اشعار حضرت ابالفضل(ع)

عاشق کرگ سوزونده اهل صداقت اولسون
هرکلمه کی دانشیسا عین حقیقت اولسون

عباس تک مهیا اولسوی جهاد و رزمه
معشوقی امر ائدنده محو اطاعت اولسون

پیمانه ی وفانی میداندا باشه چکسون
بی واهمه فدای امر ولایت اولسون

باشیندا شوق وصلت خوف ائتمسی بلادن
اطفالی گورسه عطشان اهل سقایت اولسون

حیدر کیمین صداسی سالسون جهانه لرزه
گر ساغ گوزنده تیر و خون و جراحت اولسون

عشقاقه درس غیرت ویرسین بلالی چولده
تاکه ادب جهاندا اوندان علامت اولسون

یازدون عبادی سنده توصیف ماه عشقی
سقای کربلادن اجرون شفاعت اولسون

• شنبه
• 17
• تیر
• 1402
• ساعت
• 20:30
• نوشته شده توسط
• یوسف اکبری

اِی فَرات اوُستَه آخان قُوللارینُون اَلقانی
بِیلَه نالَه اِئدرَم آغلادارام دنیانی

آتامُون صُولَت و سَطوَتلی عَلمدار اوُغلی
اَسدِ بیشهء قَهرِ غَضبِ یَزدانی

وَطنَه گِئتمَه لیدی باجیلارون دور یُولا سال
گُوزلریمدَن تُوکرَم اَشگِ تَرِ نِیسانی

طاقَتیم یُوخدی آنام اُمّ بنَین آلسا خَبر
نِیه بَس گلمَدی عَبّاس او غِیرت کَانی

سُو کَناریندَه سَنی قَبره قُویُوبلار سَبَبی
خَلق بُیلسُون سُوسُوز ئولدوردولَه بُو سَقّانی

نیزه لَردَه دولانان باشوَه باجون قُربان
اِی سُوسُوز جان وِئرن الله یُولونُون قُربانی

نه اوُزیلَه وَطنه یُوز چُووروم من قارداش
نَه دِیوم گَر دِئسه اوُغلون آتام عَبّاس هانی

شام کِیفیتنُون شَرحینی من اِیلمرَم
کُوفَه دَه سَن دِئ جَفای سِتمِ عُدوانی

او حُسینون یارالی جانینَه آند اوُلسُون کیم
چَکمیشم غَم او قَدَر یُوخدی دِئمگه اِمکانی

اوخلانان مَشکوی یادَه سالوب آغلار چِشمیم
چِشمَه چِشمَه سُو وِئرور وُردیقیجان مُژدگانی

باش آچوب شام و سَحر وِرد اِئلَرم قارداش وای
دِیم عَبّاس گرک دور اَئلیَم صَحرانی

وَطن آدین دِئمگه یُوخدی دِلیمدَه یارا
داخی سَندَن صُورا دونسُون فَلکُون دُورانی

باخورام آبِ فَراته گِئنه دَه مُوج اِیلَر
سالورام یادَه علی اَصغری عاشُورانی

اَله جام آلدی سَکینه دِئدی یاندیم سُوسُوزام
اِی وَفا کَانی عَمُو گُور بُو لَبِ عَطشانی

گَلمدی سُو اَله وِئردون قُولووی سُو اوُسته
اَیَری قانلو عُقابُون دولانُوب میدانی

اَسدی بیر بادِ سِتَم آلِ علی گُلشنینَه
قیلدی اَفسردَه گُلِ نَستَرن و رِیحانی

اوُلدی بیر اِیل بیزیچُون مَسجدِ وِیران مَنزل
نِجه وِیرانَه که یُوخ ذِلتینُون پایانی

نَه دِیوم مُحنتیمی بَسدی سَنه اؤز دَردُون
سَن مَنه آغلا، سَنه مَن اِئدرَم اَفغانی

دور گِئدک یَثربَه یالقوز گِئدَه بُیلمَز کُلثوم
بی کَسم یُوخدی کَسیم اَکبر و اَصغر جانی

بارالها به عَلمدارِ شَهیدِ حُرمتینَه
جُرمِ #دلخونی باغشلا چوخ اِئدوب عُصیانی

• شنبه
• 14
• مرداد
• 1402
• ساعت
• 21:58
• نوشته شده توسط
• یوسف اکبری

او گون که اهلبیت آرا سوسوزلوق آشکار اولوب
چو یادگار مرتضی ایشیتدی بی قرار اولوب

سکینه نی سوسوز گوروب کسیلدی صبر و طاقتی
اسردی جسمی بید تک گلنده جوشه غیرتی
خطاب ایدردی نفسینه عباس ایله راحتی
سوسوز قالا کباب اولا بو گون حسینین عترتی
چکردی آه جانگداز دو عینی درّ بار اولوب

گیوبدی سرو قدّینه محاربه سلاحینی
او گل کیمی جبینینه قویوبدی طاس کلاحینی
او دم نجف دیارینه دوتوبدی روی ماهینی
چاغوردی اوز هرایینه دو عالمین پناهینی
چیخوب کناره خیمدن عقابه چون سوار اولوب

