چه چیزی را میخواهید جستجو کنید؟
من حسین عاشقی ام عشقیمی دنیا بیلسون
گؤزیاشیم قطره دی مقصودیمی دریا بیلسون
یا حسین سسلیورم آدی مقدسدی منه
عشقیمون پایه سینی قوی أؤزی مولا بیلسون
ثبت نام ایله میشم مکتب عاشوراده
منه بسدور آدیمی حضرت زهرا بیلسون
کانال اشعار عباسی معروفان اهری
قبیلۀ بنی اسد منه حمایت ایلیون
امامین اوغلونا کمک بو غملی ساعت ایلیون
اگر چه کوفیه گئدن زماندا من اسیریدیم
امامین ئولدورنلرین الینده دستگیریدیم
بو گونده لیک حامل وظیفه خطیریدیم
خدای حیین امرینه گلون اطاعت ایلیون
مقرر اولدی من گلوب آتامی دفن ائدوب گئدم
شبیه جدی اکبری مزارینه قویوب گئدم
بوغازی یاره اصغره دویونجا آغلیوب گئدم
گلون عزالیام منیم غمیمده شرکت ایلیون
بنی امیه نین یالان جلالینه اینانمیون
غریب آشنا منم منی غریبه سانمیون
بو امر کفن و دفنده قصور ائدوب دایانمیون
بو غمکش زمانه نین سؤزون اجابت ایلیون
اگر چه ناشناسدور سیزه چوخی ئولنلرین
نشان وئروم آدین دیوم بو بی نشان بدنلرین
اماندی حاضر ایلیون ئولنلرین کفنلرین
اصول شرعی من دیوم سیز استجابت ایلیون
بو یئرده کی بدنلرین بیر عالی امتیازی وار
باخون بو جسم بی سره هویت حجازی وار
آتام حسیندی دفن ائدم یقین کفن نیازی وار
حصیر پاره اولسادا گئنه قناعت ایلیون
تدارک اولدی بیر لحد قویوبلا جسم بی سری
ایاق طرفده دفن ائدیب جوان علی اکبری
قویوب آتا قوجاقینه او شیرخواره اصغری
بویوردی قارداشیم آتام سیز استراحت ایلیون
گؤرن زمان عموسینون او پاره پاره پیکرین
سلام ائدوب بویوردی بس عمو هایاندا اللرین
غرض او سرو قامته قازیلدی قبر بی قرین
بو دردی هر کتابده یازیب حکایت ایلیون
آقام حسین صفالیدی صفالی کربلاسی وار
مزاری آلتی گوشه دی نمای دلرباسی وار
گئجه گونوز او صحن ده حسین حسین صداسی وار
او مرقد مطهری گئدون زیارت ایلیون
کانال اشعار عباسی معروفان اهری (معروف)
سبک(آی گویده کی اولدوزلار مهپاره ننم ئولدی...)
یاندیم آنا یا زهرا
گل شام غریبانه
عباس عوضی باش چک
بو جمع پریشانه
گل گور نجه عالمدی سرگشته و حیرانم
قلبیم آلیشیر والله خیمم کیمی سوزانم
من بو گجه بو باشسیز اخیامه نگهبانم
نیلیم کسیلوب چاره غملر گتیروب جانه
گؤرسن آنا اخیامی قلبین آلیشار والله
غارت اولوب اسبابی آرامین آلار والله
بو محفله باش چکسن باشیم اوجالار والله
قربان ائدرم جانیم من سن کیمی مهمانه
بو نصفی یانان خیمه غمخانه ماتمدی
درد و غم و اندوهین اسبابی فراهمدی
بزم محنین مجلس گردانی رقیمدی
شوره گتیرور هر دم نسوانی بو دردانه
حسرتلن آلور گاهی غم دیزلرین آغوشه
گه غش ائدور آشفته قان رگده گلور جوشه
سسلور باباوای آغلور هردم که گلور هوشه
شمع رخ دلبرده کول اولدی بو پروانه
قارداشلاریمی آلدی بو چرخ فلک مندن
آه اوسته چکیب آهی غمدن یانارام دلدن
عطرون آلیرام هر دم بو خوردا شیرین دیلدن
بنذور سنه سیماسی اوخشو گؤزی مرجانه
تا آی گؤزونی یومدی عاشورده گون چخدی
گون شاخدی بلا یاغدی زینب ائوینی یخدی
قارداشلاریمون دردی داغلی ئورگیم سخدی
صبر ایستورم اللهدان درد و غم هجرانه
کانال اشعار عباسی معروفان اهری
سبک ... یخیلدی سقا یره ...
اماندی گل مقتله قامتی کمان ننه
سینون گولون ائتدیلر اوخلارا نشان ننه
اوخ گوب . داش دگوب . باش بدنده یوخ ننه
قارداشیم . جان ویرور. سینه سینده اوخ ننه
دیار ماتمده من دوشموشم بلایه گل
دیلیمده یا فاطمه سسلورم هرایه گل
یامان گونه قالمیشام زینبه دعایه گل
مدینه دن دوش یولا دشت کربلایه گل
مقتله . سال یولون . گور نه حاله قالمیشام
آند اولا . محسنون . جانینه قوجالمیشام
باشیمدا ال آغلورام الده ذبح اولان باشا
او باش که گل پیکرین ائتدیلر نشان داشا
حسین شهید اولدی گر چاتدی یار و یولداشا
فلک ولی زینبی حسرت ائتدی قارداشا
زینبم . دردیمه . داشلار آغلار آی ننه
حالیمه . بو کسوک . باشلار آغلار آی ننه
بو کوفه نین ملتی ظلمون ایلدی علن
یارالی پیکر قالوب قوملار اوسته بی کفن
غم ایلمز زینبون اولسا دردینی بیلن
یوبانما قارداشسیزام یوخ هراییمه گلن
قارداشین . اولمادی . گر سنین الون دوتا
بیر نفر . کاش گلوب . زینبون الین دوتا
کانال اشعار عباسی معروفان اهری
یابن زهرا سنون قاپوا نوکرم
آقابو منصبی عالمه ویرمرم
گرچی نالایقم .آدوا عاشقم
تاواریمدی نفس آدووی سسلرم
مولا مولا....یابن الزهرا (2)
ماتمونده قرا باشیمه باغلارام
غملرون یاد ائدوب..سینمی داغلارام
وای حسین وای دیوب.اوخشیوب آغلارام
آخدیقیجا سرشکیم یوزه سویلرم
مولا مولا.....یابن الزهرا (2)
آغلارام تشنه لب جان وئرن اصغره
اربا اربا اولان پیکر اکبره
مرکب اوستن دوشن شانلی سرلشکره
دائما بو مصائبه..دلمضطرم
مولا مولا .... یابن الزهرا (2)
آغلیالار بو آی ..اهل دنیاسنه
وای اوغول وای دئین وقتده زهراسنه
گویده ناله ائدر خیل حورا سنه
ای سوسوز جان وئرن. شاه جنت حرم
مولا مولا......یابن الزهرا (2)
ای اولان غصه لیلر پاک آدینون مانوسی
ذکریمیز، ازبریمیز کلمه یاقدوسی
سنکی رحمان ورحیم آیه سی وار اوستونده
رحمت واسعون آرام ائدر اقیانوسی
رحم ائله بنده لرون الدن ایاقدان دوشدی
لحظه به لحظه سونور زندگینون فانوسی
گرچه بیزباشدان ایاقه گُنهوک معصیتوک
کیمده سندن صوراواردی گنهین جاروسی
هربلا گلدی گتیردوک ئوزوموز باشیمیزه
چونکی اندازه دن آشمشدی سرِسالوسی
سن بیزی دوزیولاچکدون بیزاییلدوک یولدان
اوناخاطر بیزه غالب ائلدون ویروسی
سن بیل اللهلیقون الله سن ئوزون ریشه کن ائت
یئراوزیندن بوبلاومرض منحوسی
بیز خطاکاروق اگر سنکی عطاصاحبی سن
پرامیدایله دوباره بودل مایوسی
بوبلانی بیزه اخطاریدی وئردون آییلاق
