اشعار ترکی امام حسین (ع)

دوشنده یاده دلور قلبیمی یانان آهیم
او گون کی گتدی منایه اوز اوغلون ابراهیم

مقدر اولموشیدی اسمعیل اولا قربان
اوز اللریله ائده اوغلونی قانا غلطان

او چولده ایلدی اوز اوغلونا بو سری بیان
کی امر ائدوبدی خدا ایلیم سنی قربان

ندور سوزون دئنه اوغلوم منه بیان ایله
رضایتون وار اگر قلبیدن عیان ایله

بو سوزده گلدی دیله گوردی اوغلی اسماعیل
بو یرده امر خدایه آتا ایله تعجیل

ولیک عمده سوزوم قلبیده بودور آتاجان
عنایت ایلیه سن اللریمی باغلیاسان

کمال لطفیله دوندر ترابه بو یوزومی
کسنمسن باشیمی گورسه گوزلرون گوزومی

گوزونده یاش آتا باشین اشاقه چوندردی
پیچاقینی گوتوروب رو به قبله دوندردی

نه قدر زور وئروب خنجره تکان وئردی
گوروب کی کسمدی قربانینه امان وئردی

داش اوسته چکدی پیچاقین گوروب داشی کسوری
دئدی قوتار بالامی گورموسن مگر اسوری

نه گوردی گلدی الینده دیله او دم خنجر
بو امریدن اوزی حیران قالوبدی پیغمبر

دیوبدی وحشت ائدوب ای خلیل چوخ اسمه
بو امر حقیدی امر ایلور منه کسمه

او دمده نازل اولوبدور منایه جبرائیل
که کسمه باشینی آزاد اولوبدی اسماعیل

بو امتحانی قبول ایلدی حق سبحان
مناده کسماقا گوندردی بو قوچی قربان

بو گوندن ایلدی بو امری لوحیده مرقوم
مناده کسماقا قربانی ایلدی مرسوم

بو یرده یاده دوشوبدور منای کرب و بلا
گتوردی اوغلونی وئرسون حضور حقه فدا

او حالیده یوزونی کبریایه چوندردی
اوز اللریله اونی قتلگاهه گوندردی

دئدی قبول ایله یارب بو تشنه قربانی
آخار منای بلاده بونون قزل قانی

وداع ائدوب آتاسین سیز باخون سرانجامه
مینیبدی مرکبینی یوز قویوبدی میدانه

بیر آز زمان سوغوشوب اولدی دینه قربانی
حسینده ئولدی او دم آند اولا حسین جانی

ئولنده « صادقی » سس چکسه یا حسین ادرک
عنایت ایله او دمده اوزون دئنن لبیک

• پنج شنبه
• 7
• مرداد
• 1400
• ساعت
• 13:19
• نوشته شده توسط
• یوسف اکبری

کرب و بلاده قوم دغا آل یاسینی
زینب مقابلینده سویوبلار اساسینی

رحم ائتمین حسینیده بیر کهنه کوینگه
آیا نئدر رقیه ده گورسه طلاسینی

غارتدن آنلادیم بو قدر بسدی یازمارام
زینب چخاتدی یاددان حسینون عزاسینی

غارت قوتولدی قارداشی اوغلی ئولنلره
گوستردی قوم کین گینه ده اوز وفاسینی

سسلندیلر سویون قوروغی سینیدی میل ائدون
اود دوتدی یاندی کیمسه ائشیتدی صداسینی

بیر بیر یغوبدی عمه سادات قیزلاری
یانمش چادردا قوردی خانم غم بناسینی

اما بیوردی چوخ اوجادان ائتمیون نوا
شمرئولدورر ائشیتسه کیمون آغلاماسینی

گون باتدی سالدی نورینی آی غملی گلشنه
غم دوتموشیدی دشت بلانون فضاسینی

بیر یاندا قاسم اکبریلن دوغرانوب یاتوب
بیر یاندا سالمیشیدی ابالفضل لواسینی

بیر یاندا حال سجده ده دوشمیشدی شاه دین
احسانی وئرمیشیدی اوخوردی دعاسینی

بجدل ده گلدی گوردی کرمدن اوزاق دوشر
مایوس قیتره قاپوسوندان گداسینی

هم بارماقین وئروبدی هم انگشترین اونا
صاحب کرم سوور گئجه نین اختفاسینی

سهمین وئروب نه گوردی گلور آغلاماق سسی
گودالیدن ائشیتدی ربابون نواسینی

سسلور بابا هرایمه سس وئر هایانداسان
هردم دیور گزوم بو چولون من هاراسینی

بولمم نه حالیده باباسین تاپدی بینوا
بیردن گوز آچدی گوردی بوغازدا یاراسینی

سسلندی کیم بو حاله سالوبدور سنی بابا
الله گوروم اونون قویا آغلار آناسینی

باخ بیر ایاقیمه بدنیم تک قابار چالوب
رحم ائتیوبله ووردولا زهرا بالاسینی

عمم بو چولده غارت اولاندان اوتورمیوب
قارداشدا یوخدی کم ائده باشدان بلاسینی

بیر یاره وار الینده بابا یاندیر منی
بیر کیمسه کاش اولیدی وئریدی دواسینی

بیرده بابا بو « صادقیه » رحم ائله اوزون
محشر گونونده لطفا اوزون وئر جزاسینی

• پنج شنبه
• 7
• مرداد
• 1400
• ساعت
• 13:25
• نوشته شده توسط
• یوسف اکبری

سلام ای ( 2 ) وارث طاها حسینجان
سلام ای ( 2 ) عالمه مولا حسینجان

عشقیوه مرحبا
جانیوه جانیم فدا
سنه من نوکرم ای
بحر سخا و عطا

امیری حسینً نعم الامیری

سلام ای ( 2 ) نور چشمان پیمبر
سلام ای ( 2 ) یادگار شیر داور
سلام ای گوزلری زهرایه بنذر
جمال اللهه ای رخساری منظر

ای شه کربلا
معدن مهر و وفا
اللرونده سنون
واری گوزی شاه و گدا

امیری حسین نعم الامیری

سلام ای ( 2 ) جلوه حق کربلاده
وئرن قربان منای نینواده
او بیتی ترک ائدوب سعی و صفاسیز
قوتاردون حجًیوی دشت بلاده

طوافون مبارک
شه عطشان آقا
ازلدن اولوبسان
بیزه سلطان آقا

امیری حسین نعم الامیری

سلام ای ( 2 ) دوشمین اکبر دیلیندن
سلام ای ( 2 ) اصغری وئردون الیندن
یزیده وئرمدون سن دست بیعت
ال اوزدون کربلاده سن ایلیندن

اکبرون حسینجان
جان وئروب لب عطشان
اصغرون اولوبدی
تشنه دینه قربان

امیری حسین نعم الامیری

سلام ای ( 2 ) ماهی اولدوزلاره خاطر
خسوف ائتدی اوغولسوزلاره خاطر
فرات اوسته گئچوب شهلا گوزوندن
وئروبدی قولارون قیزلاره خاطر

وزیرون بئچولدی
بئله بیر غم اولماز
هیچ شهه حسینجان
بئله ماتم اولماز

امیری حسین نعم الامیری

• پنج شنبه
• 7
• مرداد
• 1400
• ساعت
• 20:37
• نوشته شده توسط
• یوسف اکبری

لطف ایله یارب دل شبده بو زار و دلفکاره
قسمت ایله تا اولام زائر او ششگوشه مزاره

آند وئرم زینبون قلبینده کی نسگیللرینه
آند وئرم کربلاده آل عصمت گللرینه
آند وئرم خیمه لرده آغلیان بلبللرینه
کربلانون حسرتون قویما بو قلب داغداره

