اشعار ترکی امام حسین (ع)

گَل نجفدن کربلایه شاه امّت یاعلی
کربلاده باشلانوبدی قتل و غارت یاعلی

یوز قویوبدی خیمه ی ثاراللهه فوج عدو
اللرینده تیغ و خنجر گلدی قوم کینه جو
بیربیره سبقت آلور، ایله سالوبلار های و هو
زینبه برپا اولدی اوردا قیامت یاعلی

چوللره حیران قاچولّار عترت ختمی مآب
نه قالوب باشلاردا معجر نه قالوب یوزده نقاب
گورمه میشدی فاطمه قیزلارینی گون بی حجاب
عفو ایله گر ایلسم غملی حکایت یاعلی

بیربه بیر تالان اولور اخیامیده اهل حرم
اوت ویرور سوندان خیامه ظلمیلن اهل ستم
نیله سین بولمور او چولده بانوان محترم
ظلم اولوب کرببلاده بی نهایت یاعلی

کیم قاچور اوتدان چوله گوزیاشلی زار و دلغمین
نه گورور؟ ایلوب کنار خیمه ده دشمن کمین
چاره تاپمور سسلنور امداد امیرالمومنین
گل اوزون ایله اوشاقلاردان حمایت یاعلی

اوت چیخوب عرشه قالوب حیران گوزل مه پاره لر
آبله باغلوب ایاقلار قان ویروللر یاره لر
جبریلن غارت اولور اخیامیده گوشواره لر
هم قولاقدا هم ایاقدا وار جراحت یاعلی

زینبی سالدی ایاقدان تهمت و زخم زبان
ایلیوب محشر به پا او چولده شمریله سنان
عین مقتلدی، یوزه زولفین ایدوبدی سایبان
گورمه سین تا صورتین اهل شقاوت یاعلی

کاش ائدردی بیر بئله ظلم و جفایه اکتفا
او کشاکشده نچه قیز قورخودان اؤلدی، شها
آت دوشونده جسملر قالدی باش آچدی مصطفا
گل نجفدن کربلایه شاه امت یاعلی

• دوشنبه
• 27
• بهمن
• 1399
• ساعت
• 19:25
• نوشته شده توسط
• یوسف اکبری

می ومیخانه سوزون دهریده خماره دنن
ساعی اول عشق سوزون عاشق دلداره دنن

گلی بلبل ائلیب یار وفادار اوزونه
شکوی بلبلی گت یاره وئران خاره دنن

کیم اولوب پیرو اهریمن ایتیردی یولونی
مشکل قافله نی قافله سالاره دنن

باغلاماز توبه یولون خالق منان وودود
ناامید اولما گئنه حکمتی اغیاره دنن

قلبه هم راز ائلمه جاهل اولان انسانی
اورگین دردینی بیرگوشه ده داداره دنن

گوهرین قدرینی زرگر بیلیر ای خاک شناس
گولی داغلاردادا گورسن گئنه عطاره دنن

گرچاتا بیلمسه شش گوشه ی اربابه الین
سِرّیوی عازم اولان عشقله زواره دنن

• شنبه
• 17
• تیر
• 1402
• ساعت
• 20:01
• نوشته شده توسط
• یوسف اکبری

عید قربان است و قربانگاه شاهم آرزوست
کربلای پُربلایِ پُر ز آهم آرزوست

در طریق عشق جانان رهروی دیرینه ام
رو به سوی شاهِ جانم شاهراهم آرزوست

سالیانی من گدای درگه شاهنشهم
رسم مردی نیست گر اِکلیل جاهم آرزوست

ما مریدان را مرادی غیر رویش نیست نیست
خلوتِ حال و مقامِ خانقاهم آرزوست

روزگاران، شب صفت هر چند تاریک و ظُلَم
از فروغ برجِ هاشم بدر و ماهم آرزوست

من نه در بند بقای جان خویشم یک دمی
داند ایزد بر فنای ذات، راهم آرزوست

از ظَلومی و جَهولی گر قصوری رفته است
سینهء سوزان و آهِ عذرخواهم آرزوست

گر #نگین شعر مدحش کرده از فضلش مرا
بوسه بر انگشتر و دستان شاهم آرزوست

• یکشنبه
• 15
• مرداد
• 1402
• ساعت
• 13:27
• نوشته شده توسط
• یوسف اکبری

(در سبک یخلدی سقا یره....)

ای شاه گلگون کفن دور باجون گیدیر حسین
یوخدی سنی دفن ائدن دور باجون گیدیر حسین

او سوسوز لبلره لبلریم فدا حسین
قان دولان گوزلره گوزلریم فدا حسین

عریان قالوب پیکرون یوجدی جسمه سایبان
قویمولّا دفن ایلیَم نعشیوی بو کوفیان
ساتحلوب اوخ اوسته اوخ ای امام انس و حان
یاره لرون باش آچوب لاله مثلی، مهربان

دور حسین دور حسین غصه دن باجون اؤلور
آغلورام من سنه، کوفیان منه گولور
---------------------
الله بولور زینبون چوخ بلالیدی باشی
بیر گونده اؤلدی ایکی اوغلی یدّی قارداشی
قانه دونوب خیمه ده قیزلارون بو گوز یاشی
نیزه لر اوسته گزیر آل هاشمی باشی

یاحسین شمر سر قافله الوب منه
هانسی درده یانوم من فدا اولوم سنه

هاردا قالوب اکبرون هاردا میر لشکرون
اوخ اوسته اوخ سانجلوب پاره پاره پیکرون
قانیله پرده چکوب بوسه گاه مادرون
خیردا بارماقین هانی، کیمده دی انگشترون

صف چکوب اشقیا نیزه داش آتوردولار
پیکر پاکون اوستونده آت چاپوردولار
----------------------
سن لبیکی سسلدون قلبدن شهادته
منده اورکدن اخا راضیم اسارته
اولسون قسم ذوالفقارِ شه ولایته
زینب دوزر داغ کیمی هر غم و مصیبته

بو آخان قانلاری من گرک حسین آلام
شامیده تختیدن هندین اوغلونی سالام

• دوشنبه
• 27
• بهمن
• 1399
• ساعت
• 20:06
• نوشته شده توسط
• یوسف اکبری

مستانه عالمین عجب عالمدی یاحسین
بوعالمینده محو ایکی عالمدی یاحسین

عالمللره سالوبدی عجب سایه رحمتون
ذوق وصفاوئروب ایکی دنیایه رحمتون
باغ بهشته اولماسا پیرایه رحمتون
عاشقلره بهشت جهنمدی یاحسین

من عاشقم سنه سروسامانی نیلورم
سنسیز بهار و باغ و گلستانی نیلورم
جانان گراولماسابوقوری جانی نیلورم
جانیمدان عشق یارمقدمدی یاحسین

بیرعمراسیرطره طرارون اولموشام
قید محبتینده گرفتار اولموشام
ایللربوئی جهاندا عزادارون اولموشام
خوش یرلریم محافل ماتمدی یاحسین

