اشعار استقبال از محرم

سبک یاران اگر دل تو را شکستند...

یاران
گلدی مه شور و شهامت
ذکر الم درد و شهادت
گل ناله و افغان و داده
خاموش اولوب شمع هدایت

کر:
باشلاندی گل حسین عزاسی
گوزیاشیون چوخدور بهاسی

یاران
غم یوز ویروب بوآی حسینه
آغلار آناسی نور عینه
گی اگنیوه سنده قراسین
گل بزم غمده شورشینه

یاران
چاتوبدی غم ارض و سمایه
یرگوی گلوب شورونوایه
گینه گلوب مه محرم
گلدی حسین کرب وبلایه

یاران
حسین ایدوب بوآیدا نهضت
قرآن و دینیدن حراست
اولوبدی یاوری بیرعده
ویرن جانین تاپوپ سعادت

یاران
شیعه باتار بو آی عزایه
قاره گیوب گلر نوایه
سینه ویروب سسلر حسین وای
سس قوزانارعرش خدایه

یاران
گرک شهید کربلایه
او لنگر زمین سمایه
اولا آناسنا تسلی
باتاخ محرّمی عزایه

یاران
اولیدی قان شط فراتی
ضیقه سالار بو آی حیاتی
باغلار عدو سویون یولونی
تشنه قویار پیرو بناتی

یاران
بلبل کیمی پر بسته اصغر
آج دور سوسوزدی خسته اصغر
نه واردی سو نه صود ویرولسون
دوزنموری جان اوسته اصغر

یاران
گل غنچه سی بو آی سولوبدی
قونداقی قانیله دولوبدی
چوخ ظلم ایدوب اوچ پرآتان اوخ
قانین توکوب پرپر اولوبدی

یاران
بوآیدا بیراولدوز باتوبدی
هم آج همی سوسوز یاتوبدی
بیرصود امر دلسیز اوشاقه
دونان کوفه اوخ آتوبدی

یاران
بو آی باتوب مه وستاره
ایدوبله پیکرینی پاره
اسوبدی صرصر عداوت
ویروبلا یاره اوسته یاره

یاران
چکوبدی نظمه بو بیانی
فدا اولا بو دینه جانی
اواهلبیته خادم (عدلی)
ایدر حسینه نوحه خوانی

• چهارشنبه
• 17
• دی
• 1399
• ساعت
• 20:56
• نوشته شده توسط
• یوسف اکبری

ياران گلور محرم ايام غصّه و غم
برپا ايدون ئوركده بزم عزا و ماتم
مظلوم حسين حسين جان
جانلار حسينه قربان

قاره چكون سرايه ديلدن گلون نوايه
پير و جواني يكسر دعوت ايدون عزايه
مظلوم حسين حسين جان
جانلار حسينه قربان

قالمور داخي شكيبا بيلسون هامي بو آيدا
صحراي كربلاده محشر اولوبدي برپا
مظلوم حسين حسين جان
جانلار حسينه قربان

بو آيدا جوش ايدر قان انس ايله آغليار جان
يتميش ايكي مجاهد قانه اولوبدي غلطان
مظلوم حسين حسين جان
جانلار حسينه قربان

خورشيد جان سونوبدي قلبيم قانا دونوبدي
قانياش عذاره باغلا اكبر جوان اولوبدي
مظلوم حسين حسين جان
جانلار حسينه قربان

نهرين سويي رواندي عطشان رقيه ياندي
اربابين الي اوسته اصغر قانا بوياندي
مظلوم حسين حسين جان
جانلار حسينه قربان

نهره گليب دي سقا اطفاله سو آپارا
قولار قلم اولوبدي قانه اولوب محنّا
مظلوم حسين حسين جان
جانلار حسينه قربان

يابن الحسن بو حالدا جدّون حسينه آغلا
دالدان باشين كسيبلر باشون ساق اولسون آقا
مظلوم حسين حسين جان
جانلار حسينه قربان

• سه شنبه
• 30
• دی
• 1399
• ساعت
• 17:09
• نوشته شده توسط
• یوسف اکبری

ديل اوينه غم گلور //// موسم ماتم گلور
قاره گيون شيعيان //// ماه محرم گلور
شاه لب عطشان حسين //// جان سنه قربان حسين

ديده بو آي قان اولوب ///////قورخلي طوفان اولوب
يتميش ايكي جانفدا /////// قانينه غلطان اولوب
شاه لب عطشان حسين //// جان سنه قربان حسين

عالمه طوفان دوشوب //// ديللره افغان دوشوب
شيعه لرين يادينه ////شاه شهيدان دوشوب
شاه لب عطشان حسين //// جان سنه قربان حسين

شيعه گلور ماتمه ///// شادي دونوبدور غمه
باتدي بو آيدا قانا ////// بند دل فاطمه
شاه لب عطشان حسين //// جان سنه قربان حسين

قلبوزي قان ايليون ///// آه و فغان ايليون
تشنه حسين آديني //// ورد زبان ايليون
شاه لب عطشان حسين //// جان سنه قربان حسين

ماه عزادور بو آي ///// ماه نوا دور بو آي
آل علي مسكني ///// كرب و بلادور بوآي
شاه لب عطشان حسين //// جان سنه قربان حسين

ظلمين اليندن هاراي//// قاندي اورك واي واي
اكبر گلگون قبا /// قانه باتوبدور بو آي
شاه لب عطشان حسين //// جان سنه قربان حسين

داي دوداقا گلدي جان ///// عالمه دوشدي فغان
قولاري تندن دوشوب ///// ساقي لب تشنگان
شاه لب عطشان حسين //// جان سنه قربان حسين

داغ داشا دوشدي صدا ///// يوخدي بو درده دوا
قانينه غلطان اولوب //////قاسم نو كدخدا
شاه لب عطشان حسين //// جان سنه قربان حسين

دولدي اورك قانيلن //// ناله و افغانيلن
اصغره سو ويرديلر //// ناوك پيكانيلن
شاه لب عطشان حسين //// جان سنه قربان حسين

گي قرووي (آذرين) ////// ناله ايدوب اول غمين
چونكي گلوب ناليه //// عرش و زمان و زمين
شاه لب عطشان حسين //// جان سنه قربان حسين

• سه شنبه
• 30
• دی
• 1399
• ساعت
• 17:11
• نوشته شده توسط
• یوسف اکبری

يتيشدي ماه غم //// مه غم و الم
هامي عوالمه //// ويرون قرا علم
گينه گلوب مه محرم
دوتوبدي عرش و فرشي ماتم
حسين حسين جان
شه لب عطشان

ديله فغان دولوب ///// چمنده گل سولوب
حسين فاطمه ////// بو آي شهيد اولوب
اورك دوباره غمده ياندي
گينه هزاره نوحه خواندي
حسين حسين جان
شه لب عطشان

بو آيدا اي خدا ///// شبيه مصطفا
حسينون اكبري /////اولوبدي جانفدا
باتوردي ليلي ني عزايه
عباده گلدي غم سرايه
حسين حسين جان
شه لب عطشان

• سه شنبه
• 30
• دی
• 1399
• ساعت
• 17:13
• نوشته شده توسط
• یوسف اکبری

بونه شورش دی گينه عالم امكانه دوشوب
بونه غوغادی نه بلوادی دل و جانه دوشوب

قارالوب رنگ هوا؛ چشم زمان آغلادي قان
هامي آفاقه دوشوب سس اوجالوب آه و فغان
آغلاشور حور و ملك عالم پيدا و نهان
موج غم شوره گلوب قلب محبّانه دوشوب

گوييا يئرده بوآي محشر كبري گورونور
ديينوب بيربيره عالم بيله بلوا گورونور
كاينات ايچره عجب قورخولي غوغا گورونور
بيربويوك غصّه بوآيدا دل انسانه دوشوب

بونه آيدي گيينوب دشت و چمن قاره عبا
بونه آيدي گل اولوب بلبليلن نوحه سرا
بونه آيدي يئره گويدن توكولورگرد عزا
سيل غم دور؛ دييه سن باغيله بستانه دوشوب

صبح تيره گوره سن هاردان اولوب روي نما
يا طلوع ؛ گون ايليوب غرب جهاندان عجبا
نه فقط نسل بشر قورموشيدي بزم عزا
بلكه آشوب و نوا حوري و غلمانه دوشوب

بومحّرم آيي دور ماه غم وغصّه و شور
بوهمان آيدي كه قلبيم باشي يانور آليشور
هامي بوآيدا حسين بن عليدن دانيشور
اسم اعظمدي بيله ديللره مستانه دوشوب

بيربويوك غم ولي ايتدي هامي عشّاقي دلي
ديـل گـريـزه تـلـسـور يـاده دوشـوب پورعـلي
سـرسـپــهـدارحـسـيـن دفـتـرغـيــرت غــزلــي
مـيرشجعان عرب ايمدي بـوعــنـوانه دوشوب

آي اباالفضله اولان دردي دخيل اول آقيا
اوني وير آندا اوساعاته يتيشموشدي سوا
لبلرين سوزعطش پارچالاميشدي عجبا
ايچمدي سودا كانه گوزي طفلانه دوشوب

دولدوروب مشكي سودان قصدايليوب اخيامي
يتيره بيلسه سوسوزلاره سويي اول ساقي
غصه لر زايل اولار داي قوتارار آلامي
ولي افسوس يلين زورقي طوفانه دوشوب

يوليني سالدي آقا جانب نخلستاندان
يتيره تز سويي اخيامه گچوبدور جاندان
بلكه شرمنده آقا اولميا اول طفلاندان
ياخاسي مردخدانين يد نادانه دوشوب

