اشعار ترکی امام حسین (ع)

گیدوب گون مغربه یوم بلادن
اوجالدی ناله دشت نینوادن
فلک لردن مَلک لردن سمادن
قلمدن لوحدن عرش خدادن
مه و خورشید و انجم دن فضادن
دوشوب آفاقه وحشت بو صدادن

حسینیم نور عینیم نور عینیم
امام مشرقینیم مغربینیم

گروه انبیا و اتقیادن
تمام اولیا و اوصیادن
خواتین حریم کبریادن
پریدن انس و جن و ماسوادن
چیخوب نی تک نوا یردن هوادن
خصوصا قتلگاه کربلادن

حسینیم نور عینیم نور عینیم
امام مشرقینیم مغربینیم

دوه لر صیحه سی آت شیحه سیندن
فراتون جنبشیندن نعره سیندن
نیستانون سیزیلتی نعره سیندن
گئجه نون عالمی آهو سسیندن
حسینون غارت اولموش خیمه سیندن
دولوب صحرا سکینه ناله سیندن

حسینیم نور عینیم نور عینیم
امام مشرقینیم مغربینیم

گئجه اون بیر گئجیدی ماه تابان
گونوز طوفان گئجه شام غریبان
داغیلمیش حربگاهه تیر و پیکان
پاریلدار اسلحه باخدوقجا میدان
چیخوب بیر قیز یاری یانمیش چادردان
قویوب یوز قتلگاهه دیده گریان

حسینیم نور عینیم نور عینیم
امام مشرقینیم مغربینیم

کیچردی هی جنازه دوره سیندن
اوخ اوستن یا کی خنجر پاره سیندن
ایدر انسان هراس ئوز کولگه سیندن
گلوب بیر سس بیابان گوشه سیندن
قیزیم گل سینمه ئوپ یاره سیندن
منه آغلا دئ زهرا نوحه سیندن

حسینیم نور عینیم نور عینیم
امام مشرقینیم مغربینیم

ایکی بازوسی اول شاهون اوجالدی
یتیمه دخترینون گوگلون آلدی
یارالی قوللارین بوینونا سالدی
دیدی سنسیز بابا باغریم قرالدی
سنی گوردوم بیر آز دردیم آزالدی
بابا ئولسون سکینه بو نه حالدی

حسینیم نور عینیم نور عینیم
امام مشرقینیم مغربینیم

موثر بیر مصیبت یاده گلدی
همان شب چوخلار اول اثناده گلدی
گیدوب بجدل پیمبر داده گلدی
دیوللر ساربان اثناده گلدی
زمین قتلگه فریاده گلدی
اوغول دیدارینه زهراده گلدی

حسینیم نور عینیم نور عینیم
امام مشرقینیم مغرببنیم

• چهارشنبه
• 3
• شهریور
• 1400
• ساعت
• 20:14
• نوشته شده توسط
• یوسف اکبری

نقدر ساقی غم، ساغر شراب دوتار
او قدر دردیله الفت، بو دل خراب دوتار

آلوبدی قلبیمین اوستین، قرا بولود کیمی غم
بهارده چمن اوستین نجه سحاب دوتار

من ایستورم غمیله الفت ایتمیوم، اما
منیله الفت او، چون باوفا صحاب دوتار

محبت اهلنه درد و غمین، محبتی وار
بولوب که راحت آتار، اهل دل عذاب دوتار

حسینه باخ نجه گوزدن هامی جهانی آتار
رضای یاری مقدم، او مستطاب دوتار

حرملرینی اوتوزمین جماعت ایچره توکور
گیدور ئولوم یولونا، مرکبین شتاب دوتار

بونون وداعنه عصرین امامی چوخ آغلار
اگر چه یاسنی هر یرده شیخ و شاب دوتار

نجه وداعیدی؟ نه آیرلیق؟ نه هنگامه؟
یازیلسا شرحی، هامی عالمی کتاب دوتار

سوسوز امام گیدور، قزلاری ایله آغلور
سوسوزلوق اولماسا روی زمینی آب دوتار

علاوه آیریلقین وار اوزینده ایله بیر اود
او مشتعل اولا، اود طاق نه قباب دوتار

ابوتراب بویوردی وداع اولان یرده
سرشگ اولماسا، شعله یقین تراب دوتار

حسین ایستوری گیتسون، اوشاقلار ال چکمور
عباسین عاتکه سی، دامنین رباب دوتار

سو یوخدی دولدوروب اشگیله گوز پیاله سینی
سکینه سی عوض شیشه گلاب، دوتار

یولا سالاندا باجی قارداشین مسافرته
بیر الده آئینه، بیر الده جام آب دوتار

ولی بو امره خانم زینبون یولی یوخیدی
بو باره دن دلنی غصه، بی حساب دوتار

یولا دوشنده مسافر آلوب، اوپر قرآن
بو رسم عالمی منظور، اول جناب دوتار

قویار دوداقلارینی فخر ساجدین یوزینه
دوباره تشنه لبی، تبدن التهاب دوتار

باخار بو رسمدی آئینیه دوشنده یولا
مسافریکه اوزاق بیر سفر صواب دوتار

شهید عشقده، مرآت حق نمایه باخار
جمال یاری گورر، قلبین انقلاب دوتار

که یعنی حسرتیله زین العابدین یوزینه
باخار، ایکی یولا توشه او پور و باب دوتار

باجیسی گوردی حسین، چوخ باخور اویان بویانا
گوزینی حسرت اوزیله سرشگ ناب دوتار

دئدی حسین بئله حسرتیله صاق و صولا باخما
بو خسته قلبیم او باخماقدان اضطراب دوتار

سنی بو حالیله یالقوز گورنده، یاشلی گوزوم
مگر شکسته گوگل اوز یرینده تاب دوتار؟

غم ایتمه قالمیوب عباس و اکبر و قاسم
مکدر اولما، سنه زینبون رکاب دوتار

باخوب فراته طرف، چکمه آهی آه اوسته
لوای عشقی بو کلثوم دلکباب دوتار

هوا چوخ ایستی دی، بو سهلدور سوسوزلوق وار
علاوه گون یوزیوی تاب آفتاب دوتار

باشی اوسته چتر کیمی دود آهی آچارام
گونون قباقینی آخر، او احتجاب دوتار

یازاندا (شانی) بو در خوشابی (خوشخوانه)
خجالتندن اوزین لوءلوء خوشاب دوتار

• یکشنبه
• 7
• شهریور
• 1400
• ساعت
• 12:16
• نوشته شده توسط
• یوسف اکبری

ترقّی عالمینده کربلا شاهی قدم ووردی
یزیدین صفحه ی تاریخینه نقش عدم ووردی

یگانه منجی اسلام افکاری ایده تبدیل
قوروب کرب و بلاده بیر مقدّس فکریله تشکیل
او تشکیل آل سفیانین ایدوب کابینه سین تعطیل
اوز استقلالینه شمشیریله خونین قلم ووردی

حقیقت مسلکین تطبیق ایدن راه مجازیله
تاپوب روح تدیّن عزّتین شاه حجازیله
فداکار شریعت دست خطّ امتیازیله
دیریلدوب اوز آدین هر مملکتده بیر علم ووردی

حسین بن علی گوردی نظام دین اولور درهم
تمرّددن یتن زخمه بُلوب لازمدی بیر مرهم
مبادا جدّینون قانونینی اشرار ایده برهم
او گون بیر خیمه ی اجرا شه گردون خِیَم ووردی

امورات سیاستده ویره تشکیلینه رونق
ابوالفضله دیدی وور شهر بند عشقیده بیرق
سلاطینه جراید نشر اولونسون کیم اُلوب ناحق
نه اوستونده اُلوب، کیم حقّه حرف کِیف و کَم ووردی

ایله فکر سیاسی ایشلَدوب سلطان مظلومان
که ذکری مادّه ی تاریخدور تا دور ایدر دوران
فنون جنگی ویرسون هر سیاسی لشکره اعلان
ازل میدان رزم کربلاده بیر قدم ووردی

ویروب فرمان نظامیسی یغشدی باشینه بیر باش
ابوالفضله بویوردی گَل امیر لشکریم قارداش
علم وور قلب لشکرده ضمیریم سرّینی قیل فاش
آچوبدور پرچم نصرت علم اول محتشم ووردی

قیلوب سلطان مظلومان سپاهین جراته ترغیب
صف آرالیقدا ویردی میمنه هم میسره ترتیب
ایکی لشکر آلوب فرمان جنگی رای اولوب تصویب
ازل سعد اوغلی تیریله او فرمانه رقم ووردی

جوانلار نامینه موضوع اولوب قانون حُرّیّت
عمومی بیر وظیفه بُلدی سربازان حیثیّت
هر آزاده جوان باش ویرماقندا قیلدی جدّیّت
ولیکن تیر غم دلدن خواتین حرم ووردی

اولوب بیر جنگ مغلوبه، ویروب بیر فوج عطشان سر
قالانلاردا اُلوب تک تک، قالوب عبّاس نام آور
او صاحب منصبِ اردویِ شاهنشاهِ بی لشکر
گیدوب سردوشه پاقون نشان سرخ دم ووردی

علم یاتدی، علمدار اُلدی، سندی لشکر اسلام
امام اوسته هجوم آور اولوب کفّار بدفرجام
اَلینده ذوالفقارین قبضه سی شاه ملک خُدّام
ایدوب حمله صفوف دشمن دینی به هم ووردی

ووراردی لشکره شمشیر قهرآمیز او بی غم خوار
دیردی دم به دم تکبیر پور حیدر کرّار
یورولدی بس که دعوا ایتدی سبط احمد مختار
یره اوز نیزه سین اول شهریار غم حَشَم ووردی

وجود نازنینی قید کثرتدن تاپوب وحدت
دوروب حق مرکزینده آیه ی توحیده بیر آیت
ضلالت لشکریندن بیر نفر چوخ ایلیوب جرات
شه دین سجده گاهیندن او بیر سنگ ستم ووردی

آخوب قان وجهِ وجهُ اللهی دوتدی، دولدی عینُ ا...
یغوب دامانینی سیلسون او قانی عین حقدن شاه
نمایان اولدی قلب قلب عالم گون کیمی ناگاه
مکانِ لامکانه حرمله بیر تیر اودم ووردی

او اوخ اوچ شعبه لیدی بیر وظیفه ایلدی ایفا
او شاهین سینه ینده آچدی بابِ مجلسِ شورا
همان شورای عالی کشف ایدوب معنای عاشورا
یخلماق رایی تصویب اولدی شه کلک رقم ووردی

منافقلر قیلوب شورا، قتاله تازه رای آلدی
ایدوب خِطّی سِنان اجرای آرا توپراقا سالدی
یارالی جبهه سین قویدی ترابه، ضعفیده قالدی
نه حسّ اولدی او دمده نه دم لا و نعم ووردی

گَلَنده هوشه عرض ایتدی که ای دانای مکتومات
بو حاله شاهد اول، انجام تاپدی جمله مرقومات
نشان ویردیم بو صحراده واریمدور هر نه معلومات
گورن تصدیق مُهری خطّیم اوسته لاجرم ووردی

هامی بیر ذلّته دوزدوم من ای یار وفاداریم
عزیز نَشاَتِین اولسون عزاداریله زوّاریم
یتور سنده اوز عهدون باشه معلوم اولسون اسراریم
بغیشله سینیه هر کیم بو غمده دست غم ووردی

نهانی سرّینی ابراز ایدردی حیّ یکتایه
یتردی ناله سی چرخ چهارمده مسیحایه
او دم وقّاص زاده ویردی فرمان قوم اعدایه
او حاله باخدی باشه زینب مریم شِیَم ووردی

عشایر انقلاب ایتدی قورولدی عکس تشکیلات
گَلوب مُستَنطِقِ رحلت آلا جان اوسته توضیحات
ویروب اعدام حکمی، ایلدی سرنیزه تحقیقات
صمد گویان جدایه باشینی اهل صَنَم ووردی

(حسینی) ساخلا بو یرده سوزون، آغلاتما زهرانی
مگر سن بُلموسن؟ زهرا غمی یاندوردی دنیانی
نه ایسترسَن دی ویرسون، ناامید ایتمز حسین جانی
بیرینون سینه سیندن هاردا ارباب کَرَم ووردی؟