• سه شنبه
• 17
• مرداد
• 1402
• ساعت
• 01:19
• نوشته شده توسط
• یوسف اکبری

حسین مزارین گور نه گوزلدی

شش گوشه قبرون عرشه مثلدی

گون گشدی عمروم دوندی خزانه

قبرین اوپیدیم من یانه یانه

الله الله الله الله

قبر شریفون چوخ با صفادی

عطر بهشتی نور خدادی

قرآنه اوغلون اکبر فدادی

گون گشدی عمروم دوندی خزانه

غرق خطایم چوخدور گناهیم

سن سن امیدیم سن سن پناهیم

محشر گونونده اول پناهیم

الله الله الله الله

قلبیمده حسرت یوخدور یارالی

فرصت عجلدن یوخدور یارالی

دیولر جسمون اوخدور یارالی

گون گشدی عمروم دوندی خزانه

الله الله الله الله

• چهارشنبه
• 18
• مرداد
• 1402
• ساعت
• 01:31
• نوشته شده توسط
• یوسف اکبری

عالمه گلدی_شاه مشرقین
مژده،جهانه_گوز آچوب حسین

سوم شعبان_ لطف ائتدی خدا
گلدی جهانه_شاه شهدا

گلوب روح و جان سقا
آرامش دلها
نور دل طاها

حسین+دی _ماه دل آرا
عاشقلره مولا
بند دل زهرا
___

چارم شعبان_شاد اولوب علی
ام بنینون_گلدی گوزلی

درده نتائج_گلدی عالمه
باب الحوائج_گلدی عالمه

ئوپوب قوللارینی حیدر
اول ساقی کوثر
شاد اولوب ئورکلر

گلوب+دی حسینه یاور
عبد حی داور
شیعیانه سرور
__

پنجم شعبان_گلدی مه جبین
نوگل حیدر_زین العابدین

عطر دل انگیز چمن گلوب
عالمه شاه _بت شکن گلوب

چرا+غان اولوبدی دنیا
گلدی ماه بطحا
نوریدی سراپا

ائدوب+دی یزدی رسوا
نطقیله بو آقا
شامه سالدی غوغا

• پنج شنبه
• 19
• مرداد
• 1402
• ساعت
• 00:30
• نوشته شده توسط
• یوسف اکبری

(در سبک من عباسم منه دریالر آغلار)

حسینون حالینه ملکلر آغلار
یانان احوالینه اورکلر آغلار
گلر افغانه گویلر ماتمینده
علیّ و فاطمه پیغمبر آغلار

آخدی یرده قانی--چیخدی تشنه جانی
سسلدی ملک لر
ایوای حسین وای

چکوب قاندان گوزونده هاله پرده
چیخور جانی لبوندن تشنه، یرده
گورنده یاره لی نعشین حسینون
گلوب افلاکیان بو غمده درده

ای شه لب عطشان---شاه کون و امکان
سسلدی ملک لر
ایوای حسین وای

اولان منحور صد ظلمیله نحری
غمین یاندیردی یاخدی برّ و بحری
گوروم قانه دونه نهر فراتی
داغیلسین بو وفاسیز شهر و دهری

ذبح اولان قفادن--دویمویان بلادن
سسلدی ملک لر
ایوای حسین وای

سوسوز اؤلدوردی شاهی قوم دد خو
حرام اولدی بناتِ حیدره سو
کسنده باشیوی شمر ستمگر
اورکدن آغلادی قوم جفاجو

نه قالوب عمامه-- نه عبا نه جامه
سسلدی ملک لر
ایوای حسین وای

• دوشنبه
• 27
• بهمن
• 1399
• ساعت
• 20:21
• نوشته شده توسط
• یوسف اکبری

ای شیعیه مرآت شفاعت قره پرچم
وی محفل ثاراللهه زینت قره پرچم
بو قاره علم،شیعیه سرمایه دی والله
وهابی نه آنلور ،نه دی وحدت قره پرچم

بو قاره علم منجی احباب حسیندی
عاشقلری سرمست می ناب حسیندی
کیم قاره گئیوب وصلیده بی تاب حسیندی
عشقیله ایدیر وصلیده بی تابی حسینه
صدقیله دئسون دردینی اربابی حسینه

هریاندا اولا قاره علم بزم صفادی
دوز نیّتیلن گئتسن اگر باب نجادی
آنداولسون حسینه او پل کرببلادی
کیم گلسه صداقتله اگر بزم عزایه
زینب اولاری دعوت ائلر کرببلایه

بو قاره علم زینت دربار حسیندی
هریرده اولا عاشقی،زوّار حسیندی
گوزیاشی گوزودن چیخا،غمخوار حسیندی
کیم ساخلاسا هریرده اگر بزم حسینی
گویا دولانیر معنیده بین الحرمینی

بو قاره علم عشقینه سردار اولوب عباس
معراجه گئدن شاهه،علمدار اولوب عباس
دریانی آلوب تشنه ی دلدار اولوب عباس
جان نقدی قویوب عرشه ویروب پرچم دینی
بو قاره علملن اوجادوب دین مبینی

زینب بو قرا پرچمیلن شامی آلوبدی
بو پرچمی،دروازه ی ساعتده چالوبدی
تختیندن اوزی اوسته او می خواری سالوبدی
بو پرچمه عشق ایلینون بیله دی عهدی
بیرگون گوراخ آلموش اله بو پرچمی مهدی

• پنج شنبه
• 30
• بهمن
• 1399
• ساعت
• 11:59
• نوشته شده توسط
• یوسف اکبری

یاتما کول اوسته اوغلوم،آچ گوزلرین یارالی
دیداریوه گلوبدی،غم پرورین یارالی

سن نیله میشدون اوغلوم بو قوم کوفیانه
داشلاره اولدی باشین،سرنیزه ده نشانه
هئچ یوخ یوخیدی سنده، حتی او ساربانه
بذل ایلدون گجیله،انگشترین یارالی

مطبخده شمس جنت،آی تک بو گجّه باتدون
ایش بیر یره دایاندی،قیزلاری گوزدن آتدون
بو سینه مه نه گلدی،گلدون کول اوسته یاتدون
گرد و غبار اولوبدی،گول لبلرین یارالی

رگبار غم گتیردی،اطفالیوی فغانه
دور،،زینبی ایاقدان سالموشدی تازیانه
قالموشدی مات و حیران،اول فاطمی نشانه
پخش اولموشیدی چولده،آهولرین یارالی

بولدوم بو یاتماقیندان چوخ خسته سن،حسینیم
راحت یاتوبسان اما،کول اوسته سن حسینیم
زینبدن آیریلبسان،جان اوسته سن حسینیم
باشی بلالی قالدی، دور خواهرین یارالی

لب تشنه کسدی باشین،شمرِ لعین قفادن
نهرک شرم ائدوب علیدن،نه آل مصطفادن
یوخ بیر نفر گوتورسین تا نعشیوی آرادن
شان شان قالوب آراده گول پیکرین یارالی