خواب غفلتدن آییلماقدی اگرداروسی
بیزی عفوایله حسینین اوکسیلمش الینه
ملکوت اهلی طواف ایلدیگی مقتلینه
عاشق عشق حسینوک بونا سوز یوخدی بلی
عشق دریاسینه بنزور بوحسین بن علی
عشق دریاسینه یارب گینه غرق ایله بیزی
آلماگوزیاشیمیزی، قاره میزی، عشقیمیزی
آندوئروک شهدانین توکولن قانلارینا
کربلاده سنون عشقونده چیخان جانلارینا
موکبِ بزمِ عزانی سال ئوزون باری یولا
راضی اولما آقامین مجلسی بی رونق اولا
لطف ائله بابِ شفاسین آقامون باغلامیاق
نه روا فاطمه قان آغلیا بیزآغلامیاق
واردی چوخ دردی اولان قویما اورک قانی یئسون
دردین ایستور گلوب عباسِ علمداره دئسون
ای حسین یاسینه آماده اولان عاشق لر
فکرِ احیای محرّمله دولان عاشق لر
بوبلانین هامی انسانه زیانی چوخودی
دئمه ویروسِ خطرناکیدی درمان یوخودی
دئمه ناخوانده بومهمانی همیشه قالاجاخ
شیعه لر ماهِ محرمده نتیجه آلاجاخ
قلبِ پاکیله گلون پاک اَتَکدن یاپیشاق
قتلگهده کسیلن قانلی بیلکدن یاپیشاق
روحیوی رهسپرِ کرببلا ایله گینن
یاحسین دئ اوجادان دفعِ بلا ایله گینن
صدقِ نیّتله عزاساخلا عدوکور اولسون
قاره کوینک لره خاطر بوبلا دوراولسون
ناامید اولما نه اندازه بلا اولسا آغیر
قاره گئ سینه وور امداده اباالفضلی چاغیر
گل یا حسین که جنت و رضوان سنونکیدور
الان جوار رحمت منان سنونکیدور
ای نفس مطمئنه که مرزوق عند رب
سنسن که صدر محفل یاران سنونکیدور
الله یولیندا قان ویرن الله یانندادور
قرب جلال حضرت جانان سنونکیدور
مندن جدادی کیم سنی مندن جدا گوره
چون سر جان منیمدی سر و جان سنونکیدور
ذکر خفی دئ اینجیمسون تشنه لبلرون
ذکر جلی ثوابیده الان سنونکیدور
ربیم دیوب دوداقلاریوی ورما بیر بیره
اسماده هر بیری اولا آسان سنونکیدور
منان دیمه تلفظی مشکلدی لبلره
یا حافظیله ناصر و حنان سنونکیدور
اینجور سنان وران یارا قالخزما عرشه باش
دوندر بو عرشی فرشه که هر آن سنونکیدور
سن باخما عرشه من باخورام فرش ده سنه
قان ایچره بو شمایل لرزان سنونکیدور
ارنی دیینلره ئوزوی یاخشی ویر نشان
موسی یخان او پرتو تابان سنونکیدور
قاتل النده خنجره باخ گور جمالوی
ارنی دیمه که صورت خوبان سنونکیدور
ارنی دیمز جمال خدا ئوز جمالنه
وجه اللهی که پرده چکوب قان سنونکیدور
ویر هر کیمه ویرورسن ئوزون قول جنتی
حکم ایله اهل محشره دیوان سنونکیدور
سئچ بیر بیر آغلیانلاری گوندر بهشته سن
دیوان معدلت گونی فرمان سنونکیدور
بیر قطره آغلیان سنه مهماندی حشریده
مهمان سنوندی سفره احسان سنونکیدور
هر کیم قاچوب باشوندان ئولنلر اولاردیلار
سن زنده سن تمام شهیدان سنونکیدور
سن بیر اشاره مه که بو گون کچدون هر نه دن
من نیلیوم دیسونله که رجحان سنونکیدور؟
منده گرک قویام باشیوا تاج قدرتی
عالم گوره که قدرت یزدان سنونکیدور
زهرانی یولادیم آلا آغوشینه سنی
درد اهلینون گوزینده کی درمان سنونکیدور
زهرایه خوش صفا ایله چوخ دوشمه سجدیه
دیندیر گیلیلی گیتمیه مهمان سنونکیدور
زهرا آنون باخاندا یوزون قویما تپراقا
چک زلفوه دینن آنا بو قان سنونکیدور
قوی باغلاسون آنون ئوز الیلن او گوزلری
نه شمری گور نه زینبی هجران سنونکیدور
گر بو یولون مسافری سن باخما خیمیه
فکر ایتمه هئچ او غم زده طفلان سنونکیدور
حفظ ایلرم بو قورخلی اهل و عیالوی
هر یرده فضل و رحمت رحمان سنونکیدور
بیرده قزون رقییه سینونده ویرمه یر
آندیر اونی که منزل ویران سنونکیدور
خوشدور اوغول آتانون اولا قز آناسنون
بو قز ربابون اصغر عطشان سنونکیدور
زینبله سن السته بولوشدوز مصائبی
ویرانه زینبون بو بیابان سنونکیدور
من زینبی ئوزوم سنیلن شرکت ایلدیم
فخر ایله بو عقیله دوران سنونکیدور
زینب کیمی یاراتمامشام مهربان باجی
خوش حالوه که زینب نالان سنونکیدور
عباسون اولمیان گجه نین فکرین ایتمشم
نصفی یانان چادردا نگهبان سنونکیدور
تجلیل خاصیلن دوتارام بزم تعزیون
نوحه دیین او نوح خوش الحان سنونکیدور
حورانی قاره پوش ایلیوب یاسه یوللارام
خوار اولمیا که شام غريبان سنونکیدور
الان منیم یانیمدا سنون وار چوخ ارزشون
اجر و ثواب و فیض فراوان سنونکیدور
چون گوردی انبیاء هامی بو عهد نامه ده
امضایه شور و شوق فراوان سنونکیدور
ویردون ال اوسته صود امرون اوخ قباقینه
دنیانی یاندران قوزی قربان سنونکیدور
قرآنه قانون علت مبقیه دور حسین
سندن محال آیریلا قرآن سنونکیدور
قلبوندن اوخ چک آخ دیمه قانین دوت اوجوا
پیمانه نی بوشات که بو پیمان سنونکیدور
پیکان دگل چوخ اینجیمه بو پیک یاریدور
پیوند عشقه ناوک پران سنونکیدور
من ایستورم خلوصوه باخسون فرشته لر
مصداق انی اعلمه عنوان سنونکیدور
رد ایتمرم یانقلی اورکلر دعا سینی
ایله دعا که سینه سوزان سنونکیدور
سعی ایله باری وقت دعا فوته گیتمسین
هر نه دیسون سوز ایندی کماکان سنونکیدور
بو دورد آغاجدا سعی ایله هر گل اکورسن اک
هر نه گویرسه سرو و گلستان سنونکیدور
توفیق ایسته (منزوی) سن بعضی شاعره
بیلسون اوزون یازاندا بو دیوان سنونکیدور
بیر آز دایان گئتمه بیله ای خامس اهل کسا
زینب دولانسون باشیوه ای یادگار مصطفا
ایوای یارالی قارداشیم
باشی بلالی قارداشیم (۲)
من گوز آچاندان عالمه غملر منه همدم اولوب
جدیم ئولندن اوخشیوب زینب فقط زلفون یولوب
بیر گون اتام حیدر ئولوب بیر گون آنام گل تک سولوب
جرمیم ندی اولموش ائشیم دنیا بویی داد و نوا
سن کی بولورسن قاره می جدیم ئولنده باغلادیم
حیدر غمینده گوزیاشین توکدوم عذاره آغلادیم
قارداشمیه ایوای دئدیم زهرایه سینه داغلادیم
سن ئولممیش اما باجون باشه سالوب قارداش قرا
هیچ باجینون کاشانه سین قارداش وداعی یخمیوب
هیچ بیر مسافر آیریلوب ائودن سنون تک چخمیوب
