اشعار حضرت ابالفضل(ع)

دور گئداخ ای یارالی قارداش
خیمه گاهه وفالی قارداش
تشـنه ســردار استــقامت
دور باشی ای بلالی قارداش

یاره لی اوخ نیه گوزونده اوتوروب
فاطمه قلبینه بو اوخ یاره ووروب

آمان قارداش ، آمان بارداش

مرکب اوستن یره دوشنده
کربلا غرق ماتم اولدی
قیزلاری سن گوروب گئدنده
زینبین حالی برهم اولدی

ای علمدارِ کربلا زینبه باخ
آچ گوزون باشدا قرا معجره باخ

آمان قارداش آمان قارداش

تا که سن سسلدون برادر
گل یتیش دادیمه اماندی
آغلادیم سسلدیم دلاور
قارداشیم مقتل اوسته قالدی

سسلدیم گل آنا یتیش فریادیمه
قارداشیم یادی گل آنا سن دادیمه

آمان قارداش _آمان قارداش

آچ گوزون گور نه حاله قالدیم
آی لبی پاره پاره قارداش
من باشون اوستونه یتیشدیم
دردیوی سویله منه یولداش

دورگیلان دردیوی منه ایله بیان
دورگیلان گوزلریوی آچ بیرده اویان

آمان قارداش _آمان قارداش

گل باجی دادیمه آماندی
قارداشیم قانینه بویاندی
وئر خبر آل بو ترابه
مشگیدن سو یره جالاندی

گل باجی باوفا ابوالفضل جان وئریر
علقم اوستونده دوشوب گوزقان وئریر

آمان قارداش_آمان قارداش

دوز باجی بو غم و بلایه
آغلا سن غم کربلایه
گوزلریم نوری گِئتدی الدن
بل بوکوب گل باجی هرایه

