اشعار حضرت علی اصغر علیه السلام

ولایت چرخینه گلدی بیر اولدوز
نه اولدوز آفتاب عالم افروز

بو بیر اختردی هر بیر اختره باش
سالار آردینجا مهرو ماهی بیر باش

بو بیر اختردی حیرانی فلکدی
بونون نازین چکن حورو ملکدی

بو بیراختردی حسنی بی بدلدی
گوزللربزمینه ضرب المثلدی

بو بیر اختردی برج نه طبقدن
آلار تاب و توانی مهرو مه دن

تمام نجمدن تابنده دور بو
ولایت چرخنینه زیبنده دور بو

نه مریخ و زحل نه زهره دور بو
هر ایکی عالم ایچره شهره دور بو

بونون نوری همان نور ازلدی
هر اولدوزدان بو آیدیندی گوزلدی

دیدیم اولدوز بو تشبیه غلطدی
بو نور پاک اجداد سلفدی

چخار آخشام سحر ایتمز هر اولدوز
بونون آخماقی تک اولماز جگر سوز

دیسم گلدی آچار اما سولار گل

• چهارشنبه
• 15
• اسفند
• 1397
• ساعت
• 13:47
• نوشته شده توسط
• ابوالفضل عابدی پور

سبک : ایران اگر دل توراشکستند

اصغر
ای اهل بیته مفخر اوغلوم
گل ریاض حیدر اوغلوم
ائدوبدی بو گوزل جمالون
مدینه نی منور اوغلوم

لای لای
منیم گوزل غزالیم اصغر
سینمده کی مدالیم اصغر (2)

اصغر
ربابون ای جلال و جاهی
خلایقین سراج راهی
قرارو صبریمی آلوبدی
بو قاره گوزلرین نگاهی

لای لای
منیم گوزل غزالیم اصغر
سینمده کی مدالیم اصغر (2)

اصغر
قسم اولا بو عشق نا به
بهشت اولار بو ایو ربابه
او لحظه ای که سن گدورسن
رباب سینه سینده خوابه

لای لای
منیم گوزل غزالیم اصغر
سینمده کی مدالیم اصغر (2)

اصغر
آدون اوغول نه دلربادی
جمالون آغ تلون قرادی
بهشت ائدوبدی منزلیمی
قدملرون نه باصفادی

لای لای
منیم گوزل غزالیم اصغر

• پنج شنبه
• 16
• اسفند
• 1397
• ساعت
• 10:10
• نوشته شده توسط
• ابوالفضل عابدی پور

اوچ گوندی بو گون اصغریم عطشاندی الهی
رحم ایله بالام اود دوتوب اودلاندی الهی

ایچموبدی سو عطشاندی یوخی یوخدی گوزونده
گُل تک سارالوب واردی ئولوم حالی یوزونده
آخر منیده حالی کباب ائتدی اوزونده
قلبی دوتوب اود هر باخانون یاندی الهی

بو سهلدور اوچ گوندی بو گون ایلمیوب خواب
نه صوداَموب آخرنه ایچوبدور بیر ایچم آب
آثار عطش اصغری ائیلوب ائله بی تاب
یوخ طاقتی چوخ حالی پریشاندی الهی

یوخدور دلی اوز دردینی یا رب ائده اظهار
نی تک گلوب افغانه ائدر ناله سیزیلدار
هر کیم باخوب احوالنه دلدن یانوب آغلار
اهل حرمون دیده سی گریاندی الهی

نه خیمه ده سو وار نه صوده واردی گمانیم
بیر نوعی یانور آتش درد و غمه جانیم
واردور یری عرشه اوجالا آه و فغانیم
فریادیمه بو حالتی عنواندی الهی

بیر سو که ائدوبسن اونی مهریّۀ زهرا
ذرّیۀ زهرایه حرام ائیلدی اعدا
برپادی خیام ایچره بو گون محشر کبری
هر کس اوزی اوز حالنه گریاندی الهی

یا رب نقدر تاب اولی آلتی آیلیق اوشاقدا
یاتمور نئدیم آخر نه بشیکده نه قوجاقدا
یوخ بیر آنا یانسون من بیچاره سیاقدا
بو باره دن آخر جگریم قاندی الهی

گاهی سالورام سینمه گه دل دیورم من
لای لایمه باخمور یانوری ائیلوری شیون
محشرده اوزون حکم ائیله ای خالق ذوالمَن
بو حاله سبب فرقۀ عدواندی الهی

بولمور نه سو واردور نه صودیم، متصل آغلور
نی تک گلور افغانه سرشگین یوزه باغلور
گاهی اموری لبلرینی قلبیمی داغلور
بو محنته دوزمک مگر آساندی الهی

از بس عطش الدن بالامون صبرین آلوبدور
رنگی سوسوزوندان ساری گُل تک سارالوبدور
دلدن دوشوب آخر ائیله بیر حاله قالوبدور
حالنده ئولوم حالی نمایاندی الهی

