اشعار حضرت زینب(س)

باشه یتوردی عمرینی باشی بلالی زینبون
گل آنام اوغلی جان ویرور یاسلی عزالی زینبون

عشق مریضدور باجون همدمی دل نواسیدور
شربتی اشک چشم تر خون جگر دواسیدور
یوخدی یانندا خویش و ائل ناله سی اقرباسیدور
سن کیمی جان ویرور غریب ائلدن آرالی زینبون

سن بولوسن حسین اوزون من نه قدر وفالیم
آیریلقوندا بیر گونی قاره باشی بلالیم
روز و شب آغلارام سنه، گولمز اوزوم عزالیم
گل بو زماندا قویما تک باشی قرالی زینبون

رسمیدی جان ویرن زمان باجی باخار صاقا صولا
قارداشا منتظر قالوب گوزلرینی تیکر یولا
خاصّه منیم کیمی باجی قارداشا مهربان اولا
گل گوزی یولدا قویما چوخ وقت رحالی زینبون

سندن اوتور من ایتموشم قان بو گوزومده یاشیمی
عالمه ویرموشم نشان شور نهان و فاشیمی
شوریله یازموشام آدون دلده بلالی باشیمی
کوفه ده هر باخان گوروب باشی حنالی زینبون

سندن اوتور ووروب یتن بیر دلیله یارا منه
خارجی آد قویوبدیلار فرقه ی اشقیا منه
قمچی ووروب جفائیله طایفه ی جفا منه
قارداش اولوبدی سن کیمی جسمی یارالی زینبون

مهر و محبّتون منی سالدی یارالی داغ داشا
چوللری گزدیم آغلادیم جام غمیم داشا داشا
دله گوزل آدون سنون عمریمی ویرموشم باشا
دلده او مهر گون کیمی یتدی زوالی زینبون

سندن اوتور بو باشیمی درد و بلایه سالموشام
سندن اوتور خرابه ده من قوری یرده قالموشام
سویگلی قیزلارین غمین بو قوری جانه آلموشام
راه وفاده طیّ ایدوب حدّ کمالی زینبون

سولدوروب آفت خزان اوردا گل بهاریوی
اوردا مزاره قویموشام بیر دُرِ شاهواریوی
من یانا یانه ترک ایدوب گیتدیم او گلعذاریوی
آز قالوب ایتسون آیریلیق فکری خیالی زینبون

دوزمدیم، ایستدی زبس گوگلوم او نازدانه نی
ایستگیم آرتدی، گوزیاشیم ایلدی تر بو دامنی
شامه دوباره جلب ایدوب چکدی علاقه سی منی
گتدی مدینه دن بورا شور و نوالی زینبون

غربت ایوینده گورماقا گلدیم او زار و بی کسی
قالموشیدی قولاقیده بسکه یانقلی ناله سی
فرض ایلدیم گلور گینه سویگلون آغلاماق سسی
آخدی غمیله عارضه اشک زلالی زینبون

یوخ بالان ائیل قبیله سی بوردا ایده مراقبت
توزلی مزارینی سیلوب هم ایلیه مواظبت
خورداجا قبرینه قالوب قیلّام اوزوم مراقبت
دائم آلا کنارینی واردی خیالی زینبون

بسکه چوخ ایستدوب اوزون عمّه سینه او خوش سخن
علّت اودور که دویمارام قارداش حسین رقیّه دن
خوشدی قویام مزاره باش تا دم حشر بوردا من
یاتمیا تک بو شامیده ماه جمالی زینبون

جان ویرورم اولوب دلیم پرده به پرده قان کیمی
سینه می قانلی کوینگون آلموشام ایمدی جان کیمی
جامه ی نیلی گیمیشم اگنیمه اوز آنام کیمی
درسین آلوب بتولیدن اولدی مثالی زینبون

یوخ باشیم اوسته آغلیان، گل بو گون آغلا سن اوزون
قلبینی یوخدی داغلیان، سینوی داغلا سن اوزون
گوزلرینی ویرنده جان لطفیله باغلا سن اوزون
اشگیله بلکه سینه دن درد و ملالی زینبون

زینبون ای یارالی گل جان یتیشوب دوداقینه
خویش و ائل آختارور باخور گه صولا گاه صاقینه
باری اوزون جنازه سین حمل ایله قبر ایاقینه
تاپشور اوزون مزاره بو باشی بلالی زینبون

بیز ایکی عندلیبیدوق عشقیلی بیر بوداقیده
بسلدی فاطمه آنام نازیله بیر قوجاقیده
حیف اولا دوشدی مدفنیم سندن اوزاق اوزاقیده
قالمادی اولدی شامیده کرب و بلالی زینبون

کرب و بلانی ایلدون قارداش حسین مزار سن
شامیده ایلرم بنا غصّه لی بیر مزار من
عطر وفا آلار منیم قبریمون اوستونه گلن
نه باجیدور بولر سنه مهر و وفالی زینبون

سندن اگرچه ظلمیله سالدیلار زینبون اوزاق
وصله چاتانمادی اولوب مدفنی خانه ی فراق
نازلی رقیّه ساخلادی شامیده عمّه سین قوناق
حشره کیمی قوناقیدور یاسلی عزالی زینبون

ساخلادی شامیده منی حرمتیله بو سویگلوم
کرب و بلاده قالدیلار لیک ایکی سولان گلوم
اوردا قوناقدور سنه هر ایکی خسته بلبلوم
ساخلا عزیز ای شه مُلک جلالی زینبون

وار آنام اوغلی (تائبین) چون بیزه چوخ ارادتی
ایسته خداسی لطف ایده سویدوقوموز فصاحتی
سوزلری دلنشین گله آرتوق اولا حلاوتی
ثبت اولا دفترینده خوش شرح مقالی زینبون

• دوشنبه
• 8
• شهریور
• 1400
• ساعت
• 21:42
• نوشته شده توسط
• یوسف اکبری

گل حسین غربت ولایتده ویرور جان زینبون
سینه سینده اللّری حالی پریشان زینبون

ای منیم آرامِ جانیم جسمیده روحیم حسین
قالموشام طوفانِ غمده گل منیم نوحیم حسین
سن گلن یولّاره قربان قلبِ مجروحیم حسین
گُل جمالون گورمه سه جان ویرمز آسان زینبون

گُل جمالون گورماقی مین لر بهشته ویرمرم
باشیم اوستونده سنی گورسم بولورسن نیلرم
خاکِ پایونده سنه بو جانی قربان ایلرم
تا سنه اولدی هامی بُولسون که قربان زینبون

سن سیز عالمده حسینیم گُوندوزوم گور شب دِگل
دلده کی غم فرقتون دور اوزگه بیر مطلب دِگل
قالموشام نه حاله گَل گور، گوردوقون زینب دِگل
بارِ مُحنتدَن اولوب دور قدّی چُوگان زینبون

