اشعار حضرت ابالفضل(ع)

یا حسین اوزون اجازه ور گیدوم جهاده قارداش
آشکار اولوب قوشوندان ظلم فوق العاده قارداش
قوی گدیم جهاده قارداش

چوخ اوزاخدی غیرتیمدن بیله سیزلاییر اوشاقلار
غنچه گل کیمی سولوبدور غنچه دن گوزل دوداقلار
بیر طرف رقیه م آغلور بیر طرف سوسوز قوناقلار
ایلور اونلارین نواسی دردیمی زیاده قارداش
قوی گیدوم جهاده قارداش

گوزلریم چکور خجالت باخسین آل بو ترابه
صود امَر سوسوز اوشاقین دردی زور گلور ربابه
بیر ایچیم سو یوخ خیَمده قلبلر دونور کبابه
ذره قالمیوب تحمل آل مصطفاده قارداش
قوی گیدوم جهاده قارداش

خردا قیزلارون سو جامی الده یانه یانه آغلور
آه سوزناک زینب اود سالور جهانه آغلور
بینوا رباب ایدور اوز اصغرین بهانه آغلور
ام کلثوم ایلور آه و ناله نینواده قارداش
قوی گیدوم جهاده قارداش

اهل کینه باغلیبدور ظلمیلن ره فراتی
دورت مین اشقیا دوتوبدور هامی نقطه و نقاطی
ایستیوله قهراً اولسون غرق کشتی نجاتی
خام خیالیلن بو امری چوخ دوتولا ساده قارداش
قوی گیدوم جهاده قارداش

شمر نصب ایدوب موکل نهر القمین یولوندا
هر موکلین دایانمش نچه فرد صاق صولوندا
قورخوسیزدی شیر مردون واردی قدرتی قولوندا
ورسون اذن جنگی سالام قان بو کربلاده قارداش
قوی گیدوم جهاده قارداش

من سنون قاپوندا نوکر سن سن عالمین پناهی
حفظ قیلمیشام بو نوکر اولماقیمدا نیک نامی
اذن جنگ ور باشوندان رد ایدوم بو اهل شامی
گر الیم آچیلسا یوخدور قدرت اشقیاده قارداش
قوی گیدوم جهاده قارداش

من جهاندا یادگار شیر حی کردگارم
چون علی مرتضی دن افتخارلی یادگارم
صلب اولور قرار و صبریم امریوه چوخ انتظارم
جان فدا ایدم یولوندا اللریم دعاده قارداش
قوی گیدوم جهاده قارداش

ای منیم آتام علی نین یادگاری نور عینی
من چکنمورم خلاصه خیمه لرده شور و شینی
قوی بو قولاریم آچلسین جنگ بدریلن حنینی
ظاهر ایلورم بو چولده ای بتول زاده قارداش
قوی گیدوم جهاده قارداش

دین حق یولوندا المک ابتدای زندگی دی
غیبدن گلر قولاقه سس ندای زندگی دی
جنت عدن شهید عشقه جای زندگی دی
سومیشم او زندگی نی منده ابتداده قارداش
قوی گیدوم جهاده قارداش

سن کیمی منیم حسینیم افتخارلی رهبریم وار
ورمگه سنون یولوندا گوزلریم وار اللریم وار
عرضینه توجه ایله بیر "امینی" نوکرین وار
التماس ایدور مقام عجز و التجاده قارداش
قوی گیدوم جهاده قارداش

• شنبه
• 23
• مرداد
• 1400
• ساعت
• 16:08
• نوشته شده توسط
• یوسف اکبری

قوملار اوسته بیله یاتما
ای منیم نگاریم عباس
دور منی گوزوندن آتما
دوندی روزگاریم عباس

ای منیم امید گاهیم
بیله یاتما سر سپاهیم
دوره می آلیب بو لشگر
باغلانبدی بارگاهیم
سنسیز ای وفالی قارداش
کیم اولار منیم پناهیم
قالخور آسمانه دلدن
گور نه دود آهیم عباس

اشقیا دوروب یولوندا
صف چکوبله صاق صولوندا
ظلمیلن سالوبلا قارداش
قالمیوب توان قولوندا
گور نه آفت اگلنبدور
سرومین اوزون خولوندا
گوزلریمده تیر و تاره
دوندی روزگاریم عباس

پیکرونده یاره قارداش
گلموری شماره قارداش
نیلیوم یارالی یوخدور
منده راه چاره قارداش
دور سنی بو قتلگهدن
قوی چکوم کناره قارداش
یاتما باشلانیر منیمده
ایندی کارزاریم عباس

یاتما ای منیم پناهیم
دار گونومده دادخواهیم
سنسیز ای برادر ایندی
یوخدی یار و سرسپاهیم
اوج ایدور سمایه دلدن
دلبر اوسته دود و آهیم
سلب اولوبدور ای برادر
صبر و هم قراریم عباس

هلهله سالبدی لشگر
دوره می آلبدی لشگر
مادیاتیلن ریاست
فکرینه قالبدی لشگر
وضع کربلانی قارداش
بیر بیره چالبدی لشگر
وضعمه آماندی بیر باخ
ای ایلیم تباریم عباس

کربلا چولونده سنسیز
یوخدی یار یالقوزام من
اللریم قالیب بیلیمده
یالقوزام اوغولسوزام من
سانما قولارون دوشوبدور
تندن ایندی قولسوزام من
گون دونوب گوزوم او گونده
گلدی لیل تاریم عباس

حالیمی یامان پوزوبدور
لشگرین جفاسی قارداش
قالمیوبدی کربلانین
ذره جه صفاسی قارداش
وای منه داخی تاپولماز
دردمین دواسی قارداش
نیلیوم گلبدی الان
تلخ روزگاریم عباس

• شنبه
• 23
• مرداد
• 1400
• ساعت
• 17:22
• نوشته شده توسط
• یوسف اکبری

مأموریدی شمر ابن زیادین طرفیندن
گیچدی پولا خاطر ادبیندن شرفیندن
شیر اوغلونا روباه صفت خامه گتوردی
یازدیردی ابوالفضله امان نامه گتوردی
تل اوسته گلوب دیو خطا دیده دایاندی
اما او گلیشدن هامی گوزلر نگراندی
میدان بلا غرق دی اندوه و غمیلن
توأم غم و اندوه له درد و المیلن
بو مسئله مینلرجه آغیر داغدان آغیردی
باخ شمره حسین قالدی ابوالفضلی چاغیردی
سسلندی گل ای طایفه مه مفخر ابوالفضل
گل من سنی دنیایه ایدوم سرور ابوالفضل
آفاق جلالت ده گورونسون آدون عباس
دنیا بویی راحت یاشاسین اولادون عباس
بو دب دبه بو سلطنت آخر بیله قالماز
گر قالسادا عباس سنون شأنون اوجالماز
اعراب سنی گرچه برازنده تانولار
اما بو حسینه گوزلیم بنده تانولار
بیهوده بو صحرای غم افزاده دولانما
آزاد قیل اوز جانوی چوخ ساده دولانما
بو سوز بلی عباس علی نی غمه سالدی
طاقت گتوره بولمدی چون صبری آزالدی
تعظیم ادب قیلدی حسینین قباقیندا
ور اذن دیدی شمری سالیم دین قباقیندا
اذن اولسا اونین بند حیاتین ایله قیرام
الدورم اوزین آلام امان نامه نی جیرام
وجدانی آتیب باشدان او قرآنی ایاخلور
کفریله وروب ال اله ایمانی ایاخلور
القصه وزیرین سوزینه شه قولاق آسدی
آغوشین آچیب قارداشینی باغرینا باسدی
فرمایش ایدوب ای هنر عنقاسی ابوالفضل
منطقله بیانون کسر الماسی ابوالفضل
امیدیمین آفاقینه سن آی سان ابوالفضل
من شمس حقم سنده منه تایسان ابوالفضل
اشرار زمن طرز تفکرده آزیبلار
با اینکه سنه قارداش امان نامه یازیبلار
غم ایلمه ایندی سنیلن قول قولا سالام
هر سمته اوزون ایتسون اراده یولا سالام
گیت آل او امان نامه نی چوخ اولما مکدر
مندن صورا قوی امن ده قالسین بو حرملر
واضح دیورم من سنه بو مطلبی قارداش
گوزلرسن آنام نایبه سی زینبی قارداش
سالدی آشاقا باشینی تز معدن غیرت
عرض ایتدی امان الدورور آخر منی غیرت
مین دفعه یولوندا منی گر دوغراسا دشمن
هر شقه می بیر دار آغاجیندان آسا دشمن
ایمانمی حق دینمی دینار آلا بولمز
سندن منی دنیا گله آیری سالا بولمز
وار منده آتام شیر خدا قانی حسینیم
شمرین یخارام باشینه دنیانی حسینیم
قلبینده غرض مهر و وفا مشعلی یاندی
شمرین قباقیندا گلوب عباس دایاندی
مابین ده چوخ مسئله رد و بدل اولدی
نه صلحی قبول ایتدی نه جنگ و جدل اولدی
دوغراندی امان نامه توکولدی یره یکسر
سسلندی حیا ایله قییت مرکبی قیتر
گیت مرکبوی مرکز میداندا دولاندیر
عار ایلمه تز مطلبی سعد اوغلونا آندیر
دنیا سیزی بازیچهٔ ایام ایده
جاقدور
بوندان بیله گوندوزلروزی شام ایده جاقدور
وار قدرتیم ایندی نه دیسم ایلرم ای شمر
آتدان سالارام گردنوی پیلرم ای شمر
باش اگدی ابوالفضله قباقینده سیخلدی
سانکه باشینا عالم لاهوت یخلدی
قیتردی آتین کور و پشیمان ایله گیتدی
هر قدر تلاش ایلمیشدی یله گیتدی
جانلار او ابوالفضل علم پروره قربان
اولام دیدی من پادشه محشره قربان
سالدی اوزینی مقدم سلطان جهانه
قویدی دل کفاری جهاندا یانا یانه
اما عوضینده دیدی من راحتم ایندی
بس دور منه زهرا قیزی نین قلبی سویندی
اولده که اوز عهد و وفا باده سین ایچدی
صوندان ایکی قول ویردی گوزوندنده که گیچدی
عیسی لره دم چاتدی ابوالفضل دمیندن
نصرانی اوپور ایندی الیندن علمیندن
بیر ایش گوروب اوز گوردوگینه آلدی نتایج
معناده آدین سسلدیلر باب الحوایج
کیم درده دچار اولسا دوا ایسته سین اوندان
هم تسگره کرب و بلا ایسته سین اوندان
هیهات "امینی" دویا خان کرمیندن
دنیا جه صفا گورموش او زیبا حرمیندن

