اشعار ترکی امام حسین (ع)

ای شه مَغموم حسین وای وای
بی كس و مظلوم حسین وای وای

گِتدی بو صحراده جلالون سنین
غارت اولوب مال و منالون سنون
قول قولا باغلاندی عیالون سنون
ای شه مظلوم حسین وای وای

کرب و بلا ملکی سنه عرش دور
ایستی قوم اوستی قوری یئر فرش دور
زینبون اؤلسون بو نیجه نعش دور
ای شه مظلوم حسین وای وای

قانلو باشون نیزه‌ده شامه گئدر
آیۀ قرآنی تلاوت ائدر
شمر عیالون ایلیوب دربدر
ای شه مظلوم حسین وای وای

گل بدنون اوخلارا آماج اولوب
خیمه‌لرون ظلمیله تاراج اولوب
عورت اوشاق نصرته محتاج اولوب
ای شه مظلوم حسین وای وای

شمر ستم‌پیشه کسوب‌دور سرون
آتلار ایاقینده قالوب پیکرون
ای آتام‌اوغلی هانی بس اللرون
ای شه مظلوم حسین وای وای

قارداش حسین گردش تقدیره باخ
صبح و مسا ناله شبگیره باخ
گردن سجادیده زنجیره باخ
ای شه مظلوم حسین وای وای

قَمچی وورار قیزلارا شمر دنی
زینبون عرشه اوجالوب شیونی
سنسیز اسیر ایلدی دشمن منی
ای شه مظلوم حسین وای وای

وئرمز امان شمر و سنان آغلیام
نعشوون اوستونده سینه داغلیام
اولمادی ممکن گوزووی باغلیام
ای شه مظلوم حسین وای وای

شامه طرف کوچ ائدوری قافله
هاردادور عباس آلا بیرق اله
قافله اهلین یئتوره منزله
ای شه مظلوم حسین وای وای

ایستی قوم اوستی بو یارالی بدن
آرتوری بو بیکسه درد و محن
اولمادی ممکن سنه ایلوم کفن
ای شه مظلوم حسین وای وای

قوم عدو دوغرادیلار اكبرون
اوخلادیلار تشنه علی اصغرون
شیعه فداسی اولا نسكل لرون
ای شه مظلوم حسین وای وای

ویردولا شام اهلی باشون نیزیه
عترتون آردونجه گیدیر کوفیه
یوخسا قوناقسان بو گجه خولیه
ای شه مظلوم حسین وای وای

«مضطر» اولوب دهریده غرق گناه
كثرت عصیاندان اولوب روسیاه
گَتدی امیدیله بو بابه پناه
ای شه مظلوم حسین وای وای

• شنبه
• 1
• خرداد
• 1400
• ساعت
• 19:46
• نوشته شده توسط
• یوسف اکبری

بیر گجه رویاده گوردوم ئولموشم

چوخ اسفلی منظره لر ،گورموشم

غسل ویردی تا که غساله منه

اشک حسرت جاری اولدی دامنه

پیکریمی آغ کفنه بوکدولر

اوستومه آهسته تپراق توکدولر

قبر ایوینده گردوخاکه باتمیشام

بیر قرانلوق یرده تنها یاتمیشام

هر گلن،سویلوردی روحی شاد اولا

تا ویروبدی فاتحه،دوشدی یولا

بیر به بیر،آیریلدیلار یولداشلاریم

قویدولار تنها منی،قارداشلاریم

هم باجیم گیتدی، دالیسیجا آنام

مندن آیریلدی او گوزیاشلی آتام

سسلدیم هیچکس،منه سس ویرمدی

عاقبت بیر کس منی ،دیندیرمدی

باخدیم اطرافه ولی یوخدور، کسیم

قورخودان دای چیخمادی اوردا سسیم

ناگهان،گوردوم گلور ایکی ملک

گوزلریمده تار اولوبدی نه فلک

بیر ملک سویلوردی که آدون ندی؟

علت افغان و فریادون ندی؟

ای سیه رو،کیمدی اللهین سنون؟

سویله کیمدی دهریده شاهین سنون؟

فانی دنیاده اولوب عمرون تباه؟

نامه ی اعمالیوی ایتدون سیاه؟

الله امر ایلوب بیله وعده ویرین

بنده ی عاصی جهنمدور یرین

دای الیم الدن ئوزولدی سولموشام

ناامید و خار و مایوس اولموشام

اللهین ماموری امر ایتدی منه

دوش یولا،بیر بیله باتما شیونه.

راهی اولدوم نار دوزخده یانام

ایتدیگیم اعماله خاطر اودلانام

صاق صولومدا اللهین ماموری وار

ناگهان،ظلمتده گوردوم نوری وار

بیر آقا گویا گلور دیداریمه

باخدی آهسته منیم رخساریمه

لبلری ذکر حق یکتا دییور

الده قرآن،دلده یا زهرا دییور

باشیمون اوسته دوشوبدی سایه سی

وار باشیندا بیر یاشیل عمامه سی

گوزلری شهلا،یوزی نورانیدی

قامتی رعنا،ملک دربانیدی

باخدی ماموران حق بو صحنه یه

قویدولار اکرامیلن،ال سینه یه

ایلییوللر حیرتیلن زمزمه

دادیوه گلدی حسین فاطمه

غصه و غمدن ئورگیم دینجلوب

صاحب روز قیامتدی گلوب

بیر نگاهیله منی شاد ایلدی

غصه و غملردن آزاد ایلدی

سویلدی اول مه جبین خنده رو:

ای ملکلر؛هیچ تانیرسیز کیمدی بو؟

بو همان کسدی حسینیم وای دییوب

روضه لرده اصغره لای لای دییوب

بو منیم یاسیمده سینه داغلییوب

اکبر و عباسیمه چوخ آغلییوب

هر محرمده سالوب شال عزا

تا ئولونجه سسلیوب،آی کربلا

من حسینم مصطفی دلبندییم

حضرت صدیقه نون فرزندییم

قویمارام ئوز نوکریم بی یار اولا

روز محشر نا امید و خار اولا

گوردوم اربابیم حسینون لطفونی

لحظه ی پرالتهاب و غم گونی

باشیمی سالدیم اشاقه آغلادیم

ذکر یا زهرا دییوب دل داغلادیم

تا دیلیمه گلدی زهرانین آدی

نوکرین،مولا بهشته یوللادی

ظلمت شبده حسین مهتابیدی

فاطمه اوغلی بیزه اربابیدی

• پنج شنبه
• 6
• خرداد
• 1400
• ساعت
• 13:20
• نوشته شده توسط
• یوسف اکبری

سالدون فلکه شراره ای اوخ
دگدون دل داغداره ای اوخ

گوردون من بی پناهی بی یار
لشکر داغلوب اُلوب علمدار
اولدون منه غم گونونده غمخوار
ای یاور اولان بو زاره ای اوخ

سن پیک خدای لم یزل سن
عاشق ایوینه گلن گوزل سن
گلدون، منه قاصد اجل سن
چکدون منی بزم یاره ای اوخ

سالدون رخ مهر و ماهه هاله
سن گلدون اوجالدی آه و ناله
دوشدی بالا قیزلاریم ملاله
زینب گلوب آه و زاره ای اوخ

بیر دل که او دلده غم لریم وار
گنجینهء حیّ داوریم وار
قارداش غمی داغ اکبریم وار
ووردون او دله شراره ای اوخ

سالموشدی بو غم وجودیمه سوز
گوردون من بیکسی اوغولسوز
قالموشدوم اوزوم بو چولده یالقوز
گلمزدی غمیم شماره ای اوخ

جسمیمده یارا دئمم چوخ اولدی
صاف یئر یارا جسمده یوخ اولدی
بو عرصه ده قاتلیم اوخ اولدی
بو دردیمه یوخدی چاره ای اوخ

قان سجده گهیمدن اولدی جاری
گوز گورمدی قوم نابکاری
نشترله ماقا بو قلب زاری
دوشدون یولا سن دوباره ای اوخ

ظاهرده دل ملوله دگدون
باطنده ولی رسوله دگدون
سینه یارالی بتوله دگدون
ووردون اورگینه یاره ای اوخ

تنها نه بو باغریقانی یخدون
بلکه هامی انبیانی یخدون
محرابده مرتضانی یخدون
دگدون او بزرگواره ای اوخ

گوردون منی سن بو گونده عطشان
ویرمور منه سو گروه عدوان
ایچدیردون حسینه سو کیمی قان
چوخ یانما اورکده ناره ای اوخ

دل ملکنی ای خراب ایدن اوخ
وی بو جگری کباب ایدن اوخ
ای قلب ایوین انتخاب ایدن اوخ
تئز چک اوزوی کناره ای اوخ

آتش دل پرشراره سالدون
زهرا آنامون قرارین آلدون
باتدون اوره گیم باشندا قالدون
یاخدیم قانینی عذاره ای اوخ

اوخ فاطمه نی کباب ایدوبدی
آغ ساچلارینی خضاب ایدوبدی
بیله (حسنی) خطاب ایدوبدی
منصوری چکلّه داره ای اوخ