مقتلده من واریدیم بادِ ستم اَسنده
شمره باخوب یانیردیم،او باشیوی کسنده
والله دیلیم او ساعت آغزیمدا دوشدی بنده
ضجّه چکوب یاناردی،بو مادرین یارالی

اول دورت مین اوخلی کوینک،ظلمیله اولدی غارت
سالدی سنی ایاقدان اوخ،زینبی شماتت
قسمت سنه شهادت اولدی اونا اسارت
تکمیل ائدوب بو امری،همسنگرین یارالی

بو شعریمه گر اولا اجرت مه منیره
تقدیم خالصانه من ایلدیم حقیره
بیر یول گوز آلتی باخساز اوز نوکریز "فقیره"
شاهلاره غبطه ائیلر،بو نوکرین یارالی

• یکشنبه
• 3
• اسفند
• 1399
• ساعت
• 23:06
• نوشته شده توسط
• یوسف اکبری

ای سبط رسول خاتم
لب تشنه غریب آدم
یات خسته قتیل قرآن
فعلا،،گینه قارداش گللم

یات عاشقانه اکبریله-----بوغازی یاره اصغریله
من عازمم دیار شامه----بو بی کمک حرملریله

جسمینده وار از بس یاره
واللاهی سایلماز یاره
بو جسمیده صاف یر یوخدی
عضوعضو اولونوب صد پاره

بو پیکره نه سایبان وار----نه شامیانیدن امان وار
نه زینبه وئرولّه رخصت---نه جسمی قبریوه قویان وار

اوخلار اوتوروب اوخ اوسته
داشلار یاغوری پیوسته
بیر باخ ایشه بیر اقباله
سن خسته حسین من خسته

مگر بو قومه دستگیرم؟---یارالی باشیوه اسیرم
او گوردوقون باجون اؤلوبدی---بوکولموشم غمینده پیرم

تا چاتدی ایشین اتمامه
دولدی بو قوشون اخیامه
غارته آچوب ال دشمن
نه قالدی عبا نه جامه

ازل بو حالتی گورنده اؤلدوم---یارالی جان وئرنده اؤلدوم
دئیوم حرامزاده بجدل---گئجه‌یله بارماقون کسنده اؤلدم

جسمین قالوب عریان یرده
باشون دولانور اللرده
داش بسکی دگوب باشیندن
قان لخته‌سی وار لبلرده

یارالی،دوز سوزی یورولدوم---همی یورولدوم هم ویرولدوم
گئدوبدی دار یوخوم الیمدن----نه یاتموسان حسین،سویولدوم

دور سال یولا بو قیزلاری
ای زینبونون سالاری
بیر یولدا گوزون آچ قارداش
دیندیر بو آدامسیزلاری

منه دور عشقیوی اعیان وئر----گیدیر باجون یولی نشان ور
اولان اولوب گئچن گئچوبدی----کسیک بوغازیله اذان وئر

• دوشنبه
• 4
• اسفند
• 1399
• ساعت
• 23:16
• نوشته شده توسط
• یوسف اکبری

ای عاشقان مژده،مدینه زیباشد
زدامن زهرا،،گلی شکوفاشد
اومولای عالمین است
پورمرتضاحسین است
ازعشقش دلم به شین است
که سائل درگه حسینم من
گرفته ام امشب،،زدامنت مولا
تویی به ملک عشق،،امیربی همتا
تومولای عاشقانی،
عشق جمله عارفانی
دل داردترانه خوانی،زسوزعشقت
به شوروشینم من
حسین حسین جانم۲

مخالف

نشسته ام کنی عطابرمن مولا
یاثارالله
مرارسان به کربلاجان زهرا
یاثارالله
ای عشق خدا،،نورکبریا
شـــــــــــــــــــــــاه کربلایی
ای روح دعا،،معدن سخـــــــــا
برماکن عطایــــــــــــــی
عشق توشدپیشهٔ شیعــــــــــه
راه تواندیشـــــهٔ شیعــــــــــــــه
حسین حسین جانم..

ترکی

گوزلدی رفتارن،،شکوه ایثارون
جهانه حکم ایلور،،سنون علمدارون
یوسفدن یوزون گوزلدی
حسنون فردوبی بدلدی
عشقون لطف لم یزلدی
اوشاقلیقمدان سنه گرفتــــــــــارم
جنان بیزه سنسیز،حرام اولارمولا
قاپونداحاتملر،،غلام اولارمولا
رحمت وارسنون قاپوندا
عزت وارسنون قاپوندا
شوکت وارسنون قاپوندا
منه نظرقیل گدای دربارم
حسین حسین جانم۲

مخالف

شعارشیعیان اولوب یاثارالله
یاثاراللــــــــــــــــــــه
کچوب یولونداعمروموزحمدًلله
یاثاراللــــــــــــــــــه
ای شاه وفا،،معدن سخـــــــــــا
سال یاده گدانی
ای بحرکرم،،سنی گوزلرم
جان وئرن زمــــــــــــانی
گرچه آقاخواروذلیلم
درگه احسانه دخیلم
حسین حسین جانم..

• یکشنبه
• 10
• اسفند
• 1399
• ساعت
• 22:28
• نوشته شده توسط
• یوسف اکبری

مژده عاشقان موسم شادی و صفا شده
مرغ آرزویم زکنج قفس رهاشده
انتظاراحمدوعلی سرآمده
بندهٔ عزیزحیّ داورآمده
یاثارالله حسین حسین یاثارالله
مولامولا حسین حسین یاثارالله
????
آمدآنکه درعرصهٔ کربلا علم زند
برحیات اهل ستم نقشهٔ عدم زند
کشتی نجات جمله مضطرآمده
نورعین مصطفی وحیدرآمده
یاثارالله.......

مخالف??
معدن سخا،،مظهروفا
خسروشرف،،شاه کربلا
جهان چوگلشن شدازمقدمش
گرفته عیسی بقاازدمش
شیعه رانوردوعین آمد
شافع محشرحسین آمد
یاثارالله.......

ترکی

گوزلرون حکایت دیوربیرغم نهانیدن
قاشلارون آقاباج آلاربی گمان
کمانیدن
عزّوجاه شاهیانه مکتبونده دی
دردلرون دواسی دست زینبونده دی
یاثارالله.......

مخالف

ابتداسنون،،انتهاسنون
پایتخت عشق،،کربلاسنون
فدااولوم عشق واحساسووه
اسیر اولوب دللر عباسووه
سائلوخ سنده اولان فضله
بیزلری تاپشورابالفضله
یاثارالله.......

