اشعار ترکی امام حسین (ع)

اله آلموسوز دفتر و خامه لر
منه یازمادوز سیز مگر نامه لر

یازوردوز اورکلر گرفتار اولوب
وئروب قول کوفی، سنه یار اولوب

یازوردوز اولوب هامی هوشیار
سنی بوللوخ عالمده تک شهریار

یازوردوز که گلمَقده جهد ایتگیلن
بیزیلن بوگون تازه عهد ایتگیلن

یازوردون که وادور سنه خواستار
مهیّادی لشگر سنه بیشمار

یازوبسوز منه نامه از خاص و عام
کی سندن سورا بیزلره یوخ امام

ولی اولدوی تیر سه پر خامه لر
یازوب قتل شاهی همان نامه لر

شرف سیزده یوخ ظلمه باش اگموسوز
وفا لاله سین ریشه دن دیموسوز

منی ایلدوز گور نجه دلکباب
اوشاقلاریمه ایلدوز قحط آب

که لایوفی دور کوفه نین شیوه سی
مبدل اولوب خنجره میوه سی

اولوب نیزه لر ایندی سرو چمن
قلج لار اولوب سوسن یاسمن

بتولی ویروبسوز اوگون کوچه ده
علینی شهید ایلدوز کوفه ده

گرک رهبریز او شرفسیز اولا
سیزی بوندان آرتیق بلایه سالا

• دوشنبه
• 27
• بهمن
• 1399
• ساعت
• 20:09
• نوشته شده توسط
• یوسف اکبری

آه او ساعتدن یخلدی تشنه شاه کربلا
دورینی آلدی چوخور یرده گروه اشقیا
اللرینده تیغ و خنجر، دیلده کین مرتضی
ویردی اوّل سینه ی شاهه سنان الده سنان
نیزه نی چکجک الوبدور قتلگه قانه روان

گوزلرون آچدی چوخور یرده شهنشاه جهان
عرض ائدوب ای خالق عالم خدای مهربان
منکی اؤلموشدوم علی اکبر اؤلنده بی گمان
بارالهی راضیم الطافیون شایانی وار
قالموشام! آیا حسینون پس ایکی دم جانی وار؟

منکه اؤلدوم دوغراناندا ریزه ریزه اکبریم
اللریمده جان وئرنده آلتی ایلیق اصغریم
اوخلاناندا سجده گهدن با وفا سرلشگریم
کیمدی الان بو چوخور یرده دوباره جان وئرور
محضرِ جانانه بیرده جانینی قربان وئرور

من دئوم سن یاز«فقیرا» شاه مظلومان اؤلوب
داش آتانلار اوخ ویرانلار تشنه لب عطشان اؤلوب
کوفیان ال چکموری مندن، دیئون چوخدان اؤلوب
اؤلدوروبلر کربلاده اوغلومی قارداشیمی
ائتمرم کفّاره بیعت ظلمه اگمم باشیمی

• دوشنبه
• 27
• بهمن
• 1399
• ساعت
• 20:13
• نوشته شده توسط
• یوسف اکبری

آه او ساعتدن وداع ایلوب شه گلگون عبا
آیریلوب آل عبادن، خامس آل عبا

قدرت صبر حسیندن ماسوا حیرانیدی
آدمیندن خاتمه بو عشقه سرگردانیدی
چرخ چارمده مسیحا دیده سی گرانیدی
عرشیان گویده قالوب انگشت حیرت بردهن
عالم معناده تکمیل اولدی عشق پنج تن

وصل دیداره نگاره بس کی اولموش دلده مست
تشنه لب سیراب اولوب ازبس ایچوب جام الست
آیریلر بیربیر حرملردن شه یکتاپرست
دولدی جام معرفت، داشدی شرافت باده سی
عزم میدان ایلدی شیرخدا دلداده سی

حاجیلر قربان کسر هر تک تکی اضحیٰ گونی
فخریلهدتقدیم ایلر حیّ حقه اولا گونی
زادهٔ زهرا وئروب قربانلار عاشورا گونی
بیرده گورمز چشم عالم بیله عاشق حاجیسی
داغ کیمی دورسون دالوندا باشرافت باجیسی

سسلدی گل زینبیم ای باوفا همسنگریم
دوغرانوبدی ریزه ریزه قتلگهده اکبریم
اللرینده وئردی جان، اولدی لب عطشان اصغریم
ایستیرم من محضر جانه وئرم لب تشنه جان
یر تاپام تا لامکاندا ایلیم منده مکان

ایلییَر منن صورا غوغا بو قوم کینه جو
عصرعاشورا ایده للر عرش و فرشی زیر و رو
من اوزوم لب تشنه جان ویررم آخار هریانه سو
آغلاما عازم اولوم میدانه، با صوت جلی
زینبیم بو سن بو قیزلار، راهیم من یاعلی

آغلاما دشمن ایچنده توکمه گوزدن یاشیوی
قول بویون اول، صون گوروشده سال یولا قارداشیوی
گردش چرخ فلک سالدی بلایه باشیوی
دهریده باخما او خونخوارین نچه اوباشینه
شامیده دوندر یزیدین تختینی اوز باشینه

• دوشنبه
• 27
• بهمن
• 1399
• ساعت
• 20:16
• نوشته شده توسط
• یوسف اکبری

اولوب چون روز عاشورا، افق دان باش وروب خاور
زمین کربلا قانیله رنگین اولدی سرتاسر

حسین ابن علی گوردی که دین اوضاعی برهم دور
یتیرموش دین اسلامه خلل هنداوغلی کین گستر

سلاطین امیّه بس ایدوب تبلیغ زهرآگین
او تبلیغاتیدن مجروح اولوب اسلامِ پیغمبر

گوروب لازمدی بیر مرحم او زخم مهلک دینه
ایدوب فکر اساسی او شهیدِ نیزه و خنجر

قیام ایتدی او سوداده وئروب بیر جلسه ای تشکیل
او تشکیلاتیده شرکت ایدوب بیر عدّه افسرلر

سیاسی فکرله ایتدی قیام او سرور دوران
ایدوب تاریخ دنیانی دگرگون او شه بی سر

قُواسینه وئروب فرمان او فرماندار اسلامی
نظامی لر اولوب حاضر، قورولدی حیدری صفلر

اولوب تصویبْ رأی جنگ، او سربازان با همّت
که حُریّت طریقنده گئچوب جاندان وئروب سرلر

صف آرایی ائدوب اوز لشگرین سرلشگر اسلام
زهیر اولدی یمین لشگره سردار نام آور

حبیب ابن مظاهر الده فرمانِ همایونی
یسارِ لشگره مامور اولوب او شیعهٔ حیدر

جوانلار آدینه وضع اولدی چون قانون آزادی
دورب چون شیر بی پروا شجاعتلن علی اکبر

النده پرچم نصرت مَه هنگ بنی هاشم
سپهبد منصبی قولدا، او سردار هنرپرور

ایکی لشگر مقابلده چالندی طبل نایِ جنگ
ازل بیر تیرلن فرمان وئروب بن سعد بداختر

• دوشنبه
• 27
• بهمن
• 1399
• ساعت
• 20:18
• نوشته شده توسط
• یوسف اکبری

(در سبک من عباسم منه دریالر آغلار)

