اشعار حضرت زینب(س)

ایوای/زینبون ئولسون آنا / گیتمه
ایوای/واردی سینَنده یارا / گیتمه
آخِر /سَن مسافر سن هارا / گیتمه

اَشکیمی ایتمه یوزه /جاری
گیتمه ایودن سن گجه / یاری

(قالمیوب منده توان / گیتمه
زینبی آغلار قویان / گیتمه)

عمرون/ گلشنی سولدی آنا / غَمدن
نه تِز /کَسموسن اُلفَت آنا / مَندن
گر چه /سن حیاتوندان آنا / دویدون
امّا / دویمییوب دویماز قیزون/سَندن

زینبی گوزدن آتان /گیتمه
قبریده من سیز یاتا / گیتمه

غَمدن /صورتون اَفسوس آنا / سولدی
ایوده / نچّه یول گونده گوزون / دولدی
ثانی / یاندیراندان دَرگَهون /ظُلمه
گوردوم / خواهشون عَجّل وَفات /اولدی

یاره لی جسمه فَدا / گیتمه
غُصّه دن اولدون رَها / گیتمه

من تک / تیرِ غَم هیچ کیم دیله /ساشماز
سَدِّ /صبرِ زینب گورنجه / داشماز
سن کی/ گیزلَدَردون دردیوی / حتّی
نیلوم / مجتبی کوچه سوزون / آشماز

هرگجه قان اوتموسان / ایوده
نچّه آی اوز دوتموسان / ایوده

یوردی / اوز حیاتوندان نچه / اَرذَل
گیت یات/ قبریده بیر آز آنا / دینجَل
امّا / قُوی اَیاقوندان اوپوم / بیرده
لطف ایت /کربلا صحراسینه / تِز گَل

قیزلارون گول نَک سولار / تِز گَل
(بیکَس) و غَمخوار اولار / تِز گَل

• یکشنبه
• 1
• فروردین
• 1400
• ساعت
• 14:34
• نوشته شده توسط
• یوسف اکبری

زینبم دلخستیم من
بال وپر بشکستیم من
اللی بش ایلدی حسین جان
عشقیوه وابستیم من

یولارداقالوب گوزلریم ای شاه لب عطشان
گلسن ایدرم جانیمی قارداش سنه قربان

حسین...........جان اوستیم من

قلبیمی غملر سیخوبدی
نالم افلاکه چخوبدی
بیر یاریم گونده ایویمی
یاحسین دردون یخوبدی

بسترده برادر صولا صاقه دونورم گل
زینب باجوین حالی یاماندی ئولرم گل

حسین...........جان اوستیم من

زینبون چوخدور ملالی
اولموشام باشی بلالی
هرغمون بیریانه قارداش
دوشموشم سندن آرالی

واردوریری غملی اوره گین داغلیه زینب
بوآیریلیقا سس چکه بیر آغلیه زینب

حسین...........جان اوستیم من

غصه لر دیلدن سالوبدی
صبریمی اَلدن آلوبدی
شهرغربت ایچره قارداش
گوزلریم یولدا قالوبدی

قارداش دیمورم قبر ایوینه گل منی گوندر
آخرلحظاتیمده باری قبلیه دوندر

حسین...........جان اوستیم من

گلمیشم سن جان ویرنده
سنده تک گلمه گلنده
شاید عباسیم اوتاندی
قوللاری یوخدور بدنده

احوالیمی بولسه توکه جاق عارضه قانیاش
بیر یول اوتانوب قویما اوتانسون داخی قارداش

حسین...........جان اوستیم من

زینب ای محبوب سبحان
دردیمه گل ایله درمان
(بیکَسین) چوخ گویلی ایستیر
اولا بیرده سنه مهمان

قبرون کی خلاص اولدی خانم داعش الیندن
اما اوره گون چوخ سیخیلوب غملر الیندن

حسین...........جان اوستیم من

• یکشنبه
• 1
• فروردین
• 1400
• ساعت
• 18:47
• نوشته شده توسط
• یوسف اکبری

هر بیر یاران بیر لالۀ عشقدور
هر قطرۀ قانون ژالۀ عشقدور
نه طوطیم نه بلبلم نه قُمری
منیم ده نالم نالۀ عشقدور

منا سنون گوزل فدالر سنون
آل دوره وه قامت رسا لر سنون
تاپشیرورام جسمیوی آللهّیوه
یاران سنون سایسیز یارالر سنون

اوغلانلاری اولن آنالار منیم
عزالی لر منیم عزالر منیم
اگر چه من اوزومده بیچاریم
بیچاره لر بختی قرا لر منیم

اوغول سنون صحابه قارداش سنون
جداده معراج الین باش سنون
منه فرصت یوخدی یولدان کچندن
دفن ائدنون اولیدی ایکاش سنون

بیراهه لر ده سیر داغ داش منیم
آغلار گوزلردن توکولن یاش منیم
بولگی بولن یاخشی بولگی بولوبدی
عریان بدن سنون آچیق باش منیم

قرمزی قان قرمزی بستر سنون
محراب و جانماز اطهر سنون
دنیا سویی لایق دگول عاشقه
حسرتیوی چکوردی کوثر سنون

اُمّ المصائبم حسین غم منیم
قانلی نهضتله قانلی پرچم منیم
دیل سیز اصغر سنه دوشدی قرعه ده
دیلی بالدان شیرین رقیّه ام منیم

• دوشنبه
• 2
• فروردین
• 1400
• ساعت
• 23:47
• نوشته شده توسط
• یوسف اکبری

پریشانم آنا گل داده - اؤرک قانم آنا گل داده

فراتین یوللاری باغلانوب - نا گرانم آنا گل داده

واویـلا وایلا واویلا

یازهرا یازهرا یازهرا

دولدوروب کربـلانی نـاله
دوشوب آتش دلِ اطفالـه
عطشدن اولدور پرپر لاله
هـــراســـــانم آنا گل داده

قـــــرا یئللر اسـور غوغادی
گوزومده گوزیاشی دریادی
نظر قیل که زینــب تنهادی
بـــی امـــــانـم آنا گل داده

صفـــــای دشت ڪــرب و بلا
عطشـــــدی،نــــاله دی،واویلا
که دور از وطن دور بو صحرا
میـــــهـــــمـــــانم آنا گل داده

سوسوزدی نوالی قیزلارون
صولوبدی جمالی قیزلارون
دای اولدی عزالی قیزلارون
نـــــواخــــوانم آنا گل داده

بو غملی سـوز و تاب بیر یانه
بوش قالان مشک آب بیر یانه
او دل داغلــــی رباب بیر یانه
باغـــــریقانـــــــم آنا گل داده

داغیلدی گوللریم صحرایه
نی کیمی گلمیشم نــــوایه
ڪه قهراً بو تــیـــــر بلایه
مــــن نشانـــم آنا گل داده

گر اولسیدی اخیامیده سو
مَلشمز دی سوسوزدان آهو
یـولار آهـــــو آناسی گیسو
خون فشانــــم آنا گل داده

• سه شنبه
• 3
• فروردین
• 1400
• ساعت
• 14:29
• نوشته شده توسط
• یوسف اکبری

زینبم غملر آمان وئرمز آخان گوزیاشیمه
من مریدم نیزه باشینده گزَن یولداشیمه

آلنینا داش دَیْجَگین٬ یاردیم آغارمیش باشیمی
باش نَدی٬ جانیم فدا اولسون حسین قارداشیمه

من حسین قالوبلاسینده شریکم هرغَمه
آند اولا اول یاره لی حنجرده روح افزا دَمه

قویمارام یاتسین حسینون پرچم حُرّیّتی
پاسبانم تا قیامت قانه باتمیش پرچمه

• پنج شنبه
• 5
• فروردین
• 1400
• ساعت
• 16:00
• نوشته شده توسط
• یوسف اکبری

عشق رنگ بهار زینبدی
آی گون آئینه دارزینبدی

شهرتی باش گلور زمانلاردان
اوجادورشانی کهکشانلاردان
زینبون عطرزلفی مقتلده
قوزاناردی او پاک قانلاردان
رشتهء عشق بیکرانی اونون
اختیاری آلوبدی جانلاردان
خانمون دیللره حکومتی وار
سوروشون حقّه جانفشانلاردان
آستاننده کیم گدالیق ایدر
منّت حاشا چکه جنانلاردان
ئوپمگه خاک پای زینبدن
یاغار اولدوزلار آسمانلاردان
نیلیوب گورعلی قیزی زینب
حسنی باج آلدی قهرمانلاردان
دیللری جلوه لندیرن جوهر
ذکرنام و شعار زینبدی