یا رب سالوب «عاصینی» ز بس چرخ فشاره
دونموش نظرینده گونوزوم بیر شب تاره
بو اصغره وئرم قسم ائت دردیمه چاره
مقبول ائیله مندن سن همین آندی الهی

• جمعه
• 30
• آبان
• 1399
• ساعت
• 20:13
• نوشته شده توسط
• یوسف اکبری

دست قضا حسینه آچوب درد و غم یولی
دوردی ایاقه باشلادی حضرت خیم یولی

گاهی گیدور گهی دایانور ایستمور گیده
هرسالکه چتیندی گیده پیچ وخم یولی

چونکه گلنده خرداجا سربازیلن گلوب
سربازسیز گیدور شه محترم یولی

آز فاصله گوزونده اوزاق منزله دونوب
دیلدن چکور بیر آه گیدور بیر قدم یولی

غملر شریکینی چاغروب غم سوزون دیه
گل زینبیم گیدک ایکیمیز بیزتیکن یولی

گیدیم الی دولی الی بوش گلمیشم باجی
وار خجلتیم اودور کی گله بولمورم یولی

اصغر غمی یوروب منی پیشوازه گلمسون
امیدین اولماسین من ئوزوم تک گلم یولی

قلبیم دولوبدی آغلاماقا گلمیشم فقط
وای صودامر بالا دیمیشم دمبدم یولی

دردین دیدیم سوسوزلوقونا لشکر آغلادی
باخدیم فراته آچمادی قوم ظلم یولی

مرد افکن اوخ حریف قوی صود امر اوشاق
امکانیم اولمادی اوخا سد ایلیم یولی

نیلک سنینده اوغلون ئولوب گل قوشول منه
اهل کرمده کی ایده رد کرم یولی

چوخ یاخشیدور قوشولسا اوغلسوز اوغولسوزا
عاشق گرکدی طی ایلسون هر رقم

فلسفیدندی بوسوز سمع محبانه چاتور
خیمه لردن گوردولر بوش کاسه دور قیزلار آتور
سو دینلر گیزلنیب خون دلین اشکه قاتور
آلدی بیر قیزدان خبر آیا نیه نبضون آتور
اول بالا بیر سوز دیدی اولدی نواخوان اهل بیت

عرض ایدوب سوجامینه قان دولدورولار عمه جان
سو یولین سد ایلیوب یولدا دوریلار عمه جان
میزبانلار خسته مهمانی یوریلار عمه جان
ایچمیوک سو ایچمیوک فتنه قوریلار عمه جان
هرکیم ایستور سو گوریسن اوخ ویروللار عمه جان

• سه شنبه
• 4
• آذر
• 1399
• ساعت
• 13:35
• نوشته شده توسط
• یوسف اکبری

اي منيم گوزل بالام شيرخواره اصغريم
گول بوغازين اوخ ايدن پاره پاره اصغريم

دگدي اوخ بوغازوه پارچالاندي حنجرون
آخدي حلقوون قاني باتدي قانه پيكرون
دردوي دينمدون قالدي ديلده سوزلرون
ايتدي بو غمون مني قلبي ياره اصغريم

اوخ بیچوب بوغازوی ای سوسوز کبوتریم
محسنه قونا ق گيدن صود امر دلاوريم
گئت غم ايتمه چوخ بالا گرچه يوخدي ياوريم
ايتدي بو فلك مني بخت قاره اصغريم

آخ گوروم كه قطع اولا اوخ آتان بئلك سنه
اولدی قبریده کفن قانلی بیر بلک سنه
كور اولونجا گوزلريم آغليام گرك سنه
يوخ بو درد و محنته الده چاره اصغريم

شهريده هامي ياتوب بير منم بالا اوياق
يوخدي بيرگلوب گيدن گل بالا منه قوناق
قلبیم اودلانار گورم هاردا صودامراوشاق
هانسی دردوه ایدوم من اشاره اصغريم

غنچه لب آچيلمادي گلمدي ديلون سوزه
بو غمه بيان ايله مادرون نئجه دوزه
اي ايشقلي اُلدوزوم دگموسن نيه گوزه
ایلورم سمایه من چوخ نظاره اصغرم

اولمادی صودوم منی گوزدن آتدون آي بالا
عشقیله گیدوب اوزون کامه چاتدون آي بالا
یاره لی بوغازیلن هاردا ياتدون آي بالا
چاتدون عالم ايچره سن افتخاره اصغريم

بو غمونده با شيمه قاره سالام آغلارام
یاد ایدوب ملالوی قلب زاري داغلارام
خالی گاهواروی يادگاري. ساخلارام
لاي لاي دئيم سنه تا دوباره اصغريم

