اشعار حضرت ابالفضل(ع)

عشق سرگردان قالار عشق ابوالفضل اولماسا
واژه لر پنهان قالار مشق ابوالفضل اولماسا

معصیتده غرق اولار امت ابوالفضل اولماسا
گون به گون گوزدن دوشر غیرت ابوالفضل اولماسا

هانسی مجلسده اگرذکر اولماسا زیبا آدی
مُستَمِع روحیه تاپماز مجلسون اولماز دادی

رشته مهری قیریلماز ، محکم وپیوسته دی
شیعه لر مین دورد یوز ایلدور عشقنه وابسته دی

سینه زنلر شوره گلدوکجه دیللّر جان آقا
غیرتون قربان ابوالفضل ، عشقوه قربان آقا

عشق عباس اولماسا عاشق مسیریندن دونر
مشعل پرنور حریت اورکلردن سونر

پاک وبا تقواخانملار اورگدر اولادینی
اولیندن عاشق عباس ایدر نوزادینی

عشقنون مستحکم ایلر گوزیاشیلا پایه سین
اهلبیته وقف ایدر الده

• دوشنبه
• 3
• تیر
• 1398
• ساعت
• 10:27
• نوشته شده توسط
• ابوالفضل عابدی پور

احسن سنه ای حیرته دنیانی سالان قول
هر قولدان اوجا جنگده عرشه اوجالان قول
.
.
احسن سنون اقبالیوه ای شهر مدینه
احسن بو قولی بسلین اول ام بنینه
احسن سنون اول دوشدوگون علقمده زمینه
تپراقی تبرکّدی ئوزی قبلۀ حاجت
خوشبختدی هرکس او یری ائتسه زیارت
.
.
احسن بو قولا سایه حسین باشینه سالدی
دین پرچمنی دشت بلاده اله آلدی
بیر قولدی ئوزی دوشدی یره پرچمی قالدی
بیر مشک سو اوستونده ئوزون تپراقا آتدی
ارزان ساتیلیب لیک آغیر قیمته چاتدی
.
.
احسن بو قولا صحبتی دیلدن دیله دوشدی
قول دوشدی قولون صاحبی الدن اله دوشدی
قول دوشدی علم دوشدی حسین مشکله دوشدی
دورت یرده امام اوپدی علمدار قولوندان
افضلدی بو قول جعفر طیار قولون

• یکشنبه
• 27
• مرداد
• 1398
• ساعت
• 13:34
• نوشته شده توسط
• ابوالفضل عابدی پور

از زبان امام (ع)

آی آتام حیدرین یادگاری
آی بنی هاشیمون افتخاری
یاتما قوملارایچینده یارالی
آچ گزون خیمه لر پاسداری
بو قوجا لمیش قارداشیندان دویما قارداش
سنده اکبر تک منی نک قویما قارداش
جان ابوالفضل جان ابوالفضل جان ابوالفضل

از زبان حضرت عباس(س)

وای منه سن پریشان ائلوبسان
اللرووی بلووه قویوبسان
بو مروتسیز اعدا الیندن
دار فانیدن آقا دویوبسان
نوکرم جان ائتمیشم سلطانه قربان
آغلاماز نوکر باشی اوستونده سلطان
جان ابوالفضل جان ابوالفضل جان ابوالفضل

از زبان امام(ع)

آغلاما تشنه لر دادخواهی
برج عشقین درخشنده ماهی
مکتب ختم مرسل یولوند
اوچ پر اخلان سینان سجده گاهی
لشگر دینون گزل صاحب لواس
دور بوکولموش

• چهارشنبه
• 20
• شهریور
• 1398
• ساعت
• 13:36
• نوشته شده توسط
• ابوالفضل عابدی پور

ای که عباس آدینا آغلیوسان
سینوی چاک ایلیوب داغلیوسان
مشکلین اولسا اوزی حل اولاجاق
چون خلوصیله قاپو باغلیوسان

دردینی هرکیم ابوالفضله دیه
اگنینه وقت عزا قاره گییه
حاجتون حتمی روا ایلیجاق
آند اولا اوز ننه سی فاطمیه

گل که درمانه سنون وار نیازون
چوخدی درد دل و سوز و گدازین
آند وِر عالمی دلگیر ایلین
سود امر اصغرین اوخلی بوغازین

سویله دی دردینی عباسه رباب
یاردی سوز قلبینی چون تیر شهاب
بولدی اصغر که سو سوزدان یانوری
ایلدی غم دل سقا نی کباب

• جمعه
• 22
• مرداد
• 1400
• ساعت
• 16:57
• نوشته شده توسط
• یوسف اکبری

به سبک(قدم قدم با یه علم...)

کان کرم صاحب علم
آچ گوزوی باخ منه سقای حرم

صاحب علم ماه حرم
کیم بو اوزون قوللاری ایلوبدی قلم

ای سرویم نه گلوب خوللاره
من قربان بو دوشن قوللاره
طوفاندی خیمه ده آی قارداش
قیزلاریم گوز تیکوب یوللاره

قان اولدی غصه دن گوز یاشیم
دلداریم مهربان قارداشیم
سن سیز من نیلرم بو چولده
آی منیم قهرمان قارداشیم

آی یارالی جان یارالی
اوخ داغیدان بو گوزه قربان یارالی

قلبیم اولوب قان یارالی
قیل منی بیر بوسیه مهمان یارالی

قان ایچره یاتما ای مهپاره
هجروندن قلبیم اولدی یاره
دشمنلر ال چالور میداندا
دور قارداش قالمیشام آواره

ای شمع عشقیمه پروانه
بی شهپر دوشموسن میدانه
قان وئردون پای نخل دینه
جان وئردون دولت قرآنه

آی گوزلیم آرخام ائلیم
گل منی تک قویما اخا سیندی بئلیم

منله دانیش سولدی گولوم
اوغلوم ئولوب خونجگرم یاندی دلیم

سن گئتسون یوخدی پرچمداریم
دور یاتما ای سپه سالاریم
من نئجه تک گئدوم اخیامه
یول گوزلور باغریقان قیزلاریم

عالمده یوخ سنه تای قارداش
بی یار و بی کسم آی قارداش
تا گوردوم قطع اولان قوللارون
ال بئلده سسلرم وای قارداش

• جمعه
• 30
• آبان
• 1399
• ساعت
• 19:56
• نوشته شده توسط
• یوسف اکبری

رزمیده شاخص نفرلر وقت حسّاسینکیدی
یوللیون گلسون کیموز وار نوبت عباسینکیدی

لشکر قرانیده سر لشکر آختارسوز منم
جنگجوی ماهر و نام آور آختارسوز منم

گزدیگوز بازاریدن حاصل زیان محضیدور
معرفت گنجینه سینده گوهر آختار سوز منم

نوجوان سربازیمیزدن سیلی ازرقلر یئدی
غیرت سربازی گوردوز افسر آختارسوز منم

پرچم اللهُ اکبر منده ایمان منده دی
حمزیم من، مالکم من، جعفر آختارسوز منم

نعشیمین اوستن گرک کئچسین خیامه چپ باخان
جان نثار عترت پیغمبر آختارسوز منم

نهضت اسلامیده رهبر حسیندور والسّلام
رهبر اسلامه امّا نوکر آختارسوز منم

گلمیشم دعوت یازان خلقه وفا درسین وئرم
هر زمان آداب وجدان پرور آختارسوز منم

اکبرین گوردوم باشین ئولدوم دیریلدیم دینمدیم
صبر امامت امریدی فرمانبر آختارسوز منم

رخصت پیکار آلاندان آیری بیر حالتدیم
بو بیاباندا خروشان صرصر آختارسوز منم

آچدی شه قولاریمی عمروز کتابین باغلیام
قبض روح استادیم شیر نر آختارسوز منم

اکثراً خاطرلروزده ذوالفقارین زخمی وار
بو مسلّم مطلبه شاهد گر آختارسوز منم

گورمیوب کیم خیبری میدانه گلسین گورسدیم
یوخ خبر مرحب لروزدن حیدر آختارسوز منم

روح بی تابیمده رستاخیز غیرت باشلانوب
محشر آختارسوز منم ویرانگر آختارسوز منم

• شنبه
• 15
• آذر
• 1399
• ساعت
• 23:04
• نوشته شده توسط
• یوسف اکبری

ای ابوالفضل ای یل پر اقتدار کربلا
ای وزیـر با وفای شهـریار کـربلا

آدیـوه جـانـلار فـدا
ای یـل کـربـوبـلا
اولموشوخ عشقونده بیز
بیقــرار و مبتــلا

« عباس »