کربلا قانه دوندریب گوز یاشیمی
حرمله اوخلیوب جوان قارداشیمی

آمان قارداش _آمان قارداش

• جمعه
• 29
• مرداد
• 1400
• ساعت
• 10:47
• نوشته شده توسط
• یوسف اکبری

هر کیمه یوز ورسه درد بی دوا
حضرت عباسه قیلسون التجا

بو علمدار شهنشاه وحید
درگهندن سائل ائتمز ناامید

بی سبب بو منبع فضل و ادب
اولمیوب باب الحوائج منتخب

فاطمه قیزلارینا امداد ایدوب
قلب زهرانی اوزیندن شاد ایدوب

کربلاده ایلیوب بو نامدار
بیر شهامت بیر رشادت آشکار

ویرمیوب دنیا اونون مثلین نشان
شستینه تحسین ایدوب کرّوبیان

فضل عبّاسی بیری ائتسه رقم
شاخۀ طوبی گرک اولسون قلم

نُه فلک الده گرک قرطاس اولا
تا رقم شخصیّت عباس اولا

آه او گوندن کربلاده کوفیان
ائتدیلر پیغمبر اوغلون باغریقان

ابن سعدی شاد ایدوب گولدوردوله
شاه دین انصارینی ئولدوردولر

نوریله ظلمات آرا باشلاندی جنگ
ابر غمدن یاغدی باران تک خدنگ

وِئردی جان بیر عدّه عطشان حق پرست
لشکر اسلامه یوز وئردی شکست

اولدی پژمرده شهنشاه انام
نه قوشون قالدی نه تیپ و نه نظام

کربلادن چخدی عرشه شور و شین
سندی اردویِ همایونِ حسین

نه سپه قالدی اوگون نه سرسپاه
بیر وزیر جنگ قالدی بیرده شاه

شاه مظلومین وزیر و حاجبی
قارداشی اون یدّی منصب صاحبی

لشگرین سقاسی صاحب پرچمی
قوّت بازو وزیر اعظمی

حیدر ثانی جوان بی قرین
شیر غضبان زادۀ ام البنین

صولت شیر خدانون مظهری
ملجائی فرماندهی سرلشگری

بیر روایتدور بو سوز چوخ معتبر
ایلسیدی هر کیم عبّاسه نظر

حال حیرتده دیردی بو سوزی
گورمیوب مثلین بونون دنیا گوزی

قدرت و صولت ده خلقتده مثال
کُفّ عباسی یاراتموب لایزال

اوز کمالِ قدرتین پروردگار
ایلیوبدور خلقتینده آشکار

شاهی یالقوز گوردی اولدی سینه تنگ
گلدی تا تحصیل ایده فرمان جنگ

بیر طریق خاصیّله تکریم ائدوب
شأنینه لایق شهه تعظیم ائدوب

عرض ائدوب ای پادشاه ماسوا
بو کمک سیز جانوه جانیم فدا

گرچه من شیرخدا فرزندیم
فاطمه ؛ ام البنین دلبندیم

حیدره دعوا گونونده مظهرم
واربونا فخریم حسینه نوکرم

شیریوون یا آچگلن زنجیرینی
یا الیندن آل بوگون شمشیرینی

بوندان آرتوق اولما راضی خوار اولا
بی لیاقت فرض ایدورسن سال یولا

من مگر بو دشته بیجا گلمیشم
ایتماقا جنگه تماشا گلمیشم

ایلیم نظّاره ظلم دشمنه
نیلورم بو عمری عار اولسون منه

ئولمه میش زینب دوتوپدور یاسووی
بی هنر فرض ایلوسن عبّاسووی

نه روادور زنده قالسون نوکرون
تشنه لب دوغرانسون امّا اکبرون

نه روا دور ای خدیو رستخیز
اولسون عبّاسین الینده تیغ تیز

خیمه گاهوندن اوجالسین العطش
تشنه لیقدان ایلسون اطفال غش

من باخوم دریا کیمی آخسون فرات
سودیوب یانسون سوسوزلیقدان بنات

اذن ویر میدان جنگه آت سالوم
عدۀ مقتولوون قانین آلوم

صبریمی آلدی سوسوز قیزلار سسی
خاصّه لیلانون اوغول وای ناله سی

گرعلمدارون اله شمشیر آلا
قویماز اکبر قاتلی زنده قالا

گرچه بو لشگرده وار چوخ پهلوان
هر بیری دعواده بیر شیر ژیان

منده امّا ای شه یوم نشور
سن بُلورسن واردی نه قدرت نه زور

صادر اولسا جنگه فرمان مُطاع
دم شجاعتدن وورانماز بیر شجاع

ایلرم بو لشگری زیر و زَبَر
قویمارام قالسون سلامت بیر نفر

فتح ونصرت بیرقین وورّام بوگون
قانیله میدانی دولدورّام بوگون

محضرینده ویرّم عالی التزام
قویمارام قالسون بو تیپ و بو نظام

عرصۀ هیجانی قیلّام بحر خون
ایلرم هر نه عَلَم وار سرنگون

قادرم بو دشتی قاندان دولدورام
بیرقون نهر فرات اوسته وورام

قلبینی اشرار شامین داغلیام
خیمیه نهر فراتی باغلیام

قویمیام کفار اولا بیر لحظه شاد
دم حکومتدن وورا ابن زیاد

سیّدی وئرسن منه فرمان جنگ
شامده وورّام یزیده پالهنگ

شام امیرین سالّام ایله ذلّته
قوللاری باغلی گتورّم بیعته

شه وزیر جنگی گوردی خشمناک
غیرتیندن بُلدی مشرف برهلاک

بُلدی صاحب قولینه قارداشینی
قوزادی زانوی غمدن باشینی

ایتدی فرمایش ابولفضلیم دایان
بو دایانماقدا وار عالی امتحان

گرچه بو صحراده وار چوخ دشمنیم
سن ولی کبش کتیبم سن منیم

سن بوگون پشت و پناهیم سن منیم
سن علمدار سپاهیم سن منیم

سن حسینون قان توکن شمشیری سن
سن نیستان شجاعت شیری سن

سن شهید اولسان وفالی یاوریم
بُل سنار سنسیز بو چولده لشگریم

آیت فتح و ظفردور بو عَلَم
گوز تیکوبدور بیر سنه اهل حَرَم

بو علم وار دشمنوم اولمور جری
بو علم وار زینبون وار معجری

بوعلم یاتسا تاپار اَل شامیان
باشیمی ایلر سَنان زیب سِنان

سنسن آل اللهه بو چولده ظَهیر
پرچمون یاتسا اولار زینب اسیر

تا سلامتدور بدنده الّلرون
الّلری باغلانماز آل حیدرون

ئولدوروبلر اوغلومی قوم دنی
یالقوزام گل قویما قارداشسیز منی

ایمدی که ناچار اولوبسان گیتماقا
دشمن خونریزیله جنگ ایتماقا

ممکن اولسا ای جوان با ادب
بو سوسوز اطفاله ایله سو طلب

اولدی فرمان همای امام
قارداشا عنوان تحصیل مرام

داخل اولدی خیمه گاهه بی درنگ
ایلسون آراسته اسباب جنگ

جنگه دارا پهلوان بی قرین
باشه قویدی طاسکلاه آهنین

جوشن داود تک عالی زره
اگنینه گیدی فلک دن گلدی زه

باغلادی شیر اوژن روز ستیز
اوز خم ابروسی تک بیر تیغ تیز

ایلدی محکم بئلینده خنجرین
زَهره چاک ایتسون هامی دشمنلرین

دستۀ خنجرده قیلدی استوار
زلف اکبر تک کمند تابدار

کتفنه سالدی مُدَوَّر بیر سپر
پشت خورشیده سوار اولدی قمر

بیر الینده بیر سنان پُرشُکوه
بیر الیند پرچم نصرت پژوه

بیرده سالدی چگنینه سو مشکینی
خیردا قیزلار باخدی توکدی اشکینی

اولدی طالع خیمه دن چون آفتاب
آل هاشم ماهی پور بو تراب

غیظیله اولدی عقاب اوسته سوار
صدر زین اوسته دوتوب محکم قرار

تا عقابه گوستروب مهمیز تیز
ایلدی آلتیندا مرکب جست و خیز

گورجک عباسی چو شیر خشمگین
نُه فلکدن گلدی بانگ آفرین

زینب عباسه باخوب ائتدی نوا
سسلنوب قارداش سنه جانیم فدا

قلبیمه بو مطلب آرتیردی انین
کربلاده اولمادی امُّ البنین

اوغلونون جنگین گوریدی آشکار
ایلییدی امّهاته افتخار

شیریزدان اوغلی چون شیرژیان
لشگر شام اوسته سست ائتدی عنان

مرکز میدانه یتدی با شتاب
نیزه سین ووردی یره چون بوتراب

صولتیندن ایتدی لرزه بحر و بر
حیرته دوشدی قضا و هم قدر

سویله دی امر قضا حیدر دی بو
قدرت حق فاتح خیبر دی بو

حمله ایلور مرتضی دور لشگره
یوزقویوب تیغ الده فتح خیبره

ائتسه بو قهریله اقدام ستیز
آشکار ایلر قیام رستخیز

ایلین ساعت قضا بیله خطاب
گوئیا امر قَدَر وئردی جواب

بیله بُلمه حیدر صفدردی بو
حیدره دعوا گونی مظهردی بو

چرخین آلتندا شجاع ناسدور
مرتضی اوغلی آدی عبّاسدور

دست پرورد علی دلده الی
شوریله سسلندی دلدن یاعلی

غیظ یوز وئردی حسینون شیرینه
ال آپاردی قبضۀ شمشیرینه

قبضۀ شمشیر الینده یکسره
ایتدی حمله قلب فوج لشگره

یادگار مرتضی الده حُسام
ایتدی ظاهر شورش یوم القیام

دشمنین یوز دوندروب هر هنگینه
ووردی اَوَّل بیر قلج سرهنگینه

ئولدی فرمانده پوزولدی نظم جنگ
عدّه یوز قویدی فراره بی درنگ

کوفیان سسلندیلر اَینَ المَفَر
چخدی یردن عرشه بانگ الحذر

پور حیدر بیر آجیقلی شیریدی
پیش روده کوفیان نخجیریدی

ایتدی دعوا حیدر کرّار تک
آچدی بوکدی لشگری طومار تک

رزمگاهی ایلدی دریای خون
هاردا بیر پرچم وار اولدی سرنگون

اَل هامی اَلدَن اوجا قول دل پسند
تیغی هر بیر تیغدن بالا بلند

هر کیمه باشدان ووراردی تیغ تیز
تنگ مرکب دن اولوردی شعله خیز

اولدی عباسین الینده کارزار
فوق ایدیهم یدالله آشکار

بیربیری اوسته قالاندی کُشته لر
کُشته لردن اولدی پیدا پشته لر

بیر بیره پیوند کوگده باش و قول
جس

• سه شنبه
• 9
• شهریور
• 1400
• ساعت
• 18:26
• نوشته شده توسط
• یوسف اکبری

تخمیس از شعر مرحوم عبدالعظیم ذهنی زاده

تأثیر ائلدی داغِ دیلیم داغ داشا قارداش
سیلابِ غم آز قالدی کی باشدان آشا قارداش
قارداش ئولومی مشکل اولار قارداشا قارداش
چاتمیش یارالی سینه ده اوخ باش باشا قارداش
بو باش باشا چاتماق وئریب عمری باشا قارداش

بو قافِ محبّت ده کی عنقادی برادر
اولدی ستمِ فرقهء کین پروره خو گر
چوخ سعی ائلدیم کامه یئته آلِ پیمبر
بس کشمکش ائتمیش دی علمداریله لشکر
بو کشمکش آخرده دایاندی باشا قارداش

عمروم چراغی سنله یانیب، سنله ده سوندی
سنله واریدی عالَمیمیز حیف اودا چوندی
تا جلوهء جانانه بو قان ایچره گوروندی
گوز یاشی، اورک قانی آخیب دجلیه دوندی
آز قالدی کی قان دجله سی باشدان آشا قارداش

ظلم اهلی بیر اود ظلمیله بو خرمنه ووردی
چوخ صدمه لر افسوس گُل و گلشنه ووردی
سعد اوغلی شماتت اوخون اوّل سنه ووردی
هر کیم نه سلاح الده واریدی منه ووردی
هر بیر بوش الین گلدی گمانی داشا قارداش

تیغ الده دوروب دشمنِ دون پیش و پَسیمده
قالدی نگران سن کیمی فریاد رسیمده
روحیم قوشی فریاده گلیب دور قفس یمده
قارداش دئمیرم گَل منی گور سون نفس یمده
یول خاطرینه لطف ائله بو یولداشا قارداش

خونِ دیلیله کاسهء چشم اولد لبالب
دردین بیلیرم چوخدو حسین اولما معذّب
گلمه سنه قربان، ای اورک چرخینه کوکب
گلسن ائله گل بیلمه سین احوالیمی زینب
گوز تیکمیشدی من، یئخیلان قارداشا قارداش

نقشِ رُخِ جانانی نظرده ائله تصویر
سوز چنگ وورار دیللره گر اولماسا تزویر
اشعار (شهاب) اودی ایلیر دیله تأثیر
بو مصرعی (ذهنی) نه گوزل ائیله دی تقریر
چاتمیش یارالی سینه ده اوخ باش باشا قارداش

• شنبه
• 13
• شهریور
• 1400
• ساعت
• 12:28
• نوشته شده توسط
• یوسف اکبری

«آپارما خیمیه قارداش داخی رضا دگولم
مسافر خجلم رسمه آشنا دگولم

سکینه خدمتینی جابجا ایدنممیشم
گوتور بو آدی که سقّای کربلا دگولم

هامی شهید لره یر ورنده یانوندا
منی کناریده قوی من سنه سزا دگولم»

شهید ایدوبله منی چون سنون رکابوندا
آغیردی قیمتیم ای شاه کم بها دگولم

منی گذشت ایله ای شهریار خونین دل
غلام منفعلم لایق عطا دگولم

کمال معذرتیم وار بو نوعی یاتماقدان
دورانمورام ایاقا صاحب قوا دگولم

سالوبلا قوللاریمی کاسه ی سریمده سینوب
بو حالیله گوروسوز مقتدر به پا دگولم

بو اللّریم بو علم بو شکسته جامِ سریم
ثبوت ایدر که اوز عهدیمده بی وفا دگولم

یاغیش تک اوستومه اوخ یاغدی بسکه هر یاندان
پر آچدی جسمیم هُما تک اگر هُما دگولم

علاوه دگدی بیر اوچ شعبه اوخ جبینیمدن
گنه بو ظلمه خوشام صاحب بُکا دگولم

قان آغلادور منی یالقوزلوقون سنون مولا
فسوس و آه ندیم قادر وغا دگولم

آپارما نعشیمی قتلایه مصرعیمدن اخا
قالام بو یرده خوشام حمله ارتضا دگولم

خجالتم سو خصوصینده اهل بیتیندن
گیدنمرم الی بوش گیتماقا رضا دگولم

هنوز چوخلاری بو حالیمی منیم بولمور
بیله بولولّه منی سرنگون لوا دگولم

منی خیامه آپارسان جری اولالا سنه
سپاه کوفه دیر ظلمه انتها دگولم

چکوب بیر آه ، آخوب گوز ، یازاردی قانی یره
فدای لایق سلطان نینوا دگولم

«دخیل» سوزلرینه شرکت ایتدی راهنما
همای اوج «دخیل» منده «رهنما» دگولم

• دوشنبه
• 12
• مهر
• 1400
• ساعت
• 16:15
• نوشته شده توسط
• یوسف اکبری

شجاعت حضرت ابوالفضل علیه السلام

مهدی عابدینی

واویلا، میدانه،شیر دلاور گلور
عرصه خیبردی یا٬حیدر دیگر گلور

الده اوجا پرچمی٬٬٬سسلوری یا فاطمه
مین بیله لشکر گله٬٬قلبیده یوخ واهمه(۲)

تیغ شرربارینی٬٬الده دوتوب سان ویریر
کوفه نون اشرارینه٬عشقینی اعلان ویریر(۲)

واویلا٬میدانه٬شیردلاور گلور
عرصیه خیبردی یاحیدر دیگرگلور

آدیم ابوالفضلیدی٬ثانی حیدر لقب
قابض الارواحوزام٬ایلسم هرآن غضب

ساقی لب تشنه لر٬ایتدی امیریم منی
سو آپارام خیمیه٬درده سالام دشمنی

یاخشی تانور کوفیان٬من پسر حیدرم
نوکر مولا حسین نهضتینه یاورم(۲)