یتوب حضور انوره ادبله ایلدی سلام
دیدی ویروب آنام منی بو پاک درگهه غلام
بویور گیدیم بو لشکره غریو و آه و وا سالام
آتام علی کیمی بو گون بو عرصه ده هنر قیلام
آنام ایشیتسه فخر ایدر دیر سودوم گوار اولوب

سکینه العطش دیر دوتوب الینده جامه باخ
یانار سوسوزدان اصغرین او طفل تشنه کامه باخ
نجفده مرتضی دیه هژبر ایدن دوامه باخ
اودی رشید و هم غیور کمرده کی حسامه باخ
باخار حسین اوشاقلارا سو یوخدی شرمسار اولوب

غرض جهاده اذن آلوب چخوب عقاب اوستینه
علم گوتوردی دوشینه آلوب سنان دستینه
گورن دیردی شاهباز گیدور غراب سمتینه
قضا باخاردی قدّینه قدر باخاردی شَستینه
دیردی کیمدی بو جوان حسینه جان نثار اولوب

یتوشدی چونکه لشکره او نامدار شهسوار
دیوبدی گلسون هر کیمین منیله جنگ میلی وار
بو رزمگه بو تیغ تیز بو من بو وقت کارزار
سالوب اشاقه باشلارین یلان کفر هر نه وار
دیردیلر یقین بلا بو لشکره دچار اولوب

مبارز ایلدی طلب او یادگار لو کشف
بیریزده یوخدی گر هنر گلون جداله صف بصف
گلوبدی تنگه اول زمان غضنفر شه نجف
اوزین ووروبدی لشکره قلج ووراردی هر طرف
جراد منتشر کیمی داغیلدولار فرار اولوب

عبوره راه اولمادی زیاده خون و لحمیدن
تمام زهره چاک اولوب او قوم دون سهمیدن
نه بیر باخاردی دشمنه نه باک ایدردی زخمیدن
حسین دیردی آفرین او خشمناکه خیمه دن
اخا غمینده عترتیم تمام اشکبار اولوب

ایا غضنفر و دلیر ایا نشان لافتا
او ضرب و شَست و صولته او قولّارا جهان فدا
#کنیزفاطمه بیله شهین غمینده قیل نوا
اودور ایکی جهانیده تمام دردیوه دوا
شجاعتی سخاوتی جهاندا آشکار اولوب

• شنبه
• 14
• مرداد
• 1402
• ساعت
• 22:36
• نوشته شده توسط
• یوسف اکبری

قالمِیشام یا حسین لَشگرِ خُونخُوار اَلیندَه
خوار اوُلار قالسا مُسلم اَگر کُفّار اَلیندَه
گَل باشیم اوُسته اِی ماه طَلعَت
سال سایَه قارداش چُون اَبرِ رَحمت

اوُلمُوشام مُنخَسِف آی کیمی بُرجِ وَفادَه
قالمِیشام سِیردَن اَلسِیزَم هَم پا فِتادَه
اِی دادخواهیم اِیلَه عِنایَت
گَل قُوی غُلامُون تاپسُون سَعادَت

ماهِ تابانُوی یِخدِیلار اِی مِهرِ رَخشان
قالدِی اوُلدُوزلارُون دِیده سی بُو چُولدَه گِریان
یِتدی خُسُوفَه ماه اوُلدی ظُلمَت
کامَه یِتیشدِی اَهلِ ضَلالَت

کُوی عِشقُوندَه مَن باشیمی سالدیم بَلایَه
کارِوان حَقیقتلَه گَلدِیم کَربَلایَه
تا اِیلیَم اِظهارِ اِرادَت
اوُلسُون نَصیبیم فِیضِ شَهادَت

حَمد لله اوُلوب قِسمُتیم فِیضِ شَهادت
یِتدیم آمالِیمَه اِی شَهِ مُلکِ وِلایَت
گَئتدِیم اوُرکَدَه اَمّا بُو حَسرَت
قالدى لَب عَطشان آلِ رِسالَت

گَلماقا خِیمَه گاهَه شَها وار اِنفعالِیم
قانلو گُوز یاشیمدی عارِضیمدَه شَرحِ حالیم
اِی تاجدار با فَرّ و حِشمَت
مَن قِزلارُوندان اوُلدوم خَجالَت

گر چه بیداد الیندن منیم صبریم توکندی
لیک بی تاب ایدن قلبیمی تک بو مُحندی
ای شهریار ملک شجاعت
شام اهلی ایلر قرآنه جرأت

حیف امّیدیمی یاسه دوندردی زمانه
مشگیم اوخلاندی ظلمیله قلبیم دوندی قانه
بی دادخواهم قلبیمده حسرت
ایلور بو لشگر قارداش شماتت

آنامیز حقّینه آند اولا ای شاه والا
گل گلوب سینه سی یاره لی مظلومه زهرا
گوردی یخوبلار اهل شقاوت
عبّاسی قولسوز چوخ ایتدی رأفت

گُوردُوم آغلور دِیُور مَن رَسولَه نُورِ عِینَم
فاطمَه آدِیمدی مادَرِ بی کَس حُسینَم
قُویدُون اوُغول سَن زَهرایَه منّت
اِسلامَه اِیتدُون عالی حِمایَت

چَکمَه خِجلَت که یُوخدور سُویُون وَفالی اوُغلوم
اوُلما آزُردَه چُوخ پیکری یارالی اوُغلوم
گَل سینم اوُستَه قِیل اِستِراحَت
اوُلما مُکَدّر اُی پاک فِطرَت