سـاق صولون سالدي عدوقلبيـني غم يانديردي
مـشـكـيـنـه دگـدي بـيـراوخ تــارامـيدين قيردي
آه اوْ ساعـت باشـيـنـا نـوفــل عمودين ويـردي
هله قالسين او دلاور نئجه ميدانه دوشوب

اوجا یردن دوشوراما آقانین اللری یوخ
ساق گوزوندن ده اصابت ایدوب اوچ شعبه لی اوخ
یوخدی داده گلنی دوره ده دشمنلری چوخ
کشتی حیدر کراریدی طوفانه دوشوب

یره گویدن یخلاندا یتشوب داده بتول
ایتدی فرمایش اوغول سینمه گل اولما ملول
سنه لایلای چالار ایمدی گوزلیم شخص رسول
ایشون ایندی بیلورم شاه لب عطشانه دوشوب

چاغیرامدادوه دای غمده یانان قارداشووی
غم هجرونده اولان قدی کمان قارداشووی
سسوی تلیده آلجاخ سارالان قارداشووی
شیرمردی بیله جک دست لئیمانه دوشوب

يوز دوتوب خيميه قارداش ديدي فرياديمه گل
چوخدي اطرافيده ياره ويران امداديمه گل
قولاريم دوشدي باشيم پارچالانيب داديمه گل
گل ننون فاطمه نين ده گوزي پيكانه دوشوب

• سه شنبه
• 30
• دی
• 1399
• ساعت
• 17:15
• نوشته شده توسط
• یوسف اکبری

ماه محرم گلدی شیعه دوتوب ماتم
قاره گییندی عالم اسدی قرا پرچم
قاره چکیبلرعشاق کوچه و بازاره
ذکر"حسینیم وای"دان دیللره گلدی غم
گلدی گینه ماه غم و دیللر دولی غمدی
دیللر سوزی سقادی گینه مشک و علمدی
باشلاندی حسینون
ایام عزاسی
زهرانون اوجالدی
یر گویده نواسی
یاابی عبدالله۴

شیعه لر اولسون قربان شاه شهیدانه
آغلیار عالملر یتمیش ایکی قربانه
هامیدان آرتیخ سسلرشیعه ابالفضلی
مثلی اونون دای گلمز بیرده بودورانه
گلدی گینه ماه غم و دیللر دولی غمدی
دیللر سوزی سقادی گینه مشک و علمدی
باشلاندی حسینون
ایام عزاسی
زهرانون اوجالدی
یر گویده نواسی
یاابی عبدالله۴

عشقوه یا ثارالله منده گرفتارم
فخر یله درگاهونده نوکر دربارم
واردی اورکده دردیم ایله نظرمولا
دربدر و مفلوکم زارم و بیمارم

عشقونده منم غمکش و آواره و حیران
گورسم او گوزل قبروی راحت ویررم جان

ایله منی دعوت
شش گوشه مزاره
قویما آخا اشکیم
حسرتله عذاره

یا ابی عبدالله۴

کرببلا اولدوم من عشقوه دیوانه
یوخ داخی طاقت منده بیربیله هجرانه
یاده دوشنده یانام مرقدشش گوشه
آنداولا یتمیش ایکی قانینه غلطانه

عشقونده منم غمکش و آواره و حیران
گورسم او گوزل قبروی راحت ویررم جان

ایله منی دعوت
شش گوشه مزاره
قویما آخا اشکیم
حسرتله عذاره

یاابی عبدالله۴

اربعین اولدی ماتم سینه لری دلدی
کرببلایه زینب زار و حزین گلدی
یدی قدم قالاندا دوشدی یوزی اوسته
سالدی اوزین قبراوسته خاطری دینجلدی

سسلندی حسین گوزلرون آچ زار و ملولم
گورسون تانمازسان باجووی دخت بتولم

هانسی غمی قارداش
اول ایلیوم فاش
سس ویر بوحزینه
آی غم گونی یولداش

یاابی عبدالله4

اهل وعیالون گلدی سالم و غمدیده
منده سنه زوارم حزین و دلخسته
اولدی رقیون قالدی شامیده آی قارداش
ایتدی بوغمده سندن زینبی شرمنده

سالدی بالانون اولمگی شاماتیده طوفان
قالدی او بالا کاخ یزیدی ایده ویران

خیردا گوزی سوزی
اولدوز کیمی باتدی
باشون قوجاقیندا
آمالینه چاتدی

یاابی عبدالله4

• سه شنبه
• 30
• دی
• 1399
• ساعت
• 17:17
• نوشته شده توسط
• یوسف اکبری

فارسی

آمد ماه عشق و ماه محرم
قلب محبان شد آماج ماتم
شد سينه ها غرق غم و اندوه و افغان
ماه عزا آمد شده دل ها پريشان
شد ديده گريان //// مظلوم حسين جان
اي شاه عطشان //// مظلوم حسين جان

شد در چمن نالان مرغ غزلخوان
درگلشن هستي شد غنچه گريان
بلبل كند ناله به دشت و كوه و صحرا
شد ماه ماتم و عزا آه و واويلا
شد ديده گريان //// مظلوم حسين جان
اي شاه عطشان //// مظلوم حسين جان

آمد به دشت غم مير شهيدان
زد خيمه غم را در آن بيابان
شد كربلا رنگين به خون آل طاها
غرق عزا شد حيدر و طاها و زهرا
شد ديده گريان //// مظلوم حسين جان
اي شاه عطشان //// مظلوم حسين جان

تركی

قلب محبانه غم گلدي الله
فصل عزا و ماتم گلدي الله
دولدوردي دنياني "اي واي حسين واي"
درده بو غمده سينم گلدي الله
گلدي گينه ماه عزا ماه محرم
هركوي و برزنده گينه نصب اولدي پرچم
اولدوخ نواخوان //// مظلوم حسين جان
اي شاه عطشان //// مظلوم حسين جان

ياغدي بو آيدا قان كرب و بلاده
غرق اولدي عرش و فرش ْآه و نواده
سولدي گلستان حيدر بو آيدا
اولدي حسين دشت محنت فزاده
باشين آچوب افغان ايدر طاها بو آيدا
باشه ويرار قان آغليار زهرا بو آيدا
اولدوخ نواخوان //// مظلوم حسين جان
اي شاه عطشان //// مظلوم حسين جان

گي قارووي باشه وير سينه داغلا
شيعه بو آي باشه سن قاره باغلا
يتميش ايكي قربانه كربلاده
افغانه گل ناله ايله قان آغلا
قانه باتار عباسيلن اكبر بو آيدا
اوچ شعبه ايله اوخلانار اصغر بو آيدا
اولدوخ نواخوان //// مظلوم حسين جان
اي شاه عطشان //// مظلوم حسين جان

• سه شنبه
• 30
• دی
• 1399
• ساعت
• 17:19
• نوشته شده توسط
• یوسف اکبری

شـيـعـيـان گـلـدي مـاه مــاتم
مـاه پــر ســوز غصّه و غم
قاره پوش اولدي جمله عالم
گـلــدي مـــاه غــــم محــــرّم
اي صبا ويرخبر علي شيعه سينه
ســرمه غم چكه هامي ديده سينه
حسينيم واي
حسينيم واي

باشلانوب نوحه و عـزالـر
مـــاتــــم زاده پـيــمـبــر
هريره قاره نصب اولوبدي
داشلانوب سينه لرده غملر
كوفيلر ظلم ايدوب بو آيدا علني
غرق اولوب ماتمه رسول مدني
حسينيم واي
حسينيم واي

غم لنيب دي بو آيدا ايللر
غصه دن باغدا سولدي گوللر
بلبلين حالي پوزقون اولدي
مرثيه نقل ايدولـله ديللر
گوييا كائناتي ماتم بورويوب
گوييا غنچه لر بوداغدا چورويوب
حسينيم واي
حسينيم واي
يرگويه قان دولار بو آيدا
غنچه گوللر سولار بوآيدا
غـم يـلي عتــرت رسولين
تـللـريـني يــولار بـو آيدا
كوفيان ؛ اكـبــري قـانـيـــنا بلــيير
كـــربلا ؛ جنته بو آي فخــــرايليير
حسينيم واي
حسينيم واي

دشـــت محنتـــــده ميزبانلار
مهمـــانيـن دوره سين آلالار
اصغرين سويريــــنه دشمن
اوچ پر اوخ حلقينه ويرالار
الامان شـام و كوفه اهليندن آمان
اصغــــرين حالينه يانار پير و جوان
حسينيم واي
حسينيم واي

(آذرين) بوغمه چوخ آغلار
سينه سين ماتميله داغلار
قولاري باغلي اولدي اصغر
قاره سين باشه شيعه باغلار
اصغرين ؛ كسدي اوچ پراوخ حنجريني
ساربان ؛ كسدي اربابين اللريني
حسينيم واي

• سه شنبه
• 30
• دی
• 1399
• ساعت
• 17:21
• نوشته شده توسط
• یوسف اکبری

گینه گلدی ماه ماتم اولدی قلبیم قان حسین جان
چکلوب دنیایه قاره هامی سسلور جان حسین جان
گلوب ماه عزا ....اسورقاره لوا
دوشوبدی دیللره ... حدیث کربلا
(شه گلگون قبا .... سنه جانلارفدا
حسین جانم حسین۴)

قوتاریب ایام شادی باشلانوبدی موسم غم
یره گویدن سس یتیشدی ایهالناس اولدی ماتم
قوتاریب ذی حجه آیی گورسنوب ماه محرم
دیه جک اون گون یراهلی گوزلری گریان حسین جان
دولوب قلبه محن....اولوب غملرعلن
گیوب قاره علی.... الورگوزیاش حسن
(شه گلگون قبا .... سنه جانلارفدا
حسین جانم حسین۴)

