اشعار حضرت علی اکبر علیه السلام

ای خلیل بالیدَلَنمَه چوخ
سن ویرن فدانین نماسی وار
دشت کربلانین خلیلینین
بیر مناده یتمش فداسی وار

تک به تک حسینون فدالرین
خلق ایدوبدی تک خالق جلیل
سن ویرن فدا بو فدالره
اولمیوب اولانماز اولا عدیل
ویرموسن اگر بیر اوغول فدا
سن منای خُلَّتده یا خلیل
گور آدین اوجالدان حسینون
نه فدالری نه مناسی وار

حکمت الهیدی بیت حق
قبله گاه خلق الاه دور
کعبه دن چوخ افضلدی کربلا
کعبیه اویر قبله گاه دور
کعبهء حقیقیدی کربلا
بوسوزه علاقم گواه دور
اوردا بیرگوزل جسم دفن اولوب
ذات حق کیمی خون بهاسی وار

گر تاپوب ذبیح خداییله
عزّت و جلالت منا یری
لیک مظهر مصطفاییله
فخرایدر اونا کربلا یری
کربلانی خلق ایلیوب خدا
هم ولا یری هم بلا یری
هانسی عاشقین شاه عشق تک
باشنون جهاندا بلاسی وار

باخبر دگولدی گیدن زمان
هاجراوغلونون ماجراسینه
ایلدی گینه رعشه اللری
ایلینده زینت فداسینه
مین لریله هاجر فدا اولا
لیلیِ ستم کش وفاسینه
کیم دیر منانون بو دهریده
لیلی آدلی مجنون نماسی وار

حق یولوندا سن اوز جوانووی
حاضر اولدون ایتمالیقا فدا
توپراقا جمالین ذبیحوون
قویماقا ولی اولمادون رضا
قانلی توپراق اوسته جوان اوغول
صورتین گوروب شاه کربلا
سلم محض اولوب دوزدی کاملا
چون بولوردی الله رضاصی وار

اوز عزیز جانین او شا ه دین
گوردی قان آراسندا جان ویرور
پیکرینده سانسیز یارالاری
انجم سمواتی سان ویرور
شاهزاده ایستور نفس آلا
چشمه چشمه هر یاره قان ویرور
گلستان جسمینده گل کیمی
هر یاراسینون بیر صفاسی وار

پیکری قیزل گول کیمی اولوب
تیغ وخنجریله ورق ورق
نازنین وجودون گورن دیر
بو بدن دگول گولدی بیر طبق
جان ویرور اجل آلنینا دوزوب
قطره قطره شبنم کیمی عرق
اوز آتاسی شیر خدا کیمی
باشدا بیر ساغالماز یاراسی وار

ایسته دی جوان اوغلونی آتا
جان کیمی بیر آغوشینه آلا
گوردی ممکن اولمور یارالیدور
چوخ چتیندی قول بوینونا سالا
حجّت خدا تاب ایدنمدی
یرده اوز جگر گوشه سی قالا
نه بولرجوان داغی گورمیین
اول شهون نه سوز خفاسی وار

ای عجب یره گوی توکولمدی
رشتهء عوالم پوزولمادی
قلب عالمین قلبی تک بوتون
عرش و فرش قانیله دولمادی
قدرت الهی او پیکرین
حملینه اوزی قادر اولمادی
بو خبرده اهل خبر بولر
نه خبردی نه مبتلاسی وار

سسلدی بنی هاشمی گلون
یرده قویمیون اوغلوم اکبری
حمل ایدیم خیام امامته
مظهر جمال پیمبری
بولمورم عبایه نه نحویله
یغدیلار او صد پاره پیکری
بیر بدن که خنداندی گول کیمی
مین لریله خار جفاسی وار

حمل ایدوبله خرگاه عصمته
بیرعباده بیر گلستان گولی
گول نه گول که چاتماز اونا یقین
بو چهاندا بیر گلستان گولی
خارتیریله دولمیوب ایله
بیر بهار یا بیر خزان گولی
بیر ورق او گولدن ایکی جهان
ارزشیندن آرتوخ بهاسی وار

هاشمیّه لر ویردیلر خبر
لیلیه که ای بختی قاره گَل
شاهدین گتوردی جوانوی
رزمگاهیدن پاره پاره گل
تیکمه گوز یولا ایلمه نوا
خیمه گاهیدن بیرکناره گل
گور نه شور محشردی اوغلوون
قامت قیامت اساسی وار

خیمه دن چخوب لیلی حزین
گوردی فرش اولوب بیر عبا یره
افتخار آل عبا دوروب
گوز تیکوب او میر هُدا یره
ایلوری عبایه نظر توکور
دیده دن دُر پر بها یره
گلشنی سولان عندلیب تک
گلدن اوتری آه و نواسی وار

اوّل ایسته دی بیر قوجاقلاسون
اوغلونی ولی قویمادی حیا
یوز قویوب حسین خاکپاینه
عرض ایدوب که ایشاه ماسوا
مین علی کیمی اوغلوم اولسا گر
ایلرم سنه تک به تک فدا
ایتمرم گله گلمرم دله
چونکه دین حق اعتلاسی وار

شاه گوردی لیلا حیا ایدور
وای اوغول دیسون سینه داغلاسون
داخل اولدی خرگاه عصمته
تا آنا جوتنین قوجاقلاسون
لیلی جوان مرده ایسته دی
سس چکوب اونا کامه آغلاسون
فاطمه قیزندان حیا ایدوب
گورنه عفّتی نه حیاسی وار

منتهای شرم حضوریله
اگلشوب او کان حیا یره
باغرینا باسوبدور ایاقلارین
غش ایدوب یخلدی آنا یره
غشّیدن خانملار آیتدیلار
وردی عشقده بیر لوا یره
حشره تک هامی کاخ عشقیده
اکبریله لیلا صداسی وار

وار بونا عقیدم جنازه سین
اوغلونون گوره بولمدی آنا
جسمی اوسته توکموشدولر زبس
زلف مشگ سا آلِ هَل اَتی
دسته دسته زلف سیاهیله
نعشی اوسته چکمیشدیلر قرا
هانسی بیر جوانین جنازه سین
گورموسوز بیله بیر قراسی وار

ای آدی حسینی لره ویرن
عزّت و مقامات و آبرو
اوغلونون فدا خاکپاینه
ای خدایه آئینۀ نکو
بولموسن گوزل قبروی مگر
ایلوری (حسینی) چوخ آرزو
بیر مریض دور بو یوزی قرا
کربلاده خاک شفاسی وار

• سه شنبه
• 9
• شهریور
• 1400
• ساعت
• 19:37
• نوشته شده توسط
• یوسف اکبری

دوشدی نجه لیلا گوزی مژگانه پوزولدی
اکبر باشینا شانه وروب شانه پوزلدی

افسون ائلیوب لیلینی افسانه مثالی
مژگانیله زلفین دارادی شانه مثالی
تولاندی اوغول باشینه پروانه مثالی
شمع شعله چکوب یاندی او پروانه پوزولدی

اکبر ائله عشق عالمینه غوطه ور اولدی
جان الده گلوب مقتله چوخ شور و شر اولدی
شمشیر شرر باریله شقّ القمر اولدی
پیمانه وئروب صاحب پیمانه پوزولدی

قاسم نجه درک ایلدی پیمانِ الستی
فوراً یتیشه محضر دلداره تلسدی
اولدی میِ عرفانون ائله عاشقِ مستی
یوز قویدی گئدوب جانب میدانه پوزولدی

