اشعار حضرت علی اکبر علیه السلام

قدم گوتور آهسته دلربا گوزلیم

یاواش یری بویوا گوزلریم فدا گوزلیم

تلسمه اولمگه آهسته قوی رکابه قدم

تنوره سالمیا تا قلبیمه شراره غم

حیا اجازه که ویرمور اوغول دالونجا گلم

دایان گوزوندن اوپوم نازلی باوفا گوزلیم

اوقاره گوزلرون قیل نظاره دایه سینه

قولاق ویر عاشق دلخستوون گلایه سینه

کیمین گیدوم سخلوم سنسیز ایندی سایه سینه

اوغولسوزام کیم ایدر قرب و اعتنا گوزلیم

آلوب الیمدن اوغول فرصت و مجالی قاشون

دولاندیروب منی آردونجا ماه و سالی قاشون

سالوب کمنده بیله قلبیمی هلالی قاشون

چتین بو دام ولادن اولام رها گوزلیم

سالوبدی لیلینی عشقون بو غم فزا دمنه

نجه یکه بلبلی گل جذبه سب چکر چمنه

آنالیق عالمی دلبسته ام ئوزومده سنه

نجه فراقه دوزر عشقه مبتلا گوزلیم

من عاشقم سنه سن عاشق خداسن اوغول

آتان حسین کیمی عشاقه پیشواسن اوغول

محبت عالمی لیلایه مقتداسن اوغول

ایدر دالوندا سنون لیلی اقتدا گوزلیم

دل حزینیم اولوب بی قرار زلفوندن

هوسلیم که اوپم مشکبار زلفوندن

بهانه الده دوتام بیرجه تار زلفون من

اوتار زلفون اولا قلبیمه قوا گوزلیم

بهشتی گللرون عطرین ویرر او گل بدنون

هزار یوسفه قیمتدی گیدیگون کفنون

دوای درد زلیخا یاتوب مژونده سنون

مریض حساب ایله ویر دردیمه دوا گوزلیم

اگر چه وصلون اولوبدور قضاله فرض محال

دایان گوزوندن اوپوم اجرتینده جانیمی آل

ویا صود حقی حساب ایت قولوی بوینما سال

قاپوندا فرض ایله یا لیلینی گدا گوزلیم

گلش یوزونله اوغول بیرده گل منیم یوزومه

آنالیق حقینه قیل اعتنا اورک سوزومه

ایاقیوی یره قویما قوی آغلیان گوزومه

گوزوم ایاقیون آتدا تاپار ضیاء گوزلیم

گیدنی یولدان ایدر جذبه نظاره لرون

اسیر ایدر گوزوه صف چکن سواره لرون

گوز آلتی باخما اورک یاندیرار اشاره لرون

باخاندا گوز گوزه باخ ویر منه صفا گوزلیم

آلوبدی طاقتیمی عاشقانه تاب و تبون

مین ایل گچوب منه اون سگیزایلده روزو شبون

خمار ایدوب اله بو لیلینی او لعل لبون

اولوب ایشیق گونوزوم ظلمت الدجا گوزلیم

دایان که گوز دولسیجا باخوم رسا بویوا

سفر دعاسی یازوب باغلاسون بی بون بویوا

سویوخدی اسکیمی منده سپوم گیدن یولوا

دوتوم دالونجا اورک آیناسین یولا گوزلیم

سولوب سارالدی علی گلستاندا لاله چیچک

یازیقام ایتدی منی دربدر جفای فلک

نجه سالوم باشیما من بو چولده قاره لچک

اوغول آناسی سالار طویدا گور قرا گوزلیم؟

او سرو قامتون اکبر عجب قیامت ایدر

صبا قرالتوی دمبدم زیارت ایدر

آچوق دیوم سوزی لیلا باخوب حسادت ایدر

ندن مقدم اولوب لیلیه صبا گوزلیم

اوغول بویوتدوم هوسله هزار غصه یدیم

طویوی ایلریلن دیلده آرزو ایلدیم

نه آرزومه یتیشدیم نه بیر اتاق بزدیم

چاغورمادیم الیمی قونشونی طویا گوزلیم

آخر گیدیشدی علی چک گلن رقیه نازین

ربابی سسله خبر بیل اورکده سوزو سازین

قوجاقه آل اوغول اوپ اصغرون بوغازون

چوخ آغلیوب ملیوب بلکه رام اولا گوزلیم

• چهارشنبه
• 18
• مرداد
• 1402
• ساعت
• 14:50
• نوشته شده توسط
• یوسف اکبری

عرصه ی كربوبلاده يل ايمان گورونور
مظهر عشق و صفا آيت يزدان گورونور
قامتي سرو كيمين حيدر دوران گورونور
نوه ی حضرت زهرا مه تابان گورونور
وصفه عاجزدي ديليم يوسف كنعان گورونور

قاره گوزلريوزي آي همچو ملك منظريدي
نوه ی شير خدا صولتی چون حیدريدي
حامی جان به کف عترت پيغمبريدي
خَلقاَ و خُلقاَ ايله جّدينه دوز مظهريدي
كيم گوروب سسلدي آیینه ی یزدان گورونور

آدي اكبر الفي اكبره خاطر دانيشار
كافينه كرب وبلاده حقه خاطر چاليشار
باينه بنده دوشر نار شراره آليشار
راي آدي ره قرآنيده قانه قاريشار
آدينا كرب وبلا صحنه سي ميزان گورونور

پنجه بازوسي قوي حيدره مظهر دايانوب
نسبي پاك و منّزه دي مطهّر دايانوب
نچه مين لشكر خونخواره برابر دايانوب
دیه سن معرکه ی جنگیده حيدردايانوب
باخانون گوزلرينه ناطق قرآن گورونور

آچيلاندا دوداقي غافلي هشيار ايليور
خوش بيانيله ياتان لشكري بيدار ايليور
اوجا تكبيريله حق سوزلرون اظهار ايليور
قيدون راه خطادن ديور اخطار ايليور
عجباخصم دني جُمله سي نادان گورونور

من حسين ابن علي اوغليام هشياراولون
ال چكون جور وجفادن حقلین يار اولون
گيتميون باطله ساري بيزه غمخوار اولون
نه گولون ياپراقينا صدمه وران خوار اولون
گورون اوندا نجه حقدن سيزه احسان گورونور

دینه یاغی اولانون امرینی اجرا ایدیسوز
بو عمل لن اوزوزی دهریده رسوا ايديسوز
آنامون مهريه سين بيزلره حاشا ايديسوز
باغموسوز تشنه لره کفرده غوغا ايديسوز
گون شاخور ايستي هوا لبلري عطشان گورونور

آتشين صحبتي لشكر جانينا رعشه سالوب
ابن سعدون بو جوان طاقتيني َالدن آلوب
باخدي بيرصاق وصولاعرصه ده آواره قالوب
گوردي اطرافین آلوب لشگری خوفي آزالوب
واردي چون لشكري يوخ غصه سي شادان گورونور

امر ايدوب خدمتینه بكر دنی فوری گله
ويروب انگشتريني ائت ديدي جنگه عجله
قيلجيلن سپرين نيزه سيني آلدي اله
كبكبيلن اوزون آماده ايدوبدور جدله
گر چه مغروریدی اما گوزه ترسان گورونور

روبرو گلدي علي اكبره اُول شوم دغا
او ستم پيشه طلا بنده سي بو عبد خدا
او جفا معدني اما بو ُدر كنز وفا
او دني هرزه علف دور بو گول باغ ولا
روبرو جبهه آچوب كُفريلن ايمان گورونور

آچدي لعل لبيني شبه رسول مدنی
سيم و زر عشقينه گلدون دیدی ای شوم دني
نوه ی شیر خدایم تانی السّاعه منی
چکرم تیغ شرر باره بو میداندا سنی
سنيلن جنگ ايلمگ چوخ منه آسان گورونور

فرصتي آل الـه بو رزميده جدّيت ايله
رزمه آماده اُول اي بكر دني دقّت ايله
قدرتون وار نقدر لشكروه خدمت ايله
دم غنيمتدي چاليش حمله ده سن سبقت ايله
گوروم آيا قليجون ضربه سي هاردان گورونور

