اشعار ترکی امام حسین (ع)

بیز حیدریوک٬ حیدری شخصیّتیمیز وار
مهدی کیمی عالمده٬ ولی نعمتیمیز وار

هراون ایکی آی٬ مست مِیِ نابِ حسینوک
بایرام گونوده باخسوز اگر هیئتیمیز وار

بو بزم عزادن بیزی هئچکس آیرانمز
هریاندا حسینچی آدینا شهرتیمیز وار

بَهبَه نه سعادتدی حسین نوکری اولماق
حتما آناسی فاطمه دن خلعتیمیز وار

واللّهی حسین مجلسی جنّتدی سراسر
هیئتده خیال ایلیَروک جنّتیمیز وار

ایراد ائلمه چوخ بیزه ای مدّعی لال اوُل
چون عشق حسینیله گوزل اُلفتیمیز وار

سعی ایله دولاشما بیزه٬ گِردابه دوشرسن
عبّاسِ علی تک٬ یَلِ پُر قدرتیمیز وار

ال چکمه میشوک٬ چکمروک اَل٬ عشق حسیندن
قاش گئت بابا بیز آذریوک غیرتیمیز وار

(فیضی) بئله یاز مدّعیلر تا باشا دوشسون
اولادِ علیدندی نَقَدْر عزّتیمیز وار

• پنج شنبه
• 5
• فروردین
• 1400
• ساعت
• 11:29
• نوشته شده توسط
• یوسف اکبری

شکر خدا رهبریمیزدور حسین
نوکریوک سروَریمیزدور حسین

عاشق دیوانه سیوک هامّومیز
شام و سَحر ازبریمیزدور حسین

سیم و زَرَه ایلَمَروک اعتنا
لَعل و دُر و گوهریمیزدور حسین

یوخدی بجز عشق حسین٬ عشقیمیز
اوّلیمیز٬ آخریمیزدور حسین

واهمه میز یوخدی بیزیم حشریدن
چونکه شَهِ محشریمیزدور حسین

• پنج شنبه
• 5
• فروردین
• 1400
• ساعت
• 11:31
• نوشته شده توسط
• یوسف اکبری

مرحبا پور مرتضایه
معدن عزت و سخایه
گلمیشم دردیمی دیئم من
محضر شاه کربلایه
.
سائلم یاحسین
قووما درگهیندن منی سن
وئر منه تذکره
اول مزار شش گوشه نی سن
حسین جانم – حسین جانم
.
.
.
.
ناخدای سفینۀ دین
سرّ بنیان آل یاسین
میوه قلب مرتضی دی
اهل عشقین اوجاتدی باشین
.
حق سنون سینه وی
طور عشقه سینا یارادوب
شانیده رتبه ده
برتر از مسیحا یارادوب
حسین جانم – حسین جانم
.
.
.
.
صبح ازّلده کوکب اولدی
جلوه سی نیّر شب اولدی
یاوری کربلا چولونده
قولسوزعباس وزینب اولدی
.
یاحسین قیل نظر
قوللاری قلم قارداشیوا
قسمت ائت قبریوی
اوردا بیردولاندیر باشیوا
حسین جانم – حسین جانم
.
.
.
.
گوهر کنز هل اتی دی
دلبر شاه لافتی دی
نام

• چهارشنبه
• 17
• مهر
• 1398
• ساعت
• 15:01
• نوشته شده توسط
• ابوالفضل عابدی پور

سبک:یخیلوب عباسیم.......
.
.
مرتضی اسکندری(ساعد زنجانی)
.
آنا یا زهرا گل ویرانۀ شامه
شام غریبانه رقیم ئولدی
قابار ایاقلارین باغلا یارالارین
حسینه ریحانه رقیم ئولدی
.
یوخ الده چاره – قولاقدا یاره
مهماندی بالام – پروردگاره
.
.
.
.
گیجه لر آج یاتدی آناسین آغلاتدی
بلایه توش اولدی بلالی باشی
یاراسین باغلادیم اوتوردوم آغلادیم
گوزوم قالدی یولدا گله قارداشی
قبرین اوزوم قازدیم اکبر آدین یازدیم
نه گلدی قارداشی نه بیر یولداشی
یارالی طرلانیم سه ساله جیرانیم
قالدی یانا یانه رقیم ئولدی
.
.
.
دای الیم بوش قالدی فلک گینه سالدی
بلالی زینبون باشینا قاره
بالامون قبرین من اوزوم قازدیم اما
الیم گلمور جسمون قویام م

• چهارشنبه
• 17
• مهر
• 1398
• ساعت
• 15:18
• نوشته شده توسط
• ابوالفضل عابدی پور

سبک ها : سو یوخومدی قیزلاروندان ... سنی سسلیور هرایه ... سنه سو دین دوداقلار ... یالار سینونده قارداش ...
.
.
.
مرحوم قدرت اله نادری میانجی
.
نه اولا ائدم زیارت
او دیاری نهر علقم
گوزیمون یاشی سنون تک
اولا جاری نهر علقم
.
.
.
سنون آدیوا ئورکدن
بیلوسن چوخ الفتیم وار
قوجاقوندا کی شهیده
نقدر محبتیم وار
نچه مدت و زماندیر
بو دیلک بو حسرتیم وار
گلوب ایلیم زیارت
او مزاری نهر علقم
.
.
.
نجه پاک توپراقون وار
مه هاشم اوردا باتدی
ایکی قول وئروبدی سقا
علمی او یرده یاتدی
گورم اوخ نه نوعی گلمیش
اونی مشکه کیملر آتدی
اولی باصفا دیللر
سو کناری نهر علقم
.
.
.
نجه باصفادی دشتون
پوزولوب او یرده گلزار
نجه باصفادی ت

