اشعار حضرت رقیه(س)

کیمدی رقیّه؟ مَهِ تابنده دی
عاشق و جوینده و یابنده دی

سویگولودی کرب و بلا شاهینه
عشقیله چون سینه سی آکنده دی

دلده وئروب یِر آتانون عشقینه
مین غزل عشقه سُرایَنده دی

گرچه اوچ‌ایل عمْر ائلیوبدور ولی
خدمتی شایسته وُ ارزنده دی

قبلهٔ حاجتدی گوزل مَرقَدی
درگهینه شاه و گدا بنده دی

روشن ائدوب عالَمه بو مطلبی
آلِ علی دشمنی شرمنده دی

بو خانمین منزلتین ردّ ائدن
هر ایکی دنیاده سرافکنده دی

گنبدینون پرچمی اعلان ائدور
کرب وبلا مکتبی پاینده دی

باتدی یزیدین آدی شاماتیده
نام حسین بن علی زنده دی

• شنبه
• 24
• آبان
• 1399
• ساعت
• 19:42
• نوشته شده توسط
• یوسف اکبری

اهل دنيايه رقيه عشقين اعلان ايلدي
كاخ ظلمي تيشه آهيله ويران ايلدي

تا مقيم اولدي ديار شامده، گل پيكري
گوشه ويرانه ني رشگ گلستان ايلدي

خانه خانه گزدي شطرنج محبت قلعه سين
عشقيده شاهي ، گداني مات و حيران ايلدي

مكتب توحيده تبديل ائتدي اول ويرانه ني
شامده تبليغ دين ، احياي قرآن ايلدي

بير نئچه گونده صفا لا نديردي بو جنت گلي
گلخن ويرانه ني گلزار رضوان ايلد ي

زمزم اشكيله آرتيردي صفا ، ويرانيه
كعبه ارباب عشق و اهل ايمان ايلدي

سالك كوي محبت ائتدي هو حق،ذ كريني
اول خرابه منزلي بير بزم عرفان ايلدي

آيه آيه مصحف عشق و وفانين سوره سين
بير به بير عاشق لره تفسير و اعلان ايلدي

دوزدي زنجير اسارتدن شكايت ائتمدي
هر مصيبتده ، بلاده شكر يزدان ايلدي

اولدي گل، خار مغيلان قوردي باش هر بير قدم
گل اياقون اوپدي اخذ شوكت و شان ايلدي

ائتدي بوينوندا بلا زنجيريني طوق شرف
باشدا قمچي ياره سين تاج زر افشان ايلدي

نه شكايت ساربان لاردان نه شكوه ناقه دن
نه گلايه قمچيدن يوللاردا عنوان ايلدي

ياندي سس سيز شمعه پروانه يانان تك دينمدي
عمه سين يانديردي ياخدي باغرين آلقان ايلدي

باشينه جمع اولدي عشقينده يانان پروانه لر
يانماقا اوز جانيني شمع شبستان ايلدي

بير گئجه ياتدي آتاسين گوردي روياده خانم
تا آييلدي ، آرزوي وصل جانان ايلدي

ناله ائتدي بو تمناده آييتدي عمه سين
باشلادي هجران اليندن شكوه بير آن ايلدي

عمه جان سويله ندن گلمير بابام بو منزله
باغريمي آخر منيم قان درد هجران ايلدي

اول گئجه زهرا كيمي آچدي دعايه اللرين
باشلادي راز و نياز حي سبحان ايلدي

گوردوم اللهدان ئولوم ايستور آنام زهرا كيمي
بو تمنا فكريمي پوزدي پريشان ايلدي

سويلديم آخر قيزيم بونه دعا دور ايلوسن
گوردوم اشكين تو كدي گوزدن شور و افغان ايلدي

سويلدي عمه حياتيمدان داها من دويموشام
قلبيمي بو سوزهجران يانديروب قان ايلدي

آغلادي ويرانيه آخر گتوردي ياريني
درد بي درمانينه ، وصليله درمان ايلدي

چكدي جان تك باغرينا جانان باشين مين شوقيله
ايگليوب اوپدي او باشي زيب دامان ايلدي

دوزدي هجره شوق وصل ياريله ويرانه ده
عاقبت جانا نيني بير لحظه مهمان ايلدي

شمع تك ياندي سو اولدي عاقبت اولدي خموش
بير چمن پروانه ني بو غمده سوزان ايلدي

اولمادي آسوده خاطر بير نفس ويرانه ده
عاقبت اوز جانيني جانانه قربان ايلدي

• چهارشنبه
• 28
• آبان
• 1399
• ساعت
• 11:59
• نوشته شده توسط
• یوسف اکبری

ای منزل ویراندا چیخان جانی رقیه
آباد ائله دون منزل ویرانی رقیه

زلفون کیمی اقبالیوی غملر سیه ائتدی
وئردی یله امیالیوی دوران تبه ائتدی
هر اود واریدی قلبیوی میعادگه ائتدی
آهون نیه یاندیرمادی دنیانی رقیه

یرده دیل آچوب سوسن ونسرین سنه آغلار
گویده ائدوب افغان مه و پروین سنه آغلار
بی صوت و صدا سوره یاسین سنه آغلار
دردون گتوروب نالیه طاهانی رقیه

صحراده قاچان وقتیده آتلار قاباقیندا
زلفون داغیلان وقتیده یل لر قوجاقیندا
گه دشتیده گه منزل ویران بوجاقیندا
گریان ائلدون دیده زهرانی رقیه

آهوی هراسان و حزینیم بالا لایلای
شهزاده ویرانه نشینیم بالا لایلای
سیندون نه تئز ای در ثمینیم بالا لایلای
سیندیردی غمون پشت ثریانی رقیه

قلبونده یاتان غملری داغلار دئیوب آغلار
گل مثلی سولان رنگیوی باغلار دئیوب آغلار
اوخشار سنی زینب دئیوب آغلار دئیوب آغلار
بوندان صورا یوخ عمه وون امکانی رقیه

ای شامیده روشن گونوزی تار اولان آهو
طوفانه دوشن زجر چکن خوار اولان آهو
آز سنیده چوخ درده گرفتار اولان آهو
قلبینده قاتان نالیه افغانی رقیه

یاندون اریدون شمع تک ای اختر روشن
سس سیز ائلدون گوشه ویرانه ده شیون
عمون کیمی چوخ دردیوی دیواره دئدون سن
هئچ بیر غموون اولمادی پایانی رقیه

#شاهی سنه قربان اولا ای غمزده جیران
ذکریم سنه موقوفدی فکریم سنه حیران
سن لطف ائله سون عدندی سرتاسر ایران
لطف ایله مه سون نیلورم ایرانی رقیه

• چهارشنبه
• 28
• آبان
• 1399
• ساعت
• 11:59
• نوشته شده توسط
• یوسف اکبری

سبک: ای قلم سوزلرینده اثر یوخ ...
کاروان رفته منزل به منزل..جامۀ عشقیوی
سویمین یوخ ... مطهری...

