اشعار ترکی امام حسین (ع)

واردی هیئت نقدر مکتب عزتدی بیزه
مکتب عشق و ادب مکتب غیرتدی بیزه

هیئتون پرچمین اولده خانم زینب آچوب
کربلادن اوجالوب ایندی امانتدی بیزه

عشقیلن ساخلامیشوخ مکتب دینون علمین
نصب اولار هر قاپییا مهد شرافتدی بیزه

معرفت درسینی آلوخ قورولان مکتبدن
شکر ائداخ اللها عالم بوئی نعمتدی بیزه

مدعینون سوزودور بوشلا عزا خانه لری
نه بیلور بزم عزا بزم هدایتدی بیزه

بیز حسین عاشقیوخ مکتبیمیز مکتب عشق
سسلروخ گونده حسین آدینی رحمتدی بیزه

زاهده جنتی وئر یوخ گوزوموز جنتده
بو حسین مجلسی دنیا بویی جنتدی بیزه

آختارور کیمسه اگر راه سعادت (سالک)
یاز حسین مکتبینی راه سعادتدی بیره

• چهارشنبه
• 12
• خرداد
• 1400
• ساعت
• 22:08
• نوشته شده توسط
• یوسف اکبری

قانیوی توکدی بوچولده فرقۀ اعدا اوغول
سالموسان کرب و بلا ده محشرکبری اوغول

باش آچوب جنّاتیده جدّون پیغمبر هم آتان
سینم اوسته گل اوغول ای کوللراوستونده یاتان
ساخلیوب شام غریبان بوگجه زهراآنان
بیرده بزم غم قوروبدور زینب کبری اوغول

بجدلین ظلمون گوروب من قتلگاهوندا بالا
یانموشام دیلدن اوغول دوزمزبوظلمه هیچ آنا
اولدوروب لرال کسوب لرباش کسوبلر من قفا
مطبخ خولیده باشون ایلیوب مأوا اوغول

مطبخ ایچره چکموسن زهرانی سرمست حضور
ذکرقرآن ایله انجیل بیرده تورات وزبور
لب آچولسا صوت قرآنون سالاربویرده شور
سن فدای دین حقسن باش ویرن یحیی اوغول

باشوون نوری سالوبدی عرش وفرشه شورونور
غبطه ایلرحضرت موسی و هم سینای طور
تاپموشام بویرده الله امریدی فیض حضور
منده گلدیم کربلایه یوم عاشورا اوغول

آتش غمده بوچولده منده سن تک یانموشام
گورموشم هربیر بلانی سانما آسا سانموشام
قارداشون عباس اُولنده حالیوه اودلانموشام
ایلدی لفظ مواساتی سوسوزمعنی اوغول

اکبرون اُولدی گوزنده اولدی دنیا تیره تار
دوغرانان جسمی یقینا آلدی سندن اختیار
خیمه لرده آغلاشوبلار محشر اولدی آشکار
عالم معناده منلن سسلنوب لیلی اوغول

اوخ دگنده اصغره قدوسیان آغلاشدولار
عرش اعلاده ملائک بزم ماتم قوردولار
ناله وشیون سسیله یرگویی دولدوردولار
آغلادی منلن اویرده مریم و عیسی اوغول

ایله بیرظلم ایلدی اهل شقاوت اهل شام
آلدیلارمندن توان و قالمادی صبرو دوام
سن کیمی گل بسلموشدوم سینم اوسته با مرام
سالدیلار دوشدون طراوتدن گل رعنا اوغول

سن شهید اولدون بوچولده منده نابود اولموشام
هرشهیدین قانین اعضایه یاخوب عود اولموشام
شدت غمدن دوتوب اود یانموشام دودو اولموشام
منده یاندیم زینبیمده دیلده واویلا اوغول

گرچه (عدلی) پیراولوب امّا یازور بوخامه سی
مدح و نوحه یازماقی ایلوب ایشی برنامه سی
هرمحرم گوزیاشی اگنینده قاره جامه سی
عمری وارتا سسلنرهم یا حسین زهرا اوغول

• جمعه
• 19
• دی
• 1399
• ساعت
• 20:10
• نوشته شده توسط
• یوسف اکبری

یاحسین بیر سنون عشقون منی بازاره چکوب
شکَّر لطفودی طوطی کیمی گفتاره چکوب

روز ازلده سنون عکسوی دل ملکونده
مانی عشق گوزل وجهیله دیواره چکوب

گر تاپام عشقی مُنقّش ایلین نقّاشی
سوروشام او منی علّت ندی آواره چکوب

ناز چکماقلقا عاشق، ولی نقّاش ازل
ایتماقا ناز همیشه نیه دلداره چکوب

سلطنت ایلوری ملک دله عشقون شاهی
من مسکینی اوزی اولدوقی درباره چکوب

رشته زلفی سالوب گردنیمه لیلی مثال
منی مجنون ایلیوب آردیجا کوهساره چکوب

آتش شمعه گرکدور یانا هر پروانه
عشقیده بلبل شوریده نی گلزاره چکوب

من یعقوبونی عشقوندی ایدوب دیوانه
هر گون، هر آی، هر ایلی کوچه و بازاره چکوب

• دوشنبه
• 28
• تیر
• 1400
• ساعت
• 15:25
• نوشته شده توسط
• یوسف اکبری

کیم مست می جام حسین بن علیدور
مین محشر اولا رام حسین بن علیدور

بو می دن ائیچن مست اولاجاق تا ابدالدهر
عاشقلره می نام حسین بن علیدور

تن ذلّته وئرمز بو میٕ ون مستی جهاندا
گر وئرسه باشون گام حسین بن علیدور

پروانه صفت گر یانا عاشق اود ایچینده
صید اولسا گورر دام حسین بن علیدور

گوزیاشی اگر لوح بصر توکسه بوسوزده
غمدن بولونر شام حسین بن علیدور

عاشوریدی گوزیاشیوی توک«صادقی» آغلا
ایمدی یخیلان بام حسین بن علیدور

• پنج شنبه
• 7
• مرداد
• 1400
• ساعت
• 11:42
• نوشته شده توسط
• یوسف اکبری

(کرب و بلاچولونده طوفاندی یا محمد)
(گوندر کفن حسینه عریاندی یا محمد)(1)

پیر و جوان بو یرده قربان دین اولوبدی
باشسیز دوشوب بدنلر دین گلشنی سولوبدی
اولدوردولر حسینی گون سیردن دونوبدی
اکبر کیمی جوانی دوغراندی یا محمد

اوخ سینه ده یارالار پردن آچوبدی شهپر
آت سالدیلار پوزولدی گل تک اولوبلاپرپر
بیر غنچه وار ایچینده سالدی بو جانه اخگر
اصغر ال اوسته عطشان اوخلاندی یا محمد

اوخ حرملیدی قویدی قهرا بو گون کمانه
اصغر بوغازی اولدی اوچ پر اوخا نشانه
گوردی آتا ال اوسته قانی قاروشدی قانه
گولدی اولحظه عالم حیراندی یامحمد