واویلا٬میدانه٬شیردلاور گلور
عرصیه خیبردی یا حیدر دیگر گلور

یوخدی حسیننن صورا٬شاه قدرقد

• پنج شنبه
• 8
• شهریور
• 1397
• ساعت
• 01:38
• نوشته شده توسط
• علی ببیرپور

فارسی
.
لرزان است میدان از ،صولتِ پورِ علی
جمع شده در خشم وی ،غیرت و زورِ علی
.
چون نظرش می فُتَد ،بر رخ این کوفیان
قالب آنها تهی ،میشود آنجا همان
نیست کسی را هوس ،جرأت جنگیدنش
میشکند ضربه اش ،گردن صد پهلوان
.
.
.
.
افتاده رعشهِ بر، جان و تن دشمنان
می فتد از دستشان ،نیزه و تیغ و سنان
.
چون قدمش بر زمین ،میزند این شیر نر
می فتد از دست شمر ،نیزه و تیر و سپر
محوِ تماشای او ،گشته سپاهِ عُمَر
چونکه ندیدند به عین ،چهرۀ اینچون قمر
.
.
.
.
قامت رعنایش ، چشم همه کرده مست
چهره زیبای وی ،چون مه تابنده است
.
یوسف مصری نظر ،بر رخ ایشان کند
محو کمالت او ،صید جمالش شود
عاشق او می شود ،دست طرب میزند
مات رخش م

• سه شنبه
• 15
• مرداد
• 1398
• ساعت
• 10:32
• نوشته شده توسط
• ابوالفضل عابدی پور

واویلا، میدانه،شیر دلاور گلور
عرصه خیبردی یا٬حیدر دیگر گلور
.
الده اوجا پرچمی٬٬٬سسلوری یا فاطمه
مین بیله لشکر گله٬٬قلبیده یوخ واهمه(۲)
.
تیغ شرربارینی٬٬الده دوتوب سان ویریر
کوفه نون اشرارینه٬عشقینی اعلان ویریر(۲)
.
واویلا٬میدانه٬شیردلاور گلور
عرصیه خیبردی یاحیدر دیگرگلور
.
.
.
.
آدیم ابوالفضلیدی٬ثانی حیدر لقب
قابض الارواحوزام٬ایلسم هرآن غضب
.
ساقی لب تشنه لر٬ایتدی امیریم منی
سو آپارام خیمیه٬درده سالام دشمنی
.
یاخشی تانور کوفیان٬من پسر حیدرم
نوکر مولا حسین نهضتینه یاورم(۲)
.
واویلا٬میدانه٬شیردلاور گلور
عرصیه خیبردی یا حیدر دیگر گلور
.
.
.
.
یوخدی حسیننن صورا٬شاه قدرقدرتیم
فاش ایدرم سیزلره٬وار ن

• سه شنبه
• 15
• مرداد
• 1398
• ساعت
• 10:59
• نوشته شده توسط
• ابوالفضل عابدی پور

ای ساقی سیمین تنیم جان ابالفضلیم
اللرده قالدی دامنیم جان ابالفضلیم
آچ گوزون باخ منه
جانیم قربان سنه
.
.
سن سن بوصحراده منیم یاوریم قارداش
قربان سوکولموش آنلیوا گوزلریم قارداش
قالدی بلیمده گور نجه اللریم قارداش
دور قویما گولسون دشمنیم جان ابالفضیم
.
.
سردار صاحب صولتیم یاتما یارالی
گوزدن بو صحراده منی آتما یارالی
گوز یاشیمی خون دیله قاتما یارلی
قالدی الیم بئلده منیم جان ابالفضلیم
.
.
دنیانی دولدورسا اگر لشگر شیطان
ال ایتدیگیم پیمانیدن چکمرم الآن
قانلا گرک امضا اولا ایتدیگیم پیمان
کرب و بلادور مدفنیم جان ابالفضلیم
.
.
سن سن بو پوزقون لشگرون غملی سرداری
سندن صورا دشمن سالار تنگه قیزلاری
قول باغلی

• شنبه
• 19
• مرداد
• 1398
• ساعت
• 13:27
• نوشته شده توسط
• ابوالفضل عابدی پور

ای تشنه لب قیزلاریمه
سقا اباالفضلیم
یوخ بیر کسیم دور قالمیشام
تنها اباالفضلیم
.
.
عطشان قالوبدور خسته پر تیهولریم یاتما
دست خزانیلن سولوب مه رولریم یاتما
حسرتله گوز تیکمیش یولا آهولریم یاتما
ای شیرمرد عرصه هیجا اباالفضلیم
.
.
حق اوسته باتدون شوقیلن القانووه قارداش
بذل ایلیوبسن جانووی جانانووه قارداش
ایتدون عمل سن مو به مو پیمانووه قارداش
احسن دیدی ایمانووه زهرا اباالفضلیم
.
.
گلجک نیستاندان سسون روح وتنیم اسدی
میدانه قولسوز دوشمگون امیدیمی کسدی
آچ گوزلرون قارداشووی تک قویما بی کسدی
سنسیز منیم قلبیمده یوخ یارا اباالفضلیم
.
.
سوز عطشدن خیمه ده جیرانلاریم یاندی
الده سو جامی صف چوب قیزلار پریشاندی

• چهارشنبه
• 23
• مرداد
• 1398
• ساعت
• 10:12
• نوشته شده توسط
• ابوالفضل عابدی پور

بو مشگه دگن اوخ منی مأیوس ایلدی چوخ
ایکاش دگیدی گوزومه مشگه دگن اوخ
.
.
بستیدی حیاتیم بو سووا جاندان اوساندیم
سو مشگیمه اوخ دگدی اوزوم جانه دایاندیم
اصغر عطشه من شررِ خجلته یاندیم
ایکاش دگیدی گوزومه مشگه دگن اوخ
.
.
من جان بکفم وقفدی بو جان شه دینه
یوخ باکیم اولومدن ولی ای لشگر کینه
ویرمیشدی منه بو قوروموش مشگی سکینه
ایکاش دگیدی گوزومه مشگه دگن اوخ
.
.
گوردوم عطشندن سارالوب صورت اصغر
پوزدی پوزولان حالتمی حالت اصغر
آز یاره وورون بسدی منه خجلت اصغر
ایکاش دگیدی گوزومه مشگه دگن اوخ
.
.
چون اهل وفا کوی وفاده منی یوخلار
تصدیق ویروب احسن ایدر عشقیمه چوخلار
بیر گلشن فردوس ایلیوب سینمی اوخلار
ایکاش دگی

• یکشنبه
• 27
• مرداد
• 1398
• ساعت
• 14:14
• نوشته شده توسط
• ابوالفضل عابدی پور

قوملارین اوسته یاتما یاررلی سرداریم
قارداشووی تک قویما قولسوز علمداریم
یاره لی سرداریم
نهر فرات اوستونده قانه باتان قارداش
گعبه ی مقصوده لب تشنه چاتان قارداش
یاره لی سرداریم

قولارووی تندن قلم اتدیله بو اوباش
عالم بو دوشن قولارا قربان اولا قارداش
سرداریم ابوالفضل غمخواریم ابوالفضل

گتدی دیزیمنن طاغت سندی بلیم قارداش
گور نجه گوزلریمدن ایندی آخور قان یاش
سندی بلیم قارداش
سوله گروم دنیادن بس نیه تز دویدون
اکبریلن قاصم تک سن منی تک قویدون
سندی بلیم قارداش

میدانه گدن وقتیده قارداش نه تلسدون
تز سایووی سن باشیمیز اوستن نیه کسدون
سرداریم ابوالفضل غمخواریم ابوالفضل

آچ گزووی نهر اوسته تشنه یاتان سقا
ب

• چهارشنبه
• 20
• شهریور
• 1398
• ساعت
• 13:35
• نوشته شده توسط
• ابوالفضل عابدی پور

من کی ابوالفضل آقامین
وریلمیشام عشقینه
قربان اولوم اوستادیمین
مکتبینین مشقینه

حیدریم حیدریم (ابوالفضل)(۲)
نوکـروین نوکــریم (ابوالفضل)(۲)
عاشق مولا قاپوون
(چاکریم ابوالفضل)

طعنـــه ویرانـلاره دیــون
بیـز سیــزه بیگـــانه یوخ

شمعیدی عباس علمی
بیـــز اونــا پروانه یوخ

سیز چالیشون عاقل اولون
بیـز هامـی دیوانه یوخ

حیدریم حیدریم (ابوالفضل)(۲)
نوکروین نوکـریم (ابوالفضل)(۲)

عاشق مولا قاپوون
چاکــریم ابوالفضل

باشی بلالی لر گلون
درده دوا بـــوردادی

آی سرطـانی لر گلون
شهـــد شفـــا بوردادی

اولسا خلوص نیتـون
کــرب و بــلا بوردادی

حیدریم حیـدریم (ابوالفضل)(۲)
نوکـروین نوکریم (ابوالفضل)(۲)

عاشق مولا قاپوون
چاکــریم ابوالفضل

• جمعه
• 30
• آبان
• 1399
• ساعت
• 19:44
• نوشته شده توسط
• یوسف اکبری

ای ابوترابین-شیر دل بالاسی
لشگر حسینون-صاحب لواسی
باخ بو چشم گریانه
قلبیمیز دونوب قانه
الدخیل ابوالفضل الدخیل ابوالفضل

امتحان وئروبسن،سن وفا یولوندا
هر ندن گئچوبسن،آشنا یولوندا
گور نه صحنه لر وار،کربلایولوندا
صحنه لر غم افزادی-دلده غصه دریادی
الدخیل ابوالفضل الدخیل ابوالفضل

ای کشیده قامت،وی رشید علمدار
حامی عدالت،عاشق فداکار
الده قانلی پرچم،اول بیزه هوادار
صاحب علم مولا-قوللاری قلم مولا
الدخیل ابوالفضل الدخیل ابوالفضل

