اشعار حضرت ابالفضل(ع)

ای آخان قان پنجه سیندن
رزمگاهون شیری قارداش
دور گلوب گون باشون اوسته
آل اله شمشیری قارداش
.
یاتما ای شیر شجاعت
ایله اسلامه حمایت
.
.
آه او گوزلر که ابالفضل
قورخودان یاتمازدی راحت
ایندی آسوده یاتالار
سنسیز ای کان شجاعت
بو پیمبر قیزلاریندان بیرده
کیم ایلر حمایت
زینبون اوج ایلر عرشه
نالۀ شبگیری قارداش
.
.
تا سسون گلدی خیامه
ناامید اولدوم اوزومدن
انکسار معنویت
آشکار اولدی یوزومدن
گتدی الدن اختیاریم
خون دل آخدی گوزومدن
پوزدی حال اهل بیتی
حالیمون تغییری قارداش
.
.
ای اولان سو اوسته عطشان
قانینه غلطان ابالفضل
نوک خاریله وجودی
گل کیمی خندان ابالفضل
بو اوغولسوز جانیم اولسون
جانیوه قربان ابالفضل
گلماقا

• شنبه
• 19
• مرداد
• 1398
• ساعت
• 14:16
• نوشته شده توسط
• ابوالفضل عابدی پور

شجاعت

عشق سرگردان قالار عشق ابوالفضل اولماسا
واژه لر پنهان قالار مشق ابوالفضل اولماسا

معصیتده غرق اولار امت ابوالفضل اولماسا
گون به گون گوزدن دوشر غیرت ابوالفضل اولماسا

هانسی مجلسده اگرذکر اولماسا زیبا آدی
مُستَمِع روحیه تاپماز مجلسون اولماز دادی

رشته مهری قیریلماز ، محکم وپیوسته دی
شیعه لر مین دورد یوز ایلدور عشقنه وابسته دی

سینه زنلر شوره گلدوکجه دیللّر جان آقا
غیرتون قربان ابوالفضل ، عشقوه قربان آقا

عشق عباس اولماسا عاشق مسیریندن دونر
مشعل پرنور حریت اورکلردن سونر

پاک وبا تقواخانملار اورگدر اولادینی
اولیندن عاشق عباس ایدر نوزادینی

عشقنون مستحکم ایلر گوزیاشیلا پایه سین
اهلبیته وقف ای

• دوشنبه
• 17
• مهر
• 1396
• ساعت
• 07:34
• نوشته شده توسط
• علی ببیرپور

ای دیلیم لال اولما سسله عشقیلن دم صاحبین
نیتین پاک ایله دون سال یاده پرچم صاحبین
.
پرچمی که اسماقی هر روحه ریحان گوندرر
پرچمی که اسماقی چوخ پیکره جان گوندرر
پرچمی که اسماقی چوخ درده درمان گوندرر
سنده سسله عشق واحساسیله توام صاحبین
نیتین پاک ایله دون سال یاده پرچم صاحبین
.
ناجی دین پیمبردور ابوالفضل پرچمی
قائم صمصام حیدردور ابوالفضل پرچمی
کشتی اسلامه لنگردور ابوالفضل پرچمی
هرزمان هروقفه سسلن سن ده محکم؛صاحبین
نیتین پاک ایله دون سال یاده پرچم صاحبین
.
پرچم عباس بیرلحظه تزلزل ایلمز
اعتلای پرچمه شیعه تعلل ایلمز
جز بو درگه آیری درگاهه توسل ایلمز
پرچمه صاحب بیلوللرهامی علقم صاحبین
نیتین پاک ایله دون

• سه شنبه
• 23
• مهر
• 1398
• ساعت
• 16:41
• نوشته شده توسط
• ابوالفضل عابدی پور

بخش 2️⃣
ئورگدوب جنگی فنونی صاحبِ تیغ دو دم
لشگر جاوید اسلامیته ارتشبُدَم
بیر نفر منلن اولانماز تا قیامت همقدم
جز حسین ابن علی مندن هامی آخر گلور
بیر نفر سسلندی ویرمه صحبته عباس طول
یا گرک قارداشون ائتسون بیعتی شخصاً قبول
کوکبِ اقبالی یا - بو لشگرین تاپسون افول
بو ایکی ایشدن سیزه هانسی گورون اَیسَر گلور
تا بو صفلر بو علم لر وار بو وضع و های و هو
ویرمروق بیر قطره اصلا یر یوزین دولدورسا سو
شیوۀ اعراب یوخ - مرسومدور دنیاده بو
پیشنهاداتی قبول ایلر او که مضطر گلور
چشم عباسه بو سوزدن اولدی دنیا تار و تنگ
سسلدی ای بی حیالر سیزده یوخدور عار و ننگ
ریزه ماهی اولسا بیر میلیون مگر قورخار نهنگ
شیر قورخماز گ

