اشعار حضرت علی اصغر علیه السلام

قالدون اوچ گون اوچ گئجه عطشان اوغول
ایچدون آخِر سو یرینه قان اوغول

بسکه سن لب تشنه قالموشدون علی
گل کیمی سولموش سارالموشدون علی
سو سراغین اوخدان آلموشدون علی
گیتدون اولدون قانیوه غلطان اوغول

زهرلی اوخدا نه لذّت تاپموسان
یاتموسان خوش استراحت تاپموسان
ای سولان غنچه طراوت تاپموسان
اولموسان بیر لاله ی نعمان اوغول

حقلیم موجه گلوب اشکیم داشا
درد و غم دریاسی تک باشدان آشا
بو بوغازون اوخ بیچوب باشدان باشا
یا کسوبدور ناوک پیکان اوغول

نسگلیم اودلار جهانی برملا
وار یری هر سود امر سودسوز قالا
کیم گوروب اوخلانسون آلتی آیلوق بالا
نوک تیر اولسون اونا پستان اوغول

نه منم یالقوز یانان احوالیوه
یاندی دشمنلر آلشدی حالیوه
حرمله گوندردی استقبالیوه
زهرلی اوچ شعبه بیر پیکان اوغول

تا سنی ویردی نشان شه دشمنه
من ایشیتدیم گلدی دشمن شیونه
چوخ امید ایتدیم ویره لّر سو سنه
حیف امّیدیم اولوب حرمان اوغول

حرمله باخدی گل نورسته سن
حسّ سیز بلبل کیمی دل خسته سن
اوخلینده گوردی سن جان اوسته سن
نه بهانه ایلدی عنوان اوغول

قلبیمی آهیله بیجا اویمارام
ناله دن بلبل کیمی من دویمارام
قانلی قونداقون یر اوسته قویمارام
خوشدی سینمده اولا مهمان اوغول

قویدی هر کس خوان بزم یاره گُل
همّتیجه یولّادی دلداره گُل
امّ لیلا ویردی بیر صد پاره گُل
منده ویردیم غنچه ی خندان اوغول

گون ایوینده سن سوسوز جان ویرموسن
شاهد اول بو عهد و پیمانیمده سن
قسمت اولسا اُلمه سم گورسم وطن
گون ایوینده اگلشم سوزان اوغول

نسگلون دلدن فراموش ایتمرم
آتشین اُلسمده خاموش ایتمرم
هیچ سرین سو جرعه سی نوش ایتمرم
تا اُلم عهدیم تاپا پایان اوغول

آلتی آی هر نصف شبلرده نجه
سود ویروب وقتونده قویمازدوم گجه
سود امن وقتون آیلسام بو گئجه
نیلیوم من خانمان ویران اوغول

غفلت اولسیدی آج اولسیدون اگر
سینه مین سود موجی ایلردی خبر
من سنه نامهربان اولدوم مگر
آج سوسوز ویردون آناسیز جان اوغول

ایل بُلر فوت اولسا گر بیر سود امر
کیم بُلر بیچاره مادردن خبر
آخشام اولجاق سینه سین بیر سود گزر
سود دیمه بیر آتش سوزان اوغول

خون ناحقّون سَپیلدی گویلره
قانلِ خط ویردی سپهر اخضره
انتقامون قالدی روز محشره
وای اگر عدل ایلسه دیوان اوغول

دیدیروب اوخ دایه سی سن گولموسن
گولماقون قان آغلادیرمیش بُلموسن
وای آنان اُلسون علی سن اُلموسن
ویرموسن جان دوشموسن بیجان اوغول

نسگلون اودلی اوکلر داغلادی
چاره من بیچاریه یول باغلادی
غنچه وش گولدون یاران قان آغلادی
غنچه گولسه گوسترور القان اوغول

کوسموسن مندن دیمیشدیم آغلاما
وورما دیرناخ سینمی چوخ داغلاما
گل گذشت ایت پوزشه یول باغلاما
آغلامن آغلار گوزه قربان اوغول

اوخ دگنده قوخموسان دیسگینموسن
دوشموسن ضعف عالمینده اینموسن
هر دیلیله دیندیرنده دین مینموسن
بس نیدیم من خانمان ویران اوغول

بسکه گوزدن گوزیاشی توکدوم سنه
سیل تک موج ایتدی داشدی دامنه
دوندی دریایه یقین اولدی منه
تیز قوپاردار قانلو بیر طوفان اوغول

تیز او طوفان قوپدی تاخیر اولمادی
هیچ کیمی گردابه من تک سالمادی
سن کیمی روحیمده الده قالمادی
ایلدی مستغرق طغیان اوغول

ساخلارام بو انتقامی محشره
ایلرم شکوه خدای داوره
سینمی ویرّم نشان پیغمبره
ایلرم دل دردیمی اعلان اوغول

بوش دوشه سالدیم سنی من آغلادیم
سن خراش ایتدوقجا سینه داغلادیم
لاعلاج اولدوم الیوی باغلادیم
بُلمدیم جبراً آچار دوران اوغول

گَل ویراخ رخصت گوز اشک آلینه
آغلاشاق قان بیربیرین احوالینه
آغلاسن بو اوغلی اُلموش حالینه
آغلیوم منده سنه هر آن اوغول

حقلیم باشی آچوخ قاچسام چوله
ناله دن ناله یولون آچسام چوله
دسته دسته ساچ یولوب ساچسام چوله
آغلیام چوللرده سرگردان اوغول

من دیردیم آغلاما بیر یات اوغول
خون دل گوزیاشیمه آز قات اوغول
نه منی بیله گوزوندن آت اوغول
گوزلرون قربانی بو گریان اوغول

• یکشنبه
• 11
• مهر
• 1400
• ساعت
• 19:28
• نوشته شده توسط
• یوسف اکبری

☑️ بند اول

اوچ گئجه گوندوزدی علی سوسوزوندان یانیسان سن
خجالتم یوخوم دی سو باخیرام اوتلانیسان سن

بالا نه سود وار سینم ده
نه سوا واردی گمانیم
یات بیر آز دینجل یورولدون
اصغریم آرام جانم

قورییبدی دیل دوداغین
ضعف دن رنگین سولوبدی
سنی بو حالدا گورندن
اورگیمه قان دولوبدی

? علی علی علی علی علی لای لای علی لای لای

☑️ بند دوم

اللریوی باغلامیشام گوزل اوغلوم ندی چاره
منیم بالام دیرناخلارین ائلییب سینمی یاره

قورخورام آخیرده بو سو
تیر محنت جانه ویرسین
دشمنی کامه یتیرسین
سنی ده مندن آییرسین

نه دیلین واردی عزیزیم
ائدسن غمدن شکایت
نه وئریر ایستی اجازه
اولاسان بیر لحظه راحت

? علی علی علی علی علی لای لای علی لای لای

☑️ بند سوم

کسیب عدو سو یولارین یانیری آل پیمبر
خیرداجا قیزلار آغلیری سنین احوالیوه اصغر

سود امرده طاقت اولماز
آج سوسوز قالسین علی جان
نیسکیل اولدی بو ربابه
سن همی آج هم سوسوزسان

رحم ائله بیکس ربابه
سو طلب ائتمه اماندی
کیم سو ایستیر اوخلییللر
سو بهاسی بوردا جان دی

? علی علی علی علی علی لای لای علی لای لای

• شنبه
• 25
• شهریور
• 1402
• ساعت
• 00:45
• نوشته شده توسط
• یوسف اکبری

سَنگرِ عِشقِیدَه سَربازِی اوُتاندِیرما بابا
حَمل اِئلَه قَتلگِه عَشقَه یُوباندِیرما بابا

قُوی دِئسُونلَر او شَهُون هَم دِل و هَم رازی گلُوب
نَخلِ دِین اوُستَه قُونا مُرغِ خُوش آوازِی گلُوب
آخرِین جِبهَه دَه آخِردَه کِی سَربازِی گلُوب

آهِی اوُخ قَدّی کَمان سَنگرِی شاهُون قُوجاقِی
حِیف اوُلا بِیر بِئلَه سَربازَه یانُور دِل دُوداقِی

بابا قُربان اوُلوم اوُل قانِیلَه دُولمُوش گُوزوَه
مَنى آغُوشُووَه آل جَلب اِئلَه شِیرِین سُوزُوَه
جِسمُوَه یارَه دِگئدَه سِپَر اِیلَه ئوزُوَه

سَنَه اوُخ آتسالا دَگسُون صُوداَمَر اَصغَرُووَه
یارَه لی بُلبُلووِى آل بابا زِیرِ پَرُووَه

باباجان قُویما مَنى وَرطهء خِجلَتدَه قالام
اِیچَرَم قانِیمی سُو تَک دِئمَه عَطشاندِى بالام
اِیستُورَم قَتلَه یِتم مَن شُهدا فِیضِین آلام

