اشعار حضرت رقیه(س)

لجه ی طبعیم گئنه موج آختارور
سیره چیخوب معنیِ اوج آختارور

عشق مجازی نی چوله آتمیشام
چوخ گئجه لر فکریده من یاتمیشام

عشق نئدور کیم بونو تفسیر ائدوب
هانسی لاری عشق یولوننان گئدوب

گئلدی بو سؤز قلبی عبث داغلاما
بو گذرا عالمه بئل باغلاما

آختاروسان عشقی اگر عاشق اول
عهدیوه پیمانیوه سن صادق اول

کرببلا دفترینه قیل نظر
عشق خطیلن یازیلوب صفحه لر

باشدا یازوب بسم بـِـرَّب الحُسین
عشق فقط معنیِ حـُـب الحُسین

عشقی دئمه لیلی و مجنون بیلر
شاه حظورینده بولار کیمدی لر

قانلا حسین مطلبی تحریر ائدوب
حقّی دوتوب باطلی تکفیر ائدوب

شیعه اگر عاشق مستانه سن
دقّت ائله آیه قرآنه سن

عشق گوزویلن اوخی هر سوره نی
واقعه و تین و یا جمعه نی

آلتی مین آیه ،هره سی بیر یارا
جانینه نقش ائتدی حسین، حفظ اولا

علت اودور جانیدی قرآن دینه
عاشق اولان عالم اولار رمزینه

قرآنی عشق ایلسه معنا حسین
نقطه به نقطه یازیلوب یا حسین

وئردی حسین اوز قیزینا درسی تا
شیر بجرده ائده محشر بپا

اوز قیزی قرآن یاراسین حفظ ائدوب
شأن و مقامِ آتاسین حفظ ائدوب

اوچ ایلین عرضینده ئورک قان اولوب
عارف دین حافظ قرآن اولوب

اولدی هر عاشق تک اسیر حسین
منتقم و یار و سفیر حسین

نهضت زینب ده اولوب نقشی چوخ
سوزلری الله سوزودی، شکّ یوخ

ئورگدوب عالمده رقیه بیزه
شیعه اودور راه بلاده دؤزه

اوچ یاشی وار سانما اوشاقدی بو قیز
مکتب اسلامه دایاقدی بو قیز

فلسفه و عشق و خطردن دییر
نطقینه مین مجتهد احسن دییر

گوزلری زهرا گؤزونه بنزیور
حربه سی حیدر سؤزونه بنزیور

قدرتی زینبدن آلیبدور ،تانی
شاه دامارینده وار ابالفضل قانی

یعنی رقیه گِل احساس اولار
غیرتی ده غیرت عباس اولار

باغلانوب عشق عالمی ده قول قولا
زینبیلن دوشدی رقیه یولا

زینب و زهرایِ سه ساله اولا
امر محالیدی که دشمن قالا

خصمه غرض سالدی رقیه خانم
کوفه نی ده آلدی رقیه خانم

بیرده یایوب عالمه ثاراللهّی
سوزلری تیترتدی عـُـبیداللهّی

ائتدی خطاب ای آناسی نابـِکار
روبـَـهه آهو اولا بیلمز شکار

راحت اولوب چوخ ائلمه فکر خام
گلمیشم عمّه م له آلام انتقام

ظلمیله قان ایچمگه بی باک سوز
نطفه ده واضح دی کی ناپاک سوز

سویله اگر وارسا آتاندان بیر آد
هامّی بیلور سن سن او ابن زیاد

من بابامین یئرده کی شمشیریم
دخت حسینم علوی شیریم

من دیلیَم اکبریله قاسمون
شعله سیم شمع بنی هاشمون

جهد و تلاشیم شرف دینه دی
آنلا رقیه نئدی قورخو نئدی

گر ایاقیم ردّ اولا خار اوستونه
قمچی دگه بی کس و زار اوستونه

من بابامین یاره سیم سؤنمرم
اوز هدفیمدن ده ئولم دونمرم

چکدی فلک ظلمیله شامه اونی
گئتدی گئنه عشقی قیامه اونی

خارجی اولدی نظر عامیده
یوخ دئدی عیبی آلارام شامیده

شهریده ویرانه نشین اولدولار
قاره بولوت تک غمیلن دولدولار

بیر گئجه کی ظلمیدی ظلمت ایزی
گئلدی جلالیه یزیدون قیزی

ایستدی تحقیر ائده شاه اولدوزون
نقشه بر عکس اولدی ایتیردی اوزون

دوردی ایاقه او شمیم وصال
تاپدی رقیه گئنه بیر شور و حال

رخصتی زینبدن آلوب باشلادی
نطقیله شیطان قیزینی داشلادی

سسلدی فخریله رقیه منم
واهمه ی آل امیه منم

زینب و سجاد عزیزیم منیم
حور و ملکلردی کنیزیم منیم

من گرک ایثاریمه فخر ایلییم
زینبه تای یاریمه فخر ایلییم

واردی حسینیم کیمی شاهیم منیم
جلوه ی عباسیدی ماهیم منیم

حضرت زهرادی منیم مادریم
جان منه سسلردی علی اکبریم

معاویه ده حیدره تعظیم ائدوب
جنگیده اوز جانینی تسلیم ائدوب

سن که آتون گونده قمار ایلییور
مست گزوب عقلی خمار ایلییور

سن که آتون حیوانا وار اُلفتی
رتبه ی حیواندی ائله حرمتی

اللها کفران ائلیور هر زمان
جوریله طغیان ائلیور هر زمان

عین نجاستدی یزیدون اوزی
فخر ائلمز بـِیله شقی نون قیزی

شاه قیزی،والا نسبم ای پلید
شرمیدن ئول سن که آتوندی یزید

• سه شنبه
• 3
• فروردین
• 1400
• ساعت
• 17:16
• نوشته شده توسط
• یوسف اکبری

جان یارالی جان یارالی