• سه شنبه
• 27
• شهریور
• 1397
• ساعت
• 19:35
• نوشته شده توسط
• ابوالفضل عابدی پور

من غم عشقه گرفتار اولموشام
اهل عشقه یار و غمخوار اولموشام
دلبریم باب الحوائج دور منیم
عاشق دست علمدار اولموشام
یا ابوالفضل یا ابوالفضل یا حسین

ساقی عطشانه اولسون آفرین
کیم اونا دیل باغلاسا اولماز غمین
دردون اولسا سسله عباس الدخیل
درده درماندی یل ام البنین
یا ابوالفضل یا ابوالفضل یا حسین

افتخار عترت طاهادی بو
سر سپاه لشکر مولادی بو
غیرت عباسه بو جانیم فدا
کربلاده تشنه سقادی بو
یا ابوالفضل یا ابوالفضل یا حسین

باغ مولاده آچیلمیش یاسه باخ
شیعه لرده شوره باخ احساسه باخ
بی سبب سن گزمه ای دل گویلری
آچ گوزون آی دان گوزل عباسه باخ
یا ابوالفضل یا ابوالفضل یا حسین

قاف عشق و معرفت عنقاسیدی
باوفادی غیر

• پنج شنبه
• 22
• فروردین
• 1398
• ساعت
• 10:22
• نوشته شده توسط
• ابوالفضل عابدی پور

ای یل آزاده ابالفضل
بو دل دریاده ابالفضل
فاطمیم قلبی شکسته
گلمیشم امداده ابالفضل
قولون یوخدور اوغلوم
گوزون اوخدور اوغلوم
یوزی اوسته دوشمه
یارون چوخدور اوغلوم
ابالفضلیم ... ابالفضلیم

سرو وجودین اسوب اوغلوم
سینه ده صبرون کسوب اوغلوم
اوچ پر اوخ آلنیندان ئوپوبدی
گوزلروه قان دولوب اوغلوم
کسوبلر خوللارین
بدندن قوللارین
گوزون گورمور اوغلوم
خیامون یوللارین
ابالفضلیم ... ابالفضلیم

چاره یولون لطف ائله کسمه
پرچمه تای صاق صولا اسمه
صبر ائله دوشمه یئره آتدان
سن آنوون جانی تلسمه
دایان سن بیل تاری
تلاش ایله باری
گوزی یولدا قویما
لب عطشان قیزلاری
ابالفضلیم ..‌. ابالفضلیم

نار غم و حسرته یانما
پوزقون عقاب اوسته دولانما
قامتی خم فاطمیم من
سینمه گل اوغلوم اوتانما
ساچی آق مجنونم
بو غمدن دلخونم
منه مادر سسله
سنه من مدیونم
ابالفضلیم ... ابالفضلیم

محنت الیندن دیله گللم
فاطمیم قدرووی بیللم
باشوی آلام دیزیم اوسته
گوزلروین قانینی سیللم
حیالی اوغلومسان
وفالی اوغلومسان
یارالی زهرایم
یارالی اوغلومسان
ابالفضلیم ... ابالفضلیم

غم یئمه ای نور دو عینیم
عرشه چخوب شیون و شیمیم
تک بئله میدانی دولانما
سسله گله داده حسینیم
حسین دردون بیلسه
فرات اوسته گلسه
دییر ایوای یارداش
سنی قولسوز گورسه
ابالفضلیم ... ابالفضلیم