غُسلِیم ئوز قانِیم اوُلا قُونداقِیم اِی شَه کَفَنِیم
سِینَوِن اوُستی مَزارِیم اوُلا بُو یّر وَطَنِیم

مَن نَه سُو فِکرِی نَه صُود فِکر و خِیالِین اِئدَه رَم
سَن مَنی جَنگه آپار تَک گِئدَه بِیلسَم گِئدَه رَم
نِیلُورَم مَن آنا پِستانِینِی پِیکَان اَمَه رَم

تِیترِیُور قُوش کِیمی قَلبِیم مَنى تَرک اِئتمَه بابا
کُمَگُون یُوخدی آپار اَصغَرِى، تَک گِئتمَه بابا

دِینُون اوُستُوندَه گِئدُوب جَنگ اِئلین پرهنرى
قویار آغلار آناسین ترک إئلیَن خِیمَه لَرى
گُورمِیُوب دُورِ زَمان مَن کِیمی بِیر صُود اَمَرِی

بِیلمَدُوم کِیم مَنی گهوارِیَه سالمِیشدِی بابا
گُوزلَریم یُولدا اَلِیم سِینَه دَه قالمِیشدِی بابا

مُنتَظِر قُویما قالام بُو هَیَجان اوُستَه مَنی
گُوزلِیُور حَرمَلَه نُون تِیرِی کَمان اوُستَه مَنی
وِیر نِشان یارَه لی جانانُووَه جان اوُستَه مَنی

سَن کُمک اِیستَه دُون آتدِیم بِشِیگیمدَن ئوزُومی
دِیلِیم اوُلمادِی دِییَم دَردیمی یُومدُوم گُوزُومی

اِیستُورَم مَن آدِیما صُود اَمر عاشِق دِیَه لَر
دِینِ حَقّ اوُستَه ئولَم پُر هُنَر عاشِق دِیَه لَر
آچُوب عِشق اوُستَه عَجَب بال و پَر عاشِق دِیَه لَر

عاشِقَم مَن رَهِ جاناندا وِئرَم جان باخاجاق
بُوغازِیمدان اوُخی رَدّ اِیلَمَه جانان باخاجاق

آنا پِستانِین آتُوب باغلامِیشام جَنگه کَمَر
کِیم گُورُوب جَنگِیدَه بِیر قُولّارِی باغلی صُوداَمر
نازُک حَلقِین إئدَه اوُچ شُعبَه لی پِیکَانَه سِپَر

دَگر اوُچ شُعبَه لَی اوُخ حَلقِیمَه فاتِح چِیخارام
اوُجالار پَرچَمِ دِین پَرچَمِ کُفرِی یِخارام

آنانُون مِهرِی اِضافَه اوُلى خُوردا بالِیا
راضی اوُلماز دَگه پِیکان آخا باشی دالِیا
اوُدِی قالدِی بابا بُو خُوردا مُجاهِد دالِیا

بِیلُورَم دَفتَرِ عُشّاقِیدَه ثَبت اوُلمِیش آدِیم
اوُدی ناخُونِیمِلَن زُلفِ سیاهِیم دارادِیم

اِی اوُلان قانِیلَه آلُودَه مُبارَک بَدَنی
لُطف اِئله مَجلِسِ شُورایَه چاقُور اَنجِمَنی
سَن وِداع اِیلَه سُوسُوز قِیزلارُوِی مَندَه سَنی

بِیز گِئدک قَتلگهَه عَمّه مَه تاپشُور آنامی
گِئتمِیَه خِیمَه گهَه باغلاماسُونلار یارامی

مَن بَساطِ چَمنِ عِشقِیدَه یاهُو دِیَه رَم
آناما آغلاسا اِی شَه مَلَر آهُو دِیَه رَم
اِیچَرَم قانِیمی نَهر اوُستَه، سَرِین سُو دِیَه رَم

سُو آدِین دُوتسام اَگر عِشقِیدَه عاشِق دَگُولَم
مَن بُو قُربانگهَه قُربانلیقا لایِق دَگُولَم

باشدا تاجُون باباجان قاندی زَر اَفشان یِرینَه
قُوزِی قُربانی آپار بَذل إئلَه قُربان یِرِینَه
نُولی شَهزادَه نی ئولدُورسَه لَه سُلطان یِرِینَه

بالاجا قِیزلارا خاطر سَنی ئولدُورمِیَه لَر
بُو آدامسِیزلارا خاطر سَنی ئولدُورمِیَه لَر

دِینَه قُربان إئله دُون قاسِمُووِی اَکبرُووِی
نِیَه تأخیرَه سالوبسان صُود اَمَر اَصغَرُووِی
قانِیمِیلَن گرک اِمضاء إئلِیَم دَفتَرُووِى

قُورخُورام آه چَکم چَرخ رَوِشدَن دایانا
گاهوارَه دُوتُوب اوُد آتُش آهِیملَه یانا

سَنَه قُربان اوُلوم اِی پادِشَه عَرش وِقار
بَدَنُون یارَه لَنُوب جِسموُن اوُلوب نَقش و نِگار
مَنی گَهوارَه دَه قُویما بابا یانُونجَه آپار

شَه گِئدَن وَقتَه شِکارَه اَلَه شَهبازِین آلُور
مَنى آلسُون ألووِن اوُستُونَه باشِیم اوُجالُور

باخما پَژمُردَه اوُلان حالِیمَه اَفسُوس اِئلمَه
دَرگهُوندَن صُود اَمر عاشِقى مأیُوس اِئلمَه
اِینجِیسَه قانلُو دُوداقُون دُوداقِیم بُوس اِئلمَه

صَبر اِئله قانلُو یُوزُون قُویما سارالمِیش یُوزُومَه
دُوداقُون قانلِیدِی قاندان لَکَه سالمِیش یُوزُومَه

نَه دُور عِلّت باشِیم اوُسُتُوندَه مَنِیم آغلار آنام
یاندِیران نالَه سی اِیلَه ئورَه گِیم داغلار آنام
گِئدُورَم جَنگه گلَندَه یارامی باغلار آنام

صَبر اِئدُوب آغلاماسُون مَن هَلَه جَنگ اِتمَه مِیشَم
گاهوارَم مَنَه سَنگردِی چِخُوب گِئتمَه مِیشَم

طُورِ سِینادِی بُو یِر جِلوَه وِیرُور قان شَفَقِی
داغیلُوب صَحنهء قرآنیدَه قرآن وَرَقی
ئولَن ئولدِى قالانِیندا چَکیلُوب دور رَمقِی

او که سَن سَن کَسِیلُوب طاقت و تابُون گُوردُوم
پارچالانمِیش باشُووِی قانلُو نِقابُون گُوردُوم

بابا سَندَن نِیَه عَبّاس عَمُومُون یُوخ خَبَری
دُوتماز هِچ کِیمسَنَه سُو آدِینی یانسا جِگرِی
سَنى تَک قُویدِى نِیَه تَرک اِئلَدى خِیمَه لَرى

هارا گِئتدِی او شُجاعَتلی سَخاوَتلی عَمُوم
گُورَه بِیلمَزدِی سَنی یارَه لی غِیرَتلی عَمُوم

بابا فِکر اِئتمَه عَلمدارُون ئولُوب یُوخ کُمَگُون
آغلاما مَحرَمِ اَسرارُون ئولُوب یُوخ کُمَگُون
بِیلُورَم غَم گُونی غَمخوارُون ئولُوب یُوخ کُمَگُون

اِیستُورَم مَن سَنُون اَللّهه گُورَه یارُون اوُلام
اِیستُورَم پَرچَم آلام خُوردا عَلمدارُون اولام

یا که اِغفال اِئلیُوبلَر عَمُومِی خامَه اِیلَن
اوُنی سَندَن آیرُوبلار بِیر اَمان نامِه اِیلَن
گِئدُورَم نَهرِ فَراتَه عَربی جامِه اِیلَن

بالاجا بِیر قِیز اوُشاقی مَنَه هَمدَم وِئرَه سَن
اَلِیمَه قانَه بُویانمِیش قَرَه پَرچَم وِئرَه سَن

مَن او ماهِین دُوتُولان خُورداجا سَیّارَه سِیم
سَن اوُنُون شَمِعی بابا مَن او مَهُون پارَه سِیم
چارَه سِیز پادِشَهِین بیکس و بی چارَه سِیم

کَاش ئولِیدِیم سَنی مَن یاره لی گُورجَک باباجان
مَنی آغُوشُووَه آل باشِیمَه اَل چَک باباجان

طایِرِ رُوحِیمی گهوارَدَه سِیخدُون یارالی
اَصغَرِین خِیمَه سی گهوارَه دِی یِخدُون یارالی
شُهدادَن مَنی یانَه نِیَه چِیخدُون یارالی

بُو دُور عَهدِیم یِرَه قانِیم سُوزُولَندَه دُوتاسان
بَدَنِیمدَن باشیم اِی شَه اوُزُولَندَه دُوتاسان

