اشعار حضرت ابالفضل(ع)

سن کیمه گتدون امان نامه ایا شمر دنی
چون بجردیبدور ننم قارداشیمه نوکر منی
حیف اولا پست ریاست ایلیوب جاهل سنی
ئورگدوب ام البنین من مرتضایه چاکرم
سن یزیده نوکر اولدون من حسینه نوکرم

سفره ی اربابیمون ائیللردی ریزه خواریم
چون اوتوز دورد ائیل حسینون مست وخاطر خواهیم
من اوشاقلیقدان حسین درگاهینون پابستیم
سن کی هئچ اربابیوه ئوللم ولی باش اگمرم
من حسینون بیر توکون کاخ یزیده وئرمرم

نینورم جاه ومقامی قارداشیم جاهیم منیم
هرایکی دنیاده حیدردور بیلون شاهیم منیم
چکمرم ال قارداشیمندان چیخسادا جانیم منیم
زینبون خیر دعاسی دهریده بسدور منه
احتیاجیم ناکسه یوخ قارداشیم کسدور منه

سیز یزیده بیعت ائتدوز عاراولا وجدانوزه
سیز وروبسوز تیشه نامردینی احساسوزه
غیرتیز یوخدی مرید اولدوز رجیم شیطانوزه
خانه ظلمی بیلون تک باشه ویران ایلرم
چپ باخا اخیامه هرکس قانه غلطان ایلرم

قارداشیم گر قوسادا راه ولادن گئتمرم
رهبر پست وپلیده من بیلون باش اگمرم
لشگروز اولسا اوتوزمین ذره من باک ائتمرم
من سپاه کربلایه فخریلن سرلشگرم
مرحب اولسا دشمنیم من ذوالفقار حیدرم

دشمن قارداشیمی دنیاده خوار اولسون گوروم
عالم عقباده منزلگاهی نار اولسون گوروم
نطفه سی ناپاک اولان اشخاصه عاراولسون گوروم
گئت دئنن ابن زیاده بوسوزی مندن پیام
بعد حیدر امته رهبر حسیندور والسلام

• پنج شنبه
• 26
• فروردین
• 1400
• ساعت
• 11:25
• نوشته شده توسط
• یوسف اکبری

ماهِ بنی هاشم علمداریم
غیرتلی قارداشیم علمداریم
قان اولدی گوز یاشیم علمداریم
ایوای ابوالفضل

««« واگیر »»»

ای قوللاری تندن قلم قارداش
سقّای طفلان حرم - قارداش
سن‌سیز بو چولده نیلرم قارداش
ایوای ابوالفضل

قارداش بو نه غملی حکایتدور
گویا قیامتدن علامتدور
باشدان باشا جسمون جراحتدور
ایوای ابوالفضل

سن‌سیز ستون محفلیم سیندی
الدن گیدوب لشگر ائلیم سیندی
قارداش اینان ایندی بلیم سیندی
ایوای ابوالفضل

برق بلا گویدن شاخیر قارداش
باشدان عذاره قان آخیر قارداش
من آغلورام دشمن باخیر قارداش
ایوای ابوالفضل

گلجاخ سسون دوشوی اورک درده
بولدوم قالوبدور باشون الّلرده
گوردوم دوشوبدور اللّرون یرده
ایوای ابوالفضل

سس ویر پریشاندور اخا - حالیم
اوغلوم ئولوپ پوزقوندی احوالیم
یاندی عطشدن خردا اطفالیم
ایوای ابوالفضل

باتدی سپهر غمده اولدوزلار
آغلار قالوب مخیمده یالقیزلار
گوزلور یولون ایندی سوسوز قیزلار
ایوای ابوالفضل

یوخ اهل شامین ظلمینون حدّی
سیندی بو چولده صبریمین سدّی
گوردوم که وار توپراقدا قان ردّی
ایوای ابوالفضل

بیر ئوزگه احواله اخا قالدیم
ناچار اولوب میدانه یول سالدیم
قاتل الیندن باشیوی آلدیم
ایوای ابوالفضل

• سه شنبه
• 7
• اردیبهشت
• 1400
• ساعت
• 20:42
• نوشته شده توسط
• یوسف اکبری

شاهین ، هوای اوج ائلینمز ، پَر اولماسا
عنقا نه نوعی قافه چیخار شهپر اولماسا

الدور حوادثاتِ بدندن دفاع ائدن
فکر ائت بدن نه حال دوشر اللر اولماسا

دعواده لشگرین گوزین سر لشگر آختارور
سرلشگرین علاجی ندور لشگر اولماسا

من بو منای عشقیده دینون فداسیم
آزاده امتحان وئررم یاور اولماسا

من کاروان عشق بو صحراده رهبرم
چاتماز مراده قافله گر رهبر اولماسا

الدن آلوبلا خنجریمی، قولاًریم دوشوب
کیم سو وئرر بو خنجریمه خنجر اولماسا

من تشنه ی وصال حسینم سو نینورم
آب فراتی ایستمرم کوثر اولماسا

• یکشنبه
• 9
• خرداد
• 1400
• ساعت
• 16:48
• نوشته شده توسط
• یوسف اکبری

ای گُــــل ام البنین - عباس
سرور اهـــــل یقین - عباس
پاســــدار پــــرچم قـــــران
حافظ دیــــن مُبیــن – عباس
حیدره بنذر – اُمَّته سرور
یا ابو فاضــل یاابو فاضل

مظهر مهـــــرو وفـا گلدی
معدن جود و سخــا گلدی
غیرتین معناسیــــدور مولا
ساقـی کــــرب بلا گلدی
کان احساسدی - آدی عباسدی
یا ابو فاضل یاابو فاضل

