اشعار حضرت رقیه(س)

ای بابای مهربون
قلبموغم کرده خـــــــــــون
باعشقت میگیرم زبون٭آی بابا
حالاکه تو اومدی
سربه رقیــــــــــــــــــــــــــــــه زدی
یه امشبوپیشم بمون٭آی بابا

باباشامیا بَدَن
یکی یکی اومدن
عمه روخیلی زدن آی بابا
هرجاکه گفتم بابا
یاکمی کردم نوا
باتازیانه زدن٭آی بابا

دخترت زندونیه
چشماشم بارونیه
لبات چراخونیه ٭آی بابا
یارویاورت کجاست
سرت امشب پیش ماست
بگوپیکرت کجاست٭آی بابا

ترکی

گئجه گوندوزآغلارام
سنسیزسینه داغلارام
گوزیاش یوزه باغلارام٭آی بابا
هاردان دیوم من سنه
آخورگوزیاش دامنه
چوخ سیلی ویروبلارمنه٭آی بابا

یوخدی دُوزوم آی بابا
چوخدورسوزوم آی بابا
گورمور غملی گوزوم آی بابا٭آی بابا
قامتیمی غم اَگوب
یوزومه سیلی دگوب
قولاریماقمچی دگوب ٭آی بابا

ایاقلاریم یارادی
دوداقلاریم یارادی
حتی قواقلاریم یارادی٭آی بابا
یاندیروبلارسینَمی
چوخ ویروبلارعمه می
چکدی دشمن گوشواره می٭آی بابا

• جمعه
• 15
• اسفند
• 1399
• ساعت
• 21:04
• نوشته شده توسط
• یوسف اکبری

یاره لی گیدن مزاره رقیه
باغ حیدره هزاره رقیه
اولموسان حسینه مهمان*ایلدون منی پریشان
قراریمی آلدون* * قراگونه سالدون
دویمادیم شیرین سوزوندن*آتموسان منی گوزوندن
جهانیدن دویدون* * منی ملرقویدون۲

لایلای ای زهرا نشان لایلای
لایلای ای غملی جیران لایلای ۲
سنسیزاودلانارام شمع تک یانارام
ای داغیلان ایلیمون گوزه لی
تپراقدا یاتوبسان زینبی آتوبسان
جانه دویان ننمون مثلی
دورشیرین زبان گیدور کاروان
لایلای ای زهرا نشان لایلای
لایلای ای غملی جیران لایلای۲

دشمن اینجیدوب سنی جانا گلدون
گوردون او یارالی باشی دینجلدون
دوزمدون غم فراقه*دوشدی گوزلرون دوداقه
سنون دیزون اسدی##قراریمی کسدی
سسلدون گوزل بابانی*نالون آغلادوب جهانی
دیدون حسینیم وای##گوزل بابام لایلای۲

لایلای ای روح و روان لایلای
لایلای ای شیرین زبان لایلای
ای یورقون قناری##عمرومون بهاری
نیسگیلون اودلادی بو سینه می
غربتده اولماقون##سارالیب سولماقون
یاده سالور یارالی ننمی
دورای باغریقان###گیدور کاروان
لایلای ای زهرا نشان لایلای
لایلای ای غملی جیران لایلای۲

• جمعه
• 15
• اسفند
• 1399
• ساعت
• 21:14
• نوشته شده توسط
• یوسف اکبری

عجب کرم قیلوب بابا بو کاروانی ساخلادون
یارالی باشیله نجه بو ساربانی ساخلادون

قیزون فدا اولا سنون گوزونده اشک آلوه
خدایه شکر اولا گینه یتشمیشم وصالوه

خدا بولور بو چولده من اَسفلی حاله قالمیشام
قاچاندا داشلار اوسته من ئولومی یاده سالمیشام
ایاقیمه تیکان باتوب غم اوستونه غم آلمیشام

بو خیردا جا قیزین ایله باتوبدی قورخودان سسی
سفارش ایله عمه مه منِ غریب و بیکسی

ندن بو آیدا چخمادی بیر آز ایشیقدا آغلیم
ایاقیمون تیکانلارین چکوب جهانی داغلیم
نه وقتیمیدی آی بابا اوزوم یارامی باغلیم

باتاندا خارلر دیمم حصار صبری یخمادی
یر ایلیوبدی بعضی سی ایاقدا قالدی چخمادی

شکایت ایلرم بابا خدای حیّ و داوره
مصادف اولموشام ندن گروه کافره
بیری قوور بیری سویور بیری دوتور وورور یره

خدا بولور کی قوم دون نقدری دویدولر منی
بو قدر غصه و جفا یقیندی ئولدورر منی

بو چولده زجر دون منی زبس قوووب اویان بویان
حیاتیدن اوسانمیشام ئولومدی آرزوم اینان
اوقدر سیلی لر ووروب گوزومده تار اولوب جهان

وورانمورام یوزومه ال دگنده اینجیری بابا
دوشوب محاقه صورتیم آناوا بنذیری بابا

گلایه ایتمرم بابا اوزون قضاوت ایت ولی
یانار ایشیتسه غصه می نجفده مرتضی علی
نه نسبتی کیچیک یوزون بوزجر کافرین الی
گوروم شل اولسون ای بابا بو زجر شوم و کافری
اَلو چکور یوزوم بابا زبس آغیردی اللری

فلک سالوب بلالره بو بینوا یتیمه نی
اسیر ایدوبدی دشمنه سالوبدی وحشته منی
دوشوبدی قورخی جانیمه هرایه سسلدیم سنی

زبس بو چولده قاچمیشام صاقا صولا منِ غریب
یانیبدی قلب فاطمه هرایمه آنان گلیب

اگر چه (بیکَسا) سنون یوخوندی قدرت بیان
کرم له لطف ایدوب سنه امیر ملک انس و جان
اجازه ویردی یازمیسان بو نچّه خطی بس دایان

بورسمدور غلاملر سوزون دیوب دورار گیدر
غلام دردینه ولی امیرلر دوا ایدر

• شنبه
• 23
• اسفند
• 1399
• ساعت
• 19:10
• نوشته شده توسط
• یوسف اکبری

رقیه آز آغلا یورولدون
بالا باخ من تلخ کامه
اروکده غمون آرتوب آخر
گلندن بو شامه

بو شهر ایچینده بلایه دوشوب آل اطهار
یاده سالار اوز غمین بو اوشاخلار سیزیلدار
اما سنی کیم گورر کنج ویراندا آغلار
سنون حالیوه سینه داغلار

ایوای رقیه رقیه رقیه رقیه(۳)
بلالی رقیّه

سولوب گل جمالون رقیه
بو ویرانه یرده یاتاندان
یوزون قویما دیوار کوسمه
قیزیم سن آتاندان

چوللرده بس کی سنی اینجدوب قوم عدوان
حقّوندی کوسسن بی بوندن همی سن آتاندان
چوخدور گلایم یوزوه بوسیلی ووراندان
قیزیم غم چکوبسن اولاندان

آتان تاپشروپ چون سنی من
قیزیم ساخلیم دیده م اوسته
یوزون قویما توپراقه دور گل
بالا سینه م اوسته

حُسن جمالون سنون چون کی طاهایه بنذر
مجنونوام صورتون شکلی لیلایه بنذر
اما گوورمیش یوزون حیف زهرایه بنذر
بولوت آتداکی آیه بنذر

اوزوم (بیکَسم) سن بولورسن
غمیم دیلده چوخدی رقیّه

نه چاره ایدوم درده سالدی
بو آل امیّه

آج قالماقون قلبه سالدی شراره رقیّه
آز اشک چشمون بیله توک عذاره رقیّه
شاید بابان گلدی گوردون دوباره رقیّه
نظر قیل بو زاره رقیّه

• شنبه
• 23
• اسفند
• 1399
• ساعت
• 19:30
• نوشته شده توسط
• یوسف اکبری

گوشه ی ویرانیه ویرموسن الحق صفا
قانلی دوداقلاریوا غملی رقیّه ن فدا

کُنج خرابه بابا حسرت فردوس اولوب
بسکی اورک شاد اولوب اشکیله دیده م دولوب
سویله یارالی گوروم ،پیکریوه بس نولوب
باشیله باش چکموسن ،سن بیزه ای باوفا

قانلی حَنانی یاخوب ، کیم بو رُخ اَنوره
کیم منی ایتدی یتیم ، سالدی بیله چوللره
تیغ جفانی چکوب کیم بو سوسوز حنجره
عالمی ویران اولا سن هارا خنجر هارا

چرخ دَنی هر نه غم ،واردی توکوب باشیمه
عمّه مه تاپشور یازا حالیمی باش داشیمه
گَل دیله دیللن دانیش رحم ایله گوز یاشیمه
طاقتیم الدن گیدوب ، دینمه سن ئوللم بابا

نازیله سیننده من چوخ گجه لر یاتمیشام
ایندی خرابه یرین اشکیله ایسلاتمیشام
چوخ گجه دیسگینمیشم ، عمه می آغلاتمیشام
سندن اوزاق دوشموشم ،اولدی جلالیم فنا

یوخدی سوزوم عاشقین ،اشکی آخار دامنه
ویردی زمانه ولی ، زحمت بیجا منه
یولدا بابا شمر دون سیلی ووراندا منه
حقدن ئولوم ایستدیم ،ای شه گلگون قبا

دامن وصلون دوشوب ، زحمتیلن چون اَله
وصلیمیزین صحبتی،قوی دوشه دیلدن دیله
قال بو گجه نعشیمی ،عمه میلن دفن ایله
هجریوه یوخ طاقتیم ، ای گُل باغ ولا

سن بابا آغوشیوه ،دائم آلاردون منی
سینن اولاردی منه ،خُلد بَرین گلشنی
آلمیشام آغوشیمه ، ایندی ولی من سنی
دوندی دونَرگم داخی،شغلوم اولوب آه و وا