گل غنچسیدی اصغراوخ دگدی پر پر اولدی
اللر قماطه باغلی قنداقی قانه دولدی
ایلور آتاسی افغان گوردی بالاسی سولدی
باغ رسالته گل خنداندی یا محمد

مشک اوخلانوبدی عباس گوزده وار اوخ یاراسی
قولارینی سالوبلار دوشموش یره لواسی
قانی آخور باشیندان ادرک اخا صداسی
درک ایلدی حسینون اودلاندی یامحمد

بو گونده اولمادی بس ویران بوکون وامکان
اوغلون باشی کسیلدی قان یاغدی اولدی طوفان
غارت اولوب لباسی نعشی قالوبدی عریان
عصرین امامی سجّاد گریاندی یا محمد

اخیامه اود ویروبلار یاندی خیمم سراسر
قاچسون چوله اوشاقلار مانعدی قوم کافر
یاندی یانان قالانلا ر اولدی ملول و مضطر
درد و مِحَندن اطفال نالاندی یا محمد

بوکوفیان ندندی جو رو جفاده دویماز
غارتده جای نقصان بواشقیادی قویماز
اغماز ایدر مگر بو دشمن بناتی سویماز
نام دنی بو قومه عنواندی یا محمد

ظاهرده کربلاده گتدی حسین جلالی
دشمن ایدوبدی غارت هرنه اولان منالی
اولدی اسیر دونان آغلار قالوب عیالی
جاه و مقامه دشمن تولاندی یا محمد

ایل لر بویی بو غمده دل اهلی سینه داغلار
(عدلی) اودی اورکدن بوگون حسینه آغلار
کربو بلایه گتسون پیما ن سنیله باغلار
قربان مزار پاکه بو جاندی یا محمد

(1) بیت اول از مرحوم زهنی زاده

• شنبه
• 20
• دی
• 1399
• ساعت
• 20:03
• نوشته شده توسط
• یوسف اکبری

آغلا بو بزمیده گوزوم گوزیاشوون بهاسی وار
محفل عشق دور بویرگور نقدر صفاسی وار

زندة عشق ایدر بو یرعشقه اسیر اولانا لاری
اهل دله صفا ویرر درد دلین دواسی وار

بهشتی عشقینه آلارکیم اولسا عاشق حسین
سویله اوعاشقی گله دلده خدا رضاسی وار

واردی آقا مدا چوخ کرم سائلی مایوس ایلمز
گلنلرین گیدنلرین حاجتونون رواسی وار

دردیوی گل بو یرده سن سرسپه امامه ده
مشکل آچاندی اللری الده اونون لواسی وار

اورکده واردی گرسوزون دِ سودامربالاسینه
باب الحوائج اصغرین ا للرونون عطاسی وار

قطعه به قطعه دوغرانان سسله علی اکبری
حاجتینی روا ایدرکیمسه که التجاسی وار

زینبی سسله سس ویررآند اونی ویر حسینینه
زینب آدیندا وار دوا دنیا بویی وفاسی وار

بو بزمه صدقیلن گلن دوا تاپار شفا آلار
بویردی کربلا یری مریض لرین شفاسی وار

و یرولسا هریره علم آناسی فاطمه گلر
او یرکه عاشقان دوتوب حسینونون عزاسی وار

اولار بویرده میزبان قدی خمیده فاطمه
دیرکیم آغلاسا منیم حسینیمه جزاسی وار

همان آنادی گلدی تاگوره او قتل گاهیده
دوشوبدی اوغلی باشی یوخ نه ساتر و لباسی وار

توکوب عذاره گوزیاشین دیوب باشون هانی بالا
بلیم بوکولدی دور اوغول بو قلبیمون بکاسی وار

حسابیدن چخوب یاران گلن ویروب گیدن ویروب
کسوبدی ساربان الون اونون بیوک خطاسی وار

یارا یارانی چاک ایدوب آخورقانی بوتوپراقا
یوخوندی صاف یرین اوپم بوجسموون یاراسی وار

یاپوشسا زخمه کوینگون سویاندا اینجیدوب سنی
کیمون باشوندا بیربیله بلاسی کربلاسی وار

اوباشی بسلیوب آنان قویاردی گل لراوستونه
گیدوبدی خولیه قوناق اونون دیمه حیاسی وار

و یررلر گوز یرینده یرقوناقه رسمیدی اوغول
و یررکول اوسته یرسنه او ظالمون جفاسی وار

دوروم گیدوم او یرده من قویوم دوداق دواقیوه
سیلیم بو گوزیاشیله من دوتوبدی کول نماسی وار

باشون نقدر بلا لیدی ائلدن اوغول آرالیدی
زینب دوتوبدی یاسوی دلنده وا اخاسی وار

قوروبدی بیریاری یانان چادرداآغلوری سنه
ویروبله سس سسه هامی اویرده غم اساسی وار

گیدوبدی غارته قزون رقیه گوشواره سی
قولاق یارا اورک یارا صدای وا اباسی وار

لیلی سریه هم رباب سسلور دیور ایوای بالام
او چادرایچره غم یاغورایوای اوغول صداسی وار

من تک گیدوب او محفله ویردوم تسلّی زینبه
شام غریبان ساخلیوب دردین آلام نواسی وار

آندوردوم آغلاما قیزیم صبرایت بلایه دوزقیزیم
باشوندا شام و کوفه نون بیر غملی ماجراسی وار

بو غم لرونده«عدلیده» منیم کیمی یانار توکر
عذاره اشکینی اوغول نه صبح و نه مساسی وار

• شنبه
• 20
• دی
• 1399
• ساعت
• 20:10
• نوشته شده توسط
• یوسف اکبری

مقصوده چاتان شاهدجانانینه قربانیم
باشون هانی بس قارداش ذبح ایلیوب عدوانیم

قویموللار بوردا من سنه آغلیم
وای منه باشون یوخ گوزون باغلیم

ای بار غم و مِحنت قدین خم ایدن قارداش
ای دارو نداریندن بیرگونده گچن قارداش
هم سود امرین قانین افلاکه سپن قارداش
دورگور منیم اللرده قالدی نجه دامانیم

چکدی منی چون عشقون گلدیم بو بیابانه
عشقیم سنه معلوم دور بو لمز بونی بیگانه
سن شمع محبّت سن زینب سنه پروانه
حاشا اولاسان خاموش ای شمع شبستانیم

من عاشق سرمستم سن شاه شهیدانه
شرکت ایلدیم سنله بو نهضت شایانه
ویردوخ ال اله گتدوخ عدوانی اخا جانه
سن جان بکف اسلام حامی سنه یزدانیم

من زمزمۀ عودم سن زمزمه پردازیم
من دردم وگر اشکم سن دلده نوا سازیم
من هنگیوه بیرسربازسن شاه سرافرازیم
من سسلۀ موجم سن سسله جنبانیم