• سه شنبه
• 23
• مهر
• 1398
• ساعت
• 17:01
• نوشته شده توسط
• ابوالفضل عابدی پور

تا باغلانوبدی بار بلا گوزلرم سنی
زینب قیزون دوشنده یولا گوزلرم سنی
.
گل کوچ ائدنده باغلا پیمبر قاپوسینی
ای دختر رسول خدا گوزلرم سنی
.
اولسون حسین بو قبریوه قربان دایانما چوخ
منزل اولاندا کرب و بلا گوزلرم سنی
.
اکبر جوانیمه آناجان زینت ایلرم
امّت لره وئرنده فدا گوزلرم سنی
.
اولسون گرک یانیندا آنا قارداشیم حسن
قاسم اولاندا دینه فدا گوزلرم سنی
.
باس سینووه او گون قولون عبّاسیمون آنا
امّ البنینی ایله رضا گوزلرم سنی
.
قاتل چخاندا سینه مه تشنه بوغازیمه
خنجر قویاندا شمر دغا گوزلرم سنی
.
قانیم گئدنده باشیمی آل سن دیز اوستونه
قانیم یره اولاندا روان گوزلرم سنی
.
آل سینه ن اوسته شمر کسن وقته باشیمی
سینون

• سه شنبه
• 27
• اسفند
• 1398
• ساعت
• 22:39
• نوشته شده توسط
• ابوالفضل عابدی پور

سبک: مانده ام تنهای تنها.....
.
ای اولان کرب و بلاده دین حق قربانی قارداش
گوزلورم جان اوستیم گل سنکیمی جانانی قارداش
.
گلمسن روز قیامت ایلرم سندن گلایه
بو چتین ساعتده گر چه راضیم امر قضایه
گل حسینیم گل حسینیم
.
.
.
یدّی قارداشین غمینده وار اورکده غم یاراسی
وار باشیمدا زینبون تک شام و کوفه ماجراسی
من مریض عشقوم گل دردیمون یوخدور دواسی
.
عهدون اوسته منده دوزدوم هر گلن موج بلایه
نهضتونده شرکت ایتدیم منده گتدیم کربلایه
گل حسینیم گل حسینیم
.
.
.
همره اولدوم من سنیله انقلاب کربلاده
هر یره قویدون قدومون منده قویدوم رد پاده
زینب کبرا باجیم تک قویمادیم نقصان وفاده
.
هریره باشون که گتدی آردیجان منده دول

• سه شنبه
• 27
• اسفند
• 1398
• ساعت
• 22:51
• نوشته شده توسط
• ابوالفضل عابدی پور

مدینه دن گئدورم یوخومدی چاره آنا
گرک حسین یتیشه وصال یاره آنا
.
خدائیلن سوزوموز یتشدی عشق اودونا
یتوبدی وقتی گرک یانام شراره آنا
.
قطا قوشون قویالار یرینده راحت اولار
دلیلی یوخدی چکه ئوزون کناره آنا
.
بنی امیه ولی بیر آیری نقشه ده دی
بهانه بیعت اولوب اوقوم ناره آنا
.
مدینه دن گیدورم وورام شرف علمین
قویام بیرعالی نشانه هفت وچاره آنا
.
بویولدا همفسریمدی جان ام بنین
وفالی دور یتشوب بوافتخاره آنا
.
اوزون قولی اوجا قددی واردی قارداشیمون
علم گوزل یاراشور او گلعذاره آنا
.
دورایله بیرده دعا وفالی زینبووه
که دوشمه سین بو سفرده اضطراره آنا
.
عنایت ایله منه تنور خولیه گل
کسوک باشیلا سنی گوروم دوباره آنا

• دوشنبه
• 4
• فروردین
• 1399
• ساعت
• 14:14
• نوشته شده توسط
• ابوالفضل عابدی پور

نی کیمی دردیله مدت دی،نواسیز لامیشام
نفسیم تنگیدی آهیله،هواسیز لامیشام
.
قورویوب گوزلریمین چشمه سی،قلبیم دویونور
حسرتم آغلاماقا،ائیله عزاسیز لامیشام
.
ای طبیبیم نظر ائت بیرده یانان بیماره
یانیرام نار فراقونده،دواسیز لامیشام
.
چاتماقا یاره،یولون چوخدی بلاسی،بیلیرم
آشکارا دئیورم،ایندی بلاسیز لامیشام
.
هر نه عالمده صفا وار ییغیشیب دور باشیوا
باشیوا من دولانیم،ائیله صفاسیز لامیشام
.
تربتون خاک شفادی،چاتا هر کیمسه الی
الیمی دوت چاتیم ای یار،شفاسیز لامیشام
.
رهرو عشق ائدر زلفینی قانیله خضاب
سالک عشقیوم ای شاه،حناسیز لامیشام
.
اورگیم گلموری،چیخمیر نفسیم،من نه دئییم
نه دیلیله دئیم آخ کربوبلاسیز لامیشا

• سه شنبه
• 16
• اردیبهشت
• 1399
• ساعت
• 11:47
• نوشته شده توسط
• ابوالفضل عابدی پور

بیریسی ایستسه گر حاجتی روا اولسون
گرک توسلی بی رنگ و بی ریا اولسون
.
ائمه بیر کسی عالمده ائتمیوب مأیوس
ازل توسله لازمدی آشنا اولسون
.
حضور قلبیله گلسون لباس پاکیله
گرایستیه غم و اندوهدن رها اولسون
.
مکان خلوته قصد نمازیله گچسون
گجه زمانیدی مشغول التجا اولسون
.
نمازیدن صورا قویسون یوزینی توپراقه
تمام ذکری دلینده خدا خدا اولسون
.
ائمه نین بیرین اللهه واسطه ائتسون
بیان حاجتی بو طرزیله ادا اولسون
.
تانیتدیروب بیزه اون دورت قاپی خدای رحیم
که زندگی هامی انسانه با صفا اولسون
.
اولان زماندا بیری ناامید هر یاندان
امید واردی بولاردان اونا عطا اولسون
.
عریضه اشکیله یاز اهلبیت طاهایه
ایتیرمه چوخ ئوزووی در

• سه شنبه
• 16
• اردیبهشت
• 1399
• ساعت
• 12:00
• نوشته شده توسط
• ابوالفضل عابدی پور