• یکشنبه
• 7
• شهریور
• 1400
• ساعت
• 12:27
• نوشته شده توسط
• یوسف اکبری

چون امرِ حتم ختمه یتوب ئولدی پادشاه
گون قاره پرده سالدی یوزه ، یاندی بارگاه

قان ایچره آفتابِ امامت ایدوب غروب
برجِ حیا نجومی بساطِ عزا قوروب

گون باتدی آی دوتولدی چخوب پرده دن نجوم
یاندوردی هاشمیّه لری شعلهء رُجوم

یاندی یانان ، قالانلار اسیر اولدی دشمنه
گلدی مخدّراتِ حرم داد و شیونه

سجّاد عمامه الده دیوب وامصیبتا
زینب الینده زلفی دئدی وافضیحتا

یاندی خیَم سویولدی حرم گیتدی عزّ و جاه
بیر کیمسه فاطمیّه لره اولمادی پناه

آلِ عبا قالوب نه گونه وا محمّدا
باشه سالوبلا هر بیری بیر مندرس عبا

فکر ایتمیَن او حالی محال امردور بوله
بیر بیر چادردان عورت اوشاخ یوز قویوب چوله

باشدا عبا قاچاندا چوله بانوانِ دین
آت سالدیلار خانملارین آردینجا اهلِ کین
‌
خوردا اوشاخ گورنده آتلی گلور بیدرنگ
خوفه دوشوب قاچاردی ووراردی عبایه چنگ

اهلِ حرم داغلدیلا صحرایه با فغان
پنهان اولوبلار هر بیری بیر یاندا قورخودان

هریاندا گوردی خارِ مغیلان مخدّرات
گزلندی سایه سینده مبادا گوره عِدات

سعد اوغلی باخدی گودی داغلدی چوله حرم
یوز تودی شمره سویلدی اولشوم بد شیم

چاره ندور داغیلدی چوله آل ِبوتراب
هاردان تاپوب یغاق ایلیاخ بستهء طناب؟

فرمان یازوب منه بلوسن کوفه دن امیر
ئولسه حسین ، اهل و عیالین ایدم اسیر

ویردی جواب شمرِ ستمگر او کافره
ایمدی قاچانلاری یغارام جمله بیر یره

سلطاِن دین باشین گتوروب وردی نیزیه
گَتدی تمام انفس و آفاقی لرزیه

گچدی جدایه سِرّ حقّین رأسِ انوری
اوج ایتدی عرشه نالهء الله اکبری

آندوردی اهل بیتینه ایمائیله سوزین
آچدی جدا باشندا ایکی قان دولان گوزین

باخدی صاقا صولا بوئیدی عین ِمطلبی
گورسون بتوله نایبه مظلومه زینبی

یعنی آنام باجی باشوا یغ حرملری
چوللرده قویما قالسون عیالِ پیمبری

شامه کیمی حرملریمون ترکین ایتمرم
سیز گلمه سوز دالمیجا باجی شامه گیتمرم

حیران باخاردی هر طرفه قانلی گوزلری
تکبیر صوتی یغدی بنات ِپیمبری

شرق ِجدادن ایتدی طلوع آفتابِ دین
یوز قویدی نیزیه طرف اطفالِ مه جبین

بدرِ تمام تک باشی تا اولدی جلوه گر
آی دوره سینده هاله وروبلار ستاره لر

بی امن لر امان آپاروبلار امان یره
بیربیر قاچان قایتدی یغشدی همان یره

آلعلی فغانی سماواتی داغلادی
هر کیم گلوب یخلدی جدانی قوجاقلادی

یردن اوجالدی ناله سسی عرش طاقینه
اهلحرم دوشندیله نیزه ایاقینه

توکدی خانملار عارضه گوزیاشی آغلادی
یرده حرم ، جداده حسین باشی آغلادی

اوج ایتدی آل ِحیدرین افلاکه شیونی
زینب خصوصاً آغلادی آغلاتدی دشمنی

عرض ایلدی حسین سنه بو زینبون فدا
قویمولّا بیر دویونجا ایدم ناله و نوا

هر قدر انجیده وورا بو لشگرِ لئام
هیهات من ئولونجه حسین سندن آیریلام

چولدن یغوب بالالاروی بیر بیر آغلارام
گلّم دالونجا شامه کیمی سینه داغلارام

اوز قولینه بو حالده بیر امتحان ویروب
مدّ نظرده بیر به بیر اطفاله سان ویروب

اوّل حرملری ایلیوب بیر به بیر ندا
دوتقون سسیله هر بیری تک تک ویروب صدا

اوندان اوشاقلاری چاقوروب ویردیلر جواب
سس گلمدی ایکی بالادان اولدی دلکباب

فرمایش ایتدی غیظیله بیرحم دشمنه
بو قانلی باش بالالارینی تاپشوروب منه

دیّار قویمارام بو بیاباندا من قالا
بو دشتیده تاپولماسا گر بو ایکی بالا

سعد اوغلی گوردی زینبِ کبرانی خشمناک
بُلدی باش آچسا لشکر شامی ایدر هلاک

ایتدی خطاب لشگره اول شومِ زشت خو
فوراً گیدون ایدون او ایکی طفلی جستجو

وقّاص زاده لشگره تا ایلدی خطاب
تاپماقلیقا ایکی نفر آتلی ایدوب شتاب

آت سالدیلار صاقا صولا چوخ اضطرابیله
آختاردیلار او دشتِ بلانی شتابیله

حیران گزوبله هر طرفه ایتدیلر گذر
اصلا گورونمدی او ایکی طفلدن اثر

بر تلّین اوستنه یتشوبلر همان زمان
مفقود لردن اولدی نمایان او دم نشان

ایلر او حال صخرهء صمّا اولا اثر
گوردی سواره لر ایلین وقتده نظر

گوزدن همان ایکی بالا عالملری آتوب
توپراقلار اوسته هر ایکیسی قول بویون یاتوب

یورقون دوشوب یاتوب او ایکی طفلِ گلعذار
افسرده گل کیمی بوریوب یوزلرین غبار

آتلار دوشونده چوخ یورولوب خسته دل یاتوب
سنبلدی ساچلاری دیه سن توپراقا باتوب

قلب اودلانوب شرارِ عطشدن ز بس یانوب
گوز یاشلاری آخوب سو کیمی توپراق ایسلانوب

نمِ تربتیله سوزِ عطش بلکه اسگیله
مکبوبتاً یاتوبلا اورک چسپ اولوب گله

تا آتلولار اوزاقدان او حاله ایدوب نظار
بو ما وَقَع اولاردان ایدوب سلِب اختیار

دشمن یانوب او حاله ، نجه شیعه یانماسون
آتدان انوبله تا یاتان اطفال اویانماسون

سویلوبله بیربیرینه یاتوبلار اویاتمیاخ
آهسته پاپیاده گیداخ سس اوجاتمیاخ

آت شیهه سی ایشتسه اویانسا بو ایکی زار
قورخالا آتلی گورسَله ایلّله آه و زار

آهسته گلدی اول ایکی آتلی همان یره
شرح ایلرم اگر منه اشگیم امان ویره

دلدن اورک گوزی اولارین حالینه باخور
احوالیمی پوزور یوزیمه گوزیاشیم آخور

گوردی او آتلولار دله یوز ویردی اوزگه سوز
توپراقلار اوسته هر ایکیسی جان ویروب سوسوز

هر آتلی گوتدی سالدی آت اوسته بیرین او دم
فی الفور گتدیلر اولاری تا گوره حرم

بنیان ِصبرِ زینبی غم وردی بیربیره
نیزه یانندا گتدیله تا قویدولار یره

اهلحرم گوروبله ئولوب بو ایکی بالا
باشه وروبلا باشلادیلار تازدن نوا

من بولمورم نحاله قالوبلار خدا بولر
بو ذلّتیله هانسی یتیمه بالا ئولر

زلفین یولوب او حاله باخوب عترتِ امام
اولغملی حاله دشمن و دوست آغلادی تمام

بو محنتی زبانِ قلم ایلمور ادا
دوندر (حسینی) مطلبی باز اوزگه ماجرا

• یکشنبه
• 7
• شهریور
• 1400
• ساعت
• 16:21
• نوشته شده توسط
• یوسف اکبری

شورش که سالار عالمه شوریده سر عاشق
معشوق پرست ایستر اولا هر بشر عاشق

مالک اولا هر مامَلَکِ عالمِ عشقه
عالمده هامی مامَلَکندن گیچر عاشق

ترکِ وطن ایلر گوتورَر اهل و عیالین
خائِف یَتَرَقَّب گیجه باشلار سفر عاشق

بیر مرغِ قطا تک بالالار زیرِ پرینده
صیّادین اَلیندن وورار آهسته پر عاشق

یوز کعبۀ مقصوده طرف کعبیه مُحرِم
یولّاردا دِیَر غملره لبّیک لر عاشق

تا مأمنِ عالم ایدر اول مأمنی مسکن
احساس ایدر اوز عشقینه خوف و خطر عاشق

هولیله گینه دالدالانار حولِ حرمده
وقفه یتوشر فرصتی ویرمز هَدَر عاشق

باشلار قوتارار عُمره طوافیله نمازین
سعیِنده گورَر دوره ده بیر شور و شَر عاشق

ناچار قویار حَجّنون اعمالینی ناقص
تکمیلین ایدر عشقیله مدِّ نظر عاشق

تقصیرین ایدرکوفه دیارینده همان گون
اَل نایبِ خاصّندان او یردن اوزَر عاشق

تقصیرده معلوم اولونار سیرتِ حجّی
تحلیقه گوراخ نیلیه نیکو سِیَر عاشق

باغلار حرمِ کعبه دن احرامِ محبّت
اوز حجّنه لایق عرفاته کوچَر عاشق

عشقیله گیجه گوندوز ایدر طیِّ منازل
چوخ آز او اوزاق یولّاری منزل کَسَر عاشق

همره لَرینی یولدا چه مُسلِم چه نصارا
بیراهه گیدنلر آراسندان سِچَر عاشق

ذیحجْ قوتارار شهرِ مَحَرَّم ایکیسنده
مقصودی اولان مقصدِ عشقه یِتَر عاشق

مجبور اولی صحرایِ بلایاده وقوفه
رسمِ عرفاتیله او چولده دوشر عاشق

قرآن اوخویانلاردان آلار بیر گیجه مهلت
قرآنه اوزی باشدان اَیاقه سُوَر عاشق

تقصیر قیلار باختری خسروِ خاور
اُردوی همایونه اولار رَه سِپَر عاشق

مغربده جماعتله قیلار شام نمازین
ایلر شبِ عاشورینی مَشعر خبر عاشق

بیر شورشِ محشر قوپار اوندا بو خبردن
محشر چولینه مشعرینی دوندَرَر عاشق

خالی ایدر اغیاردن اَحبابِ حریمین
نامحرمی جانان حرمینده نئدر عاشق

ایستر که قالانلار هامی بی غلّ و غشْ اولسون
غربالِ ثِباتِ قدمیله اَلَر عاشق

بیر جمع قدیم عهدینه پابسته قالاندان
پیمانِ اَلَستی او گیجه تازه لر عاشق

بیر مجمعِ پروانه قورالّار دلِ شبده
شمعِ رُخِ زیباسین ایدر شعله ور عاشق

قرآن و مناجات ونماز اوسته دعادن
آخر گیجه سین عاقبت ایلَر سحر عاشق

صبحین دمی ایلر گیجه نی چاک گریبان
چاک ایتماقا هر سینه نی باغلار کمر عاشق

قرمز شفق آفاق سپهره سَپولَنده
قانلار سَپولر گوگلره حتمی بولَر عاشق

خورشید شفقدن که وورار باش دِیه سن بس
اوز قتلگهندن چوله ایلر نظر عاشق

تعجیلیله عشق اهلنه مخصوصِ منایه
قربان گَتورَر قوچ قوزی یتمش نفر عاشق

تأخیره سالار قسمتِ رمیِ جمراتین
جایز بولَر اجراسینی طرزِ دگر عاشق

ساخلار صورا دشمنلر آتار اوستونه داشلار
رَمیِ بو طریقیله بولَر معتبر عاشق

اِعزایله یوزمین نفر اَشرارین اَلیله
ظهره کیمی قربانلاری بیر بیر کَسَر عاشق

قربانلارینون بعضینه بازارِ وفاده
جانیم سنه قربان اولا قیمت ویرَر عاشق

هر فِدیه سینین باشین آلار قانلی دیز اوسته
مخصوص عنایتله ایدر مفتخر عاشق

لطفیله قویار یوز یوزه هر قانلی یوزیله
قویماز قالا بیر دلده غبار و کَدَر عاشق

لب تشنه گورَر سو یرینه گوستری گوزده
اشکِ تر و خونابِ دلِ پر شَرَر عاشق

بی آب و علف وادیِ سوزانه سو اوسته
زمزم کیمی جاری ایدر اشکِ بصر عاشق

قربانلیقین آئینیجه آئینه یرینده
آئینۀ رُخسارین ایدر جلوه گر عاشق

جان اوسته او آئینیه هر کیم باخا سویلَر
جانانه قسم جوهرِ جانه دَگَر عاشق

نمرودِ زمان حقّه آتان وقتده پیکان
ماهی یرینه اَلده دوتار سوداَمَر عاشق

آق اونّوگی آق سینه ده آی پارچاسی طفلین
حلقندن آخان قانیله قرمز سُوَر عاشق

گورسه بو قان ایستَر یره قان یاغدورا گویدن
اوندا گویه یردن بیر اووچ قان سَپَر عاشق