یوز وئرنده غصه،غملی دردمنده
سندن ایستر امداد،مشکله دوشنده
عرض ائدور جوانلار،قبریوه گلنده
یابن مرتضی عباس-یار شیعه یاعباس
الدخیل ابوالفضل الدخیل ابوالفضل

ای اولان منای،کربلاده قربان
قوللارون فداسی،اولسون اهل ایران
دامنون دوتوبدی،حامیان ایران
دامنون دوتوبدی،حامیان قرآن
سن یتیمووین جانی-آتما اهل ایرانی
الدخیل ابوالفضل-الدخیل ابوالفضل

• دوشنبه
• 10
• آذر
• 1399
• ساعت
• 22:25
• نوشته شده توسط
• یوسف اکبری

كربلا دشت غم افزادى بيوك بير وادى
شوره يردور شن و ماسيله دولوب ابعادى

چون كناريندن آخور نعره كشان شط فرات
اوردا شدتله اسر دائمى صرصر بادى

گورممشدى او زمانلار مدنى طبع بشر
عرض و طولنده نه بير شهر و نه بير آبادى

گاهى ايلوردى او صحراده عشاير اوتوراق
صورا آنلاردى نجه وادى جان فرسادى

ولى واضح يوليدى حاشيه ى نهر فرات
كوچ ائدنلر گوره هاردان هارا رهپيمادى

لوح تقديرده گويا اولونوب طراحى
مكريلن توليا شيطان بير ائوى بر بادى

دوندره كوفه يولندان اورا بير قافله نى
قورخوشا غائله دن فاطمه نون اولادى

اولارى دوره ليه ابن زيادون قوشونى
چاتا بش گونده اوتوز مين نفره تعدادى

چكه لر دور حسينه ايله مستحكم حصار
چاتميا بير يره مظلوملرون فريادى

ايكى نهرون آراسيندا اولا لب تشنه شهيد
اگننه قاره گيه اُم و أب و اجدادى

ديَن اولمادى يازوبسوز اونا دعوتنامه
نامه لرده ساييلان اون ايكى مين امضادى

قوناغ آديله ييغوب اهل و عيالين باشنا
گوييا هچ تانمور كوفى بد بنيادى

سنديروب بيعتى حيثيتوزى محو ائلدوز
تا حسينون آدى وار كوفه ليلر رسوادى

اولارون عده سى آزدور ولى ايمانى قوى
وئرمز اون مين نفره تك به تك افرادى

وار ولى توبيه مهلت گنه آخر گجه نى
او گجيكه سحرى محشر عاشورادى

او گجه لشگر غافل هامى گئتدى يوخيا
صبح اولوب گورديله ميداندا عجب غوغادى

بير شجاعتلى جواندور الى اللردن اوجا
علمى گوگده اَسور حمله سى برق آسادى

گورسنن بيرجه اوزون الدى بير عريان شمشير
برق و باد اوسته مينوب مركبى ناپيدادى

صفلرى صفحه ى كاغذ كيمى پيچيده ائدوب
گوييا يل داغيدوب پاره لنن اسنادى

بير آقا بير خانم اما دايانوب تل اوسته
گوره لر عرصه ى ميداندا نجه بلوادى

او خانم سسلور اوزون قوللارا زينب قريان
ئوزووى گوزله ابالفضل حسين تنهادى

گورديلر سد الينمور يولى دورت مين اوخ آتان
تيغى مرگ آور اوزون نعره سى خون پالادى

دئديلر خالى ائدون فورى فراتون يولونى
بو گرك سو آپارا خيمه لره سقادى

ئولن ئولدى داغلوب صفلر آچلدى سو يولى
نيتى خيردى چونكه عملى زيبادى

پرچمى ووردى يره يعنى فرات اولدى بيزيم
سويى آلديم اليه خيمه ده قيزلار شادى

بير اُووج گوتدى سو ايچسين دئدى اى نفسيم اوتان
حج عشقونده بو تقصيردى وار ايرادى

سويى آتدى يره فورا ائلدى مشكى پر آب
ايستدى شاه نجفدن ئوزونه امدادى

تشنه لب چيخدى سودان تشنه لرون خاطرينه
مرحبا گور نه گوزل درس وئروب استادى

خيمه لر سمتنه يول باشلادى نخلستاندان
شير هيجانى كمين ائتدى قضا صيادى

مرتضى قيتره بيلمزدى قضا پنجه سينى
اوغلنون هاردان اولار بير بله استعدادى

سالدى بير بير او اوزون اللرى دشمن تبرى
مشگى اوخلاندى هامى غمدن او غم عظمادى

اوخ آتان وئرمدى مهلت باخا سقا سويونا
چون قضا حمله ايده عكس العمل بيجادى

گوزلرين قان بوريوب مركبى ويلان دولانور
خيميه گئتسه بو احواليله واويلادى

يالوارور مركبينه خيمه سرادن اوزاق اول
تشنه لر گورسه منى روحيمه چوخ ايذادى

يوخدى مشگيمده سويوم خيميه سارى گئتمه
اولا شرمنده گوروم بو اوخ آتان شدادى

چست و چالاك دولان اللره سالما باشمى
بو باشون صاحبى نور بصر طاهادى

صبرون اولسا باشيمون صاحبى الان يتيشر
نفسى مشگ فشاندور دمى روح افزاى

گوزلورم شه گله تعظيم ايدوب اوندان يخيلام
قويمارام دورمه شه گلمسه هيچ جلادى

منتظردور او چتين وقت آلا قارداش سسينى
گوردى اوندان قاباق امداده گلن زهرادى

دئدى شرمنده دى دى عباسوه اوز وورما ننه
نوكرين گوزلرى چون منتظر مولادى

قوملار اوستى منه چوخ نوشيدى سينوندن آنا
چونكه سينونده يارون وار منه درد افزادی

• جمعه
• 5
• دی
• 1399
• ساعت
• 23:25
• نوشته شده توسط
• یوسف اکبری

تاقویدی قدم سقا،،اوقورخولی میدانه
قورخوشدی بوتون اعدا،،دوشدی هامی طوفانه
جنتده گلوب شوره،،سسلندی خانیم زهرا
سال دشمنی تیغونله،،سن آتش نیرانه
[ای شمع حرمخانه،،،،قربانون اولوم عباس
جانلارسنه پروانه،،،قربانون اولوم عباس]٭٭٭وام ازاستادکلامی

آل تیغ شررباری،،طوفانی عیان ایله
حیدرکیمی میداندا،،غوغانی عیان ایله
مخالــــف
قویماملشه قیزلار،،غمدن باتان اولدوزلار۲
گوزیولداقالیب عباس،،مخیمده آدامسیزلار۲
سسلن اوجاتکبیری،،چک غیضیله شمشیری
تئزعزم فرات ایله،،دشمن گوره تاشیری
ای شمع حرمخانه....

میدانه گلوب عباس،،اول علم اویناتدی
چکدی صوراشمشیری،،کیم گلدی قاناباتدی
سسلندی منم سقا،،یعنی یل عاشـــــورا۲
بیرمشک سوواخاطر،،،سالام بوچوله غوغا۲
من یل یل میدانم،،،آب آورطفلانم
عباسم علی اوغلی،،من نوکرسلطانم
ای شمع....

دریای فرات اوسته،،،مردانه علم ویرّام
مانع اولاسوزوالله،،یکسرهاموزی قیرّام
من دینه هوادارم،،اسلامه علمدارم۲
من لشکراحراره،،سرلشکروسردارم۲
ای جنگه گلن لشکر،،یوللاری آچون یکسر
بیرجرعه سووا خاطر،،مخیمده یانوراصغر
ای شمع.....

• دوشنبه
• 18
• اسفند
• 1399
• ساعت
• 22:43
• نوشته شده توسط
• یوسف اکبری

کیمدی بو قولاّری اوزون پهلوان!
پرچمینه بوسه ویرور آسمان
دریای عشق و احساس دور بو
یعنی غضبلی عبّاس دور بو
آقا ابالفضل – سقّا اباالفضل

واردی اوجا قامتی، شهلا گوزی
آی ندی؟ گوندنده گؤزلدور یوزی
حقّه طرفداریدی، حقدور سوزی
واله اولوب سطوتینه انس و جان

مرکز میداندا دایاندی عقاب
حضرت عبّاس ائدوبدور خطاب
دقّت ائدون بو سوزه ای شیخ و شاب!
وئرمرم هئچ ظالمه بیر آن امان

مارده سعداوغلی دئدی ای دغا!
جنگه گلوب زاده ی شیرخدا
لشکریمی قورخو دوتوب برملا
یوخدی حریفی دور اؤزون بو زمان

ساقه سولا عزم ائلیور تیر تک
سهمی بؤلور دل لری شمشیر تک
قؤرخوسو یوخ نعره چکور شیر تک
مثل علی تیغ چکور آن به آن

ماردِ بی جرأت و حق ناشناس
بی ادب و بی نسب و بی اساس
بیربیری اوستن گینوبدور لباس
عرصیه آماده دی اولسون روان

میندی آتین دیو خطرناک تک
عرصیه گلدی سگ ناپاک تک
قان گوزونی باغلادی سفّاک تک
لعنت اونا ایلَدی هر اِنس و جان

نیزه سینی آتدی او پست و دنی
شیرخدا اوغلی گؤروب دشمنی
دوتدی ایکی بارماقیلا نیزه نی
تیترَدی میداندا چو برگ خزان

