اشعار ترکی امام حسین (ع)

حسرتله باخوبدور ایکی قارداش سویا نالان
ایچدی بیری یاندی ولی یاندی بیری عطشان

بیر جرعه ایچیبدور بیریسی گوزلری آخدی
اما بیریسی حسرتیلن اول سویا باخدی
اول تشنه غمی یاندیروب عالملری یاخدی
سیراب اولانون اولدی ولی حالی پریشان

تا سو ایچنون دوشدی سوزی ملک حجازه
تشییعینه بیر عده گلوب دوردی نمازه
سو ایچمینه اولمادی تشییع جنازه
اوچ گون بدنی یرده قالوب ظلمیله عریان

اوخلاندی بیری ظلمیله صحرای بلاده
تابوتیده اوخلاندی بیری حال عزاده
نیسگیللری قویدی باجیسون آه و نواده
ایوده بیریسی چولده بیری ایلدی گریان

بیر قارداشینون وار حرمی زائری چوخدی
افسوس اولا بیر قارداشینون زائری یوخدی
بو غم باجیسی زینبه بیر زهریلی اوخدی
دگدی اورگین ایلدی حشره کیمی شان شان

مین عالمه اولا زینبه بیله محن اولماز
قارداشی حسین تک یارالی بیر ئولن اولماز
بو رسمیدی هیچ کیمسه غریب وطن اولماز
قارداشی حسن تک اوز ایوینده ائده افغان

« شیدا » بو سوزی ثبت ائلدی دفتره گریان
بیر قارداشا سو وئرمدیلر تشنه وئروب جان
بیر قارداشی سو ایلدی اوز قانینه غلطان
ایچدی بیری یاندی ولی یاندی بیری عطشان

• پنج شنبه
• 7
• مرداد
• 1400
• ساعت
• 21:09
• نوشته شده توسط
• یوسف اکبری

قتلگاهیده زلفینی آنان ائتدی قانیویله خضاب اوغول
وای اوغول دیلینده دیه دیه اولدی وصلیوه کامیاب اوغول

سن بئله خیال ایلمه اوغول من سنی یادیمدان چئخاتمیشام
ایله یاندیروب قلبیمی غمون ماسوانی من گوزدن آتمیشام
قتلگاهیده سن باتان زمان قانیوه اوغول منده باتمیشام
باشیوی کسن قاتل ایلدی قلبیمی او دمدن کباب اوغول

تا جسارت ائتدی سنه اوغول شام و کوفه نون بی حیالری
غارت ائتدیلر بیر بیر بالاخیمه ده تمام آشنالری
ووردولار حسین نازلی قیزلارون عرشه اوج ائدیبدور نوالری
جنت ایچره گوزیاشینی توکوب اول رسول ختمی مآب اوغول

تا قوتولدی غارت بو نحویلن گوندوزوم منیم دوندی اولدی شام
باشیوی سنون ظلمیله ووروب نیزیه اوغول ظالمان شام
بیر خدا بولورکی او حالیده گوندوزی نجور ایلدیم تمام
زینب آغلادی منده آغلادیم بیرده آغلادی بوتراب اوغول

آز زمان گئچوب ساربان گلوب خنجر الده اول دمده یانیوه
بارماقوندا انگشتری گوروب جانیلر کیمی دوشدی جانیوه
کسدی بارماقون شل اولا الی نحس اللری باتدی قانیوه
هر نه سسلدیم بو یارالیدی ذره ائتمدی اجتناب اوغول

من او حالیده قانیوی دوتوب قتلگهده قانه بویانمیشام
آند اولا اوغول قانلی باشیوه سن یانان مصیبتده یانمیشام
کوفیه گلنده باشون سنون باشیوین دالینجا دولانمیشام
دور ایاقه آل گویلومی منیم بو عملده وار چوخ ثواب اوغول

رسمیدور اوغول سایه سین سالار هر زماندا گل بلبول اوستونه
گوزلرین فداسی اولوم بالا دور باشون قویوم من گول اوستونه
نیلمیشدیم آخر بو خولیه باشیوی قویوبدور کول اوستونه
یوم حشریده بیله ناکسی ایلسون اوزی حق عتاب اوغول

بولمیوب سنون قدریوی اوغول کوفه نون حیاسیز جماعتی
سینیه قویا قانلی باشیوی وار فقط آناوین لیاقتی
کوفه اهلی اما کول اوستونه قویدولار بو شرعی امانتی
بیله نامروتلرین گوروم قلبینه دولا اضطراب اوغول

« صادقی» آلوب خامه سین اله نصف شب گلوب آستانیوه
گویلی ایستوری یوز قویا سنون درگه ملک پاسبانیوه
گرچه تقصری چوخدی ولی اوزون دعوت ایله بیر گلسِتانیوه
هجریدن یانور قلبینون باشی گوزلری اولوب چون سحاب اوغول

• پنج شنبه
• 7
• مرداد
• 1400
• ساعت
• 21:19
• نوشته شده توسط
• یوسف اکبری

چخما ای گون رحم ایله سن عترت پیغمبره
باشلانار چخسان قیامت اهلبیت حیدره

سن اگر چخسان بو چولده محشر کبری اولار
اهلبیت مصطفانین قلبی قانیله دولار
خیمه لرده قورخودان قیزلار هامی گل تک سولار
چخما بلکه قاچماسون قیزلار پریشان چوللره

سن اگر چخسان آچار زهرای اطهر باشینی
جنت اعلاده رخساره توکر گوزیاشینی
قوی گوره زینب دویونجا باری اوز قارداشینی
رحم ایله یا مادره یا خواهر غم پروره

سن اگر چخسان اولار سو اوسته بیر جوت قول قلم
اوخلانار سو مشکی آخر دوغرانار صاحب علم
دستگیر فرقه اشرار اولار اهل حرم
باغلانار زنجیریلن قیزلار بو چولده یکسره

چخما ای گون ایلمه لیلا ایشین آه و فغان
هجر اکبردن اولار اول بیکسین حالی یامان
بیر نچه ساعت صورا اشکی اولار گوزدن روان
آغلیاندا شاه دین میداندا اوغلی اکبره

گل طلوع ائتمه سریّه قاسمه دل داغلاسین
شاه دینون اهل بیتی باشه قاره باغلاسین
راضی اولما جنت ایچره مجتبی قان آغلاسین
وای بالام وای ناله سی قویما اوجالسون گویلره

گل بو گون سن ایلمه ای گون طلوعینده شتاب
قوی یاتا راحت بیر آز مخیمده آل بوتراب
سن اگر چخسان اوجالدار عرشه افغانین رباب
اوخ وورار چون حرمله ظلمیله حلق اصغره

سن اگر چخسان اولار کرب و بلا بیت الحزن
شاه دینه ظلم ائدر گودالیده بیر باش کسن
عرش اعلاده عزا ساخلار خدای ذوالمنن
باش آچوب زهرا گلر آغلار او باشسیز پیکره

سن اگر چخسان حسینون خیمه سی تاراج اولار
اهلبیت اطهری تیر غمه آماج اولار
قیزلاری بیر نحو اولار محتاج ما یحتاج اولار
اود دوشر بو ظلمیدن عرش خدای داوره

ساخلا ال شیدا داخی یازما بو غملی مطلبی
عاقبت قویدی فلک اول چولده آغلار زینبی
سنده داغلا سینوی گوز یاشی توک روز و شبی
ماجرای کربلانی ثبت ائدنده دفتره

• جمعه
• 8
• مرداد
• 1400
• ساعت
• 11:50
• نوشته شده توسط
• یوسف اکبری

بو سوز کی نقل اولوری شاهدیم خدا ئوزودی
منیم دگور ولی بیر دوز حسینچینون سوزودی

روایت ایلدی کرب و بلاده بو خبری
دیه دیه یوزونه آخدی گوزدن اشک تری

دییردی باشیمه دوشدی هوای کرب و بلا
تاپانمادیم اولا بو دردیمه بیر آیری دوا

حسینون عشقی آلوب صبری اختیاریمدن
قیلوب سفر تدارکی آیریلدیم اوز دیاریمدن

بو یولدا نئچّه حسینچی منه اولوب یولداش
بیله دییوم ایله بیر یول گئدور نئچه قارداش

اولاردا من کیمی کرب و بلا قوناقیدور
ولی بیری آقامون نوکری وثاقیدور

یول اوسته گاه اوخیوب نوحه سینه داغلاردی
ولی گلنده حسینون آدی چوخ آغلاردی

بو نحویلن قوتولوب یول ، هدف اله گلدی
وثـــاقی کرب و بلانی گوروب دیله گلدی

« نه کربلا که اونون تل زینبیه سی وار
او تلیده خانمیم زینبین حزین سسی وار

همان او تل خانمین گوز یاشی آخان یریدی
یارالی قارداشینا بویلانوب باخان یریدی »

بو دیللریله دیوب نوحه ایلدوخ شیون
گونوز قوتاردی گئدوب بیر یر ایلدوخ مسکن

زیارت عشقینه باشدان بو عالمی آتدیم
زبس یورولموشودوم من یوموب گوزی یاتدیم

گئجه نین عالمی بیر لحظه من آچاندا گوزی
نه عالم اولدی گرک واضح عرض ائدم بو سوزی

یوزون قوری یره قویموشدی حاجی اسماعیل
ولیک قبله دگوردی اولان یره مایل

دئدیم نماز قیلوبدور یقین چکور آهی
گرک کی اولسون حسینون بو نوعی مداحی

بو فکریلن گینه یاتدیم اولونجا وقت اذان
نه گوردوم اوندا دییور دور ایاقه بسدی اویان

گئداخ زیارته قانه حسین باتان یرده
قیلاخ نمازی حرمده آقام یاتان یرده

قیلوب نمازی نه گوردوم گینه هوسلندی
حزین سسیله او دم بیر یارالی سسلندی

«ایشقلی گون گوزومه تار اولوب منیم گئجه دی
بویور گوروم باجون ئولسون یارالارون نئجه دی »

بو طرزیلن باشا وئردوخ گونی ، یتیشدی گئجه
همان کی صحنه نی گوردوم دوباره من بو گئجه