گلزارینه سولموش سارالان غنچه سین آخر
قرمز گُل آچان غنچه کیمی قِیتَرَر عاشق

قربانلارینون ذبحنی باشه یتورنده
تحلیق ایلماق فکرینه فوراً دوشر عاشق

امّا نجه تحلیق که مثلین گورَن اولماز
عالمده ولو عالم اولا سر بسر عاشق

باش پارچالانار یاره لَنر پیکر آخار قان
قاندان دیه سن قرمزی مخمل گِیَر عاشق

اثباتینه حقّیّتنون گوستری باشدا
ناحقلره بیر معجزِ شقّ القمر عاشق

هر یاره گوزل بیر گُل آچار سینه سی اوسته
بیر گلشن او گُل یاره لریندن بَزَر عاشق

هر برگِ گُل اوستونده گونوز شبنمِ شب تک
قان قطره لرین قطره به قطره دوزَر عاشق

بی خار گُل اولماز اودی هر گُل یاراسندا
بیر خارِ خدنگِ ستم اگلَندیرَر عاشق

هر خارِ جفا غارت ایدن بیر گُله خاطر
مین لر گُلِ گلزارِ محبّت دَرَر عاشق

اوز نفسنه اجرایِ قضا و قَدَر اوسته
بیرآز دایانار اهلِ قضا و قَدَر عاشق

بیر سنگِ فلاخن قان ایدر تر قطرانین
گر توزلی جبین اوسته دوزه قانلی تر عاشق

سرگرم اولی دامانیله آنّین سیله باخماز
خلوتگهِ یاره آچار اَغیاره در عاشق

بیر پیکِ صفیریله بولَر طپشِ دلندن
غمخانۀ دل دربینه حلقه دوگَر عاشق

اوچ شعبه لی پیکانی بولر پیک محبت
معشوق یرینده اونا یِر گوستَرَر عاشق

هیچ بیر دیلیله هیچ کَسه هیچ یرده دیولمَز
دردِ دلینی نوکِ خدنگه دِیَر عاشق

داغِ ثمرِ دل گورَر آشفته دلنده
گورمَزدیله دلبسته لیقیندا ثمر عاشق

اول نقشه سینی لوحِ وجودینده صفادن
اوچ شعبه لی پیکانِ جفادن سیلَر عاشق

قلبیندن ایکی عالمه بیر روزَن آچلسون
تیرِ سه پری حیطۀ دلدن چَکَر عاشق

داغِ دلی یاره دیماقا لاله نه لازم
دلداره خدنگ اوسته دلین گوندَرَر عاشق

بیر شاهدِ غیبی که اونی گوز گوره بولمَز
قانلی گوزیله روزنِ دلدن گورَر عاشق

اوّل نظرینده رُخِ جانانی گورنده
مین منّتیله اُلماقا منّت چَکَر عاشق

تا واقف اولار عالمِ اسرارینه عشقین
دلدوز اوخیله لبِ لعلین تیکر عاشق

امّیدِ وصالیله آت اوستن یخولاندا
خاکِ رهِ خلوتگهِ یاری اوپَر عاشق

اوز دوشدوقی یردن حرمه سعی و صفاده
یرده سورونَر یِدّی قدم دیده تر عاشق

تشریفِ شهِ عشقه یارالی بدنینده
ترتیب ویرَر تیریله طاقِ ظفر عاشق

قان چشمه سی تک یاره لرین قانی داشاندا
باشدان باشا اطرافینه داشلار دَرَر عاشق

اوخ نیزه فلج داش که وورار جسمینه اعدا
ایلر اولارا جسمِ لطیفین سپر عاشق

جان تشنه ویرَر نهرِ فراتین سویون ایچمز
اوز نحرینی منحور گورَر قان ایچر عاشق

عالملری بیر پیرهنه گر ساتا معشوق
اَگننده کی پیراهنی ویرمز مگر عاشق؟

بذل ایلر اوز انگشتر و انگشتنی باهم
تا غایتِ جودیله اولا مُشتَهَر عاشق

بیر سلسله گر سلسله بند ایستِیه معشوق
هشتاده یاخون قیز گَلین عورت توکَر عاشق

حقّ اوسته قانی ناحق آخار قانی آلنماز
قبرینده یاتار مُنتَظِرِ مُنتَظَر عاشق

اُلمَز ولو اُلدورسه له باش نیزیه گیتسه
بیگانۀ عشقین نظرینده اُلَر عاشق

ایستر گوره بیگانه مماتنده حیاتین
اعجازه وورار چنگِ ثبوت و سَمَر عاشق

تکبیر دِیَر گاه کسوک باشی جِداده
باشسیزلارا شاماته اولار راهبر عاشق

گه کُنجِ تنور ایچره یاتار بالشی کولّلر
عاشقلرینون باشینه کولّلر اَلَر عاشق

بیر دِیر هواسیله چخان بیتِ خدادن
قانلی باشیله دیره گیدر باش چَکَر عاشق

راهب دولانار مؤمن اولار دیرده، مسجد
بتخانه اولار کعبه گر ایتسه گُذر عاشق

گه سیره چخار گون کیمی شام ایچره جِداده
هر رهگذری کوچه بکوچه گَزَر عاشق

گه دعویِ اسلام ایلیَن ملّتِ کفره
قرآنِ مجید آیه سی تفسیر ایدر عاشق

سرمست ایده روم ایلچسنی بادۀ عشقی
شاماتده بیر بزمِ شرابه گیدر عاشق

منزل ویرَر اولادینه بیر کُنجِ خرابه
اوز خوابگ

• یکشنبه
• 7
• شهریور
• 1400
• ساعت
• 23:51
• نوشته شده توسط
• یوسف اکبری

زینب حسینه دشمن ایوینده دوتوب عزا
رسوا ایدوب یزیدی چکوب قصرینه قرا

آگاه اولوبدی مطلبه شامون خانملاری
قاره گیوب عزایه گلور دلده آه و وا

غوغادی شامون اهلی دیور بیربیره گلون
نادم اولوب یزید ستمکار و بیحیا

قصرینده یر ویروبدی خرابه نشین لره
ایستر ایده اسیرلری قیدن رها

طعن و شماتت ایلین عورتلر آغلوری
دیوانه تک گلور هامی باشه ویرا ویرا

هنده گیوبدی اگنینه قاره، کنیز تک
سویلور گوروم یزید ایکی دنیاده خار اولا

زهرا یانندا خار و خجل ایلیوب منی
زهرا ایوین یخوبدی او مرتدّ و بیحیا

یاسه گلن خانملارا مین حرمت ایلیور
آغلور دیور ایویم یخلوبدور او باوفا

هر دم آتاسی قارداشی اوغلی اُلنلره
عرض ایلور حق اوزی سیزه صبر ایلسون عطا

شرمندیم سیزی بیله پوزقون گورنمیرم
عفو ایلیون کنیزیزی عفو ایلسون خدا

مجلس سکوت محض هامی خاموش و ناگران
آغلار گوزیله گلدی دله دخت مرتضی

الله ذوالجلالین آدین ذکر ایدوب ازل
بسم اللهیله یعنی سوزون ایتدی ابتدا

باخدی تأسفیله عزایه گلنلره
ایتدی خطاب نایبهء خیرة النّسا

اوّل گرگ سیزه اوزومی من تاندّیرام
آگاه ایدم، بیزه گوره فکروز گیدوب خطا

بیز آل عصمتوخ کی دیدوز خارجی بیزه
هر ناروا مصایبی گوردوز بیزه روا

بو شامیده سیزه نچه گون کی قوناقئدوخ
ایتدوز قوناقه حرمت بیحدّ و انتها

ویرانه ده واریدی بیزیم بیر مریضه میز
نه بیر طبیب تاپودوق او زاره نه بیر دوا

غربت مکاندا ایللریمه چاتمادی اَلیم
توپراقلار اوسته اُلدی او رنجور و بینوا

دنیا گوزی بو محنتی تا حال گورمیوب
بیر قیز اُله، مزارون اونون عمه سی قازا

دردلر دانشدورور ایدورم بیر گلایه لر
سوزلر محالدور ولی سیزده اثر قویا

حق سوزلری ایشتماقا سیزده زمینه یوخ
حقّی گرگ دیاخ اولا بیزدن خدا رضا

حق اوسته قارداشم ایلیوب قانلی بیر قیام
کون و مکان او نهضته سویلولّه مرحبا

باش اگمدی یزیده حسین کسدیلر باشین
کرب و بلا چولونده سوسوز لشگر جفا

بو قانلی کوینگه باخا هر کیمسنه بُلر
قارداشما نقدر ویروب قوم کین یارا

سدّ ایتدیلر فراتی بیزه اوچ گجه گونوز
یاندی شرارهء عطشه آل مصطفا

بیرمشگ سو بهاسینه بیر جفت قول ویروب
سقای دشت عشق ابوالفضل مه لقا

ظاهرده اُلدی یاور و یاری حسینمون
باطنده فاتح اولدی شهیدان کربلا

گور بیر یزیدی خار و زبون ایلدوخ نجه
مالي و لِلحسین دیور اول ناکس و دغا

خلق ایچره مفتضحدی یزید ستم شعار
خلق جهان حسینی بُلور لیک مقتدا

غارت اساسین آغلیوب اللردن آلموشام
بیز اهل بیتیده قالا میراث انبیا

ایمدی سوزوم بودور کی گیدون خانمانوزا
مهمان گلنده اللروزه یاخمیون حنا

اکرام ایدون قوناقه سفارش ایدوب نقدر
ای اهل شام سیزلره پیغمبر خدا

شرمنده سوز، قیامته تک آغلیون یانون
قورخون او وقتدن کی قیامت اولا بپا_

قارداشمون بیرالده آنام قانلی کوینگین
حشره بیر اَلده ده گتوره قانلی بیر لوا

شاهدسن عرض ایده؛ اوزون ای خالق جلیل
اوغلوم حسینی تشنه لب اُلدوردی اشقیا

نقل ایلیوبله بزمه گلوب خواهر یزید
یاندوردی قلب زینبی اول شوم و بیحیا

سویلوب مگر نه واقع اولوب دخت فاطمه
نالنله شامی ایلموسن تعزیت سرا

چوخ جنگلرده جدون آتان فاتح اولدولار
ایتدوخ هاچان بو نوعیله بیز ناله و بکا

آل امیّه اُلدوله بدر و حنینیده
قارداشیم ایستدی اولارا انتقام آلا

یاندیردی قلب زینبی چون دخت معاویه
آل امیّیه دیدی نفرین و لعن اولا

بیر قانلی قونداق آلدی اَله زینب حزین
جنگ ایلیوردی سویلدی بو سودامر بالا؟!

چشم جهان بو درد غم افزانی گورمیوب
بیر سودامر نشان اولا اوچ شعبه لی اوخا

کسدیز باشین بوسود امرین ظلم و جوریله
ویردوز اونی جدایه آناسی باخا باخا

دنیانین اهلینه ایدر اثبات کیمدی حق
بو بی گناه حالینه قان آغلوری سما

حاصل خانم دانشدی اویاتدی یاتانلاری
بیگانه یاندی اولدی او بزم ایچره آشنا

لعنت بنی امیّیه سسلردی بانوان
سویلردیلر حسینه سلام و درود اولا

فرصت آز اولدی قالدی اورکده سوزون چوخی
لطف ایلیون (پرنده) سوزون باقیسون یازا

• چهارشنبه
• 10
• شهریور
• 1400
• ساعت
• 15:08
• نوشته شده توسط
• یوسف اکبری

اِیلینده قَتلگهده شاهِ دین راز و نیاز
بارگاهِ قُدسدّن سَس گلدی گویا اِیتمه ناز
باخما آغلور زِینبِ کُبری حَبیبی یاحسین
گَل یولون گوزلور آنان زَهرا حَبیبی یاحسین

وِیرماقا جانان یُولوندا جان، نَدور بو کَش مَکش
چوخ حَرارحت وار هَواده جِلدون اِیلوب مُنکمش
یوم گوزون، باخما فراته، اِیتمه تکرار اَلعطَش
قوی سُوسوز قانون توکه اَعدا حَبیبی یاحسین

سَن دِیَنده اَلعطش اِی فَخرِ اولادِ خَلیل
مُوج اِیدور دَریا کیمی جَنّتده نَهرِ سَلسَبیل
باش آچوب ساقّی کوثر، ناله اِیلور جَبرَئیل
جَدّون اِیلور بَزمِ غَم بَرپا حَبیبی یاحسین

بُولدولر قانون اگر چه بی بَها اَهلِ جَفا
اِیتمه غَم امّا، اُوزوم اُولّام سَنه مَن خُونبها
دَرگهِ قُدسونده عَبدِ رِقّ اُولالّار ماسوا
اِی قتیلِ شِمرِ بی پَروا حَبیبی یاحسین