آلتی آیلِیق بالاسِین گُوردِی بِیر حالَتدَه اِمام
سَعى اِئدُور قَتلَه یِتَه کَسب اِئلِیَه عالى مَقام
پاک خالِق دَن او شَهزادَه اِئدَه اَخذِ مَرام

باتماسا قانِینَه نازُک بُوغازِی قان وِئرَه جَک
اوُدا گهوارَه دَه لَبّیک دِیُوب جان وِئرَه جَک

سَنى وِیرّم قَسَم عَبّاسِ هُنَر پَروَرُووَه
یاره لی جِسمی عَبادَه قِییدَن اَکبَرُووَه
سَر سِپاه اِیله مَنى قاَره لَچکَ لَشگرُووَه

خُورداجا مَشگی سالُوب چِگنِیمَه دَریایَه گِئدِیم
گلسُون آردِیمجا سِپاهِیم بابا دَعوایَه گِئدِیم

اِی #نخستین آتا دَردِین چَکَه بِیلمَز بالاسی
ئورَه گی یارَه لَنَر یارَه لی اوُلسا آتاسی
اَصغَرِین دَردِینی آرتِیردِی حُسینُون یاراسی

یارَه لِیدِی ئورَه گی اَصغَرینُون دَگمَه مِش اوُخ
قَدِین اَکمِیشدِی بِشِیگدَه ا

• شنبه
• 22
• مهر
• 1402
• ساعت
• 21:52
• نوشته شده توسط
• یوسف اکبری

هله ای جماعت
عاشقان بشارت

پرشده جهان از
عطروبوی جنت

آمده به دنیا
خسروولایت

جانشین طاها
سیدامامت

آمد بحرجودوشرف
عالم گشته غرق شعف
ذکر لب اهل سما
آمد شاه ملک نجف

معاشران شب شوروشین است
ولادت شه مومنین است

(حیدر یاعلی یاعلی)٢

اولدی فصل طرب
گلدی شاه عرب

کنزفضل وادب
میروالانسب

ماه ماه رجب
خسرومنتجب

گوردی هرکیم یوزون
دئدی یا للعجب

آیدان گول یوزی گورملی
ائتدی عالمی منجلی
یرگوی بوگجه سسلنور
باهم یاعلی یاعلی

مژده وئرون خیل شیعیانه
گلدی علی کعبه ده جهانه

(حیدر یاعلی یاعلی)٢

کلک پروردگار
ایلیوب شاهکار

قویدی دهره قدم
شاه دل دل سوار

گورمیوبدی تایین
دیده روزگار

یل جنگ وجدل
صاحب ذوالفقار

با

• سه شنبه
• 6
• فروردین
• 1398
• ساعت
• 12:01
• نوشته شده توسط
• ابوالفضل عابدی پور

به سبک : شبانگاهان....

گوزوم نوری یوخدی سو منده
ایستمه سنده ایلمه افغان
بیله اممه دل دوداقوی یوم
گوزلرین لایلای ای گل رضوان

بو صحراده سینه داغلارام
سن آغلاسان منده آغلارام
یات علی لایلای یات علی لایلای

سنیله من اوچ گجه گوندوز
سس سسه ویرب آغلورام اوغول
دوداقلارین سن امن وقته
آهیله اورک داغلورام اوغول
اورخساره صدمه دگمه سین
اللریوی من باغلورام اوغول
بونیسگیلده هانسی بیرآنادی
ایلمز یوزه اشکنی روان

بو صحرانون غم هواسی وار
سنون نه دردون دواسی وار

یات علی لایلای یات علی لایلای

قوجاقیمده لایلایون چالورام
دردیوی آلورام گوزلرون باخور
بومعنالی باخماقوندی منی
آتش غمده یاندوروریا خور
دلون یوخدی دردون آندوراسان
دُرّتک گوزدن اشک ترآخور
بیزآزیوخلا سینم اوستونده
من آناندا وارام سنکیمی عطشان

کباب الدون اماندی یات
فغانوی بیرآزآزات

یات علی لایلای یات علی لایلای

علی باشدان آت سوفکرینی سن
خیمه نی گزدیم یوخ سویا امکان
بو سولموش گل تک دوداقوی
آزهی اشارتله ویرمنه نشان
بوچولده جاندی بهاسی سویون
باغلیوب سویون یوللارین عدوان
سن آغلاسان منده آغلارام
گوزیاشیم ایدرسیل تک طغیان

نه واردی سوخیمه گاهیده
نه رحم واردی سپاهیده

یات علی لایلای یات علی لایلای
بلادشتینده بابان ایستور

عهدی اوستونده امتحان ویرسون
نهال باغ رسالته
سویرینه بوچولده قان ویرسون
الینده گل غنچه ده سولسون
عشقنی جهانه نشان ویرسون
سو فکرین آت ناتوان آهو
یوخدی آخرسو من سنه قربان

بو چولده دشمن دوشوب لجه
دُزورآتان بو غمه نجه

یات علی لایلای یات علی لایلای

محمدزاده مجیدآدلی
بانی دور یازیلا نوحه اصغره
محافلده مدح و نوحه دئیر
شاه دینه هم اوغلی اکبره
سویور«عدلی» همسفر اولا
اونلا قول سالا قبرحیدره
یاتوب اوردا شیعه لرآتاسی
عا لمین آقاسی حق دئین انسان

علی آدی ساقی کوثر
امام حق شافع محشر
یات علی لایلای یات علی لایلای

• شنبه
• 20
• دی
• 1399
• ساعت
• 22:40
• نوشته شده توسط
• یوسف اکبری

گوزلرین آچ ای بال و پریم اصغر
سنه قربان اولسون گوزلریم اصغر
ای آناسین مللـر قویان قربانیم
ای منیم عطشان صود امریم اصغر

اصغریم لایلای – جان اصغریم لایلای
سنـه ننـون قـربـان اصغریم لایلای

گـوز یاشیمـی رخسـاریمـه اللرم
گجه لر سن سیز صبحه جن مللرم
هارا گئـدسه باشیـن منده گللرم
منیـم ای دار و هـم نـداریم اصغر
اصغریم لایلای – جان اصغریم لایلای
سنـه ننـون قـربـام اصغریم لایلای

دون گجه سن آغلادین من آغلادیم
دنیانی سن داغلادین من داغلادیم
سینسیـن اللـریم الیـوی باغلادیم
کوسمه منن ای خونین پریم اصغر
اصغریم لایلای – جان اصغریم لایلای
سنـه ننـون قـربـام اصغریم لایلای

حلقون کیمی سینمنن آخور القان
سینمـون قـانی اوخ یـاروه قربان
ییخدی ائویمی اوش شعبلی پیکان
چیخدی سن سیز بوشا اللریم اصغر
اصغریم لایلای – جان اصغریم لایلای
سنـه ننـون قـربـام اصغریم لایلای

فکر اتمه آنان سن سیز گوللر اوغلوم
سینمی غمللر اوخ تک بوللر اوغلوم
نَنـون دردونـده آخـر ئوللر اوغلوم
قلبی یانـدیرار نیسگیللـریم اصغر
اصغریم لایلای – جان اصغریم لایلای
سنـه ننـون قـربـام اصغریم لایلای

• یکشنبه
• 5
• بهمن
• 1399
• ساعت
• 20:49
• نوشته شده توسط
• یوسف اکبری

بار الها بو نازدانه
اولدی اوش پر اوخا نشانه
حلیقنی اوخ بیچوب سراسر
اللـریم اوسته باتدی قانه
اوش پر اوخ چالدی لایلاین یاتدی بالام
دشمنیـن عـرصگهـده آغـلاتدی بالام
بالام لایلای

اوخ گلـوب حلقیده دایـاندی
اصغـریـم قانینـه بـویاندی
هوشه گِتمیشدی سینم اوسته
دیدی اوخ دیسکینوب اویاندی
شاهد اُول باشی پیکرینن اوزولور
قانی مرجان کیمی ترابه سوزوزلور
بالام لایلای

بو بالانیـن نَـدور گنـاهی
قوزانوب عرشه سوزو آهی
یاره سینن اوخی چکونجه
اوت توتوب یانموشام الهی
من اوخی چکدوگیجه چالدی ال ایاق
اللـریم اوستـه تیتـردی لاله سیاق
بالام لایلای

یـوخ الیمنـدن آلانی یارب
قانه غلطان بالانی یارب
شاهد اُول اوخلانوب بوغازی
تپراقا آخدی قانی یارب
اللـریم اوستـه ال ایاق چالدی بالام
باش بدندن اوزولدی سوستالدی بالام
بالام لایلای

عرشه قالخوب اورک نواسی
گوزلیـور خیمـده آنـاسی
مـن نه نـوعی دییـم ربـابه
قانه غلطان اولوب بالاسی
تشنه لب اوغلومی گتیردیم سو آلام
نِیلِییـم سو یانیندا اوخـلاندی بالام
بالام لایلای

