اشعار امام حسن مجتبی(ع)

مرتب سازی براساس
 ابراهیم تون خوش قلم

در مدح امام حسن مجتبی(ع) -(سن حبیب لم یزل سن یا حسن) * ابراهیم تون خوش قلم

59

در مدح امام حسن مجتبی(ع) -(سن حبیب لم یزل سن یا حسن) سن حبیب لم یزل سن یاحسن
عاشِقِ عزَّ وجل سن یاحسن

شاعِرون اشعارینه زینت همی
دفتَرِ عشقه غزل سن یاحسن

یوسِفون گرچه گوزلدور طلعتی
سن ولی اوننان گوزل سن یاحسن

گلمیوب گلمز نظیرون عالمه
دهریده چون بی بدل سن یاحسن

لبلروندن جاریدور شهد و عسل
شهدی سن یا کی عسل سن یاحسن

چوخلاری جنگِ جملده بیلدیلر
فاتِحِ جنگ و جدل سن یاحسن

خصلَت و هم هیبَت و هم فضیلده
شاهِ مردانه مثل سن یاحسن

هم خطیبِ با وِقاریسن همی
مردِ میدانِ عمل سن یاحسن

  • جمعه
  • 28
  • آذر
  • 1399
  • ساعت
  • 23:34
  • نوشته شده توسط
  • یوسف اکبری
ادامه مطلب
خرید انواع پرچم های مذهبی در جنس های مختلف
 ابراهیم تون خوش قلم

سرود میلاد امام حسن مجتبی(ع) -(ای مفخر زهرا مولا یا حسن حسن) * ابراهیم تون خوش قلم

65

سرود میلاد امام حسن مجتبی(ع) -(ای مفخر زهرا مولا یا حسن حسن) ای مفخر زهرا مولا یا حسن حسن
گنجینه ی‌ تقوا ‌مولا یا حسن حسن

گل حیدر ، ماه منور ، نورِ دو عین ، محمدی
به فدایِ ، چهره ی ماهت ، ای گل خلقت ، خوش آمدی

تو نور دو عینی مولا یا حسن حسن
یاور حسینی مولا یا حسن حسن

عالم به فَدایت دلبندِ اَبو تُراب
از نورِ رُخِ تو نور میگیرد آفِتاب

شه ملک ، جود و سخاوت ، ماه امامت ، خوش آمدی
مَهِ‌ انور ، جانِ پیمبر ، زینت جنت ، خوش آمدی

تو‌ نور دو عینی مولا یا حسن حسن
یاور حسینی مولا یا حسن حسن

❤️ ترکی ❤️

ای سویگولِ زهرا عاشِقِ مرامیووک
جانلار سنه قربان مولا جان غلامیووک

بیزه جانسان ، روح و روانسان ، ماهِ عیانسان ، حسن حسن
رَگِ عشقه ، سن جَرَیانسان ، قبله یِ جانسان ، حسن حسن

سن نورِ دو عین سن مولا یا حسن حسن
یاور حسین سن مولا یا حسن حسن

خجلت چکوری گون تا باخسون جمالیوه
عالِم لر سئخیلار پرده یِ کمالیوه

یوزی زیبا ، لبلری دریا ، قامتی طوبا ، حسن حسن
سنه قربان ، جانیمیز اولا ، سویملی مولا ، حسن حسن

سن نورِ دو عین سن مولا یا حسن حسن
یاور حسین سن مولا یا حسن حسن

  • شنبه
  • 29
  • آذر
  • 1399
  • ساعت
  • 23:34
  • نوشته شده توسط
  • یوسف اکبری
ادامه مطلب
 محمدرضا صادقی

ولادت امام حسن مجتبی(ع) -(نصف ماه صیامیده یزدان) * محمدرضا صادقی

65

ولادت امام حسن مجتبی(ع) -(نصف ماه صیامیده یزدان) نصف ماه صیامیده یزدان
عالمه شامل ائتدی لطفون عیان
نور اعلا و نور فاطردن
یارادوب نور محسنی منان
گتوروب دودمان زهراده
بیر بالا گل یوزی مه تابان
مرتضا کام آلوب نگاهیندن
جدی پیغمبری ائدوب شادان
یر یوزین ائتدی رشک باغ عدن
گلدی دنیایه تا امام حسن

بوندا وار حسن حی لم یزلی
گلمیوب گلمز عالمه بدلی
گل دوداقون ئوپردی ایگلردی
آناسی فاطمه آتاسی علی
گوزلری مرتضایه بنزردی
یریشی ختم الانبیایه ولی
یثرب ایچره دیردیلر حسنه
حشره تک خلقتین بودور گوزلی
یریوزین ائتدی رشک باغ عدن
گلدی دنیایه تا امام حسن

روشن ائتدی او نور سبحانی
تک نه یثرب تمام دنیانی
وئردیلر مژده مجتبی گلدی
شاد ائدوب دهریده محبانی
حسنی یوسفلری قویار حیران
جاهی جذب ایلیر سلیمانی
لطفیله حق ائدوب اوزی احسان
بیزلره پای وئروب بو مولانی
یر یوزین ائتدی رشک باغ عدن
گلدی دنیایه تا امام حسن

مجتبی نور چشم طاهادی
اولین یادگار زهرادی
قدرت و صولت و شجاعتده
آتاسی مرتضایه همتادی
بذلیده حاتم اولسا گر قطره
بو سخاوتده مثل دریادی
کور اولا گوزلری وهابیلرون
بو شفیع سرای عقبادی
یر یوزین ائتدی رشک باغ عدن
گلدی دنیایه تا امام حسن

باغ زهراده آچدی بیر گل باش
کربلا شاهینه اولار قارداش
حمدلله خدای بی همتا
زینبه وئردی بیر گوزل یولداش
بو ولادتده حی یکتایه
ذکر تسبیح و حمد ائدر داغ داش
ایستیون حق وئره بیزه عیدی
او بقیعنون زیارتون پاداش
یر یوزین ائتدی رشک باغ عدن
گلدی دنیایه تا امام حسن

باغ عصمتده بلبل شیدا
گل جمالینده نور حق پیدا
گلستان رسول خاتمده
مجتبی اولدی بیر گل زیبا
ایله بیر گلدی تا شکفته لنوب
شاد و خوشحال اولوب خانم زهرا
وصفی گلمز سایا اگریازالار
مین «حسینی» و« ذهنی» و « شیدا »
یر یوزین ائتدی رشک باغ عدن
گلدی دنیایه تا امام حسن

  • شنبه
  • 6
  • دی
  • 1399
  • ساعت
  • 20:10
  • نوشته شده توسط
  • یوسف اکبری
ادامه مطلب
 محمدرضا صادقی

زبانحال امام حسن مجتبی(ع) -(جگرلریم دوغرانوب باجی یاندی بو دل زاریم) * محمدرضا صادقی

75

زبانحال امام حسن مجتبی(ع) -(جگرلریم دوغرانوب باجی یاندی بو دل زاریم) آهنگ : عم اوغلی چوخ گل سارالار...

جگرلریم دوغرانوب باجی یاندی بو دل زاریم
عیان اولار آز زمان گئچردلده کی بو اسراریم

رسول حق تا یوموب گوزون پرپر اولدی اجلالیم
بابام ئولنده عیانیدور سیزلره منیم حالیم
آنام ئولندن اورک یانوب غملیدور بو احوالیم
خبر ائله قارداشیم گله یوخ داخی وفاداریم

نظر ایله ایمدی حالیمه گلدی موقع هجران
میسر اولسا گتور منه زینبیم اوخی قرآن
یوباتما جنتده گوزلوری چون منی آنام الان
آنام دوشوب یادیمه منیم چوخ پوزولدی افکاریم

بو عمریده گورموسن ئوزون وار سیزه نه احساسیم
یتیم اولار قویما تئز سولا گلشنیمده کی قاسم
جنازمون اوسته گوزیاشین جاری ایلر عباسیم
اگر گوره اوخ وورور منیم پیکریمه اشراریم

باجی منیم تک زمانه ده آیری غم چکن اولماز
اورکده وار آیری محنتیم دردیمی بولن اولماز
سوروشسالار سن دئمه باجی من کیمی ئولن اولماز
عیان ائدر دلده دردیمی یوزده رنگ رخساریم