من حسین آدی گلنده ایسترم کرب و بلانی
یاده ساللام خیمه گاهی ایسترم پائین پانی
رحم ایله منده گوروم عمرومده بیر یول اول مکانی
بیر نولی یارب قویام یوز اول ضریح شهریاره

گئتدی هر کیمسه او یرده اولدی شاهون آشناسی
بو گدایه رحم ایله شامل اولا لطف و سخاسی
من ائشیتدیم عرشیدن زیبادی دشت کربلاسی
واردی یتمش بیر گلی بنزور نماسی لاله زاره

سینه سی اوسته دیوللر صود امر اصغر یاتوبدور
شاهیمون پائین پاسینده علی اکبر یاتوبدور
نهر علقمده دیوللر پیکر بی سر یاتوبدور
شمس دینون ماهیدور اولموشدی مشکی پاره پاره

بانی اشعاره یارب سن اوزون گوندر حواله
کربلا داغی سالوبدور قلبینی درد و ملاله
زینبه خاطر عنایت ایله بیر وقفه « جلاله »
گوزیاشی هیئتده گوردون اوخشیوردی جویباره

بیر نولی منده آلام علقمده یارب دستمازی
باشلیام بالای سرده بیر اذان وقتی نمازی
بو یوزی قاره گدانون یوخ داخی آیری نیازی
مستجاب ایله بو « شیدانون » دعاسین سن دوباره

• پنج شنبه
• 7
• مرداد
• 1400
• ساعت
• 20:54
• نوشته شده توسط
• یوسف اکبری

ای گلستان علینون گل ریحانی حسین
حضرت فاطمه نون بند دیلی جانی حسین

قاپوون سائلیم باردگر ایله کرم
ای دمادم منه بذل ایلین احسانی حسین

چیخماسون یاددان آدی نوکریوین روز جزا
کرم ایت ایله شفاعت‌ آناوین جانی حسین

آند ویررم سنی عباس او کرم صاحبینه
اوردا خندان ایله بو دیده ی گریانی حسین

قیل دعا شامل اولا حالیمه الطاف خدا
فانی دنیایه گوره آتمیام عقبانی حسین

حری سیندیرمادون آقا منیده سیندیرما
صاحب خانه دوتار حرمت میهمانی حسین

هرنیم ایندی پناهنده وم ای پور علی
آتما،گولدورمه منه خصم و احبانی حسین

نقدر کورپی دالیمجان، وار،ئوزون ایله خراب
ایسته سم گر قییدم اولمیا امکانی حسین

سن او شاهنشه اقلیم سعادتسن آقا
فرشیدن عرشه چکر عشقون احبانی حسین

تار زولفونله کریمانه چکوب بنده، ایله
کنف عشقیوین ایچره منی زندانی حسین

روز و شب اولسا سعادت توکرم گوزیاشیمی
یادایدوب آغلیارام پیکر عریانی حسین

یانارام آتلار ایاقینده قالان پیکریوه
عارضه جاری اولار گوزدن اورک قانی حسین

قوشارام سس ننوین ای وای اوغول ناله سینه
اوخشارام آغلادارام جمله احبانی حسین

آناوین وای بالا وای صوتی اوجالسا یری وار
آغلیوب آغلادا تا عرش معلانی حسین

آناوام قلبی کبابم گورورم عینا اوغول
خاکی سیراب ایلیوب حنجریوین قانی حسین

قانه غلطان ایلیوب ظلمیله عدوان بالاسین
باش آچوب اوخشادی زهرا گل رضوان بالاسین

گوزون آچ قانه باتان گوزلره زهرا قربان
ظلمیلن ذبح اولونان حنجره زهرا قربان

دیله گل دیندیر اوغول قدی کمان زهرانی
قیل تکلم اوشیرین دیللره زهرا قربان

یاره لی مقتله باشسیز یخیلان پیکریوه
ساربان قطع ایلین اللره زهرا قربان

کسیلن باشیله معراج ایلین نیزه باشین
آیه ی کهف اوخیان لبلره زهرا قربان

قانلی گودالی ایدن حوزه ی میقات اوزونه
قانه غلطان یارالی پیکره زهرا قربان

پرپر اولموش گوله بنذر، بدنون اوسته اوغول
پری یانموش،بالابلبللره زهرا قربان

سوسوزوندان قورویان دیل دوداقی یوم بلا
سارالان سوسن و سنبللره زهرا قربان

تالانان وقتیده اخیامی یانان ظلم اودونا
خرمن ناره دوشن گوللره زهرا قربان

• جمعه
• 8
• مرداد
• 1400
• ساعت
• 12:51
• نوشته شده توسط
• یوسف اکبری

دورای کسیلن باشی قفادن آنام اوغلی
زینب گئدوری کرب وبلادن آنام اوغلی

ای عالمی حیرتده قویان کرب وبلاسی
عرش اهلینی مجذوب ائلین ذکرودعاسی
افلاکه چاتوب زینبوون آه ونواسی
غارتده کئدوب معجروخلخال واباسی
دوندی گونوزی شامه نوادن آنام اوغلی

بوچولده سنی ظلمیله الدوردله عدوان
باخدیم اوجفاپیشه لره ایلدیم افغان
قول باغلی باجون شامه گئدورخسرو خوبان
دورگورنجه مقتلده ائدورچاک گریبان
آل گوگلونی بیرصدق وفادن آنام اوغلی

دیندیرمنی قارداش یورولان جیسمیمه جان وئر
غملرآلوب آرامیمی دورتاب وتوان وئر
اعجازوی شام اهلینه بویرده نشان وئر
عازمدی باجون شامه یارالی دوراذان وئر
محروم ائلمه فیض دعادن آنام اوغلی

ای دوغرانان اعضاسی سوسوزکرب وبلاده
تاراجه گئدن خیمه لری روزبلاده
صبرعالمی یوخدورسنه تای اهل ولاده
شایدیارالی یول دوشه بیرده بوبلاده
کام آلام اوگون سوزوبکادن آنام اوغلی

چوخدوربولوسن دلده ملالیم هله قارداش
مقتلده گوزوم دوشدی کسیلمش اله قارداش
آخدی گوزومون بارشی دوندی سله قارداش
اوت ویردی دوباره بوملالون دله قارداش
دشمنده اثریوخدی حیادن آنام اوغلی

شرم ائتمدی زهرادن اونامرد زمانه
جناتیده گتدی آنامی دادو فغانه
بیربندزراوسته گتوروب ظلمیون عیانه
گوداله گلوبدوراوستم پیشه شبانه
خوف ایلمیوب قهرخدادن آنام اوغلی

ابدان شهیدان داغلوب دشت بلایه
لاله مثلی زینت اولوب باغ ولایه
ظلم اهلی ویروب باشلارینی نوک جدایه
بومنظره دن غم شرری چخدی سمایه
تاب آلدی بوغم اهل ولادن آنام اوغلی

اهل حرمی بیربیرینه باغلادی اعدا
ایلوله شقاوتله زبس اونلارا ایذا
ایمائیله سسلور بالاسین دادینه لیلا
سرنیزده باخدوقجا یارالی باشا گویا
آگاه ائلیور درد جفادن آنام اوغلی

کویونده (جوانی)ائدوری ناله وزاری
سسلورمین امیدیله سنی لیل ونهاری
ایستورصله وئرقویمااولاگوزیاشی جاری
شرمنده دی یوخ خیرعملی لطف ائله باری
وارقورخوسی محشرده جزادن آنام اوغلی