نیزه¬نی وُوردی، او دنی¬فطرته
سالدی بو ایش هر گؤره¬نی حیرته
باخ او اوجا قدّه، قَوی قدرته
سسلدی احسن اونا پیر و جوان

حیف، او اوزون ال لره اولدی قلَم
دوشدی علمدارین الیندن علم
علقمین اطرافین آلوب درد و غم
آی بولود آلتیندا اولوبدور نهان

چاتدی حسین بن علی علقمه
گؤردی گلوبدور آناسی فاطمه
باخدیلا بیر قانه باتان پرچمه
آغلادی عبّاسه اولار باغریقان

سنده «بشیر»ا اوخی غم نوحه سین
یازما داها مشک و علَم نوحه سین
صاحب ایمان و کرَم نوحه سین
اولدی ابوالفضله حسین نوحه خوان

• چهارشنبه
• 18
• فروردین
• 1400
• ساعت
• 18:47
• نوشته شده توسط
• یوسف اکبری

ئورکلر یاره دی آخما رباب آوارده دی آخما
منِ بیچاریه رحم ائت وجودون چاره دی آخما

خیامه آز قالور آخما قوشون هی اَل چالور آخما
یارالی پیکریم هی ساغ صولا لنگر سالور آخما

سنی زینب جانی صبری ئورکدن آلما دای آخما
آنام امّ البنین باشین اشاقه سالما دای آخما

دوشوب بال و پریم آخما چالیخلور اصغریم آخما
تمام سرنوشتیم سن امید آخریم آخما

وفا پابندیم آخما آدامسیز بندیم آخما
رقیه مدن نچه گوندی ائله شرمندیم آخما

بو قلبی یاندیروب یاخما نفس سن روح سن آخما
طبیبیم سن مداوای دل مجروح سن آخما

بیلورسن یوخدی قوللاریم بیلورسن خستیم آخما
الیمدن هر نئیم گئتدی سنه دل بستیم آخما

شریک اولما بئله بیر ظلم و بی انصافیه آخما
طبیعی حالیدن چیخدی ردیف و قافیه آخما

منی عشقین طریقینده قصاص ایله ولی آخما
سن ای مهریه زهرا دئنن بیر یا علی آخما

چالیش بیر جرعون اخیامه یتیشسون عاقبت آخما
به عشق زینب و لیلا به حُکم معرفت آخما

اوجالت عباسوون باشین منه عزت گتیر آخما
ملر آهولره خاطر بیر آز طاقت گتیر آخما

منی کابوسیدن قورتار یتیر آمالیمه آخما
مروتدن اوزاق گزمه نظر سال حالیمه آخما

• چهارشنبه
• 5
• خرداد
• 1400
• ساعت
• 20:34
• نوشته شده توسط
• یوسف اکبری

ایّها القوم ظُلَم عالمه سردار منم
نائب منقبت حیدر کرار منم
.
هل اتی مخزنینین دُرّ ِ گرانمایه سیم
لافتا دُرجینه بیر لوء لوء شهوار منم
.
نقطه ذال اذا زُلزِلَتِ الْاَرضه ضمیر
قدرت قاهره قادر قهار منم
.
مقصد اَنْفُسنا، وارث فخر النُّجبا
قُل کفى’ آیه سینه محرم اسرار منم
.
آیه نصرُ مِنَ الله دا اولان فتح غریب
سیف برنده مسلول شرر بار منم
.
اِعْلَموا وَ اسْتَمِعوا ایّها الانصار یزید
کلمه نصرت حقّی ایدن اظهار منم
.
ضاربُ السَّيف، شجاعُ البَطَلِ الْمرتضوی
قاهرُ القومِ عدو، قامِعُ الاَشرار منم
.
سالک نَهجِ هدا مِنهَجِ مِنهاجِ وفا
لفظ یُوفون، ضمیرینده وفادار منم
.
و اَنا اِبنِ اسدالله ِ امام الثَّقلین
زادهء صف شکن سرور اَبرار منم
.
حُجَّة اللَّهه اَخی، بَلْ هُوَ قرآنِ مجید
فیض قرآن مبین شرحینه طومار منم
.
مشتری ویرماقا جان ، توکماقا قان مرّیخم
صاحب سیف و سِنان خنجر خونخوار منم
.
قمر برج عطایم در دریای سخا
نیّر چرخ ولا نورینه آثار منم
.
لقبیم ماه بنی هاشم اوزوم زهره جبین
شمس افلاک وفا مطلعُ انوار منم
.
مین عُطارِد یازا بولمز هنریم دفترینی
زُحلى طینت ایچون صاعقه کردار منم
.
کافدن قافه کیمین شوکتیمین شهرتی وار
عالم شوکت آرا میر جهاندار منم
.
بیر الیم آتش سوزان بیر الیم آب روان
دشمنه برق بلا، قاتل کُفّار منم
.
شاطریمدور ملکَ الموت، نَقیبیمدی قضا
کاروان هنره قافله سالار منم
.
دوتموش آفاقی جلالیم گوز آچون یاخشی باخون
تانیون حضرت عباس علمدار منم
.
قیلمشام جانیمه مین خنجر بُرّانی قبول
بو حسین قارداشیما یار و مدد کار منم
.
قویمسوز سوره توحید کیمی فرد و وحید
قریلوب یاور و انصاری اونا یارمنم
.
سالمسوز دایرهء محنته چون نقطهء نون
وَالقَلَم ، نونیدور ، ای قوم اونا غمخوار منم
.
بوکدولر قاف کیمی قدّ ِ برازنده سینی
مَدّ تک قافینین اوستونده هوادار منم
.
ای امامی بیله خوار اُلدورن اُمَّت تانیون
درگهینده بو شهین عبد گنهکارمنم
.
ایلیوبدور منی سقا بو جگر تشنه لره
خجلتیم چوخ ، الی بوش ، دیده سی خونبار منم
.
گلموشم اَل گوتوروب جانیدن ای قوم ظُلَم
مطلبیم وار بیله سودایه طلبکار منم
.
خنجر و نیزه سیزون ، سینهء مجروح منیم
نقدر اولسا وورون یاخشی خریدار منم
.
بیر باخون قولاریمی سالماقا آماده اولون
ثانیِ ناصرِ دین، جعفر طیّار منم
.
بیر بو مشکیم دولوسی قان آخیدون سینمدن
عوضینده سو ویرون جامیله، ناچار منم
.
ایچمرم من اگر اولسمده سوسوزدان اما
اُلدورون اُلماقا واللّهی سزاوار منم
.
قوریوب لبلری بیچاره سکینه یانوری
سو گتورَّم بو سوزی ایلین اقرار منم
.
اصغرین ناله سی اوچ گوندی چخوب افلاکه
کیمه دردین دیسون اول طفله پرستار منم
.
آپاروم سو ویروم اول طفله گلیم میدانه
دوغریون پیکریمی قانیله گلنار منم
.
اُلدورون سیز ایکی منصب ویریلن سرداری
هم علم صاحبی سقای دل افکار منم
.
ایلرم نظمیله تسخیر فصاحت چمنین
((قمری)) بزم عزا زینت اشعار منم

• چهارشنبه
• 5
• خرداد
• 1400
• ساعت
• 22:12
• نوشته شده توسط
• یوسف اکبری

ای جماعت حیدر ثانی منم
روز جنگین مرد میدانی منم

ارتش دینون نگهبانی منم
مرتضانین تیغ برانی منم

بو حسینون تشنه قربانی منم

من اوزمده قائلم شخصیته
گتمرم زیر بار منته
آچمارام دل سیز کیمی بی غیرته

من سویی الام آغیر بیر قیمته
سوقبالنده ویرن قانی منم

من علینون لاله رخسار اوغلیام
جنگ صفین ده علمدار اوغلیام

من قسیم جنت ونار اوغلیام
صاحب تیغ شربار اوغلیام

دولدوران سطوتله میدانی منم
من بوسلطانین وزیرجنگیم

بوسپاهین صاحب اورنگیم
سربلندم کربلا سرهنگیم

شاهمون شاهین سیمین جنگیم
غرق عصیانیم کریمی نسبتم
افتخاریم وار حسینی شهرتم

• یکشنبه
• 9
• خرداد
• 1400
• ساعت
• 17:24
• نوشته شده توسط
• یوسف اکبری

گل دادیمه آی قارداش قولسوز یخیلوب سقا
میـــدان بلا ایچره دوریمی آلـــــوب اعدا
سقایم و عطشانم - گل اصغره قربانم

ای نور دوعینیم گل قان اولدی بوگوزیاشیم
یوخ بیر جه منـــه یاور مظلـومیدی قارداشیم
گل آل منی آغوشه گور پارچالانوب باشیم
ای نور دل زهـــرا دوریمی آلوب اعدا

تیز گل باشیمون اوسته بیر باخ بطل الناسه
قربانین اولـــوم مولا سنده اولان احساسه
گل ال چالـــور اهل شر طعنه ورور عباسه
قولسوز یخیلوب بی کس علقمده قالوب تنها

قزلاره دنن عباس، قلبی دولی قــان اولدی
مشکون سویی آخدوخجا نم نـم اوزمان اولدی
شرمنده دی سیزلردن عباس اوزمان اولدی
یول گـــــوزلمسونلر اهــــل حرم طاها
عباسی یخانمازدی بوچولده یــــــره اعدا

