اشعار استقبال از محرم

ماهِ محرم اولدی عالم حسینه آغلار
زهرا دیر بالام وای خاتم حسینه آغلار

ارض و سما ایلر نوا حسینه
عاشق لری گیدی قرا حسینه

بابِ شفا آچیلمیش گلسون مریض اولانلار
آلسون شفا حسین نن گللر کیمی سولانلار
قان آغلاسون حسینه آلامیدن دولانلار
چون کیم تاپیبدی درده مرحم حسینه آغلار

ارض و سما ایلر نوا حسینه
عاشق لری گیدی قرا حسینه

گلدی مشامه عطرِ ماتم اورک تلسدی
ایوای حسین صداسی دلدن قراری کسدی
معبرده کوچه لرده قاره علم لر اسدی
یئللر اسن زمانی پرچم حسینه آغلار

ارض و سما ایلر نوا حسینه
عاشق لری گیدی قرا حسینه

عالم فدادی شاهِ کرب و بلا حسینه
چوخ احتیاجیمیز وار روزِ جزا حسینه
شاهدان اوجادی هر کیم اولسا گدا حسینه
هر ایل دوتار گدالر ماتم حسینه آغلار

ارض و سما ایلر نوا حسینه
عاشق لری گیدی قرا حسینه

گلزارِ کربلاده گللر سولار بو آیدا
درد و غَمِ ابالفضل دریا اولار بو آیدا
میدانیده سو مشکی قاننان دولار بو آیدا
سقا اولار خجالت علقم حسینه آغلار

ارض و سما ایلر نوا حسینه
عاشق لری گیدی قرا حسینه

• جمعه
• 28
• آذر
• 1399
• ساعت
• 23:51
• نوشته شده توسط
• یوسف اکبری

سبک : یخیلوب عباسیم ...

گئنه بزم ماتم قورولدی یا زهرا
حسینه عاشقلر پریشان آغلار
قره پرچم یاده سالار پرچمداری
وفالی سقایه ئورک قان آغلار

نقدر وار شیعه حسینه نوکردی
فدای اکبردی ئوز عشقین ساتماز
آقامیز مولادی سخاسی دریادی
غلام دربارین گؤزوندن آتماز
قالاجاق دیللرده حسین آدی والله
حسیندور حبل الله ابا عبدالله
قره پرچم حقدی صفالی بیرقدی
قسم پرچمداره بو پرچم یاتماز

علم ثارالله لوای عزتدی
وقار و شوکتدی قسم طاهایه
بو قرا کوینکلر نشان غیرتدی
جواز جنتدی قسم مولایه
کیم عزاده آغلار قرا باشه باغلار
حسینه یاس ساخلار جهنم گؤرمز
دوتاجاق مولاسی او احسان دریاسی
الیندن محشرده قسم زهرایه

?: @aharmaroufan

ای حسینه عاشق ئوز عشقینده صادق
گل اول شاهه لایق باشیندا قاره
گل اگر دردون وار دئنن یا ثار الله
جواب ائتمز والله تاپاریان چاره
یئتیشوب ماه غم گیوب قاره عالم
اسور قانلی پرچم محافللرده
یوزه اشکین جاری ایله گؤزدن باری
دوادی گؤزیاشی دل بیماره

گلور عطر یاس و هوای احساس و
لوای عباس و صدای زهرا
اوجالور هر یئردن صفا و زمزمدن
کنار علقمدن نوای زهرا
دیور هر دم ایوای اوجا بوی اوغلوم وای
علمداریم لایلای دوشوب قوللارین
ئوپوب آلنون پیکان سنه جانیم قربان
وئرر اجرین والله خدای زهرا

پایگاه اشعار عباسی معروفان اهری

• شنبه
• 6
• دی
• 1399
• ساعت
• 22:45
• نوشته شده توسط
• یوسف اکبری

غصّه ياغوب قلبیمه ؛ موسم ماتم گلوب
قاره گيوب آغلارام ؛ ماه محرّم گلوب
اي شه خوبان حسين
تشنه ويرن جان حسين
گويده ملائك دوتوب؛ شاه شهيده عزا
قاره گيوبدور بوتون ؛ عرش حق كبريا
سسلوري كروبيان؛جانلار حسينه فدا
عرشيله فرش آغلاشور؛تنگه بو سينم گلوب
قاره چـكـون ايـولـره ؛ بـزم عزا ساخليون
سينه ني چاك ايليون؛ باشه قرا باغليون
يتميش ايكي قربـانـا؛شام و سحرآغليون
بـاغـدا گـل لالـه و ؛ يـاسـمـنـه غــــم گلوب
بلـبـل اولوب نوحه گر؛ غمله گلستان دولوب
ياسه باتوبدي چمن ؛ غنچه خـندان سولوب
دشتي دوتوب گرد و خاك؛چشمه سويي قان اولوب
ياپـراقـي اوسـتـه گلـيـن؛نـالـيه شبنم گلوب
شيعه بـو آيـدا اولار ؛ ديـده سي ابر بهار
قلبي اولار لخته قان ؛ عالمه غوغا سالار
پــور عـلـي سوگينه ؛ غصـّه قــراريـن آلار
محشر اولـوب،قـلبـيـمه ؛ ولوله هردم گلوب
زيـنـب ايـنان ظلميدن ؛ جـانـه گلوبدور بو آي
گـلـدي اودم مـقـتـله ؛ وردي اولوب واي واي
گوردي ياتوب قارداشي ؛ يوخدي ياراسيندا ساي
سويله بو جسمه نلر ؛ مفــخـر عـالـم گلوب
يوم بـلاده حسـين ؛ ايـلـدي محشر بـپا
قانينه غلـطان اولوب ؛ تك به تـك اهل وفا
واي اؤ زمـان گلدي شه ؛ اصغرينه سوآلا
كــرب و بــلايــه اؤ دم؛ حـضـرت خـاتـــم گلوب
آهـوي شـش مـاهـيـه ؛ دام بـلا قـورديلا
تار امـيـديـن شهـين ؛ كيـنـه ايله قيرديلا
ويرمديلر جرعه سو ؛ حلقينه اوخ ويرديلا
حـرمـلـه نين ظـلـمـيـنه ؛ نـالـيـه علقم گلوب
قان ياش اله(آذرين)؛قـلـبـيـلـره قــان دولوب
تـيـر جـفـايه حسين؛ قانينه غلطان اولوب
كـرب و بـلا گـولـلري ؛ بـاد خزانلان سولوب
نالـيـه مـوسـي و نـوح ؛ عيسي و آدم گلوب

• چهارشنبه
• 24
• دی
• 1399
• ساعت
• 18:54
• نوشته شده توسط
• یوسف اکبری

عاشقان عاشقان گلدی محرم
گوزلره جلوه لندی قراپرچم
چکدیلرجنته قاره ملکلــر
باشلانوبدورگینه موســم ماتم
فاطمه سسلورمظلوم حسینیم وای
جان سنه قربان ای نورعینیم وای
داده گلرشیعه،،،بوغــم اعظمده
باشه ویرارمهدی،،،مجلس ماتمده

کربلاعاشقی قاره پوش اولدی
ساقی عشقیدن باده نوش اولدی
بزم ماتم قوروب شیعه شوریلن
کوی وبرزنده جوش وخروش اولدی
دللرده ذکریاذبیح العطشــان
سسلوله تشنه لبلرووه قربان
داده گلرشیعه،،،بوغم اعظمده
باشه ویرارمهدی،،،،مجلس ماتمده

کربلانهضتی دینه پیرایه
درس آزادگی ویردی دنیایه
شیعه باشدان کئچرظلمه باش اگمز
آنداولاعزت حی اعلایه
هرمصیبتده شاه ولانی سسلر
کشته دشت کرب وبلانی سسلر
داده گلرشیع،،،بوغم اعظمده
باشه ویرارمهدی،،،مجلس ماتمده

جان بودللرده کی احساسه قربان
گلسِتانلاربوباغ یاسه قــربان
غیرت آدی گلنده هامی یکسر
سسلنرشیعه لرعباسه قربان
دین اوسته کئچدی بیرگوزایکی قولدان
دونمدی اما،حق ایستین یولدان
داده گلرشیعه،،،بوغم اعظمده
باشه ویرارمهدی،،،،مجلس ماتمده

