اشعار حضرت ابالفضل(ع)

کیمدی بو قولاّری اوزون پهلوان!
پرچمینه بوسه ویرور آسمان
دریای عشق و احساس دور بو
یعنی غضبلی عبّاس دور بو
آقا ابالفضل – سقّا اباالفضل

واردی اوجا قامتی، شهلا گوزی
آی ندی؟ گوندنده گؤزلدور یوزی
حقّه طرفداریدی، حقدور سوزی
واله اولوب سطوتینه انس و جان

مرکز میداندا دایاندی عقاب
حضرت عبّاس ائدوبدور خطاب
دقّت ائدون بو سوزه ای شیخ و شاب!
وئرمرم هئچ ظالمه بیر آن امان

مارده سعداوغلی دئدی ای دغا!
جنگه گلوب زاده ی شیرخدا
لشکریمی قورخو دوتوب برملا
یوخدی حریفی دور اؤزون بو زمان

ساقه سولا عزم ائلیور تیر تک
سهمی بؤلور دل لری شمشیر تک
قؤرخوسو یوخ نعره چکور شیر تک
مثل علی تیغ چکور آن به آن

ماردِ بی جرأت و حق ناشناس
بی ادب و بی نسب و بی اساس
بیربیری اوستن گینوبدور لباس
عرصیه آماده دی اولسون روان

میندی آتین دیو خطرناک تک
عرصیه گلدی سگ ناپاک تک
قان گوزونی باغلادی سفّاک تک
لعنت اونا ایلَدی هر اِنس و جان

نیزه سینی آتدی او پست و دنی
شیرخدا اوغلی گؤروب دشمنی
دوتدی ایکی بارماقیلا نیزه نی
تیترَدی میداندا چو برگ خزان

نیزه¬نی وُوردی، او دنی¬فطرته
سالدی بو ایش هر گؤره¬نی حیرته
باخ او اوجا قدّه، قَوی قدرته
سسلدی احسن اونا پیر و جوان

حیف، او اوزون ال لره اولدی قلَم
دوشدی علمدارین الیندن علم
علقمین اطرافین آلوب درد و غم
آی بولود آلتیندا اولوبدور نهان

چاتدی حسین بن علی علقمه
گؤردی گلوبدور آناسی فاطمه
باخدیلا بیر قانه باتان پرچمه
آغلادی عبّاسه اولار باغریقان

سنده «بشیر»ا اوخی غم نوحه سین
یازما داها مشک و علَم نوحه سین
صاحب ایمان و کرَم نوحه سین
اولدی ابوالفضله حسین نوحه خوان

• چهارشنبه
• 18
• فروردین
• 1400
• ساعت
• 18:47
• نوشته شده توسط
• یوسف اکبری

ئورکلر یاره دی آخما رباب آوارده دی آخما
منِ بیچاریه رحم ائت وجودون چاره دی آخما

خیامه آز قالور آخما قوشون هی اَل چالور آخما
یارالی پیکریم هی ساغ صولا لنگر سالور آخما

سنی زینب جانی صبری ئورکدن آلما دای آخما
آنام امّ البنین باشین اشاقه سالما دای آخما

دوشوب بال و پریم آخما چالیخلور اصغریم آخما
تمام سرنوشتیم سن امید آخریم آخما

وفا پابندیم آخما آدامسیز بندیم آخما
رقیه مدن نچه گوندی ائله شرمندیم آخما

بو قلبی یاندیروب یاخما نفس سن روح سن آخما
طبیبیم سن مداوای دل مجروح سن آخما

بیلورسن یوخدی قوللاریم بیلورسن خستیم آخما
الیمدن هر نئیم گئتدی سنه دل بستیم آخما

شریک اولما بئله بیر ظلم و بی انصافیه آخما
طبیعی حالیدن چیخدی ردیف و قافیه آخما

منی عشقین طریقینده قصاص ایله ولی آخما
سن ای مهریه زهرا دئنن بیر یا علی آخما

چالیش بیر جرعون اخیامه یتیشسون عاقبت آخما
به عشق زینب و لیلا به حُکم معرفت آخما

اوجالت عباسوون باشین منه عزت گتیر آخما
ملر آهولره خاطر بیر آز طاقت گتیر آخما

منی کابوسیدن قورتار یتیر آمالیمه آخما
مروتدن اوزاق گزمه نظر سال حالیمه آخما

• چهارشنبه
• 5
• خرداد
• 1400
• ساعت
• 20:34
• نوشته شده توسط
• یوسف اکبری

ای جماعت حیدر ثانی منم
روز جنگین مرد میدانی منم

ارتش دینون نگهبانی منم
مرتضانین تیغ برانی منم

بو حسینون تشنه قربانی منم

من اوزمده قائلم شخصیته
گتمرم زیر بار منته
آچمارام دل سیز کیمی بی غیرته

من سویی الام آغیر بیر قیمته
سوقبالنده ویرن قانی منم

من علینون لاله رخسار اوغلیام
جنگ صفین ده علمدار اوغلیام

من قسیم جنت ونار اوغلیام
صاحب تیغ شربار اوغلیام

دولدوران سطوتله میدانی منم
من بوسلطانین وزیرجنگیم

بوسپاهین صاحب اورنگیم
سربلندم کربلا سرهنگیم

شاهمون شاهین سیمین جنگیم
غرق عصیانیم کریمی نسبتم
افتخاریم وار حسینی شهرتم

• یکشنبه
• 9
• خرداد
• 1400
• ساعت
• 17:24
• نوشته شده توسط
• یوسف اکبری

ای حیدرین بالاسی لبیک یا ابوالفضل
سرورلرین اقاسی لبیک یا ابوالفضل

ای نام و یادی ذکر لبلر اولوبدی هر دم
تاپدی بقای جاوید والله سنیله علقم
گوزلر دولار اسنده اول گنبد اوسته پرچم
سیزلار اورک یاراسی لبیک یا ابوالفضل

ترکلرده واردی والله آیری سنه ارادت
زنجاندا واردی عصر تاسوعادا قیامت
درگاهیوه گلوبدی اخلاصیله جماعت
بولاردی عشق گداسی لبیک یا ابوالفضل

مین کاتب اولسا یازسا گر حسنوی یازانماز
مین حاتم اولسا والله بیر منصبین آلانماز
یوسف گلوب ابوالفضل اربابیمه چاتانماز
محشردی چون آتاسی لبیک یا ابوالفضل

ای درمند سائل درمان ائدر ابوالفضل
ای مشگله دوشنلر احسان ائدر ابوالفضل
عشاقی کربلایه مهمان ائدر ابوالفضل
زیبادی کربلاسی لبیک یا ابوالفضل

وئرم سنی قسم من زهرایه بی نوایه
وئرم قسم اوشخص که وئردی اوزوک گدایه
بو جمعی دعوت ایله بیردفعه کربلایه
دوشموش باشا هواسی لبیک یا ابوالفضل

سالک گرک یولوندا تقدیم جانین ائتسین
دوز عاشقینده باید راه وفانی گتسین
غیرت آدین جوانلار بیرده گرک دیریتسین
کیملردی مدعاسی لبیک یا ابوالفضل

