اشعار حضرت ابالفضل(ع)

تویی آن ماه دل آرا تویی آن مظهر تقوا
تویی آن آیة رحمت اسوة لطف وعنایت
یاابافاضل ابالفضل یاابافاضل اباالفضل
ای تومعنای کرامت معنی مهر ومحبّت
مظهر عشق وشجاعت یاابافاضل اباالفضل
درشب چارم شعبان آمدی ای مه تابان
عاشقانت به تو قربان یاابافاضل اباالفضل
یا ابالفضل یاابالفضل یاابا فاضل اباالفضل
درصفا و ادب و مهر و وفا مثل تو کو
در شجاعت به خدا در دو سرا مثل تو کو
درعطا و کرم و لطف وسخا مثل تو کو
یا ابالفضل یاابالفضل یاابا فاضل اباالفضل
به وفا اسوه و مظهر تویی آن شیر دلاور
حامی و یار برادر یاابافاضل ابالفضل
یا ابالفضل یاابالفضل یاابا فاضل اباالفضل
شعبانین دوردی اولوپ موسم میلادین آقا
وار اورک لرده سنین دنیا بویی یادین آقا
سن علمدار حسین سن سنه قربان جانیمیز
لطف ائله باب الحوائج دی سنین آدین آقا
یا ابالفضل یاابالفضل یااباالفضل اباالفضل
یوخ شجاعتده مثالین نقصی یوخ ذرّه کمالین
گورنه گویچکدی جمالین یاابافاضل اباالفضل
یا ابالفضل یاابالفضل یاابا فاضل اباالفضل

• شنبه
• 29
• خرداد
• 1400
• ساعت
• 21:27
• نوشته شده توسط
• یوسف اکبری

آفرین صدمرحبا بر وزیر با وفا
آچدی گویچک گوزلرین حضرت عبّاس آقا

یا حسین سلطان دین مظهر حق الیقین
جان نثاریندی سنین زادة امّ البنین
هی گلیر گویدن صدا گلدی بیر نازلی بالا

یوخ اونا مثل ونظیر شیرین اوغلی بچّه شیر
قارداشین عبّاسه باخ یوخ اونون تک بیر دلیر
بو دلیره جان فدا آفرین صد مرحبا

چوخ گوزل آللاه پایی یوخ بومولودون تایی
گون کیمی سن قارداشا ویردی آللاه بو آیی
اولدی ماه هاشمی قهرمان کربلا

صورت زیبایه باخ گول کیمی آچمیش دوداخ
بد نظرلردن خدا ائیله سین دائم اوزاخ
غنچه باغ مرتضی آفرین صد مرحبا

شیعه یه جانان گلیپ جسم عشقه جان گلیپ
مظهر ایمان اولان حامی قرآن گلیپ
یاور دین خدا آفرین صد مرحبا

باخدی حیدر قول لارا آغلییوپدی مرتضی
گوردی گویچک صورتی سسلدی ای جان بالا
کربلاده قارداشی قویماران کی تک قالا
ساقی دشت بلا آفرین صد مرحبا

• شنبه
• 29
• خرداد
• 1400
• ساعت
• 21:29
• نوشته شده توسط
• یوسف اکبری

ای سوسوز یاتان قارداش یار مهربان قارداش
گوزلرینده قان آچ گوزون اویان سسلننده جان قارداش

ای جوان علمداریم ای وفالی سرداریم
ای منیم چتین گونده یاخشی یار و غمخواریم
ائیلدی سنین اولما قین منی غملره نشان قارداش

مهربان منه یاور نور دیدة حیدر
آندیوا دگیپدی اوخ قانیلن دولوپ گوزلر
آچ گوزون سوسوز خوردا قیزلاریم خیمه ده یولون گوزلر
یوخدی قیزلارا ، خوف خصمیدن ، ایندی دای امان قارداش

قهرمان ابوالفضلیم ، باشیوین آخیر قانی
مشکیوی بیچیپدی اوخ ، سویله قوللارین هانی
آرخام ای ائلیم ، سیندی دای بئلیم ، باغریم اولدی قان قارداش

اهل بیتیمه غمخوار ، قویماقیزلاری آغلار
اولمه ده نده ای ، قاردا شیم میثم آیریلیق اولار دشوار
کیم گوره سنین حالیوی یقین اوتدا سینه سین داغلار
قانلی گوزلرن قربان قالدی گوزلریم گریان
تیر و خنجر و نیزه جسمیوی ائدیپ شان شان
نینییم سنین حالیوی گوروپ اؤلمیوم الان قارداش

قامتی باتان قانه شمع حقّه پروانه
اولما سان اولار دنیا ، گوز لریمده ویرانه
قلبیده سوزون هرنه وار اوزون ائت منه بیان قارداش

ای یارالی قارداشیم قویما قارداشیوی تک
قامتیم کمان اولدی قانلی قامتین گورجک
دشمنیم باخیر گوزیا شیم آخیر آچ گوزون اویان قارداش

آخدی گوزلره قان یاش ، اولدی غم منه یولداش
وای عمو دییه ن یئرده ، قوللارین اولیدی کاش
قمچیلر دیگن یئرده قیزلارا اوردا کاش اولان قارداش
یوخدی قیزلارا راه شامیده خصمیدن امان قارداش
باغریم اولدی قان قارداش نینیییم الان قارداش
دای کمک لیقا گئتمیر ، بیر کسه گمان قارداش

گوزلرینده قان ، آچ گوزون اویان ، سسلننده جان قارداش
گون کیمی باتان قارداش ، ای سوسوزیاتان قارداش
اولمیوپ بیری سن تک ، یاخشی مهربان قارداش
آچ گوزون منه ، باخ دلاوریم مندن آز ، اوتان قارداش

• چهارشنبه
• 2
• تیر
• 1400
• ساعت
• 11:56
• نوشته شده توسط
• یوسف اکبری

منیم آرخام ائلیم یاریم اباالفضل
قالان قولسوز علمداریم اباالفضل
منیم یاریم علمداریم اباالفضل
قیتمز آل هاشم دوز یولوندان
گچیپسن دین یولوندا ساق سولوندان
سنه قربان آخیرقانین قولوندان
منیم غیرتلی سرداریم اباالفضل
منیم یاریم علمداریم اباالفضل
آخیر قانین سنین قارداش باشیندان
گلیر قان قانه باتمیش گوز یاشیندان
سالیر آیری سنی اوز قارداشیندان
چتین گونلرده غمخواریم اباالفضل
منیم یاریم علمداریم اباالفضل
منی آغلار قویان قارداشیم عباس
عُموردَن تئز دویان قارداشیم عباس
گوزون آچ بیر اویان قارداشیم عباس
اولوپ آشفته افکاریم اباالفضل
منیم یاریم علمداریم اباالفضل
سسین آلدیم سنین امداده گلدیم
گورنده حالیوی فریاده گلدیم
بئلیم سیندی اودی افتاده گلدیم
هامی یئرده هواداریم اباالفضل
منیم یاریم علمداریم اباالفضل
بوحال قارداش سنه قربان نه حالدی
وفالی قارداشی ، کیم الدن آلدی
سنی میدانیده بوحاله سالدی
سپهسالار درباریم اباالفضل
منیم یاریم علمداریم اباالفضل
بوقیزلارین سنیدین دادخواهی
عَموم ای وای دوتوپدی خیمه گاهی
گلیر قیز لاریمین فریاد و آهی
دیمه کی یوخدی قوللاریم اباالفضل
منیم یاریم علمداریم اباالفضل
ولائی نین ییخار قلبین غم آغلار
دوتار قارداش سنینچین ماتم آغلار
یازار نوحه آلار مندن دم آغلار
دییر ای غمده دلداریم اباالفضل
منیم یاریم علمداریم اباالفضل