گل وگلزار محمد ظلمیلن سولدی بو آیدا
قلب محزون بتوله لخته قان دولدی بو آیدا
خانه عشق و محبت چون خراب اولدی بو آیدا
دهم ماه محرم اولاجاخ طوفان حسین جان
اورکلرقان اولوب .... بوتون گللر سولوب
بتولین قلبینه ... بو آیدا قان دولوب
(شه گلگون قبا .... سنه جانلارفدا
حسین جانم حسین۴)

• سه شنبه
• 30
• دی
• 1399
• ساعت
• 17:23
• نوشته شده توسط
• یوسف اکبری

محرم گلدی غـم گلدی فلک آغلار حسینه
خانیم زهرا دییَر لایلای ملک آغلار حسینه

باشـلانوب بزم عـزا عرش و فلک گیدی قرا
عرشیـان درده گلوب ، جِن و ملک گیدی قرا
آغلیان ، سینه وئران ، غملی اورک گیدی قرا
وئراندا سینـه عاشقللر اورک آغلار حسینه

گینـه هر کوچـه و هر کویَ علم باغلادیلار
گینه غملی سینمی نوحه دیوب داغلادیلار
فرشیـان نوحـه دیوب اهل سما آغلادیلار
سولوب گلزار عاشورا چیچک آغلار حسینه

دیللـره دوشدی گینـه کربوبلا زمزمه سی
یـاندیـرور سینه لری قبر حسینون هوسی
گویللره چاتدی بوآی فاطمنون نوحه سسی
باشیندا وار قرا معجر لِچـک آغلار حسینه

اون بیـر آی گوزلموشـوخ تا گله ایام عزا
عرش و فرشه بو بیر آیدا چکیله بلکه قرا
باشـلانا نوحـة غـم درده گله عرش خدا
علی نوحه دیین وقتده فدک آغلار حسینه

کوفیان بیکس حسینون غمینی چوخلادیلار
اکبـر و قاسـم و سـرلشکـرینی دوغرادیلار
صودامر اصغـرینی کوفـه لیلـر اوخلادیلار
چالاندا ال ایـاق اصغر -بَلک آغلار حسینه

کربلاده ییغشوب محشر ائدوب کوفه لیلر
آل طـاهـایـه خیانتـلر ائدوب کوفه لیلر
فاطمه غنچه لرین پر پر ائدوب کوفه لیلر
بو بَلواده بوتون نان و نمک آغلار حسینه

• دوشنبه
• 6
• بهمن
• 1399
• ساعت
• 22:48
• نوشته شده توسط
• یوسف اکبری

باشلاندی یارب حسینون عزاسی
زهرانین عرشه اوجالدی نواسی
گویلر مست اولموش نوایِ حسینه
عاشقدی الله عزایِ حسینه

گلدی محرم _ باشلاندی ماتم

گینه آچیلدی پرچمون قورولدی بَزم ماتمون
هامی قرا گیوب،یواش یواش گلور محرمون
دخیل اولان نوایه گل مریض اولان عزایه گل
آلوبدی غم عَلاجیوی بو بزم با صفایه گل

باشلاندی یارب حسینون عزاسی
زهرانین عرشه اوجالدی نواسی
گلدی محرم _ باشلاندی ماتم

رقیه‌نون فداسی ام اَبَلفضین گداسی ام
بوغازی یاره اصغرین اسیر و مبتلاسی ام
بولوت مثالی دولموشام اورک دولوب توتولموشام
دیلیمده ذکر یا حسین دخیل پرچم اولموشام

باشلاندی یارب حسینون عزاسی
زهرانین عرشه اوجالدی نواسی
گلدی محرم _ باشلاندی ماتم

گرک علیِ اصغرین آدین یُووام گلابیله
یانام سوسوز دوداقینه گوزومده اشک نابیله
دوشنده یاده لبلری نوایِ دل کبابیله
دویونجا روضه اوخشاما دییَم اونا ربابیله

باشلاندی یارب حسینون عزاسی
زهرانین عرشه اوجالدی نواسی
گلدی محرم _ باشلاندی ماتم

اورک یانیر ملالیله آچانمورام نه چوخ سوزی
نه مرکب و اُوزَنگیدن دینمورم نه رُخ سوزی
بوقدری‌فاش‌ائدیم‌فقط‌حسینی‌یاندیریب‌بوسوز
اولوبدی‌دیلّرین‌سوزی عمود اوش پراوخ سوزی

باشلاندی یارب حسینون عزاسی
زهرانین عرشه اوجالدی نواسی
گلدی محرم _ باشلاندی ماتم

• یکشنبه
• 19
• بهمن
• 1399
• ساعت
• 22:23
• نوشته شده توسط
• یوسف اکبری

ای نوه‌ی پیغمبر
یتیشدی موسم عزا یا مهدی
چکیلدی هر یانا قرا یا مهدی
اوجالدی گویلره نوا یا مهدی

هاردا قالوبسان تئز گل
قورولدی بزم تعذیه یا مهدی
آچیلدی ذکر مرثیه یا مهدی
پوزولدی دشت ماریه یا مهدی

اسدیغیجه پرچم لر
اسر حسینون عشقینه بو دل ‌لر
یادا دوشر الهی یانموش تئل لر
دوشر خیالیمه بوکولموش بئل لر

هر کیمی گوردوم آغلور
باشی بدندن آیریلان سلطانه
وورولا سینه ساقی عطشانه
دیوله چوخلی نوحه‌لر پیکانه

روضه دِیولسه گوزدن
گزومده گوزیاشیم دونر القانه
گذاریمی سالار منیم میدانه
دویونجا آغلار شهِ عطشانه

صود امر آدی گلسه
او‌ طفله آیه آیه قرآن آغلار
بوغازینه دینده پیکان آغلار
آناسی وای بالام دیوب قان آغلار

• چهارشنبه
• 22
• بهمن
• 1399
• ساعت
• 19:58
• نوشته شده توسط
• یوسف اکبری

چرخ چارمدن بو آی فریاد واویلا گلور
کربلایه قبریدن،اوغلی ئولن زهرا گلور

سیّد بطحا بو آی دعوانی ایتموشدی حرام
کوفیان قتلِ حسینه ائتدولر اما قیام
اؤلدوروبلر آل طاهانی بو آیدا اهل شام
یتمیش ایکی عاشقه مینلر نفر دعوا گلور

دوغریوبلار ریزه ریزه شبه طهٰ،اکبری
قطعه قطعه اولدی،دگدی بیربیره گول پیکری
باغبان یغدی عبایه اوردا یاسِ پرپری
واعلی اکبر دیلنده سسلنور لیلا گلور

بی مروّتلر زره سیز قاسمی چوخ یوردولار
دورت طرفدن گلدولر،سرنیزه و اوخ ویردولار
خورد اولمونموش سینه سینده،کوفیان آت چاپدولار
حجله گاهینده آلاندا،صوت واویلا گلور

تیر باران ائتدولر علقمده شیر حیدری
بیر عمود آهنله آتدان سالدولار سرلشگری
دسته دسته عرشیدن،حور و فلک پیما گلور

یاندروب سوز عطش اولاد طاها قیزلارین
برگ پاییزی کیمی سولدوردی زهرا قیزلارین
بولموری شه،اصغری آرام ائده یا قیزلارین
آنداولا زهرایه افغانه،بو آی سینا گلور

آلدی آغوشه حسین بن علی گول دسته سین
باخدی او عطشان دوداقلاره،اؤپوبدور سینه سین
شه آپاردی سمت اعدایه شرف گنجینه سین
شه گیدیر،اما دالیجا لشگر حورا گلور

چیخدی صفدن چکدی بئلدن تیرینی تا حرمله
تیتره دی ارکان خلقت،سالدی عرشه زلزله
اوچ پر اوخ قویدی کمانه،باخدی گول الده گوله
گوردی شاه اولیا الده گل زیبا گلور

بیر گوزون یومدی دیزین ویردی او بی ایمان یره
بیر حسینه باخدی بیر باخدی او دیلسیز اصغره
اوخ اوتورلندی کماندان بوسه ویردی حنجره
سو اوتاندی نالیه قانه دونن دریا گلور

ایلدی راحت او طفلی قانیله گهواره سی
گولدی یاتدی،چیخمادی شهزاده نین اصلا سسی
عرش و فرشی داغلادی اما ربابین ناله سی
وا علی اصغر دیلنده ایندی ده گویا گلور

یازمارام من قتلگاهی،صبریمی ماتم کسیر
جنگ قورتولدی،اؤلن اؤلدی قالان اولدی اسیر
نیلدی غارت گوتی اهل ستم،یازما «فقیر»
غارتین آدی گلنده لرزه یه دنیا گلور

• پنج شنبه
• 30
• بهمن
• 1399
• ساعت
• 12:07
• نوشته شده توسط
• یوسف اکبری

عشقیمه خاطر حسین جان قاره کوینک گیمیشم
حق اولوب ناظر حسین جان قاره کوینک گیمیشم

بیلمیشم ای شاه عشقیم رهبرعالم سنی
جانووه قربان اولوم ای شیعه لر جان و تنی
آستانونده قوجالدیقجا اوجالدوبسان منی
اولموشام شاکر حسین جان قاره کوینک گیمیشم

عشقوون پابندیم گر زار و نالان اولموشام
اللی ایلدن چوخدی دربارونده دربان اولموشام
لطف ایدوبسن خوان احسانونده مهمان اولموشام
ای شه قادر حسین جان قاره کوینک گیمیشم

یاتمیوب بخت الدوزوم تا مدعی بهتان دییه
سن اولان یرده منه ضدشریعت جان دییه
دلخوشام هوحق کلامین زینب نالان دییه
ای شه فاخرحسین جان قاره کوینک گیمیشم

کبم قرا کوینک گیوبدور وادی ایمنده دی
باغلیوب احرام عشقی ذات حقه بنده دی
حضرت حقون فرامین بجاسی سنده دی
حکم اولوب صادر حسین جان قاره کوینک گیمیشم

