اشعار استقبال از محرم

محمد حسن زاده (خادم)

سبک: شب به گلستان تنها...

قاره علم دنیاده لوای عشقیمدی
کرب و بلا سلطانی خدای عشقیمدی
ماه بنی هاشمدی سماده مهتابیم
فخر ایدرم هر یرده (حسیندی اربابیم)3

عالملره پیرایه دی بین الحرمینی
تا وار نفسیم سسلیرم منده حسینی
خلقتده سرشتیم-بو عشق حسیندی
دنیاده بهشتیم-بین الحرمیندی

سلطان دشت کربلا-حسین حسین مولا
جانلار سنه اولسون فدا-حسین حسین مولا
حسین حسین مولا(3)

__

بند دل حیدردی دلبر طاهادی
هر گون اونون زواری یوسف زهرادی
اوجه یتوردی عشقی زینب کبراسی
سالدی جهانه طوفان(اوزون قول عباسی)3

دریالری خجلتده قویوب ساقی عطشان
تا وار نفسیم سسلیرم قولارا قربان
پرچم اله آلدی-سردار مظفر
میدانه گیدنده-سسلوردی مکرر

سلطان دشت کربلا-حسین حسین مولا
جانلار سنه اولسون فدا-حسین حسین مولا
حسین حسین مولا(3)

____

بو قاره نون معناسی نسان عزتدی
گویده گزن پرچملر پرچم غیرتدی
دوشدی اگر مرکبدن حسینون عباسی
پرچم الینده دوردی(سه ساله زهراسی) 3

دشمنلری رسوا ایلدی نام رقیه
خوار اولدی ذلیل اولدی بوتون آل امیه
ویردی قرا پرچم-شاماته رقیه
یازدیردی بو شعری -جناته رقیه

سلطان دشت کربلا-حسین حسین مولا
جانلار سنه اولسون فدا-حسین حسین مولا
حسین حسین مولا(3)

____

اهل ولایت دلدن بو امره آگهدی
بیر گون اولار سلطانیم دیر اناالمهدی
کعبه دن اعلان ایلر جهانون اربابی
منم سفیر حیدر (کور اولا وهابی) 3

من منتقم خون شهیدان خدایم
من زایر گلزار شه کرب و بلایم

این گلشن جدم-گردیده بهشتم
بر قله جنت -این جمله نوشتم

سلطان دشت کربلا-حسین حسین مولا
جانلار سنه اولسون فدا-حسین حسین مولا
حسین حسین مولا(3)

• چهارشنبه
• 18
• مرداد
• 1402
• ساعت
• 01:37
• نوشته شده توسط
• یوسف اکبری

عطری گلور محرّمین هر یره قاره چکدیلر
فاطمه نوحه باشلادی گویلره قاره چکدیلر

یااباعبدالله حسین – یا اباعبدالله حسین

گییدی گنه حسینچی لر پیرهن عزالرین
ابر بهاری تک دولوب گوزلری آشنالرین
شهرلری دولان ائشیت وای آنا وای نوالرین
معرفت اهلی مسجد و منبره قاره چکدیلر

اهل ولایتین بو آی گولمیه جاق دوداقلاری
دسته لرین سالوب یولا کوچه لرین اوشاقلاری
کوی شهادته گلور کرب و بلا قوناقلاری
جنّت اولوبدی غم سرا، سر دره قاره چکدیلر

اصغره خاطر ایندیدن ایلمیون سو صحبتی
خالی قدحلر الده دی ساقیه وار خجالتی
فاطمه مهریدور فرات اوغلونا وئرمور امّتی
خیمه ده گاهوارة اصغره قاره چکدیلر

سسلوری صاحب الزمان سینه زنانِ عالمی
قاره لباسوزی گییون گلدی حسین محرّمی
وئردی نشان ملکلره فاطمه قانلی کوینگی
آهیله عرش اعظم و اکبره قاره چکدیلر

قانه حسینی آز قالور اهل ستم بویاندیرا
کوفه رعیّتی گلور خیمة شاهی یاندیرا
باشلاری نیزیه ویرا سینه ده آت دولاندیرا
گور هامی کوی و برزنه یکسره قاره چکدیلر

آه او زماندان ایستدی شمرکسه حسین باشین
تلّیده زینب آغلادی سسلدی داده قارداشین
آچدی سکینه باشینی توکدی رقیّه گوز یاشین
خیمه سرای عترتِ حیدره قاره چکدیلر

قاره یلاَسدی باتدی گون قدسیان الامان دئدی
یرده حسین جنازه سی نیزده باش اذان دئدی
کوینگینی آپاردیلار فاطمه باخدی جان دئدی
اهلِ مدینه مرقدِ مادره قاره چکدیلر

• چهارشنبه
• 18
• مرداد
• 1402
• ساعت
• 14:32
• نوشته شده توسط
• یوسف اکبری

☑️ بند اول

ماه ماتمین دور آقا غرق غمدی عالم
باشینا قرا باغلادی چون حضرت خاتم
قاره چکدیلر هر یره باشلانیب محرم

? سسلیر اورکلر یرلرحسینه قربان
?دییر ملک لر گویلر حسینه قربان

☑️ بند دوم

عشقیوه سنین هر ایکی عالم قالیب حیران
قبریوه آقا ایسته بو عشاقیوی مهمان
اوردا سسلیاخ جانیمیز عباسیوه قربان

? سسلیر اورکلر یرلرحسینه قربان
?دییر ملک لر گویلر حسینه قربان

☑️ بند سوم

تربتین سنین یاحسین هر درده دوادی
مرقدون آقا عرشیدن چوخلی باصفادی
زنده ساخلین بیزلری عشق کربلا دی

? سسلیر اورکلر یرلرحسینه قربان
?دییر ملک لر گویلر حسینه قربان

☑️ بند چهارم

ای گوزل آدین یا حسین دردیمین دواسی
باشیما دوشوب ای شها کربلا هواسی
هجریدن اولوب کربلا قلبیمین نواسی

? سسلیر اورکلر یرلرحسینه قربان
?دییر ملک لر گویلر حسینه قربان

☑️ بند پنجم

درگهین آقا بیزلره چون باب کرمدی
جان پناهیمیز یاحسین بو قاره علم دی
ای شه کرم عشقیمیز تک بین الحرمدی

? سسلیر اورکلر یرلرحسینه قربان
?دییر ملک لر گویلر حسینه قربان

• پنج شنبه
• 23
• شهریور
• 1402
• ساعت
• 01:24
• نوشته شده توسط
• یوسف اکبری

دوتوبدی عالم حسینه ماتم عزاسی باشلاندی
سیه پوش اولدی آناسی زهرا نواسی باشلاندی
حسین حسین جان حسین حسین جان حسین حسین جانم
.
.
.
چکولدی قاره ارض و سمایه عرش خدا آغلار
فلک ملک لر حسینی سسلر دلده نوا آغلار
حسین سونلر غمین بولنلر دوتوب عزا آغلار
محرم اولدی حسین حسینون صداسی باشلاندی
حسین حسین جان حسین حسین جان حسین حسین جانم
.
.
.
علی آتاسی دلده نواسی ایدر فغان آغلار
عذاره اشگین مهدی غمگین توکنده قان آغلار
محنت و غمده گلنده درده پیرو جوان آغلار
اهل جفانون کوفه و شامون جفاسی باشلاندی
حسین حسین جان حسین حسین جان حسین حسین جانم
.
.
.
گرک حسینه بوگونده هرکس بزم عزا قورسون
ادب یوزیلن کیمسه گلنده ایاقین

• سه شنبه
• 1
• مرداد
• 1398
• ساعت
• 11:51
• نوشته شده توسط
• ابوالفضل عابدی پور