• شنبه
• 23
• مرداد
• 1400
• ساعت
• 17:34
• نوشته شده توسط
• یوسف اکبری

ال چک ای شمر ستم پیشه پیمبردن اوتان
زادهٔ حضرت زهرائيله حیدردن اوتان
ناگران خیمه ده قویما حرم آهولرینی
دورما جهل اوسته باجیم زینب مضطردن اوتان

اوتان ای شمر دنی
چوخ اوتاندیرما منی
زادهٔ فاطمهٔ اطهردن
نور چشم و دل پیغمبردن

معرفتدن یوخ اثر سنده ایا شوم و دغل
من بو تنگ عرصه ده هیهات ورم بیعته ال
ویرمامیش بوینووی قیتر آتیوی ضرب العجل
چیخ بو عباس گزن مایه لی سنگردن اوتان

چولقانبسان نه بو بیگانه لرین جامه سینه
ویرمیسان مهریوی دیوانه لرین خامه سینه
لعن حق ابن زیادیله امان نامه سینه
سیندیر اوز عهدیوی تز باری او کافردن اوتان

من بو شاهنشه گردون فلکین نوکرییم
طفل چاقیمدن ایله نان و نمک پرورییم
بسدی بو رتبهٔ مافوق که سر لشگرییم
صاحب شأن و شرافت شه محشردن اوتان

من ابوالفضلم اوزوم فاتح خیبر بالاسی
قویمارام تک قالا بو چولده پیمبر بالاسی
گوز تیکبدور منه قارداشیمین اصغر بالاسی
شرم قیل خرداجا شش ماهه او اصغردن اوتان

اولموسان امر یزیدیله بو اندازه جری
یغمسان باشیوه بو چولده گروه کُفری
گتمرم اولسا حسینین گینه قووماخ نظری
آچ گوزون سن بو وفا مخزنی نوکردن اوتان

یاخشی سودا دگول ای شمر بو سودا چک الون
ننگ ایدور آدیوی تاریخ ده بو بدعملون
جیر امام نامه نی گیت گلممیش آخر اجلون
کفر خیز اولما حیا قیل حق داوردن اوتان

کیم یازبدور بو علی اوغلونا دستور امان
شل اولا اللری شرم ایلمیوبدور او یازان
توکممیش تپراقا باشلاریزی چون برگ خزان
خواب غفلتدن اویان گیت بو برابردن اوتان

حامی یم الده بو جان نقدی امام زمنه
گیت امان نامه وی جیر توک یره گسترمه منه
دست بیعت وره هیهات ابوالفضل سنه
ورمیوب بیعته ال ساقی کوثردن اوتان

چکمیشم من بو وفا جامین ازلدن باشیما
کج دینمز بیری بو گوزلریم اوسته قاشیما
ایلرم کور او گوزی که باخا کج قارداشیما
دونمرم دونسه ده دنیا من او سروردن اوتان

گوزلورم برج محبت ده غم اولدوزلارینی
ساخلیرام مد نظرده حرم اولدوزلارینی
ناگران قویما او صاحب کرم اولدوزلارینی
ماه و خورشیدیله سردسته اختردن اوتان

التماس ایلمه گوندن قمر آیریلمیاجاق
باغلیبدور بیله زرین کمر آیریلمیاجاق
آلمینجان بو " امینی " ثمر آیریلمیاجاق
باش گوتورمز گوگه دیوانیله دفتردن اوتان

• شنبه
• 23
• مرداد
• 1400
• ساعت
• 17:36
• نوشته شده توسط
• یوسف اکبری

گوردی گوزی دنیانین رخسار ابوالفضلی
گوزلوردی نه مدتدی دیدار ابوالفضلی
فاخر لباسین گیمیش فخریله ایدور شادی
شاد ایلوری سیماسی گلزار ابوالفضلی

اولدوزللر افقلاردان دورموشلا تماشایه
گون نورینی پخش ایلور اولدوزلارا هم آیه
سالدی او گوزل مولود دنیا یوزینه سایه
آفاقیده گورسندی انوار ابوالفضلی

حیدر ایوی عباسین نوریله ایشقلاندی
انوار امامتلن یردن گوگه پارلاندی
بیر نور، او ایکی نورین باشلارینه تولاندی
جذب ایلدیلر نور دوار ابوالفضلی

اولدی آنادان یار و غمخوار شه محشر
شاد اولدی هامی ایللر مخصوص دل حیدر
آغوشه آلیبدور اوز دلبندینی اول سرور
کشف ایلدی هر سرّ و اسرار ابوالفضلی

آنیندان اوپوب مولا قیلدی یوزینه ایما
دقتله باخوب گوردی گوز آچمور او مه سیما
سسلندی حسینیم گَل گلدی سنه رهپیما
ثبت ایله رموزات رفتار ابوالفضلی

مولا سسینی آلجاق سرعتله حسین قاچدی
بیردن دیدی جان قارداش گُل سینه سینه ساچدی
عباس ده یوموشدی شهلا گوزینی آچدی
دل ورمشیدی تاپدی دلدار ابوالفضلی

عباسه حسین باخجاق مهرین کاساسی داشدی
حدیندن حسابیندن جوشدی داشیب هم آشدی
سویلوب بابا قارداشیم چوخ سوملی قارداش دی
بولدی اوزینه مطلق انصار ابوالفضلی

وصلت گلی آشقیندور گلزار محبت ده
ایکی گوزل اگلشمیش بیر محفل وحدتده
عباس اوجالوب قاف طاعتده عبادتده
آیینه حق گوردی ایثار ابوالفضلی

• یکشنبه
• 24
• مرداد
• 1400
• ساعت
• 14:21
• نوشته شده توسط
• یوسف اکبری

علمدار اوستونه پیکان توکولدی
دگوب هر اوخ یریندن قان توکولدی

او قان که قان دگول جان جهاندور
او قانه مشتری پیر مغاندور
او قان بیر سّردور سرّ نهاندور
بیلورسوز سیز او قان هاردان توکولدی

او قانیلن اولوبدور زنده مصحف
او قانون صاحبی اولدی مکلف
ائدوب موسی ایچون کشف ان اُعرف
کلیم اللهیدن عرفان توکولدی

او وقته پرچمی اولموش محرک
وجودین ایلیوبدور اوخ مشبّک
او جسم نازنینون عضوی تک تک
یره چون لؤلؤ مرجان توکولدی

سجاوند اولدی قرآنون وجودی
اولوبدور قطعه قطعه تار و پودی
پریشان ائتدی خلاق ودودی
مشبّک عضو اولوب شان شان توکولدی

دگوب اوخ پارچالاندی صدر سینه
یتوبدور صدمه قرآن مبینه
او بحران وقتیده روی زمینه
مه و خورشید بحُسبان ، توکولدی

قباقینده گوروبدور پیک مرگی
هواده برق ووردی اوخ تگرگی
سینوب خولاندی سروُن شاخ و برگی
گلستانه گل خندان توکولدی

جبینینده بیر اوخ باب غم آچدی
قاچان لشگر دوباره پرچم آچدی
ساچین زهرا یولوب باش مریم آچدی
کأنه کعبیه قرآن توکولدی

گوروب سیر وسلوک عشقی سالک
دوروب تلّ اوسته یوم الدینه مالک
یره نازل اولوب گوگدن ملائک
دالیجان ناهید و کیوان توکولدی

گورونمز بیر یقین سوزدور که یزدان
مکان کرب و بلانی ائتدی سبحان
ائدوب الله او دشتی نور باران
یر اوسته جلوه سبحان توکولدی

یره گلدی آت اوستن پیر دانا
آچیلدی پرچم انا فتحنا
بو فتحه شاه اولوب مسرور و بینا
منایه ورد الرحمن توکولدی

باخان اول پیکری شان شان گوروردی
وجودین تیریله پیکان گوروردی
بدن یوخ پارچا پارچا قان گوروردی
یره پیکان و قان و جان توکولدی

جفا سیر ایلیوبدور پایه پایه
بلا دشتینده یتدی انتهایه
پراکنده زمین کربلایه
حروف ابجد یزدان توکولدی

صدا ائتدی او دم پیر مغانی
غرض سو تک سپوب تپراقه قانی
فدا پیرینه وئردی باش و جانی
قصاصه فرقه عدوان توکولدی

منه استاد" شمس " اردبیلی
اولوب استادینه" بیضا " طفیلی
اله سالدی صفات بی بدیلی
گوروب هر دردینه درمان توکولدی

