یوز قیرخ سگّیز هجریده یازور اهل نظر
یازیلوب اون بیر ذیقعده بو مشهور خبر
شرق یثربده طلوع ایلدی هنگام سحر
افق شرق امامتدن اولوب بیر گون عیان
بیر اوغول دوغدی خانم نجمه عزیز دو جهان
نجمه یا طاهره بانوی بسی نیک خصال
زوجه ی موسی کاظمدی همایون اقبال
واردی توصیفینه مشهور مکاتبده مقال
طالع بختی او گون چیخدی بفرمان قضا
حق اونون اوغلینون آدین اوزی قویموشدی رضا
رأس نه طاق عوالمده رضا ایتدی جلوس
مظهر ذات حق دادگر و شمس شموس
غبطه ایلوردی او مولودی ملائک ایده بوس
گوز آچان لحظه دوشوب سجدیه طفل نبوی
سنگر عشقه اول گوندن ادیب پیشروی
اولموشیدی اونا چون امر امامت تفویض
مسلمینی چکه دوز مکتبه ایلوب تحریض
روشن اولسون هامی مخلصلره بالا و حضیض
منطق دینیله تبلیغ تولّا ایلدی
نیکخو شخصلره بحث تبرّی' ایلدی
هشتمین اختر تابنده و پاکیزه صفات
آدی هم نام علی منبع فیض و برکات
معدن سلم و رضا صاحب عالی درجات
عرضیّتده اوزی جوهر نایابیدی
شمع راه اولماق ایچون گوهر شب تابیدی
مختصر ذکر الیوم اشهر اوصافیندن
رحمت و رأفت و مستوره ی الطافیندن
باخبرسوز هاموز البته دل صافیندن
بو خبر کی یازورام زیدیدی راوی خبره
داد ویرر یاخشی قولاق ویرسلر اهل نظره
نقل ایدور بیر گونی بطحایه بعنوان سفر
التزامینده امامین واردوخ نچّه نفر
بیر غلامی واریدی زیدون اوزی نیک سیر
یولدا القصّه همان بنده گرفتار اولدی
بولمدوک نولدی او بیچاریه بیمار اولدی
زید عنوان عیادتله او دم همسفرین
حق رضاسینه گوره ایلدی الطافه قرین
سوروشوب حالینی جاری ایلدی اشکترین
دیدی میلون نه چکور ایسته ایدوم آماده
گوگلوم ایستور دیدی انگور اولا بو اثناده
فکره گتدی آقاسی اولدی سوزیندن مأیوس
دیدی اولماز بو بیابانیده انگور افسوس
گورمدی واردی کنارینده و لیکن شه طوس
شرمیدن گلدی خجالت تری بیردن یوزونه
خاطر آزرده اولوب اولدی پشیمان سوزونه
دُرّ مکنون فروزنده ی خوش فرجامی
گتیروب خاطرینه حجّت شیرین کامی
رهبر دین و دیانت حکم اسلامی
گلدی تعظیم الیوب سویلدی ای مطلع نور
بیر غلامیم یخلوب بستره ایستور انگور
پیر سالک سبب و علّت تکوین جهان
روشنیدی ئوزی بو مسئله دن خنده کنان
بویوروب زیده بو غمدن سنی قورتارام اینان
گوزون آچ چشم بصیرتله دقیق اول قاباغا
گوردی بیر باغ دیدی به به بو هایاندیدی آقا
حضرت امر ایلدی راحت الیون مهجوری
وار بو باغ ایچره نه اندازه دیسون انگوری
اله گلدی او مریضونده گوزل منظوری
دردی انگوری گتیردی یتروب بیماره
باشلادی ذوقله بیمار او زمان افطاره
بوردا بیر نکته ی باریک یتیشدی نظره
ویرر عنوان بهانه قلم نوحه گره
سنی وادار ایده جک ریزش اشک بصره
بیله بیر صاحب اعجاز کی منظوم اولدی
سمّی انگوریله بیر گون ئوزی مسموم اولدی
گتیریب طوسه امامی نجه مأمون دنی
وطنیندن ایدیب آواره امام زمنی
قویدی حسرت گُل عذارینه مقدّس وطنی
آیریلان وقتده اوز اهل عیالیندن امام
دیندیریب بیر به بیر اطفالینی آغلاردی مدام
هی چکردی الینی اوغلی جوادون باشینا
دیجک شیشه ی عمریم دیدی هجران داشینا
گوزلریم گور نجه اشک غم الور اوز باشینا
داخی بوندان سورا حسرت قالاجاقسان آتوا
غُربا آدی گلنده یاناجاقسان آتوا
نامبارکدی اوغول من بیلورم بو سفریم
آز زماندا سیزه حتماٌ یتیشر وای خبریم
دوشه حاشا داخی بو شهره جهاندا گذریم
باخاجاق یولّارا حسرتله باجیم معصومه
بیر دوا تاپمیاجاق درد دل مغمومه
ظاهراً دعوت ایدوبدور منی مأمون پلید
باطناً کینه سی واردور منه قلبینده شدید
او زمان باطن شومیندن اولار حیله پدید
منه اصراریله تکلیف ایده جک انگوری
زهر خالصدی او انگور ده کی منظوری
دم غنیمتدی اوتور منله دویونجا گوروشک
گل قوجاقیمه قویاق اوز اوزه با هم اوپوشک
امر خلّاقدی بحر غم و هجرانه دوشک
چوخدی سوز قلبوزی راضی دگلم داغلاماقا
چکه جک شعره " صفا " ماوقعی آغلاماقا
- دوشنبه
- 4
- مرداد
- 1400
- ساعت
- 12:21
- نوشته شده توسط
- یوسف اکبری
ادامه مطلب