دوشدون کمند ظلمه اغیاره کربلاده
قول دوشجگین یتیشدی مین یاره کربلاده
ضعف سوسوزلوقا یوخ هچ چاره کربلاده
قویماز عدو جفاسی لبیک یا ابوالفضل

اتدان دوشنده الدی زهرا سنی قوجاقه
عرض ایلدین نه خوشدی بوسه ورام ایاقه
زهرا دیدی دئی گلسین اول غمکشه فراقه
قوزاندی تز صداسی لبیک یا ابوالفضل

تا سس گلوبدی زینب بی تاب و طاقت اولموش
گوردی حسین ابوالفضل بیر نچه قسمت اولموش
عرض ائتدی قارداشیمسان بو ایشده زحمت اولموش
سو گوزلرین فداسی لبیک یا ابوالفضل

چشم فلک گورنمز سن تک مثالی قارداش
قول دوشدی پرچمیندن دوشدون ارالی قارداش
دور باشین اوسته گلدیم سس وئر یارالی قارداش
وار صاق گوزون یاراسی لبیک یا ابوالفضل

• جمعه
• 15
• مرداد
• 1400
• ساعت
• 21:10
• نوشته شده توسط
• یوسف اکبری

تلی آشوب حیدره بنزر گلور
ایستور آللا خیبری حیدر گلور
ای یکه تازه میدان ابوالفظل
وی جانثار ه قرآن ابوالفظل ۲بار

رزمگهه قویدی علی اوغلی پا
خار ایلیه دوشمن قرآ نی تا
قرتینه صولتینه مرحبا
تکدی حسین بو اونا یاور گلور
ای یکه تازه میدان ابوالفظل
وی جانثار ه قرآن ابوالفظل 2بار

پرچم اسلامی آلوبدی اله
دوشمن ایچینده سالاجاق ول وله
قدرتینه لشکر ایدور هل هله
فتح ایلیه خیبری حیدر گلور
ای یکه تازه میدان ابوالفظل
وی جانثار ه قرآن ابوالفظل ۲بار

کربوبلا دشتینه مهما نیدی
کان کرم صاحب احسانیدی
پور علی یاور سلطانیدی
آچمیشدی قوش کیمی شهپر گلور
ای یکه تازه میدان ابوالفظل
وی جانثار ه قرآن ابوالفظل ۲بار

ام وبنین بسلدی آزاده دی
فخری بودی شاهینه دل داده دی
دینینه قرآنینه پابنده دی
گوردی قوشون حامی رهبر گلور
ای یکه تازه میدان ابوالفظل
وی جانثار ه قرآن ابوالفظل 2بار

شاهی حسیندی اونا سقا وزیر
یوخدی او مولایه جهاندا نظیر
نصر ومین الله علم الده اسیر
قلب یزیده ویرا خنجر گلور
ای یکه تازه میدان ابوالفظل
وی جانثار ه قرآن ابوالفظل ۲بار

شاهین اوتوز بش ایل اولوب همدمی
نهر فرات اوسته ویروب پرچمی
ایلیوب عاشق اوزونه عالمی
یوخدی اونا دهریده یاور گلور
ای یکه تازه میدان ابوالفظل
وی جانثار ه قرآن ابوالفظل ۲بار

• چهارشنبه
• 20
• مرداد
• 1400
• ساعت
• 17:42
• نوشته شده توسط
• یوسف اکبری

گل سینمه ابوالفضل قوی قدرتیم چوخالسین
دشمن مقابلینده قویما حسین قوجالسین

الله رضاسی قارداش آچ بیر گوزون یارالی
هم من یارالی قارداش هم سن اوزون یارالی
قدرت وِرَر حسینه شیرین سوزون یارالی
بیر نطقه گل دانش سن قوی شوکتیم چوخالسین

آچ گوزلرون برادر گور قالموشام نه حاله
الآن دوشوبدی قلبیم مین دردومین خیاله
دل بسته ام بولورسن آیدان گوزل جماله
اولماز رضا ملالیم هم محنتیم چوخالسین

دین پرچمی نجه اولدی اللرهایاندا قالدی
قلخانوه نه گلدی خنجر هایاندا قالدی
دور گور رقیه هاردا اصغر هایاندا قالدی
دورهمّت ایله قارداش قوی همتیم چوخالسین

سن نهری فتح ایدنده قلبیم توانه گلدی
صحبت سودان دوشنده اصغر ده جانه گلدی
اما سسون کسیلدی قزلار فغانه گلدی
سن ور دوباره قویما غم شرکتیم چوخالسین

وای حالیمه بوچولده سن دورماسان یارالی
باغبان اله یقیندور گللر سولار سارالی
بلبل چکر جفانی اما گلون خار آلی
من بلبلم قوی اجر جدیتیم چوخالسین

• پنج شنبه
• 21
• مرداد
• 1400
• ساعت
• 12:56
• نوشته شده توسط
• یوسف اکبری

خیرداجا قبره خلوصیله اورکدن وئر سلام
بی جواب ائتمز سلامی صاحب علم کلام
عبد صالحدی اونی الله ائدوب والامقام
عارف ایستور درک ائده معنانی درک ائتمز عوام
دوز چاغیرسا کیم گلور حتما صدا عباسیدن

حملیدن فارغ اولان ساعت خانم ام البنین
گوردی بیر اوغلان دوغوبدی ماهرو روشن جبین
شکر ائدوب عرض ایلدی ای خالق جان آفرین
حفظیده ساخلا بو مولودین توانا اللرین
سینه ی ام البنین تاپدی صفا عباسیدن

مرتضی دوتدی گرامی اوغلونون میلادینی
لطف ائدوب ام البنینه ایستدی نوزادینی
باخدی تقدیس ائتدی حضرت خلقتین استادینی
قوللاریندان بیربیر ئوپدی قویدی عباس آدینی
ناگران اولدی وصی مصطفی عباسیدن

تاپشوروب ام البنینه گوهر زیباسینی
ساخلا گل تک قویما توز دوتسون گوزل سیماسینی
بدنظر گلسه نشان وئرمه قوی اعضاسینی
پنجه های خصم گیر و قامت رعناسینی
غفلتون اولسون مبادا مه لقا عباسیدن

خوشدی یا ام البنین عباسیمون آینده سی
ذات معبودون اولار صدیق و صالح بنده سی
آسمانیدور شکوه و طالع تابنده سی
مرتضائیدور جلال و شوکت پاینده سی
حیدریت گورسنور حیدر نما عباسیدن

• جمعه
• 29
• مرداد
• 1400
• ساعت
• 11:11
• نوشته شده توسط
• یوسف اکبری

داده گل یا سیّدی یوخ اختیاریم من گلم
قولّاریم دوشدی بدندن قالدی بی صاحب علم

چوخ جسارت دور سنه من عرض ایدوم میدانه گل
گل یارالی نعشیمه باخ ناله و افغانه گل
تاجداریم حسرتیله دوندی باغریم قانه گل
اولمادی افسوس قسمت پای بوسه من گلم

دگمه سیدی مشکیمه اوخ گیتمه سیدی سو یره
محضریوه من گلردیم سورته سورته رو یره
یخدیلار آتدان منی بو فرقهء جادو یره
اِی کَلیم اللّهه وارث غرق دریای اَلم