عمرومده هیچ غم قلبیمی بو آیریلیق تک سخمیوب
جدیم ،آتام ،زهرا و یا حتی وداع مجتبا
هیچ بینوانی من کیمی گوزدن زمانه سالمیوب
هیچ آیریلیق الدن بئله صبر و قراری آلمیوب
سنده گئدورسن زینبون بیر دادخواهی قالمیوب
سنسیز بو چولده نیلیوم ای ماسواللهه رجا
تا اگنیوه گیدون حسین زهرا وئرن پیراهنی
سالدون خیال و غصّیه آند اولسون آللهه منی
بولمَم نه بولدی قیزلارون ، اوج ائتدی عرشه شیونی
فریاد و واویلائیلن دولدی بو دشت نینوا
باخ گور نجه قیزلار یانور آغلور دییور ایوای بابا
باخ بیر ربابه خیمده گزلینجه ایلور آه و وا
مخیمده لیلانون ایشی اولموش بالام ایوای بالا
گل بو وداعی گورمه سن قیزلاریوه قارداش روا
باخ گور نجه سالموش وداعون مخیم ایچره اضطراب
باخ گور نجه قلبیمده وار بو آیریلیقدا التهاب
میدانه یالقیز گئتماقون قارداش منی ایلور کباب
گل بیر بوغازوندان ئوپوم زینب سنه اولسون فدا
لطف ایله بیرده خیممه باش چک سنی زهرا جانی
باشونده کی اُول یاره نی تا باغلیوم دورسون قانی
قارداش کی یوخدور ، زینبون آیا دئمزلر بس هانی؟
تا ایلییدی باشیوین بیر نحویلن دردین دوا
حیران قویوبدی عالمی عالمده عالمون
مین عالمه دگر فقط آقا محرمون
بیر نئچّه گون قالور هامی گیسون قرا سنه
توکسون عذاره گوزیاشی ارض و سما سنه
مانع اولوبدی بیر مرض ، عالم فدا سنه
گَل قویما گول کیمی سولا تا ماه ماتمون
صبروقراری شیعه لروندن بو غم آلور
آیری غمه دوباره بو غم شیعه نی سالور
ماهِ محرمه آقاجان نئچّه گون قالور
چکسون اورکده شیعه سنون غصه و غمون
شیعه چتیندی بو غمی باشدان آقا آتا
مینلر جهانه گوزدن آخان گوزیاشین ساتا
قویماز محالیدور بو قرا پرچمی یاتا
اَسسون گرکدی حشره کیمی قاره پرچمون
درد اهلی دردی هرکیمون اولسا بولر آقا
بو غمده سینه وورماسا شیعه ئولر آقا
قاره علم اگر یاتا دشمن گولر آقا
خالی اولار بو عصریده خطِ مقدمون
"شیدا "بیر عده شیعه اولوب درده مبتلا
یوخ چاره الده تا ائلیه دردینه دوا
ایسته حسینیدن ، سنی زهرا دئنه آقا
عالم طبیب اولا ، بیزه کافیدی مرهمون
اگرچه قلب ائوینده شوقیله تاپدون قرار ای اوخ
ولی بو غمده ائتدون اهلبیتی داغدار ای اوخ
مگر بولموردون عالمده منم پیغمبرون اوغلی
وصیِ حضرتِ ختمی رسالت، حیدرون اوغلی
عزیزِ حضرتِ زهرا لقبده ڪوثرون اوغلی
ڪه ائتدون هر اوچونده جنت ایچره سوگوار ای اوخ
مڪانِ حضرتِ معبودی تا سن ایلدون ویران
باجیم زینب ائشیتدی عارضه گوزدن توڪوب القان
خیامِ اهلبیتِ عصمت ایچره اولدی بیر طوفان
گوزونده اهلبیتون تار اولوبدور روزگار ای اوخ
دگنده قلبیمه باشلاندی ناله عرش اعلاده
تماماً انبیا جمع اولدولار بو قانلی دریاده
آنام زهرا بالام وای سسلدی بو غملی ماواده
گوزونده قان اولان اشڪی سن ائتدون آبشار ای اوخ
منیم بو قلبیمی قان ایلمیشدی اڪبرون داغی
شڪسته گوگلی ویران ایلمیشدی اصغرین داغی
علاوه یاندیروب یاخمیشدی بیر مه پیڪرون داغی
ڪه اولموشدی حسینه بو مڪاندا جان نثار ای اوخ
منیله استوار اولموشدی ای اوخ عالمِ فانی
یقین مندن سورا سیرینده اولماز نظم امڪانی
وفاسیز حرمله تا آتدی سن تڪ تیز پیڪانی
نظام عالم امڪانی ائتدون تارومار ای اوخ
بو دگماقدا اگر چه سنده یوخدور بیر خطا ای اوخ
ولیڪن قلبیمه ووردی سنی بیر بی حیا ای اوخ
بو ظلمون آتشیندن یاندی هم ارض و سما ای اوخ
چڪوب اوز عرشینه قاره حبیب ڪردگار ای اوخ
اگرچه وارد اولدون قلبیمی سن ایلدون پاره
اگرچه یاره اوستن سن گلوب ووردون گینه یاره
بو گلماقدا یول آشدون فخر ایله سن ڪوی دلداره
رضایِ حقّه خاطر سن ولی گَل اُول ڪنار ای اوخ
ڪنار اُول حق مڪانینده ، مڪان ائتماق بجا اولماز
حبیب عشقی اولان یرده بیر آیری عشقه جا اولماز
قوناقون احترامی گرچه واجبدور، روا اولماز
حسین بو باره دن اولسون سنیلن سازگار ای اوخ
بو گلماقدا اگرچه واردی دعوت محضر یاره
پیام حضرت حقّی گتوردون بو دل افڪاره
منه لبیڪ یا رب دن سورا یوخ آیری بیر چاره
گئدوب جانیله وئرّم امرِ حقّه اعتبار ای اوخ
اگرچه روح و جسم و قلب و جان منده امانتدور
لقای حقه چاتماخ شرطی بو تنده جراحتدور
ولی بو قلبیمون آخماقدا قانی بیر ڪرامتدور
گرڪ منده اولام بو باره دن سجده گذار ای اوخ
یازوبدوراوخ سوزون استادیلردن(هندی)و(انور)
ولیڪن ایلیوب بو سوزده (سعدی زمان )محشر
تاپار (عابد) یازان یرده بو ای اوخ رتبه آخر
قالار « شیدا » دن اما بو ئولنده یادگار ای اوخ
حسین امیر شهیدان
حسین شهید لب عطشان
گئدن مزاره کفن سیز
حسینه شیعه سی قربان
حسین گؤزلدی ملکدن
الی کسیلدی بیلکدن
بیر اوخ دگوب ئورگیندن
چخوبدی قانی کورکدن
دیار کرب و بلاده
قالوبدی جسمی اراده
دوداقی یاره دولاندی
یارالی باشی جداده
حسین کرملی آقادی
بهشتی کرب و بلادی
قورولدی بزم عزاسی
آناسی صاحب عزادی
دیوم نلر سفریندن
ال اوزدی صودامریندن
چکنده تیری بوغازدان
بیر آخ چکوبدی دریندن
حسین ندای ازلدی
کتاب عشقی غزلدی
بهشت و حور و ملکدن
حسینون آدی گؤزلدی
کانال اشعار عباسی معروفان اهری
ای ملک وقارمی فروشی، آیدین عظمت بیانی نیلور
دنیایه ایشق سالان گونش یوز، شرح ایتمگه داستانی نیلور
تعریفوه مین قصیده آزدی، هاردان سغشار غزللریمده
یوخدور منه بیردین فلانی، نور آینه سی جلانی نیلور
سن ماخلقی اسیر ائدوبسن، بیر باخماقا نیزه نون باشیندان
هر ئوچیدا وار بو اَیری قاشدان، صید ایلمگه کمانی نیلور
کپریکلرون اوخیندا یر یوخ، دل ساچماقا الفت ئولکه سینده
ال قانیله گر بَزَنسَه مژگان، دای سُرمه نی سُرمه دانی نیلور
ای ملک محبّتون امیری، سایونده مَلکده دالدالاندی
میخانه عشقوون گداسی، اَل تاپسا سنه جنانی نیلور