اوُلمُوسان سَن فَدا بی مُعین اوُغلوم حُسینَه
مَرحَبا هَم سَنه هَم آنان اُمّ البَنینَه
بیر عُمر چَکدی رَنج و رِیاضت
اِیتدی ئوز اوُغلون فَخرِ شَریعَت

بیردَه گُوردُوم آچوب قُولّارین سَسلُور اوُغُول گَل
قُوی یارالی باشُون سینَه مَه بیر لَحظَه دِینجَل
لُطفوندَن اوُلدوم بیحَد خَجالَت
وار سینَه سیندَه گُوردُوم جَراحَت

باراِِلها #صراطی یازان شِعرَه جَزا وِیر
اَجر و پاداش اوُنا بیر بَراتِ کَربَلا وِیر
چُوخداندی واردی قَلبَیندَه نِیّت
اوُلمُور نَصیبی اِیستُور فَراغَت

• شنبه
• 14
• مرداد
• 1402
• ساعت
• 22:43
• نوشته شده توسط
• یوسف اکبری

اِی حُسین قارداشینُون غَملَرینُون یاری باجی
قارداشُون سِندِى بِلى ئولدِی عَلمدارِی باجی

باجی جان قَلبیمی دُوتدی نِجُه گُور مُحنَت و غَم
اِیوِیمی یِخدی مَنیم ظُلمِیلَه بُو قُومِ ظُلم
اوُل اَسیر اوُلماقا آمادَه باجی یاتدِى عَلَم
قالمِیُوب قارداشیوُون بیر نَفَر اَنصاری باجی

دِیمَه بُو غَمدَه باجی جان سیِنمی داغلامادِیم
نِسگل اوُلدی مَنَه چُوخ گُوزلَرینی باغلامادِیم
بیر دُویُونجا باجی مَن قارداشیما آغلامادِیم
گَل اوُلاخ اِیمدی اَبوالفَضَلُون عَزاداری باجی

گَل اوُزون باری بُو غَمدَه سِینُوی داغلا گلَن
تُوكُولُوب كُول باشیوا باشه قَرا باغلا گلَن
آنا تَک اوُخشا ابُوالفَضلی باجی آغلا گلَن
اِی اوُلان مُحنَت و غَم غُصّه گِرفتاری باجی

بُو جَفا اَهلی مَنیم باعِث اوُلور گُوز یاشیما
تُوکَدِیلَر ظُلمِلَن آخِر باجی کُولَلّر باشیما
نِجَه گُور قُویدُولا حَسرت مَنی اوُز قارداشیما
قالمادی قارداشیُوون کِیمسَه هَواداری باجی

جَمع اِیله عِترتیمی باشیمَه سَن اِی باجی جان
اوُخشیاخ قارداشیم عَبّاسی اِیداخ آه و فَغان
بُو مُصیبَت بِلیمی بُوکَدی اِیدوب باغریمی قان
قالمِیِوبدور بُو حُسینُون داخی غَمخواری باجی

قارداشیم اِیتدِی وَفا عَهدینَه مَقصُودَه چاتُوب
پِیکَری باشدان اَیاقَه باجی جان قانَه باتُوب
دِیَه بُولمَم که ئولُوب دور دِیَرَم بَلکَه یاتُوب
گُوردُوم اَمّا یُوخُیدی جِسمِدَه قُولاّری باجی

یارالی جِسمِینَه باخدِیم یاراسی چُوخ چُوخیدِی
یُوخیدِی سَهلدى قُول صاف یِرِى اَصلاً یُوخیدِی
نِجَه مَن شَرح اِیلیُوم باشدان اَیاقَه اوُخیدِی
دُوغرانُوب هانسی شَهُون بِیلَه سِپَهداری باجی

نِجَه مَن صَبر و تَسلّی وِیرُوم آیا اوُزُیمَه
ئوپُوب اوّل یُوزینی باشینی آلدِیم دِیزِیمَه
گُوزلَرین آچدی باخُوب حَسرَتیلَن بیر یُوزیمَه
گُوردُوم اوُلدُم باشنُون قانی اوُلور جارِی باجی

بُولوسَن قارداشیمُون ئولماقِی مُشگلدی مَنَه
اؤزُون اِنصاف اِیلَه باخ گُور نِجَه نِسگَلدِی مَنَه
مَن دِیدِیم وای یارالی لَشگرِ کِین گُلدِی مَنَه
قَلبیمَه وِیردِی یارا کُوفَه نُون اَشراری باجی

چَنگ وُیر #شوری حُسینُون بُو عَلمدارینَه سَن
حاجَتُون واردِی دِیسَن کَرب و بَلایَه گِیدَه سَن
حَرمَیندَه وَلی بُو نُوحَه نی اَزبَر اِیدَه سَن
اِی حُسین قارداشُنُون غَملَرینُون یاری باجی

• شنبه
• 14
• مرداد
• 1402
• ساعت
• 23:08
• نوشته شده توسط
• یوسف اکبری

اِی تُخمِ نِفاق و کَین اَکَن لَر
الله یُوزینَه قلج چَکَن لَر
ثاراللّهی تَشنَه لَب تُوکَن لَر
عِلّت نَدی بابِ ظُلم آچُورسُوز
یِخدُوز اِئویمی هارا قاچُورسِوز