• پنج شنبه
• 3
• تیر
• 1400
• ساعت
• 10:45
• نوشته شده توسط
• یوسف اکبری

ای ساقی طفلان عمو

لبلر یم یاندی لبلریم یاندی

احسان ائله بیر جرعه سو

لبلریم یاندی لبلریم یاندی

عطشانم عطشانم <۲>

قربان اوزون قو لاریوه

ای عموجانیم ای عموجانیم

گل قویما غرق ائتسین منی

غملی طوفانیم غملی طوفانیم

واردور بیر عده خیمه ده

تشنه مهمانیم تشنه مهمانیم

عطشانم عطشانم <۲>

اصغر عطشدن آز قالور

گل کیمین صولسون .گل کیمین صولسون

غملی ر بابین با غرینا

لاله قان دولسون لاله قان دولسون

اولما رضا ایستکلیوین

باغری قان اولسون باغری قان اولسون

عطشانم عطشانم <۲>

سن غیرتین معنا سیسن

یار مظلومان یار مظلومان

لب تشنه لرسقاسیسن

دردیمه درمان دردیمه درمان

لطف و کرم دریاسیسن

ساقی طفلان ساقی طفلان

عطشانم عطشانم <۲>

دور مشگیوی آل بیر اله

صاحب احسان صاحب احسان

سال قوم کفره ولو له

قولارا قربان قولارا قربان

بیرجرعه سو تحصیل ائله

اولساگر امکان اولساگرامکان

عطشانم عطشانم <۲>

دشمن بئله فکر ایلیور

غملی طوفاندا غملی طوفاندا

بی یار یاور دور بابام

بو بیاباندا بو بیاباندا

سو یولارین سد ایلیوب

حال بحراندا حال بحراندا

عطشانم عطشانم <۲>

بیلمور عدو شیر ژیان

بیر عموم واردور بیرعموم واردور

دعوا گونونده قهرمان

بیرعموم واردور بیرعموم واردور

غیرتده بحر بیکران

بیرعموم واردور بیرعموم واردور

عطشانم عطشانم <۲>

قیزلار سو ایستور ای خدا

تشنه سقادن تشنه سقادن

سقا گئدور سو آلماقا

قوم اعدادن قوم اعدادن

مخیمده غوغا باشلانوب

آل طاهادن آل طاهادن

عطشانم عطشانم <۲>

تا آلدی سو مشگین اله

حیدر ثانی حیدر ثانی

عرشه اوجالدی تشنه لر

آه و افغانی آه و افغانی

الله خطردن حفظ ائله

تشنه سقانی تشنه سقانی

عطشانم عطشانم <۲>

• پنج شنبه
• 10
• تیر
• 1400
• ساعت
• 13:00
• نوشته شده توسط
• یوسف اکبری

صو لت حید ر یم
قهرمان یا و ر یم
سیندی لشگراویان
غملی سر لشگر یم

غملی یار یم اویان
غمگسا ر یم اویان

ساقی عطشان طفلان
اویان عباس ا و یا ن
اصغریم عطشان وئریرجان
ا و یان عباس اویا ن

ا فتخا ر یم ا و یا ن
ا عتبا ر یم ا و یا ن
بستری لخته قا ن
غملی یا ر یم اویان

اویان آرخام ا ئلیم
بو کو لو بدی بئلیم

قالمیشام میداندا ویلان
ا و یا ن عباس او یا ن
اصغریم عطشان وئریرجان
ا و یا ن عباس ا و یا ن

د لبر خو ش ا د ا
د ین حقه فد ا
باش یارا . قاش یارا
قو لی تند ن جد ا

آیسیز ا و لد و ز لا ر یم
تشنه لب قیز لا ریم

سن کیمی قارداشه قربان
ا و یان عبا س ا و یا ن
اصغرین عطشان وئریرجان
ا و یا ن عباس ا و یا ن

قا نا با تد ی علم
قو لار ا ولدی قلم
پا ر چا لاندی باشین
د و تو ب آ فاقی غم

آ ی گو ز ل قا ر د اشیم
قا ن ا و لوب گوزیاشیم

خیمه لر د ه قوپدی طوفان
ا و یا ن عبا س ا و یا ن
اصغر یم عطشان وئریر جان
ا و یا ن عبا س ا و یا ن

• پنج شنبه
• 10
• تیر
• 1400
• ساعت
• 13:04
• نوشته شده توسط
• یوسف اکبری

یارالی وزیر یوی درک ائله
شه ملک عشق و لا حسین
آقا چوخ یوبانما خیامده
یتیش.ایندی.دادیمه.یاحسین

آقا گل خد نگ فر ا قو ه
نجه.گور اولوبدی.نشان.گوزوم
دگیب.گوزومدن.آخوب.گوزوم
سنی گوزلیور آقا جان گوزوم
بو چتین زمانیده قویما چوخ
قالا منتظر آقا .. جان گوزوم

باشوون تصدقی گوز لریم
باشیم اوسته آغلاما یاحسین

سنی گر هرایمه سسلدیم
بیلیرم کی خبط و خطادییم
منی عفو ائله ره عشقد ه
بئله بی کفایت و سا د ییم
بیلیرم.کی.سن.آقاسان.حسین
بیلیسن کمند بلا د ییم

گل ئوزون بو مهلکدن آقا
ا ئله سر سپا هی رها حسین

گل ای آسمان اما متین
ره عشقه شمس هدا یتی
نجه گور بو ماه منیر یوین
دوتلوبدی قانیله طلعتی
سالیب آیری شکل و شمایله
او آغیر عمود مصیبتی

قمری خسوف سالوبدی قان
وئروب.آیری.شکل.و.نما.حسین

• پنج شنبه
• 10
• تیر
• 1400
• ساعت
• 13:07
• نوشته شده توسط
• یوسف اکبری

یا فاطمه دوشوب ایشیمیز بابِ حاجته
اَمر ائت عَلم دوتان بالووا ،ماهِ طَلعته
قانلی گوزیله بیر باخا پوزقون جماعته

باب الحوائج آدینون حَقّین اَدا ائده
دردی اولانلارین گِنه دردین دوا ائده

یا فاطمه قَلم گنه ایستور سوزون یازا
قارداش بِلین بوکن یری نَهرین ئوزون یازا
اوخ شعبه سی ئوپن یری ،شهلاگوزون یازا

اوخ شعبه شعبه نیلدی گورسانجیلان گوزه
ظَنّیم دیور اوگون نَظَر اولدی همان گوزه

عَفو ائت خانم بو یرده منی سوز گلوب بِله
شهلا گوزیله اوخ سوزونی آچمورام هَله
مَکشوفه روضه دور ولی نیلوم گلوب دیلَه

واردور یری بو غم ئورگی بی قرار ائده
یوخدور بدنده اَل اوخی گوزدن کنار ائده

باشین اَگوبدی چاره ائده گوز یاراسینه
قویدی اوخون او باشینی دیزلَر آراسینه
فرصت دوشوبدی اوندا ستمگر جفاسینه

آهن عَموده ضَربه سینون لَنگرین قاتوب
سقا یخیلدی ،نَهر فرات اوسته آی باتوب

سوز چاتدی بیر یره که سوزون جوهَرین دیَم
چوخدور اگرچه نسگیلی ،من آخرین دیَم
یان یانه اوخ دوتوبدور اونون پیکرین دیَم

دشمن گوروب یخیلماقینی چَکدی شوروشین
اهل سَما یوموب گوزی سَسلندی یاحسین

واضحدی کیم کمکسیز اولا بیر های آختارار
نسگیلیدور که های ئوزی گلمیش وای آختارار
یاکه دیوم فراته گلوب گون، آی آختارار

تَشبیهین ایندی قوی دیوم آیری نَظیرینی
سلطان اَلی بِلینده گزوردی وَزیرینی

باخدی فراته سَسلدی سَس وِئر هایانداسان
تَکبیرووِین سَسی نَه گلور نَه بَیانداسان
اولما یخیلموسان یِره دریای قانداسان

گورجک سنون قَلم قولووِی سیندی شَهپریم
بیر حاله قالمیشام که چیخوب یاددان اکبریم

یا فاطمه حسینه او دَم گویلرآغلادی
عَمّامه سین آلوب اَله پیغمبر آغلادی
گوردی حسینی قَدّی کمان حیدر آغلادی

امّا بیر آغلیان ائله آغلور داش آغلیور
بیراَل بِلینده قارداشینا قاداش آغلیور

(نادر) مَحرّمین گجه لر سوز وسازی وار
نوحه کلامینون هامیا رَمز و رازی وار
بو بزم ماتمون نِجه گور عشق بازی وار

اهل بُکاء او یرده گلوب آبرو آلار
معناده گوز یاشیلا کَاَنّه وضو آلار

• شنبه
• 12
• تیر
• 1400
• ساعت
• 23:01
• نوشته شده توسط
• یوسف اکبری

ای سَروِ رَوان زینت گُلشن آی اباالفضل
وِی شیعه لَره سایهء ایمَن آی اباالفضل

تایسیز سنی خلق ایلدی خَلّاق هُنروَر
اِبنُ البَشرین مَفخری سَن سَن آی اباالفضل

آغلارگوزیلن بابِ تَوسُّل سنه آچدیم
توصیفَه قالوبدور دیلیم اَلکَن آی اباالفضل

آخر نَه یازیم شعریده اولسون سنه لایق
سن داغدان اوجا سوزلَریم اَرزن آی اباالفضل

آدوندَه نَه وار بیلمورَم ای بابَ الحَوائج
تیترَر اوجا داغلاردا دِئسَم من آی اباالفضل

