اشعار حضرت ام البنین ( س )

تا زنده ام شهامتووه آغلارام سنون
صبح و مسا دیانتووه آغلارام سنون

محرابووه دوشنده گوزوم موقع نماز
تکبیریوه عبادتووه آغلارام سنون

قرآن صداسی گلسه هر ائوده قولاقیمه
خوش لحنووه تلاوتیوه آغلارام سنون

یاندیرمارام چراغیمی وقت غروبیده
باشسیز قالان عمارتیوه آغلارام سنون

گورسم بیرین شجاعتیله مرکبین چاپور
یاده سالوب شجاعتیوه آغلارام سنون

سقّالری گورنده گوزوم اللرینده جام
سو اوسته که قیامتیوه آغلارام سنون

سایه سالان زمانیده گلزاره سرولر
یانّام کشیده قامتیوه آغلارام سنون

شرمنده یاتموسان بالاجا قبریده اوغول
سو گورجگین خجالتیوه آغلارام سنون

هر بیر یارالینون یاراسین باغلاسا طبیب
باغلانمیان جراحتیوه آغلارام سنون

آلّام قوجاقه اوغلووی گول مثلی ایگلرم
تاپشوردوقون امانتیوه آغلارام سنون

• جمعه
• 10
• بهمن
• 1399
• ساعت
• 20:10
• نوشته شده توسط
• یوسف اکبری

جان اوستیم اوغول/سنه دلبستیم اوغول
چوخ اینجیدوب فلک/قلبی شکستیم اوغول

قالموب داخی دوزوم/حسرت باخیر یولا گوزوم
کرب و بلاده من/حیف اولسون اولمادیم اوزوم

دورت اوغلومون غمی/آناوی سالدی غصّیه
ایکاش اوغول صبا/حالیمی بیرسنه دیه
عبّاس آنان ئولور/یتیر اوزون مدینیه

امان امان امان /امان امان امان امان

اشکیله گوز دولوب/خزان گلوب گولوم سولوب
دیولّه قوللارون/فرات اوسته قلم اولوب

غمدن اوسانموسان/مشک اوخلاناندا یانموسان
آنان ئولیدی کاش/ربابیدن اوتانموسان

رقیّه دن سنی/قوشون خجالت ایلیوب
قولسوز گوروب سنی/نوفل شمادت ایلیوب
دَمیر عمودیله /سنه جسارت ایلیوب

امان امان امان /امان امان امان امان

ای قامتی رشید/یخدی سنی قوم پلید
ایلوبدی غیرتون/ام البنینی رو سفید

ای با وفا اوغول/وار دیلده چوخ نوا اوغول
شُکر اولسون،اولموسان/حسینیمه فدا اوغول

عطشانیدون ولی/سو وورمادون دوداقیوه
دوشنده توپراقا/زهرا گلوب سراغیوه
بَند اولمییدی کاش/اوزَنگی بیر ایاقیوه

امان امان امان /امان امان امان امان

اورک نوالیدی/باشدان باشا خیالیدی
هرکیم گلوب دیور/کیچیک قبرون صفالیدی

من(بیکَسم)آقا/دردیمه ایله سن دوا
بوشدور الیم ولی/وار باشدا شوق کربلا

کرب و بلا ددیم/قلبیمه دوشدی وَلوَله
قبرون گورَم گینه /منظور دیل گَله اَله
یوخ حاجتیم فقط/آرزیم بودور آقام گَله

امان امان امان /امان امان امان امان

• پنج شنبه
• 21
• اسفند
• 1399
• ساعت
• 16:05
• نوشته شده توسط
• یوسف اکبری

تو یار علی ، یاور قرآن مبینی
مصداق وفا،بحرسخا،ام بنینی
گنجینه ی احساسی / تو مادر عباسی / من سائل کوویت

زیرعلمت ماهمگی سایه نشینیم
ریزه خورخوان کرم ام بنینیم

امیّدعطاداریم امّید رجاداریم
ای مادرغیرت

‏چون ازتوگرفت درس وفامام شهیدان
دادندفدایی گل خوددرره ایران
ای مادردریادل آمدبه درت سائل
کردی توعنایت

تواُسوهٔ ایمانی و الگوی وفایی
دریای ادب،بحرکرامات وعطایی
توعاشق زهرایی دلدادهٔ مولایی جانهابفدایت

یاام بنین شیعه لر احساسیوه قربان
بیر گوز ایکی قولدان گئچن عباسیوه قربان
>ای نادره ی دوران / سائل لره قیل احسان / ای بحر کرامت <

سرمشق اولونوب مام شهیدانه مرامون
منشوریدی عشاقه سنون متن پیامون
عاشق اَل اوزَرقولدان
دونمزولی حق یولدان
تافیض شهادت

هرجمعه گونی آدین اولارزینت مجلس
تا اینکه اولا روز ظهور گل نرگس
>مهدی اولا سر هیئت /
بو جمعی ائده دعوت /
گلزار بقیعه

• جمعه
• 29
• اسفند
• 1399
• ساعت
• 11:26
• نوشته شده توسط
• یوسف اکبری

آی مهربان ابالفضل...آی قهرمان ابالفضل
قالدی گوزوم یولوندا...آی جاودان ابالفضل

ام البنینم اوغلوم...باشی بلالیم من
دورداوغلوم اولدی پرپر...دائم عزالیم من
گئتدی جلال وجاهیم...بیلمم هارالیم من
منه یوخدی نازنینیم...داخی هم زبان ابالفضل

نقدرواریدون اوغلوم...واریمیدی افتخاریم
سنی کی شهیدائدوبلر...داخی گئتدی اعتباریم
دولانوبدی چرخ دنیا...عوض اولدی روزگاریم
هله وارگوزوم یولوندا...گینه باغریقان ابالفضل

چیخارهرغمیم یادیمدان...بالاوی گوزیم گورنده
گوزومون آخارسرشگی...آتام هاردادی دینده
یازوبی بالان عریضه...سنی گورمگه گلنده
آلاسان قوجاقه بیرده...اولا شادمان ابالفضل

نقدر وارعمریم عباس...باشاقاره باغلارام من
ئورگیم داریخسا هر آن...بالاوی قوجاقلارام من
همیشه گورنده بیر مشگ...سنی یاددا ساخلارام من
دییرم بو مشگ ائدوبدی...قدیوی کمان ابالفضل

• پنج شنبه
• 26
• فروردین
• 1400
• ساعت
• 10:32
• نوشته شده توسط
• یوسف اکبری

اوغول -

منی آیریلیق سالوب کمنده گل

داخی صبر قالمیوبدی منده گل

یومولان گوزوم باخور بو یوللارا

اجلیم یاخنلاشوبدی سنده گل

ای دوشن ایکی قولی - مشگی اوخلانان بالام

کربلاده یاتما گل - جان ویرور آنان بالام

باتار

گیجه‌لر وجودیم اشگ حسرته

یانارام گونوزده نار فرقته

یوخودا گورردیم هر گیجه اوغول

منی سن آپارمیسان زیارته

کونلومون نواسی وار - باشدا غم هواسی وار

خسته روحیمون اوغول - شوق کربلاسی وار

آنان

بو غمونده یاندی سینه داغلادی

سالوب حسرتون خیاله آغلادی

باشون اوسته اولمادیم ویرنده جان

کیم او قانلی گوزلریوی باغلادی

علقمه ایشیتمیشم - تشنه‌لب یولون دوشوب

اوخلانوبدی ساغ گوزون - باش سینوب قولون دوشوب

اوغول

نفسیم دوشوب شماریه منیم

نجه پایمال اولوندی گلشنیم

ایله آرزو ایدردیم هر زمان

اولا تربت بقیع‌ده مدفنیم

یولدا قویمیون قالا - چشم انتظارینی

مدفن ایلیون‌ منه - فاطمه جوارینی

• یکشنبه
• 5
• اردیبهشت
• 1400
• ساعت
• 21:28
• نوشته شده توسط
• یوسف اکبری

گل آنان ویرور جان مه لقا ابوالفضل
غم منی ایاقدان سالدی یا ابوالفضل
غصه صبریمی الدی
یولدا گوزلریم قالدی
هارداسان ابوالفضل2