• شنبه
• 9
• مرداد
• 1400
• ساعت
• 13:24
• نوشته شده توسط
• یوسف اکبری

مورخــان خـبرنقل ایدوب بوعنـوانی
دیــار ماریـــده ســـرور احبـــانـی
دچـارایدوبـدی بلایـه گـروه شیطانی
سالـوب کمند مصیباته شاه نه فلکـی
گـتوردی ناله وفریاده عرشیده ملکـی

دوتوبـدی دشت بلانـی گروه بی ایمان
غــلام روم وفـرنگ تالـــی ابوسفـیان
بیـرعـّده دیـوصفت دشمن امـام زمان
عداوتیلـه اوگون قلب شـاهی داغلادیلار
بنـات فاطمــیه سو یولـونی باغـلادیلار

ریاض عصمته یتدی سوسوزلوقون اثری
سولوب سارالدی گلستان حیدرین ثمری
ویراردی دللـره اوت دشت کـربلا شرری
چخـاردی عـرشه فغـان آهوان زیبـادن
آخـاردی عـارضه گـوزیاشلاری بلایـادن

زبس امامـون اولـوب غصه و ملالـی مزید
باتوبدی قانینه قارداشلاری اولوبدی شهید
الـی بلینده قـالوب عرصه گهده شاه وحید
چــاغـوردی حـال نـزاریلــه سرور حرمین
گل ای آنام باجی زینب گیدورقتاله حسین

گل ای شـریک مصیـباتیم ای وفـاداریم
طریق عشقیده جاندان گیچن هواداریم
بــلا و حــادثه لــرده یگانه دلــداریم
عـُدوجفـاسی باجی قلبـیمه شـررسالدی
بوغملی عتـرتیمون زحمـتی سنه قـالدی

سفــارشیم بودی آل الله صیــانت ائله
یانــانداخیملـریم قیـزلارا حمـایت ائله
مریضدوربالام اوندان ئوزون عیادت ائله
امام مفـترض الطـاعه دور اوزین العـبا
اودور وصـی بـلافصـل حضرت طـاهـا

مـریض اولانـدا آنـام سرزمین بطحاده
اوگونلـری که گتورمشدی غصه فـریاده
ویـروب سنه بیر امانت اوغملـی اثناده
همان امانت اولاردی سبب بوگـوزیاشوا
گتـورامانتـی رد٘ ایلـه ایمدی قـارداشوا

بوقدری ایلمه ای گوزلریم ضیاسی فغان
سن آغلیـاندا گیدورقلبـیدن قـرارو توان
گتورآنـام توخــیان کوینگـی گیوم الان
اوکوینـگین غمی دللـرده هرزمان قالاجاق
آنام اوکوینگــیله محشره شـرر سالاجاق

ایشدی بوسـوزی اول دستگـیر دام بلا
دولاندی باشیـنا گــویا دیـار کرب وبلا
گتوردی بوقچانی ویردی حسینه کنز ولا
بوچولده عرض ائلدی یوخدی بیرنفر قالانیم
باجون فداسنه قوی باشوا گلیم دولانیم

• یکشنبه
• 10
• مرداد
• 1400
• ساعت
• 23:08
• نوشته شده توسط
• یوسف اکبری

زینبین کثرت غمدن اورگـی قاندی حسین
دردالیندن بلوسن حالی پریشاندی حسین
قان اولوب دیده لریم
چخدی عرشه شرریم
دایان قارداش دایان قارداش
دایان قارداش

ای منیم روحیمه ریحـان شرف اهل کسا
گورنجه تنگ ائلیوب عرصه نی اشـرار دغا
گل دولانسون بـاشوا زینب غمـدیده اخا
یتشوب وعده حق موسم هجراندی حسین
قان اولوب دیده لریم
چخدی عرشه شرریم
دایان قارداش دایان قارداش
دایان قارداش

یازلوب روز ازل دهریده غمخوارون اولام
نقـَدر وار نفسیم یـار و هـوادارون اولام
یوز وئره هرنه بلا صبریله غمخوارون اولام
ثبت اولوب لوحیده حکم حق رحماندی حسین
قان اولوب دیده لریم
چخدی عرشه شرریم
دایان قارداش دایان قارداش
دایان قارداش

غم دوتوب کرب وبلایه یتشندن دیلیمی
بیربه بیر کوفه لیلر آلدی الیمدن ائلیمی
آزقالور شدت غم سیندیراقارداش بلیمی
دردالیندن باجوون دیده سی گریاندی حسین
قان اولوب دیده لریم
چخدی عرشه شرریم
دایان قارداش دایان قارداش
دایان قارداش

• یکشنبه
• 10
• مرداد
• 1400
• ساعت
• 23:09
• نوشته شده توسط
• یوسف اکبری

زینبـیم محـضر دلـداره شتابان گئدورم
ماملکدن ال ئوزوب شادوخرامان کئدورم
قیـزلارین قیدینه قال
گل حسینی یولا سال

آغـلاما بیـربئله ای محـرم اسـرار حسین
مالک اول صبرائوینه یاوروغمخوار حسین
حافظ اولسون سنه بودشتیده دادار حسین
فـرقتیمـده بوقـَدر اولما پریشان گئدورم
قیـزلارین قیدینه قال
گل حسینی یولا سال

سنی زینب بوگـونه خـالق داور یـارادوب
حجـّت روی زمینه ئوزی یاور یـارادوب
بحـر آلامیــده غـّواص دلاور یـارادوب
صـابراول بحـربلا ایلسه طوفـان گئدورم
قیـزلارین قیدینه قال
گل حسینی یولا سال

دُّرتک گوزیاشوی صورتیوه دوزمه باجی
افق رنجیـده اولدوز مثلی سوزمه باجی
هربلاگلسه بوقیزلاردان الون ئوزمه باجی
اوُل بوصحـراده پرسـتار یتیمان گئدورم
قیـزلارین قیدینه قال
گل حسینی یولا سال

• یکشنبه
• 10
• مرداد
• 1400
• ساعت
• 23:13
• نوشته شده توسط
• یوسف اکبری

ای دولت اکرامی دوتان هر دوجهانی
دل خسته لره ایله کرم کرب و بلاده

بین الحرمین ،مروه ، صفامیزدی اقا جان
عشق درگهیدی هر دو حرم کرب و بلاده

عاشقلریوی ایسته ءوزون ماه شرافت
طاقتلر آلور مشگ و علم کرب و بلاده

ناامید ایله مسن قاپیوا گر گله ساءل
منده آقاجان دیده ترم کرب وبلاده

ای قانلی مناده توکولن قانی حسین جان
اول تربتیوی من ءوپرم کرب و بلاده

قان آغلیارام ساقی طفلان حسینه
سو استه قولی اولدی قلم کرب و بلاده

قبریمده گله گر دوملک سویلسه گیمسن
عرض ایلیرم "سینه زنم" کرب وبلاده

اربابیم حسین،شاهیم حسین،جان سنه قربان
لبیک حسینیم دءیرم کرب و بلاده

• دوشنبه
• 11
• مرداد
• 1400
• ساعت
• 16:27
• نوشته شده توسط
• یوسف اکبری

قتلگاهینده حسین مظلوم یاتوبسان وای منه
زینبی قارداش ندن گوزدن آتوبسان وای منه

جان حسین جانان حسین
جانیوه قربان حسین

گلمیشم قارداش سنه درد و دلی اظهار ائدم
قیزلاران درس وفا و صبری یولدا اورگدم
سن جدا اوستونده منده محمل اوستونده گئدم
منکه قالدیم یولدا سن یاره چاتوبسان وای منه