من گُل دَگُلم بیتَم چمنده، قورخوم اولا یا که خار و خَسدن
سَروم ایچرَم یاغش سُویوندان سَروین بویی باغبانی نیلور
تحصیل علوم صَرف و نَحوه، عارفلرون اولماز احتیاجی
گوگلرده پَرِ کمال آچانلار، قوزانماقا نَردبانی نیلور
کیم بوقاپیدا ئوزین ایترسه، سوز یوخدی تاپار مَلک مقامی
وور سینوه معرفت مدالین، گور عشق الینون نشانی نیلور
آز صحبت ایله خلیل اودیندان، موسانون عصاده معجزیندن
گل عشق حسینی چک عیاره،گور کودک بی زبانی نیلور
امر ائدوب خلّاق عالم کیمسه یاریمدور منیم
بنده ی وارسته وصادق نگاریمدور منیم
کیم حسین بن علی تک عاشق وارسته دی
شاهد اعظمدی گویا افتخاریمدور منیم
من حسینه هرایکی دنیاده عزّت وئرمیشم
جنّت الاعلاده صاحب اختیاریمدور منیم
قنداقین امرایلدیم کی عرشیمه ائتسون عروج
تاجهان بیلسون بوتحت اختیاریمدور منیم
کیم منیم فرمانیمی عالمده باور قیلماسا
واقف اولسون تاجهان وار شرمساریمدورمنیم
ایندی منده دوتمیشام یارب حسینون دامنین
واریقینیم کی حسین شان ووقاریمدور منیم
چکمرم ال دامنیندن آند اولا ئوز جانینه
چون حسین عشق عالمینده اعتباریمدور منیم
افتخاریمدور عزیز بنت ختم الانبیاء
هرایکی دنیاده لایق شهریاریمدور منیم
حق یولوندا بی گمان دار ونداریندن کچوب
درگهینده سائلم دار ونداریمدور منیم
هانسی عاشقدور حسین تک جان ومالیندن کئچر
بوسببدندور ئولونجک افتخاریمدور منیم
اعتقادیم وار حسینون نهضت خونینینه
وارنیازیم لطفینه ذکر وشعاریمدور منیم
من اوشاقلیقدان حسینون عشقینه خوتاپمیشام
علتین آلما خبر کی اقتداریمدور منیم
خادم درباریم غملر یوروبدور جانیمی
واریقینیم غم گونونده غمگساریم دور منیم
بارگاهینده قوجالمیش خادمی تیموری یم
شاهدیم بوماجرایه حال زاریمدور منیم
اردبیلین دوزدی منده تازه ابجدخوانیم
افتخاریمدور بو بابتدن دیاریمدورمنیم
یازیلیب سردر میخانه خلقتده حسین
عشق حیسن شور حسین اوج جلالتده حسین
بوتون اعصاریده بیر نوریدی ظلمتده حسین
الی الدن اوزولن شخصیلره ایله خبر
باشلانور ماه محرم گتیرون دیده تر
یاشلی گوز اذن دخول حرم مولادی
کشورعشقه گذرنامه غم سقادی
غم ویزا یمیون بو قره لر ویزادی
هم وزیری هم اوزی چوخلی محبت الیر
ال بوشدا گله سن قووماز عنایت الیر
کرمه باخ حرمه من کیمی آلوده گیدر
اله فکرایتمیه سن واهی وبیهوده گیدر
خرداقیزلاردا گیدنده اورا آسوده گیدر
نه قویار قورخوشالار نه بیرینه سیلی دگه
نه بیری قمچی ویریب قامت رعنانی اگه
علتی واردی هرایل شهری سیه پوش اولونار
یاحسین سسلسه هرعاشقی مدهوش اولونار
اصغری باخسا جهنم اوتی خاموش اولونار
کیم قراسین گیه محشرده یولی سد اولماز
محضر حقده دعا ایلیه گر رد اولماز
وار روایتده ظهور عصری سرانجام اولاجاق
سینه لر غرق بلا خانه آلام اولاجاق
پنج تن حضرت مهدی له کی همگام اولاجاق
سرنوشت بشریت گنه تغییر ایدجک
بوحسین ناله لری اصلیده تاثیر ایدجک
اوندا کی غربت مهدی جوشاجاق داشلاناجاق
پنج تن گوزلری غربت سوزینه یاشلاناجاق
بیت معموریده تسبیح ودعا باشلاناجاق
هره بیر نحوی دعا ایلیجک یوم حضور
تاخداوندیدن آلسون آقاما اذن ظهور
حضرت ختم نبی عالمه طوفان سالاجاک
یاشیل عمامه سینی اللری اوسته آلاجاک
تادعاسی قوتارا سجده ده زهرا قالاجاک
جامه غم ملکوت اهلی بوحاله گییجک
عرشیان حاجت پیغمبره آمین دییجک
مرتضی ال آچاجاگ محضر داداره اوگون
جبرییل آعلیاجاگ حالت غمباره اوگون
جنیلر سس قوشاجاگ حیدر کراره اوگون
سوزش ناله سینه جن وملک غم ییجک
حضرت ختم نبی حیدره آمین دییجک
نوبت فاطمه دی ال آچا حق درگهینه
عرض حاجت الیه خالق مهر ومهینه
ویره آللهی قسم عشقیده شاهنشهینه
ناله سیندن گتیره لرزیه عرش وزمنی
عرض ایده خالق سبحانه اوتاندرما منی
مجتبی سبط پیمبرده دعا ایلیجک
ذکر مضطر اوخیوب یا صمدا سویلیجک
گورون اما آقامیز مظلوم حسین نینیجک
آچاجاگ ال کی دعا ایلیه غوعا دوشجک
سجدیه ختم نبی حیدر وزهرا دوشجک
حسن وکل ملایک اونا آمین دییجک
کاینات اهلی بوتون رخت توسل گییجک
جمله جنات وجهنمده بیله سویلیجک
بار الها بو حسیندور خلف ختم رسول
آقا اوغلی آقادی رد المه ایله قبول
بیلمورم هانسی مصیباتی شفیع ایلیجک
بیلمورم هانسی موثر سوزی یا سویلیجک
یاکی عباسین آدی گلسه خدا نیلیجک
هرنه دی ناله پر غصه سی طوفان سالاجاک
درگه حقدن آقام اذن ظهوری آلاجاک
فرقی یوخ علت الطاف خدا هرنه ده دی
اوگجه صاحبینیز صبحه کیمین سجده دی
نچه یوز ایلدی کی مظلوم آقامیز پرده ده دی
پنج تن حرمتینه حقدن عنایت گلجک
جبرییل الده نچه حکم وعنایت گلجک
صبح میعادیده مامور بشارت گلجک
آقامیز مهدیه آماده خدمت گلجک
بوتون عالملره آللهدان عنایت گلجک
ذوالفقاره اوگونی گوزلری یاشلی باخاجاق
کهنه پیراهنیدن تازه قیزیل قان آخاجاق
گوره سن اوندا سوسوز اصغری آرام اولاجاق
زینبین قولاری یا قمچیدن آرام اولاجاق
نهرعلقمده اوساعت نجه اعلام اولاجاق
دیجکلر گوره سن اکبره یارون نجه دی
یا حسینه آقاجان سینه پارون نجه دی
مبهوت الیوب الله عشقیله هر انسانی
خلق ایلدی کی اوندا پیغمبر طاهانی
مین کعبه سوزوم واردی حیدر نجه خلق اولدی
هم کفو علی ویردی پیغمبره زهرانی
زهرا وعلیدن دی بو اون بیر علی سیرت
هرتک تکی حیدردی هم کوثر نورانی
عالملره منتدی بو نعمتی آللهین
بوش قویمادی حجتدن بیر لحظه ده دنیانی
هم باغ فدک ویردی هم جنت سامرا
گویا بزیور هردم گوللرله گلستانی
یوخ شبهه کی زهرادن هر یرده نشان واردی
لطفیله ایدب خالق نوریله چراغانی
شوقیله دولان شیعه بودنیادا گلزاری
درک ایله نجف شاهین گز کرب معلانی
آختارسون اگر لذت ضامن دی اونا رافت