ئورگَتدِی ننم هاردا شَدایدَّه قالاندا
اَللّهَه تَوکّل ائله سَسَلن آی اباالفضل

چوخ سائل آچوبدور اَتگین واردور اُمیدی
احسان ائله ای صاحب خَرمن آی اباالفضل

واردور آتالار که اِئوینَه گَلمور اَیاقی
بوشدور اَلی شَرمنده دی اِئودن آی اباالفضل

شَرمنده لِیگین دردین آقا سَنکه چَکوبسن
خِجلَتده کی اَحوالی بیلورسَن آی اباالفضل

سن گِئتمَگه اَخیامه اوشاقلاردان اوتاندون
اولدی صوداَمرگُل کیمی دَن دَن آی اباالفضل

اصغرهَله دَه من دیورَم گوزلَری یولدا
اَمدی اوخی هِچ اِئتمدی شیوَن آی اباالفضل

سن بیل او علی اصغروین جانی نَظر قیل
ظلمت گجه سین سَن ائله روشن آی اباالفضل

عَفوِ ائت آقا ،(نادر) دیلینه سوز بِله گَلدی
هر دَردی سنه اولدی مُبَرهَن آی اباالفضل

• یکشنبه
• 13
• تیر
• 1400
• ساعت
• 16:59
• نوشته شده توسط
• یوسف اکبری

ائلیمون آی گوزل آیی فَراته باتما دور گِئدک
تیکوبدی گوزلرین یولا رُقیّه یاتما دور گِئدک

علمداریم لَخته لَخته قان گوزلرونده
نَدن هِجرانون هَواسی وار سوزلرونده

بِله یاتماقون قراریم اَلدن آلوبدی
باجون زینب تَللیده قارداش دور قالوبدی

ائلیمدن آرالی - یاتوبسان یارالی
اباالفضل ، اباالفضل (2)

وفالی قارداشیم اویان ،نَنَم گلوبدی عَلقمه
باخار اوپاره مَشکووَه باخار او قانلی پَرچمه

اَلی پهلوسینده دور زهرا مَقتلونده
بالا وای سَسلر دیَر ایوا مَقتلونده

سیلیم قانی ای وفا کانی گوزلروندن
دانیش بیرده صبرآلیم قارداش سوزلروندن

ائلیمدن آرالی - یاتوبسان یارالی
اباالفضل ، اباالفضل (2)

تاپاندا قولّارون حسین یول اوسته اولدی قَدّی خَم
چیخاتدی یاددان اکبری چَتین گلوبدی تازه غم

بِلیم بوکولدی گَلینجه بو نَهرین اوسته
ایکی قارداش سَنده خسته سن مَنده خسته

گئدک منله سو تَمنّاسین ایلین یوخ
صوداَمرطفله داخی بیرسو ایستین یوخ

ائلیمدن آرالی - یاتوبسان یارالی
اباالفضل ، اباالفضل (2)

دیلون اَسَر دانیشماقا منه دِئ مطلبون اَخا
اَلیم بِلیمده نَهریده سنی قویوم گئدوم هارا

ئورَکده بو آهیلن سینه داغلارام من
گوزوم دوشسه خیمووَه قارداش آغلارام من

آلا گوزه مَه جَبینووَه گوز توخاندی
عمود آهن اَندی باشه اصغر اویاندی

ائلیمدن آرالی ، یاتوبسان یارالی
اباالفضل ، اباالفضل (2)

• سه شنبه
• 15
• تیر
• 1400
• ساعت
• 21:46
• نوشته شده توسط
• یوسف اکبری

ای منیم باوفا – قارداشیم ابوالفضل
دایانمور بو غمده – گوزیاشیم ابوالفضل
دور گیدک قیزلار یولیوی گوزلَر
اولدورر منی یانقلی سوزلَر
عباسیم آی قارداش

داریخور رقیم – هی باخور یولارا
سنی اکبر جانی – رحم ایله قیزلارا
آچ او قانلی گوزون – آغلاما توکمه یاش
نه گلوب آی قارداش – اول اوزون قولارا
دگوب اوچ پر اوخ گوزوه قارداش
سوزولور قانی یوزوه قارداش
عباسیم آی قارداش

ای یارالی شیریم – آغلورام من سنه
اویان ای ابوالفضل – گولور دشمن منه
علی اکبر اولوب – قویما تک سن منی
نجه من دوزرم – سنسیز بو مُحنه
اماندی یاتما مهربان قارداش
زینبون اولدی باغریقان قارداش
عباسیم آی قارداش

خرداجا بالالار - گوزلوللر یولیوی
کسوبدی آی قارداش – کیم صاق و صولیوی
گوزوه قان دولوب - یوخ قولون سیله سن
الی سینسون او کس – کی کسوب قولیوی
گر خبر آلسا سنی رقیم
نه دیوم قارداش غملیدور سینم
عباسیم آی قارداش

دادیوه گلنده -تیتروردی دیزلریم
یخلدیم تُپراقا – گورمدی گوزلریم
غمون آی ابوالفضل – سیندیر دی بلیمی
مخیمده آغلولار – ناگران قیزلریم
دور گیدک عباس یاتما قارداشیم
اشگیوی قانه قاتما قاداشیم
عباسیم آی قارداش

دانیش سن منیلن – اورگی داغلیام
دشمنلر ایچینده – قویما من آغلیام
سنی اصغر جانی – تک قویما حسینی
قویمور بو قوم شَر – یاروی باغلیام
اولدوم بی یاور سرداریم اولدی
قالدیم قارداشسیز دلداریم اولدی
عباسیم آی قارداش

داخی سندن صورا – یوخ پناهیم قارداش
سن گیتدون الیمدن – سرسپاهیم قارداش
قالموشام آواره – بو قانلی میداندا
گوگلره چخوبدی – سوز آهیم قارداش
ای منیم یارو غمخواریم عباس
محشره قالدی دیداریم عباس
عباسیم آی قارداش

قالمیشام آدامسیز – صحرای بلاده
اکبری گتیردیم – بیر قانلی عباده
ایندی علقم اوسته – دوغرانوب قارداشوم
آغلیور ملکلر – منلن بو عزاده
قارداشا سختدور اولسه قارداشی
(احمدا ) یاز پارچالانوب باشی

• پنج شنبه
• 17
• تیر
• 1400
• ساعت
• 11:09
• نوشته شده توسط
• یوسف اکبری

سروریمیز ولله ابوالفضدی - ابوالفضدی
دلبریمیز ولله ابوالفضدی - ابوالفضدی
نوکر دربار شه عطشان - حسینوخ بیز
رهبریمیز ولله ابوالفضدی - ابوالفضدی
قدی اوجا گوزل آقادی - شَمـــس هُدا نور ولادی
فخر ایلروخ عشقیمیز عباس- شیر دل ِ کرب بلادی
((آقام آقام آقام آقام عباس آقام عباس))3

شیر خدای ازلی کیمدی - ابوالفضدی
اُم ُّ بنینون گوزلی کیمدی - ابوالفضدی
کرب و بلاده یارادوب محشر _ یَلِ حیدر
غیرتی وار همچو علی کیمدی - ابوالفضدی
علی بالاسی سوز بیلندی - اوشاقلارا سو پایلیندی
شمری دالا قیتروب عباس - الده امان نامه جیرندی
((آقام آقام آقام آقام عباس آقام عباس))3

ساقی دشت کربلا کیمدی - ابوالفضدی
هیبتی مثل مرتضا کیمدی – ابوالفضدی
مالک اشـــتر حسیـن ،نور - ِ یَقیندور بو
یــــاور شاه شهدا کیمدی – ابوالفضدی
قلبیمیزه آدی صفادی - مظهر غیرت و وفادی
ساقی طفلان حسیندی - هـــامی آقالره آقادی
((آقام آقام آقام آقام عباس آقام عباس))3

قلب عدویه اوخ وران کیمدی – ابوالفضدی
عشق هامی پیر و جوان کیمدی – ابوالفضدی
ماردی اولدوردی شَهِ علقم - اسور پرچم
لشگر عدوانی یخان کیمدی - ابوالفضدی
سویلدی کی علقمی آلّام – پرچمی نهر اوستونه چالام
آمد اولا شاه شهدایه - جانلارینا ولوله سالام
((آقام آقام آقام آقام عباس آقام عباس))3

