اشعار حضرت ابالفضل(ع)

ای دشت غمون سرداری قارداش
یالقیز حسینون غمخواری قارداش
یا ابافاضل یا ابافاضل ( 2 )

دور سال چیگنیوه مشکیوی قارداش
توکمه رخساره اشکیوی قارداش
ملَکلَر ائدور رشکیوی قارداش
سنسن عشقمین معیاری قارداش
یا ابافاضل یا ابافاضل ( 2 )

آچ گوزلرون ای شیر دلاور
هم من راضیم هم حیّ داور
ای منه اولان بو چولده یاور
ترک ائتمه اهل اطهاری قارداش
یا ابافاضل یا ابافاضل ( 2 )

چخمادون هرگز دینون یولوندان
گئچدون بو یولدا صاق و صولوندان
بیرجُرعه سویا گئچدون قولوندان
گرم ائتدون سن بو بازاری قارداش
یا ابافاضل یا ابافاضل ( 2 )

دور یاتما قارداش قیزلار آغلوری
مخیمده زینب سینه داغلوری
رباب اصغرین الین باغلوری
یوخ داخی سویا اصراری قارداش
یا ابافاضل یا ابافاضل ( 2 )

هجر اوخی منیم قلبمی دَلَر
قارداشون سنسیز گوزیاشین الر
دورماسان اگر فاطمه گلر
قان آغلار ، سولار رخساری قارداش
یا ابافاضل یا ابافاضل ( 2 )

وای منه سنسیز ایوای قیزلاره
آچ گوزلریوی باخ اولدوزلاره
رحم ایله قارداش اوغولسوزلاره
آل عصمتین ای یاری قارداش
یا ابافاضل یا ابافاضل ( 2 )

بو چولده منه دشمنیم گولَر
بو احوالیمی بیر الله بولَر
سن دانشماسان قارداشون ئولَر
پوزولوب گئدَر پرگاری قارداش
یا ابافاضل یا ابافاضل ( 2 )

سن ظلم اودونا یاندون هویدا
سایسیز یاره لر باشوندا پیدا
ایسته بیر وقفه نوکرون « شیدا »
قبریوین اولسون زوارّی قارداش

• جمعه
• 8
• مرداد
• 1400
• ساعت
• 12:17
• نوشته شده توسط
• یوسف اکبری

ساقی لب تشنگان
ای منه روح و روان
خیمه لره دور گیدک
ای منی آغلار قویان
سینمی داغلارام قارداشیم
من سنه آغلارام قارداشیم
وای اباالفضل

صاحب مشک و علم
قولاری تندن قلم
دشمن ایچینده منی
قویما نوایه گلم
گور نجه تتریور اللریم
دور الیمدن یاپیش سروریم

عاشق خونین کفن
جان حسین و حسن
من سنه قربان اولوم
باشیله جاندان گچن
مرحبا باوفا قارداشیم
اوخ دییب آندیوا قارداشیم

یوخدو دوزوم هجرانا
دوندی بو قلبیم قانا
جسمیده اوخ یاره لر
وای منه گلمز سانا
ای امید حرم قارداشیم
قولاری وای قلم قارداشیم

آچ گوزیوی باخ منه
منده دیوم جان سنه
فرصت جور و جفا
چاتدی داخی دشمنه
زینبیم تک قالار دور گیدک
گوگلونی کیم آلار دور گیدک

دشمن ایدور هلهله
دور علمون آل اله
اولما رضا خیمدن
مقتله قیزلار گله
سیل محنت داشیر قارداشیم
عترتیم آغلاشیر قارداشیم

(عارف) شرمنده ام
جرمی اولان بنده ام
درگهیوه گلمیشم
فکری پراکنده ام
دوت الیمدن آقا الدخیل
دردیمه قیل دوا الدخیل

• یکشنبه
• 17
• مرداد
• 1400
• ساعت
• 11:56
• نوشته شده توسط
• یوسف اکبری

جماعت من حسینه نورعینم
ابوالفظلم علمدار حسینم
علینن شیر دل فرزندیم من
عزیز مصطفی دلبندیم من ۲بار

من عباسم وفادارم حسینه
جانیم قربان اولا نوره دوعینه
فدا اولام بویولدا منده دینه
علینن شیر دل فرزندیم من
عزیز مصطفی دلبندیم من 2بار

اگر فرماندهیم ورسه اجازه
جناده اوسته من سالام جنازه
جانیم اولسون فدا دینه ونمازه
علینن شیر دل فرزندیم من
عزیز مصطفی دلبندیم من ۲بار

من عباسم علیدن یادگارم
بوچولده من حسینه جانثار م
سوسوزلاردان بلین که شرمسار م
علینن شیر دل فرزندیم من
عزیز مصطفی دلبندیم من ۲بار

پیامیم وار سیزه ای اهل کینه
وزیر تشنه کامم شاهه دینه
منه یول گوزلوری ایندی سکینه
علینن شیر دل فرزندیم من
عزیز مصطفی دلبندیم من ۲بار

واریم اون یدی منصبدن نشانیم
روادور گر سواوسته چخسا جانیم
توکولسه نهر علقم اوسته قانیم
علینن شیر دل فرزندیم من
عزیز مصطفی دلبندیم من ۲بار

حسینن ال گتورمم لشگر حاشا
سالام بو دشتیده بیر نوع دعوا
یلان کفر ایده جنگه تماشا
علینن شیر دل فرزندیم من
عزیز مصطفی دلبندیم من ۲بار

قرض دریانی آلدی پورحیدر
ویروب پرچم فرات اوسته او سرور
سوا مشگین سالوب سردار لشگر
علینن شیر دل فرزندیم من
عزیز مصطفی دلبندیم من ۲بار

• چهارشنبه
• 20
• مرداد
• 1400
• ساعت
• 18:00
• نوشته شده توسط
• یوسف اکبری

او گون عباس نام آور اله فرمان جنگ آلدی
بالخلار گزلنوب دریاده میدانی نهنگ آلدی

سینوب روبه صفتلر شیر ثانی نین قباقینده
قاچان قاچدی قالانلار محو اولوب آتلار ایاقینده
قویوب شام اهلی نین حیرت الین حیرت دوداقینده
ایدوب میدان جنگی شیر تک اشراره تنگ آلدی

آچوب عنقای قدرت شهپرین قاف شجاعت ده
سالوب کرکس لری قدرت فضاسیندن او ساعتده
فتوحت پرچمین نصب ایتدی کوه استقامت ده
بلندی گاه عشقی گوئیا بیر یوز پلنگ آلدی

اَنور فالخور گوگه عباس الینده تیغ برق افشان
قوشون بیر حالدا دور هیچ کیمده یوخ قاچماخلقا امکان
توکور برگ خزان تک باشلاری مرتد بویونلاردان
گورورسن هر محلی برق مثلی بی درنگ آلدی

سران لشگر بی آبرو چون صبح عاشورا
امام الدورمگین طرحین توکوب قورموشدیلار شورا
ابوالفضلین امانسیز جنگنی بولموردیلر گویا
حقوقین هر کیم عباسین حسابیندن قشنگ آلدی

موکللر فراتین دوره سیندن ال چکوب قاچدی
همان یول باغلیانلار قورخودان عباسه یول آچدی
علمدار ایله که فتحین لواسین القمه ساچدی
لبالب دولدوروب مشگین اله بیر شوخ و شنگ آلدی

چخوب نهرین سویوندان سو یترسین فوج اطفاله
سو قولی ورمشیدی چونکه بیر عده لب عطشانه
فلک سالدی یولین اول شیر مردین جنگلستانه
اوزینه صفحهٔ تاریخدن بیر نام ننگ آلدی

او نخلستان که لشگر گیزلنیب اولموشدیلار پنهان
بدنلر هم ایاقلار هیبت عباسدن لرزان
اورکلر کینه لی اللرده شمشیر و دمیر قلخان
الیندن گزلننلر انصافین آتدی خدنگ آلدی

کمین ایتمشدی بیر شیاد روبه خسته جان شیری
سخاوتدن خبر یوخ الده اما قانلی شمشیری
ویربدور غفلتی قولسوز قویوب عباس دلگیری
سارالدی گل کیمی گل صورتی رنگ وردی رنگ آلدی

همان دم بیر تبسم ایلدی قرآن علمداری
دیشینه قبضهٔ شمشیری اما یرده قولاری
هجوم ایتدی آجخلی شیر تک بیر دشمنه ساری
اونی السیز گورن تک اللی لر چنگاله سنگ آلدی

بو غملی ماجراده قلبمی غم نیشتری سوکدی
قدر بام قضادن عالمه خاک عزا توکدی
بیر اوچ پر اوخ وزیره دگدی شاهین قدینی بوکدی
امیر لشگر الدی سیندی تیپلر طبلی هنگ آلدی

عجب سودادی ای دل شمعنی پروانه آغلاتدی
اورک قانیله اشک چشمی شاه انس و جان قاتدی
آدین مسلم قویانلار دیننی وجداننی ساتدی
"امینی" یاز بهشتی بیر نفر اهل فرنگ آلدی

• یکشنبه
• 24
• مرداد
• 1400
• ساعت
• 18:43
• نوشته شده توسط
• یوسف اکبری

ای حقون اولان مظهر قهاری اباالفضل
الله الینون تیغ شرر باری اباالفضل

ای صاعقه و لامعه نور الهی
سن سن ایکی دنیا ائوینون پشت و پناهی
یرده قالاجاقدور نقدر زینبون آهی
گوز یاشین او خاتون ائده جک جاری ابا الفضل

قویمازدی یاتا کوفه ده بیر ناس و اناثی
راحت او اوزون قوللارون خوف و هراسی
سو مشگی اولوب پاره باتوب قانه لواسی
بو قصه جری ایلدی اشراری اباالفضل

موته غزواتینده اولان ظلم زیاده
چکدون قلم باطله سن کرب وبلاده
قولسوز بدنون یرده باشون نوک جداده
یاددان چخادوب جعفر طیاری اباالفضل

هر کیم قیلج آغزوندا گوروب اولدی هراسان
اولماز بو شجاعتده گورنلر دیدی انسان
میداندا قلیج ورماقا اعدایه یوخ امکان
حیرت آپاروب لشگر کفاری اباالفضل