یاندی رقیّه ز بس ، آغلادی کُنج قفس
گوردی حَرَم لر داخی ، دوشدی صدادن جَرَس
چکدی دَریندن بیر آه،یومدی گوزون باتدی سَس
بیر طرفه باش دوشوب،بیر یانا دیلسیز بالا

قاچدی قوجاقه اودم ،عمه سی آلدی قیزی
ایتدی خطاب آچ گوزون،سفره ی عشقین دوزی
سسلدی سَس گلمدی ، بولدی باتوب اولدوزی
مقصده چاتدون دیدی، یات سنه عمّه ن فدا

(بیکَس) الوندن دوتوب خالق حیّ و قدیم
شامل ایدوب حالیوه ،لطفونی ربِّ علیم
شعریوه بانی اولوب ،یار صدیقون (کریم)
باهم اولار قسمتوز، بیر سفر کربلا

• شنبه
• 23
• اسفند
• 1399
• ساعت
• 19:32
• نوشته شده توسط
• یوسف اکبری

بابا جان بو کُنج خرابیه ندور علتی بیله گلموسن
بو باشوندی بس بدنون هانی نیه بس بابا دیله گلموسن؟

?یارالی بابام یارالی بابام

دئه گوروم بو باشیوی کیم کسیب منی کیم یتیم ایلیوب بابا
بابا آننووا داشی کیم ووروب سن هارا بو قدری یارا هارا
دوداقوندا قان قوروییب ندن یری وار رقیه اَلولانا
نجه صبر ائدیم بو ملالیوه یانوم هانسی نیسگیله گلموسن

بیزی ترک ائدندن اولوب قیزون بابا مین بلالره مبتلا
وورولوب خیامه جفا اوتی سویولوب دویولموشم ای بابا
سالیب آت قاباقینه شمر دون ایاقیم اولوب باشاباش یارا
بو یتیمه قیز اولوب عاقبت بابا بند سلسله گلموسن

منه سیلی ووردی بو شمر دون بابا داده سسله میشم سنی
یوزومی یره قویا بولمورم آلوری قوجاقه بی بیم منی
یاتا بولمورم بابا قوخموشام اوقدر ووروبلا رقیه نی
بابا نصف شب ائده سن دوا ده گوروم بو مشگله گلموسن؟

باشیما او قدری ووروب قوشون داخی زولفه شانه وورانمیرام
باشیوا سنون دولانام گرک ولی حیف ایاقه دورانمیرام
یوخی اولسا گر بابا گلماقون منه چوخ شیریندی اویانمیرام
اینانامورام او جلالیله بو خرابه منزیله گلموسن

بو صغیره سنیله حیف اولا اورگیم دولوب غم و غصّه دن
دئه گوروم نیه بابا اولفتون بیله کسمیسن بو رقیّه دن
قال اوزون بو یرده و یا بابا منیده آپار بو خرابه دن
کی فراقه من دوزه بولمرم بابا چوخ چتین اَله گلموسن

سنی گوردوم ایندی بو حالیله نگران اصغر و اکبرم
نیه بس عموم بورا گلمدی گینه من یولونی گوزتلرم
داخی دویموشام بو حیاتیدن بابا بس کی (بیکَس) و مُضطرم
اودی باغبان کیمی باش چکه سارالان سولان گوله گلموسن

• شنبه
• 23
• اسفند
• 1399
• ساعت
• 19:38
• نوشته شده توسط
• یوسف اکبری

خوش گلموسن ویرانسرایه
سندن صورا گَلدیم نوایه
باخ گور نجه دوشدوم بلایه
ئولورم من

یاندیم بابا غم فراقه
حُرمت فریضه دی قوناقه
عفو ایت دورانمورام ایاقه
ئولورم من

قوغوبلار آت دوشونده ز بس شامه گلنده
ایاقلاریم قاباردی،یوخ طاقتیم بدنده

ایوای یارالیم من ،باشی بلالیم من

گوزوم بولود کیمی دولوبدی
یوزوم بابا گورنه سولوبدی
ویرانه مسکنیم اولوبدی
ئولورم من

غملر ایدوب منی گلوگیر
دیریلیقدان من اولموشام سیر
قوللاریمی کسیبدی زنجیر
ئولورم من

یتیمه نی دویللر، لازم دگول بهانه
جسمیم کبود اولوبدی، به زیر تازیانه

ایوای یارالیم من ،باشی بلالیم من

جان اوستیم اکبر گیدندن
عَموم بیزی ترک ایلیندن
سنله بابا وداع ایدندن
ئولورم من

خیمه لره قوشون دولاندان
شمر منه سیلی ووراندان
گوشواره می اَلدن آلاندان
ئولورم من

شمر شریر و کافر دویموبدی کینه سیندن
شاهددی زینب عمّه م من قورخورام سسیندن

ایوای یارالیم من ،باشی بلالیم من

• شنبه
• 23
• اسفند
• 1399
• ساعت
• 19:41
• نوشته شده توسط
• یوسف اکبری

زینبین ای گل عذاری
آلموسان اَلدن قراری

گوزومون قاره سی لایلای
وطن آواره سی لایلای

اونداکی ویرانه گلدون
شیون و افغانه گلدون
درد الیندن جانه گلدون

ای گُل گلزار عزت
قورتولوب رنجِ شماتت
یات بالا قبرونده راحت

نسگیلون قلبیده قالدی
سنون آرامیوی آلدون
قمچی دیلدن سنی سالدی

اکبرین سویگولی یاتما
قانه گوزیاشیمی قاتما
عمّه وی گوزوندن آتما

ای حسینین گلعذاری
بیر ائلین نازلی نگاری
ایلدون خزان بهاری

سن بیزی گوزدن آتوبسان
دیلده مقصوده چاتوبسان
چوخ گجه سن آج یاتوبسان

گول جمالون بالا سولدی
غملرون قلبیمه دولدی
کفنون کوینگون اولدی

اوج ایدور گویلره افغان
حرم اهلی قالوب حیران
(بیکَس) عمّن سنه قربان

• شنبه
• 23
• اسفند
• 1399
• ساعت
• 19:47
• نوشته شده توسط
• یوسف اکبری

باجی گَل امداده دوشدوم تازه درده
آنامین شَبیهی رقیّم ئولدی

منی درده سالدی آرامیمی آلدی
نعشی یرده قالدی رقیّم ئولدی

سسلرم من لایلای/لایلای رقیّم وای2
لایلای رقیّم

گجه لر یاتمازدی ایندی راحت یاتدی
عمّه سین آغلاتدی رقیّم ایوای

شامه آغلار گلدی قلبین طعنه دَلدی
قَمچی دن دینجَلدی رقیّم ایوای

غمی یاددان چخماز اَشکیم بیجا آخماز
هانسی بیر شَهزاده بیله جان ویریب

عشقینی سان ویردی مین امتحان ویردی
قول باغلی جان ویردی رقیّم ایوای

سسلرم من لایلای/لایلای رقیّم وای2
لایلای رقیّم

اشکی گوزدن آخدی یوللاره هی باخدی
اکبر دیدی یاندی دائم دیلینده

گوشه ی ویرانه سالدی اونی جاندان
گَزَردی آنام تَک اَلی بِلینده

سایا گَلمز دردی دردین گیزلَدردی
بیر منه دییَردی عمّه سی ئولسون

قلبی غمدن دولدی عمری چوخ آز اولدی
گول تک بالام سولدی دشمن اَلینده

سسلرم من لایلای/لایلای رقیّم وای2
لایلای رقیّم

اصغر اوخلاناندان اوچ شعبه پیکاندان
هر بیر اوخ آتاندان بالام قورخاردی

خیمه لر یاناندان خار اوسته قاچاندان
گوشواره آلاندان بالام قورخاردی

یوزی نیلی گیتدی دَگدی سیلی گیتدی
چوخ گیلِیلی گیتدی شمرین اَلیندن

چولده قالان گوندن اینجیمیشدی مندن
زَجر دون سَسیندن بالام قورخاردی

سسلرم من لایلای/لایلای رقیّم وای2
لایلای رقیّم

باباسین ایستردی اشکینی اَلردی
آدینی سسلردی کُنجِ خرابه

یارالی باش گَلدی دانیشدی دینجَلدی
منی امّا سالدی بالام عذابه

دوشموشم بو فکره غسلونی کیم ویرسین
کَفن گییندیرسین بو خسته جسمه

(بیکَسم) شام ایچره قبرینی کیم قازسین
آدین قبره یازسین قویسون تُرابه

سسلرم من لایلای/لایلای رقیّم وای2
لایلای رقیّم

• شنبه
• 23
• اسفند
• 1399
• ساعت
• 19:56
• نوشته شده توسط
• یوسف اکبری

دیلدن دوشدون ای خسته بلبلوم
ظلمیله آخر سارالدون گولوم

یات بالا آسوده مقصدیوه چاتدون
قانلی باشی گوردون عمّه وی سن آتدون
قالدی یوزونده بعضی علامت
یوخدی دوگن یات قبریده راحت
لایلای بالام (۲)
لایلای عزیزیم یات .لایلای عزیزیم یات

دائم بولود تک رقیه دولدون
یاشاماقدان جهاندا یورولدون

زجر ایلیوب سندن زینبی شرمنده
چولده قالان گوندن دوشدی دیلون بَنده

فاطمه تک بالا چوخ دوگولوبسن
قمچی لر آلتیندا سن ئولوبسن
لایلای بالام(۲)
لایلای عزیزیم یات..لایلای عزیزیم یات

آتمادون اکبر فکرین باشوندان
دامنون ایسلاندی گوز یاشوندان

عمّه وی بو نسگیل ایلیوب آواره
گیتدی قولاقوندان غارته گوشواره

هی دیدون اکبر هاردا قالوبدی
تُحفه سینی غارتگر آلوبدی
لایلای بالام(۲)
لایلای عزیزیم یات...لایلای عزیزیم یات

یاندوردون،اوت ووردون سن دیل لره
هر زمان ، لایلای چالدون اصغره

حرمله ظلموندن قلبون اولوب شأن شان
سن تک عزاداره خسته بی بون قربان

هیچ دیمورم باخ ،آل ترابه
دور بالا سس ویر غملی ربابه
لایلای بالام(۲)
لایلای عزیزیم یات..لایلای عزیزیم یات

ای اولان پرستوی مدینه
رقیه عازموخ اربعینه

قسمت اولوب گویا محضر ثارا...
گویلون اگر اولسا دور بالا بسم ا....