ردّ ايدوب نيزه ی بكري اوني ناكام ائلدی
ُطعمه سين دامه سالوب شيركيمين رام ائلدی
او پُر آوازه حريفي ايله آرام ائلدی
فرصتي آلموش اله بو سوزي اعلام ائلدی
ايلدريم تك قليجيمدان سنه نيران گورونور

بكري سالدي آريا نقطه پرگاركيمين
دولانوب دوره سينه گردش دّواركيمين
چرخشينده گونوزون ائتدي شب تاركيمين
َانديروبدور قليجين حیدر کرار كيمين
ايكي لشكر باخوري عرصه ده طوفان گورونور

حقه خاطرچاليشان حقّي نمايان ايلدي
ظلمي محو ايلدي حق نوريني تابان ايلدي
بیر قلیج وُردی اونی قانينه غلطان ايلدي
باشینی کسدی يري قانیله الوان ايلدي
قوم كافر باخوري صحنيه حيران گورونور

عرصه ني تنگ ايلوب دشمنه جولان ويروري
تلّيدن صاحب پرچم اونا فرمان ويروري
ولي باخ رحمه قاچان دشمنه امكان ويروري
گاه گاهی گيدوري تّله طرف سان ويروري
يعني اكبر هله ساليمدي ثناخوان گورونور

دولانور عرصه ني جولانگه ايدوب شيرژيان
توز ياتوب منظره اولدي هاميا اوندا عيان
گورديلر فاتح اولوب بکره او آزاده جوان
یوخ ایدن حالت کفاری او اثناده بیان
دشمنین گوزلرینه غیظیلی اصلان گورونور

قليجي اَلده دونور تلّه باخور يار حسين
درس جنگي اونا اورگتميش علمدار حسين
گوز تيكوب اكبره تل اوسته هوادار حسين
تلّيده شوقه گلوب دلبر و دلدار حسين
دست پرورده سی چون ضیغم ُغرّان گورونور

ايله شمشير ورور خيره قالوب لشكر شام
گوزده روشن گونوز اولموش سپه شامه چو شام
بيري سويلردي قوتاردي ايشيميز اولدي تمام
ايلدريم تك يره گويدن قليجون برقي مدام
َاندوگیجه دیئه سن آتش سوزان گورونور

قاچا قاچدور ولي بير گوشه ده شيطان دايانوب
ايستیور كامه چاتا مُنقذ نادان دايا نوب
قليجين آلموش اله مكريله پنهان دايا نوب
ائتدي بير ايش ديه سن گردش دوران دايانوب
گوزلره شبه نبی حالی پریشان گورونور

پارچالاندي باشي همچون شه خيبر يارالي
حيدرون ئوز نوه سي حيدره بنذر يارالي
سارالوب سولدي گول پاك پيمبر يارالي
میل ایدور ساق و صولا باش يارا پيكريارالي
يوخ تعادل دايانا تپراقا اُفتان گورونور

دوشدی آتدان يره سسلندي بابا داديمه گل
پيكريم ياره لي اعدا آرا امداديمه گل
باش يارا يوخدي توان دورماقا فرياديمه گل
ئولمميش سعي ايله سن مقتل وميعاديمه گل
گور نجه اوغلون علي قانينه غلطان گورونور

گلدی امدادينه سرعتلن او دم شاه زمن
آختاروب گوزلري تاپدي گوليني گول بجرن
ئوز ويروب اوندا اونا آيري غم و درد و محن
گوردی تپراقلارون اوستونده دوشوب قانلی دن
او قدر یارا دگوب پیکری شان شان گورونور

آلدی باشین دیزی اوسته دیدی دور ياتما اوغول
بو قوجالموش آتوي عرصه ده آغلاتما اوغول
بو آخان گوزياشيمي گوز يا شوا قاتما اوغول
آی سحر اولدوزوم آخما بئله تئز باتما اوغول
باخ پريشا نم و دشمن منه خندان گورونور

سني اخيامه نجه من آپاروم نازلي بالا
يارا اوستن يارا ورموش سنه بو قوم دغا
باش يارا سينه يارا ياره لره يوخدي دوا
باخدوقيجا ياروا يارون ايدور قلبي يارا
باشوون اوسته آتون زار و پريشان گورونور

اي آخوندي بو جوان اكبريمه آغلا مُدام
گوزسرشكين ئوزه مرجان كيمي دوز باغلا مُدام
بالا داغينده عزا ساخلا اورگ داغلا مُدام
بيرده استادوه هر يرده ادب ساخلا مُدام
قورخما محشرده سنه روضه رضوان گورونور

• سه شنبه
• 18
• آذر
• 1399
• ساعت
• 23:57
• نوشته شده توسط
• یوسف اکبری

دوشدی گنه - دلبر آدی - دیللّره
جشن سرور - اولدی به پا - اکبره

خَلقاً و خُلقاً خود پیغمبردی
شاه شهیدان بالاسی اکبردی

حضرت لیلایه ویروب الله پای
گلدی رسول الله عاشقلر تای
روح و رواندی — جان جهاندی

اکبره باخ - اکبره باخ - اکبره
ماه ملک منظره باخ - اکبره

یاده گِچن گونلریمی سالدیم من
" منزویدن " بو سوزی قرض آلدیم من

سَسله سسون قوش او گوزل سروره
اکبره باخ - اکبره باخ - اکبره
اولموشام حیران — اکبره قربان

نور رخی - جلوه ویروب - عالمه
گوزلرون - آیدین اولا - یا فاطمه

عمّه سی زینب نه گوزل اوخشاردی
اکبری آغوشه باسوب ساخلاردی

سینه سی اوستونده اونی بسلردی
عمّه دینده علی جان سسلردی
سن منه جانسان — رو

• سه شنبه
• 3
• اردیبهشت
• 1398
• ساعت
• 10:37
• نوشته شده توسط
• ابوالفضل عابدی پور

عالم تاپوب سنلن صفا اکبریم
شادلیق ایدور ارض و سما اکبریم
عیدیانه شیعیانه ویر اوزون
زیارت کرب و بلا اکبریم

آیدان گوزلدی آی بالا مه یوزون
بالدان شیریندی لیلیه هر سوزون
بحرالغزلدی اکبر شهلا گوزون
ای اللری مشگل گشا اکبریم

آی عمرومون بو عالمده صفاسی
آتسون منی آرتار قلبیم یاراسی
گورن دیور یوزوندی آی پارسی
بدر دجا شمس ضحی اکبریم

جنت الاعلادی سنون اطاقون
جانیم آلار لحظه سنون فراقون
حور و ملکدی یکسره قوناقون
روح سخا نور خدا اکبریم

گورجک سنی حوری قالوب حیرتده
چاتماز سنه مین قهرمان غیرتده
سروه بنذرسن آی بالا قامتده
گوزی شهلا قدی رعنا اکبریم

سالار ملک مقدمووه شهپرین
قاشلارون یاد ایلر حیدر خنجرین
گورس

• سه شنبه
• 3
• اردیبهشت
• 1398
• ساعت
• 10:39
• نوشته شده توسط
• ابوالفضل عابدی پور

دیلینده یاهو الینده خنجر
گدور میدانه علیِ اکبر
ائو قدری یوزدن رسوله بنذر
جهاده سانکی گدور پیغمبر

گْزی یاشلان دولاد دولا
سالوبدی آتاسی یولا
باخور حسرتله آناسی
او اوجا قامته بویا

حرمدن آیرلدی گلدی دعوایه
چکوبدی شمشیری فوج اعدایه
بویوردی قان ورم دین طاهایه

بیلون جماعت اوچمینجی امامین اغلیام

امام عصروز حسین آتامدی
وصیِ احمد علی بابامدی
دلیل خلقت بیوک آنامدی
انون وصالی منیم دعامدی

شهادت بیزلره اذت
یاشاماق سیزلره ذلت
خدایه امیدیمیز وار
بیزه آساندی هر محنت

منم علی اکبر شبه پیغمبر
بابام رکابینده چون علی صفدر
منم مبارزلر ایچره نام آور

بیلون جماعت اوچمینجی امامون اغلیام

• چهارشنبه
• 20
• شهریور
• 1398
• ساعت
• 12:06
• نوشته شده توسط
• ابوالفضل عابدی پور

قلم الده باشدا وار شور شبه طاها
علی اکبر مدحتونده بستر مهیا
منیله خامه آرا وار انسیله الفت
یازاخ شرح سرو بستان و باغ لیلا

ای ماه زیبا طلعتی
ای افضل اکمل صولتی
عالم سنه مجنون اولوب
ای لیلی نون خوش صحبتی

گل لیلا آدی همچون زیبا غزلدی
جلالتده خلقیدا طاهایه مثلدی
وسیم اولماقدا وار هیچ کیم یوسف اولانماز
علی اکبر یوسف کنعاندان گوزلدی

علی جان علی جان ...