شیعه گل شور و نوایه
غم یتوب شاه هدایه
گلدی ماه غم محرّم
آغلا شاه کربلایه
.
واگیر (اجرا در تمامی بندها) :
اگنیوه گی بو گوندن قراسین
یرده گویده دوتوبلار عزاسین
.
.
.
شاه حسین ورد زباندی
عالمه بو سوز عیاندی
عیش و عشرتدن الون چک
ماه غم گلدی اماندی
.
.
.
قان اولا شط فراتی
سالدیلار ضیقه حیاتی
باغلیوبله سو یولونی
قویدولار تشنه بناتی
.
.
.
یاندیلار نار جفایه
باخ بو غملی ماجرایه
اولدورَندَه شاه دینی
یتمدی بیر کس هرایه
.
.
.
قان توکندی قوم کینه
آغلوری نازلی سکینه
هی دیور الله گوریدیم
کاشکی من بیرده مدینه
.
.
.
شیعه بات بو آی عزایه
قاره پوش اول گل نوایه
آغلوراصغرآج سوسوزدان
سنده سس ویر سس صدایه
.
.
.
بلب

• شنبه
• 19
• مرداد
• 1398
• ساعت
• 14:28
• نوشته شده توسط
• ابوالفضل عابدی پور

یا حسین ماه عزا اگنیمه قاره گیرم
شوق و ذوقیله گوزل آدیوی من سسلیرم
دهریده هر کس اوزون بیر کسه وابسته ایدوب
غملرون یاده سالوب منده حسین وای دیرم

شهریاریمسان حسین دارونداریمسان حسین

افتخاریمسان حسین جان یارالی جان یارالی

سن اوزون شاه ولا درده دوا سن یارالی
معدن جود و کرم لطف و صفا سن یارالی
سنه لایق سوزوموز یوخدی که تعریف ایلیم
بسدی شأنونده حسین خون خدا سن یارالی

هر اورک صاف اولا عشقون اونا بیرشعله سالار
گون به گون شعله چکر دائمی قلبینده قالار
نهضتون تا به ابد زنده و پاینده دی چون
هر کیم عشق اهلی اولادرسین حسین سندن آلار

نه اولار کی آقا جان دیلده کی مقصوده چاتام
آرزومه یتشم قبریده آسوده یاتام
منی نوکر لریون نوکری سن ایله حساب
منده نامردم اگر عشقوی باشیمدان آتام

عشق پاکوندی ویرن لطف و صفا سینه لره
گوز یاشی باعث اولور نورگلور دیده لره
بو جهانده هره اوز دلبرینه عاشق اولوب
سَنَدِ عشقدی بو قاره علم شیعه لره

سن بولور سن کی نجه بی کس و بی یارم حسین
روسیاهم ولی من ایندی عزادارم حسین
یوخ لیاقت بولورم منده آدون سسله ماقا
نه اولار بیرده گورم قبریوه زوّارم حسین

سن اوگونکی آقاجان نهضتی برپا ایلدون
عالم ذرده کی اوز عهدیوه ایفا ایلدون
تا گوروبسن قوریور ظلمیله دینون آغاجی
قانویله سوویروب تازه دن احیا ایلدون

دام عشقونده حسین طایر پر بسته منم
آستانونده سنون نوکر دل خسته منم
سن شه ملک ولا روحه صفا سن یارالی
جان ویرینجه آقا جان لطفوه وابسته منم

گلمیشم درگهوه ای شه اقلیم وفا
عاشقم گل آدیوا ای آدی هر درده دوا
لطف قیل ایله کرم ریزه خور درگهیوه
یاز دوباره نه اولار تذکره ی کرب و بلا

(بیکَسا) ساخلا الون بسدی بو اندازه کلام
بسدی آدون یازالار دفتر سلطاندا غلام
دوزدی بو شعرلرون لایق ارباب دگول
سنه احسان ایده جاقدور بو امام اوغلی امام

• جمعه
• 22
• اسفند
• 1399
• ساعت
• 16:27
• نوشته شده توسط
• یوسف اکبری

ئـــورکلره دوشوبـــدی،محـرمیـن هـواسـی
گئنه دوتوبدی شهری،حسین حسین صداسی
عاشقین شیدا باشیندا – یاحسین شورین دوشوبدی
بو دلِ بیمار و زاره – تازه دن نورین دوشوبدی
ای شه خوبان حسین جان***جان سنه قربان حسین جان
یاحسین جان،یا حسین جان***دردیمه درمان حسین جان

یئتیبدی باشه یا رب،بیر ایللیک انتظاریم
خزانِ دل کوتاردی،چیچکلنیب بهاریم
بو فصل ماتمون من،صبادن عطرین آلدیم
قاپوندا گئچدی عومروم،بیر ایل گئنه قوجالدیم
جمعیدور بو کوی عشقه – جمله ی درد آشنالر
بی نوالر،مبتلا لر - عاشقانِ کربلا لر
ای شه خوبان حسین جان***جان سنه قربان حسین جان
یاحسین جان،یا حسین جان***دردیمه درمان حسین جان

هوا هوای عشق و،محبت و وفادی
مطاعی سات کی ای دل،بساط کربلادی
بهشین ایچره زهرا،آچوبدی قاره پرچم
ملائکان جنت،دوتوب حسینه ماتم
باده ی محنت دوباره – ساغر عشقه سوزولدی
آسمان کربلایه – غملی اولدوزلار دوزولدی
ای شه خوبان حسین جان***جان سنه قربان حسین جان
یاحسین جان،یا حسین جان***دردیمه درمان حسین جان

مین اشتیاق و شوره،گلوبدی غملی سینم
قرام گییندی عالم،که باشلانیب محرم
گلوبدی رو سیاهون،بو توبه گاه عشقه
واریمدی احتیاجیم،آقا نگاه عشقه
چاره می ئوزدوم دوادن – ای بیمارون طبیبی
بو غلامون کربلانون – خاکینی اِیله نسیبی
ای شه خوبان حسین جان***جان سنه قربان حسین جان
یاحسین جان،یا حسین جان***دردیمه درمان حسین جان

• چهارشنبه
• 4
• فروردین
• 1400
• ساعت
• 21:46
• نوشته شده توسط
• یوسف اکبری

باشلانور ماه عزای سرور و سالار عشق
باشلانور ماه عزای دلبر و دلدار عشق
باشلانور ماه عزای نقطه پرگار عشق

باشلانور ماه محرم ماه اندوه والم
ماه عشق و ماه ماتم ماه درد و ماه غم

باشلانور ماه عزای زاده زهرا حسین
باشلانور ماه عزای سید بطحا حسین
باشلانور ماه عزای شافع عقبا حسین

باشلانور ماه محرم محنتی اولسون رقم
نصب اولوب هر کوچه و بازاریده قاره علم

هر یره قاره چکوبلر عاشقان کربلا
کوی و هر برزنده دایردی گنه بزم عزا
شیعه لر عشقیله مجلسلرده ایلولر نوا

نیت پاکیله با هم سسلنولر یا حسین
بزم ماتمده دمادم سسلنولر یا حسین

بزم ماتم بزم عشق و بزم ایمان و وفا
بزم ماتم مکتب احیاگر دین خدا
بزم ماتم قبله گاه راهیان کربلا

بزم ماتم محفل فرزند شاه عالمین
بزم ماتم یعنی دانشگاه عشاق حسین

بزم عشاقه گلن قرآن و دیندن درس آلار
عشقیده ایمانیده اهل یقیندن درس آلار
یعنی اینکه حضرت مولا حسیندن درس آلار

شاه دیندن درس آلان دنیا بویی عزت تاپار
دهریده عزت تاپار کیم حشریدن جنت تاپار

پیرو شاه شهیدان نقض پیمان ایلمز
هر یره قویماز قدم عمرونده عصیان ایلمز
خانه عقباسینی عالمده ویران ایلمز

هر قدر عمر ایلسه شوقیله همت ایلیر
دین حق پاینده قالسین دینه خدمت ایلیر

پیرو شاه شهیدان متقی انسان اولار
اولسا تقواسی یقیناً لایق جانان اولار
لایق جانان اولار کیم گون کیمین رخشان اولار