توکوب گوزون یاشین آغلاما سن بو غملی چاقیمده
دئمه حسن گل کیمی سولوب گلشنیمده باغیمده
گتور باجی طشتی قوی یره قان دوروب دوداقیمده
جگرلریم گلدی آغزما وار سنه چوخ اصراریم

منی بو حاله سالان باجی ایوده محرمیم اولدی
سویا قاتان زهری کوزده جعده همسریم اولدی
قوتولدی دنیا غمی منه دلده بو غمیم اولدی
مزاریمین اوسته گون دوشر کم اولار عزاداریم

باجی اگر درد و غصه می بولسه « صادقی » آغلار
اورک قانیلن عذارینه اشک چشمینی باغلار
یازاندا نوحه منه باجی قلب عالمی داغلار
بو سوزلرینن اولار منیم دهریده هواداریم

  • شنبه
  • 6
  • دی
  • 1399
  • ساعت
  • 21:03
  • نوشته شده توسط
  • یوسف اکبری
ادامه مطلب
 بهلول حبیبی زنجانی

قبرستان بقیع -(آشنادور چوخلاری آئین وهابیته) * بهلول حبیبی زنجانی

68

قبرستان بقیع -(آشنادور چوخلاری آئین وهابیته) آشنادور چوخلاری آئین وهابیته
اوف اولیدی سفره ی رنگین وهابیته
لعنت اولسون فرقه ی ننگین وهابیته

قلب عشاقی ایدوب ظلمی اونون غرق محن
نیلییوم بی سایباندور ایندیده قبر حسن

گلسه مهدی،گورسه در،آل یهوده قدرتین
هیبتیلن،سیندیرار مفتی لرین شخصیتین
گورسه در،بی غیرته،عباسه اوخشار غیرتین

کعبه بامینده علینون آدینه پرچم ویرار
دشمنان اهلبیتون،دودمانین یاندیرار

گلسه مهدی صحن و ایوان طلا ایلر بنا
قاسمون صحنینده اللهی ایدر حمدوثنا
باخ ضریح مجتبادن گلسه صوت ربنا

باقروصادق رواقینده هامی گوزلر دولار
جبرئیل شخصا ئوزی اول مرقده خادم اولار

سایه ی مهدیده عاشقلر هامی قارداش اولار
اوچ یوز اون اوچ جان به کف بو طرحیده یولداش اولار
گنبد و گلدسته ی زهرا هامیدان باش اولار

گنبد زهراده حیدر پرچمی هر دم اسر
پرچم اسدیقجا آقامیز دشمنین نسلین کسر

  • دوشنبه
  • 22
  • دی
  • 1399
  • ساعت
  • 19:25
  • نوشته شده توسط
  • یوسف اکبری
ادامه مطلب
 الیاس محمدشاهی

شور امام حسن مجتبی(ع) -(حَک شده روی قلبه من یاحَسن) * الیاس محمدشاهی

55

شور امام حسن مجتبی(ع) -(حَک شده روی قلبه من یاحَسن) بند اول

حَک شده روی قلبه من یاحَسن
آرومه جونه حضرتِ زهرا حسن
شرف و افتخاره شما این بس که
هستی امامه شاهه کربلا حسن

بهترین غزلی، احلی من عسلی
یوسف فاطمه، فتاحه جملی

معزالمؤمنین،مذل المشرکین
پسره ارشده امیرالمؤمنین
ولیِّ کردگار ، ای مرد باوقار
میونه معرکه ، پیروزه کارزار

(مولانایاحسن)

بند دوم

ریزه خواره خانِ امامِ مجتبام
به دستای پُر برکتش خیره چشمام
تو این عالم نوکره امام حسنم
با تو تضمینه آخرت و عقبام

امیره بی نظیر، انت نعم الامیر
شدی همسفره با،جذامی وفقیر

اُسطوره ی کرم ، آقای محترم
آیت الله عشق،سایه ی روسرم
ای نور منجلی ، پادشاهه دلی
در عرصه ی نبرد،خوده مولا علی

(مولانایاحسن)

بند سوم

کوریه چشمه داعشی و وهابی
تا دنیادنیاست براین گدا اربابی
لعنته حق به منکرانه مقامت
حسن جان آقایی و عالیجنابی

دارونداره من،ای کس و کاره من
مولانا یاحسن ، بهترین یاره من

شیره باجگری ، لایق سروری
ازهمه ی یلان، افضل و برتری
صبره تو شدمَثَل،حُبِّت خیرالعمل
دومین امام و ، دلیر و بی بَدل

(مولانا یاحسن)

  • سه شنبه
  • 10
  • فروردین
  • 1400
  • ساعت
  • 21:59
  • نوشته شده توسط
  • یوسف اکبری
ادامه مطلب

شهادت امام حسن مجتبی(ع) -(ای ننم فاطمه یادگاری) * ناشناس ؟؟؟

74

شهادت امام حسن مجتبی(ع) -(ای ننم فاطمه یادگاری) به سبک(ای قلم سوزلرینده اثر یوخ...)

به سبک(کاروان رفته منزل به منزل...)

ای ننم فاطمه یادگاری
ایلمه بیر بئله آه وزاری
قربان اوللام سنون اللریوه
گوزلریمی اوزون باغلا باری

قلبیمی زهر کین بؤلدی زینب
دور حسن قارداشون ئولدی زینب

ای باجی دردیمه یوخدی چاره
قلب زاریم اولوب پاره پاره
دور ایاقه عزیز دو عالم
باشیوه باغلا سن ایندی قاره

قلبیمی زهر کین بؤلدی زینب
دور حسن قارداشون ئولدی زینب

گور نجه گول کیمین سولدی قاسم
گوزلری یاشیله دولدی قاسم
آچ گوزون یاتما زهرای ثانی
دور آماندی یتیم اولدی قاسم

قلبیمی زهر کین بؤلدی زینب
دور حسن قارداشون ئولدی زینب

وئر خبر اشجع ناسه گلسون
عونیلن فضل ، عباسه گلسون
گی قرا ساخلا ماتم بو زاره
اؤز ننم فاطمه یاسه گلسون

قلبیمی زهر کین بؤلدی زینب
دور حسن قارداشون ئولدی زینب

ای باجی سالک راه دینی
گویلوم ایستور گورم نور عینی
قویما قالسون اؤرکده بو حسرت
سن خبر ایله گلسون حسینی

قلبیمی زهر کین بؤلدی زینب
دور حسن قارداشون ئولدی زینب

  • دوشنبه
  • 26
  • آبان
  • 1399
  • ساعت
  • 10:12
  • نوشته شده توسط
  • یوسف اکبری
ادامه مطلب

وصیت امام حسن (ع) -( گل ای زمین بلاده یوزه توکن قانیاش ) * مرحوم حاج قدرت اله نادری

1890
1

وصیت امام حسن (ع) -( گل ای زمین بلاده یوزه توکن قانیاش ) وصیت امام حسن (ع)
گریز به حضرت قاسم (ع)

گل ای زمین بلاده یوزه توکن قانیاش
سنه وصیت ائدوم قارداشون ئولور قارداش

فنا جهاندا منیم گولمیوب یوزوم قارداش
سنی گورنده ایشیق کسب ائدور گوزوم قارداش
گلوب یانمدا اوتور وار سنه سوزوم قارداش
آلوبدی طاقتیم الدن بو زهر الماسیم
اماندی جان سنون جان منیم بالام قاسم

یتیم دور آتام اوغلی اونا نظر سالاسان
ملول اولاندا اونون گوگلونی اله آلاسان
آتاسی یوخ بالامون سن اونا آتا اولاسان
یتمیدور اونون عالمده نسگلی چوخدور
یتیمه کیم ائده حرمت ثوابی آرتوخدور

زمین ماریه ده غم گونونده آغلاماسون
اونی شکنجۀ دوران عذابی داغلاماسون
مواظب اول اونی دشمن او گون ایاقلاماسون
بودور توق

  • یکشنبه
  • 21
  • آبان
  • 1396
  • ساعت
  • 08:24
  • نوشته شده توسط
  • علی ببیرپور
ادامه مطلب
نوحه های سنتی و زنجیر زنی محرم
کربلایی رحیم فیضی اردبیلی