لنگه وروبسان غملی قطاری
سال یولا باری زینب زاری
لایلای بالام(۲)
لایلای عزیزیم یات...لایلای عزیزیم یات

• شنبه
• 23
• اسفند
• 1399
• ساعت
• 20:02
• نوشته شده توسط
• یوسف اکبری

دوباره بیت ولاده نه شور و غوغادی
ملائکه گلوری دیلده نغمه ی شادی
زمانِ لطف و عطایِ خدای یکتادی
ویریبدی بیر قیز حسینه عجب دل آرادی

دولاندی گون گینه گَلدی زمانِ میلادی
آدی رقیّه دی امّا شبیه زهرادی

آلوب قوجاقینه مولا او تازه مولودی
اَزل اَدا ایلدی شکر حَیّ معبودی
اذان قولاقینه ویردی به صوتِ داوودی
آنام بتول کیمی سویلدی نه خوشبودی

عجب گوزل یارادیب ذاتِ حق نه زیبادی
آدی رقیّه دی امّا شبیه زهرادی

ویرردی الدن اَله آلِ احمد(ص) مختار
دیردیلر نه گوزل خلق اولوب گُلِ بی خار
آلوب قوجاقه اودم دختِ حیدر کرار
بویوردی عمّه سی قربان قریبه گوزلری وار

گوزونده فاطمه تک نور حق هویدادی
آدی رقیّه دی امّا شبیه زهرادی

عجب عنایت ایدوب خالق زمین و زمان
ایدوبدی قدرتینی اهل عالمه اعلان
دوباره خانِ عطایه ایدوب بیزی مهمان
ویروبدی قارداشیما بو گولی حقِ منّان

بو غنچه گولدی بونون باغبانی مولادی
آدی رقیّه دی امّا شبیه زهرادی

آچیبدی بابِ کَرَم یر گویی گوزل یارادان
شبیهِ دُخت نَبی ایلیوب بیزه احسان
بونون جمالینه هر کیم باخیر قالور حیران
صفای منزل اولار یا حسین رقیّه بالان

نشانِ مَرحَمتِ کردگارِ یکتادی
آدی رقیّه دی امّا شبیه زهرادی

دییدی زینبه ایکاش ،پادشاه ولا
کی واردی بو قیزیما چوخ مصیبتیله بلا
امان اوگون گیده سیز سوی خاکِ کرب و بلا
دییدی کاش باجی قویما بو قیزی وورالا

ووراندا شمر دینن وورما نا توانادی
آدی رقیّه دی امّا شبیه زهرادی

اگر چه اهل حرم بو قیزی سویَر زینب
وَلیک ،اهل جفا روز و شب دویَر زینب
اسیر اولار باشینا قمچی لر دَیَر زینب
آنام کیمی غم اونون قدّینی اَیَر زینب

بتوله نایبه دی ،عزّ و شأنی والادی
آدی رقیّه دی امّا شبیه زهرادی

دیَنمدی بو بالا شام یوللارین گیده جاق
الینده قمچی گلوب زَجر اونوی چوخ اینجیده جاق
قلوبِ اهل دیله داغ هجرینی چکه جاق
دیَنمدی گجه ویرانه یرده جان ویره جاق

اگرچه سینّی کیچیک دی ،بَلاسی عُظمادی
آدی رقیّه دی امّا شبیه زهرادی

دیَنمدی باشینا قاره معجرین آچاجاق
الینده طاقتینی شمر بی حیا آلاجاق
لوای محنتی اوجِ مصیبته ساچاجاق
دیَنمدی کی رقیّه خرابه ده یاتاجاق

خرابه گوشه سی هر (بیکَسه) غم افزادی
آدی رقیّه دی امّا شبیه زهرادی

• جمعه
• 29
• اسفند
• 1399
• ساعت
• 21:14
• نوشته شده توسط
• یوسف اکبری

شیعه ساخلار حرمت آل اللـّهی هر بیر زمان
معصیتــله اُمـّـت اسلامـــــیه وورماز زیـــان

شیـــــعه ی أثناعـــشر آل اللـّـهـه زینــت اولار
اؤز عیال و اهلینون اوستونده با غیرت اولار

عصر حاضر ده که چوخ کمیاب اولوب مردانگی
چوخلاری گمراه اولوب ترویج اولوب بیگـانـگی

یـــــوخدور اعمال مسلمانـــــلار دا اسلامنان خبر
چون نماز یاددان چیخوب فحشا اولوبدور معتبر

اول خانیم که بی حجاب اِشده گزور قیلمور نماز
علـّتین شوهرده آختار،چونکه یوخ غیرت بیر آز

ای حجابی ترک ائدن زهرایه وئرمه غم لری
شرم ائله جلب ایلمه ابصــــــار نامَحرم لری

خواهشاً دشمن لباسینده بیزه یار اولما سن
ملّـتی اغفال ائدوب دینه طرفدار اولما سن

سالما قلبِ صاحب عصره ایشونله اضطراب
حفظ عفـّـت ایله یا زهرا آدون ائتمه خراب

ننگ بیلمه باشیوه سرمایه ی چادر شبی
چشمِ استکباریـــــده پوزما وقـار زینبـی

حضرت زینبــدن اورگش آبرودن قاچمادی
بزم اغیاره گئدوب اما نقابین آچمادی

شیعه لر زهرایه خاطر سیز گئدون تقوا یولون
عشق و ایمانی سئچون سیر ایلیون معنا یولون

حضرت مهدی ظهورین گوزلوین ساتماز اوزون
غاصبان حق و قرآن، جمعینه قاتماز اوزون

عاشقوک بیزلر حسینه عمده نعمت بیزده دی
پرچم دولتسرای مهدویّت بیزده دی

حافظ راه حیا عالملره شاهلیق ائدر
راه عشقی قانیلن زینب چکن یولدان گئدر

روز محشر فاطمه بی دین لره ایلر عتاب
سنده زهرا تک دئنن لعنت سنه آی بی حجاب

نام زینب سالدی بیر بانوی نالان یادیمه
کربلادن شامه تک بیر دیده گریان یادیمه

بیر سه ساله دختری که باتدی درد و ماتمه
اولدی بو نامه ملقّب،اوچ یاشندا فاطمه

چوخ شباهت وار رقیه یله خانم زهرا آرا
هر ایکیسی چکدیلر بیر غصه و درد و بلا

هر ایکیسی عاشقیدیلر آتایه یکسره
هم حسینه اول بالا،هم فاطمه پیغمبره

هم آتا هجرونده چوخ جاری ائدوبلر گوزیاشی
آغلیان دا اولمادی هئچ بیرسی نونده قارداشی

هم رقیه هم ده زهرا لاله تک تئز صولدولار
آز یاشندا هر ایکی عورت یتیمه اولدولار

فاطمه نازین چکردی بعد رحلت، مرتضی
چوخلو زینب ده دییردی جان رقیه جان بالا

شدّت غمدن اولونجه فاطمه بیماریدی
هم بیابانلار دا قول باغلی،رقیه زاریدی

گوز یوموب زهرا پیمبردن بیر آز مدت صورا
دینون اوسته اولدی اون سگیز یاشندا جان فدا

هم رقیه اوچ یاشندا باشینه سالدی قرا
قیرخ گجه هئچ اولمادی جانین آلوب ویرانسرا

دشمنی زهرانین آفاقه اوجاتدی آهــینی
بعد پیغمبر چکوبلر آتشه درگاهینی

گوردی قان ایچره رقیه هم آتاسین غرق اولور
یالواریر قاتل لره زینب هراسان تِـل یولور

گوردی نامَحرم لری بیردن دولوبلار خیمه یه
قیزلاری ویلان ائدوب بیر اود سالوبلار خیمه یه

هم رقیه هم خانم زهرا تنونده وار نشان
غسل وقتینده نشانلار اولدی غساله عیان

گوردی حیدر واردی زهرانون بدنده یاره سی
بیر سینیخ پهلوسیدور بیرده دوشن گوشواره سی

هم رقیه غسل اولان وقتده قارانلیق بیر گئجه
گل وجودین وئردی زینب دست غساله نئجه

بیر خرابه یئرده اما یومدی زینب گوزلرون
سسلدی قمچی گویَردیبدور بالا هر بیر یئرون

فرقی وار بیر یئرده زهرا و رقیه حالینون
حیدریله زینبون اول لحظه ده احوالینون

مرتضی زهرانی دوزدور شب ده گیزلین دفن ائدوب
باغلیوبدور یاره سین اما یارالی کفن ائدوب

آج قالوب یوللاردا اولموشدی رقیه ناتوان
جان ورینجه سسلیردی گل بابا جان هارداسان

آخری دیلدن دوشوب الدن گئدوب آسایشی
توپراق اوستونده وئروب جان،گوردی زینب غمکشی

آختاروب زینب اونا مرهم ولیکن تاپمادی
بخت سیز یولداشینی آخر کفنسیز قویلادی

جسمینی بیر معجره بوکدی قوجاقدا ساخلیوب
گوردی یوخدور بیر کسی زینب اورکدن آغلیوب

وای دئدی قارداشیمون ای دل یارالی دلبری
آز اوپـِـیدون کاش او طشتِ زَرده قانلی لبلری