فَرش اِیدوبلر یولّارا گیسولَرین حوریّه لَر
اِنتظارِ مَقدم ندور قُدسیان با چشمِ تَر
باخما اِیلور داد و ناله زِینبِ شُوریده سَر
باش آچوب فَریاد اِیدر لیلا حَبیبی یاحسین

تَشنه سن کوثر سَنون، بو جَنّت المَأوی سَنون
عالَمِ اَعلا سَنون، دنیا و مافیها سَنون
دستگاهِ خِلقَتیم یِکسر، اوزوم حتّی سنون
ماسوا حُکمونده دور یِکجا حَبیبی یاحسین

پَرچَمون باخما یاتوب، لَشگر سینوب، یوخدور مُعین
دُوغرانوب اکبر، سالوب اَعدا اَبُوالفَضلین الین
وُور شَفاعَت بِیرقین مَحشرده مَقطوع الوَتین
حُکموی کیم ردّ اِیدر آیا حَبیبی یاحسین

تَک قالوبسان جَمع اولوب بی حَد جماعت باشیوه
اُون اِیکی یردن دَگوب کاری جَراحت باشیوه
سوگُلوم زیبنده دور تاجِ شَفاعت باشیوه
سن اوزون سَن شافعِ عُقبی حَبیبی یاحسین

سن کیمی هیچ عاشقین آبِ وضوسی قان دَگُول
گون قَباقینده یارالی پِیکری شان شان دَگُول
سَجده گاهی داش یری، مَسجَد دولی پیکان دَگُول
یاخشی اِیتدون عَهدیوه ایفا حَبیبی یاحسین

کیم سنون تک سُو یِرینه لَخته لَخته قان ایچوب؟
قامتِ رَعناسینه اوز اُوغلوون خَلعت بیچوب
شیرخواره اَصغر و عَبّاس و اَکبردن گیچوب
دینِ اسلامی اِیدوب اِحیا حَبیبی یاحسین

باخما تیغ و خَنجر اَلده اُوستوه لَشگر گلور
بیر طَرفدن اوخ گلور، بیر سَمتدن خَنجر گلور
باشون اوسته زینبِ مَظلومه بی یاور گلور
دیده گریان دلده واویلا حَبیبی یاحسین

سوزِ آهُون یاندیرور عَرشِ بَرین اَهلین یاخُور
چِشمه چِشمه بو یارالی پِیکروندن قان آخور
عَرشدن جدّون، آتان حِیدر، آنان زَهرا باخُور
آغلور اَهلِ عالَمِ بالا حَبیبی یاحسین

اِیلمه خَنجر دَمینده بیر بِیله جُوش و خُروش
ساکنانِ عرشِ اَعلادن آپاردُون صَبر و هُوش
آز قالور گوز یاشون اِیتسون نارِ نِیرانی خَموش
قاتلونده یانماسین اَصلا حَبیبی یاحسین

بو بُوغازون دان آخان قانه حَبیبیم اِیتمه غَم
اَهلِ دُوزَخدن جَزاده اُولقدر عَفو اِیلرم
تا اُوزون راضی اُولارسان اِی اِمامِ مُحتشم
شأنِ پنهانون اُولار پِیدا حَبیبی یاحسین

اِی عزیزِ فاطمه اِی جدّهء (سعدی زَمان)
اَیسته اُولعَرش آستان دَرباره گَلسون میهمان
بو حسینی لر، (حسینی) بیرده (اشرف) نوحه خوان
سَسلسونلر قَبرون اُوسته یا حَبیبی یاحسین

• پنج شنبه
• 11
• شهریور
• 1400
• ساعت
• 13:26
• نوشته شده توسط
• یوسف اکبری

گینه قراریمی بیر جلوهٔ نگار آپارور
نگار جلوه سی معلوم دور، قرار آپارور

گیوبدی قرمزی قاندان گوزوم ایوینده گزر
توان و تابیمی هر لِیل و هر نَهار آپارور

او سَرو قَدّینه باخدوقجه گوز یاشیم توکولور
نَقدر، لذّتِ سرو اولسا جویبار آپارور

دوشوب بهار یوزی، سرّی وار طراوتدن
نَسیمِ جورِ خَزان نِکهتِ بهار آپارور

ویروبلا جسمينه از بَس اوخی اوخ اُستندن
او گلستانه گلن، گُلدن اوتری خار آپارور

چوخ آغلا، زینبه، چوخ یان حسینِ تَشنه لَبه
فَدا او گوز یاشوا قَلبدن غُبار آپارور

حسین غَمینده توکن گوز یاشین، بو عالمده
اَلنده حَشرگهه دُرّ شاهوار آپارور

قتیلُ العَبره دیوب، اُمّته فدا اُولدی
او دور که گوز یاشینی دُرّ تَک نَثار آپارور

دوتولسا قَلبون اگر قَلبِ زِینبه بَنزَر
سَنی عَزا دوتولان بَزمه، قلبِ تار آپارور

بَهار اولاندا، چَمنزارِ عِشقه فاطمه نی
بولود کیمی دوتولان چشمِ اَشکبار آپارور

اَلى قابور قالاريندا، شِکسته قَلبی كیمی
حسین ماتمنه زُلفِ تابدار آپارور

گلور عَزایه ولی، آستانه ده اُوتورور
گیدنده گوز یاشی مَجلسده هَر نَه وار آپارور

دییر حسینمون آخر وِداعنی اُوخیون
او مُحنتی دِلِ عالمدن اِختیار آپارور

دوشنده یاده حسینون هَمان مُقدّمه سی
وجود مَملکتین اَشگ، سِیل وار آپارور

گوزوم اِیوینده مُهیّا اُولوب اِمامِ حسین
گیدر جِداله طَرف اَلده ذُوالفقار آپارور

دوروبدی خیمه قاپوسیندا بوینی چکننده
شهادت اَمرینه وار ذُوقی اِنتظار آپارور

ایچوبدی بادهء وصَلت، وِصالِ یار ایستر
حسینی، ساقی وحَدت، اِیدوب خُمار آپارور

شتابی واردی گیده، گیدمگه یوزی یوخدور
بلی اوغول ئولومی دیزدَن اِختیار آپارور

اَلی اُورکده گیدر یَعنی نُوجوانیم ئولوب
نِگار مَحفلنه قلبِ داغدار آپارور

جَنابِ زِینبه گزلین وصیّتی واردور
سَبب او دور که اونی خیمه دَن کنار آپارور

دیر باجی گیديرم، باش ويرم جِدا باشنا
اَسیر اِیدر سنیده شِمر، بی خِمار آپارور

قَضا کیمی شَه دینی اَجل دولاندوردی
قَدَر ئولوم آتینا اِیلیوب سَوار آپارور

بیله گمان اِیلمه اُولمادی رِکاب وِيرن
یانینجا روحُ الأمينی رِکابدار آپارور

دئدی سَكينه گَلوم مَنده، سُویلدی گلمه
باشیم جِداده گیدنده سَنيده یار آپارور

خَرابه دَه سَنیله بیرده قول بویون اولّام
مَنی خَرابیه زلفونده کی او تار، آپارور

نه اِنقلاب نه آشوب دور دوشوب شامه
دیلّه شامه حسین کاروانی بار، آپارور

نه کارواندی که لَنگ اِیلمز، مَتاعی نَدور؟
گمان قَضيّه زِینبدی، نوری، نار، آپارور

که یعنی عِصمتِ کُبرانی قولّاری باغلی
یَزید مَجلسنه شمرِ بَدشعار آپارور

وليّة الهی، بی نَنگ لر، اَسیر اِیدر
بو نوع گردشه اَفسوس، روزگار آپارور

حَیا تری بوریوب زِینبي او دور دینمز
حِجابِ عالَم وَحدتدی نَنگ عار آپارور

یاواشدان آغلوری بیر کیمسه بُلمسون کیمدور
بو گریه، گریهء زِینبدی چوخ وقار آپارور

که یعنی شاهِ شَهیدان باشین جدایه ووروب
یزید مَجلسینه شِمر، تَحفه وار آپارور

مَقام بُهتدی گوندوز چیخوبدی گون شامه
دیار شامه او دور، رَشک، هر دیار آپارور

سالوب طلوعینی اوّل، عجوزه غُرفه سینه
گناهی یوخدی نَدن بِیله سَنگسار آپارور

توان و تابِ (ثریانی) بو بیوک مُحنت
مَثلده اُولسا اگر، مثلِ کوهسار، آپارور

داخی مُصیبتِ بازار شامه اَل وورماز
قبول اُولسا كفایتدی، اِفتخار آپارور

• پنج شنبه
• 11
• شهریور
• 1400
• ساعت
• 13:53
• نوشته شده توسط
• یوسف اکبری

بیر بلبلم خزان يتشوب گلستانیمه
بیر طایرم فلک وروب اود آشیانیمه

بیر عاشقم که آتشِ عشقیله یانمیشام
معشوق فرقتی سالوب اود اُستخوانیمه

بیر بیدلم که آچمامشام دل شکایته
دل ویرمیشم رضایتله دلستانیمه

نامه عجب مقاله دی اوز شرحِ حاليمه
خامه انیسِ ناله دی باخ هم زبانیمه

من آشنای قاعدهٔ نظم اولمادیم
تا دگدی تیرِ طعنهٔ بیگانه جانیمه

اربابِ فضل عبث دگل عاشقدی نظم یمه
رونق ویروب حسین آدی شرح و بیانیمه

آه اُول زمان که سسلدی ئوز اهلبیتنی
سویلوب گلون قوناق گیدیرم میزبانیمه

شهزاده لر قرارینی آلدی صدای شاه
یان سنده مستمع قولاق آس داستانیمه

بیر قیز دیردی ایتمه بابا عزمِ کار زار
باخ غصه دن سولان بو رُخ ارغوانیمه

بیر قیز دیردی تاپشوروسان بس کیمه منی
گلمزدی عمردن بیله بیر گون گمانیمه

بیر قیز دیردی گل بیزی قیتر مَدینه
يتسون الیم دوباره مکان و مُغانیمه

پوزقوندی حال، فکریمه جولان ویرن مورم
روحُ القُدس گرک سوزی قویسون لسانیمه

شه سویلدی سکینیه ای نازنین قیزیم
سالما بو سوزِ آهویله اود نهانیمه

چوخ بوینومی قوجاقلاما حسرتله آغلاما
قاتما سرشکِ آلوی اشکِ روانیمه

ای خیرة النّساء زمانه نقدر وار
روحیم بدنده سالما شراره روانیمه

مندن صورا نوایه بو عالمده والی سن
خاصّه گلنده شامه گیدن وقته یانیمه

شه شاهزاده دن نجه آیریلدی بولمورم
گِتدی او طرز رشته بو گلدی زبانیمه

چیخدی امام خيمدن یوز قویدی مَقتله
بیر قیز یولونی کسدی بنا شرح مَقتله

عرض ایلدی اماندی بابا گتمه بیر دایان
بو حالیمی بِهشت ده یاده سالاندا یان

اَن ذوالجناح دن داخی آراممی آز آل
اگلشن یرده منی دیزون اوسته دوباره آل

اولما رضا غمونده گوزوم اشکیله دولا
نازیله بیر او قولّارون آچ بوینوما دولا

مُطلق عَلاقمند اُولی بُلبل گُولن گُله
بیرده گُولر گُولوم مَنی دیندیر گُله گُله

بو سرعت یله اولما قتاله روانه سن
سالما شراره بو دل و جان و روانه سن

گورمورسن اشقیا نجه ایلولّه قیل و قال
گیتسن شهید ایدر سنی گتمه یانیم دا قال

نه قارداشیم قالوب نه عموم وار نه بیر کسیم
بو حالده علاقمی تندن نجه کسیم

هیچ قیز بلایه دوشمسون عالمده من کیمی
سنسیز بولوم پناه اوزومه بیرده من کیمی

بو آیریلیق زِ بسکه شراره سالور دله
وجهی اودور که جرأتیله گلمشم دله

آیا روادی سن کیمی بیر مهربان آتا
گوزدن جهاندا من تک عزیزه قيزین آتا

بولمم نقدر عشق محبّتنده وار اثر
قلبیم فراق آدین ایشیدوب بید تک اَسر

خارِ فراق برگِ گلِ وصلی گر یارا
عالَم طبيب اولسا ساغال ماز او بیر یارا

بو غنچه لیقدا اولما رضا گُل کیمی سولوم
اولسون کبود سیلی زَجریله صاق صولوم

آیا نجه بو دامنِ وصل وندن اَل اوزوم
بیرده منیم زمانده سنسیز گولر اوزوم

بو وضعیله که ناقهٔ صبریم دوشوب گِله
ایتموم نه نوعی گردش ایامدن گِله

میدانِ دشمنه سنی عازم گورنده تک
نسگل گلور گوزوم دولور اشکیله جام تک

بو نسگل اوسته آغلارام عمروم نقدر وار
صحرا لری دولانّام همیشه جنون وار

شاهی سالولّا عزّت و اجلالیله یولا
سالدی سنی بیبیم یولا زُلفين یولا يولا

قوی منده کوی عشقه ادب پرچمین ساچیم
فرش ایلیوم یول اوسته اولا فرشِ رَه ساچیم

سنسیز اسیر ایدر بیزی بولّم سپاهِ شام
شامون یولون پیاده چکر شامه صبح شام

من سنله باز دید ایدرم قتلگاه آرا
سنده خرابه ده گلوب آختار منی بابا

رسمِ وفانی عالَمِ الفتده گوزلرم
گیت تئز قییت، یولون بو يول اوستنده گوزلرم

هر کیم باخا دیر بو بياناته (شانیا)
روح القدس بو نوعی دوزوب نظمه (شانیا)