اي عشق نهان خون دل و جان آراسندا

عشقونده خدا جان ويرورم قان آراسندا

قان لجه سنه غرقم اوزوم فلک نجاتم

نوحي چکن ام ساحله طوفان آراسندا

مين نوح پناهنده منه من سنه يارب

دريايه دونن قانلو بيابان آراسندا

گردابه بو صحرادي سالان کشتي نوحي

داغلار بويي امواج خروشان آراسندا

يانديم سوسوزومدان سوديديم تاپماديم آخر

آلديم سو سراغين سولي پيکان آراسندا

اوخلار منه من اوخلارا حسرت دولانوردوخ

بو حسرت بي اول و پايان آراسندا

اوچ شعبه لي بير اوخ يتيشوب گوگلومي آلدي

تاپدي يارامي زخم فراوان آراسندا

گوردي که سينيق قلبيم اولوب محفل جانان

مکث ايلمه دي محفل جانان آراسندا

پيکاني بولوب ياريم اوچون پيک محبت

ويرديم اونا منزل دل ويران آراسندا

اوخلار اوخا پيونديدي هر چند بدنده

پر آچديم او چوخ ناوک پران آراسندا

ياغديردي بو قوم اوستومه باران خدنگي

سيل اولدي قانيم آخدي او باران آراسندا

مين دفعه حسين دوغرانا حقي گنه قويماز

ضايع اولا بو فرقه بطلان آراسندا

شاعر:حاج حسن جهازچي

بو وسعتيله ير يوزي من خانه بدوشم

ير يوخ منه بو عالم امکان آراسندا

الله ايويني مامن ايدم قويمادي دشمن

مسکن ايله ديم من بو بيابان آراسندا

ويرانه ني آباد ايدرم قانيملن من

عالم گوره تا گنج اولي ويران آراسندا

بير فلک نجاتم اوزوم اوز غرقيمه خوشدل

بحر کرم خالق منان آراسندا

بيعت ايلمز فاطمه نين اوغلي يزيده

مين دفعه اگر دوغرانا ميدان آراسندا

ناپاک الينه پاک اليمي ويرمرم اصلا

قربان کيمي تقسيم اولونام قان آراسندا

من ساربانا بو الي ويرم نه يزيده

گور هانسي برازنده دي قرآن آراسندا

آغلالا منه شيعه لرين تا به قيامت

ساخلالا عزا قالسالا زندان آراسندا

بو فاجعه تاسيس اولونوب روز سقيفه

تصويب اولونوب فرقه شيطان آراسندا

شاعر:مرحوم ذهنی زاده و مرحوم حاج حسن جهازچي

• چهارشنبه
• 14
• آبان
• 1399
• ساعت
• 17:54
• نوشته شده توسط
• یوسف اکبری

بیز حسین ابن علی ملّتیوخ
حافظان حرم عصمتیوخ

بو او سوزدی بیر ادب کانی دئدی
کفن اگنینده سلیمانی دئدی
جانین امنیّته قربانی دئدی
بیز اونون حافظ شخصیتیوخ

بیز حسین آدینه تکریم ائده‌روخ
بالاسی مهدیه تعظیم ائده‌روخ
جان قرا پرچمه تقدیم ائده‌روخ
قویماروخ سنگری بوش ، غیرتیوخ

یا حسین ذکری حقیقتدی نه راز
یا حسین یعنی همان عرض نیاز
یا حسین یعنی حیا یعنی نماز
عاشق سجده‌ی پر قیمتیوخ

کیم حسین ملتیدی صادق اولار
عمل و قولیده دوز عاشق اولار
آقانین قبرین اوپر لایق اولار
بیز ده خلوت حرمین حسرتیوخ

قره گیدوخ قره گوندن قوتاراخ
یا ابوالفضل چاقیراخ فیض آپاراخ
تیر آهیله دل عرشی یاراخ
یارین امدادگر نهضتیوخ

گلدیخ اربابِ ادب محضرینه
یازدیراخ آدیمیزی دفترینه
تا تاپاخ یول حرم اطهرینه
اربعین منتظرِ دعوتیوخ

کیم دیور شاهیمیزین یوخدی کسی؟
گرمیدی اهل ولانون نفسی
دولدوروب عالمی لبیک سسی
بو یولون سالک با همّتیوخ

ای کلامی دلیم اکراهی دوتوب
دی بلا ملت خود خواهی دوتوب
عالمی حاج قاسمین آهی دوتوب
غافل از توصیه‌ی وحدتیوخ

• دوشنبه
• 19
• آبان
• 1399
• ساعت
• 16:47
• نوشته شده توسط
• یوسف اکبری

گوردی خنجرین برقین شمر الینده تا زینب
قتلگاهه تل اوستن قاچدی بی نوا زینب

قتلگاهیلن تلین مختصر آراسی وار
درک ایدن قولاقلاردا وا حسین صداسی وار
ایندیده او تلّ اوسته زینبون نواسی وار
مقتله دوشوب گویا حضرتون یاراسی وار
روبرو دوروب ایلر شمره التجا زینب

مرتضی قیزی آخر هرچه آه و داد ایتدی
رحمه گلمدی قاتل شدت عناد ایتدی
قتل شاه مظلومه سرعتین زیاد ایتدی
خامه ی شریحیلن حنجر اتحاد ایتدی
غشّ ائدوب یوزی اوسته دوشدی تپراقا زینب

چاره سیز قالوب دوتدی شمرون آستینیندن
آستینی سهو ائتدیم تیغ آهنینیندن
قینَدی آخان قانلار کربلا زمینیندن
قاتلمه یالوارما گلدی سس حسینیندن
کایناتی بالمرّه ایلرم فنا زینب

• پنج شنبه
• 5
• فروردین
• 1400
• ساعت
• 16:33
• نوشته شده توسط
• یوسف اکبری

ائللر گوزینه گر چه نظر کرده گدایم
مدّتدی ولی حسرت ایوان طلایم
گلسم او فراتون سویونا واردی گلایم
آخدون نه سببدن دیرم چوللره ای سو
ئوز قانینی ایچدیردون علی اصغره ای سو

ای کاش بو غفلت یوخوسیندن اویانیدیم
گوزیاشلی گلوب صحن حسینده دایانیدیم
پروانه کیمین شمع وصاله دولانیدیم
وصلت اودینا کاش یانیدیم آلشیدیم
خاکستر اولوب تپراقوویلان قاریشیدیم

چون (منزویم) عالمه بیگانه منم من
شمع شرفون باشینه پروانه منم من
لب تشنه حسین عشقنه دیوانه منم من
زاهد بوراخ ائتمه دل مجروحیمی محزون
انصاف ائله تکلیفیدن آزادیدی مجنون

