اشعار حضرت رقیه(س)

خوش گلموسن ویرانسرایه
سندن صورا گَلدیم نوایه
باخ گور نجه دوشدوم بلایه
ئولورم من

یاندیم بابا غم فراقه
حُرمت فریضه دی قوناقه
عفو ایت دورانمورام ایاقه
ئولورم من

قوغوبلار آت دوشونده ز بس شامه گلنده
ایاقلاریم قاباردی،یوخ طاقتیم بدنده

ایوای یارالیم من ،باشی بلالیم من

گوزوم بولود کیمی دولوبدی
یوزوم بابا گورنه سولوبدی
ویرانه مسکنیم اولوبدی
ئولورم من

غملر ایدوب منی گلوگیر
دیریلیقدان من اولموشام سیر
قوللاریمی کسیبدی زنجیر
ئولورم من

یتیمه نی دویللر، لازم دگول بهانه
جسمیم کبود اولوبدی، به زیر تازیانه

ایوای یارالیم من ،باشی بلالیم من

جان اوستیم اکبر گیدندن
عَموم بیزی ترک ایلیندن
سنله بابا وداع ایدندن
ئولورم من

خیمه لره قوشون دولاندان
شمر منه سیلی ووراندان
گوشواره می اَلدن آلاندان
ئولورم من

شمر شریر و کافر دویموبدی کینه سیندن
شاهددی زینب عمّه م من قورخورام سسیندن

ایوای یارالیم من ،باشی بلالیم من

• شنبه
• 23
• اسفند
• 1399
• ساعت
• 19:41
• نوشته شده توسط
• یوسف اکبری

باجی تئز گل خسته جان بالام ئولدی
قوری یرده آج یاتان بالام ئولدی

بالام لای لای وای رقیمه لای لای ...

باجی قلبه تیر غم ساچان ئولدی
بو ویراندا بزم یاس آچان ئولدی
دئنن قیزلار اوخشاسون باشا وورسون
تیکانلیقدا قورخودان قاچان ئولدی

خزان دیده گل کیمی باجی سولدی
غم و غصه خیردا قلبینه دولدی
ربابه دی دوزسون آیریلیقیندا
دینن اوسسون اصغره قوناق اولدی

اوزون مدت باغلانوبدی طنابه
اونی یوردی درد و رنج خرابه
دوروم نعشین دفنه حاضر ائدوم من
باجی سنده وئر تسلی ربابه

کیچیک قلبه چوخ بویوک غم آلوبدی
رخ زردین سیلی درده سالوبدی
دوشور یاده عرصه گاه شهادت
حسینیم تک نعشی یرده قالوبدی

گوزوم یاشی بنذیور یاغان ابره
بو ظلم اولماز بیر مَجوسیله گَبره
اگر گلسه غسلون ایتماقا بیر کس
باجی کیم بس نعشینی قویا قبره

گلایم یوخ کردگار قدیره
قوناق گئدی اکبره بو صغیره
ولی قلبیم اود دوتور باجی بوقیز
نه ائتمیشدی زجر و شمر شریره

بونون دشمن صبر و طاقتین آلدی
تیکانلیقدا آت قاباقینا سالدی
بو قیز اوخشور فاطمه آناما چوخ
کیچیک یوزده اَل علامتی قالدی

باجی سسله خیردا قیزلار اویانسون
فغان ائتسون نار هجریده یانسون
دئنن بعضی باشینه توکه تپراق
دم درده نچه سی دی دایانسون

• شنبه
• 23
• اسفند
• 1399
• ساعت
• 19:55
• نوشته شده توسط
• یوسف اکبری

سپهر عصمتین،آخان ستاره سی
خرابه اهلینون ، اولدون، دلیل ناله سی

ای خسته بلبلوم ، لایلای، منیم سولان گولوم، ایوای، آسوده یات بالا، دینجل،اوزوم سنه فدا

لایلای رقیه جان لایلای(۳)

ظلمیله شامیده ،آخدون ای اولدوزوم
ای زینبه اَنیس، آخر، سنسن دادیم دوزوم

فدا اولوم سنه،یاتما ،سَس ویر قیزیم منه،بیرده، یارالیسان هَله، ایکاش،دردون منه گَله

لایلای رقیه جان لایلای(۳)

من واقفم بالا، دیلده قالوب سوزون
شمری ذلیل اولا،ایوای،دوزلمدی یوزون

سنه اولان اولوب،امّا،شمادت قورتولوب،ایندی یوخدی دوین سنی،امّا،یاندیرموسان منی

لایلای رقیه جان لایلای(۳)

بیر نسگیلون ولی،چوخ یاندیریر منی
کیم قبریوی قازا، آخر، قبره قویا سنی

غسّاله کیم دیسون،گلسین،بو نعشیوی یوسون،نیلوم،بو کهنه پیرهن،اولدی،آخر سنه کفن

لایلای رقیه جان لایلای(۳)

• شنبه
• 23
• اسفند
• 1399
• ساعت
• 19:58
• نوشته شده توسط
• یوسف اکبری

عرش اهلی نغمه خواندی گینه بولمورم نَدن
بیت ولایه واردی گینه چوخ گلوب گیدن

ثاراللهین ایوینده بوگون شور حشری وار
چوخلی ملک لرین او ایوه حَشرو نَشری وار

الله دوباره سویگولونه ایلیوب عطا
بیر قیز کی عالمینه ویرر گول یوزی صفا

قدرت الیله خلق ایلیوب حیّ لا یزال
بیر نازدانه ،سویمه لی بیر مَه جبین غزال

هرکیم باخیر جمالینه زهرانی یاد ایدیر
مجنون کیمی دوشور چوله لیلانی یاد ایدیر

قاش گوز قرا ،جمالی وروور طعنه کوکبه
اوخشور یوزی بتوله ،قرا زلفی زینبه

آغوشینه آلوبدی اودم شاه ماسوا
اوپدی یوزوندن ایلدی هم خالقه ثنا

عرض ایلدی خدا ، نه دل آرا یاراتمیسان
باشدان ایاقه مظهر زهرا یاراتمیسان

بوندانصورا دوشنده آنام یادیمه منیم
باخسام جمالینه قیزیمین قالماز هیچ غمیم

زینب آلوب قوجاقینه ایتدی بیله ندا
ای ماه منظریم ،سنه عمّه ن اولا فدا

لطف ایلیوب خدای جهان نور عینیمه
اللهه شکر اولا سنی ویردی حسینیمه

زهرا آنامی نچّه ایل اولدی گورنمورم
علّت اودور باخاندا سنه من دوننمورم

رنجور قلبیمه ولی بیر همهمه گلوب
فکر ایلورم دوباره آنام فاطمه گلوب

بولمم ندن باخاندا سنه گوزلریم دولور
بی اختیار اشکیم آخیر بولمورم نولور

شاید حسین ،ویردی خبر آغلاما باجی
واردور دلیلی سینه وی سن داغلاما باجی

هرچند حقلیسن بالاما سینه داغلاسان
‌بیر سَرنوشتی وار،دییه بولسم چوخ آغلاسان

مونس اولار زمانه ده چوخلی مصیبته
زهرا آنام کیمی دوشه جاق رنج و محنته

آز عمروده ،جمالی باجی غنچه تک سولار
سنله رقیّه عازم کرب وبلا اولار

شرکت ایدر سنیله باجی داغ اکبره
الله بولور نجه باخاجاق حلق اصغره

عبّاسیمی یخاندا قوشون ،قلبی داغلانار
آخر طناب ظلموله قوللاری باغلانار

شامین یولوندا پایِ پیاده گیدر باجی
یوللاردا شمر دون اونی چوخ اینجیدر باجی

سن باخما بو قیزی حرم اهلی سویَر باجی
شامه یتینجه زَجر اونی امّا دویَر باجی

ایندی سنون قوجاقیوه ناز ایلیین اوشاق
کُنج خرابیه اولاجاق نچّه گون قوناق

گوزده سرشکینی اودی قانه قاتار باجی
ویرانه یرده نچّه گجه آج یاتار باجی

سندن منی گر ایستسه بو مونس محن
ویرانیه باجی گَلَرم ،بیر طَبَقده من

درد وبلاسی قلبیمی دائم سیخار باجی
گورسه یارالی باشیمی جانی چخار باجی

(بیکَس) اماندی ویرمه ادامه قلم یانور
اَز بس آغیردی محنتی گوروسن دفتر اودلانور

• جمعه
• 29
• اسفند
• 1399
• ساعت
• 21:12
• نوشته شده توسط
• یوسف اکبری

دوباره بیت ولاده نه شور و غوغادی
ملائکه گلوری دیلده نغمه ی شادی
زمانِ لطف و عطایِ خدای یکتادی
ویریبدی بیر قیز حسینه عجب دل آرادی