اللریم الیمدن آز قالیر اوزولسون
گوز یاشیم عذاره غصه دن دوزولسون
قولارین فداسی تز یتیش هرایه
آزقالیب بو آغلار گوزلریم سوزولسون
بیقراریوم عباس
انتظاریوم عباس

شاکرم همیشه حی کردگاره
مرتضی ایوینده چاتدیم افتخاره
دورت اوغول اناسی جان ویریرادامسیز
ایندی یوخ باخان بوغملره دچاره
دردیمی بیلن یوخدی دلده محنتیم چوخدی

داده من غریبی یوخ سالان ابالفضل
گوگلومی غریبم یوخ الان ابالفضل
تنگه گلدی سینم دردوغم الیندن
قیدیمه بو حالدایوخ قالان ابالفضل
تیرمحنت هجران
ایتدی قلبیمی شان شان

شهرتون دوتوبدوربوفناجهانی
گورمیوب بودنیاسن کیمون جوانی
اللهااولوبسان عبدصالح اوغلوم
ایتموسن اوزوندن راضی کبریانی
کربلاده جان ویردون
نخل دینه قان ویردون

اولساکیمده وجدان چیخماز هیچ اوزوندن
دونمیوبسن احسن اوغلوم حق سوزوندن
کربلاده عالی امتحان ویریبسن
قولارین دوشنده اوخ دگیب گوزوندن
گل کیمی سولان لای لای
شرمسار اولان لای لای

سینوه دیولر اوخ دییب اوخ اوسته
دوشموشن بلایه قانلی پرچم اوسته
قولارین دیولر وای قلم اولوبدور
یاره لی یاتوبسان نهر علقم اوسته
گوزده قان اولوب اشگین
توش اولوب اوخا مشگین

• یکشنبه
• 17
• مرداد
• 1400
• ساعت
• 22:05
• نوشته شده توسط
• یوسف اکبری

زُوجهء شیرِ خداوند وحید
فاطمه، اُمِّ ابوالفضلِ رشید

ویردی ترتیب اوُل ستم کش دورت مزار
هر بیری بیر نو جوانه یادگار

اِیتدی قبرستاندا دائم مسکنین
عرشِ اَعلایه اوجاتدی شیونین

یاد اِیدردی اوز عزیزِ جان لارین
تشنه لب جاندان گِیچن اوغلان لارین

وای اوغول وای دلده، گوزده اشکِ ناب
یثربین اهلی نه اِیلردی خطاب

حالیمی بی حد پریشان اِیتمیون
رحم ایدون گوزیاشیمی قان اِیتمیون

اولمیون راضی اولوم چوخ دل کباب
ایتمیون اُمّ البنین آدی خطاب

سویلینده سیز منه اُمّ البنین
آرتی رور بو آد منه شور و اَنین

یادی مه قهراً دوشور اوغلان لاریم
قوّتِ روحیم عزیزِ جان لاریم

واریدی دُورت سروِ آزادیم منیم
اونلاریله خاطرِ شادیم منیم

نه روا دور بیر اوغول سوز مادرین
سسلَ سونلر آدینی اُمّ البنین

وای منه ایوای بلالی قلبی مه
وا اَسف ایوای یارالی قلبی مه

نقل ایدولّر کربلادن بیر خبر
بو خبر اِیلور منی شوریده سر

اوغلوم عبّاسین دیولّر اهلِ شام
اللّرین قطع ایلیوب لر تشنه کام

ای منیم شیر اوغلوم، ای آرامِ جام
ای آدی عبّاس، اوزی شیرِ ژیان

من ایشیتدیم بیر ستم کارِ عَنود
کربلاده ووردی باشوندان عَمود

سن که دعواده آجیقلی شیری دون
صاحبِ سر پنجه و شمشیری دون

واریدی کیمده جسارت بر ملا
سن کیمی شیره اِیده بیله جفا

اَلده گر اولسیدی شمشیرون سنون
ایلین مزدی جسارت دشمنون

بس بیله معلوم اولور قومِ شریر
اللّرون کسمی شدی ای شیرِ دلیر

تا حیاتیم وار بو دنیاده ملول
وا ابوالفضلا دیوب یانّام اوغول

قولی نه فعلی له بانوی جهان
ویردی دنیاده غریبه امتحان

جان ویرون جه ایتدی افغان آغلادی
توکدی گوزدن خونِ دل، قان آغلادی

یثربون والی سی مروانِ شرور
جنبِ قبرستان دان ایلوردی عبور

گوردی بیر عُورت اِیله فریاد ایدور
وای اوغول وای دلده آه و داد ایدور

شش جهاتی دولدوروب شیون سسی
پارچالور قلبی فغان و ناله سی

سویلدی کیم دور بو سینه داغلوری
هانسی ثُکلا اوغلونا قان آغلوری

ویردیلر اُول سنگدل شومه جواب
بو بلا هم خانه سی خانه خراب

بوترابه زُوجه دور اُمّ البنین
مادرِ عبّاس فُهلِ بی قرین

شمری دَن آرتوق شَقی مروانِ دُون
گوزیاشین توکدی، غمی اولدی فُزون

بیر بیره چالدی اَلین اول نابکار
سویلدی اُمّ البنینون حقّی وار

واردی تا دنیا یوزینده کائنات
دوغماز عبّاسین نظیرین اُمّهات

ای بنی هاشم آیی کانِ ادب
وی اولان باب الحوائج منتخب

من (حسینی) ناخوشام هم بی کسم
دامنون محکم دوتوب وِیرّم قسم

بیر حسین اول شاهِ دینین جانی نه
بیر آنان اُمّ البنینون جانی نه

ایسته اللّهون دان ای کانِ وفا
بو مرضدن تیز منه ویرسون شَفا

اوچ آیی گِیچدی ملول و دل غمین
بیر تصادم اِیلیوب خانه نشین

نه سینق چی باش تاپور نه بیر طبیب
باری سن لطفون دَن اِیت مه بی نصیب

تا شفا وِیرسون خدای لایَنام
آستانوزده اِیدوم خدمت مُدام

• سه شنبه
• 30
• شهریور
• 1400
• ساعت
• 20:50
• نوشته شده توسط
• یوسف اکبری

من امّ بنینم صدف دُرّ کمالم
من امّ بنینم گُهر کَنز جلالم
من امّ بنینم هدف تیر ملالم
دورد اوغلوم ئولوب مین غم و مین درده دچارم
دقت ایلیون قبریمه مخروبه مزارم