داماد بزندی حرم و سفره و لاله
وئردی او بساط اوسته فلک قانلی حواله
میثاقیده شمشیریله وصل اولدی وصاله
آفت یتیشوب صحن گلستانه پوزولدی

عباس یخلدی اودی بنیاد یخلدی
اللّر کسیلوب قامت شمشاد یخلدی
قد اِنکَسَر ظَهَرَ اسناد یخلدی
فکر ائت نجه اول قامت مردانه پوزولدی

آتدان یره اندیردی وزیری رخ ساده
بیر پیل صفت گلدی عمود الده عناده
شطرنجده شه مات ائلدی شاهی پیاده
کیش ایلدی سس دوشدی بیابانه پوزولدی

قولسوز باش آچوق محضر دلداره یتشدی
مین یاره ئیلن یاری گوروب یاره یتشدی
گُل آچدی وجودی ئوزی گلزاره یتشدی
جان اوسته گوروب جانینی جانانه پوزولدی

قوچلار یاتیشوب یان یانا قالدی قوزی قربان
مُغ، مُغبچه الده او زمان اولدی نمایان
تاپدی یرینی بوس ائده اوچ شعبه لی پیکان
پیکان ئوزی ده پیکینه رندانه پوزولدی

مهدور دم اولدی نیه سلطان مدائن
الله قاننی توکدی یره امّت خائن
قان بحرینه مستغرق اولوب جمله سفائن
دین کشتی سی غرق اولدی او طوفانه پوزولدی

دنیا نجه تار اولدی هوا تیره بوروندی
محبوب خدا قوملارین اوستونده سوروندی
مصداق اِذا زُلزلتِ الارض گوروندی
توز قالخدی توز اوستن گنه میدانه پوزولدی

اود وردیلا قرآن داغیلوب آیه سی یاندی
الله ائوینون خیمه و همسایه سی یاندی
دوشدی خطره دین نبی پایه سی یاندی
یغمایه گئدوب خانه و کاشانه پوزولدی

هر یرده اناالحق دئدی داش وئردی جوابین
حق آلدی اناالحق سسینون موج خطابین
درک ایلدی گه زینبینی گاه ربابین
آخدی گوزونون یاشی زنخدانه پوزولدی

سیر ایلدی (بیضا) اوتوز ایل سلک طریقی
تا ساحله توفیق تاپوب فُلک غریقی
سرشار ائلیوب سینه سینی عشق حقیقی
درویش گوروب کسوت شاهانه پوزولدی

کافر دگولم تابع قرانم ازلدن
تکفیر ائلمه شرم ائله زاهد بو عملدن
سجّاده ده لبّاده ده جاندا گئدر الدن
اوندا گورونر مسجد و میخانه پوزولدی

• جمعه
• 12
• شهریور
• 1400
• ساعت
• 23:08
• نوشته شده توسط
• یوسف اکبری

گیت اوغول هر مقصده تصمیم ایدوب سن راضیَم
منده سن نیّت دییَم، سن راضی سن من راضیَم

ایمدیکه قصدِ حریمِ وصلِ جانان ایتمی سن
بو مُقدّس نیّته تَرکِ سر و جان ایتمی سن
مَرحَبا اَحسن عَجَب مَقصودی عُنوان ایتمی سن
مَنده تَحسین ایلرم بر وَجهِ اَحسن راضیم

عشقِ جانون سنی مُحکوم ایدوب جان ویر ماقا
منده مَحکومم بو قطعی حُکمه اذعان ویر ماقا
سن ذَبیح اولماقدا سعی اِئت، منده قربان ویر ماقا
قانویله اِئت مِنای عشقی گلشن راضیم

من بو گون نه هاجَرم، سنده نه اِسماعیل سن
تا سنی هاجر کیمی مَهجور ایدم بو فِیض یدن
اولماسام راضی، سنه گیدیر مرم هرگز کفن
قولومی فِعلیم ثبوت ایلر مُبرهن راضیم

سن ذبیحِ اصلِ حقّ سن، نه ذبیحِ بِالعَرَض
مین فدا جِبریل یله گلسه سنه اولماز عوض
بو منای عشقه لایق اوز وجُودون دور غرض
ویرمیشم منده قضای عشقوه تن راضیم

گیت، صِراطِ مُستقیمِ عشقی دور میدان یولی
باخما سَدّ ایلوب قاباقدا لشگرِ عُدوان یولی
کشف ایدر عشق، دلدن گچن پیکان یولی
اولسا سینَن ناوکِ پیکانه مَخزن راضیم

غصّه لنمه آهی آه اُوسته چکوب اولما ملول
قالما لیلا قیدینه لیلا سنه قربان اوغول
سن نجه جان ویرماقی ایلوب سن اوّلدن قبول
عالَم هجران یوه منده ازلدن راضیم

دوزدی مُشگل دور آنا اوز نو جوانبندن گیچه
لیک جانان ایستین لازمدی جانیندن گیچه
سهلدور جان، سن کیمی روح و روانیندن گیچه
مندن سندن گچماقا جان و دلیلن راضیم

باخما من قالّام اوغولسوز، سن بو فکری باشدان آت
افتخاریم دور منیم، سن هُمّت ایله کامه چات
حجله گاهِ عشق فرض ائت، نازیله قان ایچره یات
ویر منه مَجنون کیمی چوللرده مسکن راضیم

قوی یوزون توپراقلار اُوسته جانیوی جانانه ویر
شوقیله خنجر دَمینه باشیوی مردانه ویر
نه اوزین این جیت، نه زحمت قاتلِ نادانه ویر
سِلمِ مَحض اُول، تا دیسون آخرده دشمن راضیم

ال ایاق چالما علی جلّاد الینده بسمل اول
قاتله آغلار گوزیله باخما هرگز، خوشدل اول
ذوقیله آخر نفسده وصلِ یاره مایل اول
شغلیم اولسون قوی منیم فریاد و شیون راضیم

شُقّه شُقّه زلفیوی نوکِ جدایه پرچم ائت
هاله تک سال مه جبین اوسته شعاعین مبهم ائت
موسی عشقه خطابِ لَن تَرانی هر دم ائت
من دیسم ارنی جوابیمده دئ سن لن راضیم

تشنه لیقدان عارض اولسا هر قدر غش اوسته غش
قان توکن جلّاده هرگز ایتمه اظهارِ عطش
قورخورام غیظه گلوب ایتسون سنیله کشمکش
ایلمه نااهله اوز دردون مُبیَّن راضیم

عمریمون برجینده سن هر چند روشن ماه سن
عالَمیم سن سیز شبِ دیجور دور آگاهسن
خوشدی بو ظلمت منه گیت اول فنا فی الله سن
وادی حیرتده قیلّام منده مأمن راضیم

بئله که نورِ جمالون جلوه گر دور ماهِ تک
گورسه قاتل خنجرین الدن آتار بی ریب و شک
ابرِ زلفین توک یوزه باری بو نوره پرده چک
اولماسا حق نوری باطل گوزده روشن راضیم

(ذهنی) ذهن آئینه سین گر چه دوتوب گَردِ ملال
نورِ توفیق ایسته سن اکبر جمالین یاده سال
روشن اولسون طرزِ نطقون، سن یاز آغلا اتّصال
تا دیسون اوز نوحه خوانیم سن معیّن راضیم