عترت آل الهیـن دلدار و هم غمخواریسن
سن حسین ابن علینون با شرف سرداریسن
یاور و غمخـوار و هم قوتلی پرچمداریسن
تیغـة مـارد کُـش تـو زوالفغـار کربلا

اَ اُ خَــیَّ - اَ اُخَــیَّ - اَنَـتَ طَیــارٌ الحُسَینـی
اَنَـتَ صَـاحِـبٌ لِـوایـی اَنـتَ روحٌ نُـورٌ عَینـی
ذاقَ صَبــری اَ اُ خـیَّ اَنتَ شَمسُ الثَـقَلـَینـی
جنگیلـر اصـلانی سن ای بیقرار کربلا

سـن کمـان معـرفتـده شـاه دینـون تیریسن
سن حسین ابن علینون قان توکن شمشیریسن
مرتضا تک صف شکن سن ؛ بی مَهابا شیریسن
شیر دشمن اَفکن و هم بی مهار کربلا

آدیـوه قـربان اولـوم ای یـادگـار مـرتضا
ای بـلا گـردان دشت پـر بـلای نینـوا
دالـدالانـدی سـایـوه شـاه غریب کـربلا
اولدون الحـق کربلاده افتخـار کربلا

سـن عـزیز جان زهـراسن اَیـا باب الکرم
افتخار ایلر سنه هم مشک هم قانلی علم
دینه خاطر قولارون بیر بیر اولوب تنن قلم
آغلادی قولاریوی گورچک او یار کربلا

• دوشنبه
• 6
• بهمن
• 1399
• ساعت
• 22:40
• نوشته شده توسط
• یوسف اکبری

ای علمداریم اویان
تشنه سرداریم اویان
تکلیوب اعدا منی
شیر پیکاریم اویان

یاندی غملردن دیلیم-- دور اخا سیندی بئلیم
قویما تک یالقیز حسینی،باوفا یاریم
پاسدار اهلبیتیم،ای علمداریم
------------------------
اوچ پر اوخ یخدی سنی
قویدی بی یاور منی
نوفلین سینسین الی
پوزدی نظم گلشنی

دگدی باشونن عمود--تیتردی کون و وجود

سیندی باشون کاسه سی،غیرتلی سرداریم
قالدی بی یاور رقیه، دور هواداریم

پیر عاشورا قالوب
دورینی اعدا آلوب
باخ عزیزِ فاطمه
عرصه ده تنها قالوب

اصغریم جان اوسته دی--یاتمویوبدی خسته دی

صودامر والله دوزنمز،قورخورام اؤلسون
تشنه لبدی قورخورام اصغر بالام اؤلسون
--------------------
قالدی بو طفلان اویان
قیزلاریم عطشان اویان
من هله هئچ زینبون
اولدی سرگردان اویان

یوخدی والله چاره سی--ویرسالار دیل یاره سی

چوخ چتیندی چون شماتت،شیر میدانیم
پاسدار اهلبیتیم تشنه اصلانیم
-------------------
بو حسین سوداسیدی
یوم عاشوراسیدی
قتلگاه کربلا
گورنه خون دریاسیدی

عهدیوه ایتدون وفا--قهرمان کربلا

مرحبا امّ البنینین قهرمان اوغلی
اهلبیت مرتضانین مهربان اوغلی

• سه شنبه
• 28
• بهمن
• 1399
• ساعت
• 22:47
• نوشته شده توسط
• یوسف اکبری

دورایاقه ای علمداریم قالمیشام تنها
گوزلریمده ای سپهداریم تاراولوب دنیا
تشنه قیزلاریم سنی گوزلورمنتظرقویمااوقیزلاری دورگئدک قارداش
قهرمان قارداش منی دیندیر قالمیشام ایندی بوصحراده بی کمک قارداش
دورای یاوریم عباس قالمیشام تنها
قالیب خیمه ده قیزلارین گوزی یولدا
آرزیم اولوب زای قارداش،،وردیم اولوب وای قارداش،،سس وئرمنه آی قارداش
آرخام ائلیم اباالفضل،یاندی دلیم اباالفضل،،سیندی بلیم اباالفضل

زینبیم آغلورفراقونده ایلیورافغان
سالدی گردابه گوزل قارداشیم سنی طوفان
حالیمه آغلارآنام زهرا،،سینه سین داغلاربابام حیدر،،باغ جنتده
لشکریم سیندی ییخیلدون سن،،ال چالورقارداش گولوردشمن،،کنج غربتده
اگیلدی بئلم قارداش باشون اوستونده
یانوربودلیم قارداش باشون اوستونده
آرزیم اولوب زای .....

مشکووه قارداش ویروبلاراوخ فرقه ی کافر
قانیلن دولموش وفاداریم بوقراگوزلر
باشووی گویایاروب نوفل،،قانی بند اولمورنئدوم قارداش،،قالدیم آواره
قوللارون تندن سالیب دشمن،اوخ دگوب بیحدسومشکیندن،،ایلیوب پاره
سنی قیزلاریم گئتسم گرخبرآلسا
جوابیم ندورهامّی منتظرقالسا
آرزیم اولوب زای....

ای علمداریم بودنیاده یاوریم سنسن
یاتماای سقاوفالی آب آوریم سنسن
دورسوسوزلوقدان یانوراوغلوم،،
آغلیوراصغرسالوب غوغا،،سینه سوزاندی
یوخدی هئچ چاره آناسیندا،،
آغلیان گوزلرقالوب یولدا،،غرق افغاندی
دیورآهیلن لای لای آغلامااصغر
گئدوبدورسوواسقای ملک منظر
آرزیم اولوب زای.....

گل بیانه ای هواداریم قارداشون دیندیر
دیللن ای شانلی علمداریم قارداشون دیندیر
تاسسون گلسون قولاقیمه،تازه جان گلسون بوجانیمه،،قهرمان عباس
حالتون ایلوربوماواده،،بوکمکسیزقارداشون والله،،باغریقان عباس
باشون اوسته ای یاریم من نواخوانم
گولوردشمنیم اما دیده گریانم
آرزیم اولوب زای......

• دوشنبه
• 18
• اسفند
• 1399
• ساعت
• 22:30
• نوشته شده توسط
• یوسف اکبری

سقایم و هم نوکرحسیـــــــــــنم
خدمتگذارمضطرحسینم
من به شوروشینم٭عاشق حسینم
من زاده ی شیر خدایم
سقای دشت کربلایم

من میکنم جان رافدای جانان
سرمیدهم درراه دین و قرآن
من علم بدستم٭پای دین نشستم
من مظهرعشق ووفایم
سقای دشت کربلایم

راه حسین باشدره و مرامم
نامش همیشه زینت کلامم
سربدارعشقم٭بیقرارعشقم
سرباز اردوی ولایم
سقای دشت کربلایم

ترکی

کرب وبلاده یاورم حسیـــــــــنه
عشق عالمینده نوکرم حسینه
من سفیرعشقم،،من اسیرعشقم
سرلشکر اردوی غیرت
عباس آدیمدور ای جماعت

سوقولی وئردیم آل بوترابه
اصغرآناسی غصه لی ربابه
قیدظلمی قیرّام،،قوولوم اوسته دورّام
من ایلرم اسلامه خدمت
عباس آدیمدورای جماعت

آلسام اله گرتیغ جان شکاری
کوفه سپاهین ایلرم فراری
حقه جان نثارم،،زاروبیقرارم
واردوررگیمده خون غیرت
عباس آدیمدورای جماعت

• دوشنبه
• 18
• اسفند
• 1399
• ساعت
• 22:33
• نوشته شده توسط
• یوسف اکبری

رزمگهه تاقویوب قدم،فارس میدان کربلا
لرزه سالوبدی قدملری،تیتره دی صحرای نینوا
سسلندی اناالعباس،،ای طایفه ی خناس
منم عباس باوفا،،،،پسرشاه لافتی
عشق اهلینه سردارم،،
غیرتلی علمدارم
گلمیشم آپارام سوخیمه گاهه
اطفال دلخسته و بی پناهه
اباالفضل اباالفضل جانم ابالفضل

امرالیوب شاه دین منه عزم فرات ایلیم بوگون
نهری آلیب مشکی دولدورام جامه ی عزت گییم بوگون
من نوکرمولایم،قیزلارینه سقایم
یولومون اوسته دورمیون
رشته ی بختی قیرمیون
گوزلوریولومی قیزلار،،مخیمده آدامسیزلار
صفلرین نظمینی بیربیره ویرّام
دریادن مشکیمی آخردولدورّام