جان بو کسیلمیش باشا قربان یارالی

آچگوزووی_قارداش حسین

حسرتیله ویردی قیزون جان یارالی

هجرانون ایتدی قلبین یاره

اولمادی دردینه بیر چاره

یوخ کیمسه دفن ایدن بو طفلی

گور نجه قالمیشام آواره

اولمادی بیر گونی محن سیز

جان ویردی سویگولون وطن سیز

بو غصّه قلبیمی یاندیرور

نیلرم قالسا گر کفن سیز

آی یارالی آی یارالی

یانّنام اورکدن دیرم وای یارالی

نیسگله باخ_ئولدی بالام

قارداش، آنام فاطمیه تای یارالی

تاراجه گیتدی صبریم سدّی

زهرا تک غمینون یوخ حدّی

قوللاری قمچیلردن یاره

یوزونده واردی سیلی ردّی

قالمیش بو بالالار بیر حاله

اطرافین آلوب ایلور ناله

توپراقلار اوسته خردا نعشی

غسل ایتمور بالاما غسّاله

• چهارشنبه
• 1
• اردیبهشت
• 1400
• ساعت
• 13:26
• نوشته شده توسط
• یوسف اکبری

لای لای ای قارداشیمون نازلی گوزل لاله سی لایلای
لای لای ای عرشه چیخان وای بابا وای ناله سی لایلای
گوزلیم گوزلره قربان
اوشیرین سوزلره قربان

سنی عمون جانی آچ گوزلریوی گل دیله باری
دیله گل دیللره قربان منی دیندیر سنی تاری
قویما آغلاربالا هجرونده من بیکس ویاری
منی دلخون ایلیوبدور ایاقون یاره سی لایلای

اوچ یاشیندا غم ومحنتدن عجب عالمی آتدون
لیل ظلمانیده نجمیم گونیله وصلته چاتدون
یاتما دور عمه لرون ناله سینی عرشه اوجالتدون
چکیلن آی کیمی گول صورته غم هاله سی لایلای

آلوب اطرافیوی آغلار هامی قیزلار بالا نالان
سارالان گول یوزه قربان اسرا ایلوری افغان
سینمه بیرده گل عمّون اولا گل پیکره قربان
ای دوشن باشینه اوچ سنیده غم سایه سی لایلای

حسرتیله گیجه یاری باباوون باشینه باخدون
وصلته چاتماقیچون اولدوزوم آخر نه تیز آخدون
تیر هجران بلانی بالا بو سینمه تاخدون
غم الیندن کسیلن عمه سینون چاره سی لایلای

اویان ای قارداشیمون گوزلرینه گوزلری بنذز
گور فراقون نجه برپا ایلیوب غصه لی مَنظر
گیدورم دشت بلایه گوزون آچ سویگول مُنذَر
بیر گون عمّونده اولار قبریوین همسایه سی لایلای

تیز دونن فصل خزانه بو جهان ایچره بهاری
یوللانور قافله میز کرببلا دشتینه ساری
دور اقلا یولا سال غملی بالا غملی قطاری
یازدی (جائد)آدیوی قافله پیرایه سی لایلای
گوزلیم گوزلره قربان
اوشیرین سوزلره قربان

• یکشنبه
• 19
• اردیبهشت
• 1400
• ساعت
• 18:51
• نوشته شده توسط
• یوسف اکبری

ای منیم نازلی قیز بالام لای
دورگینان یوما گوز بالام لای
یاتما بو توپراقلارین اوسته
گوزلریوی آچ ئوز بالام لای

آچ گوزون ای عمه سینی درده سالان
صبحه چان قانلی باش سینه سینده یاتان
بالام لای لای گولوم لای لای (2)

بیر گئجه آغلادی رقیه
قلبیلر داغلادی رقیه
هی دئدی هاردادی بابام بس
چاره نی باغلادی رقیه

سسلدی هارداسان یتیش داده بابا
سالگینان سن رقیه نی یاده بابا
بالام لای لای گولوم لای لای(2)

گه دیردی هارداسان اکبر
گلگینن ای عزیز خواهر
وئردولار دیل یاراسی دشمن
ائتدیلر گللریزی پرپر

سن گئلن دردلری حکایت ائلرم
بونلاری عباسه شکایت ائلرم
بالای لای لای گولوم لای لای(2)

دوشموشم تای توشلار گوزوندن
سیلیلر دیدی چوخ ئوزومدن
ائتدیلر چوخ شماتت هر گون
سالدیلار عاقبت دوزومدن
من دئدیم اکبر الده گوشواره گلر
سالماقا باشه معجره قاره گلر
بالام لای لای گولوم لای لای(2)

قورتاریبدی دوری و هجران
بیر طبقده گلدی او مهمان
عاشقین معشوقه سی گلدی
قلب عاشق اولدی ولی قان
سسلدی عمه گوزیاشی کیم سیلجک؟
قانلی باش بیلمدیم طبقده گلجک
بالام لای لای گولوم لای لای(2)

آغلادی گوزیاشین سوزولدی
باجیلار دورینه دوزولدی
اوندا که سن یئره دوشنده
گلدی سس دای رقیه م اولدی

گوردولر ئولدورور آناسی ئوزونی
اوخشیور اللرده ئولن ئوز قیزینی
بالام لای لای گولوم لای لای(2)

اول باشی آلدی تئز قوجاقه
بوسه وئردی قانلی دوداقه
جان وئروب دوشدی توپراق اوسته
جان فدا ایلدی قوناقه

عمه سی عرض ائدوب سنه نولدی بالام
دیل سوزون فاش ائلمدی ئولدی بالام
بالام لای لای گولوم لای لای (2)