کانال اشعار عباسی معروفان اهری

• چهارشنبه
• 26
• آذر
• 1399
• ساعت
• 22:51
• نوشته شده توسط
• یوسف اکبری

مگر وار هانسی آیدا بو فضیلت

اولا شعبان کیمی دارای عزت

اونن شأنینده بسدور بش دلالت

دیوم بیر بیر سنه ایله قضاوت

اوچینجی گون حسین نجم امامت

وئروب زینت یره تاپدی ولادت

یازوب دوردینجی گون کلک مشّیت

ابالفضل آرتیرا شعبانه قیمت

بشینجی گون خدا ائتدی عنایت

حسینه وئردی سجادی سلامت

آیون اون بیر گونی آرتیلدی رحمت

یاراندی اکبر طاها شباهت

خلاصه نیمه ی ماه کرامت

گل نرجس وئروب شعبانه زینت

• جمعه
• 28
• آذر
• 1399
• ساعت
• 21:27
• نوشته شده توسط
• یوسف اکبری

عباسیمون اوجا بویی واریدی
گؤزلریندن حیدره اوخشاریدی
من گؤرمدیم زینب دیور ابالفضل
یامان گونده قارداشینا یاریدی

غروب اولار قاپیلاری باغلارام
آخ چکرم ئورگیمی داغلارام
خیالیمده خاطره لر دولانار
گه عباسه گه حسینه آغلارام

منیم اوغلوم عبداللهین آتاسی
شهید اولوب آغلار قالیب بالاسی
فرات اوسته گؤزلرینه اوخ دگوب
منه گلسین گؤزلرینون قاداسی

سوار اولوب غم مرکبین پیلرم
عباس آدین هی دیلیمده سویلرم
گؤزل نوه م پرچم آلار الینه
باخوب اونا عباسی یاد ایلرم

کانال اشعار عباسی معروفان اهری

• دوشنبه
• 1
• دی
• 1399
• ساعت
• 23:38
• نوشته شده توسط
• یوسف اکبری

ابالفضلم حسین شرمنده ساقی
یل ام البنین زهرا قوناقی
گرک قارداش رقیه سویگولوندن
حلالیت آلام عمر اولسا باقی

حسین آلدیم فراتی سسلدیم هو
سو آلدیم اللره سو ووردی سوسو
سودا گؤردوم علی اصغر عکسین
سویی توکدوم فراته ایچمدیم سو

یولوم کسدی عدو دل یاندی قارداش
منه چاره یولی باغلاندی قارداش
شرافت ٬ پرچمیدی - عزتیم مشک
بیری دوشدی بیری اوخلاندی قارداش

کانال اشعار عباسی معروفان اهری

• دوشنبه
• 1
• دی
• 1399
• ساعت
• 23:41
• نوشته شده توسط
• یوسف اکبری

ظلمتی نور حق یخدی
حیدر ایوینده آی چخدی
ستاره لر شوقه گلدی
علینون قلبی دینجلدی

آخار دامنه گوز یاشیم
یا قمر بنی هاشم

آیدا بیله طلعت اولماز
بو قاش گوز بو صورت اولماز
ام بنین دوغان اوغلان
هر آنیا قسمت اولماز

کیمدی بو دلداره بنذز
آلننا مه پاره بنذر
اَنی کورک اوزون قولدان
جعفر طیاره بنذر

عجب چهره چکوب نقاش
اوخ کیمی مژگان قلم قاش
گورن دیدی مبارکدی
حسین چوخ ایستین قارداش

حُسنیده الله رضاسی
بو گوهرون یوخ بهاسی
ئوپدی لبین دیدی زینب
شیر اولی شیرون بالاسی

دل گوینگون سویماق اولماز
گل عطریندن دویماق اولماز
گوزه گلن سرو نازی
گوزدن اوزاق قویماق اولماز

زمان چرخی دولاندیردی
قلب علینی یاندیردی
سو اوستونده

• پنج شنبه
• 22
• فروردین
• 1398
• ساعت
• 12:20
• نوشته شده توسط
• ابوالفضل عابدی پور

هر کس ایستور تاپسون عشق صادقی
حضرت عباسین اولسون عاشقی

بو سپهسالار دشت کربلا
کیمسه نی مشگلده قویماز مطلقا

بی سبب بو منبع جود و کَرَم
کربلاده اولمیوب صاحب عَلَم

شاد ائدوب زهرانی واردور علتی
نصرت ایلوب اهلبیت عصمتی

دشت غمده بو جوان باوقار
دینه خاطر ایلیوب جانین نثار

گورمیوبدور مثلینی دنیا گوزی
عرشیده وار هر گون عباسین سوزی

شان عباسی یازا کیمسه چتین
حشره تک اولسا اگر عمری یقین

نُه فلک آلسا اگر خامه اَله
وصف عباسی یازانمازلار هَله

هر کیم ایستور درک ایده بو مطلبی
شرحینه لطفاً چاغورسون زینبی

• شنبه
• 6
• دی
• 1399
• ساعت
• 19:56
• نوشته شده توسط
• یوسف اکبری

سبک : همه جا بروم به بهانۀ تو ...