• یکشنبه
• 10
• اسفند
• 1399
• ساعت
• 22:30
• نوشته شده توسط
• یوسف اکبری

غملره آماجم من//یاابی عبدالله
لطفووه محتاجم من//یاابی عبدالله
ایله نظر مولا//یاابی عبــــــــــــــدالله

قوماقاپوندان آقا//سائل نالانی
بوش یولاسالماعبد//زاروپریشانی
وئرمرم عشقون مولا//هرایکی دنیایه
بوگوزل عشقون وئرمیش//عمرومه پیرایه
عمرومه پیرایه قبریمه سرمایه
هربزم عزاده سینمی داغلیارام من
یادونله یوزه اشک بصرباغلیارام من
ای خسروخوبان٭سلطان لب عطشان٭جانیم سنه قربان
ایله نظرمولا///یاابی عبداللــــــــــــــه

کرب وبلاده کئچدون//دارونداروندن
کئچمدون امااصلا//قول وقراروندن
دینی سرافرازائتدون//ای پسرزهرا
درس شرافت آلدی//سندن هامی دنیا
عشقه جلاوئردون٭دینه صفاوئردون
ویردون علم فتح وظفرکرب وبلاده
گزدون گهی سرنیزه ده گه طشت طلاده
ای مهرفروزان٭ای حافظ قرآن٭
جانیم سنه قربان
ایله نظرمولا///یاابی عبــــــــــــدالله

• پنج شنبه
• 14
• اسفند
• 1399
• ساعت
• 18:16
• نوشته شده توسط
• یوسف اکبری

کربلادن گئدورم کوفیه قول باغلی حسین
جبریلن آیریلورام من اوره گی داغلی حسین

موکبیم دوشدی یولا
دورمنی ایله دعا

چاره م اولسا اولارام معتکف کرب وبلا
ائده رم باشوون اوستونده حسین آه ونوا
گئتمورم من،آپارولّارمنی بوقوم دغا
جبریلن آیریلورام من اوره گی داغلی حسین

باخورام باشووه سرنیزه نون اوستونده حسین
سنده هردن منه باخ نیزه دن ای نوردوعــیـــــــن
من دیوم نوحه سنه،سنده ائله شیون وشیــــــــن
جبریلن آیریلورام من اوره گی داغلی حسیــــــن
موکبیم دوشدی یولا
دورمنی ایله دعـــــــا

پیکرون قالدی چوخوریئرده باشون نیزه سوار
قلبیلردن آپاروربومحنون صبروقرار
تازیانیله بودشمن بیزی بوردان آپارار
جبریلن آیریلورام من اوره گی داغلی حسین
موکبیم دوشدی یولا
دورمنی ایله دعـــا

سیلرم کوفه ده بوگوزدن آخان گوزیاشیمی
قویمارام خوارالیه کوفه لیلرقارداشیمی
ویرارام محمله غیضیله بلالی باشیمی
جبریلن آیریلورام من اوره گی داغلی حسیــــن
موکبیم دوشدی یولا
دورمنی ایله دعـــــــــا

سالارام ابن زیادون جانینا اوردا شرر
ائلسه نطق شررباریم اونامرده اثر
غیرتی اولسااگر،تختینون اوستونده ئولر
جبریلن آیریلورام من اوره گی داغلی حسین
موکبیم دوشدی یولا
دورمنی ایله دعــــــا

قویمارام صدمه یئته غصه لی اولدوزلارووا
پیشمرگ اولّام ئوزوم قلبی یاراقیزلارووا
چپ باخانمازبیری یوللاردا آدامسیزلارووا
جبریلن آیریلورام من اوره گی داغلی حسین
موکبیم دوشدی یولا
دورمنی ایله دعــــــــــا