ايت نظرآخونديه عشقيده وفاليدي
نار هجریده يانوب قلبيدن ياراليدي
دردینی دينميور نيلسون حياليدي
ایله دردینه دوا شیر خواره اصغریم

• سه شنبه
• 18
• آذر
• 1399
• ساعت
• 23:49
• نوشته شده توسط
• یوسف اکبری

غُنچه ني گـول ايلدي حرمـله نون پيكاني
ياندوروبدور آچيلان گول شه مظلوماني
ديلسيز اوخ ياردي او ديلسيز بالانون حنجريني
ايتدي سيراب او عطشا ني آخان القانی
نه اوخيدي او بير اوخ زهريلي هم اوچ پريدي
بيري يخميشدي آت اوستن اوجا بوي سقّاني
بيراوخي كه سالا عبّـاس علمـداري يـره
گور نه احواله سالار بير صود امر جيراني
ذهنيـده ايـله تجسّم بئله بير منظره ني
ديلده تحليل ايله گوز ياشلي اولان جرياني
باغبانون الي اوسته سارالان غنچه ی ناز
حال بحرانه سالوبدور قـوجالان گلباني
تشنه پيكان اوپوشوب تشنه علي اصغريلن
اولارون وصلي نـوایه گتوروب زهراني
سوسوز اصغر اوخيلان با هم اولوبلار سيراب
اوخ دوتوب جان ولي چيخدي او بالانون جاني
اوخ دگنده بوغازيندان او بالا آچدي گوزين
باخدي مولاسينه يانديردي دل سلطاني
آتا رخسارينه باخدوقجا گولوب طفل حزين
يـاندوروب سيّـد بـطحا ني لب خنداني
دايانـوب مرکز ميداندا حسين ابن علي
الی اوسته يـارالي ديلسيـز اولان قرباني
باخوب اخيامه طرف حضـرت زهرا گوزلی
شرم ايدور خيميه گيتسون او وفانون كاني
چاره سيزقالدي دونوب باخدي فرات اوسته طرف
گوردي قولسوز یخیلان جسمی یارا سّقاني
سسلدي دادينه عبّـاسيني شـاه شهدا
ديدي گل قارداش ابوالفضل وار اگرامكاني
بالام اوخلاندی الیم اوسته اونی یوخ آلانیم
كيمی وار یاده سالا بـو قـوجالان مولا ني
گـوئيا آلمادي عبـّاس حسينون سسيني
ولي زينب ايشيدوبدور او حزين ا لحانـي
تلّون اوستن گوروب اُول صحنه ني زهرايه مثل
آخدي گوز ياشي گوزوندن اوجالوب افغاني
يتوروب فوري ئوزون قارداشينا دیلده نوا
غمدن آزاد ايليـه درده دوشن مـولاني
ديدي قارداش سنه قربان اولا بو غملی باجون
ئولميوب زينـب هله غمده يـانـا جاناني
گـوزليور اللري قو نيندا رباب اوز بالاسين
ويربالاسين آپاروم گرچه چيخوبدور جاني
سالا گهواريه ششما هـه شهيدين يارالي
گـوزي آغـلار اوخيا زمـزمـه لالانـي
ايليوب اصغر آدين زينت آخوندي سوزينه
لُطف حقلن اوبالا مُهـر ایدجك ديواني
آشكارا ايليـور بو سوزي هر يرده بيـان
ديـور اصغر قاني احیا ایلدی قـرآني
بيـرده عرض ايليور انسان ديمرم حرمليه
ظـاهري همچو بشردي عملي حيـواني
فرق حيوان و بشرعقل وكمال وادب است
درك و فهـم اولماسا حيوان بيلرم انساني

• چهارشنبه
• 19
• آذر
• 1399
• ساعت
• 23:57
• نوشته شده توسط
• یوسف اکبری

سبک ؛ دایه دایه وقت جنگه ....

ای عزیزیم نور عینیم
گوزلرین آیدین حسینیم
وئردی الله بیر اوغول سیماسی گوهردی
همتای اکبردی
یا حبیبی الله الله
احسن احسن بارک الله

آلدیم آغوشه اونون ئوپدوم گوزوندن
جنتین عطری گلوردی گل یوزوندن

قاشلاری بنذر هلال یک شبه قارداش
توکمه گوزوندن یاش

آل قوجاقه ئوپ جمالین
عترت اللهین هلالین

هدیه وئردی اصغری قارداش سنه الله
قیمتلیدور والله

یا حبیبی الله الله
احسن احسن بارک الله

لطفونی کامل ائدوب حی تبارک
تازه مولودین قدومی چوخ مبارک

لبلریندن گل یاغور سیماسی زیبادی
ماه دل آرادی

هدیه خلاق داور
آدی اصغر ، شانی اکبر

وئردی الله اصغری قلبیم صفا تاپسون
دردیم دوا تاپسون

یا حبیبی الله الله
احسن احسن بارک الله

پایگاه حفظ و نشر آثار عباسی معروفان اهری

• چهارشنبه
• 26
• آذر
• 1399
• ساعت
• 22:12
• نوشته شده توسط
• یوسف اکبری

الهی الهی عالمین پناهی
صود امر بالامین نئیدی گناهی

نه عباسیدی نه اکبر مه لقا
گتیرپیم الیمده ایچسون آب بقا
حرمله اوخ ووردی صودامر قوناقا
بیلمدی وار غریبینده بیر اللهی