تقریر نجه ائتمک اولور ای دیلیم اول لال
آتدان یره دشمن سالوب عباسی نه منوال
فریاد ائله هر دم ایکی الی باشووا چال
حقون یخیلوب قولسوز علمداری اباالفضل

بیلموردی ئوزین لشگر بی رحم سلامت
سندن صورا دشمنلر عجب تاپدیلا راحت
اوندا بو فلک وئردی زیاد اوغلینا فرصت
زینب غمینون اولمادی غمخواری اباالفضل

بیر نیزه ئیله حمزه نی دعوای احدده
سالدیلا یره قالمادی طاقت او وحیدده
ای داد سنون یاره لرون گلمدی حده
چرخون سایلور ثابت و سیاری اباالفضل

آتدان یخیلاندا آلوب اطرافوی دشمن
هر بیری یکایک ائلیور دعوی من من
هرگز سن ئولندن صورا اولمادیلا ایمن
دیللرده قالوب خوفوون آثاری اباالفضل

بیر یاندیریجی اوتدی بو هیهات اولا خاموش
قولسوز یره بیر شیر یخلمش گوره خرگوش
بو غم ائلیوب زهره زهرانی سیه پوش
تنها نه عزادار دل افکاری اباالفضل

رسمیدی ورالار سگ درندیه زنجیر
قویمازلا قالا طعمه دن ایللراونی سیر
"بیضایه" ترحم ایله قاپوندا اولوب پیر
قوما قاپودان بو سگ مرداری اباالفضل

• سه شنبه
• 2
• شهریور
• 1400
• ساعت
• 13:51
• نوشته شده توسط
• یوسف اکبری

گل مصیبت عالمنده سخت اولوب کاریم باجی
قارداشیم ئولدی، پوزولدی ایمدی پرگاریم باجی

گر چه ذلت تاپماز اصلاً عز و جاه مطلقیم
ظاهراً اما بو صحراده پوزولدی رونقیم
ئولدی انصاریم، قشون سیندی، یخلدی بیرقیم
قالدی قولسوز خاک و خون ایچره علمداریم باجی

دوشمه میشدی قارداشیم عباس الیندن تا علم
لشکرین بولمزدی فاتح، ابن سعد بد شیم
سالدیلار فرصت اله بوندانصورا اهل ستم
هر نه گلسه فکره ایلر قوم خونخواریم باجی

کوفه نین اول بی حیا خلقی ایله جرات تاپار
اون نفر آتلی، یارالی سینم اوسته آت چاپار
دیزلریم گلمیر، اوزون گل اوخلانان مشگین آپاردی
چکمسین سو انتظاری، خوردا قیزلاریم باجی

گرچه اولدن اولوب دام بلایه رام، دل
ایمدی الدن گیتدی اما تاب دل، آرام دل
نه گلور دیز نه گورور گوز نه اولور آرام، دل
نه دوتور دل، نه قالوبدی نطق گفتاریم باجی

گلمسون مطلب عجب، وار حقی گوزلر گورمه سین
هیچ اوغولسوز بیر آتا داغ برادر گورمه سین
عصر اولاندا نعشنی ای کاش حرملر گورمه سین
من گورن تک گورسه دوزمز آل اطهاریم باجی

جان ویرنده اکبر اودلاندی جگر یاندی دلیم
وار دئیدوم عباس تک بیر مهربان آرخام ایلیم
ایمدی ال اوزدوم حیاتیمدن داخی سیندی بلیم
گوئیا گیتدی الیمدن جمله انصاریم باجی

ایستدیم قربانگه حقده اوجالدام باشیمی
راه حقده ویردیم اون یدی جوان هاشمی
اکبریم تک بیر اوغول، عباس تک قارداشیمی
یاره تقدیم ایلدیم اولسون رضا یاریم باجی

جدیم ابراهیم آپاردی گر منایه بیر اوغول
حق عوض گوندردی فوراً اولماسین هاجر ملول
لطفه باخ، بیر گونده یتمش بیر نفر مندن قبول
ایلدی، منّت بو جانه قویدی دلداریم باجی

قوه حسّمده بو مطلب بله احساس اولور
نه جهاندا بئله بیر عالم نه بئله یاس اولور
چوخ اولور ایستکلی قارداش لیک نه عباس اولور
کیم اولور عباس تک محنت گونی یاریم باجی

وار یری ویرسون اجازه روز و شب گوز یاشینه
آغلاسون کلثوم بو کان وفا قارداشینه
دور گتور بیر قاره معجر سال سکینه باشینه
من عزادارم اولون سیزده عزاداریم باجی

گلشن غمدن گتوردوم هر قدر غم یاسینی
لیک آه و ناله دن، منع ایتدیم آل یاسینی
ایمدی رخصت وار دوتون بو نامدارون یاسینی
من اوزومده آغلارام وار چشم خونباریم باجی

یوخ آناسی کربلاده باجی چوخدور نسگلی
اوخساسین عباسیمه وار هر کیمون ثکلا دلی
بیرده مشگل حل اولار، آل عبانین مشکلی
گیتدی الدن بیر امیدیم بیر هواداریم باجی

گر چه نسگلدور یانندا اولمادی ام البنین
لیک اولسیدی اولاردی چوخ اونا مطلب چتین
من گورن حالتده گورسیدی اوز اوغلون حشره دین
آغلیوب یانسیدی حقیدی وار اقراریم باجی

سو گتورمشیدی اله چوخ رنج و زحمتدن صورا
زحمتی گیتدی هدر، انجام خدمتدن صورا
یعنی اوخلاندی سو مشگی بئله همتدن صورا
خیمه گاهمدن گوز اوتدی تشنه سرداریم باجی

رزمگهده هر قدر قان توکدی بو حیدر خواص
شامه و کوفه لشگری بوندان صورا ایلر قصاص
من ئوزومده ئولم اولام رنج دنیادن خلاص
وای سنون احوالیوه ای یار و غمخواریم باجی

(شانی) چوخداندی دخیل اولموش سنه عباسیمه
یالوارور گاهی سنه گه اکبره گه قاسمه
حال یاسیله گلور الحق گلنده یاسیمه
ایستوری اولسون منیم بیر وقفه زواریم باجی

• یکشنبه
• 7
• شهریور
• 1400
• ساعت
• 13:42
• نوشته شده توسط
• یوسف اکبری

علمیم یاتدی یتوب صدمه علمداره باجی
آی باتوب گون دوتولوب اولدی گونون قاره باجی

ائتدی بو نوعی له ئوز جانینی جانانه نثار
اولمیوب دور باجی بیر صید ایله صیاده شکار
تا جهان واردی جهان اهلى او احواله یانار
منده یانّام او هنر صاحبی سرداره باجی

شاهه مشکلدی باجی جنگده سردار ئولومی
خاصه عباس کیمی یار وفادار ئولومی
بئلیمی بوکدی منیم قول سوز علمدار ئولومی
آخدی خون جگریم اشکیله رخساره باجی

کیم من زارهِ ابوالفضل کیمی همدمی دی
هامی اسراری مه عباس منیم محرمی دی
نجه بیر محنتیم اولسیدی شریک غمی دی
یاخشی غمخواریدی بو دیده سی خون باره باجی

نه قَدَر الده علمدارون اَسَردی علمی
یوخودی قیزلاری مون دلده ملال و المی
یِری وار وحشته سال سون بو غم اهل حَرَمی
چوخ مؤثّردی بو غم عترت اطهاره باجی

خیمیه قارداشیمون گلدی او ساعت که سسی
چوخ شتابی له باجی گیتدیم اولام دادرسی
دورہ سین دشمن آلوب گوردوم او آخر نفسی
منتظر دور ایله وقته بو دل افکاره باجی

گلمیوب عالمه بیر بیله وفا کانی جوان
خدمتین کامل ایدوب دین خدایه باجی جان
قالمیوب پیکر عباس دن آثار و نشان
او قدر یاره ووروب دشمن او بې یاره باجی

ایندی حقون وار اگر ایلیه سن داد و نوا
دوتاسان خیمه ده سقای لب عطشانه عزا
ایله بیر حاله اونی سالدی لا بو اهل جفا
یِری وار آغلیاسان قول سوز علمداره باجی

پوزمام یشدی منی عباس تک اکبر مُحنی
سالماموشدی غم اصغر بیله بیر حاله منی
ایندی واضح گورورم قید أسارتده سنی
دستگیر اولماقا بو لشکر کفّاره باجی

جسم عباسی گورن غرق اولى بحر مُحنه
او قدر یاره ووروبلار باجی اول گل بدنه
دوندروب جسمینی اوخ زخمی پوزول موش چمنه
باخان آغلار ایله بیر جسمِ چمن زاره باجی

گر چه دلدن اونی سالموش دی باجی اوخ یاراسی
حسرت اولدی ولی اولمادی یانندا آناسی
بیر گوریدی نجه قان ایچره وِئرور جان بالاسی
آغلیی دی آناسی تا او وَفا داره باجی

(ذوقی) تا وار نفسون شام و سحر ایله نوا
دوتا هر کیم سَنَه صدقیله ابوالفضله عزا
روسیه قویماز اولا خالق اونی روز جزا
باغ جنّتدى عوض اجر عزاداره باجی

• پنج شنبه
• 18
• شهریور
• 1400
• ساعت
• 18:41
• نوشته شده توسط
• یوسف اکبری

بس آتام ابوالفضل هایاندادی هایانا ایدوبدی سفر آنا
نه پیامی گَلدی نه نامه سی نه اوزیندن اولدی خبر آنا

غم هجریدن سارالوب یوزیم گئجه گوندوزی غمه دولموشام
گَله کاش بیرده بابام منیم گوره گُل کیمی نجه سولموشام
بو سفر دگل یقین ایلورم بو جهاندا من یتیم اولموشام
منی سسلوری آتاسیز هامی منه بو غم ایلور اثر آنا

گوزیمون یاشین اَلیَم گرک سبب اولدی گوزیاشیما بابام
نولی بیر گَله وطنه گنه باخا یار و یولداشیما بابام
آلا گوگلیمی، منی دیندیره، اَلینی چکه باشیما بابام
یقین اولسا گَلماقی یثربه بو یانان دله سو سَپَر آنا