• سه شنبه
• 14
• بهمن
• 1399
• ساعت
• 20:29
• نوشته شده توسط
• یوسف اکبری

"فارسی و تــرکی"

ای بلبل شیرین زبان
اصغرم اصغر اصغرم اصغر
گریه نکن آرام جــان
اصغرم اصغــر اصغرم اصغر
لالایی اصغرم

توغنچهٔ پژمردهٔ باغ زهرایی
گرچه عطش هستی ولی نازوزیبایی
باسنّ کم ای نازنین
غرق غمهایی
برده غم از جانت توان
اصغرم اصغر
لالایی اصغرم

من مادرزارتوام ای گل نازم
راهی ندارم برعطش چاره ای سازم
شب تاسحرای نازنین باتودمسازم
غرق غم وآه وفغان اصغرم اصغر
لالایی اصغرم

ترکی

ای شٲنی چوخ سنّی اوشاق
نازنین اوغلوم۲
چالمابوقدری ال ایاق
نازنین اوغلوم
نه دیل آچیب دوتدون ایاق
نازنین اوغلوم
شرمندیم اوغلوم اینان
اصغریم اصغر
لای لای ای اصغریم

لایلای یانان غمدن دلی
مهربان اوغلوم
دللرده قالمیش نسگیلی
مهربان اوغلوم
غملی ربابون حاصلی
مهربان اوغلوم
آز سنّیله جانه دویان
اصغریم اصغر
لای لای ای اصغریم

• دوشنبه
• 18
• اسفند
• 1399
• ساعت
• 22:20
• نوشته شده توسط
• یوسف اکبری

ایوای
آنان ربابی درده سالدون
سو اولمادی سولوب سارالدون
ددیم گدیب سیراب اولارسان
سویون سراغین اوخدان آلدون

تعجبم اهل عراقه
عجب سو ویردیلر قوناقه

ایوای
ایتسون اوزی خدا گواهی
میداندا آغلادیبلا شاهی
حرمله دن بیری سوروشسون
ششماهه نین ندور گناهی

تعجبم اهل عراقه
عجب سو ویردیلر قوناقه

ایوای
اولدوز کیمی نه تز سوزوبسن
دگَنده اوخ نجه دوزوبسن
سسیوی گویلوم ایستیر آغلا
یوخسا ربابیدن کوسوبسن

تعجبم اهل عراقه
عجب سو ویردیلر قوناقه

ایوای
آرزولاریم اورکده قالدی
اوچگون بالام سولوب سارالدی
فراتی قانه دونسون ای کاش
سنی منیم الیمندن آلدی

تعجبم اهل عراقه
عجب سو ویردیلر قوناقه

ایوای
بیرلحظه کاش گولیدون اصغر
یا حالیمی بولیدون اصغر
کاش اللرون بالا آچیدیم
آسوده جان ویریدون اصغر

تعجبم اهل عراقه
عجب سو ویردیلر قوناقه

ایوای
گوزده سرشکی قانه قاتدون
اوخ سو ویروب آسوده یاتدون
زهرایه جنتده قوناقسان
(بیکَس) ربابی گوزدن آتدون

تعجبم اهل عراقه
عجب سو ویردیلر قوناقه

• جمعه
• 22
• اسفند
• 1399
• ساعت
• 21:52
• نوشته شده توسط
• یوسف اکبری

ال ایاق چالما بیله - آغلاما مهپاره بالام

یوخ الیمده گوروسن - تشنه‌لیقا چاره بالام

ایلمه آه و فغان - باغریمی گل ایلمه قان

آغلاما ئولسون آنان - لایلای علی (۲)

اوچ گونوز اوچ گیجه‌دی - سو یولونی کسدی عدو

مشگیلر خالی اولوب - یوخ داخی بیر خیمده سو

لااقل یوخدی دیلون - سسلیه‌سن یاندیم عمو

سنده اظهار ایده‌سن دردون علمداره بالام

منده سن تک ملرم - گوز یاشی گوزدن الرم

صبح اولونجا دیرم - لایلای علی (۲)

بی‌سبب دامنیمی اشگیله ایسلاتمامیشام

سودان اوتری هر - اودا - سن دیمه جان آتمامیشام

صبح اولونجا بو گیجه - منده اوغول یاتمامیشام

سینمی ایلمیشم - من سنه گهواره بالام

یانوب ایوای دیمیشم - باشه ووروب وای دیمیشم

سنه لایلای دیمیشم - لایلای علی (۲)

سنده من تک سو غمین بیر نولی باشدان آتاسان

دوزه‌سن تشنه‌لیقا - بو گیجه راحت یاتاسان

قورخورام ئولسون آنان قانه سو اوسته باتاسان

اولا بی‌کس آناوین بختی گونی قاره بالام

قوی ئوپوم گوزلریوی - توکمه چوخ اشگ‌تریوی

باغلادیم اللریوی - لایلای علی (۲)

نه دیوم بس کی اوغول صبحه قدر آغلاموسان

نه منی قیزلاریدا - بلکه اویاق ساخلاموسان

اوقدر بو قوریان سینمی دیرناخلامیسان

قان آخور یاره‌لریندن - ندی بس چاره بالام

گورورم اودلانوسان - سوز عطشدن یانوسان

منی درده سالوسان - لایلای علی (۲)

نصف شب بو سوزی بیر عاشق آزاده دیدی

منه بو هنگیده بیر سوز یاز "حسین‌زاده" دیدی

"اکرمی" یاندی اورکدن سوزی چوخ ساده دیدی

ال ایاق چالما بیله آغلاما مهپاره بالام

قسمت ایت کامه چاتاخ - اول حرمون بیزده گوراخ

خیمه‌گاهوندا دیاخ - لایلای علی (۲)

• دوشنبه
• 9
• فروردین
• 1400
• ساعت
• 12:18
• نوشته شده توسط
• یوسف اکبری

یا رب بالام یاندی - سینمده نازک حلقی اوخلاندی

آخدی بوغازیندن - القانیله قونداقی ایسلاندی

ویردی الیمده جان - شرمنده‌یم بی‌کس آناسیندان

عشقونده من یا رب - اوچ پر اوخی چکدیم یاراسیندان

بو حاله لشگر آغلادی

زهرا ننم دل داغلادی

واویلا

چالدی سینمده ال ایاق

جان ویردی بو دیلسیز اوشاق

واویلا

جانی چیخاندا باخمیشام

قانین عذاره یاخمیشام

واویلا

آتدیم بو قانی گویلره

ساخلا امانت محشره

واویلا

عباسیم اولسیدی - میدانی آواره دولانمازدیم

نعشی قالوب الده - دشمن ایچینده بیله سینمازدیم

گورسه بو احوالی - نسگل‌لریمه آغلیار زینب

دل داغلیار زینب - بو اوخ یاراسین باغلیار زینب

گورسه بوغازین وای دیر

دلدن یانوب ایوای دیر

واویلا

سولدی ربابین غنچه‌سی

یومدی گوزون گلمور سسی

واویلا

خالی قالار گهواره‌سی

مرهم گوتورمز یاره‌سی

واویلا

چوخ یاندیرار اصغر غمی

یاددان چیخوب اکبر غمی

واویلا

• چهارشنبه
• 11
• فروردین
• 1400
• ساعت
• 22:19
• نوشته شده توسط
• یوسف اکبری

اصغر
بو چولده سنده قانه باتدون
بالام گوزل مرامه چاتدون
دینده اوخ سوسوز بوغازدان
اوخا گلوب دوباره یاتدون

اصغر
وفا باغیندا ای گل یاس
گوزیوی یوما وقت حساس
سنی الیمون اوستن ای کاش
گلوب آلییدی قولسوز عباس

اصغر
دونیدی بو جهان خرابه
چکیلدی غم دل کبابه
بو قانیلن یارالی اوغلوم
نجه سنی وریم ربابه

اصغر
آلیبدی دورمی بولشکر
یانیمدا یوخدی اوغلوم اکبر
حرملریم یاراوی گورسه
خیمده نالیه گللر

اصغر
سووا واریدی چوخ نیازون
اوخا نشان اواوب بوغازون
یورولموسام گرک علی جان
مزاره تاپشوروم جنازون

اصغر
گوزل مرامه چاتدون اوغلوم
قانا بو چولده باتدون اوغلوم
چالاندا ال ایاق ال اوسته
حسینی سن قوجاتدون اوغلوم

اصغر
سوزن گوزل ستاره لای لای
اولان بوغازی یاره لای لای
آنان اولونجه گورسه یارن
سالار باشینه قاره لای لای

اصغر
وار (عارفون) غم و ملالی
یتیشدی عمروین زوالی
یونار خیمده یاسلی إلر
إشیتسلر بو غملی حالی