قارداش هجرینده توکر رُخساره قان یاش باجیسی
جان ویرنده دیزلری اوُسته قویار باش باجیسی
گَل حسین یالقوز ویرور جان یِتدی قارداش باجیسی
حسرتیله آختارور جان اوُسته جانان زینبون

سن حسینیم اَمر اِیدردون دائماً صبره منی
هر گورن اشکیم دَن اوخشاتدی یاغان ابره منی
بیر کسیم یوخ دور یانیمدا تا قویا قبره منی
بس آنام تاپشورمیوب دور جان سنون جان زینبون

بو ولایتده غریبم کیم گلر بس یاسی مه
گَل اوزون هم سُویله قارداش اَکبریله قاسیمه
نهرِ علقم دَن یولون سال ویر خبر عبّاسی مه
ایله فرمایش ویرور جان دیده گریان زینبون

صفحهء عشقین تمام اِیتدیم حسین هر سَطرینی
باشیم اوستونده او دور آچدیم اِسارت چَترینی
کُوینگون دَن جسمی وین گُل تک آلاردیم عطرینی
دائم اولموشدی ایشی بلبل تک اَفغان زینبون

بو علاقه رختینی تن دَن اُلونجه سویمادیم
آند اولا اوز جانیوه سندن حسینیم دویمادیم
کُوینگون بیر آن یِره بو سینم اوستن قویمادیم
عطریوی پیراهنون دَن آلدی هر آن زینبون

چون حبیبیم ایستیوب دور من گرک تک جان ویرم
سن نجه جان ویرمسن منده سنون تک جان ویرم
سینم اوسته پاره پاره اوُخلی کُوینک جان ویرم
دلده کی عشقین اِیده دنیایه اِعلان زینبون

مشکل ایش دور دامنِ وصلون اَله بیرده سالام
کردگاریم ایستیوب غربت دَه حسرتله قالام
شامیده مدفون اولوب عَطرون رقیّن دَن آلام
اولماسون هجران اِیوینده صبری تالان زینبون

روحی مز بیر دور اولیدی بو سیاقدا قبری میز
آرزو اِیلردیم اولسون بیر رواقدا قبری میز
بیر بیرین دَن حیف اولا دوشدی اوزاقدا قبری میز
دلده کی درد و ملالی اوُلدی پنهان زینبون

من دیدیم اُلسم منی اِیلر حسینیم سر فراز
تا قیلالّار زینبه قارداش حضورین دَه نماز
یتدی قارداشدان بیری قالمور اَیا شاهِ حجاز
عزّتیله دَفن اولا بانوی ذی شاُن زینبون

رسمی دور باجی علاقه مند اولار قارداشی نه
فرقتون باعث اولوب دور زینبین گوز یاشی نه
بیر نفر اِسمون یازیدی باری قبریم داشی نه
عطرون اِسمون دَن آلیدی مو پریشان زینبون

ایله دویموش دوم حیاتیم دَن آنام جانی حسین
لیک بیر غم آغلا دور بو خانه ویرانی حسین
خوار اولار قارداش سیزین شامِ غریبانی حسین
کیم اولار ماتم نشینی زار و نالان زینبون

(اعظمی) چوخ طول وِیرمه بوندان آرتوخ مطلبه
درد و غم هر دَن سالاندا جسمیوی تاب و تبه
اشکیوی جاری قیلوب ایله تَوسّل زینبه
لطف ایدر، اِسمی اولوب هر دَرده دَرمان زینبون

• سه شنبه
• 30
• شهریور
• 1400
• ساعت
• 21:23
• نوشته شده توسط
• یوسف اکبری

اسلامه بیوک یار مددکاریدی زینب
ذرّیّۀ پیغمبره غمخواریدی زینب

آلموشدی ادب درسنی زهرا و علیدن
هر حادثۀ شومده بیداریدی زینب

پیغمبر عزاسینده ازل ایلدی شرکت
گه حضرت زهرایه عزاداریدی زینب

گه باغلادی مولا باشنی کوفه ده یاندی
محنت زدۀ حیدر کرّاریدی زینب

بیر گونده حسن قارداشنا اولدی عزادار
چوخ محنته دنیاده گرفتاریدی زینب

بیر گونده حسینیله گیدوب کرب و بلایه
آیرلمادی بیر لحظه وفاداریدی زینب

گوردی که آلوب قارداشین اطرافنی دشمن
آماده اولوب هر غمه ناچاریدی زینب

هر غصّه گلوب سینه سنی ویردی قباقه
امّید قرار شه ابراریدی زینب

عرض ایتدی حسینم هاموسو داده ازلدن
غم ایلمه جانیله خریداریدی زینب

قویماز یاتا اسلام علمی اولسه علمدار
آخر سنه اسلامه علمداریدی زینب

هر غمده حسینه اولان عالمده هوادار
زهرا بالاسی زینبدی مونس و غمخوار

• جمعه
• 9
• مهر
• 1400
• ساعت
• 15:25
• نوشته شده توسط
• یوسف اکبری

خامه مین مدادی اولوب روان، ایستوری گیده راه زینبی
ال یتورسه حق، ایلرم بیان، شان و عزت و جاه زینبی

مصحف محبتده برملا، گل آدی گلر سوره وفا
سوره صداقتده مطلقا، آیه صداقتدی هم صفا
بی معلمه، بی مفهمه، علمده بلاغتده خود کفا
بی سبب دگل اوج علمده ، حق قوروبدی خرگاه زینبی

اهل ذکر سویلوبله قرخ گجه، هر کس ایتسه راز و نیاز شب
بیر صفا تاپار قلبی، دولدورار قلبین علمیله بی نیاز شب
درس آلوب آناسندان عمریجه، هر گجه قیلوبدور نماز شب
دولدوربدی الله علمیله، قلب پاک و آگاه زینبی

گر دیسم ادبلی، خطا اولار، اوندا ختم اولوبدی ادب سوزی
گر دیسم که عصمتلیدور، گینه نقص اولار، اودور عصمتین گوزی
عفتینده صحبت ایدنمرم، سر به سر اودور عفتین اوزی
عفت آختاران، عصمت آختاران، طی ایده گرک راه زینبی

جد پاکیدور ختم انبیا، هم آناسیدور مصطفا قیزی
هم آتاسیدور، شاه اولیا، هم اوزی شه لافتی قیزی
هم اوزیدی هر مشکلی آچان، هم امام مشگل گشا قیزی
ای بلا گرفتاری وور، در درگه علا جاه زینبی

منطقینده وار چوخ بلاغتی، صحبتنده عالی فصاحتی
علم دینده علامه، حلمده مجتبایه وار شباهتی
صحنه حسینی ده برملا واردی هم حسینی شهامتی
اولماقا حسینیله هم قدم، یازمیوبله اکراه زینبی