من نه قدر ایتدیم بو مشکین حفظینه سعی و تلاش
گوزلریم دن اوخ دگیدی دگمییدی مشکه کاش
اولسا سو قُول سهلی دور ویرّم آقا مین دفعه باش
بیله سودا ایتسه دشمن ایلرم بیع سَلم

توکمرم بو صون نفسده بی سب گوز یاشیمی
بوندان اوتری سالّام آخِر زحمته قارداشیمی
بیر ایاقون آلتنا سورتم یارالی باشیمی
سن گوزیم دن لخته قان، من گرد ایاقون دان سیلم

بیرق اسلامه بولموش دون منی زیبنده سن
یاتماسون بلکه بو بیرق ایلدیم چوخ سعی من
نیلیوم گوردوم کسیلدی چارم ای شاه زَمن
اقتداریم گیتدی الدن قولّاریم اولدی قلم

ساچموشام سُنبل کیمی اوخ سینه ده بیر دسته من
ایتمیشم کوشش دفاعه اولموشام چوخ خسته من
سسلرم اَدرِک اَخاکَ یا اَخی پیوسته من
وار امیدیم گل جمالون بیرده گورسم دین جلم

وار باشیمدا شورِ عشقیم ای شهِ مُلک حجاز
گل غلامون قیل اوزون دشمن یانندا سر فراز
ایلرم مولا یوزوم اوسته جنابون پیشواز
گر اسه بادِ خزان هنگام تشریفون بُولم

من اگر بولسیدیم اولّام بیله سندن شرمسار
قیزلارا سو وعده سی ویرمزدیم ای شاه کُبار
مشکیمی گورسه سکینه یاخشی درک ایلر نه وار
چوخ تقلّی ایتدیم امّا قویمادی قوم ظُلَم

آغلا (شانی) یالوار عبّاسه گینه بخت اولدی یار
مُشکلون حلّ ایلسین مُشکل گشایه یادگار
فکریوی ایلوب پریشان بو وفاسیز روزگار
یوخسا عاجزلر نه نطقون نه گیدر تابِ قلم

• یکشنبه
• 14
• شهریور
• 1400
• ساعت
• 13:09
• نوشته شده توسط
• یوسف اکبری

یانام باخارام بو یارالی پیکره قارداش
خندان گوله بنزر داغلوب چوللره قارداش

جسمونده چاتوب باش باشا سنبل کیمی اوخلار
وار هانسی چمنده بیله خوش منظره قارداش

دور گور نه قیامتدی بو گون خیملریمده
یردن اوجالوب ناله سسی گویلره قارداش

یاتدی علمون سیندی بلیم چارم آزالدی
ایوای منه وای عترت پیغمبره قارداش

دشمنلر ایچینده گوروسن یالقوزام ایندی
دور ایله حمایت من،بی یاوره قارداش

دعوا گونی سن شیریدون ای شیر شجاعت
سن وارثیدون شیر خدا حیدره قارداش

دور آل اله شمشیریوی دشمن قاباقین کس
ای غالب اولان جنگده بیر لشکره قارداش

آیا بو او الدور هامی اللردن اوجیدی
قطع ایتدی قضانین الی سالدی یره قارداش

بیر گون قورولار محکمه عدل الهی
قهریله دگر ارض و سما بیر بیره قارداش

فریاد او گون داد او ساعتدن ابوالفضل
بو اللری زهرا گتوره محشره قارداش

بیر اوزگه قیامت اولی محشر گونی برپا
باخدوقجه آنام فاطمه بو اللره قارداش

چون امته اسباب شفاعت بو اللر
محبوبیدی درگاه حق داوره قارداش

قیلام بو کسوک اللرینه منده شفاعت
محشر گونی (صحاف) الم پروره قارداش

• یکشنبه
• 11
• مهر
• 1400
• ساعت
• 19:04
• نوشته شده توسط
• یوسف اکبری

خیمه لَرده نِگران واردی عَلمداریم اُویان
گُوزی یُوللاردا قالان واردی عَلمداریم اُویان
تَشنَه سَرداریم اُویان یار و غَمخواریم اُویان

ای عَلمدارِ سپاهیم نه یاتُوبسان گُوزون آچ
ای بَنی هاشم آیی قاندا یاتوبسان گُوزون آچ

آفتابِ حَرمی گُوزدَن آتُوبسان گُوزون آچ
دِلدَه نه تاب و تَوان واردی عَلمداریم اُویان

اُوخ دَگُوب مَشگیوه اِی غُصّه لَی سقّای حرم
قول دوشوب بیر طَرفه بیر یانا مَشگَیلَه عَلم

باشیوا یاره وُروب عَرصه دَه بُو اَهلِ ستم
کاسهء چِشمیدَه قان واردی عَلمداریم اُویان

آفرین عِشقیوه اِی اِمّ بَنینون بالاسی
اَفسَرِ عِشقیدی باشوندَه عَمودین یاراسی

آه و نالیلَه دولوب خِیمه و میدان آراسی
لَبلرونده هَلَه جان واردی عَلمداریم اُویان

سَنه مَعنادَه آنام فاطمه آغلار یارالی
زِینبیم نُوحه دِیُوب عالَمی داغلار یارالی

مُرتضی اِیندی گَلر یاره وِی باغلار یارالی
غَمِ هجروندَه یانان واردی عَلمداریم اُویان

کاسهء اَشگیمی بیر بِیله گُوزومدَن جالاما
غَم غَم اوُسته دِلِ آل اللهه قارداش قالاما

کیم تَسلّی وِیره جاق اِیندی رقیّه بالاما
چوخ اُورکدَه ضَرَبان واردی عَلمداریم اُویان

گُونی سالدون غَمَه اِی ماه عَجب باتدون اؤزون
پَرچمِ نَصر من اللّه کیمی یاتدون اؤزون

پارچالانمش باشیلا حیدره اوخشادون اُزون
کیمده بیر بِیله نِشان وِاردی عَلمداریم اُویان

• شنبه
• 14
• مرداد
• 1402
• ساعت
• 22:42
• نوشته شده توسط
• یوسف اکبری

گُوزَل عَبّاس دُولوب گُور نِجَه قان گُوزلَریوَه
هَر باخش خُوشدی حُسینُون دِیسَه جان گُوزلَریوَه

بَدرِ کَامِل دُوتولُوبدور گُورونُور آی پاراسی
قانُویلَه هُوورلُوب کَیپری گَیلَه قاش آراسی
بِیلَه اِحساس اِیدُورَم بیر گُوزیُون وار یاراسی
یُوخسا دولمازدی عَزیزیم بِیلَه قان گُوزلُریوَه

خُوش کِچُوب حُسنُوَه باخدُوقجا گُونُوم آئیم اِیلیم
نَه گَلُوب گُوزلَریُوَه دَردینی لازمدی بِیلیم
قُوی اوُزُوم لَختَه لَنَن قانینی آهِستَه سِیلیم
سَنی اَکبَر جانی سَن وِیرمَه تَکان گُوزلَریوَه

وار عَجَب غُصّه لی بیر مَنظَرَه سی گُوز قاشُوین
کاسه سی آهَن عَمُودِیلَه سنُوبدور باشوِین
قَلبی بُو چُولدَه جَوان داغی گُورَن قارداشُورین
اَبر تَک هَر گُوزی آغلور یُومُولان گُوزلَریوَه