حسینون حالینه ملکلر آغلار
یانان احوالینه اورکلر آغلار
گلر افغانه گویلر ماتمینده
علیّ و فاطمه پیغمبر آغلار

آخدی یرده قانی--چیخدی تشنه جانی
سسلدی ملک لر
ایوای حسین وای

چکوب قاندان گوزونده هاله پرده
چیخور جانی لبوندن تشنه، یرده
گورنده یاره لی نعشین حسینون
گلوب افلاکیان بو غمده درده

ای شه لب عطشان---شاه کون و امکان
سسلدی ملک لر
ایوای حسین وای

اولان منحور صد ظلمیله نحری
غمین یاندیردی یاخدی برّ و بحری
گوروم قانه دونه نهر فراتی
داغیلسین بو وفاسیز شهر و دهری

ذبح اولان قفادن--دویمویان بلادن
سسلدی ملک لر
ایوای حسین وای

سوسوز اؤلدوردی شاهی قوم دد خو
حرام اولدی بناتِ حیدره سو
کسنده باشیوی شمر ستمگر
اورکدن آغلادی قوم جفاجو

نه قالوب عمامه-- نه عبا نه جامه
سسلدی ملک لر
ایوای حسین وای

• دوشنبه
• 27
• بهمن
• 1399
• ساعت
• 20:21
• نوشته شده توسط
• یوسف اکبری

نهضت عشقی حسین، زینبله برپا ایلدی
کربلانی وادی عشق و مصفّا ایلدی

وئردی یتمیش بیرگلی، عشقیله اوز دلدارینه
نیزه یاشینده اصول عشقی معنا ایلدی

گوردی زینب رأس معشوقی گزیر سرنیزه ده
عارفانه مأمن عشقه تماشا ایلدی

روز اوّل دفتری وئردی حسین دلدارینه
مُهر تایید ویردی زینب، آلتین امضا ایلدی

قوللاری باغلی دوشوب چولدن چوله، باخ عاشقه
فاطمی ذاتین خانم، دهره هویدا ایلدی

گر شهادتله حسین اسلامه اولدی پاسبان
بو اسارتله آخان قانلاری احیا ایلدی

کربلا مطلق قالاردی کربلاده بی گمان
کربلانی کربلا، اقدیس کبری ایلدی

فیصله عاشور تاپدی، اولدی سکاندار عشق
مرد و مردانه حسینون قانین ابقا ایلدی

بیر سوری اطفاله اولدی عشقیلن سرقافله
دوشمه دی هرگز ایاقدان، نقشین ایفا ایلدی

کوفه ده پوزدی ازل مرجانه نین پست اوغلونی
سیندیروب شخصیّتین، معلونی رسوا ایلدی

سسلدی ای شامیان من فاتح غم زینبم
نطق آتشباریله اسلامی احیا ایلدی

عاقبت سالدی یزیدی تختیدن دخت علی
عالمی مبهوت و حیران عشقِ زهرا ایلدی

ای«فقیر» غرق عصیان یاز به عشق پنج تن
بلکه ناموس خدا اشعارون امضا ایلدی

• دوشنبه
• 27
• بهمن
• 1399
• ساعت
• 20:28
• نوشته شده توسط
• یوسف اکبری

تاحسین دوشوب ذوالجناحیدن،ناامید اولوب مرکب آغلادی
معجرین آچوب فرشه فاطمه، باشینه ویروب زینب آغلادی

راوی نقل ایدیر گوردوم حضرتین،صاف یری وجودینده قالمادی
بولمورم او بی رحم عربلرین پس ندن دیلی راضی اولمادی
او چوخور مکاندا گلن گئدن،ویردی بی کمک شاهی دویمادی
بعضیسی گورور قوتاروب حسین جسمینه گینه داش آتوردولار
بعضی تازه نعل آتلارا سالوب،سینه سینده ده آت چاپوردولار

قوی یازوم اوزوم، نیزه داریدن، عف ائیله منی یابن فاطمه
بیر اشاره چوخ آچمیرام سوزی،یوخدی طاقتی اهل محرمه
ویردی نیزه نی گئچدی قلبینه، چکدی قان سپوپ عرش اعظمه

لخته لخته قان سوزدی نیزه دن،وا حسین دئوب سینه داغلادی
جبرییل اودم نوحه باشلادی،عرشیان ویروب باشه آغلادی

• سه شنبه
• 28
• بهمن
• 1399
• ساعت
• 22:22
• نوشته شده توسط
• یوسف اکبری

آه او ساعتدن یخلدی سرور کون و مکان
مقتله وارد اولوب اوّل سنان الده سنان
بولمورم نیلوب اولوبدور قتلگه قانه روان
عاقبت ایتدی اعیان او کینهٔ دیرینه سین
بیر اشاره،، او چوخور یرده داغیتدی سینه سین

چیخدی مقتلدن گوروبدی صف چکوب اهل جفا
لشکر آماده دوروبدی بی کمک شاهی ویرا
واردی بیر مطب دئسم قورخوم بودی قلبین دورا
بعضی سویلور یول وئرین من او امامی ویرمادیم
بعضی سویلوردی تلسمه من ویراندا دویمادیم

حمله ور اولدی قشون تک تک کنار مقتله
خنجر و تیر و کمان و نیزه آلمیشلار اله
عاشق ایستیر درک ائده او صحنه نی جداً بوله
بیر نفر یوخدی دئیه بسدور امامی ویرمیون
آغلوری مقتلده زهرا قلبینی سیندیرمیون

خنجر الده وارد اولدی مقتله شمر لعین
ایستیرم رخصت، یازام من یا امیرالمومنین
کعبه ی حقّه چیخوبدور چکمه لی مرآت کین
خنجره ویردی تکان طوفان ائدوب تاب و تبی
باشینین اوسته گوروب امّ المصایب زینبی

قوزادی مقتلده زینب ناگهان تکبیرینی
مقتل ناب مقرّمده یازوب تفسیرینی
سسلدی یافاطمه، زینب دوتوب شمشیرینی
گر آچام بو مطلبی موم ایلرم والله داغی
او کشاکشده یازوبلار دوغرانوب بش بارماغی

قان آپاردی زینبی سالدی حسینه بیر نظر
گوردی لب تشنه چیخور جانی، اولوبدی خون جگر
عرض ایدوب قارداش حسینیم، صبر ایله زهرا گلر
یوم گوزون ای مهربان قارداش، یارالی خسته سن
زینبون قربان یارالی جانیوه، جان اوسته سن

بو نه عالمدور دگوبدی بیر بیره گول پیکرون
هر نفس چکدوقجه قانیله دولور او حنجرین
هاردادی امدادیوه گلسون وفالی اکبرین
آغلوری کروبیان بو زینبون احوالینه
لطف ائله محشرده سنده ئت « فقیرین» حالینه