ششماهه سربازه اوچ پر اوخ وورمازلار
عمرونون شیشه سین غمده سئندیرمازلار
آتانی بالادان شرمنده قویمازلار
بی حیا حرمله یاندیردی بو شاهی

گئجه لر دویونجا صود امیب یاتمادی
آتدی گهواره نی باباسین آتمادی
ئولدی آلتی آیدا ئیلینه چاتمادی
بالامین آز عمری دردینون گواهی

منیم عسل بالام عشق ازل بالام
دفتر عشقیمده شیرین غزل بالام
اوخا اولدی نشان آیدان گؤزل بالام
اوت سالدی قلبیمه دیلده سوز آهی

بالاجا قنداقی قانینا بلشدی
بالامین حالینا قوزولار ملشدی
بوغازی یاره لی دوداقی گولشدی
آتاسین آغلاتدی غمزه لی نگاهی

اللری قماطه باغلی بالام لایلای
سوسوزدان ئورگی داغلی بالام لایلای
لایلای قرمزی قنداقلی بالام لایلای
سن ئولدون ربابین گئدور عز و جاهی

شیشه ی عمرونه ویردیلار غم داشی
حلقینه اوخ دگوب اوزولوبدور باشی
رقیه یولداشی اکبرین قارداشی
سوسوز ئولدی سودان آیری دوشن ماهی

کانال اشعار عباسی معروفان اهری

• چهارشنبه
• 26
• آذر
• 1399
• ساعت
• 22:49
• نوشته شده توسط
• یوسف اکبری

ای سوسوز جیران جانیم سنه قربان
قلبیم اولیب سوزان لایلای علی جان

سینه می آتدون هاردا گئدوب یاتدون
قالمیش آنان ویلان لایلای علیجان

ئولسه _ آنا بالاسی
نئجه _ سارالماز اصغر
تز گل _ ئولور ربابون
دنیاده قالماز اصغر

لایلای _ وفالی اصغر
لایلای _ یارالی اصغر

بیر گئجه من سیز یاتمازدون ای اوغلوم
ایندی ندن یاتدون چوللرده تنها

بیر یانان چادر ایچره پریشانم
گوز یولدا گریانم وار دلده غوغا

وردیم _ اولیبدی دائم
عطشان _ قناری لایلای
هجرون _ آلیبدی الدن
صبر و _ قراری لایلای

لایلای _ وفالی اصغر
لایلای _ یارالی اصغر

صودامر اوغلون اکبر یولون گئتدون
مقصودیوه یئتدون قربانون اوللام

ائللرون مثلی زهرایه جنَّتده
سنده قوناق گئتدون قربانون اوللام

خارِ _ جفادن اوغلوم
گللر _ مثالی سولدون
ئولدون _ بابان الینده
زهرا _ قوناقی اولدون

لایلای _ وفالی اصغر
لایلای _ یارالی اصغر

گوردی عطشانسان آلدی سنی شاهیم
بیلدیم اوزوم وقتِ میثاق یئتیشدی

هی دئدیم اوغلوم گئتمه سووا گئتدون
سن نن منه تک بیر قنداق یئتیشدی

قنداقیوی علیجان
سینمده ساخلارام من
لایلای علی دِیَنده
دنیانی داغلارام من

لایلای _ وفالی اصغر
لایلای _ یارالی اصغر

• جمعه
• 28
• آذر
• 1399
• ساعت
• 23:38
• نوشته شده توسط
• یوسف اکبری

ای شجاعت برجینون مهتابی اصغر
اولموشام بیر بوسه وین بی تابی اصغر

(هایانداسان ، سینه مه گل ای ، ماه تابانیم ، داریخدیم
فراقونده ، اوتلانور قلبیم ، هم چیخور جانیم ، داریخدیم )
تکرار در همه بند ها

اوچ گئجه گوندوز اویاق قالدون علی جان
طبل آلام و غمی چالدون علی جان
حیف اولا سینمده صود اولمادی اوغلوم
سینمه دیرناقیوی سالدون علی جان

سون گئجه مخیم لری باهم دولاندوق
گه گئدوب گه آغلیوب گاهی دایاندوق
دیل دوداقون خشک اولان وقتده اوتاندیم
اولمادی بیر جرعه سو لب تشنه یاندوق