• دوشنبه
• 10
• خرداد
• 1400
• ساعت
• 14:59
• نوشته شده توسط
• یوسف اکبری

آئینه ی حق نما حسیندی
زنگال دله جلا حسیندی

تشبیه ائلمم گله جمالین
گلزاره وئرن صفا حسیندی

خورشید ندور مقابلینده
خورشیده وئرن ضیاء حسیندی

توضیفینه یوخدی منده قدرت
عالملره مقتدا حسیندی

دلداده ی حی لم یزلدی
فرزانه ی بی ریا حسیندی

اعجوبه ی دستگاه خلقت
اسطوره ی ماسوا حسیندی

ذر عالمی ثابت ایلیوبدور
عبد سخی خدا حسیندی

حیدردی مدرس مرامی
شاگرد شه ولا حسیندی

زور و زر ظالمه باش اگمز
هم مسلک انبیا حسیندی

مشتاق منا و کعبه سن گر
کعبه علی و منا حسیندی

گر مروه صفایه واردی میلون
مروه حسن وصفا حسیندی

سیندیرمادی عهدینی ئولونجه
پیمانه ائدن وفا حسیندی

حق لشگرینون امیریدور بو
آزاده ی نینوا حسیندی

فرمانده لشگر ولایت
بند دل اولیا حسیندی

قویماز پوزولا نظام لشگر
سرسلسله ی قوا حسیندی

عباس اگر سپهبد اولسا
ارتشبد کربلا حسیندی

دنیاده تمام ذکرلردن
زیباتری ذکر یاحسیندی

درمانده لرین پناهیدور بو
هر درده ائدن دوا حسیندی

فطرسده شفاسین آلدی بوندان
بیماره وئرن شفا حسیندی

نومید ائلمز گدانی حضرت
کان کرم و سخا حسیندی

ترک ایلمه درگهین ( سرابی)
درگاهی در رجا حسیندی

• سه شنبه
• 11
• خرداد
• 1400
• ساعت
• 16:26
• نوشته شده توسط
• یوسف اکبری

ای وجود عالم هستیده بنیان یا حسین
جانیوه جانلار فدا ای جان جانان یا حسین

سن قدم قویدون بو دنیایه مه شعبانیده
آیری بیر غوغا یاراتدون عالم امکانیده
یوخدی بیر بئله گوزلیک یوسف کنعانیده
گیزلنر حجب و حیادن ماه کنعان یا حسین

خلق ائدوب خالق سنی وئردی خانم زهرایه پای
کون و امکاندا تاپولماز سن کیمین مولایه تای
مات و اولوب گون گول جمالوندن قالوب حیرتده آی
نور آلار مه صورتوندن ماه تابان یا حسین

جسم پاکون وئردی بو فانی جهانه اعتبار
شاد و خرم اولدی تبریک عرض ائدوبدور یاره یار
گوئیا کئچدی خزان فصلی او دم گلدی بهار
اولدی یکسر عالم امکان گلستان یا حسین

لطفوون بیر ذره سین شوره گلوب یازسون قلم
گوز آچان گوندن اولوبسان عمروده صاحب کرم
سائل درگاهیوی دوتدون عزیز و محترم
فطرس بیماره ائتدون لطف و احسان یا حسین

مقدمونلن عالم امکانه قیمت وئرموسن
خلق اولاندان خلقت خلاقه عزت وئرموسن
گویلره معراج ائدوبسن عرشه زینت وئرموسن
ایلیوبسن قدسیانی مات و حیران یا حسین

(سالک) دل خستیم مولا نوا خوان گلمیشم
آلماقا فطرس کیمین من درده درمان گلمیشم
قویما چوخ محزون اولام قیل لطف و احسان گلمیشم
سن سن عالمده بوتون امراضه درمان یا حسین

• یکشنبه
• 23
• خرداد
• 1400
• ساعت
• 18:56
• نوشته شده توسط
• یوسف اکبری

قان آغلا گوزوم کرب و بلادن قییدنده
صبریم تالان اول دشت بلادن قییدنده

گلشنده گوزون دوشسه گلِ یاسه قان آغلا
ای جسم گئیپ قاره باتیپ یاسه قان آغلا
سال یاده اوزون قولارّی عبّاسه قان آغلا
قان اول اوره گیم غملی فضادن قییدنده

ای اَل باشیما سنده سُوور تپراقی اوردا
ای اوت سینه می شعله چکن وقتیده داغلا
ای گوز او سوسوز لبلری سال یاده قان آغلا
قربانلارا فکر ائیله منادن قییدنده

گهواره گره ک من آپارِیدیم او دیاره
هر چند اَلیم بوشدی گِدیردیم اوزی قاره
اوچ پر اوخا فکر ائت بو غازین ائیله دی پاره
محشر یارادار قانی سمادن قییدنده

گئت علقمه ساری گینه سرداری یادان سال
سو اوسته دوشه ن تپراقا قولّاری یادان سال
نخلستانا گئت قولسوز علمداری یادان سال
سقّانی سوسوز سعی و صفادن قییدنده

سعی ائیله گوزوم ممکن اولا مقتله باخما
اوردا کی چتین دی هامیا مسئله باخما
بیر یئرکی سخیپ اوچ پر اوخی حرمله باخما
ثار الله ها باخ غیر خدادن قییندنده

ثار الله ائدیر آللاهیلان راز و نیازی
قان ایچره قیلیر ایکّی رکعت عشق نمازی
هئچ فکر ائلمیر کیمدی کسیر تشنه بوغازی
باخ خنجره قانیله قفادن قییدنده

فریاده گلیپ ایندی پیمبر ده قان آغلیر
هر چند باتیپ قانینه خنجر قان آغلیر
قان آغلا ولایی کی ملک لر ده قان آغلیر
یول توشه سی دی دار فنادن قییدنده

• دوشنبه
• 31
• خرداد
• 1400
• ساعت
• 17:52
• نوشته شده توسط
• یوسف اکبری

شام غریبانیوه قربان حسین
اولدی بو غمدن اوره گیم قان حسین
شام غریبانیوه قربان حسین
خیمه لرن ویردیلار اوت سر به سر
قاچدی چوله اهل حرم خونجگر
اولدی رقیه ن بو گیجه نوحه گر
سسلدی گل دادیمه ای جان حسین
شام غریبانیوه قربان حسین
وحشی عرب غارته یوز قویدولار
زینت و رختی هامیدان سویدولار
عمرولریندن بالالار دویدولار
خیمه لرن دوشدی نه طوفان حسین
شام غریبانیوه قربان حسین
خیمه یانیپ قاچدی اوشاخلار چوله
وا ابتالفظی دوشوپ هر دیله
ناله سسی سالدی چوله ولوله
اولدی اوشاخلار هامی گریان حسین
شام غریبانیوه قربان حسین
زینب نالان نه پریشان گزیر
خیمه نین اطرافینی الان گزیر
خواهری کلثومیله گریان گزیر
سسلنیرای لب لری عطشان حسین
شامغریبانیوهقربان حسین
سو قروقی سیندی دوشوپ اضطراب
اصغرآناسی سودان ایچدی رباب
سینه دولوپدی سوته اولدی کباب
آیری لیقندانائدیپافغانحسین
شامغریبانیوهقربانحسین
قتلگه ایچره دولانیربیرخانم
جسمیویگوردیدیدیای وای جانیم
کاشیئریوهمنبوقدردوغرانیم
پیکرین اولموش نیه شان شان حسین
شامغریبانیوه قربان حسین
خولی تنور ایچرهقویوپدی باشین
کول قاریشیق قانه باتیپ گوز یاشین
فاطمه اولموش دی سنین یولداشین
سسلنیر ای قانینه غلطان حسین
شام غریبانیوه قربان حسین
فاطمه اولموش بوگیجه نوحه گر
چول لریحیران دولانیر دیده تر
گوردی سنین حالین اولوپ خونجگر
سسلنیر ای خولیه مهمان حسین
شام غریبانیوه قربان حسین
گلدی سکینه سنه یاس ساخلیا
عمه سی زینبله اورک داغلیا
ممکن اولان یاره لری باغلیا
گوردی کسیلمیش الین الان حسین
شام غریبانیوه قربان حسین
کسدی حسینجان الیوی ساربان
قالمادی جسمینده داخی بیرنشان
مقتلی زینب دولانیر باغری قان
هارداسان ای خواهره جانان حسین
شام غریبانیوه قربانحسین

• پنج شنبه
• 3
• تیر
• 1400
• ساعت
• 11:21
• نوشته شده توسط
• یوسف اکبری

حسینین عشقی تجلای نور سبحاندی
حسینین عشقی تولاده رکن ایما ندی

حسیندی روح یدالله فوق ایدیهم
حسینین عشقینه معنا یازیلساقرآندی

حسیندی عاشق شیدای حی لم یزلی
حسینین عشقینه.عرش.اهلی.مات.وحیراندی

بقول حضرت شاهی.حسینکه.من تاورام
شهود و غیب و زمین و زمانه سلطاندی

حسینچیلیکده.نه وار.درک.وفهمی.مشکلدی
ملک حسین قاپوسیندا حقیر درباندی

یخیل بو درگه جاهدال ئوزمه. مولاددن
که.باب.عشق.حسین.فوق.باب.رضواندی

نه.وارحسینده دی.غیرحسینی.بیل. مردود
حسینسیزعشق.یولدن.خالق.ایلیوب.مسدود

حسین تجلی سیمای سرخ قرآندی
حسین معلم والای اوج عرفاندی

حسینکی.دارو.ندارین.وئروبدی.دینه.فدا
حسینه دار و ندار حسینچی قرباندی

کیمین.ارادتی.خالصدی.غسلی.قان آقاما
حسینین عشقینین اهدافینه نگهباندی

اوکس کی بزم عزاسینده ایلیور شرکت
اونون.الین.ئوپرم.چون.حسینه مهماندی

جزاده حسرت جنتده آغلاماز . جاهد
او.دیده لر کی.حسینین غمینده گریاندی

او شاعرین کی ولایتمدار دور هدفی
بلی او شاعرین هربیتی بیت رضواندی

حسینین عشقیدی میزان مکتبین حدی
حسینی رد ائلیین هرکیم اولسا مرتدی

• شنبه
• 5
• تیر
• 1400
• ساعت
• 12:08
• نوشته شده توسط
• یوسف اکبری

یَابن الحسن ای عالم اَرا شاه دادگر
آهیم یانیقلی سینه دن اِسپهره اوج ائدر
جَدّون وِداعی ذِهنیمه که ایلیر گذر

اوندا بو روضیه یوزه گوزیاشی باغلارام
سن آغلیان وِداعه آقا منده آغلارام

ایداد اودَم که دوشدی خیام ایچره وَلوَله
عَمُّون نه چکدی سن مَدد ائت تا سوزوم گَلَه
بیر کُهنه کوینگی گوروب آلمیش حسین اَلَه

آز قالدی اوندا کاسهءصبری آشوب داشا
زُلفین آلوبدی اَللرینه باخدی قارداشا

گوردی حسینی دورَه لین قزلار آغلیور
شَمسون جمالینه باخور اولدوزلار آغلیور
بیر یاره لی غریبه آدامسیزلار آغلیور