سیزاُموی زاده بنده سی من آقاما شانلی نوکرم
بیرباخیشین کل عالمه آنداولااللهه وئرمرم
غمخوارحسینم من،سردارحسینم
آقاماعبدصادقم،،،اوناجاندان من عاشقم
پیمانه وفادارم غیرتلی علمدارم
خیمه ده سویوخدی عطشاندی قیزلار
گوزی یولداقالوب یکسرسوسوزلار

اُم بنین اوغلیام بیلون افسرجانبازمکتبم
خیمه لرون پاسبانیم فخریله سرباززینبم
من یل یل میدانم،من تَرک سروجانم
پسرشاه لافتی،،،منم عباس باوفا
دلداده یمولایم قیزلارینه سقایم
چپ باخسازاخیامه گلّم نوایه
قانوزی توکرم کرب وبلایه

• دوشنبه
• 18
• اسفند
• 1399
• ساعت
• 22:36
• نوشته شده توسط
• یوسف اکبری

نیروی دوبازوی حسین*سرلشکراردوی حسین
عباس توانا
سقای دلارای حرم*تارزمگهه قویدی قدم
قاچدی هامی اعدا
سسلندی یکسر*گویده ملکلر
عباسه احسن*الله اکبر۲

سسلوردی منم پورعلی*سرمست سبوی ازلی
بیمارحسینم
اسپهروفاده قمرم*بومنصبیمه مفتخرم
غمخوارحسینم
فرزندامیرنجفم*اسلامه گوره جان به کفم
سردارحسینم
سسلندی یکسر*گویده ملکلر
عباسه احسن*الله اکبر

من رخت جفاگیمه میشم*ظلم اهلینه باش اگمه میشم
آزاده مرامم
من عشقه ریاقاتمامیشام*دیناره شرف ساتمامیشام
برنده کلامم
آگاه اولون ای قوم کفر*شاهیمدی شه تشنه جگر
من عبدوغلامم
سسلندی یکسر*گویده ملکلر
عباسه احسن*الله اکبر

بانگ اناالعطشان اوجالوب*اوچ گوندی عطشدن سارالوب
آلاله و یاسیم
شمشیریمی گرآلسام اله*امرایلیه جنگ وجدله
اول مفخر ناسیم
ای طایفه ی پست ودغا*مین مین گله سوز گرقاباقا
یوخ ذره هراسیم
سسلندی یکسر*گویده ملکلر
عباسه احسن*الله اکبر

فخریم بودی که حیدریم*شاه زمنون نوکریم
احراره پناهم
لب تشنه لرون یاوریم*بیرجرعه سووامشتریم
سردارسپاهم
بیرمشگ سووا سوزویرورم*بیرجوت قولونان گوز ویرورم
غرق غم وآهم
سسلندی یکسر*گویده ملکلر
عباسه احسن*الله اکبر

• دوشنبه
• 18
• اسفند
• 1399
• ساعت
• 22:38
• نوشته شده توسط
• یوسف اکبری

آتدان دوشنده توپراقا سردار نامدار
سسلندی دادیمه یتیش ای میر تاجدار

سال سایه وی بو مهلکه ده باشیمه منیم
ای فاطمه عزیزی امام بزرگوار

گوز تیکمیشم گلن یولوا مین امیدیله
اطرافیمی احاطه ایدوب فرقه شرار

اَللی لرین الینده بو السیز بدن قالوب
باشیم دوشوب قضایه غمه اولموشام دچار

قربان اولوم گلن یولوا هاردا قالموسان
قویما منی بو سون نفسیمده چوخ انتظار

قربانیوی یخوبلا مناده اوزون یتور
جان ویرمرم گلونجه سن ای نازنین نگار

مرغ دلیم وصالیوه چوخ بی قراریدور
لطف ایت مریض عشقیوه باش چک طبیب وار

بیر اوخ دگوبدی مشکیمه قان آغلادور منی
سقایه یوز ویروبدی بلایای جان شکار

ای وای منه که چخدی بو چولده الیم بوشا
مندن سوسوز بالالاروون انتظاری وار

ای کاش آشا بو نهر فراتین سووی داشا
بوردان جنازه می آپارا ایليه کنار

من نهرین اوسته حشره جه راحت یاتانمارام
آخدوقجا سو ، گلر سَسی بو قلبیمی سِیخار

زهرا آنان کیمی نولی گیزلین مزاراولام
بوردا رباب دردی یا دیمدان مگر چیخار؟

آلسان اگر بو دم سسیمی سس یتور منه
ای امت پیمبر اسلامه غمگسار

تعجیل ایله قدملریوه من فدا اولوم
السیز بو پیکری اوزون اللردن آل قوتار

گلسن گوزومده باخما گیلن اوخ یاراسنا
قلب شریفیوی ایليیر چون جریحه دار

دوشسه گوزون و یا که قلم قولارا اخا
توکمه عذاره گوز یاشی چون شبنم بهار

ایندی منیم الیمده دگور اللریم ، دورام
گوز یاشیوی اوزوم سیلم ای میر تاجدار

یوخ سوز چتیندی قارداشا قارداش مصیبتی
سّری ندور که قارداشی قارداش غمی یخار

گلسن دیمه غمونده بلیم سندی آچ گوزون
باخسام خمیده قامته آرتوق توان آلار

لطف ایلسن اگر دیَرم عرض حالیمی
من دل شکسته نین سنه بیر عرض حالی وار

عبداللّهین خیالین او که باشدان آتموشام
یوخ یا سوزوم مدینه ده قالدی آنام فکار

ایندی سنون بالا لاریوون ناگرانیم
غارت خیالینه دوشوب اشرار کین شعار

مقدور اگر چه اولسا قبول ایت بو خواهشی
گلمه و یا که گورسن حرم ناگران اولار

اخیامیده بویور سن اوزون عرض حالیمی
ائیله منیم دلیمجه حرملردن اعتذار

تاپشور امام ساجده دفن ایلسه منی
باش داشیمی یازاندا عنایت ایدر یازار

بوردا یاتان او قافله سالار عشقیدی
مقصودینه چاتانمادی اولدی شکسته بار

ساده ثواب نوحه نه تنها سنونکیدور
اولدی شریک اجر سنه عندلیب زار

• پنج شنبه
• 21
• اسفند
• 1399
• ساعت
• 23:20
• نوشته شده توسط
• یوسف اکبری

آچ گوزلروی آی قارداش
دور غملیریوی سای قارداش
آیری سوزه دوتمور دیلیم
ایندی دئیرم وای قارداش

سیندی بلیم یاتما یارالی
گوزدن بیزی آتما یارالی
قیزلاری آغلاتما یارالی

ایوای یارالی جان یارالی..

جام الده دوروبدی قیزلار
گوزلور یولوی سوسوزلار
آی باتسا اگر بو نوعی
نه حاله دوشر اولدوزلار

قان ایچره هانسی آی باتوبدی
دشمن‌ نقدری اوخ آتوبدی
سیننده باش باشه چاتوبدی

لعنت گله بو اشراره
بیر بیله ووروبلار یاره
توش ایتدیله بو دشتیده
گول جسمیوی مینلر خاره

قولّلاریوی دشمن سالوبدی
سرو قدون یرده قالوبدی
آرامیمی غملر آلوبدی

ای شیر‌ ژیان قارداشیم
آرامش جان قارداشیم
جام الده سوسوز قیزلاریم
قالدی نگران قارداشیم

یاتما دور ای شیر شجاعت
یوخدی سویون چکمه خجالت
اخیامیده اولدی قیامت

ای ماه بنی هاشم دور
قان اولدی بو گوز یاشیم دور
تک قویما منی بو چولده
یوخ یاور و یولداشیم دور

سورتمه یوزون توپراقه قارداش
گوزوم توکور عذاره قانیاش
گولور‌ بیزه گروه اوباش

دور یاتما بیله سرداریم
ظلمیله سولوب گلزاریم
تا گلدون سسون اخیامه
اولدوردی اوزون قیزلاریم

دانیش سسون گلور قولاقه
کمک‌لیق ایت دوروم‌ ایاقه
دوزنمورم بیله فراقه

بولمم دیون هانسی غمدن
جور و ستم دشمندن
دنیا گوزوه تار اولدی
نوفل ایلین ستمدن

عمرون گولی سولوب یارالی
گوزووه قان دولوب یارالی
سنه اولان اولوب یارالی

بیر ظلم‌ ایلیوب اول کافر
داده گلوب عرش داور
ا... بولوری نه چکدون
قدون کیچیدیب برادر

آتدان نجه دوشدون ترابه
بند اولدی بیر ایاق رکابه
روح علی دوشدی عذابه

رسم‌ ادبی آتمازدون
دنیایه منی ساتمازدون
دورسیدیم اگر بیر ئرده
بو نحویله سن یاتمازدون

