اشعار حضرت علی اکبر علیه السلام

اذن وئر یاربّ حسینون اوغلی پنهان قالماسون
ذوالفقارین چکسون آخر یرده بو قان قالماسون

ذوالفقار صاعقه کرداری ائتسون بی نیام
اوّل و ثانی و ثالثدن او آلسون انتقام
دشمنان دینیدن آفاقی پاک ائتسون تمام
یرده بو مظلوملر قانی پریشان قالماسون

ای خداوند سمیع و لایزال و لم یزل
اذن وئر ائتسون قدوم میمنت آثاری حلّ
مشکلاتی ظاهر اولسون پیر رندان ازل
تاپسون آسایش امور کون و ماکان قالماسون

برملا چکسون ئوزی شمشیر کفر دشمنه
ورسون اول قهر خدا تیغ دو پیکر دشمنه
ایلسون دنیا و مافیهانی محشر دشمنه
آلسون اعدادن ئوزی بو قانی یکسان قالماسون

انتقامون زینبون آلسون گروه شامیدن
خولی و شمر و سنان و سعد خون آشامیدن
پاک قیلسون بو غباری صفحه ایّامیدن
غیبت کبراده مخفی شاه خوبان قالماسون

دشمن دین نبی دن اول شه رندان ئوزی
اذن وئر قان صاحبی آلسون الهی قان ئوزی
ایلسون سفیانیانی واصل نیران ئوزی
صفحه غبراده نسل نحس سفیان قالماسون

انتقام آلسون امام عصر عطشان اکبری
ایلیوب ئوز قاننه اونلار که غلطان اکبری
یاد ائدر دل هر زمان آغلار گزر قان اکبری
انتظار وصل جانانینه عطشان قالماسون

شام شومی کوفه تک یارب ئوزی ائتسون خراب
تاپدی جور شامیدن اوضاع عالم انقلاب
خارجی آل رسول اللهه ائتدیلرخطاب
تا تمام اولسون جفای قوم عدوان قالماسون

قیلدیلار ویرانۀ شام ایچره ساکن زینبی
مجلس بیگانه دن قول باغلی لکن زینبی
دشمنان دین خیال ائتدی مساکین زینبی
گتدی من باب تصدّق آج اسیران قالماسون

نه زبانیله بیان ائتسون بو زار و ناتوان
قصّه شامه بیان آغلار قلم آچماز زبان
آج سوسوز ویرانه ده یازمام رقیّه وئردی جان
هیچ کیمون یا ربّ عیالی بیله ویلان قالماسون

ایستدی وئرسون او هنده زادیه اوغلی کنیز
دامنیندن زینبون دوتدی عروس بی جهیز
سویلدی جایزدی عمه جاریه اعدایه بیز
شام ویراندا اولاق بو مشکل آسان قالماسون

ساخلادی زنجیر ظلمه باغلی بزمینده یزید
زینب و کلثوم و لیلانی او ملعون پلید
سیّد سجّاد ایاق اوستونده چون عبد عبید
آز قالوب قیلسون بدن ملکین وداع جان قالماسون

دولدی ظلمیندن او ناپاکون زمین و آسمان
ایستدی ناگه باخوب اطرافه چوب خیزران
بیر دیین اولمادی شرم ائت ای یزید آخر اوتان
ظلم بی حدّ ایلدون بو شاهه نقصان قالماسون

اهل بیتون باخمادی آخر یزید افغانینه
ائتدی طعنه کربلانون تشنه لب قربانینه
وردی چوب خیزران لعل لب عطشانینه
انتقامیم وار دئدی بو باشدا یاران قالماسون

اولمادیم کرب و بلا دشتینده صد افسوس حیف
ایلییدوم بو شه مظلومه استعمال سیف
بخت یاری اولدی حسین گلدی ئوزی بو بزمه ضیف
یتسون انمامه یزیدون ظلمی نقصان قالماسون

بو شه مظلومه "بیضا" ایله ناله روز و شب
روز فیروزه ، شب تاریکون اولسون منقلب
زایل اولسون آغلار گوز یاشیله بو رنج وتعب
صفحه اعمالیده تصویر عصیان قالماسون

• سه شنبه
• 2
• شهریور
• 1400
• ساعت
• 14:57
• نوشته شده توسط
• یوسف اکبری

آلمیشام اذن شهادت وقت هجراندور آنا
گل دویونجا گور منی فرصت بو بیر آندور آنا

آچما باشون یولما زلفون توکمه اشگون دامنه
آغلاما بیر بیله آغلاتما منی قربان سنه
بوندان آرتوق غصّه ویرمه بو یول اُستنده منه
چوخدور اندوه و غمیم آز قلبیمی یاندیر آنا

باخما حسرتله منه باخدوقجا گوز یاشون آخور
آه جان سوزون دل سوزانمی ناره یاخور
تیز مرخّص قیل گیدوم سلطان مظلومان باخور
الّلری قوینوندا دورموش دیده گریاندور آنا

اولما دلگیر اولمادی سو تشنه لب سالدون یولا
راضیم سوز عطشدن گلشن عمروم سولا
عشق قربانی گرک اَلقانیلن سیراب اولا
لایق کوی محبّت تشنه قرباندور آنا

دوتموسان اون سگّز ایل اُلفت منیله ماه و سال
ایمدی هجرانیم سنه بر اَمردور گرچه محال
منّتین زهرایه قوی حقّون منه ایله حلال
خاطری منظوردور خاتون رضواندور آنا

ایسترم بر خدمت عالی ایدم زهرا پسند
اذن ویرسن دوغرانام من قطعه قطعه بند بند
تا اولاخ زهرا یانندا سنده منده سربلند
ایله بر گونه هامی یرگشته حیراندور آنا

یثربه دوشسه یولون ایتسن آنا بیرده گذر
بینوا صغرا باجیم سندن منی آلسا خبر
مرگیمی واضح دیمه مدّتدی که هجران کسر
ناتواندور خسته دور باغلی دولی قاندور آنا

ایلیه هرکیم منه گوز یاشی دنیاده نثار
ایلرم منده شفاعت روز محشر هر نه وار
قویمارام یانسون { شهابی } ایلرم اوددان
نوکریمدور گرچه غرق بحر عصیاندور آنا

• جمعه
• 5
• شهریور
• 1400
• ساعت
• 11:26
• نوشته شده توسط
• یوسف اکبری

او که اخباره دارادی حدیثی ایلمز کتمان
کلامون صحّت و سُقمون بولر یوخ حاجتِ برهان

بولوب اوچ امری لازم امّته پیغمبرِ رحمت
همیشه توصیه هر تک تکین خلقه ایدوب اعلان

بو اوچ فنّی بیر امری ایلیون اولادوزه تعلیم
باشاردوقجا تَغافل ایتمیون یا ایُّهاالاِنسان

اوخ آتماخدور بیری ، بیرده شنادور ، بیرده آت مینماق
گرک دارا اولا بو نچه فنّه مردِ با ایمان

اگر چه طول اولار صحبت ، و لیکن عقل حاکی دور
نه تک مقصودِ حضرت ، آتدی اوزماقدی کمان پیکان

اودور گویا ، ایدیبدور امتثالِ امرِ پیغمبر
غریبِ کربلا ، مقتولِ اعدا ، سرورِ عطشان

حضوره بیرگونی گونلرده رسمِ التفاتیله
چاغوردی اوز علمداری ابوالفضلی ، ویروب فرمان

بویوردی اکبریم قارداش اوشاقدور گورمیوب دعوا
اونا مشقِ جدال و جنگ ویر قارداش سنه قربان

ایدوب تا استماع ، قارداش سوزون عبّاسِ نام آور
یدِ طاعت قویوب فورا" گوز اوسته ، اول مه تابان

خبر ویردی حسین ابن علی اولادِ طاهایه
چکیلدی پردهء عصمت ، حرملر اگلشوب حیران

بیر عده اهلِ یثرب چیخدیلار فورا" تماشایه
به امرِ شاه نُه کشور ، حسین سلطانِ مظلومان

چیخوب دروازدن دیشره هر ایکی فارسِ هیجا
مصمّم اولدولار دعوایه ، مثلِ ضیغمِ غرّان

غرض هر ایکی نام آور ، مّصمّم اولدی دعوایه
چکوبدور بیر خط خطی او دم پورِ ابن عمران

زره گیی ، چکمه گیی ، باغلا چهار آئینه دور ابلق
قلج باغلا گوتور نیزه ، سپر سال ای اوغول آتلان

بو خطِ مشقدن گوزله کنار اولمامدور گز
عنانِ توسنی بوشلا ، قوی ایتسین عرصه نی جولان

قلج گلسه خبردار اول ، سپر آت ، گیچ صولا صاقه
مبادا مصدرِ یاقوتدن آخسون یره آلقان

حسینین نامراد اوغلی عقابی گتدی جولانه
دیدی چوخ کم هنر سانما منی ای عَمّ والاشان

نشان حُجّتینَم من ، بیری عالی بیری اعلی
بیری احمد بیری حیدر ، قضا حکم و قدر فرمان

اوزون تعریف قیلدون ای عمو ، تعریفون حقدور حق
منیده کم هنرفرض ایتمه سانما گورمین میدان

بابامدور مرتضی یعنی قسیمِ نار والجَنّه
او پیغمبردی جدّیم که اونا نازل اولوب قرآن

سنون تک عَمّ پاکیم وار ، قدرفرمان و شیر افکن
شجاعت ارثیدور سیزدن منه ، بِالعَدلِ والاِحسان

قلیج گلدی خبردار اول ، منم دورت حُجّته نائب
هواده برق تک جولانه گلدی تیغِ خون افشان

چکوب بیر نعره شیرانه ، ابوالفضل ایلدی کرنوش
قلنجین رد ایدوب شهزاده نون سقای مظلومان

آتین جولانه گتدی عرصه گهده بادِ صرصر تک
وزیرِ جنگ اوردوی همایونِ شه عطشان

الینده قبضه شمشیر و دلده کلمهء تکبیر
بِعینِه مرتضادور شَستینه نظار اولوب حیران

گلوب نِطقه دئدی من مرتضا دلبندی عبّاسم
منم چرخِ رشادتده اولان بیر نیّرِ رخشان

قلج گلدی خبردرار اول ، دیمه ویردی عَموم غافل
منیمدور نورِ دیده ، حمله ایتماق نوبتی الان

کسیلدی طاقت لیلا دئدی زینب دخیلم من
علمداره دینه اَندیرمه قلینجون ای مهِ تابان

اگر چه مشقدور دعوا دگل یازینبا ، امّا
قلج آتدا بالامی گورماقا یوخ طاقتِ امکان

نه حاله قالدی بس یارب او لیلا روزِ عاشورا
کفن گییدی جوانی ، آلدی شهدن رخصتِ میدان