• دوشنبه
• 18
• اسفند
• 1399
• ساعت
• 22:41
• نوشته شده توسط
• یوسف اکبری

سینه لره غم گلوب/موسم ماتم گلوب
آی دولانوب ایل گیچوب/ماه محرم گلوب

قاره عَلَم لری آلدیلار الده پیرو جوانلار حسین
رخت عزاسینی گییدی دوباره سینه وورانلار حسین

بیز عاشق سینه زنی
حُب الحسین اَجَنّنی
جانم حسین جانم حسین

خون خدا یا حسین/کان عطا یا حسین
دردیمیزه گَل اوزون/ایله دوا یا حسین

من دیل آچاندان اونام شریفیوی ایلدیم اَزبر حسین
ای باشیمین تاجی هر ایکی عالم ای منه سَرور حسین

من گلمیشم قووما منی
حُب الحسین اَجَنّنی
جانم حسین جانم حسین

شور و نوا منده وار/رخت عزا تنده وار
قاره یوزوم وار منیم/جود و سخا سنده وار

درگه پاکیوه عبد ذلیلم قلبیده یوخ تاب حسین
جسمیده کی جانسان گُل زهرا ای منه ارباب حسین

قانه باتان گول بدنی
حُب الحسین اَجَنّنی
جانم حسین جانم حسین

سنسن حسین دلبریم/غم گونی ای یاوریم
هیچ کسه باش اَگمرم/سنسن حسین رهبریم

مُفتَخرم بونا سائل درگه خون خدایم حسین
عاشق و مجنون ِ حَرمِ شهِ کرب وبلایم حسین

بیرده قوناق ایله منی
حُب الحسین اَجَنّنی
جانم حسین جانم حسین

گول آدیوا حسّاسم/من باشاباش احساسم
ایتسه قبول قارداشون/عبد در عبّاسم

درس وفانی عالمه ویردی قارداشون عبّاس حسین
(بیکَس)و تنها لشگر ایچینده قالدی گُل یاس حسین

ئولدوردولر قوم دنی
حُب الحسین اَجَنّنی
جانم حسین جانم حسین

• جمعه
• 22
• اسفند
• 1399
• ساعت
• 12:54
• نوشته شده توسط
• یوسف اکبری

گینه عرش اهلی گویلرده نواخواندی
گینه عاشقلرین رخساری ایسلاندی
چون عزای شهنشاه شهیداندی

گینه گلدی مه ماتم _ سسلنور عالم و آدم

دیر ایوای دیر ایوای حسینیم وای _ اقام ایوای آقام ایوای

عرشه و فرشه چکیلدی قاره پرچملر
تازه لندی اورکده غصه و غملر
بو محافلده واردی آیری عالملر

گلن آغلار گیدن آغلار _ هامی غمدن سینه داغلار
دیر ایوای دیر ایوای حسینیم وای

ذات حق عرشیده ماتم بپا ایلیور
آسمان اهلی روز و شب بُکا ایلور
فاطمه ایندی جنّتده نوا ایلور

دیر عطشان حسینیم وای _ قانه غلطان حسینیم وای
دیر ایوای دیر ایوای حسینیم وای

بو حسینون آدین هر کیمسه دوز سسلر
اونی فرزند زهرا کامیاب ایلر
زنده دور بو قیامی تا دم محشر

آقامین پرچمی یاتماز _ عشقین عاشقلری آتماز
دیر ایوای دیر ایوای حسینیم وای

چوخلاری یو قویوب بو باب احسانه
بو امیده یتشسون دردی درمانه
سالار آتش بو عاشقلر دل و جانه

کرم ایتسه گل زهرا _ قسمتی اولسا کربلا
دیر ایوای دیر ایوای حسینیم وای

گل زهرا نظر قیل بو نواخوانه
مسکن اولموش بو (بیکَسه)عزاخانه
ایگرمی ایلدی سالوب عشقون دل و جانه

مست جام تولّادی _ قلب زارینده غوغادی
دیر ایوای دیر ایوای حسینیم وای

• جمعه
• 22
• اسفند
• 1399
• ساعت
• 12:57
• نوشته شده توسط
• یوسف اکبری

وار قلبیلرده بیر شور وغوغا
گلدی گینه ماه غم و اندوه مولا
فرزند زهرا

عرش خدایه قاره چکوبلر
رخت عزا گییدی گینه جنّتده زهرا دلبند طاها

گلدی ماه ناله و غم/یاسه باتدی اهل عالم/یتدی ماه غم محرم

تسلیت ویر شیعیانه/واردی دیللرده ترانه/سسلیولر یا یانه

اَنتَ فی قلبی حسین جان

درگاه پاکون باب ولادی
بو آستاندا یا حسین شهلر گدادی باب رجادی

ای شاه خوبان گَل ایله احسان
ششگوشه عشقی باشیمه دوشدی حسین جان ای جان جانان

پور سلطان نجف سن/گوهر عشقه صدف سن/مایه ی عزّوشرف سن

ای حجازین پادشاهی/عالمین سن سن پناهی/قسمت ایله خیمه گاهی

اَنتَ فی قلبی حسین جان

غملر الینده دلخستیم من
بیر عمردور مولا سنه وابستیم من دلبستیم من

قانین ایدوبدی اسلامی زنده
دیلدن اودور عشق ایلرم آدون گلنده لطف ایله سنده

سن شه گلگون قباسن/نورعین مرتضی سن/خامس آل عباسن

قلبیمه مولا صفا ویر/درد عشقه گل دوا ویر/بیر برات کربلا ویر

اَنتَ فی قلبی حسین جان

بزمون ده واردی عطر گل یاس
سرباز عشقوخ یاحسین سرلشگر عباس وار شور و احساس

ویردی ابوالفضل صاق و صولوندا
باش ویرماقا آمادیوخ دینین یولوندا جانان یولوندا

آگه اولسون قوم خونریز/سیز بیزه درس اورگدیبسیز/باش ویریب باش اگمروخ بیز

شور عشقه مبتلایم/پیرو خط ولایم/عاشق کرب و بلایم

اَنتَ فی قلبی حسین جان

ای شاه تشنه بیر عبد زارم
من (بیکَسم) درماندیم درده دچارم هیچ یوخدی چارم

سن سن جهاندا امّید گاهیم
قیل دردیمه درمان اوزون ای دادخواهیم یوخدور پناهیم

غصه و غم قلبی آلدی/شیعه لر سولدی سارالدی/گوزلری یوللاردا قالدی

ظلمودن دیللر اوساندی/ناله میز عرشه دایاندی/حیف اولا مهدی عج یوباندی

اَنتَ فی قلبی حسین جان

• جمعه
• 22
• اسفند
• 1399
• ساعت
• 13:14
• نوشته شده توسط
• یوسف اکبری

گییب قراعاشقلردوشوب چوله یااباعبدا۰۰۰
منظور دل دوباره دن گلیب اله یااباعبدا۰۰۰
شکسته دیللره صفا ویرر حسین یااباعبدا۰۰۰
غملی اورکلره دوا ویرر حسین یااباعبدا۰۰۰

لطفیله باخ اهل عزایه یاحسین
دائم باخارشهلرگدایه یاحسین
شش گوشه قبروندن مگردویماق اولار
دعوت ائله کرب وبلایه یاحسین

اللهم الرزقنا زیارة الحسین۳
اللهم الرزقنا شفاعة الحسین۳

اَسورقراپرچملرهرکوچه ده یااباعبدا۰۰۰
دائم اولوبدی وردیمیزگئده گئده یااباعبدا۰۰۰
گوزلردولوبدی اشگیله آخارحسین یااباعبدا۰۰۰
سینه وورانلاراآنان باخارحسین یااباعبدا۰۰۰

لطفیله باخ اهل عزایه یاحسین
دائم باخارشهلرگدایه یاحسین
شش گوشه قبروندن مگردویماق اولار
دعوت ائله کرب وبلایه یاحسین

اللهم الرزقنا زیارة الحسین۳
اللهم الرزقنا شفاعة الحسین۳

فخریم بودوراربابیم کی نوکرم یااباعبدا۰۰۰
بیرعمرودورگوزل آدیوی سسلرم یااباعبدا۰۰۰
محرمی باشیمه قاره باغلارام یااباعبدا۰۰۰
آدین گلنده یاحسین چوخ آغلارام یااباعبدا۰۰۰