صاحب وقار و سکینه دور، قول و فعلده یاغدیران ادب
جوهر حیا، گوهر شرف، فاطمی نسب، مرتضا حسب
نطقی آتشین، نهضت آفرین، زینب اوز آدی، یعنی زین اب
کهربای زین ابی آلوب، قلبده اولان کاه زینبی

• دوشنبه
• 12
• مهر
• 1400
• ساعت
• 16:47
• نوشته شده توسط
• یوسف اکبری

☑️ بند اول

یارالی اخا
قربتده زینبین وریر جان

باجین اولوری
گل قارداش دوت شام غریبان

نوادن توشموشم تئز گل هرایه
اولور زینب حسینیم گل عزایه

گل سنده سینه داغلا
گل باشیم اوسته آغلا

? یارالی ام حسین / یارالی ام / یارالی ام / یارالی ام

☑️ بند دوم

هایانداسان ای
گوزلری پیغمبر مثالی

یولوندا قالیب
گوزلریم آرتیب دیل ملالی

چخیر گل طائر روحوم قفسدن
توشور غم خوار عاشورا نفسدن

گل یوخدی دیلده تابیم
سیل گوزدن اشک نابیم

? یارالی ام حسین / یارالی ام / یارالی ام / یارالی ام

☑️ بند سوم

سولوب سارالان
گلزاره بنذیر پیکریم گل

غریبم حسین
یوخدی بیر یار و یاوریم گل

طبیبیم قیل نظر بیر دم بو زاره
اوزون گل زینبی تاپشیر مزاره

گل نور هر دو عینیم
گل سنسیزم حسینیم

? یارالی ام حسین / یارالی ام / یارالی ام / یارالی ام

☑️ بند چهارم

قرار دیلی
هجران کربلا آلیبدی

بو سون نفسی
کوینکین سینمده قالیبدی

بو کوینک دن حسین عطرین آلاردیم
باخاندا اوخ یرینه اوتلاناردیم

واے دیلده طاقتیم یوخ
واے دئیدی سینوه اوخ

? یارالی ام حسین / یارالی ام / یارالی ام / یارالی ام

☑️ بند پنجم

اریتدی منی
غم ناری اوتلاندی کوزومده

علامتی وار
جسمیمده مجروحام اوزومده

او یرده باشه خاک غم الندی
الیم گودال ایچینده یاره‌لندی

واے اوت توتوب آلیشدیم
واے قانیمه قاریشدیم

? یارالی ام حسین / یارالی ام / یارالی ام / یارالی ام

• پنج شنبه
• 23
• شهریور
• 1402
• ساعت
• 00:27
• نوشته شده توسط
• یوسف اکبری

☑️ بند اول

دیلبر گلیب
نوه ی پیغمبر گلیب
عالمه تاج سر گلیب
شانینه حیراندی ملک
عشق دل حیدر گلیب

هامی اورکدن صبر و قرار آلیر
گوزلرینه حیران اهل سما قالیر
صورتی بنذیر زهرا و علیه
ناز و عداسی غوغا دیله سالیر

خوشگل مادر اومده آی ماشاالله
دختر کوثر اومده آی ماشاالله
شافع محشر اومده آی ماشاالله
از همگان سر اومده آی ماشاالله
دلبرِه دلبر اومده آی ماشاالله
عشق برادر اومده آی ماشاالله

? یازینب یازینب

☑️ بند دوم

زینب گلیب
زینت نام اَب گلیب
دیللره تاب و تب گلیب
فخر خلایق گوز آچیب
ترانه ی هر لب گلیب

زینبین آدی قلبه صفا وئرر
کریمه دی بو نوکره بها وئرر
اذن زیارت ایستیرسن الین آچ
شب ولادت کربوبلا وئرر

گوهر نایاب اومده آی ماشاالله
روی چو مهتاب اومده آی ماشاالله
پاک تر از آب اومده آی ماشاالله
ناب تر از ناب اومده آی ماشاالله
دل شده بی تاب اومده آی ماشاالله
خواهر ارباب اومده آی ماشاالله

? یازینب یازینب

☑️ بند سوم

یار اومده
فاتح پیکار اومده
آره علمدار اومده
برای جنگ با یزید
دختر کرار اومده

زندیق و رسوا کرده ،علویه
دختر حیدره زینب ، یزید کیه؟
خطبه ی زینب شام رو زیر و رو کرد
مگه در افتادن با زینب الکیه؟

عقیله النساء گلیب آی ماشاالله
سلاله ی ولا گلیب آی ماشاالله
اهل دله رجا گلیب آی ماشاالله
زینبِ با وفا گلیب آی ماشاالله
یرلره بو ندا گلیب آی ماشاالله
فاتح کربلا گلیب آی ماشاالله

? یازینب یازینب(ع)

• شنبه
• 25
• شهریور
• 1402
• ساعت
• 14:10
• نوشته شده توسط
• یوسف اکبری

☑️ بند اول
ای که تو نور بصری حضرت زینب
خاتم جان را گوهری حضرت زینب

دختر عالی نسب حضرت زهرا
زینت نام پدری حضرت زینب

اون که به دام عشقت افتاد منم
اون که دلش رو به شما داد منم

عمه ی سادات فدای توام
عبد و گدای سرای توام

?زینب کبری مددی یا زینب

☑️ بند دوم
سینه زنم عمریه ی زیر علم تو
سائلم و سائل لطف و کرم تو

تنگه دلم بهر شما آرزوم اینه
گریه کنم یک شب جمعه حرم تو

عالمی داره زیر ایوونِ طلات
روضه بگیریم سینه زن ها به فدات

از غم دوری نجاتم بده
جون رقیه براتم بده

?زینب کبری مددی یا زینب

☑️ بند سوم
چوخلی جوانلار گلیب آمالینه یئتدی
فانی جهاندان ال اوزوب جنته گئتدی

چوخلاری لبیک دییب اوج بلاده
حائل اولوب قبریوه سینه سپر ائتدی

چاتدیلا کامه اولدولار محترم
آدلاری اولدی مدافعان حرم

شهد شهادت ایچیب یاتدیلار
راه ولاده قانا باتدیلار

?زینب کبری مددی یا زینب

☑️ بند چهارم
درگهیزه عاشق اولوب غرق نوایم
شائق احسانم و محتاج عطایم

فاش دی بی پرده سیزه دلده کی منظور
عاشق صحن و حرم کربوبلایم

عاشقم آدیم حرم آواره سی دی
مرقد عباس دردیمین چاره سی دی

ایسته بو زاری گل نازنین
پای پیاده گلیم اربعین

?زینب کبری مددی یا زینب(س)