جلوهء باغ یاسمن لردی
روح لر قالبی بدن لردی
زینتِ بزمِ موسفید حَرم
قاره اِحرام، سینه زن لردی
زائر تَلِ غیرتِ زینب
ماتمِ زینبه گلَن لردی
اَگمین ذلّته حَقارته باش
عشقی زینبدن ئورگنن لردی
یوخدی شکّیم که طایرملکوت
قاره پرچم لری ئوپَن لردی
باورایله گلابِ جامِ بهشت
اشکِ یا زینبا دِیَن لردی
بوی دامان زینبِ زهرا
بی گمان زینت چَمن لردی
زینب آئینهء شرافتدی
قصه پردازِ بی کفَن لردی
نهضت حقده زلف خون آلود
سَنَدِ اعتبارِ زینبدی

خدمت عشق سیم و زرسزدی
زندگی بی هدف ثمرسز دی
عشق زینبده یانمیان سینه
عین بیرگنج دور گّهرسزدی
چکمسه نقش کربلانی دیله
خبره نقّاش لرهنرسزدی
عشق ایوینده گراولماسازینب
عینِ بیرعرشیدی قمرسزدی
دل که زینب دیمکده عار ایلدی
مین چمن گُل اَکه اثرسزدی
گوزی چخسون اولارکه فکرایلیور
زینبون نهضتی ظفرسزدی
سائلِ زینبون حضورینده
جامِ جمشیدلَر دَیَرسزدی
ذوالفقار دوسَردَه بی زینب
هانسی الده اولا کَسَرسزدی
کاخ طاغوتی تارومار ایلَمَک
عزّت و اعتبار زینبدی

سینه بی پیچ و تاب اولانمزدی
یانماقیم کم شتاب اولانمزدی
بَعدِ غارت که باتدی کامل گون
دل سکوته مُجاب اولانمزدی
نصفی یانمش چادردا مَحشریدی
درد بی بازتاب اولانمزدی
اوگئجه نوحه خوان مَلَک لَرایدی
آیری بیر انتخاب اولانمزدی
هرنه حُورا وارایله سیدی نوا
لایلای رُباب اولانمزدی
سینه سینده صُودی اود اولمشدی
بوندان آرتیق عذاب اولانمزدی
چشمِ آهو وَشِ رقیّه کیمی
قان یاغشلی سَحاب اولانمزدی
اولماسیدی بلا چکن زینب
شهدا کامیاب اولانمزدی
مکتب پاکِ شیعهء عَلوی
بهترین یادگار زینبدی

• پنج شنبه
• 12
• فروردین
• 1400
• ساعت
• 11:55
• نوشته شده توسط
• یوسف اکبری

گوزلریم یولدا قالوب ای شه عطشان ئولورم
وئریرم جانیمی ئوز عشقیمه قربان ئولورم

قتلگهدن بوراجان من کی ئورک داغلامیشام
قیزلاریلان سنه من دائم عزا ساخلامیشام

قاره وی ایندیه جک باشیمه من باغلامیشام
فرصت اولجاق ددم اوغلی سنه من اغلامیشام

ایندی اما ئولورم اغلیانیم یوخ قارداش
شهرشام ایچره عزا ساخلیانیم قارداش

باشیمون یاره سی محملدن علامتدی منه
عشقیمی ثابت ائدور عین رضایتدی منه

غصه لر صبریمی دای الدن آلوب آی قارداش
کوینگین سینمون اوستونده قالوب آی قارداش

حقیوی ثابت ائدوب منده اوجالدیم قارداش
ننم ئولجک ائله دای منده قوجالدیم قارداش

شاهدیم واردی بو گوزدن آخان گوزیاشلاریما
چوخ امیدیم واریدی سن کیمی قارداشلاریما

فلکین چرخی دونه گورنه گونه قالدیم حسین
دشمنیندن چالیشوب کوینگیوی آلدیم حسین

یئدّی قارداش باجیسین یاده سالان یوخ قارداش
بزم ماتمده منه لایلای چالان یوخ قارداش

گل ئوزون آغلا منی قبره آپار قارداش حسین
باجینی آخر ائله قارداش تاپار قارداش حسین

دئمرم گلسین ابالفضل یولی یوخدی اونون
گوتوره نعشیمی یئردن کی قولی یوخدی اونون

یاخجیدی سن گله سن،سن گل عزا ساخلامنه
علی اکبرله گلوب باشه ویروب آغلامنه

دار دنیاده (صبوره) خانم امدادایله
سایسون عاشقلریوی سن منیده یاد ایله

• پنج شنبه
• 26
• فروردین
• 1400
• ساعت
• 12:26
• نوشته شده توسط
• یوسف اکبری

زینب ای دخت فاطمه_محبوب قلب علی
علم و صدق و بلاغتی_ شیر حقّین مثلی
قویدون تا که قدم بوگون
بیت مولایه خانم
حُسنون گون تک ایشیق سالوب
کلّ دنیایه خانم
آغوشینه آلدی حسین
عرض ایلدی نور دو عین
خوشگلموسن باجی
ای گوهر کنز وفا
آئینه صدق و صفا
خوشگلموسن باجی

سن گلدون نهضت حسین_دنیاده زنده قالا
دین اوسته کربلا ده کی_قانلار پاینده قالا
سندن سرمشق آلار خانم
هر یرده اهل ولا
الحق سنله صفا تاپوب
گلزار کرب و بلا
برپا علموندی خانم
دللر حرموندی خانم
محتاجم عنایته
لطف ایله بو اهل دله
ششگوشه لی قبره گله
بیر وقفه زیارته

• شنبه
• 4
• اردیبهشت
• 1400
• ساعت
• 16:20
• نوشته شده توسط
• یوسف اکبری

گوزلرون آیدین اولا یوسف زهرا
قویدی دنیایه قدم زینب کبری
آسمانی بوریوب عطر وجودی
شهر پیغمبر اولوب جنت الاعلی

دنیانی ایدیبدی گلشن
پیغمبرون گوزی روشن
زینب، ام المصائب(٢)

بو ولایتدن اولوب قلب علی شاد
جبرئیل سویلور علی جان ایوین آباد
حسنینون باجیسی گوزلرون آچدی
اولدی ابلیس زمانون ایوی برباد

دلدار شه ولادی
سرمایه ی کربلادی
زینب، ام المصائب(٢)

کیمدی زینب ثمر سینه ی زهرا
دُرِّ پر قیمت گنجینه ی زهرا
آناسی فاطمه تک یوخدی نظیری
اودی نسوان آرا آئینه ی زهرا

رخت محنی سویوبدی
آلله آدینی قویوبدی
زینب، ام المصائب(٢)

روز میلاد سلاله ی علی شد
نور خورشید از جمالش منجلی شد
تا گشود آن چشم زهرا مظهرش را
شهر یثرب روشن از نور جلی شد

زینب شاه عالمینه
عشق حسن و حسینه
زینب، ام المصائب(٢)

آمد آن ملیکه ی تخت نجابت
شد دعای حسن و حسین اجابت
می کند به یمن مقدمش خداوند
ازتمام عاشقانش رفع حاجت

از لطف خدای سرمد
دلدار علی خوش آمد
زینب ، ام الصائب(٢)

• شنبه
• 25
• اردیبهشت
• 1400
• ساعت
• 20:48
• نوشته شده توسط
• یوسف اکبری

بار دیگر شد چراغان آسمان یثرب امشب
سرزد از دامان زهرا لاله ای با نام زینب
آسمان را کوکب آمد
اعتبار مکتب آمد
زینت دامان حیدر
زینب آمدزینب آمد
زینب آمد زینب آمد(٢)

انعکاس نور زینب داده داده زینت آسمان را
بیت حیدر شد محلِّ رفت و آمد قدسیان را
نام اورا خالق او زینب کبری نهاده
با قدوم نازنینش داده عزت شیعیان را
آفتاب رحمت آمد
شاهکار خلقت آمد
خواهر شاه شهیدان
آبروی جنت آمد
زینب آمد زینب آمد(٢)

گلدی زینب تا حسینون رونق بازاری اولسون
اهلبیت مصطفانون کربلاده یاری اولسون
اولماسیدی کربلاده کربلا یاددان چیخاردی
گلدی زینب تا یزیدون فکری آه و زاری اولسون
افتخار اولیادی
اعتبار کربلادی
مایه ی تسکین قلبِ
خامس آل عبادی
زینب آمد زینب آمد(٢)