مکتب عشاقیده اربابیدن الهام آلار
ساقی میخانه عشقین الیندن جام آلار

اهل ایمان درهم و دیناره ساتماز دینینی
خوار و زار ایلر جهاندا دشمن دینینی
هر زمان و هر مکان دا حفظ حفظ ائدر آیینینی

لازم اولسا دینه خاطر باش و جانیندن کیچر
حضرت اربابی تک تازه جوانیندن کیچر

کربلاده دینه خاطر اکبرین وئردی حسین
قاسم مه پیکرین هم اصغرین وئردی حسین
یار و انصارین وئروب سرلشکرین وئردی حسین

قالدی بیکس نینواده دوشدی قانلی مقتله
قویمادی دشمنلرین مقصودی تا گلسین اله

دوشدی گوداله دئدی قلبیمده وار تاب و تبیم
بنده ناچیزیم یارب یوخ آیری منصبیم
جان دوداقیمدن چیخینجان ذکر ائدر عطشان لبیم

یا غفور یا رحیم یا حمید و یا مجید
دینی زنده ساخلاماقدان اوتری من اولام شهید

یار و انصاریم سنوندی دوغرانان اکبر سنون
قاسمیم یارب سنوندی اوخلانان اصغر سنون
ظلمیلن قولاری تندن آیریلان افسر سنون

قان ایچینده رزمگهده غرق اولان پیکر سنون
خالقیم سن سن اللهی ماخلق یکسر سنون

دشمن غدار الیندن ذرجه یوخ ایمنیم
جسمیمه یاره ووروبدور بسکه یارب دشمنیم
قالمیوب تاب و توانیم جسم و جانیمده منیم

(سالک) راه حقیقت حالیمه قان آغلیار
گوز یاشین جاری ائدر رخساره سینه داغلیار

• یکشنبه
• 23
• خرداد
• 1400
• ساعت
• 19:13
• نوشته شده توسط
• یوسف اکبری

گینه باشلانــوب بزم ماتم
گلوب ماه شــــور و مُحرم
اَسور گویده بو قاره پَرچم
جهانی دوتوب غم
گل شیعه وُور سینه آغلا دنن یا حسین وای
قلبیوی بو غمده داغلا دنن یا حسین وای
دنن یا حسین وای

بو آی عاشقه جـان آییدور
نه جان بلکه جانان آییدور
محرمــــدی پیمــان آییدور
گلستان آییدور
بو آی نجه با صفا عطری وار چون گل یاس
گلدن گوزل عشقیمیز واردی چون عشق عباس
عشقیمدی عباس

محرمدی عشقون بقاسی
محرمدی دینون صفاسی
محرمدی دردیم دواسی
دوالر دواسی
یردن گویه قوزانوب یا حسین وای صداسی
سسلن گوزلدور گوزلدور حسین کربلاسی
حسین کربلاسی

محرمده یـــاس ساخلاروخ بیز
بو غمده اورک داغلاروخ بیز
حسین وای دیوب آغلاروخ بیز
عزا ساخلاروخ بیز
جانلار فدایا حسین جان سنون اکبریوه
عالم گدا سینن اوسته یاتان اصغریوه
گل پرپریوه

حسین امته رهنــمادی
حسین شیعه یه مقتدادی
حسین عشق خیرالنسادی
گل مرتضادی
بیز صدق دیلدن سنه یازدوخ آقا عریضه
سن جان زهرا و حیدر شفا ویر مریضه
شفا ویر مریضه

حسین قانینی یاره ویردی
جانین حَیِّ داداره ویردی
شرف درسین اخیاره ویردی
جانین یاره ویردی
ای سن گیده یولارا شیعه نون جانی قربان
عباس ویرن قولارا شیعه نون
جانی قربان
حسین عشق یزدان

حسین عشقیوه مبتلایم
سنه نوکرم (پوریایم)
گرفتار کــرب وبلایم
حسین بی نـــوایم
عاشقدی مولا سنه آسمان و زمینده
ویر تذکره هیئتی بیزلره اربعینده
گلاخ اربعینده

• سه شنبه
• 22
• تیر
• 1400
• ساعت
• 12:35
• نوشته شده توسط
• یوسف اکبری

گلدی گینه ماه غم دیللره دوشدی نوا
فاطمه گلدی گینه اوغلونا دوتسون عزا
ترک ایلدی جنتی خاتم پیغمبران
دیلده اوغول وای گلوب بزم غمه مرتضا

گلدی ماه ماتم یا حسین
گییدی قاره عالم یاحسین

یا ثارالله یا ثارالله ( 3 )

چکدی گینه عرشینه قاره اوزی کبریا
دشت غمه یکسره گلدی هامی انبیا
گلدی ملکلر یره سالدیلا باشه قرا
ایوای آقام سسلدی اهل زمین و سما

دیللره حک اولدی یا حسین
گوزلره نم دولدی یاحسین

یا ثارالله یا ثارالله

زینبه غم باشلانار خیمده ایوای دیر
اللری اوسته رباب اصغره لایلای دیر
سسلر اوغول آغلاما جانیوه جانیم فدا
ال ایاقون چالما چوخ دردیوه یوخدور دوا

بو غمده سینمی داغلارام
چاره یوخ اللرون باغلارام

یا ثارالله یاثارالله

الده پیاله دورار نازلی سوسوز قیزلارون
سسلر عمو العطش خیمده اولدوزلارون
زینب او حالی گوروب غم اودونا اودلانار
ناله چکر سسلنر ایوای اوغولسوزلارون

وای اوگون حالینه زینبون
یانام احوالینه زینبون

یا ثارالله یا ثارالله

دوشسه ابالفضل گوزی قیزلاروون اشکینه
مشکی سالارچگینینه آل عبا عشقینه
جوت قولی باهم وئرر گورسه رقیه یانور
بیر گوزیده لطف ائدر دگمیه اوخ مشکینه

سو غمی سقانی یاندیرار
قیزلاردان چوخلی اوتاندیرار

یا ثارالله یا ثارالله

• پنج شنبه
• 7
• مرداد
• 1400
• ساعت
• 20:40
• نوشته شده توسط
• یوسف اکبری

گلدی گینه ماه غم دیللره دوشدی نوا
فاطمه گلدی گینه اوغلونا دوتسون عزا
ترک ایلدی جنتی خاتم پیغمبران
دیلده اوغول وای گلوب بزم غمه مرتضا

گلدی ماه ماتم یا حسین
گییدی قاره عالم یاحسین

یا ثارالله یا ثارالله ( 3 )

چکدی گینه عرشینه قاره اوزی کبریا
دشت غمه یکسره گلدی هامی انبیا
گلدی ملکلر یره سالدیلا باشه قرا
ایوای آقام سسلدی اهل زمین و سما

دیللره غم دولدی یا حسین
گوزلره نم دولدی یاحسین

یا ثارالله یا ثارالله

زینبه غم باشلانار خیمده ایوای دیر
اللری اوسته رباب اصغره لایلای دیر
سسلر اوغول آغلاما جانیوه جانیم فدا
ال ایاقون چالما چوخ دردیوه یوخدور دوا

بو غمده سینمی داغلارام
چاره یوخ اللرون باغلارام

یا ثارالله یاثارالله

الده پیاله دورار نازلی سوسوز قیزلارون
سسلر عمو العطش خیمده اولدوزلارون
زینب او حالی گوروب غم اودونا اودلانار
ناله چکر سسلنر ایوای اوغولسوزلارون

وای اوگون حالینه زینبون
یانام احوالینه زینبون

یا ثارالله یا ثارالله

دوشسه ابالفضل گوزی قیزلاروون اشکینه
مشکی سالارچگینینه آل عبا عشقینه
جوت قولی باهم وئرر گورسه رقیه یانور
بیر گوزیده لطف ائدر دگمیه اوخ مشکینه