بو آقا عشــــق ولایتـدی
نوگل بـــاغ امـــــامتدی
سر مثلـــی قامتـــی رعنا
قاش گوزی ولله قیامتدی
حافظ قران – ساقی طفلان
یا ابـــو فاضل - یاابو فاضل

قارداشیـــــنه یار و یاوردی
شاه خیبــــر تک دلاوردی
آسمــــــانــــدا ماه نورانی
اهل بیتـــه زیب و زیوردی
ای آدی سقا - غیرتی دریا
یا ابو فـــاضل - یــاابو فاضل

قور خوسی یوخ فوج لشگردن
هیبتی چـــــوخ مالک اشتردن
یکّه تاز عـــــرصه ی میـــدان
حافظ اولدی حقـــلی سنگردن
آدینه قربان – سرور ایران
یا ابو فاضل - یاابو فاضل

جنگیده چـــون شیر یزداندی
غیرتـــی دریـــای جوشاندی
ویردی دنیایـــه ادب درسین
ساقیدی امـــا لب عطشاندی
ای گل خلقت – معنی عزت
یا ابو فاضل - یاابو فاضل

بو گیجه جشــــن ولادتدی
بزم احســــان و عنـــایتدی
نوکر اولماق تــاج عزتدی
بیزلــــره ولله سعــــادتدی
ایت بیزه احسان - ساقی عطشان
یا ابو فاضــــــل -یــــاابو فاضل

ای گل بــــــاغ ولا عبــاس
عالمه مشگل گشــــا عباس
جشن میلادونــده (پویایه)
عیدیــانه قیـــل عطا عباس
فاطمی خصلت - ای علی صولت
یا ابــــو فاضل - یاابــــــــو فاضل

• جمعه
• 25
• تیر
• 1400
• ساعت
• 11:27
• نوشته شده توسط
• یوسف اکبری

امدایمــه گل ای شه خـــوبان آتام اوغلی
عباسون اولوب دینینه قربان آتام اوغلی

ای سینه سی مخزن اولان اســرارخدایه
الله سنی خلق ایلــدی ســرور شهـــدایه
کیم جان وئره کویونده یترعرش خدایه
جنتده تـــاپار عـــ٘ـزت شایان آتام اوغلی

ای پــادشه جــن و ملــــک عـــالمه مولا
وی مالـــک اولان ملــک دله زاده زهــرا
بوعلته امــداده چاغــوردی سنی سقــا
جـانین ائده جانانینه قـربان آتام اوغلی

کسدی یولــُـومی فـــرقـه اشـــرار زمانه
جوریله کمانـدار اوخونی قــویدی کمانه
سومشگینه ویردی گتوروبدورمنی جانه
گــوزیاشیمی دشمن ائلیـــوب قـان آتام اوغلی

سقایم ئوزوم سیدی عطشان ئولورم گل
گوزلور یولــوی دیده گـــریان ئولورم گل
رخساریمی یکسربوریوب قان ئولورم گل
تعجیــل ائله ای سرورخـوبان آتام اوغلی

ای شمـــس هــُــدا منبع ایمان و معــانی
گلـــسن دییـــرم دلده اولان سـ٘ـر نهــانی
زینـب باجیــماکشف ائلمــــه بوجریــانی
قولسوز یخلوب قــارداشی عطشان آتام اوغلی

عبــاسون اون یدی شقی دورسین آلدی
پرسیزقالان عنقاکیمی آتدان یره سالدی
اشـــرارین الیـــنده یارالی پیکری قالدی
رحم ائتمـــدی قـــارداشوا عــدوان آتام اوغلی

دیــــداروه بوحالیــــده مولا هوسیــم وار
فخریم بودی بیرسن کیمی فریادرسیم وار
بیریولدا ده قـارداش منه تاکی نفسیم وار
محتـــاج نوالـــم ائلـــــه احسان آتام اوغلی

عشقونده آخان گوزیاشیم ایمدی سله بنزر
گلــشن کمی جیسمـــیده یــارالار گلـه بنزر
باش باشه چــاتان سیـنده اوخ سنبله بنزر
اولمـاز بئله بیــرعــالی گلستان آتام اوغلی

یوخ طاقتیم ازبس که دگوبدی منه یاره
گل گورنجه قـارداش النوراشگیم عذاره
ایستورسنی گوگلوم گوره بولحظه دوباره
امیــدیمی گل ایلـــمه حـرمان آتام اوغلی

آتدان یخــلاندا یوزوم اوستونده تـرابه
قالدی ایاقـیم چخمادی بنداولدی رکابه
یرده سورونوبدی بدنیم دوشدی عذابه
معناده آنان اولدی نواخوان آتام اوغلی

پیغمبــــررحمت قیـزی انسیه ی حورا
طاقت گتــوره بولمدی بومحنت گـویا
امرایلــدی آتدان یخـــلاندا منه زهــرا
قــارداش چاغورام من سنی الان آتام اوغلی

چوخلاریازوب عباسه(جوانی)بوردیفی
حــاشااولا بونوحه اواشعارون حریفــی
لطف ائتدی حسینون سنه سقای شریفی
بوشعری که اولدی بئله عنوان آتام اوغلی

• یکشنبه
• 10
• مرداد
• 1400
• ساعت
• 15:21
• نوشته شده توسط
• یوسف اکبری

بو نه حالدیر کی سالیب سان اؤزیوی آی قارداش
ثؤپراقین اوسته قؤیوبسان یوزیوی آی قارداش
نه گلیب گؤر باشیما آش گؤزیوی آی قارداش

