حضرت عباس آدی آرام جان شیعه دی
آدینه قرباندی جانلار پاسبان شیعه دی
مظهر غیرتدی بو روح و روان شیعه دی
قامتی سَرو دل آرا قلب پُر احساسی وار
هانسی ملت شیعه نین تک حضرت عباسی وار
افتخار ایلر کلیمی اول ید بیضاسینه
ناز ایدر هر بیر مسیحی چون دَم عیساسینه
شیعه امّا عشق ایدر اُم البنین عباسینه
زندگیده حضرتین رفتارینی مشق ایلروک
گلسه هر یرده آدی فخر ایلروک عشق ایلروک
درس ایثار و ادب ویردی هامی انسانلارا
ساتمادی دیناره ایمانینی بی ایمانلارا
قدّینی خَم ایتمدی انسان نما شیطانلارا
سسلدی قاداشیمون چون شیر بی پرواسیم
پاسدار پرچم دین قهرمان عباسیم
شاهباز اوج غیرت جنگیده گور نیلدی
تیغ خون آشامیلن اعدانی یکسر پیلدی
ماردی اولدوردی میداندا قیامت ایلدی
یوز دوتوب شمره دیدی من بَنده ی آزاده یم
مین ایله مارد گَله اولدور مگه آماده یم
من حسین قارداشیم یوخ منده هیچ خوف و هراس
گر ایدوم حمله قوشون اهلی اولالار آس و پاس
لشگر اولسا مزرعه قیرّام اونی مانند داس
زاده ی اُم البنینم ،فاطمه دلبندیم
فاتح خیبر علینون شیر دل فرزندیم
سیز بیله فکر ایتمیون قارداشیمون یوخ یاوری
یا اوغولسوزدور بو گون الدن ویروبدور اکبری
لشگروز نابود اولار ایتسه اشاره اصغری
اذن اولا حیدر کیمین میداندا طوفان ایلرم
کوفه شهری سهلیدور شاماتی ویران ایلرم
اهل بیت عصمته ساقی منم سقا منم
قطره گر غیرت اولا ،اول غیرته دریا منم
من یل کُلِّ یلانم هیبته معنا منم
مرتضی خصلت حسین تک مظهر عزَّت منم
معدن غیرت منم ، معنای حیثیَّت منم
الغرض جنگ ایلدی نهری آلوب اولدی ظَفر
اوجینه دولدوردی سو بیر باخدی اول ماه سیَر
یادینه بیلمم نه دوشدی اولدی چوخ خونین جگر
دیلده گویا سسلدی قارداش سوزومدن گیچمرم
بو سو اصغر سهمیدی واللهی اوندان ایچمرم
من نجه میل ایلیوم اطفال عترت تشنه دی
بانوان پاک طینت اهل عصمت تشنه دی
خردا قیزلار تشنه دی یاران عزت تشنه دی
ایچمرم والله سودان جانیم چیخا آقا اگر
قورخورام اصغر اوله چوخ تشنه دی اول صود اَمر
من سوا باخدیم رقیه صورتون گوردوم آقا
ویرمیشم سو قولی عطشاندور لبی اول مَه لقا
نیلرم اوخ دگسه مشگه سو جالانسا تُپراقا
کاش ابوالفضل قیتره سالم سویی خیملره
هم اوشاقلار ایچیلر هم ویره لر صود امره
- پنج شنبه
- 17
- تیر
- 1400
- ساعت
- 10:49
- نوشته شده توسط
- یوسف اکبری