لطف ایدوبسن معنی فهم و شعوری بیلمیشم
مکتبونده معنی فیض حضوری بیلمیشم
معنی جان پرور فصل عبوری بیلمیشم
اولموشام حاضر حسین جان قاره کوینک گیمیشم

هرایل اون گون مجلس,شور و نوا قوررام سنه
آغلارام درد و ملال اوستونده گللم شیونه
عیبی یوخ قوی مدعی مین طعنه لر ویرسین منه
لال اولار آخرحسین جان قاره کوینک گیمیشم

سن کلیم عشق اولوبسان شهره ی بازار عشق
نقدجان کالای,عشقون طالب دیدار عشق
من حریم عشقه یوز قویدوم بحکم یارعشق
اولموشام فاخر حسین جان قاره کوینک گیمیشم

اولدی یتمیش بیرنفرعاشق ید بیضای دین
سسلنوب گویا صلیب عشقیدن عیسای دین
بیر سنه خاطر حسین جان قاره کوینک گیمیشم

نخل دینه سن که قان ویردون شه بطحا دیدی
اللری پهلولرینده حضرت زهرا دیدی
بانگ تکبیرین اوجاتدی زینب کبرا دیدی
ای شه طاهر حسین جان قاره کوینک گیمیشم

سن کی اولدون قانلی مقتلده ذبیحا من قفا
یوخ رجوعیم کیم باش آچدی کیم دیدی واویلنا
گرقبول حضرت عشق اولسا بی ریب و ریا
(مژده)یم شاعر حسین جان قاره کوینک گیمیشم

• پنج شنبه
• 14
• اسفند
• 1399
• ساعت
• 17:52
• نوشته شده توسط
• یوسف اکبری

شیعه لرخبردار،،،گلدی ماه ماتم
عرشه حیّ دادار،،چکدی قاره پرچم
گیدی قاره پیغمبر،،،
نوحه خوان اولوب حیدر
یابقیه اللـــــه یابقیه اللــــه

باشلانوب حسینون،،موسم عزاسی
قوردی بزم ماتم،،فاطمه آناسی
سسلنورحسینیم وای
نورنیّرینیم وای
یابقیه اللــه یابقیه الله

هرکسون علاجی،،قطع اولوبدی گلسون
قلبینه ملال و،،غم دولوبدی گلسون
درده واردوابوردا
نسخه شفابوردا
یابقیه الله یابقیه الله

آزقالورکه سونسون،،مکتبون چراغی
قانیله بویانسون،،حق دیین دوداقی
آهیلن گلورموکب،،چیرپینوردل زینب
یابقیه الله یابقیه الله

چیخمیوبدی عرشه،،زینبون نواسی
وارولی قاباقدا،،غملی ماجراسی
وارهله ابالفضلی
عون وجعفروفضلی
یابقیه الله یابقیه الله

زینبون هله وار،،قیدینه قالانی
چیخمیوبدی عرشه،،ناله وفغانی
دوره دن باخان یوخدی
یاندیروب یاخان یوخدی
یایقیه الله یابقیه الله

• پنج شنبه
• 14
• اسفند
• 1399
• ساعت
• 18:04
• نوشته شده توسط
• یوسف اکبری

ایل دولانوب باشلادی ماه عزا یاحسین
عالمه سن سالموسان شور نوا یاحسین

ای شه ارض و سما دردیمیزه قیل دوا
اهل عزا ایستوری کرب وبلا یاحسین

ای شرف عالمین، پنجم اهل کسا
زائر اولانلار دیور مرقدوی باصفا
ای اوگوزل قبروه جانیمیز اولسون فدا
عالم باطن دیور صحن وسرا یاحسین

بیرده چاغور اوردابیز سینه میزی داغلیاق
بین الحرمده آقا قول قولا تیز باغلیاق
اکبروه قاسمه سینه ووراق آغلیاق
هرایکیسندن آلاق درده دوا یاحسین

بیر اوجا یر اوردا وار تل دیوله اورا
زینب کبری آدی ویردی او تلله صفا
لطف ایله بو جمعیده تللیده باهم دورا
سسلیه ای وای آقاسینه وورا یاحسین

کیم گله صدقیله اول صحنیوه ایوانوه
سورته بیر عمری یوزون درگه احسانوه
دویماز آدوندان حسین آند اولا اوز جانوه
حشره کیمی سسله نه دلدن آقا یاحسین

کرب وبلا غملری اود سالار اکبادیمه
خامه دوتوب اود یانار ناله وفریادیمه
اکبروون یاره لی باشی دوشر یادیمه
مَنقَذ بی دین ایدوب گور نه جفا یاحسین

قاسم شهزاده نون جسمینی یاد ایلرم
سینّی کیچیک سروقد نعشینی یاد ایلرم
لشگرین آتلارینون نعلینی یاد ایلرم
آتلار ایاقی ایدوب جرم وخطا یاحسین

اوردااوجا بویلی بیر شیر شجاعت یاتوب
خیرداجا بیر قبرده کان شرافت یاتوب
سوگَتوره بولمه دی ایندی خجالت یاتوب
ای اوخجالت یاتان ماهه فدا یاحسین

صود امرین نسگلی قلبیمه آذر سالار
اوچ پراوخون صحبتی صبریمی الدن آلار
شاید آناسی گینه اصغره لایلای چالار
غنچه گلون گلشنه ویردی صفا یاحسین

مست می عشقیوم طایر پر بستیم
(بیکَس) و درماندیم عاصی و دلخستیم
آیری یره گیتمرم من سنه وابستیم
قووما بو درگاهیدن ایله عطا یا حسین

• پنج شنبه
• 21
• اسفند
• 1399
• ساعت
• 22:44
• نوشته شده توسط
• یوسف اکبری

یارب یتیشدی ماه محرم
ماه عزایِ سلطان عالم

قاره چکوبله گویلره فصل عزادی
ذکر ملائک یا حسین یا کربلادی
ایوای آقام ایوای آقام ایوای یارالی

عرش خدا بیر ماتم سرادی
صاحب عزا چون ذات خدادی

بوآی بیر آیدی باش آچوب پیغمبر آغلار
زهرا ایدر ناله بوغمده حیدر آغلار

بیر حج ایدوبدی شاه شهیدان
حجّاج عالم قالمیشدی حیران

ظاهرده گرچه گیتمدی کوی منایه
قربانلارین گتدی حسین کرب و بلایه

قاره گیندی عُشّاق عالم
ایوای حسین وای سسللّه باهم

دوزدی حسینه هر زمان بزم عزاوار
اون گون محرمده ولی آیری صفا وار

نصب اولدی بو آی قاره علملر
قاره گیندی بو سینه زنلر

بو غمده گرچه شیعلر سرتاسر آغلار
باطنده باخسان یرلر آغلار گویلر آغلار

ترک ایله بو آی عشرت اساسین
یاد ایله دائم زهرا بالاسین

سسله دینن ای بی کفن مظلوم حسین وای
ظلم و جفائیله ئولن مظلوم حسین وای

گل بزم یاسه شوریله آغلا
سسله حسین وای سن سینه داغلا

چوخلار بوغمده آغلاماخدان سیر اولانماز
هر قلبیده عشق حسین جاگیر اولانماز

(بیکَس) تیکیب گوز احسان شاهه
لطف ایله مولا بو بی پناهه

سن کی اوزون آگاهیسن درد دلیمدن
زهرایه خاطر بی نولور دوتسان الیمدن

• جمعه
• 22
• اسفند
• 1399
• ساعت
• 12:56
• نوشته شده توسط
• یوسف اکبری

ای شه ارض و سما_گَل بیزه لطف ایله آقا
گینه یاز کرب و بلا _جان یارالی جان یارالی

ایلده‌کی ماه عزا و غم و ماتم یتیشر
غصه لی قلبیلره تازه اولان غم یتیشر
هامینین حاجتینه صاحب علقم یتیشر
بو حسین قارداشینی یار ضعیفان گورورم

کیم‌ گلوبدور در عباسه اونون قیمتی وار
حق یانیندا آقامین شوکتی وار عزتی وار
بی سبب باب الحوائج دگولی علتی وار
اونی مولای مسیحی و مسلمان گورورم

خالقه یاور و انصارینی تقدیم ایلیوب
عون و فضلیله حسین ،جعفری تقدیم ایلیوب
اکبرین ال اوزَر قارداشی تقدیم ایلیوب
بالا قیزلار اوره‌گین ایندی هراسان گورورم

مجتبانونده او چولده واریدی بیر بالاسی
اذن آلوب شهدن ایدوب عازم میدان آناسی
طاقتین الدن حسینون آپاروبدور یاراسی
عمو قارداش بالاسی ایندیده گریان گورورم

سود امر اوغلون او دم‌کی گتیروب شاه شهید
ویردی قرآنه قسم لشگری سلطان وحید
قوناقاسو یولونی باغلادیلار قوم پلید
کیم سو ایستردی اونی قانینه غلطان گورورم

آه او ساعتدن آقام گلدی دئدی من گیدورم
یغشون باشیمه بیر بیر بو چمندن گیدورم
سیز حلال ایلون حسینی داخی الدن گیدورم
باشینی نوک جداده قانا الوان گورورم

بیر زمان اولدی حسین بیکس و بی یاور اولوب
شهدانون غم هجری دیلینه آذر اولوب
قیزلارین ناله سسی غصه لریندن سر اولوب
اتگی قیزلار الینده قالوب الان گورورم

ایاقین اوپدی بیری قدی چاتانلار الینی
اول مبارک الیله شانه ایدوب تللرینی
ئولماقا باغلادی محکم آقامیز اوز بلینی
آیریلان لحظه‌ده من زینبی نالان گورورم