یاندیریب اکبر منی سنده داهی یاندیرما
سیندیریب دشمن منی ، سنده داهی سیندیرما

(( یالواریرام دؤنه دؤنه آی قارداش ))
(( قؤیما منی یامان گونه آی قارداش ))
آی قارداش ۳

جان جان آی قارداشیم آی صبریمی الدن آلانیم
بئلیمی سیندیرانیم ، آی منی درده سالانیم
قؤلسوز بو پیکریوین قؤی باشینا بیر دؤلانیم

هانسی قارداش بو حالی گؤرسه وئرر جان یارالی
قان دؤلان گؤزلریوه قارداشین قربان یارالی

(( یالواریرام دؤنه دؤنه آی قارداش ))
(( قؤیما منی یامان گونه آی قارداش ))
آی قارداش ۳

یانسین اوچ شعبه اؤخی بو گؤزیوه ووران سنین
بیر آغیر عمودیله بو باشیوی یاران سنین
آشیب حتدن گؤرورم چؤخدو اخا یاران سنین

یئری وار سسلیه سن زهرا آنان گلسین اخا
بو ساغالماز یاراوا بلکه چارا قیلسین اخا

(( یالواریرام دؤنه دؤنه آی قارداش ))
(( قؤیما منی یامان گونه آی قارداش ))
آی قارداش ۳

قلبیمی ائیلمه توش چاره سیز آلامه اخا
گؤروسن دشمنیمیز دای یئتیشیب کامه اخا
قؤیما (نالان) منی چؤخ دور گئداخ اخیامه اخا

قؤیمارام قیزلاری سو صحبتینی آشسین اخا
عطشیندن بالالار سس سالیب آغلاشسین اخا

(( یالواریرام دؤنه دؤنه آی قارداش ))
(( قؤیما منی یامان گونه آی قارداش ))
آی قارداش ۳

کیچیلن بو قدیوه یئر گؤیه سلطان آغلار
من تک آواره قالان زار و پریشان آغلار
یانار هجرینده اخا زینب نالان آغلار

دییَر ایوای داغیلان جاه و جلالی قارداش
بورویَن عالمی بو درد و ملالی قارداش

(( یالواریرام دؤنه دؤنه آی قارداش ))
(( قؤیما منی یامان گونه آی قارداش ))
آی قارداش ۳

بیلیردین کی اؤخ آتان دؤره ده دشمن چؤخدو
گینه قؤرخو اؤرگینده سنین اصلا یؤخودو
سنی دیلدن سالان اول مشکه دَیَن بیر اؤخودو

دئیمه سئیدی اونا اؤخ کیمسه ییخانمازدی سنی
ال تاپیب دشمن سنه ، درده سالانمازدی منی

(( یالواریرام دؤنه دؤنه آی قارداش ))
(( قؤیما منی یامان گونه آی قارداش ))
آی قارداش ۳

سنه من فخر ائده رم کان شجاعت سن اخا
سن حیا اولدوزوسان ، سن خود غیرت سن اخا
سن منه شان و شرف سن منه عزت سن اخا

سنه چؤخ ظلم اولونوب قؤی دئییم عالم بیلسین
قاپیوا گلسه بیری قؤی بئله (نالان) گلسین

(( یالواریرام دؤنه دؤنه آی قارداش ))
(( قؤیما منی یامان گونه آی قارداش ))
آی قارداش ۳

• یکشنبه
• 15
• مرداد
• 1402
• ساعت
• 15:08
• نوشته شده توسط
• یوسف اکبری

☑️بند اول
ساقی کربلا ای صنم مه جبین
سر سپاه حسین همچو علی بیقرین
با هوایت آقا دل رو به دریا زدم
غرق عشقت شدم ای یل ام البنین

ای مرا نور عین ، عشق ارباب حسین

((یا ابوفاضل یا ابوفاضل))

☑️بند دوم
منو ردم نکن من که گدای درم
بین دیونه ها از همه عالم سرم
قبله ام روی تو ای شه لطف و کرم
کعبه ی من بود شارح بین الحرم

ای شه القمه ، دلبر فاطمه

((یا ابوفاضل یا ابوفاضل))

☑️بند سوم
بو گجه سایلم درده دوا ایستیرم
کلب درباریوام خاک شفا ایستیرم
سنی ورم قسم اوز آناوین جانینا
قاپیوا گلمیشم کربوبلا ایستیرم

ورد و ذکر گدا ، کربلا کربلا

((یا ابوفاضل یا ابوفاضل(ع)

• یکشنبه
• 19
• شهریور
• 1402
• ساعت
• 14:29
• نوشته شده توسط
• یوسف اکبری

☑️ بند اول

ماه محرم دی اورک غرق نوادی
عالم سیه پوش اولدی ایام عزادی
کوی و معابرده اسیر قاره علم لر
نُقل محافل دی آقام عباسین آدی

آدی زیبادی قدی رعنادی
آقامیز عباس گل زهرادی

ساقی دین ای مه جبین
جانم اباالفضل

ای زاده ی ام البنین
جانم اباالفضل

? یا ابوفاضل قمر بنی هاشم

☑️ بند دوم

صاحب لوای کربلا مشکل گشادی
دردین وار عباسه دنه باب سخادی
سالماز یولا اوز درگهیندن دست خالی
کیم دوتسا سقا دامنین حاجت روادی

یل دریا دل قاپیوا سائل
ایکی دنیادی یا ابوفاضل

فرخنده فر قرص قمر
جانم اباالفضل

حیدر کیمی مرد خطر
جانم اباالفضل

? یا ابوفاضل قمر بنی هاشم

☑️ بند سوم

اولموش ابوالفضلین آدی دیللرده رایج
کسب ائیلییر سائل لری عالی نتایج
هر دردمندین دردینه درمانی واردی
مشکل ده قالسان سسله یا باب الحوائج