رافت له ایدیب آباد سرتاسر ایرانی
چون جلوه عشقیندن ایرانه ویریب عزت
جنت یارادیب یعنی بو ملک خراسانی
به به نه گوزل مولا به به نه گوزل جنت
هم مرحمتی عالی هم بخششی طوفانی
میلادی مبارکدی ایرانیلره اول
بوشاه خراسانین وار دوزدی چوخ عنوانی
سلطان مسلمدور حج فقرا.مولا
هم ضامن آهودی هم جنت رضوانی
ایرانی دیدیم قالدیم حیف اولدی گوزل گونده
سلطان خراسانین یوخخادم نالانی
شاداولسون اونون روحی افسوس اولا کی یوخدی
سردار سرافرازیم سردار سلیمانی
(کرب و بلاچولونده طوفاندی یا محمد)
(گوندر کفن حسینه عریاندی یا محمد)(1)
پیر و جوان بو یرده قربان دین اولوبدی
باشسیز دوشوب بدنلر دین گلشنی سولوبدی
اولدوردولر حسینی گون سیردن دونوبدی
اکبر کیمی جوانی دوغراندی یا محمد
اوخ سینه ده یارالار پردن آچوبدی شهپر
آت سالدیلار پوزولدی گل تک اولوبلاپرپر
بیر غنچه وار ایچینده سالدی بو جانه اخگر
اصغر ال اوسته عطشان اوخلاندی یا محمد
اوخ حرملیدی قویدی قهرا بو گون کمانه
اصغر بوغازی اولدی اوچ پر اوخا نشانه
گوردی آتا ال اوسته قانی قاروشدی قانه
گولدی اولحظه عالم حیراندی یامحمد
گل غنچسیدی اصغراوخ دگدی پر پر اولدی
اللر قماطه باغلی قنداقی قانه دولدی
ایلور آتاسی افغان گوردی بالاسی سولدی
باغ رسالته گل خنداندی یا محمد
مشک اوخلانوبدی عباس گوزده وار اوخ یاراسی
قولارینی سالوبلار دوشموش یره لواسی
قانی آخور باشیندان ادرک اخا صداسی
درک ایلدی حسینون اودلاندی یامحمد
بو گونده اولمادی بس ویران بوکون وامکان
اوغلون باشی کسیلدی قان یاغدی اولدی طوفان
غارت اولوب لباسی نعشی قالوبدی عریان
عصرین امامی سجّاد گریاندی یا محمد
اخیامه اود ویروبلار یاندی خیمم سراسر
قاچسون چوله اوشاقلار مانعدی قوم کافر
یاندی یانان قالانلا ر اولدی ملول و مضطر
درد و مِحَندن اطفال نالاندی یا محمد
بوکوفیان ندندی جو رو جفاده دویماز
غارتده جای نقصان بواشقیادی قویماز
اغماز ایدر مگر بو دشمن بناتی سویماز
نام دنی بو قومه عنواندی یا محمد
ظاهرده کربلاده گتدی حسین جلالی
دشمن ایدوبدی غارت هرنه اولان منالی
اولدی اسیر دونان آغلار قالوب عیالی
جاه و مقامه دشمن تولاندی یا محمد
ایل لر بویی بو غمده دل اهلی سینه داغلار
(عدلی) اودی اورکدن بوگون حسینه آغلار
کربو بلایه گتسون پیما ن سنیله باغلار
قربان مزار پاکه بو جاندی یا محمد
(1) بیت اول از مرحوم زهنی زاده
آغلا بو بزمیده گوزوم گوزیاشوون بهاسی وار
محفل عشق دور بویرگور نقدر صفاسی وار
زندة عشق ایدر بو یرعشقه اسیر اولانا لاری
اهل دله صفا ویرر درد دلین دواسی وار
بهشتی عشقینه آلارکیم اولسا عاشق حسین
سویله اوعاشقی گله دلده خدا رضاسی وار
واردی آقا مدا چوخ کرم سائلی مایوس ایلمز
گلنلرین گیدنلرین حاجتونون رواسی وار
دردیوی گل بو یرده سن سرسپه امامه ده
مشکل آچاندی اللری الده اونون لواسی وار
اورکده واردی گرسوزون دِ سودامربالاسینه
باب الحوائج اصغرین ا للرونون عطاسی وار
قطعه به قطعه دوغرانان سسله علی اکبری
حاجتینی روا ایدرکیمسه که التجاسی وار
زینبی سسله سس ویررآند اونی ویر حسینینه
زینب آدیندا وار دوا دنیا بویی وفاسی وار
بو بزمه صدقیلن گلن دوا تاپار شفا آلار
بویردی کربلا یری مریض لرین شفاسی وار
و یرولسا هریره علم آناسی فاطمه گلر
او یرکه عاشقان دوتوب حسینونون عزاسی وار
اولار بویرده میزبان قدی خمیده فاطمه
دیرکیم آغلاسا منیم حسینیمه جزاسی وار
همان آنادی گلدی تاگوره او قتل گاهیده
دوشوبدی اوغلی باشی یوخ نه ساتر و لباسی وار
توکوب عذاره گوزیاشین دیوب باشون هانی بالا
بلیم بوکولدی دور اوغول بو قلبیمون بکاسی وار
حسابیدن چخوب یاران گلن ویروب گیدن ویروب
کسوبدی ساربان الون اونون بیوک خطاسی وار
یارا یارانی چاک ایدوب آخورقانی بوتوپراقا
یوخوندی صاف یرین اوپم بوجسموون یاراسی وار
یاپوشسا زخمه کوینگون سویاندا اینجیدوب سنی
کیمون باشوندا بیربیله بلاسی کربلاسی وار
اوباشی بسلیوب آنان قویاردی گل لراوستونه
گیدوبدی خولیه قوناق اونون دیمه حیاسی وار
و یررلر گوز یرینده یرقوناقه رسمیدی اوغول
و یررکول اوسته یرسنه او ظالمون جفاسی وار
دوروم گیدوم او یرده من قویوم دوداق دواقیوه
سیلیم بو گوزیاشیله من دوتوبدی کول نماسی وار
باشون نقدر بلا لیدی ائلدن اوغول آرالیدی
زینب دوتوبدی یاسوی دلنده وا اخاسی وار
قوروبدی بیریاری یانان چادرداآغلوری سنه
ویروبله سس سسه هامی اویرده غم اساسی وار
گیدوبدی غارته قزون رقیه گوشواره سی
قولاق یارا اورک یارا صدای وا اباسی وار
لیلی سریه هم رباب سسلور دیور ایوای بالام
او چادرایچره غم یاغورایوای اوغول صداسی وار
من تک گیدوب او محفله ویردوم تسلّی زینبه
شام غریبان ساخلیوب دردین آلام نواسی وار
آندوردوم آغلاما قیزیم صبرایت بلایه دوزقیزیم
باشوندا شام و کوفه نون بیر غملی ماجراسی وار
بو غم لرونده«عدلیده» منیم کیمی یانار توکر
عذاره اشکینی اوغول نه صبح و نه مساسی وار
مقصوده چاتان شاهدجانانینه قربانیم
باشون هانی بس قارداش ذبح ایلیوب عدوانیم
قویموللار بوردا من سنه آغلیم
وای منه باشون یوخ گوزون باغلیم
ای بار غم و مِحنت قدین خم ایدن قارداش
ای دارو نداریندن بیرگونده گچن قارداش
هم سود امرین قانین افلاکه سپن قارداش
دورگور منیم اللرده قالدی نجه دامانیم
چکدی منی چون عشقون گلدیم بو بیابانه
عشقیم سنه معلوم دور بو لمز بونی بیگانه
سن شمع محبّت سن زینب سنه پروانه
حاشا اولاسان خاموش ای شمع شبستانیم
من عاشق سرمستم سن شاه شهیدانه
شرکت ایلدیم سنله بو نهضت شایانه
ویردوخ ال اله گتدوخ عدوانی اخا جانه
سن جان بکف اسلام حامی سنه یزدانیم