من دشمن بی دینه عجز ایلمرم قارداش
دفنونده قصوریم یوخ قویموللا ایدم اوباش
گوردوقجا گلورموجه گوزلرتوکوری قانیاش
اوچ شعبه لی پیکانه وار نالۀ مستانیم

ای حقّه اولان مِرآت قانی دِیَه آللاهه
هرگزدیمرم گون تک باتدی نیهآللا هه
لازمدی چوخور یرده زینب دیه آللاهه
قربانی قبول ایله ای خالق رحمانیم

اهدافووی عالمده اعلان ایدرم قارداش
قول باغلی اسیراوللام شامه گیدرم قاداش
یوللاردایزید ظلمون خلقه دیرم قارداش
بو نهضت خونینه قرباندی منیم جانیم

سن یوسف زهراسن بیردنیا خریداری
مـن«عدلیم»و عشقون چوخداندی گرفتاری
بیرجام می ایشون ویراول ایوده کی بیماری
سویلرآناسی هر دم وار دور دل سوزانیم

• شنبه
• 20
• دی
• 1399
• ساعت
• 22:38
• نوشته شده توسط
• یوسف اکبری

کیمدور بو نورمطلق نورانی مقتلینده
سینایه دوندروبدور میدانی مقتلینده

کیمدورمکان ائدوبدور گودالی لامکانه
بیر واحدون اَحددور مهمانی مقتلینده

کیمدور چَکن اَرادن بو پرده حِجابی
عشق عاشقین اولوبدورحیرانی مقتلینده

کیمدور تَصرُّفیله دوققوز فلک اَلینده
ظاهرده یوخ حصیره امکانی مقتلینده

کیمدور آدیندا واردور اِعجاز اسم اَعظم
حکمینده دور جَمادات هرآنی مقتلینده

کیمدور دینده یاهو گویده مَلکلَرآغلار
آدمله اولدی حَوّا ، گریانی مقتلینده

کیمدورخلیله نارِ نمرودی ائتدی گلشن
اما ئوزی یاناردی عِرفانی مقتلینده

کیمدورنظام چرخی آهیله بَرهَم ایلر
گوستردی نوحه بیرده طوفانی مقتلینده

کیمدور اونا دیلمَز مِصداق لَن تَرانی
موسایه گوستروبدور سُبحانی مقتلینده

کیمدور اِئدر بویردن ماءُالحَیاتی احسان
بَذل ائتدی خِضره آب حَیوانی مقتلینده

کیمدورمَسیحه تعلیم ایلوبدی نفس پاکی
عیسایه صادر ایلر فرمانی مقتلینده

کیمدورآخاندا قانی هُوحق یازاردی یرده
تپراقه وئردی عِزَّت اَلقانی مقتلینده

کیمدور عَطش هویدا اولمیشدی لبلرینده
کوثر گزوردی اَمّا عطشانی مقتلینده

کیمدور دیلی دولامور دردین دیله گتورسون
سایسیز یارالارین یوخ درمانی مقتلینده

کیمدور یاسیندا زهرا اَل معجره آپارمیش
باشلوب اونا سَماوات اَفغانی مقتلینده

یا وَیلَنا ، حسیندور تپراقلار اوسته دوشمیش
گوز یاشیدور بو شاهین احسانی مقتلینده

روحُ الاَمین چالاردی لایلای اونا بِشیکده
دورمیش او گاهواره جُنبانی مقتلینده

لایلای دِیَن گلوبدور نوحه دیور بوچولده
اوخشار همان یارالی سلطانی مقتلینده

یَابنَ الحَسن رُجوعیم یوخ شمر گلدی گئتدی
وار بو غریب امامون جریانی مقتلینده

عَمُّون نجه دوزوبدور ای واقفُ القَضایا
باش گئتدی قالدی جسم بیجانی مقتلینده

بیلمورباشین دالیجاگئتسون ویا قیتسون
گوردی قالوبدی باشسیز قربانی مقتلینده

گویا یره داغیلمیش قرآن وَرق وَرقدی
زینب الیله یغدی ، قرآنی مقتلینده

قاری جِدا باشیندا قرآن تلاوت ائتدی
اَحسن دیردی جسم عریانی مقتلینده

حیرتده قالسا (نادر) مقتلده اِئتمه ایراد
اوردا گوروبدی بیر جان جانانی مقتلینده

• شنبه
• 20
• دی
• 1399
• ساعت
• 22:58
• نوشته شده توسط
• یوسف اکبری

آدون گلنده گوزیاشیم آخور عذاره یاحسین
غمــونده دل الولانور چکـورشراره یاحسین

محبــتوتدی موج ائدور سرشگیلــه دولورگوزوم
عــریضه یوزده اشگیلــه یازور نگاره یاحسین

مریض عشقووم سولـوب بهارعمرمون گلی
تفــضل ایت مریضــوه گل ایلـه چــاره یاحسین

قــرارقـالمــوری داخــی اورکــده ای قــرارجان
تـرحم ایلــه سیــــدی بـوبی قــــراره یاحسین

نصیب ایله مـزاروین غبارین اشگــیله یووم
بوجمعلــــه او قبـــریوی آلـــوم کــناره یاحسین

• دوشنبه
• 11
• مرداد
• 1400
• ساعت
• 11:46
• نوشته شده توسط
• یوسف اکبری

اولسون سلام هو دیوب عشقه چاتانلارا
عشقون یولوندا هرنَه یی باشدان آتانلارا

اولسون سلام دشت بلاده قوناقلارا
اولسون سلام شیخیله شابه اوشاقلارا
اولسون سلام تشنه یانان دیل دوداقلارا

اولسون سلام ناوک پیکان نشانینه
اولسون سلام عرشه گئدن پاک قانینه

مرغ قریحه تاپدی سوزی طَبعی جوشلادی
پروانه دن چکوبدور اَلین شمعی بوشلادی
اصغر آدیلا شعرینی سوزلرده خوشلادی

بیر صودامر که دفتر عُشّاقی باغلادی
اَوّل اوخا گولوبدی صورا باخدی آغلادی

عشقه بَلی دیوبدی هَله آچمامیش دیلین
رَخت شهادتی گیونوب گورمَه دی ایلین
اَگدی او خوردا اَللری شَدّادیلَر بِلین

بابَ الحوائج ائتدی اونی حَیّ کردگار
درمان ائدر دیون گَله هرکیمسه دردی وار

تشنه دوداقی نَهر فراتین سویون آتوب
دان اولدوزی دِیوللر اونا چونکه تِز باتوب
قانین حسین فاطمه نون قانینه قاتوب

مَعنا دیلیله عرض ائله دی شاه محشره
باشون سلامت اولسون آتا باخما اصغره

ئوپدون دوداقیمون یاراسین دوشدی هَمهَمه
اَهلی سَمانی قانلو دوداقون سالوب غمه
حسرت گوزیله هِی باخوسان نَهر علقمه