من امّ بنینم چالشوب مقصده یتدیم
دورت پنجه قوی تازه جوان تربیت ائتدیم
زهرایه اولوب خادمه زهرا یولی گئتدیم
پروانه اولوب شمع جمال حسنینه
خدمت ائلدیم زینب و کلثوم و حسینه

من امّ بنینم حرم شیر خدایم
من جاریۀ خانۀ اُمُ النُّجَبایم
اهل وطنیمدن ولی چوخ واردی گلایم
حسرت، جمعه آخشامی چکور خسته روانیم
اولمور بیری اللهه گوره فاتحه خوانیم

افسرده دلم قلبیده سایسیز محنیم وار
داغ داشه موثردی او غُصّیکه منیم وار
اولماز گَلَنیم ایلده بش اون گون گلنیم وار

• دوشنبه
• 22
• بهمن
• 1397
• ساعت
• 18:57
• نوشته شده توسط
• ابوالفضل عابدی پور

مسکینه کرم خانه ی حقدن صِله گلدی
عشقون گل آچوب مزرعه سی حاصله گلدی
زینب دیل آچان شهریده طبعیم دیله گلدی
اون گون علی اکبر دولانان شهریده قالدیم
عطّار کیمی عطر بنی هاشمی آلدیم

شهر نبوی مرکز تبلیغ رسالت
برنامه سی قرآن هدفی بسط عدالت
آفاقه سالوب شعشعه ی نور هدایت
گهواره ی اصحاب نبی مولد انصار
ارباب صفا گورسه بیلر که نه صفا وار

بیر یاندا نُمایان اُحُدون غملی نماسی
دامانینی مدفن ائدوب حقّون شهداسی
قرآنون اَوَل اولدی همان عدّه فداسی
مردان خدا مقصد حقّه چاتوب اوردا
شیر نبوی حضرت حمزه یاتوب اوردا

دندان نبی تاپدی همان یرده شهادت
دوقسان یاریا دوزدی علی شاه ولایت
زهرایه اوگون فکر ائله یوز وئردی نه حالت

• دوشنبه
• 22
• بهمن
• 1397
• ساعت
• 19:05
• نوشته شده توسط
• ابوالفضل عابدی پور

افتخار آل هاشم
صاحب علم بالام وای
نخل زاریده سو اوسته
قوللاری قلم بالام وای

کربلا چولینده گوردی
باشلانوب حسین قیامی
صادقانه خدمتینده
راضی ایلیوب امامی
قتلگهده جان ویرنده
گوندروب منه پیامی
گوز یاشی اولان مرکّب
کیپریگی قلم بالام وای

محبط پیامه گلدیم
گون بگون جلالیم آرتدی
زینبین عنایتیندن
رونق کمالیم آرتدی
صاحب لوا ئولندن
قلبیده ملالیم آرتدی
من عروسِ خاندانِ
ختم مرسلم بالام وای

چوخ دیدی منه خانملار
زندگیده بَختَوَرسن
فاطمه گزن اتاقدا
افتخاریلن گَزَرسَن
هیچ بیری دیمزدی بیرگون
قاره پیرهن گیَرسَن
قویمادی زمانه آخر
منده دینجلیم بالام وای

شهر یثربه پریشان
غملی کاروان قیتدی
عترت رسول خاتم
اولدی باغ

• دوشنبه
• 22
• بهمن
• 1397
• ساعت
• 19:11
• نوشته شده توسط
• ابوالفضل عابدی پور

من ام بنینم شرف الناسیم ئولوبدی
سرویم یخیلوب طیب الانفاسیم ئولوبدی
ایراد ائلمون گوزیاشیم آلقانه دولانسا
غیرت یلی حیدرصفت عباسیم ئولوبدی

من ام بنینم منی غم سالدی فشاره
دورد اوغلوم ئولوب گیمیشم علت اودی قاره
دورد اوغلومون هرتک تکی قرآنه فدادی
حاشا دییم اولدوم بو سببدن گونی قاره

من ام بنینم باخارام قانلی لوایه
روحیم پر آچار اشک فشان دشت بلایه
عباسیمی گورم سو کنارینده لب عطشان
قولسوز یوزی اوسته یخیلوب قانلی منایه

یانام دییرم جان بالا ئولسون ننون ئولسون
باشیندن آخورقان بالا ئولسون ننون ئولسون
آتدان یوزی اوسته بالا قولسوز یخیلوبسان
باش یاروه قربان بالا ئولسون ننون ئولسون

ایوای منه باش یاروه فرزا

• دوشنبه
• 22
• بهمن
• 1397
• ساعت
• 19:20
• نوشته شده توسط
• ابوالفضل عابدی پور

تئزگل عباس ئولور آنان،گوزلریم یولدا قالوب
دردون دیلدن سالوب منی،غملر آغوشه آلوب
سسیمه سس وئر آی بالا،گئجه گوندوز مَلَرم
غملرون یادیمه سالوب،یوزه اشکیم اَلَرم
اولدوز کیمی من آخارام
گوزیاش یوزومه یاخارام
گل باشیمون اوسته بالا
حسرتله یولا باخارام

عباس ئولور آنان(۲)

گئجه گوندوز من آغلییب هردم ای وای دییَرم
نهر اوسته تشنه اوخلانان جسمه لای لای دییَرم
سینمده قانلی پرچمون روز و شب ساخلیارام
یاس ساخلارام سنه ،باشا من قاره باغلیارام

نور بصریم بالا وای
گویده قمریم بالا وای
قربان او دوشن قولووا
بی بال و پریم بالا وای

عباس ئولور آنان(۲)

• چهارشنبه
• 24
• بهمن
• 1397
• ساعت
• 18:17
• نوشته شده توسط
• ابوالفضل عابدی پور

گلوب فغانه آغلارام
گزوب بهانه آغلارام
الهی دورت بالام منیم
باتوبدی قانه آغلارام

ئورگیم یانور اسور اللریم
منی گوزدن آتدی گوزللریم

بهارغمده سولموشام
بولوط مثالی دولموشام
اوغوللارین آناسیام
ولی اوغولسوز اولموشام

وطنیمده کیم یتیشور منه
دئیور آغلاما قره گون ننه

ائدر منه اثر گجه
اولار چتین سحر گجه
دولاننام ائوده صبحه جک
عصا الیمده هرگجه

بالا فکرینی آتا بیلمرم
نچه آیدی کی یاتا بیلمرم

گلوم سارالدی بیتمه دی
غمیم اورکده ایتمه دی
سفردن ای خدا منیم
گئدنلریم قییتمه دی

ئورک اوتلانار اولا گر سینیق
بلیمی بوکوب منیم آیریلیق

همیشه سینه داغلارام
باشیما قاره باغلارام
سوسوز ئولوبدی دورت بالام
سَرین سو گورس

• دوشنبه
• 22
• بهمن
• 1397
• ساعت
• 19:25
• نوشته شده توسط
• ابوالفضل عابدی پور

کیم قولووی ائتدی قلم اباالفضل اباالفضل
اوغلووا یولّاندی علم اباالفضل اباالفضل

یوزدن هلاله بو بالام مثلدی مثلدی
سن کیمی اوغلوندا اوغول گوزلدی گوزلدی
بیلمور ئوزی عزّتینه نه گلدی نه گلدی
دائم اولولب مونسی غم اباالفضل اباالفضل