لطفیله باخ اهل عزایه یاحسین
دائم باخارشهلرگدایه یاحسین
شش گوشه قبروندن مگردویماق اولار
دعوت ائله کرب وبلایه یاحسین

اللهم الرزقنا زیارة الحسین۳
اللهم الرزقنا شفاعة الحسین۳

عمریم گئچیرآهیله بلالیم یااباعبدا۰۰۰
قوومااگرچه منده لااُبالیم یااباعبدا۰۰۰
من شیره خواره اوغلوون فداسیم یااباعبدا۰۰۰
شهزاده اکبرین آقاگداسیم یااباعبدا۰۰۰

لطفیله باخ اهل عزایه یاحسین
دائم باخارشهلرگدایه یاحسین
شش گوشه قبروندن مگردویماق اولار
دعوت ائله کرب وبلایه یاحسین

اللهم الرزقنا زیارة الحسین۳
اللهم الرزقنا شفاعة الحسین۳

گوزوم یاشی یامولایوزه آخیریااباعبدا۰۰۰
پابوسووا بو اربعین گینه چاغیریااباعبدا۰۰۰
ای عشقی اهل عالمی درده سالان یااباعبدا۰۰۰
یرده قالان قانی آلارمهدی(عج) بالان یااباعبدا۰۰۰

لطفیله باخ اهل عزایه یاحسین
دائم باخارشهلرگدایه یاحسین
شش گوشه قبروندن مگردویماق اولار
دعوت ائله کرب وبلایه یاحسین

اللهم الرزقنا زیارة الحسین۳
اللهم الرزقنا شفاعة الحسین۳

• جمعه
• 22
• اسفند
• 1399
• ساعت
• 13:27
• نوشته شده توسط
• یوسف اکبری

گلوب مه ماتم/جهان اولوب پر غم
چکوبله عرش اوسته قاره/غمه باتوب عالم

حسین حسین مولا3 جانم
حسین حسین مولا

گویلرده غوغادی/وار عشق فریادی
گینه عزیز زهرانون/عزاسی برپادی

حسین پناهیمدی/امیدگاهیمدی
باش اگمرم من کیمسیه*فقط او شاهیمدی

بو سرنوشتیمدی/حسین بهشتیمدی
بوقاره کوینک اگنیمده/نشان عشقیمدی

حسین بهاریمدی/گوزل نگاریمدی
بو فاطمه اوغلی منیم /دارو نداریمدی

اَیا گل زهرا/نگار مه سیما
اوقانه باتمیش اللره/گوز تیکمیشم مولا

بو (بیکَس)و مضطر/آدیوی هی سسلر
ای شه مظلومان سندن/کرب وبلا ایستر

• جمعه
• 22
• اسفند
• 1399
• ساعت
• 16:16
• نوشته شده توسط
• یوسف اکبری

اهل عشقه اولسون اعلان - گلدی محرم

قاره پرچم یکسر آچیلدی - باشلاندی ماتم

ویر خبر هر دردمنده - هر مریضه

صاحب مشگ و لوایه - یاز عریضه

کیم درد عشقه مبتلادی

بزم عزا دارالشّفادی

والله بو درگاهین طبیبی

باب‌الحوائجدی آقادی

هر درده درمان یا ابوالفضل

قوللاره قربان یا ابوالفضل

باب‌الحوائج یا ابوالفضل

محو اولوب عشّاق عالم - چون گوزلرونده

روز محشر حکم شفاعت - وار اللّرونده

شیعه‌لر دنیاده اولموش - سنله مانوس

درگهوندن جان زهرا ایتمه مایوس

وار سنده هر دردین دواسی

عاشقلرین سن‌سن آقاسی

بو شاخسیین اهلی اولیدی

اول خرداجا - قبرین فداسی

هر درده درمان یا ابوالفضل

قوللاره قربان یا ابوالفضل

باب‌الحوائج یا ابوالفضل

گوشه چشمونله ایتسن - بیر یول عنایت

هر چتین بیر حاجت اولسا - ایلر کفایت

عشقیوی قلبیمده مولا - بسلدیم من

آدیوی صدقیله دائم - سسلدیم من

آدون اولوب ذکریم شعاریم

چون نوکرم وار افتخاریم

سایه‌ن آقا کسمه باشیمدان

دنیاده سن‌سن - اعتباریم

هر درده درمان یا ابوالفضل

قوللاره قربان یا ابوالفضل

باب‌الحوائج یا ابوالفضل

• دوشنبه
• 9
• فروردین
• 1400
• ساعت
• 11:45
• نوشته شده توسط
• یوسف اکبری

گلدی مه محرم - برپادی بزم‌ ماتم

هر کوی و هر دیاره - نصب اولدی قاره پرچم

قاره باغلا - سینه داغلا - شیعه ایّام عزادی

گل عزایه - گل شفایه - بو عزا دارالشّفادی

دوشوب اگر دنیاده - باشون چتین بیر غمه

دی صدقیله اوز دردون - بو صاحب پرچمه

جانلار فدا حسین جان - شش‌گوشه بیر مزاره

دائم‌ گلر اورکلر - هجرینده آه و زاره

بو نواده - بو عزاده - گوزوموز وار کربلاده

ایله قسمت - دلده حسرت - اگلشاخ پایین پاده

قوراخ بساط ماتم - جوان‌علی‌اکبره

بو شاخسی اهلی ایتسون - فغان علی‌اکبره

من عاشق نوایم - درگاهیوه گدایم

بیر عمریدور حسین‌جان - مشتاق کربلایم

ایسته مهمان - سنه قربان - باشدا وار قبرون هواسی

خیمه‌گاهون - قتلگاهون - اولا بو جانلار فداسی

بو درگهه کیم‌گلسه - نه خوب و زشت ایستمز

گوزل مزارون گورسه - داخی بهشت ایستمز

زاهد جنانی خوشلار - ذوق و صفانی خوشلار

امّا همیشه عاشق - کرب‌و‌بلانی خوشلار

کربلادی - غم فضادی - کربلا آیری وطندی

کوی عرفان - نور ایمان - قبر شاه بی‌کفندی

اسور، او، قرمز پرچم - نقدر جهان وار یاتماز

که خون سرخ حسین - قسم‌خدایه باتماز

• دوشنبه
• 9
• فروردین
• 1400
• ساعت
• 12:52
• نوشته شده توسط
• یوسف اکبری

گلدی ماه نوحه و نوا

گلدی عطر و بوی کربلا

باشلانوبدی موسم عزا

یا حسین (۲)

دلده یاندی آتش غمون

هر یره وورولدی پرچمون

بزم معرفتدی ماتمون

یا حسین (۲)

غم بزمی هر مکاندا قورولار

ورد و ذکری عاشقون اولار

یا حسین مولا

هر بیر عزاده قاره گیرم

گوز یاشیم آخاندا - دیرم

یا حسین مولا

درگاهون یا مولا - فردوس رضواندی

فخر ایلر - ملکلر - قاپوندا - درباندی

ثارالله - ثارالله - یا اباعبدالله (۲)

قلب زاریم ای شه ولا

تیر عشقه اولدی مبتلا

وار باشیمدا شوق کربلا

یا حسین (۲)

غمدن ایله لطف دینجلم

دلده گرد غصّه‌نی سیلم

ئولممیش مزاریوه گلم

یا حسین (۲)

من قورخورام جهاندا آقا جان

اولماسین بو عمرودن امان

یا حسین مولا

هجرون شرر بو عالمده سالا

داغ کربلا منه قالا

یا حسین مولا (۲)

تربتون - صفاسی - دردیمه - درماندی

فخر ایلر - ملکلر - قاپوندا - درباندی

• سه شنبه
• 10
• فروردین
• 1400
• ساعت
• 11:45
• نوشته شده توسط
• یوسف اکبری

یاران محرم ماه غم ماه عزادی
بوآی هامی ارض وسما ماتم سرادی
میرهدانون باشلاندی یاسی
باش قاره باغلار زهرا آناسی
االه اکبر۲