دئدیم نمازه اگر دورسا وقتی وار اویانار
نمـــاز شبــــده اگر قیلسا قبلیه دایانار

یوزون ولیک دوتوبدور حریمه قان آغلور
دییور آقا سنه قربان اولا بو جان ، آغلور

ایله دییور آقام ایوای توکور گوزون یاشینی
قوری یر اوسته ولیکن قویوبدی اوز باشینی

او ، یرده آغلادی ، من تختین اوسته آهسته
نه گوردوم اوندا که یومدی گوزون او دلخسته

او حاله آغلادیم آخر یتوب اذان وقتی
مرتب ایلدیم اوز یاتدیقیم همان تختی

دوروب ایاقه نه گوردوم که دستماز آلدی
حسین دیلینده منی درد و محنته سالدی

دئدیم گرک دیسن علتین بو یرده منه
او تختین اوسته نیه یاتموسان نولوبدی سنه

بو لفظیلن دیله گلدی توکوبدی گوز یاشینی
قویار وثـــاقــی نئجه بالش اوستونه باشینی

بو باره دن دئدی « سیّد » اورک گلور درده
آقام یاتوبدی مگر بولموسن قـوری یرده

دئدیم که وای اولا من ائتموشم عجب غفلت
ئولونجه بو سببه من گرک چکم خجلت

بو درسی « صادقی » وئردی منه او دلخسته
که یاتمیوم بو یره من گلنده تخت اوسته

سنه ده ممکن اگر اولسا نظمه چک بوسوزی
دیه دیه گینه اول حالیده دولوبدی گوزی

یریدی من اوخودوم گَل ائشیت ،چو راغب سن
« قوری یر اوسته بیله یاتماقا نه طالب سن »

اگر چه سوز تــــازادی لیک بیله ناب اولماز
« اویان عزیزیم اویان توپراق اوسته خواب اولماز»

*این احوالات بر اساس خاطره آقای حاج سیدرضا طباطبائی در سفر خود به کربلا به همراه آقای حاج اسماعیل وثاقی رحمة الله علیه سروده شده است

• جمعه
• 8
• مرداد
• 1400
• ساعت
• 11:57
• نوشته شده توسط
• یوسف اکبری

عنایت ایلسه گر حی قادر و دانا
بو مطلبی ائدرم دفتریمده من انشا

یازوللا حضرت پیغمبرین زمانینده
بو نقل قولی بو طرزیله اکثر عُلَما

گلوبدی شخص یهودی حضور سلمانه
بودیللریله ائدیبدور اورک سوزون افشا

یتور سلامیمی ختم نبی محضرینه
دئنن واریمدور او مولادن التماس دعا

بیر آرزوم وار اورکده دئنن دعا ایلسون
که بلکه دردیمه اولسون منیم بو یرده دوا

سوزوم بودور نچه ایلدور گوزوم قالوب یولدا
منه ده بیر بالا لطفیله حق ائده اعطا

اگر دعا ائده اسلامی ایلرم قبول
تمام ثروتیمی دینه ایلرم اهدا

گلوبدی محضر پیغمبره او دم سلمان
بیان ائدوبدی یهودی سوزون او مرد خدا

یازوللا دوردی ایاقه پیمبر رحمت
بفوری ایلدی نچه رکعت نمازی بپا

قویوبدی سجدیه باشین توکوبدی گوزیاشینی
که بلکه شاد اولا بو یرده امت موسی

آچوبدور اللرینی ایلسون دعا گوردی
یتیشدی محضرینه پیک حی بی همتا

دییوب رسول خدایه دایان، پیامیم وار
سلام ائدور سنه سبحان ربی الاعلی

دییور دعا ایلمه چون که مستجاب اولماز
سوزون دوشر یره دوتما یوزون منه طاها

مقدر ائتمیشم اولادی اولماسون چون که
گئدوب چوخی بونون عمروندن آز قالور قوتولا

روایت ایلوری سلمان گلوب دئدیم بو سوزی
نه گوردوم اولدی عذارینده گوزیاشی پیدا

او آغلادی منی آغلاتدی غملی احوالی
نه او دانیشدی نه من ،گوردوم اوندا دوشدی یولا

او آغلادوقجا منیم قلبیم اود دوتوب یاندی
بو فکریلن که نئدیم درد و غصه سی آزالا

نه گوردوم اوندا گلور فاطمه بالاسی حسین
دئدیم غم ایلمه گلدی طبیب درد و بلا

یتوب سوال ایلدی اول یهودیدن ، دی گوروم
سنون بو گوزیاشیوین علتی ندور آیا

جواب وئردی که ای نور عین پیغمبر
سوروشما حالیمی بوندان چوخ اولمیوم رسوا

فدا اولوم سنه جدون منی ائدوب مایوس
بو یرده چاره ندور سن منه بویور شاها

دایاندی باب نبوته بیر زمان گوردوم
حزین صدائیله اوچ دفعه عرض ائدوب بابا

ئوزون بویورموسان هر کیم گله بیزیم قاپیا
الین بوش ایلمه سن شاه اولا و یا که گدا

ندن بو مرد یهودینی بوش یولا سالدون
عنایت ایله اولا حاجتی بو یرده روا

بویوردی ای گوزومون نوری من دعا ایلدیم
ولیک امر خدادور گرک اولا اجرا

دئدی بو یرده حسین من ئوزوم دعا ایلرم
اجازه وئر منه ای عالمه امید و رجا

دوروب اوحالیله اَوّلده دستماز آلدی
حضور اقدس معبوده ائتدی حمد و ثنا

دئدی خبر ایلیون تا آتام آنام گلسون
دعا ائدوم اولار آمین دئسون که بلکه خدا

یهودی حاجت آلوب اولماسون سرافکنده
یوزون دوتوب بیر امیدیله بیزلره بوگدا

قویوبدی سجدیه باشین توکنده گوزیاشنی
نه گوردوم اوندا پیمبر بویوردی دور ایاقا

سن آغلاما بالا یر گوی قاریشدی بیربیرینه
گلوبدی پیک خدادن قولاقیمه بو صدا

حسینیمه گوره وئردیم بو شخصه قرخ ایل عمر
ایکی بالا ائدرم بیرده بو گدایه عطا

بو یرده واردی سوزوم ای خدای فرد و قدیر
عنایت ایله اگرچه سوزوم جسارت اولا

سنی که راضی دگلدون سنا حسین اورگی
بو حاله سن نجه دوزدون که شمر شوم و دغا

اوسینه اوسته قویا نحس ایاقینی یا رب
جسارتیله حسینی ائده ذبیح قفا

جدایه بیرده ووراندا باشین ئوزون گوردون
نه حاله دوشدی او دم دخت حضرت زهرا

بو دیللریله دئدی زینبون سنه قربان
ایاقه دور گئدروخ شامه گل بیزیله اخا

قلم دایاندی ورق اود دوتوب الولاندی
بس ایله بوندان آچیق یازما مطلبی « شیدا »

• جمعه
• 8
• مرداد
• 1400
• ساعت
• 11:58
• نوشته شده توسط
• یوسف اکبری

گوزآچوب بودنیایه پورزهرا
اولدی روشن نوریندن شهربطحا
گلنیبدور گللر= اوخیور بلبلر
شاداولوبدی دللر= فخرائدور ائللر
بزیوب عرش اهلی عرشی سراسر
نغمه خواندور گویده حور و مللکر (۲)
آلوب آغوشه دلبرین پمبر
کام آلورباخماقدان ساقی کوثر (۲)
گلدی دنیایه دینه پیرایه

پنجمین آل عبا مهر رخشان
نور رخساری نور وجه رحمان
ذات حقه مظهر = وارث پیغمبر
یادگار حیدر = عالم سرور
سوم شعباندور روز ولادت
بیزه بیر بایراملق ایله عنایت (۲)
سنی سسلوربیر عده دلده حسرت
قیل کرم لطفیله بحر کرامت (۲)
گلدی دنیای دینه پیرایه

سائلم ای آیت حق درگهونده
نوکرم مولا یا حسین هیئتونده
گوهر غلطانیم = دردیمه درمانیم
باوفا سلطانیم = ماه کنعانیم
دوت الیمدن ای یاور و پناهیم
بوسنق قلبه تک سنسن گواهیم (۲)
ای شکسته دیلده امید گاهیم
قویما چخسون عرشه فریادوآهیم (۲)
گلدی دنیایه دینه پیرایه

• شنبه
• 9
• مرداد
• 1400
• ساعت
• 13:20
• نوشته شده توسط
• یوسف اکبری

پیکرون ظلمیله دوغراندی حسین
سربه سرنیــزه وپیــکاندی حسین
یارالی جان یارالی
سنه قـربان یارالی

ســروگلــزار پیمبر گوزون آچ
ای غزال دل حیدر گوزون آچ
روح زهرای مطــهرگوزون آچ
زینبون گورنجه نالاندی حسین
یارالی جان یارالـی
سنه قربان یارالـی

واردی جسمونده ستـم آثاری
یاره دگدوقجااولوب قان جاری
وجه وجه الله اولوب گلـناری
دیسن لولو مرجاندی حسین
یارالی جان یارالـی
سنه قربان یارالـی

قانه دوندی باجوون اشگ تری
آزقــالوبدور دوتولا دیــده لری
یوخـدی بوچولده اخـا دادگری
بحر آلامیده طوفاندی حسین
یارالی جان یارالـی
سنه قربان یارالـی

داغلــوب ظلمـیله باغ وچمنـون
یانـدرار عــالمی دردر ومحـنون
چخدی شیرازدن اول گل بدنون
گــوئیا صفحه ی قــرآندی حسین
یارالی جان یارالـی
سنه قربان یارالـی

قانلی گودالون اولوب وادی طور
لمـعه لمـعه اوجالور گوگلــره نور
آرتــرور قلبــلره عشقیــله شور
مهبــط علمیلــه ایمــاندی حسین
یارالی جان یارالـی
سنه قربان یارالـی

• شنبه
• 9
• مرداد
• 1400
• ساعت
• 22:12
• نوشته شده توسط
• یوسف اکبری

دورای کسیلـــن بــــاشی قفــادن آنام اوغلــــی
زینب گــــئدوری کــرب وبـــلادن آنام اوغلـــــی

ای عالمی حـــیرتده قویان کـرب و بلاسی
عرش اهلینی مجذوب ائلین ذکر و دعاسی
افــــلاکه چـــاتوب زینبـــوون آه و نواسی
غـــارتده کئدوب ظلمیلـه خلخال و اباسی
دونـدی گـونوزی شامه نــوادن آنام اوغلــــی

بوچــولده سنی ظلمـیله الدوردلـه عدوان
باخـــدیم اوجفــاپیشه لـره ایلدیم افغان
قـــول باغلــی گیدور شامه باجون خسروخوبان
دورگـــورنجه مقتلـــده ائدورچـاک گریبان
آل گوگلــونی بیرصدق وفادن آنام اوغلــــی

دیندیـــــــر منی قـارداش یــورولان جیسمیمه جان وئر
غملـرآلـــوب آرامیمی دورتاب وتوان وئر
اعجــازوی شام اهلینه بویرده نشان وئر
عــازمدی باجـون شامه یــارالی دور اذان وئر
محـــروم ائلمه فیض دعـــادن آنام اوغلــــــی