• شنبه
• 13
• شهریور
• 1400
• ساعت
• 12:07
• نوشته شده توسط
• یوسف اکبری

به به گئنه سیمای جهان اولدی منور
قویدی قدمین بو گئجه ده عالمه، اکبر

لیلایه عنایت بویوروب خالق سبحان
عشق اهلینه احسان ائله دی اکبری، اکبر

هیچ باغدا تاپیلماز بیله بیر سویملی غنچه
بلبل لری سرمست ائلییوب، رحمت داور

کیپریکلری صف صف دوزولوب قاره گوزونده
گول صورتی اون دورت گجله لیک بیر ایا، بنذر

بیر سمت ده صف چکسه جهان ایچره گوزللر
اولماز هاموسی، یوسف لیلایه برابر

ایات مبین دیر بو بالا ، مظهر حق دیر
بیریولدا تجلی ائلییوب سوره کوثر

هم خلقت و هم خلقیده هم منزلتینده
خلاق یارالدیب بو گلی شبه پیمبر

زهرا باغینین اولدی فزون نور و صفاسی
صف صف گلوری تهنیته جمله ملک لر

شهزاده اعظم دی، گوزل رتبه سی واردی
ائلیوب دی ولا اهلی گوزل ادینی ازبر

یوسف لری حیرتده قویوب حسن جمالی
مغلوب ائلییوب قلبلری دلبر حیدر

اغوشه آلیب قارداشینین نازلی بالاسین
اوپدی گوزونی شوقیله عباس دلاور

کیم قیلسا توسل ادینا ،نااومید اولماز
مشکلری اسان ائلییر بو گئجه یکسر

کیم کرب و بلا ایستیوری صدقیله گلسین
امضا ائداجاق تذکره سین اکبر و اصغر

یارب بحق ال علی سالما نظردن
هر کس که ارادت له دئیور یا علی اکبر

• چهارشنبه
• 31
• شهریور
• 1400
• ساعت
• 12:22
• نوشته شده توسط
• یوسف اکبری

منای عشقه گیدیرسن چوخ ایتمه سرعت اوغول
فدای حق قوی ایدوم اول جماله زینت اوغول

گوزیوه سرمه چکوم، زلفیوه ووروم شانه
ترحّم ایلیه شاید بو بد جماعت اوغول

منیم جهاندا گوزیم نوری، عزّتیم سنیدون
عزیزلیقیم دولانوب ایمدی اولدی ذلّت اوغول

آلوب قراریوی شوق وصال مجلس یار
ایدر شهادتوی حالتون حکایت اوغول

باشول گَل دولانوم گیت آنان فدا بویووا
باشوی سینمه قوی ایله بیر محبّت اوغول

سولوبدی گُل کیمی رنگون، باخاندا گُل یوزیوه
یتور بو قلبیمه آثار درد و محنت اوغول

ایده لّه جسموی صد پاره گُل کیمی کیتسَن
نجه قویوم گیده سن ای گُل امامت اوغول

سن اولماسان منی شمر لعین اسیر ایدر
دیار شامه چَکر فرقه ی ضلالت اوغول

نجه دوزوم، نه قبیله، نه ایل، نه واردی پناه
وطن دگل آناوا بو دیار غربت اوغول

آتان ویروبدور اجازه دیَنمرم گیتمه
که تک قالوبدور او شاه فلکِ جلالت اوغول

طوی ایتمَدیم سنه، ناکام اوغول آنان اُلسون
بو قان اولان اوره گیمده قالوب چوخ حسرت اوغول
سنی گر اُلدوره لر بیل یقین ایویم یخولار
اولار خمیده آنان قدی سرو قامت اوغول

جدایه وورسالا گون تک بو نازنین باشوی
قیام ایدر منه بو دشتیده قیامت اوغول

گیدورسن عمّه وه تاپشور من فلک زدنی
گیدنده شامه ایده حالیمی رعایت اوغول

ووراندا باشیمه قمچی سپاه کوفه و شام
منه پناه اولا اول معدن خدارت اوغول

کفن گرک اولا بو چولده طوی لباسی سنه
یازوبدی لوحه ی تقدیره کلک قدرت اوغول

اولار بو دشتیده طوی حجله گاهی قبر سنه
گلوب (حسینی) ایدر قبروی زیارت اوغول

• یکشنبه
• 4
• مهر
• 1400
• ساعت
• 15:46
• نوشته شده توسط
• یوسف اکبری

گَل سرمه چک بو دیدهٔ گریانه سال یولا
بیر شانه ویر بو زلف پریشانه سال یولا

قیل دود آهی سرمه،اگر شانه اولماسا
ایله حواله پنجهٔ مژگانه سال یولا

هرچند چؤخ قرادی گؤزوم یوخدی احتیاج
سرمه چکلّه دیدهٔ قربانه سال یولا

سواولماساگؤزون یاشی وار،گل بو زلفیمی
یؤخدور حنا گئدیم باتوروم قانه سال یولا

بی تابیلوق چؤخ ایلمه یالقوز آتام باخور
آرتیرما غصّه شاه شهیدانه سال یولا

معلوم اولور آنا اورگی چؤخ رقیق اولور
نامردلر قباقینه مردانه سال یولا

سنسن انام،سکینه باجیم،یوسفم اوزوم
یعقوب آتام عزیزینی ،زندانه سال یولا

ایلر منی شهیدلر ارواحی پیشواز
ایله حلال،تئز منی میدانه سال یولا

ییغ یانیوه امیر ولایت حرملرین
دشمن لریم باخولّا امیرانه سال یولا

مستانه گؤزلریمه باخوب گئتمه هوشدن
وئر هوشیوی منه ،منی مستانه سال یولا

مور ضعیف ،اوزون منه پای ملخ دیوب
بیر پیشکش آپار او سلیمانه سال یولا

گَل بیر آنالیق ایله الیمدن دوتوب منیم
وئر کمترین غلام او سلطانه سال یولا

هرچند چؤخ چتیندی بو تکلیف لر سنه
مردانه همت ایله دلیرانه،سال یولا

• دوشنبه
• 12
• مهر
• 1400
• ساعت
• 16:09
• نوشته شده توسط
• یوسف اکبری

ای جوان اوغول سنیدون مونس شفیق لیلا
دورما گیت ملالون اولسون قبره دین رفیق لیلا

حلقه حلقه زلفون ایتدی من غریبی حلقه بر گوش
نظمیله گوز اوسته مژگان صف چکوبدی دوش بر دوش
گیزلنوبدی آب حیوان لبلرونده ای لب نوش
چشمه حیاته دوشسون قوی علی طریق لیلا

شش جهتدی عشقِ حُسنون باشه بیله شور سالدی
عشق ششدرینده لیلا شاهزاده مات قالدی
قلعه ی دل حزینی لشکر محبّت آلدی
کارگر اولانمادی بو فکرت عمیق لیلا

حسّدن دوشوب قُوالر شور عشقیدن وجودیم
بی وجود اولوبدی لیلا قالمیوب مگر نمودیم
باطنا یانار وجودیم مجمری و لیک دودیم
آتش محبّتونده وار عجب حریق لیلا

نوردیده گیتمه گوزدن گیتمه سون بو دیده نوری
ای سرور قلب واردور سنله قلبیمون سروری
بولمورم نیدیم من آخرچوخدی حسرتون وفوری
ساکت اولدی دوشدی دلدن بو دل شفیق لیلا

جان قویوب سنون یولوندا شوق اوزیله جان و دلدن
جان کیمی بو سرو قدّون سینم اوسته بَسلدیم من
بیله وقتیده آناوی ترک ایدوب نَدَن گیدورسن
قانه دوندی باغریم آخر گیتمه ای رفیق لیلا

ای عزیز اوغول فدا بو حالیوه ذلیل جانیم
بو نه شوردور باشوندا باشیوه سنون دولانیم
باخ یوزومه گور بولورسن نه زماندی بو زمانیم
بو سبب آخار گوزوندن اشک چون عقیق لیلا