• دوشنبه
• 18
• اسفند
• 1399
• ساعت
• 23:17
• نوشته شده توسط
• یوسف اکبری

ای گُل گلزار ، فاطمه یا مولا
یا ابی عبدا... سَیّدَناالمولا

(شمس دل آرا/زاده ی زهرا/عالمه مولا آقا
هر درد اولا آدون دوا)۲

حسین/ای قانی آخان چوللره
ای عشقی دوشن دیللره
ای قلبی یانان غملره

حسین / ای رخت شهادت گیین
ای ظالمه باش اَگمیین
غملرینه دیل داغلیین

شاهنشهِ مظلومان صل ا... علیکَ
عالم آدیوا قربان صل ا... علیکَ

جنّ و مَلک حیران ، نهضتیوه مولا
اهل جهان والِه ، عزتیوه مولا

(سیّد عطشان ،حجّت یزدان،شاه شهیدان، آقا هر درد اولا آدون دوا)۲

حسین /ای شیعه لرین سَروَری
ای فاطمه نین دلبری
حل ایله بو مشکل لری

حسین / ای کان سخا و کَرم
ای پادشهِ محترم
یاز گینه ده بین الحرم

شاهنشهِ مظلومان صل ا... علیکَ
عالم آدیوا قربان صل ا... علیکَ

سایه ی رحمتدی ، سایه ی پرچم لر
آدیوی ذکر ایتسم ، قالمیه جاق غم لر

(خون خداسن،کان عطاسن، نور هدا سن آقا هر درد اولا آدون دوا)۲

حسین /ای مظهر آیات دین
ای معنی حَبل المتین
ای جلوه ی حِصنِ حَصین

حسین/ ای عالمه محشر سالان
ای تاج یر شیعیان
ای عاشقی پیر و جوان

شاهنشهِ مظلومان صل ا... علیکَ
عالم آدیوا قربان صل ا... علیکَ

فخر ایدر هر (بیکَس) ،سن کیمی اربابه
قوّت قلب اولدون ، هر دل بی تابه

(شاه حجازیم ،سوز و گدازیم،بنده نوازیم آقا هردرد اولا آدون دوا)۲

حسین /ای عشقیده باشدان گیچن
ای سو یرینه قان ایچن
ای اوغلونا خلعت بیچن

حسین /ای گلشن عشقه ثمر
ای فُلکِ نجات بشر
حق سنده اولوب جلوه گر

شاهنشهِ مظلومان صل ا... علیکَ
عالم آدیوا قربان صل ا... علیکَ

• پنج شنبه
• 21
• اسفند
• 1399
• ساعت
• 22:49
• نوشته شده توسط
• یوسف اکبری

ای گل رضوان/ای شاه مظلومان /اولدوم پناهنده /بزم عزاده

شاه عاشورا/ای شافع عقبا/ فکریم گزیر مولا /کرب و بلاده

ای شهنشاهیم* قوزانیر آهیم

یا حسین مظلوم یا حسین مظلوم

یا حسین مظلوم ایوای حسین مظلوم
ایوای حسین مظلوم ایوای حسین جان

سَرو آزاده/من سسلرم داده/عشقون دوشوب ارباب/قلب حزینه

ای شه دوران/گول آدیوا قربان/احسان ایله مولا/بو دلغمینه

سن پناهیمسان *تکیه گاهیمسان

یا حسین مظلوم یا حسین مظلوم

یا حسین مظلوم ایوای حسین مظلوم
ایوای حسین مظلوم ایوای حسین جان

عالمه مفخر/ای شیعیه رهبر/جانلارسنه قربان/زهرا بالاسی

ای کرم کانی/سن بیل آنان جانی/ایله بیزه احسان/آدون فداسی

دینه ای یاور*شیعه لر سسلر

یا حسین مظلوم یا حسین مظلوم

یا حسین مظلوم ایوای حسین مظلوم
ایوای حسین مظلوم ایوای حسین جان

زینت جنّت/ای مایه ی عزّت/ویردون بیزه مولا/سن درس ایثار

عشقه ای ساقی/گَل قوغما عشّاقی/بو عشقیوه آقا / دیللر گرفتار

دیل دولی غمدی*ماه ماتمدی

یا حسین مظلوم یا حسین مظلوم

یا حسین مظلوم ایوای حسین مظلوم
ایوای حسین مظلوم ایوای حسین جان

ای گل گلشن/بیزدویماروخ سندن/گییدوخ هامی یکسر/رخت عزانی

گل بیزی آتما/بیگانیه قاتما/
اهل عزا ایستر/کرب و بلانی

ای گل زهرا *سسلروخ اوردا

یا حسین مظلوم یا حسین مظلوم

یا حسین مظلوم ایوای حسین مظلوم
ایوای حسین مظلوم ایوای حسین جان

• پنج شنبه
• 21
• اسفند
• 1399
• ساعت
• 23:01
• نوشته شده توسط
• یوسف اکبری

ای شه گلگون قبا / پادشهِ کربلا
گوزتیکوب عالم سنه /ای آقا اوغلی آقا

ماتمونده دیللر قان اولوب
جنّتده زهرا حیران اولوب

قاپوندا نوکرم یا حسین
قسمت ایله حرم یا حسین

یا ثارالله 3

عشقیوه دلبستیم/غمدن آقا خستیم
بیر کسه باش اگمرم/من سنه وابستیم

نه اولسام عزادارم سنه
اربابیم احسان ایله منه

تاج سریم سن سن یا حسین
هم رهبریم سن سن یا حسین

ای خلف حیدری/عشقی صفا گوهری
تشنه دوداقون حسین/یاندریب عالم لری

جامه ی شهادت گییموسن
سواوسته تشنه جان ویرموسن

ای رحمت سایه سی یا حسین
شفاعت آیه سی یا حسین

ای آدی خون خدا/بند دل مرتضی
لطف ایله بو نوکره/بو اربعین کربلا

دوزدی من عبد نالایقم
ششگوشه قبریوه عاشقم

دیلده وار چوخلی غم یا حسین
ای پناه عالم یا حسین

دوشوب آدون دیللره/صفا ویرر ائل لره
محرمون یا حسین/سالوب بیزی چوللره

اوشاقلیقدان آدون ازبریم
مولانا سنسن تاج سریم

شیعه سنی آتماز یا حسین
قاره پرچم یاتماز یا حسین

• جمعه
• 22
• اسفند
• 1399
• ساعت
• 13:08
• نوشته شده توسط
• یوسف اکبری

ای پناه عالم حُرّ بی پناهم

ایتدیقیم خطادن ایندی عذر خواهم

کسمیشم یولی شاها/
حُرّی عفوایله مولا

توبه می قبول ایت

گر تَعَدّی ایتدیم من ره وفادن
قورخدی خیردا قیزلار ایتدیقیم جفادن
سیدی گوزون یوم بو بویوک خطادن

دوزدی من گنهکارم/
سرشکسته و زارم

توبه می قبول ایت

کاش ازل آنامدان هیچ من اولمییدیم
شرمدن بولود تک بیله دولمییدیم
کاش اوگون سنه من مانع اولمییدیم

گوزلریم توکور قانیاش/
بولمدیم من کلباش

توبه می قبول ایت

وار یری قان آخسا اشگیله گوزومدن
عفوایله قبول ایت اینجیمه سوزومدن
گَردِ شَرمی سیلّم قانیله یوزومدن

ویر اجازه میدان/ قانیمه اولوم غلطان

توبه می قبول ایت

بیر زمان گوز آچدیم ای شه ولایت
من اوزومی گوردوم بین نارو جنت
گرچه واردی جرموم ایله سن عنایت

لطف حق اولا شامل/ غملریم اولا زایل

توبه می قبول ایت

(بیکَسا) بو درگه، درگه رجادی
خانه صاحبی چون معدن عطادی
آلتی گوشه قبری ایله با صفادی

ایلیه سنی مهمان/ اوردا سسله سن هر آن

توبه می قبول ایت

• جمعه
• 22
• اسفند
• 1399
• ساعت
• 15:57
• نوشته شده توسط
• یوسف اکبری

درد مندوخ آغلاماخ درده دوادور بیزلره
بو حسینون درگهی دارالشفادور بیزلره

بو ولایت عشقینی بیز مصطفادن آلمشوخ
غیرتین سرمشقینی شیر خدادن آلمشوخ
بیز بو آغلار گوزلری خیرالنسادن آلمشوخ
درس عشقی اورگه دن خیرالنسادور بیزلره

اولماقا ثابت قدم صدقیله همّت شرطیدی
اولماسین ریب و ریاست اصل نیت شرطیدی
ای عزادار حسین جمعوزده وحدت شرطیدی
جمع اولوب بیر آغلاماق لطف خدادور بیزلره

دشمنین فکری بودور ذکر حسین وای گَلمه سین
بو جوانلار هیئتین رسم و رسومین بولمه سین
سیز تلاش ایلون ولی تا روح مکتب ئولمه سین
نهضت کرب و بلا رمز بقادور بیزلره

اجنبی لر ایستیور آه و نوادن ال چکاق
شاه عالم خامس آل عبا دن ال چکاق
نینوانی بوشلیاق کرب و بلادن ال چکاق
بولموری کرب و بلا مرو و صفادور بیزلره

فرقه ی عدوان دیور قاره گینلر اولماسین
صف چکوب آغلار گوزیله آغلیانلار اولماسین
یول ایتیرسین لر جوانلار آغلین لر اولماسین
مدعی لال اول بو نهضت پر بهادور بیزلره

دین یولوندا هر بلا گلسه گر کدور صبر ایداخ
خیری شردن هر زماندا حقی باطلدن سیچاخ
باش ویروب باش اگمین راه شهیدانی گیداخ
فاطمه اوغلی حسین میر هدادور بیزلره

جیفه دنیا گرکدور بیزلری آنلاتماسون
واقعی شیعه اودور هیچ قیمته دین ساتماسون
حلقه ی گرداب غفلتده وجودی باتماسون
باتماروخ گردابه قرآن رهنمادور بیزلره

ای گیدن حجّه طوافون نیته وابسته دور
صاحب کعبه حسینه چون اوزی دلبسته دور
بی حسین گیتسن طوافه مزدی پای خسته دور
چون حسین شرعین یولوندا رهگشادور بیزلره

دائما فرهنگ غربی حمله ایلور بیزلره
اغنیالر باش اوجالدور ظلم اولور بیکسلره
قویماروخ بیر کس باخا کج بو قرا پرچملره
بو علملر دافع دردو بلادور بیزلره

(طائرا)آل علیدن چکمه ال دائم چالیش
با وفا احبابیله فکر و عملرده قاریش
سس سسه وئر(بیکَسیله)شعله چک دلدن آلیش
سویله بو بزم عزا باب رجادور بیزلره