سو غمی سقانی یاندیرار
قیزلاردان چوخلی اوتاندیرار

یا ثارالله یا ثارالله

• جمعه
• 8
• مرداد
• 1400
• ساعت
• 11:26
• نوشته شده توسط
• یوسف اکبری

ای شه ولا یابن مرتضا
ای حسین غمینده دوتان عزا
جدّیوین یتیشدی محرمی
یر گوی ایچره باشلاندی آه و وا
یابن العسکری یابن العسکری ( 2 )

جدّیوین گینه گلدی ماتمی
دولدی عالمه غصه و غمی
گلدی شیعه لر دوتماقا عزا
یا حسین سسی دوتدی عالمی
یابن العسکری یابن العسکری ( 2 )

دیللره دوشر تا حسین سوزی
اشکیله دولار نُه فلک گوزی
جنت ایچره پیغمبر آغلیار
یاسینی دوتار هم خدا ئوزی
یابن العسکری یابن العسکری ( 2 )

سنده یاسه گل سینه داغلیاق
باشلارا آقا قاره باغلیاق
سن اوزون اوخی نوحه جدّیوه
یاحسین دییوب باهم آغلیاق
یابن العسکری یابن العسکری ( 2 )

کربلاده گوللر گینه سولار
بو مّحنده زینب گوزی دولار
آل طاهراتین حرملری
باشینه وورب زلفینی یولار
یابن العسکری یابن العسکری ( 2 )

سو یولون گینه باغلیار عدو
اصغره تاپانماز آناسی سو
سو پیاله سی الده قیزلارون
هر سوزی اولار العطش عمو
یابن العسکری یابن العسکری ( 2 )

هر آنا بالاسین سالار یولا
رسمیدور ائدر اوغلونی دعا
سو سَپَر دالینجا یوزون ئوپر
اوغلوما دییر رحم ایله خدا
یابن العسکری یابن العسکری ( 2 )

اکبرین دوتار لیلی یاسینی
آغلادار بو غم آل یاسینی
بی کفن آتا گل جنازه سین
یغماقا آچار اوز عباسینی
یابن العسکری یابن العسکری ( 2 )

مخیم ایچره قاسم گییر کفن
عرشه اوج ائدر صوت واحسن
ئولممیش آناسی دوتار عزا
گوزیاشی توکر بو غمی گورَن
یابن العسکری یابن العسکری ( 2 )

قاسمی آناسی یولا سالار
نازلی قیزلاری دوره سین آلار
آیرلاندا دامادی خیمه دن
یولدا نو عروسین گوزی قالار
یابن العسکری یابن العسکری ( 2 )

علقمه گئدر صاحب علم
اوخلانار سو مشکی یاتار علم
ظلم ائدر ابالفضله بیر شقی
قوللاری بدندن اولار قلم
یابن العسکری یابن العسکری ( 2 )

ای امام حق یابن فاطمه
اهل دین دوشوبدور تلاطمه
گل عنایت ائت ذوالفقاریله
ظلمه وئر بو عالمده خاتمه
یابن العسکری یابن العسکری ( 2 )

• جمعه
• 8
• مرداد
• 1400
• ساعت
• 12:19
• نوشته شده توسط
• یوسف اکبری

سلام اولسون سیزِ اهل عزایه
عزادار اولموسوز آل عبایه
گوروم الله سیزه توفیق ورسین
بو جمعیلن گیدون کرب و بلایه

اولوبسوز روز ازّلدن حسینی
حسین دور مرتضانین نور عینی
بو سودا خیروز اولسون ای عزیزان
دوتوبسوز راه شاه مشرقینی

سلام اولسون سیزه سینه ویرانلار
حسینه مجلس ماتم قورانلار
حسین وای سسلیوب ای وای دیینلر
لبالب اشک چشمی دولدورانلار

سلام اولسون سیزه ای نوحه خوانلار
دیلوز قربانی ای شیرین زبانلار
بهشت جاودان دا یر واریزدور
حسینه آغلیوب هم آغلادانلار

سلام اولسون سیزه ای آغلیانلار
باشا صدقیله قاره باغلیانلار
سیزه نار جهنم یوخدی والله
حسینه اودلی سینه داغلیانلار

سلام اولسون سیزه ای دم دوتانلار
اورکلر باغلیوب قان غم دوتانلار
بولون نومید اولماز لار جهاندا
حسینین دامنین محکم دوتانلار

• شنبه
• 23
• مرداد
• 1400
• ساعت
• 16:16
• نوشته شده توسط
• یوسف اکبری

گورسندی غم هلالی ماه محرم اولدی
ای شیعه گل فغانه ایام ماتم اولدی

شیعه گرک بو آیدا گلسین فغانه هردم
قیلسون انین و ناله اولسون غمیله همدم
توکسون شرشک محنت توتسون حسینه ماتم
چون اول شهین جلالی بو آیدا بر هم اولدی

عالم اولوب سراسر بیت الحزن بو آیدا
آفاقی دولدوروب دور درد و محن بو آیدا
قانیاش توکر عذاره هر مرد و زن بو آیدا
باشلاندی وقت محنت چون موقع غم اولدی

اولدی مه مصیبت دولدوردی غم جهانی
گل داده آغلا شیعه گلدی عزا زمانی
بو آیدا درد و محنت آغلاتدی ماسوانی
گویا تمام گوزلر بو آیدا پر نم اولدی

پیغنبرین عزیزی شیعه همین بو آیدا
کرب و بلا چولونده قالدی غریب و تنها
پرگار تک ستمله اطرافین آلدی اعدا
فکر ایت. او دشت غمده گور بیر نه عالم اولدی

بو آی جسارت ایتدی ظلمونده قوم اعدا
بو آی سولوب سوسوزدان گول تک عیال طاها
بو آی بویاندی قانه آرام قلب لیلا
بو آی علی عیالی محنتله همدم اولدی

بو آی پوزلدی یکسر نظم و نظام عالم
فریاد وا حسینا قالخار سمایه هر دم
بو آی فغان و داده زهرا اولوب مصمم
ماتم نشین بو آیدا زهرا و مریم اولدی

عرش خدایه چخدی بو آیدا شمر کافر
تاراج اولوندی بو آی جاه و جلال و زیور
یاندوردی خیمه گاهی اول فرقه ستمگر
زهرا عزیزی بو آی هر درده مدغم اولدی

بو آی مکمل ایتدی ظلمین سپاه اشرار
بو آی بویاندی قانه انصار شاه ابرار
مشک اوسته ویردی جانین هم اللرین علمدار
یاتدی علم . علم تک اوز قامتی خم اولدی

(خوندل) اورکده دردون وار ، آغلا ایسته درمان
باخما بو غم ایدیبدور افکاریوی پریشان
بو دودمانه وور چنگ صدقیله ایله افعان
هر کیمسه چنگ ووردی دلشاد و خرم اولدی

