اشعار حضرت ابالفضل(ع)

آدی ای زینت تاریخ بشر قارداش اویان
اوزی هر عرصه ده عنقای هنر قارداش اویان
ایلیمه طایفاما رخشنده قمر قارداش اویان
اولوب آفاق امیدیم نه دومانلی گوزون آچ
الورم لطف ایله بیر یولدا اوقانلی گوزون آچ

باخورام دوره مه احساس خطر ایلیورم
سنه اسراری بو اثناده خبر ایلیورم
سفر اسبابی مهیا دی سفر ایلیورم
الوب اکبر بالام الدورمه سه لر ده الورم
سنی سالدیم یولا آردینجا اوزیمده گلورم

بویوروب غم توزی میداندا برادر گوزومی
غم هجرانوا یوخ قلبیمین آخر دوزومی
دلیم آغزیمدا دولانمور دانیشام هر سوزومی
گل اوزون نطقه گوزل نطقوه قربان دانیشاق
منه قارداش دی جوابینده دیوم جان دانیشاق

باتوب امیدیمون آفاقی نون آیدین قمری
توکولوب تپراقا اشجار حیاتین ثمری
سنوب عباس گورورسن که حسینون کمری
بلیمین قوتی یوخدور من ایاق اوسته دورام
اورگیم یاره دی قویمور باشون اوسته اوتورام

• جمعه
• 22
• مرداد
• 1400
• ساعت
• 11:32
• نوشته شده توسط
• یوسف اکبری

بو گجه خلقتین آفاقینی ماتم بورویوب
بو گجه عالم امکان اورگین غم بورویوب
بو گجه کرب و بلا منطقه سین چم بورویوب
بو گجه نهر فراتین یولونی باغلادیلار
بو گجه حضرت زهرا اورگین داغلادیلار

بو گجه دشت غم افزا ده اسوب باد بلا
بو گجه یر دن اوجالدی گوگه فریاد و نوا
بو گجه صبحه کمین یاتمادیلار آل عبا
بو گجه غم بولوتیندان یری غم چولقالیوب
بو گجه غملری زینب اورگینده قالیوب

بو گجه کفریله ایمان آرا وار جنگ و جدل
بو گجه نوریله ظلمت قوشونی ایلور عمل
بو گجه حضرت عباس حسینه وروب ال
بو گجه لیل حماسه بو گجه لیلهء جنگ
بو گجه عرصه نی عباس ایلیوب لشگره تنگ

بو گجه خیمه ده اظهار عطش بر پادی
بو گجه نهر فرات اوسته بیوک غوغا دی
بو گجه اکبر لیلا حرمه سقا دی
بو گجه رزمگه عشق ده شیر ازلی
بو گجه ال اله ورمیشدی ابوالفضل و علی

بو گجه اصغره گهواره ده آغلوردی رباب
بو گجه زینبین الله اورگی اولدی کباب
بو گجه لیلی بیچاره نجه ایلدی تاب
بو گجه صبح قیامتدن علامت واردی
بو گجه خیمه ده بیر آیری قیامت واردی

بو گجه وحشته سالمیشدی چولی قوم بخیل
بو گجه هر بالا بیر یاندا پریشان و کسیل
بو گجه لیلی نی عباسه علی سالدی دخیل
بو گجه یاندی ایکی اودلی اورکلر آلشوب
بو گجه نچه ائلین لالی آچوب دل دانشوب

• جمعه
• 22
• مرداد
• 1400
• ساعت
• 12:17
• نوشته شده توسط
• یوسف اکبری

کوفه دن زیاد اوغلی گوندروب کربلایه بیر نامه یا حسین
قاردشیم ابولفضلی ایستوری عازم ایلسون شامه یا حسین

خیمه لر قباقینده شمردون گورنه نوعله ایلوری صدا
هاردادورباجیم اوغلی بس گلوب کوفه دن گلن نامه سین آلا
ایلیه یزید امرینی قبول تا حیاتی وار بی زوال اولا
قارداشیم ابوالفضله دی وره بیرجواب او ب نامه یاحسین

ایلدی حسینه بو سوز اثرسسلدی ابوالفضلی محضره
گیت بویوردی ای بدر کاملیم اول امیر وسالار لشکره
گرسن اولسان اولماز ایدن جفا بیر نفر عیال میگیره
نطقه گلدی سقای کربلا وار دیدی نه برنامه یاحسین

عرض ایدوب ایاشاه کربلاقارداشون اولاجانوا فدا
آشکارا ایله دلده مطلبون تا گوروم مرامون ندوراخا
دیموسان مگرقارداشوندان ای شهریارمن ایلوسن رها
قطعه قطعه اولسامدا گتمرم آند اولابوایفامه یاحسین

من بو دینی دنیایه ساتمارام محکم ایلرم دین پایه سین
ورمرم الیمدن بو منصبی حق ایده منه قطع سایه سین
رد ایده جوابین ویا سالانطقدان بیانین او آنیده
گستره حسینه وفاسینی سیر ایده اوهنگامه یا حسین

• جمعه
• 22
• مرداد
• 1400
• ساعت
• 18:26
• نوشته شده توسط
• یوسف اکبری

ادب گوگینده هلالیم عباس
چوخالدی درد و ملالیم عباس
الیم الیمدن اوزولدی قارداش
داغلدی بیر یول جلالیم عباس

امیدیم عباس پناهیم عباس
منیم شجاع سر سپاهیم عباس
سینوب حصاریم ایلیم تباریم
یگانه حق دور گواهیم عباس

گوزون ابوالفضل یولیمده قالدی
آدون بو غملی دیلیمده قالدی
سن الدون عباس دوتام گرک یاس
الیم اگیلمیش بیلیمده قالدی

سنون سو مشکون جالاندی قارداش
غمون غم اوسته قالاندی قارداش
بیله بولردیم اوزوم الردیم
ایویم سن الدون تالاندی قارداش

دوشوب اگر چه قولون ابوالفضل
صاقون ابوالفضل صولون ابوالفضل
بو چولده یاتما گوزوندن آتما
رقیه گوزلور یولون ابوالفضل

وفالی قارداش بو نوعی یاتماز
عیال و اهلین گوزیندن آتماز
سارالما سولما خجالت اولما
دیسم اوز اوغلون رباب اویاتما

سن آیری بولمه منی اوزوندن
دویام چتیندی شیرین سوزوندن
یوخوم وسیله امامیم ئيله
ور اذن قانی سیلیم گوزوندن

جانیم ابوالفضل گوزوم ابوالفضل
دیلیمده شیرین سوزوم ابوالفضل
چمنسچمنسیزوم گلومطنسیز
نه نوعی سنسیز دوزوم ابوالفضل

یتیر سن السن ایشیم تمامه
دونور گجم تک گونوم ده شامه
اسور ایاقیم دیلیم دوداقیم
دور ای دایاقیم گیداخ خیامه

• جمعه
• 22
• مرداد
• 1400
• ساعت
• 18:38
• نوشته شده توسط
• یوسف اکبری

نهر القمین سویونان واردی اولماسین گلایه
قسمت اولمادی ندن بس اهلبیت مصطفایه

گون حرارتین هوادن دمبدم یره شاخوردی
سانکه بیر قیامتیدی ایستی یاندیروب یاخوردی
قیزلار العطش دیوردی چوللره سولار آخوردی
لعن حق اولیدی ای کاش ابن سعد بی حیایه

شمر نابکار و ناکس ظاهر اولدی کربلاده
ابن سعدلن وروبدور ال اله او پست زاده
هر ایکی شقی، حسینه ظلم ایدوبله فوق العاده
حرمت اولمادی خلاصه سبط ختم الانبیایه

دوت مینه یاخین قوشوندان قویدولار سویا نگهبان
اوچ گجه گونوز حسینین قالدی اهل بیتی عطشان
شاه کربلاده قرآن ذکر ایدوردی آیه آیه

اذن جنگ آلبدی حاصل صاحب لوا ابوالفضل
سالدی رزمگاهه جان تا مرد با وفا ابوالفضل
ایلسین کرم الیلن دتلره دوا ابوالفضل
سیندریب قوای کفر دین حقّه ویردی پایه

قان جوشوب دامارلاریندا پور شیر کردگارین
بیر بیره قارشدی لشگر اویناداندا ذوالفقارین
شاهباز بی امان تک بوینونا مینوب شکارین
مرحبا هزار احسن عشق علی مرتضایه

سرنگون اولوب عَلَم لر سیندی دشمنین قواسی
تشنه لبلرین تاپولدی سانکه دردینین دواسی
اوندا مختصر آزالدی اهل بیتین آه و واسی
گوردولر فشار جنگی گلدی دشمن آه و وایه

ساقی بنات زهرا آلدی عهدیه جمادی
همت مضاعفیندن دللره دوشوبدی آدی
ایندی ده تسلط ایلوب هر دیاری هر بلادی
کویینه گلور مسیحی ارمنی لر التجایه

نقشهٔ ایکی جهادی صفحهٔ دله چکبدور
دوردی حق طرفده خطی اهل باطله چکبدور
کشتی نجاتی گویا اوندا ساحله چکبدور
ویردی نهره حق لواسین باخ محبت و وفایه

بیر بیله وفالی قارداش بیرده روزگاره گلمز
مثلی روزگاره ای دل گیتدی دای دوباره گلمز
فکرینه قوشون قلج اوخ نیزه کاری یاره گلمز
عاشق خدا یتوردی عشق پاکین انتهایه

سالدی چیگنینه سو مشگین چخدی نهردن لب عطشان
قالماسین دیدی رقیه م خیمه گهده دیده گریان
راضیم اولار بو جانیم جان جانستانه قربان
منده قارداشیم حسین تک ورمیشم رضا قضایه

اهل ظلمت ایستیوردی ساخلاسین نهاندا نوری
بی شعورلر آیرسین بلکه شورلن شعوری
سالدی ساقی حرم تا نخل زاردن عبوری
اولدی روبرو بیر عده اهل کین اشقیایه

ویردی بیر شقی قلنجین مخفیانه بیر قولوندان
چون یازیر یازی یازانلار صاق قاباخ دوشوب صولوندان
آرخالاندیلار دوباره کچمدی عدو یولوندان
نوفَلین عمودی فرصت ویرمدی او بینوایه

دوشدی قولاری سینوب باش پیکری بویاندی قانه
جور و ظلملن سو مشگی اوخلارا اولوب نشانه
داده سسلدی حسینی قلب زاری یانه یانه
گل دیدی یامان گونوم دور هارداسان یتیش هرایه

نوحه یاز مدام"امینی" سنده آغلا یان حسینه
دقت ایله یر گوی آغلور آغلور انس و جان حسینه
آغلا آغلا دردون اولسا قیل اوزون بیان حسینه
غرقدور حسین ازلدن رحم و رحمت خدایه

• جمعه
• 22
• مرداد
• 1400
• ساعت
• 19:21
• نوشته شده توسط
• یوسف اکبری

رواقون باصفادور یا ابوالفضل
آدون درده دوادور یا ابوالفضل
اوزون باب الحوائج ور نتابج
الون مشکل گشادور یا ابوالفضل

وزیر پر تلاش شاه محشر
قوای دینه اولدون میر لشگر
اوزون سرباز قرآن خلقه سرور
سنه چوخلار گدادور یا ابوالفضل

ابوالفضل ای علی نین یادگاری
حسینین نهضتی نین اعتباری
یازار دائم "امینی" بو شعاری
ایشوندن حق رضادور یا ابوالفضل

• شنبه
• 23
• مرداد
• 1400
• ساعت
• 15:51
• نوشته شده توسط
• یوسف اکبری

دور ای علمداریم اویان ابوالفضلیم
وفالی سرداریم اویان ابوالفضلیم

(برگردان)
بیله یاتما قارداش منی آتما قارداش
پوزولدی پرگاریم اویان ابوالفضلیم

اویان آرخام ایلیم سینوب آخر بیلیم
منیم ای سوگلیم اویان ابوالفضلیم

الوبدور اکبریم داغلدی سنگریم
امیر لشگریم اویان ابوالفضلیم

دومانلی دور باشیم قان اولدی گوز یاشیم
وفالی قارداشیم اویان ابوالفضلیم

قوشون آلدی یولون کسیلدی صاق صولون
قلم اولدی قولون اویان ابوالفضلیم

هوادن گون شاخور قزل قانون آخور
بو شام اهلی باخور اویان ابوالفضلیم

الوندن اهل کین سالوب دین بیرقین
یل ام البنین اویان ابوالفضلیم

اورکده وار سوزون بیان ایله اوزون
آچ او قانلی گوزون اویان ابوالفضلیم

هدف سن اوخلارا واریندور چوخ یارا
گونوم اولدی قارا اویان ابوالفضلیم

آدین اولموش اینان منه ورد زبان
بیله یاتما اویان اویان ابوالفضلیم

منه سن یاریدون ایله غمخواریدون
سپه سالاریدون اویان ابوالفضلیم

بالالار الامان چکور ایلور فغان
اورکلر اولدی قان اویان ابوالفضلیم

"امین" ایلور نوا سنه صبح و مسا
دیور ایوای آقا اویان ابوالفضلیم

• شنبه
• 23
• مرداد
• 1400
• ساعت
• 16:04
• نوشته شده توسط
• یوسف اکبری

گوردی گوزی دنیانین رخسار ابوالفضلی
گوزلوردی نه مدتدی دیدار ابوالفضلی
فاخر لباسین گیمیش فخریله ایدور شادی
شاد ایلوری سیماسی گلزار ابوالفضلی

اولدوزللر افقلاردان دورموشلا تماشایه
گون نورینی پخش ایلور اولدوزلارا هم آیه
سالدی او گوزل مولود دنیا یوزینه سایه
آفاقیده گورسندی انوار ابوالفضلی

