اشعار حضرت علی اکبر علیه السلام

بو قطعه به قطعه قانلی پیکر، آئینه ی مصطفادی قارداش؟
یا باشدا قلج یاراسی حیدر، محرابیده مرتضادی قارداش؟

گیرم ایدوب اقتضا مشیت، کج دور ایلیه بو چرخ گردون
قانه بویانا بو ماه طلعت، لیلانی ایده فراقی مجنون
امّا ندن ایتمیوب مروت، بو لشکر کینه پرور و دون
بیر حاله سالوبلا بو جوانی، آد پیکر اوزی نمادی قارداش

سن عهد اَلَسته ایتدون ایفا، بیر لطفیدی بو سنه خدادن
تقدیر اولونان قضایه اصلا، ت غییر یِتیشمدی بدادن
کبرانی بُلوندورر بو صُغری، ظاهردی خبر بو مبتدادن
قانون توکَجاقلا بو جماعت، ظلمه هله ابتدادی قارداش

آلجاق سسینی بو مه لقانون، قارداش ساری گُل کیمی سارالدون
گیتدون گوره سن عزیز جانون، نولدی سببی بو حاله قالدون
امرونله گَتوردوله جوانون، آز فاصله ده ولی قوجالدون
ناکام اوغولی اُلن آتادن، آری بو عمل سزادی قارداش

گورجک باشینون قلج یاراسین، دوشدی آتامین یاراسی یاده
بو دشتیده کوفه اجراسین، تجدید ایلین یاتوب عباده
باخ گور دیمورم اوغول آناسین، محشردی دیار کربلاده
لیلا تک ایدن بو چولده، آلُ الَلهی بو عبادی قارداش

ای مظهر صنع حیّ یکتا، بو کرب و بلا یری منادور
هاجرده هانی مقام لیلا، اوغلی بونون اوغلونا فدادور
کعبه یری با شرفدور امّا، اونداندا شرفلی کربلادور
نه کعبه بهشت و عرشدنده، با رتبه بو کربلادی قارداش

ای ذبح عظیمه عمده معنا، وی باب نجات ماسوایه
ویردون ایله بیر فدای زیبا، فخر ایلوری کربلا مِنایه
بو قطعه به قطعه جسمه اعدا، قرآنی یازوبلار آیه آیه
علّت ندی بس ورق ورقدور، آیاتی جدا جدادی قارداش

گُل جسمینی منجنیق محنت، بو چولده خلیل تک سخوبدی
کِتفینده اولان بو تک جراحت، شمشاد قدین یره یخوبدی
امّا وورولوب او قدر ضربت، قرآن کیمی جلددن چخوبدی
بیر بیله خدنگ و تیغ و خنجر، بیر جسمه نجه روادی قارداش

گَلمزدی بو حیطه ی خیاله، شهزاده گیدن زمان جهاده
چون سرو خرام ایده جداله، صد پاره ولی گَله عباده
صیّاد بو محترم غزاله، بیر دام قوروب بو غم گُساره
آهوی خطایه ده حقیقت، بیر بیله جفا خطادی قارداش

مشتاق اولاندا آل طاها، اوز جدی رسول کردگاره
بیر بونلا تاپاردیلار تسلی، ایلردیلر اکبره نظاره
دوزسونله نجه بو غمده آیا، اکبرده اولوبدی پاره پاره
هجری بو جوانین اهل بیته، علّت اودی غم فزادی قارداش

هر بیر کسین اُلسه بیر عزیزی، جاریدی بونا جهاندا عادت
قویمازلا که چشم اشک ریزی، قان آغلیه ای شهِ ولایت
امّا بو جوان ریز ریزی، گورجک سنه ایلدی شمادت
شرم ایتمدی قانلی گوز یاشوندان، سعد اوغلی نه بی حیادی قارداش

گلزار وفاده جسم اکبر، بیر گُلدی که خاره توش اولوبدی
گُل تک بو گوزل بدن برادر، باشدان باشا خاریله دولوبدی
باشینده سکینه قاره معجر، آگاه اولالی بو گُل سولوبدی
پژمرده و بال و پر شکسته، بلبل تک ایشی نوادی قارداش

آهیم اودی عالم برینه، اوج ایلسه گور سپهر یانماز؟
بیر رنگه باتوب مه مدینه، هیچ لاله بو رنگیله بویانماز
تا وار نفسی قیزون سکینه، قارداش دیسه اکبریم اویانماز
صبر ایلمسه او بی قرینه، اُلدورسه اوزین به جادی قارداش

(سعدی زمان) بو آستانه، مستخدم پاک و بی ریادور
سن باب کرم شه زمانه، امّا او ملول بیر گدادور
غم قلبینی دوندَروبدی قانه، مشتاق طواف کربلادور
قانع دگل آز عطایه سندن، منظوری بیوک عطادی قارداش

• یکشنبه
• 4
• مهر
• 1400
• ساعت
• 15:36
• نوشته شده توسط
• یوسف اکبری

ای مظهر پیمبر و صاحب وقار اوغول
حسن جمالی خلقته وی شاهکار اوغول

فخر ایله‌سه خلیل اگر ئوز ذبیحینه
ایلر بلی حسین‌ده سنه افتخار اوغول

خوان کمالوه سنون ای یوسف حسین
مین یوسف ایستیور اولا تا ریزه‌خوار اوغول

یوسف هارا سن هارا یعقوب هارا حسین هارا
اولسا اگر مقایسه چوخ فرقی وار اوغول

کرب و بلا صبور اولان عاشیق مکانی‌دور
دوزمز بلایه عاشیق بی اقتدار اوغول

عاشق اودور که سن کیمی سرمایه‌سی اولا
بذل ایلیوب نگاره تاپا اعتبار اوغول

عاشیق اودور که طعنه‌ی اغیاره صبر ایده
عاشیق اودور کی قلبی اولا داغدار اوغول

عاشیق اودور اوغول گوزونون قانینی سیله
ای‌وای دیوب نه ایلمیه آه و زار اوغول

آخر نفسدی بیر آتا دی جان دیوم سنه
آز قالدی جنّته اولاسان رهسپار اوغول

قلبیم چوخ ایستیور آچاسان قانلی گوزلرون
بیرده گوروم گوزوم گیله‌سین آشکار اوغول

بیر یول نگاه ایدوب گنه یومسوندا یوم گوزون
باخسا اوغول آتا یوزینه اَجری وار اوغول

جدّیم دوشوبدی یادیمه ای مصطفی باخیش
سن باخ منه اولوم باباما اشگبار اوغول

قویدی یوزون اوغول یوزونه قلبی رام اولا
گورسون دیدی بوحالیمی پروردگار اوغول

ناگه قولاقینه یتشوب آغلاماق سسی
تِز تِز دیور هایانداسان ای زخمدار اوغول

فوراً حسین اوجالتدی باشین گوردی زینبی
بیر آیری مشگله دیدی اولدوم دچار اوغول

عمّوندی سر برهنه گلوب من دوزنمرم
مهر حجاب پرده‌دن اولسون کنار اوغول

دوردی ایاقه تِز ایاقا دور میان حسین
سن قال دیدی قوم اوسته هله گل‌عذار اوغول

سالدی عباسینی باشینا زینبون، دیدی
بو سن بو حق یولوندا ایدن جان نثار اوغول

اگلشدی عمّه‌ده آتادا قتلگاهیده
زینب دیدی بی‌بوندی گلوب بی‌قرار اوغول

عمّون گلنده فوری دوراردون ایاقینه
سن دونموسن دونوبدی و یا روزگار اوغول

یا چوخ یارالی‌سان ایاق اوسته دورانموسان
هانسی یارون سنه ویروری چوخ فشار اوغول

قاسم عم اوغلووی چاقوروم ال اله ویرون
باهم گیدون خیامه ایکی غمگسار اوغول

آز قالدی نوریدن دوشه قارداشمون گوزی
کام آلدی گورنجه فلک کج‌مدار اوغول

• سه شنبه
• 17
• مرداد
• 1402
• ساعت
• 00:21
• نوشته شده توسط
• یوسف اکبری

☑️ بند اول

اویان ای گل پر پر یادگار پیغمبر
بو نه حال دور اوغلوم آچ گوزون علی اکبر

بئلیم بوکولدی بالا گورنده پیکریوی
جفالی کوفه لی لر پوزوبلا تئل لریوی

بو بیقرار اورگیم یانیر شراره لره
گوزوم دوشنده اوغول هلالی یاره لره

? یارالی جان یارالی / یارالی جان یارالی

☑️بند دوم

چکیب داغی فراقون بو دل کباب اوسته
منیم روح و روانیم یاتمیسان تراب اوسته

بو قانلی گوزلرین آچ اورک سیخیلدی اوغول
دانیشمیسان نیه بس ائویم ییخیلدی اوغول

سینیخدی قلبیم علی شراره عشقه آلیش
بو قانلی لبلریوین اولوم فداسی دانیش

? یارالی جان یارالی / یارالی جان یارالی

☑️بند سوم

آتان شیر خدا تک وار باشیندا بیر یاره
اولوب مصحف جسمین دست ظلمیله پاره

بو قانلی پیکریوین یاراسی چوخدی علی
بو جسمی چولقالیین قلجدی اوخدی علی

نئلر گلیب باشیما گدیب جلالیم علی
بو غملی سینه ده وار غم و ملالیم علی

? یارالی جان یارالی / یارالی جان یارالی

• جمعه
• 24
• شهریور
• 1402
• ساعت
• 21:22
• نوشته شده توسط
• یوسف اکبری

قرار و صبریمی آلمیش باشیمداکی شور
او شوریدن اورگیمده واریمدی بیر منظور

بودور خیالیم ایدم شرح عیدِ اضحانی
ندور بو قصّه بولون سون ندور بو قربانی

یتیشدی عالَمِ رؤیاده امرِ رَبّ جلیل
اوز اوغلینی کسه قربان رَهِ وفاده خلیل

گلوب خیالینه تردید گوردی رؤیانی
او دور همان گجه نون ترویه قالوب آدی

ایکیمجی گیجه گورنده اوزی دئدی صِدّق
آدی قالوب عرفه شکّیدن چیخوب مُطلق

اوچومجی گیجه دئدی هاجره او پیرِ نبیل
صباح منله قوناقی دور مِناده اسماعیل

ایشیتدی هاجر، اوغول صبح اولوب قوناخ گیده جاخ
او فکریله که اونی نچّه لحظه ترک ایده جاخ