تَنگه دُوشدی بُلورَم گَردِشی اوُلدُوزلاری مُون
عَلَمُون یاتدی یاتار بَختی آدامسیزلاری مُون
اَلدَه سُو جامی خیامی دُولانان قزلاری مُون
نِگَران گُوزلَری قُربان نِگَران گُوزلَریوَه

عالَمِ عِشقدَه هِیهات اوُلا خَستَه حُسین
مَست اوُلور باخدُوقجا سَن کیمی سَرمَستَه حُسین
بُو اُمیدیلَه گَلوبدور باشوِین اوُستَه حُسین
وُورا بیر بُوسَه على بُوسَه وُوران گُوزلَریوَه

قَلبیم اِیستُور سارالان رَنگیمَه قارداش باخاسان
نِجَه گُوزلَردَن آخُور صُورَتیمَه یاش باخاسان
نِچَه لَحظَه سَنَه اِمکان اوُلا اِیکاش باخاسان
چاغُرام تَشنَه اوُشاقلار وِیرَه سان گُوزلَریوَه

یُوزُوین قاننی سُولمُوش یُوزیمَه باخدوقجا
دَردیم آرتُور نِلیُوم اَشگِ تَریم آخدُوقجا
شاد اوُلاردیم اِیکی زِیبا گُوزیُوَه باخدُوقجا
باخُورام حَسرَتیلَه اِیندی هَمان گُوزلَریوَه

بُو اوُجا قامتَه حِیرانیدی هَر سَروِ رَوان
خَم کَمَر گُورمَمشیدی مَنی دَه دورِ زَمان
اَل اَله وِیردی بُو گُون دُوز اوُخولان اَیری کَمان
اوُلدی بیر اِیش باخُورام قَدّی کَمان، گُوزلَریوَه

زِندَگیدَه سَنیدُون لَذّتی رُوز و شَبیمُون
دادی گَئتدی سَنه قُربان دِیلیمُون هَم لَبیمُون
تَک مَنیم یُوخ، گُوزی سَندِیدی گُوزَل زِینَبمُون
قُویدی حَسرت باجوی جَبرِ زَمان گُوزلَریوَه

سِندِیرُوب دَرد و غَمُون اِئتدی مَنی اَفتادَه
رَغبَتیم قالمادی بُو دِیرِ خَراب آبادَه
یاشاسِیدیم مَن اَگر نُوح کیمی دُنیادَه
اِیلیردُوم سَنُون هَر لَحظه فَغان گُوزلَریوَه

#جواب_حضرت_ابولفضل_علیه_السلام

آچماقا گُوزلَریمی یُوخدی دِئدی چارَه آقا
بیر گُوزُوم تیرِ جَفائیلَه اوُلوب یارَه آقا
بیر گُوزُوم دَه اوُتانُور باخسِین او رُخسارَه آقا
وُورما اوُز باخمارام اوُل اَشگ فِشان گُوزلَریوَه

گر چِه کَامِ رُخِ یار آلماقی خُوشدور گُوزُومُون
کِپریگین بیر بیرینَه چالماقی خُوشدور گُوزُومُون
دَردُون آرتار یُومُولی قالماقی خُوشدور گُوزُومُون
عاشقم یُوخسا بُلورسَن آقاجان گُوزلَریوَه

اوُلوب اوّل باخشیم روزِ تَوَلد دَه سَنَه
بُلُنُوب مَعرفَتیم سَندَه کِی وَجه الحَسنَه
آخریم گُور هارا مُنجَر اوُلوب اِیوای دِئ مَنَه
باخا بُلمُور قوجاقوندا گُوز آچان گُوزلَریوَه

• شنبه
• 14
• مرداد
• 1402
• ساعت
• 23:23
• نوشته شده توسط
• یوسف اکبری

آی ابالفضل آی ابالفضل
سنه گلمز تای ابالفضل
باشوی قوی سینم اوسته
دییرم لایلای ابالفضل

ئورگین دردینی بیللم
گؤزوون قانینی سیللم
سسیمه سس وئر ابالفضل
منی دیندیرمه سن ئوللم

دئمه مندن ده ئوزوندن
وورارام بوسه یوزوندن
قولوی یادیمه ساللام
ئوپرم قانی گؤزوندن

منه غم یوز وئروب عباس
سنه کیم اوخ ووروب عباس
باشیوی سئندیران اعدا
بئلیمی سئندیریب عباس

علمون یئرده قالیبدی
صبریمی الدن آلیبدی
دور گئدک نازلی رقیم
الی قوینوندا قالیبدی

بدنون نیزه دی اوخدی
پارا مشکونده سو یوخدی
دور ایاقه بئله یاتما
منتظر خیمه ده چوخدی

• پنج شنبه
• 19
• مرداد
• 1402
• ساعت
• 00:08
• نوشته شده توسط
• یوسف اکبری

عباس،عباس_ای حیدرین نشانی
آدین،شوره _گتدی پیر و جـوانی
پورِ علی_یل ام البنینسن(۲)
اولدی سنون_شخصیتون جهانی(۲)

نازت به جان خریدم
با لطفت روسفیدم
فخریم بودور جهاندا
عباسه من مریدم

عباس عباس_ساقی کربلاسن(۲)
----------

عباس عباس_عبدصالح لقبسن
جانلار،فدا_سنه،والا نسبسن
تفسیر،ائتدون_سن معنای غیرتی
حسین دئیر_قارداش نه با ادبسن

آدین ذکر بشردی
رقیه سسلنردی
میداندا سان ویرنده
زینب فرحلنردی

عباس عباس_ساقی کربلاسن(۲)
-----------

عباس عباس_نور ازلی اولدون
اوشاق+لیقدان_شاگرد علی اولدون
مین دورت،یوز ایل_گیچدی ولی ابولفضل
شخصی+یت_بین المللی اولدون

قرص قمر ابوالفضل
نور بصر ابوالفضل
عشقونده ارمنی لر
قربان کسر ابوالفضل

عباس عباس_ساقی کربلاسن(۲)
-----------

عباس عباس_دلداریسن حسینه
کرب+لاده_غمخواریسن حسینه
هنگ مولا_فرمان به گوش سندی
علم+دار و_سرداریسن حسینه

ای باوفا دلاور
سسلن انابن الحیدر
زهرا بویورسون احسن
جان جان دئسون پیمبر

عباس عباس_ساقی کربلاسن(۲)
-----------

عباس عباس_در میدان بینظیری
اولدون،حُسِي+نون،باوفا وزیری
خال لبون_حجرالاسودیمدی
تار زلفون_عالم اولوب اسیری

بر این دلم نوشتی
سردار حق سرشتی
بی تو به جان زهرا
من نیلورم بهشتی

عباس عباس_ساقی کربلاسن(۲)
-----------

عباس عباس_ای جان نثار مکتب
عباس عباس_رتبه ده عالی منصب
دمش+قیده_اسور سنون پرچمون
مدا+فعان _سسلور اوردا یا زینب

اوخی ذکر فرجی
تا گیتمه راه کجی
بیزلره درس عزت
ویردی محسن حججی

عباس عباس_ساقی کربلاسن(۲)