سر حد کماله یتدون گیچدی حدّدن کمالون
یاخشی وقتیده یتیشدی دادیمه اوغول وصالون
مرحبا وفاده اولسون اَمدیقون سودون حلالون
حقّیمی حلالون ایدیم صدقیله صدیق لیلا

یا اوتور یانیمدا مندن رَم یِمه ای آهوی رام
یا یری باخوم بویوا بلکه قلبیم اولسون آرام
حیف اولا سنون طویوا قالدیم حسرت ای دل آرام
دولدی درد حسرتیله سینه شهیق لیلا

دردیمی ایدوم سنه من هانسی دللریله ظاهر
یاندورور اوغول اُلومی اولسادل نقدر صابر
یاتمیوب گوزوم گیجه لر چکمیشم جفاوی آخر
سن کیمی یقینا اولماز بیر نفر عتیق لیلا

تیز اثر ایدر اوغول چون اوغلونا آنا دعاسی
ایلرم دعا که گلسون جانیمه بُویون بلاسی
سالموسان بویون فداسی بوینوا اُلوم لباسی
مرگیوه سنون دوزنمز بو دل رقیق لیلا

#هندی قیل تمام آغلا اکبره صباح و شامی
حق اجابته یتورسون دلده کی اولان مرامی
لیلی نون دلینجه بیرده سویله مطلع کلامی
ای جوان اوغول سنیدون مونس و شفیق لیلا

• سه شنبه
• 17
• مرداد
• 1402
• ساعت
• 00:06
• نوشته شده توسط
• یوسف اکبری

شام-ی-هیجرانیم، خودا نیصف اوْلدۇ ماهیم گلمه‌دی
رزمگــه‌هــده‌ن اکـبـر-ی-آهــو نیـگــاهـیــم گـلمــه‌دی

بوْینۇنا گرچی کفه‌ن سالدێم ریضایه‌تله اؤزۆم
اوْغلۇمۇ مئیدانه گؤنده‌ردیم قالێب یوْلدا گؤزۆم
یا یئتیر بیرده بالامێ، ساغ گؤرۆم یا وئر دؤزۆم
دادیمه سن یئت ایلاهی دادخواهیم گلمه‌دی

ماییلـه‌م بیــرده جمـال-ی-عالــه‌م آراسێــن گـؤره‌م
دۆشمـه‌میش تــوْپـراغــه سـروقدّ بالاسێـن گـؤره‌م
قان خسوفه سالمامێش بیر ماه سیماسین گؤره‌م
قامـه‌تیـم غمـده‌ن هیلالـه دؤندۆ، ماهیم گلمـه‌دی

راضییه‌م هرچند کوی-ی-عئشقده اوْلسۇن شهیـد
ایستـه‌ره‌م گلسیـن اؤلـۆنجـه بیرده ائیلیـم بازدیـد
هئچ کیمین یارب اومێـدین ائیلـه‌مـه سـن نااومێـد
قالـدێ مئیـدانـدا گـؤزۆم اوممێـدگاهیـم گلمـه‌دی

قانلێ مئیدانه اوْ وقتده‌ن کیم بالام اکبر گئدیب
اوْلمۇرێ آرام قلبیم طاقه‌تیم یئکسه‌ر گئدیب
قالمایێب روحیم بده‌نده اکبریم همسر گئدیب
گلسه روحیمده، گلیر عادل گواهیم گلمه‌دی

دوْلـدۇرۇب دشـت-ی-عیـراقـی شـوریلـه غـوغـاسـی
اوج ائدیب افلاکه، لئشگه‌ر نعره‌سی آت شئیحه‌سی
سن اؤزۆن تشویشیـده‌ن قـۇرتار خـودا بـۇ بـی‌کسـی
بـی‌پنـاهیــم بـی‌کسیـم پُشـت-وْ-پناهیـم گلمـه‌دی

بئیلـه بیـر غــوغــادان آیـــا، ائیلــه‌مــه‌ز انـدیشــه دل
قانـه دؤنمه‌ز گـؤزده‌ن آخمـاز صبری ائیلــه‌ر پیشـه دل
سسله‌نیر تئز اؤلدۆرۆن لئشگه‌ر دۆشۆر تشویشه دل
ملک-ی-دلده خئیل-ی-صبره، سرسیپاهیم گلمه‌دی

هیجــر اوْدیـلــه اوْدلانێـب دل، آهیــم آتشبـار اوْلـۇب
شعـلــه-ی-آهیملــه خـرگــه مـطـلـع-ی-انـوار اوْلۇب
گؤزلـریـم مئیـدانـه بـاخمــاقـدان خـودایـا تـار اوْلــۇب
بخت-وْ-روزیم تک گؤزۆ زولف-ی-سییاهیم گلمه‌دی

بیـر بالام الـده‌ن گئـدیـب، میـن دل اوْنـۇن پابستـه‌سی
بیر ایمامه‌تده‌ن ســوْرا هـر منصــه‌بیـن شاییستـه‌سـی
اوْلما دۆشـدۆ چنـگ-ی-گۆلچینه اوْ بیر گۆلده‌سته‌سـی
باغ عـؤمـرۆمده گؤیـه‌رمیـش گـۆل گییاهیــم گـلمــه‌دی

اوْن-دا کـی عزم ائیله‌دی اوْغلـۇم اؤلـۆم مئیـدانینـه
شـوقیلـه اؤز جــانینــی ائتسیــن فــدا جــانـانینــه
حسره‌تیلـه بیر قـده‌ر باخـدێــم رخ-ی-رخشانینـــه
دۇتمـادێ دل سهـل‌دیر، دیلـده‌نده آهیـم گلمه‌دی

اینتیظارینــده نـــه تـــک آغــلار آنـاســێ خئیمــه ده
گؤز تیکیـب مئیـدانـه جوملـه اقـرباســی خئیمــه ده
دۆشمه‌نی چوْخدۇر قالێب یالقۇز آتاسێ خئیمـه‌ ده
شاهـزاده اینتیظـاری قـــالـــدێ اکبـــر گـلمـــه‌دی

گتدی یثریبده‌ن بـۇرا شـوق-ی-علـی اکبـر منـی
محمیله میندیردی هر یئرده اوْ مه پئیکـه‌ر منــی
گر اسیر ائیلیب آپارسا شامـه بۇ لئشگـه‌ر منـی
بس منه کیم راهنمادی، شـاه راهیـم گلمـه‌دی

• سه شنبه
• 17
• مرداد
• 1402
• ساعت
• 00:10
• نوشته شده توسط
• یوسف اکبری

ای گل گلشن طاها ولدی یا ولدی
هاردا وار بو گل زیبا ولدی یا ولدی

هانسی گُلده گورونوبدور بو طراوت، بیله رنگ
بیله پامال ایلیوب هانسی گُلی خار خدنگ؟
هانسی با غی سولانون من تک اولوب شهدی شرنگ؟
دا غیدوب گلشنین اعدا، ولدی یا ولدی

ایله بیر خار چکوب قلبیمه بو قوم ضلال
گوره دنیا بویی بیر لاله بیله داغ، محال
باخ سنق قلبیمه گَل نطقه دانیش گوگلیمی آل
ای منه سرّ سویدا، ولدی یا ولدی

قطره قطره دوزولوب قان یوزیوه ژاله کیمی
مه یوزون چولقالیوب زلف سَرون هاله کیمی
دا غیلوب گُل بدنون برگ گل لاله کیمی
بَزَنوب دامن صحرا، ولدی یا ولدی