یوز دوندروب مدینیه ساری چَکوب فغان
گَل دادیمه دئدی نَنَه گَل باغریم اولدی قان

یوخدور بیری بو عَرصه ده امداد ائدن منه
گَل گَل چتین گونومدی که ایشلر قالوب سنه
اوغلون گیور بو سن توخیان کوینگی نَنَه

باشدان اَیاقه یاره لیدور قان یره سوزور
قصد ایلیوبدی گِئتمگه بیزدن اَلین اوزور

وقت شهادت اوندا چاتوب شاه مَحشره
اِفطاره چاغریلوب گئدوری خوان داوَره
اَخیام اَرا ولی اَتگی دوشمیش اَللره

زُلفه آتوبدی اَل بیری سَسلردی اَلاَمان
سَسلور بیری دیور بابا رحم ایله بیر دایان

دلبند فاطمه نجه گور توش اولوب غمه
باخدی سینان سپاهینه هم قانلی پَرچمه
حسرتله بیرده سالدی نظر نَهر عَلقمه

یعنی چتین زماندا منیم یاریم هاردادی
گلسون هَرایه قولسوز علمداریم هاردادی

(نادر) قلم فغانه گلوب جوهَر آغلادی
مرجان مثالی سوز دوزولوب دَفتر آغلادی
هم دل بو سوزده آغلادی هم دَلبر آغلادی

اَل چَکمه سن حسین اَتگیندن توسّل ائت
هربزم ماتَمه گئدوسن عاشقانه گئت

• جمعه
• 11
• تیر
• 1400
• ساعت
• 14:42
• نوشته شده توسط
• یوسف اکبری

کرب و بلا بو یر یوزینون افتخاریدی
زهرا عزیزی شاه شهیدان مزاریدی

واردور سوزوم بو کرب وبلایه گئدنلره
ششگوشه قبری قصد زیارت ائدنلره
عطشان حسینه سوزیله نوحه دینلره

اوردا پیمبر اوغلی ،غریب وطن یاتوب
آتلار ایاقی آتدا اَزیلمیش بدن یاتوب

اوردا مُدام انس و مَلک سینه داغلیار
کیملَرگورون حسینه او یرده قان آغلیار
روحُ الاَمین گلنده اورا قاره باغلیار

باشین آچار اومقتلی گورجک اَبوالبَشر
حوّا یانیندا باشلیار ایوای اوغول دیَر

مقتلده آیری شوره گلر هر نِکو سِیَر
نوح نَبی آچار باشینی یا حسین دِیَر
ابراهیم اوردا ذبح عظیمه قرا گِیَر

موسی اَلینده داد و فغانه عصا گلر
سینه ورار ، همان یرَه روح خدا گلر

ختم رسالتون ئورگی اُول مکانیده
باشی یارالی شاه نجفده فغانیده
عاجز قالار قلمده بو شرح و بیانیده

پیغمبرون قزی او یرَه نوحه خوان گلر
آغلار گوزیله مقتله صاحب زمان گلر

زهرا گلنده شام غریبانه مقتله
وئردی حسینیله نِجه اُول یرده اَل اَله
خِیرالنّسایه چوخ چتین اولدی بومَرحَله

اولدوز کیمی بو یاره لرین یوخ دئدی سانی
فاش ائت اوغول اومن توخیان کوینگون هانی

اولدی بو قان تَبَرّک اوغول گوگلره گئدر
بیرقطره سن آخان قانووی ائتمدون هَدَر
گوداله باخ که تخت سلیمانه ناز ائدر

صبرین بهاسی گرچه اولان سوز و سازه دور
علّت ندور که بارماقووِن قانی تازه دور

دشت بلانی ایندی گرک کربلا ائدم
آق زلفیمه روادی بو قانی حنا ائدم
نی تک سیزیلدیام بوچولی نینوا ائدم

حشره کیمی بو ماتمه اَشکین اَلَر نَنون
سن یات بالا مزارووَه هرگون گلر نَنون

زینب یولا سالاندا سنی خیمه گاهیدن
تنگه گلوبدی سینه سی اُول دودآهیدن
زُلفی آغاردی لحظه ده آخر نگاهیدن

مَرکَبدن اَنمَگه بیلوسن چکدی نازووِی
یافاطمه دئدی صورا ئوپدی بوغازووِی

منده یول اوسته غملره غَمنامه باغلادیم
بو روزگارین ایشلرینه سینه داغلادیم
زینب دیندَه نوحه سنه منده آغلادیم

تقدیر اَلی یازوبدی که عشقین طاقین گورَم
بو باجی قارداشین بِله آیریلماقین گورَم

میدانه راغب ایلدون اوندا که مَرکبی
سرگشته اِئتدون عشقیله بو قانلو مَکتبی
قویدون اَلی ئورکده یولون اوسته زینبی

بو گِئتمَگونله قلبینی بِالمَرّه یارموسان
جسمی قالوبدی خیمه ده جانین آپارموسان

یوز دوندروب مدینیه ائتدی بیان منه
یافاطمه بالون گئدوری ایش قالوب سنه
گَل گور نَه حاله قالمیشام ای باغریقان نَنَه

(نادر) قوتار ، قریحه سوزی گور چکور هارا
خامه دونوبدی بیر اوخا قلبه ورار یارا

• شنبه
• 12
• تیر
• 1400
• ساعت
• 17:09
• نوشته شده توسط
• یوسف اکبری

عطر جَنّت گلور کربلادن
نِی سیزیلدار غم نینوادن
آغلیار گوزلریم هر دَمادَم
سوز دوشنده لب عطشان آقادن
یاحسین یاحسین یاحسینجان(2)

اکبری یاده سالّام عزاده
اول جوان که یاتوب پای پاده
قطعه قطعه اولوب شِبه طاها
خیمیه حمل اولوبدور عَباده
یاحسین یاحسین یاحسینجان (2)

سو اولوب دشت وصحرایه جاری
تشنه قویدی ولی شیر خواری
وئردی سقا گوزی مَشکی آلدی
قیمتی چیخدی اوننان یوخاری
یاحسن یاحسین یاحسینجان (2)

جام اَله آلدی تشنه قوناقلار
خیمه ده منتظردور اوشاقلار
اوخ گلوب مَشک سقّانی دَلدی
یاندی چوللرده عطشان دوداقلار
یاحسین یاحسین یاحسینجان (2)

گوزلریم بیر لَبن خواره آغلار
هر گورَن وقتی گهواره آغلار
سینه سینده یاتوبدور حسینون
خوردا بیر طفل مَه پاره آغلار
یاحسین یاحسین یاحسینجان (2)

گون شَفَقدن یوزه قان آلاندا
یاکه هرغُنچا سولقون قالاندا
یادووَه سال رباب اوخشاماسین
صوداَمر طفله لایلای چالاندا
یاحسین یاحسین یاحسینجان (2)

قاسمون طوی اطاقی تالاندی
حجله گاهینده اودلار قالاندی
قاره گیدی گَلین کربلاده
جام صبری بو غمده جالاندی
یاحسین یاحسین یاحسبنجان(2)

زینبون گُللَری دسته دسته
سولدی میداندا یا نهرون اوسته
کربلا غملریندن قوجالدی
دیل یاراسی اونی ائتدی خسته
یاحسین یاحسین یاحسینجان(2)

• شنبه
• 12
• تیر
• 1400
• ساعت
• 17:33
• نوشته شده توسط
• یوسف اکبری

تاپوبدی یِر یوزی صفا
کِچن گجه یله بو گجه
گَلوبدی مِهریلَن وفا
کِچن گجه یله بو گجه

کِچن گجه قَدم قویوب حَریم عشقه بیرنِکو
اونون زیارتین بو گون مَلکلر ائتدی آرزو
کیم اولدی زائری یقین اوجالدی تاپدی آبرو
لَیال قَدرَه دور نَما
کِچن گجه یله بو گجه

سِپهرِعشقی بوگجه مُنوَّر ائتدی بیرقَمر
قَمردی لِیک هاشمی ، اِئدوبدی یثربه گذر
سَپَردی لَمعه لَمعه نور ایشیق جَبینی سَربَسَر
گلوب ایکی گوزل بالا
کِچن گجیله بو گجه

کِچن گجه وئروبدی بَر نَخیل باغ مصطفی
تاپوبدی بوگجه گُهر یَمِ وفاده مرتضی
اوفاطمه بوفاطمه گُل اَکدی هَر ایکی آنا
قَناد یوخیدی اوچماقا
کِچن گجه یله بو گجه

سَرای فَرشه عَرشیدن مُقرَّبان عَرش اَنَر
گورَن دِیَردی رحم ائله اِلهی گورسَه بَدنَظر
بیری نَمای حَقّیدور بیری بِسان شیر نَر
قوناق گلوب ایکی بالا
کِچن گجه یله بو گجه

او بیرچراغ راهیدور بو اَهل عشقه ماهیدور
اوکشتی نَجاتیدور بو عالمه پَناهیدور
مُراد اودور وَلیک بو مُرید بارگاهیدور
وئروبدور حق ئوزی بَها
کِچن گجه یله بو گجه

او میر مُطلَق اُمَم بودور وزیر مُحتَرم
اوتاجدار سَرمَده بو اولدی صاحب عَلم
اوشاه مُلک عشقیدن بو شاهبازآلوبدی دَم
دوشوبدی حِیرته قضا
کِچن گجیله بو گجه

قاپوندا(نادرم)حسین واریمدی عشق عَلامتی
سنی قسم فراتیده یاتان جوانون حُرمتی
منیمده شعریمه آقا ئوزون دوز آت اِشارتی
اِجابَته یِتَر دعا
کِچن گجیله بو گجه