یوخدورعموم اَلوندن آلا شیرخوارووی
تپراقون اوسته قوی منی سن باغلا یارووِی

ای مرتضانون اوغلی غمه بیرده تاب ائله
قربانلیقون قبول اولا گَل بیر ثواب ائله
تُحفَم آز اولسادا باباسن چوخ حساب ائله

عبّاس عموم اگر چه سنه شاهبازیدی
دیلسیز بالوندا اَللروون اوسته بازیدی

میدان عشقیده نِجه گور قانه باتموسان
دنیا تَعلّقاتینی سن باشدان آتموسان
بیرصوداَمردَه جمع شهیدانه قاتموسان

آغوشووه بوخورداجا سربازی آلموسان
مَمنونووم بابا منیده یاده سالموسان

سَپ قانیمی سَمایه بابا شرح قال ائله
قوی منله بیرده یوزیوزه رَفع مَلال ائله
اسباب زحمتم بالووِی گَل حَلال ائله

مَرهَم ائدر فَلک یاراما قاره تپراقی
آسوده گئت آپار نَنَه مَه قانلی قنداقی

اَملیک اووا بوچولده اگر چه شباهتم
طفلم ولیک عشقیده صاحب صَلابتم
مَندن نَنَم خَجِلدی من اوننان خَجالتم

اوچ پراوخ اولدی باعثی ایندی آرالیام
آتدیم اوگاهواره نی بیلدیم هارالیام

غنچازمانی دَهر دَنی ایسته دی سولام
اَمّا خوشام بابا شَجَر عشقه بیر خولام
سینونده یاتماقیلا گَرک من مِدال اولام

بیرگون بوچولده چوخلاری زوّار اولارسنه
ششگوشه قبریده هامی للایلای چالارمنه

(نادر)گوزون یاشی گنه ده آخدی دفتره
عود غمی سالور قلمون اودلی مِجمَره
دان اولدوزی چیخوراونا باخ آغلا اصغره

اوخشا سحرستاره سی اول ماهپاریه
آغلا او چولده غارت اولان گاهواریه

• یکشنبه
• 21
• دی
• 1399
• ساعت
• 11:58
• نوشته شده توسط
• یوسف اکبری

بارالها بو حسینه بیزی عاشقتر ائله
یاندیر عاشقلرینی عشقیده خاکستر ائله

شکریلن یاد ائدورم شام و سحر ذوالمَننی
آبرومند ائلیوبدور بله عشقیله منی
بو قَرا کوینگه واقف ائدورم ایندی سنی

قویسالار کوینگیمی فرض ائله حَرّاجه اگر
دِیرَم بیر ساپینین قیمتی دنیایه دَگر

گر چه واضحدی اونون علّتی اهل مِحنه
بیر اشاره یری واردور بو قرانی گینه
یتیشر نسبتی زهرا توخیان پیرهنه

بَس نَدن قاره دی، عشقیم بیر اشاره ائله دی
آقیدی ،آتلار اَیاقی اونی قاره ائله دی

هاردا ماتم قورولوب اول شه عطشانه گوره
احترامیله قدم قوی اورا قرآنه گوره
نَصّ قرآندی همان یر او آخان قانه گوره

اهل قرآن بو قانین صاحبینی زنده بیلر
ئولمیوبدور شهدا محضر داورده دیلر

سنه بو مطلبی من واضح و محکم دیورم
نه فقط نوحه ،نه منظوم مُحرّم دیورم
زینبون معجریدی بو قَره پرچم دیورم

دوز باخان حاشیه ده لاله یلن یاسی گورَر
کیم اونا اَیری باخا سیلی عباسی گورَر

هیئت اول خوان مُجلّلدی وئرر روحه غذا
من تک آلوده لر اوردا آلوری درده دوا
عمری باطلدی اگر ائتمسه کیم حقّین اَدا

اوردا موسی تاپار ئوز طنطنه ی سِینینین
کوچه ده پرچمی گورسه چیخادار نَعلینین

بو حسینون آدینا هاردا که نصب اولدی علم
معرفت اهلی دیَر اول یری فرض ایله حَرم
قویوسان اوردا مَلکلر قانادی اوسته قدم

حسرت اهل سمادور بله غم بزمی قورا
قاپیدا حضرت زهرا اَلی قوینوندا دورا

اهل دل سوز دئمگه دلبره ،هیئت تانیار
لذّت اجری او که ایلوری خدمت تانیار
خادم هیئت اولان هاردا مَنییت تانیار

کیم ریاست گزه بو یرده خطایه باتاجاق
بله بیر خصلت اونی ابن زیاده قاتاجاق

• یکشنبه
• 21
• دی
• 1399
• ساعت
• 16:37
• نوشته شده توسط
• یوسف اکبری

دنیا گوزی عالمده حسین کرب وبلادور
بین الحرمین عاشقووه سعی و صفادور

بیر یاندا سنون گنبد پاکوندی نمایان
بیر یاندا یاتوب علقمین اوسته مه تابان
جانیم اولا سنله بو علمدارووه قربان
عباس دئمه معدن ایثار و وفادور

ششگوشه دی قبرون سنون ای زاده ی حیدر
سینونده مدال اولدی سنه صودامر اصغر
یاتمیش ایاقون آتدا جوانون علی اکبر
ششگوشه مزارون بیزه محرآب دعادور

عاشقدی هامی قبرووه ای شاه خجسته
باخ شیعه لره عازم اولور دسته به دسته
پهلوسی سینان فاطمه دورمیش یولون اوسته
خوش گلدین ائدن زائرووه خیر نسادور

باشسیز او عیال و حرمین گوزدن آتاننان
عمامه سی باشینده قزل قانه باتاننان
ایستی قومون اوستونده بو صحراده یاتاننان
هریاندا اونا ئوز ننه سی صاحب عزادور

ایکاش زوال امری بو هجراندا اولیدی
بلبل لرین آوازی گلستاندا اولیدی
ایکاش حسین قبری بو ایراندا اولیدی
افسوس بو هجران داغی داغلاردان اوجادور