در مدح امام حسن(ع) -(مظهر ذات خدا ناطق قرآندی حسن) *کربلایی رحیم فیضی اردبیلی

107
1

در مدح امام حسن(ع) -(مظهر ذات خدا ناطق قرآندی حسن) مظهر ذات خدا ناطق قرآندی حَسَن
قلب پیغمبره آرامشیله جاندی حَسَن

حضرتِ فاطمیه سویگلی جاناندی حَسَن
ذات حقدن خانیما هدیهٔ شایاندی حَسَن

پسر ارشد شاهنشه مرداندی حَسَن
موقع جنگ و جدل٬ فارِس میداندی حَسَن

شیعه نین مکتبینه٬ حجّت و برهاندی حَسَن
بانیِ ذوالکرمِ سفرهٔ احساندی حَسَن

گون باتان گون چیخانا سَروَر دوراندی حَسَن
صاحب قدرت ایمان٬ شه خوباندی حَسَن

آسمان شرفه نَیّر تاباندی حَسَن
یِری بوشلا٬ ملکوت اهلینه سلطاندی حَسَن

  • شنبه
  • 24
  • آبان
  • 1399
  • ساعت
  • 20:13
  • نوشته شده توسط
  • یوسف اکبری
ادامه مطلب
 مرتضی اسکندری

شهادت امام حسن مجتبی(ع) -(آچ گوزون آی وفالی زینب) * مرتضی اسکندری

85

شهادت امام حسن مجتبی(ع) -(آچ گوزون آی وفالی زینب) به سبک(آی منیم نازنین نگاریم)

آچ گوزون آی وفالی زینب
ای باشی ماجرالی زینب
زهریدن یاندی قلب زاریم
قاسم اولدی عزالی زینب

آچ گوزون ، بوسلام آخردی باجی
سال یولا ، مجتبا مسافردی باجی

غریبم من غریبم من (٢)

زینبیم یاتما دور آماندی
قارداشون حالی چوخ یاماندی
طشته باخما گوزون فداسی
سر به سر لخته لخته قاندی

ای منیم ، نازنین نگاریم آغلاما
قالمیوب ، الده اختیاریم آغلاما

غریبم من غریبم من (٢)

ویر خبر قارداشیم حسینه
هادراسان تیز یتیش هرایه
همسریم ایله دی خیانت
ویردیلر زهر مجتبایه

قلبیمی ، تیر غصه بولدی گل حسین
مجتبی ، ظلم الیله ئولدی گل حسین

غریبم من غریبم من(٢)

جان سنون جان باجی حسینون
صبر ایله بو بلایه زینب
خوش سنون حالیوه یازیلدون
نهضت کربلایه زینب

کربلا ، اهل عشقه رضواندی باجی
قارداشیم ، سید شهیداندی باجی

غریبم من غریبم من (٢)

کربلایه منیمده زینب
وار ایکی یادگا ری اوغلوم
یاری ایله حسین یولوندا
ایله سون جان نثاری اوغلوم

قاسمون ، نعشی اوسته چوخ آغلا باجی
قیل کرم ، گوزلرون ئوزون باغلا باجی

غریبم من غریبم من (٢)

  • یکشنبه
  • 25
  • آبان
  • 1399
  • ساعت
  • 18:27
  • نوشته شده توسط
  • یوسف اکبری
ادامه مطلب

مدح امام حسن مجتبی(ع) -(روحیله ریحانه دئنن یا حسن) *سید باقر سادات پور

66

مدح امام حسن مجتبی(ع) -(روحیله ریحانه دئنن یا حسن) روحیله ریحانه دئنن یاحسن
گلشن و ویرانه دئنن یاحسن
دردیوه درمانه دئنن یاحسن
دوش دلِ عرفانه دئنن یاحسن
آل اله پیمانه دئنن یاحسن

عاشقه بیر کلمه حسن کافیدی
عشق ائلسون عاشقی، صرّافیدی
نام حسن عین و شین و قافیدی
کیم حسنی تاپماسا الّافیدی
سانما سن افسانه دئنن یاحسن

کیمدی حسن صاحب سیرت حسن
کیمدی حسن عالمه زینت حسن
کیمدی حسن شأن و جلالت حسن
کیمدی حسن معنی غیرت حسن
مردیله مردانه دئنن یاحسن

هرگون ایشق بوندان آلار آفتاب
مقدمینه قربان اولار شیخ و شاب
الله اونی ایلدی چون انتخاب
سوز دئیورم آل سوزومی بیلمه خواب
باخگیلا قرآنه دئنن یاحسن

شاهلار اونون درگهینه برده دی
اصل حسن ریشه سی شَبّرده دی
شاعره،دی سن سوزی بی پرده،دی
یعنی گوزلدور آقامیز بیرده،دی
ایندی صمیمانه دئنن یاحسن

معنی شَبّر اولی زیبا بالا
یاخشی آد عالمده گورکدور قالا
عاشق ائده بوینونا بویماق،سالا
نور حسندن گَله تا نور آلا
نور ائده کاشانه دئنن یاحسن

  • دوشنبه
  • 26
  • آبان
  • 1399
  • ساعت
  • 10:27
  • نوشته شده توسط
  • یوسف اکبری
ادامه مطلب

شهادت امام حسن مجتبی(ع) -(وئر خبر زینبیم داده حسینیم گله) *

66

شهادت امام حسن مجتبی(ع) -(وئر خبر زینبیم داده حسینیم گله) به سبک(یا امام زمان شیعه ده احساسه باخ...)

وئر خبر زینبیم داده حسینم گله
لبلریمدن آخان زهریلی قانی سیله
جگریم یاندی گل ، قلبیم اوتلاندی گل
یاحسین جان (۴)

ئولورم آی باجی داده حسینی چاغیر
جگریم دوغرانوب اولدی مصیبت آغیر
بش یاشیندان باجی باشیوه غملر یاغیر
جگریم یاندی گل ، قلبیم اوتلاندی گل
یا حسین جان (۴)

آنامیز یوخ باجی ای آناما نایبه
صبر ایله آغلاما صبره اولان قایمه
سنه قربان اولوم عاقله سن عالمه
جگریم یاندی گل ، قلبیم اوتلاندی گل
یا حسین جان (۴)

گیت خبر ویر باجی ئولدی حسن یاحسین
باد محنت اسوب سولدی چمن یاحسین
غسل قیل سن اوزون ایله کفن یاحسین
جگریم یاندی گل ، قلبیم اودلاندی گل
یا حسین جان (۴)

قوی حسینیم گله باشلیا تا یاسیمی
گوگلوم ایستور گورم قهرمان عباسیمی
دی آتان جان ویرور یاسه گله قاسیمی
جگریم یاندی گل ، قلبیم اوتلاندی گل
یا حسین جان (۴)

زهر دشمن منیم یاندوروب اکبادیمی
اوجادیب گویلره غصه لی فریادیمی
جعده ایتدی یتیم ظلمیله اولادیمی
جگریم یاندی گل ، قلبیم اوتلاندی گل
یا حسین جان (۴)

أسه صرصر يلی گلشنه تز گل صولار
زهر ایدیبدور اثر طاقتیم الدن آلار
عدنیده فاطمه باشینه قاره سالار
جگریم یاندی گل ، قلبیم اوتلاندی گل
یا حسین جان (۴)

بالامی گیت گتیر قویما گیلان آغلاسین
قویما هجران غمی سینه سینی داغلاسین
دی حسینیم اونی اوغلی کیمی ساخلاسین
جگریم یاندی گل ، قلبیم اوتلاندی گل
یا حسین جان (۴)

  • دوشنبه
  • 26
  • آبان
  • 1399
  • ساعت
  • 10:51
  • نوشته شده توسط
  • یوسف اکبری
ادامه مطلب
 رامین محمد زاده

امام حسن مجتبی(ع) -(ای زهرانین سولان گلی ای باغریقان گوزون آچ) * رامین محمد زاده

86

امام حسن مجتبی(ع) -(ای زهرانین سولان گلی ای باغریقان گوزون آچ) به سبک(صحرا صحرا دویده ام...)