• چهارشنبه
• 17
• شهریور
• 1400
• ساعت
• 14:32
• نوشته شده توسط
• یوسف اکبری

گلدی محرم یاحسین

باشلاندی ماتم یا حسین

گیدی قرا عاشقلرون

سسلوله با هم یا حسین

مظلوم حسین - مظلوم حسین

عطشان حسین - عطشان حسین

*

عاشقلرون باتدی غمه

غرق اولدی بحر ماتمه

ادون یازیلدی پرچمه

سسلندی پرچم یا حسین

مظلوم حسین - مظلوم حسین

عطشان حسین - عطشان حسین

*

قاره چکیلدی گویلره

غم گردی یاغدی یئرلره

ادون دوشوبدور دیللره

ای شاه اعظم یا حسین

مظلوم حسین - مظلوم حسین

عطشان حسین - عطشان حسین

*

یر . گوی باتوبدور ماتمه

اغلیر ملک لر بو غمه

ادون ائدوبلر زمزمه

سسلوله هر دم یا حسین

مظلوم حسین - مظلوم حسین

عطشان حسین - عطشان حسین

*

ماه عزا گلدی گینه

عالم باتوب غم گردینه

واردیر اگر دردین دینه

ای جان عالم یا حسین

مظلوم حسین - مظلوم حسین

عطشان حسین - عطشان حسین

*

گویده ملک لر یکسره

لایلای دیولر اصغره

زهرا دوشوبدور چوللره

اردینجه مریم یا حسین

مظلوم حسین - مظلوم حسین

عطشان حسین - عطشان حسین

*

زهرا دیر عطشان بالام

ئوز عشقینه قربان بالام

جان جان بالام جان جان بالام

سسلور دمادم یا حسین

مظلوم حسین - مظلوم حسین

عطشان حسین - عطشان حسین

*

شیر خدا ایلر نوا

زهرا دییر مظلوم بالا

سویلر اوغول گیتسن هارا

اردونجا گلم یا حسین

مظلوم حسین - مظلوم حسین

عطشان حسین - عطشان حسین

*

زهرا دییر لایلای بالام

مولا دییر ایوای بالام

ال باشدا سسلر وای بالام

جنتده خاتم یا حسین

مظلوم حسین - مظلوم حسین

عطشان حسین - عطشان حسین

*

زینب دییر ایوای حسین

ایوای حسینیم وای حسین

لای لای حسین لای لای حسین

دردوندن ئولم یا حسین

مظلوم حسین - مظلوم حسین

عطشان حسین - عطشان حسین

• چهارشنبه
• 18
• مرداد
• 1402
• ساعت
• 01:31
• نوشته شده توسط
• یوسف اکبری

گلدی ایّام عزا اولدی به پا غمخانه لر
قاره گیدی اگنینه باشدان گیچن دیوانه لر
سالیانه روضه سین برپا ائدوب کاشانه لر

یعنی آداب عزا،بیهوده تحلیل اولماسین
هر نه تعطیل اولسا اولسون روضه تعطیل اولماسین
_______

سُستیِ بزمِ عزانی خلقه فرهنگ ائتمیون
اعتقاد ملتی بو ایشله کم رنگ ایتمیون
یول گیدور مین دورت یوز ایل بو قافله،لَنگ ایتمیون

تا رگِ غیرتده قان وار،بزم ماتم زنده دی
اربعین زوّاری سسلر،کربلا پاینده دی
________

بیر مَرَض رایجدی که،دنیانی تسخیر ایلییوب
بعضی روشن فکر اولوب،عشاقی تحقیر ایلییوب
هیئتی لر،گور نجه بو عشقی تفسیر ایلییوب

ظلمتِ شبده قَمر،گوندن نجه گور،نور آلار
عقل ئوزی بابِ حسینده عشقیدن دستور آلار
_______

بیز حسینون یاسینی جانانه برپا ایلروک
عشقی الگوی تمامِ نسلِ فردا ایلروک
درس عاشورانی بیز،سرمشقِ دنیا ایلروک

هر محرّم روضه لرده، ناگران دیللر اَسر
چون بو ویروسین فقط بزم عزا نسلین کسر
_________

بیز حسینی ایستروک شخصِ پیمبر امرینه
ساخلاروق ماتم اونا،زهرای اطهر امرینه
تابعوک هر لحظه بیز کشورده رهبر امرینه

ایله بهداشتی رعایت سسله یا حیدر مدد
قُوی علی ائیتسون عنایت سسله یا حیدر مدد

• پنج شنبه
• 19
• مرداد
• 1402
• ساعت
• 00:54
• نوشته شده توسط
• یوسف اکبری

☑️ بند اول

مه ماتم گلیبدی آچیلیب قاره پرچم
گینه بو قلبیمه دولوبدی غم ماه محرم

کوی و معابرده گینه قاره علم لر اسیری
شیعه لرین بو همتی ریشه کفری کسیری

سلام ای غسلی قان اولان
سلام ای عشق جاودان
سلام یا حسین جان

? ابا عبدالله / ابا عبدالله / ابا عبدالله / ابا عبدالله

☑️ بند دوم

گوزل آدین حسین جان هامی درده دوادی
خدا بولور اهل عزانین جنتی کربلادی

گرد و غبار حرمی دِیر و کنشته وئرمرم
کربوبلا چوللرینی باغ و بهشته وئرمرم

منم درباریوه گدا
بو زاره قیل کرم شها
حسین یابن زهرا

? ابا عبدالله / ابا عبدالله / ابا عبدالله / ابا عبدالله

☑️ بند سوم

یا حسین اهل عالم عشقیوی دیلده بسلر
وار کیمین درد ناعلاجی آقام عباسی سسلر

کیمده حسینین عشقی وار بزم غم و یاسه گئدر
فاطمه دن برات آلار مرقد عباسه گئدر

سلام ای صاحب علم
سلام معدن کرم
سلام عشق عالم

? یا ابوفاضل (ع) / یا ابوفاضل (ع) / یا ابوفاضل (ع) / یا ابوفاضل(ع)

• پنج شنبه
• 23
• شهریور
• 1402
• ساعت
• 01:15
• نوشته شده توسط
• یوسف اکبری

☑️ بند اول

گلدی ایام غم آچیلدی قاره علم
گلدی محرم

شیعه گییدی قرا باشلادی شور و نوا
گلدی محرم

زمان نوادی یانا دل سزادی
عزای امیر و شه کربوبلادی

? حسین لک لبیک

☑️ بند دوم

اهل عالم بو آی آدیوی ائیلر هرای
سسلر حسین وای

انس و جن و ملک عرض و سما و فلک
سسلر حسین وای

آدین کیمیادی آقا باصفادی
آنام اورگدیبدی حسین درده دوادی

? حسین لک لبیک

☑️ بند سوم

دل قرارین آلان عاشقی درده سالان
قبریوه قوربان

هم آتام هم آنام هم گل زهرا بالام
قبریوه قوربان

بو درده دوا وئر مریضم شفا وئر
من بینوایه آقا کربوبلا وئر

? حسین لک لبیک

☑️ بند چهارم

گلیب آقا بلا اولدی جهان مبتلا
ای گل زهرا

شه لر الدن توتار عالمی غمدن قوتار
ای گل زهرا

امیدیم پناهیم منیم تکیه گاهیم
یاپیش اللریم دن چخیب گویلره آهیم

? حسین لک لبیک

• شنبه
• 25
• شهریور
• 1402
• ساعت
• 14:00
• نوشته شده توسط
• یوسف اکبری

☑️ بند اول

سلام اولا غمه نوا و ماتمه
سلام اولا گینه مه محرمه

سلام اولا بوتون اسن ، علملره
فدا عزایه یوز قویان ، قدملره

گینه خدنگ غم دل جهانه توش اولوب
حسینه آغلینلر ایندی قاره پوش اولوب
اجین اولوب غم و ملاله شیعه یکسره
نوای یاحسین توشوب تمام دیللره

قورولدی تکیه لر به پا اولوب بساط عشق
هرایه گلدی بیرده کشتی نجات عشق
محرم اولدی باشدان هر غمیم کنار اولوب
دیله فقط حسین فاطمه غمی دولوب

? غریب کربلا حسین ، غریب کربلا

☑️ بند دوم

من عاشقم سنه عزیز فاطمه
آدیوی ائیلرم دیلیمده زمزمه

سنین قاپیندا سائلم ،حسین آقام
فدا او قانلی تربته ، آتام آنام)۲

عنایت ائیله یاحسین دیلیمده یوخ دوزوم
قالیب صفالی مرقدینده سیدی گوزوم
همیشه واردی نوکره سنین عنایتین
نولار بو اربعین نصیب اولا زیارتین