ابالفضل ای اولان دین حق فداسی
حسینون یاوری کربلا سقاسی
کر:
سن مشکل لری آسان ایلرسن
چاره سیز درده درمان ایلرسن
یا ابا فاضل مددی مولا

مهریوه عشقیوه قلبیمی سوزان ایت
سفرۀ احسانه منیده مهمان ایت
دردیم وار یا عباس دردیمه درمان ایت
سن مشکل لری آسان ایلرسن
چاره سیز درده درمان ایلرسن
یا ابا فاضل مددی

• جمعه
• 12
• دی
• 1399
• ساعت
• 23:02
• نوشته شده توسط
• یوسف اکبری

نه اولار مقتلیمی غرق صفا ایلیه سن
آلاسان جانیمی بو روحی رها ایلیه سن

سنه لبیک دیور بو سینمون یاره لری
تا کی بو یاره لی قربانی دعا ایلیه سن

ای طبیبیم منه باش چک کی ئولور بیمارون
گوزلریم یولدادی گل بلکه دوا ایلیه سن

من سنون درگهیون نوکریم ؛ منن اوتور
حیف دور قامت شمشادیوی تا ایلیه سن

آغلاما قولاریمی گورسن ؛ اولار تحفه دیلر
بوکولن قامتیوه بلکه عصا ایلیه سن

• جمعه
• 10
• بهمن
• 1399
• ساعت
• 17:17
• نوشته شده توسط
• یوسف اکبری

ابالفضل گلدی دنیایه
سووندی آل پیغمبر
گلوب وَجده فَرَحلندی
امیرالمؤمنین حیدر

مبارکدی مبارکدی
مبارکدی مبارکدی(۲)

حسین آغوشینه آلدی
دئدی آچ گوزلرون قارداش
ابالفضل تا گوزین آچدی
حسین توکدی یوزه گوزیاش
اولوبلار قول بویون باهم
ایکی قارداش٬ایکی یولداش
چاتوب آمال و مقصوده
ایکی دلدار٬ایکی دلبر

مبارکدی مبارکدی
مبارکدی مبارکدی(۲)

گوروب بو صحنه نی زینب
دئدی به به صفا گلدی
حسینجان گوزلرون آیدین
که یارِ با وَفا گلدی
دیون دردی اولان گَلسون
هامی درده دوا گلدی
چالیندی دَف٬ویریلدی نِی
دگوبدی بیربیره اللّر

مبارکدی مبارکدی
مبارکدی مبارکدی(۲)

اونا لایلای چالور زینب
دیور جانیم سنه قربان
اوزرّیک یاندیرور تِزتز

• چهارشنبه
• 28
• فروردین
• 1398
• ساعت
• 11:59
• نوشته شده توسط
• ابوالفضل عابدی پور

ماتیدور امواج دریالر ابالفضل عشقینه
محویدور ابصار رعنالر ابالفضل عشقینه

سوزدی جامِ اُلفتیندن عشقینون بیر قطره‌سی
اولدی عاشق،عشقِ زیبالر ابالفضل عشقینه

گؤز که آچدی دهره احساسیله قیلدی بیر نگاه
سیغمادی گوشینده صحرالر ابالفضل عشقینه

گؤرمقه بیریول یوزون باش قویدی یکسر چوللره
اولدی مجنون کل لیلالر ابالفضل عشقینه

تا یازیلدی پاک آدی نوریله لوحِ اعظمه
دست بوسه گلدی حورالر ابالفضل عشقینه

آستان عشقینون توپراقینی تا اوپمقه
باش أگیبدور نخل طوبالر ابالفضل عشقینه

روحی اقدس دور،ازل عشقی مقدس خلق اولوب
یوز دوتوب پاکیزه سیمالر ابالفضل عشقینه

اول فقیرم منکه قلبیم،عشقی دولتمند ائدوب
یوخ نیازیم گلسه دنیالر،ابالفضل عشقینه

• چهارشنبه
• 4
• فروردین
• 1400
• ساعت
• 20:21
• نوشته شده توسط
• یوسف اکبری

ای عاشقان گلدی عشقین علمداری
سلطان احرارین آزاده سرداری

فرزند بی‌باک امیرالمؤمنین گلدی
زینب گولومسوندی یل امّ البنین گلدی

جانم ابالفضل جانم ابالفضل(2)