ایندی نولوب بیله یاتوبسان
بو بیکسی گوزدن آتوبسان
حتما مراموه چاتوبسان

*بیکَس* گوز اول اعمالوندن
هم شیوه ی رفتاروندن
سعی ایله ره وفاده
درس آل بو مه هاشمدن

عباس اوزی کان وفادی
هر درد اولا درده دوادی
سقای دشت کربلادی

• جمعه
• 22
• اسفند
• 1399
• ساعت
• 22:29
• نوشته شده توسط
• یوسف اکبری

آچگوزون ای یاوریم/اشک توکور گوزلریم
سس ویر اَخا یالقوزام/تازه ئولوب اکبریم

ای منه آرام جان/ای منی آغلار قویان
دور ایویمی یخموسان/یاتما ابوالفضل اویان

عبّاسیم بو چولده یاتمادور
حسینی بیله آغلاتما دور

آرخام ائلیم سیندی بیلیم

چارم آزالدی اویان/نالم اوجالدی اویان
تشنه لر اخیامیده/سولدی سارالدی اویان

ای یوزی ماه منیر/بیشه ی هیجاده شیر
یاتدی علم قیزلاریم/آزقالور اولسون اسیر

توپراق اوسته یاتما یالقوزام
اکبریم ئولوب اوغولسوزام

ای ادب آئینه سی/عشق و وفا بنده سی
قارداشیوین قالموری/سنسیز اَخابیر کسی

رنگ جمالون سولوب/غم منه یولداش اولوب

وای منه ای با وفا/گوزلریوه قان دولوب

اوچ پر اوخ داغیدوب صاق گوزون
زینب گورسه ئولدورر ئوزون

قیزلارا ای تکیه گاه/زیبنه پشت و پناه
مشکیوی سال چگنیوه /محشر اولوب خیمه گاه

سیندی داخی لشگریم/دور گیداخ ای یاوریم

یوخدی سو اخیامیده/جان ویروری اصغریم

قیزلار اصغره لایلای دیور
امّا آناسی ایوای دیور

ای مه برج ولا/ای خلف مرتضی
قانه باتان جسمووه/قارداشون اولسون فدا

ای قولی تندن جدا/آز منی یاندیر اَخا
قلبیمه اوت وورما دور/سورتمه یوزون توپراقا

دیزیم اوستونه قوی باشیوی
یاندیرما (بیکَس) قارداشیوی

• جمعه
• 22
• اسفند
• 1399
• ساعت
• 22:32
• نوشته شده توسط
• یوسف اکبری

بیله یاتما توپراقلار اوسته
گوز آچ ای منیم سر سپاهیم

شمادت ایدور لشگرِ کین
چخور عرشه آهیم

سنسیز ابوالفضل بِلیم سیندی چارم آزالدی
گَلدی خَزان، گلشنیم سولدی قارداش سارالدی
تار اولدی گوندوز گوزومده برادر قرالدی
یخیلدون فغانیم اوجالدی

ایوای
یارالی یارالی یارالی یارالی3
یارالی یارالی

دوتولموش آیا بَنذَرون وار
آخور قان باشوندان یوزوندن

حَیا ایتمدی اوخ نَدَندی
دَگَنده گوزوندن

بیر گوز ایکی قول او مشکه ویروبسن هَزینه
بیر مشک سو عاقبت ویرمدی قوم کینه
حالون نجه شرح ایدوم زینبِ دلغَمینه
گوزَتلیر یولووی سَکینه

ایوای
یارالی یارالی یارالی یارالی3
یارالی یارالی

یارا چوخدی جسمونده قارداش
هَله قان آخور چوخ یاراندان

وجودون دوتوب قان سَراسر
ئوپوم من هاراندان

دور خیمه گاهه گیداخ خسته دیل گلدی درده
آل چیگنیوه پرچمون قویما قالسین بویرده
خیردا اوشاقلاریمین ساخلا حالین نَظرده
بولورسن حَرَم لر خَطرده

ایوای
یارالی یارالی یارالی یارالی3
یارالی یارالی

او قانلی گوزون آچ نظر قیل
اَیا ساقی دیل شکسته

اورک داغلی زینب باجیمدی
دوروب تَلّین اوسته

قوخدی بالالار سَسون خیمه گاهه چاتاندا
وای اولدوزون حالینه، سن کیمی آی باتاندا
هیچ گورمه میشدیم بیله حالیله سن یاتاندا
سرشکی قانیله قاتاندا

ایوای
یارالی یارالی یارالی یارالی3
یارالی یارالی

• شنبه
• 23
• اسفند
• 1399
• ساعت
• 12:25
• نوشته شده توسط
• یوسف اکبری

(مناسب شاه حسین گویی و سینه زنی)

ای - دلبند زهرا گل هرایه

گل - لشگر منی آلوب آرایه

قوللار اولوب قلم

الدن دوشوب علم

بیرده خیامه من

یوخدور اوزوم‌گلم

مولانا یا حسین (۴)

گل - گور نجه قانه دوندی اشگیم

اوخ - ووردولار بوشالدی سو مشگیم

قان اولدی گوز یاشیم

گل داده قارداشیم

جان اوستیم آقا

اللرده دور باشیم

مولانا یا حسین (۴)

یا - مولا قاپوندا بندیم من

وای - قیزلاروندان شرمندیم من

سقّا منه دیمه

قلبون قان ایلمه

رقیّیه دینن

سو یولی گوزلمه

مولانا یا حسین (۴)

من - یوز اوسته مرکبدن ییخیلدیم

من - دشمن ایچینده چوخ سیخیلدیم

داش هر گلن وورور

اوخ هر گیدن وورور

گورولله قولسوزام

هر بیر یتن وورور

مولانا یا حسین (۴)

ای - عالملرین پناهی تز گل

ای - مظلوملار دادخواهی تز گل

ای تکجه شهریار

زهرایه یادگار

آخر نفس منی

گل قویما انتظار

مولانا یا حسین (۴)

ای - حسین ای فاطمه بالاسی

من - "اکرمیم" قاپون گداسی

من سنی سسلرم

من سنه نوکرم

سندن آنان جانی

کربلا ایسترم

مولانا یا حسین (۴)

• سه شنبه
• 10
• فروردین
• 1400
• ساعت
• 12:50
• نوشته شده توسط
• یوسف اکبری

حسینون اعظم سرداری
سپاه دین پرچمداری
وجودی سر تا پا - غیرت
وفا و عشقین معیاری

سلام اولا - قلم قولا - عنایت ایت سقّای کربلا
آنان جانی - داریخمیشام - دوشوب باشا سودای کربلا

آقام - آقام - گوزل آقام
سنه فدا اولسون آتام آنام

سرور قلب زهراسن
ادبده تک بیر دریاسن
آتان علی تک میداندا
یگانه شیر - هیجاسن

جدل گونی - یلِ علی - فروغ چشم مرتضی علی
قاچاردیلار - عدو تمام - دیینده سن تکبیر یا علی

ملائک اولموش دربانین
وار اهل عشقه احسانین
دخیل اولان درگاهوندن
آلوب همیشه - درمانین

مهِ حرم - شهِ کرم - قاپوندا منده عبد و نوکرم
بو گویلومون - صفاسینی - آقا دوشن اللردن ایسترم

آقام آقام - گوزل آقام
سنه فدا اولسون آتام آنام

• سه شنبه
• 7
• اردیبهشت
• 1400
• ساعت
• 20:00
• نوشته شده توسط
• یوسف اکبری

گون چیخوب سیره فرات اوستونده بیر ماه آختارور
گوردیلر قولسوز وزیری قدی خم شاه آختارور

خیمدن میدانه جک سلطان دین بیر باش گلوب
گوزلرینده موجلی دریاکیمین قان یاش گلوب
گورمگه قارداشینی اوغلی اولن قارداش گلوب
اوز وزیرین عرصده شاه فلک جاه آختارور

گه گدور گاه ایلشور ایلور نظر ساق و صولا
گه باخور قان ردینه گاهی باخور حسرت یولا
ناگهان دوشدی بو اثناده گوزی بیر جوت قولا
سینسیندن عرشه یول اوج ایلسون آه آختارور

سروی واضحدی قالوب نه حاله چون خول گورسدر
قطعه قطعه قارداشین دوقرانماقین قول گرپورسدر
بیلدی بو اللر علامتدی اونا یول گورسدر
حمل ائدنمز خیمگاهه بیلدی آگاه آختارور

اللری یردن گوتوردی باسدی اول باقرینا
اوپدی قویدی گوزلری اوسته غریب کربلا
سسلدی ام البنین الحق اوین آباد اولا
سالک عشقون عجب سیر الی الله آختارور