من زمزمۀ عودم سن زمزمه پردازیم
من دردم وگر اشکم سن دلده نوا سازیم
من هنگیوه بیرسربازسن شاه سرافرازیم
من سسلۀ موجم سن سسله جنبانیم
من دشمن بی دینه عجز ایلمرم قارداش
دفنونده قصوریم یوخ قویموللا ایدم اوباش
گوردوقجا گلورموجه گوزلرتوکوری قانیاش
اوچ شعبه لی پیکانه وار نالۀ مستانیم
ای حقّه اولان مِرآت قانی دِیَه آللاهه
هرگزدیمرم گون تک باتدی نیهآللا هه
لازمدی چوخور یرده زینب دیه آللاهه
قربانی قبول ایله ای خالق رحمانیم
اهدافووی عالمده اعلان ایدرم قارداش
قول باغلی اسیراوللام شامه گیدرم قاداش
یوللاردایزید ظلمون خلقه دیرم قارداش
بو نهضت خونینه قرباندی منیم جانیم
سن یوسف زهراسن بیردنیا خریداری
مـن«عدلیم»و عشقون چوخداندی گرفتاری
بیرجام می ایشون ویراول ایوده کی بیماری
سویلرآناسی هر دم وار دور دل سوزانیم
کیمدور بو نورمطلق نورانی مقتلینده
سینایه دوندروبدور میدانی مقتلینده
کیمدورمکان ائدوبدور گودالی لامکانه
بیر واحدون اَحددور مهمانی مقتلینده
کیمدور چَکن اَرادن بو پرده حِجابی
عشق عاشقین اولوبدورحیرانی مقتلینده
کیمدور تَصرُّفیله دوققوز فلک اَلینده
ظاهرده یوخ حصیره امکانی مقتلینده
کیمدور آدیندا واردور اِعجاز اسم اَعظم
حکمینده دور جَمادات هرآنی مقتلینده
کیمدور دینده یاهو گویده مَلکلَرآغلار
آدمله اولدی حَوّا ، گریانی مقتلینده
کیمدورخلیله نارِ نمرودی ائتدی گلشن
اما ئوزی یاناردی عِرفانی مقتلینده
کیمدورنظام چرخی آهیله بَرهَم ایلر
گوستردی نوحه بیرده طوفانی مقتلینده
کیمدور اونا دیلمَز مِصداق لَن تَرانی
موسایه گوستروبدور سُبحانی مقتلینده
کیمدور اِئدر بویردن ماءُالحَیاتی احسان
بَذل ائتدی خِضره آب حَیوانی مقتلینده
کیمدورمَسیحه تعلیم ایلوبدی نفس پاکی
عیسایه صادر ایلر فرمانی مقتلینده
کیمدورآخاندا قانی هُوحق یازاردی یرده
تپراقه وئردی عِزَّت اَلقانی مقتلینده
کیمدور عَطش هویدا اولمیشدی لبلرینده
کوثر گزوردی اَمّا عطشانی مقتلینده
کیمدور دیلی دولامور دردین دیله گتورسون
سایسیز یارالارین یوخ درمانی مقتلینده
کیمدور یاسیندا زهرا اَل معجره آپارمیش
باشلوب اونا سَماوات اَفغانی مقتلینده
یا وَیلَنا ، حسیندور تپراقلار اوسته دوشمیش
گوز یاشیدور بو شاهین احسانی مقتلینده
روحُ الاَمین چالاردی لایلای اونا بِشیکده
دورمیش او گاهواره جُنبانی مقتلینده
لایلای دِیَن گلوبدور نوحه دیور بوچولده
اوخشار همان یارالی سلطانی مقتلینده
یَابنَ الحَسن رُجوعیم یوخ شمر گلدی گئتدی
وار بو غریب امامون جریانی مقتلینده
عَمُّون نجه دوزوبدور ای واقفُ القَضایا
باش گئتدی قالدی جسم بیجانی مقتلینده
بیلمورباشین دالیجاگئتسون ویا قیتسون
گوردی قالوبدی باشسیز قربانی مقتلینده
گویا یره داغیلمیش قرآن وَرق وَرقدی
زینب الیله یغدی ، قرآنی مقتلینده
قاری جِدا باشیندا قرآن تلاوت ائتدی
اَحسن دیردی جسم عریانی مقتلینده
حیرتده قالسا (نادر) مقتلده اِئتمه ایراد
اوردا گوروبدی بیر جان جانانی مقتلینده
اولسون سلام هو دیوب عشقه چاتانلارا
عشقون یولوندا هرنَه یی باشدان آتانلارا
اولسون سلام دشت بلاده قوناقلارا
اولسون سلام شیخیله شابه اوشاقلارا
اولسون سلام تشنه یانان دیل دوداقلارا
اولسون سلام ناوک پیکان نشانینه
اولسون سلام عرشه گئدن پاک قانینه
مرغ قریحه تاپدی سوزی طَبعی جوشلادی
پروانه دن چکوبدور اَلین شمعی بوشلادی
اصغر آدیلا شعرینی سوزلرده خوشلادی
بیر صودامر که دفتر عُشّاقی باغلادی
اَوّل اوخا گولوبدی صورا باخدی آغلادی
عشقه بَلی دیوبدی هَله آچمامیش دیلین
رَخت شهادتی گیونوب گورمَه دی ایلین
اَگدی او خوردا اَللری شَدّادیلَر بِلین
بابَ الحوائج ائتدی اونی حَیّ کردگار
درمان ائدر دیون گَله هرکیمسه دردی وار
تشنه دوداقی نَهر فراتین سویون آتوب
دان اولدوزی دِیوللر اونا چونکه تِز باتوب
قانین حسین فاطمه نون قانینه قاتوب
مَعنا دیلیله عرض ائله دی شاه محشره
باشون سلامت اولسون آتا باخما اصغره
ئوپدون دوداقیمون یاراسین دوشدی هَمهَمه
اَهلی سَمانی قانلو دوداقون سالوب غمه
حسرت گوزیله هِی باخوسان نَهر علقمه
یوخدورعموم اَلوندن آلا شیرخوارووی
تپراقون اوسته قوی منی سن باغلا یارووِی
ای مرتضانون اوغلی غمه بیرده تاب ائله
قربانلیقون قبول اولا گَل بیر ثواب ائله
تُحفَم آز اولسادا باباسن چوخ حساب ائله
عبّاس عموم اگر چه سنه شاهبازیدی
دیلسیز بالوندا اَللروون اوسته بازیدی
میدان عشقیده نِجه گور قانه باتموسان
دنیا تَعلّقاتینی سن باشدان آتموسان
بیرصوداَمردَه جمع شهیدانه قاتموسان
آغوشووه بوخورداجا سربازی آلموسان
مَمنونووم بابا منیده یاده سالموسان
سَپ قانیمی سَمایه بابا شرح قال ائله
قوی منله بیرده یوزیوزه رَفع مَلال ائله
اسباب زحمتم بالووِی گَل حَلال ائله
مَرهَم ائدر فَلک یاراما قاره تپراقی
آسوده گئت آپار نَنَه مَه قانلی قنداقی
اَملیک اووا بوچولده اگر چه شباهتم
طفلم ولیک عشقیده صاحب صَلابتم
مَندن نَنَم خَجِلدی من اوننان خَجالتم
اوچ پراوخ اولدی باعثی ایندی آرالیام
آتدیم اوگاهواره نی بیلدیم هارالیام
غنچازمانی دَهر دَنی ایسته دی سولام
اَمّا خوشام بابا شَجَر عشقه بیر خولام
سینونده یاتماقیلا گَرک من مِدال اولام
بیرگون بوچولده چوخلاری زوّار اولارسنه
ششگوشه قبریده هامی للایلای چالارمنه
(نادر)گوزون یاشی گنه ده آخدی دفتره
عود غمی سالور قلمون اودلی مِجمَره
دان اولدوزی چیخوراونا باخ آغلا اصغره
اوخشا سحرستاره سی اول ماهپاریه
آغلا او چولده غارت اولان گاهواریه
گلمیشم درگهیوه زار و ذلیلانه حسین
بیر نظر بَسدی آقا ،باخ من نالانه حسین
گورورم شام و سحر اهل وِلا هر یرده
سیخیلوبدور قاپووا عاقل ودیوانه حسین