نه‌لر اولدی دیمورم زینبه ئوز ویردی قَهَر
اوره‌گین دوتدی غم و محنت و آلام و کدر
بیله بیر آیریلیق اولماز بو قیامتدی مگر
باجی قارداش ایکیسین بیر غمه سوزان گورورم

یوز دوتوب زینبه امر ایتدی باجی بیرجه دایان
من هله اولمه‌میشم قلبوی آز ایتگیله قان
ای منیم قیزلاریمون غم گونی قیدینه قالان
سنی‌ سر سلسله ی جمع پریشان گورورم

وار یری گوز یاشیمی دائم عذاره اَلیم
من بو گون اللهه خاطر سیزی ترک ایتمه‌لیم
گیچوری وقت شهادت باجی من گیتمه‌لیم
منتظردی منه چوخ خنجر و پیکان گورورم

منه هر غم ویره یوز غم گونی غمخواراولاسان
ایندی‌کی‌ ئولدی ابوالفضلیم سن علمداراولاسان
دلخوشام قتلگه ایچره سن عزاداراولاسان
نطقوی مُنتقِم خون شهیدان گورورم

*بیکَسا* +طائریلن+ آغلا بو نسگیل‌لروزه
حیدرون اوغلودا تسکین ایله‌سون غملروزه
دوءز قاتا آل علی مشق اولونان سوزلروزه
شعروزه عشق حسینی عجب عنوان گورورم

• جمعه
• 22
• اسفند
• 1399
• ساعت
• 13:31
• نوشته شده توسط
• یوسف اکبری

الله - دوباره باشلانوبـــدی ماتم
دولـــــوب غمــــیله دیــل دمادم
هوا هـــــوایِ شور و شیــــن دی
گئـــــــنه محـّـــــرم حسیــن دی

زهرا - سالیب دالیجا حوریانی
قوروبدی مجلــــــــــس عزانی
دیور ملـــــڪ حسینه لای لای
آناســــی سسلیور اوغول وای

قاره - چکیلدی جنت برینه
دوشوبدی ضـــلّ غم زمینه
صولوب بهشتیده چیچکلر
باتیبدی محنـــته فلکـــــلر

مولا - گلوبدی یاسیوه بو نوکر
گئیـــــوب قـــــراسینی مـــکرر
مریضینون شفاسیــــــن ایسدر
برات ڪــــــــــربلاسیـن ایسدر

عشقون - منیم مدال عزّتیمدی
جهاندا تـــــــاج شوکـــــتیمدی
غلام کــــــــــویینم حسینجان
سن ایله بو غلامه احـــــــسان

• سه شنبه
• 3
• فروردین
• 1400
• ساعت
• 14:24
• نوشته شده توسط
• یوسف اکبری

ای یاران باشلادی،فصل افغانیله آه
یاده سال عباسی،سسله یا ثار الله

عاشقلر ییغیشوب اگنیمیزده قاره
بیر نظر قیل آقاجان بو دل بیماره

یا اباعبدالله-یا اباعبدالله

هر ایلی گؤزلیروخ،ماه ماتم گلسون
جمله آیلار آراسی،تک محرم گلسون
قلبی لر یا ه سینه،یاخشی مرهم گلسون
درده واردیر چاراسی،سسله یا ثار الله

قاره پرچم نصب اولوب،اولدی اعلان ماتم
آغلادی گوی اهلی،حالی اولدی برهم
بزم غم ده گَزروخ،روز و شب بیز ازدم
ساخلیوب احساسی،سسله یا ثارالله

سایمیشیخ گون تا چاتا،حسرتیله بیر ایل
دؤزموشوخ هجرانه،محنتیله بیر ایل
دیلده سؤز ساخلامیشوخ،زحمتیله بیر ایل
تا کی گلسون یاسی،سسله یا ثارالله

ای سلطان هدی،عشقه قبله‌م سنسن
شمس عرش و ملکوت،ماه عالم سنسن
قلب لر خانه سینه،نور اعظم سنسن
یوخدی سنن صوراسی،سسله یا ثارالله

کیمسه نون اولماز آغا،درد عشقی سن تای
جان وئرن اصغریوه،سویله دون سن لایلای
آب دریالری سن ،دشمنه وئردون پای
اولدون عشاق آقاسی،سسله یا ثارالله

آخدی قانون یوزوه،جانماز اوستونده
اولدی سینن یارالی،اهل راز اوستونده
خنجری گوردون او گون،سن بوغاز اوستونده
آلدی جانون یاراسی،سسله یا ثارالله

• چهارشنبه
• 4
• فروردین
• 1400
• ساعت
• 21:33
• نوشته شده توسط
• یوسف اکبری

آگاه اولون گلدی گینه ماهه غم و ماهه عزا/هر تکیه ده هر بزمیده زینت اولوب قاره لوا/نیت ایدون باهم دیاخ آی کربلا آی بلا/اونان صورا دیلدن دیاخ مظلوم آقا مظلوم آقا
منیم آقامدی حسین،ای امیده عالمین
باشیما دوشوب دوباره،شوق بین الحرمین
آقامون آدینا قربان،کربلادی بیر گلستان
دیرم همیشه دیلدن،کربلا روضه رضوان
یا مولا یا مولا ......

دیلده وارم کرب وبلا گورماقینا چوخ آب و تاب/لطف ائلیوب ارباب اوزی آدیم اولوب کلب الرباب/عقلیم چاشوب دیوانیم قلبیمده وار چوخ التهاب/دیوانیه محشر گونی آخر او دور یوخدی حساب
گرچی بی خانیم من،عبد میخانیم من
سسلینده منی سیز،دیون دیوانیم من
من حسینه اسیرم،او شاه من فقیرم
سسلرم بو ذکری هر آن،انت نعم الامیرم
یا مولا یا مولا ......

• شنبه
• 7
• فروردین
• 1400
• ساعت
• 20:59
• نوشته شده توسط
• یوسف اکبری

شیعه‌لر گلدی محرم گیینون قاره گلون

دردوزه ایسته‌سز عالمده اگر چاره - گلون

گنه آیلار دولانوب ماه محرم اولدی

کاسه صبر داشوب سینه محندن دولدی

بو همان آیدی گلستان پیمبر سولدی

وورولوب قاره علملر در و دیواره گلون

پوزولوبدور غم الیندن گنه‌ده نظم نظام

باش آچوب جنّت الاعلاده یقین خیرالانام

بو همان آیدی که ئولدوردی رعیّتلر امام

فاطمه عرشیده سالدی باشینا قاره گلون

نُه سمایه یر اوزوندن اوجالور آه و نوا

کون و امکاندا عزا مجلسی اولموش برپا

بو همان آیدی خانم فاطمه دور صاحب عزا

دوتماقا یاس او شَهِ بی کس و بی‌یاره گلون

قدسیان آتش محنتده اورک داغلادیلار

حلقه‌ی یاس قوروب باشه ووروب آغلادیلار

بو همان آیدی فراتین یولونی باغلادیلار

قحط آب ایلدیلر عترت اطهاره گلون

گلشن فاطمه‌نین گللری تالان اولدی

سربسر کرب و بلانین چولی القان اولدی

بو همان آیدی حسین قانینه غلطان اولدی

ایتدیلر پیکرینی ظلمیله صد پاره - گلون

کربلاده ایلدی ظلمون عیان قوم ظُلَم

حشره تک آغلاداجاق حضرت زهرانی بو غم

قوللارین ایتدی ابوالفضلین او صحراده قلم

دیماقا دردوزی اول قولسوز علمداره گلون

اشقیا دوغرادیلار جسم علی اکبرینی

قانه غرق ایلدیلر قاسم گل پیکرینی

حرمله اوخلادی شش ماهه علی‌اصغرینی

غنچه نازینی توش ایلدیلر خاره گلون

شمر دون آتدی ندن شرم و حیانین داشینی

زینبین حشره کیمی قان ایلدی گوز یاشینی

کسدی گودالیده لب تشنه حسینون باشینی

تسلیت ویرماقا سیز - حیدر کرّاره گلون

باش باشا اوخلارا گل پیکری آماج اولدی

نیزه‌لر باشی کسیک باشینه معراج اولدی

خیمه‌گاهی ستم و ظلمیله تاراج اولدی

ووردولار اود خیم عترت اطهاره گلون

"اکرمی" آتش محنتده اورک داغلا بو آی

ابر تک گوز یاشیوی عارضیوه باغلا بو آی

بو سوزی ورد زبان ایله گنه آغلا بو آی

شیعه‌لر گلدی محرم گیینون قاره گلون

• سه شنبه
• 10
• فروردین
• 1400
• ساعت
• 11:50
• نوشته شده توسط
• یوسف اکبری

گیمیشوق قرا، ساخلیاق عزا، شاه عطشانه
ایلروق نوا، سسلروق آقا، بیز یانا یانه

سن او شمع¬ِ جمعِ جهان¬سن، بیزده پروانه
کربلادن ایله نظر، آقا اهل ایرانه

ای شه مظلوم! ای شه مظلوم!

دیل¬لر اودلانور، سینه¬لر یانور، آتش غم¬ده
یئرلر آغلیور، گؤیلر آغلیور، هر محرّم¬ده
اهل دیل دورور، سینه¬یه وورور، بزم ماتم¬ده

سینه¬زن¬لر اولسون حسین سنون، آدیوه قربان
دعوت ایله بو جمعی بو گئجه، قبریوه مهمان

ای شه مظلوم! ای شه مظلوم!

یاحسین! سنه، زینب آغلادی، قتلگاهونده
ووردی باشینه، قاره باغلادی قتلگاهونده
باخدی سینه¬وه، سینه داغلادی قتلگاهونده

گؤردی گلشن و باغیوه اسوب ظلمیله صرصر
پیکرون اولوب تیر و نیزه¬دن، گول کیمی پرپر

ای شه مظلوم! ای شه مظلوم!