گوزلرون تا آچدی زینب گون دوتولدی آسماندا
آیری بیر گون چیخدی حیدر منزلیندن بیر زماندا
شرمسار ایتدی علینون آفتابی، آفتابی
ویردی زینت نور رحمت آفتابه کهکشاندا
باخمادی میر حنینه
گلدی زهرا شوروشینه
ویردیلر آغوش یاره
گوزلرون آچدی حسینه
زینب آمد زینب آمد(٢)

• شنبه
• 25
• اردیبهشت
• 1400
• ساعت
• 20:51
• نوشته شده توسط
• یوسف اکبری

باز امشب در تب و تاب است دل
گرم دل دادن به ارباب است دل

باز امشب دل هوایی می شود
بی محابا کربلایی می شود

باید امشب دیده را دریا کنم
کنج دل را سینه ی سینا کنم

شیعه بی حبّ مولا بی دل است
جای دل درسینه اش مشتی گل است

اشک چون ممزوج با گِل میشود
گِل،ترقّی یافته دل میشود

گِل که شد دل خانه ی حق می شود
خاستگاه عشق مطلق می شود

باز دل را نور باران می کنم
نذر سالار شهیدان می کنم

جای آن دارد که امشب تب کنم
یاد مظلومیت زینب کنم

کیست این بانوی والا منزلت
در دبستان علی شد تربیت

کیست این بانو وقار اهلبیت
عزت و صبر و قرار اهلبیت

افتخار خاندان عصمت است
ترجمان آیه های رحمت است

حبّ او رفع مرارت می کند
قرنها بر دل حکومت می کند

از قدومش باغ هستی جان گرفت
شوره زار کربلا سامان گرفت

اعتبار کربلا زین مطلب است
جای جایش رد پای زینب است

صبر او بی تاب کرده صبر را
از خجالت آب کرده صبر را

پیش صبرش صبر زانو می زند
دست بر دامان بانو میزند

دختر زهرای والا منصب است
مرجع تقلید عالم زینب است

ترکی

کیمدی زینب شاهکار دست حق
دستگیر مستمند و مستحق

کیمدی زینب قبله اهل یقین
ریزه خوار سفره سی روح الامین

زلفینی مشاطه هرگز هورمه دی
قامتین همسایه حتی گورمه دی

کیمدی زینب مصطفایه نور عین
پاسدار نهضت سرخ حسین

کیمدی زینب خالقون آئینه سی
مظهر حقدور دل بی کینه سی

سینه سین داغ شهیدان داغلادی
قولارون اربابین عشقی باغلادی

شام شومه گیتدی بو منوالیلن
آلدی شامی باغلانان قولاریلن

من دیدی پیغمبرون دلبندیم
شیر حقون شیر دل فرزندیم

گلموشم وقر یزیدی سیندیرام
بام قصرونده قرا پرچم وورام

یاره لی باشدان توان آلام بوگون
شام شومه ولوله سالام بوگون

آند اولا ناحق توکولموش قانلارا
نیزه لرده سیر ایدن قرآنلارا

آند اولا سوداگران بی سره
قاسم و عباس و عون وجعفره

آند اولا قاف وفا عنقاسینه
تشنه سلطانون سوسوز سقاسینه

آند اولا داغدان آغیر ایمانلارا
سینه احراریده وجدانلارا

قیزلاری جمع ایلرم ئوز باشیمه
قویمارام توهین اولا قارداشیمه

خط سیریمده نبی برهانی وار
رگلریمده مرتضانون قانی وار

جانینه آلّام بلای عالمی
قویمارام یاتسون حسینون پرچمی

تازیانه دگسه مین مین باشیمه
قان قاریشسا گوزده کی گوزیاشیمه

سینسا باشیم ساقی لشگر کیمین
قطعه قطعه دوغرانام اکبر کیمین

یاغسا خاکستر در و دیواریدن
باشیم آسلانسا طناب داریدن

ایتدیگیم پیمانیدن ال چکمرم
حاکم مزدوره من باش اگمرم

بامیلردن باشیمه اود توکسه لر
آلنیمی اوچ پر اوخیلان سوکسه لر

خنجر الده باشیم اوسته دورسالار
قولاریما تازیانه وورسالار

باشیمی ذبح ایتمگه یول تاپسالار
نعشیمون اوسته اگر آت چاپسالار

ثانی تک درگاهیمی یاندورسالار
ظلم الیله سینه می سیندورسالار

آند اولا پیغمبر فرزانیه
من دیمم رهبر بیله دیوانیه

• سه شنبه
• 28
• اردیبهشت
• 1400
• ساعت
• 13:03
• نوشته شده توسط
• یوسف اکبری

عقل مبهوت نام زینبدی
عشق سرمست جام زینبدی

امّ اب یعنی زهرۀ زهرا
امّ یاسین مام زینبدی

مین زلیخا گله وجاهتده
کفشدار مقام زینبدی

آدینی الله انتخاب ایلیوب
شرف احترام زینبدی

دولت شامی سرنگون ائتماق
هنر و اهتمام زینبدی

صبح شامی یزیده شام ائلین
ذکر تسبیح شام زینبدی

سیندیران دشمنین طلسماتین
شکر و صبر و دوام زینبدی

حفظ ناموس و عفت و عصمت
بانوانه پیام زینبدی

تیتردن کاخ پور سفیانی
هیجان کلام زینبدی

هر خانم دینی محترم دوتسا
اودا قائم مقام زینبدی

قویسا دینی حجابی مسخریه
ضد کیش و مرام زینبدی

دین و تقوا و عصمت و عفت
ما خلقدن سهام زینبدی

کیمدی زینب شفیعۀ عرصات
زینبون گول جمالینه صلوات
????
چون قدم قویدی دار دنیایه
نور ساچیب دودمان مولایه

حور و سارا و هاجر و حوّا
تهنیت عرض ایدوبله زهرایه

نه گوزل قیز نجه ملیحه بالا
سورۀ کوثره گوزل آیه

تئز بنی هاشمه وئروبله خبر
گله لر زینبه تماشایه

چوخ گوزل طفلیدی ولی افسوس
توکور اشکین همیشه سیمایه

آغلاماقدان یورولموری یاتمور
نه باخور نغمیه نه لالایه

آلدی آغوشینه خانم زهرا
گتوروب پیشگاه والایه

السلام علیک یَابن العَمّ
باخ عم اوغلی بو طفل زیبایه

اوشاقا آد قویولسا راحت اولار
ئوزون آد قوی بو شوخ و رعنایه

دئدی من سبقت ائتمرم زهرا
هئچ بیر ایشده رسول بطحایه

دؤز سفردن گَرَک گله باباسی
تا ئوزی آد قویا بو مَهسایه

قئییدوبدی سفردن اشرف خلق
نوه گلدی حضور بابایه

ئوزون آد قوی بابا بو نوزاده
بلکه آرام اولا بو معنایه

کیمدی زینب شفیعۀ عرصات
زینبون گول جمالینه صلوات
????
آدینی قویدی حضرت باری
لاله گون ائتدی رنگ رخساری

اولمادی آه و ناله دن آرام
گئنه گوز یاشین ایلدی جاری

تنگه گَتدی آناسی فاطمه نی
غصّه لندیردی آل اطهاری

ال به ال گزدیروب بنی هاشم
ارمغان تک او دُرّ شهواری

آغلادی آنی اولمادی ساکت
یوردی زهرانی ناله و زاری

داخل اولدی حسین مُحَوّطیه
کربلانین خدیو و سالاری

دئدیلر یا حسین مبارک اولا
بیر باجی لطف ائدوب سنه تاری

سنه بنذر قاشی گوزی دوداقی
آما آغلور پوزور بو افکاری

تا اوزاقدان حسینی گوردی خانم
قوللارین آچدی غم پرستاری

قوش کیمی پر چالوب قانادلاندی
اوزونی آتدی قارداشا ساری

باسدی آغوشینه حسین باجیسین
دئدی ای دُرّ عشق بیماری

آغلاما شیون ائتمه باغلامیوب
قوللارون شام و کوفه اشراری

کیمدی زینب شفیعۀ عرصات
زینبون گول جمالینه صلوات
????
آغلاما مهربان باجیم لایلای
ائتمه شور و فغان باجیم لایلای