کاش گلیدون من سنه لایلای چالیدیم
محنت و امراضیوی جانه آلیدیم
صود ویریدیم دینجلوب راحت یاتیدون
نازیلن گهواروه آرام سالیدیم

نسگل اولدی آی بالا دیلون یوخیدی
آغلیاردون هر گئجه دردون چوخیدی
یان یانا بو سینمه هر آن باخاردون
تیر دیدن قلبیمه اوچ پر اوخیدی

قالمادی غارتده بوش گهوارون اوغلوم
اولموشام من دربدر آوارون اوغلوم
باشیمی زهرا یانیندا سن اوجاتدون
عالمه اعلان اولوب ایثارون اوغلوم

• جمعه
• 28
• آذر
• 1399
• ساعت
• 23:50
• نوشته شده توسط
• یوسف اکبری

ای عاشِقان مژده غم دللردن گئتدی
دنیایه لطف ائتدی حَیِّ تبارک

گوز آچدی دنیایه نورِ دوعین اصغر
جانِ حسین اصغر اولسون مبارک

روحه صفادی گویچک بالادی
قاشلار کماندی گوزلر آلادی

اصغر یا اصغر ۴

جان تاپدی صحرالر جوشلاندی دریالر
جنَّتده حورالر سالدی اوزرِّیک

حسین اوغلی اصغر گوز آچدی جهانه
صاحِبَ الزمانه دئ سنده تبریک

عاشِقان مژده گوزلروز روشن
عالَمِ امکان اولیبدی گلشن

اصغر یا اصغر ۴

بو شیعه لر آقا سندن عطا ایستر
کرب و بلا ایستر دیده سی گریان

درگاهیوه گلدی مشکلی اولانلار
دردیدن سولانلار قیل درده درمان

درده دواسن روحه صفاسن
فخرِ زهرا و شیرِ خداسن

اصغر یا اصغر ۴

بیر غملی گون اولار قانین ایچر اصغر
جاننان کئچر اصغر دین اوسته یاران

صحرای بلاده غملی کربلاده
آناسین ایلیر دلخسته یاران

القانه باتار مقصوده چاتار
بی کس آناسین گوزون نن آتار

اصغر یا اصغر ۴

• دوشنبه
• 1
• دی
• 1399
• ساعت
• 16:45
• نوشته شده توسط
• یوسف اکبری

ای منیم همسفریم بال و پریم قارداشوی یوخلا باجی
ئولدی مرغ سحریم صودامریم گل بالاما آغلا باجی

غنچه نازیم ئولوب
خوردا سربازیم ئولوب
(تکرار در تمام بندها)

گل آپار خیمه لره بو قوزی قربانیمی گهواریه سال
دی رقیه اونا لایلای دئسون آخ سنده منیم فکریمه قال
آناسیندان منه حلّیت آلوب باری اونون گویلونی آل
او دئسون اصغریم ایوای یارالی سنده عزا ساخلا باجی

عطشیندن بالامون گل دوداقی گل کیمی سولموشدی باجی
سوسوزوندان او قَدَر ناله ائدوب جان بسر اولموشدی باجی
اونی آغوشه آلان لحظه ده غم قلبیمه دولموشدی باجی
شرح ائدیم محنتیمی نار غمه قلبوی سن داغلا باجی

الیم اوستونده بو زیبا گهره قدر و بها وئرمدیلر
عمری تاپمیشدی فنا اصغریمه آب بقا وئرمدیلر
بیر ایچیم سو بالاما لشکر بی شرم و حیا وئرمدیلر
دئدیم آهسته گوزون یوم باشوی سینمه قوی یوخلا باجی

حرمله چکدی کمان اوچ پر اوخون آتدی بو دیلسیز بالیا
سبب اولدی سه پر اوخ داغ یارادوب کاسه صبریم جالیا
انّنی اوخ نیلدی قوش تک بالامون باشی آخیندی دالیا
اوزولور باشی بدندن گل آپار یاره لرین باغلا باجی

• سه شنبه
• 2
• دی
• 1399
• ساعت
• 23:33
• نوشته شده توسط
• یوسف اکبری

قتل وغارت قورتولوب آزاد اولوبدی میل آب
تشنه لرسوایچدیلرباخدی سویا یاندی رباب

گوردولررغبت نشان ویرمورایچه سوآغلوری
کاسۀ چشمینده اشکی غم فشارینده سَحاب

دلده ایوای اصغـریم مِضراب غمده سسلنور
کاش اولیدون سوکنارینده منیلن لعل ناب

نسگل اولـدی یاتمادون گهوارده نه سینه ده
آج سوسوزلوقدان ایدردون سینم اوسته پیچ وتاب