• یکشنبه
• 20
• تیر
• 1400
• ساعت
• 15:09
• نوشته شده توسط
• یوسف اکبری

سروقامــــتلی جوانلار سنـه قرباندی اباالفضل
آدون هر یرده دیولسه بیزه رضواندی اباالفضل
دنیاده هر گوزلدن گوزل عبّاس
حیدر تک جنگیده بی بَدَل عبّاس

یانور عالم گنه ماتم سنون آدیوه قورولدی
سکّه ی عشق و لیاقت گوزل آدیوه ورولدی
دنیاده هر گـــوزلدن گوزل عبّاس
حیدر تـــک جنگیده بی بدل عبّاس

شیعه نون عشقی حسیندور عشقه ده عشقِدور عبّاس
دل ویروب هرکس حسینه اونا سر مشقِدور عبّاس
دنیاده هر گوزلدن گوزل عبّاس
حیدرتک جنگیده بی بَدَل عبّاس

باش اگر شاخه طوبی اوپر آقا علموندن
گوتورر توکماقا حورا گوزه گرد حرموندن
دنیاده هرگوزلدن گـوزل عبّاس
حیدرتک جنگیده بـی بدل عبّاس

مَستِدون جام بلادن قولووُن قانی توکولدی
تلّیده رنگی سارالدی قامت عشق بوکولدی
دنیاده هرگوزلـــدن گوزل عبّاس
حیدرتک جنگیــده بی بدل عبّاس

رَمز اقدامی عدویه دلده اودلی سوزی ویردی
سویونا مشگون ایکی قول بیرده شهــلا گوزی ویردی
دنیاده هرگوزلدن گـوزل عبّاس
حیدرتک جنگیده بی بدل عبّاس

یره آتـــدان یخیلاندا شاد اولوب دشمن کافر
زینبه حکم اِسارت یازدی گودالیده خنجر
دنیاده هرگــوزلدن گوزل عبّاس
حیدرتک جنگیده بی بدل عبّاس

• سه شنبه
• 22
• تیر
• 1400
• ساعت
• 11:45
• نوشته شده توسط
• یوسف اکبری

بیر مشک سو اوستونده دوشوب ولوله قارداش
آز قالدی که باشیم دوشه الدن اله قارداش

واگیر:

اوخلاندی سو مشکیم ای شاه ولایت
اولدوم حرمیندن سو اوسته خجالت

آلسان سسیمی خیمه دن ای خسرو خوبان
گل سایه وی سال باشیمه جانیم سنه قربان
نهر اوسته علمدارون اولوب قانینه غلطان
آز قالدی باتا کشتی عمروم گله قارداش

اولماز محنیم نوکریوین قیدینه قالسان
السیز بدنه لطف ایلیوب سایه وی سالسان
بیر دفعه ده دیندیرسن اگر گوگلومی آلسان
دنیایه برابردی او بیر مرحله قارداش

تا وار نفسیم سینه ده عشقون هوسینده
قویما سیخلا روحیمی محنت قفسینده
گل بیرده گوروم عمرومون اخرنفسینده
تا نخل امیدیم یتیشه حاصله قارداش

سینمده یارا لاله مثالی گول آچوبدور
گلزار ایله بیر غنچه لنوب سنبل آچوبدور
بیراوخدا دگوب مشکه منه مشگل آچوبدور
اطرافیده لشگر ایلیور هلهله قارداش

نیلوبدی بو اوخ منله مشخصدی سوزومدن
یاندرمازیدی بیربیله دگسیدی گوزومدن
اخیامه گَلم گلموری بو دفعه یوزومدن
لطف اِیت منه بو خواهشی قبول ایله قاردش

آلدوم سویی وردوم علمون نهر فراته
چکدیم سویونون خاروخسین نچه جهاته
دگدوقجا الیم نهریده اول آب حیاته
قان آغلامشام خیمه ده غنچه گوله قارداش

الله بولوری سالدی سو سقانی نه حاله
باخدوقجا سویا قزلاروی سالدی خیاله
گوردوم دوزولوبلر صفه اللرده پیاله
گوز یاشلی باخولار یولا سقا گله قارداش

• یکشنبه
• 3
• مرداد
• 1400
• ساعت
• 10:59
• نوشته شده توسط
• یوسف اکبری

گلور عطر و بوی محمدی، نه صفا بو غملی فضا تاپوپ
آلوری او عطری مشام جان، اورکیم بیر آیری صفا تاپوپ

بو جهان عاریه ده هانی، آتام اوغلی سِرّ نهان منه
گویون آتدا یکسره باغلیدور، بولوسن زمین و زمان منه
بو یره رجوع ایلیوب آنام، یِتوری شَمیم جنان منه
یولونی وفالی آنام سالوب، بو مکاندا اهل وفا تاپوپ

آنامون نه قَدریدی گور سنه، اورکینده مهر و محبتی
نه گوزل سعادته چاتموسان، سنه قسمت اولدی زیارتی
او زیارتی که نصیب اولوب، بو جهاندا یوخدی که قیمتی
بیله بیر سعادته اَل هاچان، بو زمانه ده نجبا تاپوپ

دئمیرم اولوبدی او دم نَلَر، اورکون نَدن تب و تابیده
دئمیسن قدومین اوپَم گرگ، یخیلوبسان حال شتابیده
یوزی اوسته که یره گلمیسن. ایاقون قالوبدی رکابیده
داغیلوبدی گول کیمی پیکرون، باشیوی دوباره بلا تاپوپ

اورکینده نخل وفانی سن، بیر عجیبه عشقیله اکمیسن
هامی گوز تیکیبدی اودور سنه، ولی سن گوزون منه تیکمیسن
بوکولن قَدین سوزون آچمارام، دِه گوروم اوخی نجّه چکمیسن
چتین آیریلاردی او اوخ نه چون، قَدر خدانی قضا تاپوپ

سالوب اوزگه حاله او اوخ سنی، ولی اوز یرینده دی هیبتون
اِیله بیر که سَرو آشیب یره، بو مکانیده اوجا قامتون
ویرولوب بوداقلاری ظلمیله منی یاندرور بو حکایتون
آناوین گوزوندن اوزاق اولا، بیر عجیبه شکل و نما تاپوپ

قارشیبدی خون دیلون اگر، یوزه سیل تک آخان اشکیوه
اوخا ربطی یوخدی بو مسئله، یانیسان باخاندا سو مشکیوه
سالیسان خیاله حرملری، قاریشیر او قان که سرشکیوه
بولوسن منیم بِلیمی بوکور اودی لرزه ارض و سما تاپوپ

دئمه سن غمونده او کوز کیمی، یارالی یانوب سُونه بولمورم
نجّه حاله درد و غمون سالوب، بولورم دئمه بوله بولمورم
من او غملی بلبله بنزیرم، باخیرام گوله دونه بولمورم
گوره کیم بو حالیده گر دییر، اِیله بیر که حال فنا تاپوپ

ای عتیق نوحه یاز اِیت نوا، اِیله منله عهدیوه سَن وفا
آلاروق بو نطقی یقین اِیله، قلمون او غیره اگر یازا
یازیلار بیر آیری حسابه گر، اِیلسن زمانه ده سن ریا
نه روادی آیینه دلون، اولا تیره چون که جلا تاپوپ

• یکشنبه
• 3
• مرداد
• 1400
• ساعت
• 16:24
• نوشته شده توسط
• یوسف اکبری

شعبان آینون دوردی فروزان سحر اولدی
حیدر ائوینون لاله سی قرص قمر اولدی

مشهوردی بطحاده جوانان کلابی
حیدر اودی تزویجده ایلوب بو حسابی
بیر صالحه عورت تاپالار اولدی خطابی
اول طایفه دن تاپدیلا زهرا سیر اولدی

هم نام خانم فاطمه بیر عارفه عورت
حیدر ائوینه اولدی رشیده قدی زینت
دوغدی بیر اوغول ایلکینه باشدان باشا غیرت
به به دئدی کیم گوردی عجب شیر نر اولدی

عبّاس آدینی قویدی آقا حیدر صفدر
گل صورتینه باخدی دئدی ماه منوّر
شهلا گوزینه سویلدی تحسین مکرّر
گنج علویده دئدی عالی گهر اولدی

گُل پیکرین اوپدی ائلدی منظم سینه
سسلندی گل آغوشوه آل اوغلی حسینه
جاندی سنه بو سنبل ریحان مدینه
غیرتلدی شاید سنه بیر گون خطر اولدی

عباسی حسین آلدی قوجاقینه او ساعت
گوردی او گول یاسده تندیس شجاعت
گوزلر ایری بازولر اوزون بحر صلابت
ذوق ایلدی آغزیندا بزاقی شَکَر اولدی