حیدر ایوی عباسین نوریله ایشقلاندی
انوار امامتلن یردن گوگه پارلاندی
بیر نور، او ایکی نورین باشلارینه تولاندی
جذب ایلدیلر نور دوار ابوالفضلی

اولدی آنادان یار و غمخوار شه محشر
شاد اولدی هامی ایللر مخصوص دل حیدر
آغوشه آلیبدور اوز دلبندینی اول سرور
کشف ایلدی هر سرّ و اسرار ابوالفضلی

آنیندان اوپوب مولا قیلدی یوزینه ایما
دقتله باخوب گوردی گوز آچمور او مه سیما
سسلندی حسینیم گَل گلدی سنه رهپیما
ثبت ایله رموزات رفتار ابوالفضلی

مولا سسینی آلجاق سرعتله حسین قاچدی
بیردن دیدی جان قارداش گُل سینه سینه ساچدی
عباس ده یوموشدی شهلا گوزینی آچدی
دل ورمشیدی تاپدی دلدار ابوالفضلی

عباسه حسین باخجاق مهرین کاساسی داشدی
حدیندن حسابیندن جوشدی داشیب هم آشدی
سویلوب بابا قارداشیم چوخ سوملی قارداش دی
بولدی اوزینه مطلق انصار ابوالفضلی

وصلت گلی آشقیندور گلزار محبت ده
ایکی گوزل اگلشمیش بیر محفل وحدتده
عباس اوجالوب قاف طاعتده عبادتده
آیینه حق گوردی ایثار ابوالفضلی

• یکشنبه
• 24
• مرداد
• 1400
• ساعت
• 14:21
• نوشته شده توسط
• یوسف اکبری

ای شرف ارکانی ابوالفضل آقا
تشنه چخان جانی ابوالفضل آقا

گورمیوب عالم گوزی گورمز داخی
سن کیمی سقانی ابوالفضل آقا

چاتدی الون نهره ولی ایچمدون
آب فراوانی ابوالفضل آقا

نفسوی الدوردون او هنگامه ده
ورمه دون امکانی ابوالفضل آقا

عشقوی عالملره وردون نشان
عاشق یزدانی ابوالفضل آقا

باشیوین اوستونده دوروب آغلادی
کربلا سلطانی ابوالفضل آقا

ایسته دی درگاه خدادن سنه
رتبهٔ شایانی ابوالفضل آقا

باب الحوائج دیدولر آدیوه
قوم مسلمانی ابوالفضل آقا

درده گرفتار اولان هر کمسنه
سنده دی درمانی ابوالفضل آقا

گوزلموسن گوزلرون اوسته اودور
شاه شهیدانی ابوالفضل آقا

سنده چاغیر نسخه یازان وقتیده
دادیوه لقمانی ابوالفضل آقا

کرب و بلا شاهی کرم کانی دور
عصر سلیمانی ابوالفضل آقا

کیم سیزه دردین دیسه درمانی هم
دکتری مجانی ابوالفضل آقا

ای افق قوم بنی هاشمین
ماه درخشانی ابوالفضل آقا

الده "امینی" سیزه عرضین یازیر
واردی چوخ عنوانی ابوالفضل آقا

• یکشنبه
• 24
• مرداد
• 1400
• ساعت
• 18:41
• نوشته شده توسط
• یوسف اکبری

علمدار اوستونه پیکان توکولدی
دگوب هر اوخ یریندن قان توکولدی

او قان که قان دگول جان جهاندور
او قانه مشتری پیر مغاندور
او قان بیر سّردور سرّ نهاندور
بیلورسوز سیز او قان هاردان توکولدی

او قانیلن اولوبدور زنده مصحف
او قانون صاحبی اولدی مکلف
ائدوب موسی ایچون کشف ان اُعرف
کلیم اللهیدن عرفان توکولدی

او وقته پرچمی اولموش محرک
وجودین ایلیوبدور اوخ مشبّک
او جسم نازنینون عضوی تک تک
یره چون لؤلؤ مرجان توکولدی

سجاوند اولدی قرآنون وجودی
اولوبدور قطعه قطعه تار و پودی
پریشان ائتدی خلاق ودودی
مشبّک عضو اولوب شان شان توکولدی

دگوب اوخ پارچالاندی صدر سینه
یتوبدور صدمه قرآن مبینه
او بحران وقتیده روی زمینه
مه و خورشید بحُسبان ، توکولدی

قباقینده گوروبدور پیک مرگی
هواده برق ووردی اوخ تگرگی
سینوب خولاندی سروُن شاخ و برگی
گلستانه گل خندان توکولدی

جبینینده بیر اوخ باب غم آچدی
قاچان لشگر دوباره پرچم آچدی
ساچین زهرا یولوب باش مریم آچدی
کأنه کعبیه قرآن توکولدی

گوروب سیر وسلوک عشقی سالک
دوروب تلّ اوسته یوم الدینه مالک
یره نازل اولوب گوگدن ملائک
دالیجان ناهید و کیوان توکولدی

گورونمز بیر یقین سوزدور که یزدان
مکان کرب و بلانی ائتدی سبحان
ائدوب الله او دشتی نور باران
یر اوسته جلوه سبحان توکولدی

یره گلدی آت اوستن پیر دانا
آچیلدی پرچم انا فتحنا
بو فتحه شاه اولوب مسرور و بینا
منایه ورد الرحمن توکولدی

باخان اول پیکری شان شان گوروردی
وجودین تیریله پیکان گوروردی
بدن یوخ پارچا پارچا قان گوروردی
یره پیکان و قان و جان توکولدی

جفا سیر ایلیوبدور پایه پایه
بلا دشتینده یتدی انتهایه
پراکنده زمین کربلایه
حروف ابجد یزدان توکولدی

صدا ائتدی او دم پیر مغانی
غرض سو تک سپوب تپراقه قانی
فدا پیرینه وئردی باش و جانی
قصاصه فرقه عدوان توکولدی

منه استاد" شمس " اردبیلی
اولوب استادینه" بیضا " طفیلی
اله سالدی صفات بی بدیلی
گوروب هر دردینه درمان توکولدی

• چهارشنبه
• 3
• شهریور
• 1400
• ساعت
• 17:49
• نوشته شده توسط
• یوسف اکبری

ال گیدوب علم سرنگون اولوب
قارداش ال تاپوب اشقیا منه
دستگیرم اون یدّی کافره
لطف قیل شه کربلا منه

باش یارالی قان آخدی سو کیمی
هر ایکی گوزوم دولدی قانیلن
چاک چاک حسین اولدی پیکریم
تیغ و تیریلن هم سنانیلن
قالمیوب داخی قدرتیم منیم
ایلیم جدل شامیانیلن
پیکریم داخی پایمال اولوب
کوفیان وروب چوخ یارا منه

وردولار زبس خنجر و سنان
یخدیلار منی بو عقابیدن
کثرت یارا شدت عطش
سالدی قلبیمی صبر و تابدن
ای ابوتراب اوغلی گل گوتور
قانلی نعشیمی بو ترابدن
یاره لر سالوب نطقدن منی
ایلوب اشقیا چوخ جفا منه

صف بصف آلوب دوره می قشون
مشگل امریدور خیمیه گلم
باغلانوب داخی چاره یوللاری
باش سنوب اولوب قوللاریم قلم
نیلیوم یتوب جان دوداقیمه
قورخورام یوزون گورمیم الم
هر او قدر سس گلدی سسلدیم
سنده لطف قیل ویر صدا منه

ویر سکینیه حالیمی خبر
تکمه سون داخی یوللارا گوزین
مشگیم اوخلانوب آخدی سو یره
کشف قیلماسون برده سو سوزین
سو کنارینه یخدیلار سوسوز
کوفیان حسین سقانون اوزین
چکمه سون داخی انتظاریمی
یوز ویروبدی بیر ماجرا منه

ایتدیلر بهانه سو مشگیمی
الده بو گروه ستم شعار
وردولار اوخ اوستن اوخی منه
قالمادی وجودیمده اختیار
آخدی قان ز بس گیتدی طاقتیم
سلب اولوب داخی قلبدن قرار
سالدیلار آت اوستن یره حسین
آچدی ال بو قوم دغا منه

روز و شب سنه خدمت ایلوری
نوکرون شهاب ای شه جهان
عمرونی ویروب باشه صدقیله
ایلیوب منه خدمتین عیان
سنده ایسته حقدن بهشتده
روز حشر ویرسون اونا مکان
اولسا جرمی نصفین سنه گذشت
ایلسون او نصفین خدا منه

• جمعه
• 5
• شهریور
• 1400
• ساعت
• 11:29
• نوشته شده توسط
• یوسف اکبری

ای كه خاك قدمت سرمۀچشم تر من
كن قدم رنجه بیا پای بنه بر سر من

خانه زاد توأم ای سرور اقلیم وجود
افتخار است بگویی تو اگر نوكر من

مرتضی از نجف آمد، تو هم از خیمه بیا
كن خلاص از غم حسرت دل غم پرورِ من

حسرتم بود نبود ام بنینم به كنار
مادرت فاطمه آمد عوض مادر من

رو به سوی تو و چشمم نگرانِ ره تو
دم مرگ است، بیا و بنشین در بر من

دستم افتاد و نگون گشت علم غرقه به خون
واژگون گشت ز مركب چو علم پیكر من

ای پناه همه مظلوم ز پا افتاده
وقت آن است كه دستی بكشی بر سر من

دستگیر همه وامانده، بیا دستم گیر
از ره لطف، فشان آب بر این آذر من

نگران توأم ای شاه كه جان بسپارم
خنجر قاتل دون آمده بر حنجر من

شاهبازت به كف كركس دون افتاده
دست تقدیر بر افكنده ز تن شهپر من

می نمودم به سوی خرگه سلطان پرواز
كوفیان گر ز ره كینه بكند پر من

بجز از دیدن وجه الله باقی رویت
آرزوی دگری نی به دل مضطر من

نام تو در لب و، بر خاك همی مالم رخ
می نویسد به زمین نام تو چشم تر من

دادن دست به عشقت چه لیاقت دارد
ای به قربان تو بشكسته سر ای سرور من

من (حسینی) نسبم، چشم به دست كرمت
خالی از قول اباطیل رود دفتر من

همه عمرم، به تو من گفته ام آقا، مولا
از ره لطف بگو نوكر من ، چاكر من

• یکشنبه
• 7
• شهریور
• 1400
• ساعت
• 12:25
• نوشته شده توسط
• یوسف اکبری

بو جبینمدن دگن اوخ پیک وحدتدور منه
باشیم اوسته سیّدی گلسن عنایتدور منه

سرسپاه شهریار عشق پاداش آختارور
قان دولان گوزلر سنی هرلحظه قارداش آختارور
ظلمیله اون یدی ظالم بیر سینان باش آختارور
چوخ يوبانما بو يوبانماق چوخ اذیّتدور منه

بو قفس چوخ اولدی مرغ روحيمه ننگین و تنگ
منده یوخ قدرت اولوب دشمنلريم تشویق جنگ
اوستومه گویدن یاغور باران ذوبین و خدنگ
دشمنه زائیدهٔ عشرتدی، حسرتدور منه

تا علمدارین سسین آلدی امیر نه قباب
شرق مخيمدن طلوع ایتدی بسان آفتاب
سرعتیله گلدی قارداش باشی اوسته باشتاب
سسلدی ای سرو قامت، دور قیامتدور منه

روز روشن گوزلریمده تار اولوبدی چون شبه
دور ایاقه یاتما آل الله دوشوب تاب و تبه
کوفیه گیتماق مسلم اولدی ایمدی زینبه
چون بو صحراده شریک درد و محنتدور منه

قانیله مستور اولوبدور هاله تک زیبا یوزون
نطقه گل قويما قالا قلبونده واردی گر سوزون
اوای منه آماج پیکاندور یارالی صاق گوزون
- روحيمون ایذاسينه بو غم کفایتدور منه

کربلا سقاسی گوز آچدی گوروب قارداشینی
صورتين پاک ایلیوب آلموش دیز اوسته باشینی
توکدی حسرتله یوزه قانه دونن گوز یاشینی
عرض ایدوب شاها عجيبه بیر سعادتدور منه

خوشه ممکن اولمادی تا نخل خدمتدن دریم
پیشوازه گلمدیم، بیجان اولوبدی پیکریم
پیشواز ایتدی ولی یولدا کسلميش الكريم
وای اولا سرلشکر شاهم حقارتدور منه

بیله بولمه خدمتیمده من بو گون ایتدیم قصور
سو یولون گوردوم دوتوبدور ظلميله قوم شرور
شور عشقیله فراته ایله دیم فوراً عُبور
مرتضی ارثیه سی قارداش شجاعتدور منه

من عرق ریزان و مجروح و سوسوز لعل لبیم
گون ترخم ایتمیوبدی یاغدوروب نار جهيم
اسدی بیر نهر فرات اوسته سرین دلکش نسیم
دیزلریم سست اولدی گوردوم ضعف شدتدور منه

الشكر اشراريدن خالی گورنده دورهمی
سو نسیمی قلبدن پاک ایلهدی زنگ غمی
نصب قیلدیم من فرات اوستونده قانلی پرچمی
شدت سوز عطش گوردوم زیادتدور منه

بی اراده اللریم ایتدی اراده سوی سو
سو گوتوردوم گوردوم امّا یوخ سودا بیر آبرو
من ایچم سو قالسون عطشان کودکان ماهرو؟
حدس ویردیم عالم امکاندا رخوتدور منه

بیر سویا حسرتله باخدیم بیرده نهر علقمه
بیرده نهر اوسته اسن دلکش سسیله پرچمه
بیر قولاق ویردیم ایدیردی اهل کوفه همهمه
مشکی دولدورماق اودور بولدوم غنيمتدور منه

مشکی دولدوردوم او دور که عزم قیلدیم مخیمی
چیگنیمه سالدیم سومشکین گوتدوم الده پرچمی
ایستیردی مشکه اوخ دگسین دوتاردیم سینه می
چونکه مشکیم روح طاقت، تاپ و قدرتدور منه