دولاندی گون گینه گَلدی زمانِ میلادی
آدی رقیّه دی امّا شبیه زهرادی

آلوب قوجاقینه مولا او تازه مولودی
اَزل اَدا ایلدی شکر حَیّ معبودی
اذان قولاقینه ویردی به صوتِ داوودی
آنام بتول کیمی سویلدی نه خوشبودی

عجب گوزل یارادیب ذاتِ حق نه زیبادی
آدی رقیّه دی امّا شبیه زهرادی

ویرردی الدن اَله آلِ احمد(ص) مختار
دیردیلر نه گوزل خلق اولوب گُلِ بی خار
آلوب قوجاقه اودم دختِ حیدر کرار
بویوردی عمّه سی قربان قریبه گوزلری وار

گوزونده فاطمه تک نور حق هویدادی
آدی رقیّه دی امّا شبیه زهرادی

عجب عنایت ایدوب خالق زمین و زمان
ایدوبدی قدرتینی اهل عالمه اعلان
دوباره خانِ عطایه ایدوب بیزی مهمان
ویروبدی قارداشیما بو گولی حقِ منّان

بو غنچه گولدی بونون باغبانی مولادی
آدی رقیّه دی امّا شبیه زهرادی

آچیبدی بابِ کَرَم یر گویی گوزل یارادان
شبیهِ دُخت نَبی ایلیوب بیزه احسان
بونون جمالینه هر کیم باخیر قالور حیران
صفای منزل اولار یا حسین رقیّه بالان

نشانِ مَرحَمتِ کردگارِ یکتادی
آدی رقیّه دی امّا شبیه زهرادی

دییدی زینبه ایکاش ،پادشاه ولا
کی واردی بو قیزیما چوخ مصیبتیله بلا
امان اوگون گیده سیز سوی خاکِ کرب و بلا
دییدی کاش باجی قویما بو قیزی وورالا

ووراندا شمر دینن وورما نا توانادی
آدی رقیّه دی امّا شبیه زهرادی

اگر چه اهل حرم بو قیزی سویَر زینب
وَلیک ،اهل جفا روز و شب دویَر زینب
اسیر اولار باشینا قمچی لر دَیَر زینب
آنام کیمی غم اونون قدّینی اَیَر زینب

بتوله نایبه دی ،عزّ و شأنی والادی
آدی رقیّه دی امّا شبیه زهرادی

دیَنمدی بو بالا شام یوللارین گیده جاق
الینده قمچی گلوب زَجر اونوی چوخ اینجیده جاق
قلوبِ اهل دیله داغ هجرینی چکه جاق
دیَنمدی گجه ویرانه یرده جان ویره جاق

اگرچه سینّی کیچیک دی ،بَلاسی عُظمادی
آدی رقیّه دی امّا شبیه زهرادی

دیَنمدی باشینا قاره معجرین آچاجاق
الینده طاقتینی شمر بی حیا آلاجاق
لوای محنتی اوجِ مصیبته ساچاجاق
دیَنمدی کی رقیّه خرابه ده یاتاجاق

خرابه گوشه سی هر (بیکَسه) غم افزادی
آدی رقیّه دی امّا شبیه زهرادی

• جمعه
• 29
• اسفند
• 1399
• ساعت
• 21:14
• نوشته شده توسط
• یوسف اکبری

عمه یارالی بیر قیزام
باغ عشقیم سارالوب
ویرانه دن یورولموشام
قلبیمی غملر آلوب
بو قاره معجریله من
گویلرین اولدوزیام
قانی جلای دین اولان
مظلوم شاهون قیزیام

باغلاندی الیم الیمه
چوخ یاره دگوب دیلیمه
اکبردن اولوب آرالی
گلدیم بو یولی یارالی

دلداریم آی بی بی
غمخواریم آی بی بی

سویله عزا و شیونه
گلسون زهرا آنامی
قلبیم داریخدی عمه جان
گوگلوم ایستور بابامی
رویاده گوردوم آی بی بی
اول شاه بی کفنی
ایکاش گلوب خرابه ده
آلسون آغوشه منی

قمچی منی درده سالوب
فکریم شهداده قالوب
اولدوم سنه نور دوعین
یار نگران حسین

دلداریم آی بی بی
غمخواریم آی بی بی

جانیم فدادی عمه جان
نصف شبده قوناقا
بو دیده ترلی بوسه نی
ورّام عطشان دوداقا
بو طشتی ئوز قیزون بابا
غرق ایلر گوز یاشینا
عرض ارادت ایلیر
قوناقینون باشینا

داش دگدی او باشه بابا
سوزموش قانی قاشه بابا
گل عمه گلوبدی او جان
عشقی سنی درده سالان

دلداریم آی بی بی
غمخواریم آی بی بی

نازلی قیزون یارالیدی
بلبل تک گلدی دیله
ویرانه لرده جان ویروب
ایستور آزاده ئوله
بی کس رقیه یه بی بی
ویرانه مسکن اولوب
اصغردن آیری دوشموشم
غربت یر مدفن اولوب

وئردیم جانیمی بو یولا
دیل یاره لی باشدا قرا
باغلا بی بی گوزلریمی
دفن ایله بو سوزلریمی

دلداریم آی بی بی
غمخواریم آی بی بی

• سه شنبه
• 3
• فروردین
• 1400
• ساعت
• 13:51
• نوشته شده توسط
• یوسف اکبری

سبک حسین مزارون اوسته گلوب وفالی زینب

ای آسمان عشقین،هماسی یا رقیه
او تک قالان مزارون،فداسی یا رقیه

زینبون یارالی دلبری
ساخلا درگهونده بیزلری

خرابه گوشه سینده گئچوبدی روزگارون
اولوبدی قاره معجر مدال افتخارون
دیریتدی ماسوانی دیلینده حق شعارون
سسونده وار حسینون،صداسی یا رقیه

بلالی زینبون تک سن عاشق بلا سن
محبت حسینه جهاندا مبتلا سن
مزاری شام دا امـّا مقیم کربلا سن
او تربتون ده سن سن،صفاسی یا رقیه

گوزونده گنج عشقی یاشیلا ساخلیوبسان
جهانی آغلادوبسان، ئوزونده آغلیوبسان
طناب عشقی اَلدن ایاقه باغلیوبسان
که وار تنونده قمچی،یاراسی یا رقیه

شهادتین یولوندا گئدوب قرار و صبرون
نشان سی اولوبسان اولونجه جور و جبرون
که اهل کینه ایندی سالوب حصاره قبرون
مدافعانی ساخلار،دعاسی یا رقیه

دؤشنده شیعه درده سنی هرایه سسلر
او خیردا اللرون چون گره گشادی یکسر
که دختر حسینه ((امین)) اولوبدی نوکر
منم بو آستانون،گداسی یا رقیه