همّتده والادی غیرتده دریادی
دل‌های ظلامه وحشت سالار آدی

عبّاس نام‌آوردی بیر شیر دلاوردی
قهر و غضبده سهمیده صولتده حیدردی

جانم ابالفضل جانم ابالفضل(2)

زینب وئریب مژده ای نور عینیم گل
دیدار عبّاسه تئز گل حسینیم گل

ای کربلا سلطانی گل صاحب لوا گلدی
غرّنده شیر بیشۀ شیرخدا گلدی

جانم ابالفضل جانم ابالفضل(2)

آغوشینه آلدی اؤز اوغلونی حیدر
قربان دئدی اولسون عبّاسه عاشقلر

سرو روانون باغبانی خوللارین اؤپدی
سیلدی سرشکین شاه مردان قوللارین اؤپدی

جا

• چهارشنبه
• 28
• فروردین
• 1398
• ساعت
• 12:55
• نوشته شده توسط
• ابوالفضل عابدی پور

ای گرفتار بلا داده ابالفضلی چاغیر
ایستوسَن کربُبَلا داده ابالفضلی چاغیر
صاحبِ مشک ولوا داده ابالفضلی چاغیر

جلوهٔ عشق و وفادی شرفُ النّاسین آدی
هامی امراضه شفادی آقام عبّاسین آدی

اونی الله بَیَنوب معنوی احساسه گوره
اوجا بویلی یارادوب نانجیب اشخاصه گوره
پای ویروب قارداشینا لحظهٔ حسّاسه گوره

نه فقط شیعه ائدر نذر اوگُلِ یاسه گوره
واردی چوخ ارمنی قربان کَسَر عبّاسه گوره

• پنج شنبه
• 5
• فروردین
• 1400
• ساعت
• 11:40
• نوشته شده توسط
• یوسف اکبری

چرخ شرفین عنقاسی گلوب
جود و کرمین دریاسی گلوب
لب تشنه لرین سقاسی گلوب
خیبر ییخانین همتاسی گلوب
مولا مددی (٤)

حلقه ، زر اولا هر قاش یاراشار
حُسن اولساگوزل هرساش یاراشار
عالمده حسین تک شاهه فقط
عباس آقا تک قارداش یاراشار
مولا مددی (٤)

بیر ماه ِ ملک منظردی آقام
دین کشتی سینه لنگردی آقام
غیرتدن اگر کیم صحبت آچا
غیرتده دیئر حیدردی آقام
مولا مددی (٤)

کفّاره گلوب دل داغلاماقا
طوق شرفه بئل باغلاماقا
چوخ پهلوانا دنیا یئر اولوب
جرأتده بیری چاتماز آقاما
مولا مددی (٤)

زیبا یارانان مهسا یوزه باخ
دیلده دیگیلن شیرین سوزه باخ
گورسه آقامی یوسفده دیئر
گول قامته باخ شهلا گوزه باخ
مولا مددی (٤)

بنزر کرمی دری

• چهارشنبه
• 28
• فروردین
• 1398
• ساعت
• 13:27
• نوشته شده توسط
• ابوالفضل عابدی پور

ایُّهاالنّاس گَلون عاشق شیدایه باخون
قوس ابروسی کمان دیدهٔ شهلایه باخون

عشقیله سِیر ائلیون ماه بنی هاشمی سوز
هم اوزون قولّارینا٬ هم قَدِ رعنایه باخون

بو اوزون قولّاری مشکل آچاجاق شیعه لره
عشقیله مشکل آچان٬ پنجهٔ بیضایه باخون

مرتضانون ائوینون چوخدی هیاهوسی بوگون
اوردا برپا اولونان شادی و غوغایه باخون

آلدی آغوشه علی اوپدی اوزون قولّارینی
ماشاءَاللّه دئدی بو قامت طوبایه باخون

بوگوزل قارداشوز اسلامه علمدار اولاجاق
بوسپهدار و بو سردار و بو سقّایه باخون

ایندی گور نیلدی عبّاس آناسی امّ بنین
ادب و معرفت همسر مولایه باخون

زینبین و حَسنینی چاغیروب اوز یانینا
نوکروزدی دئدی اوغلوم بو دل آرایه باخون

• چهارشنبه
• 28
• فروردین
• 1398
• ساعت
• 13:28
• نوشته شده توسط
• ابوالفضل عابدی پور

.....آی دئمَلی دردی اولان.....