پیکرین اوخ نیزه لر گوروم ائدوب شان شان حسین
حنجریندن توپراقا نم نم دوشور هی قان حسین
دورگینان سال سن یولا زینب گئدور الان حسین
حیف اولا داش نیزه لر آلتدا یاتوبسان وای منه

گوگلوم ایستیر پیکرین مهمان قوجاقه ائیلیم
بوسه می تقدیم فقط مظلوم قوناقه ائیلیم
سویله نه چاره الان پوزقون تفاقه ائیلیم
قلبیمین قانین آخان اشگه قاتوبسان وای منه

یولارین چوخ دردلری یولاردا قالمیش قارداشیم
قیزلارین دردی منی چوخ فکره سالمیش قارداشیم
باشیمه دشمن نقدری قمچی چالمیش قارداشیم
باجین ئولسون حالیمه هردم یانوبسان وای منه

چوخ چتیندی زینبه بیل سندن آیریلماق حسین
باشین اوسته نینیم اولدی یارا بارماق حسین
زینبه آسانیدی محملده باش یارماق حسین
دین و حق اوسته گولوم قانه باتوبسان وای منه

قیزلاری دشمن اخا باخ باغلیوبلار قول قولا
دشمنان عباس عوضیندن دوروبلار صاق صولا
دور مسافرلر دایانوبلار حسین جان سال یولا
قیزلارین آه و فغانین تئز آلوبسان وای منه

سن جدا اوسته باشین سالمیش ایشیق باشه حسین
گوزلریم قان آغلیار سن مثلی قارداشه حسین
داش دیوب باشه آخوب قانون گوزل قاشه حسین
بیز سنه سنده بیزه قارداش یانوبسان وای منه

• دوشنبه
• 11
• مرداد
• 1400
• ساعت
• 16:39
• نوشته شده توسط
• یوسف اکبری

قلم ایستیر گینه طوفان سالا الله دیلره
ورق اودلاندی و اهی چیخدی ناگه گویلره

هرسوزوی یازسام اورکدن اه جانسوزیم چیخار
بیرطرف رحمیم گلیر صورتدی یورقون گوزلره

هرکسین واردی اورکده مین حواءج یاحسین
سنون ءوزن وءرر حاجتین قربان او خسته پیکره

جمعه ی دیگر گلوب گوزلر گوزتلور یولاری
گل اقا وروخ قسم نهر اوسته دوشموش اللره

عالمین جانی فدا سن مثلی مولایه حسین
عاشقیوین گوزیاشی ناز ایلیر دریالره

کربلایه کیم باخا چپ گوزلرین الدن وءرر
شیعه دن بو سوز اولا هشدار بوتون داعشلره

من حسین سربازیم روحیم حسین، جانیم حسین
مرحبا اولسون بوتون سربازلره ، لشگلره

گرحسینی اولماسان زنده قالان یوخ ارزشی
پایه ی عشقیم حسیندی گر دوشم صحرالره

چوخ مدافع لر شهید اولدی حسینون عشقینه
تسلیت وروخ قالانلاره و یا مادرلره

عشق حسین ،جانیم ابوالفضل،مرجعیم زینب فقط
عشق علی سرمشق علی جانیم فدا دلبرلره

ای "خدایی" سنده نوکرسن اقا اءتسه قبول
چونکه احسان ایلیر مولا تمام نوکرلره

• سه شنبه
• 12
• مرداد
• 1400
• ساعت
• 13:27
• نوشته شده توسط
• یوسف اکبری

من حسین نوکریم جانیمی قربان دئمیشم
کربلایه ئوزومی من آقا مهمان دئمیشم

گر حسین چه قاپیندا آقا نوکریوم یوخدی سوزوم
قلب عاشقده ولی شانیمه سلطان دئمیشم

کیم گوروب اهل سخا نوکره رحم ایلمیه؟؟؟
دیل سوزون من سنیچون گوزلری گریان دئمیشم

کربلا یولارین آچ تا که اورکلر آچیلا
من که دیوانه یم ارباب سنه هرآن دئمیشم

ائوین آباد اولا دعوت ائله بیر یولدا گلیم
ئولرم کرب و بلاسیز سنی قرآن دئمیشم

باجیوین قبرینه چوخ چوخ داریخیب سینه زنون
اوچ یاشیندا قیزوا من گجه جان جان دئمیشم

منی دعوت ائلمورسن نه گناه ایلمیشم؟؟؟؟
دئی آقا منی دلی آیا کیمه بهتان دئمیشم

آقا نوکردی" خدایی" سنه گوز یاشی توکوب
آدیمی لیست غلامانیده پنهان دئمیشم

• جمعه
• 15
• مرداد
• 1400
• ساعت
• 18:53
• نوشته شده توسط
• یوسف اکبری

زینبیم گل سنه قربان
گئدورم میدانه زینب

واردی چوخ شوقیم عزیزیم
تا باتام من قانه زینب

دور سن گئتور مرکبی الان
دور گوزلیور فاطمه هر آن
دور سنه حافظ اولا قرآن

آغلا زینب آغلا زینب

من سفیره ره عشقم
حامیه دینه میبینم

آفتابه ائدرم ناز
فاخره عرش و زمینم

من ائدرم دینیمی احیا
من وئرمیشم اللها امضا
من زنده یم گر ئوله دنیا

آغلا زینب آغلا زینب

اسیلوب باد مخالف
گللریم سولدی بو چولده

اکبریم گئتدی الیمدن
باخ الیم قالمیشی بئلده

کاش ساغ اولیدی بابام حیدر
کاش کربلایه گله مادر
کاش ئوالمییدی بالام اصغر

آغلا زینب آغلا زینب

بیلمسین اصغر آناسی
دیل سوزون فاش ائدورم من

قتلگاهه باجی قربان
هم سوسوز، آج گئدورم من

وای زینبیم اغلاما بسدی
وای سینمی داغلاما بسدی
وای مرکبی ساخلاما بسدی

آغلا زینب آغلا زینب

واردی بیر خواهشیم اما
جان سنون جان بالالاریم

سن ئوزوندن باجی گوزله
سنه قربان بالالاریم

باخ قیزلاریم صبریمی آلدی
باخ سجادیم خیمه ده قالدی
باخ منی درد و غمه سالدی

آغلا زینب آغلا زینب

وقت گئچور قورخولی یئللر
ایستیور که اسه زینب

قاتلیم چوخ تللسیر تا
باشیمی تئز کسه زینب

باخ یئره قانیم آخا زینب
باخ دشمنیم تا باخا زینب
باخ سینده سن اوخا زینب

آغلا زینب آغلا زینب

• جمعه
• 15
• مرداد
• 1400
• ساعت
• 19:38
• نوشته شده توسط
• یوسف اکبری

عشق حسین طلای دین و ولایت اولدی
بنیان مکتبینه حقدن حمایت اولدی

بو مکتبین اصولی احیای دین یازیلدی
تا که حقوق اسلام بوندا رعایت اولدی

اولدی حسین رئیس بو مکتب خداوند
زینب سفیر راه و بند اسرات اولدی

تعریف عشقی اولماز بیر کلمه توصیف اتسین
بو عشق ئوزی اصول عشق و محبت اولدی

بو مکتبه وزیری عباسی تاپدی مولا
سقای کربلاده اول کان غیرت اولدی

عاشور گونی دیولر چوخلاری وئردی یاره
بیر پیکرین باشیندا آیری قیامت اولدی

باش نیزیه گچنده بیردن هوا قرلدی
اخیامه قاچدی دشمن چون وقت غارت اولدی

چوخلار ایاقلار التدا جانلاری باشه چاتدی
قید اسرات اولماق قیزلاره قسمت اولدی

زینب باشیندا قاره کرب و بلایه گلدی
چوخ غم چکوب حسینه دریای محنت اولدی

گاهی دیردی قارداش اصغر سنون یانیندا؟
وئر بسدی سینه ن اوسته ن عفو ایله زحمت اولدی

والله حسین رقیه ن چوخ ساخلادیم قوجاقدا
صبری قوتاردی گیتدی تا اهل جنت اولدی

قربان سنه اولیدی بو خسته جان حسینیم
بو شعر "خدایی" مدح مولایه قسمت اولدی

• جمعه
• 15
• مرداد
• 1400
• ساعت
• 20:58
• نوشته شده توسط
• یوسف اکبری

کربلاقبلگه اهل ولا
کربلاقلبه صفاخاک شفا
کربلاقتلگه شاه ولا
دفن اولوب اورداشهید کربلا
آلتی گوشه قبراولوب عرش خدا