سنده حسینه عرض ایله دردون نقدر اولا
صاحب سخا و كان کرم دور دیمز او، لا

• جمعه
• 12
• شهریور
• 1400
• ساعت
• 22:52
• نوشته شده توسط
• یوسف اکبری

بارالها بو نماز آخر نمازیمدور منیم
بو بوغازیم دان آخان قان دستمازیم دور منیم

چونکه ایتموش دوم سنیله عهد من روز ازل
من ویرم جانی بو چولده ای خدای لم یزل
ایت دوقوم عهده بو گونده ایلرم یارَب عمل
بو قوری لبلر بو خنجر بو بوغازیم دور منیم

یاندوروب خشک و تری بو دلده کی سوز عطش
وار ازلدن عشق میدانی نده بیله کشمکش
عاشقه خوش دور آخا قانی ایده قان ایچره غش
جلوه گاه عشقیده بو یر نیازیم دور منیم

ایچدیق یم جام بلا صهباسی نین سر مستیم
عشق بزم ینده محبت نازینین پا بستیم
مقصدیم سنسن نه اهل کوفیه وا بستیم
شوق وصلیندن قوری یر جانمازیم دور منیم

نیزه باشیندا کسیک باشیله معراج ایلرم
یاره لن میش باشیمه قان لخته سین تاج ایلرم
مین خدنگه سینمی بو چولده آماج ایلرم
چونکه خولینین تنوری بزم رازیم دور منیم

جسم یمه وورسون گرک اول قدر یاره بو سپاه
سیل تک قانیم آخا تا که دولا بو قتلگاه
عشق مقتول ینه اولماز بوندان اوزگه خوابگاه
محضرونده بیله یاتماق خواب نازیمدور منیم

اولموشام موسی صفت بیر نوع یله محو جمال
یوز بیله ظلم ایتسه لر یتمز منه اصلا ملال
آتلارین دیرناقی آلتین دا اولا گر پایمال
راضیم چونکه نیاز بی نیازیم دور منیم

یا حسین تا وار حیاتیم روز و شب صبح و مسا
ایلرم شرح مصیبت ای شهید کربلا
شاهدی وار دور بو (دلریشین) آقا روز جزا
عارضیمده گوزیاشیم بو سوز و سازیم دور منیم

• شنبه
• 13
• شهریور
• 1400
• ساعت
• 11:58
• نوشته شده توسط
• یوسف اکبری

هامی بولر که شهون واردی نه مقاماتی
شه آتلاناندا اولار بیر پارا علاماتی

گییله دولت یان تازه رسمی بیر جامه
یازالا نچه گون اوّل بو امره برنامه

قوشون دوزللر یول اوسته سیاست ایله لر
شهون وجودینی لشگر حراست ایله لر

وزیرلر دوزولر دوره دن نظام یله
کسلّه رهگذری خلق ازدحام یله

امیرِ لشکر و سرهنگ ال ال اوسته دورار
نظامیله هامی یول اوسته دسته دسته دورار

دوزله دوره سینه پاسبان او حالیله
قوشون ایدر حرکت حشمت و جلالیله

آلولا شاهی آرایه ایدوب اراده گیدر
اونی سوار ایلینجه هامی پیاده گیدر

بو رسم کربوبلاده نجه تاپوب صورت
ئولونجه شیعلره اولدی مایه حسرت

گوروبدی زینب او سرفوجِ عدّهء نسوان
سوار اولور آتنا شهریارِ کلِ جهان

رکابنی دوتانی یوخدی تکدی بیکسدی
بو غصه زینب مظلومه صبرینی کسدی

توکوب سرشگینی عرض ایتدی اول حمیده سیر
شه آتلاناندا سپاهی مشایعت ایلر

دیمه یوخوندی سپاهون بیله خیال ایتمه
دایان باجون سنه قربان بو نوع تک گیتمه

منیم باشیم دادا بیر فوج لشگریم واردی
بیر عده یاسه باتان قاره معجریم واردی

اجازه ویرمنه بو قیزلارا ویروم فرمان
گلوب سنی یولا سالسون بو جمعِ سرگردان

اگرچه یوخدی اباالفضل و قاسم و اکبر
غم ایلمه نقدر ساقدی زینب مضطر

بو امره لشگر ایچینده چوخ افتخار ایلرم
رکابوی دوتارام مرکبه سوار ایلرم

اگر ویریدی اجازه جهاده پیغمبر
گورردیلر که بو زینب نجه جهاد ایلر

نشان ویرردیم علی ضرب و شستینی بیرده
مگر قویاردیم آنامون قانی قالا یرده

اگرقبول ایلسن حاضرم علم گوتورم
دوشم قباقه سنی فوج لشگره یتورم

تصوّر ایلسه هر کیم بولور ندور مطلب
نجه رکابنی دوتدی او دم خانیم زینب

گوروب داخی گیدیری قارداشندان ال اوزدی
او خیردا قیزلاری گیتدی یول اوستونه دوزدی

قویوب کناره نگهبان رباب و لیلادن
گوزتلیون دیدی سیز شاهی مکرِ اعدادن

دورون یانندا اوزومی خیامه تیز یتوروم
یارالی قاراداش یمون کهنه کوینگین گتوروم

ویراردی حسرت الین اوز بلالی سینه سینه
او حالیله قیدوب وارد اولدی خیمه سینه

دولاندی خیمه لری کهنه پیرهن تاپدی
اوپیرهن دولوسی غصه و محن تاپدی

آلوب دوباره اونی پاره ایلدی شه دین
بلّوله معرفت اهلی بومطلبین سرّین

بُولوردی چونکه اونون رختینی عدو سویا جاخ
وجودِ اطیب ینی یرده بی کفن قویاجاخ

بو مطلب یدی همان شاه کربلا نظری
تمام عالمی یاندوردی فکری نون اثری

نظر بونیدی اونا رغبت ایتمیوب سویالار
او کهنه کوینکنی ساترِ بدن قویالار

گلنده قتل گهه عترتِ شه مدنی
چتندی گورسه لر عریان قالوبدی گل بدنی

بیری بو مطلبی نقل ایلیوبدی اعدادن
دوشنده یادیمه آهیم گیچر ثریادن

دیر او قدر یوباندی حسین تشنه جگر
دوشوبدی حیرته بو امریده قوشون یکسر

گوروبله گلمدی میدانه شهریارِ حجاز
اولوبدی خیمده شیون سسی طنین انداز

دوشوبدی حیرته لشگر هامی بیله بولدی
حسین گلنمدی میدانه خیمده ئولدی

باخان گورر قوشونون وضع و حالی بر هم دور
هامی تعجب ایدردی نه وار نه عالم دور

دیردی بیر بیرینه اُول سپاه کینه شعار
اوشاقلار اوز اوزون ئولدوردی خیمه لرده نه وار

پیاده آتلو بو امره قالوبدی حیرتده
سکوت رزمگهی چولقیوب حقیقتده

سکوت خیمه سینون من حصارینی یخدیم
اوزوم سوروب آتومی تلّین اوستونه چخدیم

تعجب یله باخوردوم خیامه اوز اوزیمه
که ناگهان گورونوب غملو منظره گوزومه

بیری الندن اوپور عرض ایدر بابا گیتمه
فراق دردینه گل بیزلری دچار ایتمه

بیری دیردی منه بیرده قیل نظاره بابا
واروندی فرصت اگر آل منی کناره بابا

بیری دیردی بیزی هجر اودیله یاندورما
باشون دالیجا سالوب چوللری دولاندیرما

بیری دیردی بیزه نوشدور قالاخ عطشان
گل ایله ترک سفر ای عزیزِجان باباجان

آپار بو حالتیله ویر منی اوقومه نشان
اوزوم گیدیم ایلیم بلکه دردیمه درمان

دیمه بو لشکر کفاریدن هراس ایلرم
قلج ویرانماسام البته التماس ایدرم

گوتورمرم باباجان ال گروه اعدادن
اوقدر عجز ایلرم ال چکلله دعوادن

او لشکره دیرم ای شرارِناس جهان
بابامدان ال گوتورون ایلیون منی قربان

اگرگورم که سنی ئولدورور بوقوم کفر
دونوب خیامه طرف سسلرم علی اکبر

نجه بو قیزلاری درد و بلایه توش ایدوسن؟
بو قدر دشمن ایچینده قویوب هارا گیدیسن؟

گیدرسن ایندیکه باخ قیزلارین نوا سسینه
اماندی گل بیزی قیتر بابام مدینه سینه

وصال وقتینه گوردی بیر آز زمان قالدی
قویوب عیالینی گوزیاشلی رزمه آت سالدی

(رجائی) بسدی کلامون خفیف ایله قوتار
سوزین لجامینی یغ قورتولان دگور اخبار

اگر چه بیتوه بیربیت واردی جنتده
حقیقت اولماسا ویرمزله یر بو قیمتده

• شنبه
• 13
• شهریور
• 1400
• ساعت
• 13:00
• نوشته شده توسط
• یوسف اکبری

وداع واپسینیم دور قالور بیر آز زمان زینب
مجال درد دل یوخ کوفیان وئرمیر امان زینب

بو گون معبودیله ئوز عهد و پیمانیم یئتر باشه
سزادور بذل ائدم جانان یولوندا باش و جان زینب

دیار کربلا میعادگاه اهل ایماندی
حریم بزم رازیمدور مقدس بیر مکان زینب

وئریبلار سینیه عزت مدالین یار و انصاریم
شهید فی سبیل ا... اولار عالی نشان زینب

یانار بیر اوتدی هجران داغی زینب چاره یوخ صبر ائت
منه واضحدی بو غمدن اولار قدّون کمان زینب

گلور سس خیمه لردن آغلور اطفالیم پوزور حالیم
اماندی قویما قیزلار سسلسونلر الامان زینب

بو مشکل امردور بیرده بئله بزم وصال اولسون
دوباره خلوت دیدار اولا ائتمه گمان زینب

حیات جاودان سیر الی الله دن اولار حاصل
کلام وحی دی مصحفده، صبر ایله دایان زینب

سجایای حکیمانه سنه وئرمیش آنام زهرا
اوزون عارفسن عاشورا مقام امتحان زینب

اولاق اَل بیر اوجالسین پرچم گلگون عاشورا
منیم قانیم، سنون ایفای عهدون همزمان زینب

گتور اطفالیمی بیر بیر وداع ایلوم آنام باجی
رقیمدن مواظب اول که گتمیم ناگران زینب

سنخدی قلبی دشمن گورمییوب نازین چکوب رام ایت
یتینجه شهر شامه قویما اولسون باغریقان زینب

اوزاق یولاردا حامی اول باجی اهل و عیالیمدن
اذیت ایتمسین اطفاله شمریله سنان زینب

سیزی اللّهه تاپشوردم خانم باجی خداحافظ
بئله قان آغلاما ائتمه یوزه اشگون روان زینب

باجی قارداش منی تک قویمیون آخر وداعیمده
سیزه بیر عمردور (پورراد) اولوبدور نوحه خوان زینب

اوزوز بیر دوز سالون اشعاریمه دلدن دله دوشسون
و الّا من هارا مرثییه شرح و بیان، زینب

• شنبه
• 13
• شهریور
• 1400
• ساعت
• 17:54
• نوشته شده توسط
• یوسف اکبری

بذل جان جانانه ازّل گون شه خوبان دئیوب
مستقر دینه یتمش بیر نفر قربان دئیوب

شوق وصل یار ایدوبدور کهنه سرمستانی مست
این دل خونین من در ذکر یارب یارب است
کسمگه باشیم نیه گلمور او شمر بت پرست
قالمیا عهدیمده نقصان، شاه لب عطشان دئیوب

خانه دینی بو یرده گلمیشم آباد ایدم
همت خاصیله بو قرآندان استمداد ایدم
زنده دل افرادیله زهرا آنامی شاد ایدم
نعشیم اوسته آت چاپا بو فرقه عدوان دئیوب

گوش نامحرم اولانماز جای پیغام سروش
گلسه یوز مین شمرلر بو شمع دین اولماز خموش
هر قدر ظلم ایلسه ابن زیاد سخت کوش
صود امر طفلیم کبوتر تک گچر جاندان دئیوب