گورّم اوندا که گَلوری بابام منی ایلوری گنه سرفراز
بو تازا لباس لاریمی گِیوب ایدرم جلالیله پیشواز
غم و دردیمی دیرم اونا ایلینده سینه سی اوسته ناز
قولونی سالار گنه بوینوما بو سولان یوزیمدن اُپر آنا

گهی گُلشنی گوگل ایستوری، گهی گُل لری گوزوم آختارور
گهی یادیمه دوشوری آتام، گهی ائل لری گوزوم آختارور
گهی نازدانه رقیّه نی گهی اصغری گوزوم آختارور
هله صبر ایدوب یانوب آغلارام باشیما گوروم نه گُلر آنا

باخوسان منه نیه سن آنا گوزیوین یاشین یوزه باغلوسان
منه دی سنی بابامون جانی نه اولوبدی سینوی داغلوسان
دی گوروم ایوین یخیلوب مگر نه غم اوز ویروب بیله آغلوسان
آتام اُلمیوب نیه آغلوسان نه فغاندی ساقدی اگر آنا

نیه سولموشام ویروری نشان منه گونده آئینه ی گوزوم
بو یتیمه لیق توزی دور قونوب یوزیمه منیم، بُلورم اوزوم
منه طعن ایدور گوروم هر اوشاق بو شماتته نجه من دوزوم
نجه گیزلدیم بو ملالیمی آتاسیز اولان بُلونر آنا

یوخودا گیچن گئجه گورموشم بابامون یِرین من بینوا
ایله غم فزا یِریدی او یِر آدینا دیوردیله کربلا
سو یانندا دوشموشیدی بابام بدنی سراسریدی یارا
ولی قولّارین گوره بُلمدیم ایلدیم نه قدری نظر آنا

اوخیلان پر آچموشیدی اوزی، علمی بلشمیشیدی قانا
تَکیدی، یانندا نه آغلیان نه گَلوب گیدن واریدی آنا
ولی بیر بِلی بوکولَن خانم ایله داد ایدوردی یانا یانا
اوزی قاره پوشیدی بُلمدیم کیمیدی او نیکو سیَر آنا

کیم اولا دیدیم بو قدی کمان بابامی ایدوب بیله وقته یاد
دیدیلر بو فاطمه دور بالا، قاپوسی یانان محنی زیاد
گوروسن قابورقالاری سینوب ایدوری شکسته فغان و داد
تانودیم صورا آنامیزدی بو بیله اشک چشمین اَلَر آنا

دوشوب اوردا خیمه گهه یولوم، دیدیلر بو طفله پناه اولون
منی عمّم آلدی قوجاقینه سالوب اوردا بوینوما تا قولون
باشیما اَلین چکوب آغلادی دیدی گوزلمه باباوین یولون
یقین ایلدیم یخیلوب ایویم اورگیمده ویردی خبر آنا

دیدیم عمّه جان نیه آغلوسان نیه اولموسان بیله دلفکار
بس عموم حسینه عم اوغلوما نه گَلوب منه ایله آشکار
دیدی آل هاشمیدن بالا قالوری فقط بو علیل زار
پوزولوب دیدیم یانا یانه من غمه سینم اولدی سِپَر آنا

منی تا رقیّه گورن کیمی دولان ابر تک توکوب اشکینی
دیدی گیت مدینه ده قاره گِی داخی چکمه سن بابا رشکینی
گَتیروب سالوبدی بو چیگنیمه بابامون او اوخلی سو مشکینی
بیله بیر محن گوره بیر بالا ایله وقتیده نه چکر آنا

قِییدوب گَلوردوم او وقتیده دیدی گیتمه صبر ایله بیر دایان
منه گوستروب علی اصغری باخوب حالینه ایلدیم فغان
او گوزل بوغازینی تیغ تک اوخ ایله بیچوب سوزولوردی قان
مگر اوخلانار سودامر بالا بو غم هیچ خیاله گَلر آنا

بو نه سوزدی «اعظمی» یازموسان باخان اشکیله دولوری گوزی
بیله غم یقیندی یازیلمیوب بو بالا عنایت ایدوب اوزی
باخوب آغلا وِردِ زبان ایله گئجه گوندوزی بو همان سوزی
بس آتام ابوالفضل هایاندادی هایانا ایدوبدی سفر آنا

• شنبه
• 3
• مهر
• 1400
• ساعت
• 20:24
• نوشته شده توسط
• یوسف اکبری

ای فیضیوه محتاج هامی عالم و آدم
اقلیم محبّت سنه تفویض و مسلّم
تشریفیوه اولموش هامی اسباب فراهم
فرش ایلمیشم اطلس گلرنگ، ترابه
تعجیلیله قوی پای فلک سیری رکابه

ماذون ایلدون اونداکی سو ایتماقا تحصیل
بو خدمت ابوالفضله اولوب مایه ی تجلیل
اجراسینه ایتدی اودی چوخ شوقیله تعجیل
شاید که بو خدمتده اولا یار سعادت
اجراسی ابوالفضله اولا مایه ی عزّت

بولدوم که مماشاته دی شه خاطری مایل
اولدوم سپهه رسم رساتیله مقابل
افسوس که درک ایلمدی فرقه ی باطل
دل آچدیلار اقوام اباطیله سراسر
گوردوم که اولار جنگیله مقصود میسّر

پوزدوم ایله بیر قدرتیله نظم سپاهی
دل چاتدی تمنّاسینه بو یولدا کماهی
موّاج گورنده سویی چون سینه ی ماهی
دل شوره گلوب چخدی اورک سوزشی یاددان
هر سوزی آپاردی او سویون لرزشی یاددان

فکر ایتدیم ایکی سس اوجالور عرشه بو یرده
بیر ناله ی اصغر که گلوب نی کیمی درده
بیرده سویون آهنگیدی که پرده به پرده
امواج فضانی بورویوب زیر و یمیندن
گویا که ایدور ناله بو قومین ستمیندن

ترکیب اولالی بو ایکی سس اوج فلکده
ناله ایدور ایجاد دل ماه و سمکده
نفرینه مبدّل اولوری ذکر مَلَکده
لعن ایلوری شام اهلینه سکّان سماوات
بو ظلم نظیرین گوره دنیا گوزی هیهات

بیر یاندا آخور شوق لب اصغریلن آب
بیر یاندا عطش خاطر اصغردن آلوب تاب
بیر یاندا یانار چوللری سو ایلوری سیراب
بیر یاندا یانان دللر اولوب قان سوسوزوندان
اولاد پیمبر ویروری جان سوسوزوندان

بو فکرلر اود سالدی ایله قلب نوانه
تار اولدی جهان دیدمه، دویدوم داخی جانه
طوفان کیمی ووردوم اوزیمی آب روانه
تسخیر ایلدیم سرعتیله آب فراتی
چون خضر گتوردوم اله اکسیر حیاتی

آگهسن اوزون شدّت سوز عطشیمدن
نفسیله سو اوستونده اولان کشمکشیمدن
نفس اولدی زبون همّت بی غلّ و غشیمدن
امّا سویا ال وورماقیمی عفو ایله شاها
عفو ایله بو تقصیری کسیلمیش اله شاها

آغلار گوزیله آینه ی آب رواندا
گوردوم عطش آثاری لب جان جهاندا
یاندی اورگیم نائره ی سوز نهاندا
سولموش گوره لی نوگلینی باغ حیاتین
گوزیاشیم آخوب، موجینی آرتوردی فراتین

ایتدیم گوزیمون جامی کیمی مشکی لبالب
چخدیم سودان اودلی اورگیمده شرر تب
دل نغمه سی: حفظ ایله اوزون بو سویی یارب
مخیمده عطشدن قورویان لبلره خاطر
گل تک سارالان رنگ علی اصغره خاطر

بیر جنگ و ستیز اولدی که تار اولدی فلک لر
ردّ ایتدی تماشایه حجاباتی مَلَک لر
ماهی کیمی قان لجّه سینه باتدی اورک لر
ظلماتیده اُرتولدی رخ روشن آفاق
یردن اوجالان گرد، آلوب شمسیدن اشراق

هر لحظه ده شدّت ایلدی موج تنازع
دورمده جفا تیغلری تاپدی تقاطع
افراد ایلدی بیر بیره قتلیمده تتابع
یاغدوردی اوخی اوستومه بو اهل تفاخر
باران بلا ایلوری گویا که تقاطر

شاهین کیمی بال آچماقا من اوج وفاده
دریا قوشی تک باتدیم او طوفان بلاده
شهپر کسیلوب، حادث اولوب ضعف قواده
بیر کشتی طوفان زده تک سیندیم اورکدن
ال گیتدی، هامی قدرتیمی آلدی بیلکدن

ال خدمتینی قورتاروب آیریلدی بدندن
بیر شاخه ی تردور دیه سن سیندی سمندن
همراه آپارا ایستمدی روحیده تندن
گوردی گینه وار کشمکش و جنگه ضرورت
سالمدی سو مشکی اونا لازمدی حراست

بو امری محوّل ایلدی دست یساره
ال ویردی صول ال قدرتیله رشته ی کاره
تیغیله عدو کشتینه یاغدوردی شراره
چوخ کیمسه لری تک الیله سالدی نفسدن
تک ال الی کوتاهیدی گرچه هامی سسدن

بیر بالیله شاهین پر آچوب اوج هماده
انصاف ولیک اولمادی صیّاد قضاده
بیر تیغ ستم اوینادی ناگاه فضاده
ضربیندن اولوبدور صول الیم صاق اله لاحق
یول اوسته دی گوزلور یولیوی لاحق و سابق

دوشدی ایکی ال، شانه ی دل اولدی سبکبار
قالموبدی ولی منده داخی قدرت پیکار
مصروف ایلدیم همّتی بو همّیده ناچار
سو مشکی مگر حفظ اولا آسیب ستمدن
عبّاس خجل اولمیا اطفال حرمدن

کسگین قلجیم ال کسیلوب دوشدی کسردن
شمشاد کیمی بوش قالوب ال شاخی ثمردن
افسوس علاج اولمادی حسرتلی نظردن
الدن الی بوش بیر اله گوز سوزیله باخدی
یوخ چاره گوروب، اشک روان دامینه آخدی

سوزیله دولان سینه نی دل ایتدی وقایه
یر ویردی گوز اوستونده گلن تیر جفایه
افسوس سپر اولمادی پیکان جفایه
بیر اوخ تاپوب ال مشکه، شرر جانیمه سالدی
قلبیمده اولان طاقت و آرامیمی آلدی