فکریمه گلمزدی سن تک صود امرسربازاولا
سس گلنده هَل مُعین گوردوم اوزوم ویردون جواب

رسـم دورگُلدن دوتاللارآب گُل لیکن عدو
غنچه وقتینده اوغوبلاردوتدولارسندن گُلاب

سو ایچن لر ایچمیین لرحالینه آغلاشدیلار
اصغـریم ایوای صداسیلن دولوبدی نُه قُباب

قهرمان کربلا لازم گوروب گلسون دله
تسلیت ویرسون گوگول آلسون اولا راه صواب

سویلدی شش ماهه سربازون فدادی دینوه
ماه عشقین ایستدی آلسون کناره آفتاب
بیر سـتاره ایـدی محـبـت آسـمانینده بالان
تزافول ایتدی اگرچه چکدی رخساره نقاب

کربلاده نهضت خونینه آچدوخ بیز لوا
صفحۀ تاریخه اسمین ثبت ایدربو انقلاب

سنّی آزباب الحوائج آدلانار بو صود امر
دردینه درمان بولراسمین جهاندا شیخ وشاب

بانی دور بو نوحیه جبّاری آدلی نوحه خوان
گوزتیکر بانی و«عدلی» اصغره یوم الحساب

رباعی:

عاشقان شاه دین را محفل غم مکتب است
نوحه خوانی برحسین واهلبیتش منصب است
قدر این منصب بدان ای مادح شورآفرین
نوحه و شعری بخوان که پیام زینب است

• چهارشنبه
• 17
• دی
• 1399
• ساعت
• 18:36
• نوشته شده توسط
• یوسف اکبری

سبک” ایران اگر دل تو را شکستند...

یارب
گل غنچه وقتینده سولوبدی
قونداقی قانیلن دولوبدی
چوخ ظلم ایدوب اوچ پرآتان اوخ
قانین توکوب پرپر اولوبدی

یارب
سُها کیمی بالام باتوبدی
هم آج همی سوسوزیاتوبدی
بیرسورامردلسیزاوشاقه
بواهل کوفه اوخ آتوبدی

یارب
بلشدی قانه ماهپاره
باتوبدی مهرومَه ستاره
اسوب بو چولده صرصرظلم
ویروبلا یاره اوسته یاره

یارب
دیارغمده گرغریبم
اورک یارادی بی طبیبم
بونهضت اوسته ویرمدیم جان
ولی مرامه هم نصیبم

جانان
ویرنده قان او اوخ یاراسی
کسیلدی جسمیدن قواسی
کسیلمیوب او آغلاماقلیق
قولاقیمه گلورصداسی

امّا
یتوشموری بوغم تمامه
ایشیق گونوزدونوبدی شامه
ویروبلا باشلاری سِنانَه
اسیرلر گیدورله شامه

جانان
چکوبدی نظمه بوبیانی
فدا اولابودینه جانی
اواهلبیته خادم (عدلی)
ایدرحسینه نوحه خوانی

• چهارشنبه
• 17
• دی
• 1399
• ساعت
• 18:58
• نوشته شده توسط
• یوسف اکبری

نه مکان سینمی ایتدون نه ده گهواره اوغول
یاتمادون اشکوی توکدون نیه رخساره اوغول

سنیدون غنچه گلوم قلبیمین آرامی بالا
آتان آلدی سنی مندن آپارا تا سو آلا
نه ویروبلرسنه سو نه باش اگوبلراِماما
ویردیلار اوخ بوغازوندان ایلدی پاره اوغول

سنه سوایستدی دشمندن آتان یا ولدی
حرمله اوچ پراوخیله سنی قانه بلدی
قویدی حسرتده منی تا باشیما کول الدی
اودی آهیم اوجالارگنبد دوّاره اوغول

حرمله نه منه رحم ایلدی نه سن بالاما
گله لعنت اوخ آتوب اوخ ساتانا اوخ آلانا
منی مِحنت غم وحسرت اودونا یاندورانا
تیراوچ پرایلدی گوندوزمی قاره اوغول

سن گیدنده من دئدیم بوصود یرینه سوایچر
بولمدم ظلم وشقاوت بی نهایتدن گیچر
اوخ گلرحلق ظریفون گوز قباقینده بیچر
کاش دگیدی منه اول حلقه دگن یاره اوغول

تابع اولدی ظلم ایدنلر یوم تَف اهریمنه
اسدوروبلرصرصر ظلمی صفالی گلشنه
غنچه نی گلدن آیرسون حمله وراولدی سنه
اُفّ اولا بیربیله فعله بیله افکاره اوغول

حنجرون نازیکیدی المادی مانع یولونا
یول ویروب بیچدی گچوب دگدی آتاون قولونا
هانسی دعواده روادی صود امرده اولونا
اولموسان گلشن عشق ایچره دچارخاره اوغول

اشک حسرت توکرم چوخ گیجه نی تا سحره
یانارام فرقتیوه آتش غمده شرره
هانسی آئینده سه پراوخ آتولوب صودامره
عشقی اوسته یازولا تا آدی طوماره اوغول