بونیله بیله دییه بولمرم آنا یاتدی
یوخودادا دیمه بو فکری باشیدن آتدی

گلور خیاله بو حالیمده لیلِ عاشورا
او گجه نی نجه صبح ایتدی بینوا لیلا

بولوردی اکبری صبح اولسا قانینه بویانور
آنا اولان مگر عالمده بو غمه دایانور

همین که بیکس امامین مرامینی سِچدی
اوتوردی صبحه کیمی اوغلونا کفن بیچدی

خیالیده باشا اکبر قراسینی سالدی
علی علی دئدی بیر ایل گجه اویاق قالدی

نه بیر آنا گورونوب بو جهاندا لیلا تک
نه بیر اوغول او شبیهِ امیرِ بطحا تک

او واقعه که بو با جا گریزه اولدی سبب
گرک تعاقب اولا، ناقص اولماسین مطلب

او دم که یتدی باشا شامِ وصلِ اسماعیل
او صبحِ فرقت اولوب تیره بیر شبه تبدیل

بیاضِ گَردنینی تا نشان ویروب خورشید
دوزوب او گردنه هاجر بیر عقدِ مُروارید

توکردی دانهء اشگین یوزینه گوهر تک
یاناردی اوز اودونا اودلانان سَمندر تک

ادبلی اوغلونا زیبنده زینت ایلردی
اورگی تک الی گر چه اسردی تترردی

ویراری زلفینه شانه او تتریَن الینن
او طولِ قصّه نی ختم ایلرم بو مُجملینن

آنا گوروب آتا کاردیله ریسمان ایستر
وجودی رَعشه دوتوب بیله بولدی جان ایستر

سؤال ایلدی بو باره ده او سَروردن
اساسِ مطلبی مستور قیلدی هاجردن

جواب ویردی اورکدن شکاره میلیم وار
پیچاقیله ایپی لازم بیلّوله اهلِ شکار

شکار ال ایاقین باغلاماقا اولسا رَسن
بو کاردیله کسرم باشینی شکارین من

بونیله بیله گینه دوزمیوب آنا اورگی
باخاردی اوغلونا تترردی استخوان و رَگی

و لیک لیلی اوغول گوندرنده میدانه
اورک ویروردی اوزی اول جوانِ عطشانه

دییردی گیت اوغول الله یولوندا قربان اُول
بو شاهِ تشنه لبانه مطیعِ فرمان اُول

نقدر گُل جسدون یاره سی چوخ اولسا خوشام
اوخیله زخم، دمِ خنجریله دولسا خوشام

مرارتِ غمِ هجرون دآیمه خیال ایدرم
گورنده جسمیوی باشسیز سنی حَلال ایدرم

گلوب او دم که باخوب نعشیوه کباب اولدوم
او وقت بولّم اوغول منده کامیاب اولدوم

خلاصه گتدی منایه خلیل دلبندین
خدا بیلردی مرامین او آرزو مندین

ازَل او گوردوقی رؤیانی ایلدی اظهار
عجبدی اولمادی راضی که ایلسون تکرار

ادبله عرض ایلدی اُول مُطیعِ حکم الله
اولان قضیّهء اِنّی اَرایه خاطرخواه

بابا اونا که سنه امر اولوب ایله اجرا
بو تزلی قیله تاپارسان منی قضایه رضا

ایاقیمی الیمی باغلا ای بابا مُحکم
باشیمی کسگیله تا یتمسون وجودیوه غم

کسنده باشیمی شاید گتورمیَم طاقت
ایاقیمه الیمه ای بابا ویرم حَرکت

همی ایدم بابا من ترکِ اِحترام و اَدب
همی سنون اولا قلبونده اضطرابه سبب

مباد قانیم آخاندا دَگه بو دامن یوه
او قان سبب اولا گوردوقجه داد و شیون یوه

یوزیمی قوی قوری توپراقه ای بابا بیرده
که خوشدی گر اولا قربانِ حقّ یوزی یرده

اوغول ایاقین الین باغلادی طناب یله
پیچاقینی گوتوروب بی حد اضطراب یله

قوری یر اوسته گورنده یوزینی غملندی
ذَبیح حالی خلیلِ خداده گورسندی

آتا اوغول وارکَن وار حیاتیدن دویدی
اوغول بوغازینه بولمم نجه پیچاق قویدی

بوغاز کسیل مدی چکدی پیچاقینی کَرّات
او گوردوقی ایشه قالدی اوزی اورک دن مات

الینده کی پیچاقی غیظه گلدی ووردی داشا
بسانِ رشتهء دل داش کسیلدی یتدی باشا

اوغول باشینی گینه کسماقا هوس لندی
فصیح لحنیله الده پیچاقی سس لندی

خلیل امر ایلوری کَس، جلیل نهی ایدیری
دیمه که اوز باشینا سن پیچاق خطا گیدوری

گلوب تلاطمه دریای لطفِ رَبّانی
قبول اولوندی خدا درگهینده قربانی

آچیلدی بابِ کرم نازل اولدی جَبرائیل
گتوردی بیر قوچ او بی مِثل و بی عدیله بدیل

یتوردی دوست پیامین او پیکِ فَرخنده
بدل اگر چه دگلدی ذَبیحه زیبنده

ولی اولوبدی او ذِبحِ عظیمدن مقصود
عزیزِ فاطمه، زیبنده فدیهء معبود

اوغول فداسینی لایق بولوب حسین ایتسون
که تا هر ایکی جهاندا مرامی نه یتسون

اوغول رضاسیله قان ایچره ال ایاق چالسون
او حالی گورسون اوغولدان آتاسی کام آلسون

فدا اولوم سنه ای کوی عشق سلطانی
جهاندا سن کیمی کیم ویردی دوست قربانی

حرم سراسینه تا اکبرین سسی گلدی
قیزاردی رنگی بیله بیلدیلر که دینجلدی

کمالِ وجدیله گلدی اوغول باشی اوسته
گوووب نشانهء شَقُّ القَمر قاشی اوسته

رکابیدن چیخادوب اوز ایاقلارین بیردن
گوتوردی بیر یارالی پیکری قوری یردن

باسوب دی سینیه بیر نقدِ جانی جان اوسته
سالوب دی سروِ چمن، سایه، اَرغَوان اوسته

سپاه یدن او جنابه باخان بیله بولدی
گر اکبر ئولمَسَده وار یقین حسین ئولدی

قالوب یوزینده یوزی جان ویریردی ظاهرده
او حالی ذکر اولونور ایمدیده مَنابرده

پیمبر عطرین آلوردی اوز اوغلی اکبردن
گوتوردی توشهء دل مَظهرِ پیمبردن

او شاهزاده یوزیندن کنار ایدنده یوزین
غریبه منظره قیلم شدی شهریار اوزین

باخان گوروردی نه حسرتیله اکبرینه باخور
سرشگِ چشمی کیمی قان محاسن ندن آخور

دئدی جوان لارینه اکبری گَلون گوتورون
آناسینا بو یارالی جنازه نی یتورون

نجه گوتوردوله بولمم گُلِ وَرق وَرقی
خیمه قباقینه گتدیله تازه گُل طَبَقی

گینه رجوع ایدرم باشداکی یازدیقیم سوزیمه
او قصّه ختم ینی چون فرض بولمیشم اوزیمه

خلیل گتدی ذَبیحی سلامت و خوشحال
آناسینی یتیشوب گوردی مُضطرب احوال

آنا بالایه باخوب گلدی تازه دن هوسه
بالا آنا ایکی سی ویردیلر نفس نفسه

آنا اوغول بوغازیندا پیچاق یرین گوردی
محبّتین اثرین اهلِ عشقه بیلدیردی

دایانا بولمدی بی اختیار غشّ ایتدی
گلنده حاله باخوب بیرده هوشدن گیتدی

آنا اورگی اولورموش اگر بیله بی تاب
ندور بو باره ده منظور اولان سؤال و جواب

که بیر پیچاق یری گورماقیله بو حاله قالور
گیدور اوزیندن او حالینده مین خیاله قالور