• چهارشنبه
• 3
• شهریور
• 1400
• ساعت
• 17:49
• نوشته شده توسط
• یوسف اکبری

فریاد او وقتدن آلوب عبّاس حُسام اله
یوز قویدی رزمگاهه سالوب کونه ولوله

ایتدی طلوع شرقِ خیمدن چو آفتاب
نوری ووراردی طعنه سِراجیله مشعله

چگیننده بیر سو مشگی که ویرمیشدی اهلِ بیت
بیر الده دین لواسی، ایدوب عزم ، مقتله

هر دم گلور بیر آز دایانور قیزلارا باخور
بو فکریله که ایتمیه لر خوف و هروَله

گه نغمهء حجازیله تکبیر سسلنور
صوتی سالوردی انفس و آفاقه زلزله

گلدی دایاندی غیظیله قلبِ سپاهیده
گوردی ایدولّه لشگرِ کفّار هلهله

آچدی ازل لِسانین او ناصِح نصیحته
ایتدی خطاب غیظیله اول قومِ باطله

ای کوفیان گَلون سو یولون شرم ایدون آچون
آل اللّهین دوشوبدی بو گون امری مشگله

بو نظمی بر هم ایتماقا وار منده اقتدار
ظغیان، جفا و ظلمیده سیز ایتمیون بیله

گر آچماساز فرات یولون ای سپاهِ کین
واضحدور اوندا سیزلره معنای مسئله

بیر حمله ده بو گون پوزارام بو صفوفی من
سالّام سیزی هلاکته بیر ضربِ تیغیله

سسلندی بیر نفر، هامی دنیانی دوتسا سو
بیر قطره ویرمروخ بو شهنشاهِ اَعدَله

بو شرطیله یتر سو بناتِ رسالته
هند اوغلونی حسینده بو گون پیشوا بوله

ناگه ایشیتدی بو سوزی عبّاسِ نامدار
ایتدی خطاب او کافرِ غدّاره غیظیله

مین دفعه باشیمیز کسیله بیعت ایتمروخ
قول قویماروخ جهاندا بو امرِ معظله

امّا فراتی آلماقا من قادرم اوزوم
چکمز او قدر الیمده بو بیر امر، فاصله

روبه صفتلره ایلیوب حمله ناگهان
گویا قیروبدی بیشه ده ضرغام، سلسله

هی الدی ، قولدی، باشدی بدندن کنار ایدور
بیر کسده قدرت اولمادی گلسون مقابله

هر کیم اولور مبارز، ایدور جامِ مرگی نوش
اود سالدی قلبِ شمر و سَنانیله بَجدله

یردن عروج ایدوبدی، گویه بانگِ الحذر
عبّاسی تا گوروب قشون اهلی او سهمیله

کیمدور دیوبله بیر بیره بو صاحبِ هنر
یوخسا که لافتادی بو، شمشیر آلوب اله

صفلر پوزولدی یاتدی علملر ، قوشون قاچوب
شورِ قیامت اولدی عیان قومِ ارذله

آتلار ایاقلاریندا قالاردی پیاده لر
بیر عدّه قالمیوب او قدر قورخودان ئوله

هر دم دییردی قاچمیون ای اشقیای شام
سلطانیم اذنِ جنگ منه ویرمیوب هله

سو یولّارین او کیمسیه سدّ ایتمسوز که او
معنادی جمله آیهء قرآنِ منزله

بیر شاهدور که سینهء زهراده بسلنوب
جانِ علی سلیلیدی، هم ختمِ مرسله

بیر شاهدور که روزِ ولادت او سَروره
امرِ خدای حقّیله جِبریل اولوب لَله

ایتدی دوباره حمله آلوبدور شریعه نی
نصب ایلدی لواسینی سقّای قافله

پرچم اسور ویرور دلِ عبّاسه چوخ شعف
حسرتله بیر نظر سالوب آبه او حالیله

دولدوردی اوجونا سوئی تا اینکه میل ایده
قلبی آلشدی یاندی گینه نارِ نسگله

گویا سالوبدی یادینه نازلی رقیّه نی
سو ایچمدی توکوب یره چخدی او وضعیله

چگیننده مشگی محکم ایدوب چیخدی نهردن
فکر ایتدی هانسی سمتدن او خیمیه گَله

لابد سالوبدی شاهرَهین نخله زاریدن
تا قیزلارا سوئی یتوره قلبی دینجله

بیر ظلم ایدوبله صاق قولی تندن اولوب جدا
گوردی یَمینی قطعیدی یوخ یر تأمّله

شمشیری آلدی صول اله بیر قدر جنگ ایدوب
تحسین ایدوب یَلانِ ستم پیشه بو یَله

ناگه اولوبدی صول قولودا ظلمیله قلم
مشگی آلوبدی دیشلرینه ایتمیوب گِله

بیر سنگلده ناگه ایدوب پاره مشکینی
سو آخدی سالدی کشتی امّیدینی گِله

قولّار گیدوب او حالیله مشغولِ جنگیدی
بیر اوخ قویوب کمانه او ابناده حرمله

اوخ آچوب پر اصابت ایدوب مه جبینینه
ال اولمیوبدی گوزلرینون قانینی سیله

نوفل یتوب او حالتیله الده بیر عمود
بیر ظلم ایدوب یخیلدی علمدار مقتله

یوز دوتدی خیمیه دئدی قارداش دایانما گَل
طوفانه دوشموشم چَکنیم یوخدی ساحله

اوخدان آچوبدی پَر بدنیم شاهباز تک
پر ورّام اوجِ عشق و محبّتده شوقیله

ای نیّرِ سپهرِ وفا چیخ خیامدن
گَل سایه سال سو اوسته باتان بدرِ کامله

بو اشتیاقیده واریدیم جان ویرن زمان
رخساروی گوروب یتیشم فیضِ اکمله

تبدیلِ یأس ایلمه سن بو امیّدیمی
گَل باشیم اوسته مقصدیمی قوی اله گَله

بو رسمدور که بلبل اولور چوخ علاقه مند
شوریله دردِ دل دیه گلزاریده گُله

هر کیم گوره وجودیمی گُل تک ورق ورق
تشبیه ایدر بو اوخلاری بیر دسته سنبله

جسمیم خدنگیله یازیلان بیر کتابیدور
بو قان مسیری اوخشوری سینمده جدوله

یازما (امینی) مطلبوی اختصار ایله
قورتار بو شرحِ محنتی تنگ اولدی حوصله

باب الحوائجه دئ خلوصیله دردیوی
آغلار گوزیله ایسته بو اشعاروه صله

• سه شنبه
• 9
• شهریور
• 1400
• ساعت
• 18:29
• نوشته شده توسط
• یوسف اکبری

مامور اولموشام بولون ای اشقیای شام
بیر شهریاردن یتورم سیزلره پیام

تحت حکومتنده ذرات کون اونون
جبریل آستانینه دور بیر کهن غلام

یاخشی قولاق ویرون ایشیدون ایلیون قبول
آگاه اولون بو دور سیزه فرمایش امام

یاز دوز نقدر هیچ بولوسوز نامه کوفه دن؟
اشیاخ هر قبایل و اشراف خاص و عام؟

سنسن یر اوزره حجت حق مقتدای خلق
بیز قالمیشوخ امام سیز ای سید انام

کای رهنمای خلق و یا هادی السلیل
یا منجی الخلائق من حیره الظلام

تعجیل ایله گلماقا گل انتظاردن
قورتار بیزی قالوب گوزوموز یولدا صبح و شام

مین شرط وعده ایله قوناق دعوت ایلدوز
آیا بودور قوناقه گوره رسم احترام؟

اول عیالینون یوزونه باغلادوز یولی
ایتدوز عجب ملاحظهء حرمت کرام

نهر فرات فاطمیه مهر دور ندن؟
بیگانیه حلالیدی اولادینه حرام؟

اوز یازدوقوزدان ایمدی اگر نادم اولموسوز
قتلیمده ایلیسوز نه سبب سعی و اهتمام

بو قیل و قال، جنگ و جدال اجتماعدن
گر ادعای سلطنت ملک دور مرام

یثرب سیزون حجاز سیزون یول ویرون گیدوم
چوللرده اوز عیالیم ایچون اخذ ایدوم مقام

تبلیغ ایلدیم سیزه امر رسالتی
بو اول کلامیدی بو آخر کلام

هر نه دیدیم نصیحت اوزوندندی سیزلره
ورنه تصور ایتمیون عاجز قالوب امام

عالم بونون وجودئیله برقرار دور
تاپماز وجودی اولماسا امر جهان نظام

کشتی ممکناته بودور لنگر ثبات
اقطار کائناته بو دور مرکز قوام

بیر نفسدور دولاندیرور آفاق و انفسی
دست تصرفینده دی سر رشتهء مهام

خلق جهانه واسطه فیض حق دور
جاری اولور بو عالمه فیضی علی الدوام

پرگار وار ثابت و سیار و مهر و ماه
سرگشته باشینه دولانور روز و شب مدام

کعبه اگر بونون باشینا ایتمیه طواف
اولماز مطاف عالمیان قبله امام

بو اهل بیت حقنه عارف دی بیت حق
وجهی بودور او بیت اولوب مسجد الحرام

قطع ایلسه ترشح فیضین سحابدن
یاغدیرماز هیچ بولود یره بارانی، لاکلام

موتوا دیسه هلاک اولوسوز ویرمسه نفس
قادر دگل نفس چکه بیر نفس والسلام

باطن جلالی دورسون، اگر ظاهر ایسته سوز
گیزلین دگل بو جاه و جلال و بو احتشام

عباس تک بونون قاپوسندا غلامی وار
رخصت ویره قتاله چکم تیغ انتقام

دیار قویمارام بو قشوندان آلام اگر
بو شهریاردن اله فرمان قتل عام

معذور ایتمه سین سیزی بو کثرت سپاه
بو دسته بو نظام بو انبوه و ازدحام

ایتمز مقام حربده بیر لمحه ای درنگ
عباس النده برق وورا جوهر حسام

بیر گوز یوموب آچونجا پراکنده ایلرم
نه صف قالور نه دسته نه نظم و نه انتظام

شیر فلک صلابت یمی گورسه روز جنگ
روباه وار برج حملده دوتار مقام

دعوا گونونده شیر خدا اوغلونا حریف
آیا نه جراتیله اولور روبهان شام؟

عباس آدی گلنده دوتار عالمی هراس
بو آد شجاعتیله تاپوب اشتهار نام

میدان کار زارده ابطال نامدار
ایتمز برابریمده منیم لحظه ای دوام

غیرت منه حرام اولا چوخ ننگ نام دور
کفاردن قویام یر اوزونده نشان و نام

باتسون آدیم بو سینه لره داغ چکمسم
تاپماز جراحت دل ناسوز التیام

اما سوزوم بودور ایشیدون التماس یمی
رد ایتمیون جواب سوالی مه لا کلام

بیر جرعه سو ویرون آپاروم تشنه لبلره