• سه شنبه
• 28
• بهمن
• 1399
• ساعت
• 22:35
• نوشته شده توسط
• یوسف اکبری

اوندا کی آتدان یخیلدی تشنه شاه کربلا
دورینی آلدی چوخور یرده گروه اشقیا
اللرینده تیغ و نیزه، دیلده کین مرتضیٰ
ویردی اوّل سینه ی شاهه سنان الده سنان
نیزه نی چکجک اولوبدور قتلگه قانه روان

گوزلرین آچدی چوخور یرده شهنشاه جهان
عرض ائدوب ای خالق عالم خدای مهربان
منکی اؤلموشدوم علی اکبر اؤلنده بی گمان
بارالهی راضیم حقّین نجور فرمانی وار
بعضینون من تک مگر عالمده ایکّی جانی وار

من قوتاردوم دوغرانناندا ریزه ریزه اکبریم
اللریمده جان وئرنده تشنه قربان اصغریم
اوخلاناندا سجده گهدن باوفا سرلشگریم
کیمدی الان بو چوخور یرده دوباره جان وئرور
محضر جانانه بیرده،تشنه لبدور جان وئرور

داش آتانلار بولموری مظلوم حسین چوخدان اؤلوب؟
محضر حقّه وئروب یتمیش ایکی قربان اؤلوب
کوفیان ال چکموری مندن، دئیون عطشان اؤلوب
اؤلدوروبلر کربلاده اوغلومی قارداشیمی
ائتمرم کفاره بیعت،ظلمه اگمم باشیمی

• پنج شنبه
• 30
• بهمن
• 1399
• ساعت
• 11:39
• نوشته شده توسط
• یوسف اکبری

گل دشت کربلایه یا مصطفیٰ محمد
چون بیربیره دگوبدی آلعبا محمد

کرببلا چولونده محشر اولوب نمایان
بیکس حسینون ایستیر ائتسون وداع پایان
دورین آلوب اوشاقلار،گوزیاشلی سینه سوزان
اوخشوللا نازلی قیزلار سسلولّه یا محمد

درک ائتدولر وداعین،مَخیمده آل حیدر
بالمرّه او خَیمده برپا اولوندی محشر
هرنحویلن حسینون ایلیر وداع آخر
قوزاندی نُه رواقه،آه و نوا محمد

بعضی دوتوب رکابین،مانع اولوردی شاهه
بعضیسی یالواریردی سردار بی سپاهه
حسرتله شه باخیردی اطفال بی پناهه
گوردی یواش سیزیلدیر بیر مه لقا محمد

آغلوردی یانه یانه،او فاطمی نشانه
گلدی دیله بو نوعی بنت الحسین بیانه
سنسیز بیزه ویراللار یوللاردا تازیانه
بوکوفیان کافر اهل جفا محمد

بیربیر وداع ائدوبدی اطفال بوترابی
قلبینده قالماموشدی صون لحظه صبر و تابی
آهسته شه چاغوردی بیر گوشیه ربابی
بیر سوز دیدی پوزولدی ارض و سما محمد

اوّل دیدی بالاندان اولدوم عجب خجالت
سونرا دیدی حسینی عف ائت گل ولایت
هم چوخ آجام هم عطشان،هم خسته یوخدی طاقت
بیر اوزگه عالم اولدی حال و هوا محمد

آخرین بیان «فقیرا» گتدی اونی نوایه
صبر ایلیون بویوردی درد و غم بلایه
باشیم کسوب ویراللار قوم ستم، جدایه
سرنیزه اوسته باشیم سسلر ایا محمد

• پنج شنبه
• 30
• بهمن
• 1399
• ساعت
• 11:47
• نوشته شده توسط
• یوسف اکبری

کوفیان فرزند زهرا شرکه خدمت ائیلمز
آل سفیانه حسین واللاهی بیعت ائیلمز

من حسینم، زادهٔ شیر ولایت حیدرم
قهرمان بی بدیل عرصه گاه محشرم
آسمانِ بی ستونه من ستونم،لنگرم
مرتضی اوغلی جگرخوار اوغلونا رهبر دئمز
اللری گئتسه بلکدن،ظلمه بیعت ائیلمز

کوفیان کوه صلابت سنبل غیرت منم
هستهٔ ایجاد هستی،زینت خلقت منم
کان غیرت بحر عزّت سرور جنت منم
ایلسم آنی اشاره،من بإذن کردگار
ایلیر گویدن ملکلر،لشگریزی تار و مار

قورخودورسوز سیز کیمی اؤلمَقدن،ای قوم دنی
بسلیوب مرد شجاعت فاتح خیبر منی
قویمارام چاتسون مرامه تا وارام من دشمنی
وئرمیشم اسلامه خاطر اکبریمله قاسمی
سرو قامت باصلابت،قهرمان عباسمی

گلموشم کرببلایه من شهادت عشقینه
جان وئرم دریاده لب تشنه،ولایت عشقینه
کوفه و شامی گزه قیزلار،اسارت عشقینه
چون گرک بو چولده قانیمله آلام من دستماز
سجده گاهیمدن آخا قانیم ائدم راز و نیاز

سیز منی یاخشی تانورسیز میوهٔ پیغمبرم
من حسینم گوهر ناب بتول اطهرم
شیریزدان اوغلویام من نور عین حیدرم
گلموشم دالدان کسه،شمر ستمگر باشیمی
وئرمیشم دینه فدا،عباس تک قارداشیمی

ایستسم بیر لمحه ده بو دشتی القان ایلرم
بو آخان نهر فراتی،قانه الوان ایلرم
کوفه نی تپراقیلن بیر آنی یکسان ایلرم
قطعه قطعه دوغرانام وئرمم یزیده فرصتی
منبرِ پیغمبره لم ویرسین او بی غیرتی

ای قلم یاد ایله آخرده نچه بیر شاعری
«صافی»و«صحاف»و«ذهنی» «یحیوی» و «صابری»
«انور» و«هندیّ»و«ذهنی زاده» «عاصی» «ناصری»
افتخار شاعران مرحوم «سعدی زمان»
«منزوی» مرحوم «حقیر» و نچه یوزلر شاعران

غم گینه طغیان ایدیر روح و وجودینده «فقیر»
چیرپونور سینه نده قلبین کاه مثلینده اسیر
سوزلرین پروانه تک،شمعین کنارینده گزیر
بسدور ال ساخلا،بو دفترده کفایت ایلمز
آل سفیانه حسین واللاهی بیعت ایلمز

• پنج شنبه
• 30
• بهمن
• 1399
• ساعت
• 11:50
• نوشته شده توسط
• یوسف اکبری

ای شیعیه مرآت شفاعت قره پرچم
وی محفل ثاراللهه زینت قره پرچم
بو قاره علم،شیعیه سرمایه دی والله
وهابی نه آنلور ،نه دی وحدت قره پرچم