• یکشنبه
• 21
• دی
• 1399
• ساعت
• 16:42
• نوشته شده توسط
• یوسف اکبری

ای حسین ای نیزلر اوستونده باشی سان وئرن
ای حسین ای جانینی دین گوره قربان وئرن

ای حسین ای مکتب اسلامی زنده ساخلیان
ای حسین ای اول امامی که بیزه فرمان وئرن

ای حسینی که کسوب خنجر اونون گل پیکرون
خنجرین ردین تیکوب اوخ ،راه عشقه جان وئرن

ای حسین که اکبرین نعشین عباده حمل ائدن
سو یرینه اصغره میداندا دشمن قان وئرن

ای حسینی که دوشوب مقتلده سسلور یا قدوس
بو گوزل ذکلرین جوابین نیزه و پیکان وئرن

ای حسینی اوپوبدی سینه سین اوچ شعبه اوخ
ای که گل باشین فدا حقه، لب عطشان وئرن

• سه شنبه
• 12
• مرداد
• 1400
• ساعت
• 14:10
• نوشته شده توسط
• یوسف اکبری

دوشوبدی تپراقا بیر شاه بی اَمان یارالی
وجودی باشدان اَیاقه اولوبدی قان یارالی

گرک دِیم که بو قان حضرت اَحد قانیدی
مکان ائدوب ئورگین چونکه لامکان یارالی

یانوردی دیل دوداقی شدّت عَطشدن لیک
فَراتَه ناز ائدوری شاه اِنس و جان یارالی

اگر او خِضر نَبی گورسه بو یانان دوداقی
وِصال آب حَیاتی تاپار گمان ، یارالی

آخاندا قانی یازار لا اِلهَ اِلاَ الله
اولوبدی والهِ جانان بو خسته جان یارالی

مُروَّت اولماسا گر میزبانلار ایچره یقین
چوخور یره یخیلار تشنه میهمان یارالی

دایانما فاطمه گَل یوسفون دوشوب چاهه
مَلک لَر آغلیوری باشلا سن فغان یارالی

حسینون ایندی خانم آشیانه سیز قوش تَک
سینوب قَنادی دوشوب چوللَره همان یارالی

یارالی قامتیلن هِی دورار گِنه یخیلار
باخاندا آغلیوری اهل آسمان یارالی

گوی اهلی ایسته دیلر تا حسین عُروج ائتسون
یِر اهلینه قالا بو شرم بیکران ، یارالی

آچوبدی سینه سینی کربلا یِری او زمان
حسینه مُلتمسانه ائدوب بیان ، یارالی

بو سینه می گَل حسین بَستر ایله اصغریلَن
سنه بو ئولکَه اولار یاخشی آشیان یارالی

چالاندا اصغره لایلای بو چولده قُمریلَر
جهانی داغلیاجاق بوردا نوحه خوان یارالی

مَزارووِی بیله جَک عَدنیدَنده باش (نادر)
اولاندا کعبهء عشقی بو آستان یارالی

• یکشنبه
• 21
• دی
• 1399
• ساعت
• 22:55
• نوشته شده توسط
• یوسف اکبری

سن منیم دنیاده والله افتخاریمسن حسین
دهریده عشقیم سنن ، دار و نداریمسن حسین

من همان عاشق سنون کرب و بلایین اولموشام
سن بو عشقیمده بیلورسن تکجه یاریمسن حسین

جانیمی نذر ائتمیشم تا که سنه قربان وئرم
شهر ایماندا فقط سن شهریاریمسن حسین

گوی منی داره چکه دست قضا بو دنیادا
دوزخه گتسم گینه سن اعتباریمسن حسین

شور و شوقه عشقه باخدیم تک سنی گوردم اقا
بو گلستانیمده گلمیشدون ، بهاریمسن حسین

من که اخراجم صف عقلدن، هامی گولسون منه
بو دیلیمده ازبر اولموش تک شعاریمسن حسین

سینمه اوخلار دیوبدی، زخم کاریدور ولی
سینمه وردیم که قالسین،یادیگاریمسن حسین

من " خدایی" یازمیشام چوخ نوحه لر والله اقا
عمرومی وقف ائتمیشم ،دارو نداریمسن حسین

• جمعه
• 15
• مرداد
• 1400
• ساعت
• 18:54
• نوشته شده توسط
• یوسف اکبری

عشقوه یا ثارالله منده گرفتارم
فخر یله درگاهونده نوکر دربارم
واردی اورکده دردیم ایله نظرمولا
دربدر و مفلوکم زارم و بیمارم
عشقونده منم غمکش و آواره و حیران
گورسم او گوزل قبروی راحت ویررم جان
ایله منی دعوت .... شش گوشه مزاره
قویما آخا اشکیم .... حسرتله عذاره
یا ابی عبدالله۴

کرببلا اولدوم من عشقوه دیوانه
یوخ داخی طاقت منده بیربیله هجرانه
یاده دوشنده یانام مرقدشش گوشه
آنداولا یتمیش ایکی قانینه غلطانه
عشقونده منم غمکش و آواره و حیران
گورسم او گوزل قبروی راحت ویررم جان
ایله منی دعوت .... شش گوشه مزاره
قویما آخا اشکیم .... حسرتله عذاره
یاابی عبدالله۴

اربعین اولدی ماتم سینه لری دلدی
کرببلایه زینب زار و حزین گلدی
یدی قدم قالاندا دوشدی یوزی اوسته
سالدی اوزین قبراوسته خاطری دینجلدی
سسلندی حسین گوزلرون آچ زار و ملولم
گورسون تانمازسان باجووی دخت بتولم
هانسی غمی قارداش .... اول ایلیوم فاش
سس ویر بوحزینه.....آی غم گونی یولداش
یاابی عبدالله4

اهل وعیالون گلدی سالم و غمدیده
منده سنه زوارم حزین و دلخسته
اولدی رقیون قالدی شامیده آی قارداش
ایتدی بوغمده سندن زینبی شرمنده
سالدی بالانون اولمگی شاماتیده طوفان
قالدی او بالا کاخ یزیدی ایده ویران
خیردا گوزی سوزی .... اولدوز کیمی باتدی
باشون قوجاقیندا ... آمالینه چاتدی
یاابی عبدالله4

• پنج شنبه
• 25
• دی
• 1399
• ساعت
• 09:51
• نوشته شده توسط
• یوسف اکبری

فارسی

ای بردو عالم سلطان حسین جان
شاه غریب و عطشان حسین جان
برهمه شیعیان تومقتدایی
شهید تشنه کرب و بلایی
مظلوم حسین جان۴

ای پورحیدردلبندزهرا
نوباوه جان آرای طاها
میروسالارهرپیروجوانی
سرور شباب اهل جنانی
مظلوم حسین جان۴

ای کشته راه دین و قرآن
سالارزینب شاه شهیدان
توشهید عطشان کربلایی
کشته اشکی و خون خدایی
مظلوم حسین جان۴

خنجر به حلقت اعدا نهادند
لب تشنه کشتندآبت ندادند
کلِّ یومُُ عاشورابرلب ماست
کلِّ ارضِِ کربلا مطلب ماست
مظلوم حسین جان۴

ترکی

داغ غموندن عالملرآغلار
زهراوحیدر؛ پیغمبرآغلار
قانون توکولدی دشت بلایه
زینب گلوبدی آه و نوایه
گودی مقتله ال باشداگلدی
غرق ایدوب عالمی گوزیاشداگلدی
مظلوم حسین جان۴

قانه باتوبدی اکبربوچولده
قانین ایچوبدی اصغربوچولده
قاسم اولوبدی قان حجله گاهی
عباس اولوبدی پرپربوچولده
هامی یر تا قیامت کربلادی
هرگون عاشقلره چون عاشورادی
مظلوم حسین جان۴