ای زهرانین سولان گُلی ای باغریقان گوزون آچ
گل تک سولان جمالیوه زینب قربان گوزون آچ
قویما تیرمصیبتون ‌بوقلبی بولسون حسن
بونه‌حالتدی قالموسان‌زینبون‌ئولسون حسن
ای غرق بلا و اَنین
یاندیردی منی مُحنین
زهرین اَثرینده سنون
گل تک گُویریب بدنین
« قربانین اولوم حسن »

یاندیم یا فاطمه دِئمه یاندی قلبیم سوزوه
حسرتلی باخما زینبه ، زینب قربان گوزوه
محنتونده بوبی کسی یاندیریب یاخما حسن
دردون‌گلسین منه بئله‌نیسگیلی‌باخما حسن
آلامیوی بیلّم اَخا
گوزیاشیوی سیلم اَخا
باخ زینب غمکشیوه
گر باخماسان ئولم اَخا
« قربانین اولوم حسن »

دردونده راضی اولما من گوزیاشیمی اَلِییم
صبر ایله بو یانان دلهَ بلکه چاره اِلِییم
چون زینب عادت الیوب وای دیوب آغلاماقا
چوخداندی اُورگنوب باجون یاره‌لر باغلاماقا
قاره باشا باغلیارام
عالمللری داغلیارام
سن وای ننه وای دیوسن
من حالیوه آغلیارام
« قربانین اولوم حسن »

  • دوشنبه
  • 26
  • آبان
  • 1399
  • ساعت
  • 10:58
  • نوشته شده توسط
  • یوسف اکبری
ادامه مطلب

در مدح امام حسن مجتبی(ع) -(ای معدن کرامت و عشق و صفا حسن) * ستار رزاقی

65

در مدح امام حسن مجتبی(ع) -(ای معدن کرامت و عشق و صفا حسن) ای مَعدن کَرامت و عشق وصَفا حسن
وی بَحر استقامت و حِلم و سَخا حسن

ای آدلانان جهاندا کَریم اَهلبیتیدن
هر دردمند و سائله مُشگل گُشا حسن

ای حُجّت و وَلی خداوند ذوالجَلال
وی جاده حَقیقته نور هُدا حسن

ای نور چشم فاطمه دلبند مُصطفا
وی یادگار اَرشد شیر خُدا حسن

ای پادشاه کشور دل هادی بَشر
وی مُقتدا و سرور اهل وَلا حسن

سِبط نَبیّ و زاده زهرا و مُرتضا
آرام جان پادشه کربلا حسن

ای جلوه جمالی سالان عالمه شَفَق
رَشگ ایلییَن جمالینه بَدرُالدُّجا حسن

ماه صیامین اون بِشی دنیا ایشقلانوب
نور جَمالیویله چو شَمسُ الضُّحا حسن

خُلقا حَسَن،خِصال حَسَن،صورتون حَسن
خَلق ایلیوبدی حَق سنی اَلحَق خدا حَسن

بَنزَردی مُصطفایه جمالون، گورن دئیوب
گورنه گوزلدی چون باباسی مُصطَفا حَسن

دویمازدی کیم باخیدی دل آرا جَمالیوه
خلّاقیوه دئیَردی اولا مَرحَبا حسن

اَهل کَرم کَرامتیوه گوز تیکوب تمام
صُبح و مَسا ایدولّه سَنه اِلتجا حسن

چون سَن کریم اوغلی کریمُ الکِرامسَن
آچموش قاپوندا اَل اودی شاه و گَدا حسن

بیر کیمسه نا امید قاپوزدان قییدمیوب
چون ایتمیسوز او کیمسه نی حاجَت رَوا حَسن

هَر دَردمَند دَردینه اولدون ائوزون طَبیب
اُئوز دَردیوه تاپیلمادی لاکن دَوا حسن

صَبر ایلدون همیشه مُصیبات عالمه
اولدون تمام عُمر قَضایه رضا حسن

صُلحی بَقای دینه گوره ایلدون قَبول
گوردون رضای حَقدن اوتور اِبتلا حسن

اولدی بو ایش قیام حُسینه مقدّمه
ایجاده گلدی واقعه کَربلا حسن

سَن حَق دیدون بیر عده لَر امّا عِناد اِیدوب
تَک قویدولار سَنی ،دیدیلر نارَوا حسن

تا دوندَروبدی چَرخ دَنی سَنله گَردشون
دُنیانی تَنگ ایدوبدی سَنه اَشقیا حَسَن

ایمانلارین ساتوبدیلا دینارو درهمه
دُنیایه خاطر اولدولا حَقدن جُدا حسن

سَن تَک امامی قویدولا یالقیز سپاهسیز
یولدان چیخوب اولوبلا سَنه بی وفا حسن

اولدون غَریب و بیکس و تَنها مدینه ده
قالدون تمام عَرصه ده بی اَقربا حسن

باغلاندی دست کینیله دست کرامتون
ویرموبدی اَهل کین سَنه قَدر و بَها حَسَن

هَر غم گَلوبدی صَبر ایلَدون خون دل یِدون
اولدی ایشون زمانه ده آه و نَوا حسن

صَبر و تَحَمّلون اِلَدی صَبری بی قرار
ایچدیردی عاقبت سَنه جام بَلا حسن

چَکدون نَلَر فَراز و نَشیب زَمانه دَن
اولدون هَمیشه دَرد و غَمه مُبتلا حسن

مَعلومیدور بَصیرت اَگر کیمده اولماسا
هَر عَصریده امامینی ایلر رَها حسن

لُطف اِیت بیزه کُمَکلیق ایله تا بو عرصَه ده
دائم اولاق وَظیفه میزه آشنا حسن

روز ولادتوندی گَلیبدور مُحبّلَر
اَل سینه ده بو بَزمیده سَسلوله یا حسن

رزّاقی دا قویوبدی یوزون آستانیوه
ایستور گوره بو جَمعیله سَندَن عَطا حسن

ایسته خُدای حَق بیزی نومید ایتمَسین
تا اِستجابَته یِته بیزدَن دُعا حسن

  • جمعه
  • 7
  • آذر
  • 1399
  • ساعت
  • 20:26
  • نوشته شده توسط
  • یوسف اکبری
ادامه مطلب
 بهلول حبیبی زنجانی

میلاد امام حسن مجتبی(ع) با سبک(از صلابت...) -(اولیا گلستانینه زینت_چمن گلوب) * بهلول حبیبی زنجانی

70

میلاد امام حسن مجتبی(ع) با سبک(از صلابت...) -(اولیا گلستانینه زینت_چمن گلوب) اولیا گلستانینه زینت - چمن گلوب
میوه‌ی دل خاتم الانبیا - حسن گلوب

یوسف اولدی مشتری یوزونده خالینه
مرحبا دیولله عرشیده جمالینه

یابن الزهرا خوش آمدی یابن الزهرا(2)

بو گجه خانم فاطمه شکر ایدور، خداسینه
عرشیده ملکلر دیور مرحبا، بالاسینه

جبرئیل سالوبدی شوقیدن یره پرین
مجتبی قویوب بو عالمه قدملرین

یابن الزهرا خوش آمدی یابن الزهرا(2)

جان فدا اولا یثربون اول گوزل، نسیمینه
بو گجه سیخیلدیم در عالمون، کریمینه

ای سرور قلب انجمن خوش آمدی
ای کریم اولیا حسن خوش آمدی

یابن الزهرا خوش آمدی یابن الزهرا (2)

  • جمعه
  • 7
  • آذر
  • 1399
  • ساعت
  • 20:29
  • نوشته شده توسط
  • یوسف اکبری
ادامه مطلب
معجزه ای برای رفع مشکلات حنجره

در مدح امام حسن(ع) -(ذاتی حسندی خلقتی هم طینتی حسن) *مرحوم عاصم زنجانی

70

در مدح امام حسن(ع) -(ذاتی حسندی خلقتی هم طینتی حسن) ذاتی حسندی خلقتی هم طینتی حسن
خلقی حسن صفاتی حسن سیرتی حسن
مشی حسن، قیامی حسن صورتی حسن
نطقی حسن قعودی حسن صحبتی حسن
هر حسن واردی، نقطه دی پرگارردور حسن.