اِی مُبتکرِ نِفاق اوُلانلار
اِی مِنکِر اِتّفاق اوُلانلار
قرآنِ مُبینَه عاق اوُلانلار
عِلّت نَدی بابِ ظّلم آچُورسُوز
یِخدُوز اِئویمی هارا قاچُورسُوز

اِی اَجرِ رِسالَتی دانانلار
دُنیانی سِتملَه دُولدورانلار
دَرگاهِ رَسولَه اوُد وُورانلار
عِلّت نَدی بابِ ظُلم آچُورسُوز
یِخدوز اِئویمی هارا قاچُورسُوز

اِی دین اِئوینی یِخان جَماعَت
اوُز شاهینَه عاق اوُلان جَماعَت
بُو سرّی اِیدون عَیان جَماعَت
عِلُت نَدی بابِ ظُلم آچُورسُوز
یِخدُوز اِئویمی هارا قاچُورسُوز

بُو چُولدَه بیر آی دُوشُوب خُسُوفَه
اِسلام گُونُون سالوب کُسُوفَه
اِی شَر و حَیاسیز اَهلِ کُوفه
عِلّت نَدی بابِ ظُلم آچُورسُوز
یِخدُوز اِئویمی هارا قاچُورسُوز

ظُلمُوزدَه سِیزون که یُوخ نَهایَت
هاردا یِخلُوب او سَروِ قامَت
نَعشین مَنَه گُوستَرُون جَماعت
عِلّت نَدی بابِ ظُلم آچُورسُوز
یِخدوز اِئویمی هارا قاچُورسُوز

اِی پِیروِ آلِ هِند اوُلانلار
قرآن و شَریعَتی دانانلار
زَهرا و عَلینی آغلادانلار
عَلّت نَدی بابِ ظُلم آچُورسُوز
یِخُدوز اِئویمی هارا قاچُورسُوز

نَه آلِ و عَقیل و جَعفَریم وار
نَه قاسِم و فَضل و اَکبریم وار
نُه سَر سِپَهیم، نَه لَشگریم وار
عِلّت نَدی بابِ ظُلم آچُورسُوز
یِخدُوز اِئویمی هارا قاچُورسُوز

بی کس لَرَه مَن پَناهگَاهَم
اَفسُوس بُو چُولدَه بی پَناهَم
سَرداری ئولَن غَریب شاهَم
عِلُت نَدی بابِ ظُلم آچُورسُوز
یِخدُوز اِئویمی هارا قاچُورسُوز

مَن وارِثِ تیغِ مُرتَضایَم
آئینه قُدرَت خدایَم
بی مُونس و یار و اَقربایَم
عِلّت نَدی بابِ ظُلم آچُورسُوز
یِخدُوز اِئویمی هارا قاچُورسُوز

گُوز یاشیُوی اِئت رَوان #حسینی
اوُل جَدّیُوه نُوحَه خوان #حسینی
بُو مَطلَعی قیل بَیان #حسینی
عِلّت نَدی بابِ ظُلم آچُورسُوز
یِخدوز اِئویمی هارا قاچُورسُوز

(1) اَینَ تَفِرّونَ یا کَفَرَةَ الکِتابَ وَ قَد قَتَلتُم اَخی وَانکَسَرتُم ظَهری

• شنبه
• 14
• مرداد
• 1402
• ساعت
• 23:37
• نوشته شده توسط
• یوسف اکبری

عالَمدَه یا حسین دِیمه سَرداریُوام سَنُون
فَخریم بُو دور غُلام هَواداریُوام سَنون

یا سیّدی دِیمَم سَنَه خِدمَت دَه لایقَم
اَمّا یانام شَرارِ مُحَبَت دَه شایقَم
عالَم دَه عاشقین نَدی جُرمی مَن عاشقم
بیر عُمر دور کی عِشق گِرفتاریُوام سَنُون

هر کیمسَه نُون اَگر چه رِسُوم و قَراری وار
عالَم دَه عاشق عِشقینُون اَمّا عَیاری وار
سُلطانَه عاشق اوُلسا غُلام اِفتخاری وار
مَن عاشقم غُلامِ هَواداریُوام سَنُون

عاشق تیکر اُمیدیلَه دِلدارینَه گُوزون
سَن رُوحومُون عَلاقه سی سَن حالی سَن اوُزون
من نِیلورَم بِهشتی بِهشتیم دی گُول یُوزون
عالَم بُولور کی عاشقِ رُخساریُوام سَنُون

غَم اِیتسَه دَه کتابِ خیالی وَرَق وَرَق
عِشقوندَه ثابتَم نَقَدَر جاندا وار رَمَق
باخما یاراشمارام سَنه اَی فَخرِ ماخَلق
سَن گُولدَن آیریلان دَگُلم خاریُوام سَنُون

بیر نُوکَرم سَنه دِیمُورَم کامَه یِتمَرَم
اِیتسَن قَبُول حَسرتِ فِردوس اِیتمَرَم
بُو آستانَه دَن مَنی قُوسان دا گّتمَرَم
نَه عِزّ و جاه طالَب دِیداریُوام سَنُون

بُو آستانَه وَه اؤزومی سالمُوشام غَرض
بیر گَنج دور قاپُون مَنه نَه جُوهَر و عَرض
عالَم لَریلَه نُوکَر آدین اِیتمَرَم عَوض
گُورسَم بُویُورمُوسان شَهِ اَبراریُوام سَنُون