ای دوغرانان اعضاسی سوسوزکرب وبلاده
تاراجــه گئدن خیمـــــه لـــــری روز بلاده
صبـــرعالمی یوخـدورسنه تای اهـل ولاده
شاید یارالـــی یول دوشه بیرده بو بلاده
کام آلام اوگــون سوزوبــکادن آنام اوغلـــی

چوخـــدور بولوسن دلده ملالیم هله قارداش
مقتلـده گوزوم دوشدی کسیلمش اله قارداش
آخدی گــوزومون بارشی دوندی سله قارداش
اوت ویــردی دوبـــاره بوملالــون دله قارداش
دشمنده اثــر یوخـــدی حیــــادن آنام اوغلــــــی

شــرم ائتمـــدی زهـــرادن او نـامـرد زمانه
جنــــاتیــــده گتـــدی آنـامی داد و فغــانه
بیربنــد زر اوسته گتـوروب ظلمیون عیانه
گـودالـــــه گلـــوبـدور او ستم پیشه شبانه
خوف ایلمیـــوب قهــــرخدادن آنام اوغلـــــی

ابــدان شهیـــــدان داغلــوب دشت بلایه
لاله مثلــــی زینــت اولــوب بــــاغ ولایه
ظلم اهلـی ویروب باشلارینی نوک جدایه
بـومنظــــره دن غم شــرری چخدی سمایه
تـــاب آلدی بوغم اهــل ولادن آنـام اوغلــــــی

اهـــل حرمی بیربیــــرینه باغـلادی اعدا
ایلــــــوله شــــقاوتلـه زبس اونـلارا ایذا
ایمائیلــــه سسلــور بالاسین دادینه لیلا
سرنیـــزده باخدوقجــا یارالی باشا گویا
آگاه ائلیـــــور درد جـــــفادن آنام اوغلـــــی

کــویونـده (جوانــی) ائدوری نالـه و زاری
سسلــور مین امیدیلــه سنی لیــل و نهاری
ایستورصله وئرقویمااولا گــوزیاشی جاری
شــرمنده دی یـوخ خیر عمـلی لطف ائله باری
وارقورخوسی محشرده جزادن آنام اوغلـــــی

• دوشنبه
• 11
• مرداد
• 1400
• ساعت
• 11:44
• نوشته شده توسط
• یوسف اکبری

حسین دوشدی توپراقین اوسته سینه سینده یارا یارسول الله
حرمده زینب دئدی جان اخا، سالدی باشه قرا یا رسول الله
محرمده آغلیار زهرا
دئیر زینب آه و واویلا

حسینه قربان اولا جانیم قدرینی مهر و ماهه من وئرمم
اوشاقلیقدان سینه ورماقیمی واللهی دهر و جاهه من وئرمم
بو درگهده نوکرم آقاما بو مقامی مین شاهه من وئرمم
اگرچه زهرا بالاسی هارا من غلامی هارا یارسول الله

اولوب عاشورا گونی که عطش خیمه لرده طنین سالدی شدتیله
حرارتدن دیل دوداق قورویوب نهره گوز تیکیلوب اشگ حسرتیله
گلوب میدانه حسین اول زمان یاوری یوخدی لیک شحاعتیله
نچه لشگر قتلینه دایانوب قالدی تک بو آقا یا رسول الله

عطش یورموشدی حسینی ولی قلبیدن ایمان چشمه آچمیشدی
دیوبدی داش آلندا ،باشینون قانی توپراقه نم نم آخمیشدی
سیلنده دامانیله قانین حرمله بیر اوخ قلبه ساچمیشدی
دئیوردی جنتده وای بالا وای حضرت زهرا یا رسول الله

حیادن توپراق اولوب سوزان پیکر مولا دوشدی قتلگه
باخوردی هی خیمگاهه طرف باجیسی شاید قتلگاهه گله
آلا باشین دیزلری اوسته گوزدن اول قانی حسرتیله سیله
چکوبدی شمر خنجری بئلدن گویدی گل بوغازا یا رسول الله

قرا گیدی آسمان و فلک نوحه باشلادیلار سینه لر یاندی
دوشوب مولا بحر درد و غمه، توش اولان بدنه، نیزه پیکاندی
سینه سینده یاره لر گوز آچوب گون یاغور گویدن، سینه سوزاندی
گلن وئردی پیکرینه یارا اولدی وقت عزا یا رسول الله

بو ماتمده آخدی اولدوزلار،آی یوزی دوتولوب ،قاره یئل اسدی
چکوب قاتل خنجرین بئلدن ،شاه مظلومین باشینی کسدی
دئدی معناده حسین آناسی اینجیدی اوغلوم دای اوتان بسدی
ملائکلر آچدی باشلارینی قاره گیدی سما یارسول الله

بو آیدا یتمیش ایکی یاور جانلارین تقدیم ائتدیلر یاره
جدایه باشلار چیخوب گون تک وصلته چاتدی یار و دلداره
ائدوب معراج گویلره هامیسی قالدی چوللرده قیزلار آواره
سالور یاده غملی خاطرلر دشت کرب و بلا یارسول الله

• دوشنبه
• 11
• مرداد
• 1400
• ساعت
• 16:17
• نوشته شده توسط
• یوسف اکبری

واردور اورگیمده نقدر سوز باشا گلمیر
زینب نقدر سسلوری گل ، قارداشا گلمیر

بیردن دیدی ای مظهر ایمان ننم اوغلی
آچ گوزلریوی غمکش دوران ننم اوغلی

آز سینوین اوستونده سورون سینوه قربان
سینون یارالی، باش یارالی جان ننم اوغلی

دورما پاپیشان یوخدور ایاقه یخیلارسان
دنیا بیله ای کاش اولا ویران ننم اوغلی

وورمیش بوغازان نیزه سنانین الی سینسون
قویمور چیخا جان جیسمیدن آسان ننم اوغلی

بسدی ءوزیوی زحمته سالما باجی قربان
اوخلار ایلیوب سینوی شان شان ننم اوغلی

بسدی دا سورونمه سینوین اوسته حسین جان
بیچاره باجون جانیوه قربان ننم اوغلی

گوزله باشیوی قوزاما یردن داش آتولار
آنیوا دیوب داش توکولور قان ننم اوغلی

عباس نه اولاردی گله امدادیمه ایندی
باشیمه نه گلدی اءدم عنوان ننم اوغلی

گر اولماسا نامحرم الان باش آچارام من
حیف یوخدی بو یرده منه امکان ننم اوغلی

به به الله اکبر

قارداش باجیلیق رسمی نه خوش رسمیدی قارداش
سن سسله باجی منده دیوم جان ننم اوغلی

دوتقون سسیله زینبیوی سسله دوباره
صوتون گتیره روحیمه ریحان ننم اوغلی

اوچ یاشدا قیزون ایستدی گلسون ولی ناگه
اول شمری گوروب اولدی پشیمان ننم اوغلی

خوش یات ولی گورسن ننمی سویلگینن که
ءوز یانینه قیلسون منی مهمان ننم اوغلی

دون قبلیه ساری سنه قربان یارالی تا
قاتل کسجدی اوخی قران ننم اوغلی

• دوشنبه
• 11
• مرداد
• 1400
• ساعت
• 17:26
• نوشته شده توسط
• یوسف اکبری

یا حسین عشقین جهانه پایه و پیرایه دی
شانیوی گر آد اپارسام هر بیری مین آیه دی

باده ناب ایچسه عاشق گر اولار مدهوش اقا
بیز سنون عشقینله اولدوخ دهریده سرخوش اقا

یا حسین کل خلایق باش ایر اجلالیوه
جان کل عالمین اولسون فدا اخلاصیوه

آدیوی گر ایستیرن طغراده زهرا ثبت اءده
گر سلامین ایستیرن نزد ابوفاضل گءده

کربلایه ساری دون اخلاصیوه وءر سن سلام
تءز جوابین گوندرر واللهی اول مظلوم امام

افتابن یاحسین دنیانی روشن اءتمسین
نیزلر اوستونده ای شه شهر شامه گتمیسن

یتمیش اولدوز دوریوی المیش وروردوز سان اقا
زینب اهسته دیردی جان سنه قربان آقا

ای" خدایی" کربلانین واردی چوخ هم و غمی
بو حسینون واللهی یاتماز جهاندا پرچمی

• سه شنبه
• 12
• مرداد
• 1400
• ساعت
• 13:56
• نوشته شده توسط
• یوسف اکبری

ای قانه باتان قارداشیم
چولرده یاتان قارداشیم
جسمون پوزولو ب گل مثلی
مقصوده چاتان قارداشیم

گل سینوی اوخلار پوزوبدی
دشمن سنی قارداش یوروبدی

یات یوم گزون دینجل حسین جان
من بلبلم سن گل حسین جان

ای وای یارالی جان یارالی
جانیم سنه قربان یارالی

بو سینمی غملر دلدی
دشمن کام الوب دینجلدی
یءر گوی یانوب احوالیوه
زهرا ننمیز دور گلدی

سسلر دیر ای وای حسینیم
اغلار چالار لای لای حسینیم

یات یوم گزون دینجل حسین جان
من بلبلم سن گل حسین جان

ای وای یارالی جان یارالی
جانیم سنه قربان یارالی

گل پیکرون اوخدی قارداش
اوخ یاره سی چوخدی قارداش
شان شان اولونوبدی سینه ن
بوسه یءری یوخدی قارداش

نه ال وارون نه باش حسینیم
گوزدن اخار گوزیاش حسینیم

یات یوم گوزون دینجل حسین جان
من بلبلم سن گل حسین جان

ای وای یارالی جان یارالی
جانیم سنه قربان یارالی

ای گون نه غروب ایتدون سن
دنیانی اتوب گیتدون سن
گلزار وفاده قارداش
گل تک سارالوب بیتدون سن