شال عزا صاحب زمانون وار باشیندا
خون جگر ممزوج اولوبدی گوزیاشیندا
ماتم نمایاندی اوزیبا گوزقاشیندا
همناله ی صاحب زمان ارض وسمادی

عرش اهلی بو آی باشه یکسر قاره باغلار
نوحه دییرفرش اهلی بو آی سینه داغلار
صاحب زمان قان یاش توکر رخساره آغلار
صاحب عزا هم قلبی قان شیر خدادی

بوآی اولار عاشوریده برپا قیامت
زهرایه عرش اهلی دیللرسرسلامت
خاتم باشیندا قاره ماتمدن علامت
ورد خانم زهرا فقط آه ونوادی

واردور یری هفت آسمان قان آغلاسونلار
باشه ملائک جمله قاره باغلاسونلار
فرش اهلی آل حیدره یاس ساخلاسونلار
بانک جرس یاللعجب هنگ عزادی

خون خدا ناحق آخار کرببلاده
سلطان عزت غرق اولار بحر بلاده
اثبات عشق ایلر حسین سعی وصفاده
عشاقه دشت کربلا همچون منادی

احرام عشقین باغلیار سلطان بی یار
غرق عزا غرق بلا اول شاه غم بار
معشوقیلن عاشق ایدر نی اوسته دیدار
سویلر حسین یارب عجب بزم صفادی

کیچدیم مناده باراللها اکبریمدن
هم قاسم مه پیکریمدن اصغریمدن
هم عونیدن هم فضلیدن هم جعفریمدن
ایفا ایدن ئوز عهدینه بو سرجدادی

کیچدیم یولوندا من اوجا بوی قارداشیمدان
باشدور بوقارداش هرنه یارویولداشیمدان
خونابه جاریدور کانه گوزیاشیمدان
من نی ده گریان زینبیم غرق عزادی

من قانه باتدیم اولدی بس هنگامه یا رب
زینب باجیم قاره گییوب اندامه یارب
قول باغلی نسوانیم چکوللر شامه یارب
سرکاروان ای وای عجب شمر دغادی

چوللرده نالان ناگران آغلار رقییم
خون سرشکین گول یوزه باغلار رقییم
باشیم گوروب نی ده ئورک داغلار رقییم
سسلر بابا گیتمه ایاقلاریم یارادی

الدن آلار صبروتوان ،هجران الهی
گوزدن توکر اهل حرم القان الهی
ایلرسریییله رباب افغان الهی
ماوا رئوس اطهره نوک جدادی

آخربوماتمده قلم زهرا قان آغلار
قاره گییوب بیت خدا خاتم قان آغلار
حیدر قوخالار دیزلرین تنها قان آغلار
(جائد)گوزون قان آغلاسا سنده روادی
میرهدانون باشلاندی یاسی
باش قاره باغلار زهرا آناسی
الله اکبر۲

• یکشنبه
• 19
• اردیبهشت
• 1400
• ساعت
• 18:40
• نوشته شده توسط
• یوسف اکبری

فارسی

محرم آمد و خون شد دل زهرا دوباره
دل صاحب زمان از این مصیبت بیقراره

هوا را غم گرفته
دل عالم گرفته
به جنت مصطفی با
علی ماتم گرفته

زند دم به دم
به سر محتشم
که ایام عزا شد

که در ماسوا
ازاین ماجرا
عجب شوری به پاشد

دوباره میرسد بر گوش جان آوای زهرا
حسینم وا حسینم وا حسینم واحسینا
دوباره رنگ پرچم های مسجدها عوض شد
مسیحی ها دوباره پرنمودند تکیه هارا

همه با شور ومستی
به عشق حق پرستی
به لب دارند سرود
حسین ارباب هستی

منِ بی نشان
ازاین آستان
گرفتم آبرویی

نصیبم اگر
شودکربلا
ندارم آرزویی

ترکی

گیچوب مین دورت یوز ایل گرچه او غملی ماجرادن
گلور إِنّی أُحامی نغمه سی دشت بلادن
ولایت ا‌وسته گیچدی باش وجانیندن ابالفضل
آلوب درسین شهیدان ولایی کربلادن

اگرامرایتسه رهبر
گوررسوز شیعه نیلر
عربستاندا شیعه
اذانین پخش ایدللر

محال امریدور
که تکرار اولا
دوباره أین العمار

ایدرسینه چاک
جوانان پاک
به عشق حی دادار

• چهارشنبه
• 29
• اردیبهشت
• 1400
• ساعت
• 22:23
• نوشته شده توسط
• یوسف اکبری

چکدیم اورکده عشقیمی معیاره یا حسین
قاره گییوب قوشولدوم عزاداره یا حسین

گوزلر گوزوم بیر ایل بویی ماه محرمی
هر گون گوزومده جلوه لنیر کربلا غمی
عشقون اورکده آختاریرام بزم ماتمی
کعبم دی هر یئره چکه لر قاره یا حسین

گوردوم چیخیب دی کوچه و بازاره دسته لر
عاشقلرون گییوبدی قرا جامه دیده تر
اسدوقجا پرچمین ائله دی روحیمه اثر
رونق وئریلدی یازدیقیم اشعاره یا حسین

باشدان هوای وصلینی بیر لحظه آتمارام
عشقونله دلخوشام بو قرا نی چیخاتمارام
سند نصورا بیر آیری کسه ال اوزاتمارام
ال دوت گیلن اوزون بو دل افکاره یا حسین

سن دین یولوندا عزتیله ائیلدین قیام
ظلمیله کسدیلر باشیوی فرقه ظلام
وئردین کسیک بوغازیله حق اهلینه پیام
قربان اولوم بو نهضت و ایثاره یا حسین

سن آللاهین حبیبی سن ای شاه بی بدیل
ائیله نظر گناه منی ائیلییب ذلیل
گوزیاشلی آستانیوه من اولموشام دخیل
وار دور امیدیم ائیلمه آواره یا حسین

ای کایناته شان و شرف عزّ و آبرو
هر بیر نفسده ائلمیشم وصلین آرزو
بیرده هاچان نصیبیم اولار قبر مشکبو
ائیله نظر بو دیده خونباره یا حسین

فصل عزادی گرمیدی بازار کربلا
ائیلور سفر تدارکی زوّار کربلا
دعوت یازیر یقین کی علمدار کربلا
تاپشیر بو بینوانی علمداره یا حسین

عباس آدی گلنده سالیر شور عالمه
سو صحبتی دوشنده اورکلر دولورغمه
گوگلوم قوشی قاناد چالیری نهر علقمه
قان آغلاسام سزادی او سرداره یا حسین

وئره م آقا سنی علی اصغره قسم
جدون شبیهی اوغلون علی اکبره قسم
اللردن ال دوتوب کسلین اللره قسم
محشر گونونده لطف ائیله حضاره یا حسین

لطف و سخاده شانوه شامل دی هل اتی
بیر عمریدور که درگهیوه اولموشام گدا
آدین گلنده روحیمی مدهوش ائدیر آقا
چوخ شایقم بو گلشن و گلزاره یا حسین

• چهارشنبه
• 5
• خرداد
• 1400
• ساعت
• 22:06
• نوشته شده توسط
• یوسف اکبری

باخ تشته شیعه، گل داده آغلا
عطشان حسینی سال یاده آغلا

یاندێ بۇ آیدا دللَر سۇسۇزدان
سوْلدۇ سارالدێ گۆللَر سۇسۇزدان
جان وئردی آخر اصغر سۇسۇزدان
چون اوْلمادێ سۇ سقّاده آغلا
عطشان حسینی سال یاده آغلا

نازلێ سکینه الده سۇ جامێ
عبّاسه گلدی، وئردی سلامی
چون شه قێزێدێ وار ایحتیرامی
یانێر سۇسۇزدان، شهزاده آغلا
عطشان حسینی سال یاده آغلا

عبّاس اوْ طئفلین بیلدی خیالین
گؤردۆ عطشده‌ن سوْلمۇش جمالین
سیلدی گؤزینده‌ن اشک-ی-ملالین
آغلار اوْ حاله سقّاده آغلار
عطشان حسینی سال یاده آغلا

گئچدی قۇلۇندان اعداء یانێندا
باشێن اۇجاتدێ زهراء یانێندا
جان وئردی عطشان دریا یانێندا
غرق اوْلدۇ قانلێ دریاده آغلا
عطشان حسینی سال یاده آغلا