وریری جولان وسط میدان
بئله سردارین آدینا قوربان

صاحب لوا ای با وفا
جانم اباالفضل

ذکر لب اهل عزا
جانم اباالفضل

? یا ابوفاضل قمر بنی هاشم

☑️ بند چهارم

سالدی فرات اوسته آتین حیدر بالاسی
لرزه سالیب دی پیکره کفره صداسی
هل مبارز سسلدی شیری حسینین
عرض‌ائتدی‌گلسین‌کیمده‌وارجنگ‌ادعاسی

ددی سردارم و سپهدارم
بولون ای لشکر من علمدارم

شیر عرب مهد ادب
جانم اباالفضل

حیدر خصال عالی نسب
جانم اباالفضل

? یا ابوفاضل قمر بنی هاشم(ع)

• شنبه
• 25
• شهریور
• 1402
• ساعت
• 00:49
• نوشته شده توسط
• یوسف اکبری

☑️ بند اول

ای مظهر شیر خدا
ای صاحب مشک و لوا
عباس یابن المرتضی

شان و مقامین بی بدل
یا حضرت مشکل گشا
عباس یابن المرتضی

زینب دییب احسن سنه
فرمانده کل قوا
عباس یابن المرتضی

سنده دی مرتضی خصالی
غیرتیوین یوخدی مثالی
جان آقا ای وفالی

عباس عباس عباس

عباس عالی درجات
عباس ای باب نجات
گوزلر مرقدینده دی
مولا وئر برگ برات

? قمر بنی هاشم عباس

☑️ بند دوم

ای درد عشاقه دوا
ای تربتی خاک شفا
عباس یابن المرتضی

من سائل درباریوم
سن معدن جود و سخا
عباس یابن المرتضی

یا کاشف الکرب الحسین
بئیله وفایه مرحبا
عباس یابن المرتضی

اهل حرم امید گاهی
خیردا اوشاخلارین پناهی
مولانین سرسپاهی

عباس عباس عباس

عباس ای میر حرم
عباس ای شاه کرم
فخریم عالم ده بودور
درگاهینده نوکرم

? قمر بنی هاشم عباس

☑️ بند سوم

جنگ آور فرمانروا
گئتمز سنین تیرین خطا
عباس یابن المرتضی

برق نگاهیندان قاچار
دعوا گونونده اشقیا
عباس یابن المرتضی

مارد کیمین نام آوری
سالدین تراب اوسته آقا
عباس یابن المرتضی

سن گل باغ مرتضی سن
باشدان ایاقه کیمیا سن
ساقی کربلاسن

عباس عباس عباس

عباس قتال العرب
عباس دریای ادب
سقای تشنه لبان
ماه هاشمی نسب

? قمر بنی هاشم عباس(ع)

• شنبه
• 25
• شهریور
• 1402
• ساعت
• 00:52
• نوشته شده توسط
• یوسف اکبری

من شرزه شير بيشه‌ي شير خدايم

از بهتـرين ابيـات ديــوان وفايم

بر كودكان آب آورم سردار و ميرلشگرم

انَّي اباالفضل

هرچند كام خشك سقّا تر نگردد

بي‌آب سوي خيمه هرگز برنگردد

هم ساقي‌ام بر كودكان هم بر حريمت پاسبان

انَّي اباالفضل

يك دم قدم گر بر سرم گذاري

جـانِ بـرون رفته به تن بياري

بگذار پا بر چشم من بنگر ز خون تر چشم من

انَّي اباالفضل

بـودم فـدايّي تـو از طفلي برادر

قنداقه‌ام گرد سرت گردانده مادر

هم ساقي لب تشنگان هم خيمه‌ها را پاسبان

انَّي اباالفضل

فانوسهای اشک - علی انسانی

منبع:سایت مدایح

• پنج شنبه
• 9
• شهریور
• 1391
• ساعت
• 14:03
• نوشته شده توسط
• جواد

اي سپاه كين كربلا دور بيزه- مناي عشق
جنگوزه‌گلوب صاحب پرچم و- لواي عشق
ري هواسيني باشوزدان آتماسوز اگر
باشـوزه اَنَر قلنجيم اي سپـاه شــر

عبّــاسم مــن دلاورم رزم آورم
اسلاميــن لشگــرينه مــن ســرلشكرم
من عبّاسم - آقام حسينه - نوكرم
****
نوكرم ئوزوم- شاه عالمه امر ايدوب منه- پور فاطمه
پرچمي ويرام- نهر علقمه سالمارام او شاهون سوزون يره
شر اهليـن ئولدروماقا گلميشم
بو مشكي دولدورماقا گلميشم
آنـــد اولا رقيّــه اشكينــه
دولـدورار سقّـا سـو مشکينــه
من اباالفضلم، علمدارم
****
گلميشم سيزه عرصه‌ي محشري- عيان ايدم
گلميشم او نامه يازان اللّري- كسم گيدم
اُفّ اولا او نامـه يازديقيز قلم‌لره
عار اولا باش

• پنج شنبه
• 9
• شهریور
• 1391
• ساعت
• 12:42
• نوشته شده توسط
• جواد

اوجالوبدور عرشه فغان سسلور هامی ای داد و امان
صحرای بلاده
النور گویدن یـره قان نعـره چکـور القانـه باتان
اول قانلی مناده