کُور اوُلماز هر گُوزی که سَنه اَشگ ریز اوُلا
نُوکَر اوُلان سَنه اِیکی دُنیا عَزیز اوُلار
اوُلّام سَنَه غُلام آنام دا کَنیز اوُلار
فَخر اِیلرَم کی خادِمِ دَرباریُوام سَنُون

عاشق گَرک دی مَطلَبین آلسُون حَبَیب دَن
عِشقُون مَنی سالوب اِیلَه تاب و شَکیب دَن
اِیستَر مَریض دَردی نَه دَرمان طَبیب دَن
اِیله دَوا بُو دَردیمَه بیماریُوام سَنُون

بازارِ یُوسفَه گَلن اوُلدی کلافیلَن
طِی اِیتمَرَم وَفا یُولونی مَن خِلافیلَن
بازارِ عِشقَه گَلمیشَم حَسرت قیافیلَن
بو نَقد جان اَلیم دَه خَریداریُوام سَنُون

گیورّم بُو چُولدَه دُشمَنُوی دَستَه دَستَه مَن
آیا اوُلار گُورَم سَنی گُور دِل شِکستَه مَن
وِیر بیر اِجازَه پَرچَم آچُوم باشُون اوُسته مَن
غَمگین گُورنمَرَم سَنی غَمخواریُوام سَنُون

مُولا مَنیم اَلیمدَه بُو شَمشیر اوُلا اوُلا
عَطشان قالا سُوسُوز بالالار گُل کیمی سُولا
عَبّاس ئولوب مَگر غَمیلَه خاطرُون دُولا
آگاهی سَن کی غَم دَه هم اَسراریُوام سَنُون

گُورّم مُدام شُعلَه لَنُور نارِ جَنگی مَن
بَس نیلِورم بُو زندگیّ عار و نَنگی مَن
وِیرسَن اِجازه گر پُوزارام فُوج و هَنگی مَن
ورّام عَلَم فَراته عَلمداریُوام سَنُون

من #اعظمی قاپُوندا نه مُدّت دی که وارام
قُوسان منی گِیدوم هایانا وار مَگر هارام
گر قاره دور یُوزوم وار اوُرکدَه وَلی یارام
لُطف اِیلَه رُو سیاه عَزاداریُوام سَنُون

• یکشنبه
• 15
• مرداد
• 1402
• ساعت
• 13:51
• نوشته شده توسط
• یوسف اکبری

دوشمُوشمم مدّتدی بیر دردَه دوا مُشتاقیّم
غصّه دی خشکیده نی تک مین نَوا مُشتاقیّم

مَحبسِ غمدَه وجودیم آز قالوب پامال اوُلا
بیر محلّ خوش صَفا و خوش هَوا مُشتاقیّم

یتمُوری دامانِ پاکِ یارَه پا لَنگم اَلیم
عَرضِ حال اِئتماقلیقا بادِ صَبا مُشتاقیّم

بی وَفا اَغیار اَلیندَن لاله تک دِل داغلیم
بیر نگاهِ دِلرُبا و با وَفا مُشتاقیّم

قُلزُمِ حِیرتدَه وورّام شُوطَه هر صُبح و مَسا
من او غَواصّم که دُرَّ پُر بَها مُشتاقیّم

آختارار پَروانه شَمعی بُلبلِ شِیدا گُلی
من طَوافِ مَرقدِ پاکِ #رضا مُشتاقیّم

بیر جَماعَت حَسرتِ جَنّتلَه گُوز یاشی تُوکر
من خدا عالِمدی #ایوان_طلا مُشتاقیّم

باغریمی مُدّتدی سَمّ عِشقیلَه قان اِئتمُوشَم
ظُلمیلَه مَسمُوم اوُلان بیر پیشوا مُشتاقیّم

سَرفَراز اوُللّام قویام یُوز بیردَه پائین پائینَه
پیشِ رو بالای سَر پائین پا مُشتاقیّم

آرزومندَم دورام بالای سَردَه عَرض اِیدم
اِی قَتیلِ زَهرِ کین سَندَن عَطا مُشتاقیّم

اِیستَه دَرگاهِ خدادَن اِیلسُون قسمت مَنه
جَدّیُون قَبرین که هر صُبح و مَسا مُشتاقیّم

اِئتمَرم مُدّتدی من فِردوسِ اَعلا حَسرتین
بیر فَراته تَشنهِ اُم بیر #کربَلا مُشتاقیّم

روز و شَب وِردیم حسین، ذِکریم حسین، فِکریم حسین
من حسین بیماریَم خاکِ شَفا مُشتاقیّم

اوُل وِجُودِ نازنینون اوُل مُقدّس بُقعه دَه
حَسرتِ پابُوسیَم من اِی خدا مُشتاقیّم

شأنی اَکبر، آدی اَصغر بَستری شَه سینَه سی
کُوکَبِ صُبحِ شَرف اوُل مَه لَقا مُشتاقیَم

آلتی گیوشَه بیر مَزارِ پاکه یُوز قُویسام اَگر
اَکبرِ شَه زادهء گُلگُون قَبا مُشتاقیّم