غملری اود سالان بو مکانه
آغلاما گلموشم منده جانه
وای امان بو یتیم لیق الیندن
دوندی من عمه وین باغری قانه
کر:
ای حسینه اولان ماهپاره
آغلاما توکمه اشکون عذاره

قویما دیواره نیلی جمالون
آغلادور عمه وی وضع حالون
بلبل بسته بالیم رقیه
توکمه رخساره اشک ملالون

منزلون گرچه ویران سرادی
گوزیاشین مونسین آهُ وادی
بیر بیله آغلاما گلمه زاره
عمه وین قلبی غمدن یارادی

سلب اولوبدی توانون سفردن
قولارون نیلی دور قمچی لردن
هی دیروسن بابام هاردا قالدی
بس ندن سالدی گوزدن نظردن

قلبیمه اود دوشوربو سوزوندن
گل اوپوم بو سولان گل یوزوندن
تاپشوروب قارداشیم آیرولاندا
امرایدوب سالما زینب گوزوندن

غملنوب هر زمان وای دیور سن
سسلوسن اکبر ایوای دیورسن
قلبنی داغلوسان سن روبابون
اصغره گاهی لایلای دیورسن

سنّون آز لیک فخر زنانسان
سن رقیم نه شیرین زبانسان
شرکت ایتدون بابان نهضتینده
دوشمنون قصرینی سن یخانسان

هیچ بهارین گلی بیله سولماز
گویده دولسا بولود غمله دولماز
غنچه سن آچماموش سولموسان سن
بلبلون سنکیمی شوری اولماز

سینمه گل بالا یرده یاتما
عمه وین سینه سین گوزدن آتما
آغلیوبآغلادورسان آناوی
آغلادوب گوز یاشین قانه قاتما

دوشموسن گرچه سوز و گدازه
بسته سن عشق شاه حجازه
بو اسیر اولماقون آرترار چوخ
دین و قرآنه رونق نمازه

«عدلینون» دردی وار بی نهایت
سنده واردی قزیم چوخ کرامت
وار مریضه قیزی ویر شفاسین
خردا قبری ویرن شامه زینت

• یکشنبه
• 14
• دی
• 1399
• ساعت
• 22:50
• نوشته شده توسط
• یوسف اکبری

من به داغ کشتگان غرق تبم در راه شام
دل تمنّا دارد امشب تا رسانی این پیام

آسمان ازکاروان دورم دراین صحرا غریب
اَنجُم و ماهت بگو بامن شبی باشد قریب

آسمان تاریکیت بشکست این بال وپرم
با سکوت مرگبار ویرانه کردی پیکرم

قلب من درهرطپش آهنگ تنهائی زند
نغمه های تار من هر لحظه آوائی زند

همنفس بامرگم و یاران مرا از یاد بُرد
ناله های این دلم در چنگ یک فریاد مُرد

ناله هایم بس کنید این جان من برلب رسید
درغروب آفتاب روزم برفت و شب رسید

مرغ گم گشته دیارم لب یک چشمۀ مات
من بصحرای سکوتم سرخوش ازآب حیات

جام تلخ سرنوشت روزوشبم گم کرده است
تلخی خون در رگم قَدّ منو خم کرده است

دردرون سینه ام یک دل به صد باری شکست
هم چوکشتی برسرطوفان ها برگِل نشست

نخل امیدم سَراب و لرزه ها درجسم وجان
بسترشب وحشتی گسترده برمن این زمان

یاد اکبراصغرم درد دو پا بر دوشم است
زخم های سوزناک و آبله پا پوشم است

هر قدم این آبله پا را گذارم روی خاک
سوزش دردش کند این سینه ام را چاک چاک

خواهی ارجویا شوی از این دل آزرده ام
بین چسان اشگم روان بر دامنم از دیده ام

پاره ای از یک دل صد پاره ام” ای آسمان
ساربان را کن خبرآهسته راندکاروان

در بسیط دشت مُرده گو ندارد داد رس
در دلم فریاد ها دارم بیا فریاد رس

طپش قلبم فزون گشته زوحشت رحم کن
باخبر سازعمّه ام گو رهروئی را ختم کن

دشمنم سنگ جفا زد بارها براین سرم
فرصتی ده یک شبی آیم ببینم مادرم

گو طلوع صبح فردا زنده باشم عمّه جان
زجرآید آورد آیم ببوسم دستتان

ترکی

عمه مه دی قهرمان انقلاب کربلا
من یتیمی تاپشوروب مظلوم آتام دینه فدا

من گلِ گلزارعشقم اولموشام گلدن جدا
سرنوشتیم دور منیم قورسون قضا دام بلا

چشمۀ وصل وامید خشک اولدی گورسندی سَراب
طاقتیم یوخدی چکم بو سینّیده بی حد عذاب

قورخولی سسلرگلورمن اوچ یاشوندا بیراوشاق
چوخ چتیندورمنکیمی شهزادیه درد فراق

عمّه لرقارداش منی بولمم ندن گوزدن آتوب
خارپاچوخ چکموشم بواللریم قانه باتوب

بو قرانلوقدا گوزوم گورموری تا من دولانوم
عمه گل قویما منی آتش وحشتده یانوم

دوشموشم بلبل کیمی من آشیا نیمدن کنار
شهپریم یوخ قورخولی چول سلب اولوب مندن قرار

عمّه گل آغوشیوه بیرده آلوب دیندیر منی
آبله اولدی ایاقیم ناقیه مندیرمنی

کشتی عشقیم دوشوبدی موج محنتدن گِله
خاطرین منظور دور من ایتمرم سندن گَله

آغلورام گوزیاشی تا روحیّمه مرهم اولا
کاش گلوب بو دشتیده منله بابام همدم اولا

نه باجیم واردی نه قارداش بومکاندا نه آنام
روزعاشورا شهید راه حق اولدی آتام

بابامون گلشنینی باد ستم ایتدی خزان
قدّی خم ایلدی اکبر اولومی آلدی توان

ای کرم دریاسی عمّه (عدلیه) ایله کرم
سویلوری درگاه عشقه اللی ایلدی نوکرم

• یکشنبه
• 14
• دی
• 1399
• ساعت
• 22:53
• نوشته شده توسط
• یوسف اکبری

آغلاما ای عمه سین آغلار قویان
خون جگرصورته ایتمه روان

واگیر :
عیاندی شام ایچره
بیر دادرس یوخ دور
گوزون یاشین توکمه
منیم غمیم چوخ دور

گرچه مصیبت سنی دیلدن سالور
چوخدی غمون صبریوی الدن آلور
اُلموب هله سید سجّاد قالور
بو غمیوه قالموری اوندا توان

آغلاما گلمه بو قدر شیونه
باخماپوزولموش چمنه گلشنه
دردیوی گل دی آناوا یا منه
بوردا داخی آیری کسه یوخ گمان

ای مَلکِ احمده بَدرِمُنیر
گرچه اولوبسان بو یزیده اسیر
هِمّتون عالی ولی سننون صغیر
سندن آلاردرس حجاب بانوان

اصغره لایلای دیوسن آغلوسان
صورتیوه اشگ بصر باغلوسان
سن آناون سینه سینی داغلوسان
غملره یوخ صبرایلسون بوآنان

موجولی کشتی کیمی دوشدون گله
عمه اروندن بالا ایتمه گله
آغلاما بیر لحظه دایان گل دله
سینه ده کی دردو غمون ایت بیان

شمره گرفتار اولا هرکس بالا
اولماز اونا کیمسه که دردین آلا
بیربو قالورقبریوی عمن قازا
آغلاما ای عمه سین آغلارقویان

ای آتاسی شاهدکربوبلا
مسکن اولان قانینه عرش خدا
عمرودی «عدلی» سنه ساخلار عزا
یاز اونی دفترده آدین نوحه خوان