ای حسینون اولدوزی مدفن سنه غربت اولار
بیر کفن هیهات آتان تک جسمیوه قسمت اولار

یاعلی ایکاش اولایدن کربلا و شامیده
حاجیِ عشقه اولایدون همسفر احرامیده

سن فقط بیر فاطمه دردی چکوبسن عمریده
زینبون اما گوروب هر ایکی زهرا دردی ده

• سه شنبه
• 3
• فروردین
• 1400
• ساعت
• 14:35
• نوشته شده توسط
• یوسف اکبری

اى‏ بابا! مسكنيم ‏اولوبدور بو ويرانه
سن شمع وفاسن منده سنه پروانه
بابا بابا باباجان! (2)

گئجه يارى بابا بو منزله خوش گلدون
باغبان تك باش چكماقا گوله خوش گلدون
محبس پر ملال بولبوله خوش گلدون
صبح و شام آغلارام گَلّم آه و افغانه

دويمارام روز و شب ذكر يارب يارب دن
يورولمام قلبيمده غصّه و تاب و تب دن
ايستديم من سنى يورقون بى بيم زينب دن
لطف ایلیوب گلدون امّا باتوبسان قانه

آلاردون هميشه منى اؤزون قوجاقه
داخى اوركده طاقتيم يوخدور فراقه
ايلييَر ميزبان حُرمَت عزيز قوناقه
قوى ايندى دولانوم باشيوه يانه يانه

بو قرانلوق يئرى ايشقلانديردى باشون
سن شه سن بويور بس هانى يار و يولداشون؟
نه گلوب اكبره هانى عباس قارداشون؟
گل ديله وئر جواب بو حالى پريشانه

اى يارالى سنه يوخدور بو عالمده تاى
اولوبدى چوخداندى وِرد زبانيم اي واى
على اصغر هانى؟ تا چالام اونا لاى لاى
گتيريدون اي كاش اونى منِ نالانه

باشيوى قوجاقه آلديم اولدوم پریشان
دويموشام دنيادن قلبيم اولوبدى شان شان
دعا ايله بابا بو يئرده من وئروم جان
باشيمدن قولومدان وروبلار تازيانه

باشيوى كسوبلر دوداقون اولوب ياره
داخى دؤزَنمَرَم جان وئرّم کِردگاره
بىبيم زينب ئولسم منى قويار مزاره
لُطفيم وار «بشير»ه همده هر نوحه خوانه

• چهارشنبه
• 18
• فروردین
• 1400
• ساعت
• 19:54
• نوشته شده توسط
• یوسف اکبری

دلا! شمیم کربلا رقیّه سفره سینده‌دی
نسیم ناب نینوا رقیه سفره سینده‌دی

حسین عزاسینه گلن بهشتی ائتمز آرزو
بهشتیده اولان صفا رقیّه سفره‌سینده‌دی

بو سفره آیری سفره‌دی که بانی نذر ائدوب آچوب
رموز حاجت روا رقیّه سفره‌سینده‌دی

او کس که ایستر آبرو، سرشکیلن آلار وضو
که آبروی ماسوا رقیّه سفره‌سینده‌دی

رقیّیه اوزوم فدا رقیّیه گوزوم فدا
دیولّه گوزلره ضیا رقیّه سفره‌سینده‌دی

رقیّه که سه ساله‌دی، پیمبره سُلاله‌دی
اودور که چشم انبیا رقیّه سفره‌سینده‌دی

تبرّکاً تیمُّناً بو سفره‌دن ییون ایچون
دوغوردان عطریلی غذا رقیّه سفره‌سینده‌دی

بو حضرتین کرامتین گوروبدی دردمندیلر
تمام دردلره دوا رقیّه سفره‌سینده‌دی

مریضوز اولسا صدقیله دوتون یانیقلی دامنین
هامی مریض ایچون شفا رقیّه سفره‌سینده‌دی

بو سفره‌دن اولیدی کاش رقیّه آج یاتان گئجه
بهانه ائتماقا نوا رقیّه سفره‌سینده‌دی

بویوردی سیّد جلیل، بشیر! سنده اُول دخیل
دئنن قبولی دعا رقیّه سفره‌سینده‌دی

• پنج شنبه
• 19
• فروردین
• 1400
• ساعت
• 12:02
• نوشته شده توسط
• یوسف اکبری

ای گل باغ حسینی آغلاما جیران رقیه
سینمه گل نازنینیم گوزلره قربان رقیه
روحیمه ریحان رقیه...جان سنه قربان رقیه

جانیمه گلسون رقیه جانیوون هردم قاداسی
وی اولان قلبینده غمدن حدّن آرتوق دیل یاراسی
توپراق اوسته یاتما باری ای منه قارداش بالاسی
عالمه ایلر بو رنگون حالیوی اعلان رقیه
روحیمه ریحان رقیه.... جان سنه قربان رقیه

آچمامیش گوز بو جهانه اولموسان دردیله مانوس
حسرتیله گل یوزوندن ایلرم من دمبدم بوس
آرزیلار قلبونده قالدی اولدون عالمدن نه مایوس
تاپمارام ویرانسراده دردیوه درمان رقیه
روحیمه ریحان رقیه....جان سنه قربان رقیه

سن منیم گل غنچه میدون جور اعدادن سولوبسان
رنگون اعلان ایلر آخر جانیوه غمدن دویوبسان
سن ننم زهرا مثالی غصه و غم نوش اولوبسان
من سنون هجرونده هر گون ایلرم افغان رقیه
روحیمه ریحان رقیه....جان سنه قربان رقیه

شامیده ویران سراده بسترون توپراقلار اولدی
قمچی لر ردی قولوندا قوللارا قولباقلار اولدی
حالیوه آغلار جهاندا گلستانلار باغلار اولدی
بو جهان فانیدی اولدی مسکنون رضوان رقیه
روحیمه ریحان رقیه....جان سنه قربان رقیه

اوچ یاشیندا جانه دویدون عالمی گوزدن آتوبسان
باده ی غم نوش اولوبسان محنت و درده باتوبسان
عمه وین آغوشی قالدی توپراق اوسته سن یاتوبسان
گیت جناندا اول حسینه سویملی میهمان رقیه
روحیمه ریحان رقیه....جان سنه قربان رقیه

هجر اکبردن عزیزیم یوللارا حسرتله باخدون
ناله ایتدون عالمینی یاندیروب آهیله یاخدون
سنّون آز بخت اولوزوم سن آسمانیمدن تیز آخدون
قلبیمی ایلوبدی دردون گور نجه شان شان رقیه
روحیمه ریحان رقیه ....جان سنه قربان رقیه

هر زمان ثاقب یازاندا آدیوی دیل داغلار آغلار
ماتمونده نازنینیم باشه قاره باغلار آغلار
دردی گیزلین سینه سینده هم سنه یاس ساخلار آغلار
قیل عنایات نازدانم دردینه درمان رقیه
روحیمه ریحان رقیه....جان سنه قربان رقیه

• چهارشنبه
• 8
• اردیبهشت
• 1400
• ساعت
• 17:06
• نوشته شده توسط
• یوسف اکبری

آچ گوزلرون یاتما رقیه،
گوزدن منی آتمارقیه،،نازنینیم نازنینیم
اکبر غمونده یانموشام من
بسدورسن آغلاتمارقیه،،مه جبینییم مه جبینیم
رحم ایله بو بی اقربایه،،دورایاقه دورایاقه
همون گیدور کرب وبلایه،،دورایاقه دورایاقه
(ای روحیمه ریحان رقیه
عمون سنه قربان رقیه،جان رقیه جان رقیه)

آلسا خبر مندن حسینیم
آواره قالام نورعینیم،آغلارام من آغلارام من
گوزیاشیمی شرمندلیکدن
رخساریمه ای نازنینیم باغلارام من،باغلارام من
شام اهلینون یوخدور وفاسی،اهلبیته،اهلبیته
دائم وورالار دیل یاراسی،اهلبیته اهلبیته
(ای روحیمه ریحان رقیه،جانیم سنه قربان رقیه،جان رقیه جان رقیه )

دور قویما بیچاره ربابی
الدن گیدیبدور صبروتابی،،ناگراندور ناگراندور
اصغرغمی بسدور ربابه
یاندیرما سن اول دل کبابی،،باغریقاندور
باغریقاندور
عرشی دوتوب آه و فغانی ،،جان زینب،جان زینب
یوخدور داخی تاب و وتوانی،،جان زینب ،جان زینب
(ای روحیمه ریحان رقیه،جانیم سنه قربان رقیه،جان رقیه جان رقیه)

• شنبه
• 25
• اردیبهشت
• 1400
• ساعت
• 21:55
• نوشته شده توسط
• یوسف اکبری

رقیه ام غم گولونه بوداقام
قارداشسیزام ائللریمدن اوزاقام
بیلمدیلر منه طعنه وورانلار
بش اون گونلوک خرابیه قوناقام

رقیه ام نوش ایتمیشم هر غمی
غملر اولوب بو غریبین همدمی
اولماسیدی عمم چوخدان ئولموشدوم
الله منه چوخ گؤرمه سین عمه می

رقیه ام خرابه ده سفیرم
اوچ یاشیم وار یورکلره امیرم
کربلادن شامه کیمین یوللاردا
دؤیولموشم شمر الینده اسیرم

عزیزلریم کربلاده قالدیلار
قافله نی چؤلدن چوله سالدیلار
غارت گونی نامردلر الیمدن
اکبر آلان گوشواره می آلدیلار