اکبر سۇسۇزدان اؤز قانێن ایچدی
اصغر بوْغازێن اوْخ تئشنه بیچدی
حدّینده‌ن امّا چوْخ ظۆلم گئچدی
قان جوشه گلدی صحراده آغلا
عطشان حسینی سال یاده آغلا

معناده تشتین شُغلی فغاندی
سۇ تشت ایچینده بیر لخته قاندێ
آل-ی-عبانین گۆلزاری یاندێ
گلدی حَرملَر فریاده آغلا
عطشان حسینی سال یاده آغلا

ای سۇ دؤنئیدۇن قانه حیاده‌ن
قاتل حسین‌ین باشێن جفاده‌ن
جان اۆسته کسدی عطشان قفاده‌ن
آغلا بۇ ظۆلم-وْ-بیداده آغلا
عطشان حسینی سال یاده آغلا

• یکشنبه
• 9
• خرداد
• 1400
• ساعت
• 21:21
• نوشته شده توسط
• یوسف اکبری

گی شیعه قرا کوینگیوی غم گینه گلدی
ایام عزاداری و ماتم گینه گلدی

آز قالدی حسین وای سسی دنیانی گوتورسون
اهل دله بو غصه لی موسم گینه گلدی

آز قالدی فرآتین یولونی باغلیا اعدا
تاریخ غم فاتح علقم گینه گلدی

سال یاده سو اوسته کسیلن قوللاری آغلا
سقای لب عطشانه چتین دم گینه گلدی

آز قالدی حسین باشی چیخا نوک جدایه
دل داغلاما عدنیده خاتم گینه گلدی

قان آغلاسا گر زینب کبری یئری واردی
پرچم لر اَسور عطر محرم گینه گلدی

• سه شنبه
• 11
• خرداد
• 1400
• ساعت
• 16:29
• نوشته شده توسط
• یوسف اکبری

گینه یتوب مه محرم سراسر عالمی دوتوب غم
چکوبله قاره نه سمایه گلوب نوایه اهل عالم

اولوبدی گوئیا قیامت ایدوبدی ورد دل جماعت
حسین یارالاریوا قربان اسیر بالالاریوا قربان

غبار غم دوتوب فلکلر باتوبدی ماتمه ملکلر
آچوبدی باشینی بوآیدا بهشتیده بتول اطهر

گلوب فغانه شیرداور مدام سسلنور پیمبر
حسین یارالاریوا قربان اسیر بالالاریوا قربان

نه تک او دردمند عاشق بو درگهه بوتون خلایق
گلر دیر اورکده دردین شفا ویرر طبیب حاذق

تمام دردمند اولانلار دیر او چاره سیز قالانلار
حسین یارالاریوا قربان اسیر بالالاریوا قربان

بوآیدا دخت شیر یزدان اولوب اسیر قوم عدوان
گیدوبدی مجلس شرابه باش اگمیوب چوشیر غران

شراب مجلسینده هرآن دیردی زینب پریشان
حسین یارالاریوا قربان اسیر بالالاریوا قربان

باتوب بوآیداقانه اکبر شبیه حضرت پیمبر
گیدوب جدایه قانلی باشی گلوب نوایه غملی مادر

ایدردی اکبرین بهانه خانیم دیردی یانه یانه
حسین یارالاریوا قربان اسیر بالالاریوا قربان

بو آیدا دشت کربلاده کسیلدی نچه باش مناده
سریه سسلنوب اوغول وای باتاندا قانه شاهزاده

عزای قاسمه گلنلر ایدر نوا دیر علملر
حسین یارالاریوا قربان اسیر بالالاریوا قربان

بوآی شهید راه قران بالاسین ایتدی دینه قربان
بو عشق پاک و صبر و ایثار قویوبدی انبیانی حیران
مسیح وخضر ونوح وموسی دیردی ای عزیز زهرا
حسین یارالاریواقربان اسیر بالالاریوا قربان

سویوللارین گروه اعدا بو آیدا باغلیوبدور، اما
یاریبدی صفلری او چولده آلوب فراتی شیر هیجا

ولی سویوندان ایچمیوبدور باخوب سویا یانوب دیوبدور
حسین یارالاریوا قربان اسیر بالالاریوا قربان

بوآی بیراوت دوشوب جهانه جهان قالوبدی یانه یانه
بو آی امام کون و امکان گلوبدی ظلمیدن فغانه

حسینه ای قرا گینلر دیر بو ماتمه گلنلر
حسین یارالاریوا قربان اسیر بالالاریوا قربان

((زکی)) بو غمده سینه داغلا گوزون یاشون عذاره باغلا
فقط نه تک مه محرم حسینه هر زماندا آغلا

((عتیق)) اُل بو غمده گریان گیدونجه قبره سویله هرآن
حسین یارالاریوا قربان اسیر بالالاریوا قربان

• یکشنبه
• 3
• مرداد
• 1400
• ساعت
• 11:52
• نوشته شده توسط
• یوسف اکبری

منای حقی منای عشقه فدا ائدوبدور دبیر عشق
اولوبدی همره باجیسی زینب بویولدا اولسون اسیر عشق

باشوندا واردور ازلکی پیمان
آچوبدی راه منایه سلطان
مسیرعشق

بو نیتیلن صفایه گلسون
صفای کرب وبلایه گلسون
شهیرعشق

صفای جنت صفای خلقت آلوب حسیندن صفاسینی
نجوم و آی گون ازلدن آلمیش بو نور حقدن ضیاسینی

سالوبدی سایه وجودی فرشه
شعاع نوری دوشوبدورعرشه
منیر عشق

جمالی مظهر جمال حقه
کمالی مظهر کمال حقه
ضمیر عشق

وجود عشقه وزیر عشقه مرام عشقه سلام اولا
دیار عشقه سپاه عشقه کلام عشقه سلام اولا

منای عشقه گتوردی اکبر
فدا بو دینه وئروبدی اصغر
امیر عشق

بلی دیوبدی کلام حقه
باشون ویروبدی مرام حقه
سفیر عشق

یتوشدی ماه عزا و ماتم چکیلدی قاره بو عالمه
خبر ویرلدی عزایه گلسون بتول عذرا و خاتمه

گلوبدی دشت بلایه مولا
او یرده گلمیش نوایه مولا
غدیر عشق

گلوبدی نوح و کلیم و عیسی
حسین نواسی دیلینده یحیی
نظیر عشق

گلوبدی سقاسی اکبریله آلوبلا جانه بلالری
او چولده عونیله فضل وقاسم اولوبلا دینون فدالری

حسینه پیمان یازوب بنادن
که ذبح اولا باشی من قفادن
کبیر عشق

منا قالوب بو منایه حسرت
اولوبدی ماواسی رشک جنت
کویر عشق

• پنج شنبه
• 7
• مرداد
• 1400
• ساعت
• 12:53
• نوشته شده توسط
• یوسف اکبری

گینه حسینون آچیلدی بازاری
گینه گوروندی مصیبت آثاری
خبر وئریلدی آناسینا گلسون
حسین اولوبدی بلا خریداری

دئیر حسینیم وای
گلر ئوزی زهرا
سالار گوزی یاشلی
بو عالمه غوغا

الله الله الله الله

بلالی دشته گلر ئوزی خاتم
ابو ترابیله دوتماقا ماتم
دئینده ایوای حسینمه ایوای
اولار نظامی بو عالمین بر هم

نزول ائدر عیسی
قرا گییر موسی
دورار کنارینده
عزا دوتار یحیی

الله الله الله الله

اورکلری یاندیرار همین مطلب
توکنده رخساره شبنمین زینب
پیاله الده گلر بالا قیزلار
قمر یانیندا دورار نچه کوکب

یانار رباب آغلار
او دلکباب آغلار
توکر او دم لیلا
باشا تراب آغلار

الله الله الله الله

باشوندا واردور بیر آیری غوغاسی
گئدر او دم کی فراته سقاسی
دوشنده آتدان دئیر اخا ادرک
گلر باش اوسته یارالی زهراسی