• یکشنبه
• 26
• شهریور
• 1402
• ساعت
• 22:16
• نوشته شده توسط
• یوسف اکبری

زینب گوروب دوتوب اورگین محنت و ملال
باد صبایه یوز چووروب ایتدی شرح حال

گیت ویر صبا اُلوم خبرین یاره یاریدن
هجران سوزون نگاره آپار بو دیاریدن

کرب و بلایه ایله گذر کوی عشقی تاپ
آگاه قیل حسینی سرانجام کاریدن

دی زینبون یامان گونیدور یوخیدی بیر کسی
مایوس اولوب قبیلدن ایلدن تباریدن

غم بسترینده ایندی دوشوبدور شکسته پَر
عشقون سالوبدی زینبیوی اقتداریدن

غصّه وجودینی اَریدیب قالمیوب رمق
تاب و توان گیدوب اَل اوزوب روزگاریدن

آخر نفس لرین چکوری یولدا گوزلری
کسمیش علاقه زندگی مستعاریدن

پروانه تک طواف ایلیوب عشق شمعنی
بال و پری یانوب شرر شعله باریدن

گاهی سیزیلدوری گهی بیجان دوشور یره
مدهوش اولور شرارهء طوف نگاریدن

حاله گلنده سویلوری قارداش هایانداسان
گل زینبی خلاص ایله بو انتظاریدن

غربت دیاریده اُلورم یوخدی بیر کسیم
غربت غمی چتیندی غم احتضاریدن

یوخ یتدی قارداشین بیری احوالیمی بیله
سالدی عجب فلک باجیوی اعتباریدن

منزل غریب دیار غریب جان ویرن غریب
بو غربت ایوده یوخ گلنیم اهل داریدن

ای یوسف مدینه باجون عطریوی آلور
پیراهن دریدهء بی پود و تاریدن

بو پیرهنده نقش اولونوب اوزگه منظره
روز بلاده کشکمش آشکاریدن

باشدان باشا بو پیرهنون جای زخمی وار
گلبرگ تک جفا یتشوب نیش خاردن

هر تار و پودی شرح جنایات اهل کین
هر رشته سی نشان عمل ناگواردن

کالای عشقدور بونا جان نقدی ویرمیشم
تا آلمشام اراذل بی شرم و عاریدن

بو کوینگ اوسته نولدی منه بیر خدا بولر
عاجزدی دل، بیان غم بیشماردن

گودال قتلگاهده گوردی گوزوم نجه
قان چشمه تک آخور بدن زخمداریدن

خشک ایتماقا یارالاریوی ایلدیم تلاش
دشمن ولیک ویرمدی فرصت کناریدن

بیر بی حیا بروزه ویروب اوز شقاوتین
حیرتدیم دایانمادی گردون مداریدن

الله بولور او لحظه نه غم یتدی زینبه
زلفوم آغاردی دوشدی بدن اختیاریدن

قدّیم کمانه دوندی او گوندن دوزلمدی
تار اولدی گوزلریمده گونوز لیل تاریدن

یولّاندی شام و کوفیه سرعتله قافله
گه شهریدن چکردیله گه کوهساریدن

هر بیر یره یتیشدی باجون باشلادی نوا
نی لر نوایه گلدیله بو آه و زاریدن

من اُلمدیم اوزوم، منی اُلدوردی اهل شام
بیر شام که خلیفه سی وار میگساریدن

سس دوشدی شهره بدرین آلون انتقامینی
فرمان گلوبدی حاکم بی بند و باریدن

هر کس ایشتدی گلدی گیدنلر دایاندیلار
باغلاندی راه کوچه او دم رهگذاریدن

بعضی شماتت ایتدی بیزه بعضی چالدی کف
کینه تموّج ایتدی دل کین شعاریدن

هر بیر جفا که فکره گلور ایتدیلر بیزه
ایوای او شهرده اولونان سنگساریدن

هر داش گلنده رنگی سارالدی رقیه نون
اشکین توکردی دیدهء گوهر نثاردیدن

حسین وفالی باجون حال احتضاره دوشوب
درون سینه ده یورقون نفس شماره دوشوب

محبت عالمینی سیر ایدن وفالی مرید
دیار غمده گوزوندن ایراق فشاره دوشوب

طریق عشقی پیاده گزوب قدم به قدم
حسین دیه دیه آردینجا کوهساره دوشوب

اسیر حسنون اولوب مرغ روحیم ازلدن
او گون بو گوزلریم اول نرکس خماره دوشوب

قضا قدرله ویروب ال اله یازاندا یازی
هامی بلا بو بلاکش دوشن مداره دوشوب

او شام شوم که گوزده ایدوبدی گوندوزی شام
دولاندی دوره او شهره یولوم دوباره دوشوب

او گوهری که تراب ایچره ایلدیم مدفون
منیله ایندی اونون قبری همجواره دوشوب

ایله منور ایدوب تیره شامی خلق دیور
سپهر مهر و وفادن یره ستاره دوشوب

شمیم عشق و محبت مشام جانی دوتوب
زبسکه بلبل غم دیده لاله زاره دوشوب

او زینبی که یخوب کاخ ظلمی همتیله
شکسته حالیله شام ایچره گیر و داره دوشوب

نفس گیدور داخی گلمور گوزوم قالوب یولدا
ئولوم توزی عرق مرگیله عذاره دوشوب

نه بیر نفر سنی حالیمدن ایلوری حالی
نه بیر کسین یولی عباس نامداره دوشوب

دیه وفالی باجون غربت ائلده جان ویروری
ئوزوب قبیله دن ال حال انزجاره دوشوب

گوزومده گوزلروون عکسین ائتمیشم ترسیم
گوزوم ئولنده ده گورسونله عکس یاره دوشوب

سنه باخان گوزومی آز قالور اجل یومسون
کمند مرگیله اووچی پی شکاره دوشوب

گوزومده گوزلریوین عکسین ایتمیشم ترسیم
گوزوم اُلنده ده گورسونله عکس یاره‌ دوشوب
‌
جمالون عکسینه قورخوم بودور چکه هاله
ایشقلی آی کیمی چون چشم اشکباره دوشوب