چون منه سندن بو بالا نشاندور نشاندور
بد نظرین بد نظری یاماندور یاماندور
گوزله ئوزوندن دِیَرَم آماندور آماندور
آتما رشادتله قدم اباالفضل اباالفضل

میوۀ قلبیمدی مَنَم پرستار پرستار
قامت رعناسی سنه چوخ اوخشار چوخ اوخشار
قویسا زمانه اولاجاق علمدار علمدار
ئوللم اگر گورسه ستم اباالفضل اباالفضل

کوچه ده سندن صورا که دولاندی دولاندی
گلدی یتیم سسله دیلر اوتاندی اوتاندی
ائوده الی یو

• سه شنبه
• 23
• بهمن
• 1397
• ساعت
• 13:48
• نوشته شده توسط
• ابوالفضل عابدی پور

ابالفضل جوان/تئز گل ئولور آنان
غم غصه م چوخالدی/حالیمه یوخ یانان
منی آتوبسان یاره چاتوبسان
کرب و بلاده قولسوز یاتوبسان
اباالفضلیم گل۲

عزا دی همدمیم/اوغلوندی یاوریم
سن یوخسان یانیمدا/بونا یوخ باوریم
منه رحم ایله بیرنظر ایله
مدینه یه گل بیر گذرایله
اباالفضلیم گل۲

اشکیم یوزه آخدی/عبداللهون باخدی
اونی بو احوالیم/یاندیریبدی یاخدی
دئدیم آغلاما سینه داغلاما
شال عزانی باشه باغلاما
اباالفضلیم گل۲

گوزوه قربانم/اوزوه قربانم
گل دانیش منیلن/سوزوه قربانم
دانیش دیوم من جانیم اباالفضل
داماردا گزن قانیم اباالفضل
اباالفضلیم گل۲

آدیم ام البنین/مونسیمدی انین
دورد اوغلوماخاطر/ائتدیم شیون وشین
خبر اولمادی اول د

• سه شنبه
• 23
• بهمن
• 1397
• ساعت
• 14:09
• نوشته شده توسط
• ابوالفضل عابدی پور

عباسم از سفر کرب و بلا چرا نمی آیی
دلبندم مادرت افتاده ز پا چرا نمی آیی

ای عزیز جان و تنم
زیور هر انجمنم
وی امید امّ بنین
سرسپاه لشکر دین

بیا بیا مادر
زپا فتادم من
بیا که مأنوسِ
غم زیادم من

گل اوغلوم زار و حزین ام بنین غمه دچار اولدی
دورد اوغلانلار ننه سی گور نه چتین غمه دچاراولدی

ای عزیز جان و تنیم
زیورهرانجمنیم
گل هرایه یوخلامنی
گل گوروم بیریولداسنی

آماندی عباسیم
هرایه گل اوغلوم
آنون گیدور الدن
نوایه گل اوغلوم

گل اوغلوم دردین آلیم یوخلا منی بلالی یثربده
گل اوغلوم گل که گوروم بیرده سنی بلالی یثربده

گل گوزوم یوللاردا قالوب
ای امید ام بنین
گل که یثرب درد و غمی
هرنه غمدن اولدی چتین

آماند

• سه شنبه
• 23
• بهمن
• 1397
• ساعت
• 19:59
• نوشته شده توسط
• ابوالفضل عابدی پور

گَل ئولور الان آنان ام البنین عباس من
ایلیوب هجرن منی چوخ دلغمین عباس من
ای علمدار حسین
تشنه سردار حسین

ای علمدار رشید ای قامتی شمشاد اوغول
یثربه بیر قیل نظر ایله ئوزون امداد اوغول
بو اوغولسوز مادری جان اوسته ایله یاد اوغول
باشیم اوسته گَل ئزون ای مه جبین عباس من

گل باخوم مه تک گوزل رخساریوه جان اوسته یم
حسرتم الان اوغول گفتاریوه جان اوسته یم
انتظارم من بالا دیداریوه جان اوسته یم
بو آناوی غصه لر ائتموش کمین عباس من

دورت گولی پرپر اولان بیر باغبانم گَل بالا
گوزلری یولّاردا اما قلبی قانم گَل بالا
غم کشیده داغدیده ، قد کمانم آی بالا
محنتینده اولموشام من دل حزین ، عباس من

عمرووین گر چه سولوبدی

• چهارشنبه
• 24
• بهمن
• 1397
• ساعت
• 18:09
• نوشته شده توسط
• ابوالفضل عابدی پور

چاغیر میون منی بوندان صورا اوغول آناسی
دیون که تشنه ئولن کربلاده دورت بالاسی

اوغول لاریملا تانوردی منی قبیلم ائلیم
ئولوبدی دورت بالام آخر نئدوم یخلدی ائویم

بدنلرینده دیورلر یارا یارایه چاتوب
تکه تکه اولارون نعشی قوملار أوسته یاتوب

بو نوعیلن که دیرلر منه او زبده ی ناس
وفالی اوغلوم اباالفضل حضرت عباس

گئدنده سمت فراته كسوبله یوللارینی
وئروب سکینه مه قربان هر ایکی قوللارینی

صحیح اولا بو خبر بو قضیه سی یاران
اباالفضل اوغلومون اولّام وفاسینه قربان

رشادتیله گئدوبدور بو دار دنیادن
خجالت ایلمیوبدور منیده زهرادن

• یکشنبه
• 16
• آذر
• 1399
• ساعت
• 18:22
• نوشته شده توسط
• یوسف اکبری

اختر برج وفا امّ البنین
گوهر بحر حیا امّ البنین

ساکن اولموشدى جنوب مکه ده
سرو قدّ و دلربا امّ البنین

هئچ کسیلن ائتممشدى ازدواج
گول جمالى دلگشا امّ البنین

مرتضایه لیله ی آلامیده
اولدى مونس مه لقا امّ البنین

گلدى اول گون کى ولایت بیتینه
ایلدى حقّین ادا امّ البنین

باخدى مسماره قویوب دیواره یوز
نى کیمین ائتدى نوا امّ البنین

گلدى نطقه سسلدى یافاطمه
آدیوه قربان اولا امّ البنین

گلدى دورد اولادیوه اولسین کنیز
فخریلن صبح و مسا امّ البنین

آدى اوّل فاطمیدى، بیرگونى
ایلدى میر هُدی امّ البنین

ایلکینه عبّاسه اولدى حامله
خالقه ائتدى ثنا امّ البنین

دوقّوز آیدان صونرا آچدى غنچه سى
تاپدى بیر آیرى ضیا

• سه شنبه
• 30
• بهمن
• 1397
• ساعت
• 13:53
• نوشته شده توسط
• ابوالفضل عابدی پور

#فارسی

دل شده غرق نوا
گشته به غم مبتلا
از محن مادر
ساقی کرب وبلا

گشته ارض و سما دلغمین
غرق عزای ام البنین

((ذکرزبان یاام البنین
فخرزنان یاام البنین
مولاتنا یاام البنین))٢

کنز عفاف وحیا
بحر وقار وشرف
گوهر حیثیت و
در وفا را صدف
فاطمه نامش بود
شهرتش ام البنین
گشته زشایستگی
همسر شاه نجف

امشب شد ذکر روح الامین
مولاتنا یاام البنین

ذکر زبان ...