• یکشنبه
• 13
• تیر
• 1400
• ساعت
• 17:04
• نوشته شده توسط
• یوسف اکبری

گئدورم میدانه ، دوز باجی هجرانه
صبرین دَرسین ئورگَت سوسوز طفلانه

قان اولار گوزیاشون یورقوندی قارداشون
یولا تِز سال گِئتسون قانلو میدانه

کَسیلوبدی چارَم ، ئورکدَه وار یارَم
پریشان و دِلخون زار و دلخسته

بیرطرف اولدوزلار ، زُلفی اَلده قیزلار
یان یانه آغلالار یولومون اوسته

بیرطرفدَه زهرا ، ساق صولوندا حورا
گوزلَر منی اَلان پهلو شکسته

گِئدورم دیدارَه ، باجی سن ائت چارَه
اِئتسون بو قارداشون وفا پیمانه

بو وداع آخر ، منی اِئتدی مُضطر
اَتگیم اَللرده ذکریم قرآندی

یارا اوستن یارَه ، نیلَر گور بی یارَه
ششماهه سربازیم اَلده اوخلاندی

اَلیم اوسته اصغر ، گُل تک اولدی پَرپَر
ئوپدیم یاراسینان دوداقیم قاندی

ئورگیم اودلاندی ، گُللَریم تالاندی
آغلار بو حالاته دورِ زمانه

• دوشنبه
• 14
• تیر
• 1400
• ساعت
• 11:31
• نوشته شده توسط
• یوسف اکبری

کرب و بلا بو یر یوزینون افتخاریدی
زهرا عزیزی شاه شهیدان مزاریدی

واردور سوزوم بو کرب وبلایه گئدنلره
ششگوشه قبری قصد زیارت ائدنلره
عطشان حسینه سوزیله نوحه دینلره

اوردا پیمبر اوغلی ،غریب وطن یاتوب
آتلار ایاقی آتدا اَزیلمیش بدن یاتوب

اوردا مدام انس و ملک سینه داغلیار
کیملَرگورون حسینه او یرده قان آغلیار
روح الاَمین گلنده اورا قاره باغلیار

باشین آچار اومقتلی گورجک اَبوالبَشر
حوّا یانیندا باشلیار ایوای اوغول دیر

مقتلده آیری شوره گلر هر نِکو سِیَر
نوح نَبی آچار باشینی یا حسین دِیَر
ابراهیم اوردا ذبح عظیمه قرا گِیَر

موسی اَلینده داد و فغانه عصا گلر
سینه ورار ، همان یره روح خدا گلر

ختم رسالتون ئورگی اُول مکانیده
باشی یارالی شاه نجفده فغانیده
عاجز قالار قلمده بو شرح و بیانیده

پیغمبرون قزی او یره نوحه خوان گلر
آغلار گوزیله مقتله صاحب زمان گلر

زهرا گلنده شام غریبانه مقتله
وئردی حسینیله نِجه اُول یرده اَل اَله
خِیرالنّسایه چوخ چتین اولدی بو مَرحَله

اولدوز کیمی بو یاره لرین یوخ دئدی سانی
فاش ائت اوغول اومن توخیان کوینگون هانی

اولدی بو قان تَبَرّک اوغول گوگلره گئدر
بیرقطره سن آخان قانووی ائتمدون هَدَر
گوداله باخ که تخت سلیمانه ناز ائدر

صبرین بهاسی گرچه اولان سوز و سازه دور
علت ندور که بارماقوون قانی تازه دور

دشت بلانی ایندی گرک کربلا ائدم
آق زلفیمه روادی بو قانی حنا ائدم
نی تک سیزیلدیام بوچولی نینوا ائدم

حشره کیمی بو ماتمه اَشکین اَلَر نَنون
سن یات بالا مزارووَه هرگون گلر نَنون

زینب یولا سالاندا سنی خیمه گاهیدن
تنگه گلوبدی سینه سی اُول دود آهیدن
زلفی آغاردی لحظه ده آخر نگاهیدن

مَرکَبدن اَنمگه بیلوسن چکدی نازووی
یافاطمه دئدی صورا ئوپدی بوغازووی

منده یول اوسته غملره غمنامه باغلادیم
بو روزگارین ایشلرینه سینه داغلادیم
زینب دینده نوحه سنه منده آغلادیم

تقدیر اَلی یازوبدی که عشقین طاقین گورَم
بو باجی قارداشین بِله آیریلماقین گورَم

میدانه راغب ایلدون اوندا که مَرکبی
سرگشته اِئتدون عشقیله بو قانلو مَکتبی
قویدون اَلی ئورکده یولون اوسته زینبی

بو گِئتمَگونله قلبینی بِالمَرّه یارموسان
جسمی قالوبدی خیمه ده جانین آپارموسان

یوز دوندروب مدینیه ائتدی بیان منه
یا فاطمه بالون گئدوری ایش قالوب سنه
گَل گور نَه حاله قالمیشام ای باغریقان نَنَه

(نادر) قوتار ، قریحه سوزی گور چکور هارا
خامه دونوبدی بیر اوخا قلبه ورار یارا

• سه شنبه
• 15
• تیر
• 1400
• ساعت
• 21:40
• نوشته شده توسط
• یوسف اکبری

شاه کلید در جنت حسین
میوه ی بُستانِ نبوت حسین
کان وفا پیکرِ غیرت حسین
آینه ی ایزد رحمت حسین
ماه حسین کوکب عزت حسین

درسی هامی خلقه شهادت حسین
شاه کلید در جنت حسین

قلبیمیزه حکدی حسینون آدی
حشره کیمی واردی اورکده یادی
بزمیلیرین هم دوزودی هم دادی
چونکه علیدور آقامون استادی
چخدی سمایه حقینون فریادی

معدن احسان و کرامت حسین
شاه کلید در جنت حسین

منکر اولا کیم اونا خِفَّت تاپار
کیم آدینی سسلسه عزت تاپار
قلبی اولار روشن و رافت تاپار
مهری اورکلرده طراوت تاپار
حق تعالاییله اُلفت تاپار

درگهی درگاه شفاعت حسین
شاه کلید در جنت حسین

درده دوادور آقامون تربتی
مکتب عرفاندی گوزل هیئتی
حیدریدور شوکت و شخصیّتی
خاتمه بنذر آقامون هیبتی
وار دی رگینده علوی غیرتی

اسوه ی ایمان و شجاعت حسین
شاه کلید در جنت حسین

شاهیمیزون دست یداللهی وار
عزتی وار غیرتی وار جاهی وار
حضرت عباس کیمین ماهی وار
راهی رَه حقدی گوزل راهی وار
درده دوا ایتماقا درگاهی وار

دایره ی محکم ِ وحدت حسین
شاه کلید در جنت حسین

عشق حسین خالصیدور عشق ناب
چون ایلیوب حق یولونی انتخاب
کرب و بلاده ایلدی انقلاب
مقصدینه چاتدی اولوب کامیاب
شرحینی یازدی قلم اولدی کتاب

ویردی بیزه درس شرافت حسین
شاه کلید در جنت حسین

اگمدی باش ذلَّته نور ولا
دشمنینه ایلمدی اعتنا
دار و ندارین ایلیوبدور فدا
محشر ایدوب دلبر خیرالنساء
شیعه لره کعبه اولوب کربلا

ایلدی اسلامی حفاظت حسین
شاه کلید در جنت حسین

ماه حسین نور شبستان حسین
مجلسی هر یرده گلستان حسین
آیه حسین معنی قران حسین
حقه گوره بذل ایلدی قان حسین
در گه و بابی در احسان حسین

صادق حسین صدق و صداقت حسین
شاه کلید در جنت حسین

سسلدی من شاه ولا اوغلیام
حیدریم شیر خدا اوغلیام
سبط نبی میر هُدا اوغلیام
باعث خلقت نُجبا اوغلیام
شافعه ی هر دو سرا اوغلیام

ایتمیجاخ کافره بیعت حسین
شاه کلید در جنت حسین

طور منم رهرو موسی منم
قبله منم کعبه ی دلها منم
شیر منم قاتل اعدا منم
سبط نبی رهبر عظما منم
اُمَّتینه سرور مولا منم

دائم ایدر حقه عبادت حسین
شاه کلید در جنت حسین

کافره باش اگمیوب اگمز حسین
بیعت الین ظالمه ویرمز حسین
یَمدی سیزی قطره ده بیلمز حسین
حقدی یولی کج یولا گیتمز حسین
شاهیزی محسوب حق ایتمز حسین

معنی و معنای عدالت حسین
شاه کلید در جنت حسین

نیلیوم عباس علمدار اولوب
اکبر مه پیکر و دلدار اولوب
قاسم رزم آور و قهار اولوب
اصغریم اول طفل لبن خوار اولوب
یتمیش ایکی یار وفادار اولوب

گوردی بوگون چوخ غم و محنت حسین
شاه کلید در جنت حسین

آند اولا عمامه ی پیغمبره
خیبری فتح ایلین عالی فره
قانلی عبایه بو کولن اکبره
قانی سمایه سپیلن اصغره
بیعت الین ویرمز حسین کافره

ایلمز اللهه خیانت حسین
شاه کلید در جنت حسین

آغلاسا کیم اصغریمه (پوریا)
گلسه منیم مجلسیمه بی ریا
یاد ایلیه اکبری باشه ورا
قلبینی تیر غمیلن داغلیا
زینب و اهل حرمه آغلیا

شافع اولار روز قیامت حسین
شاه کلید در جنت حسین

• پنج شنبه
• 17
• تیر
• 1400
• ساعت
• 10:58
• نوشته شده توسط
• یوسف اکبری

در آهنگ این ندا آمد زسوی ...