کون و مکاندا وجهدی چون احسن الوجوه
وجه کریم حسننه عاشقدی هر گروه
نور بو شمس، ذره دی نور حسن چو کوه
نور حسنله بو کره خور تاپوب شکوه
ماهی منور ایلین انواردور حسن

وجهی اللهی که باقیه دور یوخ اونا زوال
اول هیکل حسندی، بلا حرف و بی مقال
گر چهره دن نقابین آتا گوستره جمال
نوریندن اهل ارض و سما ایلر ارتحال
نور نجوم ثابت و سیاردور حسن

چون متصلدی علمی خداوند عالمه
یوخدور علومنه نه بدایت نه خاتمه
بیر نقطه دور کلامنه عرش معظمه
اسما کلنی بو شه اورگتدی آدمه
معجز مقامی کاشف اسراردور حسن

یوسفده حسن ذره دی بو شهده آفتاب
اول ذره نی بو شهدن آلوب اولدی کامیاب
حسن بو شاه یمدی، اونا مابقی حباب
حسن بو شاه آیدی، آبدی اوندان قالان سراب
میراب آب جمله ابحاردور حسن

حلمینه گر دیم، یم بی کناریدور
حقینده بو سوزوم ستم بی شماردور
بحر عظیم حلمه بو محکم جداردور
اعظمدی عرشدن هامیه آشکاردور
اوز قاتلینون عیبنه ستاردور حسن

وصف سخاوتنده دیسم اسخ الاسخیا
قورخوم بودور بگنمیه سلطان اولیا
تقسیم ایدوب سخانی بو شه، بین انبیا
خادمدی محضرینده تمامی اصفیا
رب سخا و بخشش و ایثاردور حسن

ذات شریفی حجت حی قدیمدور
هر اول کسه که کون و مکاندا مقیمدور
حتی رسل بو امره جمله سهیمدور
آنلار بو نکته نی سوزی هر کیم فهیمدور
هستیده قلب خالصه معیاردور حسن

هم صحبتی همیشه خدای جلیل دور
فرمانبری اوامر حقده، خلیل دور
خدمتگذاری ، روح الامین جبرئیلدور
پیوسته محضرینده چو عبد ذلیل دور
اول قاصده معلم اسفاردور حسن

  • جمعه
  • 7
  • آذر
  • 1399
  • ساعت
  • 20:42
  • نوشته شده توسط
  • یوسف اکبری
ادامه مطلب

سرود میلاد امام حسن مجتبی(ع) -(سپهر دنیایه گلوب ایشقلی آی) * کربلایی حسن آخوندی

67

سرود میلاد امام حسن مجتبی(ع) -(سپهر  دنیایه گلوب ایشقلی آی) سپهر دنیایه گلـوب ايشقلی آی
بو ماه يزدانه جهاندا يوخدور تای
علی و زهراية بو آی اولوبدور پای
گوزل لره الله - ويروب گوزل دیلبر
اولار گوزل دیلبر - گوزل لره رهبر
حسن حسن جانم
حسن حسن جانم

ويروب گوزل الله بو طفلی زهرايه
چتين گلـه مثلی بـو دار دنيايه
ديون مبارک باد عـزيـز طا هايه
جهان فـا نيه - گوزل آقـا گلدی
کرامتون بحری - گل وفا گلدی
حسن حسن جانم
حسن حسن جانم

گلوبـدی دنيـايـه سخا وته معنا
کـرامـته مظهـر صـدا قــته معنا
عبـادته الـگـو اطـا عــته معنا
کـريم ا هلبيت - خـدايه دوز بنده
ائدر جهان اهلين - سخاسی شرمنده
حسن حسن جانم
حسن حسن جانم

آخونديه اولموش گوزل آدی از بـر
اولوب اونا عاشق بو عشقه فخر ايلر
اورکدن هريرده حسن حسن سسلر
بوجمع بايرامليق - اوزی عطا ايلر
اورکـدکـی درده - آقـا م دوا ايلر
حسن حسن جانم
حسن حسن جانم

  • چهارشنبه
  • 19
  • آذر
  • 1399
  • ساعت
  • 23:40
  • نوشته شده توسط
  • یوسف اکبری
ادامه مطلب
 ابوالفضل عباسی معروفان

شهادت امام حسن مجتبی(ع) -(گل باجی زینب جگریم یاندی گل) * ابوالفضل عباسی معروفان

64

شهادت امام حسن مجتبی(ع) -(گل باجی زینب جگریم یاندی گل) گل باجی زینب جگریم یاندی گل
گل حسنین حالی پریشاندی گل
آغلا منیم حالیمه
غصه لی احوالیمه
(تکرار در بندها)

کون و مکان گؤزلریمه تار اولوب
طشت ائله حاضر منه غم یار اولوب
گؤیده ملکلرده عزادار اولوب
عرش خدا بر هم و لرزاندی گل

سالدی بلایه منی ئوز همدمیم
عاطفه سیز همسر نامحرمیم
زهر جفا وئردی چوخالدی غمیم
شعله غمدن دل الولاندی گل

سسله حسینیم منه دل داغلاسین
وای حسن وای دیوب آغلاسین
لطف ائلیوب گؤزلریمی باغلاسون
لحظه غم موسم هجراندی گل

گلدی حسین آلدی باشین سینیه
سالدی نظر آینه آئینیه
سسلدی ای توش اولونان کینیه
نطقه حسن ٬ جان سنه قرباندی گل

قارداشی قارداش گتوروروبدور دیله
قارداشینون وئردی جوابین بئله
قال باشیم اوستونده حسین لطف ائله
خوش باخشون آیت رحماندی گل

غسل و کفن ایله منه سال یولا
قویما حسین قاسمی محزون اولا
باغ حسن آفت غمدن سولا
اوغلومون الآن گؤزی گریاندی گل

غصه لی تابوته وورون دایره
بو عملوز قلبیمه تسکین وئره
حمل ائلیون محضر پیغمبره
گر چه مخالف هامی عدواندی گل

قوم نفاق هلهله گر سالسالار
سمت بقیعه آپارون قویسالار
آغلاما تابوتیمه اوخ وورسالار
قسمتیمیز تیریله پیکاندی گل

پایگاه حفظ و نشر آثار عباسی معروفان اهری

  • دوشنبه
  • 24
  • آذر
  • 1399
  • ساعت
  • 14:35
  • نوشته شده توسط
  • یوسف اکبری
ادامه مطلب
 حاج اصغر فرشچی

زبانحال حضرت امام حسن مجتبی(ع) -(جفای زهر ائدوب اثر) * حاج اصغر فرشچی

86

زبانحال حضرت امام حسن مجتبی(ع) -(جفای زهر ائدوب اثر) جفای زهر ايدوب اثر
دوشوبدی جانيمه شرر
جگرلريم يانورباجی
ويرون حسينيمه خبر

قراريمی بو زهرآلوب
نه حالته منی سالوب
اولان غم آشناسی گل
بالالاريم يتيم قالوب

عـشق خدا پا بستيم
جورو جفادن خستيم
ای نهضتی خونين حسين
گل قارداشيم جان اوستيم

غم ومِحَندی يولداشيم
دوشوب بلالره باشيم
بوصون نفسده هم نفس
روحوم صفاسی قارداشيم

«عـدلی» يازارهم آغلادار
هـيئتده سينه داغلادار
ويربیر برات قور خورهامی
بو کورونا يول باغلادار

  • شنبه
  • 13
  • دی
  • 1399
  • ساعت
  • 23:42
  • نوشته شده توسط
  • یوسف اکبری
ادامه مطلب
 حاج اصغر فرشچی

زبانحال حضرت امام حسن مجتبی(ع) -(زهر کین ائدوب باجی حالیمه اثر) * حاج اصغر فرشچی

61

زبانحال حضرت امام حسن مجتبی(ع) -(زهر کین ائدوب باجی حالیمه اثر) زهر کین ایدوب باجی حالیمه اثر
یاتما دورحسینمه ویر اوزون خبر
کر:
آچما ایندیدن بوغمه باشون
ساخلا کربلایه بو گوز یاشون

بیرگولم منه صرصر خزان اسوب
نخل عمرومون باجی ریشه سین کسوب

آز قالورگول عمرومی سولا
قانیله یتیم لر گوزی دولا
زهرین هیبتیی دوندرورمنی
باخ باجی نجه صاق وهم صولا

گیت حسینه ایت منیم حالیمی بیان
صون نفس چکورحسن سلب اولوب توان

آز قالور حسن الدن ال اوزه
گل قویاق حسین بیرده یوز یوزه
ویرعـیال واطفالیمه منیم
سن تسلی تاهجریمه دوزه