نجه قانون کیمی گوز یاشیم اوغول قان اولماز؟
بو نه عالمدی بیله صحن گلستان اولماز
صحن گُلزارده هیچ گُل بیله خندان اولماز
قاریشوب توپراقا اعضا، ولدی یا ولدی

ای قویان تک منی نازیله قوری یِرده یاتان
آند اولا جانیوه جان اوسته دی بو یالقوز آتان
چوخ جوان وار رهِ جاناندا بو گون قانه باتان
لیک یوخدور سنه همتا، ولدی یا ولدی

حالیمی یوخدی بُلن، بیر بُلوری غیبی بُلن
واردی بیر عدّه یانان حالیمه، بیر عدّه گُلن
اَلوم آختارماز اوغول یوخسا جوان اوغلی اُلن؟
کاش اُلم قالمیام اصلاً، ولدی یا ولدی

گوزیمون نوری عجب سالدون ایشیقدان گوزیمی
قویموشام بیله که قانلو یوزیوه من یوزیمی
گَلسون ای کاش اجل قویسون آ غیزدا سوزیمی
سنیله باهم اُلم تا، ولدی یا ولدی

یارالار گلشن جسمونده قزل گُلدور اوغول
بیرده گُل گلشنِ عمریم گُلینی گُلدور اوغول
صون نفسده آتاوا درد دلون بُلدور اوغول
وار سوزون ایلمه اخفا، ولدی یا ولدی

اوزین اُلدورسه آنان وار یِری ای ماه تمام
سنی اُلدوردولر اولدی گوزینه گوندوز شام
دور اَلون ویر اَلیمه منله ایداخ عزم خیام
بیرده گورسون سنی لیلا، ولدی یا ولدی

بو جهاندا منیم امید حیاتیم سنیدون
والی عهدیمیدون، ملک ثباتیم سنیدون
لنگر عمریمیدون، فُلک نجاتیم سنیدون
گوزوم اولماز نجه دریا، ولدی یا ولدی

بو گوزل گوزلره قربان اگر آچسان گوزیوی
حالیمی گورسن اوغول گوزدن آتارسان اوزیوی
قوی دیزیم اوسته، قوری یِرلره قویما یوزیوی
ایتموسن ایستی گون ایذاء، ولدی یا ولدی

بیزه { سعدی زمان }خادم صادقدور اوغول
دست جودیمده گوزی لطفیمه شائقدور اوغول
اوزی بی ریب و ریا خدمتی لایقدور اوغول
ایلرم عزّته دارا، ولدی یا ولدی

• سه شنبه
• 17
• مرداد
• 1402
• ساعت
• 00:13
• نوشته شده توسط
• یوسف اکبری

دل دولوبدور غنچه تک قانیله دلدار آختارور
گوز بولود تک یاش توکور گُل یوزلی بیر یار آختارور

دیده ی شب زنده داریم صبحه تک اولدوز سایور
هریانا حیران باخور بیر ماه رخسار آختارور

چشمه ی چشمیمده وار بیر سرو قامت منظری
دل ویروب باش دیده دن بیر سرو رفتار آختارور

اوزگه لر اولسا سلامت یا گوزل گوز عاشقی
عشق بیماری همیشه چشم بیمار آختارور

تارِ عمریم بسته دور بیر نقطه ی خال لبه
گوزلریم بو نقطه نی مانند پرگار آختارور

ایلیوب تارِ دله تاثیر مضراب فراق
شوریله ایلور نوا بیر طُرّه ی تار آختارور

من شکسته قلبیله نورسته بیر گُل عاشقی
حیف اولا گُل گُلستاندا صحبت خار آختارور

آیریلان گوندن گُلیمدن باخمارام رنگ گُله
قان اولان گوگلوم نه گُل نه سیر گُلزار آختارور

نینوا دشتنده سالّام یاده بیر خندان گُلی
ایله بیر گُل گُلستانلار تا جهان وار آختارور

بیر قوجا قدّی بوکولموش باغبانی وار اونون
باغبانی اوز گُلین گُلزاریده زار آختارور

گُل نه گُل گُللر او نا عاشق، علی اکبر آدی
بیر اوغولسوز شه اونی میداندا آغلار آختارور

جور و بیداد مخالفدن شهنشاه حجاز
قوس قامتله نشان تیر اشرار آختارور

وای اوغول دلده، محاسن اَلده، گوزده خونِ دل
اوز جوان اوغلین آتا با چشم خونبار آختارور

گه گیدور، گه سَسلَنور ای نوجوانیم هارداسان
بُلموسن یالقوز آتان بیر یاور و یار آختارور؟

هارداسان، سَس ویر، سسون قربانی دوشدوم نطقدن
نخله ی عمریم سنون تک حاصل و بار آختارور

خیمه دن عرشه چخوبدور وا علیّا ناله سی
جدّیمون آئینه سین اولاد اطهار آختارور

چوخ دولاندی تاپدی آخِر باغبان اوز نوگُلین
بیر گُله مین خار گوردی قصد آزار آختارور

شه گوروب شهزاده نی بی اختیار آتدان دوشوب
کوفیان گوردی آتا، فرزند دلدار آختارور

قلبینون بندین قیروبلار، دیزلری گَلمور دورا
قلب عالم، طاقت دلبند مضمار آختارور

عین عین اللهی قانیاش دولدوروب درای کیمی
ایله بیر دریا همیشه ابر آزار آختارور

چشمه ی چشمی یوزه اشکین توکر باران کیمی
اوز عزیزین عزّت دنیا و دین خوار آختارور

دیزلری اوسته سوروندی شاهِ دین یِتدی قدم
گوردولر قلبی سینوب، جَبریله جبّار آختارور

تا یِتیشدی باغرینا باسدی داغیلمیش پیکرین
سسلدی دور، بو کمکسیز بیر مددکار آختارور

قویدولار یالقوز اوغولسوز من غریبی کوفیان
بو غریبین قتلینی قرخ مین جفاکار آختارور

بو منیم قانیمدی جسموندن رواندور سو کیمی
قانیمون سفگین عبث بو قوم خونخوار آختارور

من اوزوم اُلّم اگر بو قوم دون اُلدورمَسه
قتلیمه بی جا سپاه کینه اصرار آختارور

ای{ حسینی }خوش اثردور سوزلرون سندن صورا
صاحب علم و هنر عالمده آثار آختارور

ارزش اشعاروی با فضل شعر اهلی بُلر
شخص دانشمند و فاضل بیله اشعار آختارور

• سه شنبه
• 17
• مرداد
• 1402
• ساعت
• 00:15
• نوشته شده توسط
• یوسف اکبری

مبارک لیلا - نگار زیبا
گوزون آیدین ائوین روشن که اکبر گلدی
جمالی زیبا – شبیه طاها
آیا بنذور یوزی گون تک منور گلدی
قاشلار هلالی- گون دور جمالی
یوسفی خوار ایلر یوزده کی خالی
مبارک اولسون – مبارک اولسون
مبارک هدیه حی مبارک اولسون

ملک سیمادی – گل زهرادی
تاپار زینتائویم اکبر یوزوندن لیلا
گوزی گویچکدی – ائلیمده تکدی
یاغور باران رحمت هر گوزوندن لیلا
روحیم صفاسی – قدر و بهاسی
مبارک اولسون – مبارک اولسون
مبارک هدیه حی مبارک اولسون

آلوب آغوشه – گوتوردوم توشه
گوزوندن ختم پیغمبر نشان اکبردن
جمالین گوردوم – یوزوندن ئوپدوم
خیال ائتدیم گلور عطر جنان اکبردن
شیرین غزلدی – عشق ازلدی
گل یوزی لبلری گلدن گوزلدی