• سه شنبه
• 12
• مرداد
• 1400
• ساعت
• 13:59
• نوشته شده توسط
• یوسف اکبری

رقیم ای خراب اولان زمانه دن دویان بالام
مثال خسته بلبل آشیانه دن دویان بالام
او درّ سن که بسلدیم یامان گونومدن اوتری من
گیدورسن ایندی بس ندن خزانه دن دویان بالام

رقیم ای وفای روزگاریدن کوسَن بالام
بلالی زینب عمه سیندن الفتین کَسن بالام
دیلون قاداسین آلّام ای رقیه دیل دی بیر دانش
نوالی عمه ن ایلر آه و ناله دیمه سن بالام

رقیم ای سولان یوزی دوتولموش آیه تای بالام
ننه ن بتول تک یوزون اولوبدی نیلی آی بالام
یامان گونومدور آچ گوزون باخ عمه وین وجودینه
قولوندا قمچی یرلرین اوزون دوباره سای بالام

رقیم عادت ایتمه چوخ خرابه نین بوجاقینه
محبت ایله گَل بو زینب عمه وین قوجاقینه
او قدر یول گوزتلیوب فراق چکمیسن بابان
گلور قیزیم دور ایندی پیشوازه چیخ قباقینه

رقیم ای وجودینه کفن تاپولمیان بالام
جنازه سین مزاره دفن ایدن تاپولمیان بالام
جفای روزگاریدن الونجه روحی اینجیَن
النده یاسینه گلوب گیدن تاپولمیان بالام

رقیم ای قولوندا ریسمانی جان وِرَن بالام
غم و ملالی آغلادان جهانی جان ورن بالام
آز عمری چوخ بلا چَکن فراق آشنا چکن
گورن کیمی خرابه ده آتانی جان ورن بالام

• جمعه
• 22
• مرداد
• 1400
• ساعت
• 17:52
• نوشته شده توسط
• یوسف اکبری

ای عمّه دلده ویروب مِهرِ یاره گیزلت دیم
دُرِ مَحبّتی سالدیم حِصاره گیزلت دیم

گلِ اُمید و وِصالی درونِ سینم ده
وِیروب سو اَشگیله عشقِ نگاره گیزلت دیم

و لیک جورِ زَمانه جفائیله عمّه
گلِ اُمیدیمی توش ایتدی خاره گیزلت دیم

سِپهرِ عزّتیمون ایتدی مِهر و ماهی غُروب
گوزوم ده دوندی گونوم لیلِ تاره گیزلت دیم

یارالی قلبی مه هر قَدر ووردی دستِ جَفا
خَدنگِ مُحنتی له تازه یاره گیزلت دیم

قانادی باغلی قوشا دام ده مَثَل اولدوم
نوا و نالمی مثلِ هَزاره گیزلت دیم

بو مدّتی نقّدر آخدی گوز یاشیم گوزدن
گوگلده مین ایله غمدن شَراره گیزلت دیم

اورکده غم لریمی ساخلادیم سنه دی مدیم
دِئدیم دِیسم غمون آرتار دوباره گیزلت دیم

بو توزلی زلفمی ایتدیم نقّاب گورمی سن
یوزوم ده سیلی یرین آشکاره گیزلت دیم

یارالی صِید کیمی اوُچی قورخوسوندان من
سالوب سیزلتی می قلبِ فِکاره گیزلت دیم

نه چکدیم آجلیق اَلیندن خدا بولور عمّه
تحمّل اِیتدیم او دردِ کُباره گیزلت دیم

دیین ده دردیمی من زیرِ لب صبا یِلی نه
آنام رباب ایدنده نظاره گیزلت دیم

یتیم لیق آجلیق اسیرلیق غریب لیق غمینی
نه بولدی گون نه آی نه ستاره گیزلت دیم

سیزلدادیق جا ایاقیم ده خار، یاره لری
اوجاتمادیم سسیمی اِنتصاره گیزلت دیم

بیلک لریمده دو شاخه جَراحَتین سیزدن
الیمی قوینوما قویدوم هَماره گیزلت دیم

دِیردیم اوُز اوُزومه اکبریم گلر آخر
آلار دوباره منه گُوشواره گیزلت دیم

بو شامده اورگیم دوندی قانه صبر ایلدیم
رضایِ حقّدن اوُتور اِنزجاره گیزلت دیم

گلر دئدیم اوُرگون درده، ساخلیوب دلده
سوروش مادیم هانی بس شیر خواره گیزلت دیم

گویون ستاره لری ندن چوخ عمّه جان مُطلق
یانان اورکده غمِ گاهواره گیزلت دیم

نه چَکدیم عمّه او دردی گیدنده قول باغلی
سنیله مجلسِ شُرب و قُماره، گیزلت دیم

امان یزیدین الیندن که داغی داغ اوُسته
چکوب نجه بو دلِ داغ داره گیزلت دیم

یارالی باشی نا ایتدی نه ظلم لر بابامون
او حالی سالدی منی آه و زاره گیزلت دیم

نه حاله قالدیم او احوالی غیظیله بیردن
اَلین آتاندا او بی دین فَناره گیزلت دیم

نجه یانوب اورگیم بر مَلا او یانماقیمی
آغاج ووراندا لبِ زَخمداره گیزلت دیم

گوگل ده داغدان آغیر نسگلین غریب آتامون
یانان اوُرک ده آپارّام مَزاره گیزلت دیم

وورولدی ریشهء نخلِ حیاتی مه تیشه
یتیشدی صدمه بُنِ اِختیاره گیزلت دیم

دور ایمدی جان وِیرورم گور تدارکُون بُول دوم
مَکان خرابه دی بو غَم دُچاره گیزلت دیم