آغلاما باجیم بیله اولما اشکبار
بوشهادته حسن ایلورافتخار

آغلاما باجیم گلمه شیونه
باشیوین هله چوخ بلاسی وار
سنله بوحسینون قاباخدا بیر
ما جرای کربو بلاسی وار
آچما ایندیدن بوغمه باشون
ساخلا کربلایه بو گوزیاشون

  • شنبه
  • 13
  • دی
  • 1399
  • ساعت
  • 23:43
  • نوشته شده توسط
  • یوسف اکبری
ادامه مطلب
 حاج اصغر فرشچی

شهادت حضرت امام حسن مجتبی(ع) -(بیر چاره قیل باشیم دوشوب بلایه باجی) * حاج اصغر فرشچی

70
1

شهادت حضرت امام حسن مجتبی(ع) -(بیر چاره قیل باشیم دوشوب بلایه باجی) بيرچاره قيل باشيم دوشوب بلايه باجی
ويروبله زهر جفا بو مجتبايه باجی

زهر ایلوبدی اثر
دوشوبدی جانه شرر
باشیمدا واردی خطر

حسينه ايله خبر
دئنه ایشقلی قمر
حسن یولون گوزلور
آنام آنام سویلور

ايچديم بو زهريلی سو ايدوب منه اثرين
نقدر ایندی سالوب بو جانيمه شررين
زينب باجی گل آپار حسينمه خبرين

دئنه حسن اولوری
گل عمری سولوری
قلبی غمه دولوری

حسينه ايله خبر
دئنه ایشقلی قمر
حسن یولون گوزلور
آنام آنام سویلور

چتيندی بوحسنه بو حالیده ال اوزه
نه منده وار دی توان نه ده حسينده دوزه
چاغور بو لحظه قوياق حسین له يوز يوزه

بلاليدی بو باشيم
گوزومده قاندی یاشیم
تك قالدی قارداشيم

حسينه ايله خبر
دئنه ایشقلی قمر
حسن یولون گوزلور
آنام آنام سویلور

قارداش اولنده باجی بو رسميدی آغلار
درد و غمه اورگين هم سينه سين داغلار
قارداش اولن دمده باجی گوزون باغلار

گل گور سولان يوزومی
ديينمورم سوزومی
باغلا منيم گوزومی

حسينه ايله خبر
دئنه ایشقلی قمر
حسن یولون گوزلور
آنام آنام سویلور

با خوب بو طشته بئله سالما قلبوی درده
سرشگ غمین ساخلا توکمه رخسار زرده
قویاندا حسین باشین یزد او طشت زرده

قويما يتيم بالالار
غمی دله آلالار
او صحنه ده قالالار

حسينه ايله خبر
دئنه ایشقلی قمر
حسن یولون گوزلور
آنام آنام سویلور

  • شنبه
  • 13
  • دی
  • 1399
  • ساعت
  • 23:50
  • نوشته شده توسط
  • یوسف اکبری
ادامه مطلب
 حاج اصغر فرشچی

مدح و مولود حضرت امام حسن مجتبی(ع) -(خداوند آستانیدن عنایتدن ندا گلدی) * حاج اصغر فرشچی

50

مدح و مولود حضرت امام حسن مجتبی(ع) -(خداوند آستانیدن عنایتدن ندا گلدی) خداوند آستانیدن عنایتدن ندا گلدی
صفالی قلب تاپ بندم مه صوم خدا گلدی

قوناقلیق ایلیوب الله مَه ذِکر وعبادتدور
تلاوت ایله قرآنی یتوب وقت دُعا گلدی

بوآی نازل اولوب قرآن و ما اَدراک لَیلَ القدر
لیال قدر افضل دور مین آیدان بر ملا گلدی

ملک لرروحیلن باهم گتیرسون هر نه فرمان وار
اما م عصر اولا آگاه امورات خدا گلدی

بوآی بیرگل آچوب گلشن گل طاهاگل زهرا
اولوب گلزار دین خوشبو شبیه مرتضی

کر:
گوزون روشن خانم زهرا
ایشیقلاندی بوگون دنیا

مقام فاطمه سیر ایت گوزل آیدا اولوب مادر
علی المرتضی اولدی آتا چون مجتبی گلدی

ویرولدی عرشیدن مژده اولا جّن وبشر آگاه
کریم اهلبیت اولسون جهانه رهنما گلدی

اولوبدی مه جمالیندن مدینه شهری نورانی
بو خورشید هدایت دور سالا نو رو ضیا گلدی

دیون گویده مَه و انجم آزاتسون نازیلن عشوه
حقیقت آسمانیندن گوزل بیرمَه لقا گلدی

گلوبدی پایه سین قویسون اولا بیرنهضت خونین
حسین تک قارداشی گوزلر اولا گلگون قبا گلدی

گلوب اوّل قدم قویسون ره دینه جهاد ایتسون
ستیزو جنگ اولا یا صُلح بو اسلامه فدا گلدی

بو ایّوبه شکیباده جمالدا یوسفه بنزر
مطهر روحی وار ویرسون بو دنیایه صفا گلدی

شب مولود دور (عدلی ) یازارعشق اوسته اشعاری
اورکدن شاد اولار گورسه برات کربلا گلدی

گوزون روشن خانم زهرا
ایشیقلاندی بوگون دنیا

  • چهارشنبه
  • 17
  • دی
  • 1399
  • ساعت
  • 23:43
  • نوشته شده توسط
  • یوسف اکبری
ادامه مطلب
خرید انشگتر عقیق و اصل
 حاج اصغر فرشچی

‍ مدح و مولود حضرت امام حسن مجتبی(ع) -(قویدی تا قدم عالمه حسن) * حاج اصغر فرشچی

66

‍ مدح و مولود حضرت امام حسن مجتبی(ع) -(قویدی تا قدم عالمه حسن) قویدی تا قدم عالمه حسن
سایۀ خدا شاه ممتحن
ایلدی بیان بوسوزی عـلن
گولّنوب بوگون گلشن وچـمن

کر:
آفتاب زهرا آچدی گوز زمانه
آد قویان خدادی مژده شیعیانه

مقد مون مبارک
اولسون ای حسن جان

کونه بوبالاویردی اعتبار
فاطمه گلی دینه جان نثار
مثلینی گورنمز بـوروزگار
بَعدِ من اولارمیر با وقار
آفتاب زهرا.........

آلدی سینییه خـتم الانبیا
دل قویوب دله دویدی مجتبا
زرد حُلّه سین ایلدی جدا
جامه سی سفید امرایدوب اولا
آفتاب زهـرا ........

لطف ایدوب منه حی ذوالجلال
خوش ایدوب آناسین بوگون وصال
هاشمیدی بو واردی خطّ وخال
بحرعـلم دورمعـدن کمال
آفتاب زهـرا .......

بـوکریم دورهـرعـطائیدن
واردی برتری انبیائیدن
ماورائیدی مقـتدائیدن
بش تن ایچره دورت دورکسائیدن
آفتاب زهرا ......

واردی منزلیمده نقدری شور
بوحسندی گویا که نخل طور
ایلیوب منّورسالوبدی نور
چشم دشمنیم هـم حـسـودی کور
آفتاب زهرا ......

بو منیم وجودیمده بیروجود
هـرنُمادیده تک دی بو نَمود
تارخلقته بوحَسندی پـود
خلق ایدوب گوزل خالق ودود
آفتاب زهرا ......