• یکشنبه
• 17
• مرداد
• 1400
• ساعت
• 11:36
• نوشته شده توسط
• یوسف اکبری

بـیلمورم اوخ سنه دگجک نه حـالا قالدون اوغول
نجه دشمن قاباقیـندا ال ایاق چالدون اوغول
آتووی‌ کوی بلاده نه حالا سالدون اوغول
اوغلی ئولمیشدی اونون قلبی یانوردی بیلورم
خیمیه گَلمگه مندن اوتانوردی بیلورم

سن ئوزون گتدون اوغول،خاطره لر منله قالور
قانلی قونداق ال ایاق چالماقووی یاده سالور
هر ساتاشدیقجا گوزوم طاقتیمی الدن آلور

شرمگین ائتْم‍َسین الله بالادان هـئچ ننه نی
صودیمون اولماماقی ایلدی شرمنده منی
ائشیدن وقـتیده اوخ کلمه سی یانّنام علـنی
اَلیوب گوزیاشی نفرین ائدرم حرمله نی
سن شهید اولدون علی اوخ ولی یاندیردی منی

خیمده یوخسا وداع وقتی جان اوسْتـِیدون اوغول
زنده قالمازدون او ساعت سودا ایچسیدون اوغول

دردوین چوخلوقی اوغلوم گونیمی ائتدی قارا
آجلیقون هم عطشون بیرده که حلقونده یارا
دیورم ئوزئوزیمه سن هـارا اوچ‌پر اوخ هارا
بو مصائب بالا سالدی منی محنتلی حالا
حقّی واردور آناوین،درد و محنّن قوجالا

• شنبه
• 30
• مرداد
• 1400
• ساعت
• 22:28
• نوشته شده توسط
• یوسف اکبری

ای غنچه ی خندان لایلای علی لایلای
جانیم سنه قربان لایلای علی لایلای

پوزقون گوروب حالون یانّام علی اصغر
رنگون سوسوزلوقدان سولموش گله بنزر
یوخدوم سودوم آخِر نیلوم علی اصغر
لایلای علی لایلای لایلای بالام لایلای

سالدی منی دلدن درد و غمون آخِر
اظهار ایدوم حالون واردور کیمون آخِر
یوخدور علی اصغر عبّاس عمون آخِر
لایلای علی لایلای لایلای بالام لایلای

چوخ گل خزان اولدی سولدی بو گلشنده
بو گون سوسوز گل تک پژمرده سن سنده
گورّم سولان رنگون یانّام اوغول منده
لایلای علی لایلای لایلای بالام لایلای

بو گون اوغول بولّم اوچ گوندی عطشانسان
بیر دسته سنبل تک بی تاب و لرزانسان
حقّون وار آغلارسان بیله پریشانسان
لایلای علی لایلای لایلای بالام لایلای

قوم ستم پیشه کسدی سو یولّارین
توکدیله قانلارین سو تک جوانلارین
ویردی عمون عبّاس سو اوسته قولّارین
لایلای علی لایلای لایلای بالام لایلای

سو فکرینی باشدان بو گون اوغول آت سن
بیر لحظه آرام اول لایلای دیوم یات سن
نه سو دیوب آغلا نه قانیوه بات سن
لایلای علی لایلای لایلای بالام لایلای

چوخ جستجو قیلدوم سو صحبتین ایتدوم
بو گون سودان اوتری هر خیمیه گیتدوم
سن تک سوسوز گوردوم هر بیر کسه یتدوم
لایلای علی لایلای لایلای بالام لایلای

ایتدوقجا سن ناله یانّام اوزوم یانّام
قالماز علی اصغر دلده دوزوم یانّام
گورّم سنی آغلار آغلار گوزوم یانّام
لایلای علی لایلای لایلای بالام لایلای

هر بیر آنا گورسه اوغلین اوغول سن تک
واردور یری یانسون قان آغلاسون من تک
غنچه لبون سولموش افسرده گلشن تک
لایلای علی لایلای لایلای بالام لایلای

آز آغلا آز یاندور من بیکس و زاری
بیر بیله گوزیاشون ایتمه یوزه جاری
آرام دوت آخِر یات بیر سنی تاری
لایلای علی لایلای لایلای بالام لایلای

«شهاب» بو غمده آغلا فغان ایله
هر بزم ماتمده اشکون روان ایله
بو سوز گوزل سوزدور ورد زبان ایله
لایلای علی لایلای لایلای بالام لایلای

• جمعه
• 5
• شهریور
• 1400
• ساعت
• 12:18
• نوشته شده توسط
• یوسف اکبری

گل باجی آل بالامی ، اوخلاندی قان آپاردی
جان ویردی اللریمده ، آرامِ جان آپاردی

بیرده گلم خیامه گلمز باجی یوزومدن
اهلِ دل اولسا آنلار احوالیمی سوزومدن
بیر حاله قالمیشام من ، مأیوسم اوز اوزومدن
اصغر غمی دلیمدن نطق و بیان آپاردی

گل آل آپار آناسی ویر اوخشاسین بالاسین
اطرافنه دئ یغسین هم خویش و اقرباسین
دوتسونلا اصغریمون اکبر کیمی عزاسین
چون اکبریمدن آرتوخ مندن توان آپاردی

سو اولمادی آناسی ویرسین بو طفلِ زاره
گل تک سارالدی سولدی ، یاندی بو شیرخواره
چوخ اینجیدی سوسوزدان گوردی یوخ اوزگه چاره
اوچ شعبه لی خدنگه آخر امان آپاردی

چون حرمله بالامی گوردی ویرور سوسوز جان
گوندردی پیشوازه بیر آبدار پیکان
دوتدی دمِ خدنگی شوقیله بو لب عطشان
پستان یرینه امدی ، بیله گمان آپاردی

سسلندی اوخ گلنده بولمم بالام نه قاندی
آلدی اوخون صداسین وحشتله بیر اویاندی
اوخ حلقینه توخوندی القانینه بویاندی
قان یاره سندن آخدی ، هوشه بیر آن آپاردی

آچدی گوزون یوزیمه باخدی تبسّم ایتدی
آلمیشدی اوخ توانین هوشه دوباره گیتدی
پرواز قیلدی روحی ، وصلِ بتوله یتدی
بو طفلی شوقِ زهرا ، ذوقِ جنان آپاردی

منقارینه آلور بیر بلبل نجه گلِ تر
منده او نوعی ایتدیم بو طفلی زینتِ بر
واردور یری دیسونلر باجی منی گورنلر
بیر دسته قرمزی گل ، بیر باغبان آپاردی

هر گل آچار چمنده بیر مدّتی دایانی
ایلر باجی معطّر عطریله گلستانی
اما منیم بالامون بو غنچه لق زمانی
سولدوردی آب رنگین بادِ خزان آپاردی

بو چولده گوز یاشیم تک ، آب فرات آخدی
سوزِ عطش بالامی یاندیردی باجی یاخدی
گاهی گوزوم فراته گاهی بالامه باخدی
بو غم سو آبروسین تا وار جهان آپاردی

قویما (شهاب) الوندن دوشسون بو خامه بیجا
یاز نوحه آغلا ، ایسته ویرسونله نطقِ گویا
مرحوم اولان او (صافی) دم ویردی حالِ رؤیا
گوردون دئدی حسینه نوحه یازان آپاردی

• شنبه
• 13
• شهریور
• 1400
• ساعت
• 12:19
• نوشته شده توسط
• یوسف اکبری

☑️ بند اول

ای منیم دلبریم سود امر اصغریم

گل بالا باشدا کی سو فکرینی آت
آغلاما یات
جان وئرن قوش کیمی هی چالما قانات
آغلاما یات
گوزلیم یوخلا قیزیل گوللره بات
آغلاما یات

بو قدر آغلاما گوزون فداسی
سینمی داغلاما گوزون فداسی

آخیری غصه دن اشک تریم
ای منیم مهربان همسفریم
آناوی یاندیریر تشنه لیغین
علی اصغریم

? علی لای لای علی لای لای

☑️ بند دوم

ای قراریم منیم تشنه یاریم منیم

آغلییب ائیلمه قلبیمی کباب
جانِ رباب
گوروم اولسون فلکین چرخی خراب
جانِ رباب
قورویوب سینم علی قحط اولوب آب
جانِ رباب

منده عطشانم ای عزیز جانیم
اَل اَیاخ چالما باشیوا دولانیم

حاضیرم دردیوی جانه آلام
سنه خاطر جهانی دولانام
سو تاپام سن ایچیب دینجلسن
پریشان بالام

? علی لای لای علی لای لای

☑️ بند سوم

مه جمالیم منیم ای مارالیم منیم

بودی آرزیم کی اوغول دیل آچاسان
عزیزِ جان
گوزل اوغلوم قاباغیمدا قاچاسان
عزیزِ جان
یورولاندا قوجاغیمدا یاتاسان
عزیزِ جان

آنیا آرزیدی قلبی اولا شاد
گله بیر گون کی اوغلی اولا داماد

آرزیلاریم اوغول اولدی سراب
ائویمی بو محن ائتدی خراب
نه دیل آچدون نه گوردوم طویووی
عزیزِ رباب