• جمعه
• 22
• اسفند
• 1399
• ساعت
• 16:07
• نوشته شده توسط
• یوسف اکبری

ای گل گلزار زهرا جان مولا یا حسین
ای شهِ دنیا و عقبا روح طاها یا حسین

عشقیوی دیلده بولورسن بَسلرم
سسلرم من سسلرم من یا حسین

یابن زهرا یابن زهرا یابن زهرا یا حسین

ای جمالی ذات حقّین یر یوزونده جلوه سی
مضجع پاکی اولان ای شیعیانون کعبه سی

سالموسان دنیایه سن شورو نوا
عالمی دوتدی حسینیم وای سسی

ای فدای راه قرآن جان جانان یا حسین
عشقیوه اهل دوعالم قالدی حیران یاحسین

ای نگار نازنین فاطمه
گل آدون هر درده درمان یا حسین

ای شرف کانی اَیا سلطان دشت نینوا
عالم و آدم دییر بو عشقیوه صد مرحبا

یوخ بهشته رغبتیم ای تشنه لب
لطفیله سن ویر منه بیر کربلا

(بیکَسم)من بو جهاندا سن کسیم سن
یا حسین
نوکرم من درگهونده سن بسیم سن
یا حسین

ظالمه باش اگمرم من تا ابد
رهبریم سن سروریمسن یا حسین

• جمعه
• 22
• اسفند
• 1399
• ساعت
• 16:23
• نوشته شده توسط
• یوسف اکبری

ای فاطمه اوغلی منه قیلدون کرم
قسمت اولوب پابوسیوه منده گلم

جانم حسین
جانم حسین جانم حسین جانم حسین

باشیمده وار شوق حرم چوخدان آقا
الحمدالله ایتمیسن احسان آقا
بو عرشه بنظر قبریوه قربان آقا

جانم حسین
جانم حسین جانم حسین جانم حسین

عشقون منی درده سالوب بیماریوم
سن گلشنه زهرا گولی من خاریوم
منّت قویوبسان بوینوما زوّاریوم

جانم حسین
جانم حسین جانم حسین جانم حسین

ویردی نتیجه شکر اولا گوز یاشلاریم
همراه اولوب ایندی منه قارداشلاریم
افسوس اولا گلمیر نجه یولداشلاریم

جانم حسین
جانم حسین جانم حسین جانم حسین

هانسی گویون سن تک حسین مهتابی وار
یا کیم سنون سن تک دُرِ نایابی وار
سن تک آقا آخرکیمون اربابی وار

جانم حسین
جانم حسین جانم حسین جانم حسین

بیر عمریدور من عشقیوه اولدوم اسیر
شوق زیارت رشته ی صبری کَسیر
کرب و بلا آدی گلیر قلبیم اَسیر

جانم حسین
جانم حسین جانم حسین جانم حسین

زائرلرین یولدا آقا فریادی وار
هرکیم نجه گلسه اونون دا آدی وار
اما پیاده گلماقین چوخ دادی وار

جانم حسین
جانم حسین جانم حسین جانم حسین

• شنبه
• 23
• اسفند
• 1399
• ساعت
• 20:09
• نوشته شده توسط
• یوسف اکبری

شور عشق تو ، به دلم افتاد
به خیال من ،یه حرم افتاد

چی میشه،رَهام بُکن از این عذاب
ذکرم گشته کربلا ، بده جواب
بعضی شبها میبینم ، من توی خواب
لالایی میگم برا طفل رباب

سلام ارباب
دوباره دل هوایی شد

سلام ارباب
دلم باز ، کربلایی شد
حسین جانم ۲

سلام ارباب
ببین تو شور و شِینم رو

سلام ارباب
بِنِویس اربعینم رو
حسین جانم۲

لَبَیکَ یا حسین لَبَیکَ یا حسین ۲

نه اولور مولا ، باخ بو مدهوشه
گویلومه دوشدی، گینه ششگوشه

قبریوین دیولّه چوخ صفاسی وار
گنبد آتدا فاطمه نواسی وار
خیمه گاهین آیری بیر هواسی وار
صودامر آناسینین صداسی وار

سلام ارباب
منه غملر اولوب دمساز

سلام ارباب
برات کربلامی یاز
حسین جانم۲

سلام ارباب
گدای بیکسم مولا

سلام ارباب
قاپوندان سائلی قووما
حسین جانم۲

لَبَیکَ یا حسین لَبَیکَ یا حسین ۲

سالوری آدون ، قلبیمه غوغا
یادیمه دوشدی ،یوم عاشورا

ایندی ده، یارالیدی گول پیکرون
قانه بویانوب، هامی کمک لرون
یاتوبدی ، ایاق طرفده اکبرون
سینه ن اوسته خواب ایدوبدی اصغرون

سلام ارباب
سلام ای جان ویرن عطشان

سلام ارباب
داغیلمیش جسمیوه قربان
حسین جانم۲

سلام ارباب
سنه هم یار و انصاره

سلام ارباب
سنه هم تشنه سرداره
حسین جانم۲

لَبَیکَ یا حسین لَبَیکَ یا حسین ۲

• شنبه
• 30
• اسفند
• 1399
• ساعت
• 09:26
• نوشته شده توسط
• یوسف اکبری

ای
زینبه جان/قانه غلطان
قوملار اوسته یاتوب سان یارالی
جسمی عریان

قانیوی توکوبله کینه دن
غارت اولدی کوینگون ندن

حیف اولا /گلشنه/ باد جور و ظلم اسوب
وای منه/ کیم حسین/اللرون بیله کسوب

یا حسین یاحسین جان یارالی قارداشیم

دور
گویلومی آلدی /یاتدی اقبال
مسافردی باجون شهر شامه
دور یولاسال

بو دیاری ترک ایدنمورم
سن سیز هیچ یره گیدنمورم

سن اوزون زینبین ال اورکده کی غمین
سویله عبّاس آچا باشیم اوسته پرچمین

دور
من غریبم/غم نصیبم
دوتوب اطرافی دشمن حسین جان
بی حبیبم

باغلیوبله قول قولا بیزی
دور ایاقه سال یولا بیزی

ظلموله گوندوزی ایتدیلر منه گجه
شامه سنسیز حسین شمریلن گیدوم نجه

ای سر شکسته /نیزه اوسته
باشون گویده حسین جسم پاکون
قوملار اوسته

الده قمچی شمر نابکار
آغلینده قیزلاری وورار

بیر دویون جا سنه آغلینمدیم حسین
نعشون اوسته جگر داغلینمدیم حسین

• شنبه
• 30
• اسفند
• 1399
• ساعت
• 09:38
• نوشته شده توسط
• یوسف اکبری

حسین جان، یوخومدی
حَشریمه اَلیمده بیر توشه

کَرَم قیل، گَدایم
لُطفیله باخ بو سیَه پوشه

ئولمه میش، بیر یولدا
یاز بیرده براتِ شش گوشه

دَردین مَحبوبه دیَر، اَحباب
هجروندن اولوبدی دیل، بیتاب
اِثبات اولدی عالَمه، بو سوز
مولا یوخدی سَن کیمی، اَرباب