رقیه ام چوخ ایستورم اکبری
حالیم پوزار اکبریمون غملری
بابام گئتدی قارداشیما سو آلسون
اوخلادیلار الی اوسته اصغری

محبت گؤیونون دان اولدوزیام
ائللریمون هم دادی هم دوزیام
اوچ یاشیم وار یورولموشام فلکدن
من ربابین قرا یازی قیزیام

بهار گلدی من بیر نازلی گل اولدوم
خزان اولدی کؤچری بلبل اولدوم
هجران اوتی سالدی شرر جانیما
ائله یاندیم یاواش یاواش کول اولدم

ویرانه ائو منه غم درگاهیدی
منیم بابام عالملرین شاهیدی
عمم دیور غم ایلمه ٬ ظالمین
ائوین یخان مظلوملارین آهیدی

درد و بلا دوردی منیم یولومدا
غم سان وئرور هر لحظه صاق صولومدا
بو یوللاردا منی ائله ووردیلار
ایندیده وار قمچی ردی قولومدا

غم غصه وار منیم حزین سؤزومده
دولوب یاغار غم بولودی گؤزومده
ارث آپارار هر بیر بالا ننه دن
منه چاتدی سیلی یئری ننمدن

گجه گوندوز خرابه ده آغلارام
غم اوتونا ئورگیمی داغلارام
اگر بابام الده مرهم گتوره
ایاقیمون یارالارین باغلارام

ازبر اولوب اکب آدی دیللره
بیرگون گلوب صفا وئرر ائللره
اکبر گلسه اصغریده گتورر
لایلای چالوب جان دییرم اصغره

بیر ایچیم سو آواره سین نیلیوم
خالی قالان گهواره سین نیلیوم
غریبلیقون دردی قالسین بیر یانا
هیچ بیلمورم دیل یاراسین نیلیوم

رویاده گؤردوم غم دالا قالیبدی
خرابیه یول اکبریم سالیبدی
از بس منی چوخ ایستیور اکبریم
بیرجوت منه گوشواره ده آلیبدی

• سه شنبه
• 4
• خرداد
• 1400
• ساعت
• 18:22
• نوشته شده توسط
• یوسف اکبری

کاش ببیر گون دولانا گردش دوران ، مثلاً
من سنه مادر اولام سن منه اوغلان ، مثلاً

آغلیاندا آلام آغوشه اوپم لبلریوی
سن منه ناز ایده سن منده فراوان ، مثلاً

یخیلاندا یره فوراً یاپوشام اللریوی
سن آنا سسلیه سن منده دیم جان ، مثلاً

قولومی بالش ایدم باشیوین آلتدا یاتاسان
سسلیم آغلاما ای روحیمه ریحان ، مثلاً

قونشونون اوغلی ووراندا سنی دیللّنمیه سن
دوزه سن من گلم ایشدن ، دییَن اوندان ، مثلاً

باشیوا اوندا چکم منده محبت الیمی
عیبی یوخدور دیم ای نوگل خندان ، مثلاً

تا ی توشون تک آدیوی ثبت ایلیم مکتب ده
سنده بیر گون اولاسان طفل دبستان ، مثلاً

ایندی قرآن اوخویان لبلریوه داش وورولور
اوخویار اوندا بو لب لر منه قرآن ، مثلاً

• سه شنبه
• 4
• خرداد
• 1400
• ساعت
• 18:25
• نوشته شده توسط
• یوسف اکبری

من که بابامون گوزلرینون نوریم الله
گوزدن نیه دوشدوم
عباس عمومون دیلده کی منظوریم الله
گوزدن نیه دوشدوم

عمم که دیردی سنی چوخ ایستیورم من
بس هاردا قالوبدی
امدادیمه گیج گلسه بوچولده ئولورم من
بس هاردا قالوبدی
اولدوزلارا ئوز دردیمی الآن دیورم من
بس هاردا قالوبدی
تاج سر جن و ملک و حوریم الله
گوزدن نیه دوشدوم

من زینت دامان حسینم ولی افسوس
یاده سالانیم یوخ
آواره دولانّام بو بیابانیده بیر کس
قیده قالانیم یوخ
جان نقدینی بیر یارَلی باشه ساتورام من
اما آلا نیم یوخ
غم لشگرینون قمری رنجوریم آلله
گوزدن نیه دوشدوم

ای السیز ایاق سیزلارون عالمده پناهی
رحم ایله الهی
ای بخشش و جود و کرمی لا یتناهی
رحم ایله الهی
دولدوردی گینه یر یوزونی رنگ سیاهی
رحم ایله الهی
دیباچه ی عشقون قَوی منشوریم آلله
گوزدن نیه دوشدوم

عالم تانیور من نوه ی شیر خدایم
محکوم بلایم
اوچ سنیده محبوب دل آل عبایم
محکوم بلایم
من ام ابیهای شه کرب و بلایم
محکوم بلایم
ذکر لب نورانی و منصوریم آلله
گوزدن نیه دوشدوم

هاردا بابامون گویلونه دوشسیدی آناسی
یولدا دا یا نار دی
سسلردی منی محضرینه شمس هدایت
قولارین آ چا ردی
آهسته چکردی الینی باشیمه اوندان
آ غو شه آ لا ردی
کان کرمون ایندیده مغروریم آلله
گوزدن نیه دوشدوم

• پنج شنبه
• 6
• خرداد
• 1400
• ساعت
• 13:10
• نوشته شده توسط
• یوسف اکبری

ای منیم دلبریم
نازلی نیلوفریم
آناما بنزریم
آچ اوگوزل گوزلریوی یاتما رقیّه

هم‌دادیم هم‌دوزوم
سُوزولن اولدوزوم
غربت اِئلده قیزیم
بو بینوا عمّه وی آغلاتما رقیّه

وای- نجه بو گوزلریوی باغلاسین عمّون
وای- ‌آنام ای‌وای چاغوروب آغلاسون عمّون

وای رقیّم ایوای (3) ایوای رقیّم

ای اسیر مُحن
یورولان غُصه‌دن
اشکی قانه دُونَن
قلبینی تیر غم بولن رقیّم ایوای

ای صفای حرم
دردی چوخ عُمری کم
دیرم دَمبَدم
قمچی‌لر آلتیندا ئولن رقیّم ایوای

وای - گوزون آچ که قورتاروب غم فراقون
وای- ایاقا دور گوزلیم گلوب قوناقون

وای رقیّم ایوای (3) ایوای رقیّم

وای بلالی باشیم
اولدی قان گوزیاشیم
یارالی یولداشیم
دردیوه درمان گتوروب اویان رقیّم

یانارام آغلارام
عالمی داغلارام
گوزیوی باغلارام
دور دیلیمون اَزبَری اولدی جان رقیّم