دوتدی قان ردین گلوب حاصل یتیشدی مقتله
بیلدی مقصوده چاتوب شمر و سنان و حرمله
گوردی قارداشین جانیندا مختصر جان وار هله
چیخماقا جان سینه ی مجروحیدن راه آختارور

اگلشوب دامنه گوزدن جاری اتدی گوز یاشین
تپراق اوستن قالخیزوب آلدی دیزی اوسته باشین
آغزینین قانین سیلوب دیندیردی قارداش قارداشین
منتظردور گوردی جان اوستونده همراه آختارور

سسلدی ای غم گونونده یار و غمخواریم اویان
لشگریم قانه باتوب غیرتلی سرداریم اویان
گور نه حاله قالمیشام قولسوز علمداریم اویان
دشمنیم تزویره رخصت عین روباه آختارور

یالقوزام سندن صورا یوخ عرصه گهده همدمیم
سنکه گیتدون سیندی عالمده حصار محکمیم
زینبین امیدینه قالدی ابوالفضل پرچمیم
خیمگاهه ایندیدن یول قوم گمراه آختارور

هر سوزون وار قلبیده مشتاقم ای سرکرده د
گر ایاق اوسته دورانمورسان ابوالفضل یرده د
سن منه قارداش ددون گر ممکن اولسا بیرده د
قارداشون سندن صورا بیر عمر کوتاه آختارور

قارداش عطرین آلجاقین جان تاپدی شیر خشمناک
هیبتیندن دورده دشمنلر اولدی زهره چاک
ایستموردی قارداشی گورسون اولوبدی نقش خاک
مرد جنگی نقش اولا تپراقه اکراه آختارور

ایتدی آماده او شیر عرصه هیجا اوزون
ای قلم قوی پرده لی قالسون دانیشما اوخ سوزون
عشقه باخ چوخ زحمتیله آچدی آخر بیر گوزون
صاق گوزون اوخ باقلیوب صول گوزده دلخواه آختارور

عرض ادوب شاها غلام خانه زاد و بندیم
هر بلا گلسه دایانام عشقوون پابندیم
دای منه سقا دمه باخ گور نجه شرمندیم
شرمیدن عباس اولوم بو یرده والله آختارور

من مریدم مرشد نیکو سرشتیم سن حسین
سن ازلدن آشنای سرنوشتیم سن حسین
نیلورم باغ بهشتی سن بهشتیم سن حسین
طالب وصلون نه ملک و منصب و جاه آختارور

تشنه وصل نگارم رهبریم سنسن حسین
نیلورم آب فراتی کوثریم سنسن حسین
گوزلریم اوخلانسا خوشدی گوزلریم سنسن حسین
دل گوزی عشق عالمی معراجه بیر راه آختارور

بندگی نقشین اورکده تا ئولونجه سویمادیم
عشقیمه نقصان یته عالمده بیر آن گویمادیم
بو اوتوز دورد ایلده منکه گوزلروندن دویمادیم
عشقوی هر یرده قلبیم ناخودآگاه آختارور

ایتمه فرهاد هیچ زمان درخواست ارزل ناسیدن
آگه اول دنیاده شر و حیله خناسیدن
ایسته هر بیر دردوون درمانینی عباسیدن
یخماقا ارزل سنی نیرنگیله چاه آختارور

• یکشنبه
• 19
• اردیبهشت
• 1400
• ساعت
• 19:11
• نوشته شده توسط
• یوسف اکبری

ابوالفضل علمدار- سپهدار- او سردارِ وفادار-
گلور تیغی شرربار- علی اوغلی دی بوو قاتلِ کفار- اودور دشمن اشرار
عقاب اوسته- کمر بسته- دلیرانه یارور دشمنی ایلیر بو جوان دسته به دسته
علی اوغلیدی فرمانده عالمدی ابالفضل
( سقای حرم ابالفضل- دریاری کرم ابالفضل)

اودور جلوه ی ایثار - اودور دینه هوادار- اودور یارحسین ابن علی، میرِ علمدار-
اودور فارِسِ میدان- علی اوغلی دی بو ساقی طفلان-
اگر چکسه علی نعره سی نی، جان قوتارانماز بیریده لشکر عدوان
علی اوغلیدی فرمانده عالمدی ابالفضل
( سقای حرم ابالفضل- دریاری کرم ابالفضل)

اودور ساقی و سقا- اودور سرور و والا- خدایا- اودور سینه سپر کرده ی فرزند و جگر گوشه ی کرار و یدالله
مینیب زین عقاب ئوسته- کمر بسته گل یاس- او فرمانده با عفت و احساس-
علی اوغلودی بو حضرت عباس- قاچور دشمن خناس-
دورانمور قاباغیندا احد الناس- کسور تیغه ی شمشیری چو الماس - خدایا
علی اوغلیدی فرمانده عالمدی ابالفضل
( سقای حرم ابالفضل- دریاری کرم ابالفضل)

- گلور نهر فراته آلا سو اهل خیامه- باخور لشکر شیطان صفت کوفی و شامه-
دیور کیمده جیگر وار گله تا واصل ائدم قعر حطامه- مگر من قویارام صدمه یئته بی کس امامه-
- کرامت ده، شجاعت ده، شفاعت ده، شرافت ده، شهامت ده،
مروت ده چاتار کیم بو علی اوغلونا وقتی کی علی اوغلیدی فرمانده عالمدی ابالفضل
( سقای حرم ابالفضل- دریاری کرم ابالفضل)

یاریب لشکر اعدانی دوزوبدور خطراته- یئتیب نهر فراته-
توکوب مشکینه سوو تا آپارا بلکه بناته- آلوبدور اله سو تا اولا سیراب، ولی گئچدی نظردن بالالار هامموسی بی تاب-
دییر آب دییر آب – توکوب نهر فراته سویی لب وورمادی اصلاااا- خدایاااااااااا
میزیب زین عقاب ئوسته شتابان- گلور خیمله لر با لب خندان،
دییر شکر اولا اللهه فراوان – کی سعد اوغلی وئریب لشکره فرمان –
کی ای قوم دغلکار و جفاکار و ستمکار – ندن لرزه دوشوب جانیزه زینهار – قالوب یکه و تنها –
وورون نیزه سنان خنجر و پیکان- سالون قوللارینی چاتمیا سوو اهل خیامه
علی اوغلیدی فرمانده عالمدی ابالفضل
( سقای حرم ابالفضل- دریاری کرم ابالفضل)

اولان اولدی— دگیب آنّنا بیر داش- باتوب قانه گوزل قاش –
دوشوب توپراقین ئوسته او عمودیله سئنان باش – فقط بیر دفعه سسلندی کی قارداشششششش –
سالوب گور نه گونه قارداشیوی لشکر اوباش –
گورم بوو دم آخرده سنی بیر دفعه ده ای کاااااااااااااااااااااااااااش
علی اوغلیدی فرمانده عالمدی ابالفضل
( سقای حرم ابالفضل- دریاری کرم ابالفضل)

• چهارشنبه
• 22
• اردیبهشت
• 1400
• ساعت
• 15:05
• نوشته شده توسط
• یوسف اکبری

سنی سسلیور هرایه هامی بی پناه ابوالفضل
بیزه قانلی گوزلرونله ایله بیر نگاه ابوالفضل

او کسیلمیش اللریلن هامیا حمایتون وار
یخیلانلارین دوتارسان الینی سخاوتون وار
سن اوزون وزیر شه سن او قدر جلالتون وار
قاپیوا سنون گدادور هامی پادشاه ابوالفضل

هامی ناخوش و مریضه یتیشور شفا آدوندان
هامو قرضدار و قرضی اولوریادا آدوندان
هامو نا امید شخصه گورونور رجا آدوندان
او مقدّس آده واردور عجب عزّ و جاه ابوالفضل

ایکی قطع اولان الوندور سبب نجات محشر
ایکی عالمون نجاتی سنیله اولور میسّر
کرم خدایه بسته اولوب اول کسیلمیش اللر
گورونور او اللروندن کرم اِله ابوالفضل

یارالی جبینی لن چون اولوب آخرین سجودون
او سجودیله تاپوبدور شرف ابد وجودون
ایلیوب جهانیانی اوزی حق رهین وجودون
بو مقام و قدر و شأنه تاپا کیمدی راه ابوالفضل

او مقام عزّتیله سنی صدهزار و افسوس
ایلیوبدی کربلاده او سپاه کینه مأیوس
دونوب آرزوی قلبون او زمان اولوبدی معکوس
که سو مشگون اوخلانوبدور ستمیله آه ابوالفضل