بابا سوله دی سیّد و سالار شهیدان
عبّاس منیم خاطریمی ایلدی شادان
ظاهردی بوی آتسا اولاجاق فخر دلیران
رشد ائتدی شجاعتده یل نامور اولدی

ایللر دولانیب اولدی غرض شصتم هجرت
زهرانون عزیز اوغلی حسین حامی امّت
کفّار له گلدی سوزه ایستیدیله بیعت
ترک وطن ایلوب شه دین در بدر اولدی

دوشدی چوله اهل حرمینن شه بطحا
چوللرده گزیب آلتی آی آوارۀ صحرا
ناگه یتشیب کرب و بلا دشتینه مولا
جبریل حسین وای سولیوب نوحه گر اولدی

بی عاطفه اعراب آلیب دور امامی
تعدادی اوتوز مین نفر اللرده حسامی
دولدوردی ریاست اورا مکریله عوامی
هر عصرده بیر جور بو روش جلوه گر اولدی

یتمیش ایکی سربازیله سلطان شهیدان
دین اوسته قیام ایلدی زنده قالا قرآن
گیدی کفن هر تک تکی آباد اولا ایمان
تا نوبت عبّاس جوان قَدر اولدی

آلدی اودا چوخ زحمتله شه دن اجازه
شکر ایلدی توفیق حق بنده نوازه
گیدی زرهین دوردی تیمّمله نمازه
مشکین گوتوروب قوم شره حمله ور اولدی

اوّلده تصرّف ائلدی نهر فراتی
دولدوردی سو مشکین یتره کامه بناتی
دوشدی یولا گتسین خیمه آب حیاتی
اوخلاندی سو مشکی سودا آخدی هدر اولدی

سو آخدیقجا طاقتی عبّاسون آزالدی
جنگاهی قشون مکریله بیراهیه سالدی
گیزلندی یول اوسته چوخی شمشیر اله آلدی
ویردیلار دوشوب ساق قولی خصمه ظفر اولدی

شمشیرین آلیب صول اله عبّاس توانا
یاره یارا اوستن دیور اتمور ولی پروا
قرمز قانا آغشته دی گل صورتی حمرا
صول الده دوشوب پیکری بی بال و پر اولدی

بسکی یارا دگمیشدی او شیر غزواته
دونمزدی دیل آغزیندا ادای کلماته
بیر نحویله ایلردی اشاره نفراته
من بی سپرم ویرمیون حالیم کدر اولدی

دوشدوم یره آتدان داخی یوخ حال نبردیم
بو مژده نی ورمیشدی بابام بیر بودی دردیم
گلسیدی آقام بیرده ایاقیندن ئوپردیم
آخر گوروشه بلکه "صفای" دگر اولدی

• یکشنبه
• 3
• مرداد
• 1400
• ساعت
• 17:10
• نوشته شده توسط
• یوسف اکبری

باشیم اوسته گل حق رضاسینه واردی قارداشون حاجتی حسین
تادیوم نلر گلدی باشیمه نهردن چخان ساعتی حسین

(اکبرون ئولوبدی عزالیام
درک ایله اخا من یارالیام)«۲»

من اوتوز بیش ایل لطفوه سنون دالدالانمشام بس هایانداسان
هر نه عزت عالمده وار منه سنله تاپشمام بس هایانداسان
باشیمین گوزون بیرده قوللارین فکرین آتمشام بس هایانداسان
سن گلن یولا جان فدا اولا ای بو عالمین زینتی حسین

(اکبرون ئولوبدی عزالیام
درک ایله اخا من یارالیام)«۲»

اوخ دگوبدی مشگه یوخومدی سوخجلتیم وار ایمدی بوباره دن
وای منه عجب گیتدی آبرو ،یوخ تاپانمارام سو دوباره دن
خیمیه آپارما گئدنمرم شرمسارم ایمدی ربابه دن
گلماقا سکینه حضورینه واردی قارداشون خجلتی حسین

(اکبرون ئولوبدی عزالیام
درک ایله اخا من یارالیام)«۲»

اذن ویر دوروم من حضوریده یوخ الیله بیر امتحان ویروم
عشقیمی سنه ای شه جهان بیرده عالمینه نشان ویروم
پیک جان گلوب راضییم بویور من ایاقون آلتندا جان ویروم
جانی عشقینه ویرسه عاشقی واردی آیری بیر لذتی حسین

(اکبرون ئولوبدی عزالیام
درک ایله اخا من یارالیام)«۲»

خیمدن گلنده سوسوزلارون آز قالردی ئولدورسون اوزلرون
نهرین اوسته پرچم ووران زمان بد نظر منه ووردی گوزلرون
یوخسا اوخ ووراردم او گوزلره دوشدی یادیمه اوندا سوزلرون
سو گتور بو قیزلاره جنگه سن ،ویرمدون منه رخصتی حسین

(اکبرون ئولوبدی عزالیام
درک ایله اخا من یارالیام)«۲»

دوزدی باش گئدوب اوخ دگوب گوزه من ولی سنون عالمیندیم
گویلون ایستمور نیلیاخ منی ، گل آنام گلوب محضروندیم
گرچه دوشدی تندن بو قولاریم ، امر ایله گینه خدمتندیم
ال یتور بو السیز برادره سن بول آناوین عصمتی حسین

(اکبرون ئولوبدی عزالیام
درک ایله اخا من یارالیام)«۲»

گورسن ئولموشم کوی عشقیده آغلاما شها ، اولما دلغمین
مین بئله فدا جانی ایلرم ، گورمییم بوکولسون بلین سنون
بسلینده ام البنین منی ، سوت ویروب بوگوندن ئوتور یقین
وقفدی سنه جانی نوکرون ، قبول ائت بو وصیتی حسین

(اکبرون ئولوبدی عزالیام
درک ایله اخا من یارالیام)«۲»

لطف ایله اخا ممکن اولسا گر واردی التماسی بونوکرون
گوزلری الونده قالوب سنون جانوین فداسی بو نوکرون
وار ئورکده بیر حسرت بقیع ، بیرده کربلاسی بو نوکرون
ایستیرم گوره «صادقی» شهین وار رعیّته رحمتی حسین

• چهارشنبه
• 6
• مرداد
• 1400
• ساعت
• 20:11
• نوشته شده توسط
• یوسف اکبری

ای سر سپهیم قافله سالاریم ابالفضل
ای غصه لی ایّامیده غمخواریم ابالفضل

تا ویردی الون اللریمه شاه ولایت
امر ایلدی سن قاردشوا ایله حمایت
سن مندن اوتور اولماموسان ذرجه راحت
ای ایمدی منیم حیدر کراریم ابالفضل

تا سن واریدون اولدی باجیم خیمه ده راحت
سویله باشوا کیم بوقدر ووردی جراحت
سن بول آتامون جانی بئله چکمه خجالت
گلموب منیلن عترت اطهاریم ابالفضل

ای مهر و وفا کانی اویان قارداشا خاطر
یولّاردا سنیلن دانیشان یولداشا خاطر
مخیمده او قیزلار کی ورولّار باشا خاطر
آچ گوزلرون ای محرم اسراریم ابالفضل

آچ گوزلریوی ناله و فریادیمه خاطر
گل منله دانیش ، خیمه ده اولادیمه خاطر
دور بیر ایاقا حضرت سجادیمه خاطر
گوزلور یولوی خیمه ده بیماریم ابالفضل

گئتدون سنیلن گئتدی حسین چاره سی قارداش
قان وئردی اورکدن بالامون یاره سی قارداش
قیزلار بو چولون اولدولا آواره سی قارداش
یوخدور داخی بو چولده هواداریم ابالفضل

نه قارداشیدون حالیوه دشمنلریم آغلور
گللر باش آچیب چولده کی بلبلریم آغلور
مخیمده سوسوز قیزلارینان ائلریم آغلور
سونمز داخی بو آه شررباریم ابالفضل

تا نهر فرات اوسته سنه اولدی جسارت
قیزلار ائشدوب خیمه ده باشلاندی قیامت
میداندا منه قوم عدو ائتدی جسارت
ئولدوردی منی طعنه اغیاریم ابالفضل

اولدوزلار ایچینده گونه بیر آی سچیلوبدی
گون باخدی گوروب آی نچه یردن بیچلوبدی
بیردن دئدی ایوای نیه قدّون کیچلوبدی
ای ماه بنی هاشم علمداریم ابالفضل

آلدی اله تا «صادقی» بو لوحه نی قارداش
گوزیاشلی یازوبدور سنه بو نوحه نی قارداش
کیم اهل ولا اولسا سووَر روضه نی قارداش
یاز دفتریوه اولدی عزاداریم ابالفضل