نجه طاقت گتوردی ال چکوب دوزدی و حال آنکه
بولوردی گیتسه قویماز صاق قیدسین لشگرِ عدوان

علاوه اکبری تشنه جگر یورقون ، عدو سانسیز
ایدوبلر قتلینه آماده تیغ و خنجر بُرّان

بو سوز هرکسدن اولسیدی واریدی نقصی اوّلده
حسین (حافظی) تکمیل قیلدی قویمادی نقصان

فدانی حسینی اولدی بانی دُرّ و گوهر تک
دوزولدی رشتهء نظمه همین مطلب تاپوب پایان

• یکشنبه
• 7
• شهریور
• 1400
• ساعت
• 12:40
• نوشته شده توسط
• یوسف اکبری

ایتموسن عزم ایندی که میدانه بسم الله اوغول
لطف رحمنِ الرّحیم اولسون سنه همراه اوغول

گیت اوغول بو گئتمگه الحمدالله ایلرم
ذکر الرّحمن ایدوب، بو هجری دلخواه ایلرم
شُکر ربّ العالمین و حمد للّه ایلرم
یا رحیم عرض ایلرم، یارون اولا الله اوغول

ال چکوب سندن بو گون سالدوم یولا ای مه جبین
حافظ اولسون مالک و مملوک، شاه یوم دین
بو عبادتدور، قبول ایتسه اگر جان آفرین
سویلرم ایّاک نعبد، روز و سال و ماه اوغول

هم و ایّاک دیوب، ذکریم اولور هم نَستعین
اِهدناً تا هم صراط المستقیمَ وار یقین
آتش هجرون اولاندا شعله ور اولسون معین
بیر بیله گفتاریمه آگاهیدور والله اوغول

گه صراط الّذینی ایلرم ورد زبان
گه انعمت علیهم کلمه سین قیلّام بیان
غیرِ مغضوبِ علیهم دور مقالاته لسان
حاش للّه بو ولا الضّالّین اولا دلخواه اوغول

ایسته بسم الله رحمن الرحیم اولسون مدد
قوی قدم بو کار زاره قل هو الله احد
اول مقابل اشقیایه سویله الله الصّمد
لم یلد ورد ائت، و لم یولدده چکمه آه اوغول

ائت و لم یکن لهُ کفواً احد وردین بیان
شمر الینده خنجر کینه، سنان الده سنان
دانماسون حقّون علی، محشرده قوم کوفیان
قتلوه آماده دور بو لشگر گمراه اوغول

سن ذبیح حق سن، من هاجر دوران علی
شاه لب تشنه خلیل اللّهی دور الاّن علی
گیت بو کوی عشقده ویرّم سنی قربان علی
کربلادور حضرت معبوده قربانگاه اوغول

توکمگه قانون مُصمّم دور بو گون بو سلسله
راضیم منده بو امره، ایتمرم اصلاً گله
تاب ایدر هانسی آنا، آیا اوغول بو مشگله
تشنه لب قربان اولا سن تک ذبیح الله اوغول

فاخرانه باتماقون قانه اوجالدار باشیمی
باشوه بو آغ هوروکدن یولّارام شاباشیمی
قویمارام عمّون گوره بو دیدهء خون پاشیمی
اولمارام شرمنده سن اولسان فنا فی الله اوغول

رسمدور تئز ئولدورللّر گر گوزل اولسا شکار
دلخوشام بو خیمه لرده چکمرم چوخ انتطار
بیر زمان بیلّم گتوردی خیمه گاهه یاری یار
سن بولورسن که آنوندا وار دل آگاه اوغول

هر غم و هر درده کلّ من علیها فان اولور
شبه احمد باش ویرنده گُل کیمین خندان اولور
سن کیمی شایسته قربان، لایق جانان اولور
سوز و ساز عشقدن، اخذ ایلر عزّ و جاه اوغول

پاکباز اولسا اگر (بیضا) تاپار قلبِ سلیم
تک حسین شأنینده نازلدور عَن النّباء العَظیم
غبطه ایلر بو بئله شخصه مسیحلن کلیم
مرحبا اولدون حسینیلن بو گون همراه اوغول

• سه شنبه
• 9
• شهریور
• 1400
• ساعت
• 18:52
• نوشته شده توسط
• یوسف اکبری

چون گُل ، نقابِ عصمتی یوزدن کنار ایدر
بلبل گورنده نالهء بی اختیار ایدر

فریاد ایدر جمالینی اغیار گورمسون
معشوق ننگی، عاشقی بی اختیار ایدر

صبحه کیمی دونر دولانار باشینه گُلین
طوفِ فضای گُلشنی پروانه وار ایدر

ایستر شکفته اولماقینی غنچه نین گوره
یاتماز، گجه صباحه کیمی آه و زار ایدر

صبحین نسیمی هم گُله هم بلبله دگر
بلبل گوزینده پردهء خوابی خمار ایدر

بیدار اولاندا غنچه نی بی پرده تا گورر
لاله مثال سینه سینی داغدار ایدر

گُل سینه سینده خاری گورن دمده عندلیب
لابد گُلین مصاحبتندن فرار ایدر

ایستر گیده کناره گیدنمز کناردن
حیران باخوب یوزینه، گوزین اشکبار ایدر

ناچار خوار ایدوب اوزینی خاره یالوارور
معشوق، عاشقین بئله دور خاره خوار ایدر

تعلیمِ عشقی بلبلِ شوریده دن گوتور
عاشق بو مشقی عشقیده لیل و نهار ایدر

اغیاردن نقدر جفا گورسه لا کلام
لا سویلمز خیالینی مشغولِ یار ایدر

هر کیمسه سِرّ عشقدن آگاهیدور بولر
پروانه نین نه سوزشی وار، میلِ نار ایدر

درد آنلاسان اوزونده، طبیبه رجوع وار
عاشقده میل گورسه، توجّه نگار ایدر

آئینه تار اولاندا گورونمز جمالِ یار
صاف اولسا، یار صورتینی آشکار ایدر

هر باشدا وار محبّت او باشین بلاسی وار
باشی بلی بلایه محبّت دچار ایدر

اوّل قبولِ ذلّت ایدر، عزّت آختاران
عزّتله یا عزیز دیوب اشکبار ایدر

خالص دگل خلوص، نچون قلب قلبدور
پاک اولسا قلب، صاحبینی رستگار ایدر

معیارِ امتحانیده خالص خلاصدن
نقدِ خلوصین عاشق کامل عیار ایدر

کیمدور او قلب صاحبی وا مُهجَتا دیوب؟
اوز اوغلونی ئولوم آتی اوسته سوار ایدر

سالدی یولا دالنجا دئدی شاهد اول خدا
بیر قومه کیم پیمبریله کارزار ایدر

گچدیم سنون یولوندا بیله مَه جبیندن
عهد ازلده عهد ویرن، پایدار ایدر

دوتدی یوزین او قومه گَلون اکبریم گلور
باشدان گچوب، حسینه ایثارِ ثار ایدر

گیردی کمندِ عشقه غزالِ حرم ، ولی
صیّادی گور غزالِ حجازی شکار ایدر

گر ایستیه کمنده خطا اهلینی سالا
چین چین، کمند سلسله سین تابدار ایدر

عزم ایتسه تار و مار اولا عالَم، الینده دور
گیسوی مشکباری یوزه تار و مار ایدر

قدّی سِنان، کمان قاشی، مژگانلاری خدنگ
بیر گوزلرین دولاندورا یوز مین شکار ایدر

اما اوزی شهادته شایقدی قلبدن
شوقِ لقای حضرتِ پروردگار ایدر

هر قدر جسمینه یارا وورساز قبولیدور
هر چند سوزشی دلِ لیلایه کار ایدر

باک ایتمیون، علی کیمین باشین قلجلیون
تاجِ شرف باشیندا اولان افتخار ایدر

گر جوی خون ایچینده دوشه سَرو قامتی
سَروِ سَهی بلی هوسِ جویبار ایدر

طالبدی بسکه تیره تراب اوسته یاتماقا
درویشِ حق طلبده اوزین خاکسار ایدر

باشین دییون سَنان بیر اوجا نیزیه وورا
گون بیر جِدا بویی اوجالا اشتهار ایدر

هر جور و ظلم ایستیه سوز بیشمار ایدون
حق، حق انتقامینی یومِ شمار ایدر

ای ذوالفقار صاحبی، مولا، ظهورِ حق
تا کِی عیونِ منتظری انتظار ایدر؟

یرده نه وقته تک قالاجاق قانی اکبرین
بو انتظاره صبر، نجه روزگار ایدر؟

بیر ذرّه جه شعوری (حقیرین) اگر اولا
ترک ایلمز بو شغلی همیشه شعار ایدر

• سه شنبه
• 9
• شهریور
• 1400
• ساعت
• 19:09
• نوشته شده توسط
• یوسف اکبری

بو جوان کیمدور الهی یکّه و تنها گلور
مـرد مردانـه بیلـه میدانه بی‌ پروا گلور

حاش‌لِلّه اولمیوب اولمـاز بشـرده بوجمال
محو اولور نور جمالیندن بونون عقل و خیال
گوستروب خلقه بونیله اوز جلالین ذوالجلال
آیـۀ حُسـن المـآبه احسـن و طوبی گلور

اوج ایدر عرشه یوزوندن لَمعه لَمعه نور حق
آیـۀ نــوره حقیقتـده بـو دور منظور حق
یـا گلـوب واد مقدّسده ظهوره طور حق
طور سینایه مناجاته چخوب موسی گلور

بیز بوگون دوتدوخ حسینه عرصه‌ نی بیر نوع تنگ
ایلـدوخ کـرب و بلا دشتین قزل قانیله رنگ
مطلقا دوردومجی گُویدن ایلیوبدور عزم جنگ
ایتماقا نصرت حسینه حضرت عیسی گلور

یا ایدوب رجعت بوگـون دنیایه ختم الانبیا
ایلیــه اوغلـی حسینـه کربـلاده جـان فدا
تاج سبحانَ الّذی اَسری باشندا مصطفی
آیۀ اجری ایده تفسیر ذی‌ القربی گلور

هاشمیلرده اگر چه حُسن چوخ تکمیل‌ دور
بیـر بـه بیــر انـوار حقّـه مرکز تأویل دور
بو جوان آیا یوز اون دورت سوریه تنزیل دور
قلــب قــرآن مُبیـن یاسینیلـه طاها گلور

مصحف خطّنده قرآن خط بخط تحریر دور
کاف‌ ها یـا عین صاده مصدر تفسیـر دور
میــن دلیلیلــه وجـودی آیــۀ تطهیـر دور
سورۀ #والشَّمسه تحت اللّفظده معنی گلور