یول گوزلور ایمدی خیمه ده اطفال تشنه کام

عهد ایتموشم سکینه ئیله وار قراری میز
شاهد قرار عهدی میزه حی لاینام

جهدیم بو یرده دور آپارام سو سکینیه
هر نحویله واریمدی بو سوداده اهتمام

جان ایسته سوز بها سویا ایتمم مضایقه
بو شرطین اوسته ایلمیشم جانیله قیام

باشلار بدندن آیریلوب اللر کسیلمه میش
سودانی خوشلوقیله گلون ایلیاخ تمام

ممکن دگل و گرنه بو سودادن ال چکم
چوخ مشکل امر دور ایلیوبسوز خیال خام

ال چکمرم الونجه بو سوزدن اگر دونم
بیر باشیمی ایکی الیمی ویرم التزام

گر التماس یله اولا یا خود قیامیله
سو آلماسا سو اوسته گرک جانیمی قویام

تا اولماسون حسین یانندا سکینه دن
عباس شرمسار بو دور غایت المرام

سیز ایتمیون خیال حسینه برادرم
هر گه قبول ایتسه او مولادی من غلام

اولسون قسم حسینه مرادین (حقیر) آلور
عباس دامننه ایده هر کیم اعتصام

• سه شنبه
• 9
• شهریور
• 1400
• ساعت
• 18:31
• نوشته شده توسط
• یوسف اکبری

سو اوسته قانون آخوب یرده سو به سو قارداش
گوزوم یاشی کیمی قانه دونیدی سو قارداش

فرات اوتانموری قانون آخوب گینه آخوری
سولاردا قویمادی دنیاده آبرو قارداش

گُل جمالوا قان شبنمی ویروبدی صفا
هانی سنون کیمی بیر گلده رنگ و بو قارداش؟

ورق ورق داغیلان پیکرون حکایت ایدر
سو اوسته ایلمیسن سعی مو به مو قارداش

بلادِ عشق و محبّتده بیر مجاهدِ عشق
سنون کیمی دولانوب هاردا کو به کو قارداش

باشونداکی بو یارا خشک بند اولا هیهات
سو ساخلاماز سینا گر کاسه و صبو قارداش

الون اولیدی گر، ال سنه تاپاردی مگر
بو قانلی معرکده قومِ کینه جو قارداش

ایکی کسیک الیله بیر تیمّم ایلمیسن
او بیر تیمّمه غبطه ایدر وضو قارداش

ستاره تک بدنونده یارا شماره سی یوخ
ووروب نقدری یارا جسموه عدو قارداش؟

قلج یاراسینا نوکِ خدنگ اصابت ایدوب
سپور کنارینه قان، زخمِ تو به تو قارداش

گوزون فداسی گوزون آچ نه خوابِ نازیدی بو؟
ترابِ تیره نی فرض ایتمه پَر قو قارداش

سو صحبتی دله بیرده گتورمز اطفالیم
کسیلدی خیمه لر ایچره بو گفتگو قارداش

اولاردی سرو سرافکنده، شرمگین شمشاد
چمنده سنله اولان دمده روبرو قارداش

دانشمیسان نیه ای مرتضی عزیزی، مگر
دولوبدی قانیله توپراقیله گلو قارداش؟

چوخ آرزو ایدرم بیرده سسون ایشیدم
دانیش که قالمیه دلده بو آرزو قارداش

سنیله الفتِ دیرینه وار نجه دایانوم
یارالی جان ویروسن تشنه، نیکخو قارداش

گُلِ وصالی ایله نوکِ خارِ هجرانون
یاروب، اولا او یاره چوخ چتین رفو قارداش

گلنده دوشدی یولوم قولّارون دوشن یولدان
سرشگیم ایلدی رخساری شستشو قارداش

خیامِ طاهرده شورِ حشر اولوب پیدا
عیالیمه دور ایداخ چاره جستجو قارداش

داخی قرانلوق اولار آلِ هاشمین چرخی
دوتولدون آی کیمی قانیله، ماهرو قارداش

دوشنده آتدان اولون اولمادی اولا حایل
که اوخلار اولمیه گُل جسموه فرو قارداش

سکینه فاطمه نازلی رقیه مخیمده
تکوبله گوز یولا، دلده عمو عمو قارداش

سو جامی الده نوا دلده گوزلری یولدا
آخار سرشگلری یوزده مثلِ سو قارداش

نجه بو محنتِ عظماده آغلاماز (نجمی)
که خونِ فرقون آخوب یرده سو به سو قارداش

• شنبه
• 13
• شهریور
• 1400
• ساعت
• 12:26
• نوشته شده توسط
• یوسف اکبری

گئجه گوندوز اهلِ بیتین سرِ پاسیبانی قارداش
سنه شمر نامه گتدی آتامین نشانی قارداش

بو بلالی چولده سوز یوخ اولاسان سپاهه سرهنگ
سن اولان مکاندا وورماز باشیما بو کوفیان سنگ
منیم اوسته اولما قارداش درِ بارگه ده دلتنگ
بو حسین خدایه وئرسین گرک امتحانی قارداش

ووراجاق سنانِ ظالم باشیمی اخا سنایه
ائدجک او کوفه اهلی باشیمی داشا نشانه
بو کسیک باشیم براد‌ر باتاجاق دوباره قانه
اولاجاق او نیزه باشی باشیمین مکانی قارداش

اولاسان بو کوفیانه آتام اوغلو سنده سردار
نه یانار خیامِ دیبا نه چوله قاچار بو قیزلار
نه مینر سنیق کجاوه نه باجی لارون قان آغلار
نه گئدر دمشقه زینب نه یانار زبانی قارداش

نه جنازه‌می کفن سیز قویاسان قالا براد‌ر
نه خیامید‌ن حرملر گله قتلگاهه یکسر
گئده ‌جک باشیم جداده قالاجاق برهنه پیکر
بو حسین وطن ائدیب دیر بئله غم فضانی قارداش

نه رقیه آت دوشونده دولانار بلا چولونده
تاپاجاق برهنه نعشی اخی کربلا چولونده
علی‌ اکبر‌یمدی قربان حقه بو منا چولونده
جمع ائله مگر سوزوم وار باشا شامیانی قارداش

منی قووما سن قاپیندان شهِ کربلا آماندیر
علی‌اصغر‌ین باشینا منی خیمه ده دولان دیر
علی‌اکبره غلامم بو قاپیندا دالدالان دیر
ایلر‌م تصدُّق اکبر باشینا بو جانی قارداش

از‌ل آل بو تیغی الد‌ن یولا سال منی شهنشاه
گئد‌رم نجف چولونده ائد‌ر‌م بابامی آگاه
دیر‌م حسین قوووب دیر قاپیدان منی چکیم آه
اوجالار درِ علید‌ن دیلیمین فغانی قارداش

وئر اجازه قانه اوَّ‌‌ل بویانیم بو کربلاده
سرِ پاکینی حسینیم گوره بیلمر‌م جداده
کسلر اوزون بو قوللار قالا پیکریم آرادا
توکلر فراتین اوسته یره لخته قانی قارداش

سنه حضرتِ ابوالفضل ائد‌ر‌م بو دردی اظهار
نئچه ایلدی من دخیلم سنه ائت نظ‌ر علمدار
یاپیشیبدی دامنوندن گوزو یاشلی خیردا قیزلار
ائلدیم بو عشقی ثابت سنه بیرده آنی قارداش

• یکشنبه
• 14
• شهریور
• 1400
• ساعت
• 12:21
• نوشته شده توسط
• یوسف اکبری

شیعه بو نه بازاریدی بازار پوزولدی
عباس ئولندن صورا پرگار پوزولدی

بو صحنه ده عباس عجب وئردی نمایش
اولدی او نمایش اونا شایسته ستایش
بیرجفت قولی دوشدی یئره ایلدی خواهش
اول خواهشه عشقی نده کی معیار پوزولدی

عباس گزوب گوهر نایاب ینی تاپدی
جان نقدی وئروب چشمه شادابنی تاپدی
خون گرمی اولّان عشق یده احبابینی تاپدی
عشقین ثمرین گورجک علمدار پوزولدی

اثنینیتی وحدته تبدیل ائلیوب شاه
اول ماریه دشتنده حسین تکدی تک الله
الله یرین تیره مکان ایلدی ناگاه
یارین یارالی گورجک همین یار پوزولدی

بلبل قفس ایچره گلی فریاده چمن سیز
جام دل غمدیده سی غملن اولی لبریز
آتماز ولی یاددان گلی نون عشقنی هرگز
جانانینه جانین ائده ایثار پوزولدی

کیم گوردی یانان وقتیده پروانه دانش سون
جان منت ینی قویماقا جانانه دانش سون
هستی سی فقط جانیدی آیا نه دانش سون
جان نقدی وئروب هر نئیده وار پوزولدی

دامادون عجب پیرهنی قانه بویانمش
قان رختی نون اوستونده عجب نازیله یاتمش
طاق ظفرین حجله داماده اوجالاتمش
افسوس او گوزل طرّه طرار پوزولدی

گیسوسی دلاویز، علی اصغر مه رو
عطشان یدی دل اولمادی بیر دفعه دئسون سو
اوخ شانه وروب وردوقی جان عشقه تاپوب خو
دریای صدف ده دُر شهوار پوزولدی

چالدی ال ایاق قاندا مغ و مُغبچه با هم
اوخ دگدی اوخا اولدی یارا یاریه مرهم
قان قطره سی هر جسمده چون دانه شبنم
رعدِ ستم یلن گلِ گلزار پوزولدی

اولموشدی عجب عرصه شطرنج ده شه مات
اویناردی ولی بخت عبیدالله بَد ذات
منظوری اله گلمدی شش پنج ده هیهات
روشن گونوزی اولدی شب تار پوزولدی

بیر داغ مذّلت دل اغیاره چکلدی
گل گونه بهجت رخ دلداره چکلدی
دوشم شدی گونون شعشعی دیواره چکلدی
صحرای غم افزاده کی آثار پوزولدی

ازّل گونی تحسین اولونان شیوه مشقی
دنیانی سالار حیرته بو وحدت عشقی
ذرّ عالمی گوردوم ستم شاه دمشقی
من شاد ولی دشمن اولوب خوار پوزولدی

غرق عرق عشقم و هر سرّدن آگاه
روحیم اودی وارسته آزادی دی وَالله
اود ورسا عدو یانسا اگر خیمه و خرگاه
فکر ایلمرم حشمت سرشار پوزولدی

میخانه عزتده بیوک بیر هیجان وار
جانان یمه بذل ایلمگه جوهر جان وار
پیرایش و آرایشی مه قرمزی قان وار
عشقیم هیجان ایلدی اغیار پوزولدی

ای پایه ارشادی اولان عالمه اِفشا
مرشد لیگوی پیر مغان ایلدی اِمضا
طبعون ائلیور شعریده (بیضا) یَد بیضا
اشعار سلین سون گوروب عطار پوزولدی