شهسوار من که مه آینه دار روی اوست
صوت جان بخشیله منده سویلرم حق دوست دوست
در فراق یار، یاران این پریشانی نکوست
قرمزی مخمل چکلسون اوستومه یزدان دئیوب

عرض ائدور ایمانیلن میخانه دور منزل گهیم
اولموشام پیر خراباتیله بو یرده سهیم
یوخ دلیم من سویلرم رمزیله رحمان الرحیم
علم القرآنه اوخ دگدوقجا الرحمن دئیوب

روی سوی خانه خمار دارد پیر ما
باده وصلت ایچوب محو رخ جانان اولا
بزم وحدتدور تماشاگاه حی کبریا
هر قدر چکسه بلا سندیرمارام پیمان دئیوب

جمع اولوب تفریق هم تفصیل هم تکثیر عدد
دوستی و مهر و عشق و ذکر الله الصمد
از دم صبح ازل تا آخر شام ابد
یان یانا یاتسون مه و خورشید، والحسبان دئیوب

آیت والشمس والضحا دینده حق سوزین
سعدون اوغلی دوشدی تشویشه یوموب فوراً گوزین
ویردی فرمان تیره باران ایلیون شاهون اوزین
خیمه گاهه هر طرفدن یاغدیرون پیکان دئیوب

ایلرم دشت غم افزاده میسر ظلمی طی
قبریده حیران اولا بو ظلمیله کاووس و کی
سایه ظلمیمده اولام صاحب املاک ری
ثبت اولا تاریخه ظلمیم شمر بی پروا دئیوب

دوشدی ماته عرصه شطرنجده، شه مات اولوب
قلب پاکندن دگوب اوخ آیری تاویلات اولوب
سر کنت کنز مخفیاده تحقیقات اولوب
اسم اللهی یوز اون دورت سوره قرآن دئیوب

نقد جان ویردی آلوب کالای وصلی شاه دین
قلب عالم آیت تنزیل قرآن مبین
دمبدم ذکر ایتدی هل من ناصر هل من معین
یار و مربوبی اونا لبیک هر یاندان دئیوب

قل هوالله بدل، پیمانینه پایان ویروب
یار بی آزارینه یتمش ایکی قربان ویروب
یاره لر آغزین آچوب گلزار دینه قان ویروب
منجی دینه فترضا آیه سین سبحان دئیوب

بوسه قیلمشدی ازل گونده مشیت خامه سین
خوردا قیزلاره گیندیرمشدی محنت جامه سین
یاخشی تنظیم ایلمشدی کربلا برنامه سین
چوللری روشن شرار آه مظلومان دئیوب

شاه دینی آلدی آغوشه زمین کربلا
نینوا اولدی تجلی الله فی وادی طوی
سسلنوب شوریله الرحمن علی العرش استوا
ربی الاعلا بو دشته کعبه ایمان دئیوب

عارفانه شعر یاز (بیضا) صلاح اندیش سن
آتمش ایل یاحق و یاهو سویلیوب درویش سن
کلب دربار حسینی سن، هم عارف کیش سن
غم یمه مولا اوزین درویشه پشتیبان دئیوب

• یکشنبه
• 14
• شهریور
• 1400
• ساعت
• 13:47
• نوشته شده توسط
• یوسف اکبری

بیر بلبلم خزان يتشوب گلستانیمه
بیر طایرم فلک وروب اود آشیانیمه

بیر عاشقم که آتشِ عشقیله یانمیشام
معشوق فرقتی سالوب اود استخوانیمه

بیر بیدلم که آچمامشام دل شکایته
دل ویرمیشم رضایتله دلستانیمه

نامه عجب مقاله دی اوز شرحِ حاليمه
خامه انیس ِناله دی باخ همزبانیمه

من آشنای قاعدهٔ نظم اولمادیم
تا دگدی تیرِ طعنهٔ بیگانه جانیمه

اربابِ فضل عبث دگل عاشقدی نظمیمه
رونق ویروب حسین آدی شرح و بیانیمه

آه اول زمان که سسلدی ئوز اهلبیتنی
سویلوب گلون قوناق گیدیرم میزبانیمه

شهزاده لر قرارینی آلدی صدای شاه
یان سنده مستمع قولاق آس داستانیمه

بیر قیز دیردی ایتمه بابا عزمِ کارزار
باخ غصه دن سولان بو رُخ ارغوانیمه

بیر قیز دیردی تاپشوروسان بس کیمه منی؟
گلمزدی عمردن بیله بیر گون گمانیمه

بیر قیز دیردی گَل بیزی قیتر مدینه
يتسون الیم دوباره مکان و مُغانیمه

پوزقوندی حال ، فکریمه جولان ویرنمورم
روحُ القُدس گرک سوزی قویسون لسانیمه

شه سویلدی سکینیه ای نازنین قیزیم
سالما بو سوزِ آهویله اود نهانیمه

چوخ بوینومی قوجاقلاما حسرتله آغلاما
قاتما سرشکِ آلوی اشکِ روانیمه

ای خیرةَ النّساء زمانه نقدر وار
روحیم بدنده سالما شراره روانیمه

مندن صورا نوایه بو عالمده والی سن
خاصّه گلنده شامه گیدن وقته یانیمه

شه شاهزاده دن نجه آیریلدی بولمورم
گِتدی او طرز رشته بو گلدی زبانیمه

چیخدی امام خيمدن یوز قویدی مقتله
بیر قیز یولونی کسدی بنا شرح مقتله

عرض ایلدی اماندی بابا گتمه بیر دایان
بو حالیمی بهشتده یاده سالاندا یان

اَن ذوالجناحدن داخی آراممی آز آل
اگلشن یرده منی دیزون اوسته دوباره آل

اولما رضا غمونده گوزوم اشکیله دولا
نازیله بیر او قولّارون آچ بوینوما دولا

مطلق علاقمند اولی بلبل گولن گُله
بیرده گولر گولوم منی دیندیر گُله گُله

بو سرعتیله اولما قتاله روانه سن
سالما شراره بو دل و جان و روانه سن

گورمورسن اشقیا نجه ایلولّه قیل و قال
گیتسن شهید ایدر سنی گتمه یانیمدا قال

نه قارداشیم قالوب نه عموم وار نه بیر کسیم
بو حالده علاقمی تندن نجه کسیم

هیچ قیز بلایه دوشمسون عالمده من کیمی
سنسیز بولوم پناه اوزومه بیرده من، کیمی؟

بو آیریلیق زِ بسکه شراره سالور دله
وجهی او دور که جرأتیله گلمشم دله

آیا روادی سن کیمی بیر مهربان آتا
گوزدن جهاندا من تک عزیزه قيزین آتا

بول مم نقدر عشق محبّتنده وار اثر
قلبیم فراق آدین ایشیدوب بید تک اسر

خارِ فراق برگِ گلِ وصلی گر یارا
عالَم طبيب اولسا ساغالماز او بیر یارا

بو غنچه لیقدا اولما رضا گُل کیمی سولوم
اولسون کبود سیلی زجریله صاق صولوم

آیا نجه بو دامنِ وصلوندن اَل اوزوم
بیرده منیم زمانده سنسیز گولر اوزوم؟

بو وضعیله که ناقهٔ صبریم دوشوب گِله
ایتموم نه نوعی گردش ایام دن گِله

میدانِ دشمنه سنی عازم گورنده تک
نسگل گلور گوزوم دولور اشکیله جام تک

بو نسگل اوسته آغلارام عمروم نقدر وار
صحرالری دولانّام همیشه جنون وار

شاهی سالولّا عزّت و اجلالیله یولا
سالدی سنی بیبیم یولا زلفين یولا يولا

قوی منده کوی عشقه ادب پرچمین ساچیم
فرش ایلیوم یول اوسته اولا فرشِ ره ساچیم

سنسیز اسیر ایدر بیزی بولّم سپاهِ شام
شامون یولون پیاده چکر شامه صبح شام

من سنله بازدید ایدرم قتلگاه آرا
سنده خرابه ده گلوب آختار منی بابا

رسمِ وفانی عالَمِ الفت ده گوزلرم
گیت تئز قییت، یولون بو يول اوستنده گوزلرم

هر کیم باخا دیر بو بياناته (شأنیا)
روح القدس بو نوعی دوزوب نظمه (شأنیا)

سنده حسینه عرض ایله دردون نقدر اولا
صاحب سخا و كان کرم دور دیمز او، لا

• یکشنبه
• 14
• شهریور
• 1400
• ساعت
• 13:57
• نوشته شده توسط
• یوسف اکبری

بو همان گوندور اولوب عالم پریشان آغلوری
زینبین احوالینه صاحب الزمان قان آغلوری

عهد ائدوب روز ازلدن شاه دین جانانیله
دوغرانا انصار عطشان خنجر برانیله
خاک خون اولسون کفن غسلی وئریلسون قانیله
سرگذشتی عالمه اولموش نمایان آغلوری

زینب مظلومیه یتیدی بو گون اندوه و غم
مشگی اوخلاندی ابوالفضلین دوشوب الدن علم
ائتدی بیر مشگی سودان خاطر قولون دشمن قلم
حالینه سردارینون شاه شهیدان آغلوری

ائتدیلر گل جسمینی بیرحمیلر تیره نشان
سالدیلار آتدان یئره اطرافین آلدی کوفیان
سو یانندا تشنه لب سقا بو گونده وئردی جان
نهر علقم دوندی قانه اهل ایمان آغلوری

حضرت قاسم بو گونده وئردی عالی امتحان
باش و جاندان گئچدی دین اوستونده اول نورس جوان
حجله گاهی قان، زره قان، سربسر اعضاسی قان
هم آناسی عمّه سی هم خیل نسوان آغلوری

امّ لیلا نوجوان اوغولون سالان وقته یولا
سسلنردی گئت آنان لیلا سنه قربان اولا
قویما بو گون گلشن دین مبین جبراً سولا
باخما هجرونده اولوب لیلا پریشان آغلوری

آلدیلار هر بیر طرفدن دوره سین اشرار شام
گوردولر یالقیزدی جرئت تاپدیلار قوم ظلام
اوخ آتان خنجر وئران آت اوینادان یکسر تمام
سالدیلار بیر حاله گویا قانلی میدان
آغلوری

وئردیلار اوخ سینهء مجروحی اولدی زخمدار
اولمادی ممکن دگن اوخدان اوزون ایتسون کنار
باخدی بیر سمت خیامه سسلدی ای شهریار
اکبرون گونلر ائوینده قانه غلطان آغلوری

اصغرین، سوز عطش گهوارده دلدن سالوب
عترت پیغمبرین آرامینی الدن آلوب
قیرخا دین اولاد پیغمبر بو گون باشسیز قالوب
انبیا، یر، گوی، ملائک، جن، و انسان آغلوری

چاره سیز قالموشدی زینب گلمدی منظور اله
سو دیور تشنه اوشاقلار آغلور ایلور هلهله
سویلوری نازلی رقیه قوی عموم سقا گله
چون اوزی گوردی خیمده نچه عطشان آغلوری

تا عدو گوردی ابوالفضلی آپاردی رشگینی
چینینه سالدی گئدنده رزمگاهه مشگینی
گوردولر حیدر باخشلی گوزلرینده اشگینی
اول طرفدن حالینه بی یار سلطان آغلوری

(لطفی) مداحون آقا دائم توکر اشگ بصر
قبر پاکون عشقینه جانی پر گل تک اسر
سسلنر درگاهیوه بیرده اوزون سالسا اگر
بو همان گوندور اولوب عالم پریشان آغلوری