اوردابیرقلبینی اوخ بولن یاتیب
سینه ده اوچ پراوخاگولن یاتیب
ایاقی التداجوان ئولن یاتیب
فاطمه اوغلی ایدیب اورداامقام
بی کفن سروره بیزدنده سلام

اوردادورین اهل کین آلان یاتیب
اورداقولاری قلم اولان یاتیب
اوردابیرسومشکی اوخلانان یاتیب
صاحب مشگ ولوااوردایاتیب
آدی هردرده دوااوردایاتیب

اوردازینب ایتدی نی کیمون نوا
گوردی جان ویرورحسین باوفا
اوجادان چاغیردی وامحمدا
گوندرون کفن حسینه جان ویرور
یارالاری چشمه مثلی قان ویرور

تلیدن باخیردی قانلی مقتله
اونداکی لشکرایدوردهلهله
قالمامیشدی داده بیرکسی گله
اوچول اوخشیوردی قانلی گلشنه
سسلنردی داده گل جوان ننه

گورنه بیربلالره دوشوب باشیم
غصه دن دونوبدی قانه گوزیاشیم
قالدی اوخلارآلتدا تشنه قارداشیم
واردی کیم بویرده سینه داغلاسین
یاسلیام باشیماقاره باغلاسان

زینبم بوچولده تک قالان منم
آهیلن جهانه اوت سالان منم
غملراختیارینی الان منم
تشنه قارداشیم بوچولده جان ویرور
یارالاری لخته لخته قان ویرور

عارفابوغمده سینه داغلادین
بی کفن قالان امامه اغلادین
آهیلن حسینه نامه یولادین
تانفس وارین حسینه نوحه یاز
یازحسینیلن قالیب زنده نماز

• یکشنبه
• 17
• مرداد
• 1400
• ساعت
• 22:34
• نوشته شده توسط
• یوسف اکبری

یابن الزهرامولامولامولا
گل طاهامولامولامولا
ای جلوه جانان جانلارسنه قربان
یااباعبدالله یااباعبالله یااباعبدلله

شعبان ایی جنت اولدی دنیا
سنله تاپدی زینت عرش اعلا
لبلروندن اوپدی جدین طاها
سن سن شه خوبان جانلارسنه قربان

قنداقی ای عرشه گیدن مولا
ای گویلره صفاویرن مولا
فطرس قنداقینی اوپن مولا
ای دردلره درمان جانلارسنه قربان

عشقون سنون عقبایه ویرمرم
بزمون عرش اعلایه ویرمرم
بیرتوکون دنیایه من ویرمرم
ای یرگویه سلطان جانلارسنه قربان

دردمندم قاپیوی دورم
قبریوین حسرتین من چکرم
ادین گورسم پرچمده اوپرم
ای منبع احسان جانلارسنه قربان

(عارف )گلیب سندن حاجت الا
قویماغمدن بولوط کیمین دولا
الی بوش سائلون سالمایولا
ای معنی قران جانلارسنه قربان

• دوشنبه
• 18
• مرداد
• 1400
• ساعت
• 12:42
• نوشته شده توسط
• یوسف اکبری

قسم تَقدّس باده صفای میکدیه
قسم حدیث نِی ونینوای میکدیه
قسم او خال لب ساقی فرشته خَدَم
قسم او زمزمه کربلای میکدیه
قسم اواللره که دگمدی یزیدالینه
شرف یاراتدی قانی ربّنای میکدیه
قسم خُزینی دیَن مستون آغ محاسننه
بویاندی مسلخ حقده حنای میکدیه
یوزایل عبادت زاهدچتندی جنّت آلا
ولی من آللام اونی بیردعای میکدیه
هزارکعبه طوافین بدون حبّ حسین
من آلمارام نچه لحظه ثنای میکدیه
جمال دلبری چون گوردی جام می ده حسین
اودور که اکبری بوکدی عبای میکدیه
بویوردی لیلیده حتّی گرک پیاده قاچا
مثال هاجرمحزون صفای میکدیه
اوقدری نیزه اوخانازایدوب مناده امام
گتوردی روح الامینی عزای میکدیه
چوخوریری ایله که قبله گاه رازایلدی
اوجانی اوسته باخوب نینوای میکدیه
نه عشقیدوربوحسینده که شیرخواره سینی
فداویروب ایکی اَللی خدای میکدیه

اوقدری مستیدی مَولاشراب وحدتدن
چخارتدی زینبی حَتّی منای میکدیه

• چهارشنبه
• 20
• مرداد
• 1400
• ساعت
• 21:32
• نوشته شده توسط
• یوسف اکبری

عاشقم یاران لقای یاره ایل دور ثانیم
آز قالور عمریم قوتارسین عشق سرگردانیم
حسرتم شش گوشه قبرین بیر طوافین گورمکه
آغلورام بیگانه هردن فکر ایدوردیوانیم

گوز یاشین سیلمیشم من قلبیمین آئینه سین
گورموشم اوندا حسینین عاشق دیرینه سین
باشنی زینب یاراندا سینه زنلر آنلیوب
پنجهء عشق اینجیدنمز اهل عشقین سینه سین

سینه ویرام کربلا عشقینده سوزوسازیلن
ایلرم آه و فغان و ناله خوش آوازیلن
آستان قدس مولاده یخلسام قوخمیون
نوکرین ارباب قوزارالفتیلن نازیلن

یا حسین سن شمع سن من بیر یانان پروانیم
آغلورام عشقونده دیولر بلکه من دیوانیم
باشیوه بیر یول دولانسام یانماقیم آسان اولار
یانماسام عشاق ایچینده کیم بولر آیانه یم

طوطی طبعیم دیور کای بلبل شیرین سخن
سن بش اون گونلوک گلین سیروصفاسین نیلوسن
گل((امینی))لن قوشول بیرباغبانه یالوارون
تا اوزی لطف ایلسین دنیاده هرنه ایسته سن

• پنج شنبه
• 21
• مرداد
• 1400
• ساعت
• 12:02
• نوشته شده توسط
• یوسف اکبری

یردن صدای الامان اوج ایلور آسمانه
ای مرتضی گل هارداسان اوغلون بویاندی قانه

جسمینده وار دورت مین یارا یوخ بیر دوا حسینه
ایستور فدای دین اولا روحیم فدا حسینه
یردن گلور داش نیزه اوخ گوگدن ندا حسینه
جبریل اولوبدور نوحه خوان ایلور نوا حسینه
قدوسیان آغلور دیور صد مرحبا حسینه
ایفای عهد ایلوبدی وار حقدن رضا حسینه
زهرائیلن گل سنده قور بزم عزا حسینه
اوغلون لب عطشان جان ورور گل قویما یانه یانه