اولیدی کول باشینا کاش فانی دنیانون
یتینده قتل گهه نُولدی حالی لیلانون

گوروب که اکبری میداندا قانه غلطان دور
خیال ایلدی بیر با صفا گلستان دور

که هر یارا باش آچوب سینه سینده بیر گل تک
اوزین ایتوردی شُور اوسته گَلدی بلبل تک

دیمه که محوِ گلِ سروِ بوستان اولدی
بسانِ بلبلِ شُوریده نَغمه خوان اولدی

دوشندی شاخهء گل اوسته باشلادی فریاد
چکردی داد دییردی اوغول ایوین آباد

گیچنکی عمریدن عالَمده بهره مند اولدوم
بابان یانیندا علی منده سر بلند اولدوم

تمام زحمتمین اجرینی بو گون آلدیم
یوزوم آق اولدی سن ئولدون باشا قرا سالدیم

بو قیلدیقون خدماته ئولونجه ممنونم
نه لیلیم، که سنون عشقویله مجنونم

بهارِ گلشنِ رویون خَزانه دوندی اوغول
سنیله من خوش اولان بیر زمانه دُوندی اوغول

اولام بو نشئه ده پرده نشین دگل جایز
گرک بیر عمریده صحرانورد اولام سن سیز

باشی قرالی، قولی باغلی، گوزلریم گریان
گیدم گرک دولانام شهرِ شامی سرگردان

دایاندی خامه دایان (صافیا) تمامه یتور
بو نامهء غمی ختم ایله خاصّ و عامه یتور

بو نوعِ شرحِ دل او

• چهارشنبه
• 17
• شهریور
• 1400
• ساعت
• 11:25
• نوشته شده توسط
• یوسف اکبری

گچر که فصلِ زمستان، دمِ بهار گلور
سولان گیاه و گُله بیر دم آشکار گلور

ترابِ تیره گیاه و گلیله خوش بزنور
قبای سبزیله سردارِ افتخار گلور

گلور ترانيه بلبل چمن هواسیله
خیالینه نه خزان نه جفای خار گلور

نسیمِ صبح ویرور عندلیبه گُل خبرین
فراق رنجی گئیدور وَصله اعتبار گلور

ولیک یوخ خبری یاسمن باتوب ياسه
بسانِ طرّهء غمدیده تار مار گلور

بنفشه قاره گیوب باش قویوبدی غم دیزینه
دیمه یوزونده کی شبنمدی اشکبار گلور

او غنچه که گوروسن آچمیوب دولی قاندی
حیا ایدور آچیلا بولمورم نه عار گلور

نه حقّی واردی آچوب لاله قان پیاله سی تک
ایدوبدی سینه سینی غصّه داغدار گلور

یقین دیارِ بلادن صبا خبر گتیروب
خيامه اکبرِ شهزاده زخمدار گلور

بدن یارالی، اوزی خسته، لبلری تشنه
یارالاریندان آخور قانی چشمه سار گلور

علم یاتیردوب، عدو ئولدوروب، جگر یانوری
آتاسی ایلیه سیراب امیدوار گلور

بیلور پیاده گرک شه حضوری نه گلسین
ولى يارالیدی یوخ طاقتی، سوار گلور

آتاسی خيمه قباقینده بوینی چگننده
تیکوبدی گوز یولا نه صبر و نه قرار گلور

نه گوردی توز آراسندان جوان اوغول چیخدی
معاینه که على اَلده ذُوالفقار گلور

نجه گلور بويانوب قانه قرمزی گُل تک
یوزین، گوزین، سرِ زلفين دوتوب غبار گلور

يتشدی دوشدی آتندان ایدوب اَدای سلام
آتانی غملو گوروب گور نه غمگسار گلور

قولون آتا بالا بیر آچدی قول بويون أولدی
او حاله ایمدیده زَهرادن آه و زار گلور

سو ایستدی آتاسیندان سو اولمادی ممکن
فرات او گوندن اولوب خوار و شَرمسار گلور

آتا دیسون من اوزومده اوغول علی یانیرام
صراحتاً دیماقی گوردی ناگوار گلور

آلوب اَموب دلینی بو دلیله آندیردی
که یعنی گور جگریمدن منیمده نار گلور

دالی دالی چکیلوب شاهزاده چکدی فغان
گوروب آتا نفسی اوُد وِیرور شرار گلور

دِئدی سنون عطشون چوخدی ای بابا مندن
اگرچه اشکِ ترون مثلِ جویبار گلور

ایله اَدبلی اوغول ایله مهربان بیر آتا
نه روزگاره گلور نه او روزگار گلور

دِئدی قایت علی فیضِ شهادتی درک اِیت
غم ایلمه که دالونجا بو دل فکار گلور

بله گمان ایدرم شام اولونجا جدّيم اوزی
سنه سو ویرماقا دلده مین اضطرار گلور

او شاهزاده قایتدی گوروب که اهلِ جفا
ایدوبدی شبهِ نبی قصدِ کار زار گلور

قلج چکن اوخ آتان بیربیرین ایدوب ترغیب
گَلون دِیر دیلا بر زخملی شکار گلور

ازون ویروب قوشونا باخمادی او تشنه جوان
ياغش کیمی یاغوری تیرِ آبدار گلور

پوزوپ صفوفی یاتیردوب علملری یکسر
وروب یخوب قباقا هانسی نابکار گلور

هزار حیف که مَنقذ قلجلادی باشینی
دیمه که یر یوزونه ایله کين شعار گلور

باشندان آخدی قزيل قانی گوزلری دولدی
آت استه دور ممقا گوردی اقتدار گلور

ایکی قولون آتینون بوینونا حَمایل ایدوب
گوروب که قان گیدیری ضعفِ اِنزجار گلور

عنان مركبینی دوندروب خيامه طرف
آتا یوزون گوره بیرده او گلعذار گلور

او حینده اوجالوب طبلِ جشن هریاندان
صدای هل هله فریادِ گیر و دار گلور

عقاب رم یدی یوز قویدی دسته لر ایچینه
یارالی صید اوزی صیّادی نه دچار گلور

آلوب آراليقا صفلر، چکوب قلجلارینی
اَلنده حربه ورور هانسی کینه کار گلور

او گیر و داريده يعقوب آدینلی بیر کافر
اَلینده خنجر ایده ظلمون آشکار گلور

نه ظلم ایدوب ديمرم شاهزاده زین اوسته
دورانمادی داخی توپراقه جان نثار گلور

یِره دوشن کیمی نقش اولدی یرده چون تصویر
نه ایله صورت اولور نه ایله نگار گلور

همین بو قدر نفس گلدی سسلدی آتاسين
اوغول سسین آتا آلدی که زار زار گلور

ادب یولیله دیور ای بابا خدا حافظ
اجل گلوب گیدیرم پیکِ وصل یار گلور

بابا غم ایتمه، منى جدّیم ایلدی سیراب
نه بیرده رنجِ عطش بیرده نه فشار گلور

علاوه بر دولی جام الده منتظر دی سنه
تکوبدی گوز يولا فریادِ انتظار گلور

جوان اوغول سسین آلدی دئدی اوغول گلدیم
بولنمورم نجه اول شاهِ تاجدار گلور

باخان دیردی قوری ببر قفسدی روحی چیخوب
دوتوب وجودینی بالمرّه انکسار گلور

اوزون سالوب يِره نچه قدم قالاندا اِمام
او آز یولی نجه گور سِیر با وقار گلور

دورانمادی ایاق استه دیزی دیزی سورنوب
جوان اوغول يانینا گور نه خاکسار گلور

یتوب دوشندی او خندان گُل اوسته بلبل تک
گوروب نه گُل گوزه باخدیجا نوکِ خار گلور

نه حالدیدی حسین بولمورم خدا بولوری
اله تصوّر ایدنده بئله عیار گلور

گوزی باخوردی ولکن باخان دیردی ئولوب
نفس اگر چه گلور مثلِ احتضار گلور

توکوب سرشکینی سسلندی آه وا ولدا
گوز آچ اوغول گوزمه غصّدن غبار گلور

گوتوردی باشینی یِردن آلوب دیزی اوسته
نه گوز گورور، نه دانش دیرسین اختیار گلور

آتا باخور بالا قان ایچره اَل ایاق چالوری
سرشکِ چشمِ تری موجه چون بهار گلور

اوغلول اولنده آتانی یانندا قویمازلار
قبیله اِیل ایله بیر وقته هر نه وار گلور

اَلین دوتوب آپارولاّر کناره رسمدی بو
تسلی ویرماقا بیر جمعِ سوگوار گلور

ولی حسینون اَلیندن دوتوب کناره چکه
نه بیر نفر تاپیلور، بیر نفس نه یار گلور

باشی دیزینده، یوزی گُل یوزونده جان ویردی
خیاله گور ایله بیر صاحب اصطبار گلور؟

گلور که نعشین آپارسین خیامه اَل دوتمور
او یِرده قویسون اَلیندن خدا نه وار گلور

آپارماسين اوزی گیتسون قویوب گیده بولمور
بولور آپارماسا ليلا جنون وار گلور

اوزی آپاردی و یا بولمورم بنی هاشم
سوزون صریحی بودی نظمه اختصار گلور

همین بو قدر شبیهِ پیمبرین نَعشی
خیامِ طاهره ده تاپدی اشتهار گلور

اياق يالين باشی آچوخ بانوانِ پَرده نشین
تصوّر اِئت نجه گور خیمدن کنار گلور

خیامدن چخان اکبر جنازه سین که گورور
ساچین یولا یولا بی معجر و خمار گلور

نجه جنازه؟ قزیل گُلدی بیر عبا دولوسی
گَلن گلور که باخور شوره چون هَزار گلور

ورولدی حلقهء ماتم جنازه دوره سینه
عجبدی دوره گینه چرخِ کَجمدار گلور

گون اوزلولر سرِ زلفين آچوب یوزه توکدی
دوتولدی گُون يوزی گویا که لیلِ تار گلور

دولوب بَلا چولی واکبرا صداسیندن
فغانی ايمديده ليلانون آشکار گلور

ایاق طرفده قویوب یوز اوغول قدم لرینه
دوزلماقا نه توان و نه اِقتدار گلور

سُوور اوغول اَیاقی آتدا جان اِيده تسليم
نچاره نه ملک الموتِ کردگار گلور

(شهاب) اگرچه سوزون اختیاری سنده دگل
نظامیلن اوزی چون دُرّ شاهوار گلور

بس ایله سن، بو مصیبت او گُون تمامه يتر
که حُجّة ابن الحسن اَلده ذوالفقار گلور

• سه شنبه
• 30
• شهریور
• 1400
• ساعت
• 19:21
• نوشته شده توسط
• یوسف اکبری

#فارسی

نو گل باغ مرتضا اکبر – علی اکبر
دلبر شاه شهدا اکبر – علی اکبر
ستاره ی باغ ولا اکبر – علی اکبر
ای نوه ی شیر خدا اکبر – علی اکبر
به فاطمه نور دوعینی
آقا تو ماه عالمینی
غیرت تو همچو ابوالفضل
شاگرد عباسِ حسینی
خوش آمدی خوش آمدی اکبر علی اکبر۲