گوردی سعد اوغلی قوشوندا وار بیر اؤزگه انقلاب
رعشیه دوشدی وجودی قلبی دوتدی اضطراب
ایلـدی اول بی‌حیـا قومـه بـو نوعیله خطاب
ایمدی ایش ایشدن گچوب عقبا گیدوب دنیا گلور

‌اشتباهـه دوشمیـون ای قـوم بی موسی دگل
گلمیوب دوردومجی گؤیدن حضرت عیسی دگل
شبــه دور پیغمبــره یاسینیلــه طاهــا دگل
وارث رَفـرَف ســوار لَیلَۀ‌ الاسـری گلور

ایجمـاعت نـورچشـم مصطفـی اکبردی بو
حُسن صورتده رسول‌ اللهه چوخ بنزردی بو
خَلقــده هـم خُلقـده منطقـده پیغمبردی بو
تشنه‌لب اوغلی حسینون عزم ایدوب دعوا گلور

سیزده دعوایه آچون اَل ایلیون جنگِ عظیم
اُمَّهـاتِ اربعــه اولسـون بـو دعوایه عقیم
پاره‌ پاره دوغریـون جسمین اَیا قوم جَهیم
باش آچوب زینب دیسون لیلایه واویلا گلور

قـامت مــوزونی بنـزر آهـه لفظ عامیله
آهـی تشبیـه ایلیــو حـرف اِلاهـه لامیله
لام عبـارت ذوالفقـاری ننـدی بیله نامیله
باشدا تشدید اولسا عین‌الله اولور پیدا گلور

• سه شنبه
• 9
• شهریور
• 1400
• ساعت
• 19:11
• نوشته شده توسط
• یوسف اکبری

یخیلمیشام یِره آتدان، یارالیم باباجان
یِتیش هَرایمه چُوخ ماجَرالیم باباجان

باشیمدا مُعجزِ شَقُ القَمَر عَلامَتی وار
بابام علی کیمی باشدان یارالیم باباجان

یخُوبلار قامَتیمی سَرو تَک بو چُولده یِره
دِموبله باغِ وفانون نَهالیم باباجان

وطَن مُحَبّتینی، باش یاراسی، باشدان آتوب
مَدینه یُوسفیَم، کربلالیم باباجان

شکَسته نِی کیمی بیجا دَگول نَوا اِیدورم
دولوب نَوائیله جسمیم ، نَوالیم باباجان

بو سُون نَفَسده سَنی سَسلورم بودور نَظَریم
گورم جَمالیوی بیرده، وفالیم باباجان

آخان سِتاره کیمی عَرشِ زَین دن آخدیم
عِنان اَلیمده دَگُول، دَست خالیم باباجان

آنامدا نِیزَده باخسین آی اَوّلی باشیما
سپهرِ عِشق و مُحبّت هِلالیم باباجان

باجیم سَکینیه ده، یول داخی گوزَتلمه سین
دوشَوب بَلایه باشیم، اِبتلالیم باباجان

غَمیمده چُوللره مَجنون اولوب دوشَر لِیلا
بو حالیده اِیله بیر حاله، حالیَم باباجان

شهادت عالَمی بیر صُورته شَبیه اولسا
او صُورتین لبِ بالاده خالیَم باباجان

کمندِ دُشمنه بَند اُولموشام جَفائیله
بو قانلی مَعرکه نین خُوش غزالیم باباجان

ووروب یارا یارالی جسمیمه گروهِ خطا
بُولوبله چین و خَتانون مارالیم باباجان

اذان سَسی اِیشیدنده آنام چُوخ آغلیاجاق
بولور اِمامِ زَمانون بِلالیَم باباجان

داغیلمی شام یِره خَندان اولان قیزیل گُل تَک
خَزان گورن گُل و غُنچه مثالیم باباجان

یارالاریم گُل آچوب پِیکریمده رَنگ به رَنگ
بِهشت گُلشنی تَک چُوخ صَفالیم باباجان

عَبث دَگول بو که عُشّاق اَیچینده مُمتازم
حَبیبِ، عاشقِ نیکُو خصالیم باباجان

مَدینه ده باجیمین حالینی اُوزوم بُولورم
اَگر چه فاصله چُوخدور، آرالیم باباجان

عَلیلَه باجیما الله غَمیمده صَبر وِیره
بیر عُمر اونون سَببِ اَشگِ آلیم باباجان

شَبیهِ کامل اُولار عَرشه، فرشیده قَبرون
اُونون کشیدهء کافِ کمالیم باباجان

خیالِ لِیلی اَیدوب چُوخ خیالی جان اُوسته
اُونون بو حالیده پُوزقون خیالیم باباجان

دوتوب بوغازیمی قان لخته سی سسیم گلمور
مقال مَجلسینون نطقِ لالیَم باباجان

گتورمرم دله سُو صُحبتی سینار قلبون
بو دَردی قَبره آپارّام، وفالیم باباجان

اِیدر نمازی شروع اِسم میله اَهلِ نماز
هامی نمازده لَفظِ جلالیَم باباجان

یارالی باشیمی گَل باس یارالی سینه وه، تا
گوره لر سینهء شاهین مدالیم باباجان

غمیمده (حافظی) (نجمی) یانار هر آی هر ایل
سَبب نَوا لرینه ماه و سالیم باباجان

• پنج شنبه
• 11
• شهریور
• 1400
• ساعت
• 13:24
• نوشته شده توسط
• یوسف اکبری

همیشه عشقیله هجرانه اِنفصال اولماز
وصاله نایل اولان طالبِ وصال اولماز

علاقه کسمین عالمده قیدِ اُلفت دن
طریقِ اهلِ محبتّده اهلِ حال اولماز

عَبثدی اهلِ ولایه محبّتِ دنیا
حقیقی عاشق اولان، بندِ مُلکِ و مال اولماز

محبّت اهلی سن ای دل اوتورما غفلت یله
بو قدر اهل محبتده اِغتفال اولماز

توک اشک حسرتی، یول سال نگار محفلی نه
نشانه اولماسا عاشقده اشکِ آل اولماز

حسینون اکبرینه باخ محّبتی اورگش
ایله مُحبّ خداوندِ ذوالجلال اولماز

آتادان اِذن آلوب، ایلور وداع ئوز آناسین
ایله وداع، ایله بیر پر ملال، حال اولماز

بولوردی گِتسَه اولور راه حقّده قربان
آناسی ایتمه سه گر حقّینی حلال اولماز

ایله توکور گوزونون یاشین حسرتیله آنا
بهار فصلی بولود دا او اتّصال اولماز

گنه بونیله اَل اوزدی ایله جوانیندن
که هیچ آناده ایله حُبِّ لا یزال اولماز

غم فراقی مؤثر بولوب ئوزی گیتدی
بولوب آناسی نا بیر ئوزگه اشتغال اولماز

اولاندا جلوه نما جلوهء جمال علی
قوشون دیردی بشرده بیله جمال اولماز

دیردیلر که پری دور بشرده بیله یقین
بو صورت و بو وجاهت بو خطّ و خال اولماز

و یا گلوب دی پیمبر، حسینه امداده
اونیله اُمت اولان طالبِ قتال اولماز

گوروب بو شورشی وقّاص زاده لشکرده
دیدی جَدل ده بو شورش بو قیل و قال اولماز

دگول بو احمدِ مُرسل اونا شباهتی وار
مگر بشر بشره صورتاً مثال اولماز

حسینون اوغلیدی بو نوجوانِ مه سیما
بو قتله یتسه، حسین قادرِ قتال اولماز

دوشر قلنجی اَلیندن اولار خمیده قدی
بو غمده سرو قدی گور مثالِ دال اولماز

تانیتدی یوسفِ مصرِ وفانی، سعد اوغلی
اگر چه حُسنده یوسف اونا مثال اولماز

جفا کمندی قورول موشدی هر طرفده نجه
ایله کمندِ شکاری، ایله غزال اولماز

اگر چه قیردی قوشون، پهلوان لار ئول دوردی
ولی او شرحه بو بیر جمله ده مجال اولماز

بویاندی قانینه، گیدی لباس عزّ و شرف
بیله جلالت و عزّت بیله جلال اولماز

دولان‌دیروب یوزونی خیمه گاهه حسرتیله
ایله جوان مودب اولار؟ محال اولماز

باخوب آتاسینا سویلوب عَلیک و مِنّی سلام
که یعنی رسمِ ادب کلمهء تَعال اولماز

سو جامی اَلده گلوب باشی اوسته پیغمبر
غم ایلمه بیله خوش حالت ایله حال اولماز

شه آلدی خیمه ده شهزاده نون سسون، گلدی
نه حالیله؟ نجه بو نطق بوردا لال اولماز

وقار معدنی، شه، رزمگه دولی دشمن
بو یرده لنگ، نجه توسن خیال اولماز

اوزون آتا یره آتدان، دیزی دیزی سورونه
ندن بو عالم ایجاد پایمال اولماز

جوان اوغول باشین آلدی قوجا آتا دیزینه
گوروب حیاتینه قالماقه احتمال اولماز

اگیلدی قویدی یوزون شاهزاده نین یوزونه
الف قدی نجه گور مثلِ حرف دال اولماز

او آق محاسنی نی قانیله خضاب ایلدی
ایله خضاب، ایله عالی رنگِ آل اولماز

باسوب اوغول باشینی اودلانان اورک باشنا
گوروب او شعله بو قیمَتله اعتدال اولماز

اوجا سسیله دئدی یدّی دفعه وا ولدا
بو ناله نون سبب سِرّینه سؤال اولماز

ایله جوانی الیندن گیدن آتا، آیا
وقارینی ویروب الدن فسرده حال اولماز؟

دئدی سن اولدون علی هَمّ و غمدن آزاد
اورکده سن گیده سن محنت و ملال اولماز

ولیک قالدی آتان دشمن ایچره فرد و وحید
هدایت، حقّه طرف، لشگرِ ضلال اولماز

آتا بالانی چوخ ایستردی بیر دانش دیرسون
گوروب و لیک اوغول قادرِ مَقال اولماز

یغوب عبایه داغیلموش جنازه سین، گوردی
جنازه اوزگه طریق یله انتقال اولماز

دئدی جوانلارا اکبر جنازه سین گوتورون
بیله بیر امره مگر فوراً امتثال اولماز

حرمده سس دوشوب اکبر جنازه سی گلدی
آناسی لیلیده گور حالِ ارتحال اولماز

آناسی دوزدی، ولی چخدی عمه سی حیران
اگر چه عصمت حقّ، منظرِ رجال اولماز

امام گوردی حیا سدّ راهِ لیلادی
دئدی بو مرحله ده شرم و انفعال اولماز

اوغول جنازه سی اوسته آناسی اوخشما سا
عزانون عزّتینه نقص اولار، کمال اولماز

ستاره تک، گوره مه پیکر اوغلونون یوزونی
آنا قدی نجه گور ضعفدن هلال اولماز

دئدی که ای فَلکِ حُسنده ایشیلقی گونوم
نه تز غروب ایلدون؟ بیله تز زوال اولماز

نجه زمانه ده عمروم گلی، گولر سن سیز
که باغِ عمریمه سندن صورا نهال اولماز

بو فخر بسدی که یتدی قبوله قربانیم
مگر بو فخره عوض، رنجِ ماه و سال اولما

توجّه اولماسا اُول شاهزاده دن (شانی)
ضعیف جسمده بو نطق و بو مقال اولماز

• یکشنبه
• 14
• شهریور
• 1400
• ساعت
• 13:26
• نوشته شده توسط
• یوسف اکبری

سن بوگون لیلانی غمدن ایلدون آزاد اوغول
سر بلند ایتدون منی اولسون ایوین آباد اوغول