• پنج شنبه
• 19
• مرداد
• 1402
• ساعت
• 00:17
• نوشته شده توسط
• یوسف اکبری

☑️ بند اول

دادیمه گل یاحسین
رنگ جمالیم سولوب

گورموری قارداش گوزوم
گوزلریمه قان دولوب

داده گل عباسین تک قالیب
دوره می لشکر شام آلیب

? گَل دادیمه ' فریادیمه ' امدادیمه

☑️ بند دوم

نار غمیله حسین
غملی دیل اوتلاندی گَل

ساقی لب تشنه گان
ظلمیله اوخلاندی گَل

هجرانه طاقتیم یوخدی گَل
باشاباش پیکریم اوخدی گَل

? گَل دادیمه ' فریادیمه ' امدادیمه

☑️ بند سوم

جسمیده یوخدور توان
خیمه سرایه گلم

یاتدی علم یا حسین
قوللاریم اولدی قلم

عباسی مرکبدن سالدیلار
قاتل لر دوره‌می آلدیلار

? گَل دادیمه ' فریادیمه ' امدادیمه

☑️ بند چهارم

ال چالیری کوفیان
شرم دن عباس اولور

قالمیشام اللرده گل
حالیمه دشمن گولور

سقاوی سالدیلار محنته
گل گور قالمیشام نه حالته

? گَل دادیمه ' فریادیمه ' امدادیمه

☑️ بند پنجم

سَرسَر ظلمت اسیب
لاله کیمی سولموشام

یوخ سپریم سیدی
تیره نشان اولموشام

قوللاریمی سالدی اهل شام
گَل ایندی اوخدان پر آچمیشام

? گَل دادیمه ' فریادیمه ' امدادیمه

☑️ بند ششم

قالخیری افلاکه گَل
آه و نوا سینه دن

دورموری باش جسمیده
نوفل ائدن ظلمدن

نهر اوسته قان اولدی گوز یاشیم
بیر عمودیله سیندی باشیم

? گَل دادیمه ' فریادیمه ' امدادیمه

☑️ بند هفتم

هئچ دئميرم سیدی
قان قاریشیب اشکیمه

زحمتیم اولدی حَدر
ویردیلار اوخ مشکیمه

بیر اوخ گور آخرده نیلدی
عباسی شرمنده ائیلدی

? گَل دادیمه ' فریادیمه ' امدادیمه

☑️ بند هشتم

آخدی سویی مشکیمین
اولدی بو قلبیم کباب

مشکیدن آخدیخجا سو
سسلدیم ای وای رباب

مشکه قوربان اولسون گوزلریم
عطشان دی خیمه ده اصغریم

? گَل دادیمه ' فریادیمه ' امدادیمه

☑️ بند نهم

گَل شرر آهیله
سینه میزی داغلیاخ

نار عطشده یانان
اصغره لای لای دییاخ

سن دئمه غم قلبه دولمادی
اصغره سو قسمت اولمادی

? گَل دادیمه ' فریادیمه ' امدادیمه

• جمعه
• 24
• شهریور
• 1402
• ساعت
• 21:12
• نوشته شده توسط
• یوسف اکبری

☑️ بند اول

گل داده حسین اوخلاندیم
گل دادیمه یارالاندیم

نهر اوسته دوشوب قوللاریم
سوز عطشیمدن یاندیم

طوفان غم دوتدی بو دشتی
جسمیم اخا قانه بلشدی

عباسیوی آتدان یخیبلار
گل باشیم اوسته کشمکش دی

? اے واے حسینیم واے حسینیم

☑️ بند دوم

گل داده کی علمداره
باغلادیلا راه چاره

جسمیم ائله حاله قالدی
دگدی یارا اوستن یاره

حسرتدی اصغر جرعه آبه
قارداش خبر وئرمه ربابه

یردن دورانمیرام گذشت ائت
اوخلار تیکیب جسمیم ترابه

? اے واے حسینیم واے حسینیم

☑️ بند سوم

قانه قاریشیب گوز یاشیم
فریادیمه گل قارداشیم

نوفل ائله بیر ظلم ائيليب
پیکرده دایانمیر باشیم

پارچالانیبدی دیل دوداغیم
اوخلار آلیر بیر بیر سراغیم

قارداش عقاب اوستن دوشنده
اوزنگیده قالدی ایاغیم

? اے واے حسینیم واے حسینیم(ع)

• جمعه
• 24
• شهریور
• 1402
• ساعت
• 21:16
• نوشته شده توسط
• یوسف اکبری

☑️ بند اول

ای مظهر شیر خدا
ای صاحب مشک و لوا
عباس یابن المرتضی

شان و مقامین بی بدل
یا حضرت مشکل گشا
عباس یابن المرتضی

زینب دییب احسن سنه
فرمانده کل قوا
عباس یابن المرتضی

سنده دی مرتضی خصالی
غیرتیوین یوخدی مثالی
جان آقا ای وفالی

عباس عباس عباس

عباس عالی درجات
عباس ای باب نجات
گوزلر مرقدینده دی
مولا وئر برگ برات

? قمر بنی هاشم عباس

☑️ بند دوم

ای درد عشاقه دوا
ای تربتی خاک شفا
عباس یابن المرتضی

من سائل درباریوم
سن معدن جود و سخا
عباس یابن المرتضی

یا کاشف الکرب الحسین
بئیله وفایه مرحبا
عباس یابن المرتضی

اهل حرم امید گاهی
خیردا اوشاخلارین پناهی
مولانین سرسپاهی

عباس عباس عباس

عباس ای میر حرم
عباس ای شاه کرم
فخریم عالم ده بودور
درگاهینده نوکرم

? قمر بنی هاشم عباس

☑️ بند سوم

جنگ آور فرمانروا
گئتمز سنین تیرین خطا
عباس یابن المرتضی

برق نگاهیندان قاچار
دعوا گونونده اشقیا
عباس یابن المرتضی

مارد کیمین نام آوری
سالدین تراب اوسته آقا
عباس یابن المرتضی

سن گل باغ مرتضی سن
باشدان ایاقه کیمیا سن
ساقی کربلاسن

عباس عباس عباس

عباس قتال العرب
عباس دریای ادب
سقای تشنه لبان
ماه هاشمی نسب

? قمر بنی هاشم عباس(ع)

• شنبه
• 25
• شهریور
• 1402
• ساعت
• 00:52
• نوشته شده توسط
• یوسف اکبری

☑️ بند اول

اذا زلزلت الارض زلزالها
میدانه یوز قویوب سقای کربلا
شمشیر آلدی اله دیلده ذکر جلی
ائتدی سینه سپر سسلندی یاعلی

توز قاخدی رزمگهده لشکره اولدی قیامت
هرکس یوز قویدی جنگه قالمادی جسمی سلامت
تل پیکر قالاندی قان بوتون صحرانی آلدی
حیدرین یادگاری نهرین اوسته لرزه سالدی

? عباس یابن المرتضی

☑️ بند دوم
و سماء و ما وناها قوم کین
شیرم شیر اوغلی ام رزمیم حیدر تکین
ماردی یولیین سیزدن چخماز حریف
میدانی ترک ائدین سربازان ضعیف