بو قاره علم منجی احباب حسیندی
عاشقلری سرمست می ناب حسیندی
کیم قاره گئیوب وصلیده بی تاب حسیندی
عشقیله ایدیر وصلیده بی تابی حسینه
صدقیله دئسون دردینی اربابی حسینه

هریاندا اولا قاره علم بزم صفادی
دوز نیّتیلن گئتسن اگر باب نجادی
آنداولسون حسینه او پل کرببلادی
کیم گلسه صداقتله اگر بزم عزایه
زینب اولاری دعوت ائلر کرببلایه

بو قاره علم زینت دربار حسیندی
هریرده اولا عاشقی،زوّار حسیندی
گوزیاشی گوزودن چیخا،غمخوار حسیندی
کیم ساخلاسا هریرده اگر بزم حسینی
گویا دولانیر معنیده بین الحرمینی

بو قاره علم عشقینه سردار اولوب عباس
معراجه گئدن شاهه،علمدار اولوب عباس
دریانی آلوب تشنه ی دلدار اولوب عباس
جان نقدی قویوب عرشه ویروب پرچم دینی
بو قاره علملن اوجادوب دین مبینی

زینب بو قرا پرچمیلن شامی آلوبدی
بو پرچمی،دروازه ی ساعتده چالوبدی
تختیندن اوزی اوسته او می خواری سالوبدی
بو پرچمه عشق ایلینون بیله دی عهدی
بیرگون گوراخ آلموش اله بو پرچمی مهدی

• پنج شنبه
• 30
• بهمن
• 1399
• ساعت
• 11:59
• نوشته شده توسط
• یوسف اکبری

گلموشم محضریوه خوار و سرافکنده حسین
دوشموشم درگه احسانیوه شرمنده حسین
گلموشم خدمتیوه جانیمی قربان ائلیم
بولمورم شافع محشر،کی نه وار سنده حسین

آقاجان جذبهٔ عشقین منی بیدار ایلدی
منِ بیچاره نی وصلینده گرفتار ایلدی
الی بوش مشترینی وارد بازار ایلدی
سرسپاه اُموی اولدی گرفتارون حسین
حرّ نادم الی بوش اولدی خریدارون حسین

من او حرّیدیم ازل،سیزلره یول باغلامیشام
صودامر اصغری دریاده سوسوز ساخلامیشام
بالاجا قیزلاریوین سینه لرین داغلامیشام
آنداولا فاطمیه ایندی پشیمانم حسین
منی عف ائیله کرم صاحبی،نالانم حسین

گلموشم گوزلری باغلی آغاجان خدمتیوه
نیّتیم پاکیدی،آند اولسون حسین نیّتیوه
واسطم آیه ی قرآندی قسم عترتیوه
یا منی الده کی قرآنه بو گون عف ائده سن
اولماسام لایق اگر عفوه،منی اؤلدورسن

من امیریدیم ازل لشگرِ شیطانه آقا
سو یولون ظلمیله کسدیم،شه رضوانه آقا
اؤلورم شرمیدن آنداولسون او سبحانه آقا
بولموشم حقدی حسین،آیهٔ اعظمدی حسین
منه الهام اولونوب قطب دو عالمدی حسین

ریزه ریزه منی گر دوغراسا اشرار پلید
ایکی اوغلومدا منیم اولسا بو صحراده شهید
قویمارام فاطمه اوغلی قالا بو چولده وحید
ایستیرم صون نَفَسیمده،آنامی شاد ایلیم
اوز الیمدن داغیدان مُلکیمی آباد ائلیم

• پنج شنبه
• 30
• بهمن
• 1399
• ساعت
• 12:03
• نوشته شده توسط
• یوسف اکبری

گل اولور میدانه عازم،شاه مظلومان باجی
آز قالور چاتسون وصاله،عاشق جانان باجی

عازمم بو راهِ عشقه،باشرف همسنگریم
دوغرانوب مرآت طهٰ،اوخلانوبدور اصغریم
جان وئروب دریاده تشنه،شیردل سرلشگریم
یازدوروبلار عضو عضوه،هر بیری قرآن باجی

آغلاما،آغلاتما یول اوسته باجی قارداشیوی
گوزلریم قربان سنه توکمه بئله گوز یاشیوی
گر چه سالدی گردش دوران بلایه باشیوی
سن ولی دوز،صبریوه ایّوب اولوب حیران باجی

هندین اوغلودا منیم سالدی بلایه باشیمی
اؤلدوروب اولادیمی،انصاریمی،قارداشیمی
ریزه ریزه دوغرانام،اگمم یزیده باشیمی
ایلرم هندوغلونی حیران و سرگردان باجی

قویمارام چاتسون مرامه جانی غارتگری
ایلسین بازیچه الده،مکتب پیغمبری
آل سفیاندور او،منده حیدریم حیدری
من شهید اولسام اولارسان دینه پشتیبان باجی

گلموشم کرب معلّایه شهادت عشقینه
جان وئرم دریاده لب تشنه ولایت عشقینه
سنده گلدون کربلایه،بول اسارت عشقینه
بیز باجی قارداش جهانی ایلدوخ حیران باجی

زینبیم بو عترت اطهاری تاپشوردم سنه
نور عینیم،سیّد بیماری تاپشوردوم سنه
هم ربابی،لیلینی،قیزلاری تاپشوردوم سنه
قویما آل حیدری غارت گونی گریان باجی

عرض ائدوب گئتدی ابوالفضلیم، برادر سنده گئت
نیلَمک قالدوم حسین بی یار و یاور،سنده گئت
گئتدی آلتی قارداشیم،الله و اکبر،سنده گئت
قوی قالا کرب و بلاده زار و سرگردان باجی

هان «فقیرا» نصف شبدور سسله ماتم صاحبین
ایسته حاجت درگهیندن،دؤی درِ دم صاحبین
قبریوه یالوار گله،سقا و پرچم صاحبین
تا سنه حامی دورا،محشرده پس هرآن،،باجی

• پنج شنبه
• 30
• بهمن
• 1399
• ساعت
• 12:05
• نوشته شده توسط
• یوسف اکبری

معدن و عزّ و شرافتدور حسینون نهضتی
مکتب ایثار و وحدتدور حسینون نهضتی

عالمِ ذرده اولوبدور،بیله عالی نهضته
تا چکه طوفاندا بو کشتینی سمتِ جنّته
باخ حسین شیرخدا اوغلونداکی شخصیّته
باغ فردوسه سفارتدور حسینون نهضتی
مخزن تقوا و رحمتدور حسینون نهضتی

من یازا بولمم یازوب شیوا او «سعدیّ زمان»
«صابر» و «صحّاف» و «هندی» «ذهنیِ» عالی بیان
نوریله عرشه یازوب،حیّ قدیرِ مهربان
لنگر هستی و خلقتدور،حسینون نهضتی
دینِ طاهایه کی نعمتدور حسینون نهضتی

اولماسیدی او امامین نهضت سرخی اگر
اوندا قرآندا اولایدی انجیله تای بی نظر
مهر تأیید قانیله قرآنه چون قویدی اثر
او آخان قاندان ضمانتدور حسینون نهضتی
عشقیلن باخسان قیامتدور حسینون نهضتی