الشكر اهلی گولدولر قلبیمده حس رشکیمه
قلبيمون قانین قاتوبلار ظلم آليله اشگیمه
ویر میوبلار سینهمه اوخ ويردولار سو مشگیمه
خجلتیمدن چاره می بولدوم شهادتدور منه

مشکیمه اوخ دگدی اعدايه حمایت ایله دی
سرسپاهی پیشگاهوندا خجالت ایله دی
سجده گاهیمدن بیر اوخ ناگه اصابت ایله دی
و پیک وحدتدن اودور گوردوم اشارتدور منه

تخم حيرت قلب لشکرده حسینیم اکمیشم
سینه ده اوخ باشیمی فوراً اشاقه اگمیشم
دوشدی عمّامم يره امّاخدنگی چکمیشم
هامی ساعتدن چتین قارداش او ساعتدور منه

گلستان عشق و امیدیم او ساعتدن سولوب
قان جبينمدن آخوبدی کاسه چشمیم دولوب
قوی دیوم واضح باشیمدا ظلم اليله کُرد اولوب
قلبه تأثیر ایلین امّا شماتتدور منه

بو جفائیله حسین، دوشدوم ستمله غرق خون
واردی یادونده ولی مخیمده اولدوق قول بویون
نه آليم وار نه قولوم سال بوینوما بیرده قولون
چوخ یاخین هر لحظه جام پیک رحلتدور منه

قولارين آچدی او دمده نور عين بوتراب
ماوراء جوده گورسندی حال انقلاب
قول بویون اولد بلا دشتينده ماه و آفتاب
آی دیوب ای گون چوخ آرتوخ بو محبّتدور منه

دوردی شه حسرتله ایتدی ناگهان عزم خیم
گوردی قارداشی گلور، زینب، اولوبدور غرق غم
سینه سینده واردی اوخلی مشگیله قانلی علم
عرض ایدوب قارداش بو حالون چوخ صعوبتدور منه

ای حسین ابن علی ای هادی دین خدا
(هادیه) بذل ایله بو ایل بیر برات کربلا
مطلع شعری فرات اوسته اونون تکرار اولا
بو جبینیمدن دگن اوخ پیک وحدتدور منه

• یکشنبه
• 7
• شهریور
• 1400
• ساعت
• 14:28
• نوشته شده توسط
• یوسف اکبری

اَلده سو جامی تیکوب گوز آل حیدر مشکیمه
رحم ایدون اوخ وورمیون ای قوم کافر مشکیمه
ایچسه اصغر سلسبیل اولماز برابر مشکیمه

ناله ی اَلمائیله دولموش خیام طاهرات
شدّت سوز عطشدن عشّ ایدوب خوردا بنات
نه روادور چوللره دریا کیمی آخسون فرات
سو دِیوب یانسون باخاندا آل حیدر مشکیمه

ایلیوب سوز عطشدن آل علی قلبین کباب
بیر سودان چخمش بالیق تک اصغر ایلور اضطراب
اَلده بوش پستانلاری لای لای دیور بی کس رباب
ایلوری امّیدوار اوغلون او مادر مشکیمه

بسکه اوچ گوندور سوسوزدور آغلاماقدان خسته دور
گورسه هر کیم حالینی سویلر یقین جان اوسته دور
چون حیاتِ اصغرِ عطشان بو مشکه بسته دور
یِر یوزین دولدورسا سو اولماز برابر مشکیمه

العطش صوتین ایشتمورسوز اَیا قوم نفاق
ناله ی آل پیمبردن دولوب دشت عراق
بیر بو مشکه گوز تیکوب هشتاده دین عورت اوشاق
راضیم قربان اولا بو باش بو اللر مشکیمه

جسمیمه یوز مین وورولسا نوک پیکان راضیم
دیده ی پر اشکیمی دولدورسا گر قان راضیم
مشکیمه اوخ دگمسون ای قوم عدوان راضیم
اوخ دگوب اولسون سپر بو دیده ی تر مشکیمه

خیمه ده خوردا اوشاقلار جام اَلنده تشنه کام
گوز تیکوب میدانه گوزلوللر بو سو مشکین تمام
کیم ایدوب آب حلالی فاطمیّاته حرام
منتظردور اشکیله مملوّ گوزلر مشکیمه

یار و انصاری حسینون جان ویروب یکسر سوسوز
دوغرانوبدور قاسم و ناکام علی اکبر سوسوز
اولمیون راضی جماعت جان ویره اصغر سوسوز
بسته دور بو غملی چولده عمر اصغر مشکیمه

گوشه ی غربتده (سعدیِ زمانم) اشکبار
اهل بیتیندن اوزاق، پوزقون، پریشان، دلفکار
انتقام ظالمه منده گوگلده انتظار
گوز تیکوبدور ظلمدن دلتنگ نوکر مشکیمه