سسلدی باجون،قانلیدی¬تاجون، نئجه سلطان¬سان
ای شهِ زَمَن، بو مناده سن، دینه قربان¬سان
بی¬کمک حسین، لاله¬تک حسین، قانه غلطان¬سان

زینبون اولا بو قانا باتان جسمیوه قربان
ایله بیل کی شیرازه¬دن چیخوب ظلمیله قرآن

ای شه مظلوم! ای شه مظلوم!

یابن¬فاطمه! باتمیشام غمه، قالدیم آواره
بیلمورم دییَم دردیمی سنه، یا علمداره
چاره¬سیز قالان، چاغیمه باخون، ایلیون چاره

ای قالان بوگؤن گون¬ائوینده گول، پیکری باشسیز
یدّی قارداشین باجی¬سی عجب قالدی قارداش¬سیز

ای شه مظلوم! ای شه مظلوم!

اودلانوب دیلیم، باغلانوب الیم، مهربان قارداش
سسلورم سنی، سال یولا منی، بو زمان قارداش
زینبون اولا، لحنیوه فدا، وئر اذان قارداش

وئرموسن نیه، بو سسیمه سس، وای حسینیم وای
سسلرم نقدری گلور نفس، وای حسینیم وای

ای شه مظلوم! ای شه مظلوم!

• سه شنبه
• 17
• فروردین
• 1400
• ساعت
• 19:09
• نوشته شده توسط
• یوسف اکبری

یئتیشوب ماه عزاشیعه لر افغانه گلوب
عالم وادم وخاتم هامی فریاده گلوب

چوخدی بیمار کی دردین دئمگه مولاجان
گوتوروب دردینی امیدیله درمانه گلوب

چوخی سسلور اقاجان گورمه میشم قبروی من
آلماقا کرب وبلا درگه جانانه گلوب

یئتیشوب ماه محرم هامی احساسه گلوب
مین امیدیلن آقا درگه عباسه گلوب

وریلار قاره بوتون کوچه وبازاره بوآی
الی پهلوده خانم فاطمه ده یاسه گلوب

یخیلوب مقتله لب تشنه حسین شاه حجاز
نوح پیغمبر ئوزی حضرته امداده گلوب

ترک ائدوب جنتی حیدر یل بی مثل ومثل
مجتبائیلن ئوزی دشت غم افزایه گلوب

من «صبور»م آقاجان عشقیمه آگهسن ئوزون
بیلوسن عشقیوه خاطر نئجه فریاده گلوب

• چهارشنبه
• 25
• فروردین
• 1400
• ساعت
• 17:14
• نوشته شده توسط
• یوسف اکبری

باشلانور ماه محرم گینه ده گلدی عزا
آقامون عشقینه بیز باغلامیشوق باشه قرا

گینه هر یئرده دئیوللر آقامون مرثیه سین
قوراجاق عرشیده الله دا حسین تعزیه سین

گینه اسدی قره پرچم گینه ده جان گلدی
گینه اربابه گوره جوششه بو قان گلدی

گینه بو آیدا خانم فاطمه غصه ائده جک
او سینیق سینیه ویردیقجا حسین وای دئیه جک

گینه ده تیر مصیبات و بلا عرشی دلور
کوچه لردنده یقین کرب وبلا عطری گلور

زینب غم زده باشینی یاران آیدی بو آی
اکبر وقاسم آقام قانه باتان آیدی بو آی

آدم و نوح و سلیماندا عزا بزمی قورار
مجلس یاس حسینده آتاسی باشه ویرار

ماه ماتمدی مه مشگل آچان آیدی بو آی
تیکان اوستونده رقیه قاچان آیدی بو آی

آقام عباسین اوجا قامتی بو آی کیچیلر
آلتی ایلیق بالانون خیردا بوغازی بیچیلر

فاطمه سسلوری قلبیم آلیشان آیدی بو آی
داشلار آلتیندا حسینیم چالیشان آیدی بو آی

• پنج شنبه
• 26
• فروردین
• 1400
• ساعت
• 12:48
• نوشته شده توسط
• یوسف اکبری

1- چالیر چاووش عاشورا گلیر یوم عزا عاشق
قرا پرچملر اسدیکجه،ائدیر شور و نوا عاشق
قبله آرباطان

2- اولاندا روزعاشورا ائدر خلقی دعا عاشق
نقد دردی اولا خلقین ائدر درده دوا عاشق
استاد انجمن

3- ائدر آه و نوا دیلدن،توکر گوزیاشی گوزلردن
حسینه گوزلریم قربان دییر باشدا قراعاشق
الهام عباسی معروفان اهری

4- حسین ئوز حجینی نیمه قویوب قربانگهه گلدی
بویوردی نیلیوم یارب؟ من عاشق کربلا عاشق
ابوالفضل عباسی معروفان اهری

5- چاتیر آرامیله یاران عزای ، عشق سلطانی
بو بزم یاسیده دایم،دوتار الده لوا عاشق
حبیب لامعی هریس

6- گلیر عاشقلرین ماهی،قرا پرچملر آماده
حسینیم وای دئیرشیعه،اورکدن یک صدا عاشق
محمد اکبری آرباطان

7- سوسوز قربانی ال اوسته دعا زیر لب آهسته
الست رب پیوسته دءدی قالو بلی عاشق
الهوردی صادقی اهر

8- منای عشقیده تکمیل ائدوبدور حج ایثارین
ائدنده جانینی معشوق عشق اوسته فدا عاشق
رضا غلامپو(دلپاک)تبریز

9- حسین وای ناله سی قالخیر،بورونموش قاره یه یوردوم
گئدرهوشدان چیخار باشدان، بوآیدا باوفا عاشیق
استاد یوسف اعظمی تبریز
10- قرا پرچملر اسدوکجه اورکلرده اسور یارب
نظرده ایلیورجلوه گینه قالوا بلی عاشق
علی بدری آرباطان

11- بوآیدا باشینه باغلار خانم زهراقرا عاشق
دوتوب ماتم وئرارسینه شه خیرالورا عاشق
حسن پورصادق قم

12- محرمده قراباغلا،چاغیرعشقیله مولانی
اوشش گوشه ضریحینده،اولار حاجت روا عاشق
جابر بشیری تبریز

13- محرم نغمه سی گلجک حسین عشقی دوشر یاده
اورکلر چیرپینار اول دم تاپار شوروصفا عاشق
حسن بنایی آرباطان

14- آنان زهرا سنه قربان،دییر زهرا محرمده
آتاسی حیدرکرار،علی اکبر اونا عاشق
ابراهیم سلمانی

15- بوتون دونیایه عشقی اؤیردن عباسه عشق اولسون
چتین بیرده گوره دونیا اونون تک باوفاعاشق
بلال کمالی(ائلمان)

16- چاتوب معشوقینه عاشق قویوب حیرتده دنیانی
بویوردی راضیم اولسون باشیم تندن جدا عاشق
ابوالفضل داداش زاده مشهد

17- حسینون غملرون یاد ایلینده گوز توکر قان یاش
اولوب مجنون دوشر صحرالره هربینوا عاشق
ستار رزاقی تبریز

18- حسینون نغمه سیندن دویموری بو حنجر خسته
حسین آدون دیدوقجا تیز تاپور درده دواعاشق
مهدیه محمدیان تبریز

19- محرم لر اولان وقتی نوا ایلر ملائک لر
حسین تک هانسی بیر بنده اولار بی ادعاعاشق
محمدرضا یوسفی آرباطان

20- نلیر بی آیری چاوشی حسین؛زینب اولان یرده
کی زینب سس لننده سس وئرر عرض وسما عاشق
چلنگری هریس

21- حسینون مکتب عشقی آچیقدیر جمله عشاقه
خوشا اول کس که بو یولدا آدین تئز یازدیرا عاشق
محمد حیدری امند

22- حسین آدی هامی عاشقلری دیوانه ایلوبدی
حسینون ماتمینده باغلیارباشه قرا عاشق
ایوب روزبه بخشایش

23- حسینین قانی جوشغون دورائدیب تسخیر دنیانی
اولوبدور مرکز عالم بوگون کرب و بلا عاشق
میلاد اسکندرزاده چاراویماق

24- حسینون عاشق بی مدعاسی تکجه زینبدی
ولی(عباسی)چوخدور دهریده بامدعا عاشق
عبدالوهاب عباسی اسکو

25- علی اوغلی حسیندیربو سالیبدی عالمی درده
اگر اولسان اونا یاور گیه ر سن سن قارا عاشق
میلادآقایی هشترود

26- بو آیدا کربلا دشتینده چوخ قربان قانا باتدی
منا داغیندادا یوخدی بوقدری مبتلا عاشق
حسین داداش پور

27- محرمنده اسر یللر ابوالفضل آدینی سسلر
دمادم ایستیر اونلان برات کربلا عاشق
زینب اکبرزاده آرباطان

28- حسینون لطفی همیشه؛الوبدور چون حالیمه شامل
ائدرقسمت اولام زوّار اونا،من بی نوا عاشق
جعفر سلطانی

29- حسینین عاشقی چوخدو؛وفا دار و وفا پرور
ولی عباس تک اولماز،او شاهه باوفاعاشق
رحیم دهقانی

30- السته باغلانان پیمان،حسین ایستیر وفا اءدسین
اءدوب يتيمش نفر بی سر بو پیمانه وفا عاشق
اسماعیلی فرچاراویماق

31- ائدوبدور چوخ گوزل تفسیرکلام عشقی دنیاده
گوروب کیم سو کنارینده سوسوز بیر بی ادعاعاشق
ابوالفضل داداش پور