خوشدی بنده سوزونی٬ خالقِ داداره دئسون
رسمیدی یار گلوب٬ دردِ دلین یاره دئسون

ای علی شیعه سی شخصیّتوی خوار ائلمه
شیعیه ننگیدی٬ اوز دردینی اَغیاره دئسون

هرکیمین حاجتی وار٬ نیّتینی پاک ائلَسون
دیمورم هیچ سوزونی حیدر کرّاره دئسون

ولی حیدر اتگیندن٬ یاپیشوب حاجتینی
اوجا بوی اوغلی٬ ابالفضلِ علمداره دئسون

• پنج شنبه
• 5
• فروردین
• 1400
• ساعت
• 12:33
• نوشته شده توسط
• یوسف اکبری

ای شیر وفادار و وفا پَروَر آز آغلا
غیرتلی‌اوغول‌حیفیدی بو‌گوزلر آزآغلا

آز قالدی که لبّیک دیَم داعی حقّه
آخر بو منادی هامونی سسلر آزآغلا

من گیتملیَم توکمه یوزه سیل سرشکون
سیل گوزلروی ای گُل خوش منظر آزآغلا

گل سنله ویروم الْ اله قارداشون حسینی
بیرگون بو سوزوم قلبوی شاد ایلر آزآغلا

قارداشسان اگرچه هله مولا دِئ حسینه
نوکر بیل اوزون عالَمَه اُوُل سَروَر آز آغلا

زهرانی گورنده بیلینَر شأن و مقامون
تکلیفون اولار گون کیمی روشنتر آز آغلا

زهراسنه‌اوغلوم‌دئسه‌قارداش‌دِئ حسینه
زهرا نظر ائتسه آقادور نوکر آز آغلا

قویما اولا احوالی پریشان بو حسینون
غیرتلی‌اوغول‌جان‌سنون،جان‌بوحسینون

• پنج شنبه
• 5
• فروردین
• 1400
• ساعت
• 16:12
• نوشته شده توسط
• یوسف اکبری

ای وجودی نازنین
زاده ام البنین
آغلاما لایلای گل زیبا اباالفضلیم
کربلاده قیزلارا سقا ابالفضلیم
مقدمون مبارک...

گل عذاریم قارداشیم
باوقاریم قارداشیم
ایسترم من چوخ سنی
افتخاریم قارداشیم
آغلاما لایلای گل زیبا اباالفضلیم
کربلاده قیزلارا سقا ابالفضلیم

سن منه غمخوار سن
عالی پرچمداری سن
لشکر اسلامیده
سن سپهسالاریسن
آغلاما لایلای گل زیبا اباالفضلیم
کربلاده قیزلارا سقا ابالفضلیم

ای وفالی یاوریم
مرتضایه بنذریم
آغلاما سن سن منیم
قارداشیم سرلشکریم
آغلاما لایلای گل زیبا اباالفضلیم
کربلاده قیزلارا سقا ابالفضلیم

یاندی قلببیم بو سوزه
قالمشوق بیز یوز یوزه
اوچ پر اوخ بیر گون دگر
سنده بو آغلار گوزه
آغلاما لای

• پنج شنبه
• 29
• فروردین
• 1398
• ساعت
• 10:36
• نوشته شده توسط
• ابوالفضل عابدی پور

آچ گوزون ای ماه منیریم
باخ منه بیر شیر دلیریم
هر باخیشون جاندی حسینه
آی منیم ایستکلی وزیریم

مه آل هاشیم
ادبلی قارداشیم
سنه هر باخدیقجا
آخیر گوزدن یاشیم

(ابوالفضلیم علمداریم)

ای منه دلدار وفادار
سن اولاجاقسان منه سردار
دهریده مشهور اولاجاقسان
قارداش ابوالفضل علمدار

گوزل طلعتون وار
اوجا قامتون وار
اوزوندی قولارون
عجب صولتون وار

(ابوالفضلیم علمداریم)