• چهارشنبه
• 4
• فروردین
• 1400
• ساعت
• 19:25
• نوشته شده توسط
• یوسف اکبری

دلدادگانِ اهلِ معنا دییر رقیه
مجنونیدن چکوب اَل لیلا دییر رقیه

دریا دییر رقیه،صحرا دییر رقیه
مشکل ده قالسا اهل دنیا دییر رقیه

سُکّانیده ملائک،از دم کبیر و کوچک
بیر جبهه ده یکایک،حورا دییر رقیه

قویماز عریضه ردّه،دگمز مرامی سدّه
پنهانی گَه بیر عدّه،پیدا دییر رقیه

چرخش ده کی فلک لر،عرش اوسته کی بزک لر
جنّاتیده چیچک لر، یکجا دییر رقیه

سلطانیلن وزیر و فرمانده و امیر و
درمانده و فقیر و دارا دییر رقیه

گؤردی مقام هجری، یوسف دای آتدی مصری
ترک حالتینده خضری،موسی دییر رقیه

باشلار دوشوبدی شوره،ظلمت ده دؤندی نوره
موسی چخاندا طوره،سینا دییر رقیه

تاپدی یولون سلیمان،اعجازه گئتدی ایمان
جانسیزلارا وئریب جان،عیسی دییر رقیه

یومماز نگاهِ عشقین،مات ائتدی شاهِ عشقین
گوردوقجه راهِ عشقین،زهرا دییر رقیه

شاه اوپدی گؤزلروندن،هم لعل لبلروندن
تا اوپسون اَللروندن،طوبا دییر رقیه

کرببلا امامی،اول سیّد گرامی
هر خلقیدن مقامی،والا دییر رقیه

دائم نگاهی اَبری،چکمیش فشارِ جبری
زینب او قدر صبری،کبری دییر رقیه

سر لشکر امامت،مضمون عشق و غیرت
نهر اوسته بیر خجالت،سقّا دییر رقیه

یوللاردا کی بیابان،شن زار و شمسِ سوزان
جسمین ائدنده نالان،گرما دییر رقیه

غم سؤندورَن چراغین،اود یاندیران دوداغین
مجروح ائدن ایاغین،صحرا دییر رقیه

ویرانه ی خراب و اطفالِ بو تراب و
حسرت زده رباب و لیلا دییر رقیه

قافیّه و ردیف و بیر پیکر نحیف و
رخساره ی عفیف و زیبا دییر رقیه

اوچ فصل یازی،اوج نیازی قاره
بیر جانمازی قاره،شیدا دییر رقیه

محکومهٔ سرشک و جاندادهٔ دمشق و
سرباز راه عشق و سودا دییر رقیه

سن زینبین مدالی،سن اکبرون غزالی
نوکرلرون ده حالی،رسوا دییر رقیه

قلبیم غمین داشیندا،عشقون سینَم باشیندا
بو عاشقون باشیندا،غوغا دییر رقیه

عشق اهلی راهی أگمز،جز قاره جامه گئیمز
بیر آیری بابی دوگمز،تنها دییر رقیه

بو مدح آفتابین،آلسا «امین» ثوابین
ثبت إیلییر کتابین،اعلا دییر رقیه

• چهارشنبه
• 4
• فروردین
• 1400
• ساعت
• 20:23
• نوشته شده توسط
• یوسف اکبری

اوچ یاشیم واردی نچه یازدی نچه یای دئمَدیم
خوش گونوم اولدی نچه ایلده نچه آی دئمَدیم

آدیمی فاطمهٔ کرب و بلا قویدی اِئلیم
دئدیلر فاطمه‌دن اولدی نَیون پای دئمَدیم

ویردلار سیلی یوزم یاندی دولوب قان گوزومه
ننه می ثانی ویراندا دئمیوب وای دئمدیم

گوردولر قمچی یِرین عمّه لریم آغلادیلار
دئدیلر دگدی نچه قمچی سنه سای دئمدیم

تای توشوم اوتدیلا ویرانه‌ده اطرافیمده
دئدیلر آی قره‌گون٬ کیمدی سنه تای دئمدیم

کُنجِ ویرانه‌ده بیردفعه دئدیم عمّه آجام
قویدی گوردوم ئوره‌گی اوسته الین دای دئمدیم

آی عزاداریلریم آغلیون آغلار گوزومه
غصّه سینمده قالوب دهره سالوب های دئمدیم

منه یاس قورسوز الوزده گتیرون خیردا بشیک
عادتیم باشدا قالوب آغلیوب های های دئمدیم

گوگلوم ایستور هله‌ده ترپَدَم اصغر بشیگین
من دویونجان سود امر اصغره لای‌لای دئمه دیم

• شنبه
• 7
• فروردین
• 1400
• ساعت
• 12:37
• نوشته شده توسط
• یوسف اکبری

سلام اى جان وئرن ويرانسراده يارقيه
يانان دامان پاكى كربلاده يارقيه، يارقيه، يارقيه

فضاى غمده باتدون
گؤزوندن دهرى آتدون
يورولدون دردوغمدن
خرابه يئرده ياتدون
نظر قيل منه، اسيرم سنه، سنون تك گؤزل اولماز
گوزلدورآدون، شريندور دادون، اونا تاى عسل اولماز
يارقيه‏ يارقيه

اولان اى برج عصمتده ستاره يارقيه!
سالان باشينه اوچ ياشينده قاره يارقيه، يارقيه يارقيه

اياقون اولدى ياره
قولاقون اولدى پاره
عدو سندن او چؤلده
آلوبدور گوشواره

اؤزون باخ منه، دخيلم سنه، حسينون گولى سن سن
آچان ‏گول لرون،سولان‏ گلشنون، حزين‏ بولبولى ‏سن‏سن
يارقيه ‏يارقيه

نولاردى بلبل گلزار اوليدوم يارقيه
او خيردا قبريوه زوّار اوليديم يارقيه

مزارون باصفادى
بهشت تك دلگشادى
مريض عشقیوم من
او يئر دارالشفادى

عذاره «بشير»، سرشكين الير، دوشوب وادى عشقه یارقیه
«اجلّى»اوخور، اوركدن ديور، بيزى ايسته دمشقه، يارقيه
یارقیّه یارقیّه!

• چهارشنبه
• 18
• فروردین
• 1400
• ساعت
• 19:50
• نوشته شده توسط
• یوسف اکبری

اى‏ بابا! مسكنيم ‏اولوبدور بو ويرانه
سن شمع وفاسن منده سنه پروانه
بابا بابا باباجان! (2)

گئجه يارى بابا بو منزله خوش گلدون
باغبان تك باش چكماقا گوله خوش گلدون
محبس پر ملال بولبوله خوش گلدون
صبح و شام آغلارام گَلّم آه و افغانه

دويمارام روز و شب ذكر يارب يارب دن
يورولمام قلبيمده غصّه و تاب و تب دن
ايستديم من سنى يورقون بى بيم زينب دن
لطف ایلیوب گلدون امّا باتوبسان قانه

آلاردون هميشه منى اؤزون قوجاقه
داخى اوركده طاقتيم يوخدور فراقه
ايلييَر ميزبان حُرمَت عزيز قوناقه
قوى ايندى دولانوم باشيوه يانه يانه

بو قرانلوق يئرى ايشقلانديردى باشون
سن شه سن بويور بس هانى يار و يولداشون؟
نه گلوب اكبره هانى عباس قارداشون؟
گل ديله وئر جواب بو حالى پريشانه

اى يارالى سنه يوخدور بو عالمده تاى
اولوبدى چوخداندى وِرد زبانيم اي واى
على اصغر هانى؟ تا چالام اونا لاى لاى
گتيريدون اي كاش اونى منِ نالانه

باشيوى قوجاقه آلديم اولدوم پریشان
دويموشام دنيادن قلبيم اولوبدى شان شان
دعا ايله بابا بو يئرده من وئروم جان
باشيمدن قولومدان وروبلار تازيانه

باشيوى كسوبلر دوداقون اولوب ياره
داخى دؤزَنمَرَم جان وئرّم کِردگاره
بىبيم زينب ئولسم منى قويار مزاره
لُطفيم وار «بشير»ه همده هر نوحه خوانه

• چهارشنبه
• 18
• فروردین
• 1400
• ساعت
• 19:54
• نوشته شده توسط
• یوسف اکبری

یاران! گنه قولاقیمه بانگ اذان گلور
بو کهنه جسمیمه ائله بیل تازه جان گلور

شهر مدینه ده نه خبر واردی بیلمورم
دسته به دسته اُول یئره قدّوسیان گلور

گویا آچوب اوگول کی چوخ اوخشور قیزیل گُوله
بولبول کیمین فرشته اولوب نغمه‌خوان گلور