کیمــدور بو دلاور سسلـور اوجـا تکبیــر
روبه‌لــره گویــا حملــه ایلیــور شیــر
بـاخون عرصـه‌ده قیامت ایلیوب ‌به ‌پا ابوالفضل
سالوب عرصه‌گاهه طوفان یَل کربـلا ابـوالفضل
باب الحوائج ابوالفضل
****
توکور اوت شمشیری اونون دیلده اوجا تکبیری اونون
وحشت یارادوبدی
وار ایکـی بـازوسی رَسا الله اونـی باشـدان ایاقــا
غیرت یارادوبدی
گویـا کـه چکوبــدی شمشیرینــی حیــدر
خشمیلــه گُلــور تـا فتـح ایلیــه خیبــر
چاغیروردی تلّون اوستن باجیسی اخا ابوالفضل
باجون ای یَـل سرافـراز آدیـوا فـدا اب

• پنج شنبه
• 9
• شهریور
• 1391
• ساعت
• 12:53
• نوشته شده توسط
• جواد

ای یارالی شیریم وزیریم ابوالفضل اویان
شیـر بی‌نظیریم وزیریم ابوالفضل اویان
جانم ای ابوالفضل(2) اویان قارداشیم
ای امیدگاهیــم پناهیـم حسین تـک قالیب

جان‌وئریبدی یکسرسپاهیم حسین تک قالیب
دور ایاقـه‌ای سرسپـاهیم حسین تک قالیب
یوخدی دستگیریم وزیریم ابوالفضل اویان
****
دوره‌می آلوبدی اوتوز مین ستمگر منیم
نه واریمدی عونیم نه فضل وجعفر منیم
نـه وفـالی قـاسم نـه شهزاده اکبر منیم
افسر شهیـریم وزیریـم ابوالفضل اویان
****
کوفیـان سنـی ائل دایاقـی بیلوللـر منه
وئرموسن منه سس‌بو عدوان گولوللر منه
باشون اوسته قارداش شماتت ائدیللر منه
بو دم خطیریم وزیریم ابوالفضل اویان
****
قالدی‌گؤرنه نوعی بوچولده‌کمکسیز ح

• پنج شنبه
• 9
• شهریور
• 1391
• ساعت
• 13:19
• نوشته شده توسط
• جواد

ساقـیِ بـزم دلــدار اباالفضـل
لشگـر حقّـه سـردار اباالفضل
آچ گوزون گلمشم باشون اوسته
باصفـادور بـو دیدار اباالفضل

سـن منیـم حالیمـه آغلا قان‌یاش
من دیوم وای بلیم سندی قارداش
****
باوفـــا همدمیـم سرسپاهیـم
غـم گونونـده امیدیـم پناهیـم
آز قالـور قــوم اشـرار الینـده
اود دو تـا سربه‌سر خیمه‌گاهیم
****
خیمیـه گلــدی ادرک صداسـی
آرتوب اطفـال عشقون هراسی
وای دئدیـم گئتدی یاریم الیمدن
باتـدی القانـه غیـرت هماسی
****
جان گلوب درده غم منظروندن
یانـدی قلبیـم سنان شهپروندن
دردیمـه دشمنـون ال چالانـدا
بوسـه آلدیم کسـوک اللروندن
****
غرق اولوب جان و دل دود آهه
دونـدروب صبحـی شام سیاهه
من بو دوغرانمش اعضا

• پنج شنبه
• 9
• شهریور
• 1391
• ساعت
• 13:39
• نوشته شده توسط
• جواد

صاحب مشک و علم قارداش
قـولاّری تنـدن قلم قارداش
قانلـی منـاده آی یــارالی
یاتمـا بیلــه ائلــدن آرالی

آرخام ائلیم یا اباالفضل
سیندی بلیم یا اباالفضل
****
داغی اورکلر سُویـان قارداش
تشنه حسیندن دویان قارداش
اصغری عطشان قویان قارداش
آچ گوزیوی بیر اویان قارداش
****
نخـل شـرافت اَکـن قـارداش
سینه‌مه داغیـن چکـن قارداش
غملی گوزی قان توکن قارداش
قدیمی غمدن بـوکن قـارداش
****
مـاه منیـریمسن آی قـارداش
غملی وزیریمسن آی قارداش
یاره‌لی شیریمسن آی قارداش
سِـرّ ضمیـریمسن آی قارداش
****
صاق گوزیوه‌کیم ویروب‌پیکان
صول‌گوزیوه قان‌دوزوب مرجان
جان ویره‌جک اصغریم عطشان
بـاش یـاراوا قـارداشون قربان
****