• یکشنبه
• 14
• شهریور
• 1400
• ساعت
• 13:43
• نوشته شده توسط
• یوسف اکبری

اشاره اولدی گینه بیر شه شهادتدن
خبر ویروم سیزه بیر صاحب شجاعتدن

رشادتیله صلابتده، نائب حیدر
گورون نه وقت قالوب صولت و صلابتدن

او دم که نخل بدن دن اوزولدی قولاری
الی دوشوب یانینا، دوشدی سَهم و صُولتدن

زِ بس که جسمی نه دگدی یارا یارا اوستن
وجود حضرت عباس دوشدی طاقتدن

دوشه دوشه یِره سسلندی یا حسینِ علی
گل ای اولان قدی خم، بار درد و مُحنتدن

الیمی دوت، الیوی مُرتضا علی دوتسون
که سالدی لار منی کفار کوفه، قدرتدن

یتور گلن ئوزیوی ای اَبُوتُراب اوغلی
گوتور عزیزیوی قارداش تُراب ذلتدن

الون یتور الیمه، ببر ئوپوم اِیاقوندان
اگر چه شرم ایدورم چوخ، بو نوع جرعتدن

و لیک جان گیدوری، جانیمی گرک چاغ یرام
یولوندا چون ئولورم، دوشموشم طراوتدن

یتوب نه گوردی دوشوب بیر قنادسیز شهباز
سالوبدی شهپر، آچوب اوج، بال همتدن

او دم که غالب اولوب ضعف، گیزلنور نفسی
چکن زماندا نفس، قان آخور جراحتدن

نقدر قانی آخوب، یرده یا حسین یازی لوب
که هر نه گلسه خیاله، چخار محبتدن

الی که یوخدی چالا ال ایاق، او دور سورونور
سسین چخاتموری اما کمال غیرتدن

مباد طعنه وورا ابن سعد و شمر لعین
اوغورلوری نفسین، قورخوری شماتتدن

گهی یاراسی سیزیل دار، گهی تلاطم ایدر
گهی یاتوب حرکت ایتموری حمیتدن

کسنده باشینی قاتل زِ بس که مانع اولوب
که قارداشین گوره، ببر کام آلا زیارتدن

گوروب که یوخ الی، خنجر قباقی نه ویرسون
ولی باشین کسن، ال چکموری شقاوتدن

زِ بس یوزون یِره سورتوب، یوزی گیدوب یِرده
دوشوب دی ماه بنی هاشمی لطافتدن

حسین حالینی معناده بیر تصور ایدون
نقدر غصه اونا اَل ویروب بو حالتدن؟

یره اوتوردی آلوب باشینی دیزی اوسته
گوروب که یوخدی دیزینده نشانه قوتدن

بویوردی آچ گوزون، ای نور چشم عین الله
گلوبدی گون باشوا، دور بو خواب راحتدن

او دم که گوردی باشی اوسته رُوح اَرواحی
دوباره جانه گلوب قوخمیوب مذمتدن

نهیب عشقیله بیر بانگ یا حسین چکدی
که گچدی ناله صداسی، حجاب وحدتدن

اولوب حسین، تمام وجودی نه، ساری
ئوزون حسین گوروب عباس، دوشدی شدتدن

دئدی بغشله دورا بولمورم، یارام چوخ دور
دیمه یوخوم دی خبر، راه و رسم حرمتدن

یوزون ایاقینه قوی دی، دئدی که عفو ایله
الیم یوخوم دی دوتام دامن جلالتدن

قولوم اوزولدی بدندن، ولی نه باکیم وار
اوزول میوبدی الیم، دامنِ وِلایتدن

سنون یولوندا شَهیدم، ئوزونده شاهدسن
باشیم گیدونجه من، ال چکمرم حمایتدن

قوجاق لاشوب ایکی قارداش، باخوب چو اهل حرم
دایاندی عرشه فغان عترت طهارتدن

منِ غریبه بو غربتده یار بیر سنی دون
منی قویوب گیدوسن، الامان بو غربتدن

قاباق جا چون گیدوسن، اکبریمه ایله سلام
گلونجه من او دیاره، بو دار محنتدن

سُوله اوغول سوزی، قارداش سیز ایلدیم گلدیم
بتولی ایله خبر دار، بو مصیبتدن

بویوردی دور آپاروم جان وِیرنده خیمه لره
دئدی که یوخدی یوزوم گیتماقا خجالتدن

دئدی سکینه قیزیم انتظاریوی چکوری
دئدی خجالتم اول نو گل صباحتدن

دئدی سوروش سا سنی، من سکینیه نه دیوم؟
دئدی بو مشگی آپار، قورتولوم ملالتدن

دئدی دایانما داخی، خیمیه آپار تشریف
گئت اول اوزون متوجه، عیالِ عصمتدن

دئدی که سن اوخی یاسین، ای امام مبین
که بلکه مست اولام، نغمه تلاوتدن

یولوندا شوقیله مستانه جان ویرم خوش دور
که گورمیم سکرات مماتی، سکرتدن

باتوب صدالری چون وِیردیلر نفس نفسه
ظهور وحدت اولوب کثرت شراکتدن

سوسوز دیلیله دیوب لا اله الا الله
ایدوب نبوته اقرار، صون امامتدن

جمال حقّه باخوب، حقّ دیوب، گوزون یومدی
که ساکت اولدی دیلی کلمه شَهاتدن

ایدوب او حاله نظر، چونکه زینب و کلثوم
چخوب دیلار ایشگه خیمه خدارتدن

بیری حسین دیردی، بیریسی یا عباس
زمانه تنگه گلوب بانگ آل عصمتدن

قوجاق لاشوب ایکی قارداش کیمی، ایکی باجی
اولار خموش، بولار نعره زن بو حالتدن

بس ائت (دخیل) که حضار دوش دولر دلدن
سوون که دوش میاجاق دور دیلون فصاحتدن

گینه بو دللّری تعلیم ایدوب لسان الله
لسان صدق الهی، بریدی لکنتدن

بو یادگاریدی جان تک ویرونجه جان، ساخلا
نه چونکه ناشی اولوب منشاء صداقتدن

• پنج شنبه
• 18
• شهریور
• 1400
• ساعت
• 18:21
• نوشته شده توسط
• یوسف اکبری

حیف اولا که اودلی سینه اولمادی وَقایه قارداش
گوستروب قضا سو مشگین ناوک جَفایه قارداش

مشگ آبله فراتی قصد ایدنده من برادر
تا خلاص اولا عطشدن، خیمه لرده آل حیدر
عزت فراتی گورجک، آرزو ایدوبدی کوثر
خلددن اولیدی جاری دشت کربلایه قارداش

بانگ العطش اوجالدی تا سپهر نیل فامه
اشگ دیده مثل باران، توکدی چرخ چون غمامه
سوزِ آهِ تشنه لب لر، مانع اولدی اخذ کامه
اولدی ابر تک بو باران، منتشر فضایه قارداش

اولدی تیر جان شکاره، مشک آبه تا نشانه
بو کش کش ایچره گلدی، گوز پیاله سی گمانه
مین امیدیله ال آتدیم، جام چشم خون فشانه
بو قدح ده سیندی اما گلدی دل نوایه قارداش

واردی جورِ اشقیادن گر چه دلده مین حکایت
قفل همتی له اما بسته دور لب شکایت
واپسین مراحلم دور، ایله سن اگر عنایت
آرزو ایدر دئسون دل، دردین آشنایه قارداش

اشتیاقی دن وجودیم سر به سر دوتوبدی آتش
شوقِ وصلون ایلیوب دور حالت دلی مشوش
هر نفس نفسله ایلر حسرتونده جان کشاکش
بیرده بلکه نائل اولسون، نعمتِ لقایه قارداش

کسمیوب نقدری اُلفت، جسم ده نفس نفسدن
چوخ چتین کسه امیدین، دادخواه دادرسدن
سسلرم سنی هرایه ال اوزولمه میش بو سسدن
قویما نا امید اولوم من، ویر صدا صدایه قارداش

شرحِ شوقه عاجزم من، یتمسه مدد سوزومدن
ایسترم ولی شهادت شورِ عشقمه اوزوندن
جانب بهشته گوردون، دونمدی اوزوم اوزوندن
وای منه که ایندی گلمیش هجر آدی آرایه قارداش

ضربِ تیغ و خنجریله باش یارالی، تن یارالی
داغ مرگ اکبریله سنده قلب دن یارالی
اوزگه حال دور برادر، سن یارالی من یارالی
کیمدی ایلسون مداوا بیر بئله یارایه قارداش؟

همتیم اراده ایتدی فتحی، جنگده ازلدن
یتمه میش حصوله مطلب ال گوتورمسین جدلدن
بین رَه دَه اَل کسیلدی تا الیم اوزولدی اَلدن
بو شکست ویردی جُرات لشگر جفایه قارداش

هر طرفدن اولدی عازم، قتلی مه سپاه دشمن
جسم دن دئمم که یکسر پاره لندی درع و جوشن
همتیم مقابلی نده باش اگوب عمود آهن
قویمادی عدو اوجاتسون باشیمی جدایه قارداش

• پنج شنبه
• 18
• شهریور
• 1400
• ساعت
• 18:23
• نوشته شده توسط
• یوسف اکبری

_____________________
ائدور دل زمزمه ـــــ دوتوب ئوز علقمه
دیور ام البنین اوغلی گوز آچدی عالمه

جمالی منجلی ــــ ابلفضدی بلی
ایکی قولارینه بوسه ویروب مولا علی

یل ام البنین ، یل ام البنین، اوزون قولاریوه قربان گل ام البنین
___________________________________
گلوب یار اولماقا ــــــ وفا دار اولماقا
حسینه کربلاده چون علمدار اولماقا

علی انفاسی وار ــــ گوزل احساسی وار
حسینون یوخ غمی والله بیله عباسی وار

گوشواره""""""""""""
___________________________________
اوزون قولاری وار ــــ اولار اسلامه یار
ترابه مقدمین قویسا زمین لرزان اولار

یورولما ای قلم ـــــ اَسیر قانلی علم
نه دردین اولسا لطف ایلر ویرر صاحب علم

گوشواره """"""""
___________________________________
یل کرب و بلا ـــــ آقا اوغلی آقا
الین آچ سسله عباسی بودور مشکل گشا

حسینون جانیدی ـــــ محبت کانیدی
تمام ارمنیلرده اونون حیرانیدی

گوشواره

• شنبه
• 17
• تیر
• 1402
• ساعت
• 16:23
• نوشته شده توسط
• یوسف اکبری

اِی فَرات اوُستَه آخان قُوللارینُون اَلقانی
بِیلَه نالَه اِئدرَم آغلادارام دنیانی

آتامُون صُولَت و سَطوَتلی عَلمدار اوُغلی
اَسدِ بیشهء قَهرِ غَضبِ یَزدانی

وَطنَه گِئتمَه لیدی باجیلارون دور یُولا سال
گُوزلریمدَن تُوکرَم اَشگِ تَرِ نِیسانی

طاقَتیم یُوخدی آنام اُمّ بنَین آلسا خَبر
نِیه بَس گلمَدی عَبّاس او غِیرت کَانی

سُو کَناریندَه سَنی قَبره قُویُوبلار سَبَبی
خَلق بُیلسُون سُوسُوز ئولدوردولَه بُو سَقّانی

نیزه لَردَه دولانان باشوَه باجون قُربان
اِی سُوسُوز جان وِئرن الله یُولونُون قُربانی

نه اوُزیلَه وَطنه یُوز چُووروم من قارداش
نَه دِیوم گَر دِئسه اوُغلون آتام عَبّاس هانی

شام کِیفیتنُون شَرحینی من اِیلمرَم
کُوفَه دَه سَن دِئ جَفای سِتمِ عُدوانی

او حُسینون یارالی جانینَه آند اوُلسُون کیم
چَکمیشم غَم او قَدَر یُوخدی دِئمگه اِمکانی

اوخلانان مَشکوی یادَه سالوب آغلار چِشمیم
چِشمَه چِشمَه سُو وِئرور وُردیقیجان مُژدگانی