• پنج شنبه
• 7
• مرداد
• 1400
• ساعت
• 11:03
• نوشته شده توسط
• یوسف اکبری

عباس
ای مرتضا تک شیر داور
آچ گوزلرون گلدیم برادر
بئله یاتما

ای یادگار حیدر
یالقوز حسینه یاور
رحم ایلمز بو چولده
اطفاله قوم کافر

ای مظهر شجاعت
دریای استقامت
گلموب هله رقیه
چکمه بئله خجالت

حسین
سن گلموسن قلبی شکسته
لطف ائتموسن بو باشیم اوسته
بئله باخما

ای یادگار زهرا
ای انس و جانه مولا
عذر ایستورم قصوریم
اولدی اگر چه شاها

ای مظهر عدالت
ای منبع سخاوت
قوی باشیمی دیز اوسته
ایله منه عنایت

عباس
آچ گوزلرون قارداش اماندی
قارداشیوین حالی یاماندی
بئله یاتما

ای قیزلارون پناهی
چکمه اورکدن آهی
ایوای عمو صداسی
دولدوردی خیمه گاهی

ای مظهر شجاعت
دریای استقامت
گلموب هله رقیه
چکمه بئله خجالت

حسین
ای کاش اولیدی منده مین جان
هر تک تکی اولیدی قربان
بئله باخما

ای شاه مشرقینیم
بو چولده نور عینیم
سن باشیم اوسته گلدون
لطف ایلدون حسینیم

ای مظهر عدالت
ای منبع سخاوت
قوی باشیمی دیز اوسته
ایله منه عنایت

• پنج شنبه
• 7
• مرداد
• 1400
• ساعت
• 12:48
• نوشته شده توسط
• یوسف اکبری

آچ گوزون ای علمداریم ابالفضل
ای منیم تشنه سرداریم ابالفضل
غملی صحراده غمخواریم ابالفضل
بو نه عالمدی یاتوبسان سن یارالی
قارداشون گوزدن آتوبسان سن یارالی
(( جان یارالی جان یارالی جان سنه قربان یارلی ))

دوشموسن خیمه لردن سن آرالی
گلمیشم باشیوین اوسته یارالی
آچ گوزون قارداشیم دور ای وفالی
بو نه عالمدی یاتوبسان سن یارالی
قارداشون گوزدن آتوبسان سن یارالی

آچ گوزون اکبریم میداندا یاتدی
قاسمیم گوز یوموب دنیانی آتدی
منی اما سنون دردین قوجاتدی
بو نه عالمدی یاتوبسان سن یارالی
قارداشون گوزدن آتوبسان سن یارالی

قامتیم دال اولوب یوخدور توانیم
قوریوب لبلریم دونمور زبانیم
ایمدی بیر کمسیه گلمور گمانیم
بو نه عالمدی یاتوبسان سن یارالی
قارداشون گوزدن آتوبسان سن یارالی

سویولون باغلادی بو اهل کینه
شمر دوندردی یوز دین مبینه
من گلنده چوخ آغلوردی سکینه
بو نه عالمدی یاتوبسان سن یارالی
قارداشون گوزدن آتوبسان سن یارالی

دور گوتور مشکیوی یوز قوی فراته
ممکن اولسا گتور سو وئر بناته
عطشیندن یوموبلار گوز حیاته
بو نه عالمدی یاتوبسان سن یارالی
قارداشون گوزدن آتوبسان سن یارالی

قولارین سالدی بو قوم ضلالت
قول دوشندن تاپوب لشکر جسارت
ایمدی ایلور منه یکسر شمادت
بو نه عالمدی یاتوبسان سن یارالی
قارداشون گوزدن آتوبسان سن یارالی

ای اولان درد دنیایه معالج
« صادقی » سسلور ای باب الحوائج
دلده بو بیتینه ایستور نتایج
بو نه عالمدی یاتوبسان سن یارالی
قارداشون گوزدن آتوبسان سن یارالی

• پنج شنبه
• 7
• مرداد
• 1400
• ساعت
• 13:13
• نوشته شده توسط
• یوسف اکبری

امدایمه گل ای شه خوبان آتام اوغلی
عباسون اولوب دینینه قربان آتام اوغلی

ای سینه سی مخزن اولان اسرارخدایه
الله سنی خلق ایلدی سرور شهدایه
کیم جان وئره کویونده یتر عرش خدایه
جنتده تاپار عزت شایان آتام اوغلی

ای پادشه جن وملک عالمه مولا
وی مالک اولان ملک دله زاده زهرا
بوعلته امداده چاغوردی سنی سقا
جانین ائلیه دینینه قربان آتام اوغلی

کسدی یولومی فرقه اشرارزمانه
جوریله کماندار اوخونی قویدی کمانه
سومشگینه ویردی گتوروبدورمنی جانه
گوزیاشیمی دشمن ائلیوب قان آتام اوغلی

سقایم ئوزوم سیدی عطشان ئولورم گل
گوزلور یولوی دیده گریان ئولورم گل
رخساریمی یکسربوریوب قان ئولورم گل
تعجیل ائله ای سرورخوبان آتام اوغلی

ای شمس هدا منبع ایمان و معانی
گلسن دییرم دلده اولان سر نهانی
زینب باجیماکشف ائلمه بوجریانی
قولسوزیخلوب قارداشی عطشان آتام اوغلی

عباسون اون یدی شقی دورسین آلدی
پرسیزقالان عنقاکیمی آتدان یره سالدی
اشرارین الینده یارالی پیکری قالدی
رحم ائتمدی قارداشوا عدوان آتام اوغلی

دیداروه بوحالیده مولا هوسیم وار
فخریم بودی بیرسن کیمی فریادرسیم وار
بیریولدا ده قارداش منه تاکی نفسیم وار
محتاج نوالم ائله احسان آتام اوغلی

عشقونده آخان گوزیاشیم ایمدی سله بنزر
گلشن کیمی جیسمیمده یارالارگله بنزر
باش باشه چاتان سینده اوخ سنبله بنزر
اولمازبئله بیرعالی گلستان آتام اوغلی

یوخ طاقتیم ازبس که دگوبدی منه یاره
گل گورنجه قارداش النوراشگیم عذاره
ایستورسنی گوگلوم گوره بولحظه دوباره
امیدیمی گل ایلمه حرمان آتام اوغلی

آتدان یخلاندا یوزوم اوستونده ترابه
قالدی ایاقیم چخمادی بنداولدی رکابه
یرده سورونوبدی بدنیم دوشدی عذابه
معناده آنان اولدی نواخوان آتام اوغلی

پیغمبررحمت قیزی انسیه ی حورا
طاقت گتوره بولمدی بومحنت گویا
امرایلدی آتدان یخلاندا منه زهرا
قارداش چاغورام من سنی الان آتام اوغلی

چوخلاریازوب عباسه(جوانی)بوردیفی
حاشااولا بونوحه اواشعارون حریفی
لطف ائتدی حسینون سنه سقای شریفی
بوشعری که اولدی بئله عنوان آتام اوغلی

• شنبه
• 9
• مرداد
• 1400
• ساعت
• 13:00
• نوشته شده توسط
• یوسف اکبری

آنداولا حضرت عباسیده شان وشرفه
آتاسی شیـرخدا مالک ملــُک نجفه
سوکنـارینده سوسوزجان ویرن عـالی هدفه
ناامیـد ایلمیوب اهل مسیحـانی آقام
الی بوش ائتمیجاق صادق احبانی آقام

صاحب فضل وادب ساقی وسردار حسین
معـدن جود و سخا محـرم اسرار حسین
شانیـده رتبده تنــهادی علــمدار حسین
کیم دیسه صدقیله دردین اونادرمان اولاجاق
قطـع اولان اللریله مشکلی آسان اولاجاق

قتلگه سمتینه یوزدوندریب عباس غیور
حـمد ائدوب خالقــینه تاپدی عجب فیض حضور
مرکب اوسته اوتوروب قلبیـده ایمانیله نور
باخدی بیرلشــگرکفـره اوشجاعت کانی
دل آچوب پند و نصیحت ائلیــه اعدانی

دئدی ای کوفه وشام اهلی خطا ایلمسوز
باغلیــوبسوزسویولون جوروجفـا ایلمسوز
آل اطهــارین ایشون سوزوبـُکا ایلمسوز
ائشدون سوزلـریمی حقی نهـان ایلمیون
قلب پیغـمبری جنـاتیده قـئان ایلمیون