ای مصحف رویی قمر
ای وارثه بار و ثمر
(اقترب الساعه ) سنون
رویوندا اولموش جلوه گر

کمند عشقونده گویلوم اولموش گرفتار
سنه علقم وصفه گلمز آگهدی غفار
علی اکبر خوان لطفونده میهمانم
نه عزت وار سنده نه شوکت بولمز اغیار

علی جان علی جان ...

تمثالی ای شمس

• سه شنبه
• 3
• اردیبهشت
• 1398
• ساعت
• 11:11
• نوشته شده توسط
• ابوالفضل عابدی پور

ای منیم دلداریم اکبر
یاور و غمخواریم اکبر
صبحه جک دویماز یوزوندن
دیدۀ بیداریم اکبر
ای منیم تاج سریم شیرین سوزوم اوغلوم
صبح اولدوزوم اوغلوم

لایلای ای آرام جانیم
لایلای ای روح و روانیم
جان آلور مندن کمان ابرولرون اوغلوم
گیسولرون اوغلوم

حیف اولا یوخ فاطمه اول فخر حورا
قوی ئوپوم من لبلرون احسان زهرا

لبلرون تک عالمه شهد و عسل گلمز
بیله گوزل گلمز

لایلای ای ارام جانیم
لایلای ای روح و روانیم

ای منیم تاجر سریم شیرین سوزوم اوغلوم
صبح اولدوزوم اوغلوم

قامتون طوبایه بنذر
گوزلرون طاهایه بنذر
هاشمی خالوندن اولماز
قوللارون سقایه بنذر

ای منیم زیبا گولوم به به نه خوشروسن
خوش و عطر و خوش بوسن

لایلای ای ا

• سه شنبه
• 3
• اردیبهشت
• 1398
• ساعت
• 11:25
• نوشته شده توسط
• ابوالفضل عابدی پور

غلط سوزدور دیلّلر بیرده یوسف تک گوزل گَلمز
گلر یوسف مثالی اکبره امّا مَثَل گلمز

بو بیرتمثیل مهملدور که چوخ ال وار ال اوستونده
بله صورت چَکن ال اوسته والّله بیرده ال گلمز

نجه اکبر ئوز عصرینده فقط بیر اکبره بنذر
مَدلّل سوز داخی بوندان گوزل قَلَّ و دَل گلمز

ائله یرده قویوب خالین سَر مو قدری کج دوشسه
اولار صورتده فرقی سیرتاً امّا خلل گلمز

قدم آتسا گوررسن بیر ائله زیبا غزال اولماز
دانشسا فکر ائدرسن بیر بله شیرین غزل گلمز

• پنج شنبه
• 5
• فروردین
• 1400
• ساعت
• 11:57
• نوشته شده توسط
• یوسف اکبری

اکبر اکبر اکبر ای ماه ملک منظر
پیغمبرینه بنذر
اکبر اکبر اکبر علم و ادبه مظهر
محبوب دل حیدر
ای گل طاها،،،،،،،لاله حمرا
ای یوسف لیلا،،،،ادرکنی یا مولا

اکبر اکبر اکبر تابنده جبین اکبر
قرآنه معین اکبر
اکبر اکبر اکبر آئینه ی بی مثل
محمود امین اکبر
اکبر اکبر اکبر انگشتر اخلاقه
شایسته نگین اکبر
اکبر اکبر اکبر سندن گوتوروب نورون
شمس و قمر و اختر
ای گل طاها،،،،،،،لاله ی حمرا
ای یوسف لیلا،،،،،ادرکنی یا مولا

اکبر اکبر اکبر درس جدله کامل
شاگرد ابو فاضل
اکبر اکبر اکبر قرآن سوزونه عامل
حسن ادبه شامل
اکبر اکبر اکبر بحر کرمه ساحل
خیرالعمله نائل
اکبر اکبر اکبر. اسپهر بلاغتده
تابنده قمر اکبر
ای گل طاها،،،،،،،لاله ی حمرا
ای یوسف زهرا،،،،ادرکنی یا مولا

اکبر اکبر اکبر شهزاده آزاده
پیغمبره دلداده
اکبر اکبر اکبر میدان شهادت ده
جان ویرمگه آماده
اکبر اکبر اکبر جان ویرمه گیوی بیلدی
جان قالمادی لیلاده
اکبر اکبر اکبر گنجینه ی عصمتده
ارزنده ترین گوهر
ای گل طاها،،،،،،لاله ی حمرا
ای یوسف لیلا،،،،،ادر کنی یا مولا

اکبر اکبر اکبر یانام اوحالا دشمن
چاره یولوی کسدی
اکبر اکبر اکبر سندن صورا باشیمدن
باران بلا اسدی
اکبر اکبر اکبر عمّون قالوب آواره
سس ویر منه دای بسدی
اکبر اکبر اکبر آچ گوزلریوی یاتما
قیزلار یولوی گوزلر
ای گل طاها،،،،،،،لاله ی حمرا
ای یوسف لیلا،،،،،،،،ادرکنی یا مولا

اکبر اکبر اکبر سندن صورا لیلانون
قلبی دولی قان اولدی
اکبر اکبر اکبر بختی آناوون سنگ
تقدیره دچار اولدی
اکبر اکبر اکبر ذکری بالا قیزلارون
فریاد و فغان اولدی
اکبر اکبر اکبر ظلمیله ایدوب اعدا
گل پیکریوی پر پر
ای گل طاها،،،،،،،لاله ی حمرا
ای یوسف لیلا ،،،،،،ادرکنی یا مولا

• شنبه
• 25
• اردیبهشت
• 1400
• ساعت
• 21:44
• نوشته شده توسط
• یوسف اکبری

گوندردیم علی اکبری میدانه الهی
اولدوم غم دلخواهیمه همخانه الهی
.
.
ترک ائتدی منی گئتدی گوزوم نوری گوزومدن
وئردیم اونا اوز رأییمی ال چکدیم اؤزومدن
پنهان دگی گوگلوم اودی واضحدی سوزومدن
آگهسن اؤزون بو دل سوزانه الهی
.
.
بیر ماه شمایلدور اوزی تازه جواندور
لیلایه اونون بیر باخیشی مایه جاندور
دشمنلریم امّا بولوسن سخت کماندور
آماج ائده جاقلار اونی پیکانه الهی
.
.
از بسکه اوغول گوگلینه پیوندیدی گوگلوم
پیوسته محبتلره خرسندیدی گوگلوم
دیوانه کیمی زلفینه پابندیدی گوگلوم
هر ساعت ائدردیم اونی من شانه الهی
.
.
ایوای منه باشدا گورم آشفته دی زلفی
قاش گوز بلَشوب قانینه آغشته دی زلفی
آتدان یخلوب بیر داغلان رشته

• سه شنبه
• 22
• مرداد
• 1398
• ساعت
• 13:49
• نوشته شده توسط
• ابوالفضل عابدی پور

