بو نارسا قلمیم کثرتِ تولّادن
خیالی وار که آچا پرده بیر مُعمّادن
نه وقتیدور علی اکبر آدین ایدوب ازبر
غرض ولادتِ شهزاده دور بو اِنشادن
یازولّا اون بیر شعباندا، بو دل آرانون
اولوب تولّدی، لیلای ماه سیمادن
امامه ویردیله مژده، آقا بیر اوغلون اولوب
وورار آیا گونه طعنه، جمالِ زیبادن
جمالی بیتِ امامتده جلوه گر اولدی
ایشیقلانوب او گوزل بیت، بو تجلّادن
چکوبدی خامهء نقّاشِ قدرتِ ازلی
نمونه نقش، جمالِ رسولِ بطحادن
گلوب امام آناسیندان آلوب، یوزیندن اوپوب
گوروب که جدّینه بنزر، رخِ دل آرادن
کلیمه طعنه وورار منطقی، کلام ینده
آلار تکلّمِ گرمی نفَس مسیحادن
باخوب او جلوهء رخساره تا او منبعِ فیض
علی افاضهء فیض ایلدی او مولادن
سوروشدی حالینی بیر بیر حریمِ طاهانون
تَفَقُّد ایتدی عنایتله اُمّ لیلادن
اذان اقامه بویوردی او شاهِ دریا دل
نشان ویروب آتالیق رسمینی بو دنیادن
دعا ایدوب آناسیندا اوزینده، سَرورِ دین
دعا قبول اولار، اول شهریارِ والادن
بویوردی بو بالامین قوی آدین علی اکبر
که بهره مندیدی بیر اعتلای کُبرادن
منیم خیالیمه بیرده باشیندان اوپدی امام
همان قلج یری منظور اولوب او ایمادن
دوباره بیرده قویوب قلبینه دوداقلارینی
گوروندی منظرهء کربلا او مأوادن
امام ایلدی عاشور نقشینی ترسیم
او صحنه منعکس اولدی او قانلی صحرادن
ویروب آناسینا، سلطانِ دین او مولودی
خدایه حمد، تشکّر ایدوبدی لیلادن
او دستهء گُلی آلدی خانم محبّتیله
باساردی باغرینا دلشادیدی او سودادن
باخاردی طُرّهء مشکینی تل به تل داغیلوب
سالوبدی پرده یوزه، طُرّهء مُطرّادن
گُلِ بهشته اولار رشک، ماهِ رخساری
خُرام قدّی آلار جلوه، شاخِ طوبادن
دیردی مَه یوزیوه، زلفیوی نقاب ایلمه
او، ابر تک، منی محروم ایدر تماشادن
دولاندی دوری سپهرین، یتیشدی عاشورا
گلوبدی ظاهره بیر صحنه، حشرِ عظمادن
همیشه دامنِ مولایه چنگ وور (خوندل)
کریم کیمدی بو سلطانِ عرش مأوادن؟
غم ایتمه شعرون اگر نارسادی باخما حسین
محال دور آیرا نارسانی شیوادن
- سه شنبه
- 9
- شهریور
- 1400
- ساعت
- 18:44
- نوشته شده توسط
- یوسف اکبری