شش درِ حیرتده قالموشدوم علی من نا امید
ای امیدیم فیضِ عظمادَن منی ایتدون سعید
ایلدون لیلانی سن زَهرا یانندا رو سفید
ایلسون اوز نیتوندن حقّ سنی دل شاد اوغول

جانیمی ویردوم جفایه من على اون سگز اِیل
قلبمی شاد ایلدیم چکدوقجه زحمت هر قبیل
چکدیقیم زحمتلره ویردون بو گون اَجرِ جزیل
مرشدِ کامل سنی ایتمش عجب ارشاد اوغول

گلشنِ حسنونده اولدوم باغبان گل بسلدیم
گویلمی عشقون گلستانینده بلبل بسلدیم
ای گلوم بلبل کیمی وئردوم سنه دل بسلدیم
گویلمی زلفون کیمی گَل ایلمه بر باد اوغول

من سنه هاجر کیمی زیب و صفا وئردوم علی
بومنای عشقده قلباً فدا وئردوم علی
چونکه راضی دور آتان منده رضا وئردوم علی
ایمدی سندن اَل گوتوردوم هر چه باداباد اوغول

زینت حسنونده ایتدوم هر قدر من اهتمام
اولمادی ای نوجوانیم زینتون حُب المرام
من سُوؤَن زینت على اوندا اولور سنده تمام
آق یوزونده قاره و قرمز اولا اضداد اوغول

ایلیوب طغیان بو گُون ظلمنده بو اهلِ ستم
حقّی ناحقّ وجهله باطل ایدوبلر متّهم
ایلمه اهلِ ستمدن رَم سن ای صیدِ حرم
گیت سنی صید ایلسون بو چولده مین صیاد اوغول

وقت آز قالدی گچه گئمتمک دَه تأخیر ایلمه
حالوی بعضی خیالاتیله تغییر ایلمه
دورما گیت ای یوسفیم یعقوبی دلگیر ایلمه
قتلوه آماده دور هر چند مین صیاد اوغول

بیر طرفدن کربلا شاهی دِیر هَل مِن مُعین
بیر طرفدن هل هله ایلر گروهِ مشرکین
بیر طرفدن واحسینا سسلوری روح الاَمین
بیر طرفدن باش آچوب پیغمبر ایلر داد اوغول

گلشنِ زَهرایه از بسکه یتوب سوزِ عطش
بیر به بیر گللّر سولوب اوز شاخه سینده غنچه وَش
اَل ایاق چالماقدان اصغر دوشدی دلدن، ائتدی غش
خیمگه دَه شهربانو دور ائدر فریاد اوغول

مصحفِ رخساروی ایتدیم تلاوت خط بخط
هر نه گوردوم گورمدیم زیر و زبرده بیر غلط
تک به تک هر صورتون أوسته یازیلمش بیر فقط
باء بسم اللهی ایلر نقطه خالون یاد اوغول

(طوریه) طورِ محبّتده اولوبسان جلوه گر
نُورِ عشقوندن اونی نُور ایلیوب سن مختصر
متّصل گوزدن توکر اشکِ بصر شام و سحر
هر ایکی دنیاده ایله سن اونا اِمداد اوغول

• سه شنبه
• 30
• شهریور
• 1400
• ساعت
• 19:23
• نوشته شده توسط
• یوسف اکبری

ای پیمبر تک جمالی مَطلَعُ الاَنوار اوغول
گَل آنان لیلانی قویما حسرت دیدار اوغول

گوستَرور آئینه ی حُسنون جمال احمدی
قاش گوزون، زلفون، یوزون، خالوندی خالِ احمدی
ایلینده آرزو هر دم وصال احمدی
سنله تاپموشدی تسلی عترت اطهار اوغول

ایتموسَن سنده بو شوقیله بو گون عزم جدال
آل پیغمبر فراقوندان اولوب افسرده حال
قالدی گوگلیمده علی اکبر بو اندوه و ملال
قویمادی صد حیف کیم بو چرخ کج رفتار اوغول

ایمدی که میدان عشقه گیدماقا آماده سَن
منده مانع اولمارام گیت ویر باشون جلّاده سَن
یاخشی وقتونده آنان لیلانی سالدون یاده سَن
وار یری اولسام اُلونجه دیده سی خونبار اوغول

زحمتون چَکدیم یِتوردوم من سنی بو حدیوه
باری گَل سنده قسم ویرّم اوغول اوز جدیوه
بیر قاباقیمجا یِری ایلوم تماشا قدیوه
گیت خدای ذوالجلال اولسون سنیله یار اوغول

شوق بزم وصل جانانیله مدهوش اولموسان
باش و جانوندان گیچوب بیله کفن پوش اولموسان
واردی نه فکر و خیالون دلده خاموش اولموسان
بیرجه کلمه باری منله ایله بیر گفتار اوغول

باخ سکینه گور قوجاقلوبدی نه نوعی غم دیزین
بوینی چیگنینده گیدن یولّاریوا تیکمیش گوزین
گیتماقون بُلسه یقین ایمدی هلاک ایلر اوزین
آیریلوق الفاظین هرگز ایلمه اظهار اوغول

باغلودور گوگلوم سرِ زلفون اوغول بیر تارینه
احتیاجی یوخ آناوین ایتدوقی اظهارینه
قویدی حسرت بو فلک سَن تک اوغول دیدارینه
گوندوزوم چون ظلمت شب تک اولوبدور تار اوغول

• یکشنبه
• 4
• مهر
• 1400
• ساعت
• 15:24
• نوشته شده توسط
• یوسف اکبری

از بس گول آچدی گلشن مقصود یاره دن
دویماز اوغول بو منظر جشمیم نظاره دن
اهل دل اولسا حالیمی آنلار اشاره دن
ال چکمیشم سنین کیمی بیر ماه پاره دن
کام آلمیشام عجب بو تن پاره پاره دن

عرشه عبث اوجاتمامیشام شوروشیونی
بیر داغ دل ویریب منه بو فرقه ی دنی
حاشا گوره بو داغی اوغول لاله خرمنی
(سانسیز بو قدر یاره اگر ئولدوروب سنی)
(لیلا ئولر اوره کده کی بیر داغلی یاره دن)

سنسیز حیاتین ئولسون آنان یوخدی ارزشی
بختینده منله اولمادی بوچولده سازشی
گوردون نجیدی اهل عراقین نوازشی!
(بیرداغدور اورکده کی یاره ن کی سوزشی)
(دونیانی یاندیرا یئری واردور شراره دن)

حسرت اودوندا هرکیم اوغول یاندیریب منی
من تک سولا اونون دا گوروم باغ و گلشنی
سنسیز بو بیکسین پوزولار دارالایمنی
(سن کی جانیمدان آرتیقیدون وئرمیشم سنی)
(گردون نه ایستیری داها بو بختی قاره دن)

باشه قویوب یارادن اوغول تیغ عشق تاج
بازار عشق تاپدی بوچولده عجب رواج
راه وفاده آغلاماقا یوخدی احتیاج
(سن دردیوه شهادتیلن ایلدون علاج)
( آسوده سن جهاندا غم بی شماره دن)

شرح حدیث عشقی وئریم یاره،بولمورم؟
یا کی یازیم سرشکیله رخساره،بولمورم؟
قویدی فلک ندن منی آواره،بولمورم؟
(بیچاره من کی دردیمه بیر چاره بولمورم)
(عالم لر عاجز اولدولا بو درده چاره دن)

وئرسه امان بوچولده اگر قوم کینه جو
مژگانمیله یاره لرون ایلرم رفو
چوخ مایلم سنیله اولام گرم گفتگو
(من سندن آیریلانمیرام اما عجب دی بو)
(روح آیریلیب نئجه بو تن پاره پاره دن)

هر اوخ کی ویردی پیکریوه بوسپاه کین
داغلی اورکده آلدی همان اوخ اوغول یئرین
بو قلبیمین یاراسی ساغالسین منیم چتین
(ئوللم،قویاللا قبره،ولی قورخورام یقین)
(قبریم یانا اورکده کی سونمز شراره دن)

(نادم) آلیب دی خامه معجز نگار آله
تضمین یازیب سروده ی مرحوم سائله
صدشکر یازمییب قلمیم شعر باطله
سوز سخن بو نوعی کی تاثیر ائدر دله
آرام آلار دل اولسا اگر سنگ خاره دن

• سه شنبه
• 6
• مهر
• 1400
• ساعت
• 18:51
• نوشته شده توسط
• یوسف اکبری

قانینه غلطان اولوب نوجوان اکبر
تپراق اوسته جان ویرور شبه پیغمبر
هشتم ماه عزا........هامی یر کرب وبلا
________________________
پیکری باشدان باشا اربأاربادى
سینه سین اوخلار آچوب قلبی یارادی
آه یا صاحب زمان گور نه غوغادی
گل وجودی سر به سر گل کیمی پرپر
هشتم ماه عزا. ...هامی یر کرب و بلا
________________________
بسکه اوخ نیزه دگوب قامت رعناسینه
داغ و داش آغلیر اونون خرد اولان اعضاسینه
قرمزی قانی آخور کربلا صحراسینه
گوئیا بر پا اولوب شیعیان محشر
هشتم ماه عزا....هامی یر کرب وبلا
________________________
تا حسین آلدی سسین قلبی اودلاندی
سسلدی اکبر منیم روحیمه جاندی
حق مناسینده بو گون قانه غلطاندی
ای خدا سن شاهد اول دوغرانوب اکبر
هشتم ماه عزا. ..هامی یر کرب وبلا
________________________
صورتین قویدی حسین اکبرین سیماسینه
باخدی افغان ایلدی قان دولان اعضاسینه
گوزلرینن یاش توکوب دیده ی بیناسینه
گوزلرون قربان دیدی ای گل احمر
هشتم ماه عزا. ..هامی یر کرب وبلا