• یکشنبه
• 11
• مهر
• 1400
• ساعت
• 18:59
• نوشته شده توسط
• یوسف اکبری

قولسوز دوشن زمانیده صاحب لوا يره
نقش ایلدی حسینه رموز بلا یره

ضربت دگنده باشنه باش آچدی فاطمه
عمامه‌سینی وردی شَهِ لافتی یره

قانلو علم که سینه ده میل ایتدی صاق صولا
دوشجک یره يخلدى شَهِ کربلا يره

يوخدور قولی دوشنده یره تکیه ایلسون
قولسوز دوشوب نه حالیده بس ای خدا یره

قولسوز گوروبدی آچدی قولون‌دشت کربلا
ایله نزول سسلدی بو باصفا یره

گورم سنون دوشوبدی قولون یوخدی صاف یرون
جسمون اولار بو حالیده دوشسون فنا يره

ام البنین هایاندا قالوب گلمیور ندن
گورسون دوشور نه حالیده قد رسا یره

ام البنين گلنمدی گلمشدی فاطمه
اوغلی دوزنمدی دوشه خيرالنسا یره

قولارین آچدی سسلدی معناده گل بالا
دوشمه بو وضع حالیله ای باوفا یره

آنون یارادی دوشمه یوزون اوسته تپراقا
دوزمز آنا بو حالیده دوشسون بالا یره

زهرایه بو بلا گونی سن ایلدون کومک
سن خدمتون يتوردون اوغول انتها يره

قارداش دیوب هرایه چاقر تز حسینمی
گلسون کومک‌لیک ایتمگه بو غم فزا يره

یالقوز امامی سسلدی سقای کربلا
درک ایله قارداشون يخوب اهل جفا یره

باش ویرمرم اگر باشیمون اوسته گلمسون
توکسه نقدری قانمی بو اشقيا یره

قارداشنون ایشتدی سسین چخدی خیمه‌دن
سلطان گلوب وزیری اولان مبتلا یره

گوردی ایدوله باشنون اوستنده کشمکش
قولسوز دوشوبدی مظهر شیر خدا یره

قولسوز گوروبدی قامت طوباسینی حسین
فرش ایلدی او دشتیده فرش عزا یره

قويدى الين بلنه خطاب ایتدی بو سوزی
سندی بلیم دوشنده سن آتدان اخا يره

آلدی باشین دیز اوسته چکوب آه سوزناک
گوزدن توکوب سرشکین او اعظم فدا يره

قانن سلوبدی گوزلرینون قویدی یوز یوزه
قدوسیان باخوبدی او محشر نما يره

شمس و قمر تصادفی بیر یرده اولدی جمع
مبهوت اولوب او حالتی گورجک سما یره

بی‌نفخ صور محشر اولوب کوی عشقده
چکمش عجیب منظره کلک قضا یره

ويرسون حسینه عالم معناده تسلیت
ایتدی نزول گوزیاشیلان انبیا یره

گویا حسین بو دللريلن نوحه باشلادی
توکدی دُر سرشکنی شمس الهدا يره

ای چاره‌سیز قویان منی بو عرصه گاهیده
نه حالیدور بو دوشموسن ای مه لقا یره

اوغلوم ئولوبدی سس ويرنيم يوخدى بيكسم
قان اولمیوب گوزیمده سرشکیم هوا یره

بو سرو قامتونده هانی قولارون أخا
سینونده اوخ کچوبدی اوخ اوستن یارا يره

سنسیز گیدم خیامه منیم گلمیور یوزوم
وار خجلتم اوتورمشام ای دلربا یره

اگلشمگه یوخومدی توانیم نه دورماقا
آواریم دوروم اوتوروم اینکه یا یره

دشمنلریم اگرچه باخور حالیمه گلور
درد و غميم يتوب داخی بی منتها یره

گلجک سسون خيامه منیم اسدی دیزلریم
بلدوم سنی یخوبدی بو قوم دغا یره

الله بلور نه حالدا چخوب خیمه گاهیدن
يالقوز حسين گلییدی بو یر ماجرا یره

آج قانلو گوزلرون منی دیندیر اوغو لسوزام
دوشسون سوزی بو بیکسون اولما رضا يره

هانسی لعین وروبدی یارا سجده‌گاهوه
قانون آخوبدی سو کیمی ويرمش جلا یره

اولسا رضایتون آپاروم خیمیه سنی
زینت ایدوم وجودون او ماتم سرا يره

سو گوزلین بالالارمی قويما منتظر
قويسون داخی سو جامنی آل عبا یره

گورسون سنی بوحالدا باجيم زينب اوخشاسون
خون دلینی توکسون او بی اقربا یره

مقصودینه يتشدی یاتار یاتمیان قوشون
اطفالیمی چکله يقين ناروا یره

«انور» کتابی ختمه يتور بو دو بیتلن
شکر ایتگلن اثر اولی گتسون بقا يره

• چهارشنبه
• 28
• تیر
• 1402
• ساعت
• 11:24
• نوشته شده توسط
• یوسف اکبری

دور اِی یخیلان سَروِ خُرامانیم اَبُوالفَضل
قُربان اوُلا اوُل جانیوَه بُو جانیم اَبُوالفَضل

حقّوندَه سَنُون بَسکه جَفا و ستم اوُلدی
بُو سَروِ قَدُون تیشهء ظُلمیلَه خَم اوُلدی
دوشدی عَلمُون هر اِیکی قُوللّار قَلم اوُلدی
اوُدلاندی مَنیم قَلبِ پَریشانیم اَبُوالفَضل

قارداشینی قارداش بِیلَه عَطشان نِئجَه گُورسُون
گُول پِیکرینی زِینَتِ مِیدان نِئجه گُورسُون
باشدان اَیاقه جِسمینی اَلقان نِئجَه گُورسُون
یاندی جِگریم اِی لَبِ عَطشانیم اَبُوالفضل

سَن سیز بُو جَماعَت نَقدَر تاپدی جَسارَت
یُوخ بیر نَظر اِیتسُون مَنه بُو چُولدَه حِمایَت
نه دِیزدَه تَوان واردی نه دَه قَلبیدَه طاقَت
طُغیان اِیلدی فُرقهء عُدوانیم اَبُوالفضل

بُو قامَتِ رَعنا کیمی سَروِ چَمَن اوُلماز
بُو عارضِ گُلنار تَکی یاسَمَن اوُلماز
جِسمُون کیمی صَد چاک داخی بیر بَدَن اوُلماز
دور بیر اَیاقه سَروِ گُلستانیم اَبُوالفضل

قارداش بُیلوسَن خیلی پَریشاندی سَکینَه
گُوزلَر یُولوی خِیمدَه عَطشاندی سَکینَه
نَه چاره قیلوم کی عَطشَه یاندی سَکینَه
ظُلمیله صُولار غُنچهء خَندانیم اَبُوالفضل

اوُن یِدّی نَفر دُشمنُون اَطرافُون آلوبدی
بو نُوعی شَهید اوُلماقون اوُد جانَه سالوبدی
صَد چاک بدَن اِیستی قُوم اوُستوندَه قالوبدی
یُوخ بیر کُمگُون قانینَه غَلطانیم اَبُوالفضل

• یکشنبه
• 15
• مرداد
• 1402
• ساعت
• 14:14
• نوشته شده توسط
• یوسف اکبری

ای منیم آرخالم ائلیم یارلی سرداریم اویان
ای منیم آرخالم الیم یارلی سرداریم اویان
یوخدور الدن توتانیم قولسوز علمداریم اویان
یار و غمخواریم اویان دور علمداریم اویان
سن تشنه لب سقاسی سن ام البنین عباسی سن
سن تشنه لب سقاسی سن ام البنین عباسی سن

وای منه صدمه ووروب حرمله زیبا گوزومه
اوخ جبینینن اوپوب قان سوزوب گوزومه
قوی چکیم اوچ پر اوخی ورمه تکان سن اوزوه
یانارام آه چکرم گوزلرینن اوپرم
سن تشنه لب سقاسی سن ام البنین عباسی سن
سن تشنه لب سقاسی سن ام البنین عباسی سن

ای منیم آرخالم الیم یارلی سرداریم اویان
ای منیم آرخالم الیم یارلی سرداریم اویان
یوخدور الدن توتانیم قولسوز علمداریم اویان
یار و غمخواریم اویان دور علمداریم اویان
سن تشنه لب سقاسی سن ام البنین عباسی سن
سن تشنه لب سقاسی سن ام البنین عباسی سن

قوی سلیم قهرمانیم قانه دونن گوز یاشیوی
قوی سلیم قهرمانیم قانه دونن گوز یاشیوی
آلمیشام سینه مه جانلی یارالی باشیوی
قویما ای خان کرم عرصه ده تک قارداشیوی
دشمنیم چوخدی اخا بیر کسیم یوخدی اخا
سن تشنه لب سقاسی سن ام البنین عباسی سن
سن تشنه لب سقاسی سن ام البنین عباسی سن

ای منیم آرخالم الیم یارلی سرداریم اویان
ای منیم آرخالم الیم یارلی سرداریم اویان
یوخدور الدن توتانیم قولسوز علمداریم اویان
یار و غمخواریم اویان دور علمداریم اویان
سن تشنه لب سقاسی سن ام البنین عباسی سن
سن تشنه لب سقاسی سن ام البنین عباسی سن

قول ورمیشدین اخا سو وره سن ائللره سن
نه کی مشکه گورا بیر گوز ایکیشه پار وره سن
قولارین یوخدو آتین دا نئجه گلدین یره سن