هی دئدیم آغلاما باشدان صودوسو فکرینی آت
گل سالوم نازیله گهواروه بیرلحظه ده یات
دمدیم درّسرشکین اوقزل قانیوه قات
الوی باغلاماقیم اولدی ره چاره اوغول

لایلایون چالدیم اوزوم گورمدیم امّا یاتاسان
سینمی ترک ایلدون مقصدیوه تا چاتاسان
بولمدیم من تک آناوی بیله گوزدن آتاسان
سالاسان چوللره من تا اولام آواره اوغول

اول زمانکه قوریین سینه لریم شیره دولار
یاد ایدنده سنی اشکیم یوزومه جاری اولار
بلبل آغلار گوره غنچه گلی گلشنده سولار
آغلارام من یانارام آه شرر باره اوغول

تا وارام من نسگلون آتش ویراراکبادیمه
مرهم اولماز قلبیمه گلسه بیری فریادیمه
قالدیم حسرت عمرومی بودهریده اولادیمه
تابعم هرحالیده خلّاق جبّاره اوغول

نوحه یازماقی سنه لطف ایلیوب«عدلی»خدا
یازعلی اصغره نوحه آچ الون ایله دعا
اللری مشکل آچاندی ایسته بیرده کربلا
گیت دیلیمجه دِ بها تا ویره اشعاره اوغول

• چهارشنبه
• 17
• دی
• 1399
• ساعت
• 19:03
• نوشته شده توسط
• یوسف اکبری

سبک : محرم رازیم الله

نخله دینه هسته
گلمدی سینم اوسته
یوخلامادی بشیکده
ایندی دوشوبدی خسته
دینجلوب بالام حرمله توکدی قاننی
بولدی دینه ویردی بو گونده جاننی
الله الله اولدی اصغر غنچه گول تک سولدی اصغر

قانه اوغول باتموسان
مقصدیوه چاتموسان
اوخ سنه لایلای دیدی
راحت اولوب یاتموسان
آلتی آی اولان عمرومون آخر ثمری
اوخلانوب کیمون گوربالاسی صودامری
الله الله اولدی اصغرغنچه گول تک سولدی

اُ ولسه بالاسی آنا
حقِّیدی قلبی یانا
طاقتین الدن ویرر
گورسه باتوبدی قانا
بیراوخیلن قانه باتوبدی اصغریم
بو ربابی گوزدن آتوبدی اصغریم
الله الله اولدی اصغرغنچه گول تک سولدی

مین غمه یاندوراردی
ال ایاقین چالاردی
صود ایستیردی گویا
سینمه ال سالاردی

ای سولان گولوم آچماقوی گورنمدیم
اولمادی صودوم سو بالاما ویرنمدیم
الله الله اولدی اصغرغنچه گول تک سولدی

رسمیدی بو صود امر
دورسا یوخو دان سحر
آنا بالانی گورر
سینه سینی صود گزر

سینمی ندن گزمدی صود بالام یسون
اولمادی دلی دردینی هم سوزون دیسون
الله الله اولدی اصغرغنچه گول تک سولدی

ال اوسته اُولدون علی
مقصدی بولدون علی
سرّی ندور بولمورم
اُولنده گولدون علی

پهلوان یخان اوخ ویرولوب بوغازبیچوب
بادة غمی بوگون بالا آنان ایچوب
الله الله اولدی اصغرغنچه گول تک سولدی

یانوبدی نارغمه
گلوب باخور پرچمه
ایستوری حاجت اوغول
دیلده ایدور زمزمه

سسلوری علی کربوبلاده وارگوزوم
(عدلیم ) منیم دلده اولوبدی بو سوزوم
الله الله اولدی اصغرغنچه گول تک سولدی