اف اولاسیـزلره ساتدوزپولا شخصـیتوزی
ایاق آلتـندا لگـدکـوب ائلدوزغیــرتوزی
لکــه دار ایلمــسوز دامن حیــثیتوزی
خواب غفـلت سیزی بیچـاره و خارایلیجاق
آه مظــلوم ابدی درده دچـار ایلــیجاق

سسلدی داده گل ای عالمه سلـطان رئوف
دفن ائدوب جیسمیمی تپـراقلارین آلتندا سیوف
آسمان علــوینون ائلیـور ماهی خسوف
آزقالـورمرغ وجودیم پرآچــا عقــبایه
قطره قطره باشیمون قانی آخورسیمایه

آلدی قارداش سسینی کشورعشقین شاهی
مجـمرغمده یانوب چخدی سپـهره آهی
مقتله گلدی گوروب منخسف اولموش ماهی
دئدی ای دشت غم افـزاده منیم آرخام ائلیم
تلیـون اوستن سـسون آلدیم یارالی سیندی بلیم

• شنبه
• 9
• مرداد
• 1400
• ساعت
• 21:55
• نوشته شده توسط
• یوسف اکبری

ای سپهــر عشقیده مهـــردل آرا سیدی
یخدیلار عبــاسوی ظلمیلــه اعدا سیدی

قالمشام اشــرار الینده ای شه والا مقام
حمله ایلورهرطرفدن اوستمه قوم ظلام
دیل سنی سسلور هرایه بوچتین وقته مدام
یاره لی جیسمیمده قالمورگل توانا سیدی

عهدوپیمان ایلمیشدیم تشنه لب اطفالیله
سوتدارک ایلیــم قیــزلاره هر نه حالیله
حیف اولا دوشدوم تـرابه یاره لی احوالیله
قویمادی دشمن ایدم پیمانه ایفا سیدی

اعتذاریم وارهرایه سسلورم ایمدی سنی
نقطه پرگارم آلمیش دوره می قوم دنی
سالدیلار دام بلایه کوفیان ایمدی منی
باشیمی ایستورآیرسون نچه ادنا سیدی

خاطرون آزرده اولسون تانفس وار قویمارام
وجـه وجـه الله باخماقـدان ولیکن دویمارام
جـامه عشقون اولمده قـامتیمـدن سویمارام
چون تاپارعشقونله سقاعشقی معنا سیدی

بوبیـاباندا سوجامیدن منه حسرت قالوب
چـاره می الدن بوقــوم پست و بد فطرت آلوب
هرایکی قولاریمی بیرمشگ سواوسته سالوب
خـاصه نوفل ظلمی الدن آلدی یارا سیدی

غم کتابینده(جـوانـی)آختارور دل مرحمین
محنتیله جاده عشقین گزوب پیچ و خمین
شرح ایدنمـزکیمسیه سندن صورا درد و غمین
مـرحمتلــه دردیــنه ایلـه مداوا سیدی

• دوشنبه
• 11
• مرداد
• 1400
• ساعت
• 12:19
• نوشته شده توسط
• یوسف اکبری

ابوالفضل ساقی طفلان سلام اولسون سنه
بیزدن ای سرلشگر خوبان سلام اواسون سنه

ای که جان نقدین فدای دین و اسلام ایلین
جان نثار مکتب قرآن سلام اولسون سنه

ای دوشن نهر اوسته هم قولاری همده پرچمی
شیر هیجا ، فارس میدان سلام اولسون سنه

هرکسین وار دردی ازبردی سنون زیبا آدین
ای دواسیز دردلره درمان سلام اولسون سنه

کیم گلوبدی درگهن حاجت آلوب سندن آقا
ائتمیسن سن بیزلره احسان سلام اولسون سنه

منده یوخ ذره لیاقت تا که دامانین دوتام
بیر نظر ایله منه الان سلام اولسون سنه

اول دوشن قولار ستونه آسماندی یوخدی شک
تکیه گاه عالم امکان سلام اولسون سنه

غیرتیندن نهری آلدین صاق گوزن اولدی نشان
ناگهان اوچ شعبه لی پیکان سلام اولسون سنه

ماه آل هاشم و دلبند زهرا و علی
آی کیمی ای صکرتی تابان سلام اولسون سنه

ایستدی ائتسون "خدایی" عشقینی اعلان بوگون
دفترمیده ای آدی عنوان سلام اولسون سنه

• دوشنبه
• 11
• مرداد
• 1400
• ساعت
• 16:15
• نوشته شده توسط
• یوسف اکبری

اورگیم غمیله دولاندا ابوالفضله آغلارام
گللر چمنده سولاندا ابوالفضله آغلارام

گورسم اگر بیری گلیری واردی خجلتی
خجلت کیشی اولاندا ابوالفضله آغلارام

گورسم چمنده سروی که دوشموش خولاری
نامرد سروی سالاندا ابوالفضله آغلارام

بیگانه لر نه بیلر عباس کیمدی کی
پروانه شمعه یاناندا ابوالفضله آغلارام

گورسم که نخلیزاریده صیاد سنگ دل
تیرین کمانه قویاندا ، ابوالفضله آغلارام

یاندی قلم شعله ی جانسوز ماتمه
قان دجله سی اولوبدی دریای علقمه

اولسون امان او وقته کی اتدان دوشوب یءره
یوز اوسته دوشدی چون یوخیدی اللری خانوم

اوچ پر اوخی دیزیله چیخارتدی او مه لقا
جرعت تاپوب جفاسینه قاتللری خانوم

اهن عمود الده چاتیبدی عدو ولی
بیر ایش گوروب قان ایلدی دیللری خانوم

اندیردی شمشیری ابوالفضل باشینه
قانه بلشدی آقامون تللری خانوم

آی تک بولوندی باشی جلا تاپدی قانیله
قالمیشدی یولدا آقامون گوزللری خانوم

گوردی سنی دیدی بورا خوش گلمیسن ننه
گلمز باشا دشمن شقاوتللری خانوم

شرمندیم ایاقیمون اوسته دورامیرام
سالدی منی ایاقدان عداوتللری خانوم

چوخ گوگلوم ایستردی الن بوسه من ورام
حیف اوغلوون پاره لنوب لبلری خانوم

کاش صول گوزومده اوخلانیدی صاق گوزوم کیمی
سلب اءتدی سیلی ردی بو طاقتللری خانوم

دم قورتارور واردی سنه زحمتیم ننه
هر نوکرون اولار آخی زحمتلری خانوم

زحمت اگر دگول منه لای لای دءنن ننه
یوخ ءوز آنام گوره بو مصیبتلری خانوم

یاندین"خدایی" شمعی کیمین بو مصیبته
شاید سنه عطا ایده خلعتلری خانوم

• دوشنبه
• 11
• مرداد
• 1400
• ساعت
• 16:43
• نوشته شده توسط
• یوسف اکبری

قانلی میداندا یاتما عباس ای امیر لشگر گوزون آچ
دور خیامه گل ای ابوالفضل ایسو اصغر گوزون آچ

اول زمان که سس گلدی قارداش دادیمه گل ایندی اماندی
زینبیم عرض ائتدی حسینیم دور ابوالفضلیم نیمه جاندی
بیلدیم اول لحظه قولارین یوخ پیکرین باشدان باشه قاندی
باشین اوسته ال بلده قالمیش باخ حسینون سسلر گوزون آچ

پرچمین یاتدی ای وزیریم دوریوی اهل کینه آلدی
مشگیوی ای کاش بوشلییدون سو یرینه صبریم جالاندی
اکبریم ئولدی سنده گئتدون اللریم قارداش بئلده قالدی
گنج آل حیدر نه گلدی ای شکسته گوهر گوزون آچ

چکموسن خط توپراقین اوسته قانه باتمیش یئر معلوم اولسون
هئچ دگول انصاف گلستاندا سرو رعنا ظلمیله سولسون
گوی دیوم بیر سوز قلب عشاق ابری تک بو ماتمله دولسون
صاق گوزن دگمیش آی ابوالفضل ظلمیله بیر شش پر گوزون آچ

دور خیامه عزم ایله قارداش گوزلیور زینب تلین اوسته
بوینوما قطع اولموش قولون سال سن اخا خسته منده خسته
آغلاما قوربانیم اولوم من آغلاما ای قلبی شکسته
باش یاراویله اولموسان بیل سن شبیه حیدر گوزون آچ

باشیوین اوسته کیم گلوبدی عطری چون وار دورینده قارداش
گوئیا زهرا عطریدی بو روحیمی ائتمیش زنده قارداش
گوردون آخر زهرا ننمی گوزلرین آیدین سنده قارداش
وار حضورینده فاطمه دور ای عزیز مادر گوزون آچ