• شنبه
• 7
• فروردین
• 1400
• ساعت
• 13:03
• نوشته شده توسط
• یوسف اکبری

نه واردی قصره علاقم نه مایل تاجم

فقط حسینه حسینه حسینه محتاجم

حسین آدیلا اوقدری عروج ائدر روحیم

که گاه حس ائدورم منده مرد معراجم

اناالحسین دیورم کافر اولموشام یاران

گلون چکون منی داره که منده حلاجم

اوطفل مدرسه که ذکر ائدور حسینون آدین

جانیم او کودکه قربان اودور بویوک خواجم

ایویمده خیمه قورورب اوستونه حسین یازورام

دولانورام باشینا سویلورم که الحاجم

حسینون اول قوری عطشان یانان دوداقلارینا

ئولونجه آغلاماسام یوسف اوغلی حجاجم

حسینه سجده نی رد ائتسه عقل بوشلا منی

اوتوز بش ایلدی که عقلین صفیندن اخراجم

حسین دیوب گورورم ذوالجلالی قلبیمده

گور ایندی جامیده من غیبه ناظرم یا، جم

ویرون بهشتی منه تا دریم شکوفه لرین

حسینچی‌لر ایاقیندا سریم شکوفه لرین

• پنج شنبه
• 29
• آبان
• 1399
• ساعت
• 21:06
• نوشته شده توسط
• یوسف اکبری

من آنان فاطمه یم ای شه خوبان یارالی
گلمیشم خولی ایوینده سنه مهمان یارالی
باشون اوستونده دوتام شام غریبان یارالی
بسلمیشدیم بو باشی گللربن اوستونده حسین
یاتموسان ایندی نیه کللرین اوستونده حسین

وای منه کرب و بلاده قالوب عریان بدنون
نیزه اوخ یاره لریندن که ورور قان بدنون
گوردوم اولموش قانا باشدان باشا غلطان بدنون
بینوا زینب مظلومه چکور آه یانور
اود وروب قوم کُفَر خیمه و خرگاه یانور

اوچ گجه گوندوز اولور باشیمه دنیا دولانور
گوز آچوب باخموری گوز یاشیمه دنیا دولانور
دورِ اولاد بنی هاشمه دنیا دولانور
باغلانیب قول قولا اطفال پریشان یارالی
دور آنان فاطمه اولسون سنه قربان یارالی

دشمنین تحت لواسینده قالوب اهل حرم
باغلیوب دللری باشدان ایاقا درد و ورم
منده اوز باشیمه معناده حسین کول اَلَرم
آچ گوزون بیر منِ بیچاره نی دیندیر یارالی
بیر دانش بو دل ویرانی سویندیر یارالی

گلمیشم من سنه معناده اولام همدم اوغول
گتدیم اوّل سنه بیر جرعه ورم زمزم اوغول
درد و غمدن گوروسن قدّیم اولوبدور خم اوغول
اگدی غم غصه بو زهرا ننوین قامتنی
بیرده گوز گورمز اوغول دهرده بوندان چتینی

بوشلیوب جنتی حوائیله آدمده گلوب
حضرت نوح گلوب عیسی مریم ده گلوب
انبیا فوجینه پیغمبر خاتم ده گلوب
همصدا اولموش او مولایه هامی حور و ملک
حضرت ختم رسالت گلوب اما که نه تک

زینبین قلبنی غم تیری بولوب ایتدی یارا
گوندوزین چرخ زمانه گجه تک ایتدی قارا
ایلسین دردینه بیچاره لرین بس نه چارا
بیر یانان خیمه ده قول باغلی اورک یاره لیلر
آغلاشیلار گحه نین مثلی گونی قاره لیلر

سن یانورسان بو قدر غصه و درد و کدره
قیل توسل سن "امینی" شه خونین جگره
سعی قیل یازدیقین اشعاریوی ورمه هدره
اجر و پاداشیوی سلطان شهیدان وره جاق
بیرده زهرا خانم اول سرمد نسوان وره جاق

• جمعه
• 30
• آبان
• 1399
• ساعت
• 19:16
• نوشته شده توسط
• یوسف اکبری

دفن شهیدانه گلوب (سید سجاد(۲)
گویلردن اندی قدسیان (ایلیه امداد(۲)
یارالی لب عطشان
حسینجـــــان حسینجان

سسلندی شاه بی سرون
(اوغلیام ای قوم(۲)
گوداله دوشموش پیکرون
(اوغلیام ای قوم(۲)
بوچولده یالقوز رهبرون
(اوغلیام ای قوم(۲)
حریّتی ائتدی آتام (عالمه فریاد(۲)

شاه شهیدان اوغلیام
(عالمه شاهم(۲)
کسدیله ظلمیله باشین
(غرق درآهم(۲)
ایندی یئراوسته من سیزه
(حجت اللهم(۲)
باغلی قولیلا ایلرم
(امتی ارشاد(۲)

من آشنایم بیربه بیر
(بو شهیدانه(۲)
گوردوم که بیربیرگئتدیلر
(قانلی میدانه(۲)
گوردوم ئوزوم توش اولدیلار
(تیر و پیکانه(۲)
ایلون کمک بو دشتیده
(دفن اولا اجساد(۲)

بوردا گرک مدفون اولا
(سرور بی سر(۲)
پایین پاده دفن اولا
(قارداشیم اکبر(۲)
شاهون قوجاقیندا یاتا
(نازیله اصغر(۲)
بودشت بی سامان اولار
(بیرگونی آباد(۲)

علقم کنارینده دوشوب
(غملی بیرسقا(۲)
آلدی ولی سوایچمدی
(نهریدن اصلا(۲)
سالدی اونون قوللارینی
(قهریلن اعدا(۲)
دگدی گوزوندن اوخ اونون
(باشینه فولاد(۲)

یاری ائدوب او طایفه
(شاه دورانی(۲)
دفن ائتدی زین‌العابدین
(اهل معنانی(۲)
عونیله فضل و جعفر و
(جمله یارانی(۲)
تپراقدا یاتدی نازیله
(قاسم داماد(۲)

بیرآلتی گوشه قبر اودم
(ائتدی آماده(۲)
اوغلانلاریلا دفن اولوب
(شاه آزاده(۲)
یوخدور اوقبره شأنیده
(تای بو دنیاده(۲)
او قبره واله دور بلی
(عالم ایجاد(۲)

بیرآز ائدوبدور عابدین
(تا عزاداری(۲)
دوردی یول آلدی لاجرم
(علقمه ساری(۲)
تاآهیله دفن ایلیه
(تشنه سرداری(۲)
گوردی اوقولسوزپیکری
(رهبرعبّاد(۲)