خانم شَمادت اوُدوندا منِ (شعاع) یاندیم
سالانمادیم اونی دلدن کَناره گیزلت دیم

منیم ده باغریمی قان اِیتدی طَعنهء اَغیار
ولی پناه آپاروب اِصطباره گیزلت دیم

دئدیم سیزه توخونار دردیمی دیسم دئمیوب
بو غربت ئولکَه ده هر بی وِقاره گیزلت دیم

توجّه اِیله عَلاج اِئت او دَرده کی بولوسن
آچیق دینمه دیم ایتدیم اشاره گیزلت دیم

• شنبه
• 20
• شهریور
• 1400
• ساعت
• 16:03
• نوشته شده توسط
• یوسف اکبری

بیر گیجه ویرانیه گلسن اگر مهمان بابا
مقدمونده جانیمی قیلاّم سنه قربان بابا
.
.
ایلیوبسن ماه برج عزّتیم هاردا افول؟
گوزلرون قربانی واربیرخواهشیم ایله قبول
بیر گیجه ویرانسرایه ایله اجلال نزول
گر دگل ویرانه منزل، لایق سلطان بابا
.
.
آیریلیقدان اولمک آساندی قسم اوزجانیمه
قوی منه منّت بابا ویرانه ده گل یانیمه
اللّرون چک باشیمه باخ دیدة گریانیمه
گل، منی درد فراقون ایلیوب نالان بابا
.
.
رخت آلامی سرشک چشمیله ایسلاتمشام
گوشۀ ویرانه ده توپراقلاراوسته یاتمشام
بیرسنون عشقونده دنیانی گوزومدن آتمشام
سنسیزاولموش منزلیم بو گوشۀ ویران بابا
.
.
سن گیدن گوندن بابا سالموش منی گوزدن فلک
ایلیوب آواره سالموش باشیمه

• چهارشنبه
• 10
• مهر
• 1398
• ساعت
• 11:59
• نوشته شده توسط
• ابوالفضل عابدی پور

حضرت رقیه سلام الله علیها

شمس برج ابتلایم سینم آتشخانه دی

مسکنیم ویرانه اما منصبیم شاهانه دی

*****

شامیده آفاقه چاتدیردیم فغان و دادیمی

بسله دیم من اعتلای نهضته هر زادیمی

چون ئوزوم درداَهلیَم درداهلی سسلرآدیمی

دردمنده مرقدیم واللهی داروخانه دی

*****

من نگین حلقۀ خیرالورایم شکّی یوخ

دختر دُردانه شاه ولایم شکّی یوخ

زینب عمّم تک ئوزوم دردآشنایم شکّی یوخ

خواهر سجّادی سانما دردیلن بیگانه دی

*****

اوچ امامین محضریندن فیض آلان صاحب دمم

قارداشیم اکبر کیمی من هاشمی بیر ضیغمم

من عموم عباس تک مشکل گشای عالمم

شمع خوش سوزِ غمم عباسعموم پروانه دی

*****

من سفیر خردسال دولت عشقم بیلون

با ن

• شنبه
• 22
• مهر
• 1396
• ساعت
• 07:18
• نوشته شده توسط
• علی ببیرپور

آی منیم نازلی بالام
گوزلری اعجازلی بالام
منه دی سوزلروی
ای اورگی رازلی بالام

سن رقیه گوزومون نوری گل حیدری سن
سن حسینون گوزلیم فاطمه تک کوثری سن

سنه جانلارفدا
آغلاما یات بالا
یارقیه۲

سن منه سویگولی سن
باغ زهرا گولی سن
گلشن عشقیمیزین
نغمه خوان بلبلی سن

عالمه شعبانون اون یدی سی آچدون گوزوی
غنچه لبلرون آچ سویله ربابه سوزوی

منه شعرو غزل
مهر و مهدن گوزل
یارقیه۲

سن وفا اولدوزی سان
سن حسینون قیزی سان
سفرۀ معرفتین
دادی سان سن دوزی سان

زینب عمّون کیمی اولدون کی یم حجب و حیا
حضرت فاطمه نین بنذری سن کان وفا

ای گل مه لقا
آیت کبریا
یارقیه

• سه شنبه
• 3
• اردیبهشت
• 1398
• ساعت
• 11:35
• نوشته شده توسط
• ابوالفضل عابدی پور

هفده ماه شعبان گلدی بودنیایه
واراوخانیم قیزکی چوخ اوخشاری زهرایه
فخریدی حورایه/عالم بالایه

گوی اهلی دوتوبدی بوگجه جشن ولادت
ایلوله رقیه خانما عرض ارادت

رتبه سی برتردی/دخت پیمبردی
بوگونه بنذرقیز/خواهراکبردی

واردی بوگون دللرده مدحت رقیه
عالمی گلشن ایلوب حضرت رقیه

قنداقین علی اکبرآلدی قوجاقینه
ویردی شوقیله بوسه غنچه دوداقینه
لاله یایاقینه/غنچه دوداقینه

شکرایلدی حقه سولدی باشدا تاجیمدی
ویرمم توکونی عالمه ایستکلی باجیمدی

شان ووقاریمدی/لاله عذاریمدی
فخرومباحات/ایل وتباریمدی

واردی بوگون دللرده مدحت رقیه
عالمی ایدوب گلشن حضرت رقیه

• سه شنبه
• 3
• اردیبهشت
• 1398
• ساعت
• 11:37
• نوشته شده توسط
• ابوالفضل عابدی پور

ای عمّه مگر روضۀ رضواندی خرابه
عشق اهلینه یا محضر جاناندی خرابه

مدّتدی گوزوم یاشنه ویرمشدیم اجازه
عمّه منی چکسون بیله بیر مجلس رازه
یتدیم نه یاخین وقته او مقصود درازه
صد شکر که مقصود دل و جاندی خرابه

ایلوب ایله بیر جلوه شعاع رخ جانان
بو جمع پریشانی قویوب واله و حیران
بیر روضۀ رضواندی بو منزلگه ویران
یا جلوه گه موسی عمراندی خرابه