• چهارشنبه
• 18
• مرداد
• 1402
• ساعت
• 01:04
• نوشته شده توسط
• یوسف اکبری

ای جماعت من حسینین محرم اسراریم

حاجب درگه حرم سقاسی پرچم داریم

یارو غمخواریم تشنه سرداریم

یا باب الحوائج مولا ابوالفضل

مظهر صولت میستان ولایت شیریم

شهریار ملک عشقین قان توکن شمشیریم

مصحف عزتده آیات شرف تفسیریم

صفحه عشق و محبتده وفا آثاریم

ای جماعت من حسینین محرم اسراریم

حاجب درگه حرم سقاسی پرچم داریم

یارو غمخواریم تشنه سرداریم

باب الحوائج مولا ابوالفضل

عاشق صادق ئوز عشقینده گرک اولسون هلاک

زره باکیم یوخ بو چولده سینم اولسا چاک چاک

حاش لله تیغ و خنجردن ایدم بیر زره باک

عاشقم ئوز عشقیمین ئولسمده جانب داریم

عشقیمین اثباتینه ویرم بو چولده جانیمی

ایلرم راضی طریق عشقیده جانانیمی

اوخ ورون خنجر چکون قهرأ توکون القانیمی

جان نثارم کوی عشقین سالک رهواریم

حاجب درگه حرم سقاسی پرچمداریم

باب الحوائج مولا ابوالفضل

بو چالشماخدان بودور فکر و خیال و نیتیم

عالمه گون تک عیان اولسون کمال همتیم

اولسا گر مقبول درگاه تولا خدمتیم

بو صفالی شهریارین خادم درباریم

باب الحوائج مولا ابوالفضل

عالم وحدتده مست باده آگاهیم

کسرت عشق و وفاده من حسین اللهیم

ساقی بزم ولانین خادم درگاهیم

عشق اولا بو جان عشقین مست اولان هوشیاریم

بو چولی باشدان باشا گر دولدورا قوم عدو

زره باک ایتمم ندور بو عربده بو های و هو

بوگونی بو لحظه نی چوخدان ایدردیم آرزو

کیم خیال جنگ ایده آماده پیکاریم

من حسینون تشنه لب سرداریم

باب الحوائج مولا ابوالفضل

ای جماعت منزلتده عالمه سرور دی بو

جان جانا فاطمه بند دل حیدری بو

موته جنگینده خیال ایلور کی پیغمبر دی بو

منده بو دست زمانون جعفر طیاریم

نسبتیم واردور ازل گوندن بو شاه عالمه

بو امیر کائناته فخر دست عالمه

وار یری عیسایه فخر ایتسه آنامدا مریمه

چون آنام خدمت گذاری منده خدمت کاریم

باب الحوائج مولا ابوالفضل

جنگه اولسیدی الیمده شهریاریمدن جواز

جنگیدن یوز دوندرردی قاچماقا اهل مجاز

حمله شیره دوام ایتمز مسلم بیر گوراز

من نیستان ولانین ضیغم نیزاریم

هر بلا گلسه خوشام جانان یولوندا باشیمه

باشیمین قانی گرک منزوج اولا گوز یاشیمه

وقفیدور مین جان اولا جانان عزیز قارداشیمه

باشیمه مالک بودور من بنده درباریم

باب الحوائج مولا ابوالفضل

درک ایدون لشکر سوزون بو آخری بو اولی

خوف ایده هیهات ئولومدن وارث تیغ علی

مین بئله لشکردن ایتمم زره جه وحشت ولی

جنگه اذنیم یوخ والا جنگیلر سالاریم

شهریارجان بو چولده جنگیدن معذور ایدوب

آدیمی سقا کتاب عشقیده منظور ایدوب

اول سبب بیر مشک سو تحسینینه مأمور ایدوب

تا وارام بو منصبی حفظ ایتماقین ناچاریم

باب الحوائج مولا ابوالفضل

ای جماعت تا وارام اسلامه نصرت ایلرم

صاق اَلیم گیتدی صول اَللی دینه خدمت ایلرم

تا منی گهواریه سالدی آنام اُمّ البنین

ویردی بیر سوت سینه دن هر قطره سی آئین دین

بسلدی دینه منی حامی امیرالمؤمنین

جوهر ذاتیمدی دینیمدن حمایت ایلرم

باب الحوائج مولا ابوالفضل

من فدای کوی حقم حق طریقین گچمرم

نفسیی نفس حسین بن علیدن سچمرم

نیلورم سو سلسبیل و کوثر اولسا ایچمرم

تا حسینیم ایچمیوب سو تابعیت ایلرم

باب الحوائج مولا ابوالفضل

• پنج شنبه
• 19
• مرداد
• 1402
• ساعت
• 00:07
• نوشته شده توسط
• یوسف اکبری

ای علمدار دلاور
اهل بیته یار و یاور

گوزلرین قربانی اولام
یابن حیدر یابن حیدر

هر گوزلدن باش گلیب دی
تاج عشقه قاش گلیبدی

حضرت مولا حسینه
بیر گوزل قارداش گلیبدی

دردلره درمان گلیبدی
مرغ روحه جان گلیبدی

حیدر و ام البنینه
بیر گوزل مهمان گلیبدی

بیر بئله احساسه قوربان
عطر و بوی یاسه قوربان

سسلنور گویده ملک لر
حضرت عباسه قوربان

حیدری فرهنگیمیز وار
دامنونده چنگیمیز وار

داعشی دن قوخماروخ بیز
سن کیمی سرهنگیمیز وار

عبد آل حیدروخ بیز
مست جام کوثروخ بیز

دویماروخ سید علی دن
هامیان رهبروخ بیز

دیلده وار نور ولایت
وار ولایت ده سعادت

رهرو راه امامم
افتخاریمدور شهادت

بیز سراسر شور و عشقوخ
تا ابد حیدر سرشتوخ

زینبه جانلار فدادی
حامی کوی دمشقوخ

هیجریدن یاندی بو سینه
رحم ائله بو دل غمینه

سن آنان جانی کرم قیل
باشدا وار شوق مدینه

سنله تاپدوخ بیز شرافت
ای امیر باکرامت

عیدیانه ایسیروخ بیز
دوتموشوخ جشن ولادت

دیللره ذوق و صفا وئر
درد عشاقه دوا وئر

سائلوخ مولا قاپیندا
بیر برات کربلا وئر

? عباس عباس عباس(ع)

• پنج شنبه
• 23
• شهریور
• 1402
• ساعت
• 00:56
• نوشته شده توسط
• یوسف اکبری

☑️ بند اول

حــــســــــیــــن

منی سالدی اهل کین آرایه گل
دوشوب السیز عاشقین بلایه گل

آخیری باشیم قانی عذاریمه
تئز هرایه گل

گل کی جسمیمه اخا زخم کاری چوخ دییب
گورمورم ویرانلاری ساغ گوزومه اوخ دییب

? اے واے حــــســــــیــــن حــــســــــیــــن حــــســــــیــــن

☑️ بند دوم

حــــســــــیــــن

کسیلیبدی راه چاره لر منه
ویریر اهل شام کنایه لر منه

داخی قویمییب وجودودا رمق
یاره لر منه

عفو ائله اخا سنی سوز و آهه سالمیشام
خیمه ده یوبانما گل ظلم الینده قالمیشام

? اے واے حــــســــــیــــن حــــســــــیــــن حــــســــــیــــن

☑️ بند سوم

حــــســــــیــــن

مشکیم اولدی دشمنه بهانه گل
اولدی جسمیم اوخلارا نشانه گل

رحم یوخ بو اهل شام و کوفه نین
ناتوانه گل

سن گلینجه قورخورام ای وفالی قارداشیم
اوخلانان بو جسمیدن آیریلا سینان باشیم

? اے واے حــــســــــیــــن حــــســــــیــــن حــــســــــیــــن

☑️ بند چهارم

حــــســــــیــــن

منی گور نه حاله سالدی کوفیان
سو یرینه مشکیمه دولوبدی قان

داغیلیب جنازم اولموشام حسین
اوخلارا نشان

هر نه اوخ گلیب حسین سینم اوسته ساچمیشام
اوخ دییب اوخ اوستونه تیریدن پر آچمیشام

? اے واے حــــســــــیــــن حــــســــــیــــن حــــســــــیــــن(ع)

• جمعه
• 24
• شهریور
• 1402
• ساعت
• 21:14
• نوشته شده توسط
• یوسف اکبری

گلزاريده پروانه گل ياسي چوخ ايستر
گوهر تانيان كيمسه ده الماسي چوخ ايستر
گوردوم يازيلييب دفتر عشق ايچره بو مطلب
غيرتلي اولان حضرت عباسي چوخ ايتر

سلیمی اردبیلی

• شنبه
• 27
• آبان
• 1391
• ساعت
• 16:31
• نوشته شده توسط
• سعيد رضايي

ای عباس ای ساقی حرم
ای درگاهون منبع کرم
ای اسلامه جان فدا ویرن
دینه خاطر قوللاری قلم

سن
قارداشیندان هر زمان حمایت ایله دین
آل عترته همیشه خدمت ایله دین

ای عاشق سالار دین
روح علی جان حسین

آدون سنون
هر درد ایچون اولدی درمان آقا
مشکللری ایله آسان آقا

ای سردار سرفراز عشق
ای جانباز پاکباز عشق
روحون ایتدی گویلره عروج
تا سن سالدون جانماز عشق

سن
حمله ایلدون اوگونکه قلب دشمنه
میمنیله میسره آلوندی یکتنه

عشق حسینیله یانان
باب الحوایج آدلانان

دعوت ائله
بیر وقفه قبرون زیارت ائداخ
اوردا بیر عرض ارادت ائداخ

• چهارشنبه
• 28
• فروردین
• 1398
• ساعت
• 12:44
• نوشته شده توسط
• ابوالفضل عابدی پور