گوهر ایمانه صدفسن
غیرته داغ ٬ بحر شرفسن
سهم و صلابتده ابوالفضل
عینا آتام شاه نجفسن

کنارونده قالام
سنون نازون آلام
سنه گوزوم نوری
ئوزوم لای لای چالام

(ابوالفضلیم علمداریم)

ملک کرامتده شهنشاه
خلق ائدوب الله سنی چون ماه
بد نظرین کاش نظریندن
گوز

• پنج شنبه
• 29
• فروردین
• 1398
• ساعت
• 11:09
• نوشته شده توسط
• ابوالفضل عابدی پور

آچدی بوگون گوزون سردارکربلا
صد آفرین سنه ام البنین اولا
عباسه اولموسان بو گونده سن آنا
اولدی قمر عیان *گلدی بو قهرمان

واگیر ::

زهرایه ویر خبر عالم اولوب بهار
الله حسینیوه عباسی ویردی یار
عباس آقا مدد * مشگل گشا مدد

گل اوسته آچدی گل شمس وقمرعیان
گلدی حسینه بو بازوی پر توان
سقای کربلا دین مبینه جان
واردور اوزون قولی * هم صاغ هم و صولی

قامتده سرویدی لب جام کوثری
قاشلار کمانی دور قدرتده حیدری
عشاق عالمی ایلر بو رهبری
به به گوزلدی بو * هم بی بدلدی بو

آی تک جمالی وار هم وار صلابتی
مثلین گورنمیوب دنیا جماعتی
آیت دی خالقه فضل و کرامتی
قاشلارکشیده دی * حسنی حمیده دی

عباسینی آلوب حیدر قو جاقینه
گو

• پنج شنبه
• 29
• فروردین
• 1398
• ساعت
• 11:16
• نوشته شده توسط
• ابوالفضل عابدی پور

چاتدی بالین ابوالفضله توکوب گوز یاشین
گوردی قولسوز یخلیبدور اوجا بوی قارداشین
دئدی منسیز نه چکیب دشمن الینده باشین

بدنونده گورورم نیزه،قلیج،داش یئری وار
یئر گوی احوالیوه قان آغلاسا قارداش، یئری وار

گوزون آشسان تیکروک گوز گوزه دردیم آزالار
آشماسان بو ئورییم آتش حسرتده یانار
ایستییرسن دوراسان دورماغا قویمور یارالار

منیده بو بئلیمین سینماقی قویمور دوزلم
سنی قولسوز گورن هنگامیده آز قالدیم ئولم

• یکشنبه
• 8
• فروردین
• 1400
• ساعت
• 11:44
• نوشته شده توسط
• یوسف اکبری

گلمیشوک غملی قرا کوینگیله یاسه بوگون
باغلیوخ دیلده جوشان آغلادان احساسه بوگون
گلمیشوک دردیمیزی سویلویک عباسه بوگون

یولا سالسا قاپسیندان الی قوینوندا بیزی
گئدروک بس کیمه بیز سویلویریک دردیمیزی

ئورگدیبلر بیزی هر دردی ابالفضله دیون
دینمیون ضربه ی نامردی ابالفضله دیون
هر کیم امید گولون دردی ابالفضله دیون

آغانون غیرتی چوخدی قانوزا قان ائلیر
چاره سیز دردیز اولاندا ئوزی درمان ائلیر

ایستیون دردیزه گیزلینجه دوا ویرسین آقا
او سینان قلبیلره ذوق و صفا وئرسین آقا
کربلا ایستینه کرب و بلا وئرسین آقا

اهل دردیله گئدک دار شفایه هاممیز
یوللاناخ هیئتیله کرب و بلایه هاممیز.