گلزاریمه باد غم اسدی
دالدان عدو باشیوی کسدی

یات یوم گوزون دینجل حسین جان
من بلبلم سن گل حسین جان

ای وای یارالی جان یارالی
جانیم سنه قربان یارالی

• جمعه
• 15
• مرداد
• 1400
• ساعت
• 20:32
• نوشته شده توسط
• یوسف اکبری

مصیبت اعظم اولوب شوره جان گلور نه گلور
نوایه عرش و زمین و زمان گلور نه گلور

فضای مقتلی قان رنگیده دومان بوریوب
صدای ناله گلور الامان گلور نه گلور

شراره قوزیور آت درناقی دگنده یره
اولحظه لرزیه هفت آسمان گلورنه گلور

وروبدی حلقه ملک لرچوخوریرون باشینا
جنان باغندان اورا کاروان گلور نه گلور

قاباقداحضرت خاتم دیورحسینیم وای
دالیجا آدمِ جنّت مکان گلور نه گلور

ایاق یالین باش آچوق انبیا ورور سینه
حسینه روح الامین نوحه خوان گلورنه گلور

اومقتل اوخشیوب عیناًقیامت عرصه سینه
باخانداهرطرفه درده جان گلورنه گلور

جنازه لریخلوب یان یانا ولی باشسز
خیامیدنده نوای فغان گلورنه گلور

چوخوریری بوریوب داش سسیله نیزه سسی
گینه ده شعرمصیبت روان گلورنه گلور

بیرعدّه سرعتیلن نعلِ اسبی تازه لیور
بوغم منه هامی غمدن گران گلورنه گلور

حسینی قان آپاروب یاره لرچخوب ساندان
اونون زیارتنه قدسیان گلور نه گلور

اوحالیلن هَلَه ده ربّنا دیور سورونور
ئورکده که یارادان ایستی قان گلورنه گلور

اوجالدی نعره حسین فکرایدوب خیام یانور
نه گوردی بیراوجا بوی قهرمان گلورنه گلور

• چهارشنبه
• 20
• مرداد
• 1400
• ساعت
• 21:46
• نوشته شده توسط
• یوسف اکبری

رقیه گوردی دوشور عالمین پناهی یولا
ددی چتیندی من دلفکاره فرصت اولا

بوصون گیدیش ده بابام آلماسا قوجاقه منی
اولونجه یاندراجاق آتش فراقه منی

خیال ایوینده دیدی بزم غم بساطی آچوم
بابام دایانماسادامن گرک دالینجا قاچوم

گلوب دایاندی یول اوسته گوز یاشین الَدی
غبارغم سولان گل جمالینی بِلَدی

پناه آپاردی خانم باشدا قرا معجرینه
اومعجرین یارسین آلدی خردا اللرینه

محبت عالمینون تپراقین ایاخلاماقا
یول اوسته یاره لی یورقون قوناقی ساخلاماقا

گوزی حسینین اودم دوشدی باوفا قزینا
دوتولموش آی نظرین سالدی غملی اولدوزینا

بویوردی غم اوخی ویرماعالمین جانینا
یول اوسته دورماقییت زینب عمه وین یانینا

دیدی بوساعتیمین آیری بیر فضیلتی وار
یول اوسته دورماقمین آیری بیر مفصل علتی وار

دیدون بیبیمه باجی آخرین وداعدی منه
گلنمرم داخی بو دربه داغون انجمنه

بیبیم که سسلدی ای وای اویم یخلدی منیم
اوعلته اورگیم تنگشوب سخیلدی منیم

سوزون ندور منه بی یاره تز بویور یولاسال

دیدی گل اگلش اوزوم باب نطقی باز ایلیوم
گَلَم قوجاقیوه بیر عاشقانه ناز ایلیوم

آدامسیزام دیمه قوی دردیوی نهانی بیلیم
او یوزگوزوندن آخان لخته لخته قانی سیلیم

ترابین اوسته قویوب دیزلرین او خسته قوناق
آتولدی سینه ی پردرده دلشکسته اوشاق

اورک نه نوعی او غم غصه ده دوام ایلسین
اوغصه لی قیزی گور کیم او حالدا رام السین

دیدی سن اولماسان ای عالمین پناهی بابا
اسَرایه الله بیزی کوفه نین سپاهی بابا

نه رحم واردی نه ده عاطفت بولشکرده
سن اولماسان بیبی می اولدورلر اللرده

ایدوب نوازش الین چکدی نازنین باشینا
قویوب دوداقینی غم غصه خم ایدن قاشینا

• پنج شنبه
• 21
• مرداد
• 1400
• ساعت
• 11:51
• نوشته شده توسط
• یوسف اکبری

زینب قاچوری قتلگهه معجرالینده
قارداشی قالوب شمرجفاپرور الینده

تلی که انور خردا اوشاقلار ملشوللر
آهو کیمی صیاد ستمگرلر الینده

اما خانمون چاره سی هریردن آزالموش
تنها قالوب امید گوزی داور الینده

یتدی ایله که رهبر والاسینی تاپدی
گوردی داغلوب جسمی رعیتلر الینده

بیرده یارالی سینه سی اوستونده حسینین
قول چمرالیوب شمر اوتوروب خنجر الینده

قلبون دیدی ای شمر شقاوتله دولوبدور
گورمورسن الوب قارداشیمی لشکر الینده

سن چکمه لی بو سینه مین اوستونده اوتورما
ظالم یره دوش قویما منی غملر الینده

بیرلحظه دایان قوی منه بیر کلمه دانشسون
قارداش گوزی جان ورسه قالار خواهر الینده

یوخدور ننه سی گوزلرینی باغلیان اولماز
مدرکدی بوحسرت بولوسن مادر الینده

الدورمه امان ورگوزونی باغلیوم آخر
اللم بومسلمان اله گر کافر الینده

اوچ گوندی لب عطشاندی گوزتلور سوگتورسین
ساقی دی آتام ایندی گلر کوثر الینده

زهرا ننه مین یخما اوین شرم ایله ظالم
فردای قیامت گلجاقدور سر الینده

محشر گونی پیغمبر اکرم قباقیندا
آغلار قالاجاقسان بولورم کیفر الینده

گر دوتسا جهنم اودی سن نیلیجاقسان
جسمون یاناجاق یوخ علاج دیگر الینده

گل سن بو جنایتلره ال ویرما اماندی
الله سنی قویسون بو جنایتلر الینده

ثاراللهی توکماخلقا چوخ چوخ تلسورسن
ظالم نه دوتوبسان کسوسن خنجر الینده

تاریخده ثبت ایلیجاقدور بو ((امینی))
ننگ آدیوی ناکس قلم و دفتر الینده

• پنج شنبه
• 21
• مرداد
• 1400
• ساعت
• 11:53
• نوشته شده توسط
• یوسف اکبری

من او سائلم واریمدور بیوک ادعا آقامدان
دیرم نه دردیم اولسا آلارام دوا آقامدان
یاتارام او درگهینده آدیما گدا دیسونلر
الیمه خوشام نه گلسه شه کربلا آقامدان

گزرم مجالسینده قرا پرچمی الیمده
اورگیم تاپار تسلی آدی ذکر اولا دیلیمده
ایکی دنیاجا کرم وار او حقیقی سوگلیمده
نقدر نیازیم اولسا اولاجاق عطا آقامدان

من او بلبل حزینم گله چوخدی اشتیاقیم
اورگیم سور چمنده اولا هر گلن قوناقیم
گلومین ایاقلارینا دوشنوب قویام دوداقیم
دییم اول زمان گلیدی جانیما قادا آقامدان

من او نوکرم که ائللر قاپوسیندا خدمتیم وار
آقامین نه امری اولسا عملاً اطاعتیم وار
بو مدال عشق منده اودی قدر و قیمتیم وار
بوقدر که قیمتیم وار یتیروب خدا آقامدان

گجه گوندوز اوز اوزیمه منی آغلادان غم اولدی
قرا کوینگیمه علت اوبیر آی محرم اولدی
گلوب انبیا عزایه چوخ اسفلی ماتم اولدی
بو عزاده یر گوگ آغلور ایلیور بکا آقامدان

اوجادور عیار عشقی اونی تز بولنمرم من
ولی صفحه ی اورکدن آدینی سیلنمرم من
الرم گیدوب بیر اوزگه قاپودان دیلنمرم من
چوخ اولوبدی لطفی شامل منه باوفا آقامدان

سن((امینی))یاز کتابه ایکی بیت ملحقاتی
بیری بحر رحمت حق بیری کشتی نجاتی
هامی هرنه ایستور آلسین بیزه کربلا براتی
گوره روخ یولا دوشنده علم هدا آقامدان

قوناقین چوخ احترامی اولی میزبان ایوینده
دوزولور قباقه هرنه آچیلاندا خوان ایوینده
نه گوزلدی بیر اوتورساق شه انس وجان ایوینده
که جوار رحمتینده ایشیداق دعا آقامدان

• پنج شنبه
• 21
• مرداد
• 1400
• ساعت
• 12:39
• نوشته شده توسط
• یوسف اکبری

یا حسین ای شه ملک شهیدان حسین
وی یوزی مظهر حضرت یزدان حسین
زینبون جسم بی روحیوه قربان حسین

قالموسان صحراده قارداش
یوخ گَلَن امداده قارداش

آغلارام آغلارام حالیمه آغلار قوشون
آغلار اما یانان سینمی داغلار قوشون
خیمه دن مقتله یولاری باغلار قوشون

زینبون ناله سی نی لره همراه اولوب
چکدیگی درد وغم و ناله اولوب آه اولوب
دنیانین پست ترین مفلسی ده شاه اولوب

لشگر اولوب جری مرد خدایه حسین
سانکه قرآن دوشوب قانلی منایه حسین
یوخ باشوندا سنون ذره جه سایه حسین

آرزولار یاپراقی سولموش چمنده نیلوم
قیزلار آغلار قالوب دشت و دمنده نیلوم
بولمورم عترتون دوشموش کمنده نیلوم

باغبانم گلوم بوداقدا قالدی حسین
آرزولار بارماقیم دوداقدا قالدی حسین
هر اوشاق بیر یانان بوجاقدا قالدی حسین

هر آچان غنچه نی سولدوردی دشمن اخا
ظلم بی حدینی بولدوردی دشمن اخا
نیله میشدون سنی الدوردی دشمن اخا

ویردیلار اود منیم خیمهٔ اجلالیمی
اوزلری یاندیلار حالیمه احوالیمه
گوزده گوز یاشیمه باشدا عزا شالیمه

من دیردیم حسین یوخ منه بیر تای هله
ورمیش الله سنی ایندی منه پای هله
سویله دیم آی فلک سایدقیوی سای هله

زینبین باغرینی قانه دولاندیردیلار
سوگلی قیزلاری جانه اوساندیردیلار
وای منه وای حسین قلبمی یاندیر یلار

اشک ریزان یانار آغلار "امینی" سنه
آغلیار سینه سین داغلار امینی سنه
باشه دائم قرا باغلار امینی سنه

• جمعه
• 22
• مرداد
• 1400
• ساعت
• 17:46
• نوشته شده توسط
• یوسف اکبری

دوشوبسن قانلی گوداله عجب مستانه آی قارداش
داغلمش پیکرون قانی آخیب میدانه آی قارداش

جنازون اوسته گلدیم تا سنه بیر آغلیام قارداش
یولام زلف پریشانی سینمی داغلیام قارداش
ولیکن فرصتیم یوخدور یاراوی باغلیان قارداش
سنان شمر امان ورمز من نالانه آی قارداش