• یکشنبه
• 7
• شهریور
• 1400
• ساعت
• 16:17
• نوشته شده توسط
• یوسف اکبری

زینب گلون که قافله سالاریم آیریلور
چوخ غم ویروبدی یوزمنه سرداریم آیریلور

راحت یاتانماسوز داخی راحت یاتار عدو
قالدیم من آر خاسیز باجی سرداریم آیریلور

آلدی صحابه سیندی قوشون قالموشام وحید
یوخدور کمک بو چولده مدد کاریم آیریلور

آماده اگلشون که اسیر اولماقوز یتوب
میدانه عزم ایدوبدی علمداریم آیریلور

بی اختیار ابر کیمی گوزیاشیم آخار
ایمدی که نوردیدهء خونباریم آیریلور

گیتدی ایلیم بوکولدی بیلیم بیر امید یوخ
عباس نامدار و فاداریم آیریلور

بوندان صورا جری اولاجاق اشقیا منه
دعوا گونینده تیغ شرر باریم آیریلور

یوخ بیر نفر اورکده کی دردی دیوم اونا
آرام قلب و محرم اسراریم آیریلور

بلبل کیمی سکینه گرک ناله ایلسین
گلشن پوزولدی چون گل گلزاریم آیریلور

هر کیمسه (مضطر)آغلیا باب الحوایجه
روز جزا بیوردی عزاداریم آیریلور

• سه شنبه
• 9
• شهریور
• 1400
• ساعت
• 11:12
• نوشته شده توسط
• یوسف اکبری

اهلِ شامون یادلاریندیدی هنوز
ایلمشدی نه هنر، بوندان بروز

گوردیلر بیر گون تمامی شیخ و شاب
بیر جوانِ نامدار، اوزده نقاب

چخدی صفدن خارجه او صف شکن
سِنّی اولمازدی فزون اون یدّیدن

تا مبارز ایستدی اول نوجوان
گلمدی میداننه بیر پهلوان

سطوتی اولموشدی واضح لشکره
هیبتی سالمشدی وحشت دللره

واریدی دشمن صفنده بیر نفر
ابنِ شعشعاء آدلی، گردِ نامور

یوز دوتوب ابنِ ابی سفیان اونا
بولدی بو امری زِ بس آسان اونا

امر ایدوب قوی عرصهء جنگه قدم
بو جوانین تیز، وجودین قیل عدم

سویلدی لشگر بولور یکسر منی
رزمده مین آتلیه همسر منی

اولماز آیا بو منیم چون عار و ننگ؟
ایلسم نورسته بیر طفلیله جنگ

وار علاوه یدّی اوغلوم، نامدار
هر بیری مرد افکن و خنجر گذار

ایندی گوندرّم بیرین میدانه من
جزئی بیر رزمه اودور اَولی، نه من

اوّلی گلدی ایچوب جامِ اجل
سسلدی دورما ایکیمجی سنده گَل

هر بیری گلدی دوشوب آتدان یره
ملحق ایتدی یدّی سنده بیر بیره

چکدی چوخ طول، هر یدّی نفر
آز زماندا دوزخه ایتدی سفر

ابن شعشعاء گوردی، اولدی کار، زار
ایلدی غیظیله عزمِ کارزار

کین اوزیله باغلادی محکم بلین
ئولدوره اوغلانلارینون قاتلین

بغض و کین اولدی سبب، گلدی جسور
شیرِ هیجا رزمنه، کلبِ عقور

ویرمدی مهلت حریفِ نامور
ایلسون میداندا اظهارِ هنر

ایتدی اوّل حمله سینده سر به زیر
دوندی یدّی سگّز اولدی ناگزیر

ایتمدی جرأت داخی بیر جنگجو
اولسون اول جنگی جوانه روبرو

پس علی المرتضی، میرِ هدا
اول شجاعت معدنین، قیلدی ندا

تا کنار ایتدی جمالندن نقاب
ابرِ ظلمتدن گوروندی آفتاب

گوردولر مهرِ جهان آراسیدور
اوز دلاور اوغلی، اوز عبّاسیدور

دوشدی یکسر دوست و دشمن حیرته
پهلوانلار مات اولوب بو قدرته

مطلبیم هاردیدی گور گیتدی هارا
هاردا باشلانمشدی سوز، یتدی هارا

ایتسه توفیقین منه خلّاق، یار
خامم ایلر دفتر اوسته دُر نثار

اولماسا اوندان توجّه مختصر
کوشش و جدّیتمده نه اثر

ایلرم بیر بیله سعی و اهتمام
تا بو جزئی خدمتیم اولسون تمام

• سه شنبه
• 9
• شهریور
• 1400
• ساعت
• 18:15
• نوشته شده توسط
• یوسف اکبری

مامور اولموشام بولون ای اشقیای شام
بیر شهریاردن یتورم سیزلره پیام

تحت حکومتنده ذرات کون اونون
جبریل آستانینه دور بیر کهن غلام

یاخشی قولاق ویرون ایشیدون ایلیون قبول
آگاه اولون بو دور سیزه فرمایش امام

یاز دوز نقدر هیچ بولوسوز نامه کوفه دن؟
اشیاخ هر قبایل و اشراف خاص و عام؟

سنسن یر اوزره حجت حق مقتدای خلق
بیز قالمیشوخ امام سیز ای سید انام

کای رهنمای خلق و یا هادی السلیل
یا منجی الخلائق من حیره الظلام

تعجیل ایله گلماقا گل انتظاردن
قورتار بیزی قالوب گوزوموز یولدا صبح و شام

مین شرط وعده ایله قوناق دعوت ایلدوز
آیا بودور قوناقه گوره رسم احترام؟

اول عیالینون یوزونه باغلادوز یولی
ایتدوز عجب ملاحظهء حرمت کرام

نهر فرات فاطمیه مهر دور ندن؟
بیگانیه حلالیدی اولادینه حرام؟

اوز یازدوقوزدان ایمدی اگر نادم اولموسوز
قتلیمده ایلیسوز نه سبب سعی و اهتمام

بو قیل و قال، جنگ و جدال اجتماعدن
گر ادعای سلطنت ملک دور مرام

یثرب سیزون حجاز سیزون یول ویرون گیدوم
چوللرده اوز عیالیم ایچون اخذ ایدوم مقام

تبلیغ ایلدیم سیزه امر رسالتی
بو اول کلامیدی بو آخر کلام

هر نه دیدیم نصیحت اوزوندندی سیزلره
ورنه تصور ایتمیون عاجز قالوب امام

عالم بونون وجودئیله برقرار دور
تاپماز وجودی اولماسا امر جهان نظام

کشتی ممکناته بودور لنگر ثبات
اقطار کائناته بو دور مرکز قوام

بیر نفسدور دولاندیرور آفاق و انفسی
دست تصرفینده دی سر رشتهء مهام

خلق جهانه واسطه فیض حق دور
جاری اولور بو عالمه فیضی علی الدوام

پرگار وار ثابت و سیار و مهر و ماه
سرگشته باشینه دولانور روز و شب مدام

کعبه اگر بونون باشینا ایتمیه طواف
اولماز مطاف عالمیان قبله امام

بو اهل بیت حقنه عارف دی بیت حق
وجهی بودور او بیت اولوب مسجد الحرام

قطع ایلسه ترشح فیضین سحابدن
یاغدیرماز هیچ بولود یره بارانی، لاکلام

موتوا دیسه هلاک اولوسوز ویرمسه نفس
قادر دگل نفس چکه بیر نفس والسلام

باطن جلالی دورسون، اگر ظاهر ایسته سوز
گیزلین دگل بو جاه و جلال و بو احتشام

عباس تک بونون قاپوسندا غلامی وار
رخصت ویره قتاله چکم تیغ انتقام

دیار قویمارام بو قشوندان آلام اگر
بو شهریاردن اله فرمان قتل عام

معذور ایتمه سین سیزی بو کثرت سپاه
بو دسته بو نظام بو انبوه و ازدحام

ایتمز مقام حربده بیر لمحه ای درنگ
عباس النده برق وورا جوهر حسام

بیر گوز یوموب آچونجا پراکنده ایلرم
نه صف قالور نه دسته نه نظم و نه انتظام

شیر فلک صلابت یمی گورسه روز جنگ
روباه وار برج حملده دوتار مقام

دعوا گونونده شیر خدا اوغلونا حریف
آیا نه جراتیله اولور روبهان شام؟

عباس آدی گلنده دوتار عالمی هراس
بو آد شجاعتیله تاپوب اشتهار نام

میدان کار زارده ابطال نامدار
ایتمز برابریمده منیم لحظه ای دوام

غیرت منه حرام اولا چوخ ننگ نام دور
کفاردن قویام یر اوزونده نشان و نام

باتسون آدیم بو سینه لره داغ چکمسم
تاپماز جراحت دل ناسوز التیام

اما سوزوم بودور ایشیدون التماس یمی
رد ایتمیون جواب سوالی مه لا کلام

بیر جرعه سو ویرون آپاروم تشنه لبلره
یول گوزلور ایمدی خیمه ده اطفال تشنه کام

عهد ایتموشم سکینه ئیله وار قراری میز
شاهد قرار عهدی میزه حی لاینام

جهدیم بو یرده دور آپارام سو سکینیه
هر نحویله واریمدی بو سوداده اهتمام

جان ایسته سوز بها سویا ایتمم مضایقه
بو شرطین اوسته ایلمیشم جانیله قیام

باشلار بدندن آیریلوب اللر کسیلمه میش
سودانی خوشلوقیله گلون ایلیاخ تمام

ممکن دگل و گرنه بو سودادن ال چکم
چوخ مشکل امر دور ایلیوبسوز خیال خام

ال چکمرم الونجه بو سوزدن اگر دونم
بیر باشیمی ایکی الیمی ویرم التزام

گر التماس یله اولا یا خود قیامیله
سو آلماسا سو اوسته گرک جانیمی قویام

تا اولماسون حسین یانندا سکینه دن
عباس شرمسار بو دور غایت المرام

سیز ایتمیون خیال حسینه برادرم
هر گه قبول ایتسه او مولادی من غلام

اولسون قسم حسینه مرادین (حقیر) آلور
عباس دامننه ایده هر کیم اعتصام

• سه شنبه
• 9
• شهریور
• 1400
• ساعت
• 18:31
• نوشته شده توسط
• یوسف اکبری

تا نقش اولوندی لوح ِجهانه خط وفا
اربابِ مِهر او مُهری گوروب تاپدیلار صفا

اهلِ حقیقت اولدی مجزّا مجازدن
ایلر محبّت اهلنه بو شمّه اکتفا

گوستردی شه سرانِ سپاهه وفا یولون
باش ویردی، باشدان اولدی ذبیحاً مِنَ القَفا

عبّاس تاپدی اهلِ وفا ایچره امتیاز
كالشّمس فی السّمادی بو مطلب نه اختفا

نه بیر مواسی ایله مواسات ایلیوب
نه گوستروب بیر اهلِ وفا ایله بیر وفا

کِشت امیده رحمتِ اَبرنده وار حیات
دردِ شدیده تربتِ قبرنده وار شفا

دل ویردی دل ستانینه هر گونه هر قبیل
باش ویردی آلدی جانینه هر ظلم و هر جفا

آه اُول زمان که گوردی عطشدن سولوب تمام
پژمرده حالیدور گُلِ گلزار مصطفا

گَلدی حضورِ شاهه اَدبله ویروب سلام
دل آچدی، دل آچار نجه مولاسینه غلام

عرض ایتدی کی اولان صفِ عشّاقه پیشوا
سرداره عَرصه تنگ اولوب ای میرِ ماسوا

مُلکِ دلی مُسخّر ایدوب فُوجِ درد و غم
سینم گلوبدی تنگه بدندن گیدوب قوا

سالدی سکینه بو قوروموش مشگی چگنیمه
مین عجز و التماس ایلدی بیر ایچیم سووا

من عترتِ پیمبره سقّا اولا اولا
اطفالی تشنه لب قالا گور بو اولور روا

نه باش یارالانوب نه يتوب صَدمهٔ عَمود
نه قول قلم لنوب نه الیمدن دوشوب لوا

روحیم یاخوندی آیریلا جاندان علاج ایله
ای دردِ اهل کونه اولان تُربَتی دوا

الدن اله ویرور آنالار صُود امر لرین
دردین دیور بو بَخت قَرایه او بینوا

گَلدن لطیف اوشاق ایله بیر شدّتِ عطش
غنچه کیمی دوداق بیله گرمیّت هوا

نه حاله گور دوشر بالا لار یا آنا لاری
کیم دور بولن او حالی بیر اللّهدن سوا

گُل تک سولوب بالالار عطشدن سیزیل دیری
نِی تَک گلوب نوایه آنالار ایدر نوا

خوشدور بو یرده #شأنی او مصراعی #ذهنینون
فریادِ العطش له دولوب دشتِ نینوا

سلطانِ دین گوردی علمداری خشمناک
گر اذن ویرمسه اولاجاق غصّه دن هلاک

سویلوب مقامِ لطفده سلطانِ کربلا
ای من کیمی بلایه ازّل گون دییَن بلا

معشوقدن گر عاشقه مطلوب دور جفا
محبوب دن حبیبه ده الطاف دور بلا

هر چند سخت دور سنه اطفال ناله سی
دلخواه دور ولی منه بیر غم بو ابتلا

دلتنگ اولما، من سنی غمگین گورن مرم
گیرم که جَنگ خواهشینه وار جوابِ لا

ويرسم اِجازه فتح سنیله اولور ولی
ويرمز زجاجِ قلبیمه بو امر اِنجلا

من قول ویرمشم ویرم اطفالیمی اسیر
مندن آلوب دی عهد بونا خالقِ عَلا

من یالقوزام بو چولده علاوه کمک سیزم
ایتمه فراقوه منِ بی یاری مُبتلا

گئت، ممکن اولسا خیمیه بیر مشک سو گتور
شاید بونیله شیشهء قلبون تاپا جَلا

سو رُخصتین ایشتدی او سقّای تشنه کام
منظورِ قلبی گلدی اله حاصل اولدی کام

اُول غمگسارِ عترتِ پیغمبرِ خدا
گردابِ غم سَفينه سینه اولدی ناخدا

سالدی کمالِ ذوقیله بُوش مَشگی چیگننه
آلدی اوزون الينه او دم بیر اوزون جدا

دوندردی رزمگاهه عنانِ عقابی تا
يتدی او دَم قولاقینه بیر دلنشین صدا

دوندی باخوب نه گوردی بنی هاشمون آیی
آردین جا دل شکسته گلور نیّرِ هدا

اولدی پیاده همّت بی اِنتهائيله
اولسون مباد ترک ادب دن بو ابتدا

عرض ایتدی سیّدی منه چوخ خجلت آرتی رور
بو گلماقون بو سس لماقون بو گوزل نِدا

فرمایش ایتدی گلدیم اولاخ بیرده قول بویون
وار دور قولون بدن ده هنوز اولمیوب جدا

رأفتله قولّارین سالوب عبّاس بوینونا
سرداره شَه ده بیله محبّت اولور خدا

ویرم قسم او ساعته یارَب موفق اِئت
تا ایلیوم فصاحت یله مطلبی ادا

آیریلدی ماه مِهردن اوز قویدی مقتله
نه حاله قالدی شاه رجوع ایله مقتله

سرداری شه دن آلدی اجازه دوشوب یولا
شه خیمگاه ده دایانوب گوز تکوب یولا

یل اسدی دگدی پرچمه دلکش صدائیله
سس لندی سرو قامت عبّاسه حِیف اولا

صفلر مقابلینده دایاندی اوصف شکن
حیدر باخشلی گوزلری بیر باخدی صاق صولا

سویلوب نجه روادی سوسوزدان بو عرصده
دین مبین گلشنی نین گللّری سولا

انصاف دور بالا بالالار نطقدن دوشه
باشه ویروب غریب آنالار زلفینی یولا

بازارِ عشق دور ایدرم بیر معامله
بیر مشک سو اگر اولا آلّام ایکی قولا

تا وار الیم بولون بوش الیله قیت مرم
یا سو گرک اَله گَله یا مَشگه قان دولا

گوردی مؤثّر اولموری سوز قلبِ لشگره
شمشیر چکدی ووردی اوزون قلبِ لشگره

بیر حمله ایتدی لشکره فرزندِ مُرتضا
تنک اولدی اشقیایه او وسعت ده بیر فضا

بیر کار زار ایتدی که اشجاعِ عالَمی
حیرتده قویدی یکسر او رزمِ فرح فزا

هم عاجز اولدی گردشِ تقدیرینه قَدَر
هم واله اولدی بُرّشِ شمشیرینه قَضا

هم ایتدی بو شجاعتی خوشنود اَحمدی
هم شاد شاهِ دینی، هم اوز خالقین رِضا

هم زینب ایتدی خیمده ساکت سوسوز لاری
هم فاطمه جِنان دا قوروب مجلس عَزا

هم کسب ایدوب جهاندا ایله عالی بیر مَقام
هم اَخذ ایدوب جزا گوننه اَحسن الجَزا

یاردی نهنگ وار او دریای لشکری
یول آچدی شطّه سروِ خرامان مُرتضا

نَصب ایلدی لواسینی شطّون کنارینه
تا تشنه لبلرین سپه سو اِستنارینه

شهرت تاپوب خیامِ حرم ده بو ماجرا
مسرور اولوب سوسوز بالالار خیمه گاه آرا

شهزاده لر سووندی ولی غصّه لندی شاه
معلوم دی او سَرورِ مظلومه ماجرا

شهزاده لر گمان ایلدی سو گلور اله
شه حسّ ایدوب قضیّه نی بی چون و بی چرا

شهزاده لر تمام ویروب بیر بیره نوید
شه بولدی خیمه گاه اولاجاخ تعزیت سرا

میدانی دن خیامه چکوب رشتهء کلام
بی اختیار گور سوزوم هاردان گئدوب هارا

تا دولدوروب سو مشکین او سقّای تشنه کام
تجدید اولوب اورکده عطشدن اولان یارا

دولدوردی اوجونی ولی قویمیوبدی همّتی
اوچ گون سو دگمین دله، بیر قطره سو وئرا

حسرت گوزیله بیر باخوب اوجوندا کی سووا
بیر حال یوز ویروب او وفا داره ماوَرا

گویا همان سودا گوروب عکسین سوسوز لارین
اولدی ایشیق گونوز گوزونه بیر شبِ قَرا

توکدی سویی یره دئدی یا نفس خوار اُول
سنده حسین بی کسِ و مظلوم دن صورا

تشنه چخوب فراتدن اُول مَستِ جام عشق
حیران قویوب دی عالمی #شانی بو ماجرا

چگن نده مُحکم ایلدی اوّل سو مشگینی
بیر باخدی خیمگاهه طرف توکدی اَشکنی

بو ذوقیله که اَولدی غم و غصّه دن رها
گوزدن توکردی گوهرِ اَشک گرانبها

درسِ وفانی مکتبِ عشقین مَعلّمی
عبّاسه ابتداده دئدی گوردی اِنتها

گر اژدهای نفس دن عاجزدی هر بشر
عبّاسه ال تاپان مادی اما بو اَژدها

افسوس گلمدی اله مَنظوری حِیف اولا
چکمیشدی گرچه زَحمتِ بی حَدّ و مُنتها

ایکاش اولیدی شل الی اُول شومِ ناکسون
تا اُول مییدی تیری کماندان اونون رَها

تار ایلدی او تیر، ابولفضله عالمی
خجلت غباری اولدی گوزوندن او دم بها

بو هانسی تیریدی وئران هانسی شریردی
بو خامه نون صَریردی من ساکتم شَها

نخلِ اُمیدی آلعبانون بو دور خبر
مشگی دیشینده ساخلاماقی اولدی بی ثَمر

بولموش دی اللّرین او سووا ویرماقین خطا
وجهی بو دور سو اوسته ویروب اللّرینی تا

ایلردی دَفع دشمنی نُوکِ رِکابیله
میدان دا وارثِ هنرِ شاهِ لافتی

نوکِ رکابیله گوگه پیکانی آتماقی
بولمز بو بیر هنردی، مگر بو اوغول، آتا

ایلوب اوزونی اهلِ وفا ایچره سَرفراز
امّا حسین قامت ینی ایلدی دو تا

قانیله اولدی تربتی مَشک عبير ناب
ایندی فرات سَمت ینی بیر کشورِ ختا

آیا اوجالماز اهلِ حرم ناله سی گوگه
عبّاس قولّاری دوشه تندن علم یاتا

#شأنی بوسَخت قافیه فکرون يورار یقّین
نطقِ کلام اولماسا عبّاسی دن عطا

مأيوس اولوب حیاتدن عبّاس الغرض
رأيين خيامه گتمه ماقا ایلدی عوض

بو حینده روایتِ مقتل لره بنا
وئردی حَیاسیز حَر

• شنبه
• 13
• شهریور
• 1400
• ساعت
• 17:56
• نوشته شده توسط
• یوسف اکبری

گئجه گوندوز اهلِ بیتین سرِ پاسیبانی قارداش
سنه شمر نامه گتدی آتامین نشانی قارداش

بو بلالی چولده سوز یوخ اولاسان سپاهه سرهنگ
سن اولان مکاندا وورماز باشیما بو کوفیان سنگ
منیم اوسته اولما قارداش درِ بارگه ده دلتنگ
بو حسین خدایه وئرسین گرک امتحانی قارداش

ووراجاق سنانِ ظالم باشیمی اخا سنایه
ائدجک او کوفه اهلی باشیمی داشا نشانه
بو کسیک باشیم براد‌ر باتاجاق دوباره قانه
اولاجاق او نیزه باشی باشیمین مکانی قارداش

اولاسان بو کوفیانه آتام اوغلو سنده سردار
نه یانار خیامِ دیبا نه چوله قاچار بو قیزلار
نه مینر سنیق کجاوه نه باجی لارون قان آغلار
نه گئدر دمشقه زینب نه یانار زبانی قارداش

نه جنازه‌می کفن سیز قویاسان قالا براد‌ر
نه خیامید‌ن حرملر گله قتلگاهه یکسر
گئده ‌جک باشیم جداده قالاجاق برهنه پیکر
بو حسین وطن ائدیب دیر بئله غم فضانی قارداش

نه رقیه آت دوشونده دولانار بلا چولونده
تاپاجاق برهنه نعشی اخی کربلا چولونده
علی‌ اکبر‌یمدی قربان حقه بو منا چولونده
جمع ائله مگر سوزوم وار باشا شامیانی قارداش