• شنبه
• 17
• تیر
• 1402
• ساعت
• 17:12
• نوشته شده توسط
• یوسف اکبری

گیت مُعینون حضرتِ جان آفرین اولسون على
اوُل شهیدِ راهِ حق اِحیای دین اولسون على

گیت علاقن دین یولوندا عالمه اِعلان ایله
باشدان آت باش فکرینی شوقیله ترکِ جان ایله
دینِ اسلامِ عزیزه جانوی قربان ایله
سن شَهید اول زنده قرآنِ مُبین اولسون على

جسمین اولسا دین یولوندا ریز ریز و بند بند
ایتمرم هرگز شکایت ای جوانِ دل پَسند
بلکه اوللّام حضرتِ زَهرا یانیندا سر بلند
گیت آنان بو اِفتخاری له قَرین اولسون على

جان قویوب جدّون بابان دینی ایدوب لر پایدار
دین و قرآن پُر بها دور ای جوانِ گُلعذار
سنده گیت قانیله دینین پایه سین قیل اُستوار
تا رضا سندَن او ختم المُرسلین اولسون على

مَحو اِیده قرآنی ایستور فُرقِهء بیدادگر
دَمبدَم قرآن وِیرور دِنیایه اِعلانِ خَطر
بو خطردَن گِیت قوتار قرآنی ای نیکُو سِیَر
تا قیامون درسِ کُلَّ مُسلمین اولسون على

راضیم قانونلا زیبا عارضون گُلگُون اولا
نرگسِ مستِ و خمارون قانیله مَشحون اولا
اُمّ لیلانین دَه سن سیز شُهرتی مَجنون اولا
صحبتی دللّردَه هر ماه و سِنین اولسون على

گیت لبِ دریادَه لب تشنه بو گوندَه قانه بات
باش و جانوندان اَل اوز جانان یُولوندا کامه چات
خسته یورقون خاک و خون ایچره یخیل نازیله یات
بلکه بیدار اُمّتِ قرآن و دین اولسون على

هر باخشدا برملا ای ماه منظر گوزلرون
شرح ایدر گویا شَهادت فیضی گوزلر گوزلرون
گیت دولا قانیله بو طاهایه بنزر گوزلرون
جان فدای چشمِ ناز و حقّ بین اولسون على

گوزلریم دوشجاق گوزون اوسته هلالی قاشوه
شوریم آرتار آغلارام اولسون قسم گُوز یاشوه
ویر اجازه بیر آنان گَلسون دولان سون با شوه
تا بلا گردان سنه بو دل حَزین اولسون على

دانهء مرجان کیمی تَر، گُل جَمالوندا گَزر
آرتیروب پیرایه سین رُخسارِ آلون خوش بَزر
پردَه سال رُخساریوه وار دور یول اوسته بد نظر
بد نظردَن حفظ او یوز، بو مَه جَبین اوُلسون على

گیت آنان لیلا فَراقُوندا دَره دَرد اوُسته دَرد
اوُدلی دلدَه هم نفس اولسون اونیله آهِ سرد
گُوزدَه گوز یاشی اولا مجنون کیمی صحرا نورد
گوز یاشیله پای ناقه گِل نشین اولسون على

گیت یارائیله گُل آچسون پیکرون گلشن کیمی
اَگنیوه گی برگِ خونین سرخ پیراهن کیمی
قانلو زلفین نیزه دَه رُخساره توک خَرمن کیمی
دوشسون آردین جا آناندا خوشه چین اولسون على

شعلۀ شمعِ فراقون لا یانوب هر ثانیه
اوُد لانوب سرمشق ویرّم یانماقی پروانیه
رشتۀ عشقون چکر آخر منی ویرانیه
بو اوُغول سوز خوشدی ویرانه نشین اولسون على

بو آنالار ایچره سن ویردون منه چوخ امتیاز
قویمادون یالقیز قالا بوچولدَه سلطانِ حجاز
سرفراز ایتدون منی ای نو جوانِ سرفراز
عشقی وه اَحسن هزاران آفرین اولسون على

سن ذبیحِ عشق سن بو کربلا رشگِ منا
اول فدا الله یولوندا غم خلیلین قیل رضا
کعبۀ عشقونَده منده ایلرم سعی و صفا
اوندا که بی سر بو جسمِ نازنین اولسون على

ایلیوب جانان سنی دعوت ضیافت خانیه
بیر دایان سُرمه چکوم بو نرگسِ مستانیه
شانه ایلوم قالماسون حَسرت بو تِللّر شانیه
نظم دَه زلفِ سیاهون چین به چین اولسون على

دویمورام سندن ولی ایمدی گرک دور اَل اوُزوم
لاله تَک گیت قرمزی قانه بویان ای گل یوزوم
لاله زارِ عشقی وه گللّم تماشایه اوُزوم
تا صفای دل دلیم دَه جا گُزین اولسون على

شاخ عمرم دَن گلِ اُمّیدیمی دَرَرم بو گون
هدیه وِیرّم یاره یوز شوقیله دوندرّم بو گون
تشنه لب قربان منای عشقه گُوندرّم بو گُون
گیت سوسوز جان وِیر روان ماء مُعین اولسون على

کثرت عقلی له ای عشقِ خدا دیوانه سی
سن اوُزون ایله مُحبت شمعی نین پروانه سی
وای اوغول دلدَه اولوم من درد و غم هم خانه سی
من اوُلوم منله او آهِ آتشین اولسون على

سندَه وار شورِ شهادت ای جوانِ خوش خصال
من دیمم گیتمه بوعالی فیضی دَن بو چولدَه قال
دورما گیت مندَه آنالیق حقّیمی ایتدیم حَلال
گیت سن اول الطافِ رَبّ العالمین اولسون على

ای سپهرِ حُسندَه گُل عارضی رَخشنده ماه
باخما گِیت سن گوندوزوم سن سیز اولار لیلِ سیاه
گِیت اوزون چیخ آغ گونه اول شهرِ عشقه پادشاه
تاجِ زرّین باشه قوی فخرِ مُبین اولسون على

دین یولوندا بادهء هجرون اوُغول نوش ایلرم
قلبی مین عمریم جه یانماقین فراموش ایلرم
اوُز الیم له من سنی بو گُون کفن پوش ایلرم
تا رضا و رغبتیم عین الیقین اولسون على

اوندا که زَهرا عزیزی عزّت و فردَن گِچه
آسمانِ حُسندَه چوخ ماه منظرون گِچه
اُمّ لیلا دَه گرگ دور مین لر اکبردن گِچه
شُهرتی اوغلى ئولَن صبر آفرین اولسون على

ای جوان #تائب سیزه خدمتگذارِ پیر دور
چوخ گناهی وار اوُزی آلودهء تقصیر دور
اَل آتوب دامانوزه گوز یاشلی دامن گیر دور
ایسته محشردَه شفیعیّ شاهِ دین اولسون على

• شنبه
• 14
• مرداد
• 1402
• ساعت
• 22:38
• نوشته شده توسط
• یوسف اکبری

شَبیهِ طاها، گِئدور خدایا
نه چاره یارَب بُویانسا قانه
بو قَدّ و قامَت، بو ماه طَلعت
هایاندا بیردَه گُورَر زَمانه

بو حُسنی گُورسَه اَگر زُلیخا
بیلَر جَهاندا کیمیدی زیبا
بو حُسنه یُوسف چاتار هایاندا
او لَعل لَبلر، عَقیقه بَنزر
وَلی عَطشدَن گلوبدی جانَه

آنا فَدا دور او مَه جَمالَه
اَلی ئورکدَه دوشوب خیالَه
اوُغول دالیجا گَلر مَقالَه
دِیور آماندی، قَدیم کَماندور
دایان اِئدیم من او زُلفی شانَه

گِئدورسَن اِیندی بالا جِدالَه
دوزَر مَلکلر یُولوندا لاله
چاتارسان اوُغلوم بو گُون کَماله
ولی نَه چاره، بو روزگارَه
نِجَه باخوم من گِئدَن جَوانه

هارا گِئدورسَن بِله شتابان
دایان عزیزیم یُول اوُسته بیر آن
دوروم یُولوندا اَلیمدَه قرآن
اَلیم دُعادَه، دِیلیم نَوادَه
آنُون گلوب دور بِلَه بَیانه

سنیدون اوُغلوم مَنیم پَناهیم
گِئدور سنیلَه او فَرّ و جاهیم
بُو سَن بُو میدان بُو من بُو آهیم
غَمیمدُه آغلار، بو چُولدَه داغلار
قَرا یِل اَسدی بُو گُل سِتانه

بیر عُمدَه غَم وار اِئدیم اِشاره
وَطندَه نیلَر بُو بَختی قاره
اُطاقووی من آچُوم دوباره
دوزوم فَراقَه، باخوم اُطاقه
دِیوم که اوُغلوم بُویاندی قانَه

• یکشنبه
• 15
• مرداد
• 1402
• ساعت
• 13:55
• نوشته شده توسط
• یوسف اکبری

صبر ایله علی عهدووَه پیمانووَه قربان
بیرلحظه دایان جانیم اولاجانووَه قربان

زَهرایَه گَلین گلدی نَنون بَختوَر اوُلدی
دنیادَه اوُغول سایه سینه مُفتخَر اوُلدی
امّا بِله آیریلماق ئولومدَن بتَر اوُلدی
درماندی آدون دَردیمَه درمانووَه قربان

تَقدیر اَلی بوچُولده روا دور دونَه اوُغلوم
اوّل من ئولَم عازم اوُلام مَدفنَه اوُغلوم
قرآن اوُخیا قبریمُون اوُسته مَنه اوُغلوم
گَل اِیندی اوُخی نَغمهء قرآنووَه قربان

تَجهیزِ سِلاح اِئتدی اَزلدَن سَنی داوَر
کِیپریکلَرون اوُخ بو اِیکی قاشلار اِیکی خَنجر
میدانَه گِئدورسَن نَه شتابان اوُغول اَکبر
صَف صَف دوزولَن لَشکرِ مُژگانووَه قربان

شَهلا گُوزوون گردشی مَعنای وِجاهَت
وِئردی باخیشُون نَرگسِ جادویَه خَجالَت
بیر دُون مَنه باخ قُوی آپاروم فِیضِ زیارت
قاره گُوزووَه زُلفِ پَریشانووَه قربان

مِصرَه گُوزلیم دوشسَه یُولون اِی مَه لِیلا
طعنَه وِراجاق یُوسفَه بُو قامَتِ رعنا
گُورمیش بُوجَمالی بُو قَدی هاردا زُلیخا
لَعل لَبووَه چاه زَنخدانووَه قربان