باشیم غوغالی دور باشدان دچارم درد ایامه
گرفتار اولموشام سندن صورا بو قوم ظلامه
عیالون قولاری باغلی چکولر کوفه وشامه
نه رحم ایلوللر اطفاله نه ده نسوانه آی قارداش

بو قانلی مقتلون اوخشورپوزلموش گلشنه قارداش
خزان ایجادایدنلردن گلایم وار سنه قارداش
که حل الماز معمالر یارالدبلارمنه قارداش
علاجیم یوخ گیدیم قولدا طناب هریانه ای قارداش

بوساعت اللریم. قانی گوزوم یاشی بیر عنواندی
ملالیم محنتیم حددن گیچوپ. حالیم پریشاندی
دونن سندن صورا لشکر ویریب اود خیمه لر یاندی
یانیب اهل وعیالون آتشی نیرانه آی قارداش

ایله سرمستیوم عشقونده هیچ بولمم ندیم قارداش
نه نوعی آیرلیم من بو دیاری ترک ایدیم قارداش
محبت قیل اوزون دور ناقیه میندور گیدیم قارداش
دوروب صاق وصولومداعده بیگانه آی قارداش

گوزوم دویماز بولورسن ای شهید کربلا سندن
یوخومدور قصد آیریلماق وی عشق مبتلا قارداش
دوروم قوی من گیدیم تا بلکه آیریلسین بلا سندن
یانوندا قالسام اولام بالیقین دیوانه آی قارداش

• جمعه
• 22
• مرداد
• 1400
• ساعت
• 18:16
• نوشته شده توسط
• یوسف اکبری

لشگر شامی جری گوردی حسین بن علی
منبع نور شرف مظهر ذات ازلی
یغدی فکرین باشا بیر خطبهٔ بین المللی
ایتدی ایراد او جری لشگره با نطق رسا
سر به زیر اولدی قوشون یکسره حتی رؤسا

شیطنت لر سیزی قویماز دیدی بیدار اولاسیز
قلبوز آهندی یوزوز قاره گوروم خوار اولاسیز
درد بیچارهٔ ایامه گرفتار اولاسیز
سعی ایدرسوز نه سویندیرمه گه شیطان لاریزی
سیندیریرسوز حق دادارله پیمانلاریزی

هیچ بولورسوز بو بیاباندا نه طغیان ایدیسوز
متن قرآنی یخیرسوز یره عصیان ایدیسوز
جنگ صفین له جنگ جمل عنوان ایدیسوز
اهل ایمانله نار اهلینی بولمورسوز هله
دورموسوز زادهٔ زهرائیله جنگ و جدله

من حسینم سیزه قرآندا کی نور آیه سی یم
گوزلروز کوردی گورمور منی شور آیه سی یم
سیز شعور ایلمسوز یوخسا شعور آیه سی یم
مظهر صورت زیبای حق داوره من
گلمشم هدیه بو گون محضر پیغمبره من

جمع اولوبسوز بو بیاباندا که شورا قوروسوز
گلشن معرفتین گللرینی سولدوروسوز
کاسهٔ چشمیمی اشک تریلن دولدوروسوز
نوجوان اوغلومی اوز قانینه غلطان ایلدوز
اوخلادوز طفل لب عطشانمی خندان ایلدوز

باغلیبسوز منه نهر القمه نین یولارینی
سالمسوز قارداشیم عباسین اوزون قولارینی
سرولر بیر به بیر الدن ویروب اوز خولارینی
الله عاشقلری ظلمیله قزل قانه باتیب
قانلی میداندا دوزولموش هامی یانیانه یاتیب

ای جماعت سیزی سرگرم ایلیوب نفس دنی
گیمسوز اگنیوه بی عاطفه لیک پیرهنی
المدوز باشیزی ظالملره اگدوز علنی
دوشدوز القصه بو سوداده بیوک دردسره
دای چتیندور دونه بو لیل سیاهوز سحره

ای جماعت سیزه اتمام ایدورم حجتمی
ایلورم گون کیمی واضح اوزوم اصلیتمی
انحراف ایلیه هیهات بیری نیتمی
نیتیم پاک دی پاکیزه سعادتدی منه
المگیم یوخدی نصیب عمده شهادتدی بیزه

آرزومندیدین اولدن ایله بو عمله
شکر لله اوزی مقصود دلیم گلمیش اله
گوزلورم مشتریم الساعه خریداره گله
سوزیمی دلدن اوزی یاریم آلا ساز وره
روحیمه عرش معلاسینه پرواز وره

اوینیور ایندی که قان توکمگه شمشیر لروز
ایلیبدور من مظلومی هدف تیرلروز
گونده مین مرتبه افسوس ایدجاق پیرلروز
کینه زی قلبده گون مثلی منه بولدوروسوز
رستگار اولمیاجاقسوز که امام الدوروسوز

گرچه بو کرب و بلا دشتی غم افزادی منه
ایچسه القانمی تبدیل اولاجاقدور چمنه
هر کیم اوز دردین"امینی" ایده اظهار منه
قول وررم اونی محشر گونی اوتدان قوتارام

• شنبه
• 23
• مرداد
• 1400
• ساعت
• 12:15
• نوشته شده توسط
• یوسف اکبری

ای دل آغلا یان حسینه
آغلور انس و جان حسینه
باش آچوب عزا دوتوبلار
عرش و فرشیان حسینه

فوج فوج دسته دسته
شام و کوفه نین سپاهی
ابن سعد بی حیا و
شمر شومین اشتباهی
باعث اولدولار پناهسیز
قالدی عالمین پناهی
بیر بو قدری وسعتیله
تنک اولوب جهان حسینه

قتل شاه دینه لشگر
گلدی دشت کربلایه
ظلم بی نهایت اولدی
اهل بیت مصطفایه
شاه مشرقین آراده
قالدی یوخ گلن هرایه
اشقیای بی حیادن
ذره یوخ امان حسینه

قاره پوش اولوب زمانه
اهلی گلمیش الامانه
سالدیلار سپاه کوفه
اود مکان لامکانه
اود دوتوب یانور اورکلر
شعله قالخیر آسمانه
آسمانیان ایدوللر
آه و الامان حسینه

قلب ختم الانبیانی
مین بلایه توش ایدوبلر
شاه لافتی علی نی
جدی قاره پوش ایدوبلر
زور و ظلملن الهی
نورینی خموش ایدوبلر
گون دوشوب کسوفه سانکه
حشر اولوب عیان حسینه

غرق دور بلالی زینب
بحر آه و الاماندا
آه و الامان صداسی
وار زمین و آسماندا
نیزه لر قلجلار اوخلار
آتدا جسم لر نهاندا
تار و مار اولوب تاپلمور
بیر نفر یانان حسینه

کربلا چولون دوتوب غم
چولقویوبدی ابر ماتم
قولارین ویروب ابوالفضل
نقش اولوب ترابه پرچم
سسله سونله وا حسین وای
عترت رسول اکرم
خیمه لر الولانیر یوخ
بیرجه آشیان حسینه

• شنبه
• 23
• مرداد
• 1400
• ساعت
• 17:28
• نوشته شده توسط
• یوسف اکبری

شیعه نی زنده ساخلیان
کلمهٔ اتحاد اولور
شیعه دوشنده مشکله
چاره سی بیر جهاد اولور
حکم جهاد ورمه گه
عمده ولایت ایستیور
هاردا ولایت اولماسا
حاکم اورا فساد اولور

چوخلاری آنلامیر هله
عزت و جاه شیعه نی
حکم جهاد شیعه نی
فتح سپاه شیعه نی
باخمیون ایندی هر یتن
طعنه ویریلا صبر ایله
باش اگجاقدور اوندا کیم
گورسه پناه شیعه نی

گرچه زمانه ایندی بیر
ذره جه تنگ دور بیزه
آتماقا بیر قدم دالی
دهرده ننگ دور بیزه
ایندی ییزیم امیریمیز
کرب و بلا شهیدی دور
بزم عزاسی دائماً
جبههٔ جنگ دور بیزه

عقل قبول ایلمیر
هر کسین ادعاسینی
شیعه گرکدی ساخلاسین
دین حقین لواسینی
لشگر مخلص علی
صدقیله سویلیوب بلی
هرنه ای بوشلیار ولی
بوشلاماز آل یاسینی

سنگر عشق دور بیزه
بزم عزای فاطمه
آرتاجاق عشقمیز کیمی
جند و قوای فاطمه
حفظ حجاب ایچون خانم
چوخلی سفارش ایلیوب
نیلیه بوللوک اولماسا
جلب رضای فاطمه

ورمیشوک ابتداده بیز
بیعت الین پیمبره
تاپشروب اول خدیو ده
ساقی حوض کوثره
چشم امیدیلن باخور
شیعه بو خانوادیه
گور نه زماندان آغلروخ
شافع روز محشره

بیز که حسینیوک باخون
کیم دی گورون یزیدی لر
فلسفهٔ ولایتی
آیریلاری چتین بولر
ایندی حسینه آغلاماق
توشهٔ آخرت اولور
دییله حسینه آغلیان
حشرده آغلاماز گولر

کلمهٔ من بکا دیوب
حضرت ختم مرسلین
اوغلوم حسینه آغلیان
کیمسه لر ایلسین یقین
جنتی واجب ایلیوب
نار جهنمی حرام
اوندا حسین اوزی گلور
دوتماقا ذاکرین الین