32- حسینه آغلیار یئرل،حسینه آغلیار گویلر
حسینین آدینه قربان،هم ارضی له،سما عاشق
اسدالله اکبری

33- محرم یولدا آی عاشق،گلین بیزده توتاخ ماتم
علی اکبر، ابوالفضله،حسینِ جانفدا عاشق
منظر جوادی قم

34- آنان قوربان سنه قاسم تویون بیرگونده یاس اولدی
ائدر اوز دینینه خاطر قانین الده حنا عاشق
طاهر اصغری(طه)

35- حسینه محسن اغلاردی،حججی سینه داغلاردی
حسینین نوحه دلدن،اوخوردی دلرباعاشق
رحیم سلیمان زاده

36- حسینین اللری اوسته قالوب شش ماهه قربانی
باتوب قانه علی اکبراولوب حقه فداعاشق
داود عبدالهی

37- محرم آيى گلديخ جه ديريلدير عشقى عالم ده
شهيد عشق اولماخ چؤن ائدير جانين فناعاشق
محمود اكبرپور

38- دوزَر مینلر جفای خاره بلبل بیر گوله خاطر
مقام عشقده بولمز تری یا لنتری عاشق
منادی آذرشهر

39- بدن بیریاندا باش بیر یان؛ بلنمیش قانینه، قربان
سراسر قانه چولقانمیش بوگون کرب وبلا عاشق
راضیه پناهی تبریز

40- محرمده‌وورار‌سینه‌چکر‌فریاد‌ واویلا
دییر‌یکسر‌گئجه‌گوندوز‌حسینه‌ من‌فدا‌عاشق
محمد‌اسلامی‌آرباطان

41- حسین عاشقلری قاره گیور هر ایل محرمده
قرا پرچم اسر تا وار جهاندا باصفا عاشق
رنجبر مشهد

42- حسینه عشقمیز شاید فقط بیر ادعا سوزدور
عطا ایلر جانین هردم اولار دینه جلا عاشق
حاج آقا دهقانی مشهد

43- علی اصغرین دردی، ساغالماز قلب عاشقده
حسینه سینسین داغلار اودور صبح و مسا عاشق
زین العابدین سفیدگری

• سه شنبه
• 21
• اردیبهشت
• 1400
• ساعت
• 15:14
• نوشته شده توسط
• یوسف اکبری

گینه یارب آچیلوب قاره علم لر
وورولوب کوچه و بازاره علم لر

باغریم اولوب قان
سسلرم هر آن
ای گل بی خار علی ، لاله ی رضوان
فاطمه نون اوغلی حسین ، جان سنه قربان

یا مولا ، یا مولا
یامولا یامولا یامولا

ماه ذی حجه گیدوب گلدی محرم
ملکوت اهلی دوتوب عرشیده ماتم
اوخیور شاعر و مداح و مُعَمَّم

ای گل بی خار
قولسوز علمدار

باشه بو ماتمده قرا باغلیاروخ بیز
یاده سالوب پرچمیوی آغلیاروخ بیز

یا مولا یا مولا
یا مولا یا مولا یا مولا

باغلیوب خیمه لره سو یولون اعدا
بیر ایچیم ویرمه دیلر اصغره حتی
سارالوب گل کیمی ذریه ی زهرا

سکینه با خدی
سو چوله آخدی

ایله دی سیراب او سودان آتلارون اعدا
ویرمه دیلر عترت پیغمبره اما

یا مولا یا مولا
یا مولا یا مولا یامولا

سو که مهریه ی زهرای جوان دور
کربلاده او سویون قیمتی جاندور
اصغرون سو یرینه شربتی قاندور

غنچه ی پر پر
یا علی اصغر

اوچ پر اوخا اولدی نشان حنجر نازی
یاردی قولاقدان قولاقا تشنه بوغازی

یا مولا یامولا
یامولا یا مولا یا مولا

سالدیلار آتدان علی اکبری عدوان
ایتدیلر پیکر صد چاکینی شان شان
ائله بیلّم داغیلوب چوللره قرآن

روحه صفادی
قلبه جلادی

بند دل پادشه کرب و بلادی
سفره سینون ریزه خوری شاه و گدادی

یا مولا یا مولا
یا مولا یا مولا یا مولا

قاسمون زلفی باتوب قانه بو آیدا
یار اولوب شاه شهیدانه بو آیدا
بذل ایدوب جانینی جانانه بو آیدا

مستِ ولادی
قبله نمادی

فاتح خیبر بالاسی شمس هدادی
اکبر شهزاده کیمین دینه فدادی

یا مولا یا مولا
یامولا یا مولا یا مولا

• چهارشنبه
• 29
• اردیبهشت
• 1400
• ساعت
• 21:54
• نوشته شده توسط
• یوسف اکبری

گینه اسدی زلف اکبر تک
قاره پرچملر آدووه قربان یا ابوالفضل
گینه زینب تلین اوستونده
سسلنور اصغر جان وئرور عطشان یا ابوالفضل

گوتور مشکون چیگنووه سال گل
گاهوارینده
بیر سوسوز یاهو سسلنور کوکو
اوخلانان قوش تک باغریقاندی

کوسوبدی بیکس آناسیندان
هرگلن قیزدان
ایستور اصغر سو تشنه لب آهو
غم حصارینده نیمه جاندی

دییون گلسین هر کیمون دردی
واردی قلبینده قاره پرچمدن حاجت آلسون
قرا گیسون بزم ماتمده
گوزیاشون توکسون باب مولادن عزت آلسون

قسم وئرسون شاه مظلومی
پیکانی اَمَن سو کنارینده
تشنه قربانه غملی جیرانه صادقانه

الی بوش گئتمز بو درگهدن
هرکیمون آخسا اشک چشمانی
دانه به دانه روی دامانه عاشقانه

او شش گوشه قبره قربانم
اوردا سلطانیم اولدی عاشورا قانه غلطان
یخیلمیشدی قانلی گوداله
گون قباقینده لبلری عطشان سینه عریان

دییوردی رحم ایله یا الله
قیزلاریم قالدی ملک غربتده
یار و یاورسیز نیلر اکبرسیز نازدانم

ئوزومده بو قانلی مقتلده
دوشمیشم دیلدن داش یاغور گویدن
نیلیوم پرسیز ماه انورسیز خسته جانم

ووروبلار اود خیمم اودلاندی
قمچی آلتیندا تشنه قیزلاریم باغریقاندی
بو واضحدی چوخدی غم بوردا
ماتم افزادی چون بورا دشت کربلادی

ووروبلار اود خیمه لر یانور
قیزلاریم چولده قمچی آلتیندا
خونجگردیلر دربدردیلر بیقرارم

چیخور توستی اوج افلاکه
خیمه گاهیمدن با حیا قیزلار
جان بسردیلر دیده تردیلر شعله بارم