بولمدی عـدو شمسیدی قمر
ویردی زهرکین اود دوتوب جگر
سسلدی باجی ایله تا خبر
قارداشـیم گله ایلورم سـفر

(عدلی) بسدی قورتار یوخ سوزون محلّی
دُن سـرودی باشلا ویردیله تسلّی
مقدمون مبارک اولسون ای حسن جان

  • چهارشنبه
  • 17
  • دی
  • 1399
  • ساعت
  • 23:46
  • نوشته شده توسط
  • یوسف اکبری
ادامه مطلب
 حاج اصغر فرشچی

مدح و میلاد حضرت امام حسن محتبی(ع) -(شاخه دين غنچه ويردي شاد و خرم دور چمن) * حاج اصغر فرشچی

57

مدح و میلاد حضرت امام حسن محتبی(ع) -(شاخه دين غنچه ويردي شاد و خرم دور چمن) شاخه دين غنچه ويردي شاد و خرم دور چمن
قامت رعناسي واردي شرمسارسـرو وسمن

لطف ايدوب پروردگاربو نيمه ماه صيام
شهريثرب نورباران چون سالوب نورون حسن

گُول نه گُول عطر جنان وار بو گُولِ زهرائيدي
یر گویی دولدوردی عِطر پُر بَها مُشک ختن

گلستان احمدیدن باش ویروب بو غنچه گول
مثلنی هرگز گورنمز هیچ گلستان هیچ چمن

با وجاهت با ملاحت حسنونه يوخدورنظير
مه جماله رشك ايدورهم ارغوان هم نسترن

ماه برج احمدي دور اولدي طالع بوگجه
بو حسندي آچدي گوز سبط رسول مُـوتمن

خاتم پـيغمبرانون شمع بزم محفلي
مادري زهراي اطهربابِ پاكي بوالحسن

مظهرجود وسخا وزاهد وهم صلح جو
معدن علم وكمال ودانش واهل سخن

معصوم ايچره دورد مينجي عالم امكانيده
مسـلمينه پيشوابعدِ علّی فخر زمن

خصلت مردانه دارا بُرد بار وهم بسیم
وارث مولا علي دور هم شجاع لشکر شکن

مسلمینه درس دین وهم دیانت صبروعشق
ویردی اولدی همنشین گوزده اورکده حُسن ظن

حیف اولا عهد امامت اولدی ملحدلن قرین
معاویه اهل عداوت اهل کینه هم فتن

گورمدي صدق وصفا دوروبرينده دلغمين
صلح ايده ناچاريدي اول دينينه استاد فن

صدمه لر گوردي تحمل ايلدي باش اگمه دي
ليك دشمن دولدوروب قلبين دولوب درد ومِحن

عاقبت زهرجفاي دشمنه مسموم اولوب
لخته لخته قان جگردن آخدي دولدي تا لگن

تاپشوروب امرامامت قارداشا اولدي خموش
دشمني جرأت تاپوب منبر اولوب جاي زَغَن

جـور دشمن يتميوب پايانه نعشين ايليوب
تیر باران جسم پاکی دولدی قانیلن کفن

(عدلیا) جایز دگول بوگون مصیبت یازماقون
ماه اعظم روز میلاد مدحینه باشلا سخن

  • جمعه
  • 19
  • دی
  • 1399
  • ساعت
  • 23:35
  • نوشته شده توسط
  • یوسف اکبری
ادامه مطلب
 حاج اصغر فرشچی

سرود میلاد امام حسن مجتبی(ع) -(بیر گل آچوب بو گون آد قویدولار حسن) * حاج اصغر فرشچی

54

سرود میلاد امام حسن مجتبی(ع) -(بیر گل آچوب بو گون آد قویدولار حسن) بیر گل آچوب بو گون آد قویدولار حسن
مثلین گورنمیوب عالمده هیچ چمن

خوش گلموسن حسن
گول لندی انجمن

هو حق مدد حسن2

کوثر بالاسی دورحسنونده یوخ مثل
خلق ایلیوب بونی آللهی بی بدل
بیر گوز گورنمیوب بوندان اولا گوزل

بو مه جمال دور غبطه ایدر سمن
خوش گلموسن حسن......

یثرب اولوب حسن نوریله منجلی
نور ولایته. عشق عالمی جلی
خورشید و مه دی بو مثل آتا علی

دنیایه چون سالوب نوروضیا حسن
خوش گلموسن..........

مفهوم علمدی دنیای بینشه
قرآندی ازبری سر لوح.دانشه
خلقتده شاهکار بو آفرینشه

عارض ده لاله دی غنچه کیمی دهن
خوش گلوبین حسن.......

گلدی حسن اولا دین پاسداریدی
تقواده تک دی بو هم.با وقاریدی
شیر اوغلی شیردور هم شهسواریدی

زهرا آناسی دور بابا ابوالحسن
خوش گلوبین حسن........

بو مرد عرصه دی دین اوسته جان نثار
مثلین گورنمیوب چشمان روزگار
(عدلی) ایدر اوزون پا بوسه خاکسار

اولسون گرک بو گون دل لرده بو سخن
خوش گلموسن حسن گول لندی انجمن

  • جمعه
  • 19
  • دی
  • 1399
  • ساعت
  • 23:37
  • نوشته شده توسط
  • یوسف اکبری
ادامه مطلب
 ودود آذرین خلخال

میلاد حضرت امام حسن مجتبی(ع) -(ای نگار حضرت حیدر گل بستان حسن) * ودود آذرین خلخال

39

میلاد حضرت امام حسن مجتبی(ع) -(ای نگار حضرت حیدر گل بستان حسن) ای نـگار حضـــرت حــیدر گل بستان حسن
روشـنای قــلـــب پیغمــبر یم احسان حسن

یا كریم اهل بیت /// یا حسن جانم حسن

سبط اکبر جان حیدر ؛ زاده خــیـرالنسا
امتـــداد ســـوره كـــوثر شه خوبان حسن

فخـر مي كـردي همـيشه زين مقام و منسبت
فاطمه باشد تو را مـادر ؛ عـزيـز جان حسن

تـو كـريم اهـل بيتـي ؛ آيت عـشـق و وفا
خصم خونخوارت شده ابتر؛ همـه دوران حسن

صلــح تـو شـد مـطلع فجر قيام كـربلا
بـر كريمان جهان رهبـر ؛ يم ايمان حسن

فتـنـه جنـگ جمل با دست تو در هم شكست
در همـه مـيدان مظفـّر ؛ فاتح ميـدان حسن

دردمنـد و بـيـكس و آواره آيــد بر درت
چون دوا خواهـد ازين در ؛ ديده گريان حسن

كـي زنـي تـو دسـ رد بر سينه درماندگان
بـركـريـمان مير و سرور ؛ آيت يزدان حسن

(آذرين) بـر آسـتانت ديده سايد روز و شب
تا بنوشد جرعه اي از ساغر احسـان حسن

افــتـــخار ايــله جهاندا بو مـقام و منسبه
فاطــمه اولمــوش سنه مادرعزيز جان حسن

سـن كـريــم اهل بيت و معدن اخلاصيدون
خصمــون الله ايلدي ابتر هامي دوران حسن

سن ویروبسن فیصله جنگ جمل غوغاسینه
خانه کبر و نفاقی ایلدون ویران حسن

دردي اولسا هركسـين دنياده سســلر آدوي
سندن ایستر درده درمان دیده گريان ؛حسن

سن کرامت کشورینده مقتدربیر شاهیدون
سفره احسانووه شاه و گدا مهمان حسن

سائل و درمانده ني سن دست خالي قويمادون
اولمــوســان دنــيايه سرور آيت يزدان حسن

ايستورم بیر مطلبی عنوان ایدم دیللر یانا
سن نجه مظلومیدون ای ناطق قران حسن

اوز اوینده محرمون حتی سنه رحم ايتمدي
زهريلن جعده ایدوب اکبادوی القان حسن

(آذرين) درگاهووه هرگون دوشور صد آهيله
نااميد ايتمه اوني ايت لطفووي ارزان حسن

  • جمعه
  • 26
  • دی
  • 1399
  • ساعت
  • 18:46
  • نوشته شده توسط
  • یوسف اکبری
ادامه مطلب
 ودود آذرین خلخال

سرود میلاد حضرت امام حسن مجتبی(ع) -(مژده وصل نگاران عالم بالایه گلدی ) * ودود آذرین خلخال

62
1

سرود میلاد حضرت امام حسن مجتبی(ع) -(مژده وصل نگاران عالم بالایه گلدی ) به آهنگ :استخاره كردم امشب...