کاش- بوقدر عشقیده زینب یارئییدی
کاش- بو قرا تلّلری بیرده دارئییدی

وای رقیّم ایوای (3) ایوای رقیّم

ای حسینون گُلی
یورولان بلبلی
اکبرین سویگُلی
کاش باشون اوستونده سنون دلبر اولیدی

منه آرام جان
ای بَلالر یوران
سن ویرن وقته جان
آلماقا آغوشه سنی اکبر اولیدی

وای- غصّه‌لَردن بیلورم که دینجلردون
وای- اکبرین گوزلرینه باخوب گولردون

وای رقیّم ایوای (3) ایوای رقیّم

• جمعه
• 7
• خرداد
• 1400
• ساعت
• 16:33
• نوشته شده توسط
• یوسف اکبری

بهارعمری اولان گول کیمی خزان بالا وای
آیلمیان باشی دنیاده رنج و محنتدن

نه یاتموسان گوزون آچ قبریوه بی بون قربان
قوتولدی آل علی شامیده اسارتدن

اویان دیوم نلر اولدی بو شام شوم ایچره
خبر واریمدی سنه دلده رد غارتدن

علی اکبر آلان گوشواره وی آلدوم
که غارت اولموشودی ظلم بی نهایتدن

منیم یانمدا امانت قالار اولونجه بولار
ویا که صاحب اولورسان اوزون امانتدن

بویور گوروم ندی تکلیفی گوشواره لرین
سکوتیویله منی سالما استقامتدن

بو قدر عمه وه ناز ایلمه تکلمه گل
فدا اولوم سنه دیندیر منی محبتدن

ایکی یولون آراسندا قالوب رباب حزین
نه آیرلور ، نده ایستور گچه زیارتدن

علی اصغرینون قلبدن غمی چخمور
اورک سوزون آچا بولمور منه نجابتدن

گیدور یاراسینا گوز یاشینی ایده مرهم
چخا بو نوعیله بلکه اودا خجالتدن

اوزون دور حل ایله ویرانه ده معمانی
قوتار گیلن آناوین روحینی اذیتدن

منه ده چاره یولون ویر نشان ، بویور نینیم
گیدوم زیارته یا گئتمیوم بو غربتدن

هوای کرب وبلا باشیمه دوشوب چخمور
گچنمیرم من اوزومده همین فضیلتدن

ایله دولوب اورکیم کربلاده آغلاماقا
یوروبلا قلبیمی شاماتیده شمادتدن

گلنده فرصت اله دوشمدی آچام باشیمی
عذاریمه اَلئيَم خون دل مصیبتدن

گرگ من حاضر اولام اول اربعینینده
عزا او یرده اونا ساخلیام ارادتدن

مصیبتین اثریندن وَرم ایدوب اورکیم
سالوبدی عمه وی غربتده تاب و طاقتدن

اُلوم ایاقینه من دم به دم یاخنلاشیرام
چوخ آز قالور که یومام دیده، دار محنتدن

دوشوبدی گوگلومه کرب و بلا رضا اولما
زیارت ایلممیش من اولم بو فرقتدن

دیولّه ایله گوزل قبری واردی قارداشیمون
سالوبدی روضهء رضوانی قدرو قیمتدن

او آلتی گوشه لی قبره فدا اولا جانیم
یاتوب ایاقلاری آلتندا اکبر حرمتدن

اوزاخ دوشوبدی ولی قاردشیم ابوالفضلی
خیامه گلمدی ، نهر اوسته، قالدی غیرتدن

غریبه نظمه چکیلدی بو نیسکیلی (ساده)
که امتناع ایلمز روضه خوان، فصاحتدن

• یکشنبه
• 3
• مرداد
• 1400
• ساعت
• 10:53
• نوشته شده توسط
• یوسف اکبری

تاپدیم دل شبده نه سعادت خانم عمه
ایتدوم بابامی بیرده زیارت خانم عمه

همتله یتیردیم الیمی دامن یاره
اولدی بو زیارت منه قسمت خانم عمه

عزت منه دیدار مجدد ایدوب افزون
گلموب اله چوخ #ساده بو عزت خانم عمه

شاهدسن اوزون بیر نچه مدتدی که غمدن
من یاتمامشام بیر گیجه راحت خانم عمه

اما بو گجه بیر نچه دم هوشه که گتدیم
گوردوم یوخدا غملی حکایت خانم عمه

صحبت ایلدیم یاریله رویاده ، او صحبت
مقصودیمه چاتدردی نهایت خانم عمه

دولت منه بذل ایتدی کرم صاحبی آخر
بسدور ایکی دنیاده بو دولت خانم عمه

بو ساعتی بیر عمریدن افضل بولرم من
دنیایه برابردی بو ساعت خانم عمه

جنت آپارور رشکینی ویرانه مکانین
ویرانه اولوبدور منه جنت خانم عمه

قیمت قویا کیمدور که بو دیداره جهاندا
گنجینه عشقه هانی قیمت خانم عمه

خلوت ایلدیم یاریله ویرانه مکاندا
هیچ کیم منه تای ائتمدی خلوت خانم عمه

حسرت داغی چکمیشدی یانان قلبیمه هجران
دلدن منی سالمشدی او حسرت خانم عمه

آخر منی درک ائتدی نگاریم کرمیله
بسدور منه تنها بو عنایت خانم عمه

محنت بو یانان قلبیمی ایتمیشدی مسخر
اولدورمدی یاخشیدی او محنت خانم عمه

اولدورسه ولی ایندی اگر چه یری واردور
ویرانه ده بو غملی عبارت خانم عمه

خون دلیمی گوزیاشیما قاتدی دوباره
لبلرده اولان کاری جراحت خانم عمه

بو لبلره صدمه یتورن ال ایلیوبدور
بوسه گهیمه چوخلی جسارت خانم عمه

ویر بیرده اوپوم تشنه لبیندن سنی تاری
دوشمز اله بیرده بیله فرصت خانم عمه

نیلیم که گوزوم دویموری باخدوخجا نگاره
وار بس گه نگاریمده لطافت خانم عمه

دوشدوقجا گوزوم شعشعه نور خدایه
جوشه گلوری دلده محبت خانم عمه

ای کاش نگهبانی گله رحمه ، دوباره
کوچ ایلمیه شمس هدایت خانم عمه

اولسم قویاسان قبره ، منیم قبریمین اوسته
قران اوخیا شاه ولایت خانم عمه

جانیم یغشوب سینه مه آخر نفسیمدور
آز قالدی یته وقت شهادت خانم عمه

هر چند یوروبدی بو اسارت منی ، اما
وار شهد شهادتده حلاوت خانم عمه

عفو ایله منیم زحمتیمی، بیر نچه مدت
ویردیم سنه دنیا بویی زحمت خانم عمه

باش داشیمه یاز اکبر شهزاده نین آدین
اهل دله کافی دی اشارت خانم عمه

آهیمله یزیدین ایوینی شامیده یخدیم
وار کیمده گورور چشم بصیرت خانم عمه

بو نوحه نین اجرینده شفیع اولام (عتیقه)
منظوریده دور روز قیامت خانم عمه

• یکشنبه
• 3
• مرداد
• 1400
• ساعت
• 11:42
• نوشته شده توسط
• یوسف اکبری

اولسون کَسیک بو باشین جانلار فداسی عمه
دیداریمه گلوبدور روحیم صفاسی عمّه

هرچند که خرابه آلدی اورک توانین
ویرمم بهشته ایندی ویرانه نین بیر آنین
صبح و مسا اورکدن عرشه یِتَن فغانین
فیض زیارت اولدی اَجر و بهاسی عمّه

یازدوم سرشکمیله دلداره غملی نامه
گلدی اودور نگاریم ویرانسرای شامه
مرغ دلیم یِتیشدی گر صُون نفسده کامه
چون گوش جانه یِتدی یارین صداسی عمّه

جبراً منی آیردی دلداریدن زمانه
هجران گَتیرمیشیدی بلبل کیمین فغانه
گوز یاشیمی اِئدردیم رخساریمه روانه
دیداره بلکه گَلسون غم آشناسی عمّه

حمد ایلرم خدایه یاری یِتیردی یاره
ای کاش اولمییدی لعل لبونده یاره
قان آغلیور بو یاره بولمم اِئدوم نه چاره
آرتوردی دلده نیسگیل تازه یاراسی عمّه

قوم دغا غریبه پیشواز اِئدوب قوناقدان
قان سیل تک رواندور دامانینه دوداقدان
واردور یری بو نیسگیل سالسون منی ایاقدان
بی انتها اولوبدور باشدا بلاسی عمّه

کرب و بلا چولونده باتموشدی قانه سوز یوخ
ویرمیشدلار اوچولده هم داش یاراسی هم اوخ
گر سایسالا سایلماز یاره دگوبدی چوخ چوخ
حتماً بو یاره نین وار بیر ماجراسی عمّه

بوسه یرین اِحاطه اِیلوب یوزه آخان قان
بو محنتی اورکده بولمه منه چوخ آسان
سِیلَم سرشکیمیله من بوسه گاهی الان
وورام دوباره بوسه چون وار صفاسی عمّه

ای کاش گورمییدیم بو غملی وضع و حالی
گویا دوشوب کسوفه گون تک بو مه جمالی
بولدوم نَدن اولوبدور رعنا قَدون هلالی
جسمون اَریتدی محنت قالدی نماسی عمّه

بولدوم نَدن گلردون صبح و مساء فغانه
گوز یاشیوی اِئدردون رخساریوه روانه
باغرین دونوب منیم تک ویرانسراده قانه
بیر دردیدور بو دردین یوخدور دواسی عمّه

بو درد عشقین اولسا هر کیمسه مبتلاسی
عشق اِیلیوب او عشقین جانیم اولا فداسی
محشر گونی اونون من اولام گره گشاسی
چون عشق لم یزلدور وار حَق رضاسی عمّه

بیر عشقیدور بو عشقه عشق اِِیلرم ازلدن
شیرینیدور زبس که عشق خدا عسلدن
هیهات اَلیم اوزلسون بو عشق لم یزلدن
دنیا فنادی عشقین واردور بقاسی عمّه

عشقیم ز بس که یاره وار دلده بی نهایت
دریا کیمین اورکده موجه گلور محبت
دلده اولان بو عشقه اِیلر بو سوز دلالت
مدتدی اولموشام من غم مبتلاسی عمّه

دلده اولان بو عشقیم عشق شریعتیمدور
بو عشق اورکده شمع راه طریقتیمدی
صد مرحبا بو عشقه عشق حقیقتیمدی
بو واقعیتین یوخ، چون و چراسی عمّه

یوخ سوز که من به ظاهر دنیای بی وفاده
اولدوم اسیر اعدا قالدیم بیله خفاده
درک ایلدیم نگاری ساغرده قانلی باده
وار منده ده شهادت حال هواسی عمّه

دلده غمون (عتیقا) حاشا گله شماره
زایل اولار یِتیشسه اَل دامن نگاره
صدقیله نیّت اِیله یاز مطلعی دوباره
اولسون کَسیک بو باشین جانیم فداسی عمّه