شد شکوفا غنچه ی باغ جنان مولا حسین
شمس نورانیِّ ارض و آسمان مولا حسین
سرور آمد دلبر آمد
شیعیان را رهبر آمد
یا حسین جان 2

جشن میلاد حسیـــــن خُـــرَّم دل اهل ولا
موج شادی پر کشیده تا سما عرش خدا
نور باران شد بهشت و اهل جنت شادمان
مژده بــــر زهرا و پیغمبر ،علی شیر خدا
نور حیِّ داور آمد
شیعیان را رهبر آمد

جان فدای مقدمت آن مقدم نیلوفـری
آسمان عشق را تابنــــده نور اخـتری
لَنگر دیـــن مُبینی دِلبر خــــیرالنساء
شاه دشت کربلایی بند قلب حیدری
نو گل پیغمبر آمد
شیعیان را رهبر آمد

ترکی

گلـــــــدی دنیایه شَـــــهِ والا مقام کربلا
غنچــــــه ی باغ پیمبر میوه ی خیرالنساء
مژده اولسون حضرت شاه ولایت حیدره
اولدی نورانی بوگون بیت علی المرتضا
غیرتین معناسی گلدی
شیعه نون آقاسی گلدی

سرور اهل ولا محبــــوب جنتدور حسین
بیر امیر با درایت کــــان عزتدور حسین
بیر گوزل پایدور ویروب الله بونی دنیالره
رهبریم تاج ســریم والله قیامتدور حسین
قلبیمون احساسی گلدی
شیعه نون آقاسی گلدی

بو گجه جشــــــن ولادتدور عنـایت قیل آقـــا
عیدیانه ویــــر بیزه ای معــــدن جود و ســـخا
سسله (پویا ) هامی بیلسون که حسینون مستی سن
ویر بو جـــمعه یا حسین عیدی بــــرات کربلا
جنتون زیباسی گلدی- شیعه نون آقاسی گلدی

• جمعه
• 18
• تیر
• 1400
• ساعت
• 13:33
• نوشته شده توسط
• یوسف اکبری

ترک ایلدی جهانی بوگون نوکر حســین
بیر عمر اولـــــدی ذکر دلی اَزبر حــسین

استـــــاد مکتب اولــــدی زمانــی، اهالیه
نشـــــر ایلیوبدی عِلمینی بی مـــزدِ عـالیه

زحمت چکوبدی مسجد و هیئتده شوقیلن
اولدی بیر عمری خــادم سلطــان بی کفن

عمری حسین فاطــمیه اولدی روضه خوان
گه سینـــه وردی گــه اولوب اربابه آغلیان

پنج شنبه نون گونونده ایدوب ترک عالمی
محــــزون ایدوبدی اهل عزانی بونون غمی

سسلنــــدی هر اذانیـــــده الله و اکــــبرین
یا رب باغشـــــلا شــــاه شهیدانه نوکرین

چوخ ذکر یا حسین دیوب هیئتده آغلادی
بزم عــــزاده باشه وروب سینـــه داغلادی

تشییع اولـــــوبدی پیکری گور نه جلالیلن
اما حسین فاطـــــمه دفـن اولدی بی کفن

هیچ غم حـــسین غـــمینه یتیشمز جهانیده
مظلوم اولــــوبدی شـــــاه شهیدان زمانیده

اوچ گون قالوبدی کرب و بلاده جنازه سی
ایستی قــوم اوسته یاتدی جنانون ستاره سی

زهرا و حیـــــدر آغلادی سسلندی جان بالا
لای لای سوســـوز یارالی اولــن شاه کربلا

بو حاله کیـم سالوب سنی شل اولسون اللری
آغلاتـــدی کــــــربلا غمی زهرا و حیدری

کیم سسلســـه حسین آدینــــی سرفراز اولار
درگاهینه کیــــم اولســــا گدا بی نیـاز اولار

خوش حالینه او کس کی حسین دادینه گـله
تاریکیـــــده ایشیق ســــالا فــــریادینه گـله

آقا دیسون نکیر و منــــکره خادمدی بـو منه
زینت اولوبــــــدی یـاسیمه هم غملی گلشنه

(پویا) امید ین اولسو حسین ، جان ویرن زمان
باشمــــیز اوستـــــه حاظر اولار اولما ناگران

• سه شنبه
• 22
• تیر
• 1400
• ساعت
• 11:15
• نوشته شده توسط
• یوسف اکبری

مولا
ای شمـــــس هدا شـاه ولا ناجی امت ‌
زهــــــرا بالاسی کان وفا معدن عزت
سن شیر خدانون گل بی خاریسن آقا
ای زاده ی مرسل بیزه سن ایله عنایت
ای یگـــــانه مرد عاشورا
یا حسین لبیک مولا مولا

مولا
یـــــوسف متحیردی بیله حُسن جماله
حیراندی سلیمان بیلــه بیر جاه و جلاله
کیم درگهیوین نوکری اولسا تاپار عزت
حُر ظلم ایلــــدی یتدی ولی اوج کماله
یوســـــف زهرا جانم آقا
یا حسین لبیک مولا مولا

ویرمـــــم آقاجان بیر توکیوی کلِّ جهـانه
ساتمــــام حـــرمون لذتینی بــــاغ جـنانه
عالمده منیم عشقیم حسین مشقیم حسیندی
نوکـــرلوقومی فخـــر ایلــــرم اهل زمانه
جان سنه قربان عشق طاها
یا حسین لبیک مولا مولا

هیچ کیمسه سنونتک آقا بت سیندیران اولماز
عبــــاس دلاور کیمی بیر صف شکن اولماز
زینبــــده اولان نطــــق و علـی مظهره قربان
یوخ مثلی بیلـــه کاخ یزیــدی یخن اولماز
سسلــــرم دیلـدن یا زینبا
یا حسین لبیک مولا مولا

مولا
سینونده یاتان نازلــی علــی اصغره قربان
ایــــــاقلارین آلتیـــتدا علی اکبره قربان
محشر یارادوب کرب و بلاده آقام عباس
نهر اوسته یاتان ساقی و سر لشگره قربان
شیعیــــه دلبر سرور سقا
یا حسین لبیک مولا مولا

• چهارشنبه
• 23
• تیر
• 1400
• ساعت
• 13:18
• نوشته شده توسط
• یوسف اکبری

مژده بر اهل ولا آمده نور سما
گشته دلها خُرَّم از قدوم مولا
گو مبـــارکبـادا جشن میلاد حسین
بهر زهــرا و علی آمده نور دو عین
یا حسین ثار الله
جان ابــاعبدالله

باز هم میلاد تو آمده ثارالله
غرق شادی شیعه یا اباعبدالله
شیعه را یـــار آمد یارو دلدار آمد
سرور هر دو جهان روح ایثار آمد
یا حسین ثار الله
جان ابــاعبدالله

صورتش مانند گُل غنچه ی باغ جنان
ای گــــل ناز علی رهبر هر دو جهان
رهنمـــــای امَّــــت شافع یوم جزا
او هدایتگر ماست حافظ دین خدا
یا حسین ثار الله
جان ابــاعبدالله

ترکی

گلدی بیر گُل عالمه گُلسِتان اولدی جهان
شادمان اهل بهشت نو گل باغ جنان
یاور عالــــمیان یـــــــا اباعبدالله
حامی حق طلبان یا حسین ثارالله
یا حسین ثار الله
جان ابــاعبدالله

خوش گلوبسن یا حسین مقدمون گلباران
جشن میلادونــــدور قیل بیزه سن احسان
ایستروخ سنـــــدن آقا با دل شور و نوا
بیزلره قسمت ایلـــــــــــه کربلا یا مولا
یا حسین ثار الله
جان ابــاعبدالله

عاشقوخ مولا سنه شیعه نین دلبری سن
امته پشتیبان جنَّتون زیوری سن
معدن عشق و صفا ای گل اهل ولا
میوه ی باغ رسول خامس آل عبا
یا حسین ثار الله
جان ابــاعبدالله

مرغ عشقیم پــر آچوب سمت بین الحرمین
دم به دم ذکر اوخیــور یا ابوالفضل و حسین
نام پر مهـــر حسیـــن عطر و بوی گل یاس
قلب شیعــــه سسلر یـــا حسیـــــن یا عبـاس
یا حسین ثار الله
جان ابــاعبدالله

• پنج شنبه
• 24
• تیر
• 1400
• ساعت
• 14:02
• نوشته شده توسط
• یوسف اکبری

امام مه لـــقا گــلوب - شهنشه کربـلا گلوب
اولـوب منوَّر ستاره لر - شیعیـــانه آقـا گلوب
شـــادو خُــــــرَّم اهل تولّا
سُونوبــــــدی جنَّت الاعلا
گوزی روشن حضرت زهرا
گُل خیرالنسا گلوب

شه خیبــر آتاسیدی - حضرت زهرا آناسیدی
ختم پیمبر باباسیدی - اهـــل تقـــوا آقاسیدی
عــــزت و ماه آسماندی
گـــل یکدانه ی جناندی
دینه عِزُّ و شرف قازاندی
گل خیرالنساء گلوب

آدی زینتــدی پرچمه - سمالره عرش اعظمه
عزیز شیر خدا حسین - گل یکتــادی خاتمه
نوه ی پاک مصطفادی
پســــر خیـــره النسادی
آقامیــــــز شاه کربلادی
گل خیرالنساء گلوب

گوزی شهلا یوزی گوزل - کمان ابروسی بی بدل
ماه شب چـــارده دی بــو - پــــرتـــو نور لم یزل
حرمـــــی جنت خـــدادی
آدی هـر دردیچون دوادی
دی مـــریضه بــاب شفادی
گل خیرالنساء گلوب

گل آچوب غنچه ی علی - اولوبدی به به کلام عشق
مست می حیِّ کــردگار - بیـــزه مولا امــام عشق
سومیـــــن نور کبریادور
پنجمین معصوم خدادور
گــــل گلزار نُـه سمادور
گل خیرالنساء گلوب

شب میـلاد بــا صـــفا - عنایت ایت (احمده ) آقا
دیور اورکدن بو نوکرون - ویـــر برات کرب و بلا
گوزل آدون عـــزتیمیزدی
حرمون چــون جنتیمیزدی
کـــرب وبلا نعمتیمیـــزدی
گل خیرالنساء گلوب

• پنج شنبه
• 24
• تیر
• 1400
• ساعت
• 14:07
• نوشته شده توسط
• یوسف اکبری

ای کربلا ای تـــربت پاکــی هامی درده دوا
سنده یاتان رهبر و هم یتمیش ایکی ماهه فدا
واردی اورکده حاجتیم بــیرده گورم زائروم
بین الحرمینده عجب واردی گوزل شور و صفا
ای کربــلا ای کربلا
سنده یاتان شاهه فدا2

ای کربلا سنــده بیر عـــــالی درجه شاه یاتوب
علقم کنارینده سوسوز قولسوز اولان ماه یاتوب
اربابیمین سینه سینیـــن اوسته یاتوب طفل رباب
اشبه پیغمبر ایدوب سیـــر الــی الله یاتوب

سنده یاتان شاهیمیزون سینه سیـنه اوخ وردولار
عباسینون نهر فرات اوســـته قــولونی سالدولار
اوچ گجه گوندوز سو یولون باغلادولار کوفه لیلر
اکبرینی دوغرادولار اصــــغرینی اوخـلادولار