جان تک سینمه باسدیم مشکیـمی مــن ای آقا
تا مشکه دگوب بیـــر اوخ باشه دولانــوب دنیا
عباسی یره یخدی شــرمنده لیک ای مولا

من هیچ دیمرم مولا اود دوتدی اورک یاندی
من هیچ دیمرم مشکیــم پاره اولوب اوخلاندی
من هیـــچ دیمـــرم سقا اکبر کیمی دوغراندی
تز گل دیورم قارداش گل گلدی ننم زهرا

من هیچ دیمـــرم سن تک بیر رهبره قربانم
من هیـــچ دیمــــرم شبـــه پیغمبــره قربانم
فخریم بودور آی قــارداش اصغریوه قربانم
چالدی ال ایاق تیز گل بو ساقی عاشورا

عفو ایله اگر قارداش آز اولدی سنه خدمت
عطشاندی بالا قــیزلر اولدوردی منی غیرت
من گیتملیـــم آقا گــــوزلور یولیمی جنت
ای پاره تن زهرا عفو ایت منی ای آقا
کانال اشعار کربلایی احمد پوریا

• چهارشنبه
• 23
• تیر
• 1400
• ساعت
• 13:11
• نوشته شده توسط
• یوسف اکبری

ای حیدرین بالاسی لبیک یا ابوالفضل
سرورلرین اقاسی لبیک یا ابوالفضل

ای نام و یادی ذکر لبلر اولوبدی هر دم
تاپدی بقای جاوید والله سنیله علقم
گوزلر دولار اسنده اول گنبد اوسته پرچم
سیزلار اورک یاراسی لبیک یا ابوالفضل

ترکلرده واردی والله آیری سنه ارادت
زنجاندا واردی عصر تاسوعادا قیامت
درگاهیوه گلوبدی اخلاصیله جماعت
بولاردی عشق گداسی لبیک یا ابوالفضل

مین کاتب اولسا یازسا گر حسنوی یازانماز
مین حاتم اولسا والله بیر منصبین آلانماز
یوسف گلوب ابوالفضل اربابیمه چاتانماز
محشردی چون آتاسی لبیک یا ابوالفضل

ای درمند سائل درمان ائدر ابوالفضل
ای مشگله دوشنلر احسان ائدر ابوالفضل
عشاقی کربلایه مهمان ائدر ابوالفضل
زیبادی کربلاسی لبیک یا ابوالفضل

وئرم سنی قسم من زهرایه بی نوایه
وئرم قسم اوشخص که وئردی اوزوک گدایه
بو جمعی دعوت ایله بیردفعه کربلایه
دوشموش باشا هواسی لبیک یا ابوالفضل

سالک گرک یولوندا تقدیم جانین ائتسین
دوز عاشقینده باید راه وفانی گتسین
غیرت آدین جوانلار بیرده گرک دیریتسین
کیملردی مدعاسی لبیک یا ابوالفضل

دوشدون کمند ظلمه اغیاره کربلاده
قول دوشجگین یتیشدی مین یاره کربلاده
ضعف سوسوزلوقا یوخ هچ چاره کربلاده
قویماز عدو جفاسی لبیک یا ابوالفضل

اتدان دوشنده الدی زهرا سنی قوجاقه
عرض ایلدین نه خوشدی بوسه ورام ایاقه
زهرا دیدی دئی گلسین اول غمکشه فراقه
قوزاندی تز صداسی لبیک یا ابوالفضل

تا سس گلوبدی زینب بی تاب و طاقت اولموش
گوردی حسین ابوالفضل بیر نچه قسمت اولموش
عرض ائتدی قارداشیمسان بو ایشده زحمت اولموش
سو گوزلرین فداسی لبیک یا ابوالفضل

چشم فلک گورنمز سن تک مثالی قارداش
قول دوشدی پرچمیندن دوشدون ارالی قارداش
دور باشین اوسته گلدیم سس وئر یارالی قارداش
وار صاق گوزون یاراسی لبیک یا ابوالفضل

• جمعه
• 15
• مرداد
• 1400
• ساعت
• 21:10
• نوشته شده توسط
• یوسف اکبری

تلی آشوب حیدره بنزر گلور
ایستور آللا خیبری حیدر گلور
ای یکه تازه میدان ابوالفظل
وی جانثار ه قرآن ابوالفظل ۲بار

رزمگهه قویدی علی اوغلی پا
خار ایلیه دوشمن قرآ نی تا
قرتینه صولتینه مرحبا
تکدی حسین بو اونا یاور گلور
ای یکه تازه میدان ابوالفظل
وی جانثار ه قرآن ابوالفظل 2بار

پرچم اسلامی آلوبدی اله
دوشمن ایچینده سالاجاق ول وله
قدرتینه لشکر ایدور هل هله
فتح ایلیه خیبری حیدر گلور
ای یکه تازه میدان ابوالفظل
وی جانثار ه قرآن ابوالفظل ۲بار

کربوبلا دشتینه مهما نیدی
کان کرم صاحب احسانیدی
پور علی یاور سلطانیدی
آچمیشدی قوش کیمی شهپر گلور
ای یکه تازه میدان ابوالفظل
وی جانثار ه قرآن ابوالفظل ۲بار

ام وبنین بسلدی آزاده دی
فخری بودی شاهینه دل داده دی
دینینه قرآنینه پابنده دی
گوردی قوشون حامی رهبر گلور
ای یکه تازه میدان ابوالفظل
وی جانثار ه قرآن ابوالفظل 2بار

شاهی حسیندی اونا سقا وزیر
یوخدی او مولایه جهاندا نظیر
نصر ومین الله علم الده اسیر
قلب یزیده ویرا خنجر گلور
ای یکه تازه میدان ابوالفظل
وی جانثار ه قرآن ابوالفظل ۲بار

شاهین اوتوز بش ایل اولوب همدمی
نهر فرات اوسته ویروب پرچمی
ایلیوب عاشق اوزونه عالمی
یوخدی اونا دهریده یاور گلور
ای یکه تازه میدان ابوالفظل
وی جانثار ه قرآن ابوالفظل ۲بار

• چهارشنبه
• 20
• مرداد
• 1400
• ساعت
• 17:42
• نوشته شده توسط
• یوسف اکبری

گل سینمه ابوالفضل قوی قدرتیم چوخالسین
دشمن مقابلینده قویما حسین قوجالسین

الله رضاسی قارداش آچ بیر گوزون یارالی
هم من یارالی قارداش هم سن اوزون یارالی
قدرت وِرَر حسینه شیرین سوزون یارالی
بیر نطقه گل دانش سن قوی شوکتیم چوخالسین

آچ گوزلرون برادر گور قالموشام نه حاله
الآن دوشوبدی قلبیم مین دردومین خیاله
دل بسته ام بولورسن آیدان گوزل جماله
اولماز رضا ملالیم هم محنتیم چوخالسین

دین پرچمی نجه اولدی اللرهایاندا قالدی
قلخانوه نه گلدی خنجر هایاندا قالدی
دور گور رقیه هاردا اصغر هایاندا قالدی
دورهمّت ایله قارداش قوی همتیم چوخالسین

سن نهری فتح ایدنده قلبیم توانه گلدی
صحبت سودان دوشنده اصغر ده جانه گلدی
اما سسون کسیلدی قزلار فغانه گلدی
سن ور دوباره قویما غم شرکتیم چوخالسین

وای حالیمه بوچولده سن دورماسان یارالی
باغبان اله یقیندور گللر سولار سارالی
بلبل چکر جفانی اما گلون خار آلی
من بلبلم قوی اجر جدیتیم چوخالسین

• پنج شنبه
• 21
• مرداد
• 1400
• ساعت
• 12:56
• نوشته شده توسط
• یوسف اکبری

خیرداجا قبره خلوصیله اورکدن وئر سلام
بی جواب ائتمز سلامی صاحب علم کلام
عبد صالحدی اونی الله ائدوب والامقام
عارف ایستور درک ائده معنانی درک ائتمز عوام
دوز چاغیرسا کیم گلور حتما صدا عباسیدن

حملیدن فارغ اولان ساعت خانم ام البنین
گوردی بیر اوغلان دوغوبدی ماهرو روشن جبین
شکر ائدوب عرض ایلدی ای خالق جان آفرین
حفظیده ساخلا بو مولودین توانا اللرین
سینه ی ام البنین تاپدی صفا عباسیدن

مرتضی دوتدی گرامی اوغلونون میلادینی
لطف ائدوب ام البنینه ایستدی نوزادینی
باخدی تقدیس ائتدی حضرت خلقتین استادینی
قوللاریندان بیربیر ئوپدی قویدی عباس آدینی
ناگران اولدی وصی مصطفی عباسیدن

تاپشوروب ام البنینه گوهر زیباسینی
ساخلا گل تک قویما توز دوتسون گوزل سیماسینی
بدنظر گلسه نشان وئرمه قوی اعضاسینی
پنجه های خصم گیر و قامت رعناسینی
غفلتون اولسون مبادا مه لقا عباسیدن

خوشدی یا ام البنین عباسیمون آینده سی
ذات معبودون اولار صدیق و صالح بنده سی
آسمانیدور شکوه و طالع تابنده سی
مرتضائیدور جلال و شوکت پاینده سی
حیدریت گورسنور حیدر نما عباسیدن