? علی لای لای علی لای لای

• شنبه
• 25
• شهریور
• 1402
• ساعت
• 13:53
• نوشته شده توسط
• یوسف اکبری

ای آلتی آیلیق میهمان
لایلای بالام لایلای
سنسن منه آرام جان
لایلای بالام لایلای

ملک منظر
علی اصغر
لایلای بالا لایلای بالالایلای بالا۲

سن بو الهی مکتبه
پیرایه سن اوغلوم
بازارعشقه سن گوزل
سرمایه سن اوغلوم
عباسیمه هم رتبه و
همپایه سن اوغلوم

همایونفر
علی اصغر
لایلای بالالایلای بالا لایلای بالا۲

گنج شرفده ای منیم
لعل بدخشانیم
آلام سنی آغوشیمه
ای روح وریحانیم
سینمده یات نازیله ای
ماه درخشانیم

آیابنذر
علی اصغر
لایلای بالالایلای بالا لایلای بالا۲

گلزاریمه ای گل سنی
پای ویردی اللهیم
گویده قرانلیق شامیمه
آی ویردی اللهیم
شبه پیمبراکبره
تای ویردی اللهیم

گل احمر
علی اصغر
لایلای بالالایلای بالا لایلای

• سه شنبه
• 6
• فروردین
• 1398
• ساعت
• 11:58
• نوشته شده توسط
• ابوالفضل عابدی پور

اصغرین حلقین ئوپوب اوچ شعبه پیکان آغلادی
سوزدی قان نازک بوغازدان باخدی سلطان آغلادی

دوتدی قانی اوجینا مظلوم دشت نینوا
گویلره سپدی گوگ اهلی گورجگین قان آغلادی

همهمه قوزاندی قوم بد شعار شامیدن
تلیدن زینب دئدی جان اصغریم جان؛ آغلادی

غیرتیندن تیتردی قان ایچره سقای حرم
علقم اوستونده یاتان قولسوز نگهبان آغلادی

خیردا حنجردن بویوک تیری چکن وقته حسین
الده عمامه گلوبدی شاه مردان آغلادی

جبرئیل اندی یره طاها گلوب زهرا گلوب
هود و نوح و صالح و خضر و سلیمان آغلادی

قدسیان کرّوبیان لاهوتیان ناسوتیان
اهل رضوان و ملائک ؛حور و غلمان آغلادی

ابر و باد و ماه و خورشید و فلک یاسه باتوب
کائنات آغلاشدی گویا عرش رحمان آغلادی

بیر گولوردی حرمله بیرده علی اصغر فقط
بو ایکی گولمکده چشم کون و امکان آغلادی

حرمله خوشحالیدی فکر ایلیوردی کام آلوب
بیلمدی ظلمینده حتی نامسلمان آغلادی

اصغرین بیلمم ندی اسرار لبخندی اوخا
گولدی اصغر حالینه اوچ شعبه پیکان آغلادی

عشق طومارین یازاندا«زعفرا»اوچ شعبه اوخ
لوح تقدیر و قضا و حکم دیوان آغلادی

• جمعه
• 28
• آذر
• 1399
• ساعت
• 22:23
• نوشته شده توسط
• یوسف اکبری

به سبک(خداحافظ ای غریب مدینه...)

حریم عشقین کبوتری لایلای
ربابین آی دیلسیز اصغری لایلای
منیم عطشان شیر خواره بالام
قالیبدور بوش گاهواره بالام

سوسوزلوق دردی سنین جانین آلدی
منی مین درده غمون بالا سالدی
چکوب زحمت گؤرمدیم ولی بهرین
گولوم آلتی آیدا سولدی سارالدی
منیم عطشان شیرخواره بالام
قالیبدور بوش گاهواره بالام

علی اکبر نعشی گلدی عباده
قویوب لیلانی شرار نواده
سنونده بیچدی کیچیک بوغازین اوخ
قوزی قربان اولموسان بو مناده
منیم عطشان شیرخواره بالام
قالیبدور بوش گاهواره بالام

سنه چؤلده آهوی ختن آغلار
منه اما هر گلوب گئدن آغلار
ایشیم دوشدی مشکله بالام اولدی
اوغولسوزلوق دردینی بیلن آغلار
منیم عطشان شیر خواره بالام
قالیبدور بوش گاهواره بالام

سوزوب گویده بختیم اولدوزی باتدی
اولا صد حیف سینه مین گولی یاتدی
منه هجران چاتدی اوخ سنه اوغلوم
سنی ئولدوردی ربابی قوجاتدی
منیم عطشان شیرخواره بالام
قالیبدور بوش گاهواره بالام

گیچن آخشام گؤزلرین منه باخدی
منه آنلاتدی سؤزون صورا آخدی
بالم جانی نه گونوم نه گجه م وار
گؤزوم سندن ناگراندی اویاخدی
منیم عطشان شیر خوار بالام
قالیبدور بوش گاهواره بالام

دییردیم الله بالام دیل آچیدی
منی گورجک سینم اوسته قاچیدی
همای ششماهه فکر ایلمزدیم
بو تئزلیکده اللریمدن اوچیدی
منیم عطشان شیرخواره بالام
قالیبدور بوش گاهواره بالام

الهی دیل بیلمین بالام ئولدی
کفن قنداقین گیین بالام ئولدی
سالیب یاده آغلارام گجه گوندوز
رقیم چوخ ایستین بالام ئولدی
منیم عطشان شیرخواره بالام
قالیبدور بوش گاهواره بالام

کانال اشعار عباسی معروفان اهری

• سه شنبه
• 2
• دی
• 1399
• ساعت
• 23:53
• نوشته شده توسط
• یوسف اکبری

سبک :استخاره کردم امشب …
ای وئرن ویرانه یرده …
عمه بو ویران سراده … گلپونه ها

گون دوتوب الده ستاره مین شررسالسون جهانه
بیربالیق تک اللر اوسته گستروب نمرودیانه

ای جماعت آلتی آیلیق اصغریم یاندی سوسوزدان
گلدی سوایچسون یا اولسون اوچ پراوخ تیره نشانه

حُجّتی اتمامه یتسون ایستدی سوتشنه کامه
ویرمیوبلربیر اییچم سواولمادی حرمت امامه
قویمیوبلر شاه دینی حُجّتین ویرسون ادامه
حکم قرآنی گتورسون ناطق قرآن بیانه

سعدین اوغلی ویردی فرمان لشکر ایچره سالدی غوغا
حرمله چون اولدی مغرور ایلدی دستورین اجرا
باخمادی دلسیز اوشاقدی باش آچوب جنّتده زهرا
آغلادا اصغرآناسین اوچ پراوخ قویدی کمانه

.
اوچ پراوخ یول آچدی گلدی حلق اصغردن قان آخدی
دیسگینوب اوّل گوز آچدی بیر قانا بیر تیره باخدی
گوردی گویا قان آخان یر صاق قولاخدان صول قولاخدی
بولدی گل تک پرپراولسا یوز ویررغم باغبانه

گلشن عشق ایچره گوردی باغبان باغ قرآن
صرصر ظلمیله اصغر صود یرینه امدی پیکان
سسلدی گل زینبیم گل بو گولومده اولدی خندان
سینۀ تاریخه اسمین یازدی قالسون جاودانه

گل باجی نهضت شریکیم بوغمه قلبیم آلشدی
اللریم اوسته بالامون قانی قانیمله قاریشدی
یومماموش گوز گولدی گویا من باباسیله باریشدی
آچمین دل گولماقیلن عشقنی گتدی زبانه

اصغریم گهوارسیندن طی ایده راه سعادت
تا صغرسنّیله ویرسین عالمه درس سیادت
تشنه لب قانه بویاندی نوش ایدوب جام شهادت
هم سیادت هم شهادت مشقینی ویردی جهانه

فکر ایدردی چون آناسی میلی وارآب فراته
آغلاموشدی صبح اولونجا اللری باغلی قماطه
بولمدی اکبرکیمی بو نائل اولدی التفاته
همدم اکبردی روحی آفرین روح , روانه

گل آپارویرتا آناسی باغلاسون حنجر یاراسین
یغسون اطفالی خییمده اصغرین دوتسون عزاسین
صبرایدوب بوغمده آلسون خالق اکبر رضاسین
راضی اولدوم راضی اولسون باتدی قرآن اوسته قانه

آلاهین قانییدی سپدیم من الیملن آسمانه
اولمادی بیرقطره برگشت بو ثرایه بومکانه
حیرته دوشدی ملک لر غم یتوب افلاکیانه
عرشیان آغلار بو گونده پرپر اولموش گلستانه

(عدلی (دوردرگاهه خادم گوزتیکوب احسانه زینب
ایستوری کّلِ مریضی تا یته درمانه زینب
عاصی دورامیدی واردی لطف بی پایانه زینب
روزمحشراذن اولونسا اول شفیع بونوحه خوانه