پیکریوی خنجر کسوبدی خنجرین ردین اوخ تیکیبدی
صاق گوزوه بیر اوخ ساجیلیبدی گوندوزی گوزده تار ائدیبدی
خیمیه سنسیز من گئدنده وای ابوالفضل زینب دئیبدی
باخ رقیه جاندان دوشوبدور قان اولوبدی دیللر گوزون آچ

نه قولون واردی پیکرینده نه سویون وار مشگینده قارداش
عهد و پیمانی باشه وئردون تا قالا اسلام زنده قارداش
گوی قالا بیچاره "خدایی" عشقیله بو کوینده قارداش
عرض ائدر دائم روز و شبده باخ منه ای دلبر گوزون آچ

• جمعه
• 15
• مرداد
• 1400
• ساعت
• 20:36
• نوشته شده توسط
• یوسف اکبری

درد دل باشلامیشام تا قلمیم عنوان ائلیه
دردیمی شاه شهیدان گله درمان ائلیه

غم دنیا منی سالدی ولی درد و محنه
نظریم یوخدی سوزوم بیر کسی گریان ائلیه

بالجاقین زینتی قاشدی ،صورتین زینتی گوز
گوندی گوی زینتی تا دهری درخشان ائلیه

ولی اعمال بشر جمله گوزلیکدی اونا
ثبت اعمال اولونار هر نه که انسان ائلیه

ای که تکذیب ائلین گوزلرین آچ معجزیه
فقط الله باشارار بیر بئله احسان ائلیه

دن اولور غنچه، وغنچه گل و، گل ده بیر اغاج
باغبان همت ائدور سروی خرامان ائلیه

ولی بیر سروی خانیم ام بنین بسلدی ، لیک
تا اونی نوکر ارباب شهیدان ائلیه

ولی نهر اوسته او سروی نجه سالدی دشمن
خولارین سالدی عدو تا اونی بی جان ائلیه

او گون عباس علی نهری آلیب شیر مثلی
خیمیه سو آپارا دردلره درمان ائلیه

ولی امیدینی دشمن کسدی تیریله او گون
سویی آخدی یئره تا قلبیلری قان ائلیه

دوندی اخیامه طرف سسلدی اصغر عفو ائت
دشمنیم آلدی سویی تا سنی گریان ائلیه

یوخودی قولاری، لنگر ائلیوردی علمی
ولی ایستوردی جانین قرآنا قربان ائلیه

گلدی بیر تیر سه پر صاق گوزونی ائتدی مکان
کیم گوروبدی بئله یاره گوزی پیکان ائلیه؟

باشینی اگدی اشاقه اوخی خارج ائلسون
بوسوزومی ولی عفو جمله عاشقان ائلیه

باشینی اگدی اشاقه ، کلاهی دوشدی ولی
بیر عمود الده عدو ایستدی طغیان ائلیه

کلاهی دوشدی ، دالی اهن عمود آندی باشا
کاش قبول عرض ائلدی نصریمی رحمان ائلیه

صاقا ،صولا اویاندی جسمی اتین اوستونده اودم
کاش گله ایندی اقا سویلدی احسان ائلیه

گلدی زهرا باشی اوسته دئدی احسن عباس
دشمن ایستیر سینوی تیریله شان شان ائلیه

سسله قارشیوی گلسین باشیوین اوسته اوغول
تا دوباره سنیله عهدیله پیمان ائلیه

ای" خدایی"گوزون یاشی اخار صورتیوه
جان وئرنده گلر حتما اقا احسان ائلیه

• شنبه
• 16
• مرداد
• 1400
• ساعت
• 12:37
• نوشته شده توسط
• یوسف اکبری

شجاعت قافینون عنقاسی قارداش
لب عطشان قزلارین سقاسی قارداش
یاتما قوملار اوسته بیله زارو خسته عطشان ابوالفضل

سوئله سنده بو نه حالدی قارداشیم
بوقوللاریوی کیم سالدی قارداشیم
اللریم بلیمده قالدی قارداشیم
ای قوللاری قلم یاتدی قانلی علم عطشان ابولفضل

ای بوچولده منیم پوزقون چمنیم
ای روح و روانیم وی جان و تنیم
نطقه گل دیللن ای شیرین سخنیم
قربان گوزلریوه شیرین سوزلریوه عطشان ابولفضل

سئ مشکین اوخلاندی سویون جالاندی
جرعه سویون مگر قیمتی جاندی
جاندان آرتوخ دین گلشنی تالاندی
یاتما یارالیسان ایلدن آرالیسان عطشان ابولفضل

نهر فرات اوسته یاتما یارالی
یالقوز قارداشیوی آتما یارالی
زهرا ننمین ای یورقون مارالی
یاتما ای یاوریم امید مادریم عطشان ابوالفضل

تز غروب ایتدون ای رخشنده ماهیم
قدیمی بوکدون ای پشت وپناهیم
باجادور دنیانی یاندیرسا آهیم
دور قارداش اماندی باغریم پارچالاندی عطشان ابوالفضل

اوغلوم اصغر قالوب گریان یاتانماز
آج یاتار لیک هیچ عطشان یاتانماز
سن السن زینب نالان یاتانماز
چوخ سور عباسی کربلا زهراسی عطشان ابوالفضل

غمونده قارداشیم قدیم خم اولدی
گوزلریمده روز روشن چم اولدی
سن یخیلدون دوفاقیم برهم اولدی
ای سپهسالاریم قولسوز علمداریم عطشان ابوالفضل

سو جامین قزلاریم دوتموش اللرده
اللری دعا ده آدون دیللر ده
سوسوزلوق قویمیوب طاقت اصغرده
غنچه لبلر یانور اود دوتوب اودلانور عطشان ابوالفضل

((امینی)) چکموسن نظمه دیوانی
ابوالفضل اولدی قرآنین قربانی
سو اوسته یخدیلار عطشان سقانی
سقای مظلومان جانلار سنه قربان عطشان ابوالفضل

• پنج شنبه
• 21
• مرداد
• 1400
• ساعت
• 12:59
• نوشته شده توسط
• یوسف اکبری

ابوالفضلم وار الیمده دین علمی
ایا لشگر حسینمون وار نه غمی
من کمی قارداشیمون یاوری وار
هانسی شاهین بیله بیر نوکری وار

جهالتدن چیخون قوشون شرم ایلیون
عدالت محفلون گلون گرم ایلیون
اوقلب آهنینیزی نرم ایلیون
قلبزون حقه اگر باوری وار
هانسی شاهین بیله بیر نوکری وار

علی اوغلانلاریندا وار غیرت و عار
خصوصاًقارداشیم حسین یکّه سوار
آتام شیر خدا کمی قدرتی وار
من کمی رزمجو سرلشکری وار
هانسی شاهین بیله بیر نوکری وار

آنام ام البنین منیم سود وره نیم
ولیکن قارداشیم حسین بسلینیم
حسینمه فدادی بو جان و تنیم
حان منیم جان آلانین کوثری وار
هانسی شاهین بیله بیر نوکری وار

زیاد اوغلون جری ایدوب پست و مقام
سیزی یولدان چادوب ایا لشگر شام
زنا زاده یزیدی دوتمسوز گرام
فخر ایدوسوز هامیزین رهبری وار
هانسی شاهین بیله بیر نوکری وار

• پنج شنبه
• 21
• مرداد
• 1400
• ساعت
• 13:00
• نوشته شده توسط
• یوسف اکبری

ای یوزی قاره آخورسان
نه بیابانه فرات
گون ویران دمده شاخورسان
دونه سن قانه فرات

گلستانین گلی سولدی
دیده لر قانیله دولدی
فاطمه زلفینی یولدی
دونن سن قانه فرات

باخدی قزلار سنه یاندی
ناله لر عرشه دایاندی
خوابدن اصغر اویاندی
دونه سن قانه فرات

قلبلر دوندی کبابه
گلمدون حد و حسابه
ایتمدون رحم ربابه
دونه سن قانه فرات

عترت اللرده سو جامی
چولقیوب ناله خیامی
آغلیوب عصرین امامی
دونه سن قانه فرات

ای اولان چوللره جاری
آغلادان زینب زاری
بیر باخیدون اونا ساری
دونه سن قانه فرات

هر گلن ایچدی سویوندان
وحشی انسان اهلی حیوان
لیک حسین جان وروب عطشان
دونه سن قانه فرات

چاتدی غم غصه ""امینه""
اف اولا لشکر کینه
سالدی سقانی کمینه
دونه سن قانه فرات

• جمعه
• 22
• مرداد
• 1400
• ساعت
• 12:15
• نوشته شده توسط
• یوسف اکبری