صَرصَرِ غَم و بَلا، اَسدی
صَبرین رشته سین ایله، کَسدی
عالَم دولسا درد و رَنجیله
عشقون یا حسین منه ، بَسدی

گول آدون، اولوب اَزبَریم
ای منیم تاجِ سَریم

یا حسین، بوبَسیمدی کی
سَنسَن منیم رَهبَریم

یاحسین یاحسین
یاحسین جانم مولا

تاپیلماز، نَظیرون
ای تاجِ سَرِ بنی آدَم

اَمانِ، جَهاندی
اولسا هَر یرده قره پَرچَم

خداوند، آدوندان
خسته دیللره سالار مَرهَم

مولا مصباحِ هُدی' سَنسَن
دریای جود و سَخا سَنسَن
دیلده دَردیمه دوا اِیْله
دردِ عالَمه دوا سَنسَن

دوزدی چوخ خطا اولوب مَندن
مولاجان خَجالَتم سَندن
نیلوم دویمورام آدوندان من
سایه ن باشیمه دوشَن گوندَن

گول آدون، اولوب اَزبَریم
ای منیم تاجِ سَریم

یا حسین، بوبَسیمدی کی
سَنسَن منیم رَهبَریم

یاحسین یاحسین
یاحسین جانم مولا

عشقوندی، عالَمده
غَملَردن ایدوب منی آزاد

غَم گونی، سَسله دیم
مولا ایتموسن منه امداد

ایندی من، عشقیله
سَسلَرم آقا ایوین آباد

ای جانِ جَهانیان مولا
یوخدی دَهریده سنه هَمتا
شاهد سن من دیل آچان گوندن
اورگَشمیشم آدیوی آقا

سَنسَن دردِ عالَمه حاذِق
دَییَرَم سیزه اگر لایق
عالَم اَهلی قُوی بونی بولسون
شاهه نوکری اولوب عاشق

گول آدون، اولوب اَزبَریم
ای منیم تاجِ سَریم

یا حسین، بوبَسیمدی کی
سَنسَن منیم رَهبَریم

یاحسین یاحسین
یاحسین جانم مولا

• یکشنبه
• 1
• فروردین
• 1400
• ساعت
• 15:56
• نوشته شده توسط
• یوسف اکبری

ایتدی تَجلی نور خدا
عالمه ویردی آیری صفا

فاطمه بیر گول گتیریبدی بو جهانه
یثربی دوندردی بو گول باغ جنانه

شاهِ دوسَرادی/چون خونِ خدادی
بو گُلِ زیبانون حسیندی گوزل آدی

(بو گُلِ زیبانون حسیندی گوزل آدی)۲

عالمی حیران ایلیه جاخ
عشقیده طوفان ایلیه جاخ

کیمسه نظیرین تاپا بولمز بو جهاندا
جوشه گَلر قان، گوزل آدین چاغیراندا

ای کعبه ی ایمان/ای شاهِ شهیدان
عالم و آدم سنه قربان سنه قربان۲

گلدی جهانه خونِ خدا
عالمه سالدی شور و نوا

عشقی سالار قلبیلره شورش و غوغا
کرب و بلا نهضتینی ایلَسَه بر پا

خورشیدِ وِلادی چون فخر منادی

قبله ی عشّاق جهان کرب و بلادی۲

عشق سِپِهرین اَنجُمی دی
آل عبانین پنجمی دی

نوری تجلّا ایلدی چون رُخ مهتاب
گلدی جهانه اولا عاشقلره ارباب

عشق اهلی گداسی/جانلاردی فداسی
زاده ی زهرادی آقالارین آقاسی۲

ایتدی خجالت گویده آیی
جود و سخاده یوخدی تایی

سسله سن آدین غم و دردین گیده جاقدی
تذکره وی زینبی امضا ایده جاقدی

عشقی منه بَسدی/سینَمده نَفسدی
(بیکَسه)امّا ایکی دنیا آقا کَسدی۲

• یکشنبه
• 1
• فروردین
• 1400
• ساعت
• 19:15
• نوشته شده توسط
• یوسف اکبری

دیللرده وار شور و شعف
بابا اولوبدی بوگجه شاه نجف

قلبیم ای خدا ، اولدی بو گجه عشقه هدف عشقه هدف

به به گلوب دیلداریمیز
دنیایه قویدی مقدمین اربابمیز

گلدی تا اولا ، هرایکی جهان سالاریمیز سالاریمیز

یثرب اولدی چون باغ جنان
خدا ایدوب لطفون عیان
سفینه ی نجاتدی فقط بو شاه انس و جان

آقای من مولای من ای دین و ای دنیای من
آقای من مولای من ای شافع عقبای من
آقای من

ای محترم کان کرم
دائم گوزل آدیوی من هی سسلرم

قسمت اولموری ، چوخدان ای آقا بین الحرم بین الحرم

قلبیمده وار درد و محن
آدون گلنده اشک آخوری بو دیده دن

سندن اوزگه سی ، یوخ جهانیده دردیمی بولن دردیمی بولن

وار دیلیمده چوخ شور و نوا
اورک تاپوب آیری صفا
اوزون بیزه یاز نه اولار
زیارت کرب و بلا

ای با وفا کان سخا
بو دیلده کی دردیمیزه ایله دوا

سن دعا ایله ، صاحب الزمان تزگله آقا تزگله آقا

بو هیجریدن اشکیم آخار
تیر بلانی فرقتی قلبه تاخار

منتظر گوزوم ، دائماً آقا یولارا باخار یولارا با خار

سن بیزه بو گون ایله عطا
ویر عیدیانه ای خدا
یوسف زهرانی یتور
حسینوین قانین آلا

• یکشنبه
• 1
• فروردین
• 1400
• ساعت
• 19:22
• نوشته شده توسط
• یوسف اکبری

ویرسه رُخصت منه گر خالق نوراُلثَقَلین
سالارام قلبیلره، شعله چَکَن شوریله شِین
عالمی مست ایلیوب فاطمیه نور دوعین
یعنی شاهنشهِ عالَم، منیم اربابیم حسین(ع)

حسین شمس هدادی، حسین خون خدادی
حسین عزّت شیعه، شهِ کرب و بلادی

حسین دینه فدادی، امامِ دو سَرادی
حسین مُنجیِ دینِ، خداوندِ عَلادی

حسین درده دوادی، آدی خاکِ شِفادی
حسین قلبه جَلادی، حسین روحه صفادی

حسین محورِ خلقت، شهِ ارض و سَمادی
حسینین قاپیسیندا، جهان اهلی گدادی

حسین حسین مولا مولانا حسین

حسین کان کَرَم دی، حسین شاهِ اُمَم دی
حسین زینتِ باغ و، گلِستانِ اِرَم دی

نَقَدری اولا توصیف، مقاماتینا کَم دی
هامی اهل سماوات، بو اربابه خَدَم دی

حسین میرِ حَرَم دی، آدی مایه ی غَم دی
گَلَنده گوزل آدی، هامی دیده ده نَم دی

قَسَم اولسون او طفله، کی پیکان دَمین اَمدی
بو جَمعین آقا دردی، فقط بین الحَرَم دی