ناامید اولسا اطبادن اگر دردی اولان
گله جکدور قاپووا سنده کی درمانه حسین
ائشیدوبدور کَرمون کُلّ سلاطین جهان
اودی سائلدی هامی سن کیمی سلطانه حسین
شَرر شمعیده بو رسمیدی پروانه یانار
سنون عشقونده یانار شمعیله پروانه حسین
آشنالر نَه فقط آغلادی شَرح غمووَه
ماتمونده نجه گور آغلوری بیگانه حسین
سرسلامت وئررَم حضرت زهرا نَنووَه
باشلارام نوحه لری من او پریشانه حسین
شهریارا ایکی آی قاره گین (نادرووَم)
که اولوب مَامَن عشقیم هرعزاخانه حسین
بارالها بو حسینه بیزی عاشقتر ائله
یاندیر عاشقلرینی عشقیده خاکستر ائله
شکریلن یاد ائدورم شام و سحر ذوالمَننی
آبرومند ائلیوبدور بله عشقیله منی
بو قَرا کوینگه واقف ائدورم ایندی سنی
قویسالار کوینگیمی فرض ائله حَرّاجه اگر
دِیرَم بیر ساپینین قیمتی دنیایه دَگر
گر چه واضحدی اونون علّتی اهل مِحنه
بیر اشاره یری واردور بو قرانی گینه
یتیشر نسبتی زهرا توخیان پیرهنه
بَس نَدن قاره دی، عشقیم بیر اشاره ائله دی
آقیدی ،آتلار اَیاقی اونی قاره ائله دی
هاردا ماتم قورولوب اول شه عطشانه گوره
احترامیله قدم قوی اورا قرآنه گوره
نَصّ قرآندی همان یر او آخان قانه گوره
اهل قرآن بو قانین صاحبینی زنده بیلر
ئولمیوبدور شهدا محضر داورده دیلر
سنه بو مطلبی من واضح و محکم دیورم
نه فقط نوحه ،نه منظوم مُحرّم دیورم
زینبون معجریدی بو قَره پرچم دیورم
دوز باخان حاشیه ده لاله یلن یاسی گورَر
کیم اونا اَیری باخا سیلی عباسی گورَر
هیئت اول خوان مُجلّلدی وئرر روحه غذا
من تک آلوده لر اوردا آلوری درده دوا
عمری باطلدی اگر ائتمسه کیم حقّین اَدا
اوردا موسی تاپار ئوز طنطنه ی سِینینین
کوچه ده پرچمی گورسه چیخادار نَعلینین
بو حسینون آدینا هاردا که نصب اولدی علم
معرفت اهلی دیَر اول یری فرض ایله حَرم
قویوسان اوردا مَلکلر قانادی اوسته قدم
حسرت اهل سمادور بله غم بزمی قورا
قاپیدا حضرت زهرا اَلی قوینوندا دورا
اهل دل سوز دئمگه دلبره ،هیئت تانیار
لذّت اجری او که ایلوری خدمت تانیار
خادم هیئت اولان هاردا مَنییت تانیار
کیم ریاست گزه بو یرده خطایه باتاجاق
بله بیر خصلت اونی ابن زیاده قاتاجاق
دنیا گوزی عالمده حسین کرب وبلادور
بین الحرمین عاشقووه سعی و صفادور
بیر یاندا سنون گنبد پاکوندی نمایان
بیر یاندا یاتوب علقمین اوسته مه تابان
جانیم اولا سنله بو علمدارووه قربان
عباس دئمه معدن ایثار و وفادور
ششگوشه دی قبرون سنون ای زاده ی حیدر
سینونده مدال اولدی سنه صودامر اصغر
یاتمیش ایاقون آتدا جوانون علی اکبر
ششگوشه مزارون بیزه محرآب دعادور
عاشقدی هامی قبرووه ای شاه خجسته
باخ شیعه لره عازم اولور دسته به دسته
پهلوسی سینان فاطمه دورمیش یولون اوسته
خوش گلدین ائدن زائرووه خیر نسادور
باشسیز او عیال و حرمین گوزدن آتاننان
عمامه سی باشینده قزل قانه باتاننان
ایستی قومون اوستونده بو صحراده یاتاننان
هریاندا اونا ئوز ننه سی صاحب عزادور
ایکاش زوال امری بو هجراندا اولیدی
بلبل لرین آوازی گلستاندا اولیدی
ایکاش حسین قبری بو ایراندا اولیدی
افسوس بو هجران داغی داغلاردان اوجادور
دوشوبدی تپراقا بیر شاه بی اَمان یارالی
وجودی باشدان اَیاقه اولوبدی قان یارالی
گرک دِیم که بو قان حضرت اَحد قانیدی
مکان ائدوب ئورگین چونکه لامکان یارالی
یانوردی دیل دوداقی شدّت عَطشدن لیک
فَراتَه ناز ائدوری شاه اِنس و جان یارالی
اگر او خِضر نَبی گورسه بو یانان دوداقی
وِصال آب حَیاتی تاپار گمان ، یارالی
آخاندا قانی یازار لا اِلهَ اِلاَ الله
اولوبدی والهِ جانان بو خسته جان یارالی
مُروَّت اولماسا گر میزبانلار ایچره یقین
چوخور یره یخیلار تشنه میهمان یارالی
دایانما فاطمه گَل یوسفون دوشوب چاهه
مَلک لَر آغلیوری باشلا سن فغان یارالی
حسینون ایندی خانم آشیانه سیز قوش تَک
سینوب قَنادی دوشوب چوللَره همان یارالی
یارالی قامتیلن هِی دورار گِنه یخیلار
باخاندا آغلیوری اهل آسمان یارالی
گوی اهلی ایسته دیلر تا حسین عُروج ائتسون
یِر اهلینه قالا بو شرم بیکران ، یارالی
آچوبدی سینه سینی کربلا یِری او زمان
حسینه مُلتمسانه ائدوب بیان ، یارالی
بو سینه می گَل حسین بَستر ایله اصغریلَن
سنه بو ئولکَه اولار یاخشی آشیان یارالی
چالاندا اصغره لایلای بو چولده قُمریلَر
جهانی داغلیاجاق بوردا نوحه خوان یارالی
مَزارووِی بیله جَک عَدنیدَنده باش (نادر)
اولاندا کعبهء عشقی بو آستان یارالی
کان کرمدی بیزیم اربابیمیز
وار یری درگاهینی عالم دویه
من سنه نوحه یازیرام یا حسین
واردی امیدیم،اونی،زهرا سویه
یوخدی نیازیم بیری،به به،دییه
کبر،دوتا،مهدی،منی،گورمویه
وقتیمی گر صرف ایدورم من،سنه
فکر ایدورم چون او قرانلوق اویه
گر چه یوخوم بیر نفر الدن دوتان
قامتیمی،چوخلاری ایستور،ئیه
عالم رویاده اوجالدی بو ،سس
یازدیقیوی،قویماروخ،هیچ کیم دویه
واردی سنون صاحبین،هیچ غم ییمه
ایستسه،ارباب،ئوزی قوزار،گویه
شکر ایدورم خیر ایشه،من بانیم
نوکریوم،شاعر زنجانیم
عشقوه یا ثارالله منده گرفتارم
فخر یله درگاهونده نوکر دربارم
واردی اورکده دردیم ایله نظرمولا
دربدر و مفلوکم زارم و بیمارم
عشقونده منم غمکش و آواره و حیران
گورسم او گوزل قبروی راحت ویررم جان
ایله منی دعوت .... شش گوشه مزاره
قویما آخا اشکیم .... حسرتله عذاره
یا ابی عبدالله۴
کرببلا اولدوم من عشقوه دیوانه
یوخ داخی طاقت منده بیربیله هجرانه
یاده دوشنده یانام مرقدشش گوشه
آنداولا یتمیش ایکی قانینه غلطانه
عشقونده منم غمکش و آواره و حیران
گورسم او گوزل قبروی راحت ویررم جان
ایله منی دعوت .... شش گوشه مزاره
قویما آخا اشکیم .... حسرتله عذاره