کربلا

• پنج شنبه
• 9
• شهریور
• 1391
• ساعت
• 13:46
• نوشته شده توسط
• جواد

عباسم و خون حسین در بدن دارم

صد باغ گل بر پیکر از زخم تن دارم

با حسینم تا که هستم، این دو چشمم، این دو دستم

اگر شود نشان تیر چشم خونبارم

دست از حسین ابن علی برنمی‌دارم

با حسینم تا که هستم، این دو چشمم، این دو دستم

دریا ز خونِ دیده‌ام گشته گلباران

پیشانیم را بشکنید ای ستمکاران

با حسینم تا که هستم، این دو چشمم، این دو دستم

سقّایم و جاری بود خون ز کام من

در محضـر زهـرا بود این کلام من

با حسینم تا که هستم، این دو چشمم، این دو دستم

در موج دریا بر تنم، التهاب افتاد

تصویر لبهای حسین روی آب افتاد

با حسینم تا که هستم، این دو چشمم، این دو دستم

بر کام خشک تشنگان میکنم زاری

اشک سکینه گشته

• پنج شنبه
• 9
• شهریور
• 1391
• ساعت
• 14:05
• نوشته شده توسط
• جواد

تا سلامتدور بدنده الّلرون
الّلری باغلانماز آل حیدرون

ئولدوروبلر اوغلومی قوم دنی
یالقوزام گل قویما قارداشسیز منی

ایمدی که ناچار اولوبسان گیتماقا
دشمن خونریزیله جنگ ایتماقا

ممکن اولسا ای جوان با ادب
بو سوسوز اطفاله ایله سو طلب

اولدی فرمان همای امام
قارداشا عنوان تحصیل مرام

داخل اولدی خیمه گاهه بی درنگ
ایلسون آراسته اسباب جنگ

جنگه دارا پهلوان بی قرین
باشه قویدی طاسکلاه آهنین

جوشن داود تک عالی زره
اگنینه گیدی فلک دن گلدی زه

باغلادی شیر اوژن روز ستیز
اوز خم ابروسی تک بیر تیغ تیز

ایلدی محکم بئلینده خنجرین
زَهره چاک ایتسون هامی دشمنلرین

دستۀ خنجرده قیلدی استوار
زلف اکبر تک کمند تابدار

کتفن

• چهارشنبه
• 24
• بهمن
• 1397
• ساعت
• 10:17
• نوشته شده توسط
• ابوالفضل عابدی پور

سالمارام امّا سنون امرون یره
قویمارام عبّاس آتا جولان وئره

اولام ایندی عرصۀ رزمه روان
بیر شجاعت ویرّم عبّاسه نشان

قلبینی آل علینون داغلارام
تیغینی آلّام قولونی باغلارام

ائتدی تا بو سوزلری مارد بیان
خیمه سیندن چخدی چون پیل دمان

پیکری غرق سلاح کارزار
کوه پیکر بیر آتا اولدی سوار

معدن کبر و غرور الده سنان
رزمگاهه ایسته دی اولسون روان

ابن سعد امر ائتدی قوم کافره
ایلیون تکریم بو سرلشگره

قویمیون یالقوز گیده بو صف شکن
مین نفر دوشسون قباقه تیغ زن

صاغ و صولدا پشت سرده مین نفر
رزمگاهه ایلیون بونلان گُذَر

ماردین شأنی گَرَک ایتسون ظهور
گورمَسون یالقوز ابوالفضل غیور

ابن سعد امریله بیر عدّه سپاه
ما

• چهارشنبه
• 24
• بهمن
• 1397
• ساعت
• 10:18
• نوشته شده توسط
• ابوالفضل عابدی پور

یوز بقیعه دوندریب با صد محن
گوزده قان یاش سسلدی قارداش حسن

یادیمه دوشدی زمان اصعبون
قویمارام بیگانه مینسون مرکبون

ایسته دی اُول باغریقان شیر ژیان
قولینه فعلیله وئرسون امتحان

قصد ایدوب غیظیله فوراً دشمنی
ووردی قلبیندن غلامین نیزه نی

سینه سیندن آشنا اولجاق سِنان
نوک نیزه اولدی کتفندن عیان

ویرمدی اولقدر مهلت جان ویره
مرکب اوستن قالخزوب ووردی یره

ال ایاقین جمع ایدوب مانند شیر
جست و خیز ائتدی او فحل شیرگیر

صدر زین اوستن اوچوب شهبازوار
طاویه اوسته دوتوب محکم قرار

گوستروب فعلیله پور بوتراب
شیر پشتینده جلوس آفتاب

بیرنمایش وئردی پور مرتضی
دوست و دشمندن اوجالدی مرحبا

چوخ فراستلیدی از بسکه عقاب

• چهارشنبه
• 24
• بهمن
• 1397
• ساعت
• 10:19
• نوشته شده توسط
• ابوالفضل عابدی پور

ساقى لب تشنۀ جام الست
یادگار شیر یزدان شیر مست

عترت پیغمبره حصن حصین
کان غیرت زادۀ ام البنین

عُروَةُ الوُثقای خلقه نور عین
ملجاء زینب علمدار حسین

ايسته دی ایتسون وفاسین آشکار
قویسون عالمده وفادن یادگار

ظاهر ایتسون ایله بیر صدق و صفا
خلقه بُلدورسون ندور رسم وفا

گوردی تا نهر فراتین موجونی
سوئیله دولدوردی فوراً اوجونی

سالدی ياده شاه مُلک عزّتی
سو دیوب قانیاش توكن جمعیّتی

بیرسووا باخدی عزیز بوتراب
بیرده باخدی دشمنه ايتدی خطاب

من که پور نامدار حیدرم
بو کمک سیز پادشاهه نوکرم

من بو گون ایله وفا وئرّم نشان
گورمسون مثلین زمین و آسمان

رهروان عشقه گوسترّم رموز
نهر آب اوستونده جان ویرّم سوسوز

ب

• چهارشنبه
• 24
• بهمن
• 1397
• ساعت
• 10:20
• نوشته شده توسط
• ابوالفضل عابدی پور

جرأته گلدی قاچان سربازلر
عدّه دن آیریلدی تیر اندازلر

کشور ایمانی ویران ائتدیلر
سرسپاهی تیره باران ائتدیلر

بُلدولر یالقوزدی یوخدور بیر کسی
سس سسه ویردی هواده اوخ سسی

اوخلاری یاغدوردولار باران کیمی
سینه سینده دوزدولر مژگان کیمی

اوخ مبادا مشکده جاگیر اولا
تشنه قیزلار چشمی اشکیله دولا

اوخ گلنده هر طرفدن اول جوان
سینه سین پیکانه ایلردی نشان

دل گوزی باخدوقجا اصغر اشکینه
حایل ایلردی قولین سو مشکینه

خیمیه یتماقه ایتدوقجا شتاب
دشمن بی رحمه ایلردی خطاب

خطاب به لشگر کوفه

من دیمم اوخ جسمیمه چوخ ویرمیون
ای جماعت مشکیمه اوخ وورمیون

تشنه دور ساقیِّ کوثر قیزلاری
سو یولی گوزلیر پیمبر قیزلاری

فاطمیّا

• چهارشنبه
• 24
• بهمن
• 1397
• ساعت
• 10:21
• نوشته شده توسط
• ابوالفضل عابدی پور