سن ساقی کوثر یانور لیک عترت رسالت
نهرین سوئی داشقین گیدور سقاده یوخ فراغت
گوگدن شاخور گون تابشی یردن چخور حرارت
قان قینیور هر جسمیده مینلرجه وار جراحت
شانشان اولوبدور سینه لر یوخ ذرّه استقامت
گل کربلا صحراسینه اولموش به پا قیامت
باشسیز قالبدور عترتون ای معدن کرامت
برج محندن قزلارون گل چک بیر اوزگه یانه

• پنج شنبه
• 21
• مرداد
• 1400
• ساعت
• 19:25
• نوشته شده توسط
• یوسف اکبری

جهان خلقتین ای ماه آسمانی آتا
خلایقین ایوی نین صاحب آستانی آتا

مسیر زندگی عارفانین سنیدون
امیر قافله سی میر کاروانی آتا

عیال اوشاق آتانین سایه سینده دالدالانار
عیالینه آتادور چرخ زندگی آتا

مدام منده سنون سایه وه سیخلمشدوم
سنیدی چرخ فلک یخدی سایه بانی آتا

عجب داغتدی منیم خاطراتیمن دوفاقین
مرتب ایلدی غم خانه آشیانی آتا

دولاندی قانه منیم قلب داغداریم ایله
سن اول دقیقه که ترک ایلدین جهانی آتا

الوم یاماندی یامان گونلره قویارآدامی
یامان گون اولدی منه آیرلیق زمانی آتا

اوزون گیدندن مونس اولموشام غمیوه
اولوبدی قلبیم ایوی غم غصه لر مکانی آت

گونین باتان چاغی بیر آیری حالته قالیرام
مناردن که گلور مسجدین اذانی آتا

یاتان زماندا گوزوم رختخوابیوه ساتاشیر
قوجا قلیرام دیزمی آغلیرام نهانی آتا

بو آغلاماق من ایچون مایه فضیلت اولور
سالور خیالمه تز شاه کربلانی آتا

بلا چولونده قیام ایتدیلر علیهنه تا
قلچلار آتدا قالوب چسم خونفشانی آتا

باشین کسنده اونین قاتلی جفا ایلدی
نفس واریدی هله چیخمامشدی جانی آتا

حسین اولنده یرین داشلاری قان آغلادیلار
یاخلمشیدی یره لخته لخته قانی آتا

• جمعه
• 22
• مرداد
• 1400
• ساعت
• 11:26
• نوشته شده توسط
• یوسف اکبری

هایاندا اولسا به پا محفل بنام حسین
توسلیم اولاجاق نهضت و قیام حسین

سعادت اولسا گوزل خدمت ایلرم آقاما
قبول ایلسه گر خدمته امام حسین

حبیب اولوب دیمورم آستانسینده یاتوم
اولوم فقط دیورم کمترین غلام حسین

کچیلده کیم اوزینی شهرتی اونین یکه لر
اولار هامیا نوکر گرام حسین

اینانموسان اوزیوی سال بیر آستانه سینه
نقدری گورسن ایچون ایلور احترام حسین

او حرین آل نظره ایتدیگی عمللرینی
دوشونمیوب نیمیش ابتدا مقام حسین

گلوب جسارته آت اوینادیب اویان بویانا
گرک دیوب یخیلا خیمه و خیام حسین

اونین جسارتینه قورخوشوب گوزل بالالار
وروب دوباره اوزی قزلارا نظام حسین

سفارش ایلدی ای حر سن سعید اولوسان
موثر اولدی اونا منطق و کلام حسین

اودمده یار اولوب اوزبختی تنگلوب تختی
چکوب گتوردی اونی جذبهءپیام حسین

گلوب دایاندی یوزین تپراقا قویوب سورونوب
دیدیلر ایندی آلا راوندان انتقام حسین

ولی حسینده سن کشفه باخ کرامته باخ
باغشلیوب اونا بیر رتبهء مدام حسین

یوزیندن اوپدی سوینجک قویوبدی باشینه تاج
اولوبدی حر بلی حر بالتمام حسین

گیدوب خلوصیله کیم آستانینه قویا یوز
عزیز اولار اولا هم مسلک و مرام حسین

بلی حسینچی لیگون ارزشین حسینچی بولر
ایدر مدام اونی چون خرم و خرام حسین

الن زماندا گلر باشینی آلار دیزینه
عذاب مرگی ایدر دوستینه حرام حسین

اود ورمنیمده گوزوم اشکینی توکر یوزیمه
اولوبدی بو دیلیمون ذکری صبح وشام حسین

حسین حسین دیمگه عادت ایلیوب اورگیم
اتیم قانیم سوموگیم سسلور السلام حسین

''امینیا''نقدر نوحه و نوا ایده سن
جزای خیر ورر خالق انعام حسین

• جمعه
• 22
• مرداد
• 1400
• ساعت
• 11:40
• نوشته شده توسط
• یوسف اکبری

چو موسی گرم ایدوبسن سینۀ سینانی سن قارداش
آلوب طورین کنارین لیک اشرار زمن قارداش
داغلموش پیکرون داشلار قلجلار نیزه لر آتدا
سنون تک بو جهاندا اولماز اللرده الن قارداش

اسیر اولموش عیال و اهل بیتون قوم ظلامه
یارالی شیر تک قول باغلی منده دوشموشم دامه
چکوللر زینبین غملی قطارین ظلمیلن شامه
ویروبلار قوللاریمدان تازیانه هر یتن قارداش

نه عالمدور بو عالم زینبه محشر نمایاندور
کسیلمیش اللرون باشون بدن باشدان باشا قاندور
دگوب اوخ نیزه لر سینون حسین چوخ شانه شانشاندور
تاپولماز ایلسین بیر کس سنه غسل و کفن قارداش

رقیه ن که گجه گوندوز یاتاردی گل بوداقینده
قاچاردی ناز ایدردی قاسم و اکبر قباقینده
گورور ایندی قالوب گل جسملر آتلار ایاقینده
یاخندور غصه مرگ اولسون رقیّون غصه دن قارداش

اورک قان باغلیوب یوخدور توانا ایلسین گفتار
دانشسامدا امان ورمز قوشون ای محرم اسرار
بو وقتیمده گلیدی دادیمه کاش حیدر کرار
گوزوم یولدا قالوبدور نه گیدن وار نه گلن قارداش

اگر بو شامیان قویسا یانوندا گتمرم قاللام
گجه آیدان گونوز گوندن دوروب اوز کولگمی ساللام
آنام زهرا گلنده قتلگاهه عطرینی آللام
ندوم حقیمده ایلوللر جفا اهل فتن قارداش

بدنده گرچه دورت مین یاره وار بنزور گله قارداش
چمنده لیک گوزدن یاش توکور وای بلبله قارداش
او باغبانم فلک سالدی ایشیمی مشکله قارداش
گیدور نیلوم بله پوزقون قالور باغ و چمن قارداش

خلیل اللهی که قرآن دیور چوخلی بلا گوردی
بلی سویلوب بلایه گتدی اوز اوغلون منا گوردی
سنون لکن اوزون هم ایل تبارون کربلا گوردی
هانی سن تک جهاندا ایل و تباریندن گیچن قارداش

اولان اولدی گچن کچدی سنه قربان اولا زینب
گورنمور بیر کسین ایلور نظاره صاق صولا زینب
مسافردور گیدور باشلا اذان دوشسین یولا زینب
داخی یوخ فرصتیم قالما خلقا بوشمر دن قارداش

من اول پروانه ام شمع وفادن آیرلانمازدیم
بو مدت عمریمون بیر لحظه سین سنسیز دولانمازدیم
اگر یتسیدی نقصان عشقیمه بیر بیله یانمازدیم
خوش اول من آرتیغام هم شمع و هم پروانه دن قارداش