مژده به یاران که آمد بر- جهان اکبر
به قلب شیعه بُود روح- روان اکبر
ای زِسراپا نبی خصلت –نبی شوکت
بر همه عالم تویی سرور- جوان اکبر
روی دلم علی نوشته
غبطه خورد به تو فرشته
نور رُخَت نور خدایی
چشم های تو عین بهشته

#ترکی

مژده ویر ای شیعه گلوب دلبر – علی اکبر
شاهیمیزون اوغلی علی اکبر-علی اکبر
گوزل یوزی شبیه پیغمبر – علی اکبر
جهانیانه، بودور سرور – علی ا

• چهارشنبه
• 4
• اردیبهشت
• 1398
• ساعت
• 10:20
• نوشته شده توسط
• ابوالفضل عابدی پور

لالیه بنزر یوزون- قاشلارون کماندی
گوزلرووَه من فدا - آغلاما آماندی

ای مَهِ انور علی
دللره ازبر علی
لیلیه دلبر علی
شبه پیمبر علی

لایلای علی اکبریم(۴)

گوزلروون جلوه سی- بنزیور غزاله
آیدان گوزل صورتون- اوخشیور هلاله

ای مَهِ تابان علی
روحیمه ریحان علی
دردیمه درمان علی
آدیوه قربان علی

لایلای علی اکبریم(۴)

قسمت فارسی....

برهمهٔ شیعیان - نور هر دوعینی
اکبر لیلایی و - یوسف حسینی

ماه منوّر تویی
شبه پیمبر تویی
سائل کویت منم
علیِّ اکبر تویی

لایلای علی اکبرم(۴)

دلبر مه روی من - جان فدای نامت
گر بپذیری مرا - میشوم غلامت

بر همگان دلبری
شبیه پیغمبری
باجلوهٔ احمدی
از همه دل میبری

لایلای علی اکبرم(۴)

• پنج شنبه
• 5
• فروردین
• 1400
• ساعت
• 15:26
• نوشته شده توسط
• یوسف اکبری

عالم وصلیده ای گوزلریمون نوری اوغول
بیرده گل نطقه دانشدیر من مهجوری اوغول
.
.
ای غزال حرم ای حسن وفا کانی فتی
گورمیوب چشم ختن سن کیمی آهوی ختا
هانسی صیّاد خطا کار ایدوب بیله خطا
سنی صید ایتماق اولوب ظلمیله منظوری اوغول
.
.
ای گوزل گوزلری رشگ نگه مست غزال
بو باخوشدا اولا آهوی خطا چشمی محال
نجه خونریز ونه دل سختیدی بو قوم ضلال
دولدوروب قانیله بو نرگس مخموری اوغول
.
.
ایسته دی اوغلونی قربان ویره جانانه خلیل
اولمادی لایق قربانگه حق اسماعیل
بو مقامه سنی زیبنده گوروب رب جلیل
یازدی سن ذبح عظیم اسمینه منشوری اوغول
.
.
ایستورم پیکروی حمل ایلیم خرگاهه
باخورام بنزوری اوراق کلام اللهه
قورخورام لیلینی همدم

• دوشنبه
• 31
• تیر
• 1398
• ساعت
• 13:34
• نوشته شده توسط
• ابوالفضل عابدی پور

قلم ایستور یازا ابروی علی اکبردن
ایلیور شرم وحیا روی علی اکبردن

چوخ تعجّبدی که بیرلیلی،هزاران مجنون
باغلانوب حلقهٔ گیسوی علی اکبردن

هرنه اندازه که دیوانه سی وارمنده بیری
نه ایتم غایب اولام کوی علی اکبردن

باشلورام من بوسوزی مژدهٔ الهامی ولی
ایستورم لعل سخنگوی علی اکبردن

ایشیدوب گرچه هامی حُسنینون اوصافیندن
قدّ سرو و خَمِ ابروی علی اکبردن

نه وجاهت نه لطافت نه ملاحت نه ادب
آقالیق نوری یاغور روی علی اکبردن

باخسا یوز یوسف او زهرا بَیَنَن گوزلرینه
مست اولار نرگس جادوی علی اکبردن

چکه لرشامه اگرلیلینی یوز یول قاچماز
قولّاری باغلیدی چون موی علی اکبردن

پهلوانلار بیراشاریله دوشرتپراقه
خوار اولار قدرت بازوی علی اکبردن

• پنج شنبه
• 5
• فروردین
• 1400
• ساعت
• 15:34
• نوشته شده توسط
• یوسف اکبری

سس دوشدی ای لشکر کیمدی بو سرور گلور
حیدر ثانیدی یا رزمه پیمبر گلور
.
.
.
باشدا یاشیل تاجی وار گورنه گوزلدور ئوزی
بنزیری پیغمبره هر ایکی شهلا گوزی
نعره چکنده سالور لشکره لرزه سوزی
دیلده دیور یا علی مالک اشتر گلور
.
سس دوشدی ...
.
.
.
.
سویلدی من گلموشم جنگوزه آزادیم
جدیم علیدور بولون من ولی شهزادیم
کیم ساتوری باشینی آلماقا آمادیم
سوزلری اوخ تک دگوب بکره مکرر گلور
.
سس دوشدی ...
.
.
.
.
یولادی اول دشتیده جنگینه اوغلانلارین
معرکده هر بئشی تا ائتیروب یولارین
اکبر او دم دوغرادی تیغیله باش قولارین
خشمه گلوب بکر اوزی جنگه او کافر گلور
.
سس دوشدی ...
.
.
.
.
مرکز میدانیده غیرتی آچدی لبی
دوتدی یوزین لش

• سه شنبه
• 15
• مرداد
• 1398
• ساعت
• 11:00
• نوشته شده توسط
• ابوالفضل عابدی پور

اخترِ تابانیم اکبر
عزّتِ دورانیم اکبر
عزم میدان ائتمه اوغلوم
گتمه اوغلوم، گتمه اوغلوم
لیلینی هجران اید ر درده مبتلا
آهو باخیش گوزلروه گوزلریم فدا
بی امانم باغریقانم
گتمگوند ن ناگرانم
.
( مخالف )
.
دویمادیم من خوش سوزوند ن
آتما منی تز گوزوند ن
هر نه دن سن منه باصفاسن
قلبیمون دردینه آشناسن
.
.
.
.
.
.
حسنووه مفتونم اوغلوم
عشقیوه مجنونم اوغلوم
وار یوزونده قاره خالون
آیدان آیدین دور جمالون
لاله کیمی گول یوزوون داغداریم
بیر ئوپوشه لبلروون بیقراریم
.
( مخالف )
.
قاشلارون محکم کماندور
کیپریگون اوخدان یاماندور
اوخلاما قلبیمی قاش گوز آتما
دمبدم آیریلیقدان سوز آتما
.
.
.
.
.
.
دردوه دوزدوم دایاندیم
آتشِ

• سه شنبه
• 22
• مرداد
• 1398
• ساعت
• 13:51
• نوشته شده توسط
• ابوالفضل عابدی پور

لیلا گورنده اکبرینون قانلی پیکرین
اوخشاردی گوئیا بو قراریله اکبرین
.
توپراقلار اوسته یاتما بیله زخمدار اوغول
دور گور آنان نه نوع ایدر آه و زار اوغول
.
سنسیز منیم ایویم یخلوب عزّتیم گیدوب
دیجور تک اولوب گونوزوم تیره تار اوغول
.
دور و برونده عمّه لرون گورنه آغلاشور
آل رسوله محشر اولوب آشکار اوغول
.
آغلار باجون سکینه یانار وا اَخا دیَر
باخدوقجا قانلی نعشیوه زلفین یولار اوغول
.
قاندان دولوبدی نرگس مستون پیاله تک
گوردوقجه گوزلرون اولورام اشکبار اوغول
.
شبرنگ زلفوه دوزولوب قطره قطره قان
ایلر گوزوم بو زلفیوه مرجان نثار اوغول
.
لب تشنه سو یانندا سنی ایتدیلر شهید
اشکیم اودور آخور یوزه بی اختیار اوغول
.

• چهارشنبه
• 23
• مرداد
• 1398
• ساعت
• 10:52
• نوشته شده توسط
• ابوالفضل عابدی پور

به سبک(محرم رازیم الله...)