دئیر باجی گئتدی
منیم هواداریم
خیامه چک قاره
ئولوب علمداریم

الله الله الله الله

• پنج شنبه
• 7
• مرداد
• 1400
• ساعت
• 13:02
• نوشته شده توسط
• یوسف اکبری

شب به سحر می گریم در /غم تو مولا
مرا زخود بیخود کرد /عالم تو مولا
فدای عباس تو به حضرت عباس
سپیده مویم کرده /ماتم تو مولا

گلدی محرم زهرا ( باشه قرا باغلار ) 3
سسلر حسینیم ایوای ( شیر خدا آغلار ) 3

یانار بو غمده زهرا /دئیر بالام ایوای
شیعه بو آیدا سسلر /دئیر آقام ایوای

وورار بو آیدا باشه /پیمبر خاتم
گلر او چولده دوتسون /حسینینه ماتم
گینه او دشت غمده جن و بشر آغلار
گینه بو آیدا یاسین/ دوتار هامی عالم

یانار بو غمده زهرا /دئیر بالام ایوای
شیعه بو آیدا سسلر /دئیر آقام ایوای

گلشن دین بو آیدا /گینه اولار پرپر
دئیر حسینیم ایوای /عرشیده ملکلر
گینه او چولده طوفان ائدر قرا یللر
یانار آناسی لیلا/ گئدر علی اکبر

یانار بو غمده زهرا /دئیر بالام ایوای
شیعه بو آیدا سسلر /دئیر آقام ایوای

صاحب عصرین حالی /اولار خراب آغلار
توکر گوزونن شبنم /او دلکباب آغلار
دیئنده قیزلار یاندیم عمو یتیش داده
سکینه سسلر ایوای/ یانار رباب آغلار

یانار بو غمده زهرا/ دئیر بالام ایوای
شیعه بو آیدا سسلر /دئیر آقام ایوای

حسین بو آیدا دشت /غمه اولار مهمان
قالار او چولده اصغر /نچه گئجه عطشان
گئدر سویا عباسی سو مشکی چگنینده
او مشکه بیر جوت قول بیر /گوزون وئرر قربان

یانار بو غمده زهرا /دئیر بالام ایوای
شیعه بو آیدا سسلر/ دئیر آقام ایوای

اولمادی بیر گون زینب آیرلا غملردن
باشینه قاره سالدی شام پیمبردن
ئولدی آتاسی ماه صیامیده مظلوم
توکدی عذاره قانیاش عزای مادردن

یانار بو غمده زهرا /دئیر بالام ایوای
شیعه بو آیدا سسلر/ دئیر آقام ایوای

بیر گئجه یاندی زینب حسن عزاسینده
قوجالدی دشت غمده حسین فراقینده
وداع ائدنده اکبر قامتی خم اولدی
اصغره باخدی یاندی آنا قوجاقینده

یانار بو غمده زهرا /دئیر بالام ایوای
شیعه بو آیدا سسلر/ دئیر آقام ایوای

• پنج شنبه
• 7
• مرداد
• 1400
• ساعت
• 13:17
• نوشته شده توسط
• یوسف اکبری

باز هم عشاق تو در سر آوای حسین
دارد بر خانه دل شور و غوغای حسین

درسجده گریه کند با یاد و خاطر تو
هر شب تاصبح سحر باشد شیدای حسین

یا اباعبدالله یا حسین ثارالله ( 2 )

گلدی ایام عزا باشلاندی شور و نوا
یا حسین دیلده آقا عالملر گیدی قرا

باشوندا یاره گلوب بو بزمه شیر خدا
گوزیاشلی فاطمه سی سسلندی واولدا

یا اباعبدالله یا حسین ثارالله ( 2 )

سینه سین داغلیه جاق مولا دلداده لرین
بو آیدا دوغراناجاق عطشان شهزاده لرین

قیزلارون ایلیه جاق مخیمده داد و نوا
سو جامی ساخلیاجاق الده مهپاره لرین

یا اباعبدالله یا حسین ثارالله ( 2 )

بو آیدا باغلاناجاق او چولده راه فرات
گل عمو سسلیاجاق مخیمده جمله بنات

سو گتور خیمه لره آغلور بیچاره رباب
اصغره آز قالوری تنگ اولسون راه حیات

یا اباعبدالله یا حسین ثارالله ( 2 )

• پنج شنبه
• 7
• مرداد
• 1400
• ساعت
• 13:20
• نوشته شده توسط
• یوسف اکبری

گینه گلدی ماه ماتم یاابالفضل
دیولر آدون دمادم یا ابالفضل
چکیلوبدور عرشه قاره بو عزادن
گلور ایوای ناله سی دشت بلادن

قلبیلر دوتدی غم
قاره گیدی عالم
سسلر آدون شیعه
گوزلره گلدی نم
یاابافاضل { 2 }

گینه مولا سالدی باشه باش قراسی
گینه باشلاندی حسینون ماجراسی
گینه زینبدن اوجالدی آه وناله
گینه قیزلار گلدیلر الده پیاله

عطشیمدن یاندیم
عمو جان اودلاندیم
ائدور اصغر ناله
سو گتور اطفاله
یا ابافاضل { 2 }

گینه ایام عزادی آه و وادی
گینه زهرانون سوزی وا ولدادی
العطش فریادی واردور نینواده
گینه زهرا ووردی باشه بو عزاده

سسلر حسینی
نور دو عینی
وای اوغول وای باشلار
گینه شور و شینی
یا ابافاضل { 2 }

• پنج شنبه
• 7
• مرداد
• 1400
• ساعت
• 13:23
• نوشته شده توسط
• یوسف اکبری

گلدی گینه ماه غم دیللره دوشدی نوا
فاطمه گلدی گینه اوغلونا دوتسون عزا
ترک ایلدی جنتی خاتم پیغمبران
دیلده اوغول وای گلوب بزم غمه مرتضا

گلدی ماه ماتم یا حسین
گییدی قاره عالم یاحسین

یا ثارالله یا ثارالله ( 3 )

چکدی گینه عرشینه قاره اوزی کبریا
دشت غمه یکسره گلدی هامی انبیا
گلدی ملکلر یره سالدیلا باشه قرا
ایوای آقام سسلدی اهل زمین و سما

دیللره حک اولدی یا حسین
گوزلره نم دولدی یاحسین

یا ثارالله یا ثارالله

زینبه غم باشلانار خیمده ایوای دیر
اللری اوسته رباب اصغره لایلای دیر
سسلر اوغول آغلاما جانیوه جانیم فدا
ال ایاقون چالما چوخ دردیوه یوخدور دوا

بو غمده سینمی داغلارام
چاره یوخ اللرون باغلارام

یا ثارالله یاثارالله

الده پیاله دورار نازلی سوسوز قیزلارون
سسلر عمو العطش خیمده اولدوزلارون
زینب او حالی گوروب غم اودونا اودلانار
ناله چکر سسلنر ایوای اوغولسوزلارون

وای اوگون حالینه زینبون
یانام احوالینه زینبون

یا ثارالله یا ثارالله

دوشسه ابالفضل گوزی قیزلاروون اشکینه
مشکی سالارچگینینه آل عبا عشقینه
جوت قولی باهم وئرر گورسه رقیه یانور
بیر گوزیده لطف ائدر دگمیه اوخ مشکینه

سو غمی سقانی یاندیرار
قیزلاردان چوخلی اوتاندیرار

یا ثارالله یا ثارالله

• پنج شنبه
• 7
• مرداد
• 1400
• ساعت
• 20:40
• نوشته شده توسط
• یوسف اکبری

گلـــدی ماه محــرم دوبــاره
اشـگ چشمیم رواندور عـذاره
سسلرم قولسوز عباسین آدین
دردمنــدم آلام بلــکه چــاره
آغـلارام ماتمونده ابوالفــضل
باشه ویرام غمونده ابوالفـضل

سنده وارجمله دردین دواسی
ای علـینون اوجابـُوی بالاسی
اولمــاراضی یانـا درداوتونـدا
هرکمین واردی سن تک آقاسی
صاحب عز و اجلال ابوالفــضل
دردمنده نظـرسال ابوالفــضل

چوخـلارامراضـه آلدی نتـایج
سنـدن ای آدی باب الحـوائج
قطع اولان الـلرونله بوجمعین
دردیـنه ایلــه مـولا معــالج
ای اطبـادن افضـل ابوالفـضل
بوشـفاخانیــه گل ابوالفــضل