• جمعه
• 29
• مرداد
• 1400
• ساعت
• 11:11
• نوشته شده توسط
• یوسف اکبری

ویروب الله ئوزی چون عزّت حسین پرچمینه
کج باخمانماز، اؤدی هیچ قدرت حسین پرچمینه

کیم صفا صاحبی گر اولسا عزاده گورونر
واقعا دوز صود اَمَن رخت مصیبت بورونر
فاطمه اوغلی حسینون قاپوسیندا سورونر
آشناسیندن آلار دعوت حسین پرچمینه

خطّ شاه شهدا خطّ سعادتدی بیزه
پرچمی پرچم قرآندی امانتدی بیزه
باشمیزدا گورونن قاره شرافتدی بیزه
نطفه سی دوزلر اگوب قامت حسین پرچمینه

ساخلا بیگانه هله الده ریال و دلاری
سوؤمیوب رهبر فرزانه میز هرگز اولاری
دولاشوب مغزیده فکرون تانمورسان بولاری
والله عاشقدی بو جمعیّت حسین پرچمینه

نقدر آغلاسالار ماه عزا دویمازلار
پرچم نصر من الله یاتا قویمازلار
ایکی آی ایلده حسینیّه لری سویمازلار
ویرولار، کیمده اولا نخوت حسین پرچمینه

کوفه دن سرعتیلن دیلده محن چخدی حبیب
دردمندیدی گزوب قانلی بیاباندا طبیب
آستانینده یوزین قویدی همان مرد نجیب
دیدی کی پرچم حریّت حسین پرچمینه

گوردی رویاده حبیبی گجه بیر اهل کمال
آرزوسی ندی قلبینده گنه ایتدی سوال
گلدی گفتاره اجل ویرمدی دنیاده مجال
بزم یاسینده قویام صورت حسین پرچمینه

بو حسین مردم هشیاره بلوب رهبر اوزون
بو حسین شرح ویروب کُلّ پیامینده سوزون
بو حسین قاره غلامین یوزینه قویدی یوزون
چون اوپن وقته چکوب منّت حسین پرچمینه

نه عَلَم خانۀ صبریم محنیندن تالانوب
نه عَلم شخصاً حسین سایه سینه دالدالانوب
نه عَلم دشمنی گورجک اوره گی پارچالانوب
یارادوبدور یارادان هیبت حسین پرچمینه

#گریز #عباسیه_شهادت

رسمیدی پرچم آلار جنگینده سردار الینه
پرچم دینی حسین ویردی علمدار الینه
خم اولوب بوسه ویروب سیّد اخیار الینه
دیدی قاندان ویرَرَم زینت حسین پرچمینه

مرتضی گللرینی پرپر ایده یاغدی دولی
عاشر ماه محرّمده دوشوب صاق و صولی
ویردیلار حربه دوشوب توپراقا عبّاس قولی
دیرسگیله ایلدی همّت حسین پرچمینه

فاطمه گلدی دیدی توکمه یوزه گوزیاشووی
سالدی جنجاله فلک کرببلاده باشووی
دادوه سسله گله قَدّی کمان قارداشووی
سنده اوغلوم گورونوب خدمت حسین پرچمینه

هر گُلون یاخشیسنی دست قضا پرپر ائدر
باغبانی گوروسن غرق سرشگ تر ائدر
علمون لنگر ایدنده بدنون لنگر ائدر
ساخلا دوز دشمن ایدور دقّت حسین پرچمینه

تیترَه دَر قلب ائوینی اوخ یاراسی سوز یاراسی
یوخدی سنده آتون اوستونده هله یوز یاراسی
سنه دنیانی قارانلوق ایلیوب گوز یاراسی
قازانوبسان عجب حیثیّت حسین پرچمینه

گوزیوی آغریدوب اوخ اشک دولوبدور گوزومه
غاصب مُلک فدک سیلی ویراندا یوزومه
گورمیشم منده گوز آغری یانور عالم سوزومه
خون احمردور اوغول قیمت حسین پرچمینه

صفدن عشقون دیدی قول ویرمگه مردانه چخل
یورولوبسان گَل اوغول سنده بوداقیمده سخل
سینه مون یاره سی وار سعی ایله آهسته یخل
یاتماسون منده ایدیم شرکت حسین پرچمینه

بدنون قولسوز اولوبدور ویریلان داشلار ایری
عاشقه یاره نه ایلر اولا روحیّه دیری
سن یخل صاف قولوما ساری سینوب سُسدی بیری
گوسترک بیرده گوزل نیّت حسین پرچمینه

دئدی ای مادر فهمیده و صدیقه نشان
قانّیلار ایچره منیلن یانا یانه دانشان
تشنه لر حالی اباالفضلی ایدوب اشک فشان
گوزلرین تیکدی نچه عورت حسین پرچمینه

کاملاً اولمشام آگاه گذشته غمووه
دردوین تا دیمیوبسن چوخونی محرمووه
ویرمرم یاریوه زحمت دوشرم مقدمووه
قائلم زندگیده حرمت حسین پرچمینه

مرد وارستیم امّا دگُل انسان طرفیم
سعدون اوغلی نه بیلور دین مبیندور هدفیم
دئدون اوغلوم منه عالم بوئی آرتدی شرفیم
واقعاً بسته دی شخصیت حسین پرچمینه

عارفم روز ازلدن سوزی سوزدن سچه نم
پادگانینده حسین پرچمینه آند ایچه نم
پاک اولان عشقنه خاطر ایکی قولدان کچه نم
ویرموشام بوسۀ عبدیّت حسین پرچمینه

من حسینون آنا دنیاده نمک پروریم
آستانینده اوتوز دورت ئیل اولار نوکریم
ساتسالار عشقینی مین جانیم اولا مشتریم
قویمشام چونکه گرو غیرت حسین پرچمینه

ای «معزّی» گوزوین یاشی آخور صورتووه
یتیشرسن گون اولار دلده اولان نیّتووه
فاطمه حشریده پاداش ویرر خدمتووه
سیخلان وقته هامی امّت حسین پرچمینه

• شنبه
• 30
• مرداد
• 1400
• ساعت
• 22:54
• نوشته شده توسط
• یوسف اکبری

داده گل یا سیّدی یوخ اختیاریم من گلم
قولّاریم دوشدی بدندن قالدی بی صاحب علم

چوخ جسارت دور سنه من عرض ایدوم میدانه گل
گل یارالی نعشیمه باخ ناله و افغانه گل
تاجداریم حسرتیله دوندی باغریم قانه گل
اولمادی افسوس قسمت پای بوسه من گلم

دگمه سیدی مشکیمه اوخ گیتمه سیدی سو یره
محضریوه من گلردیم سورته سورته رو یره
یخدیلار آتدان منی بو فرقهء جادو یره
اِی کَلیم اللّهه وارث غرق دریای اَلم

من نه قدر ایتدیم بو مشکین حفظینه سعی و تلاش
گوزلریم دن اوخ دگیدی دگمییدی مشکه کاش
اولسا سو قُول سهلی دور ویرّم آقا مین دفعه باش
بیله سودا ایتسه دشمن ایلرم بیع سَلم

توکمرم بو صون نفسده بی سب گوز یاشیمی
بوندان اوتری سالّام آخِر زحمته قارداشیمی
بیر ایاقون آلتنا سورتم یارالی باشیمی
سن گوزیم دن لخته قان، من گرد ایاقون دان سیلم

بیرق اسلامه بولموش دون منی زیبنده سن
یاتماسون بلکه بو بیرق ایلدیم چوخ سعی من
نیلیوم گوردوم کسیلدی چارم ای شاه زَمن
اقتداریم گیتدی الدن قولّاریم اولدی قلم

ساچموشام سُنبل کیمی اوخ سینه ده بیر دسته من
ایتمیشم کوشش دفاعه اولموشام چوخ خسته من
سسلرم اَدرِک اَخاکَ یا اَخی پیوسته من
وار امیدیم گل جمالون بیرده گورسم دین جلم

وار باشیمدا شورِ عشقیم ای شهِ مُلک حجاز
گل غلامون قیل اوزون دشمن یانندا سر فراز
ایلرم مولا یوزوم اوسته جنابون پیشواز
گر اسه بادِ خزان هنگام تشریفون بُولم

من اگر بولسیدیم اولّام بیله سندن شرمسار
قیزلارا سو وعده سی ویرمزدیم ای شاه کُبار
مشکیمی گورسه سکینه یاخشی درک ایلر نه وار
چوخ تقلّی ایتدیم امّا قویمادی قوم ظُلَم

آغلا (شانی) یالوار عبّاسه گینه بخت اولدی یار
مُشکلون حلّ ایلسین مُشکل گشایه یادگار
فکریوی ایلوب پریشان بو وفاسیز روزگار
یوخسا عاجزلر نه نطقون نه گیدر تابِ قلم

• یکشنبه
• 14
• شهریور
• 1400
• ساعت
• 13:09
• نوشته شده توسط
• یوسف اکبری

علمیم یاتدی یتوب صدمه علمداره باجی
آی باتوب گون دوتولوب اولدی گونون قاره باجی

ائتدی بو نوعی له ئوز جانینی جانانه نثار
اولمیوب دور باجی بیر صید ایله صیاده شکار
تا جهان واردی جهان اهلى او احواله یانار
منده یانّام او هنر صاحبی سرداره باجی

شاهه مشکلدی باجی جنگده سردار ئولومی
خاصه عباس کیمی یار وفادار ئولومی
بئلیمی بوکدی منیم قول سوز علمدار ئولومی
آخدی خون جگریم اشکیله رخساره باجی