دنیا گولی دگول، بو گلِ باغ عشق‌دور
عشق اهلینون مشامینه عطر جِنان گلور

آلدیم خبر کی وار نه خبر ای صبا یئلی!؟
هم عطر و هم اذان سنیله توأمان گلور

آهسته سؤیله‌دی منه وئر مشتولوق دئییم
بیلدیم او دم ندندی صبا شادمان گلور

شایسته‌دی بشارتی وئرسین گرَک «بشیر»
چون‌سوزلری آخار سوکیمین چوخ روان گلور

ای شیعه‌لر! دیوم نه خبر وار مدینه‌ده
شادی ائدون، بو مجلسه چون دوستان گلور

آلله، حسینه بیر قیز عطا ایلیوب بیلون
دیدارینه جِناندا اولان حوریان گلور

بعضی ئوپور ایاقلارینی بعضی ال‌لرین
وجد و سروره عشقیله بوسه وُران گلور

فرمایش ایلیوبدی پیمبر کی گول‌دی قیز
گرچه بیر عدّه‌یه قیز اولاندا گران گلور

امّا حسین، حمد و ثنا ائتدی آللّها
چون کی بیلوردی رحمت رحمان عیان گلور

باخدی او غنچه لب‌لرینه باغبان، گولوب
شوقه نچون گورنده گولی باغبان گلور

آدین «رقیّه» قویدی ترقّی ائدوب چو سَرو
رشد ایلدیقجا قامتی چوخ دلستان گلور

قلبون سخیلسا غم یئمه بیر یارقیّه؛ دیء
قلبه رقیّه‌نی چاغوراندا توان گلور

بو باجی‌سین جوان علی اکبر چوخ ایستیور
علّت اودور کی هیئتینه چوخ جوان گلور

ایستولله سؤیله‌سینله رقیّه غلامووک
آللهیدن صورا، سیزه تنها گمان گلور

درگاه عزّ و جاهیوه، امّیدیله «بشیر»
شعرین یازوب الینده دوتوب ارمغان گلور

• جمعه
• 20
• فروردین
• 1400
• ساعت
• 22:37
• نوشته شده توسط
• یوسف اکبری

پوزولوبدور طمطراقیم - چوخ محقّردور اتاقیم

سن گلن یوللاره قربان - منیم ای یورقون قوناقیم

محضرونده پیشوازه - اولمادی امکانیم الده

نیلیوم شمره اسیرم - باغلانوبدی ال ایاقیم

بابا بو ویرانسرایه - خوش گلوبسن

محفل اهل عزایه - خوش گلوبسن

بیر وطن‌سیز بلبلم من - باغلانوبدی قول قانادی

داغیلوبدور آشیانیم - مسکنیم بولمم هارادی

اوقدر چوللرده قاچدیم - قولی باغلی پا پیاده

توخونوب خار مغیلان - ایاقیم باخسان یارادی

دردیمه گل ایله درمان - خوش گلوبسن

جان یارالی خسته مهمان - خوش گلوبسن

بابا یاد اولسون او گونلر - زلفومی عمّم داراردی

قارداشیم اکبر همیشه - سینه‌سینده ساخلیاردی

کربلا دشتینده امّا - گلشن عمروم تالاندی

ساربانلار من یتیمه - شامه‌جک قمچی ووراردی

نصف شب پوزقون مکانه - خوش گلوبسن

آغلور عمّم یانه یانه - خوش گلوبسن

هر نماز اوسته خدادن - ایستدیم محزون و خسته

جان ویرن ساعت گوریدیم - آتامی من دلشکسته

بو گوروش اما یارالی - منه چوخلی نسگل اولدی

گورورم باشون یاتوبدی - توپراق اوسته یا کول اوسته

ای کول اوستونده یاتان باش - خوش گلوبسن

قیزلارین گوزدن آتان باش - خوش گلوبسن

• چهارشنبه
• 1
• اردیبهشت
• 1400
• ساعت
• 13:21
• نوشته شده توسط
• یوسف اکبری

روبرو منلن اولوب بنتُ الیزید ویرانه ده
گورمه دیم شرم وحیا اُول دختر بیگانه ده
آچدی نحس آغزین بو نحویلن او شوم بی حیا
کیمدور اوچ یاشدا حسینون نو گلی غم خا نه ده

واقف اولسون قوی او قیز باشدا اولان اندیشمه
باخسون اگنیمده اولان دیبا، حریر،ابریشمه
شهرتیم بیلسون دوتوبدور شهر شامی یکسره
شاه زادم پی آپارسون اصلیمه یا ریشمه

دختر سلطان شامم صاحب عزّو حشم
وار یانیمدا چوخ کنیز و صد غلام و صد خدم
زیور آلات ایچره غرقم بیلسون اُول رنجور غم
شانیمه یوخدورمقابل فی العرب یا فی العجم

دوردوم السّاعه ایاقه سسله دیم ای شوم پست
آچ گوزون بیر یاخچی باخ نحس آغزیوا ویر چفت و بست
بیل تانی من نور عینم عرش حق سلطانینه
پادشاهی که اونون نوریندن عالم اولدی هست

شانیوه آلّانما چوخ ای چرخ دون درمانده سی
ظاهری پُست و مقامون دهریده دیوانه سی
شانه باخ جدّیم رسول اللهدی جَدَّم فاطمه
سن ولی هندجگر خوارون اولان پس مانده سی

بیر اشاریلن اینان عالمده طوفان ایلرم
ایسته سم بیر لحظه ده قلبون سنون قان ایلرم
یوز دوتوب حقّه طرف ایتسم ثنا و ذکر هو
آه جانسوزیله کاخ سبزی ویران ایلرم

باخما اوچ یاشدا اولوبدور قامتیم غمدن کمان
وار یوزومده سیلی ردی یا گوزومده لخته قان
بیر اشاره ایله سم بو دیده ی گریانیله
منزل ویرانه می قیلّام بسان گلستان

ظاهرا گرچه دچارم غصه و آلامه من
قوللاریم باغلی اسیرم سگ پرست شامه من
یا اولوبدورسقف سیز ویرانه گرچه مسکنیم
آگه اول بو حالیلن باش اگمرم ظُلّامه من

وار یری عرض ایلیاخ ای مخزن غم سینه سی
ای گلستان حسینون آچماموش گل غنچه سی
آه جانسوزی سالان لرزه قلوب عالمه
کاروان زینبون زنگی اولان لایلای سسی

ای اولان داغدان آغیر اوچ سنّیده غم غصه سی
وی گیدن تاراجه ظلمیله گوزل گوشواره سی
آی حسینون سینه ی سیناسینون مه پاره سی
شام ویراندا اولوبسان عمه ون همسایه سی

شامی تسخیر ایله دون قول باغلی دیلده آهیلن
اولدون اوچ یاشدا خانم همدم غم جانکاهیلن
گل یوزون نیلی برابردور دوتولموش ماهیلن
هم برابردور رواقون درگه صد شاهیلن

• پنج شنبه
• 9
• اردیبهشت
• 1400
• ساعت
• 16:29
• نوشته شده توسط
• یوسف اکبری

غمین و زارم آلله درده دچارم آلله
رحم ایله واردی یارب ایاقدا یارم آلله
خار مغیلان یارلیوب ایاقیمی
سوز عطش گور پارچالیوب دوداقیمی
بحر رحمت قیل کرامت

لیله ی قدر اولدوزی شاه ولانون قیزی
بزم عزانون خدا هم دادیام هم دوزی
اوچ یاشیمدا غم غصه منیم قدیم اگوب
فاطمه آنام تک یوزومه سیلی دگوب
بحر رحمت قیل کرامت

دوشدی بلایه باشیم قانه دونوب گوزیاشیم
یولدا قالوب گوزلریم گلسون علی قارداشیم
لطف ایله یارب یتمه سین آفت گولومه
آچمامیش گولم حسرتم ئوز بلبولومه
بحر رحمت قیل کرامت

عشقی رقم ویرمیشام شامه علم ویرمیشام
نقشه ی ظلّامه من نقش عدم ویرمیشام
گرچه قوللاریم باغلی جفا اسیریم
اوچ یاشیمیلان من شهدا سفیریم
بحر رحمت قیل کرامت

واردی باشیمدا قاره دردیمه یوخدی چاره
غملرایدوبدی یارب قلبیمی پاره پاره
رحم ایله یارب گوزدن آخان گوزیاشیما
چوخ داریخمیشام من صود امر قارداشیما
بحر رحمت قیل کرامت