حالات شهادت

تشنه لب ساقی دیشنده مشک آب
خیمه گاهه گیتسون ایلردی شتاب

بلکه سو مشگین یتورسون خرگهه
خدمتین ویرسون نشان آل اللهه

ئولممیش بلکه سو ویرسون اصغره
شاد گئتسون محضر پیغمبره

گوردولر کفّار بی رحم و شریر
رزمگهده پنجه سیز قالدی او شیر

عشرته تبدیل اولوندی غملری
ایتدیلر اَفراشته پرچملری

تازه دن طبل بشارت چالدیلار
دوره سین اول نامدارین آلدیلار

ووردولار اوخ بس که قوم نابکار
پیکری اولدی سراسر زخمدار

چاک چاک اولدی بدن جوشن کیمی
آچدی گول باشدان باشا گلشن کیمی

اَل گیدوب قالمیشدی پرسیز باز تک
آچدی شهپر تیریله شهباز تک

لفظدن گلسون گرک معنی اله
صارَ كَالْقُنْفُذ یازوبلار مقتله

جلدی گیزلندی ز ب

• چهارشنبه
• 24
• بهمن
• 1397
• ساعت
• 10:22
• نوشته شده توسط
• ابوالفضل عابدی پور

سن دگلدون اول پلنگ تیز چنگ
بیزلره ایتدون بو گون شهدی شرنگ

آنّوون قانی آخور رخسارووه
بس نه گلدی اُول اوزون قولارووه

ایتموسن بو جمعی بیحد تلخکام
یاخشی ساعتدور آلام من انتقام

آلدی بو سوزلر الیندن صبر و تاب
نطقه گلدی دشمنه ویردی جواب

من او شیرم که کسوبلر پنجه می
بیحیا آرتورما دلده رنجه می

پهلوانلاردان اوزاقدور بو مقال
عورته شایسته دور لفظی جدال

گر بو قومین سنسن الحق ارشدی
بو زنانه سوزلر ای کافر ندی؟

اوندا کی باشیم منیم پر شوریدی
اَلدَه شمشیریم قولوم پر زوریدی

گلمدون تا گوستریدیم زوریمی
بُلدوریدیم تیغیله منظوریمی

گلموسن بیر وقتیده ای کین شعار
نه الیم وار نه بدنده اقتدار

بو جوابی ویرجک عبا

• چهارشنبه
• 24
• بهمن
• 1397
• ساعت
• 10:24
• نوشته شده توسط
• ابوالفضل عابدی پور

شنیدن صدای استمداد برادر

خیمه لرده پادشاه نشأتین
دادخواه ماسوا یعنی حسین

منتظر دورموشدی آشفته خیال
تاپدی ناگه حالتی تغییر حال

شاه بی لشگر او سرلشگر سسین
آلدی تا عرشه اوجاتدی ناله سین

ایتدی فرمایش ئوزوم قربان سنه
گلدیم ایتمه ناله گلمه شیونه

قوم و قارداشسیز اوغولسوز پادشاه
زینبه یوز دوتدی دلدن چکدی آه

سسلدی گل ای بتوله یادگار
یخدیلار عباسی قوم نابکار

آرخاسیز قالدیم بو صحراده باجی
حاضر ائت مرکب گیدوم داده باجی

گوزده قانیاش دلده آه آتشین
مرکبی گَتدی بتوله جانشین

فکریمه بو یرده بیر مطلب گلور
تیر آهیم باغریمی اوخ تک دلور

بو خبر اولسا صحیح و معتبر
وار یری سالسون سماواته شرر

ایسته دی شه مرک

• چهارشنبه
• 24
• بهمن
• 1397
• ساعت
• 10:26
• نوشته شده توسط
• ابوالفضل عابدی پور

رعب شمشیریم اولاردان تاب آلور
فرض ایدولر صاقدور عبّاسون قالور

چوخلاری بُلمور بو قوم ناکسین
شیریوون قارداش کسوبلر پنجه سین

گر منی حمل ایلسن قتلایه سن
نعشیمی گورسه بو اشرار زَمن

اوستووه قارداش اولار دشمن جری
اَل آچار آل امّیه لشگری

بو وصیتدن بودور فکریم منیم
بُلمَسون بو ماجرانی دشمنیم

قارداشیندان تا ایشیتدی بو سوزی
دولدی اشکیله شه بطحا گوزی

ایتدی فرمایش امام دل دو نیم
ایلسون رحمت سنه ربِّ رحیم

هم حیات و هم مماتونده مُدام
ایلدون نصرت منه ای نیکنام

سنکه گیتدون قویماز اعدا دینجَلَم
گیت دالونجا آز قالور منده گَلَم

بو سوزی تا شاه دین ایتدی ادا
قولّارینی سالدی قارداش بوینونا

قول بویون اولدی

• چهارشنبه
• 24
• بهمن
• 1397
• ساعت
• 10:28
• نوشته شده توسط
• ابوالفضل عابدی پور