او یُوسف کَنعانیدی سَن یُوسفِ خِلقت
یَعقوب ئوزیدَه گُورسَه سَنی اِیندی بو ساعَت
یاددان چیخادار یُوسفی تا صُبحِ قیامت
لِیلایَه دِیر گُورمَلی قُربانووَه قُربان

مُنشیّ قَضا لُوحِ غَمه اِیلدی اِنشاد
من بَختی قَرا گُورمِیَم آخر سَنی داماد
مانع دَگولَم گِئتملی سَن گِئت اِئوین آباد
اوُزدوم اَلیمی گِئت علی جانانووَه قُربان

#نادر بو تَمنادَه یانار صُبح و مَسادَه
مَعشوقینی اِیستر گُوره تا کَرب و بَلادَه
نَهر اوُسته قاچا آغلاماقا پای پیادَه
اِی کَرب و بَلا شاهِ شَهیدانووَه قُربان

• یکشنبه
• 15
• مرداد
• 1402
• ساعت
• 13:56
• نوشته شده توسط
• یوسف اکبری

اوغول نعشی اوسته یئتیب دیزی اوسته آلیب باشین
یا ولدی دیه دیه بولوت تکین توکوب یاشین
گورور سن ای خدا دئدی دینسیز کافرلرین ایشین

اؤلمک مگر نجور اولار دورانمیرام دای ایاغا
قول قانادسیز آغاج کیمبن میل ائدیرم سولا ساغا

سالدی حسینی اکبرین قانلی جسمی آهیزارا
فرمایش ائتدی کی اوغول یارادی باخیرام هارا
بو دؤغرانان جسمون کیمین قلبیم اولوب پارا پارا

آخی نئجه قیدی عدو سالدی سنی بو حالته
بیلمدی که دؤزنمرم بئیله بؤیوک مصیبته

باشون قانی پرده چکیب گوزل او رخصاره اوغول
چکیب من اوغلی اؤلنی بو حالتین داره اوغول
دانیش گوروم ندی دردون بلکه ائتدیم چاره اوغول

دؤزنموین یئرده آتان نئجه دؤزر آنان ، بالا
گونی گوندن سویا دؤنر شمع تکین یانان ، بالا

گوز یاشیمی گلاب ائدیب یووارام اؤ قانلی یوزون
بلکه حسرت گؤزوم اؤغول بیرده گؤره قانلی گوزون
آغزین لخته قانلا دؤلوب دیینمورسن اورک سوزون

ائویمی آی ییخان بالا دور باشیوا بیر دولانیم
بو یارالی پیکریوه قربان اولسون یؤرقون جانیم

وورق ورق اولان جسمون پوزوبدور حالیمی یامان
قدیم اولوبدور آی بالا او قاشلارین کیمین کمان
گره ک گلئیدی یئره گؤی داغیلئیدی بئله زمان

ظلمت اولئیدی بیر دفعه منی یاندیردیقی یئرده
اورگیمی قان ائیله ییب سالان یئرده بئله درده

گون ایتیسی توپراق اوسته آی یارالی نه یاتمیسان
اولمویا دای بیر دفعه لیک آتاوی گوزدن آتمیسان
اینان کی جیگریم قانین بو گوز یاشیما قاتمیسان

دور ای اساسی الیمین قالماییبدی دیزده توان
ناز ائیلمه بسدی اؤغول گوزلور یولون لیلا آنان

من بینوا هارای چکیب آغلادیقجا سنه بالا
قَح قَح ائدیب هم ال چالیر دشمن گولور منه
اوغول اؤلومی آتانی سالار یامان گونه بالا

نئجه قوجالتدی گور منی سنین بو جوان اؤلماغین
آلیر جانیمی آی بالا یئریله یکسان اولماغین

بو سرّ مبهمی اینان چوخدان بیلمیشدیم آی بالا
اودور بو سر زمینه من (نالان) گلمیشدیم آی بالا
اولماسئیدی عممن زینب چؤخدان اؤلموشدوم آی بالا

گور نه دولانیر باشیوا منله شریک غم زینب
مصیبت لر یؤرقونی هم غمدن او قدی خم زینب

تیتریه تیتریه الی سالدی عبا یئره امام
دوغرانان او گول بدنی اؤپه اؤپه ییغدی تمام
یا امام زمان آقا گورن نئجه ائتدی دوام

اوغول دردی یامان اولار آتا اورگین داغلیار
آناسی نین احوالینه بوتون یئر گؤی قان آغلیار

فتیان هاشمی ائتمیش غریب کربلا صدا
ییغیلیب لار دؤره سینه هامی دیلده آه و نوا
چتین او لحظه وه حسین هامی اوغلی ا‌ؤلن فدا

هامی اوغلی اؤلن ننه زلفی پریشانلار فدا
لیلانین او دئیقه سینه دئدی یاندیم ایوای خدا

پایین پاده اگلشیب لیلا زار و دلشکسته
دئدی ننن اؤلئیدی کاش گلنده بو نعشین اوسته
دور ای گوزل جوان بالام زلفی سیاه بؤیی بسته

یئتمیر قولاقیوه مگر لیلانین بو ناله سسی
چاغیرماخدان سنی اوغول کسیلیب دیر دای نفسی

آش یومولان گوزون بالا رحم ایت منِ پریشانه
دور بویووا بیرده باخیم اؤ زلفیوه ووروم شانه
آنا بالا قوجاخلاشاخ سن بیر شم اول من پروانه

قوی دولانیم گونده بلکه باشیوه مین یول آی بالا
گورمه میشدیم سنین کیمین پر پر اولان گول آی بالا

آغلیر بوتون مخدرات بو احواله یانا یانا
نه رسمدور بو آی بالا ، اوغول اؤله ، قالا آنا
باشدان ایاقه باخیرام بورونوب سن قیزیل قانا

بو شهادت ایله سنون آدون اوجالدی آی بالا
ولی یازیخ لیلا آنان یامان قوجالدی آی بالا

بیر ننه کی گریبانون چاک ائیله ییب یوزون دیدسه
دای اؤزونه گلمز بالا گئنه مین ایلده عمر ائتسه
بو داغ قالار اوره گینده عؤمور بویی هارا گئتسه

زهرا بیلر ، زینب بیلر ، رباب بیلر نه چکیرم
هامی اوغلی اؤلن ، قلبی کباب بیلر نه چکیرم

• یکشنبه
• 15
• مرداد
• 1402
• ساعت
• 15:30
• نوشته شده توسط
• یوسف اکبری

نه وصل یاره دوزوم وار نه فرقته طاقت
همی وصالی همی هجری اختیار آپارور

دوشورخیالیمه اوضاع روز عاشورا
قرار وصبریمی الدن نقدر وار آپارور

ویروب اجازه علی اکبره امام حسین
سالوب قباقینه ، محبوبه بیر نثار اپارور

بویوردی گیت حرم اهلین اوغول وداع ایله
سوسوز آنا یانینا چشم اشکبار آپارور

اوشاهزاده گلوب خیمه لر کنارینده
سسین اوجاتدی اوسس لیلیدن قرار آپارور

دیدی گلون گیدوری اکبری حلال ایلیون
دورانمورام منی شوق وصال یار آپارور

توکولدولر حرم اهلی اوشاق بیوک یکسر
گوروب اوحالی قرار دل نگار آپارور

آلوبلار دوره سینی هاله تک اوماه وشون
تمام فیض تماشالی یادگار آپارور

ویروبله سس سسه سسلردیلر علی اکبر
بوکار زاره سنی هانسی انتظار آپارور

بو غربتیمیزه رحم ایله گیتمه میدانه
قالان تحمل اوصبری بوکار زار آپارور

بیری دیور آناوین حالینه ترحم ایله
که روح لیلینی بوتیره روزگار آپارور

باجی چکور اتگیندن دیور نجه گیدوسن
باحال مهر ومحبتدن اعتبار آپارور

کناریدن ایله پر عاطفه باخوردی حسین
قراراکبری گوردی او وضع کار آپارور

بویوردی اکبریمی بوشلیون کباب اولدی
جواندی صبرینی آلام بی شمار آپارور

دیمه فقط اوزی اکبر تک ایریلوب گیتدی
ایدوب کمک لری ویران وتار ومار آپارور

حسین قبرینه ای (صافی) منده مشتاقم
میسر اولموی نیلوم چوخ انتظار آپارور

• سه شنبه
• 17
• مرداد
• 1402
• ساعت
• 00:08
• نوشته شده توسط
• یوسف اکبری

گَل باجی رزمگاهدن عطرِ جنان گتورموشم
قرمزی گُلدی بیر عبا شبنمی قان گتورموشم

گر چه خزان ایدوبدولر اکبریمون بهارینی
لیک معطّر ایلیوب فاطمه لاله زارینی
گُل کیمی یاره لر آلوب بلبلون اختیارینی
آغلاماقون بهاریدور عمری خزان گتورموشم

هانسی چمنده گور باجی بیله گُلون نشانی وار
هانسی گلون بو عطری وار ، من کیمی باغبانی وار
بیله گُلون سکینه تک بلبلِ خوش زبانی وار
وای علی وای او بلبله وِردِ زبان گتورموشم

بسکه بو ماهرو جوان لایقِ بزمِ یاریدی
سلسلهء رسالته مایهء افتخاریدی
محضرِ یاره گیتماقا شوقیله بیقراریدی
نائلِ وصلِ یار ، بیر تازه جوان گتورموشم

ایسته سه بیرده خاطرون ، گورماقا مه جمالینی
گوز یاشویله سیل ازل یوزده کی خونِ آلینی
گور نفسی گلور اگر ایله سؤال حالینی
یا کسیلوب نفس ویروب شوقیله جان گتورموشم

ماهِ سپهرِ عزّته قرمزی قان سالوب شفق
بسکه ووروبلا اوخ قلج جسمده قالمیوب رمق
مصحفِ ناطق اوغلونی تیر یازوب ورق ورق
تیغ چکوبدی خط ، قویوب نقطه سِنان گتورموشم

باشدا آتام علی کیمی باجی قلج یاراسی وار
بیله که قان آخور یوزه صورتِ مرتضاسی وار
مه یوزونی گورن دییر معجزِ مصطفاسی وار
قدرتِ مصطفا وئرور باشدا نشان ، گتورموشم

جان ویروب اکبریم منیم ، کامِ دلیم گلوب اله
رسمدی نوجوان غمی باجی شرر سالور دله
ایله خبر عزاسینه لیلی بینوا گَله
چون اونا مایهء غم و آه و فغان گتورموشم