هرگز دیمرم عمّه بو یر عرش خدادور
وبرانه دی امّا حرم اهل وفا دور
زمزم کیمی گوز یاشی آخور بیت صفادور
اهل دله بیر کعبۀ رحماندی خرابه

بیر یاندا سولوب گل کیمی رنگ رخ سجّاد
بیر یاندا چکور خوردا اوشاقلار هامی فریاد
گل یوزلیلر ایلوب ایله ویرانه نی آباد
گویا گورونور طُرفه گ

• شنبه
• 23
• شهریور
• 1398
• ساعت
• 13:20
• نوشته شده توسط
• سیده زینب فیض

حضرت رقیه سلام الله علیها

یا فاطمه مظلوم بالوون آدینه قربان

غمندن اوجالان ناله و فریادینه قربان

زینب کیمی درس ئورگئدن استادینه قربان

باشلاندی عزاسی قیزون ، قلبیلر اسدی

بو نام مقدس بیزیچون تازه نفسدی

شاهِ شهدایه بو خانم روح و رواندی

بو نام مقدس بیزه سرچشمۀ جاندی

کیم دوتسا رقیه اتگین اهل جناندی

بو شاه ولانون قیزیدی اهل سخادی

سایللری قیترمز آدی باب رجادی

مستغرق اولوب گرچی بو قیز بحر بلاده

زینتلی آدی نقش اولونوب یئدی سماده

حاتملری مبهوت ائلیوب جود و سخاده

زهرا مثلی قلۀ همتدی دوروبدی

غیرتله شرافت علمین شامه وئروبدی

کیمدور بو خانم شامه گلوب لرزه سالوبدی

عالملرن اونون سایه سینه دالدا

• شنبه
• 22
• مهر
• 1396
• ساعت
• 07:21
• نوشته شده توسط
• علی ببیرپور

حضرت رقیه سلام الله علیها

احوالات خرابه

فغان او وقته خانم زینبه ویریلدی خبر

گلور خرابیه راس شهید تشنه جگر

دیدی رقیه دیوللر شه حجاز گلور

ایاقه دور آتاوی ایله پیشواز گلور

دوروب ایاقه یریندن قاچوب صول و صاقه

خرابه نین قاپوسیندا دوشنده تپراقه

دیدی که ایمدی ایده بولمرم ایدم اعزاز

ایاقی آلتدا ایدیم قوی یوزیمی پای انداز

کَسَلَّه رسمیدی قربان عزیز مهمانه

گلور منیمده گمانیم بو ناتوان جانه

بسان سایه سالوب عکس گوزیاشی اوسته

گوزون آچاندا گوروب گون گلوب باشی اوسته

ایدوب خرابه نی روشن سر امام شهید

طلوع ایدوب گجه وقتی خرابه ده خورشید

جمالی طشت طلا ایچره آفتاب کیمی

یوزونی قان بورویوب سرخیِ سح

• شنبه
• 22
• مهر
• 1396
• ساعت
• 07:31
• نوشته شده توسط
• علی ببیرپور

رقیه ای قوری یرده ئولن بالام لای لای
یانان اوره گینی غملر بؤلن بالام لای لای

قابار ایاقلاریوا باغریقان بی بین قربان
بیلکلرین بوغازین ایپ کسن بالام لای لای

دیارکرب وبلادن طعامه حسرت اولان
منی قوجالدوب آجیندان ئولن بالام لای لای

گولنده شامون اوشاقلاری کهنه کوینگینه
قانادیم آتدا قاچیب گیزلنن بالام لای لای

خرابه نون قاپیسیندا باخوب گلوب گیدنه
قولویلا گوز یاشین اوزدن سیلن بالام لای لای

گونون باتان چاقی هرگون گوزی قالان قاپیدا
صفالی ائللرینی گوزلوین بالام لای لای

علیّ اکبر آدین تپراق اوسته بارماقیلا
یازوب سورا اونی‌تیز تیز اؤپن بالام لای لای

علیّ اصغره اوچ شعبه اوخ دگن گوندن
نه شاد اولوب نه د

• شنبه
• 23
• شهریور
• 1398
• ساعت
• 13:35
• نوشته شده توسط
• سیده زینب فیض

اهل دنیایه رقیه عشقین اعلان ایلدی
کاخ ظلمی تیشۀ آهیله ویران ایلدی

تا مقیم اولدی دیار شامیده گل پیکری
گوشۀ ویرانه نی رشگ گلستان ایلدی

خانه خانه گزدی شطرنج محبت قلعه سین
عشقیده شاهی گدانی مات و حیران ایلدی

مکتب توحیده تبدیل ائتدی اول ویرانه نی
شامیده تبلیغ دین احیای قرآن ایلدی

بیر نئچه گونده صفالاندیردی بو جنت گلی
گلخن ویرانه نی گلزار رضوان ایلدی

زمزم اشکیله آرتیردی صفا ویرانیه
کعبۀ ارباب عشق و اهل ایمان ایلدی

سالک کوی محبت ائتدی هو حق ذ کرینی
اول خرابه منزلی بیر بزم عرفان ایلدی

آیه آیه مصحف عشق و وفانین سوره سین
بیر به بیر عاشق لره تفسیر و اعلان ایلدی

دوزدی زنجیر اسارتدن شکایت ائتمدی
هر

• شنبه
• 23
• شهریور
• 1398
• ساعت
• 13:39
• نوشته شده توسط
• سیده زینب فیض

ستاره زینب ماه اکبر آمده
برحسین زهرا یار و دلبر آمده

گل زیبا ، دختر مولا ،لالۀ جنت خوش آمدی
به جهان ای مهر دلآرا، مایۀ رحمت خوش آمدی

روح وروانم خوش آمدی
رقیه جانم خوش آمدی

عالم شده روشن از روی نکوی تو
برادرت اکبر دلبسته بو موی تو

گل بابا، چشم و چراغ حضرت زهرا خوش آمدی
دل زینب از تو خرامان، دلبر سقا خوش آمدی

روح وروانم خوش آمدی
رقیه جانم خوش آمدی

یوللارا سپون گل اهل عشقه جان گلور
زهرای سه ساله جان عاشقان گلور

یوزی زمزم ،گوزیاشی شبنم ،مروه صفادن صفالیدی
گوزی قاره ،غملره چاره، بو علی اکبر مارالیدی