مریم آل مصطفی سن سن
افتخار زنان باجیم لایلای

آغلاما اهل بیتی آغلاتما
ساکت اول بیر زمان باجیم لایلای

سن حسینه شریک اعظم سن
بانوی بانوان باجیم لایلای

گوز یاشون ساخلا کربلا چولینه
قویسا شمر و سنان باجیم لایلای

نعشیم اوستونده زلفووی آچاسان
وئرسه قاتل امان باجیم لایلای

گله دردون منه نه دردون وار
ناله دن بیر دایان باجیم لایلای

گول گولوم من گولوم آنام گولسون
ای گُلِ گلسِتان باجیم لایلای

هله که ساغدی قارداشون زینب
وئرمیوب تشنه جان باجیم لایلای

باجی جشن تولدوندی سنون
سسلنور قدسیان باجیم لایلای

کیمدی زینب شفیعۀ عرصات
زینبون گول جمالینه صلوات
????
درس تقوا کتاب زینبدی
هر دعا مستجاب زینبدی

ائدن عشاقه مو بمو معنا
لفظ عشقی جناب زینبدی

کو به کو هفت شهر عشقی گزن
دربدر هفت باب زینبدی

خضر سر چشمۀ حیاتینده
مست جام شراب زینبدی

حافظ نهضت حسینیه
تا ابد انقلاب زینبدی

ابن مرجانه نی ائدن رسوا
تند و سنگین جواب زینبدی

سؤزی وقتینده اهلینه ساتماق
شیوۀ انتخاب زینبدی

خفه لندی یزید تختینده
بو عتاب و خطاب زینبدی

بنت نهج البلاغه دور زینب
اسدالله باب زینبدی

گون دوتولدی گورنده محملده
قانلی ساچلار حجاب زینبدی

باشدا محمل یاراسی دلده حسین
قرمزی قان خضاب زینبدی

معنی وَاعتَصِم بِحَبلِ الله
قولدا بند طناب زینبدی

ای کریمی قصائد و غزله
لطف ائدن آب و تاب زینبدی

کیمدی زینب شفیعۀ عرصات
زینبون گول جمالینه صلوات

• سه شنبه
• 28
• اردیبهشت
• 1400
• ساعت
• 13:05
• نوشته شده توسط
• یوسف اکبری

ای قلم قبله ی ایماندی حسینون باجیسی
مظهر خالق یزدان دی حسینون باجیسی
زینت روضه ی رضواندی حسینون باجیسی
پیکر معرفته جاندی حسینون باجیسی
درد بیچاریه درمان دی حسینون باجیسی

قارداشی ئولدی خانم بوشلامادی میدانی
دشمنی خار ایله دی داغدان آغیر ایمانی

وارث خون شهیداندی حسینون باجیسی
معنی مصحف قرآندی حسینون باجیسی
شیر دخت شه مرداندی حسینون باجیسی
رگ غیرتده گزن قاندی حسینون باجیسی
حافظ ملت ایراندی حسینون باجیسی

زینبون آدی گلن یرده گرک شور اولسون
خانما آغلامیان دیده گرک کور اولسون

کیمدی زینب صدف معرفتون گوهریدی
زینت نام علیدور شرفون جوهریدی
نه فقط یر ، گویون اهلی خانما مشتریدی
دشمنی خوار ایلین باشدا قرا معجریدی
شمری مقتلده یوران حیدر اوپن اللریدی

مقتله گلدی دیدی اند اولا روح حسنه
نیزه باشینده کی باش تاج شرافتدی منه

کیمدی زینب گل بی خار گلستان ادب
نه عجم ده تایی واردورنه گوروب مثلین عرب
قامتین گورمه دی همسایه سیده یاللعجب
حرمتون حفظ ایله یازما خانما لهو و لعب
بو خانم ایتسه غضب ایلیر آلله دا غضب

خلقتی قطره حساب ایله خانم دریادی
باخماسا صبح قیامت بیزه واویلادی

کیمدی زینب ثمر نخل رسالتدی خانم
دختر نابغه ی شاه ولایت دی خانم
عالمه ، فاضله ، دیباچه ی غیرت دی خانم
صاحب تیغ بیان فن بلاغت دی خانم
چوخونا شامیده درس ادب ئورگتدی خانم

""ایندیده شامیده زینب اوجادان پرچم اسور""
پرچمون سایه سینه گیتماقا قلبیم تلسور

چاتورام مطلبه عذر ایستیورم زهرادن
کیچور اون دورده یاخون قرنیدی عاشورادن
دویمیوب گوش فلک ایندیده واویلادن
ایندیده وا اَبَتا صوتی گلور صحرادن
اصغره ویرمه دیلر آتلار ایچن دریادن

خیمه لر یاندی خانم دیل دولوسی قان اوتدی
بیر پارا خیمه تاپوب شام غریبان دوتدی

• چهارشنبه
• 29
• اردیبهشت
• 1400
• ساعت
• 22:58
• نوشته شده توسط
• یوسف اکبری

ای ایکی دنیایه شرف
دُر یم تقوایه صدف
یا زینب کبری

فاطمه نون تاج سری
نور بصر شاه نجف
یا زینب کبری

چاتمازسنه والله
ای رتبه سی اعظم
خلق اولسا دوباره
مین هاجر و مریم

آدوون فداسی یم من
بیلورم کی عاصی یم من
منی قوما درگهوندن
قاپوون گداسی یم من

ای گل گلزار حیا
ای فاطمه تک خیرنسا
بانوی کرامت

ای پناه اهل ولا
ای بنده ی ممتازخدا
فخر بشریت

ای صاحب عزّ و
اجلال و جلالت
عیسی سنه نوکر
مریم سنه کلفت

ای آدی دیلیمده ازبر
گل گلشن پیمبر
قدمونله بو جهانی
ائلدون بو گون منور

آدوون فداسی یم من
بیلورم کی عاصی یم من
منی قوما درگهوندن
قاپوون گداسی یم من

قهرمان کرب وبلا
ای حامی خون شهدا
اسلامه طرفدار

اله عباسین علمین
آلدون خانیم اولدون سپه
قرآنه علمدار

ای معدن غیرت
تندیس صلابت
اسلامه سنیدون
وئردون ابدیت

سنون آی خانیم تلاشون
علل بقای دیندی
سنه کیمده اولسا وجدان
دیر آیری بیر حسیندی

آدوون فداسی یم من
بیلورم کی عاصی یم من
منی قوما درگهوندن
قاپوون گداسی یم من

سنه قربان خسته جانیم
احیا ائلدون دینی خانیم
قول باغلی سیه پوش

حشرجک مدیوندی سنه
خاکی ائلسه بیر لحظه سنی
دنیاده فراموش

ای دختر زهرا
وار سنده شهامت
بوینومدادی حقون
تا روز قیامت

سنیدون یزیدی رسوا
ائلدون باشوندا قاره
سنه بنذر عورت حاشا
گله بیرده روزگاره

آدوون فداسی یم من
بیلورم کی عاصی یم من
منی قوما درگهوندن
قاپوون گداسی یم من

• سه شنبه
• 4
• خرداد
• 1400
• ساعت
• 21:13
• نوشته شده توسط
• یوسف اکبری

عشقین ویران اورگه قان اورگه صفادی یازینب
درگاه اطهریوه روح الامین گدادی یازینب

وجود پاکی ایدن
جهانی غرق صفا
بیزه عنایت ایله
برات کرب و بلا

عزیز فاطمه سن

عشقون بیماری منم بو محنین دواسی سن بانو
حجب و جود و کرمین حیثیتین خداسی سن بانو

سمای عشقه خدا
ضیالی آی ویردی
علی و فاطمیه
سنون تک پای ویردی

عزیز فاطمه سن

دنیانی قارداشیوین نهضتینه نه ساتموسان زینب
افلاکه کربوبلانین علمین اوجاتمیسان زینب

مریض عشقه ایا
اولان عطاسی دوا
خدا یاراتدی سنی
جهاندا بی همتا

عزیز فاطمه سن

• پنج شنبه
• 6
• خرداد
• 1400
• ساعت
• 21:27
• نوشته شده توسط
• یوسف اکبری

زحمتیم یتدی پایانه زینب
عازم کوی جانانه زینب
عهدیمی من یتوردوم تمامه
بیر قالوب باش چاتا باشه نامه
سنده بو نهضته ویر ادامه
اول شهامتده مردانه زینب

شیطنتدور یزیدین قیامی
محو قرآن ودیندور مرامی
سن گیدوب فتح ایله شهر شامی
قصرینی ایله ویرانه زینب

ٱل اله پرچم انقلابی
حفظ راه ورسم حجابی
سال یوزه زفلروندن نقابی
ویر حیا درستی نوانه زینب