• یکشنبه
• 14
• دی
• 1399
• ساعت
• 22:55
• نوشته شده توسط
• یوسف اکبری

سن رقیه دختر شاهنشه کرب و بلاسن
سن سه ساله مثل زهرا نور چشم مصطفی سن

میوه ی باغ رسول و پاره ی قلب بتول
بلبل شیدای عشق گلشن آل عبا سن

کعبه ی ایوان عصمت میوه ی بستان رحمت
مستمندانون پناهی چاره ساز هر دواسن

سن گلسنان حسینون گللریندن بیر گل عشق
عطر دلجوی حسیندن خاک پاک با صفا سن

سن خانم باب الحوایج اللرون مشکل گشادی
دستگیر مرد و زن افتاده لر هم بی نواسن

زجره درس محرم و نامحرم اورگتدون او چولده
کوکب رخشان عشق و عفت و شرم و حیا سن

شام ویرانه اگر چه مسکن اولدی سن غریبه
یاتدوقون یر جنت اولموش هر مریضه سن شفاسن

دلده حسرت گورمیین وار قبر پاکون باب حاجات
دردمندی دعوت ایلرسن خانم درد آشناسن

(عدلی) خار گل چمنسن دامن گلدن باپوشدون
خامه عاجز وصف گلده طبعیده چوخ نارسا سن

• یکشنبه
• 14
• دی
• 1399
• ساعت
• 23:00
• نوشته شده توسط
• یوسف اکبری

رقيه دختر خون خدادی
قلوب مومنه نور ولادی

رقيه بير ُ گل باغ ولايت
سرا پا جود دور بحر سخادی

زبس قلبينده وار مهر و محبت
بو شيعه قلبينه نور و ضيادی

خانم زينب كيمی مظلومه دور ليك
كريمه عمه تك مشكل گشادی

رقيه نور عشقِ جاودانی
ايكی عالم فروغ كبريادی

وفاداري اولوب شرمنده اوندان
زبس زينب كيمی چوخ با وفادی

بودی باب النّجات كل عالم
بو درد شيعيه درمان دوادی

ولی يارب ندن ويرانه لرده
اسير غصّه و رنج و بلادی

آزعمرونده گوروب چوخلی مُصيبت
نلر چكدی خدا درد آشنادی

حسين باشی گلوب ويران سرايه
گوروب محشردی گويا كربلادی

اوپوپ قانلی دوداقين گلدی داده
ديوب باشين نيه تندن جُدادی

داخی دويدوم بابا عمر ايستمز دل
خرابه ير ايشيم آه و نوادی

دُعا ايله منی تا تز اؤلوم من
علي اصغر نجه غمدن رهادی

دُعاسی مُستجاب اولدي گوروبلر
يومولدی گوزلري هم بی صدادی

باخاندا عمّه سی گلدی نوايه
دِيدی الله بالام دينه فدادی

گُل گُلزار عصمت ای رقيه
بو «عدلی» نوكروز غم مبتلادی

مريضه بير قيزی وار وير شفاسين
كه انشاء الله بو امره حق رضادی

• یکشنبه
• 14
• دی
• 1399
• ساعت
• 23:02
• نوشته شده توسط
• یوسف اکبری

ای رقیه ای گل باغ حسین بن علی
صورت ماهینده روی ماه زهرا منجلی
گول یوزی حتی که ماه آسماندان گورملی
اوچ یاشیندا تاپموسان عالی مقام و منصبی
اولموسان باب الحوایج ای ربابین کوکبی

خیرداقبرایچره یاتان واردی بویوک شخصیتون
عالمی حیران ایدوب جاه وجلال و شوکتون
شوره گتدی دیللری باشونده شوروهمتون
بیربیله خصلتلرون ثابت ایدورآزاده سن
زینب عموندی عمون عباس حیدرزاده سن

منزل ویرانه نی عشقیله آباد ایلدون
قدرت پوشالی سفیانی بربادایلدون
سن اسیراولدون ولی دنیانی آزاد ایلدون
قلبلرده شورعشقونله گینه طوفان ایله
اهل مجلس دردینه لطفونله سن درمان ایله

• سه شنبه
• 23
• دی
• 1399
• ساعت
• 16:29
• نوشته شده توسط
• یوسف اکبری

رقيه اي صفاي باغ و بستان
گل گلخانه شاه شهيدان
گلوبسن عالمه شعبان آييندا
اولوب اربابيميز شاد و خرامان
مبارك مقدمون اي جان رقيه
رقيه جان رقيه جان رقيه

گوزل دردانه سن سبط رسوله
كمالاتون سيغيشمور هيچ عقوله
ربابون سويگولي اي نازدانه
جمالون اوخشيور عيناً بتوله
شبيه كوثر قرآن رقيه
رقيه جان رقيه جان رقيه

ایدوب گول صورتون شرمنده ماهی
گتوردون کرنشه سلطان و شاهی
جلال و حشمتون شامي دوتوبدي
آلوب سندن سلیمان عز ّ و جاهی
جلالت ملكينه سلطان رقيه
رقيه جان رقيه جان رقيه

سنه اکبر چالور لایلای دمادم
بوعشقه رشک آپاردی اهل عالم
سنی آغوشه آلدی تا اباالفضل
اولوبدي آل هاشم شاد و خرم
معطر اولدي چون بستان رقيه
رقيه جان رقيه جان رقيه

گوزوندن بللي دور چوخ با وفاسن
خانم زينب كيمي كان حياسن
علي اكبرين زيبا مارالي
عمون عباس تك مشكل گشا سن
وفا صحراسينه جيران رقيه
رقيه جان رقيه جان رقيه

گلوبسن اوچ یاشیندا کربلایه
سوسوزدان اوچ گیجه گلدون نوایه
شیرین دیللی بالا آخر وداع ده
حسینون قوزادون آهین سمایه
ايدوبسن ناله و افغان رقيه
رقيه جان رقيه جان رقيه

دیدون بابا منی گل قویما گریان
جداله گیتمه سن بیله شتابان
اقلی آل بو زاری بیر قوجاقه
قیزون قویما اولاچوخ زار و نالان
اولار بو غصه دن ويران رقيه
رقيه جان رقيه جان رقيه

غم هجرانووه بو قلبی بوللم
مسیر کوفه و شامی دویوللم
ننون زهرا کیمی عمریم چوخ اولماز
سوسوزدان اولمسم هجروندن اوللم
تاپانماز دردينه درمان رقيه
رقيه جان رقيه جان رقيه

سنون عطرون غرض شاماته دولدی
کیچیک قبرون مطاف عالم اولدی
كانه اينديده سسلور خرابه
حسینین ياسي زهرا مثلي سولدی
قويوبدي عمه سين نالان رقيه
رقيه جان رقيه جان رقيه

اگر چه سِنّون آز ؛ چوخدی کمالون
سولوب سیلی دن اما گول جمالون
یزیدین یوخدی هیچ نام و نشانی
سنون وار شامیده عالی جلالون
چكن ظلمه خط بطلان رقيه
رقيه جان رقيه جان رقيه

رقيه نوكري حسرت ده قالماز
ديوركيم؟ ايستين حاجاتين آلماز
مداوم دامنيندن ( آذرين ) دوت
يولا بوش سايلين دردانه سالماز
دواسيز دردلره درمان رقيه
رقيه جان رقيه جان رقيه

• چهارشنبه
• 24
• دی
• 1399
• ساعت
• 09:56
• نوشته شده توسط
• یوسف اکبری

مرغ طبعيم دولانور وسعت معناني تاپا
بوپريشان حاليما بير سر و ساماني تاپا
درديمه يانسا اگر حاذق اطباني تاپا
دوشدي بيردن ياديما روضه لرين دادي دوزي
شاه عطشان دهنون فاطمه بنذرلي قيزي

نام زيباسي رقيه شرف اهل ولا
اوچ ياشي واردي بويوك درده ايدر عمده دوا
خيرداجا قبرينه قربان اولا بو اهل عزا
بي علاج دردلره عالمده نتايج دي خانم
صدقيلن دردوي دي باب الحوائج دي خانم

ولي چوخ درد و بلا دهريده چكدي بوبالا
قلبينه بذر غم و غصه ني اكدي بوبالا
راه شاماتيده حق بيلدي نه چكدي بوبالا
ناقه دن دوشدي قالوب يولدااولوب محنته توش
باشليوب غملي سوزين من ديورم قالما خموش

جلوه لندير نظرونده اوقيزين غملي چاقين
يارالور خار مغيلان غابار اولموش اياقين
نقدرواردي مگرتاب بلا بير اوشاقين
نصف شب قيز اوشاقي قورخولي چول اي عجبا
وحشت ايلور بو بالا باخدوقيجا صاق و صولا

گوردي بو منظره ني شافع حشر و عرصات
جنتي ترك ايلدي آينه صوم و صلات
نورزهراييله نوراني اولوب دشت و فلات
ديدي اي عمه سينون همدم نالاني قيزيم
اولا قربان گوزوه فاطمه نين جاني قيزيم