یاندورب غملــرون شیعــیانی
غـرق محنت ائدوب ماسـوانی
آغـــلارهریـرده آدون گلــنده
هــرکمــین اولسا درد گــرانی
سسلرعاشقلرون جان ابوالفـضل
دردلـره ایلــه درمان ابوالفـضل

ای اولان زینبــین دلــرباســی
معــرفت بزمینــین کیمیاسـی
کــربــلاده دوشــــنده تـُـرابه
قیزلارین عرشه چخدی نواسـی
ملجــاآل طــاهـا ابوالفــضل
قیـزلارائتدی نوا یا ابوالفــضل

پیکـروندن آخـان قـانه قـربان
تپراق اوسته چخان جانه قربان
نهری آلدون ولی ایچمدون سو
شیعلـرسن تک عطشانه قـربان
ای حسینه علمــدارابوالفــضل
لشگــردینه سـردار ابوالفــضل

جسموه چوخ دگوب تیروپیکان
یارلـردن آخـاردی قیـزیل قـان
آه اووقتـدن یارالی قـُوم اوسته
غملی شاهی چاغوردون لب عطشان
گل دئدون ئولدی قارداش ابوالفضل
گوزیاشون اولدی قانیاش ابوالفـضل

آلدی قارداش سسین شاه خوبان
مقتـله ســاری اولـدی شتـابان
گوردی قولسوزتـُرابه دوشوبدی
سـَروباغ شــه کــُون و امـکان
دیلده اولدی سوزی وای ابوالفضل
بیـرده گلمــزسنه تای ابوالفــضل

ای خـدنـگ جفــای نشــانه
دورحسیـنون گلـوبدی فغـانه
آچگوزون بیرمنه باخ ابوالفضل
آهــیم اوج ایلــیور آسمــانه
ای آتام یادگــاری ابوالفــضل
دین حق جان نثاری ابوالفضل

باشـوه قـاره باغــلا (جــوانی)
ایلــه بوآیــدا اعـلان عــزانی
ورســالار هـاردا عبـاسه پـرچم
سنده صدقیله اول نوحه خوانی
آغلیـاندا دنن جان ابوالفــضل
قبـروه ایله مهمان ابوالفــضل

• شنبه
• 9
• مرداد
• 1400
• ساعت
• 22:31
• نوشته شده توسط
• یوسف اکبری

گلـــدی ماه محــرم دوبــاره
اشـگ چشمیم رواندور عـذاره
سسلرم قولسوز عباسین آدین
دردمنــدم آلام بلــکه چــاره
آغــلارام ماتمونـده ابوالفــضل
باشه ویرام غمونده ابوالفـضل

سنده وارجمله دردین دواسی
ای علـینون اوجابـُوی بالاسی
اولمــاراضی یانـا درداوتونـدا
هرکمین واردی سن تک آقاسی
صاحب عز و اجلال ابوالفــضل
دردمنده نظـرسال ابوالفــضل

چوخـلارامراضـه آلدی نتـایج
سنـدن ای آدی باب الحـوائج
قطع اولان الـلرونله بوجمعین
دردیـنه ایلــه مـولا معــالج
ای اطبـادن افضـل ابوالفـضل
بوشـفاخانیــه گل ابوالفــضل

یاندورب غملــرون شیعــیانی
غـرق محنت ائدوب ماسـوانی
آغـــلارهریـرده آدون گلــنده
هــرکمــین اولسا درد گــرانی
سسلرعاشقلرون جان ابوالفـضل
دردلـره ایلــه درمان ابوالفـضل

ای اولان زینبــین دلــرباســی
معــرفت بزمینــین کیمیاسـی
کــربــلاده دوشــــنده تـُـرابه
قیزلارین عرشه چخدی نواسـی
ملجــاآل طــاهـا ابوالفــضل
قیـزلارائتدی نوا یا ابوالفــضل

پیکـروندن آخـان قـانه قـربان
تپراق اوسته چخان جانه قربان
نهری آلدون ولی ایچمدون سو
شیعلـرسن تک عطشانه قـربان
ای حسینه علمــدارابوالفــضل
لشگــردینه سـردار ابوالفــضل

جسموه چوخ دگوب تیروپیکان
یارلـردن آخـاردی قیـزیل قـان
آه اووقتـدن یارالی قـُوم اوسته
غملی شاهی چاغوردون لب عطشان
گل دئدون ئولدی قارداش ابوالفضل
گوزیاشون اولدی قانیاش ابوالفـضل

آلدی قارداش سسین شاه خوبان
مقتـله ســاری اولـدی شتـابان
گوردی قولسوزتـُرابه دوشوبدی
سـَروباغ شــه کــُون و امـکان
دیلده اولدی سوزی وای ابوالفضل
بیـرده گلمــزسنه تای ابوالفــضل

ای خـدنـگ جفــای نشــانه
هدورحسیـنون گلـوبدی فغـانه
آچگوزون بیرمنه باخ ابوالفضل
آهــیم اوج ایلــیور آسمــانه
ای آتام یادگــاری ابوالفــضل
دین حق جان نثاری ابوالفضل

باشـوه قـاره باغــلا (جــوانی)
ایلــه بوآیــدا اعـلان عــزانی
ورســالار هـاردا عبـاسه پـرچم
سنده صدقیله اول نوحه خوانی
آغلیـاندا دنن جان ابوالفــضل
قبـروه ایله مهمان ابوالفــضل

• دوشنبه
• 11
• مرداد
• 1400
• ساعت
• 11:27
• نوشته شده توسط
• یوسف اکبری

گلون ای شیعه لر ماه محرم ماه غم گلدی
اورکلر ملکینه غم غصه و درد و الم گلدی
گروه فتنه گر قتل حسینه وردیلر فتوا
امام الدورمگه سبقت دوتوب اهل ستم گلدی

حسینیم وای حسین
آقام ایوای حسین

اول اشخاصی که ابزار جدال ایلوبلر آماده
قلج قلخان وروبلر بی تعارف دست جلاده
اولار حب مقامیلن دوروبلا صف صف هیجاده
پیاده آتلی میدان نبرده بیش و کم گلدی

نمایان اولدی بیر محشر اوگون طوفانلی صحراده
صف آرایی ایدوب لشگر او صحرای غم افزاده
اویاندا کفر کین پرور بویاندا مرد آزاده
حنین و بدر جنگیندن قاچانلار دمبدم گلدی

جسارت وردی شیطانین فریبی قوم ظلامه
قویوبلار تنگه دین اهلین سالوبلار رخنه اسلامه
لباس کینه اگنینده قوشولدی لشگر شامه
الینده بیر امان نامه او شمر بد قدم گلدی

بیر عده مطلبی آیدنلایب اولده تز قاندی
گوروب دین حالینه یانماق کلام نص قرآندی
صراحتلن دیدی فرزند زهرا دینه سلطاندی
فدا قرآنه اولسون یاد ایدوب اوّل قسم گلدی

چو رقاص اوینور اللرده قلجلار نیزه لر اوخلار
گیچور صاقدان صولا صولدان صاقا قان قان دیور چوخلار
بو عرفین رسمی دور گویا گلوب یار یارنی یوخلار
اودور عباس نام آور الینده بیر علم گلدی

جداله کفر دوران کوفه ده قورموشدیلار شورا
قارشدی بیر بیره دریای لشگر روز عاشورا
قوپوب دشمن قواسیندن صدای هلهله حورا
بویاندان نعرهٔ شیر ژیان میر حرم گلدی

ایکی دریای لشگر بیر بیرین مجبور ایدوب جنگه
آغیر بیر حمله سخت اولدی سپاه و لشگر و هنگه
غرض قرآن لواسین یخدیلار سقا دوشوب تنگه
دیسم بیجا دگول فریاده زهرا قدی خم گلدی

• شنبه
• 23
• مرداد
• 1400
• ساعت
• 16:23
• نوشته شده توسط
• یوسف اکبری

حسینه انس و جان آغلار بو آیدا
امام عصر قان آغلار بو آیدا

گلوب موجه بو آی بحر مصیبت
بو آیدا دولدوروب آفاقی محنت
بو آیدا باشلانوب شور قیامت
زمین و آسمان آغلار بو آیدا