سنه باخان گوزومی آز قالور اجل یومسون
کمند مرگیله اوچی پیِ شکاره دوشوب

کتاب عمرومی بیربیر ورق ورور گوگلوم
گوزی سنیله گچن دور روزگاره دوشوب

بلا چولونده گزور گلشن وفانی گورور
ستمله پرپر اولوب قانلی جویباره دوشوب

نه گل نه غنچه هامی سرولر صنوبرلر
سنوبدی قول بوداغی شاخه دن کناره دوشوب

دوشوبدی بیر یانا شرمنده شیر شرزهء عشق
بیر آیری یرده گلوپاره شیرخواره دوشوب

بویاندا عورت اوشاق وامحمّدا سسلنور
اویاندا لشکر کین فکر تار و ماره دوشوب

ویرور غروریله سعداوغلی لشکره فرمان
غریبه فرصت او گون قوم کین شعاره دوشوب

حریم عصمتی قصد ایلیوب سپاه شرور
کبوتران حرم فکرت فراره دوشوب

نه بیر پناه تاپور سایه سینده دالدالانا
نه فکرینه او زمان آیری راه چاره دوشوب

ریاض خلده ووران طعنه گل کیمی بالالار
اسوبدی باد مخالف کمند خاره دوشوب

قاچوبلا چوللره اللر باشندا دیز تیترور
دالنجا هر بالانین بیر نچه سواره دوشوب

بیری ستمله آلور بیر قیزین گلوبندین
بیریسینون الینه قانلی گوشواره دوشوب

بیریسی غارت ایدوب جبریله حریر و طلا
بیرینه قسمت او غارتده گاهواره دوشوب

وراندا هر بالیه تازیانه غارت ایدن
منیمده جسمیمه مین یاره اوسته یاره دوشوب

نلر اولوب دیمورم ساخلورام یانان دلده
قلم یازاندا اورک دردیمی اشاره دوشوب

قالان اساسیمیزه ظلم الیله ویردیلا اود
منیم او اودّا یانان قلبیمه شراره دوشوب

همان اودون اثری ایمدیده یانان دلده
چکور زبانه، شرر قلب داغداره دوشوب

اماندی (اصلی) دایان دفترون الولاندی
نه اوت دی خامهء زرّین و زرنگاره دوشوب

یقین بو آتش جانسوز آه زینبدی
نه خامه شعله سی هر قلب بردباره دوشوب

• دوشنبه
• 8
• شهریور
• 1400
• ساعت
• 22:05
• نوشته شده توسط
• یوسف اکبری

ای برادر بیا، موسم ماتم شده
از غم زینبت، قدّ فلک خم شده
غرق درشوروشین
برلبم یا حسین
ای برادر(۲)

جسم مجروح من مانده به شام بلا
یک نگاهم بود، جانب کرب و بلا
ناله سر میدهم ای شه عطشان من
وقت جان دادنم، لحظهٔ آخر بیا

میدهم دلغمین
جان بجان آفرین
ای برادر(۲)

ای برادرمنم، زینب غمپرورت
آنکه بود از وفا، در همه جا یاورت
وقت جان دادنم، دیده به راه تواَم
خسته جان میدهد، غرق بلا خواهرت

مرغ پربسته ام
از جفا خسته ام
ای برادر(۲)

پیش چشمان من، کرده جفا دشمنت
تیر و خنجر زده، اهل جفا بر تنت
کربلا بود و من بودم و تو یاحسین
قتلگه بود و این دست من و دامنت

ای حبیب خدا
میزَدی دست وپا
ای برادر(۲)

ترکی

یاحسین د

• چهارشنبه
• 3
• بهمن
• 1397
• ساعت
• 11:55
• نوشته شده توسط
• ابوالفضل عابدی پور

باجوام مریض فراقوام
گل اوزون عیادته یا حسین
اولا جانی زینبیوین فدا
ایله بیر کرامته یا حسین

باجی رسمیدی بو جهانیده
اولا مبتلای محن اگر
گله قارداشیم دئیر ای خدا
گوزی یاشلی یولّارا گوز تیکر
نیه گلموسن بس عیادته
منه لطفون آزدی اَخا مگر
باشیم اوسته گل کرمون گوروم
یتیشوب نهایته یا حسین

باجینون امیدیدی قارداشی
باجینون پناهیدی قارداشی
نه قدر سِور سنی زینبون
بو سوزه گواهیدی گوزیاشی
دئموسن باجیمدی گیدوم گوروم
بو قدر بلایه دوشوب باشی
که وار احتیاجی بو صون نفس
بیله بیر حمایته یا حسین

نه قدر اوزاقه دوشم گینه
چوخالار محبّتیم عاشقم
ئولنه کیمی سنیلن منیم
اولاجاقدی صحبتیم عاشقم
سوزومه گواهدی گوزیاشیم
بو دیا

• پنج شنبه
• 23
• اسفند
• 1397
• ساعت
• 17:27
• نوشته شده توسط
• ابوالفضل عابدی پور

حسین جان آز قالور روحیم رواقِ تندن آیریلسون
غروبین وقتی غربتده گولون گولشندن آیریلسون

( گوزومده باخ بو اشک آله
گَه گور باجون قالوب نه حاله )

داشوبدی کاسه عمریم وئرور دست اجل جولان
گل اگلش باشیمین اوسته حضورینده وئروم من جان
منی گل قوی مزار ایچره ئوزون ای ناطق قرآن
اوخی قرآن بو مأواده بو جان مأمندن آیریلسون

حسین چوخ گویلوم ایستوردی ئورک دردیم دوااولسون
بو آخر دم سنون عطرون یانان قلبه صفااولسون
حسین والله چوخ ایستوردوم مزاریم کربلااولسون
ولي شام اولدي قبریم زینبون تا سندن آیریلسون

حسینجان باشیم اوسته گل منیم خواراولماسون یاسیم
چاغور گلسین بو ماوایه علیّ اکبر و قاسیم
غریبه بزم اولار گلسه بو ب

• چهارشنبه
• 22
• اسفند
• 1397
• ساعت
• 11:08
• نوشته شده توسط
• ابوالفضل عابدی پور

چو زلف اکبرت در پیچ و در تابم حسینجان
عزیز مادرم یک شب بیا خوابم حسینجان

تویی ماه منیرم
به عشق تو اسیرم
بیا رویت ببینم
که تا راحت بمیرم

تو عشق منی
تو جان منی
حسین آرام جانم

حبیب منی
طبیب منی
حسین آرام جانم

عزیزیدیم وطنده یار و یولداشیم واریدی
منیم بیر گون جهاندا یدی قارداشیم واریدی
وفالی قارداشیم ای نور عینیم هارداسان گل
ئولور زینب بو غربتده حسینیم هارداسان گل

گیدور زینب مزاره
الی چاتمور نگاره
عزادن چیخمیوبدی
باشیندا واردی قاره

ای الده ئولن
گتیر بیر کفن
حسین آرام جانیم

سنون سینونده قالدی نوجوان اکبر یاراسی
منیمده اللریمده وار هله خنجر یاراسی
بوداغلی سینه ده قارداشیم عباسه سوزوم وار
او ر

• پنج شنبه
• 23
• اسفند
• 1397
• ساعت
• 16:53
• نوشته شده توسط
• ابوالفضل عابدی پور

زینبم شامیده غریبم
کنج غربته بی حبیبم
دردیمون یوخدی بیردواسی
گرچه عالملره طبیبم
جان یتوبدور دوداقه تزگل یارالی
دوشموشم چوخ زماندی ستدن آرالی
حسین قارداش
حسین قارداش