گلدي او دشتيده آغوشه آلوب ناز بالاني
سويلدي قورخمابالا بيكس حسينون قالاني
قلبيمون خانه سي بو ناله سسوندن تالاني
گلدي اول غمزديه يار و نگار اولدي گيجه
خيرداجا فاطميه ؛ فاطمه يار اولدي گيجه

باخدي دقتله رقيه يوزي نيلي خانيما
ديدي سنسن بوبياباندا محافظ جانيما
بوچتين وقتيده كيمسن كي گلوبسن يانيما
سنده من تك گورورم غصه لي سن غمزده سن
واردي اگنونده قرا اولميا ماتم زده سن

گوزلرون اوخشاري وار عمه ساداته سنون
لحن صوتون ديوري غارت اولوبدي چمنون
غم سسوندن ايله بيل وار تزه ليكده اولنون
من يتيمم بابام اللرده سوسوز قانه باتيب
چادرون سويله نيه كوللره تپراقه باتيب

دي گورورم كيمسن اولوبسان منه مانوس الم
زينب عمم كيمي جان جان ديوسن لحظه و دم
اوپوسن يوزگوزومي ياده دوشور غملي ننم
گورورم آغليوسان گوزلر اولوب نملي خانم
نفسوندن بابامين عطري گلير غملي خانم

بويوروب فاطمه من غمكشي ياده سالانام
اوز ننون فاطميم دردوي جانه آلانام
قورخما تا صبحه كيمي بوردا يانوندا قالانام
چوخ قوي سروي ده صحراده قرا يللر اگر
سن منه بنذيوسن صورتوه سيلي دگر

عصرعاشوربلا دوشدي جهان ايچره فغان
شهدا قالدي اولوبدي اسرا شامه روان
مطبخ خوليده ياتميشدي بابون يوزگوزي قان
بلبل غمزده تك من قوناقيديم او گوله
اوردا دردانه قيزيم پيرهنيم باتدي كوله

سيزلره طول سفرده بالا ناظردي گوزوم
يثرب و مكه و هم كرب وبلاديديم اوزوم
يوخدي بير بيله مصيباته قيزيم منده دوزوم
گوروسن قاندي گوزوم آغليورام اوغلوم اؤلوب
سن كيمي منده اورك داغليورام اوغلوم اؤلوب

الغرض فاطمه اولدي باليا مونس و يار
غملري چيخدي ياديندان تزه تاپموشدي قرار
ناگهان گوردي قرانلوخدا ايكي مردسوار
ايكي وحشتلي عرب چوخدا قوي پيكريدي
قمچي الده بيريسي زجر ستم پروريدي

زجر يوخ آينه ثاني بي عار و دغا
زجر يوخ خصم قسم خورده قرآن و خدا
زجر يوخ شمركيمي وحشي و بي شرم و حيا
زجري تا گوردي رقيه ايلدي عرض سلام
دگدي بير سيلي يوزوندن ايلدي قطع كلام

ضرب سيلي دن اولوب يوزگوزي قان قالمادي تاب
آغلادي ضجه ويروب تا نوه ختم مأب
غيظيله زجر ايلدي دختر اربابه خطاب
يولانيب قافيله بيزده گرگ افراده چاتاخ
منله گل مركبه مين سرعتيله راهي اولاخ

ديدي شرم ايله ستم پيشه و بي شرم و حيا
من حسينون قيزيام عالم احكام خدا
مينمرم من سنيلن بير آتا اي دون و دغا
عمه عمه چاغيروب شامه پياده گلرم
عمه مه تايتيشينجه ايله قانياش الرم

ايلدي زجر دني اول قيزا چوخ ظلم و ستم
تازيانيله نجه يول يول اولوب آغلا قلم
بوسوزه داغلا سينه يابن الحسن ميرامم
نه قويوب بير اوتوروب جانيني راحت ايلسون
آت دوشينده بالا بير قيز نئجه طاقت ايلسون

باشيما قمچي منيم ظالم كافر ويرما
هم يتيمم هم اولوب قارداشيم اكبر ويرما
فاطمه بنذريم زاده حيدر ويرما
سسلرم داديمه آيينه احساس گلر
علقم اوستوندن عموم حضرت عباس گلر

(آذرين) قلبووي يانديرسا بو غم اشكون اله
بير بيله حال تباكي سنوچين گلمز اله
اورگون عشق رقيه له سن آكنده ايله
گوزياشون ؛ غملي حالون شعروي ارزنده ايدر
حتمي زهراي سه ساله ؛ سني پاينده ايدر

• پنج شنبه
• 25
• دی
• 1399
• ساعت
• 09:41
• نوشته شده توسط
• یوسف اکبری

رقيه معدن عشق و وفاسن
خانم زينب كيمي كان حياسن
علي اكبرين زيبا مارالي
عمون عباس تك مشكل گشا سن
وفا صحراسينه جيران رقيه
رقيه جان رقيه جان رقيه

گلوبسن اوچ یاشیندا کربلایه
سوسوزدان اوچ گیجه گلدون نوایه
شیرین دیللی بالا آخر وداع ده
حسینون قوزادون آهین سمایه
ايدوبسن ناله و افغان رقيه
رقيه جان رقيه جان رقيه

دیدون بابا منی گل قویما گریان
جداله گیتمه سن بیله شتابان
اقلی آل بو زاری بیر قوجاقه
قیزون قویما اولاچوخ زار و نالان
اولار بو غصه دن ويران رقيه
رقيه جان رقيه جان رقيه

غم هجرانووه بو قلبی بوللم
مسیر کوفه و شامی دویوللم
ننون زهرا کیمی عمریم چوخ اولماز
سوسوزدان اولمسم هجروندن اوللم
تاپانماز دردينه درمان رقيه
رقيه جان رقيه جان رقيه

سنون عطرون غرض شاماته دولدی
کیچیک قبرون مطاف عالم اولدی
كانه اينديده سسلور خرابه
حسینین ياسي زهرا مثلي سولدی
قويوبدي عمه سين نالان رقيه
رقيه جان رقيه جان رقيه

اگر چه سِنّون آز ؛ چوخدی کمالون
سولوب سیلی دن اما گول جمالون
یزیدین یوخدی هیچ نام و نشانی
سنون وار شامیده عالی جلالون
چكن ظلمه خط بطلان رقيه
رقيه جان رقيه جان رقيه

رقيه نوكري حسرت ده قالماز
ديوركيم؟ ايستين حاجاتين آلماز
مداوم دامنيندن ( آذرين ) دوت
يولا بوش سايلين دردانه سالماز
دواسيز دردلره درمان رقيه
رقيه جان رقيه جان رقيه

• پنج شنبه
• 25
• دی
• 1399
• ساعت
• 09:42
• نوشته شده توسط
• یوسف اکبری

منزل ويراني زينب ترك ايدور گريان رقيه
دوريولاسال كارواني گوزلره قربان رقيه
لايلاي اي آرام جانيم /// لايلاي اي شيرين زبانيم

قورتاريب اولاد حيدر جور و ظلم شامياندان
عاقبت بند اسارت آيري دوشدي قولاريندان
بير به بير توديع ايدوللر عمه لر قارداش قيزيندان
ياتما دور قلب كبابي غصه دن شان شان رقيه
لايلاي اي آرام جانيم /// لايلاي اي شيرين زبانيم

اي ويرن ويرانسراده عمريني اتمامه لايلاي
اي دچار اولموش جهاندا غصه و آلامه لايلاي
چاتميان عمرينده بيرگون آرزو و كامه لايلاي
راحت اولدون غصه لردن غملي ويردون جان رقيه
لايلاي اي آرام جانيم /// لايلاي اي شيرين زبانيم

غصه لي عممون رقيه عازم كوي وطندي
اولدي شرمنده حسيندن كوي جانانه گيدندي
آق كفن يوخدي سنه بو قاره پيراهن كفندي
غملرون دنيايه سالدي سهملي طوفان رقيه
لايلاي اي آرام جانيم /// لايلاي اي شيرين زبانيم