حسین حسین مولا مولانا حسین

حسین نور حقیقت، حسین مایه ی عزّت
حسین کَشتیِ دین و، نجاتِ بَشَریّت

حسین کان کرامت، بیزی ایتدی هدایت
حسین عادتی احسان، حسین معدن رحمت

حسین راه سعادت، حسین مَلجا اُمّت
ایدوب شورِ حسینی، یر اوستونده قیامت

نولور ایتسه عنایت، شهِ مُلکِ ولایت
غلامین ایده بیرده، او ششگوشیه دعوت

حسین حسین مولا مولانا حسین

حسین شاه شهیدان، حسین ناطق قرآن
هامی دردِ جهانه، حسینین آدی درمان

حسین حُجّت یزدان، اولوم آدینا قربان
حسین آدینی سسلر، دامارلاردا گَزَن قان

حسین مُرشدِ عرفان، حسین معنی ایمان
پیَمبَرلر اولوبدی، اونا طفل دبستان

اولوب عشق حسینه، خلایق هامی حیران
ایکی نهر آراسیندا، حسین تشنه ویروب جان

حسین حسین مولا مولانا حسین

بیزه عشق ولا ویر، اوزون قلبه جَلا ویر
اورکلرده کی درده، کَرَم ایله شِفا ویر

صفا سَنده دی مولا، عطا سَنده دی مولا
هامی دردِ جهانه، دوا سنده دی مولا

گَدایِ درِ شاهم، اوزوم غرق گناهم
سیزه نوکر اولاندان، آقا صاحبِ جاهَم

نِی عشقه نَوا ویر، سینیق قلبه صفا ویر
آقا (بیکَسه) لطف ایت، گینه کرب و بلا ویر

حسین حسین مولا مولانا حسین

• یکشنبه
• 1
• فروردین
• 1400
• ساعت
• 19:31
• نوشته شده توسط
• یوسف اکبری

شرف ارض خدا،روح مبرّا دی حسین
زینت مطلقه ی شانه ی طاهادی حسین
اقدسیّت سنَدی، ذات تولّادی حسین
مخرن الآیه دی آئینه ی قرآندی حسین
شاهکاری اثر خالق سبحاندی حسین

ماه شعبانین اوچو حق،سوزون اظهار ائلدی
یوسفی بیرده وئروب گرمیِ بازار ائلدی
انبیا و ملک و حوری خریدار ائلدی
تزه دن وئردی نمایش نَفَس توحیدی
کلّ انواری ییغیب خلق ائلدی خورشیدی

گوز آچیب گوزلرینه،گون ئوزی پیرایه گلوب
گویون اولدوزلاری گهوارسینه دایه گلوب
رُخ زیباسینه یوسف ده تماشایه گلوب
گون دئدی گوزلرینی ئوپمه قه منّت چکورم
آی دئدی چیخماقیما من که خجالت چکورم

صورت فاطمه یه گول کیمی لبخند اوتوروب
مرتضانین دهنین ده ائله بیل قند اوتوروب
احمدین سینه سینه غیبیله بیر پند اوتوروب
گوزون آیدین اولا جبریل دئدی نور دو عین
بو گوزل غنجه نی اوپ حنجرینی،سسله حسین

اهل عرشون بو جگر گوشه کسوب چاره سینی
صف چکوب گورسده تا فاطمه مهپاره سینی
تلسور حور و ملک ،ترپده گهواره سینی
دئدیلر قونداقینی عرشه گئتور یا الله
یا که اذن وئر علی بِیتین ائده خ منزلگاه

گلجگین قونداقی عرش اهلی تاپیبدور هیجان
دوزولوب دورینه جنّت ده کی پاکیزه زنان
دیوب احسن نه گوزللیک یارادیبسان یارادان
حیف دور شاخه جسمی قالا جنّت دن اوزاق
اذن وئر جمله گه بو گول بالیا دایه دوراق

فاطمه گلدی گوروب یوخدی بشیک ده بالاسی
تاب ائدنمز دئدی یا رب بو فراقه آناسی
مطلبی درک ائلیوب گلدی صدایه آتاسی
عرض ائدیب اولما ملول احمدین ای جانانی
اللهیم عرشه حسینی آپاریب مهمانی

سنی سلطان ائلین قدرته قربانم حسین
روز میلاد دی و منده خرامانم حسین
ولی عفو ائتسون اگر ایندی رثاخوانم حسین
گر بولود یاغماسا،گلزار ائوی آباد اولماز
گوزیاشی توکمه سه شاعر،ئورکی شاد اولماز

او حسینی که اونون سینۀ زهرادی یئری
او حسینی که اونون عرش معلّادی یئری
اوحسینی که اونون شانۀ طاهادی یئری
گور قویوب کوفه لی لر جسمینی نه احواله
عرش مهمانینی ظلمیله سالیب گوداله

بو همان شه دی که مات ائتیمیشیدی حورانی
ایستی قوملار بورویوب ایندی همان مولانی
بو حسین دور که هواداریدی هر بیر یانی
ولی گور ایندی نه بی کس ییخیلوب صحراده
ظلمیله دوغرانان اعضاسی ایتوب بلواده

• دوشنبه
• 2
• فروردین
• 1400
• ساعت
• 23:08
• نوشته شده توسط
• یوسف اکبری

دنیاده اوچ دلاور - زینب،حسین،ابالفضل
عشاقه اولدی سرور - زینب،حسین،ابالفضل
شیران نسل حیدر - زینب،حسین،ابالفضل
فخریله شیعه سسلر - زینب،حسین،ابالفضل

خاتونیمیزدی زینب،دنیایه نور عین دی
سالاریمیز دی عباس،ارباب عالمین دی
کل جهانیانه،رهبر فقط حسیندی
دیللرده اولموش ازبر - زینب،حسین،ابالفضل

اخذ مدال ائدوبلر - حیدر حکومتیندن
درس شرف آلوبلار - دریای صولتیندن
تیترر عدو اساسی - سیمای غیرتیندن
چون مرتضایه بنزر - زینب،حسین،ابالفضل

مردان کوی عشقون - فرهنگیدور ابالفضل
زینبدی نای غیرت - آهنگیدور ابالفضل
اردوگه حسینون - سرهنگیدور ابالفضل
پرچم ده یازدی لشکر - زینب،حسین،ابالفضل

بیز شیعه ی علییوک - پای وئرمروخ عنوده
بیز ساتماروخ حسینی - مشرک لره،یهوده
بیز عرصه ی جهادی - قان ایلروخ سعوده
استادیمیزدی یکسر - زینب،حسین،ابالفضل

بیز نام کربلانی - قازدیرمیشوخ بدنده
اوج حقه یئتیرروخ - مولا آدی گلنده
غیرتلی شیعه حتی - سسلر دیر ئولنده
تنها بولاردی رهبر - زینب،حسین،ابالفضل

• دوشنبه
• 2
• فروردین
• 1400
• ساعت
• 23:58
• نوشته شده توسط
• یوسف اکبری