باشون اوستونه گلنده ، شه آسمان جلالون
ایلیوب شکسته قدّین سنون اول شکسته حالون
گوروب آی کیمین دوتولموش قانیله او مه جمالون
وئروب انکسار مهره اوخسوف ماه ابوالفضل

یره دوشمگون آت اوستن سنه مشگل اولدی چوخ چوخ
ایلیوب احاطه یکسر اول یارالی پیکرون اوخ
وئره سن قباقه تکیه بدنونده اللرون یوخ
یخیلاندا اوخلار اولدی سنه تکیه گاه ابوالفضل

گوروب آئینه سینوبدور اورگی اولوب مکدّر
دوتوب اود یانوب وجودی غم اودیلاچون سمندر
الینی قویوب بئلینه دیدی دلده وای برادر
باشون اوسته باشین آچدی شه بی سپاه ابوالفضل

شه ساجدین از بس سالوب آه و زاره نعشون
ائلیوبدی غرق محنت اونی پاره پاره نعشون
سینان آئینه مثالی قویولار مزاره نعشون
بو غمه او خیردا قبرون اوزیدور گواه ابوالفضل

ایلیور محبّتونله شب و روز #ناصر الفت
اونی ایلیوبدو خوشبو اثر گل محبت
گل مهر و الفتوندن آلوب عطر معنویت
آلور عطر انس ، گلدن ، نجه که گیاه ابوالفضل

• چهارشنبه
• 29
• اردیبهشت
• 1400
• ساعت
• 23:13
• نوشته شده توسط
• یوسف اکبری

وقت او وقت اولدی که عباس علی
گورسه ده خصمه فنون جدلی
تار و مار ایلیه اهل دغلی

گیدوری خیمه یه فرمانده هنگ
شاهیدن تا که آلا رخصت جنگ

دیدی رخصت ویر آقا نوکریوه
اولسون عباس فدا گوزلریوه
گیدورم سو گتیرم اصغریوه

نهریده مشگی پر از آب الیییم
خرداجا قیزلاری سیراب الییم

اذن اولا کوفه نون اهلین قیرارام
دشمنین صفلرینی سیندیرارام
خیمه ی حرمله نی یاندیرارام

زاده ی سعده غضب ایلمیشم
تلیده شمری ،ادب ایلمیشم

آند اولا کربوبلا نسگیلینه
آند اولا اصغرین آه دلینه
زینبون پوزقون اولان محفلینه

سسلرم جنگیده یافاطمه نی
بویارام قانه قباقه گله نی

آلدی رخصت گیده میدانه غرض
ایلمز دلده کی تصمیمون عوض
کل عالم اونا گر اولسا عرض

یازاجاق ورد زبانیمدی حسین
ئورگیمده ضربانیمدی حسین

علمین قله ی ایثاره ویروب
تلین اوستونده وقاریله دوروب
مرکبینده ایله بیل شیر اوتوروب

قورخی،میدانیده آلدی قوشونی
باخیشی لرزه یه سالدی قوشونی

دیدی من هیبت خیبرشکنم
نور چشمان حسین و حسنم
دشمنین نسلین علی تک کسنم

گر چکم تیغیمی حتما قاچاریز
قورخودان،راه فراتی آچاریز

آتاما الله ئوزی یار اولدی
گوندوزوز،گوزلریزه تار اولدی
مرحبیز،عبدوودیز،خوار اولدی

سیزی بیچاره خطاب ایلییرم
هامیزی خانه خراب ایلییرم

مالک اشتر،کیمی جنگه گلرم
ذکر یاحیدریلن دینجلرم
ابن سعدین باشینا کل الرم

اولمییا فکر ایدیروز عرضه لیوز؟
باخیرام هاموز ایله ئولمه لیوز

• سه شنبه
• 4
• خرداد
• 1400
• ساعت
• 21:24
• نوشته شده توسط
• یوسف اکبری

دردون اولسا دیمرم حاذق اطبانی چاغیر
گوزووین یاشینی توک حضرت زهرانی چاغیر
ویر خبر دردی اولانلاره دینن غم گلدی
باشووه باغلا قرا موسم ماتم گلدی
سینه وور سسله حسینی قره پرچم گلدی
ای دوادن یورولان ماه محرم گلدی
چاغیرون یوزلری اشکه بوروننلر گلسین
قره پرچم دالیسیجاق سوروننلر گلسین
بزم تجلیل شئونات امامتدی بورا
مرکز کنگره شان و شرافتدی بورا
ایری فکر ایلمه درگاه عبادتدی بورا
گیتمه ایری قاپیا باب سعادتدی بورا
غم یمه اولسا نه اندازه اگر دردون اغیر
قلبووی پاک ایله بیر دفعه ابوالفضلی چاغیر
احتیاجون وار اگر معجزه گر درمانه
متوجه ایله افکاروی نخلستانه
ساقی تشنه دوشوبدی یارالی میدانه
ساق گوزی بوسه ویروب زهریلی بیر پیکانه
سروه اوخشور اوجا قدی ولی خوللاری دوشوب
بیر یانا مشکی دوشوب بیر یانا قوللاری دوشوب
کشتی عشقیدی گویا کی قالوب طوفاندا
عمرینون اولدوزی ایستور باتا نخلستاندا
ئوزینه فکر ایلمور هیچ ایله بیر بحراندا
تلین اوستونده قالوب قلبی گرو جاناندا
گوردی یوخدی یارالی قوللارینون درمانی
دوتدی تصمیمینی دعوت ایلیه مولانی
یوز دوتوب تله طرف سسلدی ای شاه بصیر
منتظر دور سنه میدانیده بو عبد حقیر
دیمورم گل منی قویما ایلیه لشکر اسیر
ننووی ایستسه گویلون ئوزووی فوری یتیر
باشیم اوسته اوتوروب گوز یاشی رخساره الور
ساچلاریندان باجیمون ساچلارینون عطری گلور
اوغلونون نوکرینه اولدی خانم تعزیه دار
ایستیوردی سیله گوز یاشینی اول لاله عذار
غفلتا اولدی حسین جان قره روبندی کنار
نجه تعریف ایلمیشدون یوزینون لکه سی وار
قد رعناسینی واضحدی کی غم غصه اگوب
کول منیم باشیمه اولسون یوزینه سیلی دگوب
سایه لطفی علمدارووی بشاش ایلدی
گوردی احوالیمی مستوجب پاداش ایلدی
ئورگیمدن کیچنی بیلدی خانم فاش ایلدی
نوکریدیم سنه گلدی منی قارداش ایلدی
هر نه امر ایلسه دستوری مقدمدی منه
پرچمیم دوزدی یاتوب ساچلاری پرچمدی منه
قارداشین الدی سسین خیمه ده سلطان انام

زینبی محضرینه ایستدی ازاده امام
گیدورم من دیدی ای خواهر مرضیه مرام
اللی ائیل منتظریدیم ایله بیل گلدی انام
بیلدیم عباسی اگر گورسه نیستانه گلر
سنی ده یوخلاماقا شام غریبانه گلر
مرکبی حاضر ایله عزم ایلیوم میدانه
قوی گوروم هاردا باتوب ماه شرافت قانه
اولمیا قارداشیمون عمری چاتوب پایانه
بلکه روحی پر اچوب علقمه دن رضوانه
حقووی قارداشووا سنده ادا ایله باجی
گیت اوتور خیمه ده عباسی دعا ایله باجی
زینبی تاپشروب اللهه غرض شاه ولا
تشنه قیزلارینا بیر باخدی صورا دوشدی یولا
پر اچوب مرکبین اوسته خلف شیر خدا
ایاقی التدا قویوب عرصه نی شاه شهدا
گوردی قولسوز یخلوبدی یره سرداری یاتوب
باش قویوب تپراقا غیرتلی علمداری یاتوب

دئدی ای ام بنینون گل بی خاری اویان
منه گولدورمه بو میدانیده اشراری اویان
دیمورم ال نظره لشکر کفاری اویان
بلیمون سینماقینون خاطرینه باری اویان
نیه بو حاله قالوبسان سنه اصغر قربان
یارالی باشووه قارداش علی اکبر قربان
سنی درس علوی جنگه زبر دست ایلیوب
غیرت اللهی علی روحووه پیوست ایلیوب
حیف اولا دشمنووی دست زمان پست ایلیوب
کیم ئوپوب لبلریوی عطری منی مست ایلیوب
قوریان لبلرووه جام لبالب قربان
کسیلن قوللاریوا غمزده زینب قربان
ایستورم گوز یاشیما باشووین اوسته بویانیم
سن یانان اتش حسرتده گرک منده یانیم
گل گئدک خیمه ده سن یات ایاق اوسته دایانیم
باشووی تپراقا قویما باشووا من دولانیم
تیتریور اصغریمون لبلری مثلی بدنیم
منتظردور سنه قیزلار ایویمی یخما منیم