لايلاي اي آز عمره دائم غم چكن هجرو المدن
لايلاي اي اوچ سنه راضي اولمگه غملر اليندن
لايلاي اي زهرا ننم تك صورتين سيلي گوردن
لايلاي اي ديل ياره سيندن قلب زاري قان رقيه
لايلاي اي آرام جانيم /// لايلاي اي شيرين زبانيم

اي اسن برگ خزان تك شمر و زجرين وحشتيندن
اي اولان يول يول وجودي تازيانه ضربتيندن
اي ييخان كاخ يزيدي مرتضايي همتيندن
يات اولا عمّون او يورقون جانوه قربان رقيه
لايلاي اي آرام جانيم /// لايلاي اي شيرين زبانيم

(آذرين) دائم گوزتله حجّت حقّين ظهورين
زايل ايله حقه خاطرقلبوون كبر و غرورين
ايله سون امضا رقيه جنتين برگ عبورين
چون ويرر خيردا اليلن يرگويه فرمان رقيه
لايلاي اي آرام جانيم /// لايلاي اي شيرين زبانيم

• پنج شنبه
• 25
• دی
• 1399
• ساعت
• 09:45
• نوشته شده توسط
• یوسف اکبری

فارسی

بهار جان آمد گل ارباب آمد
به شام تار دلها مهتاب آمد
گلستان شد یثرب زیمن این مولود
ز بستان زهرا گل ناب آمد

آمد گل عشق .... ازباغ طاها
دختر حسین .... تمثال زهرا
رقیه رقیه۴

ز روی چون ماهش چشم حسین روشن
ز بویش عطرآگین شد باغ و گلشن
علیِ اکبر شد از دل شاد وخندان
پیچیده عطر یاس به کوی وبرزن

نوه ی حیدر .... عالم فدایت
دل برداز ارباب .... ناز و ادایت
رقیه رقیه۴

ترکی

گوزآچدی دنیایه گل باغ طاها
گلوبدی بوگجه شبیه زهرا
گوزآچوبدی دنیای عشقون حاجیسی
گلوبدی اکبر و اصغر باجیسی

گلدی جهانه ... زهرا نشانه
اورگتدی عشقی ....جهانیانه
رقیه رقیه ۴

گلوبسن شعبان دا رقیه جهانه
سنون عشقون ایلوب بیزی دیوانه
مریض چوخدی لطفونله باخ شفاویر
بوهیئت اهلینه بیرکربلا ویر

اکبر باجیسی ... جان سنه قربان
لطف ایله درده .... سن ایله درمان
رقیه رقیه۴

• چهارشنبه
• 1
• بهمن
• 1399
• ساعت
• 11:21
• نوشته شده توسط
• یوسف اکبری

آشـدی خـدا بـاب کـرم گلـدی پـرستـوی حـرم/
تـوتسـا رقیـه الیمـی مـن ایـاقینـان اُپـرَم/
قلبیلـره حکـدی آدی پـاک و مبـارکـدی آدی/
درب جنـاندا یـازولـوب گـورنجـه گویچکدی آدی/
دیللـره رایجـدی آدون درده معـالجـدی آدون/
چـاره الـه مشگلـومه بـاب الحـوائچـدی آدون/

شـاه شهیـدان بـالاسـی فـاطمنـون آی پاراسی/
عالمـی وَجـده گتیـروب گـوزلرینـون آغ قاراسی/
شاهیم حسینون قیزیسان سفره سینون داد دوزوسان/
یوخـدی نظیـرون بولـورم عرشِ خدا اولدوزوسان/
دیللـره رایجـدی آدون درده معـالجـدی آدون/
چـاره الـه مشگلـومه بـاب الحـوائچـدی آدون/

مـرتضـوی زاده دی بـو مَـه رُخ و آزاده دی بو/
یوخـدی نظیـری بو قیـزین جنت شهزاده دی بو/
مین شب یلدادی بیزه قاشلاری هم گوز شَوَه سی/
عالمـه سـروردی بولـون حضرت زهرا نوه سی/
دیللـره رایجـدی آدون درده معـالجـدی آدون/
چـاره الـه مشگلـومه بـاب الحـوائچـدی آدون/

سن او شَهیـن دختـری سن یوخ مَثلی نابغه دی/
خَرمـن اهریمنـه ایستکلـی آدون صائقه دی/
شامیـده گلـدسته لرین عـرش خدایه اوجالوب/
آل اُمیـه جانینـا غملـی آدون لـرزه سـالوب/
دیللـره رایجـدی آدون درده معـالجـدی آدون/
چـاره الـه مشگلـومه بـاب الحـوائچـدی آدون/

عزت و شأن و عظمت آیـه دی سن سوره سی سن/
آل علـی نـابغـه دی سـن ولی اوستوره سی سن/
کـربـوبـلا سیـدینـون دختـر مَهپاره سی سن/
آندولا زهرا خانیمـا دردلریمـون چـاره سی سن/
دیللـره رایجـدی آدون درده معـالجـدی آدون/
چـاره الـه مشگلـومه بـاب الحـوائچـدی آدون/

نـابغـــة کـربــوبــلا بَضــة شــاه شهــدا/
منــده دخیلــم آدیــوا ای آدی هر درده دوا/
عمرون آز اولدی ولی سن درد و بلا اسیری سن/
شامـه نماینـده گئـدوب کـربوبلا سفیـری سن/
دیللـره رایجـدی آدون درده معـالجـدی آدون/
چـاره الـه مشگلـومه بـاب الحـوائچـدی آدون/

• جمعه
• 3
• بهمن
• 1399
• ساعت
• 19:47
• نوشته شده توسط
• یوسف اکبری

گلِ خـوش منظـر طاها رقیه
عـزیـز حضـرت زهرا رقیه
سپـاه شـاه عـاشـورا رقیه
سفیـر زینـب کُبـرا رقیه
حسینـی خصلتـه دارا رقیه
نجـابـت قطردی دریا رقیه
وئریلمیش عشقوه دنیا رقیه
سنه قربان اولا عیسی رقیه
شفیـع عـالـم عقبـا رقیه
یاراتدی حق سنی زیبا رقیه
شکاف ایلوب اگر بو قلبه باخسان
یازیلمـوش سینم اوسته یا رقیه

بـو آدی عـالـم امـکان بینموش
نه عالـم کی هامی دوران بینموش
علی اُول شـاه درویشـان بینموش
بـو آدی شـاه مظلـومان بینموش
دئسم شک ایلمـه قران بینموش
کــلام مُطلــق یـزدان بینموش
بو آد جـاندی اونی جانان بینموش
یقینــاً ذات الـرحمــان بینموش
اونی ام و اَب خویشان بینموش
خانم زهراده کی چوخدان بینموش
سنـی تأییـد ائـدوب زهرا رقیه
یازیلمـوش سینم اوسته یا رقیه

• جمعه
• 3
• بهمن
• 1399
• ساعت
• 19:51
• نوشته شده توسط
• یوسف اکبری

علاج دردیمه سقراطدن دوا یازیلوب
دوا اثر ایلمز نسخۀ فنا یازیلوب

جهان طبده مبهوتدور ارسطولر
خدا گر ایستسه معلومدور شفا یازیلوب

مداد رمزیله دئ دردیوی ابوالفضله
که علم طبّده عباسه مرحبا یازیلوب

حسینه نوکر اولان اوزگیه غلام اولماز
حسین نوکری خالصدی بی ریا یازیلوب

حسین نوکرینه جام و جم نه لازمدور
که کربلا آدی جام جهان نما یازیلوب

خلوص نیتله قوی قدم او درباره
که شاه دفترینه سن کیمی گدا یازیلوب

ویرنده فاطمه برگ عبور محشرده
همان او برگده یتمش ایکی فدا یازیلوب

ایدوب پیمبر خاتم او برگه نی ممهور
حسین قانینه الله خونبها یازیلوب

من عاشقم او گذرنامیه که ذیلنده
مدینه و نجف مکه و منا یازیلوب

نه تئز بو مطلبی آزدون قلم خطا گیدون
کتاب عشقده بیر اوزگه ماجرا یازیلوب

گرگ رقیه ویره نسخه طبابتوی
همان او نسخه که ذیلنده کربلا یازیلوب

باش اَیمه مردم نامرده دهرده «خوشزاد»
که صفحه دلیوه کلمه خدا یازیلوب

• جمعه
• 10
• بهمن
• 1399
• ساعت
• 19:47
• نوشته شده توسط
• یوسف اکبری

اي منیم غم گونی غمخواریم عمه
يامان گونومده دلداریم عمه

يامان گونومدی عمه جان امداديمه گل
نالـم اوجالـوب گويللـره فـرياديمـه گل

من زار و خستـه - سن دل شكسته
سُون نفسيم دور – گل باشيم اوسته

آلدي مندن نئجـه دوران بابامی
گويلوم ايستور بی بی الان بابامی
حسرتديم گـوَرم بيـرده جماليـن
گورمَميشم چونكی چوخدان بابامی