جوار آلام زیارته امیر غرق خون
پیاده الده بیر علم گلم ستون ستون
مجاورین اولام مرامه قلبیمه چاتام
آقا سرشک چشمی خون قلبیمه قاتام

? غریب کربلا حسین ، غریب کربلا

☑️ بند سوم

منم همونی که غمت رو میخرم
همون گدایی که میخواد بره حرم

خودت هوامو داشته باش،، آقای من
هوای کربلا شده ،،هوای من

برای آخرین نفس حرم ببر منو
درسته لایقت نبوده ام بخر منو
بذار بیام کنار تو خودی نشون بدم
چشام به گنبد طلات بیفته جون بدم

تو آرزومو میدونی چشای نم میخوام
یه اربعین ازت تو رو خدا حرم میخوام
حرم ندیده ها مگه گناهشون چیه
جواب این همه غما و آهشون چیه

? غریب کربلا حسین ، غریب کربلا

• یکشنبه
• 26
• شهریور
• 1402
• ساعت
• 22:20
• نوشته شده توسط
• یوسف اکبری

گينه چاتدي ماه محرمون
اثر ائدي ديللره ماتمون
هامي يا حسين ديوب آغليوب
وئريلوبدي هر يانا پرچمون
یارالی حسین _ یارالی حسین

حرمونده واردي گوزوم حسين
سنه چوخدي غملي سوزوم حسين
اولالار فدا بالالاريوه
هم آتام ؛ آنام هم ئوزوم حسين

اورگيم قوشي حرمونده دي
هامونون گوزي كرمونده دي
بوتون انبيا بوتون اوليا
هامي سايه علمونده دي

سنيله اجين دي سرشتيميز
اودي غم دي دير و كنشتيميز
آقا جان او مكه ني نيلوروخ
حرموندي باغ بهشتيميز

• دوشنبه
• 6
• بهمن
• 1399
• ساعت
• 22:49
• نوشته شده توسط
• یوسف اکبری

گلدی ماه عزا ... دهر اولوب غمفزا
اوخشار حسینی
زهرا آناسی
عرشدن غم یاغیر . گرد ماتم یا غیر
مظلوم امامین
باشلاندی یاسی

عرشدن سس گلر . قالدی زهرا ملر
آغلیون شیعه لر
زهرا دو توبد ی . ماتم حسینه
آ لا ر بو غمده
خا تم حسینه

حلقه ی غم وورون . بزم ماتم قورون
شمع غم یاندورون
عالم سراسر ماتم سرادی
زهرا بو آیدا
صاحب عزادی

• دوشنبه
• 7
• تیر
• 1400
• ساعت
• 12:23
• نوشته شده توسط
• یوسف اکبری

‍ ‍ لاله زار اولا حسین کربلاسی آز قالور
قاسیمین باتا قانا طوی حناسی آز قالور

بیرده باشلانور گینه داستان کربلا
تشنه جان وئرننره نی لر ایلیور نوا
قاره گیدی شیعه لر آسمان دوتوپ عزا
دایر اولماغا حسین بزم یاس آز قالور

چوللری گزور هله پادشاه خون جگر
یوخ رقینون هله گوزلرینده اشک تر
سینه ی ربابیدن کوسمیپدی صود امر

صاحب علم آلپ اللره علم هله
حافظ علم اولوپ دست محتشم هله
عترتین امیدیدی اولمیپ قلم هله
باشلانا بیر اوخلی گؤز قُل عزاسی آز قالور

نه قمر کدرریدی غملیدی نه آفتاب
سر سر اسمییپ هله دوشمیپدی انقلاب
نظم عشقه یئر وئریپ عرش سینه ده رباب
عرشه قالخا ناله و آه و نواسی آز قالور

• چهارشنبه
• 18
• مرداد
• 1402
• ساعت
• 01:35
• نوشته شده توسط
• یوسف اکبری

اَیا سلطان لب عطشان
گینه واردی دلده افغان
درو دیواره قرا پرچم چکدی عشاقون یابن الزهرا
قرا پیراهن گین لر
سنه دیلدن آغلین لر
ایکی عالمده نظیری یوخ تکدی عشاقون یابن الزهرا
*یرلر /آغلار سنه گویلر / آغلار سنه
ائل لر / آغلار سنه حسین

ائدیبسن اسلامی زنده
یانار پیغمبر غمونده
علی و زهرا بهشت ایچره نوحه خوانوندی یابن الزهرا
عزادارون ذات یکتا
عزاخانه ن کُل دنیا
ملایک گویلرده مولاجان روضه خوانوندی یابن الزهرا
*یرلر /آغلار سنه گویلر / آغلار سنه
ائل لر / آغلار سنه حسین

سالوبسان غوغا جهانه
سینیق دل گلدی فغانه
آدون دیلده ورد اولوبدی چوخدان جوانلاره یابن الزهرا
گنه کاروخ گرچه مولا
گدانی گل قوما مولا
او زهرایه بنزین گوزله باخ عزاداره یابن الزهرا

*یرلر /آغلار سنه گویلر / آغلار سنه
ائل لر / آغلار سنه حسین

شهنشاه ماسواسن
امیر کرب وبلاسن
اوشاقلیقدان آستانوندا گلمیشم شوریله و نوایه
اگر چه مولا حقیرم
ولی عشقونده اسیرم
بودور آرزوم بو قرا کوینک تا کفن اولسون بو گدایه

*یرلر /آغلار سنه گویلر / آغلار سنه
ائل لر / آغلار سنه حسین

بولورسن من بی پناهم
گدایم من روسیاهم
الیمنن دوت عرصه ی محشر چون الیم بوشدی یابن الزهرا
جهانین ای پادشاهی
بو ((بیکَسین )) یوخ پناهی
آدین گلدی باشه شوقه بین الحرم دوشدی یابن الزهرا