امتحاندا چون خلیل و صبریدی ایّوبیدی
پیشگاه حقّیده چون فاطمه محبوبیدی
انقلاب کربلایه بهترین منسوبیدی
اولمادی قسمت خلیله ذبح قربانی اگر
ظهر عاشورا حسین قربان وئروردی،دیده تر

ایسته دی معبودیدن بو امتحانه همسفر
هم ایاق اولسون یولوندا،هم شریک هر خطر
ریشهٔ کفّاره اولسون ساغ الینده چون تبر
زین اَب،زهرانی نشانی سسلدی لبیک حسین
بت شکن،غم قهرمانی سسلدی لبیک حسین

سسلدی لبیک حسینیم،زینبوندی بیقرار
من ازلدن عاشقم قارداش سنه دیوانه وار
بیر بیانیم وار علی جانی،بسانِ ذوالفقار
قویمارام یالقیز بو یولدا،شاهِ کرّار اوغلونی
ایلرم رسوای عالم او جگرخوار اوغلونی

دیلده یا زهرا وئروبلر عاشقانه ال اله
مکتب و قرآنه خاطر،دوشدولر چولدن چوله
عرشیان حیرتده قالدی،بو مقام افضله
مشکله دوشجک حسین،سسلردی زینب نور عین
زینب هر غمده دئیردی،یاحسین و یاحسین

• پنج شنبه
• 30
• بهمن
• 1399
• ساعت
• 12:18
• نوشته شده توسط
• یوسف اکبری

ای رهبر آزاده لبیک حسین لبیک
باخ شیعه ده فریاده لبیک حسین لبیک
موسیٰ دیدی سیناده لبیك حسین لبیک
سسلور سنی عیساده لبیک حسین لبیک
ذکر لب زهراده لبیک حسین لبیک

سن رهبر و غمخوار اسلام و ولایت سن
سن لنگر کشتیِّ دریای شرافت سن
سن حافظ قرآن و سلطان عدالت سن
هم شافع محشرسن،هم مالک جنت سن
ای عاشق سر داده،لبیك حسین لبیك

سن عاشق و سرمستِ آیات هوالحق سن
سن پادشه ارض و افلاک مطبق سن
هم طینتون اطهریدی،هم قدرت مطلق سن
دریاده بالیقلاردا سسلوردی حسین،حق سن
سسلوردوله دریاده،لبیك حسین لبیك

سر لوحه ی جنتده،عزتلی آدین حکدی
یتمش ایکی گول عشقین باغ شرفه اکدی
نقاش ازل نقشین،نوریله گوزل چکدی
یازدی درِ جنتده،خلقتده حسین تکدی
مثلین هانی دنیاده،لبیک حسین لبیک

• پنج شنبه
• 30
• بهمن
• 1399
• ساعت
• 12:31
• نوشته شده توسط
• یوسف اکبری

گوزون آچ دهریده ناحق توکولن قانی حسین
منی دیندیرمه سن ئولّم آنامین جانی حسین

او قَدَر یاره ویروبلار داغیلان پیکریوه
باشیون قانی سوزوبدی،قورویان لبلریوه
باجین اؤلسون نه گلوب زینب اؤپن اللریوه
سانجیلوب اوخلار اوخ اوسته،پوزوب امکانی حسین

گیدیرم من ولی نعشین قالور عریان یارالی
باش باشا جسمین اولوب تیریله شان شان یارالی
گوزلریم بو داغیلان گوزلره قربان یارالی
عشقین حیرتده قویوب عرش معلّانی حسین

نه قالوب باشدا عمامه،نه قالوب پیرهنین
نه باشین تنده دی سالم،نه ده سالمدی الین
گویده اولدوزلارا اوخشور بو یارالی بدنین
کوفیان نیلدی گور،سید رضوانی حسین

نه روا اوچ گجه گوندوز سنی عریان قویالار
داغیلان پیکریوه خنجر و نیزه ویرالار
دگیشوب سمّ سمندانی،گینه آت چاپالار
فرشیدن عرشه چیخا،زینبون افغانی حسین

گیدیری شامه باجون سنسیز ایا شاه جنان
بیزه سرقافله اولموش بو یولی شمر و سنان
باشیوی قوزا دالیمجا یارالی دور وئر اذان
هاشمی لحنیوه قربان باجون جانی حسین

دولانور الدن اله محفل قاتیلده باشون
گزیری کوچه به کوچه یارالی الده باشون
اولاجاخ بو گجه مهمان،یاتاجاخ کولده باشون
چکه جک کوفیه باشون ائله زهرانی حسین

«حاج حسینلو» بو گجه سویلدی با شور و نوا
یاز «فقیرا» بو گجه نوحه ی کوچ اسرا
اربعین لطف ائله بیرده،سفر کرب و بلا
من یازیم تا اوخسون کوچ اسیرانی حسین

• پنج شنبه
• 30
• بهمن
• 1399
• ساعت
• 12:36
• نوشته شده توسط
• یوسف اکبری

بیزی تک قویدی بی بی شاه شهیدان بو گجه
کنج مطبخده یاتوب سیّد رضوان بو گجه

بو گجه فخر ایلدی عرش معلّایه تنور
بیرده نازل اولونوب،سوره ی فجر آیه ی نور
لیلة القدر کیمی ائتدی تنور ایچره ظهور
آیری بیر جلوه وئروب سوره ی فرقان بو گجه

گورورم فاطمه نی شیون و افغانه گلوب
قول سینیخ،صورتی نیلی بو بیابانه گلوب
باش آچوخ،مویه کنان شام غریبانه گلوب
عرشیدن فرشه چیخوب،ناله و افغان بو گجه

او بابام کی علوی گلشنینه نوگل اولا
آناسی فاطمه،جدّی نبی مرسل اولا
مگر انصافیدی اول رهبره بالش،کول اولا
فاطمه اوغلی اولا خولیه مهمان بو گجه

گورمه دی خولی مگر قانیله الوان باشینی
دوندروب شمر قفادن کسوب عطشان باشینی
کوللر اوستونده قویوب شاه شهیدان باشینی
بیزی آواره قویوب زاده ی شیطان بو گجه

بی بی جان اولمادی مأمن بیزه بو دشت بلا
آل طاهانی سالوب چوللره تقدیر قضا
خوش قوناق ساخلادون آی کان بلا،کرب بلا
علوی قیزلارینی قویموسان حیران بو گجه

بیزه دای کیم بو گجه قافله سالار اولاجاخ
کیم ابوالفضل دلاور کیمی غمخوار اولاجاخ
شبه طاها کیمی هر نازه خریدار اولاجاخ
وار یری صبحه کیمی ایلیاخ افغان بو گجه

بو بلا دشتی عجب اولمادی محشر بی بی جان
ندن آفاقی بو گون پوزمادی داور بی بی جان
آلتی ایلیق بوغازی،نیلدی اوچ پر بی بی جان
آتا گوردی بالانی قانیله غلطان،بو گجه