خِیمَه گاهین فِکری صَبریم خیمه سین تاراج اِیدوب
بیر حَنالی خِیمَه دَه نُو کدخدا مُشتاقیّم

رُوضهء باب الحَوائج حَضرتِ عَبّاسدَه
قُورماقا بیر جُمعیلَه بَزمِ عَزا مُشتاقیّم

مَشگِ چِشمیم اوُخلانان سُو مَشگی تَک سُو ساخلاماز
تَشنه لَر سَقّاسی بیر صاحِب لَوا مُشتاقیّم

آه او ساعَتدَن که گِیتدی صاق اَلی صُولدا قلج
سَسلنُور اَهلِ وِلایم مَن بَلا مُشتاقیّم

یُوخ ئولومدَن باکیم اَصلاً اِی گُروهِ کینه تُوز
اوُلماقا ئوز دِینیمَه بُو گُون فَدا مُشتاقیّم

صاقیمی سالدوز صُول اَللّی اِیلرَم دینَه کُومَک
بُو وَظیفَم دور یِتیشسَه هر جَفا مُشتاقیّم

وِئردیقیم اَل شاهِدیم دور چَکمُوشَم جانیمدن اَل
نه جَهانه طالبَم من نَه هَوا مُشتاقیّم

عُمردَه سَعییم بُو دور سُو مَشگیمَه اوُخ دَگمَه سُون
سینه مَه دَگسَه اَگر یُوز مین یارا مُشتاقیّم

چون حسین اِبنِ على اَطفالینُون سَقّاسیم
اِئتماقا بُو مَنصبین حَقّون اَدا مُشتاقیّم

گُوزلوری هَشتاد اِیکی لَب تَشنه بُو مَشگین یُولون
بیر دُولی سُو مَشگی بیر آلِ عَبا مُشتاقیّم

صُول اَلیندَه اِئتدی بیر دَستِ ستم پیشَه قَلم
سَسلنُوب بُو ظُلمَه دَه اولّام رِضا مُشتاقیّم

گلدی بیر اوُخدا دَگوب سُو مَشگینَه آخدی سُویی
حال یأسیلَه دِیدی دارِ بَقا مُشتاقیّم

بُولمُورم نَه ظُلم اوُلوب آتدان یخلدى مَقتلَه
عَرض اِئدوب قارداش جَمالون گُورماقین مُشتاقیّم

گَل گُوروم بیردَه جَمال اللهء جان تَسلیم اِیدُوم
جِلوهء وَجهِ خدانُون یا اَخا مُشتاقیّم

ساخلا اَل یازما #شهابا خَتم قیل بُو نُوحَه نی
عَرض اِیله مُدّتدی من قَبرون شَها مُشتاقیّم

قَبریم اوُسته نَصب اِیله اوّل گِجَه قانلو عَلم
اوُل عَلمدارِ دیارِ نِینَوا مُشتاقیّم

بَسدی بیر دَفعه بُویُورسان نوکریم دور بُو #شهاب
اَللّی اِیلدی نُوکرَم بیر بُو نِدا مُشتاقیم

• یکشنبه
• 15
• مرداد
• 1402
• ساعت
• 14:00
• نوشته شده توسط
• یوسف اکبری

سبک : ییخیلدی سقا یئره

قوللاریم قلم اولوب ساغ گؤزومده اوچ پر اؤخ
ییخیلمیشام تؤپراغا یارالی وجوده باخ

یا حسین قالمیشام داده سنی سسلیرم
یؤخ یوزوم خجیلم عفو ائت منی سسلیرم

سوسوز قالیب بالالار قلبیمی درده سالیب
عطشیندن بیلیرم نئجه ال ایاق چالیب
مشگیم اؤخلانیب اخا ، دؤرمی جلاد آلیب
یوبانما تئز گل بیرآز ، گؤزلریم یؤلدا قالیب

قیزلارا سؤیله دای سو یؤلون گؤزله مه سین
عباسین سالدیلار ساغ سؤلون گؤزله مه سین

بو جاه و جلالیمه ، بو مقامیمه سبب
اوشاقلیقدان ایندییه سن سن ای عالی نسب
باب احوائیج آدین سن منه وئردین لقب
اؤدور آقا سسلیرم بئله حکم ائدیر ادب

ایندی دای خجالت آدین یازدیر داشیما
قؤی گؤرسون ، بالالار ، اؤلمه دیم اؤز باشیما

بیر آغیر عمود ایله دنیا آشدی باشیما
قاتدی باشیم قانینی گؤزده کی قان یاشیما
باخماز عجل بیلیرم داها بو آز یاشیما
دای مندن قارداش اولماز آرخاسیز قارداشیما

قول دوشوب پرچمیم یاتدی هارداسان آقا
دشمنیم کامینه چاتدی هارداسان آقا

باشدان باشا پیکریم بؤیانیبدی آلقانا
قان ایچینده اوزورم گاه اؤیانا ، بویانا
دوشمن چالیر ال منه دیل یاراسی بیر یانا
نه آللاهی تانیئییر نده باخیر قرآنا

یاحسین یالقیزام یؤخ کمگیم هارداسان
نئیزه خنجر اولوب اؤخ کمگیم هارداسان

بو شهادت قانیله گؤر نئجه آراسته یم
آند اولسون زهرایه من عشقینده دل بسته یم
تئز گل باشیم اوستونه اؤلورم جان اوسته یم
باغیشلا دورانماسام یؤخ توانیم خسته یم