بیر ظلم ایدوبدی کوفیان عالم و آدم آغلادی
جنتده باشینه وروب حضــرت خاتم آغلادی
کسدی سوسوز باشینی شمر بـی حیا خنجریله
آناسی قتلگاهیده دوتوبــدی ماتـــم آغلادی

حسین بالالارینی صحـــــرای بـلاده یوردولار
حیدره ظلم ایدن قوشون فتنه دوباره قوردولار
بیلدیلر ساقی حرم رقـــیه نی چـــوخ ایستیور
گوشواره لرین آلدولار قمچی اونا چوخ وردولار
----------------------------

ای کربلا سنده اوگون جنایت ایتــــدی کوفیان
اسوبدی یل ،دوتولدی گون لرزیه دوشدی آسمان
زهرا توخیان کوینگی غارت ایدوبـدی قوم شر
بیرجه اوزوکدن اوتری بارماقینی کسدی ساربان

اولمادی بیــــر نفر دیـــــه کافر بی حیالره
ورمیون الله گــــوره باشلارینــــی جدالره
جسارت ایتدیلر حسیـن بالالاری باخا باخا
آغلادی انس و جان اوگون ناله چخوب سمالره

ای کربلا چوخلاری سسـلر سنی بی ریب و ریا
گجه گونوز سنــه یازور غملی عریضه ( پوریا )
حســـرتی واردور سنــــه زائر اولا بیرده هیئتی
ایستور مدد قولسوز ابوالفضدن اولا حاجت روا

• جمعه
• 25
• تیر
• 1400
• ساعت
• 11:00
• نوشته شده توسط
• یوسف اکبری

امام مه لـــقا گــلوب - شهنشه کربـلا گلوب
اولـوب منوَّر ستاره لر - شیعیـــانه آقـا گلوب
شـــادو خُــــــرَّم اهل تولّا
سُونوبــــــدی جنَّت الاعلا
گوزی روشن حضرت زهرا
گُل خیرالنسا گلوب

شه خیبــر آتاسیدی - حضرت زهرا آناسیدی
ختم پیمبر باباسیدی - اهـــل تقـــوا آقاسیدی
عــــزت و ماه آسماندی
گـــل یکدانه ی جناندی
دینه عِزُّ و شرف قازاندی
گل خیرالنساء گلوب

آدی زینتــدی پرچمه - سمالره عرش اعظمه
عزیز شیر خدا حسین - گل یکتــادی خاتمه
نوه ی پاک مصطفادی
پســــر خیـــره النسادی
آقامیــــــز شاه کربلادی
گل خیرالنساء گلوب

گوزی شهلا یوزی گوزل - کمان ابروسی بی بدل
ماه شب چـــارده دی بــو - پــــرتـــو نور لم یزل
حرمـــــی جنت خـــدادی
آدی هـر دردیچون دوادی
دی مـــریضه بــاب شفادی
گل خیرالنساء گلوب

گل آچوب غنچه ی علی - اولوبدی به به کلام عشق
مست می حیِّ کــردگار - بیـــزه مولا امــام عشق
سومیـــــن نور کبریادور
پنجمین معصوم خدادور
گــــل گلزار نُـه سمادور
گل خیرالنساء گلوب

شب میـلاد بــا صـــفا - عنایت ایت (احمده ) آقا
دیور اورکدن بو نوکرون - ویـــر برات کرب و بلا
گوزل آدون عـــزتیمیزدی
حرمون چــون جنتیمیزدی
کـــرب وبلا نعمتیمیـــزدی
گل خیرالنساء گلوب

• جمعه
• 25
• تیر
• 1400
• ساعت
• 11:40
• نوشته شده توسط
• یوسف اکبری

ای حسینون عاشقی اولسون سنه جانیم فدا
سَسله عشقیله حسینی هارداسان اِیله صفا

صورت ظاهرده باخما باغلانوبدور میکده
صورت باطنده باغلانماز ولیکن می سرا

می سرای عشق ارباب طریقت بازیدور
حضرت صادق بیله فرمایش اِیلوب، انما

کیم دیور میخانه لر باغلاندی ساغرلر سینوب
پیر رنداندور محبانه شهید نینوا

کیم حسینه آغلاسا هر یرده صدقیله اگر
دیده گریان باش چکر اول مجلسه خیرالنسا

دول بوشالدور میکده هوهو چکور دیوانه لر
نغمه پیمانه دن بلبل اِیدور شور و نوا

وه نه نغمه وه نه پیمانه نه باده نه شراب
گوشه میخانه ده عشاق اِیدور رقص و سما

ماه شعبان ، جَذبهِ ساقیِ ، فروغ روی یار
شاد و خرمدور بو بزم ایچره قلوب ماسوا

شهر یثربده چکوب زمره ملائک صف بو دم
اِیلیه مدهوش بلکه نورس شاه ولا

آز قالور زینت تاپا بیر باده نوشیله جهان
روح احبابه تجلی اِیلیه بیر مه لقا

پشت درده منتظردور حضرت روح الامین
گوزلیور قنداقه سین عرشه آپارسین بر ملا

جان جانان عشق منان دلبر دلدادگان
تا قدم قویدی جهانه تاپدی چوخ دیده ضیا

دیده بینای شاه لافتایه آچدی گوز
شاد اولوب یُمنِ قدومیندن او میر مقتدا

گوز گوز اولدی تا شبیریله امام عالمین
یوز دوتوب زهرایه اوز دلدارینی اِیتدی ندا

سویلدی زهرای من ای پاره قلب رسول
ای منیم ایستکلی دلداریم سنه جانیم فدا

بو گوزل مولوده باخدوقجا ایشخلاندی گوزوم
حیدره ذوق و صفا ویردی ایوین آباد اولا

آیری بیر عالم یاراتمیشدی قدوم شاه عشق
حضرت طاهایه تبریک عرض ایدوردی انبیا

بیر نه تک طاها و حیدر اولموشیدی مست مست
سس گلوردی عرشیدن اول نور پاکه مرحبا

سس گلوردی جبریلا تز یتور محبوبیمی
تا او نور پاکیله زینت تاپا اَرض و سما

لفظ کن تا صادر اولدی حضرت دلداریدن
عرش حق حقیده شورش سالوب بو ماجرا

بو ندادن آلدی دم فطرس سماده شوریله
عرض قیلدی بار الاها اِیت بو مسکینه عطا

اذن ویر منده حسینی بیر زیارت ایلیوم
اول زیارتله یته بلکه من زاره شفا

تا بو سوز چیخدی دیلوندن فطرس دلخسته نین
گوردی گلدی موجه دریای کرم بحر سخا

بال و پر آچدی دوباره اولدی مدیون حسین
بیر نظر ایتسه حسین دنیایه ایلر اکتفا

تک نه فترس خانقاه عشقینه اولموش دخیل
درگه اربابیده زانو ویرار شاه و گدا

وار بو شاهین بیر وزیر جنگی صاحب پرچمی
سو کنارینده اولوبدور قولاری تندن جدا

آه او ساعتدن اوجا یردن یخیلدی توپراقا
بیر اورکدن آه چکدی سسلدی ای وای آنا

چشم جانیله نه گوردی دیده گریان سر زنان
فاطمه قولارین آچدی سویلدی ای با وفا

عشق اولا ایثاریوه ای جان نثار کوی عشق
گل یارالی سینه مه ای تشنه جام لقا

ایلدی عباس نام آور او دم تدبیرینی
دلده بو فکریله ازلده گیدوب پابوس اولا

بولمورم دوشدی نه نوعیله ترابه گول یوزی
اول اسفلی حالتی زهرایه اولدی جانفزا

وار یری قان آغلاسا بو نکتیه چشم جهان
بیر ایاقی ، بَند اولموشدی رکابه گوئیا

سسلنیردی هارداسان قارداش حسین امداده گل
ای مقدس درگهی اهل جهانه التجا

اوخلانوب مشکیم علاوه صاق صولوم تندن دوشوب
جراَته یکسر گلوبدور عرصه ده قوم دغا

آز قالور تندن آیرسون باشیمی جلادیلر
سون نفسده گل زیارت ایلیوم بیرده اخا

چوخ سوزی آچما (عتیقا) لازمه جَف قلم
چوخ آچیق سوزلر یازوبلار که اوخونماز مطلقا

بیر اشاره بس محبانه مصیبتدن ، او دم
شاه دینون سرو قدی غمدن اولموشدی دوتا

سنده بو طبع رسا یوخدور (عتیقا) گر سنه
ویرمسیدی دم (زکی) اولمازدی فعل پر بها

• یکشنبه
• 3
• مرداد
• 1400
• ساعت
• 15:37
• نوشته شده توسط
• یوسف اکبری

تا اِیشیتدی شَه دین نایِ نی دلداری
قوملارین اوسته سورندی اِیده یاری، یاری

باخمادی قتلگهین اِیلوب احاطه اوخلار
جسمینی پارچالادی نیزه و اوخلار خاری

بیر خدا بولدی نه حاله گل زهرا قالدی
یارالار ایلدیلر چشمه کیمی قان جاری

باجیسی گلدی دیله سَسلدی قارداش گَلمه
روحیمه ویرمه بو رفتاریویله آزاری

منیده درک ایله بو موقع حساسیمده
سورنوب قوملارین اوستون ایلمه گلناری

چوخدا قالما باجیوین قیدینه بو صحراده
اوزیوین قیدیوه قال، سون نفسینده باری

ممکنی چوخدی آنام شام غریبانه گَله
وای منه سالسا یولون کرب و بلایه ساری

آیری احواله قالار گورسه سورنماق اثرین
اِیلمه زینبه خاطر بیله بیر ایثاری

کاش طوفان گله رَدین اِیتیره بو فعلین
قالمیا قوملارین اوستونده همین آثاری

بولسه گر ایسی قوم اوسته سورنوبسن قارداش
اوندا آرتوق پوزولار فاطمه نین افکاری

آغاران زلفین آچوب آلسا اَله مقتلده
آغلیوب آغلاداجاخ زخم در و دیواری

باجیوین باغرینی قان اِیتدی هله رفتارون
اِیتمییدون منیله کاش بیله رفتاری

اربعینونده گلوب منده سورونم سن تک
عشقیمون دلده سنه گورسنه تا معیاری

(انورین) روحینه هدیه اِیله بو شعری (عتیق)
او چکوب نظمه ازلده بو غم دشواری

• یکشنبه
• 3
• مرداد
• 1400
• ساعت
• 16:34
• نوشته شده توسط
• یوسف اکبری

مقدم شاهانه ی سلطان دشت کربلا
سوّم شعباندا ایلوب یثربی جنّت سرا

صبح صادقده یاییب نورین یره یوم الخمیس
بیت زهراده اولوبدی فاطمیله هم جلیس
بیر حسین کی عشقی عشّاقه اولوب دُرّ نفیس
نور باران ایلدی حیدر ائوین اول مه لقا