قلبيم داريخـور بابام هاردا قالدی عمه
اولما بيزي شاميده گوزدن سالدی عمه

جانيم دوداقدا لبلريم اَسور
هاردادي بابام قلبيم تلسور

شامين قيزلاری ايلور چوخ شماتت
ديل ياره سينـه يوخ قلبيمده طاقت
من بيـر دعا ايليـم آميـن ‌دِه عمه
ئولـدورسون الله مني ائدسون راحت

يورولموشـام زهـرا نَنـم كيمی دنيادن
ائـدور ئولوم ايستيورم اينـدی خُدادن

بو زمـانـه دن نـاراضييم من
ئولمگه والله چوخ راضييم من

سالدي مني ديلدن داي ديل ياره سی
نَـدور بو بختی قـاره نين چاره سی
شاميـن قيـزلاري هی طعنـه ووريلار
دِيوللر بو قيـزون يـوخ گوشواره سی

قيزلار گوشواره سين منه خاطر تاخاندا
باشيمی سالام اَشـاقه قيـزلار بـاخـاندا

نِيلِلييـم عمه يوخدی گوشـواره ام
گرك آغليام چون يوخدی چاره ام

• یکشنبه
• 19
• بهمن
• 1399
• ساعت
• 22:49
• نوشته شده توسط
• یوسف اکبری

ای درد فراقی هامیدان یاخشی بیلَن‌لر
مظلومه ئولن‌ حالیمه مرثیه دییَن‌لر
من فاطمه‌ی ثانی‌ام ای قاره گییَن‌لر
محنت قَلَمی سینمه غم غصه‌نی یازدی
آلدی‌جانیمی غصه؛بیبیم قبریمی قازدی

من فاطمه‌ی ثانی‌ام ای دیده گلن‌لر
امّیدیله بو درگهِ امّیده گلن‌لر
ای غمزده‌لر سینه‌سی رنجیده گلن‌لر
زهرا نوه‌سیدیم منه‌ده ووردیلا سیلی
زهرا کیمی‌من قبریده‌یاتدیم یوزی نیلی

من فاطمه‌ی ثانی‌ام ای شام خرابه
علت نَدی رحم ‌ ایلمدون چشم‌ پُر آبه
خوش باخمادون عالمده نَدن آل ترابه
تپراقیون‌هش‌اولمادی ایمانی نَدی‌ندی
زهرا قیزینون زلفونه تپراقون الندی

من فاطمه‌ی ثانی‌ام ای نَارس آغاشلار
آغلار منیم احوالیمه صحراده کی‌داشلار
هاردا گورونوبدی‌اوشاقی‌دشمنی داشلار
داش وئردی بیزه کوفه‌وشام اهلی اللهی
عورت‌اوشاغین‌ جنگیده واردور نه گناهی

من فاطمه‌ی ثانی‌ام ای اهل زمانه
آز سینیله غملر گتیروبدور منی جانه
زهرا کیمی غملر منی ائتمیشله نشانه
اللهدان ئولوم ایستیورم شامیده منده
چون‌غملر الیندن‌ئولوم ایستردی ننمده

• یکشنبه
• 19
• بهمن
• 1399
• ساعت
• 22:53
• نوشته شده توسط
• یوسف اکبری

نازلی قیـزیم شـام بلادن کربوبلایه گئدور عَمون
قافله‌مون‌مرثیه‌خوانی ‌دور کی‌عزایه‌گئدور عَمون

یُول اوستونده وای دِه
بـابـام وای ایوای دِه
علــیِ اصغـــره
یانیخلـی لایلای دِه

بالام لایلای

نِی‌کیمی شاماتیده‌غمدَن‌عمه‌لرون گلدی‌نوایه
قافله‌میـز غرق مصیبت ‌یولانوریی کربوبلایه

دئمه من دینجلم
دلِ ظلمـی دَلَـم
اگر زنده قالسام
گینه شامه گلم

بالام لایلای

دِل‌قانین‌آز گوزیاشیما قات‌زینبی‌بو دَمده آز آغلات
قالدی‌گوزونده‌گوزوم‌آخر‌دور‌گوزوی‌بیرده‌اوپوم‌یات

منیم غمخواری سن
دیلیم گفتاری سن
سنه زینب قربان
ننـم اوخشاری سن

بالام لایلای

دردیمی‌گوزدن‌بیلَنیم‌دور وای‌بابام‌ای‌وای‌دیَنیم ‌دور
جانه‌گلَن‌دیل‌یاراسینان‌شامیده‌مظلوم ئولَنیم‌دور

گوزی هی گریانیم
سنه قربان جانیم
اَقلـاً سـال یولا
گئـدور کاروانیم

بالام لایلای

صبرینی‌غم‌لر آلانیم‌‌دور باشینـه قاره سالانیم‌دور
شامه کیمی‌کربوبلادن ‌اصغره لایلای چالانیم‌دور

غمـه دائـم دوزدون
دوداقین هی بُوزدون
ربـابی یانـدیـردون
ستاره تک سوزدون
بالام لایلای

• چهارشنبه
• 22
• بهمن
• 1399
• ساعت
• 14:32
• نوشته شده توسط
• یوسف اکبری

یانموش اورگین دردیله داغلوردی رقیه
اکبر اوتور هی یانوب آغلوردی رقیه
یـار اولموشیـدی عمـه سینه کربـوبلاده
قول یاره سی؛باش یاره سی باغلوردی رقیه

عالم لری هم یاندیریب هم یاخدی رقیه
گوزیـاشی گوزل صورتینـه آخدی رقیه
غارت قوتاراندان گجه نین نصفی اولونجا
شاهنشـه دیـن مقتلینـه باخدی رقیه

تا چیخدی خَیَمندن او گوزل قیز گجه یاری
بارماقـلاری اوستـه یئـردی مقتله ساری
آهسته دیوردی بابا جان هاردا یاتوبسان
گلدیم سنه بو چولده ائدم تعذیه داری

سس گلدی رقیه بو چوخور مقتله تئز گل
چوخ آغلاما گل ،سینمه دردون گله تئز گل
گوزله ایـاقون یاره لییـر خـار مغیـلان
گوزیاشیوی گل سینمون اوسته اله تئز گل

القصه چـاتوبدی یارالی پیکری گوردی
زهرا گـوزی گویا او گُل پَر پَری گوردی
عیب ائتمه دئسم قبلی دایاندی غم الیندن
نه بـاشینی نه بـارماقی نه اللری گوردی

آهسته دئـدی ذبـح اولونان باشیوه قربان
اللـرده ئولـن اوغلـووا قـارداشیوه قربان
ای حَق دانیشان حَق دانشوب قانه بویاندون
نَحـر اولـدی بوغـازون بئله پاداشیوه قربان

• چهارشنبه
• 22
• بهمن
• 1399
• ساعت
• 14:48
• نوشته شده توسط
• یوسف اکبری

اسیــر مُحنـت و ستــم
رقیـه ام ئولـدی ای خدا
اورکده چوخلی درد و غـم
رقیـه ام ئولـدی ای خدا