هیچ زمان اولمویوب ناراحت ائدم سنی
سن کرم اهلی سن ، عفو ائله آقا منی

سندن قاباخ بوردادی زهرا ننم گلیبدی
نیسگیللریم اؤنوندا باغرین باشین دلیبدی
قولو قالخا قاخمییا گؤزوم قانین سیلیبدی
گؤز یاشینی یاراما یاخجی مرحم بیلیبدی

گؤر نئجه یارامی جان جان دئییب باغلاییر
گاه سنه ، گاه منه ، گاه زینبه آغلاییر

اما یامان قؤجالیب جوان قدی بوکولوب
گول رنگی ائله سؤلوب ائله بیل کول تؤکولوب
اؤز دردیم یاددان چیخیب باغریم باشی سؤکولوب
نه نه بالا آهیمیز آسمانه چکیلیب

قان وئریر ایندی ده میسمارین یارا یئری
گؤرسنیر یوزونون گؤورمیش قارا یئری

اؤره گینده چؤخ سؤزو ، گلیب (نالان) بو دره
دخیل دوشوب منیم تک ، اؤدا سن تک سروره
کسمه نظرین اخا ، آند وئررم حیدره
سینه سی ، قابیرقاسی ، قولو یاره مادره

سسله سه آدینی ، هر کیم هاردا یاحسین
چک الین باشینا ، قؤیما داردا یاحسین

• یکشنبه
• 15
• مرداد
• 1402
• ساعت
• 15:04
• نوشته شده توسط
• یوسف اکبری

#کربلاده_کوفیان_آیا_نه_عنوان_قویدولار
خاندان مصطفی‌نی خانه ویران قویدولار

بوقراری قویمیوب یوخسا خداوند حیات
مهر زهرادور همان بوقان اولان آب فرات
بو کلامـه نامسلمانلار گوتوردی نه ثواب
صاحب آب فراتی اوچ‌گون عطشان قویدولار

حق طریقیندن چیخوب پیغمبر اوغلون داندیلار
جیفــۀ دنیایــه دونــان زمــان تولاندیلار
تؤکدولر مظلومه قانین اوچ گون عریان قویدولار
خون‌بها هر بیر شهیده، بی‌بها قان قویدولار

گل مجـاهد سیرینـه قـوی عرصۀ عشقه قدم
حضرت عباسی گور مشک اوخلانوب قوللار قلم
سعـی جنگ ایلـر مبادا سرنگون اولسون علم
هر طرفدن اوستونه یوز قوم عدوان قویدولار

گوردولـر شهبـاز اوج همتـی بی‌بال دور
کاسـه چشمـی دولوب قانیله مالامال دور
اقتداری جنگه یوخ چوخ‌چوخ پریشان‌حال ‌دور
بی‌ مروتلر بنای تیرباران قویدولار

گوردولـر اکبـرده ظاهـر دور شعاع نورحق
کربلا صحراسینی اول نورائدوبدور طورحق
حضرت موسا کیمی دوتموش وجودین شورحق
شیوۀ فرعونیانی آل سفیان قویدولار

موجه گلدی شامیان پرموج دریالر کیمی
فرق پاکی اولدی منشقّ تیغیله حیدر کیمی
ام لیلانـی ســر زلـف علـی‌اکبر کیمی
ایلیوب آشفته عمرینجه پریشان قویدولار

اکبرین اون سگّیز ایل چکمیشدی لیلا زحمتین
بولمورم یارب نئجه گوردی اونون او حالتین
سالدیلار توپراقلار اوسته سروه بنزر قامتین
گون قباقینده یارالی نعشین عریان قویدولار

آلـدی آغوشـه علـی‌اصغری سلطـان دیـن
گئتدی میدانه بویوردی رحم ائدون ای قوم کین
چون حسینـی گوردولر بو حالتیله مشرکین
چکدیلـر ناله بنـای آه و افغان قویدولار

باغ زهرایه تاپوب یول یوز قویوب زاغ و زغن
گل سولوب بلبل اولوب یاسه باتوبدور یاسمن
گل سولوب بلبل‌لر آغلار اولدی غمخانه چمن
نه چمن نه گل نه بلبل نه گلستان قویدولار

ظهـر عاشـورا حسینـی شمـر دون بـی‌حیا
سینه‌سی اوسته چیخوب ائتسون ذبیحاً من قفا
عـرش حقـدن دمبدم فرشه گلوردی بو ندا
قویمیون کافر‌لری اسلامی ویران قویدولار

خیمه‌ده زینب اوتورموشدی ائدردی شور و شین
گوردی آفاقی دوتوب دور نالۀ قُتِلَ الحسین
گلدی میدانه چکوب ناله توکردی اشک عین
عرض ائدردی دور منی سن‌سیز حسین جان قویدولار

• سه شنبه
• 17
• مرداد
• 1402
• ساعت
• 00:01
• نوشته شده توسط
• یوسف اکبری

☑️ بند اول

ای نور چشمان حیدر
سید و ساقی و سرور
دلبری دلبری دلبر
?یا ابا الفضل یا بن الحیدر

خوش اومدی ای گل زیبا
ای گل خوشبو و دل آرا
میخوام بگم دوستت دارم
اندازه تموم دنیا

میزنه مرغ قلبم پر پر
چقد عاشق داری ای دلبر
هامی عاشقلر آدین سسلر
??باشوا دولانام یا بن الحیدر