• پنج شنبه
• 29
• فروردین
• 1398
• ساعت
• 15:30
• نوشته شده توسط
• ابوالفضل عابدی پور

هاشمی ماه ِملک منظره عشق اولسون حسین
یاراشان ، طلعتی پیغمبره عشق اولسون حسین
اوندا زهرا بَگنن گوزلره عشق اولسون حسین
اکبره گل نوۀ حیدره عشق اولسون حسین

آلیشور آتش احساسیله خاور گوزلی
گوز وُرور برج ولایتده کی اختر گوزلی
کیمدی اکبر ؛ دئنه عالمده گوزللرگوزلی
رأ س عشّاقیده تاج سره عشق اولسون حسین

لاله نی نسترنی دَمخورِ یاس ایلمیون
بوتۀ عشقی اسیر سر داس ایلمیون
اکبری یوسف مصریله قیاس ایلمیون
بنزیین هرزادی پیغمبره عشق اولسون حسین

نه گوزل خلق ائلیوبدور گوزل آلله یوزونی
بنزدیبدور خود پیغمبره شهلا گوزونی
هر گوزل اکبره باخسا ایتیرر ئوز ئوزونی
دیئرآهوباخیش اول گوزلره عشق اولسون حسین

سینۀ لیلی مضطردن

• پنج شنبه
• 29
• فروردین
• 1398
• ساعت
• 15:27
• نوشته شده توسط
• ابوالفضل عابدی پور

ئوز قدرتینی ائتدی عیان خالق اکبر
ویردی بیر اوغول لیلیه پیغمبره بنزر

قلبیمده اونون نقش جمالون چکرم من
جیران گوزومه دگسه گوزوندن ئوپرم من
لیلا بالاسین آهو گوزونده گوررم من
جیرانلارون اکبر گوزونه گوزلری بنزر

کامل ایلدی صنعینی بو طفلیده صانع
آهو دیدیم اولمور ئورگیم بو سوزه قانع
من که ئوزونی گورممیشم حسنینه راجع
یوسف گنه چاه آختارا وار حقّی بو گونلر

حُسن حَسنی بوندا نمایاندی سراپا
صولتده شجاعتده اولوب حیدره همتا
نطقینده قیامنده قعودینده چو طاها
آئینه ده گویا ئوزونی گوردی پیمبر

یکسر ملکوت اهلی اولوب اکبره مبهوت
نوریندن ایشیقلاندی اونون عالم لاهوت
دیشلر دیه سن دُرّ و صدف، لبلری یاقوت
صف چکدی تماش

• سه شنبه
• 3
• اردیبهشت
• 1398
• ساعت
• 10:36
• نوشته شده توسط
• ابوالفضل عابدی پور

الله اکبر - الله اکبر
دنیایه گلدی - شبه پیمبر

شیعه ویرون مژده گلدی گُلِ لیلا
آدی علی اکبر نوباوه ی زهرا

علم و فقاهت برتری نور ِ هُدا گلدی
طاهایه بنذر نوگل باغ ولا گلدی

الله اکبر - الله اکبر
دنیایه گلدی - شبه پیمبر

عالملره سرور یوسفلره دلبر
زیبا گل مولا پیغمبره بنذر
عالی صفات و عشقه معنا مَه لقا گلدی
طاهایه بنذر نوگل باغ ولا گلدی
الله اکبر - الله اکبر
دنیایه گلدی - شبه پیمبر

شیر دلاوردی مانند حیدری
عباس تک یل دور تک باشه لشگردی
صفلر پوزان بیر قهرمان میر قُوا گلدی
طاهایه بنذر نوگل باغ ولا گلدی
الله اکبر - الله اکبر
دنیایه گلدی - شبه پیمبر

جاهیم علی اکبر ماهیم علی اکبر
سسلن سن آی شیعه شاهیم

• سه شنبه
• 3
• اردیبهشت
• 1398
• ساعت
• 10:43
• نوشته شده توسط
• ابوالفضل عابدی پور

مژده مژده یاران که گلدی پیمبر مثل
گوزلر اولدی روشن به روی مَهِ بی بدل
قویدی آدین اکبر آقام شاه کرب و بلا
اکبر نجه اکبر گوزلدی گوزلدن گوزل

یا علی علی جان، علی جان، علی جان، علی ...

آسمانه عشقه ایشیقلی خدا آی ویروب
حُسنیده علینی رسول حَقَه تای ویروب
به نجه بالادی عسلدی گوزلدور علی
آناسینه الله علی اکبری پای ویروب

عالم اولدی گلشن آچوب غنچه ی حیدری
طعنه وردی ماهه جمال مَهِ انوری
اربابیمیزون بیتی اولدی منور بو گون
آغوشه آلوبدی باباسی اوپوپ اکبری

گُلسِتان عشقه بو غنچه گل یاسیدی
معدن کرامتدی سر تا پا احساسیدی
غیرتینده حیدردی تک باشه لشگردی بو
چونکه دانش آموخته ی فنِّ عباسیدی

بو گجه شب جشن میلادی

• سه شنبه
• 3
• اردیبهشت
• 1398
• ساعت
• 11:03
• نوشته شده توسط
• ابوالفضل عابدی پور

ترک ایدورشهزاده اوغلون
یاره لی یورقون جهانی
گل گوروم اوگل جمالی
گوزلریمدن سیل بوقانی
.
.
قان امان ویرمور دولانمور
دل ایدم ذکرکلامی
خاطریم منظور اولسا
درک قیل بو تیره شامی
تز یتور بیکس آناما
ای بابا مندن سلامی
محشره گورماقی قالدی
بو قتیل اشقیانی
.
.
یوخ سوزوم زحمت ویرم چوخ
ایلیم یا عرض حاجت
اولموشام سو ایستیندن
خیمده سندن خجالت
غم یمه سیراب ایتدی
اکبرون ختم رسالت
گوزلوری الده سو جامی
سنکیمی ماهِ لقانی
.
.
اختیاریمده اولیدی
نهر عَلقَم آب کوثر
ایشمه زیدیم ویرمسیدی
گرمنه جدّیم پیمبر
سنده کی سوز عطشدن
اودلانوب بو قانلی لبلر
اونداکی امدیم دیلوندن
قان ایدوب اشک روانی
.
.
کوفیان گوزدن سالوبدی
بو آخان

• چهارشنبه
• 23
• مرداد
• 1398
• ساعت
• 10:53
• نوشته شده توسط
• ابوالفضل عابدی پور

الله الله اورکلر صفاسی گلدی
فاطمه اوغلونون مه لقاسی گلدی

اشبه پیمبر حسینون گوزل بالاسی
جان عالم اولسون علی اکبرین فداسی
بو گیجه گلوب شیعه لر دردینون دواسی

دامن وفاده ،نمایان قمر اولدی
فاطمه عروسی،نجه بختور اولدی

حسن و خلقودا مصطفی جدینه مثلدی
یوسفه قیاس ایلمم بو بالا گوزلدی
شاه کربلا روحینه جان تازه گلدی

یاعلی یاعلی یاعلی علی جان
ایله بو جمعی سن کربلایه مهمان

مین زلیخانی حیران ایدوب جمالی
چاتما قاشدی گوزل لیلی نین مارالی

گوزلری شو کیپریگی اوخ کیمی شاخاردی
جدینی حسین یاد ایدوب اکبره باخاردی
شوقیدن گوزونن یوزه گوز یاشی آخاردی