تاپدی اولده صاق قولون
(شیر میدانون(۲)
گزدی تاپوبدور صول قولون
(غملی سقانون(۲)
یاندی بو محنتده بلی
(قلبی زهرانون(۲)
خیردا مزاره دفن اولوب
(قامت شمشاد(۲)
یارالی لب عطشـــــــــــان
حسینجان حسینجــــان

• جمعه
• 30
• آبان
• 1399
• ساعت
• 19:22
• نوشته شده توسط
• یوسف اکبری

یا حسین عشقون سنون جاندان بلاگردان اولار
حُسنوون یک درصدی، صد دفتر و دیوان اولار

وار توان هانسی قلمده مدحتونده سوز قوشا
گوهر نایاب اولار ایتسون اشاره هر داشا
تیره تپراق جامهٔ اطلس گیَر باشدان باشا
اوندا که قرص قمر تک صورتون عریان اولار

چوخ نبی‌دن ایلیوب خلاق برتر شأنووی
ئوز وصیّت‌نامه‌سینده یازدی حیدر شأنووی
کاسه‌لیس نفسیدی، کیم گورمسه گر شأنووی
نفس طغیان ایلسه انسان دونر شیطان اولار

ای شهید بی کفن ای وارث شیر خدا
عشق زینب، مایه‌ی آرامش خیر النساء
روز محشرده اگرسن قوزاسون دست دعا
یدّی دوزخده نه اود وار سنبل و ریحان ولار

دست حکمت حسنوون پنهان ایدوب حتما چوخین
هانسی آیینه جمال حقّه وار سندن یوخین
صیده چیخسا گوزلرون ویرسه نشان مژگان اوخین
هر قدر خلقتده دل وار، سینه وار ویران اولار

مین سلیمان ال تاپانمز سنده کی شخصیته
سن او گُل سن ساچدیلار چادر نماز عصمته
پایلاسون شهد لبوندن بیر پیاله خلقته
خلق ایدر می توبه سی، بازار می ارزان اولار

سوز اگر عارف پسند اولسا آغاج تک بَر ویرر
ایچسه گر باران نیسانی صدف گوهر ویرر
بیر اوغول که عشق دانشنامه سین حیدر ویرر
شّکی یوخ سرتاسر جنّاته ده سلطان اولار

من او عطّارم که چکدیم هفت شهره آه دل
نایل ایلر عاشقی آماله بیلدیم راه دل
من گدایم یاحسین، سن مالک درگاه دل
کیم سنون پابوسون اولسا شامل احسان اولار

ای گوزل رخساری عشقون بی نقاب آیینه‌سی
سینه‌ی زهرا گلی، وی بوتراب آیینه‌سی
اولمیشام شبنم کیمی من آفتاب آیینه‌سی
بیر نظر سال، گورنجه شبنم دُر غلطان اولار

• یکشنبه
• 2
• آذر
• 1399
• ساعت
• 22:07
• نوشته شده توسط
• یوسف اکبری

ساعت او ساعت اولدی مقصوده چاتدی لشگر

فلک النجات امت گوداله سالدی لنگر

گوشوار عرشی آلدی آغوشه تیر و خنجر

یا لیتنا ترابا سسلندی عرش داور

یوز قویدی اهل معنا یکسر منایه گلسون

گوندردی ذوالجناحی خرگاه طاهراته

میقات عشقی گوردی شایسته الصلاته

قان آلدی دستمازین ناز ایلدی فراته

راز و نیازین ائتدی خلاق کائناته

حق عاشقی چوخ ایستر حمد و ثنایه گلسون

قان لخته‌سی گوزونده قلبینده اوخ یاراسی

دولدوردی قتلگاهی یا ربنا صداسی

حل ائتدی مشکلاتی امت گره گشاسی

یارب بو سن بو عبدون بو عهدیمون وفاسی

خوشدور برات جنت اهل ولایه گلسون

کثرت گئدوبدی وحدت رد ایلدی حجابی

پاک عاشقه یتیشدی معبودیدن خطابی

سن ساخلادون حبیبیم بیز گوندرن کتابی

اولدی حضوریمیزده پیمانون ارزیابی

صادق محبّون اولسا جنت سرایه گلسون

• سه شنبه
• 4
• آذر
• 1399
• ساعت
• 12:35
• نوشته شده توسط
• یوسف اکبری

به سبک(یاران چه غریبانه...)

من عترت اطهاری، زینب سنه تاپشوردوم
بو خورداجا قزلارى ، زینب سنه تاپشوردوم

قویما گله افغانه اطفال دل آرانی
بیر بیر ئوزیوه رام ائت بو جمع پریشانی
مین دیل لریله دیندیر آرام ایله لیلانی
بو زار و دل افکاری، زینب سنه تاپشوردوم

ہیر ذرّه ملول اولما بی رحمی اعدادن
افشرده اولوب چخما قانونِ شکیبادن
غافل اولاسان حاشا غمدیده صبایادن
بو عابد بیماری ، زینب سنه تاپشوردوم

انصاریم ئولوب تک تک هر چند پریشانم
عشقیله بو صحراده قربانی قرآنم
من بو گجه جنّتده ئوز جدّیمه مهمانم
اطفال وفاداری ، زینب سنه تاپشوردوم

مبهوت ایلین عقلی ای پایۀ ایثاری
من گتملیم اولما چوخ غصه دل افکاری
بو نهضتیمون سن سن هر یرده طرفداری
صبر دلِ بیداری ، زینب سنه تاپشوردوم

مطلق گله جاق باشه هر امر مقدردی
انساندا دؤزوم اولسا منصور و مظفردی
هر یرده سنه باجی الله ئوزی باوردی
صبر ائت هامو اسراری ، زینب سنه تاپشوردوم

• سه شنبه
• 4
• آذر
• 1399
• ساعت
• 13:38
• نوشته شده توسط
• یوسف اکبری

کیم ئورکدن یاحسین سَسلر داریخماز یاحسین
عاشقون رنگ مجازی حُسنه یاخماز یاحسین
خنجر اعجازیوی کیم قلبه تاخماز یاحسین
«بی سبب گوزیاشیمیز رخساره آخمازیاحسین
سن بو جَمعه باخماسان آللهدا باخمازیاحسین»