#ترکی

دیل دولی احساسیدی
ام بنین یاسیدی
آغلا فلک رحلت
مادر عباسیدی

یرگوی سسلنیر زاروحزین
دنیادن گئتدی ام البنین

ذکر زبان ...

یارعلی اولماقین
حقین ادا ایلدی
دورد گولونی مکتب
دینه فدا ایلدی
ماه بنی هاشمی
بسلدی کنز ادب
ساقی عطشان لب
کرب و بلا ایلدی

دور

• سه شنبه
• 30
• بهمن
• 1397
• ساعت
• 14:51
• نوشته شده توسط
• ابوالفضل عابدی پور

ئولور غملی آنون ای دردیمه درمان ابالفضل
چیخور خسته بدنن بو یورولان جان اباالفضل

گل ای ماه منور
وئرور جان غملی مادر
سنون هجرون ائدوبدی
یانان قلبی مکدر

گل ای نور عین
مه عالمین
قالوبدی یولدا گوزلر

غلام حسین
مه عالمین
قالوبدی یولدا گوزلر

ائدوب درد فراقون قلب زاری قان ابالفضل
اولا جان دوعالم آدوه قربان ابالفضل

منیم ای قهرمانیم
شجاعتلی جوانیم
سنی یاده سالاندا
آخور اشک روانیم

آنون خسته دی
سفراوسته دی
گوزوم نوری تز

چاتوبدی اجل
حسینیله گل
منه آغلیان یوخ

گوزوم یولدا قولاقیم سسده هاردا قالموسان گل
منی سن درد جانسوزفراقه سالموسان گل

گل ای ماه مدینه
دولوبدی غمله سینه
اوزون قولارون اولدی
ستون دین م

• سه شنبه
• 30
• بهمن
• 1397
• ساعت
• 18:08
• نوشته شده توسط
• ابوالفضل عابدی پور

من امّ بنینم صدف در کمالم
من امّ بنینم گهر کنز جلالم
من امّ بنینم هدف تیر ملالم
دورد اوغلوم ئولوب مین غم و مین درده دچارم
دقّت ائلیون قبریمه مخروبه مزارم
.
من امّ بنینم چالیشوب مقصده یتدوم
دورت پنجه قوی تازه جوان تربیت ائتدوم
زهرایه اولوب خادمه زهرا یولی گئتدوم
پروانه اولوب شمع جمال حسنینه
خدمت ائلدوم زینب و کلثوم و حسینه
.
من امّ بنینم حرم شیر خدایم
من جاریه ی خانه ی امّ النّجبایم
اهل وطنیمدن ولی چوخ واردی گلایم
حسرت جمعه آخشامی چکور خسته روانیم
اولمور بیری اللهه گوره فاتحه خوانیم
.
افسرده دلم قلبیده سایسیز محنیم وار
داغ داشه مؤثردی او غصّیکه منیم وار
اولماز گلنیم ایلده بش اون گون گلنیم وار
ز

• سه شنبه
• 8
• مرداد
• 1398
• ساعت
• 12:20
• نوشته شده توسط
• ابوالفضل عابدی پور

صدف خلقته گوهردی اباالفضل آناسی
فلک عزته اختردی اباالفضل آناسی
.
بعد زهرا و خدیجه، دئسم ایراد ائلمه
هامی عورتلره سروردی اباالفضل آناسی
.
قالوب آواره قلم وصفینی شرح ایلمگه
وصفیدن چونکه فراتردی اباالفضل آناسی
.
مجدو تعریفینه بو مصرع کفایت ائلییر
همسر حیدر صفدردی اباالفضل آناسی
.
صبرو ایثاریده ، هم مرتبه و شوکتده
دئیوب آلله، کیمه بنذر دی اباالفضل آناسی
.
جسمه ، اوخشاتسالا ایثاری بو دنیاده اگر
جسم ایثاریده کی سردی اباالفضل آناسی
.
گلمیوبدی آدی قرآندا ،ولی عزته باخ
مفخر مریم و هاجردی اباالفضل آناسی
.
گوئیا باخبریمیش هامیدان اول عقیل
مام عباس دلاوردی اباالفضل آناسی
.
مرتضی خدمتینه گلدی دیلینده تبریک

• یکشنبه
• 20
• بهمن
• 1398
• ساعت
• 09:17
• نوشته شده توسط
• سید محمد حسینی

محبت عالمینه اولسا انتها ننه دی
بو فانی زندگیه زینت وصفا ننه دی
مریض عاطفیه شربت شفا ننه دی
طبیب عشقیدی درد اهلینه دوا ننه دی

ننه دی صودامره شیر گوارانی وئرن
ننه دی قیز اوغولا درس مسلمانی وئرن
ننه دی جامعیه ناخلف انسانی وئرن
یعنی اولادیله هریرده هم آوا ننه دی

ننه وار زنده گیده چوخ گوزل انسان بجه ریر
ننه وار زندگیده دشمن قرآن بجه ریر
ننه وار هاجر اولوب بیر قوزی قربان بجه ریر
یاخشی پیس زندگیده میر و مقتدا ننه دی

بی لیاقت ننه دن خولی وشمر حاصل اولار
جاهل اولسا آنا حتما بالادا جاهل اولار
دین وقرآن وخداوندیدن هم غافل اولار
بجه رن قاتل وپیغمبری تنها ننه دی

ننه دن درس آلار اولادی بونون شبهه سی یوخ
ننه نین نسگلینه اولمالیدور نسگلی چوخ
قان دولان گوزلری گورسه گوزینه سانجلار اوخ
آقام عباسی ایدن عالمه مولا ننه دی

چون گلین گلدیکی گون تاپدی بویوگ ارج ومقام
اویانان درگهی اوپدی خانیما وئردی سلام
دئدی گلدیم بو ائوه دورت بالیا کلفت اولام
من کنیزم بولارا حضرت زهرا ننه دی

بالاسی باب الحوائج دی اوزی باب نجات
معرفتلن وئریب عباسه خانم درس حیات
حضرت ام بنین روحینه غرا صلوات
چون ابالفضل آقاما دنیادا والا ننه دی