اگر چه قارداشیم الموش اوجالمیش گوگلره نالم
ولیکن اولموشام عشقونده سایسیز غملره قارداش
یرون چوخ باصفا دور غبطه ایلر بویره عالم
گیدور منلن یانوندا قالموری هیچ اهریمن قارداش

حسین جانم جانیم گر چخمادی هجرونده تاب ایتدی
شرار فرقتون یاندیردی قلبیمی کباب ایتدی
((امینی))سرگذشتیم یازدی بیر غملی کتاب ایتدی
مصیبت نامه میز گچدی هزار صفحه دن قارداش

• جمعه
• 22
• مرداد
• 1400
• ساعت
• 11:52
• نوشته شده توسط
• یوسف اکبری

اولوب کیم سرگران عشق عشقینده جلا تاپدی
دولاندی وعده گاه عشقی یارین برملا تاپدی

دچار درد بی درمان ویا درماندهء دیگر
طبیبین محضرینده چاتدی دردینه دوا تاپدی

اطبا ردایدن صعب العلاج آختاردی آختاردی
قرا پرچملریله گیتدی بیر بزم عزا تاپدی

دایاندی نوحه خوانلار موکبینده سینه سین آچدی
او آغ پیراهنین اگنیندن آتدی بیر قرا تاپدی

قوشولدی سینه زنلر جرگه سینده سینه چاک ایتدی
او ویردیقجان کدرلی سینه سی صلح و صفا تاپدی

اورک آئینه سینده گوردی سردار اطبانی
که درگاه حق منانه ایلوردی دعا تاپدی

بولوبدور معرفت سیز وارد گفتار اولا بولمز
که تاپسین معرفت اول فیضه وقت التجا تاپدی

دیوب اولده رب اشرح لی صدری همده یسر لی
حضور شاه مظلومانه بیر نطق رسا تاپدی

حسینه دردینی کیم صدقلن اظهار ایدوب یاران
همان کس شکر لله درد ایتردی تز دوا تاپدی

کیم اولدی رمز دق البابینه دارا او مولانین
گیدوب عشقیله قالدی درگهونده چون گدا تاپدی

شهادت کلمه سی هر بیر شهیدین چخدی آغزیندان
بو بش گونلوک فنا دنیانی ترک ایتدی بقا تاپدی

بیر عده جان بکف جان آفرینه جان دیدی گیتدی
گزوب میدان رزمی بیر برات کربلا تاپدی

""امینی""سنده اولسان عارفاً بالحق یالوارسان
گورورسن قبرده اوّل سنی اول مقتدا تاپدی

• جمعه
• 22
• مرداد
• 1400
• ساعت
• 12:20
• نوشته شده توسط
• یوسف اکبری

فروزان گوهر گنجینه حق روح با ایمان
سریر و سرمد کل خلایق قوه لی انسان
نبیر محکم ختم رسالت منبع وجدان
اوزینه آدینه شخصیتینه شیعه لر قربان
دل طوفاندا اون گون قالدی نوحی قویدی سرگردان

دیسم زیبنده دور شأنینده هیچ کیم شأنینه چاتماز
اونون خطین دوتان کس سهلدور گوندوز گجه یاتماز
تاپان عشق حسینی آیری عشقی عشقینه قاتماز
حسینین عاشقی عشقین جهانی ورسه لر ساتماز
پوزولماز تا قیامت قانلن امضا اولان پیمان

حسینین عشقی هر عشق مجازیلن قیاس اولماز
نه دانشگاهی تک مکتب کلاسی تک کلاس اولماز
نه عاشوراسی تک نهضت نه یاسی مثلی یاس اولماز
حسینه آغلیان گوزلرده دشمندن هراس اولماز
ز بس که دولدوروب گوز آغلادیقجا قلبینی ایمان

سنون ای پاک عزادار آغلوسان خوش حالیوه آغلا
گولرسن در مقابل روز محشر عهدیوی باغلا
مصیبت نامه سین ذکر ایله سنده سینوی داغلا
حسین آدیله سیل گرد و غبارین تازه دن زاغلا
گیت اگلش گیریوه هر یرده سالسان محفل عرفان

او که عالمده دردی بی دوا و بی علایجدی
یقین ایتسین که دکترلر ایچینده با نتایجدی
نظر قطع اولسادا بولسین که قابل بر معالجدی
کچیک سربازی کل عالمه باب الحوائجدی
خلوصیلن یاپوشسان ایلر آنی دردیوه درمان

اگر لطف اولماسا حقدن کسنمز شیشه نی الماس
ایدوب رویا بیری عصرین امامین بیر شب حساس
دیور اوپدوم الینی عطر جنت ایلدوم احساس
دیدیم ای صاحب عصر و زمان سن بول عمون عباس
اجازه ایسته حقدن گل ظهوره تنگشور دوران

• جمعه
• 22
• مرداد
• 1400
• ساعت
• 12:24
• نوشته شده توسط
• یوسف اکبری

صدره نشین محفل دلدادگان حسین
پرده گشای مرتبه عاشقان حسین
نمره گذار دایره امتحان حسین
اهل نمازه درس وضو اورگدن حسین
جمله جهانه کلمه هو اورگدن حسین

ایتدی جهان خلقتی کلاً امیدوار
روحین ایدنده خلق خداوند کردگار
دوندی زمانه چرخش ایدوب چرخ روزگار
قویدی قدم جهانه اولان خلقه مقتدا
کل ملائک ایلدی مولایه اقتدا

سالدی دیار یثربه دین آفتابی نور
ظلمت ایچیندن ایلدی اوز نورینی ظهور
دسته به دسته اندی یره قدسیان و حور
قصد زیارتیله ملائک او حضرتی
دوره لیوبله خانه امن رسالتی

دوتموش الینده نو گلی نی ختم الانبیا
کسمیش اونین کنارینی سردار اولیا
هاله چکوبله عالم معناده اوصیا
جسم جهانیانه حسین جاندی بالیقین
اهل جهاندا شاد و خراماندی بالیقین

عرش خداده زمزمه البشاره وار
کونه خدای لمیزلی دن اشاره وار
گویده نقدری گون نقدر آی ستاره وار
غبطه ایدوله بو کره با سعادته
نائل اولان چوخ اولدی بو فیض زیارته

چوخلار ایشیتدی ترک ایدوب اوز آشیانه سین
اللر اورکده کسدی حسین آستانه سین
فطرس آلوب قنادلارینی آب و دانه سین
سالدی اوزین او کمسه نه که باب حاجته
امیدوار اولوبدی دوایه طبابته