یاابی عبدالله۴
اربعین اولدی ماتم سینه لری دلدی
کرببلایه زینب زار و حزین گلدی
یدی قدم قالاندا دوشدی یوزی اوسته
سالدی اوزین قبراوسته خاطری دینجلدی
سسلندی حسین گوزلرون آچ زار و ملولم
گورسون تانمازسان باجووی دخت بتولم
هانسی غمی قارداش .... اول ایلیوم فاش
سس ویر بوحزینه.....آی غم گونی یولداش
یاابی عبدالله4
اهل وعیالون گلدی سالم و غمدیده
منده سنه زوارم حزین و دلخسته
اولدی رقیون قالدی شامیده آی قارداش
ایتدی بوغمده سندن زینبی شرمنده
سالدی بالانون اولمگی شاماتیده طوفان
قالدی او بالا کاخ یزیدی ایده ویران
خیردا گوزی سوزی .... اولدوز کیمی باتدی
باشون قوجاقیندا ... آمالینه چاتدی
یاابی عبدالله4
فارسی
ای بردو عالم سلطان حسین جان
شاه غریب و عطشان حسین جان
برهمه شیعیان تومقتدایی
شهید تشنه کرب و بلایی
مظلوم حسین جان۴
ای پورحیدردلبندزهرا
نوباوه جان آرای طاها
میروسالارهرپیروجوانی
سرور شباب اهل جنانی
مظلوم حسین جان۴
ای کشته راه دین و قرآن
سالارزینب شاه شهیدان
توشهید عطشان کربلایی
کشته اشکی و خون خدایی
مظلوم حسین جان۴
خنجر به حلقت اعدا نهادند
لب تشنه کشتندآبت ندادند
کلِّ یومُُ عاشورابرلب ماست
کلِّ ارضِِ کربلا مطلب ماست
مظلوم حسین جان۴
ترکی
داغ غموندن عالملرآغلار
زهراوحیدر؛ پیغمبرآغلار
قانون توکولدی دشت بلایه
زینب گلوبدی آه و نوایه
گودی مقتله ال باشداگلدی
غرق ایدوب عالمی گوزیاشداگلدی
مظلوم حسین جان۴
قانه باتوبدی اکبربوچولده
قانین ایچوبدی اصغربوچولده
قاسم اولوبدی قان حجله گاهی
عباس اولوبدی پرپربوچولده
هامی یر تا قیامت کربلادی
هرگون عاشقلره چون عاشورادی
مظلوم حسین جان۴
سرور عالمی شاه عطشان حسین
شافع محشری جان جانان حسین
جان حسین جان حسین/// ای لب عطشان حسین
عالم از داغ تو غرق ماتم شده
سینه عاشقان مسکن غم شده
غرق آلام تو کل عالم شده
چون که مدیون توست کون و امکان حسین
آیت عشقی و دلبر عاشقان
جیرخوار تواند جمله فرزانگان
کربلای توشد قبله عارفان
چون به اقلیم عشق تویی سلطان حسین
نام پاکت حسین درد مارا دوا
خاک کرب بلات برمریضان شفا
هرکه نامت شنید مینماید بکا
ذکر نامت بود چونکه درمان حسین
آدم از لطف تو ؛ توبه اش شدقبول
شمس تابان تو می نگردد افول
درس آزادگی برتو داده بتول
گشته ای در ره عشق قربان حسین
آدوا آغلادی خاتم المرسلین
سنه دل داغلادی خودِ روح الامین
ورد ایدوب آدوی ساکنان زمین
گویده آغلور سنه حور و غِلمان حسین
ساکنان زمین سنه آغلارحسین
سنه آزاده لر سینه داغلار حسین
ماتمونده هامی قاره باغلارحسین
روز حشرآغلاماز چشم گریان حسین
حیدرین اوغلی سان مصطفی سویگولی
حسنین قارداشی باغ زهرا گولی
معرفت باغینون خوش زبان بلبلی
ماتمون عالمی ایتدی نالان حسین
سنه قربان اولوم شه گلگون قبا
شاه لب تشنگاه سنه جانلارفدا
قسمت ایله بیزه لطفیله کربلا
تااولاخ جمعیله سنه مهمان حسین
ایتدی طغیان اوگون دشمنان دنی
کوفی بی وفا دعوت ایتدی سنی
کربلا دشتینه تاکی گتدی سنی
ایتدیلرقانوه سنی غلطان حسین
ارباََ اربا اولوب ظلمیله اکبرون
اوچ پراوخ ذبح ایدوب خیرداجا اصغرون
اولدی قولار قلم ساقی لشکرون
قاسمون پیکری اولدی شان شان حسین
ماتمونده سنون مجتبی آغلیار
فاطمه اوخشیار مرتضی آغلیار
جنت ایچره یانوب مصطفی آغلیار
سالدی داغ غمون عرشه طوفان حسین
تاجهان وار حسین ماتمون زنده دی
کیم قاپوندا قالا عشقی ارزنده دی
((آذرین ))دردی وار گوزلری سنده دی
کل آلامینه ایله درمان حسین
ای دلِ دیـوانه دئنن یاحسین
گلمه دل افغـانه دئنن یاحسین
عاشق و مستانه دئنن یاحسین
دورمـا جداگانه دئنن یاحسین
گلسه اورک جانه دئنن یاحسین
سسلـه دلیرانه دئنن یاحسین
عشقیله مردانه دئنن یاحسین
سینـون اگر غمللـره آماجیدی
واردی مریضـون اگر اِعلاجیدی
فاطمنـون اوغلینی داده چاغیر
چونکی آقـام دردلره حَلاجیدی
دکتری بوشلا دئگونن یا حسین
دکتر ئوزی شاهیمه محتاجیدی
گتمه طبیبانه دئنن یاحسین
عشقیله مردانه دئنن یاحسین
آدینـی افغـانه گلـن سسلیور
غـرق غـم و غرق مُحن سسلیور
پاک آدینی نوحـه دییَن ؛ آغلیان
سینـه وئران ؛ قاره گیَن سسلیور
بو آدی یکسـر سـرطانی اولان
مشکـل بسیاره دوشن سسلیور
سنده غریبانه دئنن یاحسین
عشقیله مردانه دئنن یا حسین
در آهنگ (ماه دل آرا بیا یوسف زهرا بیا )
ای آدی زیبا حسین
ماه دل آرا حسین
مجلس جَشنون بیزه
جنت العلا حسین
عرش و فلک لر دیور
غملی اورک لر دیور
گویده ملک لر دیور
« آدیوه قربان حسین »
سالما اورک فاصله - سسله آلارسان صله
سنده دئنن صدقیله –آدیوه قربان حسین
یاندی شَرف مشعلی
نوری اولوب منجلی
عالمه گلدی بوگون
بَضعِـة جـان علی
فـاطمـه ریحـانه سی
نـوگـل و دردانه سی
اِئل هامی دیوانه سی
« آدیوه قربان حسین »
سالما اورک فاصله - سسله آلارسان صله
سنده دئنن صدقیله –آدیوه قربان حسین
شاهلارا شاهلیخائدر
اصغریوون نوکری
لایقِ جنتـدی چـون
درگهیوون چاکری
بوسوزی حاتم دیور
یکسـره عالم دیور
حضـرت خاتم دیور
« آدیوه قربان حسین »
سالما اورک فاصله - سسله آلارسان صله
سنده دئنن صدقیله –آدیوه قربان حسین
شأن و شرف آیه دی
سن آقا جان سوره سن
آنـدولا زهـرایه کـی
نـابغـه ، اوستوره سن
عرش خدا ماهی سن
سینه لرین آهی سن
جنته ده شاهی سن
« آدیوه قربان حسین »
سالما اورک فاصله - سسله آلارسان صله
سنده دئنن صدقیله –آدیوه قربان حسین
خامـس آل عبـا
آدیـوه جـانلار فدا
جـان ابوالفضل اله
دردلـره مـولا دوا
شمـع شبستـانی سن
مـاه درخشـانی سن
شیعه لرین جانی سن
« آدیوه قربان حسین »
سالما اورک فاصله - سسله آلارسان صله
سنده دئنن صدقیله –آدیوه قربان حسین