منی قووما سن قاپیندان شهِ کربلا آماندیر
علی‌اصغر‌ین باشینا منی خیمه ده دولان دیر
علی‌اکبره غلامم بو قاپیندا دالدالان دیر
ایلر‌م تصدُّق اکبر باشینا بو جانی قارداش

از‌ل آل بو تیغی الد‌ن یولا سال منی شهنشاه
گئد‌رم نجف چولونده ائد‌ر‌م بابامی آگاه
دیر‌م حسین قوووب دیر قاپیدان منی چکیم آه
اوجالار درِ علید‌ن دیلیمین فغانی قارداش

وئر اجازه قانه اوَّ‌‌ل بویانیم بو کربلاده
سرِ پاکینی حسینیم گوره بیلمر‌م جداده
کسلر اوزون بو قوللار قالا پیکریم آرادا
توکلر فراتین اوسته یره لخته قانی قارداش

سنه حضرتِ ابوالفضل ائد‌ر‌م بو دردی اظهار
نئچه ایلدی من دخیلم سنه ائت نظ‌ر علمدار
یاپیشیبدی دامنوندن گوزو یاشلی خیردا قیزلار
ائلدیم بو عشقی ثابت سنه بیرده آنی قارداش

• یکشنبه
• 14
• شهریور
• 1400
• ساعت
• 12:21
• نوشته شده توسط
• یوسف اکبری

شیعه بو نه بازاریدی بازار پوزولدی
عباس ئولندن صورا پرگار پوزولدی

بو صحنه ده عباس عجب وئردی نمایش
اولدی او نمایش اونا شایسته ستایش
بیرجفت قولی دوشدی یئره ایلدی خواهش
اول خواهشه عشقی نده کی معیار پوزولدی

عباس گزوب گوهر نایاب ینی تاپدی
جان نقدی وئروب چشمه شادابنی تاپدی
خون گرمی اولّان عشق یده احبابینی تاپدی
عشقین ثمرین گورجک علمدار پوزولدی

اثنینیتی وحدته تبدیل ائلیوب شاه
اول ماریه دشتنده حسین تکدی تک الله
الله یرین تیره مکان ایلدی ناگاه
یارین یارالی گورجک همین یار پوزولدی

بلبل قفس ایچره گلی فریاده چمن سیز
جام دل غمدیده سی غملن اولی لبریز
آتماز ولی یاددان گلی نون عشقنی هرگز
جانانینه جانین ائده ایثار پوزولدی

کیم گوردی یانان وقتیده پروانه دانش سون
جان منت ینی قویماقا جانانه دانش سون
هستی سی فقط جانیدی آیا نه دانش سون
جان نقدی وئروب هر نئیده وار پوزولدی

دامادون عجب پیرهنی قانه بویانمش
قان رختی نون اوستونده عجب نازیله یاتمش
طاق ظفرین حجله داماده اوجالاتمش
افسوس او گوزل طرّه طرار پوزولدی

گیسوسی دلاویز، علی اصغر مه رو
عطشان یدی دل اولمادی بیر دفعه دئسون سو
اوخ شانه وروب وردوقی جان عشقه تاپوب خو
دریای صدف ده دُر شهوار پوزولدی

چالدی ال ایاق قاندا مغ و مُغبچه با هم
اوخ دگدی اوخا اولدی یارا یاریه مرهم
قان قطره سی هر جسمده چون دانه شبنم
رعدِ ستم یلن گلِ گلزار پوزولدی

اولموشدی عجب عرصه شطرنج ده شه مات
اویناردی ولی بخت عبیدالله بَد ذات
منظوری اله گلمدی شش پنج ده هیهات
روشن گونوزی اولدی شب تار پوزولدی

بیر داغ مذّلت دل اغیاره چکلدی
گل گونه بهجت رخ دلداره چکلدی
دوشم شدی گونون شعشعی دیواره چکلدی
صحرای غم افزاده کی آثار پوزولدی

ازّل گونی تحسین اولونان شیوه مشقی
دنیانی سالار حیرته بو وحدت عشقی
ذرّ عالمی گوردوم ستم شاه دمشقی
من شاد ولی دشمن اولوب خوار پوزولدی

غرق عرق عشقم و هر سرّدن آگاه
روحیم اودی وارسته آزادی دی وَالله
اود ورسا عدو یانسا اگر خیمه و خرگاه
فکر ایلمرم حشمت سرشار پوزولدی

میخانه عزتده بیوک بیر هیجان وار
جانان یمه بذل ایلمگه جوهر جان وار
پیرایش و آرایشی مه قرمزی قان وار
عشقیم هیجان ایلدی اغیار پوزولدی

ای پایه ارشادی اولان عالمه اِفشا
مرشد لیگوی پیر مغان ایلدی اِمضا
طبعون ائلیور شعریده (بیضا) یَد بیضا
اشعار سلین سون گوروب عطار پوزولدی

• یکشنبه
• 14
• شهریور
• 1400
• ساعت
• 13:43
• نوشته شده توسط
• یوسف اکبری

اشاره اولدی گینه بیر شه شهادتدن
خبر ویروم سیزه بیر صاحب شجاعتدن

رشادتیله صلابتده، نائب حیدر
گورون نه وقت قالوب صولت و صلابتدن

او دم که نخل بدن دن اوزولدی قولاری
الی دوشوب یانینا، دوشدی سَهم و صُولتدن

زِ بس که جسمی نه دگدی یارا یارا اوستن
وجود حضرت عباس دوشدی طاقتدن

دوشه دوشه یِره سسلندی یا حسینِ علی
گل ای اولان قدی خم، بار درد و مُحنتدن

الیمی دوت، الیوی مُرتضا علی دوتسون
که سالدی لار منی کفار کوفه، قدرتدن

یتور گلن ئوزیوی ای اَبُوتُراب اوغلی
گوتور عزیزیوی قارداش تُراب ذلتدن

الون یتور الیمه، ببر ئوپوم اِیاقوندان
اگر چه شرم ایدورم چوخ، بو نوع جرعتدن

و لیک جان گیدوری، جانیمی گرک چاغ یرام
یولوندا چون ئولورم، دوشموشم طراوتدن

یتوب نه گوردی دوشوب بیر قنادسیز شهباز
سالوبدی شهپر، آچوب اوج، بال همتدن

او دم که غالب اولوب ضعف، گیزلنور نفسی
چکن زماندا نفس، قان آخور جراحتدن

نقدر قانی آخوب، یرده یا حسین یازی لوب
که هر نه گلسه خیاله، چخار محبتدن

الی که یوخدی چالا ال ایاق، او دور سورونور
سسین چخاتموری اما کمال غیرتدن

مباد طعنه وورا ابن سعد و شمر لعین
اوغورلوری نفسین، قورخوری شماتتدن

گهی یاراسی سیزیل دار، گهی تلاطم ایدر
گهی یاتوب حرکت ایتموری حمیتدن

کسنده باشینی قاتل زِ بس که مانع اولوب
که قارداشین گوره، ببر کام آلا زیارتدن

گوروب که یوخ الی، خنجر قباقی نه ویرسون
ولی باشین کسن، ال چکموری شقاوتدن

زِ بس یوزون یِره سورتوب، یوزی گیدوب یِرده
دوشوب دی ماه بنی هاشمی لطافتدن

حسین حالینی معناده بیر تصور ایدون
نقدر غصه اونا اَل ویروب بو حالتدن؟

یره اوتوردی آلوب باشینی دیزی اوسته
گوروب که یوخدی دیزینده نشانه قوتدن

بویوردی آچ گوزون، ای نور چشم عین الله
گلوبدی گون باشوا، دور بو خواب راحتدن

او دم که گوردی باشی اوسته رُوح اَرواحی
دوباره جانه گلوب قوخمیوب مذمتدن

نهیب عشقیله بیر بانگ یا حسین چکدی
که گچدی ناله صداسی، حجاب وحدتدن

اولوب حسین، تمام وجودی نه، ساری
ئوزون حسین گوروب عباس، دوشدی شدتدن

دئدی بغشله دورا بولمورم، یارام چوخ دور
دیمه یوخوم دی خبر، راه و رسم حرمتدن

یوزون ایاقینه قوی دی، دئدی که عفو ایله
الیم یوخوم دی دوتام دامن جلالتدن

قولوم اوزولدی بدندن، ولی نه باکیم وار
اوزول میوبدی الیم، دامنِ وِلایتدن

سنون یولوندا شَهیدم، ئوزونده شاهدسن
باشیم گیدونجه من، ال چکمرم حمایتدن

قوجاق لاشوب ایکی قارداش، باخوب چو اهل حرم
دایاندی عرشه فغان عترت طهارتدن

منِ غریبه بو غربتده یار بیر سنی دون
منی قویوب گیدوسن، الامان بو غربتدن

قاباق جا چون گیدوسن، اکبریمه ایله سلام
گلونجه من او دیاره، بو دار محنتدن

سُوله اوغول سوزی، قارداش سیز ایلدیم گلدیم
بتولی ایله خبر دار، بو مصیبتدن

بویوردی دور آپاروم جان وِیرنده خیمه لره
دئدی که یوخدی یوزوم گیتماقا خجالتدن

دئدی سکینه قیزیم انتظاریوی چکوری
دئدی خجالتم اول نو گل صباحتدن

دئدی سوروش سا سنی، من سکینیه نه دیوم؟
دئدی بو مشگی آپار، قورتولوم ملالتدن

دئدی دایانما داخی، خیمیه آپار تشریف
گئت اول اوزون متوجه، عیالِ عصمتدن

دئدی که سن اوخی یاسین، ای امام مبین
که بلکه مست اولام، نغمه تلاوتدن

یولوندا شوقیله مستانه جان ویرم خوش دور
که گورمیم سکرات مماتی، سکرتدن

باتوب صدالری چون وِیردیلر نفس نفسه
ظهور وحدت اولوب کثرت شراکتدن

سوسوز دیلیله دیوب لا اله الا الله
ایدوب نبوته اقرار، صون امامتدن

جمال حقّه باخوب، حقّ دیوب، گوزون یومدی
که ساکت اولدی دیلی کلمه شَهاتدن

ایدوب او حاله نظر، چونکه زینب و کلثوم
چخوب دیلار ایشگه خیمه خدارتدن

بیری حسین دیردی، بیریسی یا عباس
زمانه تنگه گلوب بانگ آل عصمتدن

قوجاق لاشوب ایکی قارداش کیمی، ایکی باجی
اولار خموش، بولار نعره زن بو حالتدن

بس ائت (دخیل) که حضار دوش دولر دلدن
سوون که دوش میاجاق دور دیلون فصاحتدن

گینه بو دللّری تعلیم ایدوب لسان الله
لسان صدق الهی، بریدی لکنتدن

بو یادگاریدی جان تک ویرونجه جان، ساخلا
نه چونکه ناشی اولوب منشاء صداقتدن

• پنج شنبه
• 18
• شهریور
• 1400
• ساعت
• 18:21
• نوشته شده توسط
• یوسف اکبری

حیف اولا که اودلی سینه اولمادی وَقایه قارداش
گوستروب قضا سو مشگین ناوک جَفایه قارداش

مشگ آبله فراتی قصد ایدنده من برادر
تا خلاص اولا عطشدن، خیمه لرده آل حیدر
عزت فراتی گورجک، آرزو ایدوبدی کوثر
خلددن اولیدی جاری دشت کربلایه قارداش

بانگ العطش اوجالدی تا سپهر نیل فامه
اشگ دیده مثل باران، توکدی چرخ چون غمامه
سوزِ آهِ تشنه لب لر، مانع اولدی اخذ کامه
اولدی ابر تک بو باران، منتشر فضایه قارداش

اولدی تیر جان شکاره، مشک آبه تا نشانه
بو کش کش ایچره گلدی، گوز پیاله سی گمانه
مین امیدیله ال آتدیم، جام چشم خون فشانه
بو قدح ده سیندی اما گلدی دل نوایه قارداش

واردی جورِ اشقیادن گر چه دلده مین حکایت
قفل همتی له اما بسته دور لب شکایت
واپسین مراحلم دور، ایله سن اگر عنایت
آرزو ایدر دئسون دل، دردین آشنایه قارداش

اشتیاقی دن وجودیم سر به سر دوتوبدی آتش
شوقِ وصلون ایلیوب دور حالت دلی مشوش
هر نفس نفسله ایلر حسرتونده جان کشاکش
بیرده بلکه نائل اولسون، نعمتِ لقایه قارداش

کسمیوب نقدری اُلفت، جسم ده نفس نفسدن
چوخ چتین کسه امیدین، دادخواه دادرسدن
سسلرم سنی هرایه ال اوزولمه میش بو سسدن
قویما نا امید اولوم من، ویر صدا صدایه قارداش

شرحِ شوقه عاجزم من، یتمسه مدد سوزومدن
ایسترم ولی شهادت شورِ عشقمه اوزوندن
جانب بهشته گوردون، دونمدی اوزوم اوزوندن
وای منه که ایندی گلمیش هجر آدی آرایه قارداش

ضربِ تیغ و خنجریله باش یارالی، تن یارالی
داغ مرگ اکبریله سنده قلب دن یارالی
اوزگه حال دور برادر، سن یارالی من یارالی
کیمدی ایلسون مداوا بیر بئله یارایه قارداش؟

همتیم اراده ایتدی فتحی، جنگده ازلدن
یتمه میش حصوله مطلب ال گوتورمسین جدلدن
بین رَه دَه اَل کسیلدی تا الیم اوزولدی اَلدن
بو شکست ویردی جُرات لشگر جفایه قارداش

هر طرفدن اولدی عازم، قتلی مه سپاه دشمن
جسم دن دئمم که یکسر پاره لندی درع و جوشن
همتیم مقابلی نده باش اگوب عمود آهن
قویمادی عدو اوجاتسون باشیمی جدایه قارداش