مارد غیضیله گلدی عرصه ی جنگ و ستیزه
مرکب اوسته بیر الده تیغی وار بیر الده نیزه
نیزه سین آتدی ناکس، توتدی سقا حرفه سینن
درکه واصل ائتدی ماردی اوز نیزه سینن

? عباس یابن المرتضی

☑️ بند سوم

من یار و یاور اولاد حیدرم
اربابیم دی حسین ، اول شاهه نوکرم
نامه یازدیز منه نامردان زمان
بولدوز بئیله منه تاثیر ائیلر امان

نه امان نامه نه منصب نه ریاست نه جلال
مولامین بیر توکون وئرمم ایکی دنیایه محال
آند اولسون باشدا کی غوغا و عشق و شورو شینه
ام البنین آنام وئردی منی نوکر حسینه

? عباس یابن المرتضی(ع)

• یکشنبه
• 26
• شهریور
• 1402
• ساعت
• 22:30
• نوشته شده توسط
• یوسف اکبری

خیمه‌لـرده اَلی قوینونـدا دایانما گَل حسین
سنه بیرخوش‌خبریم واردی‌یوبانماگَل‌حسین
اورگیـم داده گلـوب گور نه فریاده گلوب
مژده ویرقارداش‌حسین غملی زهراده گلوب

****
بـو قـدر توکمه دیـدی صورتوه گوزیـاشوی
باخور السّاعه بـو دشمـن یـره قویمـا باشوی
منه امر ایتدی چاغور گلسون اوغول قارداشوی
من سنون سِرداشوام غم گونی یولداشیوم
گوزلریم یولدا قالوب گل حسین، قارداشوام
****
گل حسین سدّ ایلدی دشمن دین یولاّریمی
سرو آزاده کیمین کسدی عدو خوللاّریمی
اصغرون عشقینه ویردیم بو اوزون قولاّریمی
دیمـه هیچ یاوریــوم دیمـه ســرلشگروم
قوی‌هامی‌بیلسون‌حسین مـن سنون نوکروم
****
حیف اولا خـون دلی قاتدی فلک اشگ‌‌تره
سویوم ا

• پنج شنبه
• 9
• شهریور
• 1391
• ساعت
• 13:03
• نوشته شده توسط
• جواد

آچ گوزلـرون گلدیـم اخـا- باشیوی اللّردن آلام
اطرافیمی دشمن‌آلوب- دور راضی‌اولما تک‌قالام
دوشوب قولاّرون بدندن قارداش آرالی
قالوب گُل جسمون بو نخلستانـدا یارالی

سوسوز سقّا خیمه‌ده یـول گوزلور رقیّه
دییـور الله تشنــه‌دی ربــابین مــارالی
آی قارداش- جان قارداش- یار قرآن قارداش
حسینـون- تک جـانی- سنـه قربان قارداش
****
از بس که صیّاد اوخ وروب- ام البنین اصلانینه
عاجـزدی هـر حاذق طبیب- بو یاره‌لر درمانینه
الـی سینسین آنیّـوا اوچ پـر اوخ ورانیـن
گوزی چیخسین گوزلریوه قان دولدورانین
یورولمازدون قهرمان قارداش هیچ زمان سن
ذلیل اولسـون شیـرمی میدانـدا یورانـون
آی قارداش ...
****
فـرمانده جنگیم اویـان-

• پنج شنبه
• 9
• شهریور
• 1391
• ساعت
• 13:24
• نوشته شده توسط
• جواد

چرخ وفا هماسی
عشق ائوینون صفاسی
قویدی قدم جهانه
امّ بنین بالاسی

کنز ِ عشقه بیر دُر پربها گلوب
سسله آدون درد وغمه دوا گلوب
یاابوالفضل (3)

قائمۀ بی بدل
قوللاری ضرب المثل
طلعتینین جلوه سی
شمس ضحیٰ دن گوزل
قرص قمر صورتی
مرتضوی صولتی
تا بوجهان واردی،وار
غیرتینین صحبتی

یکّه تاز صحنۀ کربلا گلوب
سسله آدون درد وغمه دوا گلوب
یاابوالفضل (3)

مفخر شاه عرب
کوکب برج ادب
کیمسه قبول ایلیر
جان وئره جاق تشنه لب
لنگر کشتیِّ غم
صاحب مشک و علم
وئردی جهانه صفا
سر سپه محتشم

نور چشم حیدر لافتیٰ گلوب
سسله آدون درد وغمه دوا گلوب
یاابوالفضل (3)

دُرج وفا گوهری
برج ولا اختری
آدی اولوب شیعه لر
دیللرینون ازبری
واردی کر

• پنج شنبه
• 22
• فروردین
• 1398
• ساعت
• 12:21
• نوشته شده توسط
• ابوالفضل عابدی پور

عباس عباس – گل گلزار حیدر
عباس عباس – اوجا قامت دلاور
چشم و چراغ مولا – تولّدون مبارک
یار حسینِ زهرا – تولّدون مبارک

عباس عباس – نه گوزلدی جمالون
گلمز وصفه – درجاتون جلالون
الله وئردی – سنی امّ البنینه
حیران ائتدی – اونی حسن و کمالون
بارقه ی تولّا – تولّدون مبارک
یار حسینِ زهرا – تولّدون مبارک

عباس عباس – دل اولوبدی اسیرون
سن سلطانسان – هامی شاهلار فقیرون
برپا ائتدون – علم کربلانی
عالم بیلدی – که حسیندور امیرون
مظهر عشق و تقوا – تولدون مبارک
یار حسینِ زهرا – تولّدون مبارک

عباس عباس – اوجا شخصیتون وار
مه سیماسن – نه گوزل طلعتون وار
هاردا آدون - گله احسن دیرلر
عبد صالح – علوی غیرتون وار
نورون

• پنج شنبه
• 29
• فروردین
• 1398
• ساعت
• 11:26
• نوشته شده توسط
• ابوالفضل عابدی پور

اباالفضلین سال کرمین یادوا
چاغیرگلسین کربلادن دادوا
مشکلوم وارآچلماقین ایستورم
قربان اولوم دینن گوزل آدیوا

اباالفضلی تانور اصیل اولانلار
قابوسونا گلوب دخیل اولانلار
سسلینده اورکدن یا اباالفضل
شفاسنی آلوب علیل اولانلار

خوشلامشام صاف اوره گین آقامون
بوشلامارام من اتگین آقامون
کج باخساکیم آقاما-کج باخارام
ایترمرم دوز چوره گین آقامون

مدینه ده سحرچاغی دوغولدی
حسدینون چوخین یوزی بوغولدی
قوجاقینه آلان ئوپوب یوزیندن
ساخلادیدی الله گوزل اوغولدی

اباالفضلی حسین آلوب قوجاقا
دوداقینی قویوب غنچه دوداقا
بشگینه سالوردیلار سسلدی
آپارمیون قارداشیمی اوزاقا

اباالفضلین وفاسیندان نه دیوم
حیاسندان،صفاسندان نه د

• سه شنبه
• 3
• اردیبهشت
• 1398
• ساعت
• 12:02
• نوشته شده توسط
• ابوالفضل عابدی پور