*یرلر /آغلار سنه گویلر / آغلار سنه
ائل لر / آغلار سنه حسین

• پنج شنبه
• 21
• اسفند
• 1399
• ساعت
• 22:56
• نوشته شده توسط
• یوسف اکبری

گلوب ایام عزا/دیلده گینه واردی نوا
قره کوینک لرینی /گییدی گینه اهل ولا

نوکر شاهنشاهوخ هرایکی دنیا بسدی
اسدی قرا پرچم لر ریشه کفری کسدی

جان آقا سنه قربان آقا سیدالعطشان آقا جان آقا

آقامین نوکریم /ریزه خور اکبریم
منی مست ایلوب آقام/مستِ می و ساغریم

دوزدی فقیرم امّا گوهر نایابیم وار
یوخدی غمیم عالمده سن کیمی اربابیم وار

ای آقالار آقاسی/فاطمه نین گل بالاسی
هاراگیدسین بو گَدا/وار بو گَدانین هاراسی

شعله چکور قلبیمده عشقون اوتی سلطانیم

بو اوتی خاموش ایتمه تاکی چخینجا جانیم

گل گلزار ولا/قلبیلره نور و جَلا
باجوین خاطرینه/ویر بیزه بیر کرب وبلا

یوزیول اگر گلساخ بیز دویماروق آقا اوردان
ای او گوزل قبریوه جانیمیز اولسون قربان

وار اورکده کَدَریم/اشک توکور دیده لریم
دیلده کی دردیمه سن /چاره قیل ای تاج سریم

(بیکَسه)احسان ایله عاشق صادق اولسون
طعن وشمادتله گَل قویمابوگوزلر دولسون

• جمعه
• 22
• اسفند
• 1399
• ساعت
• 12:48
• نوشته شده توسط
• یوسف اکبری

مجلس غمدی / گویلرده ماتمدی
ماه محرمدی / ای اهل عالم

آغلییر طاها / باشه وورور مولا
نوحه دییر زهرا / برپادی ماتم

دیللرچکورشراره
گوز یاش آخور عذاره
صاحب عزا خدادی
عرشه چکوبله قاره

ایوای حسین یارالی۳

گوزلر ایسلاندی / عالم پریشاندی
چوخ غملی دوراندی / اون گون محرم

اون بیر آی گوزلر / اهل عزا یکسر
اربابینی سسلر / اون گون محرم

رخت عزا گیین لر
عشقونده آغلیین لر
غوغا سالار جهانه
ایوای حسین دیین لر

ایوای حسین یارالی۳

قلبیلر قاندی / دیللر گینه یاندی
زهرا نواخواندی / سسلر اوغول وای

اوغلونا آغلار / غم سینه سین داغلار
باشه قرا باغلار / سسلر اوغول وای

سسلر حسینیم ایوای
وار شور و شینیم ایوای
ایکاش آنان ئُولیدی
وای نور عینیم ایوای

ایوای حسین یارالی۳

جان ویرن عطشان / ای شاه مظلومان
جانلار سنه قربان / قلبه صفا ویر

پرچمون اَسدی / کفرون سَسین کَسدی
حاشا دییَم بَسدی / کرب و بلا ویر

ای فاطمه بالاسی
ای دردیمین دواسی
واردور باشیمدا مولا
بین الحرم هواسی

ایوای حسین یارالی۳

گلشنون سولماز / کیمسه تایون اولماز
گوزلر نجه دولماز / آدون گلنده

اودلانار دیللر / آغلار هامی ائل لر
مظلوم ئولن سسلر / آدون گلنده

خون خدا حسینجان
ای با صفا حسینجان
دویمازلا آغلاماخدان
اهل عزا حسینجان

ایوای حسین یارالی۳

بلبل زارم / مولا عزادارم
باخما گنهکارم / قووما قاپوندان

ای یوزی مهتاب / ایتمه منی بیتاب
من (بیکَسم) ارباب / قووما قاپوندان

بیر عمردور گدایم
چوخ درده مبتلایم
جان ویرموسن یارالی
گول آدیوا فدایم

ایوای حسین یارالی۳

• جمعه
• 22
• اسفند
• 1399
• ساعت
• 13:06
• نوشته شده توسط
• یوسف اکبری

گینه یاران داشدی بحربلا
شاه کربوْبلا،یاسی باشلاندی
خانم زهرا، سالدی باشه قارا
سیّدالشهدا، یاسی باشلاندی
محرّم گلدی، قارا گلدی
یئره گؤیلردن صدا گلدی

چکوب قاره، آسمانه فلک
ساکنان فلک، نوحه خوان اولدی
سماواته، ناله سالدی طنین
قلبی فاطمه‌نین، لخته قان اولدی
بوماتمده، یاندی قلب نبی
نازدانه‌سی بی آشیان اولدی
آچوب باشون،یکسر اهل سما
خمسة‌النّجبا،یاسی باشلاندی

معابرده، صف چکنلره باخ
سینه‌زنلره باخ، سینه داغلولّار
دوشوب شیعه،بحردردوْغمه
مسجده علمه، قارا باغلولّار
سالوب یاده،فاطمه بالاسون
قلبینین یاراسون،باهم آغلولّار
دئیورزهرا،جان یارالی بالا
شاه مُلک ولاء،یاسی باشلاندی

وورور باشه،عاشقان علی
شیعیان علی،بومصیبتده
علی سسلیر،سیندی بال وْپریم
اوْدلانوب جیگریم،بادمحنتده
چخوب عرشه،سوزآه حسین
خیمه‌گاه حسین،یاندی غارتده
امان ای دل،ائیله آه وْنوا
چون ولیّ خدا،یاسی باشلاندی

بوآیدا هر،کیم نوایه گله
آه و وایه گله،خواروْزار اوْلماز
قیامتده، اعتباره چاتار
افتخاره چاتار،اشگبار اوْلماز
ئؤلن وقته،ساغ سوْلا دوْلانوب
نارهجره یانوب، انتظاراوْلماز
گؤزوم آغلا،یاری ایله رضا
چون شفیع جزا،یاسی باشلاندی

بوگؤز یاشی،متّصل النور
گؤزده جلو‌لنور،شام عاشورا
گلور یاده،غصّه خاطره‌سی
خیمه منظره‌سی،قوْرخو صحراسی
رباب آغلور،گؤزده خون جگر
ضعف ائدوب سودامر،آه وْ واویلا
دییورآلله،جان وئروربوبالا
قالدی حالدان حالا،یاسی باشلاندی

گئجه گئچدی،اسدی بادخزان
مادرنگران،گلدی افغانه
آچوب بیرده،ماه پاره‌سینی
شیرخواره‌سینی،وئردی سلطانه
اوْغول گیتدی،شوق وصلتیله
تیرمحنتیله،باتدی القانه
کماندان اوْخ،آتدی حرمله تا
طفل ماه لقا،یاسی باشلاندی

حسین آلدی، باغرینا بالانی
آتدی عرشه قانی،گؤیلرآغلاشدی
ائدوب تأثیر،عرشیانه غمی
خیمه‌ده حرم حیدرآغلاشدی
دئدی لایلای، ای یارالی بالا
سس چکوب اوْ حالا،لشگرآغلاشدی
آتاسندان،قوْوزانوب بوندا
بانگ واولدا،یاسی باشلاندی
یا حسین مظلوم

ال اوز قانلو،گلدی خیمه‌لره
تا ربابه وئره،اوْخلی قربانی
خانم زینب،چخدی تئز قاباغا
عرض ائدیبدی آقا،پوْزمازهرانی
حسین قلبیم، سن کباب ائلمه
گؤز یاشن المه،سن آنام جانی
دئیوم گئیسون،بس قاراسین آنا
اوْغلی باتدی قانا،یاسی باشلاندی

• پنج شنبه
• 6
• خرداد
• 1400
• ساعت
• 12:27
• نوشته شده توسط
• یوسف اکبری

گئنه يالقوز امامون یاسی گلدي
حسينون یوم عاشورا سی گلدي

آچيلدي تکیه لرده قاره پرچم
قورولدي هر طرفده بزم ماتم
طلوع ائتميش مگر ماه محرم
دمادم موجه غم درياسي گلدي

حسینی لر گيوب ماتم لباسی
عروسين قانه دوندی طوي حناسي
جوانلار گئديلر اکبر قراسي
قولاقه لیلی واويلاسي گلدي

بو آیدا سو بهاسين قان يازوبلار
کتاب ظلمه چوخ عنوان يازوبلار
امامون قتلنه فرمان يازوبلار
حسينون قتلنون فتواسي گلدي

بو آیدا اوخلانوب شش ماهه اصغر
بو آیدا دوغرانوب شهزاده اکبر
ملک لر سسلدي الله اکبر
اوديکه ياننه ليلاسي گلدي

بو آیدا يخديلار عباسی آتدان
وئروب بير جوت قولون بير مشگه قربان
ديردي یول وئرون ای قوم عدوان
حسينون تشنه لب سقاسي گلدي

قويوبلار قاسمه بير طوي بناسين
سريه ايسلادوب قاندان حناسين
بيچوب خنجر تيکوب اوخ طوي لباسين
عروسين محنت عظماسي گلدي

حسین جان اوسته دی آلقان ايچينده
وجودی گيزلنوب پیکان ايچينده
گورنده زینبی عدوان ايچينده
حزين صوتيله وا اُختاسي گلدي

نجفدن باش آچوخ ساقی کوثر
بهشت عدندن جدی پیمبر
بقيعدن مجتبی زار و مکدر
الينده ساچلاري زهراسي گلدي

قوشوندان آيريلوب شمر ستمگر
نه ظلم ائتدي آچوب باشین پیمبر
جدادن سس گلوب الله اکبر
بنات حيدرين غوغاسي گلدي

اسوبدي قاره يللر گون دوتولدي
حسین قتله يتشدي ایش قوتولدي
ئولوبدور باغبان گلشن پوزولدي
اسارت طرحنون طغراسي گلدي