شمع شبستان رقیه جان
آدوه قربان رقیه جان

شهپر ملائیک اولدی گاهواره سی
یالوارور ستاره اولسون

• سه شنبه
• 3
• اردیبهشت
• 1398
• ساعت
• 11:38
• نوشته شده توسط
• ابوالفضل عابدی پور

لطف حق شامل اولوبدی یر یوری گلشن اولوبدی
کربلا شاهی حسینون دیده سی روشن اولوبدی
حق حسینه پای وئریبدی
بیرایشیقلی آی وئریبدی
حضرت زهرایه بنزر
آناسینا تای وئریبدی
یارقیه جان مدد

لعل تک لبلری زیبا صورتی آی تک دل آرا
خلقا وخلقا گوزلدی گوئیا حضرت زهرا
مظهر زهرا گلیبدی
هستی مولا گلیبدی
نوه ی ساقی کوثر
گوهر زیبا گلیبدی
یارقیه جان مدد

ای ربابین نورعینی ای گوزل آدی رقیه
ایسته حقدن محو اولا تا یکسره آل امیه
شیعه لر چاتسینلا کامه
دیل نولار یتسون مرامه
روزمیلادیندا یکسر
گل سپاخ بیز شهر شامه
یارقیه جان مدد

قسمتیم اولسا مزارین گرده راهیله بوروننم
گوزلریم گورسه اوقبری یوز قویوب یرده سوروننم
قبریوین چوخدورص

• سه شنبه
• 3
• اردیبهشت
• 1398
• ساعت
• 11:39
• نوشته شده توسط
• ابوالفضل عابدی پور

من حسینه روح و جانم افتخار بو ترابم

نجم عرش احتجابم جان نثار آفتابم

اکبرون گوزل نگاری نور دیده ربابم

نازیمی چکردی اکبر عزتیمه فخر ائدردیم

غم ندی مگر بیلردیم شوکتیمه فخر ائدردیم

من همان قیزام ملک لر گاهواره می ئوپردی

باخماقا بو دلفکاره عرشیدن یره گلردی

بس نیه بو حاله قالدیم کیم بو محنته دوزردی

باشیمه توکوب فلک کول ایللریم گئدوب الیمدن

بیر اوخیلا آلتی آیلیق اصغریم گئدوب الیمدن

وار ایاقیمون یاراسی قاچماقا یوخومدی طاقت

باری آیدا یوخدی گویده باغریمی یاروبدی ظلمت

راضیم ئولم بو چولده مرگیدن یوخومدی وحشت

اوچی قضا الینده پر شکسته بیر شکارم

آرزومدی وصل دلبر یوخ الیمده آیری چارم

• سه شنبه
• 13
• آبان
• 1399
• ساعت
• 20:50
• نوشته شده توسط
• یوسف اکبری

کیمدی رقیّه؟ مَهِ تابنده دی
عاشق و جوینده و یابنده دی

سویگولودی کرب و بلا شاهینه
عشقیله چون سینه سی آکنده دی

دلده وئروب یِر آتانون عشقینه
مین غزل عشقه سُرایَنده دی

گرچه اوچ‌ایل عمْر ائلیوبدور ولی
خدمتی شایسته وُ ارزنده دی

قبلهٔ حاجتدی گوزل مَرقَدی
درگهینه شاه و گدا بنده دی

روشن ائدوب عالَمه بو مطلبی
آلِ علی دشمنی شرمنده دی

بو خانمین منزلتین ردّ ائدن
هر ایکی دنیاده سرافکنده دی

گنبدینون پرچمی اعلان ائدور
کرب وبلا مکتبی پاینده دی

باتدی یزیدین آدی شاماتیده
نام حسین بن علی زنده دی

• شنبه
• 24
• آبان
• 1399
• ساعت
• 19:42
• نوشته شده توسط
• یوسف اکبری

ایلیوب دهری جنان
دخت شه هفت آسمان
قویدی دنیایه قدم
چون عمه صاحب زمان

شهر یثرب دوندی طوره
مولا حسینون خانه سی غرق اولدی نوره

مایلم بس که سروره
ساقی منی دعوت ایدور جام طهوره

عالمه قویوب قدم
عزیزه حسین
دخترملک خدم
عزیزه حسین

عالمی روشن ایلیوب
شرف عالمین

جان خانیم رقیه جان
خانیم رقیه جان...

مشعل کاشانه دی
شمع حقه پروانه دی
حشراولونجا اهل عالم
شقینه ديوانه دی

اهل عشقه دلربادی
ورد زباندی عالمه اول گویچگ آدی

افتخارنه سمادی
بند دل شاه شهید کربلادی

کعبه ی شرافتین
خانیم حاجیسیدی
اکبرین بو نازنین
گوزل باجیسیدی

فاطمیه بنذری وار
آدینا جان فدا

جان خانیم رقیه جان
خانیم رقیه جان...