• جمعه
• 22
• مرداد
• 1400
• ساعت
• 13:27
• نوشته شده توسط
• یوسف اکبری

دیدی بو جمله نی جبرئيل امین
اولون آگه بولون ای اهل زمین

بو حسین اهل جهانه آقادی
یازیلیب جنت الاعلاده آدی

بونا جنت ده خدم حور اولاجاق
شه کونین نیله مشهور اولاجاق

حق یکتا بونی اعلا یارادیب
اوزینه والی والا یارادیب

شرر عشقینه چوخلار یاناجاق
اتکیندن یاپشوب آسلاناجاق

شهدائیله بهشته گیدجاق
اوجالیب گویلره پرواز ایدجاق

اولوب آفاق حقه نور جلی
صفتی مظهر ذات ازلی

نه حسین بنده ممتاز حسین
هامی خلق ایچره سرافراز حسین

اولا هر کیمسه سزاوار حسین
ایدر الله اونی زوار حسین

سالا درگاهینه صدقیله اوزون
دیه بی واسطه مولایه سوزون

اوزی ده صاحب درگاه اولاجاق
عرفا ساحه سینه شاه اولاجاق

عرفانین پایی حق دن گلجاق
سحرین سهمی شفق دن گلجاق

قورا بو سروره کیم بزم عزا
آلاجاق مزدینی ایام جزا

سوزی هاردان هارا گور چکدی قلم
اله لازم دی آلاخ بیزده علم

در احسانینه مهمان آپاراق
اونا لایق نچه قربان آپاراق

دولاناق باشینه پروانه کیمی
دوشناق قبرینه جانانه کیمی

یازیب اشعارین "امین" ای سرور
آدیوی دلده ایدبدور ازبر

دیور ای شاه لب عطشان مولا
لب عطشانیوه قربان مولا

• جمعه
• 22
• مرداد
• 1400
• ساعت
• 13:49
• نوشته شده توسط
• یوسف اکبری

گلوب بو کوفه نین اهلی عجب جسارته قارداش
توکولدی خیمیه لشکر ال آچدی غارته قارداش

اوزون یاخاوی قورتاردون گیدوب شهادته چاتدون
بلالی زینبی قویدون بیوک مصیبته قارداش

داغلدی چوللره یکسر عیال ختم پیغمبر
یامان گونومدی برادر یتیش بو عترته قارداش

پوزولدی غملی سپاهیم اوجالدی گوگلره آهیم
یوخومدی کمسه پناهیم چخام فراغته قارداش

قاچاندا خیمه لریندن حرارتین اثریندن
عیال دربدریندن دوشوب حرارته قارداش

نقدری سیم و زریم وار آلوب بو قان توکن اشرار
عزیزه قزلارون آغلار بو رسم و عادته قارداش

گلوب عیالیوه سان ور طریق چاره نشان ور
محبت ایله اذان ور نماز وحدته قارداش

شاخور گون ایستی سی گوگدن چخور حرارتی یردن
الو شراره سی هردن دونور قیامته قارداش

نشان ورور بو علامت عیان اولوبدی قیامت
هایاندا ختم رسالت یتیشسون امته قارداش

یانیدی لشکر شامی یانینجا شاه خیامی
اود ایچره عصرین امامی دوشوب فلاکته قارداش

گوزومده محشر عیاندور یانان اورک دولی قاندور
نجف دیاری هایاندور قاچام شکایته قارداش

بالان قالبدی شرر ده ایدوم نه چاره بو درده
یوخومدی حین خطر ده مجال نصرته قارداش

ندوم بو چرخ زمانه آلوب الینه بهانه
گتوردی زینبی جانه سالوب مشقته قارداش

سرشک چشمیم اولوب قان غمونده ای شه عطشان
هایاندا قالدون حسین جان گلوم زیارته قارداش

من آغلورام سنه قارداش توکور گوزوم یوزه قانیاش
گولور بو فرقهء اوباش قویور شماتته قارداش

چتین زماندی زمانیم یانوب کل اولدی بو جانیم
حسین باشیوا دولانیم بویور طبابته قارداش

یارالی قوش کمی قزلار نوالی نی کمی سیزلار
هامی سی ای شه ابرار دوشوبله وحشته قارداش

سپاه زادهء هنده دورور سلاسل الینده
الیم قالوب اتگینده نیاز و حاجته قارداش

بو دردی کمسه بولنمز اجل هایاندادی گلمز
ندن بو زینبون المز گیدر اسارته قارداش

((امینی))نوحه یازاندا گلر فغانه نهاندا
تیکوب گوزینی جهاندا فقط شفاعته قارداش

• جمعه
• 22
• مرداد
• 1400
• ساعت
• 13:52
• نوشته شده توسط
• یوسف اکبری

گرک حسین چی لرین خدمتی حسین دیین اولسون
بها ورولسه اونین قیمتی حسین دیین اولسون
حسین حسین دیمگون آیری بیر فضیلتی وار
بو شرطیلن دیینین غیرتی حسین دیین اولسون
او شخصلر که آدین نوحه خوان قویوبلا حسینه
گرک آدی اوزی شخصیتی حسین دیین اولسون
حسین او کیمسه نی چوخ دوست دوتار اوزون بولوسن که
وقاری قولی سوزی صحبتی حسین دیین اولسون
دانیشدیراندا حسین نوکرین بیر آیری کانالدان
دانشماقی بلی ماهیتی حسین دیین اولسون
هرایه سسله سه قرآن حسین دیوب یولا دوشسون
کمال صدقله جدیتی حسین دیین اولسون
نه آغلاماق یارانین مرهمی اولار نه ده گولمک
فقط دواسی طبابیتی حسین دیین اولسون
طواف کعبه ایدن کیمسه لر بیر آز آییغ اولسون
زیارتی عملی نیتی حسین دیین اولسون
ربا یین حاجی لار قویمیون مجالسه گلسین
قویون مجالسین حیثیتی حسین دیین اولسون
ورون نه رشوه آلان فرصت آختارانلارا فرصت
قالوب کسیلسین اونین فرصتی حسین دیین اولسون
او مملکت که اونون رهبری حسین دیین اولدی
بیر ایش گورون که هامی ملتی حسین دیین اولسون
شهیدلرین یولونا دوز گرک ادامه وریلسین
شهید آتالارینون حرمتی حسین دیین اولسون
تلاش ایدون او آخان قانلارین محافطتینده
که اونلارین بیزه حلیتی حسین دیین اولسون
اولار حسین یولونی شوقیلن گیدوب تاپوب الحق
اوز ایسته دیگلری بیر جنتی حسین دیین اولسون
او جنتی که خدا خلق ایدوبدی مؤمنه خاطر
او مؤمنی که اونین سیرتی حسین دیین اولسون
ازل جهان دا گرک برده لیک بساطی پوزولسون
هر انسانین بله حریتی حسین دیین اولسون
او شیعه لر که قرا کوینگی تقبل ایدوبلر
بودور هدف اولارین عزتی حسین دیین اولسون
"امینیم" گجه گوندوز گوزوم حسینین الینده
که یازدیقیم شعریمون اجرتی حسین دیین اولسون

• جمعه
• 22
• مرداد
• 1400
• ساعت
• 16:48
• نوشته شده توسط
• یوسف اکبری

اگر بصیر اولا هرکس رموز خلقتینه
دوشر مدام یقین خالقین اطاعتینه

دیوبدی فلسفهءخلقتی خلایقه حق
بوگون فلق دی سنون گوردوگین صباحی شفق

دو روزه عمر گلوم دردیوه دوا ایلمز
اوزی فنا دی بو دهر اهلینه وفا ایلمز

کسوب کناریوی دوز قاصد اجل دولانور
گل حیاتیوه باخ گور نه ال به ال دولانور

چراغ عمری خزان یللری خموش ایلیور
او انلی سینه لری تیر مرگه توش ایلیور

عذاب قبری گرک هیچ فراموش ایلمیاخ
بقا چراغینی دنیاده خاموش ایلمیاخ

بهشتی مؤمینه خلق ایلیوب خدای جهان
محال بد عمل اولسون او جنتینه روان

قصور جنته چوخ کمسه نین تمایلی وار
ولیک بد عملین داغ مثالی حائلی وار

خدا یولوندا النلر بیر المگین بولجاق
نقدر آغلیوب آخرده شاد اولوب گولجاق

خوشا او کسلره ذکر ایلیور حسین آدینی
بهشته وارد اولاندا بولر اونون دادینی

((امینیا))کیمین الده بو امتیازی اولا
حسین اوزی تاپاجاق هر زمان نیازی اولا

• جمعه
• 22
• مرداد
• 1400
• ساعت
• 17:18
• نوشته شده توسط
• یوسف اکبری