کیم من زارهِ ابوالفضل کیمی همدمی دی
هامی اسراری مه عباس منیم محرمی دی
نجه بیر محنتیم اولسیدی شریک غمی دی
یاخشی غمخواریدی بو دیده سی خون باره باجی

نه قَدَر الده علمدارون اَسَردی علمی
یوخودی قیزلاری مون دلده ملال و المی
یِری وار وحشته سال سون بو غم اهل حَرَمی
چوخ مؤثّردی بو غم عترت اطهاره باجی

خیمیه قارداشیمون گلدی او ساعت که سسی
چوخ شتابی له باجی گیتدیم اولام دادرسی
دورہ سین دشمن آلوب گوردوم او آخر نفسی
منتظر دور ایله وقته بو دل افکاره باجی

گلمیوب عالمه بیر بیله وفا کانی جوان
خدمتین کامل ایدوب دین خدایه باجی جان
قالمیوب پیکر عباس دن آثار و نشان
او قدر یاره ووروب دشمن او بې یاره باجی

ایندی حقون وار اگر ایلیه سن داد و نوا
دوتاسان خیمه ده سقای لب عطشانه عزا
ایله بیر حاله اونی سالدی لا بو اهل جفا
یِری وار آغلیاسان قول سوز علمداره باجی

پوزمام یشدی منی عباس تک اکبر مُحنی
سالماموشدی غم اصغر بیله بیر حاله منی
ایندی واضح گورورم قید أسارتده سنی
دستگیر اولماقا بو لشکر کفّاره باجی

جسم عباسی گورن غرق اولى بحر مُحنه
او قدر یاره ووروبلار باجی اول گل بدنه
دوندروب جسمینی اوخ زخمی پوزول موش چمنه
باخان آغلار ایله بیر جسمِ چمن زاره باجی

گر چه دلدن اونی سالموش دی باجی اوخ یاراسی
حسرت اولدی ولی اولمادی یانندا آناسی
بیر گوریدی نجه قان ایچره وِئرور جان بالاسی
آغلیی دی آناسی تا او وَفا داره باجی

(ذوقی) تا وار نفسون شام و سحر ایله نوا
دوتا هر کیم سَنَه صدقیله ابوالفضله عزا
روسیه قویماز اولا خالق اونی روز جزا
باغ جنّتدى عوض اجر عزاداره باجی

• پنج شنبه
• 18
• شهریور
• 1400
• ساعت
• 18:41
• نوشته شده توسط
• یوسف اکبری

یانام باخارام بو یارالی پیکره قارداش
خندان گوله بنزر داغلوب چوللره قارداش

جسمونده چاتوب باش باشا سنبل کیمی اوخلار
وار هانسی چمنده بیله خوش منظره قارداش

دور گور نه قیامتدی بو گون خیملریمده
یردن اوجالوب ناله سسی گویلره قارداش

یاتدی علمون سیندی بلیم چارم آزالدی
ایوای منه وای عترت پیغمبره قارداش

دشمنلر ایچینده گوروسن یالقوزام ایندی
دور ایله حمایت من،بی یاوره قارداش

دعوا گونی سن شیریدون ای شیر شجاعت
سن وارثیدون شیر خدا حیدره قارداش

دور آل اله شمشیریوی دشمن قاباقین کس
ای غالب اولان جنگده بیر لشکره قارداش

آیا بو او الدور هامی اللردن اوجیدی
قطع ایتدی قضانین الی سالدی یره قارداش

بیر گون قورولار محکمه عدل الهی
قهریله دگر ارض و سما بیر بیره قارداش

فریاد او گون داد او ساعتدن ابوالفضل
بو اللری زهرا گتوره محشره قارداش

بیر اوزگه قیامت اولی محشر گونی برپا
باخدوقجه آنام فاطمه بو اللره قارداش

چون امته اسباب شفاعت بو اللر
محبوبیدی درگاه حق داوره قارداش

قیلام بو کسوک اللرینه منده شفاعت
محشر گونی (صحاف) الم پروره قارداش

• یکشنبه
• 11
• مهر
• 1400
• ساعت
• 19:04
• نوشته شده توسط
• یوسف اکبری

خیمه لَرده نِگران واردی عَلمداریم اُویان
گُوزی یُوللاردا قالان واردی عَلمداریم اُویان
تَشنَه سَرداریم اُویان یار و غَمخواریم اُویان

ای عَلمدارِ سپاهیم نه یاتُوبسان گُوزون آچ
ای بَنی هاشم آیی قاندا یاتوبسان گُوزون آچ

آفتابِ حَرمی گُوزدَن آتُوبسان گُوزون آچ
دِلدَه نه تاب و تَوان واردی عَلمداریم اُویان

اُوخ دَگُوب مَشگیوه اِی غُصّه لَی سقّای حرم
قول دوشوب بیر طَرفه بیر یانا مَشگَیلَه عَلم

باشیوا یاره وُروب عَرصه دَه بُو اَهلِ ستم
کاسهء چِشمیدَه قان واردی عَلمداریم اُویان

آفرین عِشقیوه اِی اِمّ بَنینون بالاسی
اَفسَرِ عِشقیدی باشوندَه عَمودین یاراسی

آه و نالیلَه دولوب خِیمه و میدان آراسی
لَبلرونده هَلَه جان واردی عَلمداریم اُویان

سَنه مَعنادَه آنام فاطمه آغلار یارالی
زِینبیم نُوحه دِیُوب عالَمی داغلار یارالی

مُرتضی اِیندی گَلر یاره وِی باغلار یارالی
غَمِ هجروندَه یانان واردی عَلمداریم اُویان

کاسهء اَشگیمی بیر بِیله گُوزومدَن جالاما
غَم غَم اوُسته دِلِ آل اللهه قارداش قالاما

کیم تَسلّی وِیره جاق اِیندی رقیّه بالاما
چوخ اُورکدَه ضَرَبان واردی عَلمداریم اُویان

گُونی سالدون غَمَه اِی ماه عَجب باتدون اؤزون
پَرچمِ نَصر من اللّه کیمی یاتدون اؤزون

پارچالانمش باشیلا حیدره اوخشادون اُزون
کیمده بیر بِیله نِشان وِاردی عَلمداریم اُویان

• شنبه
• 14
• مرداد
• 1402
• ساعت
• 22:42
• نوشته شده توسط
• یوسف اکبری

زینبیم نهر فرات اوسته سپه داریم ئولوب
کسیلوب قوللاری غیرتلی علمداریم ئولوب

قره معجر باشووا باغلا باجی
گیت اوتور قارداشووا آغلا باجی

یارالار سینه سینون اوسته گلستان کیمیدی
او قدر اوخ توخانوب جسمی نیستان کیمیدی
گوزلروندن ایراق اولسون او قدرداش وورولوب
پیکری شان شان اولوب زلف پریشان کیمیدی

قره معجر باشووا باغلا باجی
گیت اوتور قارداشووا آغلا باجی

داش دگوب آلنینا گل صورتینه قان توکولوب
ساحل معرفته فکر ایله مرجان توکولوب
آیریلوب عضولری قارداشیمون پیکردن
ایله بیل آیه به آیه یره قرآن توکولوب

قره معجر باشووا باغلا باجی
گیت اوتور قارداشووا آغلا باجی

باشا چیخماز بیلورم باجی بلاسی باشیمون
ئولمینجک قوروماز چشمه‌لری گوز یاشیمون
مین ائیل عمریم اگر اولسا سویا حسرت باخارام
سو کنارینده سوسوز جانی چیخوب قارداشیمون

قره معجر باشووا باغلا باجی
گیت اوتور قارداشووا آغلا باجی

لایق شانی ابوالفضلیمه غم بزمی قورون
گیینوز قاره ادبلن دیزی اوسته اوتورون
آناسی ام بنینون عوضینده ملشون
سینه‌سی پارچالان قارداشیما سینه وورون

قره معجر باشووا باغلا باجی
گیت اوتور قارداشووا آغلا باجی

باشین آلدیم سینمین اوسته دیدیم جان قارداش
قیزلاریم گوزلروون قانینه قربان قارداش
گوردوم آهسته دیور آی گوزیمون نوری حسین
ئولورم باشیمون اوسته اوخی قرآن قارداش

قره معجر باشووا باغلا باجی
گیت اوتور قارداشووا آغلا باجی

دیدیم آچ گوزلرووی وصلوه حسرت چکورم
او گوزل گوزلرووه باخماقا منت چکورم
ممکن اولسا دیدی سنده گوزووی باغلا حسین
یوزیمه باخما الیم بوشدی خجالت چکورم

قره معجر باشووا باغلا باجی
گیت اوتور قارداشووا آغلا باجی

آغلیوب یاره لرین قلبیمی یارما ئولورم
گوز یاشیلان بو بیابانی سووارما ئولورم
سنی ویرّم قسم اللرده ئولن فاطمیه
منی اکبر کیمی اخیامه آپارما ئولورم

قره معجر باشووا باغلا باجی
گیت اوتور قارداشووا آغلا باجی

قلم اولسیدی یازاردیم علمون سینه سینه
سوزلریم اود توکه اهل حرمون سینه سینه
گوردی دشمن منی قولسوز باشیما وردی عمود
یوزی اوستونده یخلدیم ننمون سینه سینه

قره معجر باشووا باغلا باجی
گیت اوتور قارداشووا آغلا باجی

• چهارشنبه
• 18
• مرداد
• 1402
• ساعت
• 01:24
• نوشته شده توسط
• یوسف اکبری