سویگولودی اکبره

• چهارشنبه
• 4
• اردیبهشت
• 1398
• ساعت
• 11:36
• نوشته شده توسط
• ابوالفضل عابدی پور

بیر بالا عمه من کیمی
دردیله سازش ایلمز
دردیم اودی بو شامیده
بیر گجه کاهش ایلمز
.
.
تا یوزومه فلک منیم
باب امیدی باغلادی
پوزدی ایله جلالیمی
حالیمه دشمن آغلادی
شعلۀ نار هجریله
یاره لی قلبی داغلادی
دلده بو سوز داغ تک
هیچ یارا سوزش ایلمز
.
.
بیر قزین الدن عمه جان
گیتسه آتاسی قارداشی
قانه سزادی من کیمی
دونسه گوزونده گوز یاشی
بختی قرا اولوب دوشر
چوخلی بلالره باشی
بیر ده محبتین گونی
فرقته تابش ایلمز
.
.
آیریلرب ائل قبیله دن
من که آرالی اولموشام
خرداجا سنّیله بیله
باشی بلالی اولموشام
من بولورم آتام ئولوب
یاسلی عزالی اولموشان
گیزلدور عمداً عمه لر
شرحی گزارش ایلمز
.
.
باطن شخص ظاهره
رسمیدی امتحان ویرور

• دوشنبه
• 28
• مرداد
• 1398
• ساعت
• 15:27
• نوشته شده توسط
• ابوالفضل عابدی پور

رقیه ای تو جوهر جلالت و جلالها
رقیه ای تو اکمل کمال هر کمالها
.
تو شاهباز قاف دل که پر زدی به اوج جان
مگر رسد به اوج تو ز پر زدن خیالها
.
مگر که پیک حق کند به سحر خود مدد مرا
نگارم از تو شمّه ای خلاصه ی خصالها
.
ز همت بلند تو به آزمون تشنه گی
خدایرا که تشنه شد به لعل تو زلالها
.
جلالت علی و هم وقار فاطمی مگر
بود ز شان و هیبت تو در جهان مثالها
.
به حیرتم سه ساله ات چگونه من بخوانمت
که پیر دهر را بود غم تو از محالها
.
تو آنکه درد را ز پا فکندی از صبوریت
که سر فرو بیاورد به پیش تو جبالها
.
چه غم ترا که عاقبت به شامگاه وصل یار
شکسته گر بلور جان به سنگ غم ملالها
.
تو عاشقی که سر ز پا ندانی از وصال

• پنج شنبه
• 28
• شهریور
• 1398
• ساعت
• 09:43
• نوشته شده توسط
• TzwSVsOw

ای غملره مأنوس اولان لایلای رقیّه
اکبر فراقینده سولان لایلای رقیّه
آرام جانیم روح روانیم
زهرایه بنزر شیرین زبانیم
.
.
باش اولدی بو نسگیل منه هر نسگیلوندن
پاک ائتمدیم غملر توزون قاره تئلوندن
الله بیلور من دویمادیم شیرین دیلوندن
ای عمّه سین درده سالان لایلای رقیّه
.
.
گُللر مثالی شامیده سولدون سارالدون
آهو سیاقینده دوشوب چوللرده قالدون
سرنیزده قارداشیمین آرامین آلدون
ای تک دوشوب یولدا قالان لایلای رقیّه
.
.
بیرشمع تک یاندون قیزیم ویرانسراده
جسمون گلوب روحون قالوب کرب و بلاده
بیر گون سنه بیر ایل گئچوب شام بلاده
یوردی سنی دور زمان لایلای رقیّه
.
.
آچ گوزلرون ای گوزلری زهرایه بنزر
هی سویلدون گلمور

• یکشنبه
• 31
• شهریور
• 1398
• ساعت
• 13:58
• نوشته شده توسط
• ابوالفضل عابدی پور

ای گئدن کفن سیز قبره ئورک یارالی
سنه آغلار گوزوم ویرانه نین مارالی
روح و روان رقیه
آرام جان رقیه
.
.
.
ای انام زهرا تک سیلی دگن یوزونه
ضربه ی سیلی دن صدمه یتن گوزونه
دویمادیم بالامین صحبتینه سوزونه
شیرین زبان رقیه
آرام جان رقیه
.
.
کربلادن شامه یوللاردا یولداش منه
یات قیزیم ویرانه چاتدی سنه غم منه
ئولونجه توکرم اشک تریم دامنه
مندن دویان رقیه
آرام جان رقیه
.
.
ای دوشن اللره خورداجا گوشواره سی
غربتین اسیری ای وطن آواره سی
حشره جک ساغالماز ایاقیوون یاره سی
مرغ جنان رقیه
آرام جان رقیه
.
.
اکبریم هاردادی گله قرآن اوخیا
فاطمه اگنوه تازه کوینک توخیا
یات آلا گؤزلری حسرت قالان یوخیا
سنه قربان رقیه
آرام

• یکشنبه
• 31
• شهریور
• 1398
• ساعت
• 14:09
• نوشته شده توسط
• ابوالفضل عابدی پور

سن رقیه دختر شاهنشه کرب و بلاسن
سن سه ساله مثل زهرا نور چشم مصطفی سن

میوه ی باغ رسول و پاره ی قلب بتول
بلبل شیدای عشق گلشن آل عبا سن

کعبه ی ایوان عصمت میوه ی بستان رحمت
مستمندانون پناهی چاره ساز هر دواسن

سن گلسنان حسینون گللریندن بیر گل عشق
عطر دلجوی حسیندن خاک پاک با صفا سن

سن خانم باب الحوایج اللرون مشکل گشادی
دستگیر مرد و زن افتاده لر هم بی نواسن

زجره درس محرم و نامحرم اورگتدون او چولده
کوکب رخشان عشق و عفت و شرم و حیا سن

شام ویرانه اگر چه مسکن اولدی سن غریبه
یاتدوقون یر جنت اولموش هر مریضه سن شفاسن

دلده حسرت گورمیین وار قبر پاکون باب حاجات
دردمندی دعوت ایلرسن خانم درد آشناسن

(عدلی) خار گل چمنسن دامن گلدن باپوشدون
خامه عاجز وصف گلده طبعیده چوخ نارسا سن

• یکشنبه
• 14
• دی
• 1399
• ساعت
• 23:00
• نوشته شده توسط
• یوسف اکبری

بابا بابا بابا سنه جانم ائولا فدا
بابا بابا بابا خرابیه وئرن صفا

یارالی باشوون قاداسینی بابا آلم
قلومی بوینوا نجه بو حالیلن سالم
ائولونجه قوی سنون بابا یانندا من قالم
خرابه یرده گور نجه خراب ائلوب حالم