ای منای عشقین تشنه لب فداسی
وارث خلیلین زینت مناسی
ای شبیه پیغمبر
نوجوان مه پیکر
شاهزاده اکبر (2)
.
.
.
دپر ایاقه یاتما قان ایچینده راحت
گوزلوری یولوی عترت رسالت
خیمه لرده سنسیز باشلانوب قیامت
ای شبیه پیغمبر
نوجوان مه پیکر
شاهزاده اکبر (2)
.
.
.
قانله مخضب اولدی آل ایاقون
سالدی قلبمه اود نار اشتیاقون
حل ائدم چتین دور عقده ی فراقون
ای شبیه پیغمبر
نوجوان مه پیکر
شاهزاده اکبر (2)
.
.
.
یادیمه دوشنده شهریار بطحا
من سنه باخاردیم ای جوان رعنا
ایتمدیم دویونجا قدیوه تماشا
ای شبیه پیغمبر
نوجوان مه پیکر
شاهزاده اکبر (2)
.
.
.
جسموه وروبلار یاره استه یاره
یوخدی پیکرونده یاریه شماره
کیم اولوب سنون تک بیله

• سه شنبه
• 22
• مرداد
• 1398
• ساعت
• 13:50
• نوشته شده توسط
• ابوالفضل عابدی پور

باشیم اوسته قانلی قاتل
خنجر الده، من یارالی
باشیمی کسن امان سیز
لیک باش ویرن یارالی
.
.
اسدی تند باد محنت کربلا ده قوپدی طوفان
ابر تیره گون بوشالدی سو یرینه آخدی آلقان
باغبان خسته دلخون باغ و گلشن اولدی ویران
سنبل و سمن پریشان بلبل چمن یارالی
.
.
آلدیلار منی آرایه یاره یاره اوسته آلدیم
ناتوان اولوب عقابین بوینونا قولومی سالدیم
قالمادی بدنده قانیم ضعفدن ایله سارالدیم
باش آچوب بوچولده گویا شاخ نسترن یارالی
.
.
هاردادور شه غریبان باشیمی کناره آلسون
سایه سینده ابر رحمت باشیم اوسته سایه سالسون
قویماسون یارالی جسمیم ایستی قوملار اوسته قالسون
لخته لخته قان ایچینده یرده بیکفن یارالی
.
.
خوشدلم که دست

• چهارشنبه
• 23
• مرداد
• 1398
• ساعت
• 10:51
• نوشته شده توسط
• ابوالفضل عابدی پور

ای اولان سوز صحبتی بالدان شیرین جان علی اکبر جان علی اکبر
بنزین پیغمبره گل طلعتی جان علی اکبر جان علی اکبر

ای اللها مظهر
ای شبهِ پیغمبر
آقام علی اکبر آقام علی اکبر

بیز سنه جان دیروک فخر ایلروک سروریمیزسن یاوریمیزسن
آدووی سسلیروک عشق ایلروک دلبریمیزسن اکبریمیزسن

آی دردلره درمان
جانلار سنه قربان

عاشورا صبحی آچیلجاق دونیانی گوزوندن آتدون محشر یاراتدون
شوقیلن جهاده عزم ائتدون قیزیل قانووه باتدون مقصده چاتدون

شهزاده اکبرسن
عالمه رهبرسن

کربلادن سورا ائتدون شیعه نی درده گرفتار غمینده آغلار
هر کس تولا اهلی اولسا سنون یاسووی ساخلار اورگین داغلار

مقتلده جان وئردون
قرآنه قان وئردون

ایلیَن حاجت رو

• چهارشنبه
• 20
• شهریور
• 1398
• ساعت
• 12:13
• نوشته شده توسط
• ابوالفضل عابدی پور

به سبک(اصغریم ای شیرین زبانیم...)

گل گتوردوم گُلِ جنانی
گَل آپار شبه مصطفانی
قالمیوب منده صبر و طاقت
دوغرویوبلار بو قهرمانی

قلبمی اهل ستم داغلادولار
ریزه ریزه بدنین دوغرادولار
بالام ئولدی – جوان ئولدی

جسمینون اوخ یاراسی چوخدی
صاف یری پیکرینده یوخدی
گول آچوب یاره لر سراسر
باش باشا تیغ و نیزه اوخدی

یغموشام پیکرین عبایه باجی گَل
دوغرانوب اکبریم هرایه باجی گل
بالام ئولدی – جوان ئولدی

باشینی منقذ ائیله یاردی
قان او مه طلعتی آپاردی
سسلدی گل هرایه زهرا
مرکب اوسته بالام قوتاردی

شامیان آیری بیر ستم باشلادیلار
قطعه قطعه بدنین داشلادیلار
بالام ئولدی – جوان ئولدی

رحم سیز وحشی دون عربلر
ائتدیلر کربلاده محشر
اکبری هر گَلن ویروردی
اللرینده سنان و خنجر

طاقتیم اولمادی ایاق اوسته دورام
الیم الدن اوزولوب ئولدی بالام
بالام ئولدی – جوان ئولدی

• شنبه
• 1
• آذر
• 1399
• ساعت
• 22:38
• نوشته شده توسط
• یوسف اکبری

آنوون قامتی هجرونده کمان اولدی علی
نیزه دن لیلیه باخ گوزیاشی قان اولدی علی

زندگیده او قدر کی اوجالیقلان یاشادون
عاقبت باشوه دار اوستی مکان اولدی علی

بولدی خنجر سنون آلنوندا منیم طالعیمی
بختیمون گلشنی یاز وقتی خزان اولدی علی

نیزه گلدسته دی مخمور گوزون مئذنه دی
باشلا تکبیروی هنگام اذان اولدی علی

ایستدیم نوحه دیئم منده قلم قاشلاروا
اشکیمون جوهری رخساره روان اولدی علی

آغاران ساچ علنی ایلدی مجنونلوقیمی!!
گورنه اون سگیز ایلون سرّی عیان اولدی علی

گورسه حافظ بو اسن زلفوی حتما دیئجک:
نفس باد صبا مشک فشان اولدی علی

یوسفیم صورتوه باخماقا چوخ مشتری وار
عشق بازاری عجب پُر هیجان اولدی علی

بوردا تاجرلره بیجادی حسابیله کتاب
تللرون تک قاریشان، سود و زیان اولدی علی

غصه لرده قوجالوب کهنه له انسان کیمی کاش
هر قدمده بو جوان داغی جوان اولدی علی

هر زمان قصد ائلدیم ئوز گولومی ایگلمَگه
نیزه بان کسدی یولی قمچی تیکان اولدی علی

کیم دیئردی؟ منه حسرت اولاجاق قینانالیق
دوغرودان آرزیلاریم گور نه یالان اولدی علی

وطنی گور نچه مدتدی کی ترک ایلمیشوک
گَل گدک یثربه صغری نگران اولدی علی

• دوشنبه
• 1
• دی
• 1399
• ساعت
• 23:24
• نوشته شده توسط
• یوسف اکبری

دور ای ماه حجاز و شیر میدان علی جان
آنون لیلا گلوب حالی پریشان علی جان
منی آغلاتما اوغلوم
گؤزوندن آتما اوغلوم
آناوی قویما تنها
یوموب گؤز یاتما اوغلوم

جوان با وقار و با شهامت شهامت
ائدردی ائللریمده سرو قامت قیامت
سنی میدانه گؤندردیم سلامت سلامت
قییتدون خیمیه بی جان علی جان علی جان
سینوندن اوخ ووروبلار
وجودین دوغریوبلار
جنازون اوسته اکبر
منی آغلار قویوبسان

فلکدن ایلورم هر دم گلایه گلایه
سنی آلدی منی سالدی بلایه بلایه
سئخیشمازدون اوغول سن بیر عبایه عبایه
بئله جسمون اولوب شان شان علی جان علی جان
ووروبلار بس که یاره
الیمده یوخدی چاره
اوغول سن کامه چاتدون
من اولدوم بختی قاره

یوزون آیینه عشق ازلدی ازلدی
لب لعلون منه مین بیر غزلدی غزلدی
گوزل اوغلوم گوزل گؤزلر گوزلدی گوزلدی
اولا حیف ائتدیلر القان علی جان علی جان
عبا قان پیکرون قان
یوزون قان لبلرون قان
باشون خنجر نشانی
بو شهلا گؤزلرون قان