ویروب غم یوز بو آیدا ماسوایه
گلوب جنّ و ملک شور و نوایه
چکوبلر قاره عرش کبریایه
هامی لاهوتیان آغلار بو آیدا

لوای غم آچوب پرچم حسینه
قان آغلار عالم و آدم حسینه
دوتوب افلاکیان ماتم حسینه
ایدر اشگین روان آغلار بو آیدا

آچوب جنّتده باش ختم پیمبر
آلوب زلفین اله خواتون محشر
حسینیم وای دیر ساقی کوثر
امیرالمؤمنان آغلار بو آیدا

اسوبدور صرصر محنت جهانه
دونوب گلزار پیغمبر خزانه
گلوب بلبل لری غمدن فغانه
گل آغلار گلستان آغلار بو آیدا

یازوب چوخ نامه لر عدوان حسینی
عراقه گتدیلر مهمان حسینی
او چولده قویدیلار عطشان حسینی
فرات آخدوقجا قان آغلار بو آیدا

علی اکبر کیمی شبه پیمبر
بویاندى قاننه اول ماه منظر
اورکده اللری لیلای مضطر
ایدر داد و فغان آغلار بو آیدا

گلنده قانلی نعشی خیمگاهه
اوجالدی شور و شیون مهر و ماهه
دوشوب هر غُلغُله خرگاه شاهه
حرملر موکنان آغلار بو آیدا

قورولدی قاسمه بیر طوی اساسی
طوئی یاسه دونوب باشلاندی یاسی
عروسی یاخدى قاندان طوی حناسی
آناسی باغریقان آغلار بو آیدا

حسینون اوندا پرگاری پوزولدی
اباالفضلین قلم قولّاری اولدی
سو مشگی اوخلانوب قانیله دولدی
او حاله قدسیان آغلار بو آیدا

بو سوزده ایسترم رخصت اوزیندن
ئولوم آثاری گورسندی یوزیندن
گلوب بیر اوخدا دگدی ساق گوزیندن
هامی اهل جهان آغلار بو آیدا

دوشوب قولسوز یره اوُل ماه پاره
قلج خنجر ووران دوردی کناره
ویریلدی حکم بش یوز نیزه داره
اوزی یاره ووران آغلار بو آیدا

گورنده حرمله اصغرده جان یوخ
عطش دلدن سالوب بی حالیدور چوخ
گمانه قویدی بیر اوچ شعبه لی اوخ
سیزیلدار اوخ کمان آغلار بو آیدا

رها اولدی کماندان تیر پرّان
هواده آچدی پر سسلندی قان قان
حسینون اصغری اوخلاندی عطشان
گُل آغلار باغبان آغلار بو آیدا

او ساعتدن آمان شاه لب عطشان
دوشوب توپراقلار اوسته قانه غلطان
او قدری ووردیلار داش نیزه پیکان
سَنان الده سِنان آغلار بو آیدا

چخاندا شمر حسینون سینه سینه
تزلزل سالدى افلاک برینه
توکولسون آز قالوب گویلر زمینه
زمین آغلار زمان آغلار بو آیدا

اوتانموب شمر کافر مصطفادن
سوسوز کسدی حسین باشین قفادن
هوا تار اولدى قان یاغدى سمادن
نشانی بی نشان آغلار بو آیدا

صحاف آغلا بو غمده عالم آغلار
آچوب باشین رسول اکرم آغلار
توکر قانیاش خلیل و آدم آغلار
سراسر کُن فکان آغلار بو آیدا

• شنبه
• 30
• مرداد
• 1400
• ساعت
• 22:50
• نوشته شده توسط
• یوسف اکبری

هلالِ غم گورونوب باشلانوب عزاسی حسینون
باتوب عزایه گلوب ناليه آناسی حسینون

چکوبله قُبهٔ اَفلاکه چادرِ نیلی
آچوبدی پرچمِ محنت عزا لواسی حسينون

مُنادی، حضرتِ جبریل دور بو ماتمده
ایدر نِدا که گلون باشلانوبدی یاسی حسينون

قرا لباس گیون، ایولره چکون قاره
قرادی زینتِ بزمِ غمِ بُکاسی حسینون

چوخ آغليون چوخ ایدون ناله چوخ فغانه گلون
که شوریلن دولاتا بزمِ غم فزاسی حسینون

آناسی آغلوری هر دم دیور سوسوز بالا وای
يوزونده زلفی باشندا عزا قراسى حسينون

ادب ملاحظه ایله سرین سو ایچمه بو آی
ایشتمیسن که گلور العطش صداسی حسینون؟

اوزی حرملری شش ماهه اصغری یانوری
بالیق کمی چابالور سود امر بالاسى حسينون

یاخوب دی زلفنه دامادی قان حنا یرینه
تاپولموری سو یووّل سون او قان حناسی حسینون

گیدوب فراته گتورسون سو اولمیوب ممکن
حیا ایدور گَله سقّای کربلاسی حسینون

ایکی الین سویا وورمشدی، فوری قانیلن
همان سویی یودی اول یارِ با وفاسی حسینون

دئدی سویا دگن اللّر منه نه لازم دور
بو اللّر اولميه، چوخ حیفدی فداسی حسينون

خيامه گیتمدی بولدی سکینه عطشان دور
سو انتظاریدی اُول زارِ مُبتلاسی حسینون

ببر اوخلی مشگه ایکی ال ایدوب ضمیمه دئدی
بو دور بو پاره اولان مشگنون بهاسی حسينون

دوشنده توپراقا سسلندی یا حسین ئولورم
خمیده لَندی او سسدن قدِ رساسی حسینون

الى بیلنده حسین گلدی نعشینی آپارا
هزار حیف اله گلموبدی مدّعاسی حسینون

گوروب او قدر دگوب یاره گُل کیمی داغیلوب
ير اوسته نقش اولوب اول سروِ دلرباسی حسینون

اوتوردی باش طرفنده باشین آلوب دیزینه
اوجالدی شیونیلن بانگِ وا اَخاسی حسینون

اگیلدی خم قديله، قویدی گُل یوزون یوزونه
بوياندى قانیله رخسارِ کَهرباسی حسینون

بویوردی قارداش ابوالفضل ازوم سنه قربان
سن ئولدون، اولدی خرابه هامی اساسی حسینون

(شهاب) الونده قلم گلدی نالیه قورتار
تمام اولان دگی هرگز بو ماجراسى حسينون

• یکشنبه
• 14
• شهریور
• 1400
• ساعت
• 13:41
• نوشته شده توسط
• یوسف اکبری

گوروم بو عالمی ویران اولیدی
نه بو ماتم نه بو افغان اولیدی

نه عاشورا اولیدی نه محرم
نه خرگاه حسین تالان اولیدی

نه دشت کربلاده شاهِ دینین
جَلالی غارت عُدوان اولیدی

فراتین یولاری نه باغ لانیدی
نه اولادِ علی عطشان اولیدی

نه شهزاده علی اصغر سوسوزدان
سولیدی گل کیمی خندان اولیدی

بوغازی ندان اونون نه اوخ دگیدی
نه قونداقی لبالب قان اولیدی

نه ظلمی له علی اکبر ئولیدی
نه نعشی زینت میدان اولیدی

نه زلف و کاکلی قانه باتیدی
نه لیلا دیده سی گریان اولیدی

نه بی کس اهل عیالی ظلم الیله
اسیر قوم بَد بُنیان اولیدی

نه اولادِ علی یکسر سوسوزدان
گلوب درده هامی نالان اولیدی

علمدارین نه قولّاری دوشیدی
نه سو تک مشکی نه القان اولیدی

نه ظلمیله حسین آتدان دوشیدی
نه عرشِ کِبریا لَرزان اولیدی

نه گل جسمی قالوب یرده کفن سیز
نه غسلی ظلم الیله قان اولیدی

نه لشکر سینه سینده آت چاپیدی
نه اوچ گون پیکری عریان اولیدی

کسیک باشی نه خولینین ایوینده
تنور ایچره گیدوب مهمان اولیدی

اولیدی (وافیا) طَبعون زر افشان
الینده گر قلم هرآن اولیدی

• چهارشنبه
• 17
• شهریور
• 1400
• ساعت
• 15:00
• نوشته شده توسط
• یوسف اکبری