• چهارشنبه
• 5
• خرداد
• 1400
• ساعت
• 21:31
• نوشته شده توسط
• یوسف اکبری

قالدي اليم بئليمده غمخواريم ئولدي الله
سر لشکريم يخلدي سرداريم ئولدي الله

بو دشت کربلا ده دوشدوم عجب حصاره
تنگ اولدي بو زمانه سالدي مني فشاره
هر سمتدن حسينه سدّ اولدي راه چاره
مغلوب اولوب سپاهيم سالاريم ئولدي الله

ياتما يامان گونومدي آرخام ائليم اباالفضل
قويما حسيني يالقيز سيندي بئليم اباالفضل
قوي قاني گوزلروندن قارداش سيليم اباالفضل
دلدن دوشوب اوصانديم دلداريم ئولدي الله

ياتما بو قان ايچينده دور حمل ايديم خيامه
سو وعده سی وئروبسن اطفال تشنه کامه
نوفل ووراندا ضربت باشدان دوشوب عمامه
قلبيم يانور وزیر درباريم ئولدي الله

دور حمل ائديم خيامه جسمون يارالي قارداش
قويما منی کمکسیز يالقيز وفالي قارداش
بير جوت قولون بدندن دوشمش آرالی قارداش
ياتدي علم، پوزلدي پرگاريم ئولدي الله

سن سیز ائويم يخلدي چارم آزالدي قارداش
حسرت الیم جفادن قوينومدا قالدي قارداش
کیم بو علی صلابت قولاّری سالدي قارداش
حيدر مثالي صفدر کراريم ئولدي الله

هشتاده چاتدي سنّون ايله فغان "کريمي"
آز قالدي بو جهاندان نقل مکان "کريمي"
سس وير حسينه دائم اول نوحه خوان "کريمي"
قالدي الیم بئليمده سرداريم ئولدي الله

• یکشنبه
• 9
• خرداد
• 1400
• ساعت
• 16:39
• نوشته شده توسط
• یوسف اکبری

نهر علقمین اوستونده نه طوفاندی اباالفضل
بیرشربه سویون قیمتی بیرجاندی اباالفضل

عباس آقاجانلار یاریلان باشوه قربان
یارام باشیمی گوزده کی قانیاشوه قربان
دین اوسته ئولن یاریوه یولداشوه قربان
مشگون علمون قانیله الواندی اباالفضل

آخسین سنون عشقونده بوقان قان نه یه لازم
یارام باشیمی قوی چیخا بو جان نه یه لازم
دیوانه عشقه بابا درمان نه یه لازم
باش یاره مه عباس آدی درماندی ابالفضل

عباس آقابوقاره گیینلرسنه قربان
بوعرض ارادت ائلینلر سنه قربان
لبیک اباالفضل دییلنر سنه قربان
عشقونده اورک لاله کیمی قاندی اباالفضل

شمشیر یازار عشقیمه تفسیر باشیمدا
شاهددی همان عشقه بوشمشیر باشمیدا
شمشیریم ائدر عشقیمی تحریر باشمیدا
هر لحظه دیلیمده آدون عنواندی اباالفضل

باش یارماقیما ایسته سه هرکس سندیّت
من زینب مظلومیه ائتدیم تبعیّت
دیوانه یم عاقل منه چوخ ائتمه اذیت
من خانه بدوشم منه سلطاندی اباالفضل

ووردی باشینی محمله صدّیقه صغرا
آغ ساچلارینی قرمزی قان ائتدی محنّا
سسلندی اخا ای اوزی عطشان آدی سقا
تز گل باجووین حالی پریشاندی اباالفضل

گوزلردن ایراق بیرگونون عرضینده قوجالديم
گئتدي او خانمليق نه يامان گونلره قالديم
غم بوغدی دار یخدیم باشیمی محمله چالدیم
محملده باجون قانینه غلطاندی اباالفضل

بیردفعه ده بوکوفیه گلدیم من نالان
ساغدا حسنیم صولدا حسین دالدا جوانان
ایمدی ایکی قاراداشدان ایکی باش قانا غلطان
مرکب اونا نیزه سنه قلخاندی اباالفضل

هرچند بلا گلسه منه یوخدی گلایه م
من روز الست اوسته کی قالویه بلی یم
مین قمچی دگه باشیمه دین اوسته رضایم
نیلر بو چتین لر منه آساندی اباالفضل

واردور فلک ده نقدر پست و بلندی
بیر گون باشیما کوفه ده گللر سپه لندی
بیر گونده سینیق محملیمه داشلار الندی
یاردیم باشیمی ساچلاریم ایسلاندی اباافضل

الله بیزه احسان ائلیوب فوز عظینی
قارداشیم اوخور واقعه کهف رقیمی
آغلار قاپومیزدا قوجا نوکردی کریمی
نومید ائلمه لایق احساندی اباالفضل

• یکشنبه
• 9
• خرداد
• 1400
• ساعت
• 18:33
• نوشته شده توسط
• یوسف اکبری

شیعه لر ماتم دوتار دنیاده تاسوعا گونی
آغلیار هر قطره سو دریاده تاسوعا گونی

آلتی آیلیق بیربالا سوز عطشدن جان وئریر
کربلاده اصغری سال یاده تاسوعا گونی

کائناتی غم دوتوپ آغلیر پیمبرلر بوگون
حضرت خاتم گلیر فریاده تاسوعا گونی

اوچ یاشیندا بیر قیزین واردی نقدری طاقتی
گوزتیکیپ گلسین عَمو امداده تاسوعاگونی

آغلاشیر اهل حرم یوخ خیمه لرده ذرّه سو
عالمین ذرّاتی گلمیش داده تاسوعا گونی

حضرت زهرا خانم آغلیر سوسوز لار حالینا
وای بالام وای سسلنیر زهراده تاسوعا گونی

آغلیییر جن و ملک لر عرض ائدیرلر یاحسین
خدمتینده اولموشوخ آماده تاسوعا گونی

سو چا لیر باشین داشا بلکه قییتسین خیمه یه
اود دوتوپ غمدن یانیر صحراده تاسوعا گونی

اوزلرین آتمیش بالیقلار ایستی قوملار اوستونه
اود لانیپ دیلدن یانیر دریاده تاسوعا گونی

قلبی قان مولا علی آغلیر حسینین حالینه
گورنئجه ماتم دوتوپ مولاده تاسوعا گونی

گویده قوشلاریئرده داشلارویردی باهم سس سسه
غمده غرق اولموش هامی معناده تاسوعاگونی

غیرتین کانی ابوالفضله گرک قان آغلیاخ
سالدی لرزه عالم ایجاده تاسوعا گونی

مشکی بوش چیگنینده سقا قانه دونموش گوزیاشی
سانما سقایه بودردی ساده تاسوعا گونی

یاز ولایی سنده آغلار گوزلریلن بو سوزی
شیعه لر ماتم دوتار دنیاده تاسوعا گونی

• پنج شنبه
• 3
• تیر
• 1400
• ساعت
• 10:42
• نوشته شده توسط
• یوسف اکبری

یخیلدی نهرین کنارینده بیر سوسوز سقا
آه و واویلا
علم یاتدی قول قلم اولدی آغلادی زهرا
آه و واویلا

علمداره آغلیار زهرا
دیر ایوا آه و واویلا
آه و واویلا (2)

او صحراده بدنظر باخدی دیده ی شهلایه
نظر اولدی
نشان ائتدی ساق گوزون بیراوخ پرچکوب
گلدی گور نلر اولدی
قان آخدی حیدر ئوپن گوزدن تپراقا مایل
شیر نر اولدی
گلوب افغانه اوصحراده عالم معنا
آه و واویلا

علمداره آغلیار زهرا
دیر ایوا آه و واویلا
آه و واویلا (2)

آچوب آغوشین او دم زهرا گل دئدی
عباسیم ننون قربان
منیم ای خوش سیرت و صورت مه جمال
اوغلوم یاره لی اصلان
سنی اوغلوم سینه مه آلام دوشمه تپراقه
باغریم اولدی قان
حسینی قارداش خطاب ایله سسله بو اثنا
آه و واویلا

علمداره آغلیار زهرا
دیر ایوا آه و واویلا
آه و واویلا (2)