سسلنردی اکبر، بالا درده دواسن
گوزلرین فداسی، یل کربوبلاسن

قادا

• سه شنبه
• 3
• اردیبهشت
• 1398
• ساعت
• 11:05
• نوشته شده توسط
• ابوالفضل عابدی پور

ای روحیمه ریحان اکبر اکبر
مست می قرآن اکبر اکبر
سینه مدالیمسن اوغلوم اوغلوم
لیلا سنه قربان اوغلوم اوغلوم

لایلای گوزلیم لایلای
شیرین غزلیم لایلای

ای مهر محرابیم اکبر اکبر
آئینه و آبیم اکبر اکبر
هم مهر تابانیم اوغلوم اوغلوم
هم ماه و مهتابیم اکبر اکبر

لایلای گوزلیم لایلای
شیرین غزلیم لایلای

حسنونده غوغاسن اکبر اکبر
عشقینده شیداسن اکبر اکبر
یوسف غلامیندوراوغلوم اوغلوم
ما ه دلاراسن اکبر اکبر

لایلای گوزلیم لایلای
شیرین غزلیم لایلای

نازلی نگاریمسن اوغلوم اوغلوم
شأن و وقاریمسن اوغلوم اوغلوم
لیلا سنه قربان اکبر اکبر
فخر تباریمسن اوغلوم اوغلوم

لایلای گوزلیم لایلای
شیرین غزلیم لایلای

ای شبه پیغمب

• سه شنبه
• 3
• اردیبهشت
• 1398
• ساعت
• 11:06
• نوشته شده توسط
• ابوالفضل عابدی پور

هر تخته نبی مسجدینه منبر اولانماز
هر چشمه سویی زمزمیلن کوثر اولانماز

دنیاده گوزل چوخدی ولی یوسفه چاتماز
یوسفده گوزلیکده علی اکبر اولانماز

اکبر نجه اکبر اوزی اکبر سوزی اکبر
هر اکبر اولان مظهر پیغمبر اولانماز

لیلا گوزلی تکدی گوزل لر آراسیندا
هیچ بیر گوزل الحق بئله خوش منظر اولانماز

قدی اوجادی سرو کیمی حسن باغیندا
گلزاره صنوبرده بئله زیور اولانماز

• جمعه
• 28
• آذر
• 1399
• ساعت
• 22:10
• نوشته شده توسط
• یوسف اکبری

فارسی

زلطف حی داور*غزلخوان ماه واختر
فرشته میزنه پر*به عشق روی اکبر
همه جهان شده به عشقش میکده
فرشته غرق شورومست مست
حسین بن علی قنداقه ی علی
گرفته باشعف به روی دست
علی علی علی۲ علی علی

دل زینب چه شادان*لب زینب چه خندان
به لب ذکر ملایک*علیجانم علیجان
روی مه طلعتش شوکت و عزتش
میبرددل زاهل آسمان
لطف حی جلیل چشمه ی سلسبیل
ازلبان اوشده روان
علی علی علی ۲ علی علی

ترکی

قورولدی بزم عشرت*دی گلسون اهل حاجت
بزندی عرش اعلی*یاغورباران رحمت
شوریله شوقیله حسین بن علی
بالانی آلدی قوجاقینه
سسلدی اکبریم*شبه پیمبریم
دوداقی قویدی دوداقینه
علی علی علی ۲ علی علی

دیدی ای ماهپاره*گوزآچ بوبیقراره
جانیم قربان اول

• سه شنبه
• 3
• اردیبهشت
• 1398
• ساعت
• 11:10
• نوشته شده توسط
• ابوالفضل عابدی پور

قلم الده باشدا وار شور شبه طاها
علی اکبر مدحتونده بستر مهیا
منیله خامه آرا وار انسیله الفت
یازاخ شرح سرو بستان و باغ لیلا

ای ماه زیبا طلعتی
ای افضل اکمل صولتی
عالم سنه مجنون اولوب
ای لیلی نون خوش صحبتی

گل لیلا آدی همچون زیبا غزلدی
جلالتده خلقیدا طاهایه مثلدی
وسیم اولماقدا وار هیچ کیم یوسف اولانماز
علی اکبر یوسف کنعاندان گوزلدی

علی جان علی جان ...

ای مصحف رویی قمر
ای وارثه بار و ثمر
(اقترب الساعه ) سنون
رویوندا اولموش جلوه گر

کمند عشقونده گویلوم اولموش گرفتار
سنه علقم وصفه گلمز آگهدی غفار
علی اکبر خوان لطفونده میهمانم
نه عزت وار سنده نه شوکت بولمز اغیار

علی جان علی جان ...

تمثالی ای شمس

• سه شنبه
• 3
• اردیبهشت
• 1398
• ساعت
• 11:11
• نوشته شده توسط
• ابوالفضل عابدی پور

ییخلـوب تپـراقـا اکبـر یارالی
باش سینوب ظلمیله پیکر یارالی

دادیمه تئز گل اماندی بابا جان
لبلریم گورنجه یاندی بابا جان
ئـولـورم دادیمه گل
ئوزون ایمدادیمه گل

توش اولوب نیزه لره خسته بَدن
داشلیـور پیکـریمـی اَهل فِتَن
ئولـورم یوخ بابا جان داده گلن

هاردا قالدون ئولورم دادیمه گل
سُون نفسده بابا فریادیمه گل

دوغرانوب پیکریم ای جان جهان
هـارداسان اکبـره وئـرموله امان
باشیمی اینـدی کسللـر بابا جان

اکبرون مین دفعه قرباندی سنه
وئرمه فرصت باباجان باش کسنه

نه یامان بیـزلری گور یوخلادیلار
دردیمی نیسگیلیمی چوخلادیلار
تَهلیـوب اکبـروی اوخـلادیلار

اوخلارین تک تکی دیدی سینمه
دادیمـه گل منـی مأیوس المه

• دوشنبه
• 6
• بهمن
• 1399
• ساعت
• 22:51
• نوشته شده توسط
• یوسف اکبری

جسمیده یوخدی صاف یری باشدان ایاقه یاره دور
ریزه به ریزه دوغرانوب پیکری پاره پاره دور
جوّ سماده گوییا منطقهٔ ستاره دور
بیربیرنه سناره لر منعکس ضیا گلور

بولدوله یوخدی طاقتی دورونی آلدولار تمام
هربیرینین الینده بیر خنجر و نیزه و حسام
دوغرادولار جنازه سین قطعه به قطعه اهل شام
شرح ایدم ایستورم ولی٬ فاطمه دن حیا گلور

غفلتاً ایتمویون باجی لیلیِ مضطره خبر
بولسه اؤلوبدی اکبری لیلی ده غصه دن اؤلر
هانسی آنا اوغول جوان داغینه صبر ایدر دوزر
بیله اوغول کی گلمقه عالمه مثلی لا گلور

• جمعه
• 24
• بهمن
• 1399
• ساعت
• 17:43
• نوشته شده توسط
• یوسف اکبری

خانم صغرا
صغرا دوشر بلایه - گیتمه آماندی قارداش
رحم ائت بوبینوایه - گیتمه آماندی قارداش

علی اکبر
اکبر بیوردی صبر ائت - طاقت گتور فراقه
قربان اولا بوجانیم - اکبر دیَن دوداقه

خانم صغرا
آرام اولوبدی صغرا - عرض ائلدی برادر
عفو ائت گلیلیگیمدن - اولسون اگر مکدّر

علی اکبر
ارزشلیدور یانیمدا - بوعشق و بوعلاقه
سوغات آلوب گتورّم - قویسون گیدم عراقه

خانم صغرا
قوی شمعی تک یانوم من - هجرانووه سونوم گئت
اگلش دوروم ایاقه - بیر باشوه دونوم گئت