• پنج شنبه
• 18
• شهریور
• 1400
• ساعت
• 18:23
• نوشته شده توسط
• یوسف اکبری

ای سراب امید تشنگان
دور سو مشکیوی دولدوروم گیداخ
سن منیم بِلیمدن یاپوش سنون
منده اللّروندن دوتوم گیداخ

دور ایاقه ای بی پناهی لر
داد خواهی ای فدیه خدا
سورتمه چوخ یوزیوی یِره بله
آچ گوزون دور ای شیرِ کربلا
خیمه لرده عطشان بالالاریم‌
گوزلوری یولون گوز تیکوب یولا
دور ایاقه قصد خیام لن
منده سنله‌ باهم دوروم گیداخ

یاتما بیله ای ماه انوریم
تک قالوبدی سن سیز ستاره لر
الده بوش سو جامی بالالاریم
انتظاریوی خیمه ده چکر
گیتمه سن بالالاریمی عطش
التهابی بالمره اولدورر
مشکیوی گوتور منده پرچمون‌
بو فراتین اوسته وروم گیداخ

چوخلی سرولر ریشه دن قوپوب
تند باد فصل خزانیدن
قول بوداقی سینم یش سنون کیمی
گورمیوب دی هیچ باغ و هیچ چمن
سن قانا بلشم یش یِره دوشن
ریشه کن اولان نخله بنزی سن
دور ایاقه بو سرو قدّیوه
ناله ایلیوم اوخشیوم گیداخ

گردباد طوفانی دن گیجه
یول گیدن قالار بین راهی ده
اولسا یولدا گر یول کسن داخی
چاره قالماز او بی پناهی ده
واریمی ش همی یول کسن همی
ال کسن بو بی دین سپاهی ده
دور خیامه تک گیتدیقون یولی
اشکیمی سَپوم دول دوروم گیداخ

گونده‌ کی کیمی دور ایاقه بیر
ای خدنگ محنت لره نشان
وقت ظهر وقت نمازی دور
ای نمازینی وقتیده قیلان
سن اقامه دئ منده سسلیوم
اوغلوم اکبری باشلاسون اذان
قورتاروم نماز جماعتی
هر فریضه دن قورتولوم گیداخ

قارداشیم سان حقیم وار حالیوه
گوز یاشی توکوب گوزدن آغلیوم
اولمارام رضا ایلیم فغان‌
آغلیاندا اما سن‌آغلیوم
سن یارالی سان آغلاما بیله
دردیوی دی قارداش من آغلیوم
قوی من آغلیوم اهل عالمه
قیمتون سنون بیل دیریم گیداخ

حمل ایدنده من اوغلوم اکبری
رزمگاه یدن دار ایمنه
سن منه کمک لیق چوخ ایتموسن‌
وار یِری عوض ایلیوم سنه
چوخ گذشت ایله گلموری بِلیم
باغلانوب دی چاره یولی منه
دور بِلیمه ائت تکیه اللّرون
سنله بزم وصلت قوروم گیداخ

چکمه چوخ خجالت یوخوندی سو
یوخدی چاره قارداش بو مشکله
سن باشون ساغ اولسون بالالاریم
نیلوری سویی ایستمور هله
دور گیداخ خیامه بالالاریم
پیشوازه گلسون گوله گوله
گلستانی مون گللّری نه من
قحط آب ایدوم سولدوروم گیداخ

سن اوزون بولورسن بوگون منه
نه جفا ایدوب قوم بد مآب
قانی نه باتوب دور کمک لریم
غصه لر ایدوب گوگلومی کباب
بو یامان گونومده سنی ندن
سسلرم منه ویرمی سن جواب
بزم وصلی دور بیر سنیله من
بو بلالی چولده قوروم گیداخ

(گلشنی) کیمی هیچ‌ کیمون‌ دَگول
تیره چون شبِ داج‌ گون دوزی
هامّینون بش اون گون یوزی گولوب
گول میوبدی اما اونون یوزی
گر یوزی گولیدی اولیدی شاد
اوندا او یازان مازدی بو سوزلری
ای سراب امید تشنگان دور
سو مشکیوی دولدوروم گیداخ

• پنج شنبه
• 18
• شهریور
• 1400
• ساعت
• 18:45
• نوشته شده توسط
• یوسف اکبری

تا نقش اولوندی لوحِ جهانه خط وفا
اربابِ مِهر او مُهری گوروب تاپدیلار صفا

اهلِ حقیقت اولدی مجزّا مجازدن
ایلر محبّت اهلنه بو شمّه اکتفا

گوستردی شه سران ِسپاهه وفا یولون
باش ویردی ، باشدان اولدی ذبیحاً مِنَ القَفا

عبّاس تاپدی اهلِ وفا ایچره امتیاز
كالشّمس في السّمادی بو مطلب نه اختفا

نه بیر مواسی ایله مواسات ایلیوب
نه گوستروب بیر اهل ِوفا ایله بیر وفا

کِشت امیده رحمتِ اَبرنده وار حیات
دردِ شدیده تربتِ قبرنده وار شفا

دل ویردی دلستانینه هر گونه هر قبیل
باش ویردی آلدی جانینه هر ظلم و هر جفا

آه اولزمان که گوردی عطشدن سولوب تمام
پژمرده حالیدور گُلِ گلزار مصطفا

گَلدی حضورِ شاهه ادبله ویروب سلام
دل آچدی، دل آچار نجه مولاسینه غلام

عرض ایتدی کی اولان صفِ عشّاقه پیشوا
سرداره عرصه تنگ اولوب ای میرِ ماسوا

مُلک ِدلی مسخّر ایدوب فوجِ درد و غم
سینم گلوبدی تنگه بدندن گیدوب قوا

سالدی سکینه بو قوروموش مشگی چگنیمه
مین عجز و التماس ایلدی بیر ایچیم سووا

من عترتِ پیمبره سقّا اولا اولا
اطفالی تشنه لب قالا گور بو اولور روا؟

نه باش یارالانوب نه يتوب صدمهٔ عمود
نه قول قلملنوب نه الیمدن دوشوب لوا

روحیم یاخوندی آیریلا جاندان علاج ایله
ای دردِ اهل کونه اولان تربتی دوا

الدن اله ویرور آنالار صود امر لرین
دردین دیور بو بخت قرایه او بینوا

گَلدن لطیف اوشاق ایله بیر شدّتِ عطش
غنچه کیمی دوداق بیله گرمیّت هوا

نه حاله گور دوشر بالالار یا آنالاری
کیمدور بولن او حالی بیر اللّهدن سوا

گُل تک سولوب بالالار عطشدن سیزیلدیری
نِی تک گلوب نوایه آنالار ایدر نوا

خوشدور بو یرده (شأنی) او مصراعی (ذهنینون)
( فریادِ العطش له دولوب دشتِ نینوا )

سلطانِ دین گوردی علمداری خشمناک
گر اذن ویرمسه اولاجاق غصّه دن هلاک

سویلوب مقامِ لطفده سلطانِ کربلا
ای من کیمی بلایه ازل گون دییَن بلا

معشوقدن گر عاشقه مطلوب دور جفا
محبوبدن حبیبه ده الطاف دور بلا

هر چند سختدور سنه اطفال ناله سی
دلخواه دور ولی منه بیر غم بو ابتلا

دلتنگ اولما، من سنی غمگین گورنمرم
گیرم که جنگ خواهشینه وار جوابِ لا

ويرسم اجازه فتح سنیله اولور ولی
ويرمز زجاجِ قلبیمه بو امر انجلا

من قول ویرمشم ویرم اطفالیمی اسیر
مندن آلوبدی عهد بونا خالقِ علا

من یالقوزام بو چولده علاوه کمکسیزم
ایتمه فراقوه منِ بی یاری مبتلا

گئت، ممکن اولسا خیمیه بیر مشک سو گتور
شاید بونیله شیشهء قلبون تاپا جلا

سو رخصتین ایشتدی او سقّای تشنه کام
منظورِ قلبی گلدی اله حاصل اولدی کام

اول غمگسار ِعترتِ پیغمبرِ خدا
گرداب ِغم سفينه سینه اولدی ناخدا

سالدی کمالِ ذوقیله بوش مشگی چیگننه
آلدی اوزون الينه او دم بیر اوزون جدا

دوندردی رزمگاهه عنانِ عقابی تا
يتدی او دم قولاقینه بیر دلنشین صدا

دوندی باخوب نه گوردی بنی هاشمون آیی
آردینجا دل شکسته گلور نیّرِ هدا

اولدی پیاده همّت بی انتهائيله
اولسون مباد ترک ادبدن بو ابتدا

عرض ایتدی سیّدی منه چوخ خجلت آرتیرور
بو گلماقون بو سسلماقون بو گوزل ندا

فرمایش ایتدی گلدیم اولاخ بیرده قول بویون
واردور قولون بدنده هنوز اولمیوب جدا

رأفتله قولّارین سالوب عبّاس بوینونا
سرداره شهده بیله محبّت اولور خدا

ویرم قسم او ساعته یارب موفق ائت
تا ایلیوم فصاحتیله مطلبی ادا

آیریلدی ماه مِهردن اوز قویدی مقتله
نه حاله قالدی شاه رجوع ایله مقتله

سرداری شهدن آلدی اجازه دوشوب یولا
شه خیمگاهده دایانوب گوز تکوب یولا

یِل اسدی دگدی پرچمه دلکش صدائیله
سسلندی سرو قامت عبّاسه حیف اولا

صفلر مقابلینده دایاندی اوصف شکن
حیدر باخشلی گوزلری بیر باخدی صاق صولا

سویلوب نجه روادی سوسوزدان بو عرصده
دین مبین گلشنینین گللری سولا

انصاف دور بالا بالالار نطقدن دوشه
باشه ویروب غریب آنالار زلفینی یولا

بازارِ عشق دور ایدرم بیر معامله
بیر مشک سو اگر اولا آلّام ایکی قولا

تا وار الیم بولون بوش الیله قیتمرم
یا سو گرک اله گَله یا مشگه قان دولا

گوردی مؤثّر اولموری سوز فلبِ لشگره
شمشیر چکدی ووردی اوزون قلبِ لشگره

بیر حمله ایتدی لشکره فرزندِ مرتضا
تنک اولدی اشقیایه او وسعتده بیر فضا

بیر کارزار ایتدی که اشجاعِ عالَمی
حیرتده قویدی یکسر او رزمِ فرح فزا

هم عاجز اولدی گردشِ تقدیرینه قدر
هم واله اولدی بُرّشِ شمشیرینه قضا

هم ایتدی بو شجاعتی خوشنود احمدی
هم شاد شاهِ دینی، هم اوز خالقین رضا

هم زینب ایتدی خیمده ساکت سوسوزلاری
هم فاطمه جناندا قوروب مجلس عزا

هم کسب ایدوب جهاندا ایله عالی بیر مقام
هم اخذ ایدوب جزا گوننه احسن الجَزا

یاردی نهنگ وار او دریای لشکری
یول آچدی شطّه سروِ خرامان مرتضا

نصب ایلدی لواسینی شطّون کنارینه
تا تشنه لبلرین سپه سو اِستناری نه

شهرت تاپوب خیامِ حرمده بو ماجرا
مسرور اولوب سوسوز بالالار خیمه گاه آرا

شهزاده لر سووندی ولی غصّه لندی شاه
معلومدی او سَرورِ مظلومه ماجرا

شهزاده لر گمان ایلدی سو گلور اله
شه حسّ ایدوب قضیّه نی بی چون و بی چرا

شهزاده لر تمام ویروب بیر بیره نوید
شه بولدی خیمه گاه اولاجاخ تعزیت سرا

میدانیدن خیامه چکوب رشتهء کلام
بی اختیار گور سوزوم هاردان گئدوب هارا؟

تا دولدوروب سو مشکین او سقّای تشنه کام
تجدید اولوب اورکده عطشدن اولان یارا

دولدوردی اوجونی ولی قویمیوبدی همّتی
اوچ گون سو دگمین دله، بیر قطره سو وئرا

حسرت گوزیله بیر باخوب اوجوندا کی سووا
بیر حال یوز ویروب او وفاداره ماوَرا

گویا همان سودا گوروب عکسین سوسوزلارین
اولدی ایشیق گونوز گوزونه بیر شبِ قرا

توکدی سویی یره دئدی یا نفس خوار اول
سنده حسین بیکسِ و مظلومدن صورا

تشنه چخوب فراتدن اول مستِ جام عشق
حیران قویوبدی عالمی #شانی بو ماجرا

چگننده محکم ایلدی اوّل سو مشگینی
بیر باخدی خیمگاهه طرف توکدی اشکنی

بو ذوقیله که اولدی غم و غصّدن رها
گوزدن توکردی گوهرِ اشک گرانبها

درسِ وفانی مکتبِ عشقین معلّمی
عبّاسه ابتداده دئدی گوردی انتها

گر اژدهای نفسدن عاجزدی هر بشر
عبّاسه ال تاپانمادی اما بو اژدها

افسوس گلمدی اله منظوری حیف اولا
چکمیشدی گرچه زحمتِ بیحدّ و منتها

ایکاش اولیدی شل الی اول شومِ ناکسون
تا اولمییدی تیری کماندان اونون رها

تار ایلدی او تیر، ابولفضله عالمی
خجلت غباری اولدی گوزوندن اودم بها

بو هانسی تیریدی؟ وئران هانسی شریردی؟
بو خامه نون صریردی من ساکتم شها

صریر: صدای قلم هنگامِ نوشتن

نخلِ امیدی آلعبانون بو دور خبر
مشگی دیشینده ساخلاماقی اولدی بی ثمر

بولموشدی اللّرین او سووا ویرماقین خطا
وجهی بو دور سو اوسته ویروب اللّرینی تا

ایلردی دفع دشمنی نوکِ رکابیله
میداندا وارثِ هنرِ شاهِ لافتی

نوکِ رکابیله گوگه پیکانی آتماقی
بولمز بو بیر هنردی، مگر بو اوغول، آتا

ایلوب اوزونی اهلِ وفا ایچره سرفراز
امّا حسین قامتینی ایلدی دو تا

قانیله اولدی تربتی مشک عبير ناب
ایندی فرات سمتینی بیر کشورِ ختا

آیا اوجالماز اهلِ حرم ناله سی گوگه
عبّاس قولّاری دوشه تندن علم یاتا

#شأنی بوسخت قافیه فکرون يورار یقین
نطقِ کلام اولماسا عبّاسین عَطا

مأيوس اولوب حیاتدن عبّاس الغرض
رأيين خيامه گتمه ماقا ایلدی عوض

بو حینده روایتِ مقتللّره بنا
وئردی حیاسیز حرمله بیر تیر آنّنا

اَل اولمادی چخاتسون اوخی سجده گاهدن
دل فکر ایدنده حالینی یارب دونر قان

• سه شنبه
• 30
• شهریور
• 1400
• ساعت
• 19:51
• نوشته شده توسط
• یوسف اکبری

__________________________
توکشتی وفارانا؛،خدایی یا اباالفضل
توشاه کشورجودوسخایی یااباالفضل

علی رانورعینی عزیزعالمینی
بوداین افتخارت علمدارحسینی

شه با وفا امیرسخا ایاباب الحوایج
مرانم زدر گدایم گدا ایاباب الحوایج
___________________________________
کمین وار باشدا عشقی شوریله احساسه گلسین
علمداری چاغیرسین هئیت عباسه گلسین