• یکشنبه
• 3
• مرداد
• 1400
• ساعت
• 15:31
• نوشته شده توسط
• یوسف اکبری

مشهوردی بو قصّه محبّان آراسندا
کوچ اُسرادن دل سوزان آراسندا
فوج اُسرا ناقه لر اوسته قولی باغلی
سرگرمدیلر ناله و افغان آراسندا
سر قافله گوز یاشلی اوره ک داغلی باخوردی
مبهوت اتوروب ورطه ی طوفان آراسندا
هر دم گوز آچور قزلارون آمارینه باخسون
گورسون نجه گوز دیده ی گریان آراسندا
بیردن گوزی دوشدی سر شاه شهدایه
ایتمور حرکت گوردی بیابان آراسندا
حسّ ایلدی اعدانی دوشوب جوش و خروشه
مرعوبدیلر جلوه ی ایمان آراسندا
غافل نه بیلر مشکل عرفانی جهاندا
جاهل یاشیار جهلده دوران آراسندا
زین اب ئوزین شاخص خوبانه یتوردی
قارداش ندی دردون دیدی عدوان آراسندا
قانیله دولان گوزلری رمزیله سوروشدی
یوخ نازلی رقیّم باجی طفلان آراسندا
ایستکلی بالام اولمیا یولّاردا دوشوبدی
گور هاردا قالوب یوخدی اسیران آراسندا
وحشتلی بیابانده قالسا قیز اوشاقی
تشویشه دوشر وهمله ایقان آراسندا
بیر دسته گلیدی سنه تاپشوردیم امانت
سالدون نیه گوزدن بو گلستان آراسندا
ساخلاردیم او دُردانه نی ایللر گوزوم اوسته
ساخلار نجه مادر بالاسین جان آراسندا
حتماً بالاجا قلبنی موج غم آلوبدی
تنها یخلوب وادی احزان آراسندا
بیر واقعه دن خردا بالامدان نگرانم
نیلر قالا بیر دن نچه دونان آراسندا
جانیندن اوشاق اولسا دفاع ایلیه بیلمز
عرشه اوجالار ناله سی طغیان آراسندا
آللّه سن اوزون رحم ایله بیچاره ربابه
نشر اولمیا بو حادثه نسوان آراسندا
کلثومله ال باشدا دوشوب چوللره زینب
سرعتله قاچور خار مغیلان آراسندا
باخمور یولا داشدی دره یا سمّی تیکاندی
یا اینکه قاچورلار گل و ریحان آراسندا
قویمازدیلا پرنده ده قاچسون گوز اویندن
فرش و فلک اوسته مه تابان آراسندا
هر دم بری سسلردی رقیه بالا گلدوک
سس ویر بیزه یاتما غم هجران آراسندا
یورقون بالا سس ویر سسوه جان دیسون عمّون
گل باغریمی غم یاردی بو زندان آراسندا
یاددان بالا هر دردی فراموش ایلدیم من
ئولدیم بو قصوریمدن عزیزان آراسندا
بلبل هوس ایلر گزه گُلّر سراقیندا
پائیز جفاسیله زمستان آراسندا
بیر لحظه بابوندان ساری گتمزدون اوزاقه
تصدیق ایلدیم عشقوی میدان آراسندا
ای بلبل باغ علوی هاردا یاتوبسان
گوگلوم دارخور موج خروشان آراسندا
آغوشیمه گل گوزلرون حسرتیم من
ساخلار سنی عمّون داخی مژگان آراسندا
ایستور سنی مندن بابون ای نور دو عینم
گتمور دایانوب فوج یتیمان آراسندا
صولدان ساغا ساغدان صولا چوخ گزدیله ناگه
بیر سایه گوروندی گوزه اذهان آراسندا
آغوشینه چکموشدی ستمدیده بالانی
سالموشدی یرین بستر احسان آراسندا
ال باشینه چکدیگجه دیردی بالا جانی
یوخدور بله گُل روضه ی رضوان آراسندا
الان دیرم عمّه لرون فوری گللّر
گت شامده قور خیمه غریبان آراسندا
منده ایله قورخما نه نوم سنده بالامسان
صحبت ایله هر دم لب عطشان آراسندا
زهرانی خانم قزلاری گورجک دیدی یا رب
آیا بو ملکدور یاشور انسان آراسندا
کیمسن دیدیلر آی خانم عورت ندی دردون
حفظ ایلیوسن بو قزی دامان آراسندا
گتدی دیله زهرانی بو سوزلر دیدی بیردن
اغیاره یاراشماز اولا یاران آراسندا
زهرانی بهشتدن بو قزون ناله سی گتدی
هر یرده وارام عترت قرآن آراسندا
غافل اولا بیلمز نه نه دیلسیز بالالاردان
وار عزّتمیز دولت امکان آراسندا
منده سیزیلن کوفه و شاماتی دولانّام
جمع اسرا و شه مردان آراسندا
توکمه یره بیهوده "صفا" عشق متاعین
قوی گوهر عشقون قالا مرجان آراسندا

یا ربّی حسینون گل خندانینه خاطر
روح اللّهی حفظ ایله جماران آراسندا
قویما اونی حق لشگرینی زحمته دوشسون
باشین اوجالاندیر بیزه ایران آراسندا

• دوشنبه
• 4
• مرداد
• 1400
• ساعت
• 16:44
• نوشته شده توسط
• یوسف اکبری

گوزیاشیم عذاره اولدی شامیده روانه عمه
قلبیمی خدنگ ظلمه ائتدیلر نشانه عمه

باغریما دگوب شماتت تیری ایلیوب شان شان
نه بابام نه قارداشیم وار دردیمی ائدیدیم اذعان
کاش اولیدی اکبر ایمدی گوگلومی آلیدی بیرآن
فرقتینده اوج ائدوبدی آهیم آسمانه عمه

منجنیق محنت وغم سالدی قلبیمی فشاره
اولموشام آتام اولندن غملی گلشنه هزاره
بویتیمی رافعتیله بیرده آل بی بی کناره
گوزیاشیمی شامون اهلی دوندریبدی قانه عمه

خرداسینیده سنون تک قاره باشیما سالوبلار
مهربان بابامی مندن ظلمیله عدو آلوبلار
آغلیاندابو ملاله اشقیالر ال چالوبلار
فکره گلمین جفانی گتدیلر عیانه عمه

بولموری بوشامون اهلی قلبی داغلی بی پناهم
قهرمان عموم اولندن گوزده گونذوزی سیاهم
بیر دیین تاپولمیبدی شامیانه بی گناهم
ویردیلارشمادتیله اود دوشوبدی جانه عمه

ایستورم اورک ملالین ایلیم بونوعی اظهار
واقفم که سنده من تک اولموسان غمه گرفتار
بوخرابه یرده آجلیق ایلیوب منی دل افکار
حال ضعف اولوب موثرجسم ناتوانه عمه

بلبل حریم عشقم گلشنیم اولوبدی تاراج
اولموشام خدنگه ظلمه اشقیاالینده آماج
عالمینه نازائدن قیزمعجره اولوبدی محتاج
گلمشم بوباره دن چوخ شامیده فغانه عمه

بوخرابده من اولسم قوی منی ئوزون مزاره
تاپشورعزتیله قبره توکمه گوزیاشون عذاره
گوگلون آل آنام ربابین گلمسین فغان زاره
گوزیاشین مزاریم اوسته ایتمسون روانه عمه

گردش زمانه آلدی عزت وجلال الیمدن
ظلمیله سالوبدی آیری خویش واقربا الیمدن
دوشمیوبدی اصغرآدی روزوشب منیم دلیمدن
دوندریب ریاض عشقی حرمله خزانه عمه

ایمدی پرشکسته قوش تک دام ظلمه دستگیرم
اشقیای شام الینده باغلیدی قولوم اسیرم
بولموری مگربودشمن اوچ یاشیندابیر صغیرم
زجرالینده گلمیشم چوخ دادوالامانه عمه

خون دل اولوبدی ممزوج گوزیاشیله اولدی جاری
روزوشب الیم دعاده ایلورم فغان وزاری
سسلرم خدایورلدوم قورتارعمر مستعاری
ایسترم بابام وصالین حقدن عاجزانه عمه

ای رقیه نین غزیزی عصمت خدا نشانی
کربلایی صادقیله بیرده واله اولدی بانی
امرائدوبدولر بوشعری یازدی نوکروز (جوانی)
ایستیوربو اوچ نواخوان قبرون عاجزانه عمه

• یکشنبه
• 10
• مرداد
• 1400
• ساعت
• 14:41
• نوشته شده توسط
• یوسف اکبری

گوهره گنج پربها ، کیمدی ؟ خانیم رقیه دی
زینت عرش کبریا، کیمدی ؟ خانیم رقیه دی

عالمی لرزیه سالوب شهرت و غیرتی بونون
بنزری اولسا زهرایا کیمدی؟ خانیم رقیه دی

قله ی عشقه پرچمین وئردی دئدی باخ عمه جان
دینه ائدن جانین فدا کیمدی؟ خانیم رقیه دی

وار یئری اولسا زینبون عشق و علاقه سی بونا
قلبیلره وئرن صفا کیمدی؟ خانیم رقیه دی

نطقیله کاخ دشمنی ائتدی خرابه ، گلدی سس
حقینی ایلین ادا کیمدی؟ خانیم رقیه دی؟

جانیوه من فدا اولوم شیعیه افتخارسن
شیعیه ائیلین دعا کیمدی ؟ خانیم رقیه دی

نه قولاقیندا گوشوار نه واریدی تازا لباس
ایستمین سو و غذا کیمدی؟ خانیم رقیه دی

دخت یزید جوابینی وئردی! دئدی او بی ادب
اولمیا بوگوزل بالا کیمدی ؟ خانیم رقیه دی

آخر شب کسیک باشی گئتدیله اول خرابیه
آلدی باشی او مه لقا کیمدی ؟ خانیم رقیه دی

• دوشنبه
• 11
• مرداد
• 1400
• ساعت
• 16:19
• نوشته شده توسط
• یوسف اکبری

بو منزله خوش گلدون سن
قیزلاری یادان سللدون سن
هاردا گجه لر تک بابا
من سیز نحه بس یاتدون سن

ای گل سنون هانی بوداغین
قانه باتوبدی گل دوداقین

ای وای یارالی جان یارالی
جانیم سنه قربان یارالی
لای لای بابام لای لای بابام جان(2)

ویرانه ده چوخ آج قالدیم
معجر باشا بابا سالدیم
شاماتیده اول دشمندن
پیراهنیوی من آلدیم

گل باش یارامی باغلا بابا
سنده منیله آغلا بابا
لای لای بابام لای لای بابام جان(2)

سیلی اوشاقا ورمازلار
داشی قوناقا ورمازلار
نازلی قیز اولان یءرده هیچ
قمچی دوداقا ورمازلار

سیلی گوردوب بو جمالی
سنده یارالی من یارالی
لای لای بابام لای لای بابام جان(2)

احوالیمه داغلار آغلار
باش یاره می باغلار آغلار
من سسلیرم جان بابا
عمه م نجه سیزلار آغلار

عمه قوناقیم گلدی یولدان
دوت باشی طاقت گءتدی قولدان
لای لای بابام لای لای بابام جان (2)