شبه پیمبر اکبر - فدیه‌ی داور اکبر
سنگریمون قوامی - عشقمه زیور اکبر
یاتما یاتما دور - پیکریمه توان بالا
ایله بیر نظر - حالِمه مهربان بالا
اکبر اکبر اکبر اکبر

دور یارالی قهرمان - یاره لری خونفشان
دشمنی شاد ایلمه - رزمی غیرت نشان
خاریِله پرپر گلوم - قانه باتان سوگلوم
اُف بو جهانه بالا - دای منه خوشدور ئولوم
چالما ال ایاق - سالما منی تلاطمه
گوزلوری یولون - خیمه سراده فاطمه
یاتما یاتما دور - پیکریمه توان بالا
ایله بیر نظر - حالِمه مهربان بالا
اکبر اکبر اکبر اکبر

گوزلریوی قان دوتوب - قلبِمی دومان دوتوب
سِینسون الی حالمی - منقذ نادان دوتوب
یاره لرون سان یوخی - دشمنون ایمان یوخی
خیمیه حمل ایلیوم - پیکرون امکان یوخی
نعشِووی عمون - قویماز آراده اکبریم
حمل ایدوم بودم - قانلی عباده اکبریم
یاتما یاتما دور - پیکریمه توان بالا
ایله بیر نظر - حالِمه مهربان بالا
اکبر اکبر اکبر اکبر

یوسف یثرب زمین - همّتِووه آفرین
باشمی سن اوجالتدون - درکِوه قربان حسین
خوش خط و خالِم علی - تشنه غزالیم علی
منده دالونجا گلّم - کمدی مجالیم علی
گیت یتور گلن - فاطمیه سلاممی
مرتضائیِله - جدّدِوه احتراممی
یاتما یاتما دور - پیکریمه توان بالا
ایله بیر نظر - حالِمه مهربان بالا
اکبر اکبر اکبر اکبر

سسله دیوم جان بالا - دلبره قربان بالا
دور باخوری حالمه - دشمن نادان بالا
قانلی یوزونده یوزوم - داغِوه حاشا دوزوم
خنجرکین ایستمز - من داخی ئولّم اوزوم
نه دیوم بالا - خیمه سراده قیزلره
اصغری سوسوز - باشی بلالی مادره
یاتما یاتما دور - پیکریمه توان بالا
ایله بیر نظر - حالِمه مهربان بالا
اکبر اکبر اکبر اکبر

سرورِمون دلبری - معرفتون جوهری
دینِنه اوّل فدا - حیدری و کوثری
اهل عزا سربسر - وای علی اکبر دِیَر
د قّتِیله منتظِر - ایلور عزایه نظر
شکر اولا عزا - پرچمی جاودانه دور
اودلی سوزلریم - آغلا ماقا بهانه دور
یاتما یاتما دور - پیکریمه توان بالا
ایله بیر نظر - حالِمه مهربان بالا
اکبر اکبر اکبر اکبر

• جمعه
• 30
• آبان
• 1399
• ساعت
• 20:35
• نوشته شده توسط
• یوسف اکبری

اکبریم ای تازه جوانیم
اچ گوزون قالمیوب توانیم
پیکرون گل تک پوزولوبدی
صولموسان بار گلستانیم

دور بالا گلمیشم باشین اوسته اوغول
یارالار ایلیوب سنی خسته اوغول

بالام لای لای گولوم لای لای

آرزومی دیلده قویدی دشمن
دیل سوزون دلده قویدی دشمن
سالدیلار شیریمی ایاقدان
الیمی بئلده قویدی دشمن

عیبی یوخ یوم گوزلریوی دردین آلیم
اللهین حکمتیدی بوردا قوجالیم

بالام لای لای گولوم لای لای

ظللم اولوندی چوخ سنه اکبر
دئی سوزون ایندی منه اکبر
خیمه ده گوزلیور رقیه
نه دیوم غم چکنه اکبر

سویلرم قارداشین قیزیم کامه چاتوب
پیکری خنجرین التدا قانه باتوب

بالام لای لای گولوم لای لای

• شنبه
• 16
• مرداد
• 1400
• ساعت
• 23:30
• نوشته شده توسط
• یوسف اکبری

یارالیام یارالاریم قان ورور
حسین آتام گل اکبرون جان ورور

منم منم پیمبرین مظهری
آخوب قانوم بویاندی حق سنگری
مدد قیل ای قالانلارین یاوری
گل عرصه دن کناره چک اکبری

یارالیام قزل قانا باتموشام
قانیمه قانلی تپراقی قاتموشام
یوزومده قان مرامیمه چاتموشام
اودور که گوزدن عالمی آتموشام

شهادتین جامین اله آلموشام
اوزومی سنگر حقه سالموشام
اوقدر یرده بال و پر چالموشام
باشیم سنوب گوزوم دولوب قالموشام

اوقان توکن قوشون وروب ال اله
گلوب ظهوره بیر چتین مسئله
سالوبلار اوغلون اکبری مقتله
بو خسته روحیم آز گالر دینجله

• پنج شنبه
• 21
• مرداد
• 1400
• ساعت
• 12:47
• نوشته شده توسط
• یوسف اکبری

غلط سوزدور دیللر بیرده یوسف تک گوزل گلمز
گلر یوسف مثالی اکبره اما مثل گلمز

بو بیر تمثیل مهملدور که چوخ ال وار ال اوستوندن
بله صورت چکن ال اوسته والله بیرده ال گلمز

حیاقیل دفتر نقش و نگارون باغلا ای مانی
کتابون باطل ایله چون بو اصل اوسته بدل گلمز

نجه اکبر ئوز عصرینده فقط بیر اکبره بنذر
مدلل سوز داخی بوندان گوزل قل و دل گلمز

ایله یرده قویوب خالین سر مو قدری کج دوشسه
اولار صورتده فرقی سیرتا اما خلل گلمز

قدم آتسا گوررسن بیر ایله زیبا غزال اولماز
دانشسا فکر ایدرسن بیر بیله شیرین غزل گلمز

اوشاقلقدان دوداقینون دادی لیلایه داد ویردی
ئوپوب تزتز دیردی بو حلاوتده عسل گلمز

گورن لیلایه سویلردی چکیلمز سینوه داغی
ترحم ایتسه مقراض اجل پیمان گسل گلمز

قضا میدانیده اما اوتوزمین شخصی کور ایتدی
گورن گوز قالمادی گورسون ایله زیبا گوزل گلمز

قفادن یوزقویوب هر بیر بلا باشینه خنجر تک
خجالتدور یوزیندن چون مقابلدن اجل گلمز

• جمعه
• 5
• دی
• 1399
• ساعت
• 23:56
• نوشته شده توسط
• یوسف اکبری

الله اکبر باتیب اکبر قانا
جانینی قربان الیوب قرآنا

ایله نوا اکبره / اشبه پیغمبره

گویده ملک آغلیور / قانه باتان گوزلره

عطرینه قوربان گل زهرادی بود
خلقیدی هم خلقیدی طاهادی بود
حسنینه باخ یوسف لیلا دی بود
شیر شهادت بونا ورمیش انا

الله اکبر باتیب اکبر قانا
جانینی قربان الیوب قرآنا

غم سالار ابراهیمی حالدان حالا
سویله گلیب درسین حسینن آلا
بیر یول اوزون اوپدی دیدی گت بالا
جان اولا قوربان او سوسوز قوربانا

الله اکبر باتیب اکبر قانا
جانینی قربان الیوب قرآنا

بیر یارا دردی او جوان باشینه
تیغ جفا باشدان انوب قاشینه
اخدی قارشدی قانی گوز یاشینه
وار یئری اول حاله ملک لر یانا

الله اکبر باتیب اکبر قانا
جانینی قربان الیوب قرآنا

• چهارشنبه
• 18
• مرداد
• 1402
• ساعت
• 01:19
• نوشته شده توسط
• یوسف اکبری

ای جوانیـم قهرمانیـم گون مثالی باتما اوغلوم
بسدی یاندیرما حسینی قان ایچینده یاتما اوغلوم
بـاغ زهـرایه یئـل اسدی
صبریمی غم غصه کسدی
ال ایـاق چـالما علی جان
قلبیمی یانـدیرمـا بسدی
لایلای اوغلوم لایلای اوغلوم

دفتر عشق و وفانی کوفه اهلی گور نه جیرمیش
باشیوه یاره وئرانلار قلبیمون بندین نه قیرمیش
من مگرئولموشدوم اوغلوم زلفوه اوخ شانه وئرمیش
کوفه اهلی منی آتـدی لااقـل سـن آتما اوغلوم

خیمللردن آیریلاندا گوزلـریم بیردن سولاندی
گوزیاشیم بیر چشمه مثلی محنتونده تئز سولاندی
سن گِئدنده قتلگاهه باشیمه دنیا دولاندی
آچ گوزون بی کس قالان شاهی بئله آغلاتما اوغلوم

فاطمه دعوت ائدوبـدی جنته مهمان گئدورسن
سرو قدون دوغرانوبدی نیمه جانسان ؛ جان گئدورسن
باش یارالی جیسمون ازدم لخته لخته قان گئدورسن
گوزلریم یاشین بو قلبیم قانینه سن قاتما اوغلوم

جنت اهلـی محنتـونده درده گلموش سینه داغلار
تا ئولونجـه غملی لیـلا اوتلانار یاسونده آغلار
گت قونـاق زهـرایه اوغلـوم یاروی جنته باغلار
ایلـه زهـرایـه شکـایت گوزلـرین آغلاتما اوغلوم

پیکـرون تپراقـلار اوستـه ظلمیله دوغراندی اکبر
یوز گـوزون قـانه بویانمـوش پیکرون القاندی اکبر
کیم سنی بو حاله سالموش سویله قلبیم یاندی اکبر
دور حسینه سس وئر ای شهزاده اکبر یاتما اوغلوم

جسمیـوی نه حاله سالمیـش بو حیاسیـز قوم عدوان
پاره پاره جسمه قربان ؛ قان توتان رخسـاره قربان
آچ گوزون لطف ایله اوغلوم نوحه وی یازسـون پریشان
تا دیلیمجه یازسون هر دم گون مثالی باتما اوغلوم

• دوشنبه
• 6
• بهمن
• 1399
• ساعت
• 22:52
• نوشته شده توسط
• یوسف اکبری

بیت مولا اولدی روشن
مقدم پاک علیدن
گل یوزونده چوخ نشان وار
هم نبی دن هم ولی دن

شبه پیغمبر گلوبدی
بیزلره دلبر گلوبدی
شاد اولون سیز ای جوانلار
شاد اولون اکبر گلوبدی