بسلمیوبدی بیر آنا بیله مَلک جمال اوغول
لیلیه مژده ویر ، قضا امرینه اولماسون ملول
تشنه قتیلِ حقدی بو ، یار اوزی ایلیوب قبول
اولدی قبول تحفه سی ، مژده عیان گتورموشم

قرمزی قان جوانیمه بسترِ خوابِ ناز اولوب
شادم اوزوم که لیلینون سینه سی پُر گداز اولوب
فاطمه محضرینده بو بارده ده سرفراز اولوب
حاصلِ زحمتین اونا عزّت و شان گتورموشم

قانه باتان جنازه سین چولقامیشام عبایه من
خیمیه بیر عبا گلوب ، منظرِ گلشنِ عَدَن
پیکری تازه گل آچوب ، خوش بزنوب بو گل بدن
یاره لرین هله اولور قانی روان گتورموشم

الدن آلوب قراریمی اکیریمون بو حالتی
باشدان ایاقه دوغرانوب تیغیله سرو قامتی
قان یوزینی دوتوبدی ، وار مَه ده کَدَر علامتی
شمس و نجومدن ایدوب سلبِ توان گتورموشم

واردی بو آستانه ده جملهء شهلرون گوزی
شاهِ جهانه عرض ایدر هر کسون اولسا هر سوزی
(اشگی) سنون سوزون دگل بو سوزی شه دیوب اوزی
گَل باجی رزمگاهدن عطرِ جنان گتورموشم

• سه شنبه
• 17
• مرداد
• 1402
• ساعت
• 00:16
• نوشته شده توسط
• یوسف اکبری

گَل باجی گَل بیر دسته گُل خندان گتوردوم
جدّیم شبهین قانینه غلطان گتورودوم
گَلسون خبر ویر عترتِ قرآنِ ناطق
شیرازه دن اوراق اولان قرآن گتوردوم

اوغلوب ئولوب ، قلبیم یانوب ، دلخستیَم من
دلدن طنابِ زلفینه پا بستیم من
جانان عزیزیم جان ویروب ، جان اوستیم من
هر بیر قدمده جان ویروب بیر جان گتوردوم

هانسی جوان بو منظرِ طاهایه بنزر
هانسی آنا اوغلی ئولن لیلایه بنزر
هانسی قیزیل گُل بو گلِ حمرایه بنزر
آفت زده بیر گلستان ویران گتوردوم...

وار حقّی دوشسون قارداشون تاب و تواندان
هانسی آتا باخ گور گیچر بیله جواندان؟
گچمز قیامتده آنام زهرا بو قاندان
محشرده داد آلماقلیقا عنوان گتوردوم

باشدان گیچوب خلوتگهِ یاره چاتوبدی
دینمور دانشمور عالَمی گوزدن آتوبدی
دیندیرمه یورقوندی بالام راحت یاتوبدی
باشدان گچن بیر عاشقِ جانان گتوردوم

رختین سویوندورما یاتا قوی باجی راحت
رختین سویوندورسان ویرر زحمت جراحت
اولادِ یاسین ایتماقا یاسین تلاوت
یاسین شبیهین خستهء پیکان گتوردوم

پیغمبرین آئینهء هیکل نماسی
قالمیش او حاله شرحینون یوخ انتهاسی
بسکه وروبلار نیزه و خنجر یاراسی
یغدیم عبایه چون گُلِ خندان گتوردوم

بیر کیمسه بولمور قالموشام باجی نه حاله
بیر دسته آق گُل یولّادیم سمتِ قتاله
قانیله رنگین ایتدیلر مانندِ لاله
پرپر داغلمیش لالهء نعمان گتوردوم

باغِ امیدیم نخلی دور بو سرو قامت
بیر گُلدی وار بیر گلستان بوندا طراوت
امّا طراوتدن سالوب قومِ شقاوت
عمریم گُلین افسرده و پژمان گتوردوم

دنیا و مافیها بونون اولماز بهاسی
آلدی الیمدن حیف اولا دشمن جفاسی
گلمور یوزیمدن سن چاقور گلسون آناسی
دنیانی قویدوم صبریمه حیران گتوردوم

مصرِ بلادور خرگهیم بازارِ محنت
یعقوبِ پیرم یوسفیم بو ماه طلعت
یوسفده یوخ بوندا اولان حُسن و ملاحت
بازارِ عشقه یوسفِ کنعان گتوردوم

بیر خادمِ پیرم شها بو آستانه
آدیم (حسینی) نسبتیم سیز خاندانه
امّیدوارم لطفیوه الده بهانه
یوخ بیر زادیم بیر دیدهء گریان گتوردوم

• سه شنبه
• 17
• مرداد
• 1402
• ساعت
• 00:17
• نوشته شده توسط
• یوسف اکبری

خط گردی سالیب سایه او وجهُ الحَسن اوسته
چم دور دییه سن بس دوشنوبدور چمن اوسته

جفت اولموش ایکی غنچه لبون، طاق ایده طاقت
یا لعلِ بدخشاندی عقیقِ یمن اوسته

زلفوندی دوشوب گل اوزوه دسته به دسته
یا خرمنِ سنبل توکولوب نسترن اوسته

تابِ مِی ایدوب غرقِ عرق صفحهء حُسنون
شبنمدی دوزولموش دییه سن یاسمن اوسته

چاک ایتمیه تا دستِ صبا سِترِ عفافین
غنچه گیینوب پیرهنی پیرهن اوسته

دل بیر سرِ مویونده ایدر قطعِ مراحل
فخر ایلمه سین چوخ او کی اوینار رسن اوسته

من من دییوب اوز نفسیوه اولما بیله مغرور
چوخ کیمسنه لر خاک نشین اولدی من اوسته

دل مشتری وصلیدی جان نرخینه، گیچمز
بو بِیع و شَرادن کم و بیشِ ثمن اوسته

مه جلوه سینی گوستریری ابرِ سیهده
زنگارِ خطِ سبز او سیمین ذقن اوسته

مِی دورینی تعطیل ایلدی گردشِ چشمون
خُم خانه خراب اولدی ایکی خُم شکن اوسته

زلفون بهم ایتمه که پوزار نظمِ جهانی
خَم اوسته توکولدوقجا شکن خَم شکن اوسته

(عابد) بو سوزون دورینی سال اوزگه مداره
دورما داخی وصفِ رخ و چشم و دهن اوسته

چک قافلهء نظمی بیابانِ بلاده
شرحِ صفتِ اکبرِ گلگون کفن اوسته

چون پادشهِ تشنه لبین تازه جوانی
آغشته اولوب قانینه عهدِ کهن اوسته

صد پاره اولان پیکری حمل اولدی عباده
قتلایه طرف امرِ امامِ زمن اوسته

دورینده خواتینِ حرم انجمن ایلوب
بال آچدی بلا طایری بو انجمن اوسته

زلفین یودولار اشگیله هرگز دیمورم من
ایثارِ نجوم ایتدیله عقدِ پرن اوسته

هر کیمسنه اوز کامیجه دردین دئدی، آخر
لیلا یتوب اول زخمیله مستور، تن اوسته

بشکفته گوروب یاره لرین قرمزی گل تک
شوریده هَزاران کیمی گلدی سخن اوسته

جانسوز دلیله دئدی ای روحِ روانیم
لیلادی گلن شیونه بو گل بدن اوسته

ای آینهء صورتِ پیغمبرِ اکرم
وی قانه باتان دینِ حقِ ذوالمنن اوسته

قان جلوه سیدی بو سرِ گیسوی سیهده
شنگرفدی یا تودهء مشگِ ختن اوسته

افسوس که مرآتِ فروغِ رخِ یزدان
زنگاره باتوبدور هوسِ اهرمن اوسته

سنسیز نجه غرق اولمیا ای ساحلِ امّید
بو تخته نشین موجِ بلا و فتن اوسته

یعقوبِ دل ای یوسفِ کنعانِ محبّت
هجرونده یانار عمریجه بیت الحزن اوسته

نولدی او رشادت که ایدردون تنِ تنها
حمله نقدر معرکه جو تیغ زن اوسته

آهنگِ قتال ایلدیقون وقتیده، گویا
شهباز هجوم ایلوری زاغ و زغن اوسته

ایمدی نیه بو حالیله قان ایچره یاتوبسان؟
بو پردهء گلگون ندی وجه الحسن اوسته

کامِ دلِ اعدایه اولوب یوخسا مداری
گردون که همیشه دولانار مکر و فن اوسته

(عابد) داخی بو باره ده کافیدی حکایت
چکمه دلِ احبابی ملال و محن اوسته

سوز یتدی گوزل طرزیله پایانه اگر چه
برخورد ایلدون مشکله بو سر سخن اوسته

• سه شنبه
• 17
• مرداد
• 1402
• ساعت
• 00:23
• نوشته شده توسط
• یوسف اکبری

روز جواندا هر جوان_اکبره مرحبا دئیر
یعنی تمام شیعیان_اکبره مرحبا دئیر

*********

خلقتی ائت مطالعه_سال گذر عالم ذره
گور نه جلالتی وئروب_خالق هستی اکبره
خلقا و خلقا اوخشادوب_اکبری حق پیمبره
هیکلینی گورن دئدی_هیبتی اوخشور حیدره

گویده ده،اهل آسمان_اکبره مرحبا دئیر
روز جواندا هر جوان_اکبره مرحبا دئیر

*********

عطر بهشتی آلموشام،هر نفسینده اکبرین
اولدوم اسیر جلوه سی،جان قفسینده اکبرین
لحن کلام مصطفی،واردی سسینده اکبرین
جنگیده ده،اولوبدی کیم،تیر رسینده اکبرین

گوردی بیر ایش که قدسیان،اکبره مرحبا دئیر
روز جواندا هر جوان_اکبره مرحبا دئیر

*********

آی دئمم آی قالار وله_گورسه جمال اکبری
گون ائلییوبدی آینه_خوی و خصال اکبری
گویده ستاره لر سوزر_گورسه کمال اکبری
گیت عموسوندان آل خبر_جاه و جلال اکبری

علقمه ده،او قهرمان_اکبره مرحبا دئیر
روز جواندا هر جوان_اکبره مرحبا دئیر

*******

دایره ی محبتین،تاپسان اگر مساحتین
ضرب ائله عشق اکبره،ویر محک ئوز مهارتین
عشقی توان عشق ائله،حاصل اولا عبارتین
عاقبتینده خیر اولار،فاطمه ویرسه خلعتین

مادر صاحب الزمان_اکبره مرحبا دئیر
روز جواندا هر جوان_اکبره مرحبا دئیر

********

هرکسه لیلی دهریده_همدم و همزبان دئمز
غیر از حسین فاطمه_هرکسه لیلی جان دئمز
ماذنه ی،بهشتیده_هرکسه حق،بخوان دئمز
گورسه حضور اکبری_اوردا بلال اذان دئمز