سپهسالار حق مولا ابوالفضل

توانا یار حق مولا ابوالفضل

شجاعت بیشه سینده شیر ثانی

اولان پرگار حق مولا ابوالفضل

نه محکم ساخلیوب قرآن لواسین

او پرچمدار حق مولا ابوالفضل

لقبده بندهء صالح ,عملده

بیوک احرار حق مولا ابوالفضل

ایدنده عرصه گاه جنگی جولان

که اول کرار حق مولا ابوالفضل

او عریان ذوالفقارین اویناداردی

هر آن سردار حق مولا ابوالفضل

لسان الله دور مانند حیدر

شیرین گفتار حق مولا ابوالفضل

کلام منطق و گفتاری الحق

حقیقتدار حق مولا ابوالفضل

ورن زینت جمالی باغ عشقه

گل گلزار حق مولا ابوالفضل

حسین ابن علی نین غم شریکی

غمین غمخوار حق مولا ابوالفضل

دیدی من مست جام عشق یارم

می عهد الستیدن خمارم

حسین جان مشرقینین شاهی سن سن

الونجه من سنه خدمتگزارم

وفا گنجینه سینده در نابم

مهکدن چخمشام کامل عیارم

نقدر من وارام سن مطمئن اول

الیمده نقد جانیم جان نثارم

علی المرتضی تک غیرتیم وار

اودور علت که اوندان یادگارم

یرین اوستون سراسر دشمن آلسا

فنون جنگده استاد کارم

بودور فخریم که من یکتا پرستم

اوزوم رزمنده ء پروردگارم

پریشان دور ما تل اوستونده قارداش

عمل ده قول ده بااعتبارم

خیامه باغلارام نهر فراتی

نه چونکه اصغریمدن انتظارم

منه فرمان جنگی صادر ایتسون

بسیمدور اوز ایشیمده هوشیارم

فضای همتین رخشنده ماهی

ایشیقلاندیردی آفاق سیاهی

حسینین قلبینی غم چولقامیشدی

دوتولموشدی بیله عالم پناهی

هنر عنقاسی بیردن شهپر آچدی

قاریشدی بیر بیره شامین سپاهی

چکور ظلمت ایاقین عرصه گهدن

عیان ایلور اوزین نور الهی

دومان قالخور هوایه گیزلنور گون

ورنمور بیر نفر دوزگین گواهی

شاخور برق بلا عباس الیندن

دوتوب آتش هامی سنگ و گیاهی

ایاقلار داشلارین اوسته یاناردی

چخاردی باشلاریندان دود آهی

امامین قانی غیرت رگلرینده

جوشوب ترک ایتدی بیر یول خیمه گاهی

ایکی قارداش بیر اولجاق سیندی لشکر

قاچوردی جنگ ایدنلر گاه گاهی

وزیرین پنجه سیندن قورتولانلار

ایدوردی نوش جان شمشیر شاهی

ایکی غیرتلی قارداش تاپدی امکان

اوقارداش سسلینده بو دیور جان

قلجلار نیزه لر اوینور هوا ده

گیدور باشلار بویونلار دان آخور قان

دوشور آهن عمودین ضربه سیندن

بدنلر تپراق اوسته سان ورور سان

ابوالفضلین الینده ذوالفقاری

حسینین باشدا وار شاهانه قلخان

ایکی صورت ایکی شئ دن آلور باج

بیری گوندن بیری آی پارچاسیندان

گون عاشق دور آیا آی عاشق گونه

نه آی گوندن چکور ال نه گون آی دان

او سسلر مرحبا ام البنینه

بوگوتموش سن کمی قدرتلی اوغلان

بو سسلور آی بتولین یادگاری

سنی الله یارالدوب دینه ارکان

اوسسلور افتخار ایت سن ابوالفضل

بیزی جوت بسلیبدور شاه مردان

منیم چوخ فکریمه قالما بسیمدور

فقط اوز قوللاریندان صاحب اولسان

او سسلور ای امید آل یاسین

بو سسلور تاپموشام الله رضاسین

دیور ور مژده ای زهرا عزیزی

بویاندان یخمشام کفرین قواسین

موکللر قباقیمدان قاچیبلار

فراته ویرمیشام قرآن لواسین

نتیجه حاصل اولدی خدمتیمدن

سوسوزلار دردنین تاپدیم دواسین

یتورسم مشکی سالم خیمه گاهه

آزالدر قزلارون آه و نواسین

اگر یانسام سوسوزدان ایچمرم سو

گرک سیراب ایدم قارداش بالاسین

باجیم زینب منه سنگ مهک دور

عیار ایلوبدی قارداشلیق طلاسین

اوزاقدور غیرتیمدن گر سو ایچسم

تحمل ایلرم نفسین جفاسین

رضایم اوچ پر اوخ دگسین گوزومدن

آلوم اول تشنه لب اصغر قاداسین

بصیرت گوزلریمدن گوررم اوندا

سنون تک منده قارداش حق لقاسین

قلم عاجز دی یازسین وصف حالین

حسینین یا ابوالفضلین کمالین

بیری صاقدان بیری صولدان ایکیمجی

قاتوبلار وضعینی جنگ و جدالین

فضای کربلا دن قان یاغوردی

هوا آغلوب توکوردی اشک آلین

واریدی بیر مکاندا جنگلستان

گزور عباس راه انتقالین

گون اوز سمتینده هردن بویلانوردی

نظرده ساخلامیشدی اوز هلالین

نقدری دالدالا ورمیشدی آی گون

او وقت تاپموشدی ظلمت اوز زوالین

تلاش ایلوردی عباس اوز ایشینده

ربابین سود امر زیبا غزالین

اوزی سیراب قیلسین اوز الیله

تاپانموردی او خیر امرین مجالین

یولون سالموشدی نخلستان ایچیندن

که آلسین بلکه سقالیق مدالین

کمین ایتمیشدی بیر جلاد ناکس

حسینین پوزدی پرگار و جلالین

آچوب عباس او دمده یول خیامه

حضور زینبه گلسین سلامه

گوزیندن اشک پیروزی آخوردی

دیوردی چاتمشام مثل اینکه کامه

الینده بیرق قرآن اسوردی

وروردی قدرت دل خاص و عامه

ایشین اول دمده بیر تیریله دشمن

وروب اول شیر یکتانین تمامه

جبینیندن دگن اوخ اوچ پریدی

گیندیردی جهانه قاره جامه

ایشیق گون گوزلرینده تیره لندی

حسینین گوندوزین دوندردی شامه

کسیلدی صورت تکبیر علقم اوستن

یازا عاجز قالور اوضانی خامه

چاتوب مقصوده شمشیر اوینادانلار

هزاران لعن اولا اهل ظلامه

دوشوب قوللار اوزولدی ال الیندن

قیامت اولدی اول مرد قیامه

دوشنده پرچم عباس الیندن

حسین الدی چاتوب عدوان مرامه

نقدری بیر کچیک اوخ جان آلاندی

کیمه دگدی ایوی اول تالاندی

اصابت ایلدی سقا گوزوندن

ازل بیر باشینه دنیا دولاندی

اوچومجی اوخ که پرت اولدی زهیندن

دگوب سرعتله مشکه سو جالاندی

اگوب باشون دیزه ایتدی مقاب
ل
اوخی چاتسین بیر آز دالدالاندی

هوادن غفلتی بیر وزنی سنگین

انوب آهن عمود باش پارچالاندی

همان لحظه داغلدی فکری باشدان

اورکده غم غم اوستونده قالاندی

دیدی ای زندگی کاش اولمییدون

آدون مثل یالان دنیا یالاندی

بدندن روحیم ای کاش آیرلیدی

گوزوم گورمیدی دوره م ال چالاندی

آخوب قان پیکریم سستالدی نیلوم

قاچان لشکر قیتدی آرخالاندی

سوئی نهر فراتین قان اولوبدی

کیم عالمده اونین تک قان سالاندی

دیدی تز گل حسینیم داده قارداش

گلوب بیر منظره ایجاده قارداش

آت اوستن دوشموشم دشمن چاپور آت

بولورسن رحم یوخ اعداده قارداش

یارالی شیر ایچون شورا قوروبلار

اولولار قتلیمه آماده قارداش

اوزوم السیز امان یوخ اللی لردن

بوجنگی دوتما بیله ساده قارداش

چالخور پیکریم قان لخته سینده

قانیم گول گول دوروب صحراده قارداش

دایانمش باش کسنلر باشیم اوسته

یاخیندور باش ورم جلاده قارداش

بو السیز باشیمه گل سنده ال چک

الون قربانی بو افتاده قارداش

سعادتمندم الان باشیم اوسته

گلیبدور گل ننه م زهراده قارداش

قورولموش بزم ماتم قتلگهده

فغان وار عالم معناده قارداش

سنون گلماخلقیوا یول گوزتلور

عدن ساقی سی الده باده قارداش

او دم قارداش سسینی قارداش آلدی

سولوب رنگی شه دینین سارالدی

شتابان دوندروب یوز نهره ساری

اوزون عباس اولان قتلایه سالدی

گوروب اون یدی جلاد ستمگر

گلوب باش کسمگه آواره قالدی

ولی قارداشدا بیر غیرتلی قان وار

یامان گونده او قان قارداشه حالدی

او حالداکیم حسینی گوردی سیندی

ابوالفضلین سینان باشی اوجالدی

حسین اگلشدی بیرده باشین آچدی

دیوب وای قارداشیم ال باشه چالدی

ازل قانلی جمالین سیلدی قانین

گوروب اوپماق یوزین امر محالدی

یوزین قویدی او قان دوتموش جماله

مشامه تز بهشتین عطرین آلدی

دیدی زهرا ننملن هیچ دانشدون

نجه شیرین غزل شیرین مقالدی

((امینی))مطلب ایستور سنله مندن

که ائللردی بو درگهده قوجالدی

• شنبه
• 23
• مرداد
• 1400
• ساعت
• 17:01
• نوشته شده توسط
• یوسف اکبری

قـزلار ابوالفضلـه پناهنــده‌دی
حیف اولایوخدور سویی‌شرمنده‌دی
تتـرور غضبدن – یـوخ اذن میدان
آغلور بشیکده – اصغـر سوسوزدان

****
غُصّـه ابوالفضلـی گتـوردی دیله
اِذن جهــادی گتــوره تــا الـه
گلدی حضور شه چوخ عجزیلـه
عرض ایلدی سیّدی گل لطف‌ایله
قـوی منـی چـاره ایلیوم مشگلـه
سـو گتـورم اذن فقـط سنـده‌دی
****
ای اولان الله ایوینــون محــرمی
واله ایدوم قـوی اوزومـه عالـمی
فتــح ایلیـوم قدرتیلـه علقمــی
نهـر فـرات اوسته ویروم پرچمی
شایـد آپاردیـم اورگیمـدن غمی
خیمه‌لـره گلسـه سـو ارزنـده‌دی
****
قوی منی سن مست می یار اولوم
دین خداونده بوگـون یـار اولوم
جنگه گیدوم حیـدر کـرّار اولوم
ال ویروم السیز من