یا علی اکبر مدد

اولین فرزندِ مولا
تا قدم قویدی جهانه
بوگجه حتما آتاسی
لطف ایدر بو شیعیانه

کیم دیور بو آیه بنذر
گول یوزی مولایه بنذر
خَلق و خُلق و منطقینده
حضرت طاهایه بنذر

بیر مُحبِّ روسیاه
شبه پیغمبر منم من
من گدای کوی یارم
خاک پای اکبرم من

گل آقا قلبه صفا ویر
بیر برات کربلا ویر
سن آنان لیلایه خاطر
لطف ایله پایین پا ویر

چوخ سویللر چون جوانلار
اکبرِ شهزاده آدین
هیچ فراموش ایلمزلر
گُل آدین دیللرده یادین

لطف ایدوب خلاق یزدان
گلدی اولسون دینه قربان
اوندان اوز سرمشقین آلدی
هرشهید خاک ایران

• جمعه
• 29
• اسفند
• 1399
• ساعت
• 14:52
• نوشته شده توسط
• یوسف اکبری

اخياميده ديولّر اكبر گئدوب فراته
ليلا دخيل اولوبدى حلاّل مشكلاته

گؤردى علىِّ اكبر عطشاندى خوردا قيزلار
الده سو جامى يكسر نالاندى خوردا قيزلار
سوز عطشدن ای وای اودلاندى خوردا قيزلار
اوولار ملر سوسوزدان افغان سالار فلاته

تيغين چكوب دييردى اللَّهُ اكبر اكبر
فتح ايليوب فراتى شبه پيمبر اكبر
دولدوردى مشك آبى ليلايه دلبر اكبر
بلكه بير آز گتورسون سو تشنه لب بَناته

اى مرتضانين اوغلى شهزاده ياابالفضل!
منده دخيلووم بو مأواده يااباالفضل
بو معجرى قبول ائت چات داده يااباالفضل
ليلانى بحر غمدن چك ساحل نجاته

اكبر يوباندى قيزلار يول گوزليور خِيَمده
سينه م يانوبدى قالدى بو اللريم سينه مده
قويما يانام آماندى نار غمه بو غمده
بير آزدا چوخ يوبانسا نالم چیخار كُراته

اكبر بالام گلينجه من منتظر دايانّام
اللّر اورك باشيندا اشك غمه بويانّام
اخيامه گلسه سالم من باشينه دولانّام
بو عهديمى يئتورم عشقيله من ثباته

صبر ائت دایان آز آغلا، ای اکبرین آناسی!
اولسون هامی جوانلار، او اوغلوون فداسی
آغلاتدی عرش و فرشی،باشینده کی یاراسی
قانیله ویردی امضا، پایانِ خاطراته

بیر دردی وار «بشیر»ین، اکبرده دی دواسی
وسعتلی ایستور اولسون، بو نیّته، سراسی
برپا اولا هر ایلده مولا حسین عزاسی
چاتسین عزاده بلکه سرچشمه ی حیاته

• سه شنبه
• 17
• فروردین
• 1400
• ساعت
• 19:23
• نوشته شده توسط
• یوسف اکبری

ای منای عشقون غزالی علی اکبریم
سینه ی حسینون مدالی علی اکبریم
یاعلی علی جان ،علی جان،علی جان علی

گویلومه دوشنده پیمبر باخاردیم سنه
سنده نازنینیم گوزون آچ نظرقیل منه
آزقالوبدی زینب اسیراولســـون اهریمنه
زینبون یارالی مارالی علی اکبریم

آتش فراقه منی آز آلشدور علی
قلب نازنینون کوسوبدور باریشدور علی
دور ایاقه عمون گلیبدور دانشدور علی
اهل بیتیم اولدی عزالی علی اکبریم

آنداولا بابامون باشیندان آخان قاننه
بینواربابون اودلسیز لب عطشاننه
خیمه گاه عشقون وفالی نگهباننه
زینبون پوزولدی جلالی علی اکبریم

چاتدی کامه آخر بوچولده علی دشمنی
ظلم الیله سولدی سارالدی وفا گلشنی
گوزلیور سوجامی الینده رقیم سنی
دور ایاقه یاتما یارالی علی اکبریم

باد محنت اسدی سارالدی بهاریم منیم
جسمون اِرباً اربا اولوب گل عذاریم منیم
دور ایاقه بیرده اذان ویر نگاریم منیم
ختم الانبیانون مثالی علی اکبریم

کیم ووروبدی یاره باشیندان قانا باتموسان
اهل بیتی یکسر گوزوندن اوغول آتموسان
اولمویا کوسوبسن آتوندان بله یاتموسان
اهل بیتیم اولدی عزالی علی اکبریم

بوینوا کفن ئوز الیملن که سالدیم علی
آیریلاندا باخدیم دالونجا اوجالدیم علی
خیمه لردن آلدیم سسون تیز قوجالدیم علی
قان دوتوبدی آی تک جمالی علی اکبریم

• شنبه
• 25
• اردیبهشت
• 1400
• ساعت
• 21:47
• نوشته شده توسط
• یوسف اکبری

من حسینون اوغلیم آدیم علیدور اکبرم
مرتضایه نور عینم مظهر پیغمبرم
جدیمیز شمس رسالتدی خدا محبوبیدور
من ولایت آسمانینده بیلون بیر اخترم
عبدُوَد تک پهلوانی ئولدوروب جدیم علی
گوردوز عیناً بکریلن دعوا ائدنده صفدرم
مرحبین قانین توکن دلبندیم آگاه اولون
پور حیدر کی او گون سویلردی شاه خیبرم
لٰافتیٰ الّا علی نازل اولوبدی شأنینه
لٰا شَبابْ الّا« علی اکبر» دیوبدی مادرم
ارث دور بیزده شجاعت بیزده دور جود و کرم
دینه خاطر صلح ائدن من مجتبای دیگرم
من حسین بن علینون تیغ زن فرزندیم
قابض الاَرواحوزم امر ایلسه گر سرورم
ایسته دوز یوز دوندره عباس امامیندن دونن
بسلیوب چون نان زهرادن بو اولدی باورم
شمری مایوس ایلدی جیردی امانین نامه سین
سیندراردی دیشلرین امر ایلسیدی رهبرم
فنّ دعوانی عموم عباسیدان اورگنمیشم
آل هاشم ماهیدور منده او ماهه نوکرم
خارجی آد قویموسوز سیز اهل بیت اطهره
دیلمی فرض ایلیسوز یا رومی تک کج محورم
دینینن اولدوز مقابل شرم ایدون ای کوفیان
کیم ویروب فتویٰ دیوبدور من بو دینه کافرم
دست بیعت ویرمیشم دینه حمایت ایلییم
گر اوخیله لانه زنبور اولا بو پیکرم
گلموسوز پیغمبریله سیز بوگون جنگ ایلیسوز
گوموسوز من خاتم پیغمبرانه بنزرم
امر قرآندور مسلمانه که دینون ساخلاسون
دینون احکامیندن اوتری ای شیاطین مضطرم
شیری سیز قورخوتمیون ای روبهان، شمشیریلن
فن شمشیرو سنان و خنجره من ازبرم
امرائدیدی گر امامیم جنگ ائدم اشراریلن
گورسدردوم قعر سُفلانی گورردوز آذرم
مین نفر اولسا مقابل یوخ هراسیم حربیدن
یوز مین اولسا لشکروز من تک اوزوم بیر لشکرم
کربلا دشتینده قان دریاسینی خلق ایلرم
عرصه هیجاده اللهیم بولور که محشرم
ایلرم زیر و زبر دعوایه اقدام ایلسم
نحس باشلاردان منیم لبریز اولار دور و برم
ری هواسی مست ائدوبدی سعدین اوغلون گورموسوز
تک قویون منلن او شیطانی گورون من نیلرم
آند اولا اللهه وورام بیر قلج اول کافره
صفحهٔ تاریخیدن نحس آدینی محو ایلرم
باغلادوز سو یوللارین سیز اهلبیت مضطره
گرچه مخیمده دوشوبدور پیچ و تابه اصغرم
ایچمز هرگز آب ذلت یر یوزین دولدورسا سو
سویلوری معناده من عطشانِ آب کوثرم
هانسی دینه معتقدسوز ای گروه کین شعار
ایلدیم اتمام حجت شاهد اولسون داورم
خیملردن آیرلاندان نیلدیم درک ائتمدوز
قوی قضاوت ایلسین سیز قومه تیغ اخگرم
بانی اولدی بو سوزه بیر حیدر آدلی نوحه خوان
هر سوز اولدوقجا دییر من بو جوانه نوکرم
«صادقی» عمرون بویی ال چکمه بو شهزاده دن
مال دنیادن گله ائتمه دئمه بی یاورم
افتخار ایله اولوبسان اهل بیتون مادحی
سویله زینت تاپدی شهزاده آدیلن دفترم

• چهارشنبه
• 6
• مرداد
• 1400
• ساعت
• 20:24
• نوشته شده توسط
• یوسف اکبری

ای جان وئرن بوچولده شهزاده اکبراوغلوم
آرام جـان لیـــلا ســرو صــنوبر اوغلوم

طــوبـــای جنـــتیدون گلــزار مصطـفاده
قامت اوجاکشیده قاشلارجبین گشاده
سایونده فخر ائدردیم نسوانه کربلاده
سالـدون نـدن نظــردن لیــلانی آخـراوغلوم

جسمون اولوبدی اوراق ای مظهر پیمبر
شیرازدن چخوبدی مصحف کیمی
سراسرگوردوم عباده نعشون اولدوم علی مکدر
دوشدی نفس شماره ای ماه منظر اوغلوم

بنـزر بـاشون یــاراسی مولای مقـتدایه
محرابیــده یخلمش سلــطان اولیـایه
یاندیم غمونده گلدیم فریادیله نوایه
صحرای کربلاده صولتده حیدر اوغلوم