بابا بابا بابا سنه جانم ائولا فدا
بابا بابا بابا خرابیه وئرن صفا

فلک مدینه دن بیزی چکوبدی گور هارا
منی یتیم ائدوب ائورگیمه ووروب یارا
ایاقیمه تیکان باتب ائلوب گونوم قارا
نقدری آغلادم یاراما ائولمادی چارا

بابا بابا بابا سنه جانم ائولا فدا
بابا بابا بابا خرابیه وئرن صفا

عزیزیدیم قرا گونه گور ایندی قالمشام
خرابه یرده گل کیمی سولوب سارالمشام
سنون سراغووی بورا گلنن آلمشام
فراقووی چکوب بی بی کیمی

• پنج شنبه
• 4
• مهر
• 1398
• ساعت
• 16:53
• نوشته شده توسط
• ابوالفضل عابدی پور

ای رقیه ای گل باغ حسین بن علی
صورت ماهینده روی ماه زهرا منجلی
گول یوزی حتی که ماه آسماندان گورملی
اوچ یاشیندا تاپموسان عالی مقام و منصبی
اولموسان باب الحوایج ای ربابین کوکبی

خیرداقبرایچره یاتان واردی بویوک شخصیتون
عالمی حیران ایدوب جاه وجلال و شوکتون
شوره گتدی دیللری باشونده شوروهمتون
بیربیله خصلتلرون ثابت ایدورآزاده سن
زینب عموندی عمون عباس حیدرزاده سن

منزل ویرانه نی عشقیله آباد ایلدون
قدرت پوشالی سفیانی بربادایلدون
سن اسیراولدون ولی دنیانی آزاد ایلدون
قلبلرده شورعشقونله گینه طوفان ایله
اهل مجلس دردینه لطفونله سن درمان ایله

• سه شنبه
• 23
• دی
• 1399
• ساعت
• 16:29
• نوشته شده توسط
• یوسف اکبری

بو گجه گوشه ویرانده مهماندی بابام
منی یورقون گوروب ای عمه پریشاندی بابام
.
.
اونی مست ایلیوب البته کی صهبای ازل
قویمادی حبس اولا بو قلب پریشاندا اَمل
الیوب قولینه بو سیّد وارسته عمل
قول وئرمیشدی گلوبدور منه مهماندی بابام
.
.
قلبیمون مجمرینون،یاره سی آرتیردی کوزون
گوز وروم آندا قوناقیم منه آندیردی سوزون
آلاجاق جانیمی تک بیر باخشا آچسا گوزون
دئمیشم جان ندی،مین جان سنه قرباندی بابام
.
.
کاش بابام شیشه آرامیمی آز داشه چالا
کاش ویرانه ده مسکن ائلیوب منله قالا
کاش بیر یولدا رقیَّم دیه دردیم آزالا
عشق بیماری منم دردیمه درماندی بابام
.
.
بو که ظلمیله قویوب دشمن ظالم طبقه
یوزونون نوری تلاًلو ائلیور نه

• چهارشنبه
• 10
• مهر
• 1398
• ساعت
• 12:00
• نوشته شده توسط
• ابوالفضل عابدی پور

صبا حسینه خبر وئر رقیه جان وئردی
سنین غمینده ئولوب، عشقینی نشان وئردی
.
.
ز بس که آغلادی، توکدی عزاره اشکِ ترین
ویریبدی بوسه باشا، آلدی عشقینین ثمرین
کفن یئرینه گئییبدور او قاره پیرهنین
یوموبدی حضرت زهرا باخیشلی چشملرین
صبا حسینه خبر وئر رقیه جان وئردی
.
.
پوزوبدی زینبِ غم پروری بو خیردا بالا
بو اوچ یاشیندا، سالوب عمه سینی حال دان حالا
عنانِ صبرینی آز قالدی غم، الیندن آلا
باخوردی حیرتیلن گاهی ساغ و گاهی سولا
تسلّی زینب اوچون چشم خون فشان وئردی
.
.
یانیقلی بیر جریان، اود وروبدور اطفاله
وئریردی غسل، گوزل جسمه وقتی غساله
دیوبدی بیر سوز، اوجالدی خرابه دن ناله
: بو جسمی هانسی مرض لر، سالوب بو احوال

• چهارشنبه
• 10
• مهر
• 1398
• ساعت
• 12:01
• نوشته شده توسط
• ابوالفضل عابدی پور

آتامون باشی ویره بو یره سامانه گلوب
میهماندی بو گجه جانیمه جانانه گلوب
.
بو خرابه هارا عمه آتامون باشی هارا
باخورام صورتینه چوخ بلشوب قانه گلوب
.
ترک ایدوب جنّتی حتماً بورا گلدی دل آلا
یوسف فاطمه دورکلبۀ احزانه گلوب
.
وادی طوریدی بو یرمنه گرغمکده دی
اود سالا نخلۀ طوره دل سوزانه گلوب
.
لبلری چوخ قوریوب تشنه جگر دی بو بابام
گه کول اوسته گهی چوللر دولانوب جانه گلوب
.
ایستورم بو قورین لعل لبیندن بیراوُپم
سالا تا باد غمیله بورا طوفانه گلوب
.
منی گلدی آپارا همره اولام اوز باباما
می عشقیندن ایچیرده منی مستانه گلوب
.
بولوری جان به لبم خسته دلم گلدی بابام
قید غمدن قوتارا تا منی احسانه گلوب
.
بولوری بور

• چهارشنبه
• 10
• مهر
• 1398
• ساعت
• 12:15
• نوشته شده توسط
• ابوالفضل عابدی پور