• شنبه
• 23
• مرداد
• 1400
• ساعت
• 18:07
• نوشته شده توسط
• یوسف اکبری

عالم عشقده آفاقه حسین ووردی علم
کربلا فلسفه سین ایلدی قانیله رقم

وئردی احراره پیام شرف و آزادی
دئدی هیهات مِنَ اْلذِّله او محبوب امم

کعبه نی کرب و بلا عشقینه ترک ایتدی او شه
دئدی پیمان الستیمدی بو صحرایه گلم

عشق میقاتی بو یردی بورادور دار بلا
منی بو دشتیده اعدا ائده جک غرق الم

اکبر وقاسمیلن جعفر و عونیم ئوله جک
هم ایکی قوللاری عباسین اولار بوردا قلم

بوغازی پارچالانار اصغرین الده چوبالار
بویانار ماتمه معناده بابام همده ننم

منه روشندی بو میعاد گهین واقعه سی
ناظرم عصره اوزیم واقفم آیندیه هم

گرچه بو فاجعیه واردی تحقق خبریم
یری وار دشمنیمه حجتی اتمام ائلیم

نادم اولسا بو عناد اهلی گذشت ایلیرم
باب رحمانی آچار خالق ذی الجود و کرم

قدرت خالق داداریله تقدیر چونر
قادر الله نه سویه کن فیکون ایلر او دم

الغرض خطبه ی ارشاد ائدوب ایراد امام
بلکه اعدانین عنادین ائده حق سوزلری کم

بانگ غوغا اوجالوب هلهله قوزاندی گویه
قویدی آغزیندا امامین سوزین اول اهل درم

هر قدر موعظه قیلدی نوه ی ختم نبی
خوابدن اولمادی بیدار او اشرار ظلم

بیعت اوستونده باشین سالدیلا غوغا و غمه
وئردی باش خنجر برانه اونی ائتمدی خم

دئدی مین بار ئوله رم ظالمه اگمم باشمی
قصر خضرایه خوشام نیزه نین اوستونده گئدم

نقدر یاره دیه اُف دئمم عهدیمده وارام
قویسادا سینه مون اوستونده دنی شمر قدم

کُل نَفْسٍ بویوروب ذائقةِ الموت خدا
هامو کس ئولمه لیدی منده گرک بیر گون ئولم

ئولم ایندی بو ئولیم مین دیریلیکدن باش اولار
بو چوخور یر اولی آینده ده ششگوشه حرم

حشره جک قبریمه زوار گلوب حاجت آلار
آل سفیانین اولار نسلی بو ظلم اوسته عدم

منه گوزیاش توکر احرار اولارا لعن اوخویار
یوم میثاق یازوب لوحه بو عنوانی قلم

«زعفرا» کیم یازا بیر بیت حسین مرثیه سین
اونا بیر بیت جناندا وئریلور ایلمه غم

• جمعه
• 29
• مرداد
• 1400
• ساعت
• 11:04
• نوشته شده توسط
• یوسف اکبری

دشت بلا سراسر آلقاندی یا محمد
اوغلون حسین او قانه غلطاندی یا محمد

دریای غم بو چولده موجه گلنده داشدی
یخدی بنای صبری امواجی باشدان آشدی
جسمی حسینی اورتن خنجردی ، اوخدی ، داشدی
اوخلار ، قلجلار آتدا پنهاندی یا محمد

گوگلرده کی کواکب گلسه اگر شماره
تعداد اولار حسینه دگمیش نقدری یاره
از بسکه یاره اوسته یاره دگوب دوباره
باشدان باشا وجودی شأن شأندی یا محمد

یا خاتم النّبیّین اللهه بر گزیده
گل قیل نماز میّت یتمیش ایکی شهیده
قویما یر اوسته قالسون اجساد سر بریده
تعجیل دفن ، حقدن فرماندی یا محمد

اولسون ایراق گوزوندن ای کایناته سرور
گل گور سالوب نه حاله اوغلون حسینی لشگر
هئچ مسلمی جهاندا سالماز بو حاله کافر
امتّده گور نه ظلم و طغیاندی یا محمد

هئچ دین و مذهب اهلی ای صاحب شریعت
ائتمز بو جور و ظلمی ائتمیش حسینه امّت
نه باش نه ال نه بارماق نه پیکری سلامت
بو ظلمه اهل عالم حیراندی یا محمد

باشین کسوب قفادن ظلمیله اهل کینه
سو وئرمیوبله سیر ائت بغض و عناد و کینه
سینونده بسلنن بیر کنز علوم سینه
توپراقلاریله ایندی یکساندی یا محمد

قلبیکه غملنیدی راضی دگولدی رحمان
دفع غم حسینه حقدن یتردی فرمان
سندیردی ایله قلبی بیر زهردار پیکان
الله یری مکان پیکاندی یا محمد

بو نوعیله سویوبلار اوغلون حسینی اعدا
بیر مسلمی بو نوعی سویماز یهود و ترسا
جسمینده قویمویوبلار بیر پیرهنده ، گویا
مناده بیر سویولموش قرباندی یا محمد

هر بیر یارا که ورموش بو جسمه فرقۀ دون
جاری اولوبدی قانی صحرایه مثل جیحون
قان موجی قتلگاهی ائلوبدی دجّلۀ خون
طغیان ائدوب او دجله طوفاندی یا محمد

قانلار سپولموش از بس بو دشتیدن سمایه
قان پرده پرده دوتموش افلاکی پایه پایه
باجادی گر دایانسا قان عرش کبریایه
دامان چرخ قاندان الواندی یا محمد

ای عالمینه رحمت وی مهربان پیمبر
امر ائت علی گتورسون بیر شربه آب کوثر
اوغلون حسینه وئرسون چوخ تشنه دور او سرور
عطشانه بیر ایچم سو احساندی یا محمد

عالمده بو حسینون وار کونه امتیازی
استبرق بهشته منّتدی لطف و نازی
بو شخصیّتده شخصون بیر کفنه وار نیازی
لایق کفن گتور گل عریاندی یا محمد

لایق کفن دیدیم گر باشسیز قالان امیره
اولماز رضا حسینون استبرق و حریره
آخر قناعت ایلر سجّاد بیر حصیره
بو امره کون و امکان حیراندی یا محمد

باجادی چشم گریان بارشده دونسه ابره
یر قالمیوب گوگلده هرگز شکیب و صبره
یوخ بیر نفر قوییدی باری بو نعشی قبره
گونلر ایونده یاندی اودلاندی یا محمد

بو قتل و بو جنایت قویموش جهانی حیران
گورموب داخی گورنمز مثلین جهان و امکان
شیرازه دن چیخوبدور گویا یر اوسته قرآن
ارکان دین و ایمان ویراندی یا محمد

تاج سر شهیدان محبوب رب عزّت
باشسیز دوشوب یر اوسته ایجاد کونه علت
دوتموش جهانی ظلمت خورشید برج وحدت
تنوریده کول اوسته مهماندی یا محمد

بحر غم و مصیبت بیر نوعی ائتدی طغیان
فلک نجات سندی اولدی غریق طوفان
نه نا خدا سلامت قالدی نه سر نشینان
حالیم بو شرح حاله برهاندی یا محمد

گوز اشگ دل غمیله دائم دولوب بوشالدی
یوز وئردی هر مصیبت آرام مندن آلدی
گئتدی الی الیندن زینب بو حاله قالدی
دوزماق بو مشگلاته آساندی یا محمد

بیر گل که بسلمیشدون نازیله سینون اوسته
اوراق اولوب جفادن گلزار دینون اوسته
بلبلدن ال اوزوبدور دین مبینون اوسته
گور نه سولوب سوسوزدان خنداندی یا محمد

گلزار کربلاده گل بیر سولوب سوسوزدان
تا سولماسون دوباره گلزار دین و ایمان
خندان اولان بو گللر گویا دیرولله اعلان
مالک رقاب عالم عطشاندی یا محمد

روز الستیده من بو غمده شرکت ائتدیم
بو شرکتیمده گویا کسب شرافت ائتدیم
تبلیغ ایدم بو سرّی کشف حقیقت ائتدیم
حقدن پاره ابدان برهاندی یا محمد

امّ الکتاب اوغلی بی جلدو ر یر اوسته
وار دفنینه احتیاجی سرد ، دوشوبدی خسته
آیات حق داغلموش اطرافه دسته دسته
شیرازه دن چیخان بیر قرآندی یا محمد

جدّا روادی «عاصی» غم آتشینده یانسون
دوتسون شرر وجودی آهی گوگه دایانسون
ای آفتاب رحمت سال سایه دالدالانسون
مدّتدی درگهونده درباندی یا محمد

• جمعه
• 29
• مرداد
• 1400
• ساعت
• 22:53
• نوشته شده توسط
• یوسف اکبری

باشلانوب بیر انقلاب دیگر عاشورا گونی
زینبیّت انقلابه محور عاشورا گونی
معنیِ زینُ الاَبیَّت اظهر عاشورا گونی
صبرینه ائتدی تواضع گوگلر عاشورا گونی
سسلدی احسن قیزیم پیغمبر عاشورا گونی

عصر وقتی خاتمه تاپدی حسین برنامه سی
یتدی امضای نهائیّه شهادت نامه سی
باشلانوب آل اللهون پُر ماجرا برنامه سی
زینبون وَقرینه تعظیم ائتدی عزّت خامه سی
اقتداری یادوار حیدر عاشورا گونی

بیر طرف عقل و فراست کشف راز اوستونده دی
اهل معنا درک عالی امتیاز اوستونده دی
جاهلان زر طلب جاه مَجاز اوستونده دی
بیلدی زینب بو کشاکشلر نماز اوستونده دی
خوار ایده ایستور نمازی لشگر عاشورا گونی

گلدی اِبراز اولماقا لازم مرام حیدری
پرچم نهضت مبارک باشدا کهنه معجری
غیرت اللهِ مجسَّم پشتبانی باوری
بی مهابا صحنه ده روح نمازون یاوری
ایلدی اقدام ضدِّ کافر عاشورا گونی

سدّ خوفی سندیروب طوفان ایدن دریا کیمی
پر توان فکری عصای حضرت موسی کیمی
چادرین وردی بئلینه جان به کف زهرا کیمی
اولدی پشتیبان آلِ مصطفی سقّا کیمی
جاودانی نهضته سر دفتر عاشورا گونی

اولدی چیره نوره نار و موجِده قتل و خطر
قالمادی ائتسون حمایت اهل بیته بیر نفر
امر غارت یتدی اتمامه بوشالدی خیمه لر
ناگهان اخیامه بی رحمانه ویردیلر شرر
عرش اعلایه اوجالدی اخگر عاشوراگونی

قهرمان کربلایه گلدی لازم اهتمام
امر اِطفاءِ حریقه ایلسون سعی تمام
آتش نمرودیانه یانمیا چارم امام
بت شکن زاده ، دلاور فرد ابراهیم مرام
حمله ائتدی ناره باشدا اللر عاشورا گونی

فخر نسوان بشر دخت امیرالمؤمنین
گیردی موج آتشه قلبینده آه آتشین
جرئت و ایثارِنه ایلور تماشا اهل کین
چئخدی آتشدن قوجاقوندا امامُ الساجدین
سینه سی نار جفایه مِجمر عاشورا گونی

بوهمان زینبدی شهر کوفه ده غوغا ایدوب
بوالحسن صوتیله اجرا خطبه ی غَرّا ایدوب
حقّ ثاراللهی روشن دشمنی رسوا ایدوب
نهضت پاک حسینی شرح ایدوب معنا ایدوب
درسینی ویرموشدی شاه بی سر عاشورا گونی

شامیده تکلیفینه جانانه اقدام ایلدی
حاکم نادانه روز روشنی شام ایلدی
قولّاری باغلی زیاد اوغلینی بدنام ایلدی
ساکنان شام شومه رفع اِبهام ایلدی
سویلدی نه ظلم ایدوب دشمنلرعاشورا گونی