ای منیم نور هردوعینیم
عرشه چخدی فغان و شینیم
گل باجون شامیده وئرور جان
تشنه لب جان وئرن حسینیم
حالیمه باری گل ئوزون ایله نظر
هجراوتی گورنجه سالوب قلبه شرر
حسین قارداش
حسین قارداش

یاندی ظلم آتشینده جانیم
قالمادی جیسمیده توانیم
دوشموشم مین بلاودرده
شرحینه گلموری بیانیم
قالمیوب فرصتیم سنه آغلاماقا
شامه گل زینبین گوزون باغلاماقا
حسین قارداش
حسین قارداش

دوندی طوفانه بحرظلمت
ایتدیلر شامیان جنایت
دین ائوین یخدلار ستمله
سربه سرفرقه عداو

• پنج شنبه
• 23
• اسفند
• 1397
• ساعت
• 17:31
• نوشته شده توسط
• ابوالفضل عابدی پور

عرشیدن فرشه گتیردی زینبی چرخ فلک

کیم دیور جان ویردی زینب شامیده شهزاده تک

یدی قارداشدان اونا بیر قانلی کوینک قالدی تک

باسدی قانلی کوینکی هی باغرینا ای وای دئدی

کربلاده دوغرانان قربانلارا لای لای دئدی

جان ویرن وقته دئدی ای پیک خلاق ازل

پیکر بی روحیمی گل راحت ایله ای اجل

زنده قالماقدان علامت تک نفسدور داده گل

چونکی عشقین عالمینده حقه زینب سان وئروب

ایل یاریم بوندان قاباق مقتلده زینب جان وئروب

احتضارینده خانم ام القرایه باخمادی

یا کی قبر مرتضا شیر خدایه باخمادی

یوخ دلیم گلمور دییم کی کربلایه باخمادی

یوز دوتوب گوداله ساری سسلدی ای شاه نور

یدی قارداش باجیسی ایندی آدامسیز جان وئرور

• یکشنبه
• 11
• آبان
• 1399
• ساعت
• 15:50
• نوشته شده توسط
• یوسف اکبری

ای گونلر ائوینده قالان عریان، آنام اوغلی
گل سایۀ وصلونده ؤریم جان، آنام اوغلی

ای زینبه دیداری اولان هرگجه آمال
یاراولمادی افسوس منه، بخت خوش اقبال
آخر دم عمریمده اقلا ایله خوشحال
گل باشیمین اوسته ایله احسان، آنام اوغلی

( بیرعمرحسین وای دیماقا ائیلدیم عادت)
خلق ایچره ائشیتدیم سنون عشقونده شماتت
قسمت اولا کاش بیرده منه فیض زیارت
جانیم اولا اول لحظه یه قربان، آنام اوغلی

بلبل خوش اولارشخصا عزای گوله گلسین
دوشسون غم و اندوهیله چولدن چوله گلسین
عباسه ده دی، پرچمین آلسین اله گلسین
اولسون سر قبریمده نگهبان، آنام اوغلی

سویله نه قحط لیق نه سو وار، تزگل اوتانما
واردور نه رقیه م، نه ده اصغر، دی دایانم

• سه شنبه
• 6
• فروردین
• 1398
• ساعت
• 11:42
• نوشته شده توسط
• ابوالفضل عابدی پور

گل قارداش حسین قلبیمی قان بو محن ایلر
قارداشسیز اُلن باجینی بس کیم کفن ایلر

قارداشدی اولان باجیلارا مونس و دلدار
بیر بیرلرینه غم گونیدی یاور و غمخوار
بس هاردا قالوب قارداشیم عبّاس علمدار
هیچ فکر ایلمزدیم که بیله باشسیز اولام من
غربتده اُلن وقتیده قارداشسیز اولام من

گور هاردا منی سالدی حسین غصّه ایاقدان
غربتده هامی اینجیدی آخِر بو قوناقدان
بیر سولدا سلام ایلورم السّاعه اوزاقدان
یاخشی بولوسن عشقیوه پابسته دی زینب
تیز گل یارالی، شامیده جان اوسته دی زینب

جان اوسته گوزوم حسرت دیدارون اولوبدی
زینب که چتین وقتیده دلدارون اولوبدی
هر یرده باجون زینب علمدارون اولوبدی
گه پرچم قرآنیوی من کوفیه ووردوم
گ

• سه شنبه
• 6
• فروردین
• 1398
• ساعت
• 11:44
• نوشته شده توسط
• ابوالفضل عابدی پور

گوزلریم یولدادی دل پریشان
سسلرم داده گل یا ابالفضل
یاتما علقم کنارینده قارداش
زینبه یوخدی یارا ابالفضل

قلبیمه چوخلی غم فرقتونده
بیرسه پراوخ کیمی دگدی قارداش
سروتک بیراوجاقامتیدیم
قديمي درد و غم اگدی قارداش

بش یاشیندان قرا شال ماتم
باشیمه چرخ پرکینه سالدی
ای پناه دل بی پناهان
گل باجون حسرتی دلده قالدی

کان مهر و وفا و محبّت
سرو گلزار حیدر سنیدون
شاه لب تشنیه تااولینجه
مونس و یار و یاور سنیدون

ایندی گل شامه گورغملی زینب
اوج ایدوب غملری دیلده قارداش
جانویرور بیکس و بی برادر
داده گل بیرکفن الده قارداش

شامون اهلی شماتت ایدوللر
من کیمی بی پرستاره چوخ چوخ
یدی قارداش واریدی دیوللر
زینبی قبره ایندی

• سه شنبه
• 6
• فروردین
• 1398
• ساعت
• 11:45
• نوشته شده توسط
• ابوالفضل عابدی پور

من عزیز فاطمیم فلک
منه حرمتون ندن اولمادی
ئولورم کنار دمشقیده
باشیم اوستونه گلن اولمادی

رقم ملال و مصیبتیم
یازیلا چتیندی قلم قلم
بیر حسینیمیدی بلی دین
محن زمانیه بیر منم
هانی بیر اسیره منیم کیمی
آغاروب ساچی اولا قدی خم
مُحَنیم کیمی هیچ عزالینون
مُحَنی کمر شکن اولمادی

غم وغصه دن قوتارور اجل
سویورام قبای اسارتی
گونی ایل کیمی گچن عمریمون
یتیشوبدی آخره ساعتی
یری واردی سنگ مزاریمه
یازالار بو غملی عبارتی
یر اوزونده زینب زار تک
یورولوب بلا چکن اولمادی

نقدر نفس ویروب آلمیشام
او قدر منه یتیشوبدی غم
هایانا مسافرت ایتمیشم
منیله بلا اولوب همقدم
بو جهاندا دینجله بولمدیم
گیدورم مزاریده دینجلم
باشیم اوسته