• یکشنبه
• 9
• خرداد
• 1400
• ساعت
• 21:19
• نوشته شده توسط
• یوسف اکبری

گل آچیبدور گینه گلزار علی
گرم اولوب عشقیله بازار علی

زینب اولدی متولد آنادان
اونی زیبا یارادیبدور یارادان
گوئیا آی بولونوبدور آرادان
مرتضا گاه باخور زینبینه
گه باخور همسرخندان لبینه

بسکی مسروریدی سلطان جهان
دولدوروب قلبینی شور و هیجان
ائوین آباد دییور فاطمه جان

عرشیده غبطه ییور آی قیزووا
گتیرنمز ننه لر تای قیزووا

• سه شنبه
• 11
• خرداد
• 1400
• ساعت
• 16:55
• نوشته شده توسط
• یوسف اکبری

قلمیم واقعیّتی طرح‌ائت
غلط عنوانی سیندیرار زینب

یازی یازسون حقیقی سوزدن‌یاز
شعر بُطلانی سیندیرار زینب

خُلق گفتارون ایله زینب تک

نجه باخ گور شیرین سخندی خانیم

سوزی شیرین و نطقی برنده
وارث درد پنج تندی خانیم

خطبه ایراد ائدنده یر تیترر
ائله جرأتلی شیر زندی خانیم

گر سخنرانیه آچا آغزین
هر سخنرانی سیندیرار زینب

یوزونی دوتدی قوم اشراره
دئدی انسان بوقدری پست اولماز

مِیِ حقّیله مست ائدر ئوزونی
ستمین باده سیله مست‌اولماز

بیر فقط خالقین پرستش ائدر
محضر حقده زر پرست اولماز

قویسالار کفّه‌‍ٔ ترازویه
زرِ اَعلانی سیندیرار زینب

ظاهراً قدرتوز چاتور هرگون
توکوسوز حق دیینلرین قانین

تابع امر پست شیطانسوز
ائوی ویران اولیدی شیطانین

اودی شمشیر کینی‌ وئردی‌ سیزه
آلاسوز بی گنه لرین جانین

آچسا سر پنجه‌سین نبرده اگر
قوم شیطانی سیندیرار زینب

گزیر عشق علی و عشق حسین
زینبین رگلرینده کی قاندا

رتبه‌ی زینبه چاتان یوخدی
مکتب فقه و درس عرفاندا

اونی هرگز یزیدیان لعین
ساخلیانماز حصار زنداندا

آند اولا غیرت ابوالفضله
در زندانی سیندیرار زینب

بوندا بیر روح آسمانی وار
یادگار بتول اطهردی

رگلرینده علی قانی دولانور
اودور علت کی چوخ دلاوردی

اسدالله غالبین قیزیدی
حافظ مکتب پیمبردی

ائتمه عصیان گوزل حضورینده
اهل عصیانی سیندیرار زینب

مکتب عشق و درس عرفاندا
بو خانیم حکم اجتهاده چاتوب

قانلی مقتلده روز عاشورا
قارداشی جان وئرنده داده چاتوب

ال آتوب دوتدی خنجرِ شمری
نظره گرچه حریف ساده چاتوب

دئدی ظالم حسین باشین کسمه
تیغ براّنی سیندیرار زینب

• چهارشنبه
• 12
• خرداد
• 1400
• ساعت
• 11:45
• نوشته شده توسط
• یوسف اکبری

آند اولا کعبه ده دنیایه گلن قهرمانا
آند اولاکرب وبلاده اوجا بوی پهلوانا
قویمارام قارداشیمین قانینی ظلمتده باتا
قلبیده آه ونوا صحنة کرب وبلا
من پیمبر قیزی یام فاطمه نین اولادی
هامیدان باشدی بحق مکتبیمین استادی
تا جهان واردی قالار زنده بابامین آدی
علمیده قطره دی مخلوق بابام دریادی
قلبیده آه ونوا صحنة کرب وبلا
آند اولا دشت بلاده هامی قانه باتانا
آند اولا غیر خدا عشقینی باشدان آتانا
آند اولا پیکری باشسیز قوری یئرده یاتانا
آند اولا قارداشیمین آللاهیلان پیمانینا
آند اولا اصغریمین قانه باتان قونداقینا
آند اولا اکبریمین مقتله آخمیش قانینا
قویمارام قارداشیمین قانینی ظلمتده باتا
قلبیده آه ونوا صحنة کرب وبلا
آز گولوپ کوفه نین اهلی سیزی چوخ آغلیاسیز
آتش قهریله هرگون سینه زی داغلیاسیز
غمیلن همدم اولوپ دائم عزا ساخلیاسیز
ظلمیلن قارداشیمی کوفه لی لر اولدوردوز
آغلیان وقتیده من سیز هامی باخدیز گولدوز
آغلاسا قان یئری وار گوی ـ نیجه راحت یاتاریز
دامنیزدن نئجه بو لکّة ننگی یوواریز
ننگ و عاریله گرک زنده قالاز تاکه واریز
آلاهین خشم و عذابینه گرفتار اولدوز
گوره جاقسیز کی یامان درده گرفتار اولدوز
آنداولا کوی وفاده توکولن گوز یاشیما
آند اولاکوی مناده ییخیلان قارداشیما
دین یولوندا نقدر گلسه بلالر باشیما
قویمارام قارداشیمین قانینی ظلمتده باتا
قویمارام پرچم اسلامی یقین یئرده یاتا
آند اولا قارداشیمین باشسیز اولان پیکرینه
آنداولا عشق یولوندا کسیلن ال لرینه
آند اولا قانه باتان اکبرینه اصغرینه
قویمارام قارداشیمین قانینی ظلمتده باتا
قویمارام پرچم اسلامی یقین یئرده یاتا

• سه شنبه
• 1
• تیر
• 1400
• ساعت
• 19:00
• نوشته شده توسط
• یوسف اکبری

ترک ائیلدی الهی کرب و بلانی زینب
واردی گوزونده قان یاش دیلده فغانی زینب

مرکب سینیخ کجاوه باغلی قولی حرم لر
شمریله زجر الیندن اوجه چاتیپ ستملر
یوخ دادرس الهی آرتیپ اورکده غملر
آللاه قالیپ کمکسیز غملر نشانی زینب

کرب و بلا چولونده قالمیش بدنلر عریان
جسم حسین کفن سیز ایلیر حرم لر افغان
کرب وبلا دیاری قاندان اولوپدی الوان
وارحقّی عرشه چاتسین آه و فغانی زینب

آزقالدی جانی چیخسین غمدن امام سجاد
ایستیردی روحی اولسون زخمی بدندن آزاد
وقتی گوروپ بوحالی زینب بویوردی ای داد
اولسون امامه قربان غمدیده جانی زینب

قارداش بالاسی صبر ائت ائتمه اوزون مکدر
گرسن بوحاله قالسان اصغر آناسی نیلر
عصرین امامی سنسن گوزلر یولووی گوزلر
هئچ ایستمز بیلورسن سنسیز جهانی زینب

عرض ائیلیوپ جوابین عصرین امامی گریان
عمّه بوقوم کافر بیلمیر بیزی مسلمان
باخ گور آتام حسینین جسمی قالیپدی عریان
اوچ گوندی کی گچیپدی دفنین زمانی زینب

اهل حرملر آغلیر ناله دونوپ فغانه
ساکت ائدیر اولاری زجر الده تازیانه
یوخ زینبون علاجی باغری دونوپدی قانه
ترک ائیلیه ن زماندا غملی مکانی زینب

• سه شنبه
• 1
• تیر
• 1400
• ساعت
• 19:03
• نوشته شده توسط
• یوسف اکبری

السلام ای دخت علی
آئینۀ عشقین گوزلی
یا حضرت زینب

جلوۀ نور ازلی
دیوان عفافین غزلی
یاحضرت زینب

ای هدیۀ سبحان
گلواژۀ ایمان
سنسن گلِ زهرا
عالم سنه قربان

سن عزیزِ نه سماسن
گل باغِ انماسن
ملکوتیدن گلور سس
هامی دردلره دواسن

شرفون وقاری زینب
هدف اقتداری زینب
سنی سسلیور فلک لر
سنه جان دیور ملک لر

ای عزیز جان حیدر
قدمون مبارک اولسون

السلام ای یار حسین
دلدار وفادار حسین
یاحضرت زینب

قهرما ن کرببلا
دردانه ی سلطان ولا
یاحضرت زینب

ای همتی والا
خلقتده دلارا
هم عشق مصور
هم صبرده دریا

ای عزیز جان حیدر
گل باغ عشق و باور
سنه جان شیعه قربان
سنه فخر ائدور پیمبر

سن عزیز نه سماسن
گل باغ انماسن
ملکوتیدن گلور سس
هامی دردلره دواسن

ای عزیز جان حیدر
قدمون مبارک اولسون

• دوشنبه
• 7
• تیر
• 1400
• ساعت
• 12:44
• نوشته شده توسط
• یوسف اکبری

گوزلَریم آغلاغَمین سینَه ده تاب وتَبینه
حضرت فاطمه نون تِز قوجالان زینبینه

غملری اوخدی اونون قلب اَحِبّانی دَلر
باشلارا آیری هوا یوم وفاتینده گَلر
صاحب عصروزمان عَمّیَه گوزیاشی اَلر