«منتظِر» یاز اهل بیتون وصفینی شام وسحر
اولماسا طبعونده یارا اوزلری نصرت اِئدر
باخما که عمرون قوتارموش یازگلن قالسون اثر
اولسا اخلاصون اثر محشر گونی درده دگر
ثبت اولار دفترده آدون نوکر عاشورا گونی

• جمعه
• 29
• مرداد
• 1400
• ساعت
• 22:56
• نوشته شده توسط
• یوسف اکبری

اهل عزا شور نوادن دئیوم
معرکه ی کرب و بلادن دئیوم
دوغرانوب اکبر بو گون
اوخلانوب اصغر بو گون

اکبره باخ صحنۀ عشّاقیده
قانه باتوب تازه منادن دئیوم
پارچالانوب شیر خدا تک باشی
ئوز گوزی قان باشدا یارادن دئیوم
گل کیمی رنگی سولوب
گوزلرینه قان دولوب

یاللعجب پیکری باشدان باشا
قانله الواندی دماءدن دئیوم
نعشین آتاسی گتیروب خیمیه
قان سوزولور قانلو عبادن دئیوم
اهل حرم آغلادی
سینه لری داغلادی

قاسم گل پیرهنی ئولدوروب
کوفلیلر جور و جفادن دئیوم
معرکة عشقیده قان لجّه سی
غرق ایلیوب نازلی بالادن دئیوم
قاننه غلطان اولوب
دیننه قربان اولوب

آتلار ایاقینده قالوب گل بدن
خرد اولوب اعضاسی بلادن دئیوم
دردوه درمان آل ابوالفضلدن
رد ایلمز صاحب عطادن دئیوم
درده دوادور تانی
روحه غذا دور تانی

گر چه اولوب قولّاری تندن قلم
باب الحوائجدی رجادن دئیوم
لنگره دوشدی علمی سینه ده
آغلاگیلان قانلو لوادن دئیوم
صدمه گوروب اللری
قانه باتوب پیکری

ذرّه جه سیندیرموب ئوزون عرصده
ویرموب امان قوم دغادن دئیوم
غفلتاً اوخ پاره لیوب مشکنی
قطع اولوب امیّد قسادن دئیوم
دوره سین اعدا آلوب
دام بلایه سالوب

اوچ پر اوخ آلنیندا مکان ایلدی
چاره ندور سلب قوادن دئیوم
باشین اگیب دیزلرنی قالخیزیب
چکسون اوخی پر سیز همادن دئیوم
چاره سیز چاره یوخ
اینجدوری گوزده اوخ

نوفل عمود الده قباقین کسوب
باشی آچیق اندی هوادن دئیوم
توپراقا قولسوز یخلان وقتده
چالدلا کف اوج صدادن دئیوم
شاد اولان اعدا باخور
باشی سینوب قان آخور

لیک حزین صوتیله قارداشنی
سسلین امداده اخادن دئیوم
بولمورم ایش هاردا تاپوب فیصله
پنج تن آل عبادن دئیوم
دادنه اولموب گلن
غملری اولدی علن

اصغرین آلدی اله سلطان دین
اوخلادیلار تیر قضادن دئیوم
قوش کیمی چرپیندی او دل سیز بالا
یومدی گوزون تشنه فدادن دئیوم
تازه محن باشلانوب
سینیه قان داشلانوب

بیچدی بوغازین گچوب اوخ رد اولوب
یاره لنن یالقوز آتادن دئیوم
باش آخینوب ذبح اولونان قوش کیمی
دال طرفه قانلو یارادان دئیوم
قان بویادی سینه سین
تار ایدوب آئینه سین

دولدوروب اوجون شرف اهل دین
آتدی گویه شکر و ثنادن دئیوم
یعنی قبول ایله بو کم تحفه نی
گلمدی بیر قطره فضادن دئیوم
قاندا سنون جان سنون
بو قوزی قربان سنون

قوی یئره اوخلی بالانی یا حسین
گلدی بو سس سمت سمادن دئیوم
رتبده اکبردی قبول ایلدیم
ارزشی زیبنده بهادن دئیوم
ویرمرم الدن سنی
خوار ایدرم دشمنی

یاریله انصارنی الدن ویرن
محرم اسرار خدادن دئیوم
قوش کیمی اوخلار پر آچوب سینه ده
جان به کف ایثار و وفادن دئیوم
بی کس و بی یاره باخ
دشمن خونخواره باخ

اوخ ئوره گه دگدی کورکدن چخوب
آغلا گوزوم یالقوز آقادن دئیوم
بوکدی رسا قدّنی برّنده اوخ
یخدی یره قدی دوتا دن دئیوم
طاقتین الدن آلوب
توپراقا آتدان سالوب

یاره لری چشمه کمی قان ویرور
توپراقین اوستونده دمادن دئیوم
قانلو ئوزون قویدی تراب اوستونه
جان ویرئری ذکر دعادن دئیوم
شاه شهیدان ئولور
لبلری عطشان ئولور

ایلور عزاداری دعا یارلی
سرور دین روحه غذادن دئیوم
اللری باشینده گلور زینبی
قتلگهه شور و نوادن دئیوم
قارداشنا آغلادی اشکین
ئوزه باغلادی

اهل عزا یاخشی بولور مطلبی
کسدی باشین شمر قفادن دئیوم
تیره و تار اولسا هوا وار یری
یرده بدن نوک جدادن دئیوم
توپراقا قانی آخور
قارداشا زینب باخور

زینب مظلومنین احوالنه
دقت ایله سعی و صفادن دئیوم
گوردیلر اللر بویانوب قاننه
غملی گلور حال بکادن دئیوم
قارداشیم ایوای دیور
اصغره لای لای دیور

کوفه لیلر خیمه لری اوتلادی
اوتدا یانان زین العبادن دئیوم
خیمه نون اطرافنی زینب گزور
شعله لنن خیمه سرادن دئیوم
ظلملر اولموش علن
دادینه یوخدور گلن

“ ناطقی “ طول اولدی محن دمبدم
شیره زنی کرب و بلادن دئیوم
پرچم توحیدی آچان زینبه
رحمت حق اولسون عطادن دئیوم
درده دوا دور تانی
روحه غذا دور تانی

• جمعه
• 29
• مرداد
• 1400
• ساعت
• 23:00
• نوشته شده توسط
• یوسف اکبری

سس دوشوب گویده گنه سوم شعبان گلدی
تهنیت فاطمیه،روحینه ریحان گلدی
مرحبا حیدره،سالار شهیدان گلدی

شهرتی قبل ولادتده ،دوتوب آفاقی
عرشه زینتدی یقین بو بالانون قنداقی

یغالار بیر صفه عالمده اگر پنج تنی
انبیا بیر طرفه،باشدا رسول مدنی
تانوری اهل سما،کربوبلا شاهی سنی

حق سنون منزلتیندن ئوزی تجلیل الییوب
زینبون نطقیده بو نهضتی تکمیل الییوب

کعبه مولودینون اسرارینه سن محرمیدون
قاب قوسینه سبب،ختم رسوله،سنیدون
لحمک لحمی دیدی،پاره ای از اول تنیدون

بضعه ی احمده،یکتا،سنی یکتا ویردی
شاهکار ایتدی سنی شیعه یه مولا ویردی

شاکرم هر ایکی دنیاده حق لم یزله
منی نوکر یارادوب دهریده سن تک گوزله
لبلرون طعنه ویرور واژه ی قند و عسله

او گوزل صورته الله نه گوزل قاش یارادوب
سنه دنیاده ابالفضل کیمی قارداش یارادوب

بو ابالفضل آقا اهل حرمین گوهریدی
مرحبا رتبه سینه شیعه لرون سروریدی
یوسف مصری آلا گوزلرینه مشتریدی

قدرت خلقت علی اوغلونی گویچک یارادوب
بو ابالفضل آقانی شیعه لره تک یارادوب

• یکشنبه
• 31
• مرداد
• 1400
• ساعت
• 11:00
• نوشته شده توسط
• یوسف اکبری

گئتمه گئتمه ای مهربان حسین
ائتمه زینبی باغریقان حسین
بوندان آرتیق ای شاه ذوالکرم
زینبونده یوخدی توان حسین

ای ولی حقون یادگاری قارداش
کشورکمالین شهریاری قارداش

خیمه گاه محنتده صبحدن
زینبون پریشاندی یاحسین
بارمحنته توش اولان باجون
همنوای طفلاندی یاحسین

گئتمه قتل گاهَ کربلایه قارداش
رحم ائله اسیر و مبتلایه قارداش

صبحدن بوصحراده یاحسین
کینه و عداوتدی باشلانوب
خاندان اطهار علیهینه
ظلم بی نهایتدی باشلانوب

یوخدی ابن سعدین اعتباری قارداش
تیره اولسون آخر روزگاری قارداش

ترسم آخر این کافرلعین
فتنه های دیگر عیان کند
قاتل. ابالفضل تشنه لب
قصدجان شاه جهان کند

نیلرم من اوندا سنده قانه باتسون
زینب وحزین وزاری گوزدن آتسون

جواب

من گرک گئدم قانه غرق اولام
چون اساس پیماندی یاحسین
حق یولوندان جان وئرمییم سوسوز
امر ذات سبحاندی زینبیم

ای آنام بتولین یادگاری زینب
شاه بی پناهون غمگساری زینب

یوخ سوزم که قارداشلاریم اولوب
نوجوان علی اکبریم گئدوب
اوخلانوب قوجاقیمده تشنه لب
شیرخواره بیراصغریم گئدوب

هاشمی جوانلار قانه غرق اولوبلار
گلستان غمده گل کیمی سولوبلار

ابن سعد ملعون کافرین
نیت پلیدیدن آگهم
هم یزید شوم و بداخترین
نیت پلیدیدن آگهم

گئتمسم اساس حق رعایت اولماز
امت. پیامبر اهل طاعت اولماز

گلمیشم بوصحراده جانیمی
حق یولوندا زینب فدا ائدم
آج سوسو چوخور یرده جان وئرم
باغ جنته تشنه لب گئدم

آغلاما یول اوسته ای یگانه زینب
قوی توانین اولسون جاودانه زینب

آغلاما یول اوستونده زینبیم
صبرائله ملال و مصیبته
آغلاما پریشان آنام باجی
سالمابی پناهی مشقته

ای بساط عشقیم عهده داری زینب
عترت طهورین غمگساری زینب

عفو ائله منی ای آنام باجی
سالمیشام سنی درد و محنته
تشنه قیزلاریمدان مواظب اول
دوش مه سینله رنج و مشقته