اسم اعظم دور آدون هردرده درمان گوندرر
آدیوین عشقونده قلبیم چرپونار قان گوندرر
سن دئسن ؛ حتی خداده میّته جان گوندرر
کیمسه رنگ عشقیوه قلبین بویاخمازیاحسین
«سن بوجَمعه باخماسان آللّهدا باخمازیاحسین»

شیعه نین عیساسی،دم وئربیزسنون دمسازیووخ
سن سپهسالار رُکن عشق بیز سربازیووخ
چاره سیزدور دردیمیز سرگشتۀ اعجازیووخ
شیعه لر ، دامانیوی بیرآن بوراخمازیاحسین
«سن بوجَمعه باخماسان آللّهدا باخمازیاحسین»

دوزدی درگاهوندا مولا بنده گمراهیوام
چوخ گوناهیم وار ولی فکرایله مه بدخواهیوام
هرنه اولسام هرنه اولسام سائل درگاهیوام
تا سنون سایندیم غم قلبی یاخماز یاحسین
«سن بوجَمعه باخماسان آللّهدا باخمازیاحسین»

دوشدی باشین مین بلا و درده؛ باشون اگمه دون
چیخدی باشون نیزیه گویلرده؛ باشون اگمه دون
سن علی نین اوغلوسان نامرده؛ باشون اگمه دون
باش کی چیخدی برج عشقه بیرده آخمازیاحسین
«سن بوجَمعه باخماسان آللّهدا باخمازیاحسین»

کربلا مشتاقیوخ حسرتده آغلاتما آقا
آیری بیر جَمعه بیزیم بو جمعی گل قاتما آقا
گوزلرون قربانیوخ گوزدن بیزی آتما آقا
گوزدن آتسان صیحه میزگویلرده شاخمازیاحسین
«سن بوجَمعه باخماسان آللّهدا باخمازیاحسین»