ایاق دور منی ایله سرافراز سرافزار
آز ایله قلبیمون بندی منه ناز منه ناز
آناوین قبرینی اوغلوم ئوزون قاز ئوزون قاز
گوروب بو حالی وئردیم جان علی جان علی جان
سینم اوسته یئرین بوش
منه سن سیز ئولوم خوش
باشیما باغلا قاره
قرا معجرلره قوش

مثلدور عالمه دنیا یالاندی یالاندی
سن ئولدون صبریمین جامی جالاندی جالاندی
اوغول طوی حسرتون دلده قالاندی قالاندی
بو درده تاپماران درمان علی جان علی جان
تالاندی طوی اثاثین
اولوب قرمز لباسین
طویا نقشه چکردیم
اوغول باشلاندی یاسین

منه قوت وئرردین سن گلنده گلنده
نجه سن سیز گئدیم اوغلوم گئدنده گئدنده
گؤزوم یولدا غریب ئوللم وطنده وطنده
یولوی گوزلرم هر آن علی جان علی جان
اوغولسوز قالدیم اوغلوم
کمکسیز قالدیم اوغلوم
گمانیم بیر سنیدون
آدامسیز قالدیم اوغلوم

کانال اشعار عباسی معروفان اهری

• شنبه
• 6
• دی
• 1399
• ساعت
• 22:31
• نوشته شده توسط
• یوسف اکبری

ای یوسفِ مدینهء طاها علی علی
یوسف دَه یوخ بو حُسنِ دل آرا علی علی

ای خلق و خُلق و حُسنیده بی مثل و بی بدل
وی دیلده تاب و طاقت و یارا علی علی

ای کاش اللّریندن اوغول بهره گورمه سین
سنلَن او کس که ایلدی دعوا علی علی

ایوای منه دانیش موسان آیا ائشید موسن؟
هی سسلوری یانا یانا لیلی علی علی

گر گوزلرون آچیلسا آچوب بیرده باخ منه
چاتسون دویون جا فیضِ تماشا علی علی

دِیندیر منی تصدّقون اولّام داریخ میشام
گولوم آچیل سون اولماسا ایذا علی علی

آل گویلومی ئولونجه دعا ایلرم سنه
شأنون اوُلار گمانی دَن اَعلا علی علی

ای (حافظی) خدایه اِئله شُکر سَجده سی
بو طرزی له که ائیلدون اِنشا علی علی

• پنج شنبه
• 1
• مهر
• 1400
• ساعت
• 15:08
• نوشته شده توسط
• یوسف اکبری

اکبریم اویان یاتما
گون کیمی بئله باتما
ال چالور منه دشمن
دور حسینی آغلاتما
اکبـریـم _ اکبـریـم _ ای شهید قرانیم
آچ گوزون_ آچ گوزون _آدیوه فدا جانیم

گُل کیمی اولوب پر پر
بو یارلی گل پیکر
گلموشم اوغول داده
آچ گوزون علی اکبر
باخ منه _ بـاخ منه _ دوره می آلوب دشمن
جسمیوی _جسمیوی _نه حالا سالوب دشمن

بی پنـاه و بی یـارَم
غم لره گرفتارم
مرتضا کیمین اوغلوم
روزگـاره بیزارم
سینمـی _ سینمـی _ درد و محنتـون دَلـدی
دادیوه _ دادیوه _ بی نوا حسین گلدی

قالمـوشـام نـه آواره
دردیمـه اِئلـه چاره
پیکرون قیزیل قاندی
باشیوه دیوب یاره
وای منه _ وای منه _ وای بـو یـاره لـی بـاشـه
عمرومون _ عمرومون _ شیشه سی دگوب داشـه

قلبیمی سخور غم لر
عرصگهده ماتم لر
وار یئـری ملالـونده
آغلاشا بو عالم لر
آچ گـوزون _ آچ گـوزون _ غمللـره گرفتـارم
عـرصـده _ عـرصـده _ بی مُعیـن و بی یارم

آغلیور سنه حورا
وای یـارالی واویلا
اکبریم خَیَم لرده
گوزلیور سنی لیلا
دور گـداخ _ دور گـداخ _ عـرصـده بئلـه یاتما
اکبـریـم _ اکبـریـم _ دور حسینـی آغـلاتمـا

• سه شنبه
• 14
• بهمن
• 1399
• ساعت
• 20:24
• نوشته شده توسط
• یوسف اکبری

لشگر گوروب حسینون طاهایه بنزر اوغلی
میدانه سالدی غوغا الله و اکبر٬اوغلی

ترک ایلیوب خیامی یوز قویدی رزمگاهه
بیرلحظه ده یتیردی میدان قتلگاهه
وحشت سالوب حسینون شهزاده سی سپاهه
سسلوردی ای جماعت گور نیلر حیدراوغلی

هرکیم گلوردی جنگه شبه پیمبریلن
تا روبرو دوروردی ماه منوّریلن
گویا دوروب مقابل فتاح خیبریلن
صفّینی ایتدی احیا فتاح خیبر اوغلی

سسلوردی اشقیایه فرزند حیدرم من
استاد رزمیم عباس هر درسین ازبرم من
شیر خدانین اوغلی شیر دلاورم من
قویماز خلع یتیرسون پیمانه صفدر اوغلی

سسلوردی وئرموشم من پیمان عشقه امضا
جان نقدی قویدوم ایتدوم میدان عشقی احیا
بازر مصره سالدوم بو قیمتیله غوغا
اولدی فقط خریدار زهرای اطهر اوغلی

من گلموشم علینون احیا ایدم حُنینین
تک قویمارام بتولین بو چولده نور عینین
اؤپسون گرک عمرسعد ال ایاقین حسینین
یوخسا ائدر بو نهری قان شاه محشر اوغلی

قلب سپاه دشمن ایتدی شکستی احساس
ایش بیر یره دایاندی اوضاع اولوندی حسّاس
مخیمده عشق ایلوردی هر ضریه سینده عباس
سسلوردی احسن احسن شاهه دلاور اوغلی

صد حیف اولا بیر اوخلان........

شاعر گرکدی ائتسون هر مطلبه اشاره
اوز عالمینده گئتسون او قان دولان دیاره
بو شعریده«فقیرین» قلبی اولوندی یاره
یاری ائدیردی بی شک لیلانین اکبر اوغلی

• جمعه
• 24
• بهمن
• 1399
• ساعت
• 19:54
• نوشته شده توسط
• یوسف اکبری

شبیه مصطفیٰ اکبردی اکبر
دُر بحر سخا اکبردی اکبر
اَله تیغ شررباری آلاندا
مثال مرتضی اکبردی اکبر

نهنگ بحر قهر استقامت
فقیه اعظم دین و ولایت
شبیه حضرت ختم رسالت
علینون عشقی زهرا یادگاری
حسینون قبضه سینده ذوالفقاری

شجاع مرد شریف آل هاشم
عقاب اوسته اولوب میدانه عازم
حسینون تیپینه لشگر نه لازم
چیخوب قاف اوسته سیمرغ شرافت
باش اگدی اکبره،روح شجاعت

اولوب میدانه عازم ماه پاره
دوشوب یِر لرزه یه چون گاهواره
ائلیر کروبیان رزمین نظاره
لبینده ذکر یا سبحان دئیوردی
ولی شمشیریده قان قان دئیوردی

الینده مرتضانین ذوالفقاری
سالوب میداندا غوغا اقتداری
اولوب میدانیدن چوخلار فراری
دئیوردی کیم دئیور اکبر گلوبدی
قاچون اکبر دگول،حیدر گلوبدی

یخیردی مرکب اوستوندن هژبری
بوغاردی پنچه سی،دوتسایدی ببری
قازاردی شمرین،اَر گلسیدی قبری
کسوردی باشلاری مرآت طاها
او چولده ایلدی صفینی احیا

قالوب حیران عدو بو طرز فنده
تاپولموردی حریفی تن ب تنده
توان یوخدی یازام،او حالی منده
شکستی ایلدی سعد اوغلی احساس
دوروب تلّ اوسته ده،عشق ایلیر عباس