عشق سرگردان قالار عشق ابوالفضل اولماسا
واژه لر پنهان قالار مشق ابوالفضل اولماسا

معصیتده غرق اولار امت ابوالفضل اولماسا
گون به گون گوزدن دوشر غیرت ابوالفضل اولماسا

هانسی مجلسده اگرذکر اولماسا زیبا آدی
مُستَمِع روحیه تاپماز مجلسون اولماز دادی

رشته مهری قیریلماز ، محکم وپیوسته دی
شیعه لر مین دورد یوز ایلدور عشقنه وابسته دی

سینه زنلر شوره گلدوکجه دیللّر جان آقا
غیرتون قربان ابوالفضل ، عشقوه قربان آقا

عشق عباس اولماسا عاشق مسیریندن دونر
مشعل پرنور حریت اورکلردن سونر

پاک وبا تقواخانملار اورگدر اولادینی
اولیندن عاشق عباس ایدر نوزادینی

عشقنون مستحکم ایلر گوزیاشیلا پایه سین
اهلبیته وقف ایدر الده

• دوشنبه
• 3
• تیر
• 1398
• ساعت
• 10:27
• نوشته شده توسط
• ابوالفضل عابدی پور

احسن سنه ای حیرته دنیانی سالان قول
هر قولدان اوجا جنگده عرشه اوجالان قول
.
.
احسن سنون اقبالیوه ای شهر مدینه
احسن بو قولی بسلین اول ام بنینه
احسن سنون اول دوشدوگون علقمده زمینه
تپراقی تبرکّدی ئوزی قبلۀ حاجت
خوشبختدی هرکس او یری ائتسه زیارت
.
.
احسن بو قولا سایه حسین باشینه سالدی
دین پرچمنی دشت بلاده اله آلدی
بیر قولدی ئوزی دوشدی یره پرچمی قالدی
بیر مشک سو اوستونده ئوزون تپراقا آتدی
ارزان ساتیلیب لیک آغیر قیمته چاتدی
.
.
احسن بو قولا صحبتی دیلدن دیله دوشدی
قول دوشدی قولون صاحبی الدن اله دوشدی
قول دوشدی علم دوشدی حسین مشکله دوشدی
دورت یرده امام اوپدی علمدار قولوندان
افضلدی بو قول جعفر طیار قولون

• یکشنبه
• 27
• مرداد
• 1398
• ساعت
• 13:34
• نوشته شده توسط
• ابوالفضل عابدی پور

از زبان امام (ع)

آی آتام حیدرین یادگاری
آی بنی هاشیمون افتخاری
یاتما قوملارایچینده یارالی
آچ گزون خیمه لر پاسداری
بو قوجا لمیش قارداشیندان دویما قارداش
سنده اکبر تک منی نک قویما قارداش
جان ابوالفضل جان ابوالفضل جان ابوالفضل

از زبان حضرت عباس(س)

وای منه سن پریشان ائلوبسان
اللرووی بلووه قویوبسان
بو مروتسیز اعدا الیندن
دار فانیدن آقا دویوبسان
نوکرم جان ائتمیشم سلطانه قربان
آغلاماز نوکر باشی اوستونده سلطان
جان ابوالفضل جان ابوالفضل جان ابوالفضل

از زبان امام(ع)

آغلاما تشنه لر دادخواهی
برج عشقین درخشنده ماهی
مکتب ختم مرسل یولوند
اوچ پر اخلان سینان سجده گاهی
لشگر دینون گزل صاحب لواس
دور بوکولموش

• چهارشنبه
• 20
• شهریور
• 1398
• ساعت
• 13:36
• نوشته شده توسط
• ابوالفضل عابدی پور

به سبک(قدم قدم با یه علم...)

کان کرم صاحب علم
آچ گوزوی باخ منه سقای حرم

صاحب علم ماه حرم
کیم بو اوزون قوللاری ایلوبدی قلم

ای سرویم نه گلوب خوللاره
من قربان بو دوشن قوللاره
طوفاندی خیمه ده آی قارداش
قیزلاریم گوز تیکوب یوللاره

قان اولدی غصه دن گوز یاشیم
دلداریم مهربان قارداشیم
سن سیز من نیلرم بو چولده
آی منیم قهرمان قارداشیم

آی یارالی جان یارالی
اوخ داغیدان بو گوزه قربان یارالی

قلبیم اولوب قان یارالی
قیل منی بیر بوسیه مهمان یارالی

قان ایچره یاتما ای مهپاره
هجروندن قلبیم اولدی یاره
دشمنلر ال چالور میداندا
دور قارداش قالمیشام آواره

ای شمع عشقیمه پروانه
بی شهپر دوشموسن میدانه
قان وئردون پای نخل دینه
جان وئردون دولت قرآنه

آی گوزلیم آرخام ائلیم
گل منی تک قویما اخا سیندی بئلیم

منله دانیش سولدی گولوم
اوغلوم ئولوب خونجگرم یاندی دلیم

سن گئتسون یوخدی پرچمداریم
دور یاتما ای سپه سالاریم
من نئجه تک گئدوم اخیامه
یول گوزلور باغریقان قیزلاریم

عالمده یوخ سنه تای قارداش
بی یار و بی کسم آی قارداش
تا گوردوم قطع اولان قوللارون
ال بئلده سسلرم وای قارداش

• جمعه
• 30
• آبان
• 1399
• ساعت
• 19:56
• نوشته شده توسط
• یوسف اکبری

رزمیده شاخص نفرلر وقت حسّاسینکیدی
یوللیون گلسون کیموز وار نوبت عباسینکیدی

لشکر قرانیده سر لشکر آختارسوز منم
جنگجوی ماهر و نام آور آختارسوز منم

گزدیگوز بازاریدن حاصل زیان محضیدور
معرفت گنجینه سینده گوهر آختار سوز منم

نوجوان سربازیمیزدن سیلی ازرقلر یئدی
غیرت سربازی گوردوز افسر آختارسوز منم

پرچم اللهُ اکبر منده ایمان منده دی
حمزیم من، مالکم من، جعفر آختارسوز منم

نعشیمین اوستن گرک کئچسین خیامه چپ باخان
جان نثار عترت پیغمبر آختارسوز منم

نهضت اسلامیده رهبر حسیندور والسّلام
رهبر اسلامه امّا نوکر آختارسوز منم

گلمیشم دعوت یازان خلقه وفا درسین وئرم
هر زمان آداب وجدان پرور آختارسوز منم

اکبرین گوردوم باشین ئولدوم دیریلدیم دینمدیم
صبر امامت امریدی فرمانبر آختارسوز منم

رخصت پیکار آلاندان آیری بیر حالتدیم
بو بیاباندا خروشان صرصر آختارسوز منم

آچدی شه قولاریمی عمروز کتابین باغلیام
قبض روح استادیم شیر نر آختارسوز منم

اکثراً خاطرلروزده ذوالفقارین زخمی وار
بو مسلّم مطلبه شاهد گر آختارسوز منم

گورمیوب کیم خیبری میدانه گلسین گورسدیم
یوخ خبر مرحب لروزدن حیدر آختارسوز منم

روح بی تابیمده رستاخیز غیرت باشلانوب
محشر آختارسوز منم ویرانگر آختارسوز منم

• شنبه
• 15
• آذر
• 1399
• ساعت
• 23:04
• نوشته شده توسط
• یوسف اکبری

ای ابوالفضل ای یل پر اقتدار کربلا
ای وزیـر با وفای شهـریار کـربلا

آدیـوه جـانـلار فـدا
ای یـل کـربـوبـلا
اولموشوخ عشقونده بیز
بیقــرار و مبتــلا

« عباس »