مَهدی آل محمّدور ئوزی یاس قورانی
اَلی قوینوندا گلوب بزم عزاده دورانی

گزدی گردابِ غمه دوشدی گِنه چرخ زمان
جلوهء ماتمِ عاشوری ائدَر بیرده عیان
چونکه تُپراقه گِئدور عمّهء سادات جهان

غُصَّه دن شاه شهیدان باجیسی دینجَله جک
بالا وای دیلدَه ، خانم فاطمه یاسَه گَله جک

مُصحَف غملری شاماتیده چاتمیشدی باشا
هانی بیر کیمسَه بو قَدری مِحنی حَدَّن آشا
شیشهء عمری اونون دَگدی او غُربتده داشا

یوخودی گرچه او گون شامیده گوز باغلیانی
یوسف فاطمه دور ایندی اونون آغلیانی

بیر گونی اَرض و سَما شَانینه حیرتده قالوب
باب اَفلاکه اونون کوکَب بختی اوجالوب
ولی بیر گونده نَلَر اولدی او حضرت قوجالوب

او همان گوندی که عرش اهلی اَنوب آغلاماقا
فرصتی اولمادی قارداش گوزونی باغلاماقا

مَنظر مقتلی گورمیشدی او مَرضیَّه شِیَم
شمر ظالم نِجه گور ایلَه دی طاهایَه ستم
قانلی چَکمیله قویوب سینهء سینایه قَدم

سینیَه یا که دیوم عرش مُعَلّایه چیخوب
نیلَدی آل نظره ، خانه ی زهرانی یخوب

عَرشینه قاره چکوب حضرت حَیّ اَزَلی
اَله عَمّامَه آلوب عالم مَعناده علی
تیترَدوب گُنبد دَوّاری اودَم شمرون اَلی

حَقّین آئینه سینه وِردی جفانون داشینی
اول نماز اَهلی کَسوب روح نمازون باشینی

نَه چَکر باجی گورَنده چابالور قارداشینی
بَدَنین یرده گوروب دشمن اَلیندَه باشینی
بیر اوزوک سیندی اونون گورکیم آپاردی قاشینی

او باشین طُرَّه سینه عَدن گُلابی توکولوب
قانلی عَمّامَه سینه گوردی همان باش بوکولوب

باش چیخوب نیزیَه امّا هَلَه قانی سوزوری
یاره لی باشدان اَلین زینب عُلیا اوزوری
قانلی گودالیده ایستَکلیسی گوردی اوزوری

مَقتلین قانی یِره طوی شالی گویا توخیور
نیزَده یاره لی باش نَعشینَه قرآن اوخیور

قالدی آواره باجی پیکَریلن باش آراسی
بیلدی که قارداشینون عَرشیده باشلاندی یاسی
وا حسین وا دئدی مقتلده بو زهرا بالاسی

باخدی هِی گوز دولوسی اَلده ئولَن قارداشینا
مَقتلین تُپراقینی اَلده سووردی باشینا

عَدنیده دورما دِئدی قانلی مِنایه نَنَه گَل
گُلون اَللَرده سولوب کرب و بلایه نَنَه گَل
یِرَه قرآن داغیلوب آیَه بَه آیَه نَنَه گَل

چوخ اوپَردون بو حسینون بوغازین اوندا اگر
ایندی زینب کَسیلَن حَنجَری مقتلده اوپَر

نَنَه تِز گَل منیلَن باش باشا وِئر آغلاماقا
اوخشاما باشلیاق ایندی فَلَکی داغلاماقا
بو آچیق گوزلری گَل چاره اِئله باغلاماقا

نیزَه دَه گَه منه گَه جانبِ اَخیامه باخور
هَر باخاندا منه ساری یوزه گوز یاشی آخور

بارالها سنی زهرا خانیمون گوز یاشینا
زینبون دشمن اَرا اَلده ئولن قارداشینا
(نادری) بوشلاما ای رَبّ جلیل ئوز باشینا

بَذل توفیق ائله تا دَرگَهووَه بنده اولا
امتحان وقتی اونی قویماکه شرمنده اولا

• یکشنبه
• 13
• تیر
• 1400
• ساعت
• 22:05
• نوشته شده توسط
• یوسف اکبری

دادیمه گل قارداش حسین شامیده بی یار اولورم
زینبیــــوم جان ویرورم غـریب و غمخوار اولورم

ظُلمه باش اگمدون حسین باشی اوجالدی زینبون
اَجل گلوب سُراغیمه عمـــــــری آزالدی زینبون
سنسیز حسین باجیـوا باخ گور نه قوجالدی زینبون
یاد ایـــــدرم غملریوی مــــریض و بیمار اولورم

قدّی اوجــــا دلاوریم معدن احساسیم هانی
صفلری سیندیران هانی تیغه ی الماسیم هانی
ساقــــــیِ دشتِ کربـلا قهرمان عباسیم هانی
هاردادی قارداشیم گله قولسوز علمدار اولورم

ایندی منه سندن حسین بو قانلی کوینگون چاتوب
علقمین اوسته قارداشـــوم یــارالی شرمنده یاتوب
آغلیــــورام باجیسینی اولن زمان گوزدن آتوب
یوخدی ابوالفضله دین ساقی و سردار اولورم

شامیده بی کسم حسین یوخدی گوزیمی باغلیان
آغلامیشام غــــــملریوه یـــوخ منه بیرجه آغلیان
سینمـــــی داغلادیم ولی یوخ سینه سینی داغلیان
گل که سنی گوزتلورم ای گل بی خار اولورم

آغلیورم رقییــــه خسته کبــــوتریم اولوب
یِدی گلون نگاریم عزیز و رهبریم اولوب
ابوالفضیــــله قاسمیم اکبر و اصغریم اولوب
ایکی بالام یانیمدا یوخ دیده سی خونبار اولورم

• جمعه
• 18
• تیر
• 1400
• ساعت
• 12:43
• نوشته شده توسط
• یوسف اکبری

ای گل با طراوت - خوش آمدی تو زینب
ای نوه ی نبــوت - خوش آمدی تو زینب
امشب شب سعادت و ولادت نگار است
دل همه زینبیـــا غــــرق سرور یار است
ای - چراغ خانه ی عشق -گُلِ کاشانه ی عشق
زبــاده ی ولایت - شدم دیوانه ی عشق
خوش اومدی به دنیا - دخت علی و زهرا
کان حیا و عفت - مُنَزَّهی چودریا
یا زینبا یازینبا ولادتت مبارک 2

بلبل اوخور نغمه سینی - گُل آچدی گُلسِتاندا
قورولدی بــــــزم شادی - زمیــــن و آسماندا
نازلی بالا گوزل بالا گلوب جهانه زینب
دخت علی مرتضا گلوب جهانه زینب
بو - ملیکه ی جناندی - نگار مهرباندی
آدی ام المصائب - آقام حسینه جاندی
مَهِ هفت آسماندی - لقبی قهرماندی
ابوالفضل تک دلاور - امان نامه جیراندی
یا زینبا یازینبا ولادتت مبارک 2

صد مژده عـــاشقانه – هــــــم اهــل آسمانه
دخت علــی و زهرا - گلدی بوگون جهانه
اهل جنان خرم اولوب صفا تاپوپدی خلقت
مولا گوزون روشن اولا گلدی گُل نجابت
ای - خیر النساء بالاسی - بو مجلسون صفاسی
خانم چوخ دردیمز وار - ای دردلردواسی
مبارکدور ولادت - تاپوپ (پویا ) سعادت
بو گیجه عیـــــدیانه - ایله بیـــــزه عنایت
یا زینبا یازینبا ولادتت مبارک 2