فاطمه آلدی قوجاقینه گهی قویدی یره
گه اوپوپ گُل صورتین گولدی ایکی گل بیر بیره
گاهی لای لای سویلدی نازیله سالدی بستره
گه دئدی جان جان حسین زهرا سنه اولسون فدا

گه سالیب گهواریه سویلردی رام اول یات بالا
ای عزیز جان مادر خامس آل عبا
اوخشیاندا وار گورردی بیر صدای جان فزا
گهوره جنباندی جبریل امین پیک خدا

فوج فوج ایلور زیارت گُل یوزین حور و ملک
شمع نوریندن آلولّار کام دل پروانه تک
عالم ناسوته ویرمیش دست قدرت بیر بزک
گُل جمالینه باخان سویلردی احسن مرحبا

واردی گویا جنت الاعلاده بیر نهر لبن
خلق ائدیب سبحان اونی خاصّ حسینیله حسن
بیرده میل ایلر اونی شیر ولایتدن امن
خاصّه سر مستان جام البلاءُ لِلولا

جدّی طاها قدوۀ اهل زمین و هم زمان
نورس زهرانی ناز ایلور یوزه اشکی روان
گوردی اسما ناگران اولدی سوروشدی ناگهان
وار نه علّت یا نبی آشفته دور حالون آقا

امر ائدیب پیغمبر رحمت ائشیت ای خادمه
بیل بو طفلین سرنوشتین قویما بیلسین فاطمه
بیر مصیبتدی ویریب اود بو دل ناشادیمه
سو کنارینده کسر باشین سوسوز قوم دغا

اود ویریب اخیامینه اطهارین ایلوللر اسیر
پا برهنه عترتی چوللرده ویلان دستگیر
قیز گلین عورت کمک سیزلر هراسان ناگزیر
یوز قویار صحرایه وحشتدن بنات مصطفی

بیر نفر اولماز کمک دورسون او ساعت عترته
وحشی حیوانات رقّتدن گللّر غیرته
یا اوچان قوشلار فضاده بال آچالّار رأفته
سو سپه لّر اتفاقاً خیمه لر خاموش اولا

یا حسین ای افتخار کشور ایران زمین
روز میلادون هر ایل ملت اولار شور آفرین
سنده دوت بو عاشقان عترتین بال و پرین
لطف قیل تاپسین شفا سن بیل بالون اصغر «صفا»

• یکشنبه
• 3
• مرداد
• 1400
• ساعت
• 17:08
• نوشته شده توسط
• یوسف اکبری

خوش دگول بیهوده جاری اولسا مرده گوز یاشی
چوخ دگر آخسا حسین بزمینده درده گوز یاشی

کسمه بو توفیقی بیزدن ای خدای مهربان
گلسه هر یرده حسینون آدی چکسون شعله جان
آب زمزم تک عذاره اشکمیز اولسون روان
چون گزر زهرا خانم جام بصرده گوز یاشی

آغلا ای گوز هاردا گوردون وار حسینون مجلسی
قوی زر نابه دولانسین قلبوون قابل مسی
دادرس اولسون سنه آل عبانون خامسی
ایلر اعجاز هر حسینی محتضرده گوز یاشی

قودیلار بیر اشتباهه آدمی فردوسدن
دورد یوز ایل اشک ندامت توکدی گوزلردن علن
امر اولوب آغلا حسینه تاپ نجات ای ممتحن
گور کیمه مشکل گشا اولدی ظفرده گوز یاشی

هشتمین معصوم امام جعفر صادق آقا
مژده وئردی بیر حسینی شاعره مزد عزا
کیم حسینون مجلسینده آغلیا یا آغلادا
واجب الجنّتدی گور نیلر قدرده گوز یاشی

بیر روایت چوخ مناسبدی یازیم گوز یاشینه
گور نلر آللّه یازیب گوز یاشینون پاداشینه
آی حسینه آغلیانلارون دونوم من باشینه
بهره وئردی گور نئجه روز خطرده گوز یاشی

نقل ائدور راوی گوروبدور خوابده بیر متّقی
روز محشردی اولوب برپا قیامت بیدقی
آیریلور سرعتله افراد مسلماندان شقی
یوخدی صحبت وار هله یا یوخ نظرده گوز یاشی

بیر نفر گوردوم دیور فریاد واغوثا چکور
گردنینده سلسله مأمور دوزخدن اسور
گل جهنّمدور یرون مأمورلر تئز تئز دیور
وحشتیندن خشک اولوب عاصی بشرده گوزیاشی

منده مبهوت و هراسانم او دوزخ شامله
بیر زمان گوردوم یتیشدی بیر ملک گلدی دیله
چکمیون سرعتله بو شخصی جهیم سافله
فانی دنیاده واریمیش بختورده گوز یاشی

آلدی مأموران دوزخدن گنهکار آدمی
آل دئدی بو درّی قصد ایله جوار خاتمی
باخدی پیغمبر بویوردی گور علی اعلمی
دردوه دگدی بو وحشتلی سفرده گوز یاشی

گلدی سرعتله علیده درّی گوردی از قضا
ناگران اولما بویوردی گئت وئره زهرا بها
بو گران تکلیفی زهرایه عطا ایلوب خدا
لطف زهرادن گناهه چکدی پرده گوز یاشی

گتدیلر زهرای اطهر گورجکین اول فائقی
امر قیلدی شادمان اول آی حسینون عاشقی
بو منوّر درّ گوزیاشوندی جنّت لایقی
جانوی قورتاردی اوتدان وار خبرده گوز یاشی

فاطمه فرمایش ایلوب دوزخون عمّالینه
صاحب درّی رها ایلون قویون اوز حالینه
بو عزادار حسیندی چاتدی خوش آمالینه
یاندیرانماز دوزخ اولسا هر نفرده گوز یاشی

آغلیوبسان سن منیم تشنه وئرن جان اوغلوما
منده برگ مغفرت آلدیم سنه ای باوفا
قویمارام حاشا سنی نار جهنّم یاندیرا
سیم و زردن معتبردی تیره یرده گوز یاشی

هاردا گوردون وار حسینه آی حسینی لر عزا
گئت اوتور بیر یا حسین سسله تاپا روحون صفا
قوی سنی یازسون عزادارانیدن عبّاس آقا
تیغدن کسگیندی واللّهی کسرده گوز یاشی

گوز یاشیلا یاز حسینه صادقانه عرض حال
گر خلوصون اولسا واللّه ایلیور رفع ملال
گزمه اوزگه باب حاجت ای مریض بی ریال
درد بی درمانه درماندی اثرده گوز یاشی

بیر حسین کی دینون اوسته مال و جانیندن کئچیب
اوز الیلن شاهزاده اوغلینا خلعت بیچیب
سو کنارینده سوسوزدان سو یرینه قان ایچیب
وار یری اولسون حسینی نوحه گرده گوز یاشی

بیر حسین کی اونی زهرای اطهر بسلدی
هر زمان مادر دئدی زهرا اونا جان سسلدی
شمر باشین کسدی تشنه قیزلارین زار ایلدی
گوز بولاقینده اولوب قان صود امرده گوز یاشی

بیر حسین کی اونا عرش و سما قان آغلادی
نعشی اوسته عترتی باش یولدی سینه داغلادی
جان وئرینجه باجیلار باشه قراسین باغلادی
قبره گئتدی خواهر خونین جگرده گوز یاشی

نصّ قرآندی جوارح شاهد اعمالدی
بو سؤزه خاطر همیشه قلب ائوی خوشحالدی
شکر ائله بختون "صفا" دنیاده نیک اقبالدی
یا حسین دیلده واروندی چشم ترده گوز یاشی

• دوشنبه
• 4
• مرداد
• 1400
• ساعت
• 16:29
• نوشته شده توسط
• یوسف اکبری

شهید کرب و بلا شهریار دینه سلام
عزیز حضرت زهرا آقام حسینه سلام

سلام او شخصه که مهر و قمر دونر باشینا
ویرالّا بوسه طلوعیله قبرینون داشینا
فدا اولوم آقاما آغلیان گوزون یاشینا
دَیَر جهانون او گوزیاشی کلّ داش قاشینا
غریق معصیته ای گوزل سفینه سلام

غریب دشت بلا شاهکار صنع حقه
سبب غائی ایجاد کلّ ما خلقه
بوغازینون قانی مدرکدی سرخی شفقه
آدینا نوشدی جان دولتیم اولا صدقه
کلیم مهلکه ی عشق مه جبینه سلام

حسینه یتمیش ایکی پاسدار حبل اللّه
طفیل درگه عالی تبار آل اللّه
مطیع امر اولوالامر فی سبیل اللّه
هره سی بیر نفر ابراهیم خلیل اللّه
من حقیردن اول جمع بی قرینه سلام

حسین فاطمیه صدقله عزا دوتانا
قرا گینلره غم بسترینده قان اوتانا
محرّم آیی غبار مصیبته باتانا
قانین حسین قانینا شوق و ذوقله قاتانا
عزا دوتانلارا زهرایه نور عینه سلام

بُریر و شوذب و حرّ و حبیب با نسبه
جُنادة بن حَرث بُشر عابس و وهبه
زُهیر و رافع و جُندَب و سیف با ادبه
تمام جان به کف انصار فخر جدّ و اَبه
هِلال و جابر حریت آفرینه سلام

بزه دی اوّل حسین شاه کربلا بالاسین
دئدی گئت اوغلوم آنون لیلی زلفوی داراسین
سیاه طرّه وی ردّ ایله گورسون آی پاراسین
تحمّلی اولا بلکه گورنده باش یاراسین
منیم دیلیمجه آپار، صوندا یا و سینه سلام