باش آچوب شام و سَحر وِرد اِئلَرم قارداش وای
دِیم عَبّاس گرک دور اَئلیَم صَحرانی

وَطن آدین دِئمگه یُوخدی دِلیمدَه یارا
داخی سَندَن صُورا دونسُون فَلکُون دُورانی

باخورام آبِ فَراته گِئنه دَه مُوج اِیلَر
سالورام یادَه علی اَصغری عاشُورانی

اَله جام آلدی سَکینه دِئدی یاندیم سُوسُوزام
اِی وَفا کَانی عَمُو گُور بُو لَبِ عَطشانی

گَلمدی سُو اَله وِئردون قُولووی سُو اوُسته
اَیَری قانلو عُقابُون دولانُوب میدانی

اَسدی بیر بادِ سِتَم آلِ علی گُلشنینَه
قیلدی اَفسردَه گُلِ نَستَرن و رِیحانی

اوُلدی بیر اِیل بیزیچُون مَسجدِ وِیران مَنزل
نِجه وِیرانَه که یُوخ ذِلتینُون پایانی

نَه دِیوم مُحنتیمی بَسدی سَنه اؤز دَردُون
سَن مَنه آغلا، سَنه مَن اِئدرَم اَفغانی

دور گِئدک یَثربَه یالقوز گِئدَه بُیلمَز کُلثوم
بی کَسم یُوخدی کَسیم اَکبر و اَصغر جانی

بارالها به عَلمدارِ شَهیدِ حُرمتینَه
جُرمِ #دلخونی باغشلا چوخ اِئدوب عُصیانی

• شنبه
• 14
• مرداد
• 1402
• ساعت
• 21:58
• نوشته شده توسط
• یوسف اکبری

اِی حُسین قارداشینُون غَملَرینُون یاری باجی
قارداشُون سِندِى بِلى ئولدِی عَلمدارِی باجی

باجی جان قَلبیمی دُوتدی نِجُه گُور مُحنَت و غَم
اِیوِیمی یِخدی مَنیم ظُلمِیلَه بُو قُومِ ظُلم
اوُل اَسیر اوُلماقا آمادَه باجی یاتدِى عَلَم
قالمِیُوب قارداشیوُون بیر نَفَر اَنصاری باجی

دِیمَه بُو غَمدَه باجی جان سیِنمی داغلامادِیم
نِسگل اوُلدی مَنَه چُوخ گُوزلَرینی باغلامادِیم
بیر دُویُونجا باجی مَن قارداشیما آغلامادِیم
گَل اوُلاخ اِیمدی اَبوالفَضَلُون عَزاداری باجی

گَل اوُزون باری بُو غَمدَه سِینُوی داغلا گلَن
تُوكُولُوب كُول باشیوا باشه قَرا باغلا گلَن
آنا تَک اوُخشا ابُوالفَضلی باجی آغلا گلَن
اِی اوُلان مُحنَت و غَم غُصّه گِرفتاری باجی

بُو جَفا اَهلی مَنیم باعِث اوُلور گُوز یاشیما
تُوکَدِیلَر ظُلمِلَن آخِر باجی کُولَلّر باشیما
نِجَه گُور قُویدُولا حَسرت مَنی اوُز قارداشیما
قالمادی قارداشیُوون کِیمسَه هَواداری باجی

جَمع اِیله عِترتیمی باشیمَه سَن اِی باجی جان
اوُخشیاخ قارداشیم عَبّاسی اِیداخ آه و فَغان
بُو مُصیبَت بِلیمی بُوکَدی اِیدوب باغریمی قان
قالمِیِوبدور بُو حُسینُون داخی غَمخواری باجی

قارداشیم اِیتدِی وَفا عَهدینَه مَقصُودَه چاتُوب
پِیکَری باشدان اَیاقَه باجی جان قانَه باتُوب
دِیَه بُولمَم که ئولُوب دور دِیَرَم بَلکَه یاتُوب
گُوردُوم اَمّا یُوخُیدی جِسمِدَه قُولاّری باجی

یارالی جِسمِینَه باخدِیم یاراسی چُوخ چُوخیدِی
یُوخیدِی سَهلدى قُول صاف یِرِى اَصلاً یُوخیدِی
نِجَه مَن شَرح اِیلیُوم باشدان اَیاقَه اوُخیدِی
دُوغرانُوب هانسی شَهُون بِیلَه سِپَهداری باجی

نِجَه مَن صَبر و تَسلّی وِیرُوم آیا اوُزُیمَه
ئوپُوب اوّل یُوزینی باشینی آلدِیم دِیزِیمَه
گُوزلَرین آچدی باخُوب حَسرَتیلَن بیر یُوزیمَه
گُوردُوم اوُلدُم باشنُون قانی اوُلور جارِی باجی

بُولوسَن قارداشیمُون ئولماقِی مُشگلدی مَنَه
اؤزُون اِنصاف اِیلَه باخ گُور نِجَه نِسگَلدِی مَنَه
مَن دِیدِیم وای یارالی لَشگرِ کِین گُلدِی مَنَه
قَلبیمَه وِیردِی یارا کُوفَه نُون اَشراری باجی

چَنگ وُیر #شوری حُسینُون بُو عَلمدارینَه سَن
حاجَتُون واردِی دِیسَن کَرب و بَلایَه گِیدَه سَن
حَرمَیندَه وَلی بُو نُوحَه نی اَزبَر اِیدَه سَن
اِی حُسین قارداشُنُون غَملَرینُون یاری باجی

• شنبه
• 14
• مرداد
• 1402
• ساعت
• 23:08
• نوشته شده توسط
• یوسف اکبری

عالَمدَه یا حسین دِیمه سَرداریُوام سَنُون
فَخریم بُو دور غُلام هَواداریُوام سَنون

یا سیّدی دِیمَم سَنَه خِدمَت دَه لایقَم
اَمّا یانام شَرارِ مُحَبَت دَه شایقَم
عالَم دَه عاشقین نَدی جُرمی مَن عاشقم
بیر عُمر دور کی عِشق گِرفتاریُوام سَنُون

هر کیمسَه نُون اَگر چه رِسُوم و قَراری وار
عالَم دَه عاشق عِشقینُون اَمّا عَیاری وار
سُلطانَه عاشق اوُلسا غُلام اِفتخاری وار
مَن عاشقم غُلامِ هَواداریُوام سَنُون

عاشق تیکر اُمیدیلَه دِلدارینَه گُوزون
سَن رُوحومُون عَلاقه سی سَن حالی سَن اوُزون
من نِیلورَم بِهشتی بِهشتیم دی گُول یُوزون
عالَم بُولور کی عاشقِ رُخساریُوام سَنُون

غَم اِیتسَه دَه کتابِ خیالی وَرَق وَرَق
عِشقوندَه ثابتَم نَقَدَر جاندا وار رَمَق
باخما یاراشمارام سَنه اَی فَخرِ ماخَلق
سَن گُولدَن آیریلان دَگُلم خاریُوام سَنُون

بیر نُوکَرم سَنه دِیمُورَم کامَه یِتمَرَم
اِیتسَن قَبُول حَسرتِ فِردوس اِیتمَرَم
بُو آستانَه دَن مَنی قُوسان دا گّتمَرَم
نَه عِزّ و جاه طالَب دِیداریُوام سَنُون

بُو آستانَه وَه اؤزومی سالمُوشام غَرض
بیر گَنج دور قاپُون مَنه نَه جُوهَر و عَرض
عالَم لَریلَه نُوکَر آدین اِیتمَرَم عَوض
گُورسَم بُویُورمُوسان شَهِ اَبراریُوام سَنُون

کُور اوُلماز هر گُوزی که سَنه اَشگ ریز اوُلا
نُوکَر اوُلان سَنه اِیکی دُنیا عَزیز اوُلار
اوُلّام سَنَه غُلام آنام دا کَنیز اوُلار
فَخر اِیلرَم کی خادِمِ دَرباریُوام سَنُون

عاشق گَرک دی مَطلَبین آلسُون حَبَیب دَن
عِشقُون مَنی سالوب اِیلَه تاب و شَکیب دَن
اِیستَر مَریض دَردی نَه دَرمان طَبیب دَن
اِیله دَوا بُو دَردیمَه بیماریُوام سَنُون

بازارِ یُوسفَه گَلن اوُلدی کلافیلَن
طِی اِیتمَرَم وَفا یُولونی مَن خِلافیلَن
بازارِ عِشقَه گَلمیشَم حَسرت قیافیلَن
بو نَقد جان اَلیم دَه خَریداریُوام سَنُون

گیورّم بُو چُولدَه دُشمَنُوی دَستَه دَستَه مَن
آیا اوُلار گُورَم سَنی گُور دِل شِکستَه مَن
وِیر بیر اِجازَه پَرچَم آچُوم باشُون اوُسته مَن
غَمگین گُورنمَرَم سَنی غَمخواریُوام سَنُون

مُولا مَنیم اَلیمدَه بُو شَمشیر اوُلا اوُلا
عَطشان قالا سُوسُوز بالالار گُل کیمی سُولا
عَبّاس ئولوب مَگر غَمیلَه خاطرُون دُولا
آگاهی سَن کی غَم دَه هم اَسراریُوام سَنُون

گُورّم مُدام شُعلَه لَنُور نارِ جَنگی مَن
بَس نیلِورم بُو زندگیّ عار و نَنگی مَن
وِیرسَن اِجازه گر پُوزارام فُوج و هَنگی مَن
ورّام عَلَم فَراته عَلمداریُوام سَنُون

من #اعظمی قاپُوندا نه مُدّت دی که وارام
قُوسان منی گِیدوم هایانا وار مَگر هارام
گر قاره دور یُوزوم وار اوُرکدَه وَلی یارام
لُطف اِیلَه رُو سیاه عَزاداریُوام سَنُون

• یکشنبه
• 15
• مرداد
• 1402
• ساعت
• 13:51
• نوشته شده توسط
• یوسف اکبری

بو نه حالدیر کی سالیب سان اؤزیوی آی قارداش
ثؤپراقین اوسته قؤیوبسان یوزیوی آی قارداش
نه گلیب گؤر باشیما آش گؤزیوی آی قارداش

یاندیریب اکبر منی سنده داهی یاندیرما
سیندیریب دشمن منی ، سنده داهی سیندیرما

(( یالواریرام دؤنه دؤنه آی قارداش ))
(( قؤیما منی یامان گونه آی قارداش ))
آی قارداش ۳

جان جان آی قارداشیم آی صبریمی الدن آلانیم
بئلیمی سیندیرانیم ، آی منی درده سالانیم
قؤلسوز بو پیکریوین قؤی باشینا بیر دؤلانیم