"کريمي" مسئلت ايلر خدادن
اميدين کسمه سین آل عبادن
گئدنده قبره بو دار فنادن
گوره بالينينه مولاسي گلدي

• یکشنبه
• 9
• خرداد
• 1400
• ساعت
• 21:00
• نوشته شده توسط
• یوسف اکبری

ماه عزا ماه محرم گلور
قلبلره غصه گلور غم گلور
ور خبر ای باد صبا ایللره
شیعه لره موسم ماتم گلور
ماه محرم گلور

زادهٔ مرجانه گوروم عار اولا
لعن حقه روحی گرفتار اولا
سهمی جهنمده اونون نار اولا
دین ایوین ایتماخلقا بر هم گلور
ماه محرم گلور

کرب و بلا دشتینه طوفان گلور
هر نه گلور واله و حیران گلور
قافلهٔ شاه شهیدان گلور
نوح گلور عیسی مریم گلور
ماه محرم گلور

لرزیه ای شیعه فلکلر گلور
ناله و افغانه ملکلر گلور
درد و غمه جمله اورکلر گلور
دللره غم دیده لره غم گلور
ماه محرم گلور

باشلانیر ایام عزای حسین
روضه و مرثیه سرای حسین
آغلیاقون بیزده برای حسین
روضه سینه آدم و خاتم گلور
ماه محرم گلور

بیزده گلون باشه قرا باغلیاخ
سینه ویراخ سینه لری داغلیاخ
نوحه دیاخ ناله ایدوب آغلیاخ
آغلاماقا اهل دو عالم گلور
ماه محرم گلور

لعن خدا شمر ستم پروره
ظلم و جفا ایلدی پیغمبره
لرزه سالیب گوگلره هم یرلره
اهل سما فرشه مسلم گلور
ماه محرم گلور

ماه محرمده اولوبدور عیان
ظلم یزید عالمه ای شیعیان
زینب مظلومه نی آغلار قویان
لشگر خونخوار دمادم گلور
ماه محرم گلور

کیم اولور آماده حسین یاسینه
بسته دی هر کیمسه نین احسانینه
شیعه لرین حضرت عباسینه
دردیوی ده صاحب پرچم گلور
ماه محرم گلور

ماه محرم ده سویون یولارین
باغلادیلار صاقلارین هم صولارین
سالدیلار عباسین اوزون قولارین
آغلاسا هر کیم اونا مرهم گلور
ماه محرم گلور

ماه محرم ده یاغیب قان یره
نقش اولونوب جسم شهیدان یره
سانکه دوشوب آیهٔ قرآن یره
خدمتینه حضرت آدم گلور
ماه محرم گلور

سنده "امینی" یوزه اشکون اَله
عالمه قوی روشن اولا مسئله
شاه شهیدان یخیلان مقتله
قامتنی زینب ایدوب خم گلور
ماه محرم گلور

• جمعه
• 22
• مرداد
• 1400
• ساعت
• 18:22
• نوشته شده توسط
• یوسف اکبری

سسلندی کربلا ای کعبةُ الحرام
گوندر حسینیمی من یاخشی ساخلارام
شهزاده اکبرین ششماهه اصغرین
سینم شکاف ائدوب جان تک قوجاقلارام

کوه منا سنون میدانی وئر منه
هاجرده صبر یوخ لیلانی وئر منه
یتمیش ایکی سوسوز قربانی وئر منه
توپراقیمه منیم آرتورسون احترام

وار زمزمون سنون منده فرات وار
قلبیمده چشمۀ آبِ حیات وار
وئر اصغری منه منده ثبات وار
لایلای دیوب اونی راحت یاتوردارام

اُمُّ القُراء سن، اُمُّ المصائبم
خاک شفا منم، هر درده غالبم
خون خدائیله ، دائم مصاحبم
حتی حسینیله جنتده من وارام

خلق ایلیوب منی چون حی و کردگار
زهرانون اوغلونا مدفن ویروب قرار
عرش معظّمه وار منده افتخار
بو شأن و شوکتی الدن بوراخمارام

خاکیمدی کیمیا داشیم جواهرات
منده مقام ائدر ، حَلّالِ مشکلات
هر مشکله دوشن، منده تاپور نجات
حق منده ایلیوب ئوز نعمتین تمام

اوچ گون قاپون آچوق تک اغنیالره
سنده طوافه یوخ یول بینوالره
فیضیم یتر منیم شاه و گدالره
درگاه رحمتی من باغلی قویمارام

بیر قطره تربتیم طوفانی ساخلادی
نوحه تلاطمِ دریانی ساخلادی
سنده کسیلمدی قربانی ، ساخلادی
الله فدالری منده ائدر خرام

مدّتدی گوزلرم شبه پیمبری
تأخیره سالما چوخ قوی گلسون اکبری
سرسون بو سینه مه زلف معنبری
بیر تار مویینی دنیایه وئرمرم

عباسه وئرمیشم اطراف علقمی
گلسون حسینون اول همراز و همدمی
وورسون گرک ئوزی نهر اوسته پرچمی
شاهون وزیریدور زحمتده قویمارام

شهزاده اصغرین ویرسه منه رباب
بیر دایۀ کَمین، ائتسون منی حساب
اول طفلون ایلرم گهوراه سین تراب
من یاخشی آغلارام من یاخشی اوخشارام

لیلا آچاندا باش بیگانه گورمه سون
تلّیم حجابدور میدانه، گورمه سون
زینب ،حسین دوشوب طوفانه ، گورمه سون
طوفان اشکیمی گوزدن قوتارمارا

بیر منزل ائتمیشم آماده قاسمه
تا یادگار اولا دنیاده قاسمه
طوی ایلسه حسین شهزاده قاسمه
داماده من گرک طوی حجله سی قورام

• دوشنبه
• 12
• تیر
• 1402
• ساعت
• 22:43
• نوشته شده توسط
• یوسف اکبری

ایلده بو آی دنیا دیر ایوای حسینیم وای

آغلار خانم زهرا دیر ایوای حسینیم وای

ای دیده باخ تا گور نه وار عشقین دیارینده

یورقون بسیجی اگلشوب سنگر کنارینده

وار آرزوی کربلا قلب فکارینده

صبری اولوب یغما دیر ایوای حسینیم وای

لب تشنه لر مولاسینه بیزدن سلام اولسون

ایام عاشوراسینه بیزدن سلام اولسون

هم دوغرانان اعزاسینه بیزدن سلام اولسون

آدم دیر حوا دیرایوای حسینیم وای

گلدی محرم دهه سی شیعه فغان ایلر

اهل عزا دلده نوا اشکین روان ایلر

بو آیدا زهرا گلشنین صرصر خزان ایلر

باشین آچوب طاها دیر ایوای حسینینم وای

گون چیخسا عرشه یدی گون باش چکسه کیوانه

کرب و بلانی گورجاقین قلبی دونر قانه

گر باخسا سقا خانه دی سقای عطشانه

دلدن گورر سقا دیر ایوای حسینیم وای

چاووشه سویله پرچمین ایتسون عیان آچسون

تاخیر ائدوب رزمنده لر یول کاوان آچسون

کرب و بلا دروازسین آز قان قالدی آچسون

یاران عاشورا دیر عاشورا دییر ایوای حسینینم وای

آز قالدی غمدن عالمین قلبی کباب اولسون

گول یوزلی قربانلار اوزی قانلان خزاب اولسون

صاحب زمان آغلور گوروم دنیا خراب اولسون

چوللرده اول مولا دیر ایوای حسینیم وای

آغلا کلامی فاطمه گریاندی بو آیدا

گوز یاشی گیزلین دردیوه درماندی بو آیدا

پیغمبر اوغلی ظلمینن دوغراندی بو آیدا

صدیقه کبری دیر ایوای حسینیم وای

• چهارشنبه
• 18
• مرداد
• 1402
• ساعت
• 01:29
• نوشته شده توسط
• یوسف اکبری