علی اصغر شش ماهه شمع محفل عشق
آلیب قوجاقه حسین اولدی زیب منزل عشق
دَیوب بوغازینه اوخ پرپر اولدی چون گل عشق
بویاندی قانینه جنّتده تاپدی ساحل عشق
سالان آناسینی غوغای شور شینه سلام

حسن نشانه سی شهزاده تازه داماده
اون اوچ یاشیندا جوان عزیز نا شاده
دوشن جنازه سی میداندا قانلو دریاده
عروسینی قویان حسرتده حجله بر باده
حناسی قانه دونن قاسم حزینه سلام

کنار نهرده قولسوز دوشن علمداره
حسینه کرب و بلاده وفالی سرداره
سپر وجودین ائدن سخت وقتی قزلاره
گئدن یارالی باشی نوک نیده بازاره
گوزی نشانه اولان تیر اهل کینه سلام

الهی کاش گورم آلتی گوشه لی قبرین
چتیندی سینه ده حبس ائتمک آرزو صبرین
نقدر گوز توکه بو غمده بارش ابرین
حقیقی عشق زمانون "صفا" پوزار جبرین
گئدیب دیرسن حسین ای گُل مدینه سلام

• دوشنبه
• 4
• مرداد
• 1400
• ساعت
• 16:37
• نوشته شده توسط
• یوسف اکبری

اهل بیتی کربلاده سن گتوردون جانه سو
قان اولیدون اولمادون قسمت ندن مهمانه سو

دست بیعت ویرمه سیدون سن ازل شیطانیلن
درگه زهرایه ظلم ائتمزدی ثانی ناریلن
قلب زهرا دولمازئیدی آه آتشباریلن
سینه سی یانمازدی هرگز آتش سوزانه ، سو

چون کی حیله ایلدی اهل ثقیفه امته
نچه سی دنیادن اوتری توغلانوبلار خلعته
قولاری باغلی چکوبلر مرتضانی بیعته
ظلم ائدوب بکریله ثانی ناطق قرانه ، سو

کامه چاتدی تا ابد دنیادن هانسی آشنا
سن دلیل اولدون توکه گوزیاشین آل مصطفا
کوزه دن تا ایستدی بیر جرعه ایچسون مجتبی
زهریلن دوغرانی قلبی ئولدی صاحبخانه ، سو

دستگیر اولمازدی مسلم کوفه نین اشرارینه
سدّ ائدوبلر راهینی قوم عدو مهمانینه
چکدی شیری روبهان دار العماره بامینه
ضرب شمشیریله باتدی دیشلری آلقانه ، سو

یتمدون کرب و بلاده اهلبیتون دادینه
دوشمدون هرگز او دشتین شیرخواره یادینه
حشره تک ووردون خجالت تیری عباس آدینه
العطش اوج ایلینده گلمدون طوفانه سو

ویردی سقّا گوزلریلن مشکیوه ای سو بها
گوردی راضی اولمادون بیر جفت قول ائتدی عطا
سن سینان باش کاسه سیندن ائتمدون ذره حیا
اولمادن هرگز خجالت؟ دوشموشم حیرانه، سو

بینوا اصغر آناسی خیمده چوخ آغلادی
گوردی سود یوخ حالینه باخدوقجا سینه داغلادی
نالیه اصغر گلنده قولارینی باغلادی
گوندروبدور چاره سیزلیقدان اونی میدانه ، سو
تا دوروبدور مرکز میدانیده سلطان عشق
صادر اولدی گوردولر سلطانیدن فرمان عشق
سسلدی ای کوفیان اولموش بالام عطشان عشق
دینوز اولسون بسدی بو عطشانه بیر پیمانه سو

آغلیوب آغلار قویوبدی دشمنی احوالینه
ایلدی اتمام حجت باخدی بیر دلدارینه
حرمله ناگه گلوبدور اول شهین دیدارینه
ویردی اوچ شعبه اوخیلن اصغر عطشانه سو
گل کیمی حسرت قالوب بیر قطریه سولدی بالا
اوخ دگنده اول بوغازه آچدی گوز گولدی بالا
گوشیدن گوشه یارلدی آخدی قان ئولدی بالا
کربلادن پر آچوبدور جنت رضوانه،سو

آچدی اوجون دولدوروب قانیله شاه ماسوا
قصد قربتله آتوب قانی گویه ،دوتدی سمإ
عرض ائدوب یارب بو قومه شاهد اول روز جزا
قدّیمی بو ظلمیدن دوندردولر چوگانه ، سو

صبحیدن شه قویدی اجرایه ازل برنامه سین
ظهر اولوب اصغر آدیلن بوکدی پیمان نامه سین
«صادقی»بو مصرعیلن یازدی پایان نامه سین
حمدللّه اصغرین آدی گلوب دیوانه ، سو

• چهارشنبه
• 6
• مرداد
• 1400
• ساعت
• 20:33
• نوشته شده توسط
• یوسف اکبری

خامَم دولانوب سیریده صحرای بلانی
بو فکریله تشریح ائده دفن شهدانی
مقتلده باخوردوم گورم آیا نه خبر وار
دوشدی نظریم بیر خبره صبح زمانی
وار الده سند « شیخ قمی» ایلیوب اعلان
یوز هشتاد اوچومجی ورقه یازمش عیانی
مکتوب اولونوب نفثهٔ مصدوره بو مطلب*
یازمش سوزینه بانی غریب الغربانی
جدّیندن ائدیبدور بوسوزی بیله روایت
معصوم گرک دفن ائده معصوم خدانی
سجّاده اولوب وحی گئده کرب و بلایه
ترک ایلیه معناده یول اوسته اُسرانی
بیر طُرفة الْعین ایچره او چول اولدی نمایان
سیر ایلدی حُجاج کیمی مرو و صفانی
بیر یرده گوروب نیزه و داش چوخدی دایاندی
مقتلده گلوب تاپدی یوزی اوسته آتانی
یورقون الیلن داشلاری گوتدی او دل افکار
بیر آغلادی آغلاتدی او دم اهل سَمانی
بیر عدّه گلوب حاضریدی دفن امامه
همناله اولوب سس بورودی دشت بلانی
تا قبرین آچوبلار او غریبین او مکاندا
جبریل گلوب قبرین ائدوب عطر فشانی
بیر کهنه حصیره آتاسین چولقادی سجّاد
دوندردی او دم قبلیه اولْ ذِبحِ قَفانی
ناگه نه گوروبدور کی قولی قاخدی امامیم
مبهوت ائلیوبدور او زمان اهل وِلانی
سس گلدی بو ایستور بالاسی اصغری سجاد
لای لای دیَه قوی سینه سینه نازلی بالانی
تا اصغری قویدی سینه سی اوسته امامون
باغلاندی قولی بولدی کی یوخ آیری گمانی
بیر قبریده آچدی ایاقی آلتدا امامون
زینت وئروب اکبرله اودم پائین پانی
نوبت یتشوب گوردولر اصحاب امامه
بیر یرده ائدوب دفن او جمع صُلَحانی
امر ائتدی گلون نهره طرف اهل قبیله
باش وئردی عموم وئرمدی الدن او لِوانی
عباسی گئدوب دفن ائلدی حضرت سجاد
آغلاردی تمام عمروده هر صبح و مسانی
سجّاد دوتار «صادقی» محشرده الوندن
گر دوز یازاسان آغلاداسان اهل عزانی

*منبع :« نفس المهمُوم و نفثة المصدُور »تالیف شیخ عباس قمی (ره)

• پنج شنبه
• 7
• مرداد
• 1400
• ساعت
• 11:14
• نوشته شده توسط
• یوسف اکبری

گلنده بلبل شوریده نون بلا باشنا
گلر گل اوسته سالار شوریله نوا باشنا
اگر سنا گولونون شاخه سی سولار رنگی
سالار او بلبلی، درده گئدر دوا باشنا
دوا تاپولماسا بلبل اویان بویانه گئدر
بو رسمیدور گئدر اولده آشناباشنا
دوباره گورسه گولون خار ایچینده پژمرده
بولر که چاره سی یوخدور سالار قرا باشنا
بو رسمیدن دئمه چخمیشدی فاطمه بالاسی
دوشوبدی ناقه دن اول دم ورا ورا باشنا
یتیشدی قتلگهه قارداشی ئولن زینب
چوخور یر اوسته گلوب شاه کربلا باشنا
یارالی اللرینن داشلاری کنار ایلدی
تاپوب حسینی وروبدور او بینوا باشنا
حزین سسیله دییوب گل دیله منیله دانیش
حسین ، گلوبدی باجون زینبون بلا باشنا
سزادی گوز یاشیمی مرهم ایلییم یاراوا
چوخ آغلیاندا ورولار بو باوفا باشنا
دونن گون اورتا چاقی قوی دییوم نه لر اولدی
یاناندا خیمه دگوب زینبین عصا باشنا
نه رحم ائدوبله منه نه حیالی قیزلاروا
توکولدی اود اوزمان خویش و اقربا باشنا
ووراندا قیزلاروی گوردوم اللریم یارادی
کسیلدی چاره باجون ایتدی اکتفا باشنا
یخلدی توپراقا قیزلاردان اول زمان بیریسی
توکولدی بعضی سینین نار برملا باشنا
آت اوسته قوودی بیرین قورخودان اوتوردی یره
شل اولسون اول شقی ال آتدی مَه لقا باشنا
وورا وورا بالامی گوشواره سین آلدی
دیینده وورما یاخوب قانیلن حنا باشنا
نه منده طاقت اولوب یالوارام آلام بالاوی
نه شمر قویدی گیدوب زینبون یغا باشنا
یغانمادیم یارالی، چولدن اول بالالاریوی
نه گوردوم اوندا باشون ووردلار جِدا باشنا
حسین سرای امامتده بسلنن بالالار
ایله توکولدیله دیلده بابا،بابا باشنا
بس ایله «صادقی»یازما صحیفه اود دوتدی
یولون ایتیردی گلوب خامه نین هوا باشنا
اگر چه چوخدی گناهون، بهشته قویماسالار
گوتور بو شعریوی گئت شاه نینوا باشنا

• پنج شنبه
• 7
• مرداد
• 1400
• ساعت
• 11:27
• نوشته شده توسط
• یوسف اکبری