• سه شنبه
• 6
• فروردین
• 1398
• ساعت
• 12:31
• نوشته شده توسط
• ابوالفضل عابدی پور

ارثیدور منده شجاعت عارفم آزادیم

ظلمه‌گردن قویمارام چونکه پیمبرزادیم

یدّی قارداشیم ئولوبدی مختصر افتادیم

دینی‌کشتی فرض اگر ائتسوز اونا من لنگرم

هاردا ظلم اولسا او یِرده من‌حسین دیگرم

سن بئله فکر ایلوسن عزّت فقط منصبده‌دی

بیلمدون قدرت ولی خنجرده یوخ٬ مکتبده‌دی

سیز توکن قان باتمیوب یکسر رگِ زینبده‌دی

سن‌هله غفلتده‌سن ظلمین نهالین قازمیشام

باشیمون قانیله ظلمه حکمِ باطل یازمیشام

• جمعه
• 21
• آذر
• 1399
• ساعت
• 23:22
• نوشته شده توسط
• یوسف اکبری

ای سالان زینبی گردونۀ ایامه حسین
گنه ئولمز باجوی چکدی فلک شامه حسین

حکم تبعیدی منه ایندیده مروان ویروری
خاطرمده او گچن جور و جفاسان ویروری
آنامون الده ئولن اوغلی، باجون جان ویروری
نه اولار زینبوون یانینه بیرده گله سن
دربدر زینبیوون حالنی بوردا بُله سن

من همان زینبم اطفاله پرستار اولدوم
کربلاده جگریم یاندی کفندار اولدوم
اولسایادونده اگر من سنه غمخوار اولدوم
ئوز الیلمه باشوون یاره سینی باغلاموشام
باجون ئولسون گجه گوندوز سنه من آغلاموشام

آتام اوغلی منی چوخ درده هم آغوش ائدیسن
کربلادن گهی شامه منی چاووش ائدیسن
نه روادور منی سن ایندی فراموش ائدیسن
زینبم بختی قرا من وطن آواره سیم
من سنون عشقوون آ

• سه شنبه
• 6
• فروردین
• 1398
• ساعت
• 12:36
• نوشته شده توسط
• ابوالفضل عابدی پور

سبک .گوللر آچدی گولستاندا

البشاره ای جماعت عالَمه عالِمه گلدی
زینت شاه ولایت نائب فاطمه گلدی

درده درمان کنز احسان منسبی والا
روح ایمان یار قرآن مظهر تقوا

زینتِ فتاحِ حُنین
آل طاهایه نورِ عین
عرش و فرشه بو سس دولدی
گوزون آچدی اخت الحسین

مولاتنا زینب مدد(۴)
..................................
@asharevelai

برج ایمان و حیانین گورمه لی اولدوزی گلدی
خلقت کون و مکانین هم دادی هم دوزی گلدی
گل سپیللر فرشه حورا سسلنور گویده منادی
مژده زهرا و علینین چونکه ارشد قیزی گلدی

کنز عفت بحر عصمت شوکته معنا
کان حشمت گنج غیرت صولته دریا

برج حیثیتده کوکب
شهبانوی عالی منسب
منیم اولموش گئجه گوندوز
ذکر زبانیم یا زینب

مولاتنا زینب مدد(۴)

• چهارشنبه
• 3
• دی
• 1399
• ساعت
• 23:18
• نوشته شده توسط
• یوسف اکبری

صبا حسینه خبر ویر ئولور بلالی باجون
کفن تدارک ایله جان ویرور یارالی باجون

بو شهر شامده یرده یوزی گوزی قاپودا
ئولور بو گوشۀ غربتده کربلالی باجون

باسوبدی سینه سینه قانلی اوخلی کوینگوی
بو پیرهندن آلور نکهت وصالی باجون

تراب بستریدی خشت پاره بالینی
قوری یر اوسته ویرور جان آتوب جلالی باجون

تک ایوده جان ویروری یدّی قارداشون باجیسی
نجه مزاره آپارسون بو بیر ملالی باجون

نه واردی گوزلرینی باغليان نه آغلیانی
صاقا صولا باخار آغلار قدی هلالی باجون

اگرچه قبلیه اولسون یوزی گرک ئوله نین
ولیک کرب و بلایه باخار وفالی باجون

گل ای باجیسنا قانلی جنالی کعبۀ دل
بو صون نفسده گوره بیر او گل جمالی باجون

گلنده قا

• سه شنبه
• 6
• فروردین
• 1398
• ساعت
• 12:39
• نوشته شده توسط
• ابوالفضل عابدی پور

شاداول ای دل که شاد ساعتیدی
حضرت زینبین ولادتیدی

نورباراندی محفل تاریک
حضرت مهدیه دئیون تبریک

گلدی اسطوره قشرایثاره
دئ مبارک بُتون پرستاره

بهترین یاره باغلیان گلدی
مدح وصفینده دیل مُعَطَّلدی

عشق بیمارینون پرستاری
ثبت تاریخ اولوبدی ایثاری

اللریم بیچدی خنجرِ خناس
ائتمدی ذره دردینی احساس

ای پرستار زینبی مسلک
سنده تئزتئز مریضوه باش چک

آرتیروب زینب استقامتُوی
وئر نشان زینبه ارادتُوی

گل یاپش دامن مطهردن
ایسته نور دل پیمبردن

رفع ائده بلکه غصه مانوسی
باشیمیزدن بلای منحوسی

• چهارشنبه
• 3
• دی
• 1399
• ساعت
• 23:54
• نوشته شده توسط
• یوسف اکبری

افسوس اجل گلدی ولی گلمدی دلدار
شاماتیده یالقیز ئولورم ای حق دادار

بیر عمر پرستاریدیم الله ایل ایچنده
ایمدی چکورم اودلی نفس یوخدی پرستار

غربت وطن ایچره گوزی یولاردیام الله
تحلیله گیدیب محنت الیندن تن تبدار

یوخ داده گلن بیکس و نالانم الهی
(ال سینه ده دائم دیلیم اوخشار گوزوم آغلار)

نه گلدی حسینیم نه علی اکبریم الله
ایل صاحبینی ایلمیور ایللری دیدار

گل داده حسین سون نفسیمدی آتام اوغلی
بیللم چکیلوب اورتامیزا غصه لی دیوار

من دادوه گلدیم یارالی ؛ کرب و بلاده
سنده منه گل اول بوزمان یار و هوادار

یالقیز اولورم شامیده ال سینه ده قارداش
افغانه گلوب غملر الیندن بو گرفتار

عطرون آلورام قانه باتان پیره

• سه شنبه
• 6
• فروردین
• 1398
• ساعت
• 12:42
• نوشته شده توسط
• ابوالفضل عابدی پور

آهنگ دایه دایه

عالمه منت قویوب خلاق داور
زینبی خلق ایلیوب زهرایه بنزر
عرشین اهلی سویلدی تبریک میلادین
آلله قویوب آدین

مرحبا یا مرتضی
گوزلرون آیدین اولا
فاطمه سیرت بالون سن تک دلاوردی زهرای دیگردی

معنی ایثاریدی
حیدر کراریدی

هم حسین و هم حسن تک معدن فضل دی گویا ابالفضلدی

غیرتی دریادی علمی عالمه عزت وئریبدی
درس صبر و استقامت درس حریت وئریبدی
عشقی معنا ایلدی مات ایتدی دنیانی
مجنون و لیلانی

مرحبا یا مرتضی.....