خیمه گاه عشقه اود ویراندا دشمن
قویما درده دوشسون عندلیب گلشن

قویما دامنی اود دوتوب یانا
جان سنون باجی جان رقیه مون
چوللره قاچاندا ایاق یالین
گوگلون أل پریشان رقیه مون

درد اودیلا قلبین داغلاسا رقیم
تیترر عرش اعظم آغلاسا رقیم

ایندی که حسین جانیم آج سوسوز
قانلی مقتله رهسپارسن
ساخلاماق چتیندیربودم سنی
چونکه عازم کوی یارسن

نیلیوم رذیل و بی حیادی دشمن
باش کسندی پست وبیوفادی دشمن

خصم دون اگرچه حسین من
باش کسندی حیلت شعاریدی
عهدووه وفا ایله قارداشیم
چونکه امر.پروردگاریدی

عیبی یوخدی زینب اوسا غم اسیری
تا اولونجه اوللام نهضتون سفیری

باشووی عدو ذبح ائدن زمان
سن بویور فقط نیلسون باجون
ال آتوب یالین خنجره ویا
نیت دگر ایلسون باجون

صبر وطاقت ائتسون نهضت اوسته قارداش
یا شمری قویسون حیرت اوسته قارداش

ای آنام باجی قانلی نهضتون
ماجرای بی انتهاسی وار
چونکه نهضت حقیدور باجی
بیر قوتارمییان ماجراسی وار

قیزلاراویراندا تازیانه زینب
نیزه اوسته قاللام یانه یانه زینب

ایسیور قوتارسین قلم سوزی
(مژده )نین روان طبعی قویمیور
چون یازور شعوراوسته مرثیه
نوحه دن بومعنایه دویمیور

قلبی درد الیندن اولماسین مکدر
دوت الیندن آخر ای شفیع محشر

• یکشنبه
• 31
• مرداد
• 1400
• ساعت
• 17:34
• نوشته شده توسط
• یوسف اکبری

مظلوم کربلا انصارین آختارور
آل محمّدون غمخوارین آختارور
هر دم نظر سالور اطراف عالمه
ششگوشه قبرینون زوّارین آختارور

ایوان عرشدن اوچ منظره باخار
اوّل یخلدیقی قانلو یئره باخار
بیرده عزا دوتان مجلس لره باخار
بیرده ضریحینون حضّارین آختارور

عصرون امامینه بذل اولدی ذوالفقار
وترون قصاصینی آلسون او شهریار
أذن الهیه زهرادور انتظار
اوز أوغلینون گلن یولّارین آختارور

هر کیمسه نون حسین گورسه حقیقتین
ایلر روا اونون مقصود و حاجتین
لطفیله آرتیرور نور محبّتین
احبابینون دل بیدارین آختارور

هر یئرده تعزیه اولسا نوا گلور
آشفته قلبیدن محزون صدا گلور
فوراً او مجلسه صاحب عزا گلور
اهل حقیقتون دیدارین آختارور

هر دهه ی عزا زهرای دیده تر
بیر شیشه ی بهشت الده او خون جگر
نام حسین اولان مجلسلری گزر
آغلار گوزون دُر شهوارین آختارور

أمر اولدی شمر دون اودلاندی خیمه‌لر
یوز قویدی چوللره اطفال دربدر
اول وقته زینب نالانی گوردیلر
وارد اولوب اوتا بیمارین آختارور

پروانیه اونون اولموشدی اوخشاری
اوتدا تلاش ائدوب یاندى قانادلاری
گوردیله دوتدی یوز ناگه نجف ساری
امداده حیدر کرّارین آختارور

• یکشنبه
• 31
• مرداد
• 1400
• ساعت
• 18:09
• نوشته شده توسط
• یوسف اکبری

تا خليل رحمانه وحي كردگار اولدي.
دوشدي فخريدن مينا كعبه شرمسار اولدي.

سنگ و آجر و گلدن ای بيزه تيکن خانه
سيز مگر وئروبسوز سو فخر ائدرسوز عطشانه
آج قارينلارا اطعام يا لباس عريانه
فخر کعبه دن اقدم گلدی پيشکار اولدی.

فخريله خليل الله تكيه ايلين ديوار
آز زمان كچوب اولدي خانه بت و زنّار
تا وجودي ايجاده گلدي حيدر كرار
دوشدي طاقدن ناقوس بت نگون سار اولدي

اول تولد پاكه مرتضي علي علت
اولدي خانه كعبه تاپدي آيري بير عفت
نقش پاي مولايه گلدي قبله طاعت
چكدي كعبه آغوشه غرق افتخار اولدي

تا كه اول يد الله نص فوق ايديهم
حقون آستينيندن چخدي اولدي باطلكم
صادر اولدي امر حق تارك الثقلين فيكم
كنت كنز مخفياً گون تك آشكار اولدي.

كنز حقه دار الضرب گلدي كربلا لاريب
سكه لندي قانيله نقد اول خزاين غيب
غل و غشدن خالي يتمش ايكي تن بي عيب
سكه ربوبيت تاپدي سر عيار اولدي.

دولدي كربلا دشتي نقش زر نگاريله
ترك يار ايدن مردم گلدي ذوق ياريله
قانلاري اولوب ممزوج اول شه كباريله
تاپدي وصف ثار الله هر قدر نثار اولدي.

قطعه قطعه دوغراندي قالميوب بير انصاري
سنگسار ايدوب دشمن اول غريب بي ياري
چولقاشوب علم قانه يخديلار علمداري
لشگرون او بي ياره هر جفاسي وار اولدي.

تشنه باشيني كسدي شمر سو كنارينده
قالدي ساربان ظالم ليلون انتظارينده
گلدي بجدل آختاردي جسم زخمدارينده
گوردي قالميوب بير زاد ياس او نا بكار اولدي.

ايستدي گيده ناگه گوردي وار بير انگشتر
شاد اولوب سرور ايتدي گورجك اول ستم پرور
شرم ائتميوب قويدي قانلو بارماقا خنجر
قطع ايدوب دل عالم ياندي داغدار اولدي.

چخدي خيمه دن ناگه گوردي زينب عليا
کربلاده محشردور وقت ظهر عاشورا
نخل نيزده تکبير دمبدم دير مولا
گلدي ناله و داده زار و دلفگار اولدي.

قاچديلار بيابانه بانوان دل خسته
بير پاراسينون دوتمش دامنی اوت آهسته
قاچا بيلميوب اطفال يخلوب يوزی اوسته
ياندی هر اثاثيله خيمه تار و مار اولدی.

گوردي زينب محزون قالميوب داخي چاره
يا علي ديوب لابد گيردي شعله ناره
چولقاشوب نه گورديلر بير عليل بيماره
سورونور اياقلاري خيمه دن كنار اولدي.

دوندرن يوخ آرخاسی اوسته غيرت اللهی
اول بقای بااللهی اول فنای فی االلهی
تا بقية اللهون اودلاناندا خرگاهی
اهل بيت اطهاره حکم الفرار اولدی.

اوز اوزينه هركيمدن وزن ايدنده گلدي كم
بيلدي بو قدر" بيضا "بير عدويمش عالم
قيلدي نوحه نوح آسااولدي رفع هم و غم
میندي كشتي نوحه اهل رستگار اولدي..

• دوشنبه
• 1
• شهریور
• 1400
• ساعت
• 12:48
• نوشته شده توسط
• یوسف اکبری

کربلایه گلدی چون پیغمبر عاشورا گونی.
گوردی برپادور او چولده محشر عاشورا گونی

گوردی بیر یاندان گلور هل ناصر و ینصر سسی
عرشه چخمش بیر طرف هل من مبارز نعره‌سی
بیرطر‌فده ئولدورللر بیر غریب و بی‌کسی
جمع اولوب یوزمیند‌ن آرتوق لشگر عاشورا گونی

نیزیه تکیه قیلوب بیر شاه بوینوندا کفن
یوز دوتوب درگاه حقّه کای خدای ذولمنن
بو حسین بو کربلا بو شمر بو نازک بد‌ن
بو خد‌نگ و نیزه و بو خنجر عاشورا گونی

اول بدن کی بسلمیش‌دی جان ایچینده مصطفی
گوردی دوشموش پاره پاره قان ایچینده مصطفی
آشدی باشین آغلادی میدان ایچینده مصطفی
نالیه گلدی تماماً گویلر عاشورا گونی

کاش کی ویران اولیدی بو سپهر بد ثبات
آغلیاندا نعش دورینده سوسوزلیق ‌دان بنات
آخدی اشگ دیده‌ی زینب کیمی آب فرات
لبلرین اَمدی عطشد‌ن اصغر عاشورا گونی

مست ائدوب پیر مغان یتمیش ایکی مستانه‌نی
مجلس ذرّاتیده نوش ائتدیلر پیمانه‌نی
کربلاده گوردیلر چون طلعت جانانه‌نی
دوشدیلر مدهوش و بی‌خود یک‌سر عاشورا گونی

شاد ابوسفیان اولوب قالدی پیمبر رنجیده
اوینادی بخت یزید بی‌حیا شش پنجیده
ماته دوشدی شه پیاده عرصه‌ی شطر‌نجیده
فیلیدن سالدی وزیری اشقر عاشورا گونی

قیلدی جلوه لمعه‌ی نور خدا مشکاتیده
اوینادی رندان کهنه تخته‌ی ذرّاتیده
طاس زرّین ولایت قالدی چرخ ماتیده
پنج و شش‌د‌ن خالی اولدی ششد‌ر عاشورا گونی

فارغ اولدی شمر لامذهب چو کار شاهید‌ن
الده خنجر خیمه‌گاهه گلدی قتلگاهید‌ن
نه پیمبرد‌ن حیا ائتدی نه خوف اللهیدن
هر نه بیلدی ایلدی اول کافر عاشورا گونی

وئردی فرمان ابن سعد بی‌مروت لشگره
وردیلار اوت خیمه‌گاه عترت پیغمبره
جمع اولوب یک‌ سر زنان کوفه زیب و زیو‌ره
قالدی زهرا قزلاری بی‌معجر عاشورا گونی

یا علی قالدی حسین تک نینوایه گلمدون
چون چاغیردی گل بابا، ئولدوم هرایه گلمدون
خیبره گئتدون ند‌ن بس کربلایه گلمدون
یا علی صوتیله دولدی چوللر عاشورا گونی

ای خلیله آتش نمرودی گلزار ائیلین
وادی ایمنده موسائیله گفتار ائیلین
یوسفی سلطان مصر و "شمسی" عطّار ائیلین
گلمدون قالدی حسین بی‌یاو‌ر عاشورا گونی

• دوشنبه
• 1
• شهریور
• 1400
• ساعت
• 13:17
• نوشته شده توسط
• یوسف اکبری