• یکشنبه
• 8
• فروردین
• 1400
• ساعت
• 11:46
• نوشته شده توسط
• یوسف اکبری

‍ ای شه با وفا یا ابوالفضل
سرور ماسوا یا ابوالفضل

ای علمدار ملک ولایت
ساقی کربلا یا ابوالفضل

آدووه ازبرم سیدی من
وار آدوندا صفا یا ابوالفضل

دردیمین سنده واردی دواسی
دردیمه قیل دوا یا ابوالفضل

کربلا عشقی واردور باشیمدا
ور بیزه کربلا یا ابوالفضل

گلمیشم هیئتونده دخیلم
حاجتیم وار آقا یا ابوالفضل

سن عزیز شه لا فتی سن
مفخر کبریا یا ابوالفضل

ای گوزل صورتی آی مثالی
گول یوزی مه لقا یا ابوالفضل

ای سمای شرفده ستاره
گوهر پر بها یا ابوالفضل

اربعین حضورونده اولدوخ
اوردا دوتوخ عزا یا ابوالفضل

ای کرم معدنی ایله ((احسان))
معنی هل عطا یا ابوالفضل

• یکشنبه
• 8
• فروردین
• 1400
• ساعت
• 12:13
• نوشته شده توسط
• یوسف اکبری

مین کتابی بیراشارتدن اوخور فرزانه لر
روز بیعتدی دولوبدی قانیلن پیمانه لر

سرووی سیندیردی دشمنلر آییردی خوللارین
عیبی یوخ قارداش ساغ اولسون غنچه لرریحانه لر

تشنه لبلرلن بیر ایش گوردوم کنار نهریده
تا قیامت اقتدا ایلر منه مستانه لر

بیر غریبه حالتیم وار هم خمارم همده مست
درک ائدنمز بو مبارک حالتی بیگانه لر

زلفیمه بیرنوعی خنجرلر سروسامان وئروب
بو پریشانلیقدا گیسونی گورنمز شانه لر

قالخیزاندا نوفل ظالم عمودی غیضیلن
یومدیلار گوز چیگنیمون اوسته قونان پروانه لر

بیلورم بیر لحظه ده اعجاز عشقون نیلدی
شمعِ سقا سوندی ، یاندی شمعِ سقاخانه لر

• سه شنبه
• 24
• فروردین
• 1400
• ساعت
• 16:11
• نوشته شده توسط
• یوسف اکبری

مژده ای دل اورک صفاسی گلدی
عالمین سرور و مولاسی گلدی
قامتی رعنا گل یوزی زیبا
گیپریگی اوخ قاشی کمان گوزلری شهلا
واگیر: یا مولا یا ابوالفضل

بارالها نه همت یارادیبسان
خلقتنده قیامت یارادیبسان
بیله پای اولماز گوزل آی اولماز
چوخدی گوزل بیری ابوالفضل تای اولماز

یوسفی گرچه دنیا بینیبدی
صدق اوزیله زلیخا بینیبدی
یوسف مصری که یوخ نظیری
عشقده اولموش اوزی عباسین اسیری

قارداشین قارداشی آلدی قوجاقه
باخدی ازلجه بیر باشدان ایاقه
سسلدی ناگاه ای گل دلخواه
زینبه بو قولاری چوخ گورمسین الله

گل دئدی زینبه بول ندی مطلب
ساخلا یادینده بو مطلبی زینب
غم گلجاقدی دل دلجاقدی
یولدا سنی ناقیه بو میندیرجاقدی

یاحسین ایله

• پنج شنبه
• 29
• فروردین
• 1398
• ساعت
• 11:33
• نوشته شده توسط
• ابوالفضل عابدی پور

سن ، پسر شیر خدا
سن ، شرف آل عبا
سن ، اوجا قامت
یا ابالفضل یا ابالفضل

سن ، علوی تاج سران
سن ، علم عشقی ووران
سن ، گل خلقت
یا ابالفضل یا ابالفضل

سن ، می مینای صفا
سن ، سبب لطف وعطا
سن ، یلِ نهضت
یا ابالفضل یا ابالفضل

سن ، اوجا بوی ماه شرف
سن ، شرف شاه نجف
سن ، بیزه حجت
یا ابالفضل یا ابالفضل

سن ، ئورگه لرزه سالان
سن ، دهن کفره چالان
سن ، یدِ قدرت
یا ابالفضل یا ابالفضل

سن ، گل گلزار وفا
سن ،چاره سیز درده دوا
سن ، قیل عنایت
یا ابالفضل یا ابالفضل

سن ، برج عزتده قمر
سن ، اسداللهه پسر
سن ، خودِ غیرت
یا ابالفضل یا ابالفضل

من ، قاپیوین نوکری یَم
من ، آدیوا مشتری یم
من ، پیِ حاجت
یا ابالفضل یا اب

• پنج شنبه
• 29
• فروردین
• 1398
• ساعت
• 11:35
• نوشته شده توسط
• ابوالفضل عابدی پور