• چهارشنبه
• 23
• تیر
• 1400
• ساعت
• 13:15
• نوشته شده توسط
• یوسف اکبری

شد گلشــن فصل بهاران
شــاد و خـــرّم دل یاران

بلبل در چمن نغمه خوان - عرش خدا شد چراغان

شب هـــجران سرآمد
ثانـــیِ کـــوثــر آمـد
زهـــرای دیـــگر آمد

اُســوه ی صبــر و وفا
ذکـــــــر دل اولــــیا
یـــا زیـنـــبا زینـــبــا
صفای قلب احمد - زینب آمد خوش آمد

همه محــــــو جـــلالت او
جان بقـــربان عصـــمت او
با قـدومش جهـــان مـــنور
همــه جـــا حرف غیرت او

مریم و سارا فدایش - هزاران حاتم گدایش

گشتــه جـــهـــان منور
آمــد به حیــــدر دختر
بـــر حسیــن یار و یاور

عــــزیـــــزه ی پیـغمبر
حافــــظ دیــن و معجر
زینــــت نــــام حیــدر

صفای قلب احمد - زینب آمد خوش آمد

ترکی

ویر مـــژده اهــــل زمانه
زینب گوز آچدی جهانه

عالم اولوب باغ و گلــشن
عطــر گـــلِ یاس و سوسن

آدی نجـــه گــــوزلدی
محــــبوبـــه ی ازلـــدی
نُطقـــی چو حیدر گلدی

آسمــــــان عشقـــه آی
زهــــرا آنـــاسینـــه تای
حیـــدرون ایــــوینه پای

لطف حیِّ تبارک - سسلن بادا مبارک

بــو بالا غـــــوغا ایده جاقدی
چون علی بت سیندیراجاقـدی

شامیـــــده نُطـــــق عَلَــویـلن
کــــاخ یـــزیدی یخـاجاقدی

سسلن زینبه مرحبـا - شیر زن کرب و بلا

عجب ایدوبـــدی غــوغا
مَحکمـــه اولـــــدی برپا
یـــزیدی ایتــــدی رسوا

زینـــت نـــــام مــــــولا
عصمتــــده مثــــل زهرا
غیرتـــــده همچــون سقا

لطف حیِّ تبارک - سسلن بادا مبارک

• چهارشنبه
• 23
• تیر
• 1400
• ساعت
• 13:24
• نوشته شده توسط
• یوسف اکبری

ای دوشن مشکله صدقیله چاغیر یا زینب

چاغیران صدقیله درمانین آلور یا زینب

جشن میلادیدی عرشه اوجالور یا زینب

هامی شادان زینب _ سنه قربان زینب

شام شهرینده یاتان _ اورگی قان زینب

شیعه لر جانی فدا باب الحوائج آدوا

سال بیزی غم گونی ای غملره مونس یادوا

اَل گوتور خالقه بو دوستلری ایله دعا

سنی قرآن زینب _ ایله احسان زینب

شام شهرینده یاتان _ اورگی قان زینب

دوشسه هر شیعه خانم مشکله سنده گوزی وار

کیم گلیب مجلس میلادوه گیزلین سوزی وار

بیر سفارش ایله مهدی گلیب حتماً ئوزی وار

اودا هر آن زینب _ سولیور جان زینب

شام شهرینده یاتان _ اورگی قان زینب

عید میلاد دوتوبدی سنه ارباب کمال

لطف ائله غملی اورکلردن اولا رفع ملال

ایکی دنیا اولا خواهانوزی فرخنده جلال

تاپا رجحان زینب _ سنه خواهان زینب

شام شهرینده یاتان _ اورگی قان زینب

یاتما غفلتده آچیب فاطمه احسان بابین

یولا سالماز الی بوش حقّه قسم احبابین

صدقله دوت اتکین هم خانم هم اربابین

چکر اوتدان زینب _ سیزی یاران زینب

شام شهرینده یاتان _ اورگی قان زینب

ائله کی قویدی قدم عالمه بو کنز ادب

آتاسیندان ئوزینه زین اب اخذ ائتدی لقب

دوداقین اوپدی قیزیم سسلدی ای شیرین لب

ندور افغان زینب _ اولما نالان زینب

شام شهرینده یاتان _ اورگی قان زینب

عُمروون خوش گونی آزدور نه سبب آغلورسان

زمزم اشکوی رخساره ندن باغلورسان

نیه قارداشون حسینون اورگین داغلورسان

اودا حیران زینب _ باخور الان زینب

شام شهرینده یاتان _ اورگی قان زینب

کنز اسراری هله خوشدی قالا سر بسته

گر چی تیهولریمی من گورورم پر بسته

قاچور آواره بویاندان اویانا هر دسته

گوزی گریان زینب _ اوزی ویلان زینب

شام شهرینده یاتان _ اورگی قان زینب

بالاجا گوزلرون آچ باخ گوزلیم قارداشوا

گور نه حسرتله باخور آخدیقجا گوز یاشوا

آغلاما جان باجی سویلر دولانیم من باشوا

گوزی جیران زینب _ تلی ریحان زینب

شام شهرینده یاتان _ اورگی قان زینب

• سه شنبه
• 5
• مرداد
• 1400
• ساعت
• 11:26
• نوشته شده توسط
• یوسف اکبری

حسین بو عمریدن زینب گلوبدور جانه حیف اولسون
عجب دنیا اولوب سنسیز منه غمخانه حیف اولسون

ازلدن سوز ویروب قارداش بلایه هم قسم اولدوم
سن امضا ایلینده عهدی منده هم قلم اولدوم
گلن گوندن بو دنیایه سنیله همقدم اولدوم
سونوب شمعیم عجب تنهادی بو پروانه حیف اولسون

ئولن گوندن آنام زهرا گوزومده تار اولوب عالم
عذاره گوز یاشون توکدوم باجی قارداشیلن باهم
او گوندن گیمیشم قاره او گوندن دوتموشام ماتم
دوشور یاده یانور قلبیم ایله دورانه حیف السون

آنام ئولدی آتام قالدی او غملی عرصده تنها
ایله گوردوم آدامسیزدی آلوبلار حقّینی اعدا
گیدوب چاهه دیینده دردینی سسلردی یا زهرا
او گوندن آشنالر اولدولار بیگانه حیف اولسون

صیامون بیر گونونده صبح وقتی ناله قوزاندی
نه گوردوم یل قوپوبدور شهریده بیر آیری طوفاندی
بوسس گوردوم گلور قلبیم باجی زهریله دوغراندی
ایویمده محرمیم سالدی منی طوفانه حیف اولسون

او چولدن آیرلاندان غم منه یوللاردا یار اولدی
او باشون عشقی هر یرده منه قارداش عیار اولدی
ایراخ قارداش گوزوندن کوفه آیری بیر دیار اولدی
داش آتدی بیر عجوزه ناطق قرآنه حیف اولسون

شکایت ایلیوم قارداش سنه شامون هاراسیندن
امان قارداش شمادتدن امان بو دل یاراسیندن
یهودی کوچه سینده اود توکنلر دن ، جفاسیندن
بالان یاندی دئدیم بو عابد نالانه حیف اولسون

دچار اولدوخ عجب بو شهریده بیر پست سلطانه
ویروب بو اهل بیته مسکن اولدی شام ویرانه
حسین دلخسته بیمارون سالوبلار بوردا زندانه
گتوردی کُنده و زنجیر اونی افغانه حیف اولسون

خرابه ایچره قیزلارون حسین قلبی کباب اولدی
گونوز صبحی، گجه شامی، بیزه شامین عذاب اولدی
گورنده باشوی طشت ایچره احوالیم خراب اولدی
ئوپوب نازلی دوداقون ئولدی بیر دردانه حیف اولسون

منیم احوالیمی قارداش گورورسن ایمدی گل شامه
یولون گوزلر باجون زینب حسین وار آیری هنگامه
اجل باش اوسته یوخدور بیر کسیم باخ بو سر انجامه
اورکده چوخ سوزوم قالدی قالان عنوانه حیف اولسون

ئولنده هر ئولن ایستر کی چوخ اولسون عزاداری
باجوندا گوگلی ایستور قارداشی اولسون هواداری
منیم بیر خواهشیم واردور گتورمه سن علمداری
خجالتدن کسیلمیش قولّاری عطشانه حیف اولسون

حسین غسّاله گورسه جسمیمی سویلر بو تائب دور ؟
گلوبدور دفنیمه اوغلون سنه سجاد نائب دور
یازون قبریم داشیندا بو خانم ام المصائبدور
گتورموش قمچیلر اعضاسینی القانه حیف اولسون