لیـلای شهـر یثــرب مجــنون نیــنوایم
یانام فــراق اوتوندا مستغرق بلایم
آماج تیـــر محنت سرگشــته جفـــایم
داغــون قـالار اورکده تــاروز محشراوغلوم

اولسه کیمین بالاسی دائم غمینده آغلار
هجران شراری قلبین تاواردی عمری داغلار
خون دلیله اشگین هرگون عذاره باغلار
آدین ائدر دیلینده هرلحظه ازبــر اوغلوم

چخمــاز یادیمدان آدون بیرآن عزیز جانیم
سنســیز چخــار سپــهره فـریــادیله فغانیم
قان آغــلارام غمــونده ای جیسمیده روانیم
صــبح و مسا چــاغورام آدون مکـــرر اوغلوم

هئچ گلستــانی گلچــین ائتمزبو نوعی ویران
سـالمـــاز طـــراوتیــدن گلــــزار عشقـــی بیرآن
پـامال ائــدوب ولیکــن ایمـــدی جفـای دونان
گل مصلی جسمون اولدی ظلمیله پرپر اوغلوم

سندن صورا جهانون حاشا اولا صفاسی
اوغلـی اولن آنایه اولمـاز داخی وفاسی
مونس اولارملالــی همدم غم و بکاسی
بولمـزگــونون زمانیـن غمـدیده مادراوغلوم

اولدون فدای قرآن حق اوسته نوردیده
ائتدون منی ئولونجه نالان وقد خمیده
هجــرونده نیلــرآخرلیــلای غم کشیده
دلدن سـالارآناوی بیربیله غملـر اوغلوم

آلدی سنی الیمـــدن آخــرده بو زمانه
قانلی عمـامه قـالدی سندن منه نشانه
ثـــکلایه ایلــرم من الــده اونی بهانه
کـون و مکانه سالام آهیـله آذر اوغلوم

ای بــاده شهــادت نــوش ایلـــین علیــجان
دین اوسته جان متاعین بذل ایلین لب عطشان
سسلـور سنی (جوانــی) وار دردی ایله درمان
قــویما اولاجهاندا نـالان و مضطر اوغلوم

• یکشنبه
• 10
• مرداد
• 1400
• ساعت
• 23:22
• نوشته شده توسط
• یوسف اکبری

علی منای عشقده
سن اولدون اولین فدا
گوزون فداسی قان دولان
گوزون آچ ای گوزل بالا

یامان گونومدور
بو نوعی یاتما
غریب آتاوی
گوزوندن آتما

دیزیمده طاقتیم علی
قولومدا قوتیم علی
گوزومده نور منجلی
سوزومده دقتیم علی
سن الدون اولدی خم بلی
بوکولدی قامتیم علی
گوزون فداسی قان دولان
گوزون آچ ای گوزل بالا

جوان اوغول گیدنده یول
قالار آتا باخا باخا
طویوندا چوخ فرح لنر
اله حنا یاخا یاخا
من ایندی نیلیوم قالوب
گوزوم یاشی آخا آخا
گوزون فداسی قان دولان
گوزون آچ ای گوزل بالا

بو آرزو عمومی دور
هامی اورکلر ایستیور
همین سوزی جهاندا هر
اوغول دوغان آنا دیور
ایاقیوا تیکان باتان
زماندا قلبیم اینجیور
گوزون فداسی قان دولان
گوزون آچ ای گوزل بالا

سن ایندی گل مثالی سن
چمنده پر پر اولموسان
دگوب خزان یلی سنه
آچان زماندا سولموسان
ایاق ندور تیکان ندور
اوخا سنانه دولموسان
گوزون فداسی قان دولان
گوزون آچ ای گوزل بالا

گلنده رزمگاهه سن
سمند عشقی مینمیسن
خوشام بیله شهادتین
لباسینی گیینمیسن
کیم اورگدبدی نازیوی
دانشدراندا دیمیسن
گوزون فداسی قان دولان
گوزون آچ ای گوزل بالا

خیالیمین قوشی اوچوب
دولاندی غم فضاسینی
اوزون چالیب داغا داشا
تاپانمادی یواسینی
آدامسیزام بو دردیمین
کیم ایلسین دواسینی
گوزون فداسی قان دولان
گوزون آچ ای گوزل بالام

• جمعه
• 22
• مرداد
• 1400
• ساعت
• 17:58
• نوشته شده توسط
• یوسف اکبری

ای منیم اکبریم
شبهه پیغمبریم
دور الیمدن یاپوش
سیندی بال و پریم

قوم عدوان اوغول
ایتدی طغیان اوغول
سنده اولدون قزل
قانه غلطان اوغول

چوخ چتیندور هله
قلبلر دینجله
دینه خاطر علی
دوشموسن مقتله

گوزلریمه ضیا
دیزلریمده قوا
طاقتیم قالمیوب
سنسیز ای مه لقا

ای هلالیم علی
با کمالیم علی
گور نه گوزدن آخور
اشگ آلیم علی

گوزلرون قاره دی
پیکرون یاره دی
ایندی آغلور آنان
لیلی بیچاره دی

الامان الامان
وار باشیمدا دومان
بو قضایانی من
ایلمزدیم گمان

باد غم اسدی دور
صبریمی کسدی دور
آیرلیق صحبتین
ایلمه بسدی دور

گوزدن آتدون منی
گوز لرم من سنی
سن گیدورسن گیدور
عترتین ایمنی

بو "امینی" عزا
ساخلور ای مه لقا
سنده قیل دردینه
درمان ایستور دوا

• شنبه
• 23
• مرداد
• 1400
• ساعت
• 17:10
• نوشته شده توسط
• یوسف اکبری

هر عضوون ای علی بیر ماهپاره دور
سن سن عباده یاسایسیزستاره دور

ای باوفا اوغول ای باصفا علی
آلنوندا طلعت سبحاندی منجلی
سن روح نورسن لیلا آنون ولی
هم تیره روزدور هم بختی قاره دور

جنات عدن دورجسمون نسق نسق
جناتی دوغراییب خنجر ورق ورق
یاغدیرسا نقل اشک چشمیم طبق طبق
ردائتمه قلبیمی سیندرما یاره دور

جسمونده گورسنن ای صبح تازه رو
حکمتدی عضوعضو عرفاندی موبه مو
هربیرقلیج یئری بیرسردورمگو
هریاره یاردن بیراستعاره دور

اونلارکی سینوون شخصیتین دانیب
نیران جهلده بیچاره لریانیب
بوجسم ناز کی مین پاره دوغرانیب
اسمای ایزده مین بیراشاره دور

کیم دی وئریب صفا آبیله گل سنه
اوز حسنونی ائدیب هو منتقل سنه
تقدیم ائدیم نجه من جان و دل سنه
دل قطعه قطعه دور جان پاره پاره دور

ادراکه سیغماییر حُسن شمایلون
محشرده کشف اولار فیض و فضایلون
ای دوغرانان هما ،بیر تاب کاکلون
روح محبته اصل و عصاره دور

بند عبانی هی جبریل نامدار
قانلی قانادیلن آرام آچیب باخار
اول باخماقی اونون پنهان و آشکار
بیلمم نظاره دور یا استخاره دور

ای جسمی آینه جان پیمبره
اول جسمی دوغراییب توکسونله تایئره
وئردون اجازه سن تیریله خنجره
کیم دور وگر نه اوخ خنجر نه کاره دور

چاتمازبیوت عدن ابیات «شاهیه»
چون طبعی وصل دور لطف الاهیه
هر مصرعینده وار بیر روح داهیه
هر شعری غیبدن بیر یادواره دور

• چهارشنبه
• 3
• شهریور
• 1400
• ساعت
• 19:54
• نوشته شده توسط
• یوسف اکبری

بیلون ای قومِ دغا سَرورِ دورانم من
گلشنِ دهریده بیر سروِ خرامانم من

جدّ پاکیمدی رسولِ قریش و مدنی
زادهء سبطِ نبی، شافعِ عصیانم من

بابام ای قوم علیدور، نه علی شیرِ خدا
او علینون بالاسی، ضیغمِ غرّانم من

یر یوزنده بو گون اوچ پادشهون نائبیَم
او سببدندی، تمام، عالمه سلطانم من

احمدم حُسنِ وجاهتده، شجاعتده علی
هم فصاحتده حسن، منبعِ احسانم من

فاطمه جدّهء پاکیمدی، عَموم نورِ هدا
خامسِ آلِ عبا جانینه جانانم من

بیر عَموم کانِ وفا، کرب و بلا سقّاسی
او علمدار عَمومون جسمینه بیر جانم من

صدفِ عصمت دریای نجف گوهریَم
درجِ مختومِ وفاده دُرّ غلطانم من

شرفِ جاه و جلالت گوینون اولدوزیام
فلکِ عزّت و نازه مهِ تابانم من

ای مسلمان کیمی قرآن اوخویانلار تانیون
جدّیمه نازل اولان آیهء قرآنم من

صفدرِ عرصهء جنگاهه، هژبرُ الغَزَوات
یادگارِ شاهِ دین، قاتلِ عدوانم من

هاشمی فطرت و والا نسبم، کانِ سخا
گلستانِ هنره بیر گلِ خندانم من...