• سه شنبه
• 30
• دی
• 1399
• ساعت
• 17:35
• نوشته شده توسط
• یوسف اکبری

سرور عالمی شاه عطشان حسین
شافع محشری جان جانان حسین
جان حسین جان حسین/// ای لب عطشان حسین

عالم از داغ تو غرق ماتم شده
سینه عاشقان مسکن غم شده
غرق آلام تو کل عالم شده
چون که مدیون توست کون و امکان حسین

آیت عشقی و دلبر عاشقان
جیرخوار تواند جمله فرزانگان
کربلای توشد قبله عارفان
چون به اقلیم عشق تویی سلطان حسین

نام پاکت حسین درد مارا دوا
خاک کرب بلات برمریضان شفا
هرکه نامت شنید مینماید بکا
ذکر نامت بود چونکه درمان حسین

آدم از لطف تو ؛ توبه اش شدقبول
شمس تابان تو می نگردد افول
درس آزادگی برتو داده بتول
گشته ای در ره عشق قربان حسین

آدوا آغلادی خاتم المرسلین
سنه دل داغلادی خودِ روح الامین
ورد ایدوب آدوی ساکنان زمین
گویده آغلور سنه حور و غِلمان حسین

ساکنان زمین سنه آغلارحسین
سنه آزاده لر سینه داغلار حسین
ماتمونده هامی قاره باغلارحسین
روز حشرآغلاماز چشم گریان حسین

حیدرین اوغلی سان مصطفی سویگولی
حسنین قارداشی باغ زهرا گولی
معرفت باغینون خوش زبان بلبلی
ماتمون عالمی ایتدی نالان حسین

سنه قربان اولوم شه گلگون قبا
شاه لب تشنگاه سنه جانلارفدا
قسمت ایله بیزه لطفیله کربلا
تااولاخ جمعیله سنه مهمان حسین

ایتدی طغیان اوگون دشمنان دنی
کوفی بی وفا دعوت ایتدی سنی
کربلا دشتینه تاکی گتدی سنی
ایتدیلرقانوه سنی غلطان حسین

ارباََ اربا اولوب ظلمیله اکبرون
اوچ پراوخ ذبح ایدوب خیرداجا اصغرون
اولدی قولار قلم ساقی لشکرون
قاسمون پیکری اولدی شان شان حسین

ماتمونده سنون مجتبی آغلیار
فاطمه اوخشیار مرتضی آغلیار
جنت ایچره یانوب مصطفی آغلیار
سالدی داغ غمون عرشه طوفان حسین

تاجهان وار حسین ماتمون زنده دی
کیم قاپوندا قالا عشقی ارزنده دی
((آذرین ))دردی وار گوزلری سنده دی
کل آلامینه ایله درمان حسین

• چهارشنبه
• 1
• بهمن
• 1399
• ساعت
• 12:16
• نوشته شده توسط
• یوسف اکبری

ای دلِ دیـوانه دئنن یاحسین
گلمه دل افغـانه دئنن یاحسین
عاشق و مستانه دئنن یاحسین
دورمـا جداگانه دئنن یاحسین
گلسه اورک جانه دئنن یاحسین
سسلـه دلیرانه دئنن یاحسین
عشقیله مردانه دئنن یاحسین

سینـون اگر غمللـره آماجیدی
واردی مریضـون اگر اِعلاجیدی
فاطمنـون اوغلینی داده چاغیر
چونکی آقـام دردلره حَلاجیدی
دکتری بوشلا دئگونن یا حسین
دکتر ئوزی شاهیمه محتاجیدی
گتمه طبیبانه دئنن یاحسین
عشقیله مردانه دئنن یاحسین

آدینـی افغـانه گلـن سسلیور
غـرق غـم و غرق مُحن سسلیور
پاک آدینی نوحـه دییَن ؛ آغلیان
سینـه وئران ؛ قاره گیَن سسلیور
بو آدی یکسـر سـرطانی اولان
مشکـل بسیاره دوشن سسلیور
سنده غریبانه دئنن یاحسین
عشقیله مردانه دئنن یا حسین

• پنج شنبه
• 2
• بهمن
• 1399
• ساعت
• 22:42
• نوشته شده توسط
• یوسف اکبری

در آهنگ (ماه دل آرا بیا یوسف زهرا بیا )

ای آدی زیبا حسین
ماه دل آرا حسین
مجلس جَشنون بیزه
جنت العلا حسین

عرش و فلک لر دیور
غملی اورک لر دیور
گویده ملک لر دیور
« آدیوه قربان حسین »
سالما اورک فاصله - سسله آلارسان صله
سنده دئنن صدقیله –آدیوه قربان حسین

یاندی شَرف مشعلی
نوری اولوب منجلی
عالمه گلدی بوگون
بَضعِـة جـان علی

فـاطمـه ریحـانه سی
نـوگـل و دردانه سی
اِئل هامی دیوانه سی
« آدیوه قربان حسین »
سالما اورک فاصله - سسله آلارسان صله
سنده دئنن صدقیله –آدیوه قربان حسین

شاهلارا شاهلیخائدر
اصغریوون نوکری
لایقِ جنتـدی چـون
درگهیوون چاکری

بوسوزی حاتم دیور
یکسـره عالم دیور
حضـرت خاتم دیور
« آدیوه قربان حسین »
سالما اورک فاصله - سسله آلارسان صله
سنده دئنن صدقیله –آدیوه قربان حسین

شأن و شرف آیه دی
سن آقا جان سوره سن
آنـدولا زهـرایه کـی
نـابغـه ، اوستوره سن

عرش خدا ماهی سن
سینه لرین آهی سن
جنته ده شاهی سن
« آدیوه قربان حسین »
سالما اورک فاصله - سسله آلارسان صله
سنده دئنن صدقیله –آدیوه قربان حسین

خامـس آل عبـا
آدیـوه جـانلار فدا
جـان ابوالفضل اله
دردلـره مـولا دوا

شمـع شبستـانی سن
مـاه درخشـانی سن
شیعه لرین جانی سن
« آدیوه قربان حسین »
سالما اورک فاصله - سسله آلارسان صله
سنده دئنن صدقیله –آدیوه قربان حسین