عالم وعامل اولان قرآنه زینب
معنی جهد وعمل فرزانه زینب
آیه قرآنی تفسیر ایلر ایثاری
نطق گهر باری

مرحبا یا مرتضی.........

• دوشنبه
• 8
• دی
• 1399
• ساعت
• 23:13
• نوشته شده توسط
• یوسف اکبری

یانور شرار ظلمیدن غم اهلی بینوا گیدور
کمند زلف اکبره اولوبدی مبتلا گیدور

یاتوب نهر اوسته اگر سردار رشیدی
قالوب مقتلده ویا باشسیز بیر شهیدی
اگر زینب زینب بو دشت بلادی
طناب الده فتح ایدر دربار یزیدی

در این دیار پربلا به غصه سینه می درند
بدون تو نمیروم به زور نیزه می برند

خداحافظ ای شهید کرب وبلایم
خداحافظ ای عزیز آل عبایم
تو قرآنی روی نی رفتی از دوباره
خداحافظ آیه های غرق بلایم

• دوشنبه
• 8
• دی
• 1399
• ساعت
• 23:22
• نوشته شده توسط
• یوسف اکبری

سیلن یوخدی بو غربتده
گوزومدن قانی آی قارداش
ئولور زینب خبر ایله
آنام زهرانی آی قارداش

رمق دیلدن آلان قارداش
منی درده سالان قارداش

منه قیل چاره یا مولا
ئولور قلبی یانان زینب
گوزومی باغلیان یوخدی
ویرور غربتده جان زینب
یولون گوزلور آتام اوغلی
پریشان ناگران زینب
منی دیلدن سالان قارداش
آمان قارداش آمان قارداش

اوخی قرآن باشیم اوسته
او جالسین عرشه اجلاسی
باجووون گلمه سون قارداش
بو یرده خوار اولار یاسی
گتور شامه حسین گلسون
اوجابوی قارداش عباسی
بیله شام اهلی جان قارداش
واریم بیر قهرمان قارداش

سرشکیم دوندی القانه
منیم یوخدی هواداریم
علی اکبر اگر بیلسه
اولار غملی عزاداریم
غمیم یوخ گلسه امداده
اوجا بو

• سه شنبه
• 6
• فروردین
• 1398
• ساعت
• 15:29
• نوشته شده توسط
• ابوالفضل عابدی پور

قائم مقامیدی خانم زهرایه زینب
اولدی رقیّیله بو گون همسایه زینب

شام بلاده گون مثلی باتدی
آغلار گوزوندن دنیانی آتدی

قان آغلا ای گوز اون بش ماه رجبدی
یوم وفات بانوی والا نسبدی
عصرین امامی باش آچوب دل مُلتهبدی
یانمش ئورکله چون گئدوب عُقبایه زینب

زهرا مثالی رخساری سولدی
ساچلار آغاردی قامت خم اولدی

اوج بلاده مات ائدوب عنقای قافی
خالص چخوبدور امتحاندان عشقی صافی
تعریفنه بو جمله سوز کافیدی کافی
بانیدی فیض یوم عاشورایه زینب

گر اولماسیدی زهرای ثانی
مظلوم حسینون باتمشدی قانی

غم یورقونی یول خسته سی قلبنده آهی
شام اولدی آخر منزلی تبعید گاهی
داغلی ئورکده اللری دیلده الهی
گوز یومدی گئتدی محضر زهرایه زی

• سه شنبه
• 6
• فروردین
• 1398
• ساعت
• 15:31
• نوشته شده توسط
• ابوالفضل عابدی پور

حسین گوزوندن ایراق حال احتضاریدیم
گوزوم یولوندا قالوب قارداش انتظاریدیم

عزیز فاطمیم دیلده نسگیلیم چوخدی
غریب اولکه ده بیر حالیمی بولن یوخدی

بو پاره کوینگوی قویموشام سینم اوسته
ایدوبدی غصه منی دل ملول و دلخسته

نولار حسین گله سن گوزلریمی باغلاماقا
منی کفن ایلیوب باشیم اوسته آغلاماقا

بو کهنه کوینگون ایکاش حسین اولا کفنیم
خموش اولا هامی سینمده کی غم و محنیم

یتور سلامیمی نهر اوسته قولسوز عباسه
وفالی قاداشیما میر و اشجع الناسه

حسین یادیمدادی کفار داش وروردی سنه
چوخور یرین غمی قاداش چوخ گراندی منه

امان او گونده کی اوضاع قتل و غارتدن
جفای قوم ظلم رد اولوب نهایتدن

هجوم اولاندا اولوب گوللرون نجه

• سه شنبه
• 6
• فروردین
• 1398
• ساعت
• 15:33
• نوشته شده توسط
• ابوالفضل عابدی پور

صدق و صفا زینب
لطف و عطا زینب
زینت نام علی
مست ولا زینب
(درده دوا زینب )
.
زینِ اب قدم قویوبدی عالمه
بو گئجه تاپوبدی غملر خاتمه
.
هر درده دوا زینب
سنده سسله یا زینب
زینب زینب یا زینب
.
.
.
.
عقله دئدیم شمسِ
حُجب و حیا کیمدی
عشقه دئدیم سن دی
غرق بلا کیمدی
( گلدی ندا زینب )
.
زینب ای شریک شاه کربلا
زینب ای غریق بحر ابتلاء
.
هر درده دوا زینب
سنده سسله یا زینب
زینب زینب یا زینب
.
.
.
.
ای دل اوزون دوندر
قبلۀ حاجاته
دردیوی اظهار ائت
عمۀ ساداته
( بحر سخا زینب )
.
حق دئییب دوشوبدی آدی دیللره
عشقینون یولوندا دوشدی چوللره
.
هر درده دوا زینب
سنده سسله یا زینب
زینب زینب یا زینب
.
.
.
.
کشور عشق ایچره
سکه

• چهارشنبه
• 26
• تیر
• 1398
• ساعت
• 14:35
• نوشته شده توسط
• ابوالفضل عابدی پور