دیله گلدی حیدرین اوغلی مظهر غیرت
باوفا عباس
دئدی اولدی بضعه ی احمدله چتین ساعت
آشنا عباس
گرک اولسون مقدم پاکونده ننه زهرا
جانفدا عباس
سینان پهلویه بو اثناده من گلم حاشا
آه و واویلا

علمداره آغلیار زهرا
دیر ایوا آه و واویلا

آه و واویلا (2)

• جمعه
• 11
• تیر
• 1400
• ساعت
• 18:18
• نوشته شده توسط
• یوسف اکبری

سَردار استقـــامت، لَبّیک یا ابوالفضل
ای معنی شجاعت ، لَبّیک یا ابوالفضل

روح بلند غیـــرت،سن معدن شرفسن
آزاده قهرمـــــانِ،شیر شَهِ نجـف سن
اُعجوبه ی خَلایـق ، راه حَقـهَ طرفسن
اُسطوره ی فقاهت ،، لَبّیک یا ابوالفضل

سنــــده اَسن لــِـــوایِ پُر اِهتزازه قربان
باب الحوائج اولدون ، اول امتیازه قربان
دائم اولان وضــوسی ،رازو نیازه قربان
دائم ایدن عـبادت ،، لَبّیک یا ابوالفضل

ای شیر عرصه ی حق ، عشقه بها ویروبسن
اهل جهانه یکــسر ،درس وفا ویروبسن
عُشّاقه سن بــَرات کرب وبلا ویـروبسن
ای روح با کرامت،، لَبّیک یا ابوالفضل

گُل پیکرینده اولموش ، عالی مرامه احسن
حق سوز لرون چو عرفان ،اول حق کلامه احسن
نفسینله جنگ ایـــدوبسن،بیله قیامه احسن
ای یکه تــــاز جَنَّت ، ، لَبّیک یا ابوالفضل

ای ماه دین ابوالفضل ، ای مَــه جبین ابوالفضل
ای سرور تمـــــامِ اهــــل یقین ابولفضل
فرزند نامــــــدارِ اُم البنیـــــن ابـوالفضل
ای اُسوه ی شجاعت ، ، لَبّیک یا ابوالفضل

عاشور کربلاده ، سن عهده ایتدون ایفا
اهل حریم عشقـــه ،اولدون وفالی سقا
بیر ایش گوروب حیادن،حیرتده قالدی دنیا
ای ساقی ِ ولایت ،، لَبّیک یا ابوالفضل

شهباز اوج عزت ، ســن حامل لواسن
غیرتده بی مثل سن،چون شیر کبریا سن
عنقای قاف عصمت ،سن معدن حیاسن
ای تاجدار غیرت ،، لَبّیک یا ابوالفضل

دریای زُهـــد و تقــوا ،احسن بیله وفایه
سن ماه بُـرجِ عصمــت ، قربان رهِ ولایه
عالم فدادی مـــولا ،اول قــامت رَسایه
سردار سرو قامت،، لَبّیک یا ابوالفضل

ای کربلا امیری ،بیکس شهـون وزیری
عالم سنه گدادی ،ای شاهلارون کبیری
ای آسمان عشقیـن، بیر مـــاه بی نظیری
نور دل امـــــامت ،، لَبّیک یا ابوالفضل

جانباز راه قران ،حقدن حمـایت ایتـدون
هر وقت داریخدی قلبون قـران تلاوت ایتدون
جان جان دیدون حُسینه ،گور نه قیامت ایتدون
چشم و چراغ عترت، لَبّیک یــا ابوالفضل

مدحون یازوبدی (پویا) صبح موقع اذاندا
ای مرتضی عزیزی ،یوخ تـای سنه جهاندا
عشق ایلروک ایشیتســـاق آدیوی هر مکاندا
دریـــای معنویّــــت ،، لَبّیک یا ابوالفضل

• جمعه
• 18
• تیر
• 1400
• ساعت
• 13:12
• نوشته شده توسط
• یوسف اکبری

درس ایثار و ادب ویردی هامی انسانلارا
ساتمادی دیناره ایمانینی بی ایمانلارا
قدینی خم ایتمدی انسان نما شیطانلارا
سسلدی قارداشیمون من شیر بی پرواسیم
پاسدار پرچم دین ،قهرمان عباسیم

شاهباز اوج غیرت جنگیده گور نیلدی
تیغ خون آشامیلن اعدانی یکسر پیلدی
ماردی اولدوردی میداندا قیامت ایلدی
یوز دوتوب شمره دیدی من بنده ی آزاده یم
مین ایله مارد گله اولدورمگه آماده یم

من حسین قارداشیم یوخ منده هیچ خوف و هراس
گر ایدوم حمله قوشون اهلی اولالار آس وپاس
لشگر اولسا مزرعه قیرام اونی مانند داس
زاده ی ام البنینم فاطمه دلبندیم
فاتح خیبر علینون شیر دل فرزندیم

سیز بیله فکر ایتمیون قارداشیمون یوخ یاوری
یا اوغولسوزدور بو گون الدن ویروبدور اکبری
لشگروز نابود اولار ایتسه اشاره اصغری
اذن اولا حیدر کیمین میداندا طوفان ایلرم
کوفه شهری سهلیدور شاماتی ویران ایلرم

اهل بیت عصمته ساقی منم سقا منم
قطره گر غیرت اولا اول غیرته دریا منم
من یل کل یلانم هیبته معنا منم
مرتضی خصلت حسین تک مظهر عزت منم
معدن غیرت منم معنای حیثیت منم

• جمعه
• 18
• تیر
• 1400
• ساعت
• 13:38
• نوشته شده توسط
• یوسف اکبری

سلام اولسون سنه سقـا ابوالفضل
سلام ای غیرتی دریــا ابوالفضل
عجب طوفان سالوبسان کربلاده
ایدن ای عهدینه ایفـــا ابوالفضل
میرِ عــــشقه فدا
ای یــــلِ کربلا
سسلروخ یکصدا
لبیک ابوالفضل4

عزیز حضــرت حیدردی عباس
هامی عاشــقلره سروردی عباس
علینون مکتبینـدن فارغ اولموش
اوزی تک باشینه لشگردی عباس
عشقیمیز ابوالفضل
مشقیمیـز ابوالفضل
سسلـروخ یکصدا
لبیــک ابوالفضل4

علی علینون اوغلی صفلر سیندیرندی
حریفین نصــف ایدوب ایکی بولندی
حسینی ســــاتمادی پُســـت و مقامه
آلوب الــــــده امــــان نامه جیرندی
دیدی مـن حیدرم
شمره بـاش اگمرم
سسلسـون یکصدا
لبیــک ابوالفضل4

ابوالفضــل عزم ایدن راهه گیدروک
هامـــــی بیگانه نی رســــوا ایدروک
اگــــر وهـــابی اولسـا یا کـه داعش
ابوالفضل سسسلروخ نسلین کسروک
شیعه ی حیــدروک
ظلمه باش اگمروک
سسلروخ یــــکصدا
لبیک ابوالفضل 4

ابوالفضـل عاشقی بت سیندرندی
حسین تک ظالمه باش اگمیندی
نقـــدری واردی محسن حُجَجیلر
حسیـــنه جان ندی باش بذل ایدندی

آقامـــــا نـوکرم
آدینـــی سسلرم
سسلیون یکصدا
لبیک ابوالفضل 4

ابوالفضلم یـلِ حیدر منم من
ابی عــــبدللهه نوکر منم من
آنــــــام ام البنینون یادگاری
سپاه عشقه سر لشگر منم من
دردلره دوایم
میر کربلایم
سسلیون یکصدا
لبیک ابوالفضل4

ابوالفضـــــلم اوجا بوی قامتیم وار
حسین مظــهر علی تک صولتیم وار
منیم عشقیم اورکلرده اولوب حک
دلاور زاده حیــــدر غیــــرتیم وار
ساقــــی ِ لشگرم
ظلمی خار ایلرم
سسلیون یکصدا
لبیک ابوالفضل4

ابوالفضلم حسین سقاسیم من
وفـــــا و غیرتین دریاسیم من
منیم بیگــانیه قدیم خَم اولماز
حسینون تیـــغه ی الماسیم من
عاشق اکبرم
اصغره نوکرم
سسلیون یکصدا
لبیک ابوالفضل 4

ابوالفضلــــم شرر دنیایه سالّام
حسینون سایه سینده دالدالانّام
اگر اذن اولسا شاه کربلادن
بیله لشگر ندی شاماتی آلّام
فاتـــــح علقمم
صاحب پرچمم
سسلیون یکصدا
لبیک ابوالفضل4

• سه شنبه
• 22
• تیر
• 1400
• ساعت
• 12:39
• نوشته شده توسط
• یوسف اکبری