• پنج شنبه
• 2
• بهمن
• 1399
• ساعت
• 22:46
• نوشته شده توسط
• یوسف اکبری

من حسین نوکریم خادم سلطان کرم
اولموشام عمری بویی ریزه خوره خان کرم
من حسین نوکریم قال و بلا عاشقیم
منده زینب مثلی کربوبلا عاشقیم
کربلا محنتینه دائمی دل داغلامیشام
زینبون شامینی یاد ایلموشم آغلامیشان
اولموشام کربوبلا شمعینه پروانه حسین
من حسین نوکریم عشقیوه پروانه حسین
گورسدوب یول منه ظلمت آرا فانوس حسین
اولموشام نوکر درگاه ملک بوس حسین
باشی دالدان کسیلن شاهه اورک داغلامیشام
هاردا بیر قاره علم گورموشم ، آی آغلامیشام
نوحه لر اوخشامالا عونیله هم فضله دیدیم
دردیمی شام سحر قولسوز ابوالفضله دئدیم
اکبرین نعشینه لیلا کیمی ایوای دئمیشم
آنالار مثلی علی اصغره لایلای دئمیشم
بولارین هاموسی من باب وظیفه دی . ولی
بوشدی قبریمده بولورسن بو گرفتارین الی
نه اولار سنده شها راه کرمده گئده سن
قبر ائوینده منه بی یاره کرامت ائده سن
لطف ائدوب قبریمه گلسن سنه جان نذر ائدرم
آندولا فاطمه جانی ایاقینان اوپرم
آل یاسینه مدام نوحه ( پریشان) یازاجاخ
نوحه یازدیخجا آخار گوزیاشی گریان یازاجاخ

• شنبه
• 4
• بهمن
• 1399
• ساعت
• 20:18
• نوشته شده توسط
• یوسف اکبری

اگنیمده وار گوزل آدیوا قاره یا حسین
قیل مرحمت بو عاشق بیماره یا حسین
گزدیم جهاندا دردیمه درمان تاپام دیدیم
سندن علاوه کیمدور ایدن چاره یا حسین

دل مبتلا اولوبدی نه مدتدی بیر غمه
گوز تیکمیشم او علته من قاره پرچمه
چوخلار جهاندا عاشق اولوب نام و شهرته
من عاشقم حسین آقاما هم محرمه

دل بسته اولموشام سنه اولده یا حسین
وار مدرکیم اوزون بولوسن الده یا حسین
یانّام سنون او حالیوه ای شاه مشرقین
شانشان ایدوبله سینه وی مقتلده یا حسین

من کربلا غمینده اگرچه قوجالمشام
روحاً بلند مرتبه یم چوخ اوجالمشام
علت اودور که ساخلامشام اوز وقاریمی
هرکیم نه ورسه آلمامشام سندن آلمشام

• شنبه
• 23
• مرداد
• 1400
• ساعت
• 16:18
• نوشته شده توسط
• یوسف اکبری

ناگه بیر اوخا اولدی نشان قلب شهنشاه
اوخ بوسه وران یرده ظهور ایلدی الله
الله کیمین اولدی حسین ذوالمن و ذیجاه
آتدان یخیلان لحظه چکیب زینبی بیر آه
دیندیردی او آهیله شه تشنه لبانی
سسلندی حسین سینه می اوخ گور نئجه یاردی
قلبیمدن اوغول صحبتینی گوتدی آپاردی
ایندی بو یاریلمیش اورگین مالکی یاردی
کیم دی که حسینین حرمی خیمه سی واردی
وار حضرت جانانیدی باقی همه فانی
سالمیشدی صدا گویلره اول وجه الهی
گلدی او صدانی کسه بیر مست مناهی
گوردی کسه بیلمور سسی کسدی سر شاهی
آری سر احراری کسر فتنه سپاهی
خاموش ائده بیلمز ولی مصباح هدانی
کسدی اوباشی خوار ائده تا نیزه ده اوباش
اوباشی ولی ایلدی رسوا او کسوک باش
عابدلر ائدیب قاشلارینا جانینی شاباش
عاشقلره آلنیندا هو الله گورونوب فاش
اثبات ائدیب اعدایه فلا تنتصرانی
عرض ائتدی سما اهلی او خونین باشا هر آن
اجلالوی گر بیلمدی یر اولما پریشان
بیر لحظه گویه باخسون اگر ای شه خوبان
سگیز گوزینی دورد ملک ایلر سنه قربان

• پنج شنبه
• 9
• بهمن
• 1399
• ساعت
• 23:31
• نوشته شده توسط
• یوسف اکبری

سعی ائدک گلزار عشقی رنگ و بودن سالمیاق
کربلانین داستانین گفتگودن سالمیاق
قاره کوینک آرم دانشجوی عشق وعلمدور
دینی ترویج ائتمسوکده آبرودن سالمیاق

سعی ائدک بوآفتاب علم وعرفان باتماسون
دست بیگانه ریارنگین بوعشقه قاتماسون
همتیلن حافظ اول هر یرده قاره پرچمه
علقم اوستونده یاتان پرچم دوباره یاتماسون

سالمیاق هرخیرداسوز اوستونده عمده همهمه
اوخشاداق هیئتده گوزلر چشمه سارین زمزمه
بی ریا نوحه دی آغلا، تا سنون ده مرثیون
اوخشاسین قوی نوحه خوانان کنارعلقمه

• جمعه
• 29
• مرداد
• 1400
• ساعت
• 10:58
• نوشته شده توسط
• یوسف اکبری

ای شمس رخشان _ ای شاه مظلومان
جانیم سنه قربان _ یاحسین

منبعِ احسان _ ای سلطان خوبان
قیل دردیمه درمان _ یا حسین

ای سلطانیم آندولا زهرایه شش گوشه قبرونده اینان گوزوم وار

کربلایه بیر گون گله بیلسم قولسوز علمداره چوخلی سوزوم وار

یا حسین یاحسین یاحسین
ای شاه مظلومان

اربابِ عالم _ ای استادِ حاتم
ای دلبند خاتم _ یا حسین

عالم سنه قربان _ حاتم سنه قربان
خاتم سنه قربان _ یا حسین

کرب‌وبلا کعبه‌ی عشقیمدی، عشقون بو قلبیمده دیر و کنشتیم
بزمِ یاسون منِ بی نوایه آند اولا زهرایه باغ بهشتیم

یا حسین یاحسین یاحسین
ای شاه مظلومان

( فارسی)