هانسی قارداش بو حالی گؤرسه وئرر جان یارالی
قان دؤلان گؤزلریوه قارداشین قربان یارالی

(( یالواریرام دؤنه دؤنه آی قارداش ))
(( قؤیما منی یامان گونه آی قارداش ))
آی قارداش ۳

یانسین اوچ شعبه اؤخی بو گؤزیوه ووران سنین
بیر آغیر عمودیله بو باشیوی یاران سنین
آشیب حتدن گؤرورم چؤخدو اخا یاران سنین

یئری وار سسلیه سن زهرا آنان گلسین اخا
بو ساغالماز یاراوا بلکه چارا قیلسین اخا

(( یالواریرام دؤنه دؤنه آی قارداش ))
(( قؤیما منی یامان گونه آی قارداش ))
آی قارداش ۳

قلبیمی ائیلمه توش چاره سیز آلامه اخا
گؤروسن دشمنیمیز دای یئتیشیب کامه اخا
قؤیما (نالان) منی چؤخ دور گئداخ اخیامه اخا

قؤیمارام قیزلاری سو صحبتینی آشسین اخا
عطشیندن بالالار سس سالیب آغلاشسین اخا

(( یالواریرام دؤنه دؤنه آی قارداش ))
(( قؤیما منی یامان گونه آی قارداش ))
آی قارداش ۳

کیچیلن بو قدیوه یئر گؤیه سلطان آغلار
من تک آواره قالان زار و پریشان آغلار
یانار هجرینده اخا زینب نالان آغلار

دییَر ایوای داغیلان جاه و جلالی قارداش
بورویَن عالمی بو درد و ملالی قارداش

(( یالواریرام دؤنه دؤنه آی قارداش ))
(( قؤیما منی یامان گونه آی قارداش ))
آی قارداش ۳

بیلیردین کی اؤخ آتان دؤره ده دشمن چؤخدو
گینه قؤرخو اؤرگینده سنین اصلا یؤخودو
سنی دیلدن سالان اول مشکه دَیَن بیر اؤخودو

دئیمه سئیدی اونا اؤخ کیمسه ییخانمازدی سنی
ال تاپیب دشمن سنه ، درده سالانمازدی منی

(( یالواریرام دؤنه دؤنه آی قارداش ))
(( قؤیما منی یامان گونه آی قارداش ))
آی قارداش ۳

سنه من فخر ائده رم کان شجاعت سن اخا
سن حیا اولدوزوسان ، سن خود غیرت سن اخا
سن منه شان و شرف سن منه عزت سن اخا

سنه چؤخ ظلم اولونوب قؤی دئییم عالم بیلسین
قاپیوا گلسه بیری قؤی بئله (نالان) گلسین

(( یالواریرام دؤنه دؤنه آی قارداش ))
(( قؤیما منی یامان گونه آی قارداش ))
آی قارداش ۳

• یکشنبه
• 15
• مرداد
• 1402
• ساعت
• 15:08
• نوشته شده توسط
• یوسف اکبری

☑️ بند اول

منی که مست و مبتلای توام
تا ابد سائل سرای توام

اسمت آقا چه شنیدن داره
مست و دیوانه ی هوای توام

??ای دل دار میر خیبر
ای دل دار میر خیبر??

شدم امشب از عشق تو مستانه و حیرون
من بی سرو سامون رو دور سرت بگردون

ای مه دلبر امیر و سر لشکر
من غلام تو تو شاهی و سرور

?مولا مولا یا بن الحیدر

☑️ بند دوم

تا ابد کلب درت میمونم
منو رد نکردی آقا ممنونم

نمیره لطف شما از یادم
هر چی دارم به شما مدیونم

??تا جون دارم هستم نوکر
تا جون دارم هستم نوکر??

دوباره این دلم داره آوای اباالفضل
دلمو برده چشمای زیبای اباالفضل

شیر نام آور از همه عالم سر
قمر القم تو آهنین پیکر

?مولا مولا یا بن الحیدر

☑️ بند سوم

عزتیم شوکتیم وقاریمسان
گولشنیم گولوم نوبهاریمسان

آیری بیر عشقه اورک باغلامارام
یا ابوالفضل منیم نگاریمسان

??گول آدیوی عالم سسلر
گول آدیوی عالم سسلر??

الی بوش یولا سالما منی یار مهربانیم
منی نوکر حساب ائيله آقا باشیوا دولانیم

ساقی و ساغر ملک دیله رهبر
ائيله عشاقی مست می کوثر

?مولا مولا یا بن الحیدر

• پنج شنبه
• 23
• شهریور
• 1402
• ساعت
• 00:53
• نوشته شده توسط
• یوسف اکبری

☑️ بند اول

گل امداده حسین جان قالمیشام ائله نالان

آخیر یاره لریمدن توپراغ اوستونه ال قان

ییخیبلا سقاوی بو قوم پست و دنی
گورولله یوخدی قولوم گینه ویریلا منی

هرایه گل مولا یامان گونومدی منیم
بوقدری نیزه اوخا نشان اولوب بدنیم

? حسین حسین جانم / حسین حسین جانم

☑️ بند دوم

بو غمدن دل زاریم یاندی قان اولوب اشکیم
وریب دشمن کین اوخ پارلندی سو مشکیم

دیینده مشکیمه اوخ دئدیم علی لای لای
نار عطشده یانان غنچه گولوم ای وای

توکولدی تا یره سو قیامت اولدی حسین
ربابیدن سقا خجالت اولدی حسین

? حسین حسین جانم / حسین حسین جانم

☑️ بند سوم

غمیم قلبیده چوخدی پیکریمده قول یوخدی
منی دیندیرن ایندی نیزه دی قلج اوخدی

بو ال سیز عاشیقیوی سالیبلار اللره گَل
شمادت ائيلير حسین بو کوفیان چالیر اَل

داخی بو جسمیده یوخ بو قدری ظلمه دوزوم
حسین بیر اوچ پر اوخا نشان اولوبدی گوزوم

? حسین حسین جانم / حسین حسین جانم

• پنج شنبه
• 23
• شهریور
• 1402
• ساعت
• 01:28
• نوشته شده توسط
• یوسف اکبری

☑️ بند اول

اورگیمه جان گلیبدی
دردیمه درمان گلیبدی
حامی قرآن گلیبدی
عالم اولوب گلشن

گوزومه ضیا گلیبدی
سید و مولا گلیبدی
ماه دل آرا گلیبدی
دل قوتولوب غمدن

گلدی بیر مه جبین ، صنم بی قرین
ائوین آباد اولا ، خانم ام البنین

? یاابوفاضل یاابوفاضل / یاابوفاضل یاابوفاضل

☑️ بند دوم

کیمین اورگین دوتوب غم
سسلمسین یوخدی چارم
چون کی شهنشاه علقم
درده معالج دی

آقادی شه کرم دی
صاحب مشک و علم دی
ساقی اهل حرم دی
باب الحوائج دی

وار مریضین اگر ، کسیلیب چاره گر
چاغیر عباس آدین ، سنه امداد ائدر

? یاابوفاضل یاابوفاضل / یاابوفاضل یاابوفاضل

☑️ بند سوم

باشوا دولانام آقا
هجر اوتونا یانام آقا
اوت دوتوب اوتلانام آقا
دردیمه قیل چاره

یانیری غمینده سینه
رحم ائله بو دلغمینه
گلیم بو ایل اربعینه
قوش منی زواره

دیلده چوخدی سوزوم،یوخ فراقه دوزوم
گویلوم ایستیر حرم ، قالیب آغلار گوزوم

? یاابوفاضل(ع) یاابوفاضل(ع) / یاابوفاضل(ع) یاابوفاضل(ع)

• جمعه
• 24
• شهریور
• 1402
• ساعت
• 23:43
• نوشته شده توسط
• یوسف اکبری

☑️ بند اول

ییخیلمیشام گَل هَرایه مولا
توشوبدی باشیم ، نجه گور ، بلایه مولا

گئدیب دی اَلدن تاب و توانیم
یئتیب دوداغه ، ظُلمن ، بو خسته جانیم

تنگیدی روحه بو سینه
ایستیری چیخسین قفسدن

شیریوی روبه صفت لر
گور نجه سالدی نفسدن

گَل جمالیوی بیرده گوروم
کامه یئتیم راحت اولوم یارالیم من

گَل عطریوی بیر یول دا آلیم
قویما شمادت ده قالیم یارالیم من

? جانم حسین جان / جانم حسین جان

☑️ بند دوم

بار مصیبت قدیمی اَگدی
خجالت اولدوم ، بیر اوخ ، مشکیمه دَگدی

یاندی بو قلبیم دوندی کبابه
سسلدیم اول دَم ، ای وای ، طفل ربابه

قانه دونیدی فراتی
سالدی منی آه و زاره

اولمادی قسمت بو چولده
جرعه سویی شیر خواره

وای اوچ گجه گوندوزدی رباب
اصغرینه تاپمییب آب خجالتم من

وای درد و غمین جانه آلیم
آپارما قوی بوردا قالیم خجالتم من

? جانم حسین جان / جانم حسین جان

☑️ بند سوم

دادیمه تئز گَل علم یاتیبدی
ماه بنی هاشمیان گورنه باتیبدی

دام بلاده قالیب سیخیلدیم
قولاریم اولدی ، تندن ، قلم یخیلدیم

موج بلا باشدان آشدی
دوشدی دیله مین شراره

ویردی کیمین وار سلاحی
قولسوز علمداره یاره

وای تُرابه توشدی کَسریم
گِئتدی قولوم یوخ سپریم هرایه تئز گَل

وای باتمیشام ایندی مُحنه
اَل لیلیر اَل تاپدی منه هرایه تئز گَل

? جانم حسین جان / جانم حسین جان

☑️ بند چهارم

چوخدی تنیمده زخم و جراحت
قالمادی قارداش ، آخر ، گوزده سلامت

محاسنیم گَل بویاندی قانه
ساغ گوزوم اولدی ، قارداش ، تیره نشانه

بو فلک کج مدارین
اولمامیشام شاد الیندن

دادیمه گل چوخ یوبانما
آل منی جلاد الیندن

وای نوفل بی شرم و حسود
باشیمه یئندیردی عمود قارداشیوام گَل

وای گَرد و غباره بورونن
یوز اوسته یرده سورونن قارداشیوام گَل

? جانم حسین جان / جانم حسین جان

• شنبه
• 25
• شهریور
• 1402
• ساعت
• 00:30
• نوشته شده توسط
• یوسف اکبری

☑️ بند اول

ای شه اقلیم وفا عزیز جان زهرا س
ساقی دشت کربلا باب الحوائج مولا
ماه بنی هاشمیان باشیوا دولانیم آقا