☑️ بند دوم

تو آسمونا شد غوغا
روی زمین شاد دلها
عید و شد ورد لبها

?یا ابا الفضل یا بن الحیدر

ای ساقی صبو پرستم
دل به سر زلف تو بستم
می بده بر من که خرابم
عمریه از جام تو مستم

یا ابوفاضل شاه و سرور
ساقی و سردار و سر لشکر
هامی عاشقلر آدین سسلر

??باشوا دولانام یا بن الحیدر

☑️ بند سوم

قربانین اولوم ای آقا
ای جود و کرمده دریا
سائلم کویوندا مولا
?یا ابا الفضل یا بن الحیدر

ای گول آدین دردیمه درمان
عالم اولوب عشقیوه حیران
مریضیمیز وار کرم ائيله
کرمیوه شاهلار اولا قربان

آسمان ایمانه اختر
ای وفا کانی مست کوثر
هامی عاشقلر آدین سسلر
??باشوا دولانام یا بن الحیدر

• پنج شنبه
• 23
• شهریور
• 1402
• ساعت
• 00:48
• نوشته شده توسط
• یوسف اکبری

☑️ بند اول

منی که مست و مبتلای توام
تا ابد سائل سرای توام

اسمت آقا چه شنیدن داره
مست و دیوانه ی هوای توام

??ای دل دار میر خیبر
ای دل دار میر خیبر??

شدم امشب از عشق تو مستانه و حیرون
من بی سرو سامون رو دور سرت بگردون

ای مه دلبر امیر و سر لشکر
من غلام تو تو شاهی و سرور

?مولا مولا یا بن الحیدر

☑️ بند دوم

تا ابد کلب درت میمونم
منو رد نکردی آقا ممنونم

نمیره لطف شما از یادم
هر چی دارم به شما مدیونم

??تا جون دارم هستم نوکر
تا جون دارم هستم نوکر??

دوباره این دلم داره آوای اباالفضل
دلمو برده چشمای زیبای اباالفضل

شیر نام آور از همه عالم سر
قمر القم تو آهنین پیکر

?مولا مولا یا بن الحیدر

☑️ بند سوم

عزتیم شوکتیم وقاریمسان
گولشنیم گولوم نوبهاریمسان

آیری بیر عشقه اورک باغلامارام
یا ابوالفضل منیم نگاریمسان

??گول آدیوی عالم سسلر
گول آدیوی عالم سسلر??

الی بوش یولا سالما منی یار مهربانیم
منی نوکر حساب ائيله آقا باشیوا دولانیم

ساقی و ساغر ملک دیله رهبر
ائيله عشاقی مست می کوثر

?مولا مولا یا بن الحیدر

• پنج شنبه
• 23
• شهریور
• 1402
• ساعت
• 00:53
• نوشته شده توسط
• یوسف اکبری

☑️ بند اول

ای شه اقلیم وفا عزیز جان زهرا س
ساقی دشت کربلا باب الحوائج مولا
ماه بنی هاشمیان باشیوا دولانیم آقا

وئرمرم عشقیوی کل جهانه
گوزل آدین نقش اولوبدی جانه
منی غلام ائله بو آستانه

علم و شوکت و مشکیوه قربان
گوزونده قان اولان اشکیوه قربان
قمر فاطمه س عشقیوه قربان

ثمر علی مالک دنیایی اباالفضل
نوکرت منم به خدا آقایی اباالفضل
یوسف نبی باهمه جاه و طمطراقش
غبطه میخوره به تو در زیبایی اباالفضل

? شاهم یا ابوفاضل

☑️ بند دوم

دردیمه درمان دی آدین ای آقالار آقاسی
منبع احسان دی قاپین ای کرمین دریاسی
قوزامیسان دین علمین ام البنین بالاسی

امید سینه زنا به نگاته
اسم قشنگ تو رمز نجاته
کعبه ی ما آقا صحن و سراته

غیر تو من که کسی رو ندارم
فدای تو بشه ایل و تبارم
دیونگی شد از عشق تو کارم

نظر ائت آقا دیلده کی شور و اشتیاقه
دوزه بولمورم فاطمه جانی بو فراقه
سائل درم ایسته بیر یول پای پیاده
زائرین اولوم یول سالیم کشور عراقه

? شاهم یا ابوفاضل

☑️ بند سوم

سالدی فرات اوسته آتین لرزیه دریا توشدی
قویدی قدم رزمگه لشکره غوغا توشدی
چحدی قیلیج ساقی ،یره دست و سر و پا توشدی

قوشون داغیلدی اولدی قیامت
قاچماغا دشمن تاپمادی محلت
دئدی ابوالفضلم ای جماعت

صولت حیدر منده دی پیدا
ضیغم دینم ناصر مولا
یوخدی حریفیم ای صف اعدا

قمرم قمر قوخمارام سیزلردن سرم من
قمرم قمر پسر شاه خیبرم من
هاشمی نسب علوی ام ،حل من مبارز
قمرم قمر وارث رزم حیدرم من

? شاهم یا ابوفاضل(ع)

• شنبه
• 25
• شهریور
• 1402
• ساعت
• 00:37
• نوشته شده توسط
• یوسف اکبری