• سه شنبه
• 12
• مرداد
• 1400
• ساعت
• 14:06
• نوشته شده توسط
• یوسف اکبری

روزگار ایتدی منی بی پدر ای بنت یزید
اولموشام باعث اودی دربدر ای بنت یزید

من همان بیر قزدوم چوخ منی ایستردی آتام
ناز ایدر دوم آنامون سینه سی اوستونده یاتام
شه قزیدوم واریدی خوش گذرای بنت یزید

قارداشیم اکبر اوگون همدم و همرازیمیدی
نازیمی چکماقا بیر قارداش جانبازیمیدی
گوگلمی آلماق ایچون هرگونی همبازیمیدی
اوندا آزادیدی بو بال و پر ای بنت یزید

شه قزیدوم اوزیمون عالی مقامیم واریدی
کاخ شاهانه ده بیر یاخشی مکانیم واریدی
صاحب منصبیدوم نام و نشانیم واریدی
یثربین اهلی منی چوخ سور ای بنت یزید

چونکه در دانه ایلدوم قاسمیلن اکبره من
ایستدردیم اوزومی عترت پیغمبره من
چوخ یترمشدوم اوگون عشق زر و زیوره من
منده ده چوخ واریدی سیم و زر ای بنت یزید

چوخ تزا جامه لریم قیمتی ارزنده ایدی
مه جمالیم واریدی نور درخشنده ایدی
باخماقا ماه منه واللهی شرمنده ایدی
گورسه گر گونده منی شرم ایدر ای بنت یزید

منتها چرخ چرخ فلک غفلت ایدوب گردشینه
سالدی تقدیر قضا شه قزین آتلار دوشینه
چوخ غرور ایلمه سن باخگیلان الله ایشینه
دوندروب گوندوزوی شام ایدر ای بنت یزید

بیرده بو واقعه دن ایلیوم آگاه سنی
مه جماله نقدر سیلی ویروب شمر دنی
آلدی گوشواره می آغلاتدی ننم فاطمه نی
ایندیده بوللم اولوب دیده تر ای بنت یزید

چکدیگیم رنجلرین شرحینه دل تاب ایلمز
دل مگر آهن اولا اود اونی اکباب ایلمز
موج بو حاله نجه چشمهء خوناب ایلمز
موجه گلمشدی هامی نهرلر ای بنت یزید

هی فراتین سوئی سسلندی اوگون آخدی دوزه
تشنه لیقدن ولی گوز یاشیمی قیتردی گوزه
آخرالامر عموم وعدهء سو وردی بیزه
آلما بو واقعه نی سن خبر ای بنت یزید

چگنینه مشگین اله آلدی او سقا علمین
انتظار ایلدی چوخ گوزلرین اهل حرمین
قوللارین اهل جفا سالدیلار اهل کرمین
اوخلانوب مشگی گیدوب سو هدر ای بنت یزید

باتدی القانه او گون کرب و بلا دشتی تمام
دوشدی تپراقه جفائیله امام اوغلی امان
آچدیلار غارته ال ویردیلار اود یاندی خیام
یانمشام اوندا من خونجگر ای بنت یزید

ایتدیلر ظلمده طغیان او گون اول قوم جهول
دوشدولر نظمه تمام عترت فرزند بتول
گلمشوق شامه آچوق باشیله قول باغلی ملول
قز گلین عورت اوشاق سربه سر ای بنت یزید

شامده منزل اولوب گوشهء ویرانه بیزه
خارجی آد گتروب سسلمه بیگانه بیزه
سسلیر اهل جهان عترت شاهانه بیزه
کل عالم بیزه یوز دوندرر ای بنت یزید

گوز یاشون ایله روان سنده((امینی))یوزیون
مطلبون اولسا بیان ایله سوزون قوی سوزیوه
خرداجا قبری نصیب ایله سین الله اوزیوه
یاز بوخوش خاطره دن کیم دونر ای بنت یزید

• پنج شنبه
• 21
• مرداد
• 1400
• ساعت
• 19:42
• نوشته شده توسط
• یوسف اکبری

رقیه آغلاما قزیم خرابیه بابان گلوب
بو نیمه شبده نیمه جان بیبیوه تازه جان گلوب
بولوبدی سن خرابه ده مریض سن عیادته
محبتون تلسدروب دوداقلاریندا قان گلوب

سپهر معرفتده ای گوزل ستاره آغلاما
خمار خمار باخوب بیله بودلفکاره آغلاما
سن آغلیاندا قلبیمه دوشور شراره آغلاما
من آغلیوم که غنچهء تریم گوروب خزان گلوب

قناد چالوب اوچانموسان قنادی بسته بلبلوم
ایدوبدی غصه لر سنی قفسده خسته بلبلوم
اولوبدی باغدا گلشنون گلون شکسته بلبلوم
شکسته گلدن اوتری دل شکسته باغبان گلوب

افقده گل جمالینی دومان دوتان آییم گلوب
دومانلی اولکه لر گزوب دولانمادا تاییم گلوب
گچیبدی بایرامیم ولی کسیلمیوب پاییم گلوب
دونوب خرابه جنته هامی بهشتیان گلوب

حسینیمون محبتی عیان اولوبدی زینبه
ولیک من اوزومده چوخ تعجبم بو مطلبه
هلال احمریم گلوب سلامه فوج کوکبه
اونیله ترک آسمان ایدوبدی کهکشان گلوب

بابان گلوبدی سنده گل رقیه کشف راز ایله
دانش دلون فداسیم منی ده سرفراز ایله
گچن زمانلارین کیمی دانیشماساندا ناز ایله
نقدری نازون اولسا بیر اوقدری ناز آلان گلوب

اسیر عشق یاریدون کمند یاره دوشموسن
تاپونجا یار محفلین بیوک فشاره دوشموسن
کوسوبسن اولما یاریدن ندن کناره دوشموسن
اوزون گل آل کناریوه اویار مهربان گلوب

اوقدری آغلادون دیدون گرک چراغ وصلتی
بابا ملا روشن ایلیم گوروم او ماه طلعتی
کمال وصله چاتموسان او کوسمگین چوخ علتی
بو آشنا تاپولمیان مکانه آشنان گلوب

یاواش یاواش دوروب خانم ایاقه گوزده گوز یاشی
آچبدی یول او حضرته ایکی گوزی ایکی قاشی
اگیلدی اوپدی باغرینا باسوب او ذبح اولان باشی
دیدیله دینمیون دله او مرغ نغمه خوان گلوب

دل آچدی بلبل بلا حزین حزین گلوب دله
او صورت مبارکین قانین کولین سیله سیله
صفا گتورموسن دیدی محقرانه منزله
بویور گوروم یانونجا بیر نفر ده جان آلان گلوب

چکردیم انتظاریوی مریضیدیم گیچن گجه
نیازمندیدوم سنه نه یاخشی قالموسان گجه
چکیدی زحمتیم فقط بیبیم توان حدّیجه
که هرزمان سوزوم اولوب بیر عمه مه گمان گلوب

((امینی))سن رقیه نین تاپوبسان آستانه سین
طبیبهءزمانه سین صفالی داروخانه سین
دیار شامده آچوب مطب عارفانه سین
غم و ملالیلن گیدن گلنده شادمان گلوب

• پنج شنبه
• 21
• مرداد
• 1400
• ساعت
• 19:48
• نوشته شده توسط
• یوسف اکبری

دیللرده فغان ناله لر افلاکه اوجالمش
هیچ بللی اولونمور نه لر افلاکه اوجالمش
بیر قز که غم و غصه فراوانیدور اوندا
ویرانه ده غمدن اورگی قانیدور اوندا
گل صورتی نیلی دی ولی قوللاری یاره
دردین دوروب اظهار ایلسین زینب زاره
اود قلبِ هامی مردم دورانه سالبدور
غم شعله سینی عالم امکانه سالبدور
سویلوبدی اجل تیرینه اولام هدف عمه
گلمور نیه دیداریمه شاه نجف عمه
بیردن که دوروب زینب مظلومه دایاندی
بیر سوز که دیمشدی او مریضه اونی قاندی
هردن که دیردی بابا فریادیمه تز گل
گل هارداسان ای شاه نجف دادیمه تز گل
ایتمشدی علی آدینی دلده اودا ازبر
ایلوردی مرور اول آدی فرزند پیمبر
اطفال پریشانه که بیردن خبر اولدی
ایوای ددیلر گل ایویمیز دربدر اولدی
زینب ددی ایوای منه الله بالام الدی
بیر قالدی امیدیم سنه الله بالام الدی
گیتدی بو رقیم من بی زارین الیندن
قورتار منی ده باری بو اشرارین الیندن
امداد ایله ای خالق سبحان من زاره
قوی باری رقیمله گیدوم منده مزاره
ای باد صبا سن شرف الناسه خبر ور
سقای حرم حضرت عباسه خبر ور
دینن گل ابوالفضل سنون یارین الوبدور
ویرانه ده بو سوگلی دلدارون الوبدور
آغوشینه آلدی گل گلزارینی زینب
دیللندیره اوز دلبر دلدارینی زینب
سولقون یوزونه باخدی یانیب آغلادی زینب
اوز سینهٔ پر دردین آچیب داغلادی زینب
دوتدی یوزینی شامدن اول کرب و بلایه
سسلوردی علی اکبری عباسی هرایه
سسلوردی گلین دلبر و دلبازیم الوبدی
اصغر باجی سی خرداجا سربازیم الوبدی
از بس که یانیب آغلادی دوندی دلی قانه
ویرانه نین اهلینده گتورمیشدی فغانه
یارب بو "امینی" گلور ناله و داده
دردین سنه اظهار ایلیوب با دل ساده

• یکشنبه
• 24
• مرداد
• 1400
• ساعت
• 13:38
• نوشته شده توسط
• یوسف اکبری