• پنج شنبه
• 30
• بهمن
• 1399
• ساعت
• 12:38
• نوشته شده توسط
• یوسف اکبری

خیمه لره دولوب قوشون،زینت و زیور آختارور
بعضی سی بحر خونیده،غرقیدی گوهر آختارور
خیمه لرین دالیندا دا،حرمله اصغر آختارور
نیزه لرین ویرور یره،عرشی سالور تلاطمه
سوز چکیلور آغیر یره،عفو ائله یابن فاطمه

نیزه سینی ویروب یره،عرشه چیخاتدی کوکبی
من بیر اشاره ائیله دیم،آلدی آلان بو مطلبی
فاطمه نین ایوین یخوب،چوللره سالدی زینبی
نه دانیشوب،نه آغلادی،نیزه یه محو اولوب رباب
باتدی او گجّه شرمیدن،چیخمادی لحظه ماهتاب

• پنج شنبه
• 30
• بهمن
• 1399
• ساعت
• 12:44
• نوشته شده توسط
• یوسف اکبری

اود ویروب بو غم غملی قلبیمه، گوندوزوم دونوب شامه برملا
پوزدی حالیمی اوزگه ماجرا یادیمه گینه دوشدی کربلا
غارت خیم محنت حرم، شامیان ائدن کینه و جفا
آغلاسون گرک بو مصیبته دهریده هامی آغلویان بوگون

آه او وقتیدن لشگر جفا کربلاده ال آچدی غارته
غارت ائلینلر او غارتی، اوخشادوب قیام قیامته
هتک حرمت اولدی بوخلقته سالدولار او دشتی نه حالته
قبردن دورا کاش آغا علی تا گوره بو حالیدعیان بوگون

هر نه وار وحشی عربلر خیمه لرده سویدولار
پاره پاره معجری بولدی غنیمت یاحسین

خیمه لر یاندی اوشاقلار اولدولار بی خانمان
زینبون آلدی قرارین بو مصیبت یاحسین

هر قیزی دشمن ویراندا من اولوردم تز سپر
تا مبادا قیزلارون تاپسون جراحت یاحسین

سن چیخاندا خیمدن قیزلاری تاپشوردون منه
زینبون ایتمز امانتده خیانت یاحسین

سن هارا؟غارت هاردا؟قورتار «فقیر»ناتوان
چون یازوبدور منزوی اسرار غارت، یاحسین

• پنج شنبه
• 30
• بهمن
• 1399
• ساعت
• 21:55
• نوشته شده توسط
• یوسف اکبری

حمله ور اولدی لشگره تیتردی چرخ کجمدار
برق کیمی ایشلدیری شاهین الینده ذوالفقار
بیربیره دگدی اشقیا،صفلر اولوبدی تار مار
باشدی سالوردی تپراقا،قولدی ایلیر جدا،حسین

اوخدا گلنده سمتینه قامتینی خم ایلوری
جنگ اُحدی گوییا،معجزه خاتم ایلوری
یادینه اکبری دوشوب،عزمی مصمّم ایلوری
بدریده مرتضا کیمی،لشگری برهم ایلوری
رزمیده گاه علی اولور،گاهیده مصطفیٰ حسین

ضربه ی ذوالفقاریلن،شاخدی بسان مین شهاب
چوخلاری قورخودان اؤلوب،ائتمه دی رزمگهده تاب
بعضی دئیور حسیندی بو،یا آتاسی ابوتراب
شرح ائده بولمَرم سیزه،نظمه چکم نچه کتاب
ماتیدی بو شجاعته،فرقه ی اشقیا،حسین

• پنج شنبه
• 30
• بهمن
• 1399
• ساعت
• 22:17
• نوشته شده توسط
• یوسف اکبری

وای او ساعتدن دوشوب آتدان حسینیم تشنه لب
هی دیدی یاندیم سوسوزدان اولشه والانسب
دوره سین چون دایره آلموش گروه بی ادب
جمله اللرده سنان و تیر و تیغ جان گزا

قیزدیروب گون اوت کیمی دشت بلانین خاکینی
ایستی قوم اوسته سالوبلار پیکر صدچاکینی
بیر نفر یوخ کولگیه چکسون وجود پاکینی
یاور و انصاری چون قانه باتوبدی هٰکذا

تشنه لب کسدی قفادن باشینی شمر شریر
خیمه سین تاراج ایدوب اهل و عیالین دستگیر
یاندی بو احوالِ شاهه،شاه جانان و فقیر
سسلدی لای لای حسینه خالق عرض و سما

قوزادی مقتلده زینب ناگهان تکبیرینی
مقتل ناب مقرّمده یازوب تفسیرینی
سسلدی یافاطمه دوتدی او دم شمشیرینی
گر آچام بو مطلبی موم ائئلرم والله داغی
او کشاکشده یازوبلار دوغرانوب بش بارماغی

• پنج شنبه
• 30
• بهمن
• 1399
• ساعت
• 22:59
• نوشته شده توسط
• یوسف اکبری

ایوای او دم ترابه شمس هدیٰ یخلدی
گودال قتلگاهه عرش خدا یخلدی

صف صف دولوردی اعدا،گودیّ قتلگاهه
داش،نیزه،اوخ ویروردی سردار بی سپاهه
کروبیان باخوردی اطفال بی پناهه
از بس جسارت ائتدی دشمن شه وحیده
میداندا آغلاشوردی اجساد سر بُریده

اول کشمکشده دوشدی شمسِ شرف کسوفه
بدر انتقامین آلدی شه دن، سپاه کوفه
بیر داش دگوب باشیندان،لبده آچوب شکوفه
بیر صف سپاه کوفه،بیر صفده شامی دوردی
شامی ویروب یورولدی،اشرار کوفی ویردی

گول جسمینه ویروبلار از بسکی تیغ و پیکان
بنزیر نجومه جسمی،یاره چیخوبدی سایدان
شیرازه دن چیخوبدی گویا او چولده قرآن
نه ویرماقا امامی او دشتیده دویان وار
نه پاره پاره جسمه مقتلده سایبان وار

لشگر ویروب یورولدی،گوداله گلدی سنان
جان اوسته گوردی شاهی،پیکر یارا اورک قان
شرحیندن عاجزم من،تیتریر قلم بقرآن
شرح ایلیوب«مقرّم» اوز مقتلینده کامل
بی شبهه قتلِ شاهه،باعث اولوب او قاتل

• یکشنبه
• 3
• اسفند
• 1399
• ساعت
• 22:09
• نوشته شده توسط
• یوسف اکبری

گلموشم پابوسیوه‌ اما خجالت یاحسین
دست خالی،سینه ده دنیا ندامت یاحسین

وار گوزوم احسانیوه ای زاده ی خیرالنسا
ال منیم،دامن سنین،لطف ائیله شمس اولیا
سن بول عباسین جانی نادم منی سالما یولا
ای سخاوت بحرینه،درّ شرافت یاحسین