• پنج شنبه
• 9
• شهریور
• 1391
• ساعت
• 08:48
• نوشته شده توسط
• جواد

چون خیمه لرده اوچ گونودی قحط ِآبیدی
سوزِ عطشدن آل ِعلی دل کبابیدی

بیر جمع تشنه قیز گلوب عبّاس حضورینه
اللرده جامِ خشگیدی ، گوزلر پر آبیدی

گورجک بو حالی حالی پوزولدی او سَرورین
غیرتده چون آتاسینا نایب منابیدی

بوندان علاوه ایتمیشدی بسکه سو سبیل
سقّاليقا او چولده آدی انتخابیدی

اولدی سوار عقابه قویوب رزمگاهه یوز
مأذون اذن ِشاه جلالت مآبیدی

شرق ِخیمدن ایتدی مهِ هاشمی طلوع
ماه ِسپهره نور دمِ اکتسابیدی

گورجک او نوری خیره لنوب اشقیا گوزی
گویا که گون ضیاسی قرین سرابیدی

تا یتدی اشقیایه آچوب دل نصيحته
گور صادقی که ناصح قومِ کذابیدی

حق بولمینلر ایتمديلر حق سوزون قبول
گر چه تمام سوزلری رأی صوابیدی

بیر کسده قدرت اولمادی ویرسین جوابینی
حق کلمه سینده فرقهٔ باطل مجابیدی

غيظیله حمله ایتدی قوشون اوسته گوئیا -
شهباز ِعشق قصدی شکارِ غُرابیدی

عَمرو اوسته خندقه دیه سن مرتضا گیدیر
شمشیری ذوالفقاریدی دُلدُل عقابیدی

اویناردی برق تک اوزون الده ایتی قلیج
اود یاغدیرردی دشمنه تیرِ شهابیدی

شمشیرِ برقی جانینه اود سالدی دشمنین
توشِ عذاب ، ئولمه میش اهلِ عذابیدی

لشکر گوزونده تیره و تار اولدی رزمگاه
گر چه قلیج وران اولارا ماهتابیدی

روباه وار قاچدی یَلانِ عرب تمام
اعدا اوزون ایتیردی ، ایله پیچ و تابیدی

آتلار صداسی نعره سسی بانگِ الحذر
بیر اوزگه شور ِحشریدی بیر انقلابیدی

یاردی نهنگ صولت او دریای لشگری
دشمن داغیلدی صاق صولا گویا حبابیدی

بیر یول آچوب او سروِ خرامانِ مرتضا
گویا فرات خيبرينه فتحِ بابیدی

آلدى شريعه نی ، علی خیبر آلان کیمی
بیر کس که صولتی او شهه انتسابیدی

باخدی سویا سوسوزلوقی آرتوب دوباره دن
از بس عطشدن اوچ گونودی سلبِ تابیدی

بو اوچ گونی که سو یولونی باغلاموشدولار
دللرده تشنه ليق اودی پُرالتهابیدی

فکر ِعبث دی ، گلمسین هرگز خیالوه
عطشان تمام ِعترت ِختم ِمآبیدی

هی سو گلوردی خیمیه سیراب اولوردولار
سیراب ایدن او جمعی دیمه اشکنابیدی

اوچ کیمسنیدی اوچ گئجه گوندوز سوسوز قالان
نفسین ایدن مباح سودان اجتنابیدی

بیر شاهِ تشنه کامیدی سو میل ایتمین
بیرده باجیسی زینبِ عليا جنابیدی

بیرده بو که سوسوزلارا سقائیدی اوزی
چگنینده مشک تشنه لبی لعل ِنابیدی

ائیچمزدی ، سو تاپاندا ویرردی اوشاقلارا
مبهوت اونون وفاسینه هر شیخ و شابیدی

القصّه دولدورب ائیکی اوجین آخار سودان
حیران قویان جهانی بو امرِ عجابیدی

نفسين مذّمت ایتدی توکوب تازه دن یره
عبّاس - حسین سوسوزدی بو نه میلِ آبیدی

دولدوردی مشگینی اوزی چخدی سوسوز سودان
اوّلده مستِ جامِ شرابِ خوشابیدی

هر سمته باخدى باشلادی بیر یول ، همان او یول
نزدیکِ راه خيمه عرش احتجابیدی

یوز قویدی خیمه گاهه طرف شوق وذوقيله
ایلردی هر نه همّت و سعی و شتابیدی

ناگاه قویدی اوخلاری بیردن کمانلارا
بولمم او قومده بو نه شرم و حجابیدی

اول گلشنِ وجودينه گویا صفا ایچون
اوخ یاغدیران یاغیش کیمی گوگدن سحابیدی

نه سعیِ جنگ ایدردی نه بیر حمله لشکره
امّا تمام جهدی فقط حفظ ِآبیدی

ایستردی مشگی بلکه یتورسون سوسوزلارا
اطفاله سو آپارماقیله کامیابیدی

کشفِ مصیبت ایتماقا یوخ گر چه اختیار
امّا اولوب ، يازوبدیلار شرحِ کتابیدی

بابِ اشاره مجملاً عرض ایلیم گرک
بیر غم که هر کتاب ِغمه نئچه بابیدی

شیر اوغلی شیری گَلّهء روباه ایدوب شکار
اُف روزگاره ، دوری ازلدن خرابیدی

قول ویردی سو آلانمادی دویدی حیائیدن
جان نقدى الده راغبِ مرگ ، اول جنابیدی

پیکانِ ظلم پیکِ اجل اولدی آنّینا -
دگدی ، ولی حقیقتِ عشقه نصابیدی

ایستردی خارج ایتسون اوخی سجده گاهدن
شکرانه سجده ایتماقا جای ثوابیدی

ال خدمتین رجوع ایلدی هر ایکی دیزه
ال عُذری بو خصوصیده چوخ باحسابیدی

ویردی تکان عمامه باشندان دوشوب يره
سنده باش آچ ، که باشین آچان بوترابیدی

باشی آچوخ قالاندا گلوب بیر نفر شقی
الده دمیر عمودیدی دلده عتابیدی

امّ البنین روحینی آغلار قویان هنوز
اوردا اولان او نچه سؤال و جوابیدی

یا فاطمه نئجه دیوم آتدان دوشن زمان
نچه قدم ایاقی که بندِ رکابیدی

از بس یورولموشیدی دوشوب نطقسیز یاتوب
گوردی که قان حریری عجب رختخوابیدی

گَلدی امام او دمده گوروب ناز بستری
فرزندِ بو توابون او قانلی ترابیدی

سسلندی دور اویمی ، یخان قدیمی بوکن
دشمن دوتوب بو دشتی مگر وقتِ خوابیدی

قارداش سسين آلاندا گلوب جانه تازه دن
حسّ ایلدی باشی اوسته گلن آفتابیدی

عرض ایلدی باغشلا آقا گورموری گوزوم
قان پرده سی گوزوم قباقیندا نقابیدی

شاه شهید آنلادی قارداش مرامنی
آخر امام عالِمِ سرّ غیابیدی

بولدی که یوخ الی سیله قانلان دولان گوزی
بو باره دن چون حسرتِ دل بی حسابیدی

سیلدی او ساربان کسن ال قارداشین گوزون
نه حالده گور اول شه مالک رقابیدی

فرمایش ایتدی خیمه دن ایمدی گَلنده من
چوخ منتظر رقیه ، سکینه ، ربابیدی

عرض ایلدی خیامه برادر گیدنمرم
خجلت مصیبتی چون اشدُّ المصابیدی

میداندا قویدی قارداشینی گلدی خیمیه
بولدی مرامی قارداشین عهدِ شبابیدی

بوش مشک الده گوزده دولی اشگ ، مُشک سا
دلده کلام و ذکری همین بو خطابیدی

گَل ای آنام نشانه سی غم پروریم باجی
گور قلبیمی نه نوعيله پُر اضطرابیدی

عبّاسیم ئولدی ایمدی گرگ یاسینی دوتام
يغ باشیمه نقدر که عصمت مآبیدی

سویلوب خيامه بس نیه نعشين گتورمدون؟
سپماقه زخمِ جسمنه گوز پر گلابیدی

فرمایش ایتدی علّتی واردور گلنمدی
بوینوندا گر چه رشته ءالفت طنابیدی

سو اولمادی الی بوشیدی گوزلری دولی
آهیندن اودلانان فلک ِنُه قبابیدی

سو ایچمدی اوزی ولی بو چولده قانیله
گلزارِ دينه ویردی او که آب تابیدی

جان اوسته العطش دیمدی تشنه ویردی جان
معلوم اولان که مایلِ عالی شرابیدی

وصلِ نگار ایچون یوخودی ال خضاب ایده
باشدان اياقه جسمی ولی قان خضابیدی

توک گوز یاشی ذخیره ائیله حشره (شأنیا)
روز ِجزاده هر بیری بیر دُرّ نابیدی

ایسته او غملی قبرینی یا کربلا چاغور
عبّاس آدی گلنده دعا مستجابیدی

• یکشنبه
• 7
• شهریور
• 1400
• ساعت
• 12:37
• نوشته شده توسط
• یوسف اکبری

اي علمـــداريم يار و غمخـواريم
دور گيدك قارداش ياتمـا صحــراده
قيزلاريـم قـالميش انتـظارونـــده
غرق اولوبسان سن قانلــي دريــاده

قولاّرين يوخدي جان ابوالفضليم
آغزيوا دولموش قان ابوالفضليم
جان ابوالفضليم (2)
****
دشمنيم چوخدي- يـاوريم يوخدي
داغليـان قلبيـم - بو سه ‌پر اوخدي
الـعطش سسلور - خـرداجا قيـزلار
خيمه‌ده قارداش ذرّه سو يوخـدي
****
قلبيمـي داغــون – يانديـرار قارداش
چوخ يارون واردور- گورمييديم كاش
دور دانيـش منلـه - بير كسيم يوخدي
حالیـوه آغلــور يكسره داغ داش
****
داغـلانور قلبيم - بـــو مصيبتــده
آنّـوا اي واي - اوخ دگوب قارداش
دور اليمـدن دوت - ياوريم يوخدي
قديمي اوچ‌ پر اوخ اگوب قار

• پنج شنبه
• 9
• شهریور
• 1391
• ساعت
• 13:16
• نوشته شده توسط
• جواد

دشمنی نامرد اولان قولسوز علمدار اویان
مشکینه آی قان دولان قولسوز علمدار اویان
قربان او قولّاره ئوزوم اباالفضل
قانلی گوزه فدا گوزوم اباالفضل