دوتوب یوز پادگان اشقیایه
بویوردی فرقه ی پست و دغایه
باخا کیم چپ،شهِ کرب و بلایه
چکوب بیر صف هاموزی باغلارام من
وجودیزه سراسر دوغرارام من

• یکشنبه
• 3
• اسفند
• 1399
• ساعت
• 22:19
• نوشته شده توسط
• یوسف اکبری

مرحبامرحبا عاشقاعاشقا
شب شــــوروصفا
لباخندونه لباخندونه غزل میخونه
گوهرناب اومد دُر نایاب اومد
عشق ارباب اومــد
لباخندونه لباخندونه غزل میخونه

گل زیبای لیلا زد جوونه
بگو بادا مبارک
بریز گل زیر پاهاش دونه دونه
بگو بادا مبارک
گل پیغمبراومد عزیزحیــدراومد
علی اڪبــر اومد
مبارکباد مبارکباد مبارکباد مبارک

صورتش محشره شبه پیغمبره
دلارومیبره
درّ نایابه درّ نایابه
عشق اربابه
جلوهٔ صورتش سیرت وصولتش
اون قدو قامتش
نداره همتا۲ مثال طاها

میادازآسمون بارون رحمت
بگوبادامبارک
مدینه شدمثال باغ جنت
بگوبادا مبارک

گل پیغمبراومد عزیزحیدراومد
علــــی اڪبــر اومد
مبارکباد مبارکباد مبارکباد مبارک

مخــــالف

الهی گردغم برصورت ماهش نَشینه
الهی داغشو تازنده هست مادر نبینه

میخونه فرشته گل پیغمبراومد
مبارک مبارک علی اکبراومد
گل پیغمبراومد عزیزحیدراومد
علی اکبر اومد
مبارکباد مبارکباد مبارکباد مبارک

تـــرکی

جان جانان گلوب درده درمان گلوب
روح وریحـــان گلوب
گل احمردی گل احمردی
آدی اڪبـــــــردی
شکراولا سرمده حضرت ایزده
بنذیور احمــده
گل احمردی گل احمردی
آدی اکبــردی
قوتاردی دردوغم شاد اولدی دللر
گلوب دنیایه اکبر
دیورگویلرده شوقیلن ملکلر
گلوب دنیایه اڪبــــــر
سووندی قلب زهرا
بزندی عرش اعلا
گلوب دلبند مولا
مبارکدور مبارکدور مبارکدور مبارک

مخالف

آلیب آغوشینه باحدی دئدی عشقیله مولا
ایوون آباداولا بوتازه مولودیله لیلا

گوزلدی گوزلدی
گوزلدی بی بدلدی
شیریندی شیریندی
عزیزلم یزلدی
ملک سیمادی اکبر گل مولادی اکبر
خود طاهــادی اڪــبر
مبارکدور مبارکدور مبارکدور مبارک

• یکشنبه
• 10
• اسفند
• 1399
• ساعت
• 23:07
• نوشته شده توسط
• یوسف اکبری

فارسی

ای گل پرپرم، اکبرم، ای جان بابا
دیده واکن ببین، مانده ام، بی یاروتنها
تازه جوانم شبه پیمبر
شهزاده اکبر شهزاده اکبر

آمدم دربرت، میکنم من آه وزاری
میزنم برسرم، میکند دل بیقراری
پیکرت قطعه قطعه شده ای نورعینم
خیزوبنگرعلی ازغمت درشوروشینم
تازه جوانم......

مادرت مانده در خیمه گه در انتظارت
ازغم هجرتو، اُمّ لیلا بیقراراست
وای ازآن دَم که او جسم صد چاکت ببیند
تا ابد او به پای غم و داغت بشیند
تازه جوانم...

ای شهیدحرم، اکبرم، غرق نوایم
خیزوبنگرعلی، خسته ام، بی اقربایم
ای جوان داغ تو، هجرتو، پشتم شکسته
من حسینم که از غصه ات درغم نشسته
تازه جوانم.......

ترکی

ای منیم یاوریم، اکبریم، یاتما یارالی
اولمیشام نی کیمین، باشون اوستونده یارالی
تازه جوانیم،شبه پیمبر
شهزاده اکبرشهزاده اکبر

چوخ دگوبدوریارا، جسمووه قانون دایانمور
گوزلرون آچ اوغول، باخ منه، حالیم یاماندور
ای پیمبرخصال، کاسه ی صبریم جالاندی
دورایاقه گئدک، قصر امّیدیم تالاندی
تازه جوانیم...

دشمن بدمرام ال چالور من آغلیاندا
هی شماتت ائدور من سنه دل داغلیاندا
دور اله آل گینه، پرچم اسلامی اوغلوم
ناامید ایله بو فرقه ی ظلامی اوغلوم
تازه جوانیم.....

پرپر ایلوب سنی گل کیمی بوقوم خناس
سسلیم من گرک تئز گله قارداشیم عباس
سالمیشام من عبا، جمع ائدم صد پاره جسمون
ایلیوبدور منی عرصه ده آواره جسمون
تازه جوانیم...

• دوشنبه
• 18
• اسفند
• 1399
• ساعت
• 22:23
• نوشته شده توسط
• یوسف اکبری

بنده ی نابِ خالق یکتا/اکبردی۲
شبیه طاها، عزیز زهرا/اکبردی۲
میوه ی قلبِ حسین و لیلا/اکبردی۲

نور جمالِ انوره باخ
جلوه ی روی حیدره باخ
کرب و بلایه سال یولووی
اکبره باخ سن اکبره باخ

یا علی اکبر علی علی

قدرتی یاده،سالوبدی شیر /یزدانی۲
تیغی چَکنده، دشمن اولوبدی/حیرانی۲
چَکدی قلنجین بیر بیره ووردی/میدانی۲

قدرتِ خلّاق اَزلی
نِیلدی گور لیلا گوزلی
جنگ ایلماقین شیوه سینی
اورگدیب عبّاس بن علی

یا علی اکبر علی علی

داغ کیمی پیکرلر قالانوبدی/اوستوسته۲
اکبری گوردی قاچدی قاباقدان/ سردسته۲
ایتدی دِرو باشلاری توکوبدی/خاک اوسته۲

الده گزر تیغ اَجلی
دیلده واریدی ذکر جَلی
محشر ایدوب، حیدر نوه سی
نظم سپاهی پوزدی علی

یا علی اکبر علی علی

ولوله سالدی شِبه پیمبر/ میدانه۲
یوز نچه سین گوندردی جَهیمه/مردانه۲
ووردی یورولدی شاه شهیده/دردانه۲

دوره سین آلدی لشکر کین
عرصه ده قالدی زار و حزین
خنجریلن ووردی باشینا
مَنْقَذ آدینلی ، پَست و لعین

یا علی اکبر علی علی

جسمینی اِرباً اِرباً ایدوبلر/میداندا۲
بیر کسی بِیله ، دوغرامیوبلر/دوراندا۲
آغلوری لیلا ،اکبره گویا /اَلان دا ۲

دوغرادیلار جسمین باشا باش
فَرقِ جهانه کول اولا کاش
نعشین عَبایه یغدی حسین
سمتِ خیامه گَتدی یاواش

یا علی اکبر علی علی

• جمعه
• 22
• اسفند
• 1399
• ساعت
• 15:43
• نوشته شده توسط
• یوسف اکبری

علی او زلفیله دام بلانی نیلورسن
سنون هلالی قاشون وار کمانی نیلورسن

نه باعث اولدی مگر ترک آشیان قیلدون
لباس جنگی گیوب بوینوا کفن سالدون
آتون امام حسیندن دعای خیر آلدون
وداع ائدوب باجیوی عمّه‌لردن آیریلدون
جوان‌اوغول دئ ‌گوروم بس‌آنانی نیلورسن

دومان دوتوب اورگیم پرده پرده شان‌شاندور
سنون منیم اورگیم آهه تیره باراندور
یارالانوب بئله که قلبیمیز پریشاندور
سنونده من‌کیمی قلبون‌دولی‌قزل قاندور
دوباره تیغ جفادن یارانی نیلورسن