من سیزی چکدیم ازل کرب وبلا صحراسینه
منع آب ائتدوم بو چولده،خاندانِ یاسینه
آنداولا بو عترتین کان شرف عباسینه
ائیلرم جبران خسران،اولسا فرصت یاحسین

ائیلرم عشقیمله ثابت لشگره آزاده یم
اگمرم باش دشمنه،جان وئرمقه آماده یم
دای گئچن گیچدی بو گوندن من خطِ زهراده یم
جان و دیلدن ائیلرم اسلامه نصرت، یاحسین

سن شهِ عالی هدفسن، راه عشقین شاه راه
چارَم هر ئِردن کسیلدی من سنه گَتدوم پناه
نیّتیمدن باخبرسن، عالمینه تکیه گاه
ناامید ائتمه منی ای قطب خلقت یاحسین

سن علینون اوغلوسان،امرِ عدالت سنده دی
معنی آیات قرآن، جود و رحمت سنده دی
هم عنایت هم کرامت هم شفاعت سنده دی
روسیاهم گل منه ائیله شفاعت یاحسین

گرچه ظلم زاده ی مرجانیه من عاملم
سن اوزون شاه کرمسن، من قاپوندا سائلم
اکبر و عباسیوه بیر نوکرِ ناقابلم
زینبه خاطر منی ائتمه خجالت یاحسین

خادمم درباریوه ای زاده ی خیرالانام
حرّی بوش قیترمه دین، باب ولایتدن، امام
یوخ لایقت منده کلبِ آستانوز گر اولام
باخ "فقیرین" شعرینه ائتسون قیامت یاحسین

• یکشنبه
• 3
• اسفند
• 1399
• ساعت
• 22:50
• نوشته شده توسط
• یوسف اکبری

قویوب اهلبیتی آغلار،گئدوسن هارا حسینیم
هله صبر ائله سوزوم وار،سنه باوفا حسینیم

گوروسن بلالی قارداش،نجه محسر اولدی برپا
کیمه تاپشوروب خیامی،ائدوسن وداع اُخریٰ
نه قالوب علیّ اکبر،نه قالوب وفالی سقّا
باجیوا اولان اولوبدی،یورولوب داها حسینیم

گورورم سپاه کینه،سنه منتظریدی قارداش
سنی بی کمک گوروبلر،تلسیر قتاله اوباش
منه رخصتِ جدالی،وئرسن بو لحظه ایکاش
گورسن بو شیرزنندن،نجه ماجرا حسینیم

گوروسن نجه آلوبدی،حرمین آرایه شاهی
هاموسی ستاره مثلی،سالوب اورتایا او ماهی
کیمه تاپشوروب گیدیرسن،بو حریمِ بی پناهی
بیزه وادیِ غم اولدی،داخی کربلا حسینیم

سنه قبله ی عوالم،دئیوم امرِ مادریندن
منه ایلدی،ک وصیّت،بو وداع آخریندن
سنه اولاندا رزمه عازم،من اؤپوم بیر حَنجریندن
بو اؤپوش اونوندیرالان ائلیرم اَدا حسینیم

نه بلایه لا دئیورسن، نه دویور باجین مُحندن
هامی غملره رضایم،سنیله بورا گلندن
گلوری فراقین عطری،بو صفالی پیرهندن
اولاجاخ کفن بو کوینک همی بوریا حسینیم

دئمه زینبِ بلاکش بو آراده خواهروندی
دِنه غملره شریکین،دایاغیندی لنگروندی
قسم عشیمه همیشه بو بلالی یاوریندی
سورونوب دالونجا گللم،گئدسن هارا حسینیم

• یکشنبه
• 3
• اسفند
• 1399
• ساعت
• 23:03
• نوشته شده توسط
• یوسف اکبری

کربلا دشتینده یارب قتل و غارتدور بوگون
اهل بیتِ حیدره، برپا قیامتدور بوگون

یامحمد گل هرایه شهریار عالمین
اهلبیتون دوغرانوب،عرشه چیخوب آه و انین
جان وئرور گودالیده،لب تشنه دلدارین حسین
سینه سوزان مو پریشان،آل عترتدور بوگون

آغلوری یالقیز امامه،کربلانین داشلاری
ال چالور آت اوینادولار،کوفه نین اوباشلاری
بعضی میداندا ویرور نوک جدایه باشلاری
قدسیان قان آغلوری غرق مصیبتدور بوگون

وارد اولدی قتلگاهه تا سنان الده سنان
تیتردی گهواره مثلینده زمین و آسمان
نیزه نی ویردی،چکنده سَپدی او دم ایستی قان
مطلبین اوستون چوخ آجسام هتک حرمتدور بوگون

گوزلرون آچدی گینه یومدی امام انس و جان
گوردی هچ کس یوخ یانوندا،شهریار مهربان
قان دولان لبلره سویلوردی ابوالفضل هارداسان
گل منی اللردن آل وقت حمایتدور بوگون

خنجر الده مقتله قویدی ایاق شمر لعین
سوز چتین یرده دایاندی یا امیرالمومنین
وا حسینا ناله سیندن تیتردی عرش برین
یوم رستاخیزیدن گویا علامتدور بوگون

مخزن سرّ خدایه چکمه لی قویدی ایاق
آغ محاسیندن یاپوشدی،یاعلی گوزدن ایراق
بیر سکوت محضه غرق اولموشدی وادیّ عراق
آسمانلار کهکشانلار غرق محنتدور بوگون

چوندروب یالقیز امامین امرینی ایتسون تمام
آلدی بیر شیون سسین،گودالیده تخم حرام
گوردی بیر عورتدی آغلور سسلوری ایوای بالام
عرش اعظم بو جسارتدن خجالتدور بوگون

باخدی یرده پخش اولوبدی مصحفین غم نامه سی
تِرمه مثلی دوغرانوب پیغمبرین عمّامه سی
دورت مین اوخلان اوخلانوب اگنونده زیبا جامه سی
یوم عاشورادی یا یوم قیامتدور بوگون

• یکشنبه
• 3
• اسفند
• 1399
• ساعت
• 23:04
• نوشته شده توسط
• یوسف اکبری

گلدیم حسین دئیم باجون چکدی نلَر گئچن گجه
امّ مصائبم دئدیم زینب ئولر گئچن گجه

جنگ و جدل تمام اولوب،اولدی غلاف تیغلر
خیمه لره ویروبلار اوت،گزدی هواده قمچیلر
نصف یانان چادیرلارا،اولدی جماعت حمله ور
قاچماقا سدّ اولوب او گون،راه گذر گئچن گجه

تک یاری گونده زینبون،اولدی سفید ساشلاری
کوفه لیلر اتکلره یغدی گئجیله داشلاری
نصف شبیله داشلادی،نیزه ده قانلی باشلاری
قمچیلره باجون اولوب،اوندا سِپر گئچن گجه

قانیله غوطه ور اولوب،نوک جداده دیشلرون
ایندی ده العطش دئیور،نیزه ده قانلی لبلرون
الدن اله گزیر باشین،یرده قالوبدی پیکرون
کسدی گئجیله بارماغون،زاده ی شر کئچن گجه