• یکشنبه
• 11
• آبان
• 1399
• ساعت
• 17:39
• نوشته شده توسط
• یوسف اکبری

دوتور گوگول قوشی سنسیز بهانه عباسیم
دونوبدی گلشن صبریم خزانه عباسیم

سؤنوب چراغ امیدیم آییم باتوب نیلیم
ملالیلن باخورام آسمانه عباسیم

اوغولسوز اولماقیمی ایندیده اینانمیورام
حزین نوا ائدورم مخفیانه عباسیم

مدینه اهلی بالام جانی دای گلوبدی دیله
ز بسکه آغلیورام یانه یانه عباسیم

یاتانمورام گجه لر هر نقدری سعی ائدورم
اویاق قالوب گلورم من فغانه عباسیم

گئدوب اطاقوه سجاده وی قوجاقلیورام
امیدیلن تیکورم گوز اذانه عباسیم

کی بلکه وقت نماز ئوز اطاقوه گله سن
عبادت ایلیه سن عارفانه عباسیم

او حالدا منده دویونجان باخام گوزل گوزوه
همان گوزی که باتوب لخته قانه عباسیم

کتاب عشقه اوغول گل ویراق دوباره ورق
مرور ائدک اونی بیز محرمانه عباسیم

او گونکی قافله ی غم گئدوردی یثربدن
یاناردی قلبیم او کوچ نهانه عباسیم

خدا بیلور کی نجه سعی ائدردیم آغلامیام
عذاره اولمیا اشکیم روانه عباسیم

وقاریلن دایانوب ایله دیم سیزیله وداع
دئدیم گرک کی دؤزم امتحانه عباسیم

ئوزوم مدینه ده قالدیم اگرچه ظاهرده
عزیمت ائتمدیم آیری مکانه عباسیم

ولیک سن کیمی روحیم قوشولدی باطنده
گئجیله عازم اولان کاروانه عباسیم

مین آرزوئیله هرگون گوزتلدیم یولوی
قییتمدون نیه سن آشیانه عباسیم

کوسوبسن اولمیا مندن کی آیریلیق وقتی
سنی قوجاقلامادیم عاشقانه عباسیم

قسم او سوز عطشدن یانان دوداقلاروا
واریم دلیل بو سرّ نهانه عباسیم

ننه لیک ایلمه دیم چون حسین ننه سیزیدی
بو دردی ایله دیم الده بهانه عباسیم

کئچن کئچوب قره گونلر فقط قالوبدی منه
بوکوبدی قدیمی جبر زمانه عباسیم

هایانداسان گوزلیم ای جمالی آی پاراسی
قالوبدی اللری قوینوندا دورت اوغول آناسی

خوشا سعادتوه کاموه چاتوبسان اوغول
دیولّه خیرداجا بیر قبریده یاتوبسان اوغول

چتین گونومدی منیم دلده سوز و سازیم وار
آماندی گل آی اباالفضل سنه نیازیم وار

خوشام طریق محبتده سینه داغلاماقا
بهانه آختاریرام بیر دویونجان آغلاماقا

نوالی نی کیمی دائم نوائیلن گزورم
ائله قوجالمیشام اوغلوم عصائیلن گزورم

بلالی دشتیده تاپدی اثر منیم عملیم
گرک حسینچی اولیدون جهاندا سن گوزلیم

سینمده من سَنَد عشقی چونکی بسلمیشم
وئرنده صود سنه اولده یاحسین دئمیشم

ئولونجه فخر ائدرم من وجود اطهروه
سلام او علقمون اوسته کسیلمیش اللروه

اوتوز بش ایل سَنیدون عمرومون صفاسی اوغول
بلایه سالدی منی باشیوین یاراسی اوغول

نجه یارا کی بویاندیردی قانه ماه تِلین
همان او یاره دیوللر حسینون اگدی بئلین

نجه یارا کی یئریندن گلاب غم چیخدی
نجه یارا که سوسوز قیزلارین ائوین یخدی

ولی مصیبت اعظم بو غملی مطلبدی
بو مطلبی که اونون نوحه خوانی زینبدی

دئیور جفانی قوتاردی جهاندا قوم عنود
آچیق باشی ننه بیر حاله سالدی آهن عمود

ئورکده مشعل آمالی یاندیرانمادیلار
او باشی شامه کیمین نیزیه ویرانمادیلار

بو نوحه«قاسمی»ایلر نوالی مهر و مهی
سلام او باشه عمود آلتدا سیندی سجده گهی

• دوشنبه
• 17
• آذر
• 1399
• ساعت
• 10:27
• نوشته شده توسط
• یوسف اکبری

به سبک (خدایا عاشقان را باغم عشق آشنا کن)

ننون جان اوسته‌دی ای ماه تابان یا ابوالفضل
عزایه گل گلن یولاره قربان یا ابوالفضل

اگر ام البنینم
ولی من بی بنینم
ئولوبدور دورد جوانیم
غریبم بی معینم

گلن یوخدی گل_سوزوم چوخدی گل
گوزوم یولاردا قالدی
غم اولدی سوزوم_ بو گریان گوزوم
اوزون قولاردا قالدی

عزادارین ئولور یوخ بی نفر گلسین عزایه
رقیه مثلی منده حسرت اولدم کربلایه

منه یاس ساخلیان یوخ
غمیمده آغلیان یوخ
گوزوم قالدی یولوندا
گوزومی باغلیان یوخ

گلن یوخدی گل_سوزوم چوخدی گل
گوزوم یولاردا قالدی
غم اولدی سوزوم_ بو گریان گوزوم
اوزون قولاردا قالدی

هر ائیل بایرام اولاندا اوغلوون گویلون آلاردیم
یویوب عَمامه‌سین هم بوینونا شالون سالاردیم

دییَردیم عاشقانه
اورکدن یانه یانه
کی تنها سن قالوبسان
ابوالفضل‌دن نشانه

گلن یوخدی گل_سوزوم چوخدی گل
گوزوم یولاردا قالدی
غم اولدی سوزوم_ بو گریان گوزوم
اوزون قولاردا قالدی

• چهارشنبه
• 22
• بهمن
• 1399
• ساعت
• 15:40
• نوشته شده توسط
• یوسف اکبری

غمدن نوایه گلمیشم یثربده بی یارم
دورداوغلومون هجرینده من محزون وبیزارم
دورت قبری ترسیم ائتمیشم خاک بقیعده من
من بیراوغولسوز مادرم زارم عزادارم
دردیله سرشارم زائرم عزادارم

گتدی جلال وعزتیم غملرمنه قالدی
اوغلانلاریمون فرقتی آرامیمی آلدی
عباس نام آورغمی دام غمه سالدی
بوزندگیدن دویمیشام مدتدی بیزارم
دردیله سرشارم زارم عزادارم

غملی اوغولسوزمادره زندان اولاردنیا
ذکری اولارشام وسحر افغان وواویلا
منده اوغولسوزمادرم آزرده وتنها
قان آغلورام هجرانیدن پیچیده افکارم
دردیله سرشارم زارم عزادارم

زینب دیوب عباسیمون اوج وفاسیندن
تپراقه دوشموش پیکر سرو و رساسیندن
اولموش خجالت گوییا اولادیاسیندن
عباسیمه الاندامن غمگین وغمخوارم
دردیله سرشارم زارو عزادارم

• جمعه
• 29
• اسفند
• 1399
• ساعت
• 11:23
• نوشته شده توسط
• یوسف اکبری

صاحب شان وجلالتدی اباالفضل آناسی
بحر پر موج کرامتدی اباالفضل آناسی
معدن فضل و فضیلتدی اباالفضل آناسی
بانوی بیت ولایت ئوزی محجوب و متین
فاطمه آدی،مبارک لقبی ام بنین

همسرشیرخدا،بانوی ارزنده مقال
همنشین نجبا،صاحبهٔ جــاه و جلال
اولدی زهرا ائوینین جاریه سی تاپدی کمال
قدمی وئردی صفا،غمله سولان انجمنه
اشتیاقیله ائدوب خدمت حسین وحسنه

عربستانیده مشهوریدی اصل و نسبی
پاکزادیدی طریقتده اونون اُمّ و اَبی
نقل محفللردی طینت و زهد و ادبی
بی نظیریدی او دورانیده عفتده خانیم
خلقه ضرب المثل اولموشدی دیانتده خانیم

دین و قرآنه اوره کدن بوخانیم شایقیدی
پیرو مکتب اطهاریدی چوخ لایقیدی
جان ودلدن ئوزی زهراخانیما عاشقیدی
آرزوسیدی اولا بیت ولا خادمه سی
اونادادرس شرافت وئره زینب ننه سی

