خم ایتدی قامت دنیانی غم هلالی حسینون
که دولدوروب هامی عالملری ملالی حسینون
چکوب له گویلره قاره اولوب دی مجلس ماتم
بو آیدا عرش خداوند ذُوالجلالی حسینون
خدایه ممکن اولا آغلاماخ یقین ایله بی شک
باتار ملاله بو ماتم ده لایزالی حسینون
توکر سرشکنی صاحب زمان گجه گونوز آغلار
نچون بو آی پوزولوب رونق جلالی حسینون
قوناق آدی له گتوردی له کربلایه او شاهی
نه بی حیادی گورون دشمن ضَلالی حسینون
سو یول لارینی ازل باغلادی لا ویرمه دیلر سو
سوسوزدان اودلانوب اطفال خردسالی حسینون
کفن سالوب اوزی ال چک دی اکبرین دن او سرور
گوزی باخا باخا ئولدی او مَه جمالی حسینون
دوتولدی قاسمه بیر طوی آدی ولیک او طویدا
هامی حرم لری اولدی باشی قرالی حسینون
الی نه زلف نه قانین خضاب ایلدی داماد
اجل کمندی نه صید اولدی اول غزالی حسینون
سو اوسته قولارینی وئردی شوق اوزیله اباالفضل
که بلکه رفع اولا بو باره ده ملالی حسینون
نقدر جهد ایلدی بلکه مشکه دگمیه پیکان
خجالت اولمیا اُول مرتضی مثالی حسینون
ورولدی مشکنه اوخ آخدی سو چو اشگ سکینه
دویوب حیات جهاندان او خوش خصالی حسینون
سو ممکن اولمادی بو نقص دن اوزین ئولومی له
خلاص ایتدی او سقای باکمالی حسینون
یتوردی خیمه ده قارداشه پیک آهی له پیغام
که صون نفس ده نصیبی اولا وِصالی حسینون
الى بلین ده یتیشدی باشی اوسته سرور مظلوم
گورنده نعشنی قول سوز پوزولدی حالی حسینون
ال اُوسته اصغرینی اوخلادی لا فرقهء باطل
مگر گناه ایلمیش دی او نطقی لالی حسینون
ئولوب کمک لری قالدی امام او عرصه ده یالقوز
همان او دم ده یتوب نوبتِ قِتالی حسینون
چوخ آختاروب ئولوم آختاردی قین تاپوب آخر
دوتولدی گُون یتشوب گُون کیمی زَوالی حسینون
سو ایچمدی سو کنارنده ویردی جان سوسوز ئولدی
اولوب دی قانلی او گون زَمزَمِ زُلالی حسینون
توکولدی خیمه لره اهل کوفه آتلی پیاده
تالان دى ظلمیله اول خیمهء جلالی حسینون
سویولدی آل پیغمبر بیوک کیچیک هامی یکسر
گیدوب دی غارته جمله منال و مالی حسینون
وورولدی خیمیه اود دیاندی خیمگاهی او شاهون
داغیلدی چوللّره آهو کیمی عیالی حسینون
دچار اولوب حرم آهولری کمند جفایه
اولوب دی عازمِ شام اهل بیت و آلی حسینون
کفاف دور بو بیان (شأنیا) دایان داخی یازما
بونی اینان که بو دور مقصد و خیالی حسینون
شفاعت ایلیه محشر گونونده اُمّته یکسر
یاز آغلا عرض ایله وار ای شَه عرض حالی حسینون
- چهارشنبه
- 17
- شهریور
- 1400
- ساعت
- 15:27
- نوشته شده توسط
- یوسف اکبری
ادامه مطلب