• دوشنبه
• 10
• آذر
• 1399
• ساعت
• 22:21
• نوشته شده توسط
• یوسف اکبری

دیَردی درد دلین کردگار یکتایه
نه گوردی باشینون اوسته سالوندی بیر سایه

سؤال قیلدی که ای قیدیمه قالان کیمسن
بو گونده سایه باشیم اوستونه سالان کیمسن

او سایه صاحبی ویردی جواب یا مولا
منم بو گونده سنه نوکر اولماقا اولا

او کیمسیم که بو عالمده خون دل یمیشم
گجه گونوز گَلوبَن لایلایوی دیمیشم

که ای اولان آدی عرش خدایه پیرایه
او کیمسیَم ویروب الله منی سنه دایه

او کیمسیم که اطاعت بِلینی باغلامیشام
بو دوغرانان بدنی سینَم اوسته ساخلامیشام

مقرّب حرم خالق جلیلم من
اولیدی کاش گوزوم کور جبرئیلم من

بویوردی حضرت روح الامینه شاه امم
بو سایه سالماقیوا بُول یقین رضا دگولم

گوتور قانادیوی لازم دگول منه سایه
رواق عرشیده جدّیم دوروب تماشایه

گوتور قانادیوی قوی چشمه چشمه قان آخسون
آتام یارالاریما ساق عرشیدن باخسون

فغان ایدوب دیدی جبریل ای امیر عرب
بیان قیل اورگونده واروندی هر مطلب

بویوردی سرور حلّ و حرم امام قتیل
بو آرزودیَم ای پیک کردگار جلیل

یارالیم سوسوزام اود دوتور یانور جگریم
اولیدی کاش یانیمدا بو گونده شیعه لریم

گوریدیلر سو دیوب یانمیشام بو صحراده
سالیدیلار سو ایچن وقتیده منی یاده

ادبله عرض حضور ایتدی جبرئیل امین
نه چوخدی شیعه لره لطفون ای امام مبین

بویوردی کرب وبلانین شهید خون جگری
نه نوع ایستمیوم من وفالی شیعه لری

اولاردان اوتری علی اکبری گیندیردیم
اوزوم رکابینی دوتدوم عقابه میندیردیم

محرّم آیی اولاندا اولار دوتالّار یاس
دلینده جام دیسونلر سبیل یا عبّاس

اولاردان اوتری بو حاله دوشوب یارالاندیم
فراته حسرتیله سو دیوب داخی یاندیم

دیردیم اونلاری گورسم باخون بو حالتیمه
چخارتمیون منی یادّان گَلُون زیارتیمه

او حاله آغلادی روح الامین چکوب آهی
دیدی که ای بو چولون بی کفن قالان شاهی

سنه فدا من اولوم قوی بو جانیمه منّت
حواله ایله گیلن جبرئیله بیر خدمت

بویوردی روح الامینه عزیز ختم رُسُل
اگر بهارده گون دوشمسه آچلماز گل

دار فناده عمریمین آخر بهاریدور
بو سینم اوخ یارالارینین لاله زاریدور

قوی گون دگوب شکفته لنه غنچه یاره لر
هر لاله صدر سینه ده قان چشمه ساریدور

آخسون فرات تک یارامون قانی جبرئیل
بزم وصاله یتماقا جانان نثاریدور

مجروح صیده سایه ندور سایه بان ندور
سایَم زمین کرب و بلانین غباریدور

دورما خبر آپار آناما تئز یتور منه
حسرت گوزوم بو گونده اونون انتظاریدور

آغشته ایله قانیمیله پرّ و بالیوی
زهرایه عرض قیل بو حسین یادگاریدور

جدّیم پیمبره دئگیلن کربلایه گل
اوغلون بو چوللرون نجه گور بی مزاریدور

هر جان ویرن لرین باشی اوسته گلن علی
گلسون حسینینین بو دمِ احتضاریدور

((قمری)) آچاندا اوج فصاحتده پرّ و بال
بیر دورینین تمام فصاحت شکاریدور

• دوشنبه
• 10
• آذر
• 1399
• ساعت
• 23:06
• نوشته شده توسط
• یوسف اکبری

من درس ریا آلمامشام دار فنادن
فیض آختارانام سیروسلوک عرفادن

نه گوهر وجدان ساتانام جیفۀ دهره
نه اخذ ایدرم رشوۀ کاذب فقرادن

بی واهمه ام حقّی یازوب حقّی دیمکده
آسوده دلم فتنۀ هر بی سر و پادن

اولماز قلمیم خانیله خاقانه مُبَلّغ
امداد آلارم ذات حَقِ جَلّ عَلادن

نه بندۀ سیم و زرو نه بَردۀ زورم
کسب ایلمشم غیرتی شاه شهدادن

شمشیر دو پهنا کَسَری وار قلمیم ده
شعریمده مُبَرّادی اشارات ریادن

بی لکّه دی اگنیمده که پیراهن عشقیم
خدمت قیزلیم دلبره خالصدی طلادن

دلداده لگیمده منه زینبدی مدرّس
ئورگنمشم ایثاری رئیس اسرادن

فخریم بودی عالمده که آزاده مرامم
هیهات غروریم سنا مَکر طلقادن

حُرّ سَرِ بازار تَوَلّای حسینم
ال چکمرم ئوز باغلادقیم عهد و وفادن

ایللردی که مجنون شَه نیزه سوارم
عزّت قازانوب نوحه لریم بَزم عزادن

جسمیمده عَلی اَلقاعده تپراقه بوکولسَه
روحیم منیم آیریلمیاجاق کربُ بلادن

• سه شنبه
• 11
• آذر
• 1399
• ساعت
• 23:02
• نوشته شده توسط
• یوسف اکبری

عنایت ائله ای شاه کرم
آدیوی آقاجان سسلیرم
قیل اوزون اورک دردیمه دوا
باشیما دوشوبدی شوق حرم

یوخومدی دوزوم ،اورکده سوزوم(یا ابا عبدالله2بار)
قالوبدی فقط حرمده گوزوم (یا ابا عبدالله)
عنایت ائله دوباره آقا(یا ابا عبدالله)
اورکدن ائداخ حرمده نوا(یا ابا عبدالله)
مظلوم آقام.......

نه قالوب اورکده طاقت و تاب
قاپوندا منی قیل نوکر حساب
بو هیئتین اهلی یکسر آقا
اولونجه دیلر مدیون رباب

اولونجه آدون دیلیمده قالار(یا اباعبدالله)
فراق حرم بو جانی آلار(یا اباعبدالله)

دعاده الیم سن ایسته گلیم(یا ابا عبدالله)
همیشه دیر بو آدی دیلیم(یا اباعبدالله)
مظلوم آقام.....

• شنبه
• 7
• فروردین
• 1400
• ساعت
• 20:36
• نوشته شده توسط
• یوسف اکبری

حسین ‌گل خیمه ‌لر اودلاندی قارداش
‌یوبانما اهلبیتون یاندی قارداش

خزان آفت یتوردی گلستانه
ئولوب بلبل داغیلدی آشیانه
علو قالخیر خیم دن آسمانه
اساس و زیوریم تالاندی قارداش

عجب سلب اولدی استعداد الیمدن
یخیلدیم کیم دوتار ناشاد الیمدن
قوهوم یوخدی یاپیشماز یاد الیمدن
قوشون احوالیمه گریاندی قارداش

خیامه اود ویروب اهل شقاوت
داغیلدی چوللر آل رسالت
تاپولمور ایلین بیزدن حمایت
منه چاره یولی باغلاندی قارداش

سپاهین طبل وشیپورین صداسی
امان آت شیحه سی دشمن هراسی
خواتینون چیخوب عرشه نواسی
اورکلر قورخودان آلقاندی قارداش

هوادن اود یاغور ایستی بیابان
اوشاقلار پابر هنه دشت سوزان
تیکان باتمیش اياقلاردان آخور قان
پریشان قلبلر شان شاندی قارداش

حسین گل غارته گتدی جلالون
داغیلدی چوللره اهل وعیالون
اگرزینب گوره بیرده جمالون
هامي زحمت منه آساندي قارداش

هر آتلو بیر قزی اتمیش نشانه
قوویر صحرایه الده تازیانه
اذیتدور غرض غارت بهانه
هره بیر گوشه ده پنهاندی قارداش

حسین گل خیمه گاهوندا تالان وار
با جون ئولسون غمون جانه سالان وار
یوبانما گوزلری یولدا قالان وار
عیالون جمله سرگرداندی قارداش

حیادور معجریم عصمت نقابیم
منه مشگلدی کشف اولساحجابیم
حجاب اوستن اوجالمیش انقلابیم
بیزه اصلی هدف قراندی قارداش

عمرسعد امر ائدیر کشف حجابه
بولار قاعل دگول شرعه کتابه
حجاب اولمیش شرافت انقلابه
حیا پیرایه ی ایماندی قارداش

گلایم وارفلکدن بو جفایه
شکایت ایلرم پیش خدایه
قالوب ال عباحسرت عبایه
حجابیم دینیمه برهاندی قارداش

عجب آدیم خدارتدن چیخلدی
اولوب دنیاقفس جانیم سیخلدی
رقیم بولمورم هاردا یخیلدی
ئولوب یاقالدی یاحیراندی قارداش

حسین ای کاش دوره م داغ اولیدی
بودشت کربلا خوش باغ اولیدی
بو وقتیمده ابوالفضل ساغ اولیدی
گوریدی باجیسی نالاندی قارداش

منم احوالیمه بحر وبر آغلار
ویرار قمچي باشيمدان لشگر آغلار
آلاردشمن باشیمدان معجر آغلار
گوزوم یاشی مگر باراندی قارداش

"کریمی"کربلایه یول سالیدوخ
نولیدی کاروانین بول سالیدوخ
او ششگوشه مزاره قول سالیدوخ
حسین گل خیمه لر اودلاندی قارداش