• چهارشنبه
• 17
• شهریور
• 1400
• ساعت
• 15:11
• نوشته شده توسط
• یوسف اکبری

طنین همهمه و بانگ کارزار یاتوب
چخوبدی آی قوتاریب غائله غبار یاتوب

دولوبدی بادۀ نوریله گوز پیاله لری
گویون ستاره لرین ایلیوب خمار یاتوب

شمیم عشق سراسر بلا چولون بؤرویوب
ختن ده مست اولالی نافۀ تتار یاتوب

بئله چمن بو طراوتده گلستان اولماز
که هر گلیله بو گلشنده مین بهار یاتوب

امیر عشق دوشن یئرده شور و شوق و صفا
جلالت و شرف و عزّت و وقار یاتوب

اولوبدی دشمنه هر چند ظاهرا مغلوب
ایدوب ئورکلری تسخیر شهریار یاتوب

باخاندا دیدهء حق بین له بلا چولونه
هر عاشقیله بیر عالمجه اقتدار یاتوب

دوشوبدی بیر اوجا قامتلی سرو نهر اوسته
دگوبدی پیکرینه زخم بیشمار یاتوب

اگر چه سرو ایاقدان دوشوبدی قامتیله
ایدوبدی پرچم اسلامی استوار یاتوب

یوموبدی حیف اولا حیدر باخیشلی گؤزلرینی
امیر لشکر توحید شرم سار یاتوب

اگر چه سرو کیمی سرنگون اولوب امّا
ایدوب قیامتی قامتده آشکار یاتوب

منای عشقیده یوخ فرقی جُون و عباسین
چاتوبدی باش باشا گمنام و نامدار یاتوب

چمنده سرو غروری له لاله نازیله
ترنّم ایلیوب عشق آیه سین هَزار یاتوب

محبّت عالمینن یوخ گدا و سلطانی
بو یئرده شاه غلامیله هم جوار یاتوب

یوموبدی گوزلرینی باغبان گلشن عشق
اولوبدی قانیله سیراب لاله زار یاتوب

حریره ناز ایلین گل جنازه لر افسوس
دوشوبدی گؤرنه تراب اوسته بی مزار یاتوب

نه گل نه لاله نه گلشن که باغبان اوزیده
اولوب دی باد خزانیله تار و مار یاتوب

فرات آخور چؤله بی جا سویون نسیمی گلور
اُلوبدی عاطفه لر چشم روزگار یاتوب

اسیر صبا یئلی، لای لای دیور حزین سسیله
خدنگ عشقی اَمن طفل شیر خوار یاتوب

غزال بادیۀ عشق بیر تبسّمی له
ستمگر اؤچی لاری ایلیوب شکار یاتوب

آچوبدی بیر بالاجا لاله گلستاندا ویروب
بو قانلی گلشنه عالمجه اعتبار یاتوب

بو چؤلده ناقه لر اوستونده بسلنن آهو
آلوب ربابیدن آرام و اختیار یاتوب

یاریم چیلیق یومولان گوزلری حکایت ائدیر
ربابین اوخلانان آهوسی انتظار یاتوب

دوتوبدی پرده ظلمت فضای صحرانی
عروس حجلۀ گردون کجمدار یاتوب

چکیلدی پردۀ تصویره عصر عاشورا
یتشدی بیر یئره مطلب که شیر خوار یاتوب

بو طفله قاندا قانیخ وئرمیب عطشدی هنوز
وصال تشنه سی بو چولده بیقرار یاتوب

خدنگ عشقه گولوب آغلادوبدی دنیانی
ایدوبدی حضرت زَهرانی داغدار یاتوب

بو چولده اوچ گئجه گوندوز سوسوز قالان سود امر
امیبدی زهرلی پیکان داغدار یاتوب

خدنگ عشقه گلن یوز بو قانلی گلشنده
هزار حیف دوتوب چهره سین غبار یاتوب

ویروبدی بیر گئجه خوش دم صفالی مدّاحیم
گوزوم اولوبدی بو مطلبدن اشگبار یاتوب

• پنج شنبه
• 18
• شهریور
• 1400
• ساعت
• 19:17
• نوشته شده توسط
• یوسف اکبری

مصائبله اگرچه باغلی بیر غوغادور عاشورا
شرافت واژه سین احیاء ائدن معنادور عاشورا

قیام عنوانلی، چوخ قانلی حوادث اؤز وئریب اما
هدف ده شیوه ده معناده استثنادور عاشورا

هدف احیاءِ قرآن، شیوه ایثار و سلاح ایمان
شهادتنامه لرده معتبر امضادور عاشورا

قیزیل قانیله تا تثبیت اولا منشور آزادی
شهادت وئردی قان دنیاده بی همتادور عاشورا

یاریم گؤنده یاراندی یاردی اما قلب تاریخی
کی اون دورت قرن دور دنیاده پابرجادور عاشورا

اولوب احکام دینین اصل و فرعی موبمو اجرا
بیلینسین تا شریعت حکمونه برپادور عاشورا

بیر اقیانوس اونون هرقطره سین توصیف ائله شاعر
کی آزدور سؤیله سن وسعتده بیر دریادور عاشورا

چوخ آختاردیم مقدس نامینه شایسته بیر معنی
دئدیم هر سیدالایامیدن اولا دور عاشورا

(سدیدا) یازدیقیم تعریف لردن اولمادیم راضی
کی هر توصیفه شایان یازدیم عاشورادور عاشورا

• پنج شنبه
• 18
• شهریور
• 1400
• ساعت
• 20:29
• نوشته شده توسط
• یوسف اکبری

باتدی گون شام غریبان اولدی یابن العسگری
گل هرایه قلبیمیز قان اولدی یابن العسگری

اوخلارا آماج اولوب جدّون حسینون پیکری
کربلا دشتینده طوفان اولدی یابن العسگری

بیر یارم گونده ئولن ئولدی یانانلار یاندیلار
عالم ناسوت حیران اولدی یابن العسگری

اکبر و عباس و قاسم قوچ قوزی قربانلارون
جان به کف قرآنه قربان اولدی یابن العسگری

عمه وین حالین اگر شرح ایله ساق وای زینبه
باش آغاردی خسته نالان اولدی یابن العسگری

اگمه دی باش ظالمه یتمش ایکی آزاده لر
زنده و جاوید عنوان اولدی یابن العسگری

دین و قرآن پیمبر قالماسین محصورده
انتشار دین و قرآن اولدی یابن العسگری

اگمه دی باش ظالمه یتمش ایکی آزاده لر
زنده و جاوید عنوان اولدی یابن العسگری

سجده گاهی سجده سی سجاده سی هم دستماز
فی سبیل الله القان اولدی یابن العسگری

اللّها خاطیر اولوبدی معتکف اهل حرم
همره شاه شهیدان اولدی یابن العسگری

بیر یاری یانمش چادردا زینب کبرا او گون
بانی شام غریبان اولدی یابن العسگری

نوحه خوانلار جرگه سینده بیر خطیبی نوحه خوان
سیزلره عالی نوا خوان اولدی یابن العسگری

• دوشنبه
• 29
• شهریور
• 1400
• ساعت
• 16:53
• نوشته شده توسط
• یوسف اکبری

عشقین خزانی یوخدی ولکن بهاری وار
هر یرده گلشنی گلی وار، لاله زاری وار

طوبی مثالی سایه سالوبدور نهال عشق
هر قدر محفلی، یری، دار و دیاری وار

هر یرده عشق خیمه ووروب محشر ایلیوب
شورآفرین کلامدی، شیرین شعاری وار

الفت دوتوب حسینیله آرتوب جلالتی
چون هم نشین لیقون اثر پایداری وار

یاره حسین سوزی گتیرور طپش قلبیده
معلوم اولور که دلده حسینون قراری وار

گوز مردمونده ده دیه سن زینب اگلشوب
صحن سرای دیده ده گوز آبشاری وار

آغلور حسینه، آغلاماقی آغلادور گوزی
گویا شکسته نی مثلی آه و زاری وار

هردم که جان حسین دیوری جانه اود سالور
جان کلمه سینده یاندوران اود تک شراری وار

ای کربلا غریبی نه عالمدی عالمون
دلداده وین نه اُلچیسی وار نه شماری وار

حیرتدیم که کیمدی سنه عاشق اولماسون
دیوانه سی، عقیل لیسی، خرد و کباری وار

یاللعجب مسیحیده دردین دیور سنه
کیمدی خدا یانندا بو شان و وقاری وار

قربان اولوم سنه بیزیده ایسته قبریوه
سلطانیدن غلام لرین انتظاری وار

قویمازلا یوخسا باغ بهشته قرالری
تسنیم آدینلی رنگی یووان جویباری وار

گلسون حبیبیانیله بیر وقفه حافظی
امّیدی وار، توکّل پروردگاری وار

• یکشنبه
• 4
• مهر
• 1400
• ساعت
• 14:41
• نوشته شده توسط
• یوسف اکبری

خاطره ای از زیارت حاج اسماعیل وثاقی ( ره ) بر اساس فرموده آقای حاج سید رضا طباطبائی

?به مناسبت سالگشت وفاتِ حاج اسماعیل #وثاقی که شش سال قبل به لقاءالحسین علیه السلام نایل گشت

بو سوز کی نقل ائدیرم شاهدیم خدا ئوزودی
منیم دگور ولی بیر دوز حسینچی نون سوزودی

وایت ایلدی کرب و بلادَه بو خبری
دیه دیه یوزونه آخدی گوزدَن اشکِ تری

دییردی باشیمه دوشدی هوای کرب و بلا
تاپانمادیم اوُلا بو دردی مه بیر آیری دوا

حسینون عشقی آلوب صبری اِختیاریمدن
قیلوب سفر تدارکی آیریلدیم اوز دیاریمدن

بو یولدا نئچّه حسینچی منه اولوب یولداش
بیله دییوم ایله بیر یول گئدور نئچه قارداش

اولاردا من کیمی کرب و بلا قوناقی دور
ولی بیری آقامون نوکری #وثاقی دور

یول اوُسته گاه اوُخیوب نوحه سینه داغلاردی
ولی گلنده حسینون آدی چوخ آغلاردی

بو نحویلن قوتولوب یول، هدف اَله گلدی
#وثاقی کرب و بلانی گوروب دیله گلدی

نه کربلا که اونون تلِ زینبیه سی وار
او تلی دَه خانمیم زینبین حَزین سسی وار

همان او تل خانمین گوز یاشی آخان یریدی
یارالی قارداشینا بویلانوب باخان یریدی

بو دیللّریله دیوب نوحه ایلدوخ شیون
گونوز قوتاردی گئدوب بیر یر ایلدوخ مسکن

زیارت عشقی نه باشدان بو عالمی آتدیم
زِ بس یورولموشودوم من یوموب گوزی یاتدیم

گئجه نین عالمی بیر لحظه من آچاندا گوزی
نه عالم اولدی گرک واضح عرض ائدم بو سوزی

یوزون قوری یره قویموشدی حاجی اسماعیل
ولیک قبله دگوردی اولان یره مایل

دئدیم نماز قیلوب دور یقین چکور آهی
گرک کی اولسون حسینون بو نوعی مداحی

بو فکریلن گینه یاتدیم اولونجا وقت اذان
نه گوردوم اوندا دییور دور ایاقه بسدی اویان

گئداخ زیارته قانه حسین باتان یرده
قیلاخ نمازی حرم دَه آقام یاتان یرده

قیلوب نمازی نه گوردوم گینه هوسلندی
حزین سسیله او دَم بیر یارالی سسلندی

ایشقلی گون گوزومه تار اولوب منیم گئجه دی
بویور گوروم باجون ئولسون یارالارون نئجه دی

بو طرزیلن باشا وئردوخ گونی، یتیشدی گئجه
همان کی صحنه نی گوردوم دوباره من بو گئجه

دئدیم نمازه اگر دورسا وقتی وار اویانار
نماز شب دَه اگر قیلسا قبلیه دایانار

یوزون ولیک دوتوب دور حریمه قان آغلور
دییور آقا سنه قربان اولا بو جان، آغلور

ایله دییور آقام ایوای توکور گوزون یاشینی
قوری یر اوسته ولیکن قویوبدی اوز باشینی

او، یرده آغلادی، من تختین اوسته آهسته
نه گوردوم اوندا که یومدی گوزون او دلخسته

او حاله آغلادیم آخر یتوب اذان وقتی
مرتب ایلدیم اوز یاتدیقیم همان تختی

دوروب ایاقه نه گوردوم که دستماز آلدی
حسین دیلینده منی درد و محنته سالدی

دئدیم گرک دیسن علتین بو یرده منه
او تختین اوسته نیه یاتموسان نولوبدی سنه

بو لفظیلن دیله گلدی توکوبدی گوز یاشینی
قویار #وثاقی نئجه بالش اوستونه باشینی

بو باره دَن دئدی #سیّد اورک گلور درده
آقام یاتوبدی مگر بولموسن قوری یرده

دئدیم که وای اولا من ائتموشم عجب غفلت
ئولونجه بو سببه من گرک چکم خجلت

بو درسی #صادقی وئردی منه او دلخسته
که یاتمیوم بو یره من گلنده تخت اوسته

سنه دَه ممکن اگر اولسا نظمه چک بوسوزی
دیه دیه گینه اول حالیده دولوبدی گوزی

یرئیدی من اوخودوم گَل ائشیت، چو راغب سن
قوری یر اوسته بیله یاتماقا نه طالب سن

اگر چه سوز تازادی لیک بیله ناب اولماز
اویان عزیزیم اویان توپراق اوسته خواب اولماز

این احوالات بر اساس خاطره آقای حاج سیدرضا طباطبائی در سفر خود به کربلا به همراه آقای حاج اسماعیل وثاقی رحمة الله علیه سروده شده است