نیه بو «صادقی» یازدی باجون قارداش گلوب جانه
نه قاسم وار نه اکبرآغلاسونلار بو پریشانه
دئنن قارداشلاریم گلسون حسین شام غریبانه
یورولدوم من بو دنیادن بئله پایانه حیف اولسون

• چهارشنبه
• 6
• مرداد
• 1400
• ساعت
• 20:30
• نوشته شده توسط
• یوسف اکبری

خامه تشبیه ایلدی صفحه نی بیر میدانه
مرغ طبعیم هیجانیله گلوب جولانه

پر آچوب اوج ائلدی بلبل خوشخوان کیمی
صبحدم سالدی ئوزین غصه لی بیر بستانه

نجه بستان کی ئولوب صاحبی گللر سارالوب
بیر گولی گوردی یانور اشکی آخور دامانه

او گلون گلدی کنارینده او دم اگلشدی
نه گوروب آز قالوری عمری یته پایانه

دیله گلدی ادبیله سوروشوب اول گلدن
موسم وصلیده سویله نه گلوب باغبانه

باغبان ئولسه بو مرسومیدی گللر سارالار
نه گلر بلبل او باغه نه گلر پروانه

سوز بورا چاتدی گوروب گل اله دی گوز یاشین
بئله دیل آچدی او دم بلبل خوش الحانه

کربلاده پوزولوبدور بو باغین شاخه لری
یاز دیوم باغیمیزی دوشدی نجه طوفانه

باغبان باغ رسالتده حسینیدی ئولن
کشتی دینیده بنزردی او کشتیبانه

نوحیمی دعوت ائدوبلر او شقی کوفه لیلر
چوخ عجب لطف ائلیوبلر بیله بیر مهمانه

یتیشن وقتیده اوًل سو یولون باغلادیلار
سالدیلار گللریمی خارجی تک زندانه

ظلمیلن نچًه گون اولدوخ او چولون مهمانی
قسم اللًهه او جدًیم گتورن قرآنه

بیر به بیر دوغرادیلار گللریمین شاخه لرین
نه گله رحم ائلیوبلر نه او دم باغبانه

باغبان ئولدی بو گللر پوزولوب آغلادیلار
دستگیر اولدولار اول لشکر بی ایمانه

دئمورم یولدا نه گلدی باشیما سوز چوخدی
ظلمیله کوفه و شام ایچره چکوب هریانه

گه شمادت ائلیوب باشیمیزه توکدولر اود
کی بو ظلمی ائلمز هیچ کسه بیر بیگانه

گتوروب شامیده ظلمیله اسیر ایلدیلر
گللره مسکن اولوب قورخلی بیر ویرانه

بیرگجه گلدی قوناق باغیمیزین باغبانی
باشینی گوردی گوزون آچمادی بیر دردانه

سسلدیم گل بالا یات سینمون اوسته یارالی
پر آچوب گوردوم او دم روحی گئدوب رضوانه

گلدی غساله او دم غسل وئره بو گلومه
تاپمادیم بیر کفن اولسون او تن بی جانه

اوزوم اوز اللریمیلن گلومی دفن ائلدیم
آغلارام یاده دوشنده او گل نالانه

« صادقی » طبعون عجب بیر گولونن سوز آچدی
که دانشدوقجا یانار هم تانیش هم بیگانه

• پنج شنبه
• 7
• مرداد
• 1400
• ساعت
• 12:34
• نوشته شده توسط
• یوسف اکبری

روضه پیغمبره زینب یتیشدی دلغمین
عرض قیلدی گوئیا یا رحمه للعالمین

آند اولا بو قبر پاکه گلمیشم جانه بابا
گور نه احواله سالوبدور اهل بیتی اهل کین

چوللره سالدی بیزی دشمن وطندن ایلدی
عاقبت اولدوخ اسیر لشکر شمر لعین

سوکنارینده بابا قارداشیمی ئولدوردولر
گوز قباقینده اونون سندردیلار بال و پرین

قاسم و عباس و جعفر بیر به بیردوغراندیلار
ارباً اربا ائتدیلر ایستی قوم اوسته اکبرین

قویدولار حسرت ربابی صود امر جیرانینه
ووردولار میداندا اوچ شعبه اوخیله اصغرین

پارچالانمش باشلارین نوک سنانه ووردولار
غارته ال آچدیلار یاندیردیلار مخیم لرین

زینبون قدی کمان اولدی او چولده غصه دن
عمروده اولماز گوره بو ظلمی بیر کیمسه یقین

احتیاجی یوخ دییم گوردون اوزون نه حالیله
عترتون قول باغلی گئتدی شامه ای سلطان دین

بیر یهودی کوچه سینده باشلارا اود توکدولر
عرشه اوج ائتدی نوای عترت حبل المتین

داش آتان کیم اود توکن کیم ال چالان کیم ، بیزلری
چکدیلر بیر مجلسه شربه اولا مثلی چتین

پای تختینده بابا ، قارداشیمون گَتدی یزید
خیزرانیله اشاره ائتدی راس انورین

ووردی ظلمیله دوباره پارچالاندی لبلری
قیزلاری آز قالدی ئولدورسون او یرده اوزلرین

گرچه گلدیم جانه اما تشنه لب قارداشیمون
اول یزید بیحیادن آلدیم آخر کوینگین

دویموشام من آند اولا زهرایه عمرومدن بابا
گل دعا ایله آلا بو جانیمی جان آفرین

گر چه سوز چوخدی ادامه وئرمه « شیدا » مطلبه
یاندی دفتر چکدی بس که خامه آه آتشین

• جمعه
• 8
• مرداد
• 1400
• ساعت
• 11:41
• نوشته شده توسط
• یوسف اکبری

دوشوبدی پیچ و تابه قلم ایستوری یازا بوگئجه
بولود دوتوبدی هوا ایستیور یاغا بو گئجه

ستاره لر سارالوبدی ، آیین حالی دوتولوب
چمنده بلبل خوندل ائدور نوا بو گئجه

غریبه ئولکده زینب جانی گلوب دوداقا
دیور گلیدی الهی حسین بورا بو گئجه

غریب ئولنده گوزی یولارا باخوب اغلار
چوخ ایستیر اولا باش اوسته آشنا بو گجه

علی قیزی دم آخر گوزوندن اشگی آخور
باشیما گرد عزا لیک توکور هوا بو گئحه

جهاندا رسمیدی قارداش گلر باجی یاسینا
هایانداسان گل حسین دوت منه عزا بوگجه

بوکولدی قدیم حسین واللهی غمونده ولی
سن ای عزیز نبی ایله بس دعا بو گئجه

یوخومدی گوزلریمی باغلیان غریبم اخا
یارالی قلبی سیخور باخ بو غم فزا بوگئجه

یامان گونومدی گلین سن ابوالفضیله الان
خدایه یالواریرام گئج اجل چاتا بوگئجه

سه ساله خردا بالام جان وئروب قوجاقیمده
گوزتلیور منی جنتده او مه لقا بو گئجه

سیزلیور اورگیم چوخ دیوبدی دیل یاراسی
الاندا جانیمه دوشموش غم و بلا بوگئجه

باجیلا ، قارداشین ئوزگه محبتی اولار، حیف
قرا باشیزدا گلون مونسیم بورا بو گئجه

گلنده شامه حسین چوخ وروبلار قمچی منه
یواش چک ای گوزلیم اللرون باشا بو گئجه

سینمده کهنه غمیم وار ولی گینه تزه دور
بو دردی درک ائدجک صاحب لوا بو گئجه

او قدری کشمکش ائتدوم کسنده باشیوی شمر
الیمی خنجری کسدی ائدوب یارا بو گئجه

او کسدی باشی قان ایچره چالیخلادین آی حسین
چوخ اینجیدوبدی او ملعون سنی آقا بو گئجه

ساچیم اغاردی یادیما دوشنده اول لحظه
گوزومده اولدی بو دنیا ولی قرا بو گئجه

گل ای اخا ئولورم جان گلوب چاتوب دوداقا
بو غربت ائلده چیخور جان یوخوم دوا بوگئجه

"خدایی " گوزلریوین یاشی اخدی صورتیوه
سنه خانوم ائده بیر دفعه ده دعا بو گئجه

• جمعه
• 15
• مرداد
• 1400
• ساعت
• 20:49
• نوشته شده توسط
• یوسف اکبری