عترت آل الهیـن دلدار و هم غمخواریسن
سن حسین ابن علینون با شرف سرداریسن
یاور و غمخـوار و هم قوتلی پرچمداریسن
تیغـة مـارد کُـش تـو زوالفغـار کربلا

اَ اُ خَــیَّ - اَ اُخَــیَّ - اَنَـتَ طَیــارٌ الحُسَینـی
اَنَـتَ صَـاحِـبٌ لِـوایـی اَنـتَ روحٌ نُـورٌ عَینـی
ذاقَ صَبــری اَ اُ خـیَّ اَنتَ شَمسُ الثَـقَلـَینـی
جنگیلـر اصـلانی سن ای بیقرار کربلا

سـن کمـان معـرفتـده شـاه دینـون تیریسن
سن حسین ابن علینون قان توکن شمشیریسن
مرتضا تک صف شکن سن ؛ بی مَهابا شیریسن
شیر دشمن اَفکن و هم بی مهار کربلا

آدیـوه قـربان اولـوم ای یـادگـار مـرتضا
ای بـلا گـردان دشت پـر بـلای نینـوا
دالـدالانـدی سـایـوه شـاه غریب کـربلا
اولدون الحـق کربلاده افتخـار کربلا

سـن عـزیز جان زهـراسن اَیـا باب الکرم
افتخار ایلر سنه هم مشک هم قانلی علم
دینه خاطر قولارون بیر بیر اولوب تنن قلم
آغلادی قولاریوی گورچک او یار کربلا

• دوشنبه
• 6
• بهمن
• 1399
• ساعت
• 22:40
• نوشته شده توسط
• یوسف اکبری

ای علمداریم اویان
تشنه سرداریم اویان
تکلیوب اعدا منی
شیر پیکاریم اویان

یاندی غملردن دیلیم-- دور اخا سیندی بئلیم
قویما تک یالقیز حسینی،باوفا یاریم
پاسدار اهلبیتیم،ای علمداریم
------------------------
اوچ پر اوخ یخدی سنی
قویدی بی یاور منی
نوفلین سینسین الی
پوزدی نظم گلشنی

دگدی باشونن عمود--تیتردی کون و وجود

سیندی باشون کاسه سی،غیرتلی سرداریم
قالدی بی یاور رقیه، دور هواداریم

پیر عاشورا قالوب
دورینی اعدا آلوب
باخ عزیزِ فاطمه
عرصه ده تنها قالوب

اصغریم جان اوسته دی--یاتمویوبدی خسته دی

صودامر والله دوزنمز،قورخورام اؤلسون
تشنه لبدی قورخورام اصغر بالام اؤلسون
--------------------
قالدی بو طفلان اویان
قیزلاریم عطشان اویان
من هله هئچ زینبون
اولدی سرگردان اویان

یوخدی والله چاره سی--ویرسالار دیل یاره سی

چوخ چتیندی چون شماتت،شیر میدانیم
پاسدار اهلبیتیم تشنه اصلانیم
-------------------
بو حسین سوداسیدی
یوم عاشوراسیدی
قتلگاه کربلا
گورنه خون دریاسیدی

عهدیوه ایتدون وفا--قهرمان کربلا

مرحبا امّ البنینین قهرمان اوغلی
اهلبیت مرتضانین مهربان اوغلی

• سه شنبه
• 28
• بهمن
• 1399
• ساعت
• 22:47
• نوشته شده توسط
• یوسف اکبری

آتدان دوشنده توپراقا سردار نامدار
سسلندی دادیمه یتیش ای میر تاجدار

سال سایه وی بو مهلکه ده باشیمه منیم
ای فاطمه عزیزی امام بزرگوار

گوز تیکمیشم گلن یولوا مین امیدیله
اطرافیمی احاطه ایدوب فرقه شرار

اَللی لرین الینده بو السیز بدن قالوب
باشیم دوشوب قضایه غمه اولموشام دچار

قربان اولوم گلن یولوا هاردا قالموسان
قویما منی بو سون نفسیمده چوخ انتظار

قربانیوی یخوبلا مناده اوزون یتور
جان ویرمرم گلونجه سن ای نازنین نگار

مرغ دلیم وصالیوه چوخ بی قراریدور
لطف ایت مریض عشقیوه باش چک طبیب وار

بیر اوخ دگوبدی مشکیمه قان آغلادور منی
سقایه یوز ویروبدی بلایای جان شکار

ای وای منه که چخدی بو چولده الیم بوشا
مندن سوسوز بالالاروون انتظاری وار

ای کاش آشا بو نهر فراتین سووی داشا
بوردان جنازه می آپارا ایليه کنار

من نهرین اوسته حشره جه راحت یاتانمارام
آخدوقجا سو ، گلر سَسی بو قلبیمی سِیخار

زهرا آنان کیمی نولی گیزلین مزاراولام
بوردا رباب دردی یا دیمدان مگر چیخار؟

آلسان اگر بو دم سسیمی سس یتور منه
ای امت پیمبر اسلامه غمگسار

تعجیل ایله قدملریوه من فدا اولوم
السیز بو پیکری اوزون اللردن آل قوتار

گلسن گوزومده باخما گیلن اوخ یاراسنا
قلب شریفیوی ایليیر چون جریحه دار

دوشسه گوزون و یا که قلم قولارا اخا
توکمه عذاره گوز یاشی چون شبنم بهار

ایندی منیم الیمده دگور اللریم ، دورام
گوز یاشیوی اوزوم سیلم ای میر تاجدار

یوخ سوز چتیندی قارداشا قارداش مصیبتی
سّری ندور که قارداشی قارداش غمی یخار

گلسن دیمه غمونده بلیم سندی آچ گوزون
باخسام خمیده قامته آرتوق توان آلار

لطف ایلسن اگر دیَرم عرض حالیمی
من دل شکسته نین سنه بیر عرض حالی وار

عبداللّهین خیالین او که باشدان آتموشام
یوخ یا سوزوم مدینه ده قالدی آنام فکار

ایندی سنون بالا لاریوون ناگرانیم
غارت خیالینه دوشوب اشرار کین شعار

مقدور اگر چه اولسا قبول ایت بو خواهشی
گلمه و یا که گورسن حرم ناگران اولار

اخیامیده بویور سن اوزون عرض حالیمی
ائیله منیم دلیمجه حرملردن اعتذار

تاپشور امام ساجده دفن ایلسه منی
باش داشیمی یازاندا عنایت ایدر یازار

بوردا یاتان او قافله سالار عشقیدی
مقصودینه چاتانمادی اولدی شکسته بار

ساده ثواب نوحه نه تنها سنونکیدور
اولدی شریک اجر سنه عندلیب زار

• پنج شنبه
• 21
• اسفند
• 1399
• ساعت
• 23:20
• نوشته شده توسط
• یوسف اکبری