اون ایله دونموشودی فاطمه نون هجرانی
آناسیزلیق غمی سولدورموشودی طفلانی
غصه لرتنگه گتورموشدی دل مولانی
چون وصیت ائلمیشدی ئوزی زهرای بتول
عزم تجدیدفِراش ایلدی دامــادِ رسول

علم اَنسابیده چوخ ماهریدی شخص عقیل
حیدرون قارداشی بیرفردوفادار و اصیل
اونا تاپشوردی خود حجت خلاق جلیل
ایستورم غصه لی صرافووه گوهر تاپاسان
گزه سن طایفه لردن منه همسر تاپاسان

ولی وارشرطی اوقیز وصلتیمه شایق اولا
ننه لیگ اولمیا،،دورت نوگلیمه عاشق اولا
یاخشی تحقیق ائله،زهرا ائوینه لایق اولا
شهرهٔ یثرب اولا قوم و نژادو نَسَبی
اوخشیافاطمیه حجب وحیا و ادبی

گلمگیلن بو ائوه غملره پایان گتوره
غصه لی قلبیمی آرام ائده درمان گتوره
قدمیلن بوعزالی ائوه سامان گتــوره
قویمیا فاطمه نون گللری محنتده سولا
گوگلوم ایستور اوخانیمداندا منیم اوغلوم اولا

بیراوغول که داریخان وقتده هواداریم اولا
حسنینه قوشولا یار و مددکاریم اولا
اوجابوی،اَنّی کورَک،غم گونی غمخواریم اولا
عشقی قارداشلارینا بی حدوهم دائم اولا
یوزی زیبا،لقبی ماه بنی هاشم اولا

دیدی مولا،تانورام بیرقیزی که عالمه دی
شان و شوکتده ملکلر بوقیزا خادمه دی
عفتدی شهره دی یثربده،آدی فاطمه دی
دخت محجوب حَزام،جدی اونون شخص کلاب
یوخدی عفتده نظیری،ئوزی صدیقه مآب

خواستگاری اولونوب ماحصلی گلدی گلین
گلدی زهراائوینه فاطمح،محجوب ومتین
پوزولان انجمــــنه وئردی صفا ام بنین
گوردی بوصحنه نی نسوان مدینه سالیب های
ننه لیک گلدی علینون ائوینه،زینبه وای

مطلبی بیلدی اوخاتون وفادار و نجیب
دیدی یوخ ذره وجودیمده منیم حیله و ریب
ایندی که اوج سعادت منیچون اولدی نصیب
ظاهراً همسرسلطان حجیزم تانیــون
گرقبول ایلسه زهـــرایه کنیزم تانیـــون

آنداولا فاطمه نون ذکر نماز شبینه
عالمی درده سالان غصه لی تاب وتبینه
گرقبول ائتسه کنیــزم خانیمون زینبینه
خادم منزل سردار حنینم تانیـــون
فاخرم،چونکه کنیزحسنیــنم تانیون

دوشنوب درگه زهرایه او بانوی گرام
دورد اوغول وئردی اونا حضرت خلاق انام
دیدی خوشدور اولا هر دوردیده زهرایه غلام
اعتنــا ایلمــرم خلق الین همهمیــه
بالالاریم هامی نوکردی بنی فاطمیه

گون به گون حرمتی آرتوردی او والانسبین
هامی تعریف الیوردی حسنات و ادبین
عاشق اولموشدی حسینه خبر آلما سببین
عالم عشقیده بیرهمت شایان ائلدی
فاطمه اوغلوناهردوردونی قربان ائلدی

تربیت ایلدی دورداوغلونی وانفساده
که فقط عشق حسیندی قالاجاق دنیاده
گوزلیون قویمیاسوزتک،اونی هـــر بلواده
ساتمیون عشقینی گر وئرسه له،دنیا بویی زر
فاطمه یوسفینون بیر توکی دنیایه دَیَر

عالم عشقیده بالمره قیامت سالدی
دست زهرادن ئوزی رتبهٔ شایایان آلدی
جان وئرن وقتیده افسوس اولاکه تک قالدی
دیدی لبیک حسین،صون نفسیمدور ئولورم
گل که گورسم یوزویی بیرده بسیمدور،ئولورم

نچه ایلدور بئله خدمت شالینی باغلامیشام
اگنیده رخت عروسی،آنووا آغلامیشام
غملرون یاده سالیب غمله جگرداغلامیشام
جان وئرن لحظه نه خوشدور منی ده یادائده سن
نه اولار،اوغلی ئولن بیر ننه نی شادائده سن

دئمورم ماتمیمه دسته گل یاسیله گل
یا که قلبونده اوغول آهیله احساسیله گل
اولساامکانی ملاقاتیمه عباسیله گل
ایکی دلداده گلون بیردا جگر داغلاماقا
گتورعباسیمی آغلار گوزیمی باغلاماقا

ایله زهــرایه سفارش،او انیس محنــه
ایلسون عمده عنایت بوجلای وطنه
باخسابیردفعه محبتله اگــر بسدی منه
منی مشمول ائلسون باغ جناندا کـــرمه
باغ جنتده ده اولادینه ائتسون خدمه