• شنبه
• 11
• اردیبهشت
• 1400
• ساعت
• 20:41
• نوشته شده توسط
• یوسف اکبری

اولسون سلام دختر زیبا رقیه یه
گوزلر شبیه حضرت زهرا رقیه یه

اولسون سلام باب الحوائج رقیه یه
عشیاقین ایچره سکّه سی رایج رقیه یه

اولسون سلام شامیده غوغا ائدن قیزیا
بابا دییه دییه ئولوب عرشه گئدن قیزا

اولسون سلام زینبی درده سالان قیزا
غساله نی ، گؤوَرمیش اوزی، آغلادان قیزا

اولسون سلام فاطمه شیرین زبانینه
او اوچ یاشیندا عالِمه نین آستانینه

اولسون سلام شان و شکوه و جلالیوه
نور الهی دن یارانان پاک آلیوه

اولسون سلام مکتب و پیمانیوه خانیم
قول باغی شامه جک، یورولان جانیوه خانیم

ایله دعا کیچیک اَلیلن، ای حسینه جان
اولسون همیشه سائل درگاهین « آرباطان»

• دوشنبه
• 20
• اردیبهشت
• 1400
• ساعت
• 19:52
• نوشته شده توسط
• یوسف اکبری

سلام اولا اوجا دربارینه حسین آقامون
صفالی گلشن و گلزارینه حسین آقامون

سلام اولا شهدا قانینی آلان خانما
سفیر دولت بیدارینه حسین آقامون

سلا اولا متعهد وزیر خوش سیره
کشیده قامت علمدارینه حسین آقامون

سلام اولا او مؤذن شهید تشنه لبه
شبیه احمد مختارینه حسین آقامون

سلام اولا ئولومی حق یولوندا بال بیلنه
اون اوچ یاشیندا هوادارینه حسین آقامون

سلام اولا او مریضه که دینه جان ویردی
امام ساجد بیمارینه حسین آقامون

سلام اولا او کیچیک شیر خواره سربازه
دیل آچمیان گل بی خارینه حسین آقامون

سلام اولا قوجا سربازیده جوان ئوره گه
مظاهر اوغلی فداکارینه حسین آقامون

سلام او باشلارا که ووردولار جدا باشینا
جداده سیر ایدن انصارینه حسین آقامون

سلام او تربته که سرمه دور ملک گوزونه
دوای دردیدی زوارینه حسین آقامون

سلام اولا آقامون خالص آغلیانلارینا
لباسی قاره هوادارینه حسین آقامون

سلام او پرچمه که اوندا یاحسین یازیلوب
متاع رونق بازارینه حسین آقامون

او قاره پرچمه هرشیعه نون ارادتی وار
یقین حسینون اونا آیری بیر عنایتی وار

خدا ویروب نه گوزل اعتبار حسینچیلره
ملک ده گویده ایدرافتخارحسینچیلره

جهان بدون حسین کلبه محقردور
که عاقبت اولاجاقدور مزار حسینچیلره

حسینه سینه وورانلارجزاده یانمیاجاق
ویروب بووعده نی پروردگار حسینچیلره

منی بهشته طرف چکمه زاهد ساده
بهشتیدور بو دل داغدار حسینچیلره

بله مجالسه گلمز حسینچی ئوز باشنا
ایدوبدی فاطمه لطفون نثار حسینچیلره

آماندی یابن الحسن دوندی قانه گوزیاشیمیز
اولوبدی لذت دنیا شرار حسینچیلره

شریحون حکمینه بیر عده نامسلمانلار
ووروبلا زخم دل بیشمار حسینچیلره

کسوب حسین باشینی ووردولار جدا باشینا
باخاندا هر کس اولاردی خمار حسیچیلره

کسیک باشین دالیسیجا ملردی آهولر
گولردی لشگربی ننگ و عار حسینچیلره

گلنده کوفیه ئوز شهرینه خانم زینب
ووراردی دل یاراسی اهل نار حسینچیلره

بیرده بامیلر اوستن سپردی کول باشینا
بیرده قمچی ووراردی او زار حسینچیلره

بیر عده الده تصدق بیر عده نان و نمک
اهانت ایلَدیلر داغدار حسینچیلره

دولاندی کوچه به کوچه بلاد اسلامی
جداده باشلار اولوب هم قطار حسینچیلره

یتشدی شامه حسینون او غملی قافله سی
خرابه یرده ویروبلر قرار حسینچیلره

نجه خرابه که نه سقفی وار نه دیواری
اذیت ایلوری گرد و غبار حسینچیلره

اسنده یل در و دیوار اسورخرابه اسور
گلیب تسلی ویرن یوخدی زار حسینچیلره

رقیه بیر گیجه دوردی او غملی منزلده
او قدری آغلادی گَتدی فشار حسینچیلره

دیدی بابام هانی ای عمه ستمدیده
هاچان گلر چکه باش گلعذار حسین چیلره

نه وقتیدور گوزومی تیکموشم اونون یولونا
گلن شمادت ایدور بی قرار حسینچیلره

او قدری آغلادی دیدارینه حسین گلدی
طبقده یاره لی باش اولدی یار حسینچیلره

ساتاشدی گوزلری تا رأس شاه خوبانه
ئوز ئولکه گین ایله دی آشکار حسینچیلره

دیدی وصاله چاتوب روحیمون قوشی ئولورم
کفن تدارک ایله اکبره قوناق گیدورم

آماندی عمه منی قوی مزاره نیمه ی شب
آخوبدی چوخ گیجه اشکیم عذاره نیمه ی شب

الین فداسی اولوم باغلا عمه گوزلریمی
گوروم ساتاشمیا بو روزگاره نیمه ی شب

فراق اوتوندا بو باش یاندیروب منی یاخاجاق
علاج ایله بو دل داغداره نیمه ی شب

دینن گوروم نه گناه او‌سته کسدیلر باشینی
دچار اولوبدی بو باش هانسی خاره نیمه شب

بابام گلوب آپارا اکبرون یانینا منی
مسافرم گیدورم شهر یاره نیمه ی شب

ایاقلاریمی ولی باغلا گورمه سون اکبر
اذیت اولماسون اول شهریاره نیمه ی شب

الون وار اولسون اگر اولسا بیر تدارک ایله
علی اصغره بیر گاهواره نیمه ی شب

قولاقیمه گورورم آغلاماق صداسی گلور
گیدوم تسلی ویروم شیرخواره نیمه ی شب

منی رباب آنامون غملری هلاک ایلیور
گرک دوزه بوغم بیشماره نیمه ی شب

هله دوشوندن علی اصغر ینون عطری گلور
دورون سالون باشینا آیری قاره نیمه ی شب

منی باغشلا اگر زحمتیم چوخ اولدی سنه
حلال ایله منی پروردگاره نیمه ی شب

اوقدری آغلادی تا باتدی قوش کیمی نفسی
دونوبدی حالی اونون احتضاره نیمه ی شب

وصال یاره چاتوب یومدی خوردا گوزلرینی
ویروبدی خاتمه اول انتظاره نیمه ی شب

باخوردی زینب مظلوم او غملی منظریه
امید ایویندن آخوردی ستاره نیمه ی شب

• چهارشنبه
• 29
• اردیبهشت
• 1400
• ساعت
• 20:23
• نوشته شده توسط
• یوسف اکبری

آنا یا زهرا گل ویرانه ی شامه
شام غریبانه رقیم ئولدی
قابار ایاقلارین باغلا یارالارین
حسینه ریحانه رقیم ئولدی

یوخ الده چاره قولاقدا یاره
مهماندی بالام پر و ر دگاره

گیجه لرآج یاتدی آناسین آغلاتدی
بلایه توش اولدی بلالی باشی
یاراسین باغلادیم اوتوردوم آغلادیم
گوزوم قالدی یولدا گله قارداشی
قبرین اوزوم قازدیم اکبر آدین یازدیم
نه گلدی قارداشی نه بیر یولداشی
یارالی طرلانیم سه ساله جیرانیم
قالدی یانا یانه رقیم ئولدی

یوخ الده چاره قان ویرور یاره
مهماندی بالام پرور دگاره

دای الیم بوش قالدی فلک گینه سالدی
بلالی زینبون باشینا قاره
بالامون قبرین من اوزوم قازدیم اما
الیم گلمور جسمون قویام مزاره
آتاسی بیر یاندا بالاسی بیر یاندا
یاتیبدیلار اما ائلدن کناره
بو بالانون داغی یاندیر دی آفاقی
شرار سوزانه رقیم ئولدی

یوخ الده چاره قان ویرور یاره
مهماندی بالام پر و ر د گاره

یاراسین غساله گوروب ایتدی ناله
دیدی بو احواله توانیم یوخدی
دیدیم ای بیچاره بوطفل بیماره
ترحم قیل آیری گمانیم یوخدی
بالاما غسل ایتدی قویوب یرده گیتدی
مزاره قویماقا جوانیم یوخدی
اونی قبره قویدوم بو دنیادن دویدوم
باخوردی بیگانه رقیم ئولدی