وئرمرم عشقیوی کل جهانه
گوزل آدین نقش اولوبدی جانه
منی غلام ائله بو آستانه

علم و شوکت و مشکیوه قربان
گوزونده قان اولان اشکیوه قربان
قمر فاطمه س عشقیوه قربان

ثمر علی مالک دنیایی اباالفضل
نوکرت منم به خدا آقایی اباالفضل
یوسف نبی باهمه جاه و طمطراقش
غبطه میخوره به تو در زیبایی اباالفضل

? شاهم یا ابوفاضل

☑️ بند دوم

دردیمه درمان دی آدین ای آقالار آقاسی
منبع احسان دی قاپین ای کرمین دریاسی
قوزامیسان دین علمین ام البنین بالاسی

امید سینه زنا به نگاته
اسم قشنگ تو رمز نجاته
کعبه ی ما آقا صحن و سراته

غیر تو من که کسی رو ندارم
فدای تو بشه ایل و تبارم
دیونگی شد از عشق تو کارم

نظر ائت آقا دیلده کی شور و اشتیاقه
دوزه بولمورم فاطمه جانی بو فراقه
سائل درم ایسته بیر یول پای پیاده
زائرین اولوم یول سالیم کشور عراقه

? شاهم یا ابوفاضل

☑️ بند سوم

سالدی فرات اوسته آتین لرزیه دریا توشدی
قویدی قدم رزمگه لشکره غوغا توشدی
چحدی قیلیج ساقی ،یره دست و سر و پا توشدی

قوشون داغیلدی اولدی قیامت
قاچماغا دشمن تاپمادی محلت
دئدی ابوالفضلم ای جماعت

صولت حیدر منده دی پیدا
ضیغم دینم ناصر مولا
یوخدی حریفیم ای صف اعدا

قمرم قمر قوخمارام سیزلردن سرم من
قمرم قمر پسر شاه خیبرم من
هاشمی نسب علوی ام ،حل من مبارز
قمرم قمر وارث رزم حیدرم من

? شاهم یا ابوفاضل(ع)

• شنبه
• 25
• شهریور
• 1402
• ساعت
• 00:37
• نوشته شده توسط
• یوسف اکبری

امام در بالین برادر

شاه سردارین گورنده زخمدار
قالمادی قلبینده تاب و اختیار

دشمنی ایتدی پراکنده امام
اولدی مرکبدن پیاده تلخکام

اگلشوب آلدی دیزی اوسته باشین
گوزلریندن سیلدی قانلی گوز یاشین

توکدی گوزدن قانلی یاش ای وای دیدی
قارداشا بیر باخدی قارداش وای دیدی

گوردی نه حالیله یارب قارداشین
ایلدی گویا مخاطب قارداشین

ای علمداریم وفالی یاوریم
قارداشیم - فرماندهیم - سرلشگریم

آچ گوزون ایدادخواهیم آچگوزون
ای منیم پشت و پناهیم آچگوزون

ای یوزی ماه سپهر هاشمی
باش ویروب گر چه اوجاتدون باشیمی

سنسیز اما ای منیم آرخام ایلیم
چارم اسگیلدی داخی سندی بلیم

بو شکستیله تاپار ای حق پرست
رکن اسلام و عمود دین شک

• چهارشنبه
• 24
• بهمن
• 1397
• ساعت
• 10:27
• نوشته شده توسط
• ابوالفضل عابدی پور

دور ای اهل عشقون علمداری قارداش
دوشن نهـر علقمـده قولاّری قارداش
امیدیـم ابوالفضـل پناهیـم ابـوالفضل
علم یاتدی سنـدی سپاهیـم ابوالفضل

نـه راحت یاتوبسـان بـو قانلـی منـاده
نجـه حمـل ائـدوم نعشوی بیر عباده
سـن ئولـدون بـرادر داغلـدی جلالیـم
گوزون آچ نجه گور پریشاندی حالیم
رقیّـم قالـوب خیمـه‌ده دیـده گریـان
اولا کـاش جانیـم بئلـه جانـه قربان
بئلیم سيندی قارداش اورک دؤندی قانه
سنـی آلـدی منـدن بـو دور زمـانه
عجب عشق اطاقینده راحت یاتوبسان
سوسوز صود امر طفلی گوزدن آتوبسان
آنام فاطمـه دیـده گریانـدی قارداش
آتـام مرتضی چوخ پریشاندی قارداش
آدامسیز حسینـم اورک داغـلارام من
اگـر فرصت اولسا یاران باغلا

• پنج شنبه
• 9
• شهریور
• 1391
• ساعت
• 14:00
• نوشته شده توسط
• جواد

بیشۀ عشقیده تکتازیدی عباس علی
یل یل ِ حارب و ممتازیدی عباس علی
بی رمق دملره دمسازیدی عباس علی
شاهپرسیز اوجا شهبازیدی عباس علی

یارادان قامتینی گور نه دل آرا یارادیب
سینه سین منزلت و عشقیده دریا یارادیب
کربلا هنگینه سرلشگر و سقا یارادیب
صیحۀ موجیله همرازیدی عباس علی

نئجه،شهلا گوزه صورتده قلم قاش یاراشار
طُرّۀ حوری ِ غِلمانه هُریهْ ساش یاراشار
ائله ، دنیاده حسینه بئله قارداش یاراشار
بولور عالم نئجه سربازیدی عباس علی

گوستره بیر یول اگر قاشلارینین آخماقینی
یا اگر گورسه ده شهلا گوزیلن باخماقینی
نه زلیخا خود یوسف ده کسر بارماقینی
حُسن طلعتده ده تکتازیدی عباس علی

وجه فتّانه ده مژگانلارا اخگردی گلو

• چهارشنبه
• 28
• فروردین
• 1398
• ساعت
• 13:23
• نوشته شده توسط
• ابوالفضل عابدی پور

گلدی یاران حامی دین
خسرو رخشنده جبین
مرتضایه روح وروان
نورچشم ام بنین

معدن غیرت
سربه سرصولت
شه وادی شرفدی

تایی یوخ تکدی
نجه گویچکدی
پسرشاه نجفدی

فاطمه نون اوغلونون بو دریای ادب وزیریدی
کرب وبلانین بو مه لقا ساقی بی نظیریدی

عباس عباس___آدوه قربان ابوالفضل
عباس عباس___قبروه قربان ابوالفضل(٢)

رحمت حی ازلی
گلدی مه رو لر گوزلی
یر گویه های دوشدی بوگون
گلدی عباس بن علی

دردلره درمان
عالمه سلطان
گلدی مه سیماعلمدار

نه بشر تنها
ملک وحورا
مرقدپاکینده زوار

مرقدپاکی صفا وئروب کرب وبلا دیارینه
قبریده میلادی تک دوشوب شاهی حسین کنارینه

عباس عباس...................

ده سلیمانه گوزون آچ
بوندا جاه وحشمته

• پنج شنبه
• 29
• فروردین
• 1398
• ساعت
• 11:36
• نوشته شده توسط
• ابوالفضل عابدی پور

شاهین ، هوای اوج ائلینمز ، پَر اولماسا
عنقا نه نوعی قافه چیخار شهپر اولماسا

الدور حوادثاتِ بدندن دفاع ائدن
فکر ائت بدن نه حال دوشر اللر اولماسا

دعواده لشگرین گوزین سر لشگر آختارور
سرلشگرین علاجی ندور لشگر اولماسا

من بو منای عشقیده دینون فداسیم
آزاده امتحان وئررم یاور اولماسا

من کاروان عشق بو صحراده رهبرم
چاتماز مراده قافله گر رهبر اولماسا

الدن آلوبلا خنجریمی، قولاًریم دوشوب
کیم سو وئرر بو خنجریمه خنجر اولماسا

من تشنه ی وصال حسینم سو نینورم
آب فراتی ایستمرم کوثر اولماسا

• یکشنبه
• 9
• خرداد
• 1400
• ساعت
• 16:48
• نوشته شده توسط
• یوسف اکبری

امیر دل عباس – ابوفاضل
ابوفاضل عباس ابوفاضل

قمر هاشمی ام بنین
علوی طلعت و رخشنده جبین
آلا گوز غنچه دهان قدی رسا
قدمیندن بو جهان عطرآگین

امیر دل عباس – ابوفاضل
ابوفاضل عباس ابوفاضل

رحمتین الله ایدوب ارزانی
گلدی ملک شرفین سلطانی
گوزلرین آچدی حسینه اول
نجل حیدردی بو زینب جانی

امیر دل عباس – ابوفاضل
ابوفاضل عباس ابوفاضل

مه لقا٬کان عطا مرد عمل
قهرمان و یل صفین و جمل
هر باخیشدان بو یل کرب و بلا
آتاسی حیدر کراره مثل

امیر دل عباس – ابوفاضل
ابوفاضل عباس ابوفاضل

مظهر غیرت الله گلوب
برج عشق و ادبه ماه گلوب
حیدر ثانی و عبد صالح
هامی غیرتلیلره شاه گلوب

امیر دل عباس – ابوفاضل
ابوفاضل عباس ابوفاضل

ع

• پنج شنبه
• 29
• فروردین
• 1398
• ساعت
• 15:17
• نوشته شده توسط
• ابوالفضل عابدی پور

منیم ائشیقلی قمریم
یاتما دور ابالفضلیم
خم اولدی غم نن کمریم
یاتما دور ابالفضلیم

اورکده درد و غمیمی
چوخلیوبلا دشمن لر
سنی عمود و اوخیلان
یوخلیوبلا دشمن لر
گوزیویده مشکیوه تای
اوخلیوبلا دشمن لر
سینوبدی قوش مثلی پریم
یاتما دور ابالفضلیم

جفا اوخیلان سوکولن
مشکیوه ، علم‌ آغلار
گوزونده قان پرده سینه
داغلار اوسته چم آغلار
سینونده اوخ یاراسینا
یاره لی ننم آغلار
دونوبدی تاره سحریم
یاتما دور ابالفضلیم

خیمده تشنه بالالار
گلدیلر دئله گئتمه
کمک سیزم گور نه دونوب
گوزیاشیم سئله گئتمه
بو لشگرون ایچره منی
تک قویوب بئله گئتمه
آلیشدی غم نن جگریم
یاتما دور ابالفضلیم

سرشکیمی خونِ دله
قاتما یاره لی قارداش
خیامه دور عزم ائلیاق
یاتما یاره لی قارداش
آدامسیزام قارداشووی
آتما یاره لی قارداش
روان اولوب اشکِ تریم
یاتما دور ابالفضلیم

• شنبه
• 29
• آذر
• 1399
• ساعت
• 23:20
• نوشته شده توسط
• یوسف اکبری