ستاره مثلی سوزوب گویلر مضطر اولدی
اِئلـه پر پر اولـدی گـویا گُـل پرپر اولدی
دَگـوب سیلی صـورتینـدن زهـرا مثـالی
ننـم زهـرایه رقییـم ده بنـذر اولدی

یارالی - رقیه ام

رقیـه ام ئولـدی شامیده
نه وار گلـن نه وار گئـدن
نه واردی قبـرینی قازان
نه غسل ائدن نه کفن ائدن

ئوزوم قـازدیم قبـرینی اودلاندی آناسی
نه قـارداشلاری گلـوب یـاسه نه آتاسی
نئجـه یاتسون تپـراق آلتینـدا بو یارالی
هَلـه واردی قـولارینـدا قمچی یاراسی

یارالی - رقیه ام

کِئچـن گئجـه دئـدی گـرک
اورک سـوزون آچـام بـی بـی
عـلاج اِئلـه یـاتـانمـورام
او قـدری کـی آجـام بـی بـی

اِئلی کی دردین دئدی یا رب منـده بیلیدیم
جمالیندن گوز یاشین دوردوم فوری سیلیدیم
دئـدی عَمـه چـاره ایلـه قلبیـم داریخدی
تاپانمـادیم چـاره یارب ئولـدوم دیریلدیم

یارالی - رقیه ام

بـو شامِ بی صفـا اولـوب
حسیـن عـزیـزینـه وطن
ئـولـونجـه نیسگیـل ایلـرم
تـاپانمـادیـم اونا کفن

کفن سیز قویدوم مزاره یاندیم آلیشدیم
گیلیلی دی گوزلریندن اوپدوم باریشدیم
ربابین گوز یاشی آخـدی نم نم گوزوندن
اونی آرام ائتمگه من چوخلی چالیشدیم

یارالی - رقیه ام

• چهارشنبه
• 22
• بهمن
• 1399
• ساعت
• 15:29
• نوشته شده توسط
• یوسف اکبری

ظاهراً انسان اولار قاشدان گوزل تِل‌دن گوزل
باطناً شایسته‌دور اولسا اگر دِل‌دن گوزل

هر کیمون ظاهردن آرتیخ باطنی زیبا اولا
هر نقد چیرکین اولا یوزدن، اولار اِئل‌دن گوزل

بیر گلستان گُل آچوبدور آل هاشم گلشنی
تک به تک باطن‌لری زیبا ، شمایل‌دن گوزل

گُلّر ایچره بیر رقیه آدلی گُل وار عطریلی
چوخ گوزلدور گوزلری ، بَزمی محافل‌دن گوزل

عشقی دیوانه ائدوبدور سر به سر عاشق‌لرین
عشقونون دیوانگانی جمله عاقل‌دن گوزل

بیر غزل یازدون پریشان گر چه ناقص ‌دور ولی
شاید اولدی شعر ناقص شعر کامل‌دن گوزل

• چهارشنبه
• 22
• بهمن
• 1399
• ساعت
• 15:51
• نوشته شده توسط
• یوسف اکبری

ترکی

گدای درگهِ حسینم من _ آزیم چوخوم رقییه قربان
تمام دولتیم حسیندندی_ واریم یوخوم رقییه قربان

غمونده قاره گیمیشم بیر عمر بو دیده غملرونده زاروندی
واریمدی حسرتسم گورَم قبرون بهشتیمیز گوزل مزاروندی

نگاریمیز رقیه‌دی _ گجه گونوز شعاریمیز رقیه‌دی
بهاریمیز رقیه‌دی_ گجه گونوز شعاریمیز رقیه‌دی

قراریمیز رقیه‌دی _ وقاریمیز رقیه‌‌دی
بیزه بها وئرن حسین _ عَیاریمیز رقیه‌‌دی

رقیه جان رقیه جان رقیه جان رقیه جان
رقیه جان رقیه جان رقیه جان رقیه جان

فارسی

تو نور چشم سیدِ بی سر ثلاله‌ی عزیز طاهایی
وقار تو وقار عباسی نگار مه جبین زهرایی

زِ بند ظلم و کینه‌ها رَستی زِ جام و عشق و معرفت مَستی
اگر چه کربلا بُود عشقت سه ساله پادشاه شام هستی

نگاریمیز رقیه‌دی _ گجه گونوز شعاریمیز رقیه‌دی
بهاریمیز رقیه‌دی_ گجه گونوز شعاریمیز رقیه‌دی

قراریمیز رقیه‌دی _ وقاریمیز رقیه‌‌دی
بیزه بها وئرن حسین _ عَیاریمیز رقیه‌‌دی

رقیه جان رقیه جان رقیه جان رقیه جان
رقیه جان رقیه جان رقیه جان رقیه جان

• چهارشنبه
• 22
• بهمن
• 1399
• ساعت
• 20:31
• نوشته شده توسط
• یوسف اکبری

غربتده دردمندین درمانی آغلاماقدور
بو رنج درد هجرین جبرانی آغلاماقدور
خاموش ایدن شرار هجرانی، آغلاماقدور
هجران اودیله جانیم یانموش سراسر عمه

یوللاردا آغلویاندا دشمن گلوردی خشمه
گلمزدی رحمی شمرین، بو اشکبار چشمه
اشکیم آخور عذاره ایندی مثال چشمه
چون یوخدی خوف زجر و شمر ستمگر عمه

جسمیم غریق بحرِ درد و غم و مُحندور
شهزاده یم لباسیم بیر کهنه پیرهندور
بوینومدا طوق عزّت زنجیردور رسندور
گور نه حالا قالوبدی آل پیمبر عمه

اطفال شامی گوررم، گیموش لباس فاخر
طعن و شماتتیله ایلیر منه تفاخر
اولموم نجه مکدّر،، شهزاده یم من آخر
یاننام غم آتشینده مثل سمندر عمه

بیر سمتیده قویوب یوز دیواره بو اوشاقلار
بیر سمتیده آنامی گوررم دیزین قوجاقلار
خلخال سیز برهنه، بو آبله ایاقلار
مجروح اولوب سیزیلدیر، چوخ سوزش ایلر عمه

• دوشنبه
• 27
• بهمن
• 1399
• ساعت
• 09:36
• نوشته شده توسط
• یوسف اکبری

دهریده من شرافتی ایستمورم رقیه سیز
شان و شکوه وشهرتی ایستمورم رقیه سیز
جاه ومقام وعزتی ایستمورم رقیه سیز
دولت و مال وثروتی ایستمورم رقیه سیز
علم و یقین و حکمتی ایستمورم رقیه سیز

عالمه قویمیشام قدم عاشق حق مرام اولام
سایه نشین خیمه ی یار، علی المدام اولام
لطف ایلسه رقیه نین درگهینه غلام اولام
یوخ طمعیم که خلق آرا صاحب احتشام اولام
جاه و جلال و حشمتی ایستمورم رقیه سیز

هیچ دیمورم که شاهیمون شاعرچیره دستی ام
شکرخداکه فارغ از آفت خودپرستی ام
پرچم یارقیه نین عجزیله پای بستی ام
زاهدعبادت عاشقی.منده رقیه مستی ام
شام وسحرعبادتی ایستمورم رقیه سیز

گلدی جهانه تابوقیزغملره ویردی خاتمه
آلدی حسین قوجاقینه آدینی قویدی فاطمه
عمرایلدی اوچ ایل ولی کفری سالوب تلاطمه
قلب یزیدکافری سالدی ملال و ماتمه
جان وتنی وارعلتی ایستمورم رقیه سیز

ای قلمیم تلسمه چوخ یازخانیمون ولادتین
سوزلری دوز نظامیلن دفتره، گورکرامتین
زینب آلوب قوجاقینه اوپدی اوماه صورتین
مقدمی آرتیروب دیدی عمه سینون سعادتین
فاش دیوم سعادتی ایستمورم رقیه سیز

آغلاما آغلیانداسن تیتریوراللریم بالا
شعله دوتوب الولانور یکسره پیکریم بالا
هی باخورام سنه دوشوریادیمه مادریم بالا
خاطریمه گلور گچن غصه لی گونلریم بالا
زندگیده حلاوتی ایستمورم رقیه سیز