دوتا کیم دامنیندن.....گورر معجز الیندن
آلار کرب وبلاسین.....خانم ام البنیندن

ابوالفضل آقا. ......سنه جان فدا
ایا باب الحوائج
اوزون قولاری........بدندن جدا
ایا باب الحوائج

• شنبه
• 17
• تیر
• 1402
• ساعت
• 17:10
• نوشته شده توسط
• یوسف اکبری

ای عاشق ابالفضل سال باشیوه قرانی
فریاد ائله دمادم ,سقای کربلانی

تصویره چک شعورین,قوی عرشه چاتسین عشقین
ارض و سماده بیردم ,محشر یاراتسین عشقین
غفلتده شاه کفری , فورا اویاتسین عشقین
احساسه گل اوردکدن , مست ایله قدسیانی

حیدر صفت ابالفضل ,نهر فراتی آلدی
اول دم سپاه کفره , میداندا لرزه سالدی
الله یانیندا شانی رتبه تاپوپ اوجالدی
تشویق ایدردی مولا ,غیرتلی پهلوانی

سسلندی ای جماعت , حیدر منیم آتامدی
قورخوردمیون اولومدن, زهرا منیم آنامدی
زهرا بالاسی لشکر , هم شاهیم هم آقامدی
بیر ضربتیله الان , خار ایلرم سنانی

پوزدی قشون ظلمی , علقمده اول سپهدار
سالدی فراته مشکین , انظاریده علمدار
عهد وفا یولوندا , مردانه ائتدی ایثار
الحق که بو ابالفضل حیران قویوب جهانی

شیر غیور حیدر , باخدی خیامه ساری
گوزلوردی طفل عطشان , اول هاشمی تباری
زینب باخاندا آلدی , قلبینده کی قراری
آتدان سالیبدی عدوان , سردار قهرمانی

• شنبه
• 17
• تیر
• 1402
• ساعت
• 18:39
• نوشته شده توسط
• یوسف اکبری

قولسوز دوشن زمانیده صاحب لوا يره
نقش ایلدی حسینه رموز بلا یره

ضربت دگنده باشنه باش آچدی فاطمه
عمامه‌سینی وردی شَهِ لافتی یره

قانلو علم که سینه ده میل ایتدی صاق صولا
دوشجک یره يخلدى شَهِ کربلا يره

يوخدور قولی دوشنده یره تکیه ایلسون
قولسوز دوشوب نه حالیده بس ای خدا یره

قولسوز گوروبدی آچدی قولون‌دشت کربلا
ایله نزول سسلدی بو باصفا یره

گورم سنون دوشوبدی قولون یوخدی صاف یرون
جسمون اولار بو حالیده دوشسون فنا يره

ام البنین هایاندا قالوب گلمیور ندن
گورسون دوشور نه حالیده قد رسا یره

ام البنين گلنمدی گلمشدی فاطمه
اوغلی دوزنمدی دوشه خيرالنسا یره

قولارین آچدی سسلدی معناده گل بالا
دوشمه بو وضع حالیله ای باوفا یره

آنون یارادی دوشمه یوزون اوسته تپراقا
دوزمز آنا بو حالیده دوشسون بالا یره

زهرایه بو بلا گونی سن ایلدون کومک
سن خدمتون يتوردون اوغول انتها يره

قارداش دیوب هرایه چاقر تز حسینمی
گلسون کومک‌لیک ایتمگه بو غم فزا يره

یالقوز امامی سسلدی سقای کربلا
درک ایله قارداشون يخوب اهل جفا یره

باش ویرمرم اگر باشیمون اوسته گلمسون
توکسه نقدری قانمی بو اشقيا یره

قارداشنون ایشتدی سسین چخدی خیمه‌دن
سلطان گلوب وزیری اولان مبتلا یره

گوردی ایدوله باشنون اوستنده کشمکش
قولسوز دوشوبدی مظهر شیر خدا یره

قولسوز گوروبدی قامت طوباسینی حسین
فرش ایلدی او دشتیده فرش عزا یره

قويدى الين بلنه خطاب ایتدی بو سوزی
سندی بلیم دوشنده سن آتدان اخا يره

آلدی باشین دیز اوسته چکوب آه سوزناک
گوزدن توکوب سرشکین او اعظم فدا يره

قانن سلوبدی گوزلرینون قویدی یوز یوزه
قدوسیان باخوبدی او محشر نما يره

شمس و قمر تصادفی بیر یرده اولدی جمع
مبهوت اولوب او حالتی گورجک سما یره

بی‌نفخ صور محشر اولوب کوی عشقده
چکمش عجیب منظره کلک قضا یره

ويرسون حسینه عالم معناده تسلیت
ایتدی نزول گوزیاشیلان انبیا یره

گویا حسین بو دللريلن نوحه باشلادی
توکدی دُر سرشکنی شمس الهدا يره

ای چاره‌سیز قویان منی بو عرصه گاهیده
نه حالیدور بو دوشموسن ای مه لقا یره

اوغلوم ئولوبدی سس ويرنيم يوخدى بيكسم
قان اولمیوب گوزیمده سرشکیم هوا یره

بو سرو قامتونده هانی قولارون أخا
سینونده اوخ کچوبدی اوخ اوستن یارا يره

سنسیز گیدم خیامه منیم گلمیور یوزوم
وار خجلتم اوتورمشام ای دلربا یره

اگلشمگه یوخومدی توانیم نه دورماقا
آواریم دوروم اوتوروم اینکه یا یره

دشمنلریم اگرچه باخور حالیمه گلور
درد و غميم يتوب داخی بی منتها یره

گلجک سسون خيامه منیم اسدی دیزلریم
بلدوم سنی یخوبدی بو قوم دغا یره

الله بلور نه حالدا چخوب خیمه گاهیدن
يالقوز حسين گلییدی بو یر ماجرا یره

آج قانلو گوزلرون منی دیندیر اوغو لسوزام
دوشسون سوزی بو بیکسون اولما رضا يره

هانسی لعین وروبدی یارا سجده‌گاهوه
قانون آخوبدی سو کیمی ويرمش جلا یره

اولسا رضایتون آپاروم خیمیه سنی
زینت ایدوم وجودون او ماتم سرا يره

سو گوزلین بالالارمی قويما منتظر
قويسون داخی سو جامنی آل عبا یره

گورسون سنی بوحالدا باجيم زينب اوخشاسون
خون دلینی توکسون او بی اقربا یره

مقصودینه يتشدی یاتار یاتمیان قوشون
اطفالیمی چکله يقين ناروا یره

«انور» کتابی ختمه يتور بو دو بیتلن
شکر ایتگلن اثر اولی گتسون بقا يره

• چهارشنبه
• 28
• تیر
• 1402
• ساعت
• 11:24
• نوشته شده توسط
• یوسف اکبری

گُوردُولُر جَنگه اَبُوالفَضَل وَفا پَروَر گَلور
زِینِ مَرکبدَه دِیرسَن شُعلهء آذَر گَلور

سَر سپاهِ شاهِ بی لَشگَر اِیدوبدور عَزمِ جَنگ
غِیظَدَن حِیدَر باخیشلی گُوزلَر اوُلمُوش سُرخ رَنگ
دَستهء زاغ اوُسته گُویا شاهبازِ تِیز چَنگَ
قَهر و غِیظیلَه شِکار اِئتماقَه آچمِیش پَر گَلور

سینَه پَهناوَر اوُجا قامَت اِیکی قُولاّر سِتَبر
گُورمِیُوب دُنیا گُوزی گُورمَز اِیلَه غرّان هَژبر
گُورسَه سَهم و صُولَتین پَنهان اوُلار دَرّندَه بَبر
باخسا هَر کِیمسَه دِیر اَژدَر بُولَن حِیدَر گَلور

چُوخلاری صُفین دَه گُورمُوشدُولَر دَعواسِینی
بَرقِ خاطِف تَک چالان شََمشیرِ خُون پالاسِینی
قان تُوکَن اِبطالی حِیرتدَه قُویان هِیجاسینی
سَسلَنُوبلَر فُوقِ زُورِ مالِکِ اَشتَر گَلور

جَنگِ خَندَقدَن نَمایاندور بُو چُولدَه مَنظَرَه
تیغِ تِیز اَلدَه گَلور شیرِ خدا عَمر ئولدُورَه
یاعلی المُرتضا یُوز دُوندروبدور خِیبَرَه
یِخماقا خِیبَر حِصارِین فاتِحِ خِیبَر گَلور

صاق اَلیندَه تیغِ خُونریز اوُل جَوانِ پُر شُکُوه
یُوز قُویُوب نَهرِه صُول اَلدَه پَرچَمِ نُصرَت پَژوه
لَشگرِ آلِ اُمّیَه قَلبینی دُوتدی شِکُوه
کِتفدَه خُشکَیدَه بیر مَشگ اوُل وَفا پَروَر گَلور

گر چِه تَک دُور اِبنِ قَتال العَرب یُوخ بیر کَسی
دُولدُورُوب آفاقی اَمّا ئولّم ئولدُورّم سَسی
بَرّ و بَحری دُولدُورُوب آت شِیحَه سی ئوز نَعره سی
سَسلَنُور اِنّی اَنَا العَبّاس او نام آوَر گَلور

بُلدولَر دِل دادَگانِ مال و جاه دُنیَوِی
وار علی اوُغلوندا نَه قُدّرَت نَه زُورِ مَعنَوی
اَل هامی اَلدَن اوُجا کَسگین قلج بازُو قَوی
گُوئیا داسِ اَجَل بیچماقَه تَندَن سَر گَلور

تا یِتیشدِی مَرکَزِ مِیداندا دُوردی خَشمِناک
سَسلدی اِی اَهلِ کُوفَه حَشردَن یُوخ سِیزدَه باک
آز قالُور اوُلسُون عَطشدَن آلِ پِیغَمبَر هَلاک
بُلمُوسُوز بُو ظُلمدَن فَریادَه پِیغَمبَر گَلور

مِهر زَهرا دور فَرات اِی اَشقیای کِین مآب
عِترتِ زَهرایَه اَمّا وِیرمُوسُوز بیر جُرعَه آب
شِدّتِ سُوزِ عَطشدَن اوُلدی آل الله کَباب
نَه رَذالتلَر ظُهورَه سِیزدَن اِی لَشگَر گَلور

قابِض الاَرواحوزام اِی قُوم گَلدِیم جان آلام
اَکبَری ئولدورمُوسُوز سِیزدَن گَرکدور قان آلام
باش وِئرَم بیر مَشگ سُو اِی لَشگرِ عُدوان آلام
اوُد دُوتُوب سُوزِ عَطشدَن نالِیَه اَصغَر گَلور

ئورگَدُوب جَنگی فُنُونی صاحِبِِ تیغِ دُو دَم
لَشگرِ جاوِیدِ اِسلامیتَه اَرتِشبُدَم
بیر نَفَر مَنلَن اوُلانماز تا قیامَت هَمقَدَم
جُز حُسین اِبنِ علی مَندَن هامی آخَر گَلور

بیر نَفَر سَسلندِی وِیرمَه صُحبَتَه عَبّاس طُول
یا گَرَک قارداشون اِئتسُون بِیعَتی شَخصاً قَبُول
کُوکَبِ اِقبالی یا بُو لَشگرین تاپسُون اِفُول
بُو اِیکی اِیشدَن سیِزَه هانسی گُورُون اَیسَر گَلور

تا بُو صَفلَر بُو عَلَم لَر وار بُو وَضع و های و هُو
وِیرمَرُوق بیر قَطرَه اَصلاً یِر یُوزین دُولدُورسا سُو
شیوِهء اَعراب یُوخ مَرسُوم دور دُنیادَه بُو
پیشنهاداتی قَبُول اِیلَر او که مُضطَر گَلور

چِشمِ عَبّاسَه بُو سُوزدَن اوُلدی دُنیا تار و تَنگ
سَسلَدی اِی بی حَیالَر سِیزدَه یُوخدور عار و نَنَگ
رِیزَه ماهی اوُلسا بیر مِیلیُون مَگر قُورخار نَهنَگ
شیر قُورخماز گُورسَه گَر رُوباه یُوز مِین لَر گَلور

تابِع قرآن اِمامی نَفسِینَه مُولا بُولَر
مَن حُسینَه نُوکَرَم بِیعت اِیشین مُولا بُولَر
صَفلَری سِیندیرماقی عَبّاسِ نام آوَر بُولَر
قَطع و فَصلِ مَطلبَه تِیغیم مَنیم داوَر گَلور