• چهارشنبه
• 17
• دی
• 1399
• ساعت
• 19:00
• نوشته شده توسط
• یوسف اکبری

گل برگینه خزاندا کچر خار زهرناک
اولماز نشان سه شعبه لی خاره سنون کیمی
ماهی سودان کناره دوشنده چالیخلیار
دوشمز ولیک زجر و فشاره سنون کیمی
صیادیلر بو رسمیدی آهونی صید ائدر
ویرمازلا حلقنه ولی یاره سنون کیمی
هانسی بیر اوچی قاشمیان آهونی اوخلیوب
ظلم ایلوبله هانسی شکاره سنون کیمی
شیرین طعامیله صود امر صوددن آیریلار
صودن دوشه چتیندی کناره سنون کیمی
دردین دیر اوغول دیلی اولسا آتاسینه
ائتمز آتا یوزینه نظاره سنون کیمی
دیلسیز لری دیله گتورر دیلسیز ئولمگون
رمز غمی ائدله اشاره سنون کیمی
چوخدور غمیم وصاله یاخونلاشمیشام نه غم
تحفه واریمدی محضر یاره سنون کیمی
زینب بی بون باخور سنه من هاردا قبر آچوم
قویماز آتا بالانی مزاره سنون کیمی

• چهارشنبه
• 15
• بهمن
• 1399
• ساعت
• 21:40
• نوشته شده توسط
• یوسف اکبری

ای اولان تیره نشانه قانه غلطان بالام ایوای
منی قویدون یانا یانه قانه غلطان بالام ایوای

اوچ پر اوخ _ منی گور نحاله سالدی _ بالامی الیمدن آلدی

سود امر آهویه صیّاد بیله رسمدور اوخ آتماز
یوخی دوتسا گر اوشاقی اونی هیچ کیمسه اویاتماز
دست گلچین اوغول هیچ وقت گلی ریشه دن چخاتماز

گر اوشاخ آج اولسا آغلار آناسی آلار قوجاقه
دوزه بولمز ایده ناله یتیشه سسی قولاقه
گورونوب هایاندا بیر کس آتا اوچ پر اوخ اوشاقه

کاش اوغول مُلک عراقین گل و گلزارینی سولسون
سنی بو درد سالانون اوره گی قانیله دولسون
کیم گوروبدور کی قوناقین میزبان قاتلی اولسون

رسم عالمدی دیه لّر آنا چوخ سوور بالاسین
یخلوب ایویم گورندن بوغازوندا اوخ یاراسین
بیچوب اوخ کیچیک بوغازون من اوغول اوپوم هاراسین

آلتی آی ناقه لر اوسته اولموشام سنیله یولداش
ایلیوب منی خجالت نچه گوندی قوم اوباش
اوخونان سنی وورالّار نه بولیدیم من کل باش

اوچ پر اوخ قلج مثالی حلقوی اوغول بیچوبدی
چون لطیفیدی بوغازون رد اولوب علی گیچوبدی
هانسی تشنه سو یرینه حلقینون قانین ایچوبدی

باغلادیم الون قماطه منِ کُل باش نه بولیدیم
کاش اولیدی بوغازوندان من اوغول بیرده ئوپیدیم
گورمییدیم بو یارانی سن ئولونجه من ئولیدیم

یثربه دوشسه گزاریم غم اوتاقیندا اوتورّام
تا اجل پیکی گلینجه من سراقیندا اوتورّام
کولگیه گتمرم اصلا گون قاباقیندا اوتورّام

نه بولیدیم من علی جان کوسولوب تیز گده جاقسان
آناوی محنت و درده سن هم آغوش ایده جاقسان
من دیدیم گیدوب گلر سن نه بولیدیم ئوله جاقسان

آغلادون اوچگون اوغول سن سنیله آغلامیشام من
(بیکَسم)اوزون بولورسن سنه دیل باغلامیشام من
قلبیمه نسگل اوت اولدی سینه می داغلامیشام من

• جمعه
• 22
• اسفند
• 1399
• ساعت
• 21:50
• نوشته شده توسط
• یوسف اکبری

ربابین ای سولان چمنده غنچه سی
آناوین حیف اولا یوخ الده چاره سی
بودرده یوخ دوا علی علی علی
اوزوم سنه فدا علی علی علی

گورهانسی صودامربوحالته قالیب
آناسین ای اوغول مصیبته سالیب
شرار تشنه لیق قراریوی آلیب

بوآلتی آی اوغول هامیسی بیریانا
او اؤچ گئجه گونوز بلاسی بیریانا
ربابی قویموسان علی یانا یانا

بونوعی سولماقون شررسالاردیله
یانام گرک علی ئولونجه نسگیله
الیوی باغلادیم قماطه عفو ائله

اورکده آرزوم اولوب یالان علی
بو عمر گلشنی اولور خزان علی
اولیدی کاش ازل فراتی قان علی

ئولومدی آرزوم دئمه کی راحتم
الیمده چاره یوخ فسرده حالتم
نه صودواریم نه سوعلی خجالتم

زمانه ایستیور سنون فراقیوی
دوزنمورم بالا آز اَم دوداقیوی
رقیه هی آلور سنون سراقیوی

ای عمرومون ایشیقلی بیرستاره سی
ربابین ای گل اوزلی شیرخواره سی
آناوین حیف اولا کسیلدی چاره سی

• جمعه
• 22
• اسفند
• 1399
• ساعت
• 21:54
• نوشته شده توسط
• یوسف اکبری

آغلاما ای منیم گل عذاریم
نسگلوندن یاندی قلب زاریم

سوز عطشدن سن درده دوشوب یاندون
نیلوم علاجیم یوخ یاندون الولاندون

دردون علی منی سالدی عذابه

آغلاما رحم ایله سن بو ربابه

لای لای اصغر....لای لای اصغر
سود امریم لایلای(۴)

اوچ گوندی سوسوزسان بولورم من
چارم یوخ گورورسن ئولورم من

فصل بهاراندا ابر کیمی دولدون
نه سو واریم نه صود غنچه گلوم سولدون
کیم نه بولور نجه آغلامیشام من
اللریوی نیه باغلامیشام من
لای لای اصغر.....لای لای اصغر
سود امریم لایلای(۴)

ای یوللاردا منیم همدمیم یات
سو فکرین باشوندان بیر لحظه آت

سینمی دیرناقون بسکی خراش ایتدی
طاقت و آرامیم الدن اوغول گیتدی
یاتمامیش اصغر دیسگینیسن سن
من باخورام بیله جان ویریسن سن