گورنده کاکلیوی گوگده قوشلار آغلارلار
کشیده قاشلارون اوسته قلجلار آغلارلار
دالونجا زلفی یولوب قاره ساچلار آغلارلار
هوا یوزینده بولوط یئرده داشلار آغلارلار
آناندان آرتوخ علی آغلیانی نیلورسن

بویان طرفده وزیریله پادشاه آغلار
اویان طرفده باخار حالیوه سپاه آغلار
طناب خیمه ائدر ناله خیمه گاه آغلار
عم اوغلوآ بزنن تازه حجله گاه آغلار
سنون چوخ آغلیانون وار نوانی نیلورسن

اوزون بیلورسن علی نه آنام نه باجیم وار
اوغول آناسی سنون تک باشیمدا تاجیم وار
ئولن زمان سنه دفنیمده احتیاجیم وار
بو گئتمگه نه دیوم الده نه علاجیم وار
گئدورسن ایندی بو بی اقربانی نیلورسن

• پنج شنبه
• 5
• فروردین
• 1400
• ساعت
• 17:06
• نوشته شده توسط
• یوسف اکبری

اکبرلیلا ماه دل آرا گلدی بودنیایه
جوان رعنا قامتی طوبا گلدی بو دنیایه
آل هاشم افتخاری یاعلی اکبر
ای حسینون یادگاری یاعلی اکبر
یاعلی اکبرمبارک جشن میلادون(2)

حسینه دلبر شبه پیمبر گلدی بودنیایه
عالمه سرور مظهر حیدر گلدی بودنیایه
ای گل باغ ولایت یاعلی اکبر
عاشق جام شهادت یاعلی اکبر
یاعلی اکبر مبارک جشن میلادون(2)

یوخدی نظیرین اولدوخ اسیرین یاعلی اکبر
تک یارادیبدی حی قدیرین یاعلی اکبر
لنگر دین پیمبر گلدی دنیایه
یوسف کنعانه سرور گلدی دنیایه
یاعلی اکبر مبارک جشن میلادون(2)

چشمه غیرت زینت خلقت قویدی جهانه قدم
پیکر عزت صاحب صولت قویدی جهانه قدم
بند قلب خیره النسا علی اکبر
اولین شهید عاشورا علی اکبر
یاعلی اکبر مبارک جشن میلادون(2)

شهرولایه کرب وبلایه واردی منیم عشقیم
کرب وبلایه پایین پایه واردی منیم عشقیم
"حیدره"وئر کربلانی یاعلی اکبر
زیارت پایین پانی یاعلی اکبر
یاعلی اکبر مبارک جشن میلادون(2)

• پنج شنبه
• 26
• فروردین
• 1400
• ساعت
• 11:43
• نوشته شده توسط
• یوسف اکبری

خلق ایلیوبدی اکبری پروردگار عشق
وئردی حسینه اکبر اولا یادگار عشق

گنجینه کمالی آچوب ذات کبریا
بیر گنجی گوردی خلق ایلیوب عین مصطفی
لایق گوروب او گنجی حسینه ائدوب عطا
شعبان آیندا ایلدی سرمایه دار عشق

حسن و جمالی گوردوله طاهایه بنذیری
صولتده مرتضا کیمی مولایه بنذیری
آهو باخیشدی گوزلری زهرایه بنذیری
لیلا ایوینده آچدی گل اولدی بهار عشق

اکبر اولوبدی باغ ولانون درآمدی
اولدی کمال و حسن وجمالون سرآمدی
هرکیم گوروب دئیردی بو نور محمدی
خلقتده جدی تک نه گوزلدور نگار عشق

تدریس ائدوب آتاسی بو شاگرده بیر زمان
جنگ و فنون رزمی عموسی ائدوب بیان
دوران دولاندی اکبر اولوب تازه بیر جوان
باغلاتدی کربلایه حسین کوله بار عشق

یوم بلا یتیشدی صحابه اولوب شهید
یالقوز قویوب امامی او گون لشکر پلید
اکبر گوروب آتاسی قالوب بیکس و وحید
رخصت آلوبدی رزمه اولوب رهسپار عشق

شمشیری الده غیظیله چون اژدر ژیان
گلدی دایاندی مرکز میداندا اول جوان
هر کیمسه گوردی جنگینه یوخ قدرت وتوان
این المفر دئینلر اولوبلار شکار عشق

لشکر بو شیری سید مختاره اوخشادوب
یا مرکب اوسته حیدر کراره اوخشادوب
بیر عده سی عموسی علمداره اوخشادوب
کیم باخدی گوردی جنگه چکور انتظار عشق

حاضر اولوبدی جنگینه بکر آدلی پهلوان
اولدی مقابل اکبره اول ابله زمان
سسلندی آچ گوزون بو نه غفلتدی ای جوان
گل بوردا ائتمه سن آناوی غصه دار عشق

میدان جنگدور نه دبستان ، رجوع ایله
گئت خیمه گاهه گون کیمی اوردا طلوع ایله
کیمسن مگر نه فن واریندور شروع ایله
گر سنده واردی جنگه بیر آز پشتکار عشق

اکبر آچوب او دمده یوزوندن نقابینی
گوستردی ظلمه چهره چون آفتابینی
تا بکره معرفی ایلیوب بوترابینی
معلوم اولوب او ناکسه ایل و تبار عشق

سسلندی بکره من نوه شاه خیبرم
آدیم علیدی پور حسین سبط اکبرم
سن باخ بصیرتیله شبیه پیمبرم
جدیمدی عالمینه اولوب تاجدار عشق

دیندن دفاعی قافله سالاریم اورگدوب
جنگ و فنون رزمی علمداریم اورگدوب
سن باشلا ، بو مرامی سپهداریم اورگدوب
دعواده کیمده واردی گوراخ ابتکار عشق

شمشیری غیظیلن چئخادوب بکر نابکار
بو فکریلن که شیری او روبه ائدر شکار
ایش دوندی بکری گوردولر اولدی غمین و زار
اکبر ائدوبدی ضربتینی چون مهار عشق

نوبت یتیشدی اکبره آلدی قلج اله
سالدی اودمده لشکر کفاره ولوله
سسلندی یاعلی گل اوزون سن مددایله
بکرین آیردی باشینی ائتدی نثار عشق

ئولدوردی بکری باطله حق تاپدی تا ظفر
بیر لحظه گوردی تشنه لیق ایلور اونا اثر
گلدی خیامه ، وئردی حسین زینبه خبر
لیلاینی سسله اولدی بالام انتصار عشق

اکبر قیتدی گلدی آتانون سراغینه
مرکبدن اندی دوشدی امامون ایاقینه
دوردی ایاقه قویدی دواقون دوداقینه
یعنی بابا عطش آلور الدن قرار عشق

«شیدا » حیا ایله سوزی چوخ ائتمه آشکار
قلب امام عصری ائدر غصه داغدار
الله بولور نه اولدی نه حاله قالوب اولار
هم اکبر اولدی هم آتاسی شرمسار عشق

• پنج شنبه
• 7
• مرداد
• 1400
• ساعت
• 21:35
• نوشته شده توسط
• یوسف اکبری

اکبریم شبه پیمبر قانا غلطان یارالی
جسمی گل تک پوزولان ای گل خندان یارالی
دیله گل جان یارالی
سنه قربان یارالی

اوندا کی گلدی سسون خیمه لره یاندی انان
سنی سالدی یادینا گون کیمی اودلاندی انان
هی دیر ئوزئوزونه اکبریم دوغراندی ، انان
اربا اربا اولونوب یوخ سنه درمان یارالی

آچ گوزون ناز ائلمه بسدی دای یاندیرما اوغول
دور گیدک خیمه لره چوخدا یوباندیرما اوغول
چوخ لبین ورمه نشان یاندیم اوتاندیرما اوغول
آپاریم قانلی عباده سنی مهمان یارالی

خیمه لر یاسه باتوبدی بورونوب اهه علی
باشون آی تک بولنوب اوخشویوسان ماهه علی
سنه خاطر چالور ال دشمن الان شاهه علی
باشیوین اوسته الان من وئررم جان، یارالی

