مرحبا امّ الـبـنين ياسـيـنده صــادق مادحه
ايت نثار اوْل با وفانين روحينه بير فاتحه
اي اولان حجب و حيا و شرمه كان؛ امّ البنين
بعـدِ زهــرا(س) حيدره غـمخواراولان؛ امّ البنين
ايـلـيـيـن قــلــب احـبـّانــي مــكــــان؛ امّ البنين
بـسـلـيـيـن عـبـّاس تك بـير قهـرمان؛ امّ البنين
قويمادون تا كه هدر زهــرا(س) چكن زحمت گيده
قويمادون زهرا(س) غمي حيدر ايوين ويران ايده
معـرفـت بـاغـيـنده سـن بـاب دگـر باز ايلدون
سـيـنووي حـيـدر غـمـيـنـده محرم راز ايلدون
حـيـدرين غمخانه سيندن غصّه ني آز ايلدون
زينبه اولدون ننه ؛ غـمكش قيزي ناز ايلدون
مجتبي نين عكسينه سن قلـبـووي قاب ايلدون
تشنه وقـتـيـنده حسيني فــوري سيراب ايلدون
بسـلدون راه وفاده دورد اوغول مردان ِ مرد
درس عـشقـي ئـورگـدوبسن اولاّرا فرداًبفـرد
آلـديـلار فــتـّاح خـيـبـردن اولار درس نـبــرد
اولـدولار هـرتك تـكي جنگاور و بير رادمـرد
رشـك آپـاردي يثرب اهلي همّت و احساسووه
فـخـر ايـدردون هـر بـاخـاندا هيـبت عـبّاسووه
الغرض ايللر دولاندي دونـدي شصت هجرته
كربلا شاهــي قوروب نقشه اوْ قانلي نهضته
ايستدي عـزم ايـلسون دشـت عذاب و محنته
سسلدي امّ البنين اوغـلانـلارين بـيـر خـلوته
سويلدي رخت وفاني روح و تندن سويميون
مرتضي اوغلي حسيني بوزمان تك قويميون
يوزدوتوب بيـرده ابـاالفضله كه اي كان وفا
بسـلـميشديم من سني بير بيله وقته آي بالا
اول سـپـر قـارداشـووا گـلـسـه اگـر فوج بلا
بير قـدم حتّي حسيـندن عرصه ده قالما دالا
آســمــان كــربــلاده بــيـــرآي اول اولـــدوزلارا
هامّي ياتسا سن اوياق قال اوْل نگهبان قيزلارا
حيدرين دلبندينه اوْل سن هميشه غمگسار
چـون وصـيـّت ايلدي حـيـدر زمان احتضار
ال الـه ويـردي حسيـنـيـلـن سني وقت قرار
ايـتـدي فـرمايش بـونـوعي؛خلقته آيينه دار
جان سـنون جان بوحسينون آيلاري اولدوزلاري
شمـرامان نامه گتيرسه گيتمه قــورخار قـيزلاري
اوْل مـراقـب فـاطـمـه گـلزارينه غــم دولماسين
گـلـلـره سـقـّا اگراولسـون گوزتـله سـولماسين
سرسپاه اول لشكرين نظمين قرا يل يولماسين
پرچم اسلامي جان تك ساخلا پامال اولـماسين
گيت سووا امر حسينه طاعت ايت ال سينه ده
چون عطشدن اصغرين تترير دوداقي خيمه ده
نهري آلسون ايچمه سو سال يادوه عطشانلاري
حـق چـكـر چـون امـتـحانه هـر زمان انسانلاري
عـلـقـمـي شـرمـنـده ايـلـه ثـبـت ايـلـه پيمانلاري
مشكووي سال چگنوه دفع ايله سست ايمانلاري
آل حسـيـنون هـر زمـانـدا جـانـووه درد وغـمين
قولاّرون دوشسه ديشونده ساخلا دينين پرچمين
مشكووه دشمن اوخ آتسا؛ وير قباقه گوزلرون
قـوي اولا مـمـزوج قانـلان ديـده ده اشك ترون
يـاري ايـله ديـن حـقـّه ؛ الله اولــسون ياورون
قـوي دعـا ايـتسـون سني دنيا و عـقبا مادرون
گرشماتت ايتسه دشمن صـبريـلن ايـله عبور
گرعـمـود آهـنـين دگـسـه اوغول مـردانه دور
(آذرين) بسدوربـوغـمنامه؛داخي باغلا باشين
ايـلـسه وجـدانـلـيـا تأثـيـر تـوكرگوزدن ياشين
ويرهـمـيشه سـيـنـووه اهـل تـولاّنـيـن داشـين
ياده سال سو مـيل ايدنده زينبين يل قارداشين
ايـلـه سـن كـشـتـي امّـيـديـله بـحــراندان گذر
صادق اول عشقونده شعرونده ريادن قيل حذر
- جمعه
- 26
- دی
- 1399
- ساعت
- 11:04
- نوشته شده توسط
- یوسف اکبری