شافعِ محشر _ ای دلبند حیدر
ای جان پیغمبر _ یا حسین

ای قبله‌ی پاکی _ ای روح بی باکی
سلطان افلاکی _ یا حسین

من مجنونم تو ساقیِ عشقی عشق تو را مستانه من اسیرم

قسمتم کن تا بیام کربلا تو بین الحرمین برات بمیرم

یا حسین یاحسین یاحسین
ای شاه مظلومان

ای راه عشقم_ ای تو ماه عشقم
شاهنشاه عشقم_ یاحسین

گوهرِ نابی _ تو کشته‌ی آبی
بر همه اربابی _ یا حسین

در کربلا تو وادی غمها دریای ماتم ها فدای عشقی

ای شاه ما دردانه زهرا سلطان بی سرها خدای عشقی

یا حسین یاحسین یاحسین
ای شاه مظلومان

• یکشنبه
• 19
• بهمن
• 1399
• ساعت
• 22:19
• نوشته شده توسط
• یوسف اکبری

علینون شیعه بیر درگاهی یاندی
حسینون خیمه و خرگاهی یاندی

اساس عیش و ماتم اولدی بر هم
بساط کربلا واللهی یاندی

جهانه ویردی بیر اود شمر ظالم
فلکده ماه و یئرده ماهی یاندی

ستمله گئچدی اسلامون چراغی
چراغ زینب اولدی آهی یاندی

اولان شرعون گئرک گمراهی یانسون
خدایا بس نئدن آگاهی یاندی

سودان منع ایلدی شاهی رعیت
جفایه باخ عطشدن شاهی یاندی

ویروبدی کربلا نمرودی بیر اود
خلیلیله ذبیح اللهی یاندی

دیلی دونمزدی گفتاره حسینون
سولوبدور لبلری افواهی یاندی

شرار ظلمیلن واللهی " بیضا "
حسینون خیمه و خرگاهی یاندی

• دوشنبه
• 1
• شهریور
• 1400
• ساعت
• 13:52
• نوشته شده توسط
• یوسف اکبری

سمای عشقی الوان ایلدیم من
جهانی مات وحیران ایلدیم من

کیم اولدی عاشقیم ارض وسماده
اونی جنتده سلطان ایلدیم من

گوزل شش ماهه می کربوبلاده
شهید راه قرآن ایدیم من

ازلدن واقفیدیم بو قیامه
وفای عهد و پیمان ایلدیم من

آتام حیدر تکین گلدیم جهاده
ستون کفری لرزان ایلدیم من

یوخومدی واهمه اهل جفادن
یزیدو شمری گریان ایلدیم من

باجیم زینبدی دنیاده سفیریم
امیر خیل نسوان ایلدیم من

اورکدن کیم چاغیردی یاحسین جان
سرای عشقه مهمان ایلدیم من

مریض عشقیمی آغوشه آلدیم
اونی محبوب یزدان ایلدیم من

• شنبه
• 17
• تیر
• 1402
• ساعت
• 17:55
• نوشته شده توسط
• یوسف اکبری

در_سبک_سلام_آقا

سلام آقا_ سلام ای شاه مظلومان
سلام آقا_ سلام ای لبلری عطشان
سنه قربان

سلام آقا_ سلام ای سینه‌سی شان‌شان
اولان غارت لباسی ، پیکری عریان
سنه قربان

اولوب ذکرِ لبیم اَمَن یُجیب آقام
کمکسیز همده قارداشسیز‌،غریب آقام
___________________

سلام آقا _ سولان ای با صفا باغی
هله واردی سینونده اکبرین داغی
سنه قربان

سلام آقا_ قوزی قربانیوه قربان
یارالی ساقی عطشانیوه قربان
سنه قربان

غریب آقا سنه قاره گییَن آغلار
یارالی جسمیوه قانلی کفن آغلار
سنه قربان

_______________
#زبانحال_حضرت_زینب

سنون تک جسمی صد پاره ئولن اولماز
مگر سلطان ئولن وقته کفن اولماز
باجون قربان

بئله قانه بورنمه زینبون ئولسون
سینون اوسته سورونمه زینبون ئولسون
باجون قربان

اویان قارداش بو قلبی بیله یاندیرما
منی آواره میداندا دولاندیرما
باجون ئولسون
___________________
#مدح

عزیز خلقتِ حَیِّ تَبارک سن
قسم اولسون ننون زهرایه کی تک سن
مبارک سن

اورک آئینه سینده نوری تک حَک سن
ندور یوسف کی یوسفدنده گویچک سن
مبارک سن

هامی عشقون اورکده دَم به دَم بَسلر
دوشه هر کیم بلایه یا حسین سسلر
سنه قربان

• چهارشنبه
• 22
• بهمن
• 1399
• ساعت
• 21:50
• نوشته شده توسط
• یوسف اکبری

بو همان یردور تمام عالملری آغلار قویوب
قلب عالم قلبینی، اوچ شعبه لی پیکان اویوب
شمر ذی الجوشن بابامی اؤلدوروب رختین سویوب
آت چاپوپ دورت مین یارالی سینه سینده اشقیا

بوردا بیر صدپاره پیکر عالمین روحی یاتوب
یعنی روح عالمینین جسم مجروحی یاتوب
کشتیِ دین، موج طوفانه دوشوب نوحی یاتوب
غرق اولوب فلک النجاة ماسوایه ناخدا

بوردا آتلو آت قباقینده کسنده چاره می
یعنی ظلمیله آلان ساعتده گوشواره می
خشکبند ائتدون اوزون بو گوش پاره پاره می
گیتمز اصلاً خاطریمدن عمه اول مهر و وفا

عمه جان نَهب اولدی بوردا اصغرین گهواره سی
بو اوخلاندی ربابین طفل شیرخواره سی
قانیله سیراب ائدوب اوچ شعبه پیکان یاره سی
حرمله یاندیردی بیر اوت یاندی جمله ماسوا

باخ ربابین قان اولان گوزیاشینه افغانینه
حقی وار مجنون اولا اشگی قاتا دل قانینه
درده گلمیش سینه سی چون سود گلوب پستانینه
اوز بالاسین آختارور بلکه وئره سود اوغلونا

وای او ساعتدن دوشوب آتدان حسینیم تشنه لب
هی دیدی یاندیم سوسوزدان اولشه والانسب
دوره سین چون دایره آلموش گروه بی ادب
جمله اللرده سنان و تیر و تیغ جان گزا

قیزدیروب گون اوت کیمی دشت بلانین خاکینی
ایستی قوم اوسته سالوبلار پیکر صدچاکینی
بیر نفر یوخ کولگیه چکسون وجود پاکینی
یاور و انصاری چون قانه باتوبدی هٰکذا

تشنه لب کسدی قفادن باشینی شمر شریر
خیمه سین تاراج ایدوب اهل و عیالین دستگیذ
یاندی بو احوالِ شاهه،شاه جانان و فقیر
سسلدی لای لای حسینه خالق عرض و سما

قوزادی مقتلده زینب ناگهان تکبیرینی
مقتل ناب مقرّمده یازوب تفسیرینی
سسلدی یافاطمه دوتدی او دم شمشیرینی
گر آچام بو مطلبی موم ائئلرم والله داغی
او کشاکشده یازوبلار دوغرانوب بش بارماغی

• شنبه
• 25
• بهمن
• 1399
• ساعت
• 22:12
• نوشته شده توسط
• یوسف اکبری

عرض ارادت ایلین , اربابه خوش گلدوز
بزم عزا و مجلس احبابه خوش گلدوز

احساسیزه فخر ایلیر , زهرای غم دیده
احسن بو شور و عشقوزه, بو مهر جاویده
محشرده سیز پاینده سوز , یاران شوریده
عشقیله اغیاری سالانلار تابه خوش گلدوز

کربوبلایه بیر گونی زوار اولاخ یاران
اجر وجزا وئرسین سیزه سردار سرداران
ای یاغدیرانلار گوزیاشین بو غمده چون باران
جام الده بو میخانه ی نایابه خوش گلدوز

• شنبه
• 17
• تیر
• 1402
• ساعت
• 18:40
• نوشته شده توسط
• یوسف اکبری