• جمعه
• 29
• اسفند
• 1399
• ساعت
• 11:33
• نوشته شده توسط
• یوسف اکبری

یوزومده اشکیمی قان ایلیوب جگر قانی
سالور خیالیمه ام البنین مولانی

اِیدردی بزم عزای حسینینی بر پا
یِتَردی عرش خدایه اورکدن افغانی

آلاردی عطر حسینی جناب زینبدن
باساردی باغرینا جان تک عزیز زهرانی

دیردی نیسکیلیوه زینبا ئوزوم قربان
اورکده غملریوین یوخدی حد و پایانی

فدا اولوم سنه بیر نطقه گل منیله دانش
سن ای سرادق عصمتده عصمتین جانی

دیار ماریه نین شرحینی بیان ایله
اگر چه شرح ایلیوبسن همان بلایانی

گَلردی عالمه بی معلمه نطقه
ویرردی شرح او مجلسده ظلم اعدانی

شکسته نی تک اِیله اِیلیردی آه و نوا
اِیدردی گوز یاشی شرمنده بحر عمانی

دیردی آغلامیوم نینیوم بو ماتمده
گتیردی تنگه مصیبت من پریشانی

بلا چولونده فلک بولدوقون اِیدوبدی منه
تاپوبدی سینه پر غصه حال ویرانی

او دم که صبح آچیلوب اولدی روز عاشورا
امام شرح اِیلدی آیه فدینانی

ازلده بیر نچّه انصار قانینه باتدی
مزَیَن اِیلدیلر قانیله او میدانی

یِتیشدی اکبره تا نوبت آل هاشمدن
منور اِیلدی اکبر او قانلی صحرانی

گورن دیردی که رجعت اِیدوبدی پیغنبر
شهید اِیتدیله ظلمیله شِبه طاهانی

گلنده خیمیه نَعشی قیامت اولدی عیان
فراقی عرشه اوجاتدی نوای لیلانی

آچیلدی راه شهادت جوانلارا یکسر
تمامی سالدلا گوزدن بو دور دورانی

گیدوب شهادته یِتدی بقییه شهدا
قالوب اوچولده فقط مهر و ماه تابانی

حضور شاهه گلوب تلیده ابوالفضلون
ددی فدا سنه شاها بو نوکرین جانی

بو چولده غم یئمه که اکبرون باتوب قانه
قَبول اِیله گیلن دلده بو تمنانی

محبت ایله منه اذن ویر جداله گیدوم
داریخدیروبدی منی انتظار طولانی

امام ایلدی فرمایش ای ابوالفظلیم
اماندی درک ایله حال رباب نالانی

گوتور سو مشکینی بیر مشک سو طلب اِیله
سقایت ایله بو صحراده آل طاهانی

بو گون خیامیده اوچ گوندی که سوسوزدی حرم
علی اصغرین اودلاندی قلب سوزانی

گوتوردی مشکینی یول سالدی وادی عشقه
سو اِیسته دی ددیلر یوخ بو فعلین امکانی

فراتی آلدی ولی اِیچمدی سویوندان ئوزی
خدایله اِیلدی بیر عجیبه سودانی

جهاد اکبر اِیدیبدور اوگون ابوالفضلون
فقط سو مشکینی دولدوردی اول وفا کانی

خیامه سالدی یولون آیری شور و شوقیله
یول اوسته اوخلادی مشکین گروه سفیانی

بیر اوخدا دَگمیشیدی آلنونا ابوالفضلین
خدا بولور نجه چکدی آت اوسته پیکانی

فدا اولوم بالاوین دلده حسن نیتینه
خیامه یِتمدی هر چند که او احسانی

اولونجه آغلاسام آزدور اورکده نیسکیلینه
گتیردی درده او غم نهرین اوسته سقانی

خجالتیندن اودور گلمدی خیامه طرف
فغانه گتدی فراقی شه شهیدانی

حسینیمین بِلیِ سیندی همین مصیبتدن
چوخ آز قالوردی چیخا جسمیدن سوسوز جانی

همان او حالیده سسلوردی آچ گوزون عباس
دانش گوروم نجّه چکدون سه شعبه پیکانی

نه قَدری سَسلدی سس گلمدی او مظلومه
ایشخلی گوندوزی اولدی گوزونده ظلمانی

بویوردی ام بنینین اِیوی اولا آباد
ویروبدی دینه بو صحراده نچّه قربانی

یئتَنده بو یره سوز گوردی زینب کبرای
اوجالدی ام بنینین سمایه افغانی

مخاطب اِیلدی عباسی مادر عباس
فدا اولا بیله ایثاره عالم فانی

باشیمی عرشه اوجاتدی بو عزت نفسون
خجالت اِیلمیسن سن او چولده دریانی

سودوم حلالون اولا اِی مه بنی هاشم
او نفسیده گورونوبدور کمال انسانی

آنان او عزت نفسه اولونجه فخر اِیلر
او نفس واله و حیران ایدوبدی دنیانی

ولی بو نیسکیلیوه آغلیام گرک قان یاش
خجالتوندن آخوبدور یوزه اورک قانی

خدا بولور نه قَدر وار یانان دلونده غمون
نه ابتداسی عیاندور نه واردی پایانی

سالاندا قولاریوی نخل زاریده اعدا
هرایوه چاغیروبسان او چولده جانانی

بیر عالمین غمی بیر آنیده ویروب سنه یوز
بیر آنیده نجّه چکدون فشار دنیانی

او اوجا قامتیله خیردا بیر مزار ایچره
نه نوعی یاتموسان ای سرو ناز سلطانی

چاتیدی اللریم ای کاش او خیردا مرقدیوه
چَکَرم حسرت اولونجه بو فعله هرآنی

علاوه که چَکَیرم عکسیوی خیالیمده
مجسم ایلیورم گوزده ماه سیمانی

جمالیوی گورَرَم اوغلون جمالینده
انان او ماه جمالین اولیدی قربانی

گوزومون اوسته سنون ساخلورام امانتیوی
منه بو نعمتی حَق ایلیوبدی ارزانی

آلارام عطریوی آغلار قالان امانتدن
مشام جانه ایدر دائم عنبر افشانی

او قانلی گوزلریویله (عتیقه ده) بیر باخ
چکوبدی نظم و نظامه بو غملی طغرانی

• یکشنبه
• 31
• مرداد
• 1400
• ساعت
• 17:28
• نوشته شده توسط
• یوسف اکبری

سلام بر مادر ياس بهشت
گل تو را خدا چه نيكو سرشت

مطلع شعر شور ام البنين
قصيده ی شعور ام البنين

اى نفست گرم‏تر از آفتاب
پرده نشين حرم بوتراب

حضرت حيدر به تو دلباخته
خانه خود بهر تو پرداخته

شأن تو بس كه همسر حيدرى
شانه به شانه على مى ‏پرى

فاطمه ی دوم بيت الولى
قلب تو از عشق و صفا صيقلى

از تو شكوفا گل باغ يقين
روشنى و چشم و چراغ يقين

رونق كاشانه ی مولا شدى
مادر بچه ‏هاى زهرا شدى

كنيز آيه ‏هاى كوثر شدى
فاطمه ی ديگر حيدر شدى

همسر و همسفره ی شاه عرب
دامنت آسمان ماه ادب

ادب ز سينه تو نوشيد شير
كه شد چنين شكوهمند و دلير

تو پرورش داده‏اى عباس را
شور و شعور و عشق و احساس را

نوكر آل فاطمه خواندی اش
دور سر حسين چرخاندی اش

چهار لاله ات فدايى شدند
چه عاشقانه كربلايى شدند

چو قافله سوى مدينه آمد
به اشك و آه و سوز سينه آمد

بشير ، شعر داغ را جار زد
خزان باغ عشق را زار زد

زينب تو نواى غم ساز كرد
براى تو سفره ی دل باز كرد

براى تو تمام ماجرا گفت
حماسه شهود لاله ‏ها گفت

گفت كه عباس تو بى دست شد
ساقى از جام عطش مست شد

براى تو روضه علقمه خواند
ز غربت يوسف فاطمه خواند

روضه قتلگاه را شنيدى
چه سخت آه از جگر كشيدى

اگر چه داغدار سقا شدى
گريه كن حسين زهرا شدى

به سوگ آن شهيد بى سر حسين
ناله زدى : غريب مادر حسين

بقيع ، شاهد غم و سوز تو
روضه و اشك ، كار هر روز تو

پيكر لاله‏ هاى خود نديدى
شكل چهار قبر مى ‏كشيدى

كنار هركدام مى ‏نشستى
ز صبح تا به شام مى ‏نشستى

ز روضه تو قلب سنگ آب شد
كه دشمن تو نيز بى تاب شد

سوختى و سوختى و سوختى
مدينه را به ناله افروختى

اگر چه داغ روى داغ ديدى
به چشم خود خزان باغ ديدى

نخورده ‏اى سيلى و تازيانه
دفن نشد پيكر تو شبانه

چگويم از على و غربت او
سوخت مدينه از حكايت او

زخم دل شكسته ‏اش نمك خورد
فاطمه ی اول او كتك خورد

شبانه از خانه غريبانه رفت
شكسته و سوخته پروانه رفت

• شنبه
• 6
• شهریور
• 1400
• ساعت
• 23:16
• نوشته شده توسط
• یوسف اکبری