یوخ الده چاره قان ویرور یاره
مهماندی بالام پر و ر د گاره

• چهارشنبه
• 29
• اردیبهشت
• 1400
• ساعت
• 23:17
• نوشته شده توسط
• یوسف اکبری

اوتدوقی یردن ایاقه دوردی بیردن قهریله
سسله دی چیخما ئوزوندن بی مروت صبر ایله
هانسی مهمانه ووروبدور میزبانلار سلسله

داغدیده عمه مون قلبون گینه داغ ایله دوز
عار اولا فرهنگوزه شیطان اوزون آغ ایله دوز

زاده ی ملعونه سن سن خارجی یا اهلبیت
معدن ایمان و تقوادور سراپا اهلبیت
شرم ایله ایتمه بو قدری دشمنی با اهلبیت

فانی دنیا عشقینه بیر بیله طغیان ایله دوز
حاکم میخواره نی دینه نگهبان ایله دوز

دین اسلامی حسینون قانی احیا ایله دی
ایتدیگی پیمانی ئوز قانیله امضا ایله دی
مرحبا عباسه عاشوراده غوغا ایله دی

گیت یزیده ویر خبر واردور قاباقدا زلزله
تاج و تختین گوز یاشیملا بیر گیجه ویرّم سیله

من معلم سیز علوم دینه دارایم تانی
زینت افزای وجود آل طاهایم تانی
برتر از آسیه و حوا سارایم تانی

ایندی باخما بی کس و بی یارم ای زالو صفت
گل منیم دانشگهیمده ایله کسب معرفت

آلانوبسان اولمیا بوینوندا گردنبندیوه
هیچ یاراشمور رنگ زردون طعنه لی لبخندیوه
فکر ایدورسن زاده ی زهرا دوشوبدور بندیوه

من اسیرم نه سیزون تک قان ایچن زالولره
ویرموشم دل نیزه باشینده اسن گیسولره

ذات حق نسوانه ویرسیدی امامت منصبی
صبریده اول امام ایلردی عمم زینبی
قول قولا ویرّم بیبیمله ساخلارام بو مکتبی

قبریمه سوغات آپارام پیکر صد پاره نی
گوشوار عرش حقم نیلورم گوشواره نی

من شهید کربلانون زینت دامانیم
سن اولان یرده چتین شیطانه نفرین ایلیم
ویرمرم باج اکبرین تک تا نقدری زندیم

ذلته باش اگمرم عزت مرامیمدور منیم
نیزده معراج ایدن سلطان امامیم دور منیم

آند اولا شاه شهیدانون مطهر قانینه
خیزرانیله قانا باتموش لب و دندانینه
دختر شیر خدانون سینه ی سوزانینه

اصغرون قنداقه سیندن شال ماتم بیچمیشم
ظالمه یالوارمارام من اکبره آند ایچمیشم

سن یزیدون فخرایدورسن تاج و تخت شاهینه
من ولی فخر ایلورم حقون رسول اللهینه
سن آتاوون فخر ایدورسن لشگر گمراهینه

من حسین بن علینون زینت دامانیم
سن بو طشتون صاحبی من بو باشین قربانیم

• سه شنبه
• 4
• خرداد
• 1400
• ساعت
• 18:16
• نوشته شده توسط
• یوسف اکبری

ساقی بده می مستم کن
بی پا و سر و دستم کن

که خدا به اربابم عنایت کرده نوزادی
که بود سرا پا چهره اش حُسنِ خدادادی

لایلای .....لایلای

امشب شب نور افشانیست
در بیت الحسین مهمانیست

شده روشن از نور جمالش آسمان امشب
که دهد خدا عیدی به کل عاشقان امشب

لایلای.........لایلای

باخ گور نَقَدَر زیبادی
باشدان ایاقا زهرادی

گوزون آیدین اولسون شیعه گلدی زینبون یاری
آلاجاقدی بیر گون شام شومی باغلی قولاری

لایلای........لایلای

تاعالم امکان باقیست
تادر بدنم جان باقیست

شدم عاشق نام رقیه هر چه بادا باد
به دو عالمی یک تار مویش را نخواهم داد

لایلای..........لایلای

• چهارشنبه
• 5
• خرداد
• 1400
• ساعت
• 20:55
• نوشته شده توسط
• یوسف اکبری

خراب اولوبدی حالیم، یادیمه خرابه دوشوبدی
سراسر بدنیم حال اضطــــرابه دوشوبدی

خیالیمی بالاجا بیر قیزین خیالی پوزوبدی
ندور گناهی کی بحر غم و عذابه دوشوبدی

خصومتینده، گرکدور اولا حساب و حدودی
نه علته بو بالا درد بی حسابه دوشوبدی

قضا چکوبدی حسینین غزال غمزده سین
بلا چولونده باشی پنجه ی غرابه دوشوبدی

خرابه یرده او شهزادییه مکان وئروبلدی
آجیندان اوردا دل زاری پیج و تابه دوشوبدی

گورن دییردیکی یئردن چیخوب، آدامسیزدی
زبسکی قرعه ی محنت او دلکبابه دوشوبدی

یولاردی باشینی آغلاردی سینه داغلاردی
سیزیلتیسندان اثر قلب شیخ وشابه دوشوبدی

حزین سسی یوخودان بیرگئجه یزیدی اویاتدی
آییلدی بیر تب و لززی اومست خوابه دوشوبدی

تعجبیله قولاق وئردی صوت افغانه
او حالدا گوزلری طشت ایچره آفتابه دوشوبدی

نه گوردی یاره لی باش طشتیده انور قالخور
بیر اضطراب او وجود پراز عتابه دوشوبدی

چاغیردی یارلرین ماجرانی فاش ائلدی
خیال کشتیسی بیر لحظه منجلابه دوشوبدی

رقیه دور دئدیلر باعثی بو سودانون
او قیز بونون قیزیدی آغلیور ترابه دوشوبدی

• دوشنبه
• 10
• خرداد
• 1400
• ساعت
• 23:47
• نوشته شده توسط
• یوسف اکبری

ای آچمامیش گُلوم منه مینلر بهاریدون
گلزاریم ایچره غنچه ده بیر گلعذاریدون

حسرتدیم شیرین دله شیرین دلیم منیم
گل بیر دله دانش منه ای بلبلوم منیم
آفت یتیشدی باغیمه سنسیز گلوم منیم
یوزدن گلون مثالی سسوندن هَزاریدون

هجرون رقیّه قلبیمی یاندوردی آغلارام
یاده سالوب بلالریوی سینه داغلارام
بیر عمری ماتمونده سنون قاره باغلارام
آخر بو بیکس عمّه وه صبر و قراریدون

سالدی فراقوین اوتی سونمز اوتا منی
یاندوردی یاخدی ایلدی توش بلا منی
آتشفشان اشک ایلیوب برملا منی
قان آغلادان گوزوندی که چون آبشاریدون

ایکاش اجل بو زینبیده غصّه مرگ ایده
سن تک بو قاره کوینگیله توپراقا گیده
یوخدور بیر آیری چاره، بیبون بولموری نئده
بسدور بو بیر اشاره که آگاه کاریدون

دور گور نه نوعی گوزیاشمی قانه قاتموسان
گوزدن اولوب بو عمّه وی تئز گوزدن آتموسان
زهرا مثالی یاره لی قبر ایچره یاتموسان
پیغمبرین عزیزی کیمی زخمداریدون

عفو ایله زینب عمه وی گر تاپمادی کفن
معذوریدور بو بارده ای غرقهء محن
بیر زاد تاپانمادیم بورویَم پیکریوه من
حق ویر بو زاره سویله کی بی اختیاریدون

(هرچند یاندیراردی منی اوتلی سوزلرین
مشغول ایدردی عمّه لرون سنله اوزلرین
عمّن اُلیدی اکبره بنزردی گوزلرین
سن گوزلروندن اکبریمه یادگاریدون)

آخر سنون بو غصّه لرون بیر دگل دییَم
سندن اوتور سزادی اورک قاننی ییَم
قاره سالوب بو باشیمه رخت عزا گییَم
عالم دیسون که غمزدهء روزگاریدون

