه عترتین
بو اولوب سجاده هر یِرده طرفدار و مئعین

او جدا باشندا چخدی گردشه خورشید وار
بو سنق مَحملده اولدی راهِ شامه رهسپار

او تلاوت ایتدی شهرِ کوفه ده کَهف آیه سین
بو اِیشیتدی نیزه اوُسته قارداشین دلکش سسین

او ویروب قرآن سسیله زینبه رمزاً صدا
بو سسین آلجاق دیدی ای نطقوه روحیم فدا

• سه شنبه
• 30
• شهریور
• 1400
• ساعت
• 21:36
• نوشته شده توسط
• یوسف اکبری

رسمِ عالمدی سالار اوز گولونی خار اَلینه
خار اگر خار اولا وئرمز گُولون اَغیار اَلینه

خار اگر خار اولا گُولشنده گُولی خوار اولماز
خوار اوُلار گُول دوشه گر خوارِ تَبهکار الینه

کوفیان خارِ مُغیلاندی نه خارِ گُلِ سرخ
گُل سرخِ حرمی وئردیله اَشرار الینه

شامیان کرکسِ ناکسدیله جُوریله ویروب
کربلادَه حرم آهوسینی مِنقار الینه

گوشِ جان شهرِ دمشقین آلوری ناله سینی
سالوری ناله منی آهِ شرر بار الینه

ناله جان سوزدی زینب اِئلوری داد و نوا
تاپشورور ناله سینی ثابت و سیار الینه

زینبین آلدی سسین کربوبلا سلطانی
پرچمین وئردی اَباالفضلِ علمدار الینه

دئدی قارداش گئدیرم زینبیمی بیردَه گُورم
تاپشورام زینبِ دلداده نی دلدار الینه

زینبین بیرده گتیردی اِیکی پَرپَر گُولونی
تاپشوروب گُوللّری اکبر کیمی غم خوار الینه

گتوروب قاسمی عبداللّهی قارداش لارینی
اصغری بیرده آلوب شاهدِ اَبرار الینه

جمله معناده گلوب زینبی درک اِیله دیلر
دُرّ و گُوهر یتشوب قلزمِ زَخار الینه

ویردی عباسِ علمدار علمین شاماته
مایهء غصه و غم یِتدی عزادار الینه

یاره آتلار اَیاقین دَه قالان اَگلشدی
زینبین آلدی باشین خسروِ اَحرار الینه

آغاران باشینی آهسته آلوب دیزلری نه
یاره لی بیر اَلینی وئردی او دل زار الینه

قارداشین اشک و تری آخدی باجی صورتی نه
سالدی گو زینبِ کُبری دُرّ شَهوار الینه

منتظر گُوزلری بیر باخدی حسینین یوزونه
گُوهرِ وَصل دوشوب وَصله گرفتار الینه

دئدی قارداش بو گَلن یوللارا زینب قربان
زینبین دوشدی عجب فرصتِ دیدار الینه

ای طبیب دلِ بیمار منم بیمارون
چارهء درد دوشوب گُور نئجه بیمار الینه

دردی مه چاره بو دور بُوس اِئلییم حلقون دَن
گور نولار شانه دوشه طرهء طرار الینه

بیرده قارداش دِئنه اکبر منه یاسین اوُخویا
بلکه آسوده وِئرم جانیمی دلدار الینه

دِئدی سلطانِ بلا آغلاما یاندیرما منی
باجی جان سالما منی آهِ شَرر بار الینه

اوزون آگاه سن ای آگهِ پیمانِ ازَل
اللّریم دوشدی گئجه بجدَلِ خون خوار الینه

گلمیشم زَحمت بسیاریله تا این که وِئرم
کسیلن اللّریله اللّریوی یار اَلینه

داهی (شبگیر) دایان جفِ قلم لازم دور
وِئرمه اَسرارِ خَفی شعری دَه اَغیار اَلینه

دلِ مَخموریوه میخانه دَه ساقی زینب
اوُدی مَخمور باخار عشقیله خمار الینه

ماء قدسیدی که تزریق اولوب دور قلمه
اوُدی کیم طبعون آلوب ساغرِ سرشار الینه

نوکِ خامه نه طلسمات مُبینی مَخفی
زائر اولموش قلمون حیدرِ کرار الینه

کاروانِ هنرِ شعریده مولی سالار
کاروان بسته اوُلار قافله سالار الینه

علمِ اَعدادیده بس دور عددِ یکصد و دَه
حرفِ تطبیقی وِئرین محرمین اَسرار الینه

• پنج شنبه
• 1
• مهر
• 1400
• ساعت
• 14:56
• نوشته شده توسط
• یوسف اکبری

ای حجابی کارگاه عصمته ویرموش نسق
نقش توقیع جلالی مظهر ناموس حق

تا نفوسه اولدی آبشخور مشیّت مشربی
هر کسین شایان قدری اوح تاپدی کوکبی

نفسیوه شایسته گلدی زینبیّت منصبی
بو آدین معناسی افعالونله اولدی ماصَدَق

سن او مشعل سن ایا شمس هدایت پرتوی
جلوه گردور ماه رویوندن فروغ معنوی

تاپسا استعداد اگر ظلمات طبع دنیوی
عارضون نوری عذاریندن سیلر زنگ غسق

ای گران قیمت دُرِ والای لاهوتی صدف
جلوه آلموش عارضوندن دُرَّةُ التّاج شرف

عصمتوندن نسخ اولوب اذکار ادوار سلف
مریم عذرادن آلموش عفّتون گوی سبق

شاهد گردون آتار اوزدن نقاب مُشکسود
آستان عزّیوه هر گون قویار فرق سجود

گورمیوب ذاتون نظیرین شانیده چشم وجود
نور هستی تا عدم ظلماتینی ایلوبدی شق

شرح وصفون ایتماقا بشکسته سردور هر قلم
راه مدحون گیتماقا وامانده هر پویا قدم

معنی حسنون بیانیندن یازیلسا بیر رقم
یتمز اتمامه اگر لیل و نهار اولسا ورق

بو هامی شانیله ای خورشید گردونِ جلال
قویمادی بیر لحظه راحت قلبیوی درد و ملال

چرخ قان آغلور غمونده صبح و شام و ماه و سال
بو سوزه شاهددی دامانینده کی اشک شفق

فرش منزلگاه عشقون تار زلف حور عین
چتر دیوان جلالون شهپر روح الامین

اصل ماهیّتده نفسون نور ربّ العالمین
هیئت ظاهرده خلقون افتخار ماخَلَق

تا عدم ابرین یوزوندن آتدون ای فطرتده ماه
برج آغوش بتول اولدی سنه آرامگاه

باشلادون قوس صعودی جانبینده طیّ راه
مهریدن نور آلدی ذاتون اولدی ماه متّسق

هر ودیعت نفس زهراده ازل ایتموشدی جا
اکتساباً نقل اولوندی نفسیوه سر تا به پا

بیر بتول ثانوی اولدون ولی زینب نما
اولدی نورون نور وجه ذوالجلاله ماصّدّق

سینه ده جان تک سنی بنت پیمبر بسلدی
باغ عصمت زینتی بیر نوگل تر بسلدی

کربلاده اوغلونا دلسوز یاور بسلدی
قالماسون بیکس او چولده حجّت ربّ الفلق

• یکشنبه
• 4
• مهر
• 1400
• ساعت
• 14:15
• نوشته شده توسط
• یوسف اکبری