• پنج شنبه
• 5
• فروردین
• 1400
• ساعت
• 11:39
• نوشته شده توسط
• یوسف اکبری

کعبهٔ کرام اکبر
عزّت عظام اکبر
آیت تمام اکبر
حسن مستدام اکبر
روح لاینام اکبر

اگلشوب رکاب اوسته٬ گون کیمی او مَه سیما
جلوه گردی آلنیندا٬ کُنتُ کنز مخفیّا
مو به مو اولوب معنا٬ صورتینده کرّمنا

گورنجه او سیمایه
گیپریگی سالوب سایه
زلفی آیه دور آیه
توز او زلفه اگلشسه
ظلم اولوبدی لیلایه

صف چکوب سلام ایلر٬ قدسیان مسیرینده
شاهباز عرش اولموش پرفشان مسیرینده
سیندیروب سپر اولدوز آسمان مسیرینده
اهل دل نثار ایلر نقد جان مسیرینده

انبیا دیر احسن
اولیا دیر شه سن
اصفیا دیر مه سن
عشقی وحی ائدن قلبه
گه فرشته دور گه سن

• پنج شنبه
• 5
• فروردین
• 1400
• ساعت
• 15:28
• نوشته شده توسط
• یوسف اکبری

دولان او آهو باخیش گوزلرونله بیرجه دالا
او بختور ننون اوغلوم قالوبدی گور نه حالا

سوزور گوزوم یاشی مانند آبشار گئدور
دالونجا داغی دلیم گورنه بیقرار گئدور

قرا تلون دولاشوب قلبیمه آتاندا قَدم
دونور جهان گوزومه لیل اولور نهار گئدور

یول اوسته سن دایاناندا اَسَن اورک دایانور
قَدَم آتاندا سینمدن اولور کنار گئدور

یارالی یارووی یاری ائله یاری جاندور
دوشوب طلاطمه چون کوی یاره یار گئدور

• پنج شنبه
• 5
• فروردین
• 1400
• ساعت
• 15:31
• نوشته شده توسط
• یوسف اکبری

سبک：امریکا مرگ به نیرنگ تو

اکبر مه لقا اچدی گوزون عالمه
گوزلرون ایدن حسین تاپدی غمون خاتمه
ویردی صفاگلشنه تهنیت اولسون سنه
اشبه خیرالورا قویدی قدم عالمه
مکه منا اوغلودی سعی وصفااوغلودی
ناز ایلیر بوبالا کوثریلن زمزمه

گوزلرون آیدین اقا یاز بیزه کرب وبلا

بلبل شوریده نغمه اوخور گللره
یثربه غوغاسالوب واردی گوزل منظره
زاده لیلادی بو نور هویدادی بو
آدینه قربان اولوم عشقی دوشوب دللره
صورتینه کیم باخوب واله اولوب اکبره
فوری دیوب جان فدا مصطفوی گوزلره

گوزلرون آیدین اقا یاز بیزه کرب وبلا

گلشن زهراده غنچه اچوبدی بوگون
اکبر ادینلی بالا عطر گل یاسیدی
گوزلری پیغمبری شهدوعسل لبلری
دیلده ادی ازبری یاس پرا

• چهارشنبه
• 4
• اردیبهشت
• 1398
• ساعت
• 12:09
• نوشته شده توسط
• ابوالفضل عابدی پور

اکبریم ای نو جوانیم لیلییه دردانه سن
سن گوزلیقدا مثل سن تک گل کاشانه سن
.
یریوزون آختارسالار اولماز حریفون حسنوده
مین گویول ملکون باخیشدا ایتموسن ویرانه سن
.
گوزلرون گیرادی اکبر خالقون غوغا ایدوب
مست ایدورمی تک نگاهون سن مگرپیمانه سن
.
هر اولان مست نگاهون ترک ایدر میخانه نی
می گوزون مینا یوزون سن اصلیده میخانه سن
.
طاق ابرووی گورن معراجینه محراب ایدر
قبله گاه عارفان و عاقل و دیوانه سن
.
بادۀ عشقونله سرخوش ایتموسن بیگانه نی
مین زلیخانون گوزونده یوسف فرزانه سن
.
شعلۀ فرقتده یانام گرچه من یعقوب وار
وار بصر نوری منه گلسن اگر کنعانه سن
.
کلبۀ احزان اولار باخما فراقینده دلیم
گیت جهاد ایله بوچولده قر

• دوشنبه
• 21
• مرداد
• 1398
• ساعت
• 12:23
• نوشته شده توسط
• ابوالفضل عابدی پور

گلّم علی دالونجا
هر قدر قدرتیم وار
شامه کیمی سورونّم
نیلوم محبّتیم وار

بیله بولور گورنلر مغلولِ بیر عدویم
قول باغلی دستگیر اعدای کینه جویم
بولمولّه من اسیر گیسوی مشک بویم
هر بیر تِلینده تک تک اوّلدن الفتیم وار

هرگز یورولمارام من بو یولدا همرهیم سن
گرچه گونوم قرادی نورانی بیر مهیم سن
من سندن اوتری گلّم سن دلدن آگهیم سن
بیگانه لر که بولمز دلده نه نیّتیم وار

بلبل جفای خاره بیجا یره دایانماز
پروانه دورِ شمعه عشق اولماسا دولانماز
من یانماسام غمونده بیگانه لر که یانماز
پروانه دن چوخ آرتوق یانماقه رغبتیم وار

پابند تار زلفم محکمدی بو علاقم
سندن گوتورمرم گوز قارداش نه قدری صاقم
بی آز که آیری دوشدوم

• دوشنبه
• 25
• شهریور
• 1398
• ساعت
• 09:51
• نوشته شده توسط
• TzwSVsOw

منه بو گجه قوناقسان گُل بی خزانیم اکبر
یری من باخوم دالونجا سنه وار گمانیم اکبر

قیودوب سلامت اوغلی او گون هاجرون منادن
ساق الی باشیمدا اولسون قوتاروم بو گون بلادن
سنی ساق گوروم گلورسن بو منای کربلادن
گودَرَم یولون همیشه گله جسمه جانیم اکبر

علی دویمادیم سوزوندن منیلن دانش اقلّی
بویوون فداسی لیلا منه ویر بیر آز تسلی
گونی قاره اولّام اوندا آشاسان بالا بو تلّی
قالاسان بو چولده امّا گیده کاروانیم اکبر

بالا آرزو ایدردیم آنالار سیاقی منده
الووه حنا یاخیدون هامی تای توشونلا سنده
بله قورخورام مارالی سالا اُوچولار کمنده
طوی اساسی گورسم اوندا اوجالار فغانیم اکبر

سنی گورمسم وطنده توکرم سرشک عذاره
بَزَرم سنون اطاقون چکرم الیمله قاره
اوجا اوخشیانمارام من بی بون ایتسه گر نظاره
ایدرم نهان حیادن بو غم عیانیم اکبر

بو دیاره کربلاده منه غم اولوب فریضه
ولی عمده مشگلیم وار ایدورم سنه عریضه
گوزی یولدادی وطنده بیلوسن باجون مریضه
نه دییم سراغون آلسا او چتین زمانیم اکبر

علی بیرده تای توشونلابیله سوز دیدون گلنده
ایده سوز هامی عروسی قیدنده سن وطنده
نه دییم سوروشسالار گر بالا یثربه گیدنده
دی منه سوزون عزیزیم بو گیجه جوانیم اکبر

• شنبه
• 1
• آذر
• 1399
• ساعت
• 22:32
• نوشته شده توسط
• یوسف اکبری