اکبر باخشلی گوزلریوی یومما آچ گوزون
آچ گوزلرون بو بیکسه سویله قیزیم سوزون
جاندان چوخ ایسترم سنی آگاهسن اوزون
بیر کلمه سویله؛ عمّه منه سن نگاریدون

قان آغلارام غمونده اورک داغلارام قیزیم
سیل سرشکی عارضیمه باغلارام قیزیم
عمرومجه یاد ایدوب گوزیوی آغلارام قیزیم
گوزدن نچونکه شام و سحر اشکباریدون

هرچند ایستمم که دیم کربلا سوزون
یوخ اوزگه چاره عمّه وه، آگاهسن اوزون
حسرت باخاردی کرب و بلایه ایکی گوزون
گوزیاشینی سپردی یولا، انتظاریدون

قسمت اولوبدی عمه وه کربُبلا قیزیم
باشه یتوبدی شامده گویا بلا قیزیم
گوزلور یولون یقیندی شه کربلا قیزیم
دور بیزلریله باشلا سفر بیقراریدون

دور قبریدن منیله گیداخ اکبری گوراخ
شه سینه سینده دفن اولونان اصغری گوراخ
اول قانلی یرده زادهء پیغمبری گوراخ
جان تاپشورونجا حسرت دیدار یاریدون

نسگللرون ربابی قیزیم یاندیرار یاخار
ویرانسراده سن اوتوران یرلره باخار
بوندان علاوه اصغره هی گوزیاشی آخار
اصغرله سن او بیکسه چون غمگساریدون

لیلا سریه ایله اوغول قبرینه گیدر
اکبر هواسی باشدا گینه اولدی دربدر
بیر جمع قاره معجر اولوب منله همسفر
صبر ایله بو فراقه، قیزیم بردباریدون

هر چند روزگاریم اولوب بوردا تیره شام
گر اُلمَسم مدینیه گیتسم دایانمارام
گلّم دوباره ایلییَرم بوردا اخذ کام
سن که بیر عمری عمّه ویلن کامکاریدون

سائل اولوبدی دم ویرن اشعاریوه نگین
سن ذرّه سن او مهر درخشانیدور یقین
بانی اولوب بو نوحیه محمودی حزین
یازدوقجا لطف زینبه امّیدواریدون

• چهارشنبه
• 12
• خرداد
• 1400
• ساعت
• 16:07
• نوشته شده توسط
• یوسف اکبری

دانشور طبع سخنور منزل ویرانه دن
یعنی اینکه شمعین عشقینده یانان پروانه دن

شمعی گورجک بی قرار اولدی دولاندی باشینه
آتش عشقه یانوبدور ائتمدی پروا ندن

زلفین ائتمیشدی پریشان صرصر ظلم و ستم
اولدی زلفی جان وئرن وقته گلیلی شانه دن

دوزمدی ویران سراده بلبل گلزار عشق
پرپر اولموش گل آلوب جان بلبل مستانه دن

قلبینی غملر یوران حسرتله یومدی گوزلرین
طاقت و تاب آلدی آخر زینب فرزانه دن

گوردی زینب کیمسه یوخ دردانه سین غسل ایلسون
داشدی صبری گوئیا لبریز اولوب پیمانه دن

بولمورم آخر نه کیفیتله غسلون وئردیلر
آه و واویلا اوجالدی عرشه محنت خانه دن

رسم عالمدور ئولنده کیم بو فانی دهریده
آغ گئیوب قبره گئدر بو عالم افسانه دن

بیر قرایه بوکدولر القصه یورقون پیکرین
حاضر اولدی جسمی تا قبره گئده ویرانه دن

اولمادی قبرین قازان زینب قازوبدور قبرینی
دفن ائدوبلر دینجلوب محنت فزا کاشانه دن

اوخشاما باشلاندی زینب آغلادی لای لای دئدی
چاره سیز قالدی ئوزوبدوز ال سولان ریحانه دن

باخدی پوزقون قبرینه سسلندی یات دینجل قیزیم
ای شماتتلر گورن آز سنیده بیگانه دن

(سالک) آغلار اولسا عمری هر قدر آلامیوه
دردینین درمانین ایستر سن کیمین دردانه دن

• یکشنبه
• 23
• خرداد
• 1400
• ساعت
• 19:21
• نوشته شده توسط
• یوسف اکبری

آی حسینین دل قراری
زینبین شیرین شعاری
یات ربابین روح ریحانی قیزیم لایلای
آی داد دوزوم لایلای

جان رقیه جان رقیه
جان سنه قربان رقیه

آی منیم شیرین زبانیم
عندلیب نغمه خوانیم
بختیمین عزت هماسی
غنچه ی باغ جنا نیم
خواهر زیبای اکبر دلبریم لایلای
تاج سریم لایلای

جان رقیه جان رقیه
جان سنه قربان رقیه

غنچه ی نا ز یم رقیه
محر م ر ا ز یم رقیه
گو زلری ز هر ا یه بنزر
یا ر دمسا ز یم رقیه
سینمین عزت مدالی داد دوزوم لایلای
جیر ا ن قیزیم لایلای

جان رقیه جان رقیه
جان سنه قربان رقیه

نو گل گلزار جنت
یاس خوشبوی ولایت
راز پنهانیم رقیه
میوه ی باغ ولایت
مقدمین اولسون مبارک سئوگولوم.لایلای
ز یبا گو لوم لایلای

جان رقیه جان رقیه
جان سنه قربان رقیه

شهد شیر ینیم نباتیم
مایه ی شور و نشاطیم
شو ر جاویدان عشقیم
چشمه ی آب حیا تیم
لطف بی پایان حی لم یزل لایلای
گولدن گوزل لا یلا ی

جان رقیه جان رقیه
جان سنه قربان رقیه

نا زنینیم گول عذ ا ریم
مه جبینیم دل قراریم
عزتیم شئانیم وقا ر یم
باشی غوغا لی نگا ریم
عمه سی زینب مثالی قهرمان لایلای
زهرا نشان لا یلا ی

جان رقیه جان رقیه
جان سنه قربان رقیه

دلربا زهرای ثانی
زینبین آرام جانی
انقلاب کر بلا نین
اوچ یاشیندا قهرمانی
شامه قول باغلی گئدیب غوغاسالان لایلای
شا می آلان لا یلا ی

جان رقیه جان رقیه
جان سنه قربان رقیه

شا مده دام بلا ده
راه پیما ن ولا ده
قولار یندا قمچی ردی
جان وئرن ویرانسراده
یات ربابین روح ریحانی قیزیم لایلای
آی داد دوزوم لا یلای

جان رقیه جان رقیه
جان سنه قربان رقیه

• شنبه
• 5
• تیر
• 1400
• ساعت
• 11:50
• نوشته شده توسط
• یوسف اکبری

روح روانیم رقییم آچ گوزوی
راحت جانیم رقییم آچ گوزوی
آخ ننه قربان او قاره گوزلریوه
نام ونشانیم رقییم آچ گوزوی

یوزون دلا را د ی
تلون سمن سا دی
گورن دییر به به
بو نور ز هر ا د ی

هدیه ی حی تبارک . تولدون مبا رک

جان رقیه جان رقیه
جان سنه قربان رقیه

غنچه ی مادر رقییم آچ گوزووی
سئوگولی دلبر رقییم آچ گوزووی
اصغر لا یلای چالان گل نازیم
خواهر اکبر رقییم آچ گوزووی

سفیر عا شو را
ندای قرآنسان
حجابین الگوسی
صلای ایمانسان

هدیه ی حی تبارک . تولدون مبارک

جان رقیه جان رقیه
جان سنه قربان رقیه

• شنبه
• 5
• تیر
• 1400
• ساعت
• 11:53
• نوشته شده توسط
• یوسف اکبری

آی حسینون دل قراری
زینبین شیر ین شعاری
یات ربابین روح ریحانی قیزیم لایلای
آی داد دوزوم لایلای
جان رقیه جان رقیه
جان سنه قربان رقیه

آی منیم شیر ین ز با نیم
عند لیب نغمه خو ا نیم
بختمین عز ت هما سی
شو ر عشق جا و دا نیم
خواهر زیبای اکبر دلبریم لایلای
بال و پریم لایلای
جان رقیه جان قیه
جان سنه قربان رقیه