اوردا اقامه و اذان _اکبره مرحبا دئیر
روز جواندا هر جوان_اکبره مرحبا دئیر

• پنج شنبه
• 19
• مرداد
• 1402
• ساعت
• 00:41
• نوشته شده توسط
• یوسف اکبری

ای ملک منظریم
شبه پیغمبریم
لاله ی احمریم
جانیم اکبر

مونسیم یاوریم
ای گوزل گوهریم
مظهر داوریم
جانیم اکبر

اکبر اکبر ای اورک طاقتیم
اکبر اکبر ای منیم عزتیم

حسنون حسن ازل
حسنوده بی بدل
هر گوزلدن گوزل
جانیم اکبر

ای اولان مه لقا
گوزلری دلربا
حسنوه من فدا
جانیم اکبر

اکبر اکبر ای اورک طاقتیم
اکبر اکبر ای منیم عزتیم

قاشلارون چون هلال
طلعتون آی مثال
آیدا یوخ بو کمال
جانیم اکبر

زیب سن گلشنه
گل گلوم گل منه
عاشم من سنه
جانیم اکبر

اکبر اکبر ای اورک طاقتیم
اکبر اکبر ای منیم عزتیم

• چهارشنبه
• 4
• اردیبهشت
• 1398
• ساعت
• 10:44
• نوشته شده توسط
• ابوالفضل عابدی پور

گلدی گل خلقت اکبر
لیلیه خوش صورت اکبر

آل هاشم باصفاسی
برج حسنون مه لقاسی

آلدی قوجاقه بالاسین مهربان آنا
چالدی اوغول لایلایینی خوش بیان آنا

لایلای اکبر۲

اکبریدی ماه سیما
صورتینی اوپدی لیلا
شکر ائدورم عرض ائدوبدور
من سنه ای حیّ یکتا
لطف ائدوبسن_بی نهایت
سنده واردور_چوخ عنایت
اکبریمه حافظ اول ای مالک الرّقاب
صورتی واردور بالامون مثل آفتاب
لایلای اکبر۲

خوشدی جمالون قمردن
حفظ ائت آماندور خطردن
گوزلری شهلا یارانمیش
ساخلا ئوزون بد نظردن
خواستارم_عمر وئرسون
اکبریمه_طوی ائدوم من
اولماقا راضی دگلم باغریقان بالام
باتمیا میداندا قانا مهربان بالام
لایلای اکبر۲

• چهارشنبه
• 4
• اردیبهشت
• 1398
• ساعت
• 12:03
• نوشته شده توسط
• ابوالفضل عابدی پور

سبک: شب به گلستان تنها منتظرت بودم

اهل ولا سرمست جام طهور اولدی
وادی یثرب غرق نور و سرور اولدی

مطلع نور اولدی – مملو شور اولدی

دنیا بزنوب دی بو گجه نور جلیدن
سیمای علی بن حسین بن علیدن

مظهر غیرتدی
کنز شهامتدی
جدی علی مثلی
هیکل صولتدی

((جانم علی اکبر جان – جانم علی اکبر))

بو گولی الله اعطا ایلدی لیلایه
نظمه گلوب عرش اهلی گلدی تماشایه

بو مه زیبایه – نوگل رعنایه

هرکیمسه بو گویچک بالانین زائری اولدی
فوراً دیدی واللهی خود ختم رسلدی

ماه دل آرادی
یوسف بطحادی
خلقاً و خُقاً چون
حضرت طاهادی

((جانم علی اکبر جان – جانم علی اکبر))

بوگولون عطری اوخشور عطر گل یاسه
بنزور ئوزی طاهایه هیبتی عباسه

غر

• چهارشنبه
• 4
• اردیبهشت
• 1398
• ساعت
• 10:27
• نوشته شده توسط
• ابوالفضل عابدی پور

از گلشن لیلا گلی امشب عیان شد
وز روی اکبر کلّ عالم گلستان شد
آمد بدنیا_دلبند لیلا
تبریک و تبریک_بر اهل معنا

از برج رحمت شد رخ اکبر نمایان
جشن سروری شد بپا در خلد رضوان
گیتی شده از پرتو نورش چراغان
آمد بدنیا...

لیلا در آغوشش کشیده بادل و جان
شکرانه ی نعمت کند با یاد سبحان
پستان عصمت بر دهانش داده خندان
آمد بدنیا...

آندم حسین بن علی را مژده دادند
بر تو عنایت کرده فرزندی خداوند
آمد پدر بر دیدن ‌مولود دلبند
آمد بدنیا...

قنداق طفل با خرد را با خرد دید
او را بروی دست خود بگرفت و بوسید
زَ عطر خوش آن گل هزاران دفعه بوئید
آمد بدنیا...

در انتظار کربلا ماهم نشستیم
چشم امید خود به آن فرزانه بستیم
مشت

• چهارشنبه
• 4
• اردیبهشت
• 1398
• ساعت
• 10:31
• نوشته شده توسط
• ابوالفضل عابدی پور

ترکی

ایدل ملک منظره اکبره باخ اکبره
صنع حق داوره اکبره باخ اکبره
اکبره باخ اکبره

ماه ملک منظره صورت پیغمبره
آهوباخیش گوزلره صنع حق داوره
گنج.شرافتده کی رخشان اولان گوهره
بنددل دلبره اکبره باخ اکبره

ابروکمان اکبره اکبرمه پیکره
صورت صورتگره بالابلادلبره
آغوش لیلاده کی محبوب سیمین بره
آهوباخیش گوزلره اکبره باخ اکبره

قامت قیامتدی بو سروصنوبردی بو
سرو سهی قامت گلزارحیدردی بو
بنددل حیدر و خاتون محشردی بو
صورت صورتگرهاکبره باخ اکبره

گوهردیمه گوهرایمانه جوهردی بو
صورتده چون صورت خلاق اکبردی بو
لیلانی مجنون ایدن شبه پیامبردی بو
باخما مه انوره اکبره باخ اکبره

آهو باخیش گوزلرین نقاشی ذات ازل
کنج لب

• چهارشنبه
• 4
• اردیبهشت
• 1398
• ساعت
• 10:35
• نوشته شده توسط
• ابوالفضل عابدی پور

آلدی آغوشینه شاه شهدا اکبرینی
حمدایدوب مرتبه ی لطف حق داورینی

اوپدی اول بالانین آهوباخیش گوزلرینی
اوپدی اوندانصوراشکر داغیدان لبلرینی

گورسدوب زینبه سیمای ملک منظرینی
دیدی زینب، نیه تشبیه الیوم تللرینی

جاندان آرتیق سوورم جدیمیزون بنذرینی
بذل ایدوب حی ازل بحرشرف گوهرینی

منه پای ویردی باجی حق فلکون نوبرینی
یارادوب سانکی خدا خاتم پیغمبرینی

اکبرین گورسه گر عالمده رخ انورینی
نه زلیخا، خودیوسفده کسر اللرینی

• یکشنبه
• 10
• اسفند
• 1399
• ساعت
• 22:59
• نوشته شده توسط
• یوسف اکبری

سویله دلیم ائللره اکبره باخ اکبره
دوشدی آدی دللره اکبره باخ اکبره
کُر
شمس هدا نورالعین
گوزلرون آیدین حسین

بلبل اولوب نغمه خوان شاداولوب اهل جنان
رحمت حقدن یره گل توکوری اسمان
آلدی گلون سینیه ئوپدی گوزون باغبان
یایدی صباهر یره اکبره باخ اکبره

زینت بزم ولا شبه رسول خدا
گوزلرون ایدین علی ای ادی مشگل گشا
یاز بیزه بیر تذکره شعبان ایی کربلا
ذکری گئدوب گویلره اکبره باخ اکبره

یوسف کنعان گلوب گر گوره گل صورتین
لبلرینی تئز ئوپر چون بیلر ئوز قیمتین
آرتیق ایدوبدی دییر ذات خدا عزتین
بوسه وورار گوزلره اکبره باخ اکبره

ماه تماشادی بو سوره أسرادی بو
زاده لیلادی بو میوه زهرادی بو
دلده اگروارغمون درده مداواد

• چهارشنبه
• 4
• اردیبهشت
• 1398
• ساعت
• 10:38
• نوشته شده توسط
• ابوالفضل عابدی پور

ای گل باغ جنان، آدوه قربان علی
تاج سر انس و جان ،آدوه قربان علی
ای مه تابان علی،
آدوه قربان علی (2)

لیلینون ای مفخری، گل سینمه آغلاما
سِیلمه اشک تری، گل سینمه آغلاما
گوزله گوزل گوزلری،گل سینمه آغلاما
ای منه تاب و توان، آدوه قربان علی
ای مه تابان علی،
آدوه قربان علی (2)

ای گل باغ ولا، نور بصر سن منه
مظهر مهرووفا، نور بصرسن منه
مقدموه جان فدا، نور بصرسن منه
قامتی سرو روان، آدوه قربان علی (2)
ای مه تابان علی،
آدوه قربان علی (2)

شکر ائدورم دمبدم، خالق سبحانیمه
زینت اولوب قنداقون بوگجه دامانیمه
آتش عشقون اوغول، ویردی شرر جانیمه
ای آدی ورد زبان،آدوه قربان علی
ای مه تابان علی،
آدوه قربان علی (2)

• چهارشنبه
• 4
• اردیبهشت
• 1398
• ساعت
• 10:39
• نوشته شده توسط
• ابوالفضل عابدی پور

هاشمی مهِ – خاور گوز آچوبدی
نازدانۀ – حیدر گوز آچوبدی
گلدی عالمه – تندیس پیمبر
مژده وئربوگون– اکبر گوز آچوبدی
حیدره بنزر – علی علیِّ اکبر
شبه پیمبر – علی علیِّ اکبر

حق بو خلقتین غوغا یارادوبدی
سینه سین اونون دریا یارادوبدی
قدّ و قامتین طوبا یارادوبدی
هاشمی گوزون شهلا یارادوبدی
عالمه لنگر – علی علیِّ اکبر
شبه پیمبر – علی علیِّ اکبر

ای صلابتی الواحیده تقریر
قامتی چُنان عباس علمگیر
شیر عشق سن نخجیر شرفده
شیرین اوغلوسان - شیراوغلو اولار شیر
صفالی گوهر– علی علیِّ اکبر
شبه پیمبر – علی علیِّ اکبر

اشبه نبی ای خلقته زینت
اللر آچیلوب قیل ئوزون عنایت
گوزلرقالوب اول ششگوشه حرمده
بوجَمعه ئوزون ائت قبریو

• چهارشنبه
• 4
• اردیبهشت
• 1398
• ساعت
• 10:43
• نوشته شده توسط
• ابوالفضل عابدی پور