• چهارشنبه
• 7
• مهر
• 1400
• ساعت
• 19:13
• نوشته شده توسط
• یوسف اکبری

عالم و آدم دیر سنده دینن یاحسین
کعبه وزمزم دیر سنده دینن یاحسین
شیعه دمادم دیر سنده دینن یاحسین
اهل محرم دیر سنده دینن یاحسین
هیئتی هر دم دیر سنده دینن یاحسین
.
کیمدی حسین بیر اونی خالق یکتا تانور
صود ورنی فاطمه اوغلونی زهرا تانور
دوز صود امنلر اونی سرور و مولا تانور
شاه شه کربلا مردم دنیا تانور
شاه مکرم دیر سنده دینن یاحسین
.
ایلدی اعلان حسین حقه طرفدار اولون
گیتسه باشیزدا اگر حق دینه یار اولون
قانوز اگر اخسادا عهده وفادار اولون
ظلمیله هر بیر زمان وارد پیکار اولون
خالق عالم دیر سنده دینن یاحسین
.
کیم اولا اهل یقین پیرو قرآن اولار
گیتسه حسینین یولون صاحب وجدان اولار
حفظ حجاب ایلیر حافظ ایمان اولار
ترک نماز ایلمز شاکر سبحان اولار
زیر لب هر دم دیر سنده دینن یاحسین
.
اگمدی باش ظالمه ظلمیله پیکار ایدوب
دوشدی حسین چوللره عشقی پدیدار ایدوب
دینه گوره باش ویروب ملتی بیدار ایدوب
صود امریدن گچوب شیعه نی غم بار ایدوب
سینه سی پر غم دیر سنده دینن یاحسین
.
مین نچه ایلدن صورا عقللر حیران قالوب
ایتگی ایثارینه دینله قرآن قالوب
ترک ایلیوب خیمه نی قیزلاری عطشان قالوب
زینب اولوب غمزده گوزلری گریان قالوب
گوزلری پر نم دیر سنده دینن یاحسین
.
سسلدی قارداش دایان واردی سنه چوخ سوزوم
گیتمه حسین باشوه بیر دولانیم من ئوزوم
قوی الیوی سینمه غملی فراقه دوزوم
وای منه سنن صورا تار اولاجاق گوندوزوم
زینب ایدر غم دیر سنده دینن یاحسین
.
عرض ایلدی عازمم یولدا منی ساخلاما
گوتگه انام ویردیگی کوینگی دل داغلاما
قیزلاریمون گوزلری سنددی چوخ اغلاما
صبرایله هربیر غمه غم یولونی باغلاما
غملی مسلم دیر سنده دینن یاحسین
.
آه او زماننان دوشوب مقتله شاه جهان
باش یارا سینه یارا بستری بیر پارچا قان
باشینن اوسته گلوب فاطمه دلده فغان
قالدی نه حاله دیممه مادر صاحب زمان
ایندیده هر دم دیر سنده دینن یاحسین
.
قانلی مناده اوغول قانه عجب باتموسان
زینبی اغلار قویوب نازیله سن یاتموسان
قیزلارون گوز یاشین خون دله قاتموسان
ایندی رقیون گلر گوزدن اونی اتموسان
دوتماقا ماتم دیر سنده دینن یاحسین
.
(ماه پرینین)دوتموسان سن الین هر بیر زمان
طبعیمی جان حسین سن ایلویبسن روان
قاره گیوب سسلرم ای باشی الده قالان
دردیمه ایله دوا سن بیل او مظلوم اتان
دفتر و خامم دیر سنده دینن یاحسین

• شنبه
• 17
• تیر
• 1402
• ساعت
• 15:40
• نوشته شده توسط
• یوسف اکبری

کعبه دی کربلا منه ، مروه صفانی نینیرم
جنته باشدی شانیده،طوف ومنانی نینیرم

زینت خلقتدی اورا، یتمیش ایکی اولدوزی وار
مست الیور حرم منی،سعی وصفانی نینیرم

دوزدی که خلاق جهان ،بدویده خلق ائتدی اونی
خادمی وهابی اولان ،بیت خدانی نینیرم

خیل ملائک دولانار، شوقیله اکبرباشینا
ثانی یاتان یئرده داخی ،ورد ودعانی نینیرم

گر چه وئریلارحاجیلار،اهرمنی داشلاریلان
شیطان حکومت ائلین ،یئرده وفانی نینیرم

کعبه نی ایستیسن اگر،کرب و یلایه فکر ائله
طوف ائله بین الحرمی، سسله حرانی نینیرم

ظلمیله وهابی اولوب ، خادم شهر نبوی
شهر پیمبرده اولان ،ظلم وجفانی نینیرم

شیعه نین حجی باشلانارمحرم آیی حاجیلار
منانی مقتل ایلین، اهل خطانی نینیرم

جامه احرام منه ، حسینی مین قراسیدی
کعبه نین اوستونده اولان ،شال عزانی نینیرم

• شنبه
• 17
• تیر
• 1402
• ساعت
• 17:47
• نوشته شده توسط
• یوسف اکبری

حسین زمزم حسین سعی وصفادی
حسین کعبه حسین دشت منادی

حسیندی حامی دین و دیانت
حیین رنگینترین خون خدادی

حسیندی آغلادان دنیانی یکسر
حسینین عــــاشقی اهــــل بکادی

حسیندی پرچم ظلمی یاتوردان
حسین ویرانـــــگر ظلم وجفـــادی

ایاای عشقیدن بیمار اولانـــلار
حسینین تپراقی درده دوادی

حسیندی مشعل راه سعادت
حسین فرزند پاک مصطفادی

حسیندی زاده زهـــرای اطهـــر
حسین ابـــن عــلی مــرتضـــادی

حسینین قانی هرگون تازه تردی
حسین عــــاریفلره بیــــر رهنــــمادی

حسینین شیعه سی گورمزجهنم
حسین چـــون شــــافع روز جزادی

حسیندی تک قالان اغیار ایچینده
حسین مــــظلوم دشــــت نیــــنوادی

حسینی آختارانلاراولسون هشیار
حسین سلطــــان دشت کربـــلادی

• شنبه
• 17
• تیر
• 1402
• ساعت
• 17:51
• نوشته شده توسط
• یوسف اکبری

سمای عشقی الوان ایلدیم من
جهانی مات وحیران ایلدیم من

کیم اولدی عاشقیم ارض وسماده
اونی جنتده سلطان ایلدیم من

گوزل شش ماهه می کربوبلاده
شهید راه قرآن ایدیم من

ازلدن واقفیدیم بو قیامه
وفای عهد و پیمان ایلدیم من

آتام حیدر تکین گلدیم جهاده
ستون کفری لرزان ایلدیم من

یوخومدی واهمه اهل جفادن
یزیدو شمری گریان ایلدیم من

باجیم زینبدی دنیاده سفیریم
امیر خیل نسوان ایلدیم من

اورکدن کیم چاغیردی یاحسین جان
سرای عشقه مهمان ایلدیم من

مریض عشقیمی آغوشه آلدیم
اونی محبوب یزدان ایلدیم من

• شنبه
• 17
• تیر
• 1402
• ساعت
• 17:55
• نوشته شده توسط
• یوسف اکبری

عرض ارادت ایلین , اربابه خوش گلدوز
بزم عزا و مجلس احبابه خوش گلدوز

احساسیزه فخر ایلیر , زهرای غم دیده
احسن بو شور و عشقوزه, بو مهر جاویده
محشرده سیز پاینده سوز , یاران شوریده
عشقیله اغیاری سالانلار تابه خوش گلدوز

کربوبلایه بیر گونی زوار اولاخ یاران
اجر وجزا وئرسین سیزه سردار سرداران
ای یاغدیرانلار گوزیاشین بو غمده چون باران
جام الده بو میخانه ی نایابه خوش گلدوز

• شنبه
• 17
• تیر
• 1402
• ساعت
• 18:40
• نوشته شده توسط
• یوسف اکبری

جان آقا.....
.
.

اورگیم قاندی آقا ,,,,, زاروپریشاندی آقا
سن سیز عالم بیلیس,,, شیعیه زنداندی آقا

دوشدی یولا عشقیلن ،، کربوبلا زواری
منده برات ایستیرم ،،،سیر ائدم او یولاری

جان آقا

سنه قربان آقا

سیدالعطشان آقا

کاسه ی صبریم جالانیب ,,,,, قلبیمه غملر قالانیب
عشقیوه خاطیر بیلیرم ،،،دیده لریم تر یارانیب

یتیشور اربعینون ,,,, قبریوی گورمه میشم
آلیشیر قلبیم اقا ,,,حرمون اوپمه میشم

جان آقا

سنه قربان اقا

سیدالعطشان آقا

درگهون سائلی ام ,,, دار فنا راحلی ام
من اوشاخلیخدان آقا,,,,, لطف وکرم شاملی ام

اولاجاخ بیرگون قسمت,,, زائر اولام عباسه
منده احبابین ایچره ,,,,چوخ گلرم احساسه

جان آقا

سنه قربان آقا

سیدالعطشان آقا

بیر گونی من گلرم ۰,,,,تربت پاکون اوپرم
آلتی آیلیخ بالاوا ,,,,,منده بشیک ترپدرم

نذر الیوبدی آنام ,,,,زائر شش گوش اولام
,,,,تربت پاکون آقا,,,, آناما هدیه آلام

جان آقا

سنه قربان آقا

سیدالعطشان آقا

• شنبه
• 17
• تیر
• 1402
• ساعت
• 18:50
• نوشته شده توسط
• یوسف اکبری

یا حسین درگهوون سائلی ام

شکری وار لطف و عطا شاملی ام

سنون عشوندی فقط جاویدان

من اوزوم دار فنا راحلی ام

گرچه مهرینله دولوبدور اورگیم

عفو ایله دوز چورگون غافلی ام

گیجه گوندوز اوخورام حمد و ثنا

منده نوکرلیقوون قابلی ام

اولماسا عشقین اورکده بیلیرم

عالمین روسیه و جاهلی ام

سنون عشقوندی ویرن جسمیمه جان

یوخسا منده آقا تپراق گِلی ام

• شنبه
• 17
• تیر
• 1402
• ساعت
• 19:33
• نوشته شده توسط
• یوسف اکبری

#درسبڪـــ صحرای کربلاده.....

ای مهد عشق و ایمان
شمع صراط عرفان

سالدون دیار عشقه
بیر نهضتیله توفان

مظلوم حسین حسین جان

مظلوم حسین حسین جان

ای فخر آل عترت

آدون جنانه زینت

معنای مهر و رافت

عشقون اورکده نعمت

پابند عهد و پیمان

مظلوم حسین حسین جان

مظلوم حسین حسین جان

محبوب قلب طاها

فرزند پاک زهرا

اسلامیپ ائتدون احیا

وئردون جهاده معنا

ای مشعل فروزان

مظلوم حسین حسین جان

مظلوم حسین حسین جان

سن حجت خداسن

هر درده آشناسن

سن معدن عطاسن

ذبح من القفاسن

قویدون جهانی حیران

مظلوم حسین حسین جان

مظلوم حسین حسین جان

یتمیش ایکی دلیرون

حیدر صفت امیرون

پاینده دور مسیرون

گلمز آقا نظیرون

اولدون فدای قرآن

مظلوم حسین حسین جان

مظلوم حسین حسین جان

قان وئردون عزت آلدون

دیللرده زنده قالدون

رتبه تاپوپ اوجالدون

عشاقی درده سالدون

مهتاب و مهر تابان

مظلوم حسین حسین جان

مظلوم حسین حسین جان

ذبح عظیم عالم

دوردون یولوندا محکم

جبریله اولدون همدم

ووردون سمایه پرچم

سن سن بو خلقه برهان

مظلوم حسین حسین جان

مظلوم حسین حسین جان

• شنبه
• 17
• تیر
• 1402
• ساعت
• 19:41
• نوشته شده توسط
• یوسف اکبری

حسین سیز یوخدی عشاقین پناهی

بیزه باغ جناندی بارگاهی

گنهکاره اگر ائتسه عنایت

مردد اولما قالماز هئچ گناهی

اولار نصرانیده مشتاق ارباب

اگر چیخسا اورکدن سوز و آهی

نه غم وار شیعه ده محشر گونوندن

حسیندی اول هیاهوده پناهی

قرانلیق قبریده عشاقه ارباب

مسلم گورسدر نور پگاهی

• شنبه
• 17
• تیر
• 1402
• ساعت
• 19:48
• نوشته شده توسط
• یوسف اکبری

هر کیمه ارباب حسیندور یوخدی عالمده غمی
شاه اولوب معناده اولسا کیم حسینون محرمی

شکوه ائتمز دردیدن چون عشقیلن مانوس اولوب
نوش جان ایلر حسین تک عشقینین اوسته غمی

تکده قالسا گوشه ی میخانه ده مسرور اولار
چون حسینین عشقیدور هر یاندا هردم همدمی

دردی اولسا هچ طبیبه دردین اظهار ایلمز
چون بیلر عشق حسین دور تک دوا و مرحمی

قلبینی ایلر حرم شش گوشه بیر مرقد وئرار
چیرپینار قلبی اسنده گنبد اوسته پرچمی

فکری و ذکری دائما بین الحرمده سیر ائدر
مست اولار یاد ایلینده پاسبان علقمی

هی اورکدن سسلییر قربان اولوم احساسیوه
ای یل ام البنین حیران قویوبسان عالمی

• شنبه
• 17
• تیر
• 1402
• ساعت
• 19:57
• نوشته شده توسط
• یوسف اکبری