ایلین ساعت عموم عزم جدال
وعده ویردی سو منه اول مه جمال

پوزماسا افکارین اوضاع مصاف
اولمیوب اولماز عموم وعده خلاف

یا اوزی ایچدی او غیرت معدنی
سو ایچنده سالمادی یاده منی

شه ایشیتجک اوز قیزیندان بو سوزی
مشک تک دولدی سرشکیله گوزی

ائتدی فرمایش داخی دوتمور دلیم
بیرقیم یاتدی قیزیم سندی بئلیم

بو غمیم نه آشنا داغلار یادی
نه عمو آدی گتور نه سو آدی

شاه بی لشگر پریشان حالیه
خیمه گاهه گلدی بو منوالیله

هاشمیاته نه ائتدی التفات
زینبه نه باخدی میر کائنات

دلده قارداش گوزده قانیاش یکسره
وارد اولدی خیمۀ سرلشگره

خیمه نین سالدی ازل دامانینی
تا بُلوندورسون غم پنهانینی

صیحه چکدی بی سپه شه آغلادی
اولدی آل حی

• چهارشنبه
• 24
• بهمن
• 1397
• ساعت
• 10:29
• نوشته شده توسط
• ابوالفضل عابدی پور

دوتدولار عباسه بیر بزم عزا
عرصه گاه محشر اولدی کربلا

اوغلی قارداشی ئولنلر موکنان
بو عزایه گلدیلر مویه کنان

صبحدن یتمیشدی هر اندوه و غم
داغدار اولموشدی نسوان حرم

هر شهیدین ماتمینده بانوان
ایسته میشدی ایلسون داد و فغان

یتمسون سس بلکه سمع دشمنه
شاه دین اولموشدیی مانع شیونه

بو سببدن هاشمیات حزین
آختاروردی فرصت داد و انین

گوردولر مانع اولان گوز یاشینه
سس چکوب آغلور ئوزی قارداشینه

وئردیلر اوغلی ئولنلر سس سسه
ناله قوزاندی سپهر اطلسه

گلدی قارداشی ئولنلر شیونه
خون دل گزلردن آخدی دامنه

باش آچان زلفین یولان سینه ووران
ائتدیلر اوضاع شور حشر عیان

باشلادی بیر ناله و شیون بنات
دولدی واعمّا سسیله شش

• چهارشنبه
• 24
• بهمن
• 1397
• ساعت
• 10:30
• نوشته شده توسط
• ابوالفضل عابدی پور

مرتضانون گل یاسی گلدی
بیر اوزون قوللی عباسی گلدی
سسلنوبدی حسین جان ابوالفضل
آچ گوزون ماه تابان ابوالفضل

نور حق گور نیجه جلوه گردی
گون دالیجا چیخان بیر قمردی
مرتضا آلدی اوپدی قولوندان
قوللاری دینه محکم سپردی

سسلنوبدی حسین جان ابوالفضل
آچ گوزون ماه تابان ابوالفضل

تاپدی آیری صفا بیت مولا
عرشیده شاد اولوب روح زهرا
عالمه یاغدی باران رحمت
گل چیچکله دولوب دشت و صحرا

سسلنوبدی حسین جان ابوالفضل
آچ گوزون ماه تابان ابوالفضل

باخ بو نوزادیده بیر جلاله
حسنونی حق یتیرمیش کماله
قدسیان سسلدی الله الله
گوزلری دوشدی اول مه جماله

سسلنوبدی حسین جان ابوالفضل
آچ گوزون ماه تابان ابوالفضل

برج حق را مه انور آمد

• پنج شنبه
• 22
• فروردین
• 1398
• ساعت
• 10:21
• نوشته شده توسط
• ابوالفضل عابدی پور

ساغر عشق آمد اختر عشق آمد
افسر جانباز لشگر عشق آمد
نور خدا عباس

جان من فدای ناز شصت تو
مستم از می دو چشم مست تو

مولا مولا یا عباس (2)

یار و هوادار میر هدا عباس
سنسن علمدار کرب و بلا عباس
درده دوا عباس

گل سپر فرشته لر یوللاروه
عاشقم علم دوتان قوللاروه

مولا مولا یا عباس(2)

درده گرفتارم سنده معالج سن
قویمشام اوز قاپوا باب الحوائج سن
عشق و رضا عباس

اشک گرم و آه سردیم وار آقا
لطف ایله اورکده دردیم وار آقا

مولا مولا یا عباس(2)

شأن و وقاروندن هر نه دیسم کمدی
بیر حرمون وار کی قبلۀ عالمدی
روح بقا عباس

کربلانی هیچ مکانه ویرمرم
توپراقین بوتون جهانه ویرمرم

مولا مولا یا عباس(2)

ای یل ام بنین قا

• پنج شنبه
• 22
• فروردین
• 1398
• ساعت
• 12:23
• نوشته شده توسط
• ابوالفضل عابدی پور

آلدی آغوشه علی عباسینی
ایگلدی عشقیله برگ یاسینی

ایگلدوکجه یات بالام لایلای دئدی
قوللارا دوشدی گوزی , ایوای دئدی

گوردولر قوللاری تزتز بوس ائدور
قلبینی درد و غمه مأنوس ائدور

قوللارا باخدوقجا سینه داغلیور
هم ئوپور قوللارینی هم آغلیور

بسکه یوز وئردی , اونا درد و انین
علتین آلدی خبر ام البنین

یاعلی علت ندور دل داغلوسان
باخدوقیجا قوللارا قان آغلوسان

واربالامون تنده نقصانی مگر
تزدانیشسون قلب زاریم دینجلر

سیلدی گوزدن یاشینی اول بوتراب
مادر عباسینه وئردی جواب

واردی بیر علت که بیله آغلورام
قوللارا باخدوقجا سینه داغلورام

بوکشیده قامته باخ بیرجه,سن
بو اوزون قوللاره باخ دقتله سن

گرچه واردی صولت ا

• چهارشنبه
• 28
• فروردین
• 1398
• ساعت
• 11:56
• نوشته شده توسط
• ابوالفضل عابدی پور