آتام اول کسدی ایدوب گوگلره قنداقی عروج
عرشه معراج ایلین سَروره جانانم من

نائبم، احمدِ مختار جگر گوشه سینه
آلِ پیغمبره بیر یوسفِ کنعانم من

نورِ چشمِ شهِ بطحا، خلفِ شیرِ خدا
مسندِ تختِ نجابتده سلیمانم من

آدیم اکبر، شجرِ باغِ جلالت ثمری
بزمِ اجلالیده بیر شمعِ شبستانم من

وار بو فخریم ایکی دنیاده حسین نوکریم
گلشنِ تعزیه ده (قمری) خوش خوانم من

• سه شنبه
• 9
• شهریور
• 1400
• ساعت
• 18:55
• نوشته شده توسط
• یوسف اکبری

اکبریم یاره دگوب پیکریوه
باشیووین قانی دولوب گوزلریوه
منی دیندیر ئورگیم قاندی اوغول
نه گلوب قامت جان پروریوه
گوزلیم یاتما اویان منی آغلاتما اویان

سینووی آخدوقیجان قان بزیوب
قان دیمه قرمزی مرجان بزیوب
بورا صحرای منادی بابووا
سنی ئوز حجّینه قربان بزیوب
سن گیدورسن ئورگیم درده گلور
گیت دالونجاق علی اصغرده گلور
گوزلیم یاتما اویان منی آغلاتما اویان

دئمورم عشقوی ابراز ایلمه
گویلره قوش کیمی پرواز ایلمه
چگدیگیم زحمتیمون خاطرینه
قوی ئوپوم لبلریوی ناز ایله
باجیوا خیمه ده آیا نه دئیوم
خبر آلسا سنی لیلا نه دئیوم
گوزلیم یاتما اویان منی آغلاتما اویان

آغلاماقدان بابووا یوخدی امان
آرزو گُللریمه اسدی خزان
ئولمگون یادیمه سالدی ننمی
ئولدی زهراده جوان سنده جوان
ننم اولسیدی باخاردی بویووا
نقشه لر طرح ایلیردی طویووا
گوزلیم یاتما اویان منی آغلاتما اویان

مرحبا عشقیوه حریّتیوه
آفرین همّتیوه غیرتیوه
گیدیگون جامه مبارکدی اوغول
یاراشور رخت شرف قامتیوه
دعوت حقّی اجابت ایلدون
خنجر آلتیندا عبادت ایلدون
گوزلیم یاتما اویان منی آغلاتما اویان

سنه من لالة رضوان دیرم
سینوه قانلی گلستان دیرم
ایسته سون جانیم قربان دیرم
جانیم اولسون سنه قربان دیرم
قالمیشام موجلی طوفاندا اوغول
منی تک قویما بو میئداندا اوغول
گوزلیم یاتما اویان منی آغلاتما

• شنبه
• 17
• تیر
• 1402
• ساعت
• 21:00
• نوشته شده توسط
• یوسف اکبری

شام-ی-هیجرانیم، خودا نیصف اوْلدۇ ماهیم گلمه‌دی
رزمگــه‌هــده‌ن اکـبـر-ی-آهــو نیـگــاهـیــم گـلمــه‌دی

بوْینۇنا گرچی کفه‌ن سالدێم ریضایه‌تله اؤزۆم
اوْغلۇمۇ مئیدانه گؤنده‌ردیم قالێب یوْلدا گؤزۆم
یا یئتیر بیرده بالامێ، ساغ گؤرۆم یا وئر دؤزۆم
دادیمه سن یئت ایلاهی دادخواهیم گلمه‌دی

ماییلـه‌م بیــرده جمـال-ی-عالــه‌م آراسێــن گـؤره‌م
دۆشمـه‌میش تــوْپـراغــه سـروقدّ بالاسێـن گـؤره‌م
قان خسوفه سالمامێش بیر ماه سیماسین گؤره‌م
قامـه‌تیـم غمـده‌ن هیلالـه دؤندۆ، ماهیم گلمـه‌دی

راضییه‌م هرچند کوی-ی-عئشقده اوْلسۇن شهیـد
ایستـه‌ره‌م گلسیـن اؤلـۆنجـه بیرده ائیلیـم بازدیـد
هئچ کیمین یارب اومێـدین ائیلـه‌مـه سـن نااومێـد
قالـدێ مئیـدانـدا گـؤزۆم اوممێـدگاهیـم گلمـه‌دی

قانلێ مئیدانه اوْ وقتده‌ن کیم بالام اکبر گئدیب
اوْلمۇرێ آرام قلبیم طاقه‌تیم یئکسه‌ر گئدیب
قالمایێب روحیم بده‌نده اکبریم همسر گئدیب
گلسه روحیمده، گلیر عادل گواهیم گلمه‌دی

دوْلـدۇرۇب دشـت-ی-عیـراقـی شـوریلـه غـوغـاسـی
اوج ائدیب افلاکه، لئشگه‌ر نعره‌سی آت شئیحه‌سی
سن اؤزۆن تشویشیـده‌ن قـۇرتار خـودا بـۇ بـی‌کسـی
بـی‌پنـاهیــم بـی‌کسیـم پُشـت-وْ-پناهیـم گلمـه‌دی

بئیلـه بیـر غــوغــادان آیـــا، ائیلــه‌مــه‌ز انـدیشــه دل
قانـه دؤنمه‌ز گـؤزده‌ن آخمـاز صبری ائیلــه‌ر پیشـه دل
سسله‌نیر تئز اؤلدۆرۆن لئشگه‌ر دۆشۆر تشویشه دل
ملک-ی-دلده خئیل-ی-صبره، سرسیپاهیم گلمه‌دی

هیجــر اوْدیـلــه اوْدلانێـب دل، آهیــم آتشبـار اوْلـۇب
شعـلــه-ی-آهیملــه خـرگــه مـطـلـع-ی-انـوار اوْلۇب
گؤزلـریـم مئیـدانـه بـاخمــاقـدان خـودایـا تـار اوْلــۇب
بخت-وْ-روزیم تک گؤزۆ زولف-ی-سییاهیم گلمه‌دی

بیـر بالام الـده‌ن گئـدیـب، میـن دل اوْنـۇن پابستـه‌سی
بیر ایمامه‌تده‌ن ســوْرا هـر منصــه‌بیـن شاییستـه‌سـی
اوْلما دۆشـدۆ چنـگ-ی-گۆلچینه اوْ بیر گۆلده‌سته‌سـی
باغ عـؤمـرۆمده گؤیـه‌رمیـش گـۆل گییاهیــم گـلمــه‌دی

اوْن-دا کـی عزم ائیله‌دی اوْغلـۇم اؤلـۆم مئیـدانینـه
شـوقیلـه اؤز جــانینــی ائتسیــن فــدا جــانـانینــه
حسره‌تیلـه بیر قـده‌ر باخـدێــم رخ-ی-رخشانینـــه
دۇتمـادێ دل سهـل‌دیر، دیلـده‌نده آهیـم گلمه‌دی

اینتیظارینــده نـــه تـــک آغــلار آنـاســێ خئیمــه ده
گؤز تیکیـب مئیـدانـه جوملـه اقـرباســی خئیمــه ده
دۆشمه‌نی چوْخدۇر قالێب یالقۇز آتاسێ خئیمـه‌ ده
شاهـزاده اینتیظـاری قـــالـــدێ اکبـــر گـلمـــه‌دی

گتدی یثریبده‌ن بـۇرا شـوق-ی-علـی اکبـر منـی
محمیله میندیردی هر یئرده اوْ مه پئیکـه‌ر منــی
گر اسیر ائیلیب آپارسا شامـه بۇ لئشگـه‌ر منـی
بس منه کیم راهنمادی، شـاه راهیـم گلمـه‌دی

• سه شنبه
• 17
• مرداد
• 1402
• ساعت
• 00:10
• نوشته شده توسط
• یوسف اکبری

علی پیکان عشقون دلده از بس دلنشين اولدی
آنان لیلا دونوب مجنون صفت صحرا نشین اولدی

سنون عشقونده هر رنگه خم غمده بویاندیم من
یتوب هرگونه غم سندن قبول ایلوب دایاندیم من
سراپا شمع تک نار غم عشقنله یاندیم من
انیسیم اشک حسرت مونس آه آتشین اولدی

ایشیدمیشدیم اوغول اولسه آنانین هیچ اوزی گولمز
گیدر نوری گوزوندن هر قدر باخسا گوزی گورمز
اوزوم گوردوم اوزوم بولدوم جوانی اولمین بلمز
منه بو مطلبین عینی بو گون عین الیقین اولدی

نه گوزده نور نه دیزده توان و طاقتیم واردی
دوروب گیتماقلیقا نه شام شوما قوتیم واردی
و نه اگلشماقا بیر آن یانوندا فرصتیم واردی
آنان لیلا ایشی بوندان صورا چوخ چوخ چتین اولدی

نه یاخشی یاتموسان یات بالشون زلف سیاهوندور
بو قانیله بزنمش قتلگه طوی حجله گاهیندور
چراغان ایلین بو بزمی بولم شمع آهوندور
بله داماد اوغول عالمده هانسی مه جبین اولدی

اولوبدور قانیله رنگین عجب زلف پریشانون
دوشوب آق یوزده خوشبو قاره زولفون قرمزی قانون
اولا وای حالینه بوندان سورا بیچاره لیلانون
ایدن مجنون لیلانی بو زلف چین به چین اولدی

من آخر خاطر محزونیمی سنله ایدردیم شاد
دلون قربانیم دیللن دانش برده منی قیل یاد
ننوعی توکمییم قانیاش عذاره چکمیوم فریاد
ایویم بختی یخیلدی پایمال اهل کین اولدی

اگر گیتسن (سهیلی) آیری گلزاره زیانوندور
اوزون بیر بلبل شوریده دفتر گلستانوندور
علی اکبر آدی هرلحظه چون ورد زبانوندور
اودور دلدن دله دوشدی آدون ورد زبان اولدی

• سه شنبه
• 17
• مرداد
• 1402
• ساعت
• 00:19
• نوشته شده توسط
• یوسف اکبری