آنداولا میخ و سینه یه،آنداولا مامِ عصمته
ثانی نجه اوگون ویروب آتش او بابِ جنته
یاندی او نوعی خیمیلر،دوندی بو چول قیامته
فکر ایلدیم مدینه دی،گلدی عمـر گئچن گجه

ایستی قوم اوسته یاتموسان،یوخدی بو جسمی دفن ائدن
واردی نه جسمیوه کفن،وار نه بو جسمه غسل ائدن
گوز یاشیمیله غسل ایدوب،زولفمی ایلرم کفن
بیر سوری آهولر قالوب،چولده ملَر گئچن گجه

دور حرم مطهرین،قول قولا غمله باغلانوب
سینه ده خیردا قیزلارون،قلبی المله داغلانوب
چوخلاری آت دوشونده اول،نیمه ی شب ایاقلانوب
عترت آل حیدره،اولدی نلَر گئچن گجه

بیرده قسم وئروم سنی،قلبیوین اوخ یاراسینه
لطفیله بیر نظر ائله،باخ یازانون بُکاسینه
قویما "فقیـــــرے" منّته رحم ائله آه و واسینه
نظمه چکوب بو سوزلری،دیده سی تر گئچن گجه

• یکشنبه
• 3
• اسفند
• 1399
• ساعت
• 23:14
• نوشته شده توسط
• یوسف اکبری

ای منیم یاوریم ابوالفضل
باشرف لنگریم ابوالفضل
دور گئداخ خیمگاهه قارداش
آغلوری اصغریم ابوالفضل

آچ گوزون باخ منه زیبا قمریم
خیمده،غش ائلیوب صودامریم
"ابوالفضلیم جان ابوالفضلیم"

دور گئداخ ای یارالی شیریم
قویما تک شاهیوی وزیریم
گوزلوری بیر سوری ستاره
مشکیوی ای مه مُنیـــــــریم

وای منه،آل ترابین گونونه
نگران غملی ربابین گونونه
"ابوالفضلیم جان ابوالفضلیم"

باش سینوب جسمین اوخلانوبدی
پیکرون گورنه دوغرانوبدی
آغلوری خیمه ده اوشاقلار
زینبون قلبی اودلانوبدی

من اؤپن لبلری قارداش،داش اؤپوب
سه پر اوخ ساغ گوزوی،قارداش اؤپوب
"ابوالفضلیم جان ابوالفضلیم"

مهربان دلشکسته قارداش
اگلشوب اوخواوخ اوسته قارداش
باخ ایشه باخ بو روزگاره
خسته سن،منده قارداش

من فدا قانه دولان گوز یاشیوا
رحم ائله الده قالان قارداشیوا
"ابوالفضلیم جان ابوالفضلیم"

• دوشنبه
• 4
• اسفند
• 1399
• ساعت
• 22:33
• نوشته شده توسط
• یوسف اکبری

ای سبط رسول خاتم
لب تشنه غریب آدم
یات خسته قتیل قرآن
فعلا،،گینه قارداش گللم

یات عاشقانه اکبریله-----بوغازی یاره اصغریله
من عازمم دیار شامه----بو بی کمک حرملریله

جسمینده وار از بس یاره
واللاهی سایلماز یاره
بو جسمیده صاف یر یوخدی
عضوعضو اولونوب صد پاره

بو پیکره نه سایبان وار----نه شامیانیدن امان وار
نه زینبه وئرولّه رخصت---نه جسمی قبریوه قویان وار

اوخلار اوتوروب اوخ اوسته
داشلار یاغوری پیوسته
بیر باخ ایشه بیر اقباله
سن خسته حسین من خسته

مگر بو قومه دستگیرم؟---یارالی باشیوه اسیرم
او گوردوقون باجون اؤلوبدی---بوکولموشم غمینده پیرم

تا چاتدی ایشین اتمامه
دولدی بو قوشون اخیامه
غارته آچوب ال دشمن
نه قالدی عبا نه جامه

ازل بو حالتی گورنده اؤلدوم---یارالی جان وئرنده اؤلدوم
دئیوم حرامزاده بجدل---گئجه‌یله بارماقون کسنده اؤلدم

جسمین قالوب عریان یرده
باشون دولانور اللرده
داش بسکی دگوب باشیندن
قان لخته‌سی وار لبلرده

یارالی،دوز سوزی یورولدوم---همی یورولدوم هم ویرولدوم
گئدوبدی دار یوخوم الیمدن----نه یاتموسان حسین،سویولدوم

دور سال یولا بو قیزلاری
ای زینبونون سالاری
بیر یولدا گوزون آچ قارداش
دیندیر بو آدامسیزلاری

منه دور عشقیوی اعیان وئر----گیدیر باجون یولی نشان ور
اولان اولوب گئچن گئچوبدی----کسیک بوغازیله اذان وئر

• دوشنبه
• 4
• اسفند
• 1399
• ساعت
• 23:16
• نوشته شده توسط
• یوسف اکبری

مرحبا،گلدی ماه مدینه
شوقیلن،گینه دولدی بوسینه
قربانام،،،نگارمه جبینه
گلدی فاطمیه نورعین
شوره گلوب بوتون عالمین
عالمی روشن ائدوب حسین،
ارباب ای ارباب
آی کیمی گویده جلوه لنوب
عرش وفرش خدابزنوب
حوریلرگوزلرین بَینوب
ارباب ای ارباب
عشقوندن عاشقلر دیوانه
عطروندن ملکلرمستانه
باده عشقوندن وئرآقا
عشاقه پیمانه پیمانه
یاحسین یااباعبدالله۴

حق وئردی،سنی فاطمیه پای
مست اولدی باخاندایوزووه آی
جبراییل چالوبدورسنه لایلای
ویریلدی عرش حقه بَزک
قنداقووی آپاروب ملک
گلدی نداالله معک
ای عشق طاها
عرش اهلی حیراندوریوزووه
گوزلری خیره دور گوزووه
عالم مشتریدورسوزووه
ای جان زهرا
پایلانورعالمه احساسون
زینتدی دنیایه انفاسون
مدحونده بسدوربوبیرجمله
حکم ائدرشاهلاراعباسون
یاحسین یااباعبدالله

یاحسین،،اوگوزیاشووه قربان
هلالی،،گوزل قاشووه قربان
سن وئردون،شرف دین مبینه
هم اوغول،هم قارداشووه قربان
شیعه لری قویماخواراولا
چارهسی اوزوله زاراولا
ظلم الینده گرفتار اولا
ارباب ای ارباب
سنسن عاشقلرون پناهی
اوجالورآسمانه آهی
سنسن شیعه نون تکیه گاهی
ارباب ای ارباب
آنداولاقلبونده احساسه
گودالونده وقت حساسه
جانه گلمیشوک دردالیندن
تاپشوربیزلری سن عباسه
یاحسین یااباعبدالله۴

• یکشنبه
• 10
• اسفند
• 1399
• ساعت
• 22:26
• نوشته شده توسط
• یوسف اکبری