لای لای اصغر...... لای لای اصغر

صود امریم لایلای

حالیم پریشاندی بی قرارم
باغلانوب سو یولی یوخدی چارم

چوللره دریا تک آخدی فرات افسوس
بو یوزی قاره سو ایتدی بیزی مایوس

مشکله سالدی امرِ حیاتی
قانه دونیدی آب فراتی

لای لای اصغر.....لای لای اصغر
سود امریم لایلای

(بیکَسم )ربابی درده سالما
آز آغلا صبریمی الدن آلما

گل بو دل زاری ناله ایدوب سیخما
باخما یانا یانه یات ایویمی یخما

خیمه ده سو یوخدی بولورم من
شرمیدن عباسه دیمورم من

لای لای اصغر..... لای لای اصغر
سود امریم لایلای

• جمعه
• 22
• اسفند
• 1399
• ساعت
• 21:56
• نوشته شده توسط
• یوسف اکبری

آزسیزیلدا/یوخدی چارم/
بوربابین سینه سین داغلامالایلای

منی سالما/بئله درده/
گوروسن یوخدی صودوم آغلامالایلای

علی لایلای علی لایلای علی لایلای
بالام یات علی لایلای

محنتوندن/ نچه گوندی/
بولوسن دیده ترم آی بالایاندیم

نه سویوم وار/نه صودوم وار/
قورین لبلریوی آزیالایاندیم

علی لایلای علی لایلای علی لایلای
بالام یات علی لایلای

واردی دیلده /چوخ گلایم/
بوسویی قانه دونن آب فراته

نیلییم من /دوزموسن سن/
اودی باغلادیم الون بندقماطه

علی لایلای علی لایلای علی لایلای
بالام یات علی لایلای

باجون آلدی/ بیرقوجاقه/
بلکه آرام اولاسان سن قوجاقیندا

ولی افسوس/ بی ثَمردی/
وای منه جان وئریسن گوزقاباقیندا

علی لایلای علی لایلای علی لایلای
بالام یات علی لایلای

خیملرده/ سوتاپولمور/
کیمه ئوزدردریمی من دییم الهی

یوخدی بیرکس/اهل ظلمه/
دییه بو صودامرین ندورگناهی

علی لایلای علی لایلای علی لایلای
بالام یات علی لایلای

نچه لحظه/ یوم گوزووی/
گل رقیه خاطیری خواب ائله اصغر

بلکه سقّا/سوگتیردی/
ال اَیاق چالمابئله تاب ائله اصغر

علی لایلای علی لایلای علی لایلای
بالام یات علی لایلای

نسگلوندن/ نچه گونده/
آناوی سن دئمه آسوده یاتوبدی

آنان ئولسون /نیلییم من/
اوقدرآغلامیسان سسون باتیبدی

علی لایلای علی لایلای علی لایلای
بالام یات علی لایلای

یوخ علاجیم/ آغلاماخدان/
گوزقباقینده غمون سان وئریراصغر

کاش ئولیدیم /شرمی قویمور/
گئدم عباسه دییم جان وئریراصغر

علی لایلای علی لایلای علی لایلای
بالام یات علی لایلای

هیچ آنانین /دردومحنت/
من کیمی سینه سینی داغلامیوبدی

دهریده هئچ/ میهمانه/
میزبان سویولونی باغلامیوبدی

علی لایلای علی لایلای علی لایلای
بالام یات علی لایلای

دشت غمده/ (بیکَسم) من/
منی گل سالمابئله رنج وعذابه

اوزووی سن/ بئله پوزما/
باجیوین خاطری رحم ایله ربابه

علی لایلای علی لایلای علی لایلای
بالام یات علی لایلای

• جمعه
• 22
• اسفند
• 1399
• ساعت
• 21:59
• نوشته شده توسط
• یوسف اکبری

هارا گئتمیشدون علی جان/آختاریردیم سنی اوغلوم
بیلمدیم اوخلاناجاقسان/عفو ائدرسن منی اوغلوم
گل ربابین سنه قربان ... ای منیم دردیمه درمان
هارا گئتمیشدون علی جان

یات حسینون قوجاقیندا/اورا اولسون سنه راحت
یوخ آنوندا بیلوسن صود/قالمیشام منده خجالت
قوی سالیم باشیمه قاره/باشلیوم روضه نی اوغلوم

ای منیم بخت و چراغیم/نیه تنها سوزولوبسن
آغلامورسان نئدن اصغر/یوخسا منن ده کوسوبسن
او یومولموش گوزیوی آچ/بیر سئویندیر منی اوغلوم

سن منیم تک واریمیدون/یوخلوقون جانیمی آلدی
یادگاری منه سندن/بیرده دیرناق ایزی قالدی
قوی باسیم باغریما لاقل/قانلی پیراهنی اوغلوم

• دوشنبه
• 2
• فروردین
• 1400
• ساعت
• 23:53
• نوشته شده توسط
• یوسف اکبری

علی سینمده کی دیرناق یاراسی خاطرینه
بیر آزدا یات سحرون ماجراسی خاطرینه

سوسوزلار الده سو جامی دیلینده یا عبّاس
دخیل درگه اولوبلار سخاسی خاطرینه

خجالتی سنون عبّاس عمون چکور آرادا
گیدوب اوزاقدا گزور اوز حیاسی خاطرینه

فقط رقیّه باجوندور گلوب گیدن یانووا
اوزین هلاک ایدور اوز دلرباسی خاطرینه

گرک سکینه نون آغوشینه ویرم سنی ده
دخیل درگه ایده اوز آناسی خاطرینه

دیه عمو آنامون چاره سی گیدوب الدن
گوزین تیکوب الیوه التماسی خاطرینه

او خالی مشک لره دقّتیله باخسان
ولو اولا ایکی قطره شفاسی خاطرینه

من آلتی آی سنه صود ویرممیش غذا یمدیم
باغیشلا بو گجه نی غم هواسی خاطرینه

یقین فراتیده ناله ایدور سوسوزلوقوا
یاتانموسن او فراتون صداسی خاطرینه

• پنج شنبه
• 5
• فروردین
• 1400
• ساعت
• 15:43
• نوشته شده توسط
• یوسف اکبری

یوخدی سودوم آغلاما - ای عزیز جان اوغول

یات بو گیجه صبحه تک - ایلمه فغان اوغول

آغلاما - آغلاما - یوخدی چارم آغلاما

آغلاما - تشنه‌لب - شیر‌خوارم آغلاما

سو یولونی باغلیوب - اشقیای کین شعار

بو گیجه قیزلار هامی - سن کیمی سوسوز دولار

چالما بیله ال ایاق - قلبیم اود دوتوب یانار

من اوزومده تشنیم - باخ اوزون اینان اوغول

جان بالا - جان بالا - قلبیم اولدی قان بالا

حالیمه - یان بالا - ایلمه فغان بالا

نه دل آچموسان منه - آندیراسان اوز سوزون

گه باخوسان آغلوسان - گه بالا آخور گوزون

آندیرور احوالیوی - گول کیمی سولان یوزون

گوزلرینده گوز یاشون - اولدی لخته قان اوغول

اصغریم - اصغریم - تشنه لب کبوتریم

نوگل - احمریم - یات گل اوزلی دلبریم

گوزدن آخور گوز یاشون - ایسلانوبدی قونداقون

یاندیرور منی سنون - سو غمینده یانماقون

گل بو قوری سینمه - وورما خردا درناقون

باشیوی قوی سینمه - یوخلا بیر زمان اوغول

باغریقان - دلستان - طفل بی‌زبان علی

وار نه سود - نه سووا - منده یوخ گمان علی

سوز عطش هامّونی - اوخشادوب سولان گوله

سو یولونی سدّ ایدوب - شمر و زجر و حرمله

آلما بیله صبریمی - گل ربابه رحم ایله

اللریوی نیله‌سن - باغلاسا آنان اوغول

آغلارام - آغلارام - منده سینه داغلارام

بو گیجه - یاتماسان - اللریوی باغلارام

صبح آچیلور خسته‌سن - ماهپاره یات بالام

دردیوه تاپدیم سحر - بلکه چاره یات بالام

ایله منیم سینمی - گاهواره یات بالام

سنسیز آنان نیلیر - ای گل جنان اوغول

لایلای اوز - دیده تر - خون جگر - غرالیمه

لایلای اوز - تشنه لب - صود امر مارالیمه

• سه شنبه
• 10
• فروردین
• 1400
• ساعت
• 12:48
• نوشته شده توسط
• یوسف اکبری

ای - غنچه ممتازیم - طفل دلنوازیم

اوخلانان الیمده - شش ماهه سربازیم

لای لای سینَمده آخان سِتاره م علی

اوخ قالوب بوغازوندا یوخ چاره م علی

جان علی اصغریم (۲)

یات - سو فکرین آتمیان - مرامه چاتمیان

نه راحت یاتموسان - اوچ گئجه یاتمیان

یاندیدیر منی سوز و گدازین علی

اوخ کسوب خنجر کیمی بوغازون علی

جان علی اصغریم (۲)

جان - حسینون مارالی - تشنه لب غزالی

آپارمارام سنی - خیمیه یارالی

اوخلی بوغازینان قان سوزولور علی

ایوای باشون بدندن اوزولور علی

جان علی اصغریم (۲)

سن - ربابین گولوسن - ائلّلر سویگولوسن

من سنه آغلورام - سن ولی گولوسن

یات حسینون تشنه لب قربانی علی

چکمیشم بوغازوندان پیکانی علی

جان علی اصغریم (۲)

• سه شنبه
• 10
• فروردین
• 1400
• ساعت
• 12:52
• نوشته شده توسط
• یوسف اکبری

سربازِ شش ماهه عازمِ میدان اولوب
گویده ملک لر بوتون بو ایشه حیران اولوب

لرزه دوشوب لشکره قوم ستم پروره
حرمه چپ چپ باخور نازلی علی اصغره
گوزلری سعد اوغلونون قانه دونوب تیتره ییر
حور و ملک یکسره اصغره احسن دییر

سربازِ شش ماهه عازمِ میدان اولوب
گویده ملک لر بوتون بو ایشه حیران اولوب

آلدی الی ئوستونه غنچه ی نیلورین
تللیده زینب دئدی غیرتیوه آفرین
نهضت سرخ حسین چونکی حساب ئوسته دی
نقطه ی اوج بو ایش طفل زباب ئوسته دی
اوچ پر اوخا جان دئدی اولدی فدای حسین
اصغره یئر جورلدی سینه سرای حسین

سربازِ شش ماهه عازمِ میدان اولوب
گویده ملک لر بوتون بو ایشه حیران اولوب

پادشه لا مکان لنگر هفت آسمان
صاحب سرّ المنان رهبر کل جهان....
باسدی سینیخ قلبینه اصغری بیر آن حسین
تللیده زینب دئدی جان سنه قربان حسین
سپدی قانین گویلره اصغر شش ماهنین
سسلدولرقدسیان عشقه هزار آفرین

سربازِ شش ماهه عازمِ میدان اولوب
گویده ملک لر بوتون بو ایشه حیران اولوب

• سه شنبه
• 21
• اردیبهشت
• 1400
• ساعت
• 15:24
• نوشته شده توسط
• یوسف اکبری