مژده وصل نگاران عالم بالایه گلدی
بوگیجه شاداولدی زهرا مجتبی دنیایه گلدی
عالمه سلطان حسندی - جان حسندی
اسوه احسان حسندی - جان حسندی
آیت یزدان حسندی
یاكریم اهل بیت -- یا حسن جانم حسن

مرحبا ملك وفایه ابر رحمت سایه سالدی
زاده حیدر یتیشدی پرچم احسان اوجالدی
گل كریم اهل بیته حاجتون فاش ایله سائل
حاتم طایی بو جوده برملا حیرتده قالدی
عالمه سلطان حسندی - جان حسندی
اسوه احسان حسندی - جان حسندی
آیت یزدان حسندی
یاكریم اهل بیت -- یا حسن جانم حسن

بوگیجه دنیایه گلدی مصلح دین سبط اكبر
بو شباب اهل جنت ؛ بو حسندی پورحیدر
گلدی تا ایتسون حمایت آرمان مرتضادن
مهرروی پور زهرا عالمی ایتدی منور
عالمه سلطان حسندی - جان حسندی
اسوه احسان حسندی - جان حسندی
آیت یزدان حسندی
یاكریم اهل بیت -- یا حسن جانم حسن

  • جمعه
  • 26
  • دی
  • 1399
  • ساعت
  • 18:49
  • نوشته شده توسط
  • یوسف اکبری
ادامه مطلب
 ودود آذرین خلخال

میلاد حضرت امام حسن مجتبی(ع) -(سن بهار جانسان یا امام حسن) * ودود آذرین خلخال

48

میلاد حضرت امام حسن مجتبی(ع) -(سن بهار جانسان یا امام حسن) سن بهار جانسان /// يا امام حسن
سن گل جنان سان /// يا امام حسن
كان سخاسن -آقا- قلبه صفاسن
مشکل گشا-آقا-درده دواسن

عالمه گوز آچدون /// ديللر شاد اولوب
مرغ دل قفسدن /// داي آزاد اولوب
ظالمين تفاقي /// برهمدي بوگون
خانه كرامت /// چوخ آباد اولوب
كان سخاسن -آقا- قلبه صفاسن
مشکل گشا-آقا-درده دواسن

اوخشوسان گوزوندن /// عينا آنوا
هيبتون گيديبدي /// حيدر آتوا
گوزلر اولدي روشن/// زيبا يوزوه
وار يري دولانسين /// عالم باشوا
كان سخاسن -آقا- قلبه صفاسن
مشکل گشا-آقا-درده دواسن

ناخدا سن اولسون /// طوفان نه ديير
سن كرامت ايتسون /// احسان نه ديير
سن چيخان بازاردا /// حيران دي هامي
يوسف ديار/// كنعان نه ديير
كان سخاسن -آقا- قلبه صفاسن
مشکل گشا-آقا-درده دواسن

سفره كرامت /// سندن بزنوب
حوريلر ير اوسته /// بي وقفه انوب
بو سوزه گرك دور /// فخر ايليه سن
حسنوي گوريبدي /// احمد بگنوب
كان سخاسن -آقا- قلبه صفاسن
مشکل گشا-آقا-درده دواسن

غملر اولدي زايل /// چون گلدي حسن
دوندي گلستانه /// دشتيله دمن
فاطمه سويندي/// شكر ايتدي حقه
قامتون اوجادي /// چون سرو چمن
كان سخاسن -آقا- قلبه صفاسن
مشکل گشا-آقا-درده دواسن

  • جمعه
  • 26
  • دی
  • 1399
  • ساعت
  • 18:50
  • نوشته شده توسط
  • یوسف اکبری
ادامه مطلب
 ودود آذرین خلخال

میلاد حضرت امام حسن مجتبی(ع) -(مژده ياران بر جهان كان سخا آمد) * ودود آذرین خلخال

40

میلاد حضرت امام حسن مجتبی(ع) -(مژده ياران بر جهان كان سخا آمد) فارسی

مژده ياران بر جهان كان سخا آمد
فاتح جنگ جمل مشكل گشا آمد
نور ايماني //// كان احساني
تو گل خوش رنگ و بوي باغ قرآني// جان جاناني
درد بي درمان عالم را تو درماني// جان جاناني
عزيز زهرا /// اي حسن جانم
شبيه طاها /// اي حسن جانم
شده مبارك از قدوم تو
تمام دنيا /// اي حسن جانم
اي حسن جانم اي حسن جانم

آمده آيينه حسن خدا امشب
آمده پوركريم مرتضا امشب
نور ايماني //// كان احساني
تو گل خوش رنگ و بوي باغ قرآني// جان جاناني
درد بي درمان عالم را تو درماني// جان جاناني
جمال ماهت /// قبله دل ها
چشم سياهت /// نقل محفل ها
كان كرامت /// اسوه احسان
دستت كليد /// قفل مشكل ها
اي حسن جانم اي حسن جانم

ترکی

الله الله عالمه كان سخا گلدي
دردمندانه ديون درده دوا گلدي
نور ايمان سان //// كان احسان سان
سن گل خوش رنگ و بوي باغ قرآن سان // جان جانان سان
درد بي درمانلارا سن عالي درمان سان // جان جانان سان
حيران دي يوسف /// ماه رويوندن
گل عطرين آلدي /// عطر و بويوندن
ماه ضيافت /// پر ثمين اولدي
خوش منظروندن ///حسن خويوندن
اي حسن جانم اي حسن جانم

گلدي احسان سفره سين آچدي بو دنياده
گلدي مولا سالدي غوغا شهر طاهاده
نور ايمان سان //// كان احسان سان
سن گل خوش رنگ و بوي باغ قرآن سان // جان جانان سان
درد بي درمانلارا سن عالي درمان سان // جان جانان سان
گلدون سعادت /// عالمه ويردون
درس كرامت /// حاتمه ويردون
زهرانين ايتدون /// گوزلرين روشن
درد و غمينه /// خاتمه ويردون
اي حسن جانم اي حسن جانم

  • جمعه
  • 26
  • دی
  • 1399
  • ساعت
  • 18:52
  • نوشته شده توسط
  • یوسف اکبری
ادامه مطلب
 ودود آذرین خلخال

سرود میلاد امام حسن مجتبی(ع) -(مژده بر اهل ولایت) * ودود آذرین خلخال

75
1

سرود میلاد امام حسن مجتبی(ع) -(مژده بر اهل ولایت) مژده بر اهل ولایت
آمده امشب به جهان سبط اکبر
ای محبان البشارت
آمده چون ارشد اولاد حیدر
شاد و غزلخوان بود بلبل امشب
آمد امام حسن مژده زینب
گل فشان میشود ماه و کوکب
مرحبا مرحبا ... آفرین آفرین
جانم حسنجان ای جان جانان

تو کریم اهل بیتی
آمده سائل به درت کن کرامت
کان عشقی و صفایی
برهمه اهل ولا کن عنایت
شاد و غزلخوان بود بلبل امشب
آمد امام حسن مژده زینب
گل فشان میشود ماه و کوکب
مرحبا مرحبا ... آفرین آفرین
جانم حسنجان ای جان جانان

ترکی

اولدی زهرا شاد و خندان
بیت علی دوندی حسندن جنانه
سسلیور باهم محبان
گلدی کریم بن کریم بو جهانه
چهره درخشان بوگون اولدی حیدر
گلدی جهانه شبیه پیمبر
لطف حقدن بوگون جوشدی کوثر
مرحبا مرحبا ..... آفرین آفرین
جانم حسنجان....... ای جان جانان

معدن لطف و سخاسن
درگهوه گلدی بو جمع پریشان
چاره سیز درده دواسن
دردیمیزه ایله حسین جانی درمان
چهره درخشان بوگون اولدی حیدر
گلدی جهانه شبیه پیمبر
لطف حقدن بوگون جوشدی کوثر
مرحبا مرحبا ..... آفرین آفرین
جانم حسنجان...... ای جان جانان

  • جمعه
  • 26
  • دی
  • 1399
  • ساعت
  • 18:55
  • نوشته شده توسط
  • یوسف اکبری
ادامه مطلب
راهنمای علائم موجود در فهرست:
عدد کنار این علامت نشانگر تعداد کاربرانی ست که این مطلب را پسندیده و به دفترچه شعر خود افزوده اند
عدد کنار این علائم نشانگر میزان محبوبیت شعر یا سبک از نظر کاربران می باشد
اشعار ویژه در سایت برای کاربران قابل دسترس نیست و فقط از طریق خرید اپلیکیشن مورد نظر این اشعار در داخل اپلیکیشن اندرویدی قابل رویت خواهند بود
این علامت نشانگر تعداد کلیک یا بازدید این مطلب توسط کاربران در سایت یا اپلیکیشن می باشد