ویردیلر ال به ال گلی تایتیشوب عموسینه
واله اولوبدی گورجگین حسنینه رنگ و بوسینه
بوسه ویروبدی دمبدم روی مه ونکوسینه
شوقه گلوبدی گوییا توکدوله می سبوسینه
سسلدی من سقایتی ایستمورم رقیه سیز

ساقی مستیدن صورانوبه چاتوبدی اکبره
آلدی قوجاقه عشقیلن باخدی جمال خواهره
باخدی جمال خواهره شکرالیوبدی داوره
سسلدی خوشدی حوریلرمقدمووه پرین سره
باغ جنانی ، جنتی ایستمورم رقیه سیز

رشدالیوبدی بوخانیم تاپدی جلال و مرتبه
واله ایدوب آتاسینی هرگجه ذکریاربه
حجب وحیاده اقتدا قیلدی جناب زینبه
زینب قهرمان کیمی حامی اولوبدی مکتبه
عمریده حظ و لذتی ایستمورم رقیه سیز

اوچ یاشی اولدی لاجرم کرب وبلایه یول سالیب
نی ده گوروب آتاسینی داده گلوب ملرقالیب
شام یولوندادیده تر بیرگجه ال ایاق چالیب
گوزیاشیلا یزیدیدن وقریله انتقام آلیب
سنده دنن بونهضتی ایستمورم رقیه سیز

خوشدی رقیه آدینه شوره گلوب غزل یازام
قیزلار آرا وقارینی مفردوبی بدل یازام
چوخ دیدی من خرابه ده آه و نوایه دمسازام
ایندی گرکدی جهدایدیب قبریزیدی من قازام
خلق دیه حقیقتی ایستمورم رقیه سیز

• دوشنبه
• 11
• اسفند
• 1399
• ساعت
• 23:25
• نوشته شده توسط
• یوسف اکبری

البشاره البشاره،اللهین رحمتی گلدی
بحرپرموج عفافون،دُرّپرقیمتی گلدی
حسینون لبلری اولدی بوگجه خندان
اوپدی رقیه نون یوزون سسلدی جان جان
ای روحیمه ریحانه،،،،ای زینت کاشانه
ائویم دونوب جنـــانه
حیاتیمه،،،ای پیرایه،،،
بنذورگوزلرون زهـــرایه
لای لای بالا٤

باج آلورنورجمالون،ماه تابان سمادن
عطرووی گللرآلارگلزاریده بادصبادن
شعبان آیی منه سنی پای وئروب الله
الحق که زهرایه سنی تای وئروب الله
ایشیقلی اختریمسن،،،،قیمتلی گوهریمسن،،آنامابنذریمسن
لایلای بالا٤

زینب عمّون دی،،،ابالفضل آدلی غیرتلی عمون وار
قارداشون اکبردی دنیاده سنون دای نه غمون وار
نازووی آلالارقیزیم هرسحرآخشام
قیدووه قالالارقیزیم هرسحرآخشام
ای تاریمدان پای بالا،،،،برج عشقه آی بالا،،،،،چالام من لایلای بالا
لایلای بالا۴

• دوشنبه
• 11
• اسفند
• 1399
• ساعت
• 23:27
• نوشته شده توسط
• یوسف اکبری

ای بابای مهربون
قلبموغم کرده خـــــــــــون
باعشقت میگیرم زبون٭آی بابا
حالاکه تو اومدی
سربه رقیــــــــــــــــــــــــــــــه زدی
یه امشبوپیشم بمون٭آی بابا

باباشامیا بَدَن
یکی یکی اومدن
عمه روخیلی زدن آی بابا
هرجاکه گفتم بابا
یاکمی کردم نوا
باتازیانه زدن٭آی بابا

دخترت زندونیه
چشماشم بارونیه
لبات چراخونیه ٭آی بابا
یارویاورت کجاست
سرت امشب پیش ماست
بگوپیکرت کجاست٭آی بابا

ترکی

گئجه گوندوزآغلارام
سنسیزسینه داغلارام
گوزیاش یوزه باغلارام٭آی بابا
هاردان دیوم من سنه
آخورگوزیاش دامنه
چوخ سیلی ویروبلارمنه٭آی بابا

یوخدی دُوزوم آی بابا
چوخدورسوزوم آی بابا
گورمور غملی گوزوم آی بابا٭آی بابا
قامتیمی غم اَگوب
یوزومه سیلی دگوب
قولاریماقمچی دگوب ٭آی بابا

ایاقلاریم یارادی
دوداقلاریم یارادی
حتی قواقلاریم یارادی٭آی بابا
یاندیروبلارسینَمی
چوخ ویروبلارعمه می
چکدی دشمن گوشواره می٭آی بابا

• جمعه
• 15
• اسفند
• 1399
• ساعت
• 21:04
• نوشته شده توسط
• یوسف اکبری

یابن الحسن،گل آغلا،پریشان رقییه
آغلولّابورداجمع محبــان رقییه

بوجمعی گل آپار،آقاویرانه منزله
زینب دوتوبدی شام غریبان رقییه

بیردسته پرشکسته قناری ملالیـــله
نوحه دیولّه اُردا،نواخوان رقییه

زینب قوروبدی بزم عزا،سینه داغلیور
گوزدن الورعذارینه مرجان رقییه

قرآن اوخورامام زمان زین العابدین
معناده آغلیوربلی قرآن رقییه

• سه شنبه
• 19
• اسفند
• 1399
• ساعت
• 22:35
• نوشته شده توسط
• یوسف اکبری

خدا یه شکر اولا/گینه اورک تاپوب صفا
خرابیه گلوب/بابام بوگویلومی آلا

بو نصف شب عجب/قیزیوی یا ده سالموسان
نچه گونی بابا/ده گوروم هار دا قالموسان

منی دوگوب بابا/بوزجروشمر بی حیا
بو اوچ یاشینداقیز/نلرچکوب بولورخدا
بوشهره گتدیلر/بابامنی ووراوورا

«یارالیسان بابا بابا بابا بابا بابا»

رقیه وین بابا/اورکده وار دی چوخ غمی
بودردومحنتیم/یوروبدی زینب عمه می

باخورمنه یانور/آلورباشیمی دامنه
یوزومه هی باخور/دیورجوان ئولن ننه

آناوابنزیری/کبوداولان یوزوم بابا
بوقدری غصیه/دینه نجه دوزوم بابا
قرااولوب بودم/گوزومده گوندوزوم بابا

چمنده بلبله/هرهانسی گل انیس اولا
دوزراوقوش مگر/اوسویدوقی گلی سولا؟

سنیله الفتیم/خدابولورنه پایه ده
اودورسنی بابا/گوزتلدیم خرابه ده

گذشت ایله منی/دورانمورام ایاقیوه
یریوی بولمدیم/اوزوم گلم سراقیوه
منی آپاربابا/دوزنمرم فرا قیوه

بوعارضیم بابا/جفاوظلمیله سولوب
قاچانداچولده من/ایاقیم آبله اولوب

سرشکی قانیله/گوزومده شمر دون قاتوب
سینه وه نازائدن/گجه خرابه ده یا توب

آتاقوجاقیدور/قیزین همیشه مسکنی
ولی فلک سالوب/بلا یه بو رقیه نی
من آلمشام بابا/بودم قوجاقیمه سنی

بلاچولونده من/بلالره دایانمیشام
بویوندا، سلسله/بوچوللری دولانمیشام

بیر اوچ یاشیندا قیز /بوقدری غصه وبلا
بوآیرلیق غمی/بوقدری طعنه و جفا

دعا ایله ئولوم/داخی یورولموشام بابا
خرابه گوشه سی هارا/بوسویگولون هارا
یوزوم کبود اولوب /ایاقلاریم اولوب یارا

• شنبه
• 23
• اسفند
• 1399
• ساعت
• 19:34
• نوشته شده توسط
• یوسف اکبری