دوشدی بو چولده سنون درد و بلایـه باشـون
باشوین اوسته گلوب بیکـس اولان یولداشـون
قانـه قارشیـدی اخــا گوزدن آخان قان یاشون
آچ گوزیوی باخ منه گور قوجالوب قارداشون
باشون دیز اوسته آلموشام اباالفضل
بلیم سینوب قوجالموشام اباالفضل
****
قلبیمـه غـم وروب اوخ خیمه‌لره دور گیدک
دای کمگیم یوخدی یوخ خیمه‌لـره دور گیدک
اَل چالانیم چوخدی چوخ خیمه‌لره دور گیدک
ساقی لب تشنگان قولسوز علمدار اویان
سپــاه غیرتــه امیر اباالفضل
رقیّه دای سو ایستمیر اباالفضل
****

کربلا زمزمه

• پنج شنبه
• 9
• شهریور
• 1391
• ساعت
• 13:43
• نوشته شده توسط
• جواد

شجاعت حضرت ابوالفضل العباس علیه السلام

شاعر ؟؟؟

سس دوشدی میدانه شیر دلاور گلور
صفلری سیندیرماقا حیدر دیگر گلور

قاش گوزونون صیدینه یوسف مصری اسیر
باخ اوزون اللرده بیر قرمییزی پرچم اسیر
امر امامینده بو تابع فرمان اولوب
علقمه قصدینده تک راهی میدان اولوب

سس دوشدی میدانه شیر دلاور گلور
صفلری سیندیرماقا حیدر دیگر گلور

اولدی مقابل دیدی عاشق آزادی ام
مین بیله لشگر گله جان بکف آماده ام
ذلته باش اگمرم آند اولا عشق آدینه
نوکری ام من ئوزوم فاطمه اولادینه

سس دوشدی میدانه شیر دلاور گلور
صفلری سیندیرماقا حیدر دیگر گلور

هاردادی فرماندهوز آلماقا جان گلمیشم
مکتب حیدرده من درسیمی ئدورگن میشم
مرکب غیرت مین

• پنج شنبه
• 8
• شهریور
• 1397
• ساعت
• 01:37
• نوشته شده توسط
• علی ببیرپور

پور حیدر قدم قویدی بودنیایه
گل یوزی بو جهانه ویردی پیرایه
آدی باب الحوائجدی
غم و درده معالجدی
عشقی عالمده رایجدی
ابوفاضل
یا ابالفضل یا ابالفضل ...ابوفاضل

چارم شعبان اولوبدی جهان گلشن
آی یوزی بیت مولانی ایدوب روشن
مه برج ولایتدی
اوزی کان کرامتدی
کرمی بی نهایتدی
ابوفاضل
یا ابالفضل یا ابالفضل ...ابوفاضل

گل یوزون کیم گوروب اولدی اورکدن شاد
دیدی ام البنین اولسون ایوین آباد
درد عشقه دوا ایلر
بیزه لطف و عطا ایلر
راهی کربلا ایلر
ابوفاضل
یا ابالفضل یا ابالفضل ...ابوفاضل

تا ابولفضل بودنیایه قدم قویدی
غم و غصه لباسین قارداشی سویدی
آقا اوغلی آقا گلدی
وارث مرتضی گلدی
ساقی کربلا گلدی
ابوفاضل
یا ابالفضل ی

• پنج شنبه
• 22
• فروردین
• 1398
• ساعت
• 11:45
• نوشته شده توسط
• ابوالفضل عابدی پور

فارسی

بلبل به چمن نغمه سرا/آمدمه ایوان ولا
عالم شده گلشن
آمدپسرشیرخدا/سرلشکراردوی وفا
چشم همه روشن
آمدشرف اهل یقین/آرام دل ام بنین
سردارشجاعت
نیروی دوبازوی حسین/سرلشکراردوی حسین
حامی ولایت
ملک وفارا*سلطان ابالفضل
جان جان ابالفضل

بگرفته بغل غرق شعف/میبویدومیبوسدعلی
آن قرص قمر را
بربازوی اوبوسه زند/ریزدبه رخ همچومهش
او اشک بصررا
گویدکه توعباس منی/گرمی ده احساس منی
ای صبروقرارم
ای گرمی بازارعلی/ای ماه شب تارعلی
ای عز و وقارم
ملک وفارا*سلطان اباالفضل
جان جان ابالفضل

ترکی

احسان ایلدی حی ازل/مولایه ویروب لطفیله بیر
سروچمن آرا
رعناقدی زیباگوزی وار/قاشلاری کمان سروروان
بازوسی توانا
باخجاق اوگوزل ق

• چهارشنبه
• 28
• فروردین
• 1398
• ساعت
• 11:57
• نوشته شده توسط
• ابوالفضل عابدی پور

ای علی اوغلی حسینون تشنه سرداری اباالفضل
مردلر مردی امامت باغنین باری اباالفضل

دین هواداری اباالفضل
عشق معیاری اباالفضل
شیعه نین یاری اباالفضل
عباس عباس عباس

ای قلم قوللاری دین اوسته او رفتاریوه قربان
هامی ایثار ائلین لر ائله ایثاریوه قربان

عشق سرشاریوه قربان
تن تب داریوه قربان
اوجا قوللاریوه قربان
عباس عباس عباس

سن اوسان دین خدایه بیوک امداد ائلیوبسن
ائوین آباد اولا حقین ائوین آباد ائلیوبسن

حقی فریاد ائلیوبسن
خلقی ارشاد ائلیوبسن
محشر ایجاد ائلیوبسن
عباس عباس عباس

نجه تعریف ایدوم ای مه سنی که رشک قمرسن
حسرت سرو و صنوبر صف عشاقده سرسن

آیت صبر و ظفرسن
غایت عشق و هنرسن
عزت سلک بشرسن
عباس ع

• چهارشنبه
• 28
• فروردین
• 1398
• ساعت
• 12:57
• نوشته شده توسط
• ابوالفضل عابدی پور

غم آلوب طاقتیمی گلمشم عباسه دیم
دردیمی محنتیمی گلمشم عباسه دیم

حاجتیم‌وار چالورام باب الحوائج قاپوسی
دلده کی حاجتیمی گلمشم عباسه دیم

او گوزل قبردن اوتری اوره گیم پرپر اسور
قصدیمی نیّتیمی گلمشم عباسه دیم

سو کنارینده دوشن قولّارا قربانم آقا
غمیلن الفتیمی گلمشم عباسه دیم

آغلارام تا قاتارام اشکیمی مشکین سویونا
غم بوکر قامتیمی گلمشم عباسه دیم

چاغیروبلار منی بو بزمه اوزوم گلمه مشم
یازیلان دعوتیمی گلمشم عباسه دیم

• یکشنبه
• 9
• خرداد
• 1400
• ساعت
• 16:50
• نوشته شده توسط
• یوسف اکبری

نمک بزم عزادور آقام عباسین آدی
هر چتین درده دوادور آقام عباسین آدی

سسله صدقیله آدین درده دچار اولمیاسان
آغلا وؤر سینیه اَل عشقیله خار اولمیاسان
باغلا اُلفت اونیلا.غیرینه یار اولمیاسان
یاره یاری ائدر اول همت ابالفضلیده دی
شیر داوره اولان غیرت ابالفضلیده دی

باغلاماز نوکر درباره کرامت قاپوسین
کربلاده آچوب عشقیله سخاوت قاپوسین
هامیدان یاخشی تانور اهل صداقت قاپوسین
صِله سیز ردّ ائلمز نوکری درگاهیندن
اورگشوب بخششی عباس آقام ئوز شاهیندن

جانینی وقف ائلدی قارداشینا پور علی
پسر شیر دل و نامی و پُر شور علی
قولاریندا واریدی چونکی اونون زور علی
شیر تک شاه شهیدانان حمایت ائلدی
کربلاده ولی بیر آیری قیامت ائلدی

• دوشنبه
• 10
• خرداد
• 1400
• ساعت
• 23:54
• نوشته شده توسط
• یوسف اکبری

هر داش اورک هرگز دُر احساس اولا بیلمز
آهن پاراسی تیغه الماس اولا بیلمز

عالمده گزنلر شرف النّاس اولا بیلمز
عبّاس آدین هر کس قویا عبّاس اولا بیلمز

بازولرینی حیدر ئوپوب بیمه ائدوبدی
احسن اونا جبریل امین حتمی دئیوبدی
قارداشینی گورجک الین عالمدن ئوپوبدی
هر تپراق و داش تربت عبّاس اولا بیلمز
قامت اوجالار حضرت عبّاس اولا بیلمز

ای امّ بنین محشر ائدوب خط شکن اوغلون
تأیید ایلدی آل علی پنج تن اوغلون
یعنی بگنوب شخصاً حسین و حسن اوغلون
هر چشمه جوشار داخل دریا اولا بیلمز
چوخ ساقی گلوب حضرت سقّا اولا بیلمز

حیرتده قویوب دیدۀ شهلاسی جهانی
عشّاقه اولوب کعبه گوزل دارُالامانی
جوشدی رگ غیرتده که حیدر کیمی قانی

• دوشنبه
• 3
• تیر
• 1398
• ساعت
• 10:12
• نوشته شده توسط
• ابوالفضل عابدی پور

کنار نحرده دوشدی
باشیم غوغایه آی قارداش
بلاسی باشمین حاشا
گله انشایه آی قارداش
.
کسلدی اللریم السیز دولاندیم قانلی میداندا
ساق ال قطع اولدی بیریاندا صول ال ده دوشدی بیریاندا
یامان وقته حصار اولدوم حصار قوم عدواندا
مقابل اولدی بیر لشگر من تنهایه آی قارداش
.
قاچان لشگر دوشوب نظمه آلیب اطرافمی دشمن
توکولدی اوستومه پیکان الیمده اولمادی جوشن
یانارسان نار حسرتده ابوالفضلی گلیب گورسن
خسوف قان چکیب پرده ایشقلی آیه آی قارداش
.
چکیب قان گوزلره پرده نه اوخ نه نیزه نی گوردوم
نه گوردوم داش آتانی نه عمود آهنی گوردوم
آچلمش دیدهٔ قلبیم جهاندان بیر سنی گوردوم
ایله لب تشنیم سنده اولان مینایه آی قارداش
.
ایدیبدی

• شنبه
• 5
• مرداد
• 1398
• ساعت
• 14:24
• نوشته شده توسط
• ابوالفضل عابدی پور