غنچه ی نا ز یم رقیه
محر م ر ا ز یم رقیه
گول یوزی زهرایه بنزر
یا ر د مساز یم رقیه
سینمین عزت مدالی داد دوزوم لایلای
جیر ان قیز یم لایلای
جا ن ر قیه جا ن ر قیه
جان سنه قر با ن رقیه

• چهارشنبه
• 9
• تیر
• 1400
• ساعت
• 13:12
• نوشته شده توسط
• یوسف اکبری

آمـــد دنیا -گل باغ ولایت
شِبه زهــرا-مَهِ ،دین ُ اِمامت
نوگل باغ جَنَّت – براین جهان خوش آمد
رقیه نور عصمت –بر این جهان خوش آمد
رقیه جان رقیه - ولادتت مبارک2

مــژده یاران- به حسیـن دلبر آمد
فخر شیعه –خــــواهر اکبــر آمد
شاد و خندان- همه ی اهل جَنّت
بر آسمـــان- مُنَــــوَّر اختـر آمد
چشم و چراغ زهرا – میـوه ی باغ طاها
خوش آمـــدی رقیه- ای نوه ی مرتضا
رقیه جان رقیه - ولادتت مبارک2

ترکی

مژده مژده- گــل آچوب باغ جنت
مبارکــــدور- هامیـــــا بو ولادت
مولی الکونین- سونوبدی اورکدن
گلــــدی نور- دل شـــــاه ولایت
ای گل باغ سَــــرمد – چَشم و چراغ احمد
رقیه بِنتُ الحسین –به این جهان خوش آمد
رقیه جان رقیه - تولدون مبارک2

گلدی عالم- بو گون اولدی گلستان
رقیـــه دور- گــــوزل آدی عزیزان
روشن اولـدی- گوزی خَیرالنِّسانون
شبه زهرا –گــــــل خوشبوی ایمان
نــــور دل ولادی – بلبل کربلادی
گوزل آدی رقیه- هیئتی باصفادی
رقیه جان رقیه - تولدون مبارک2

نور عصمت- ایــاقا باشدان احساس
به به گلدی- عطـر و بوی گل یاس
فخر شیعه- زینبـــــون نـــور عینی
کان عِزَّت –غیـــرتی همچوعباس
نوگـــــل باغ جنان –ستاره ی آسمان
غنچه ی ناز زینب-شافع هر دو جهان
رقیه جان رقیه - تولدون مبارک2

یازدی شعـــری- سنه (پوریا) ،رقیه
بایرامـــلوخ سن- ایلـــه اعطا ،رقیه
اهـــل عصمت- قـاپوسوندا گدایم
ویـــر بو جمعه –کــرب وبلا ،رقیه
سن اهل بیتون دوزی –فاطمه نون اولدوزی
بــــرات کربلا ویر – بودور اورگیم سوزی
رقیه جان رقیه - تولدون مبارک2

• یکشنبه
• 20
• تیر
• 1400
• ساعت
• 16:21
• نوشته شده توسط
• یوسف اکبری

مُژده ای شیعه گلــــوب دُنیایه ،زهرا بَنذَری
مقدم پاک رقیَّــه روشــــن ایتدی گوزلری

جشن میلادونده آی اهل ولا شرکت ایدون
بلکه عُقباده شفـــــاعت ایلســــونلر بیزلری

به عجب پـایدور،خدا اِعطا ایدوب ثاراللهه
گُل یوزیـــلن شرمسار ایلوب گل نیلـوفری

سس دوشوب دنیایه گلدی ،نازنیـن یار وفا
بو خبر ،جَنّاتیده ،خندان ایدوبدور ،حیدری

اَختَر بُرج سَمــــادور ،زینــت بـــــاغ جنان
صورتی آی تک درخشاندور ،حسینون دلبری

عشقـــه معنادور رقیّه ،شِبــــه زهرادور رقیّه
اکبرون نازلی نگاری ، شیعـه نون تاج سری

کان عصمتدور بوقیز، معنای غیرتدور بو قیز
درس عِفَّت ،ویردی قیزلاره ،حسینون دُختری

آسمان عشقیــــده،بُـــرج حَیــانون اولدوزی
زینبون شاگردیدور،عرفاندی شیرین سوزلری

مِثلینی،گورمز داخـــــی اهل زمانه ،بو قیزون
شامی آباد ایلــــدی، نـــــازلی بالاجا، الّلری

گرچه سِنّی آزدی ،اَمــّا شَانی والادور بُونون
اصغر ششمــــاهه و سجّـــادو اکبر خواهری

نغمه خــــوان ِ کــــاروان نینـــوادور بو بالا
اهل بیتـــــون دلبــریدور،زینبون بال و پری

(پوریا)یازدی بو شِعـری حاجتی واردور خانم
سَسلِیـــور ایله شَفــاعت، یُوم مَحشر، بیزلری

• یکشنبه
• 20
• تیر
• 1400
• ساعت
• 16:26
• نوشته شده توسط
• یوسف اکبری

مُژده ای شیعه گلــــوب دُنیایه ،زهرا بَنذَری
مقدم پاک رقیَّــه روشــــن ایتدی گوزلری

جشن میلادونده آی اهل ولا شرکت ایدون
بلکه عُقباده شفـــــاعت ایلســــونلر بیزلری

به عجب پـایدور،خدا اِعطا ایدوب ثاراللهه
گُل یوزیـــلن شرمسار ایلوب گل نیلـوفری

سس دوشوب دنیایه گلدی ،نازنیـن یار وفا
بو خبر ،جَنّاتیده ،خندان ایدوبدور ،حیدری

اَختَر بُرج سَمــــادور ،زینــت بـــــاغ جنان
صورتی آی تک درخشاندور ،حسینون دلبری

عشقـــه معنادور رقیّه ،شِبــــه زهرادور رقیّه
اکبرون نازلی نگاری ، شیعـه نون تاج سری

کان عصمتدور بوقیز، معنای غیرتدور بو قیز
درس عِفَّت ،ویردی قیزلاره ،حسینون دُختری

آسمان عشقیــــده،بُـــرج حَیــانون اولدوزی
زینبون شاگردیدور،عرفاندی شیرین سوزلری

مِثلینی،گورمز داخـــــی اهل زمانه ،بو قیزون
شامی آباد ایلــــدی، نـــــازلی بالاجا، الّلری

گرچه سِنّی آزدی ،اَمــّا شَانی والادور بُونون
اصغر ششمــــاهه و سجّـــادو اکبر خواهری

نغمه خــــوان ِ کــــاروان نینـــوادور بو بالا
اهل بیتـــــون دلبــریدور،زینبون بال و پری

(پوریا)یازدی بو شِعـری حاجتی واردور خانم
سَسلِیـــور ایله شَفــاعت، یُوم مَحشر، بیزلری

• چهارشنبه
• 23
• تیر
• 1400
• ساعت
• 12:41
• نوشته شده توسط
• یوسف اکبری

آمــــده نــــور خـــــدایی
دخــــتـــــر کرب و بلایی
آمـــده بــــانــــوی دلـــها
داره امشب چــــــه صفایی
نور دو عیــن خوش آمد
دخت حسین خوش آمد
جانم رقیه جانم2

امشبی باغ جنان گشـــتـه مُعطَّر
بیت ارباب جــــهان شـده منور
لالایی میگه خانم زینب کبری
شاد و خندان لب مولا علی اکبر
شبه زهــــرا خوش آمد
دخت مولا خوش آمد
جانم رقیه جانم 2

ترکی

اولســــــون عــــــالمه بشارت
گوز آچــــوب بهـــار رحمت
ویرون عــــاشقلـــره مُــــــژده
گلـــــدی صاحـــب بـو هیئت
دخت شــاهه ماشاءالله
سنــــده دی بارک الله
جانم رقیه جانم 2

دخت شــاه شهــــدانی سسلــــروخ بیز
تا اولونجــه هیئتیــــنده نـــــوکروخ بیز
سسله (پویا) قوی هامی عالــم ایشیتسون
منکر اولسا کیم گوزون چوخالداروخ بیز
با یراملـــوقا بو جماعت
ایســـتور بـرات زیارت
جانم رقیه جانم 2

• پنج شنبه
• 24
• تیر
• 1400
• ساعت
• 14:16
• نوشته شده توسط
• یوسف اکبری