ئورگنَن شیرِ خدادَن فَنِ دَعوانی مَنم
قانیلَه دَریا اِئدَن خُشکِیدَه صَحرانی مَنم
تیتَرَر عالَم سَطوتیمدَن حِیدَرِ ثانی مَنم
مِثل و مانَندِیم جَهانَه اِئتمِیُون باوَر گَلور

مَن که قَتالِ العَرب دور حِیدَرِ کَرّار آتام
قُدّرَتیم وار قانُوزی نَهرِ فَراتیلَه قاتام
یا آلام نَهری و یا باش فِکرینی باشدان آتام
جَنگیمَه بیر بِیلَه لَشگَر گَر چِه سَرتاسَر گلور

تا دِیُوب بُو سُوزلَری قاخدی هَوایه صاق اَلی
بَرقِ تِیغِ تِیزی اِئتدی رَزمَگاهی مُنجَلی
حَملَه وَر اوُلدی سپاهَه دَلدَه ذِکرِ یاعلی
کُوفیان گُوردی علی اوُغلی علی سَسلر گَلور

یُوز فَراتَه قُویدولار اوُل فُرقِۀهء تَرسُو تَمام
اوُلدی ظاهر کَربَلادَه شُورِشِ یُومِ اَلقیام
هَر کِیمَه باشدان وُوروب عَبّاس نام آوَر حِسام
بَرقِ تِیغی تَنگَ مَرکَبدَن اوُلوب اَظهَر گَلور

اوُل نَهَنگِ بَحر صُولَت دِلدَن عَزمِ یَم قِیلوب
مَشگ چِشمِین تا سُویُون مُوجین گُورُوب پُر نَم قِیلوب
دُولدورُوب سُو مَشگین اوّل کِتفدَه مُحکَم قِیلوب
اوُوجونی دُولدوری قَلبیندَن گُورُوب آذَر گَلور

اَلدَه سُو اِئتدی نَظارَه لَشگَرَه اوُل جَنگَجُو
سَسلَدی یُوخ سِیزدَن اَصلاً باکِیم اِی قُومِ عَدُو
اِیچمَرَم اِیچسَم اَگر وار قُدرَتیم بُو مَن بُو سیو
اِیچمَسَه مُولا سُو اِیچماق نُوکَرَه بَدتَر گَلور

بُو سُوئی خَلقَه مُباح اِیلوب خدای لایَنام
وَحش و طِیر و دِیوِ و دَد سِیراب اوُلور بُوندان تَمام
وار نَه عِلّت اِئتمُوسُوز سِیز آلِ طاهایَه حَرام ؟
دِللّریِندَه اَلعَطش صُوتی اوُلوب ازبَر گَلور

تُوکَدِی اوجُوندان سُویی اوُل نُوجَوانِ نیکخُو
سُویلَدی اِی سُو سُولاردا قُویمادُون سَن آبریو
خِیمَه گَاهِ عِترَتِ طاهادَه یُوخ بیر شَربَه سُو
تَشنَه لیقدان دادَه آلِ ساقیّ کُوثَر گَلور

نَهردَن چخدی وَزیرِ جَنگِ شاهِ بی سِپاه
اوُینادی لَشگر یِریِندَن خِیمیَه باغلاندی راه
ماسَواللّهین پَناهی خِیمَه دَن اِئتدی نِگاه
دُورت طَرفدَن گُوردی اَشرارِ جَفا گُستَر گَلور

تا وَزیرِ جَنگینی تَک گُوردِی سُلطانِ حِجاز
اِیستَه دِی وِیرسُون وَفالی لَشگرَه بیر اِمتِیاز
مَرکَب اوُستن تِیغ اَلیندَه آچدی پَر چَون شاهباز
سَر سِپاهَه شاهِ بی لَشگر اوُزی یاوَر گَلور

قُدرَتِ قَهار اِئدُوب قُومِ سِتمکارَه هُجُوم
بَرقِ شَمشیری سالوب اَتباعِ شِیطانَه رُجُوم
گر چِه تِعدادِ سپاهی ثَبت اِیدُوبلَر کَالنُّجُوم
لِیک پَنبه تاب اِیدَنمَز گُورسَه گر اَخگَر گَلور

سَر سِپاه و شاه اوُلوبلار بیر بیرَه پُشت و پَناه
بیر طَرفدَن شاه بیر یاندان او یالقِیز سَر سِپاه
کَربَلادَن کُوفیَه قان سِیلی آچدی شاهراه
بیر طَرفدن ماه بیر یاندان خورشیدِ خاوَر گَلور

شاه و فَرماندِه اِیدَندَه حَملَه قُومِ کافَرَه
دَگدیلَر مُور و مَلَخ تَک اَهلِ کُوفَه بیر بیرَه
آتلی لار قاچدی قاچانلار بیر بیرِین یِخدی یِرَه
های و هُو قُوزاندی گُویا شُورِش مَحشَر گَلور

اِیلَدی دَستُور صادِر اِبنِ سَعدِ نابِکار
قاچمِیُون لَشگر اِیدُون جِدّیَتیلَه کارِ زار
بیر بیرندَن جَهد اِیدُون اوُلسُون اِیکی قارداش کَنار
گر بُولار آیریلماسا بیز قُومَه شُور و شَر گَلور

اوُلسالار با هم اَگر شَهزادِگان بُوتُراب
تَک نَه کُوفَه یِر یُوزین بالمَرّه اِیللَّر خَراب
پُورِ زال و سام و گَرشاسب اِیدَه هِیهات تاب
بیر یِری که اوُردا جَنگه بُو اِیکی سَروَر گَلور

شاه و فَرماندِه آراسیندا اوُلوب حایِل سِپاه
جَنَبِ نَهره دُوشدی سَقا جانِبِ خَرگاهَه شاه
با خَبَر اوُلماقلیقا بیر بیرلَریندَن گَاه گَاه
قُویدُولار بیر رَمز اوُندان ظاهِره مُضمَر گَلور

شَه قِلج وُوردُوقجا سَسلَردی اَنَا اَبنِ المُصطَفی
سَس وِیروب قارداشی سَسلَردی اَنَا اِ

• شنبه
• 14
• مرداد
• 1402
• ساعت
• 23:09
• نوشته شده توسط
• یوسف اکبری

گُوزَل عَبّاس دُولوب گُور نِجَه قان گُوزلَریوَه
هَر باخش خُوشدی حُسینُون دِیسَه جان گُوزلَریوَه

بَدرِ کَامِل دُوتولُوبدور گُورونُور آی پاراسی
قانُویلَه هُوورلُوب کَیپری گَیلَه قاش آراسی
بِیلَه اِحساس اِیدُورَم بیر گُوزیُون وار یاراسی
یُوخسا دولمازدی عَزیزیم بِیلَه قان گُوزلُریوَه

خُوش کِچُوب حُسنُوَه باخدُوقجا گُونُوم آئیم اِیلیم
نَه گَلُوب گُوزلَریُوَه دَردینی لازمدی بِیلیم
قُوی اوُزُوم لَختَه لَنَن قانینی آهِستَه سِیلیم
سَنی اَکبَر جانی سَن وِیرمَه تَکان گُوزلَریوَه

وار عَجَب غُصّه لی بیر مَنظَرَه سی گُوز قاشُوین
کاسه سی آهَن عَمُودِیلَه سنُوبدور باشوِین
قَلبی بُو چُولدَه جَوان داغی گُورَن قارداشُورین
اَبر تَک هَر گُوزی آغلور یُومُولان گُوزلَریوَه

تَنگه دُوشدی بُلورَم گَردِشی اوُلدُوزلاری مُون
عَلَمُون یاتدی یاتار بَختی آدامسیزلاری مُون
اَلدَه سُو جامی خیامی دُولانان قزلاری مُون
نِگَران گُوزلَری قُربان نِگَران گُوزلَریوَه

عالَمِ عِشقدَه هِیهات اوُلا خَستَه حُسین
مَست اوُلور باخدُوقجا سَن کیمی سَرمَستَه حُسین
بُو اُمیدیلَه گَلوبدور باشوِین اوُستَه حُسین
وُورا بیر بُوسَه على بُوسَه وُوران گُوزلَریوَه

قَلبیم اِیستُور سارالان رَنگیمَه قارداش باخاسان
نِجَه گُوزلَردَن آخُور صُورَتیمَه یاش باخاسان
نِچَه لَحظَه سَنَه اِمکان اوُلا اِیکاش باخاسان
چاغُرام تَشنَه اوُشاقلار وِیرَه سان گُوزلَریوَه

یُوزُوین قاننی سُولمُوش یُوزیمَه باخدوقجا
دَردیم آرتُور نِلیُوم اَشگِ تَریم آخدُوقجا
شاد اوُلاردیم اِیکی زِیبا گُوزیُوَه باخدُوقجا
باخُورام حَسرَتیلَه اِیندی هَمان گُوزلَریوَه

بُو اوُجا قامتَه حِیرانیدی هَر سَروِ رَوان
خَم کَمَر گُورمَمشیدی مَنی دَه دورِ زَمان
اَل اَله وِیردی بُو گُون دُوز اوُخولان اَیری کَمان
اوُلدی بیر اِیش باخُورام قَدّی کَمان، گُوزلَریوَه

زِندَگیدَه سَنیدُون لَذّتی رُوز و شَبیمُون
دادی گَئتدی سَنه قُربان دِیلیمُون هَم لَبیمُون
تَک مَنیم یُوخ، گُوزی سَندِیدی گُوزَل زِینَبمُون
قُویدی حَسرت باجوی جَبرِ زَمان گُوزلَریوَه

سِندِیرُوب دَرد و غَمُون اِئتدی مَنی اَفتادَه
رَغبَتیم قالمادی بُو دِیرِ خَراب آبادَه
یاشاسِیدیم مَن اَگر نُوح کیمی دُنیادَه
اِیلیردُوم سَنُون هَر لَحظه فَغان گُوزلَریوَه

#جواب_حضرت_ابولفضل_علیه_السلام

آچماقا گُوزلَریمی یُوخدی دِئدی چارَه آقا
بیر گُوزُوم تیرِ جَفائیلَه اوُلوب یارَه آقا
بیر گُوزُوم دَه اوُتانُور باخسِین او رُخسارَه آقا
وُورما اوُز باخمارام اوُل اَشگ فِشان گُوزلَریوَه

گر چِه کَامِ رُخِ یار آلماقی خُوشدور گُوزُومُون
کِپریگین بیر بیرینَه چالماقی خُوشدور گُوزُومُون
دَردُون آرتار یُومُولی قالماقی خُوشدور گُوزُومُون
عاشقم یُوخسا بُلورسَن آقاجان گُوزلَریوَه

اوُلوب اوّل باخشیم روزِ تَوَلد دَه سَنَه
بُلُنُوب مَعرفَتیم سَندَه کِی وَجه الحَسنَه
آخریم گُور هارا مُنجَر اوُلوب اِیوای دِئ مَنَه
باخا بُلمُور قوجاقوندا گُوز آچان گُوزلَریوَه

• شنبه
• 14
• مرداد
• 1402
• ساعت
• 23:23
• نوشته شده توسط
• یوسف اکبری

اِی شاهبازِ بی پَریم مِیداندا یاتما دور گِئدَک
عَبّاسِ هُمّت پَروریم مِیداندا یاتما دور گِئدَک

گُلشَندَه سینُون یاره سی گُللّر آچوب گُلزار تَک
اَمّا شکُفتَه گُللّرَه اوُخلار باتوب دور خار تَک
اَعدایَه اوُلدون نیزه پُوش سَن جَعفَرِ طَیّار تَک
دُوشدُوم حِصارِ آهنَه من نُقطهء پَرگَار تَک
باخدُوقجا تترَر پِیکَریم مِیداندا یاتما دور گِئدَک

بیر یاندا پَرچَم بیر یانا پِیکر بُویُوندا قُول دُوشُوب
قانون آخوب سُو تَک یِرَه مِیداندا قرمز یُول دُوشُوب
نَخلِ وِجودوندان اَخی بَر جَسته بیر جُوت قُول دُوشُوب
بیر یاندا شَمشیرُون دُوشوب بیر یاندا ساق و صُول دُوشُوب
اِی یادگارِ حِیدریم مِیداندا یاتما دور گِئدَک

عَلقَم کَناریندَه سَنُون اَطرافوی دُشمَن آلوب
آتدان یخوبلار تُپراقا جِسموُن یُوزی اوُستَه قالوب
گُویا سنق کَشتی دُوشوب گِردابیدَه لَنگَر سالُوب
فارغ اوُلوبدور کُوفیان طَبلِ یُریش بیردَن چالُوب
آلدی قُشُون دور و بَریم مِیداندا یاتما دور گِئدَک

آهیم بُو لَرزان جِسم تَک لَرزَه سَماواتَه سالور
قارداشوی دُشمَن گُورور بُو حالَتیلَه کام آلور
یاتما بُو قانلی رَزمیدَه اَخیام بی صاحِب قالور
مَن باشُون اوُستَه آغلارام شام اَهلی اَمّا اَل چالُور
ظاهر اوُلوبدور مَحشریم مِیداندا یاتما دور گِئدَک

تیرِ جَفایَه آلنُوی قُومِ دَنی اِئتمیش هَدَف
اَل اولمیُوبدور گُوزلَروندَن قانی اِئتسُون بَر طَرف
قان پَردَه چَکمیش رویُوَه آی تَک اوُلوبدور مُنخَسَف
نیزاری دور گُویا سینُون اوُخلار دوروبدور صَف به صَف
ای یاره لی سَرلَشکریم مِیداندا یاتما دور گِئدَک

• یکشنبه
• 15
• مرداد
• 1402
• ساعت
• 13:50
• نوشته شده توسط
• یوسف اکبری