• چهارشنبه
• 29
• اردیبهشت
• 1400
• ساعت
• 22:52
• نوشته شده توسط
• یوسف اکبری

گینه یارب آسیلوب قاره لوا گویلرده
ملکوت اهلی سالوب باشه قرا گویلرده

غفلتا دوشدی گوزوم ماه دل آرایه گیجه
قامتون گوردوم ایدوب غصه دوتا گویلرده

دیدیم علت ندی قدون بوکولوب دوتقونسان
دیدی یاس ساخلیوب الله آقاما گویلرده

دولانوب هفته لر آیلار آقامون یاسی گلوب
آغلیور اصغره مرغان هوا گویلرده

انبیا قاره چکوب جنته زهرایه گوره
دم دوتوب ایله دیلر آه و نوا گویلرده

اوخیور نحه وورور جمله ملک لر باشینا
یایلوب عطر خوش کرب و بلا گویلرده

سالدیلار فاطمه نون باشینه بیر قاره لچک
اوغلونی اوخشاسین اُمُّ النُّجبا گویلرده

دوره سین آلدی اونون عزتیلن حورالر
دولدوروب مجلسی آوای بُکا گویلرده

صدر مجلسده جلوس ایله دی سلطان زنان
آغلیانلاری خانم ایتدی دعا گویلرده

صورا یوز دوتدی ملازملرینه حسرتیله
بویوروب مادر شاه شهدا گویلرده

کربلایه گیدورم شاید ئورک دینجلسون
هرکیمون وار نظر رحمتی منلن گلسون

هرکیمه چاتدی خبر ووردی مکرر باشینا
انبیا یرده ووروب گویده ملک لر باشینا

آلدیلار دوره سینی عزتیلن فوج ملک
مرتضی نوحه دیدی ووردی پیمبر باشینا

ایتدی تاثیر علینون سوزی شیران نره
سالدیلار شال عزا حمزه و جعفر باشینا

جنگ صفینیده گورموشدی ابالفضل جدلون
منغلب اولدی ووروب مالک اشتر باشینا

کربلایه یتیشوب باشلادیلا آغلاماقا
ووردولار حلقه غم ساقی لشگر باشینا

آتون اوسته اوتوروبدور قمر آل عبا
دورت طرفدن توکولور نیزه و خنجر باشینا

اوخ دگوب مشکینه سو یوخدی قالوب آواره
اللری یوخ دوتا قلخان او دلاور باشینا

داغیلوب اوچ پر اوخیلا گوزونون آغ قره سی
تاج اولوبدی گوزونون قانی مطهر باشینا

ایستیوردی چیخادا دیزلریله اوچ پر اوخی
نوفلین دوشدی گوزی حیدره بنذر باشینا

بیر جنایت ایله دی دیسکینوب اصغر سسینه
ووردی بیر آهن عمودیله او کافر ، باشینا

بیلمورم نیله دی السیز باشینا آهن عمود
دیه بیلّم دولانوب چرخ مدوَّر باشینا

عاقبت لنگر ایدوب دوشدی آت اوستن اشاقا
بالش اولدی یارالی سینه مکسَّر باشینا

یارالی باشی یاپیشدوردی خانم سینه سینه
آنالیق ایتدی اوگون معرفت آئینه سینه

گوزلرون سیلدی ئورکدن دیدی جان جان یارالی
یارالی جانیم اولا جانیوه قربان یارالی

من اوغول فاطمه یم ئوزگه لره قاتما منی
گوزون آچ باخ منه ای سویگلی جانان یارالی

سنی بو حالدا اگر گورسه رقیم تانیماز
بوریوب باشدان ایاقه بدنون قان یارالی

یاره اوستن اوقدر یاره دگوب پیکریوه
ایله بیلّم داغیلوب چوللره قرآن یارالی

نگران اولما اگر یوخدی آنون من آنوام
باشون اوسته ایدرم ناله و افغان یارالی

قدریوی من بیلورم لشگر شیطان نه بیلور
بیلسه وورماز بو قدر نیزه و پیکان یارالی

قورخورام گورسه باشون یاره سینی زینب ئوله
سالا بو یاره باجون زینبی جاندان یارالی

سن مگر ساقی دگولسن نیه مشکون قورودی
گوزلیور خیمه ده قیزلار سنی الآن یارالی

هله سندن صورا قاره گونی چوخدور باجیوون
ایده جک بیر سوز اونون قدینی چوگان یارالی

نجه تشریح ایده جکدور باشیوون سینماقینی
خبر آلسا آنون ام البنین اوندان یارالی

آلغرض آچدی گوزون شیر حقون شیر اوغلی
دیندیروب فاطمه نی آیه ی تطهیر اوغلی

دیدی عطرون بوریوب کرب و بلانی آنا جان
خوش گلوبسن دی گوروم زینبون هانی آنا جان

نه روادور توکه سن گول یوزیوه اشک ترون
الریم یوخدی سیلم اشک روانی آنا جان

ای علی حقینه خاطر سینه سی یاره لنن
آپاران قبر ایوینه درد نهانی آنا جان

گوزومون یاره سی قوربان سینه وون یاره سینه
مرحمت ایله دعا قیل بو جوانی آنا جان

یوزیوه سیلی وورانلار باشیما یاره ووروب
گیدوب الدن بالاوون تاب و توانی آنا جان

قورخورام بیلسه قوشون گلمه گیوی طعنه وورا
طاقتیم یوخ ایشیدم زخم زبانی آنا جان

چوخلاری سفره ی جودونده ییوب نان و نمک
بوقوشون درک ایلمز حرمت نانی آنا جان

من گرک بوسه وورام گرد و غبار قدمون
ایتدی شرمنده منی نوفل جانی آنا جان

گوردی بیر ایش باشیما آهن عمودین اثری
گلمه سون هیچ بشرون باشینه آنی آناجان

ویر اجازه باشیمون اوسته آقامی چاغیروم
پرچموندن نگرانم آنا جانی آنا جان

فاطمه ویردی اجازه چاغیروب قارداشینی
قارداشون عطرین آلوب سالدی اشاقه باشینی

دیدی گل پرچمیوون قیدینه قال آی قارداش
ویردیگون پرچمی مندن اوزون آل آی قارداش

باجوا تاپشور اونی ام بنینه یتوره
گلمه گیم سویله دیسون اولدی محال آی قارداش

اولسا امکانی منی خیمه لره حمل ایلمه
عمری عباسون اولوب رو به زوال آی قارداش

آیریلاندا منی سالدون یولا سن عزتیلن
پوزولوبدور او ویرن جاه و جلال آی قارداش

چوخ چالشدیم گوزومه اوخ دگه سو مشکیمه یوخ
ویرمه دی دشمنون اوخلاری مجال آی قارداش

اوخ دگوب مشکیمه سو اوت کیمی یاندوردی منی
بیلورم یوخ داخی ششماهه ده حال آی قارداش

آند ویرّم سنی زهرا آناوون حرمتینه
دی ربابه ایله سون حقون حلال آی قارداش

• چهارشنبه
• 5
• خرداد
• 1400
• ساعت
• 22:18
• نوشته شده توسط
• یوسف اکبری

گنه دنیانی غم دوتدی محرم گلدی غم گلدی
دیوله کربلایه کعبه دن میر حرم گلدی

گوتوردی اهل بیت عصمتی سلطان عالم جاه
چخوب دی کعبه دَن کرب و بلانی قصد ایدوب اول شاه
یتیشدی کاروانی کربلایه ختم اولوب چون راه
باشندا لشگری اول شهریار غم حشم گلدی

یازولّا دوم ماه محرم ازدحام یله
حجازیلر یتوبلر نینوایه مین نوائ یله
سعیدان زمان اولدی مقابل اشقیائ یله
او وحشتناک دشته یوز قویوب قوم ستم گلدی

او ساعتده ابوالفضلى حضوره ایلدی احضار
بویوردی قافله دورسون بو یرده تا آچلسون بار
بو یر کرب و بلا دور ایلیون انصاریمه اخطار
یاخون لاشدی ئولوم بیز قومه غم لر دَم بَدَم گلدی

شهین امری له نصب اولدی چادرلار بیر چوخور یرده
گوروب بو وضعی تا زینب گلوب دی خاطری درده
غبار غم اوتوردی چهره اولاد حیدرده
حضور شاه دینه زینب زهرا شیم گلدی

یتیشدی محضر شاهه ملول و زاره افسرده
دیدی قارداش بو صحراده گلوب دی خاطریم درده
بیور وورسون ابوالفضلیم اوجا یرده سرا پرده
بو ایش عکسین گوروب صبریم آزالدی چوخلی غم گلدی

آتام حیدر هامی دعواده ای شاه فلک درگاه
اوجا یرلرده دائم نصب ایدردی خیمه و خرگاه
ولی سن عکسینی وئردون نشان بو عرصه ده ناگاه
بو مطلب دن فغانه بانوان محترم گلدی

اگر بو عرصه گاه غمده قارداش بیر بلا وار دور
بنات حیدره بی حد بلا و ابتلا وار دور
بویور کوچ ایلیاخ بوردان یقین بیر ماجرا وار دور
ائشیتدی بو سوزی نطقه شه عالم او دم گلدی

بویوردی توکمه چوخ رُخسار زرده گوز یاشون زینب
بو صحراده دوشر بی حد بلیاته باشون زینب
مگر ممکن اولور بوردان قیت سون قارداشون زینب
حسین بو کربلانی مدفن ایتسون لاجرم گلدی

بو یرده یکسر انصاریم منیم قانه باتار زینب
بو یرده قارداشون مقصودی نه آخر چاتار زینب
بو یرده یاتماسام من کیم گلوب آیا یاتار زینب
هاچان امر خدایه لفظیمه اِلّا و لَم گلدی

بو خیمه ایچره لیلا اوغلونا خلعت بیچر زینب
او یرده قاسم شهزاده باشین دن گیچر زینب
علی اصغریم بوردا سو تک قانین ایچر زینب
گوروسن قرمزی جامه گیوب اول غنچه فَم گلد

اولاندا عاشر شهرالحرام ای دختر زهرا
بو تل اوستن باخارسان رزمگاهه دلده وا وِیلا
ابوالفضلین گوررسن قولارین تندن سالوب اعدا
عقاب اوستن گورّسن توپراقا صاحب علم گلدی

بو تلی که گورورسن خیمه گاهین روبرو سینده
ایله مشهور اولار زینب آدونلا گفتگو سینده
اولالار بو یرین شاه لار گدالر آرزو سینده
پیمبرلر بو دشته قبل از این که من گلم گلدی

بو تله زینبیه آد قویار عالم اولار مشهور
سنون خدمت لرون الله یانندا چون اولار منظور
مبادا اینجیه قلبون مصیبت دن اولا رنجور
بیزه صبر و تحمل حقیدن اولدی کرم گلدی

قورولدى خیمه گاهیم بیر چوخور یرده بو دور علت
یخاندا ذوالجناح اوستن منی اشرار بَد فطرت
حسینی گورمه سین خوردا اوشاقلار بیر ایله ساعت
که قاتل باشیم اوسته الده بیر تیغ ستم گلدی

عراقین دشتی نی پر شور ایدم شور حجازیم دن
گیدنده قتلگاهه چوخ یانارسان سوز و سازیم دن
بو تل اوسته اوپرسن سن منیم عطشان بوغازیم دن
همان گونلر که دل ده زینبا یاد ایلرم گلدی

او یر که جمله یرلردن چوخوردی قتلگاهیم دور
او یردن اوج ایدن عرش برینه سوز آهیم دور
گوررسن دستمازیم قاندی توپراق سجده گاهیم دور
بیله طاعت منه روز ازل اولدی رقم گلدی

بو قدری ظلم بی جانی حسین آسان سانار زینب
بو دور دردیم ولاکن خیمه گاهیم اودلانار زینب
ایکی طفل صغیریم خیمه لر ایچره یانار زینب
دیوب بو سوزلری داده شه گردون خَدم گلدی

بیله فکر ایلورم اول شه داخی گفتاری دن قالدى
آخوب اشگی عذاره زینبین آرامینی آلدی
آچوب قولارینی زینب حسینون بوی نونا سالدى
دولوب گوز کاسه سی داشدی یوزه مانند یَم گلدی

(حسنی) آرزو ایلر اولا بیر وقفه زوارون
ارادت بسلیوب از بس اولوب دلدن گرفتارون
هاچان مایوس اولوب دی درگه وندن بیر عزا دارون
اگر چه نوحه خوان اولدی و یا اهل قلم گلدی

• دوشنبه
• 10
• خرداد
• 1400
• ساعت
• 16:44
• نوشته شده توسط
• یوسف اکبری