• جمعه
• 21
• آذر
• 1399
• ساعت
• 23:18
• نوشته شده توسط
• یوسف اکبری

مهرون حسین بو عالم امکانه ویرمرم
گنج گراندی قیمت ارزانه ویرمرم

دل جایگاه عشق حسیندور بو دلده من
بر ایسته سه محبّت بیگانه ویرمرم

ای پاک تربتی منه مهر نماز اولان
بو مُهر پاکی ملک سلیمانه ویرمرم

بوگوز یاشی که سندن اوتوردیده دن آخور
بیر دُرّدور که گوهر غلطانه ویرمرم

بو اشک شوره شربت شیرین جزاده وار
بی جا یره بو اشکیمی دامانه ویرمرم

ای سیّد شباب جنان سن یاتان یری
مین لر بهشت و روضۀ رضوانه ویرمرم

عطرون بهشت عطریدی روح بهشت سن
بو عطر پاکی نکهت ریحانه ویرمرم

ای کربلا صفاسی مزارون صفاسینی
سیر و صفای باغ و گلستانه ویرمرم

گر باغ کربلانی تاپام نغمه خوان اولام
هرگز مجال بلبل خوشخوانه ویرمرم

ایتسن منی قبول قاپوندا گدالیقا
بو افتخاری غزّت سلطانه ویرمرم

بیر قاره که غمونده سنون گیَّم اگنیمه
من بو قَرانی خلعت الوانه ویرمرم

بیرجرعه گرفرات سویوندان ایچم حسین
اول جرعه آبی چشمۀ حیوانه ویرمرم

نام حسین قویوب باشماتاج افتخار
بو امتیازی افسر شاهانه ویرمرم

دائم حسینیدن اولی عنوان صحبتیم
من بو بیانی سایر عنوانه ویرمرم

پایانه ویرّم عمریمی عشق حسینیله
عمریم گیدربوعشقیمی پایانه ویرمرم

من تابعم حسینه اوسلطان دین دیوب
بیعت الینی زادۀ سفیانه ویرمرم

من « تائبم » خدا ئوزی توفیق ایدر عطا
عمریمجه تن مطالب بُطلانه ویرمرم

• جمعه
• 21
• آذر
• 1399
• ساعت
• 23:42
• نوشته شده توسط
• یوسف اکبری

ماه شب تاریم حسین/دیلده کی اذکاریم حسین/دنیاو هم عقباده چون/عشقیمدی هم یاریم حسین
سن کی کرم دریاسی سان/دردیمیزون دواسی سان/بو کوری داعشیلر/آقالارین آقاسی سان
خاک در اکبریوم،نوکره کوی نوکریوم،هامی اورکدن دیجاق، یا ابن الحسن یاوریوم
العجل العجل یا ابن الحسن العجل....

شاه شهیداندی حسین/جانیله جاناندی حسین/نوکر کوی دریوخ/ بیزلره سلطاندی حسین
دل یاناجاق ماتمینه/اوت توتاجاق هر غمینه/هر شب جمعه گلرم/عشقیله زیر پرچمینه
قسمتیم ائله شاه زمن،کرب وبلا اون دشت محن،بو قاپودا نوکر اولوم،تا فرج یا ابن الحسن
العجل العجل یا ابن الحسن العجل....

• شنبه
• 7
• فروردین
• 1400
• ساعت
• 20:57
• نوشته شده توسط
• یوسف اکبری

ای گل رضوان حسینیم
آغلاما ای نور عینیم
یوم گوزون یات سینم اوسته
دوشمَسون نم چشم مسته

حُسن جمالوندن اولوب ماه شرمسار
گلشنه گلمز بئله گُل گَلسه مین بهار

ماهروسن مشکبوسن
آیینه یلَن روبرو سن

بند مخالف ؛

گَزدی عرشون نه طاقیندا
گا هوارون قنداقیندا
سن اوغول ... جلوه ی ... نور حقسن
سرور ..... خلقت و ......ما خَلَق سن

گوزلرین یوم یات حسینیم
آغلاما ای نور عینیم

ای گهر ناب خلقت
چوخ ئوزووه وئرمه زحمت
قوی ووروم بوسه یوزوندن
هی ئوپوم قاره گوزوندن

بال دوداقون طعنه وورور شهد و شربته
منله گلردون بالا بطنیمده صحبته

خوش مقالون .... تا بیلردیم
شاد اولاردیم ...... من گولردیم

بند مخالف ؛

خاک راهون چشم حورا
ای چراغ بیت زهرا

زاده ی ... خانه ی ... مرتضاسن
سن ائویم ... نوریسن ... با صفاسن

گوزلرین یوم ... یات حسینیم
آغلاما ای ... نور عینیم

پایگاه حفظ و نشر آثار عباسی معروفان اهری

• سه شنبه
• 25
• آذر
• 1399
• ساعت
• 21:16
• نوشته شده توسط
• یوسف اکبری

یاحسین ای شه و مقتدا،وار گوزوم کرمونده آقا،وئر اوزون برات کربلا

بو جمعیله منه،هامی سینه زنه

چینمه آلارام بیرده من علمون( یاحسین 2 بار)/اربعینده اولام زائر حرمون( یاحسین2 بار)

دردیمه سن ائله دوا،نوکرم من سنده اقا،قسمتیم ایله کربلا

حسین آقام آقام......

ای شهنشه عالمین،بیزلره قیل کرم یاحسین،ایستروخ بین الحرمین

قالوب سنده گوزوم،یوخوم هجره دوزوم

قالوری قلبیمده حسرته حرمه( کربلا 2بار)/بیر گونی اولدورجاق منی بو غمه( کربلا 2 )

ایستمه بیزلری کناریوه،آلتی گوشه لی مزاریوه،قربانام او شیرخواریوه

حسین آقام آقام......

• شنبه
• 7
• فروردین
• 1400
• ساعت
• 21:08
• نوشته شده توسط
• یوسف اکبری

یاحسین گور نه ستم صنف عوام ایلدیلر

سنی ئولدوردیله هند اوغلین امام ایلدیلر

بویورب شیعه لره حضرت سجاد بالون

شامده عترتوه ظلمی تمام ایلدیلر

عمه می شام قوجالدوب باجیمی شام یوروب

زندگینی بیزه بو قوم حرام ایلدیلر

بابامون گئتدیله تالاره کسیلمش باشینی

اهلبیتین گونوزین شامده شام ایلدیلر

نه دیوم طشت طلاده قورولان محکمه دن

خیزرانی گوتوروب تیغی نیام ایلدیلر

او قدر آب و غذا وئرمدیلر دوتدوق اروج

بیزه ماه صفری ماه صیام ایلدیلر

ووردیلار قمچی او قدری یورولوب ئولدی باجیم

زجریلن شمر دنی اخذ مرام ایلدیلر

کفن اولمادی بی بیم معجرینی ائتدی کفن

گور نه اندازه بیزه ظلم مدام ایلدیلر

«زعفرا» ختم کلام ائتمگه ثبت ایلگیلن

بو جنایاتی فقط ملت خام ایلدیلر

• جمعه
• 28
• آذر
• 1399
• ساعت
• 21:59
• نوشته شده توسط
• یوسف اکبری