چوخ چتیندی اتا دفن ائلیه ئوز اوغلون علی
کیم سنه یارا وروبدی بالا کاش سینسین الی
اتاوین باشیوین اوسته نجه خم اولدی بلی
دوزولوب گور نقدر سینوه پیکان یارالی

دئدی فتیان بنی هاشمه امداده گلین
هامی قاره گینون ناله و فریاده گلین
الی بلده قالانام سیز یتیشون داده گلین
باغبان تکجه قالوب صولدی گلستان یارالی

اکبرین گتدی خیامه ، اقا گل تک سارالوب
آناسی ناله ائدور عمه سی زینب قوجالوب
باجی سی اشگین الور اللری قوینوندا قالوب
هی دئیر بیر منی دیندیر باجی قربان یارالی

اوخشیور هی اناسی تازه جوانیم بالا وای
دوغرانوب پیکری اللرده قالانیم بالا وای
منه والله بسیدی سوز نهانیم بالا وای
صفحه صفحه اولونوب گوءیا قران یارالی

دئمیرم صحبت ائدوب یا منی دلخوش ائدسن
یا می ناب کیمی عاشقی مدهوش ائدسن
خواهشیم واردی فقط سوزلریمه گوش ائدسن
چون ادب صاحبین وار سنه ایمان یارالی

یازدی هرکس ئوزونه اشگیله غم نامه سینی
هر کس آغوشه الوب خیمه ده پروانه سینی
چوخ چتیندی اتا قبره قویا دردانه سینی
تاپشورام من نجه قبره سنی الان یارالی

ای "خدایی " غم اکبر سنی آغلاتدی بو گون
غملری پیکان اولوب قلبیوی اوخلاتدی بوگون
قره اگنینده باشان قاره نی باغلاتدی بوگون
ائدجک روز جزا نوکره احسان یارالی

• جمعه
• 15
• مرداد
• 1400
• ساعت
• 21:14
• نوشته شده توسط
• یوسف اکبری

گل علی دونوم باشیوا اخا باجیوی سراغلا یورولموشام
منی یاده سال گوزیوه فدا بو غریبی یوخلا یورولموشام

یانورام وطنده غریبه ام نه گلن واروم نه گدن علی
قاپیمی نه واردی آچان اخا نه بو حالتیمی بیلن علی
او قد اغلارام یوخوم آشنا گوزومون یاشینی سیلن علی
گله کاش اجل، ولی سنده گل باشیم اوسته آغلا یورولموشام

اخی رسمیدی سفره گدن گوزی یولدانی خبر ایلیر
گورورم بو باغلی اطاقلارین نجه غم منه اثر ایلیر
بو فراق و غم گجه گوندوزی قاره ایلیوبدی،بیر ایلیر
گجه گل خیالیمه بیر دانیش اورگیمی داغلا یورولموشام

باجینین یامان گونی دادرس اخی قارداشی اولار آی اخا
باجی قارداشیندان اوزاق اولا، گوزی ابری تک دولار آی اخا
بیله قارداشی اولوب ای خدا، نجه زلفنی یولارآی اخا
سنی گورمسم باشیم اوسته گل بو گوزمی باغلا یورولموشام

ولی گلمدین یوخوم هیج سوزوم ولی یاخشی تک منی قویموسان
منه ناز ایدوب و یا کوسموسن نیه رخت عشقیوی سویموسان
منه شوکتن، منه عزتن ،ایله بیل که یولدا یورولموسان
بو سینان اورگیمی دوت نشان سنه قربان اوخلا یورولموشام

• شنبه
• 16
• مرداد
• 1400
• ساعت
• 23:35
• نوشته شده توسط
• یوسف اکبری

نور طاها توکولور ماه جمالوندن علی
گئدوسن قوی بیر ئوپوم هاشمی خالوندن علی

واردی ای سرویم عجب نازلی خرامان یریشون
مصر عشقوتده سالوب گور نجه طوفان یریشون
یوسفیم صبر ائله لیلادن آلور جان یریشون
الیمی اوزمه او دامان وصالوندن علی

گلن اعصاریده بسیار دلاور دوغیلار
لاله صورتلی خمار گوزلی گوزللر دوغیلار
حسن قامتده نه چوخ یوسفه بنذر دوغیلار
چشم دنیا گوره هیهات مثالوندن على

گل یوزون لعل لبون جدّوه آیتدى یقین
بو قد و قامت ئوزی سرّ قیامتدی یقین
چشمه ی صافی جنّتده خجالتدی یقین
جام چشمونده اولان اشک زلالوندن على

نه گوزل طره لرون آلنوا تل تل توکولوب
پای مژگانه نه خوش سرمه ی جنت چکلوب
سنی کیم گورسه دیر آغ کفنه آی بوکولوب
آغ کفن چوخ یاراشور ترمه و شالوندن على

دونوب آهن قفس اولدی منه دنیای فراخ
گئدوسن رشته ی عمروم اوزولور سویلورم آخ
تلّه جن باری دولان نازیله تئز تئز منه باخ
دویمیوب غملی ننون چشم غزالوندن علی

• چهارشنبه
• 20
• مرداد
• 1400
• ساعت
• 21:12
• نوشته شده توسط
• یوسف اکبری

قویدی اکبر اوندا که کونه قدم
آچدیلار شادلیق کتابین دم به دم
دم ظهور ایتدی داغلدی درد و غم
گوردی هرکس مه جمال اکبری
یاد ایدوب صلواتلن پیغمبری

شرق یثرب دن گوتورلندی حجاب
ایلدی چهره نما چون آفتاب
شاد و خرم دی هامی شیخیله شاب
اکبری الله اکبر پای وروب
حضرت عباسه الحق تای وروب

خلقتین گنجینه سینده درّ ناب
مایهٔ مافوق آل بوتراب
خَلقاً و خُلقاً خود ختم مَآب
غیرتاً مولا علی المرتضی
خصلتاً عیناً امام مجتبی

ای گوزوم قیل بیر نظاره اکبره
اوخشیور سیماسی دوز پیغمبره
شکر اولا مینلرجه بنده پروره
خلق ایدوب خلاق عالم نوریدن
حُسنی گورجک دور ملک دن حوریدن

احسنت آئینه سینده صاف نور
شرق یثرب دن او نور ایلوب ظهور
هیکلی باشدان باشا شور و شعور
لیلی نین باشین اوجالدیب گوگلره
فخر ایدور لای لای دیَنده اکبره

صورتی آئینهٔ ایزد نما
قلهٔ حریت اوستونده هما
راه عشقه عاشقانه رهنما
حق اونی ورمیش حسینه بیر صله
رهروان جنته سر قافله

چوخلی شاهلار ایلیوبلر آرزو
نهر القم دن گلوب آلسین وضو
بوینی چیگنینده دایانسین روبرو
صدقلن عرض ارادت ایلسین
مرقد پاکین زیارت ایلسین

حی داوردن عنایت دور علی
حضرت یزدانه آیت دور علی
ابن سلطان ولایت دور علی
روح با ایمان دی فرزند حسین
رتبه ، شهزاده حسینه نور عین

چیگنینه آلمشدی قرآن بیرقین
قاف حریتده قالسین اهل دین
ایندی ده رزمنده لر ایلور یقین
کربلاده اول همان بیرق اسور
ریشه دن کفرین جیلون پیلور کسور

اول جوان الحق شجاعت کانی دور
جسم قرآنین ثمرلی جانی دور
جدی کانون شرف ارکانی دور
کربلاده قد و قامت ایلیوب
قدینه احسن قیامت ایلیوب

چون علمدار حسین عباس دور
اهل درک و فهم دور احساس دور
فوق العاده دینینه حساس دور
پادشاه کربلایه یار اولوب
عاقبت پیغمبره زوار اولوب

سن "امینی" ایلیورسن افتخار
صاحب عصره چکورسن انتظار
تا گلوب ایتسین عدالت برقرار
سیر قیلسین کربلا میداننی
اکبرین آلسین عدو دن قاننی

• یکشنبه
• 24
• مرداد
• 1400
• ساعت
• 14:26
• نوشته شده توسط
• یوسف اکبری