• شنبه
• 20
• دی
• 1399
• ساعت
• 20:25
• نوشته شده توسط
• یوسف اکبری

عاشق کیمی عشق عالمینی درک ایدن اولماز
غم بارشی گر اوستونه یاغسا بولن اولماز

عاشقدی گوله بلبل شوریده چکور آه
گلموش دیله گول لر بورا بیت الحزن اولماز

پروانه یانار شمعه ایدر جانینی قربان
عشق اهلی بوله عشقیده جان بی فتن اولماز

وامق یوزه عذرادن اوتور گوز یاشی توکدی
مجنون کیمی لیلانی دیوب چول گزن اولماز

عشّاق جهان ایچره حسین عشقینه اَحسن
معشوقه چاتا گیچدی جانیندان گچن اولماز

مستانه گلوب دشت بلاده اولا قربان
عاشور محرمده ایله گون گورن اولماز

گلدی آچا دانشگه دین مکتب قران
منظورونا عالمده حسین تک یتن اولماز

اصحابه بویوردی گیدن اولسا گجه گئتسون
مانع دگولم لیک گوروبلر گیدن اولماز

غربال ایلدی قالدی تمام عاشق ممتاز
درهم دیمه دی سچدی ایله بیر سچن اولماز

صبح اولدی ایچوب جام شهادت هامی یاران
مست اولدولا میدن ایله میدن ایچن اولماز

دورت قارداشی قارداش بالاسی شبه پیمبر
یار محضرینه گیتدی اولاردان گلن اولماز

بیر قالدی فقط ما ملکیندن علی اصغر
سویلردی آتا صود امریم تک سَمن اولماز

آلدی اونودا اللری اوسته آلا تا سو
گوردی جان آلان اوخ گلوری سو ویرن اولماز

اوخ اوچ پریدی کسدی بوغازین قانی آخدی
باخدی آتیا گولدی ایله بیر گولن اولماز

چکدی بوغازیندان اوخی قان قانه قارشدی
قویدی یوزونه قانلی عذاری سیلن اولماز

قویموبدی توکولسون یره قان آتدی سَمایه
سویلری علی صود اَمره قان کفن اولماز

قربانگه عشقه گولودون غنچه چاقیندا
جان بذل ایلدون عشقیوه میزان ویرن اولماز

اصغر غمینی یازسا نقدر « عدلی » قوتولماز
بو نوحه که یازدی بیله غملی سخن اولماز

• شنبه
• 20
• دی
• 1399
• ساعت
• 20:40
• نوشته شده توسط
• یوسف اکبری

ای صفای بهارم اصغر
دلبر گلعذارم اصغر
آمدی و دلم شد روشن
ای تو دار وندارم اصغر
اصغرم اصغرم جان اصغر
درد دل را تو درمان اصغر

شد جهان از وجودت گلشن
شاد شد سرو و باغ و سوسن
عرش و فرش و زمین و زمان
شد ز یمن قدومت روشن
اصغرم اصغرم جان اصغر
درد دل را تو درمان اصغر

ترکی

لايلاي اي غملي جيـــران اوغلوم
لايلاي اي درده درمــــــان اوغلوم
اصغــــــــــــــريم آي گوزل مهپارم
مــــــــن اولوم سنه قربان اوغلوم
اصـــــــغـــريم اصغريم جان اصغر
اي اولان درده درمان اصـــــــــــغر

چــــــشمه عــــزت و رحمت سن
ســـن مـــنـــه در پـر قيمت سن
اي ربــــابــــــــه آلا گــــــوز آهـو
اللهيمدان نه خوش قسمت سن
اصـــــــغـــريم اصغريم جان اصغر
اي اولان درده درمان اصـــــــــــغر

• جمعه
• 26
• دی
• 1399
• ساعت
• 11:17
• نوشته شده توسط
• یوسف اکبری

آیت کبریا ... دلبر مه لقا
کان عشق و صفا .... اصغرم اصغرم
مفخر عالمین ..... شیعه را نورعین
بند قلب حسین .... اصغرم اصغرم

آمدی و دلم شد قرین شعف
پور اربابی و بحر دل را صدف
نوه کوثری ؛ نجل شاه نجف
فخر ارض و سما اصغرم اصغرم

شد ز انوار تو بس خجل آفتاب
بر شب تار من چون تویی ماهتاب
تا ابد ای علی بر تو نازد رباب
درد دل را دوا اصغرم اصغرم

ترکی

اي منيــم دلبــــريم // نازلـــي نيلوفـريم
غـم گوني ياوريم //// اصغــريم اصغريم

خوش گليب سن بـــالا فاني دنيـــايه سن
منيچون سن عجب شانلي سرمايــــه سن
غــــــــزل عشـــــــــقيمه گوزل آرايه سن
اكــبــــــر ديگــــريم اصغـــــــريم اصغريم

نــــور رويـــــون ايدوب شـــام تاري سحر
خجل اولدي گوروب سني شمس و قــــمر
گــــــــوزله گـــــوز ويرميا سنه هر بدنظر
بالاجا رهــــبـــريم اصــــغريم اصــــــغريم

سنــي گـــــورجك بالا اورگيم شاد اولوب
قلــــب اربــــــــــابيدن غصه برباد اولوب
سنــــــــــي گورجك غــم كربلا ياد اولوب
شيــرخـــونــيـــن پريم اصغــريم اصغريم

• جمعه
• 26
• دی
• 1399
• ساعت
• 11:19
• نوشته شده توسط
• یوسف اکبری

اصغری گل/ آل الیمدن /قوش کیمی قانه بویاندی باجی زینب
دگدی پیکان/الیم اوسته /گول بوغازی پارچالاندی باجی زینب
لایلای اوغلوم /لایلای اوغلوم/لایلای اوغلوم لایلای اوغلوم علی اصغر

جلوه گاه /عشقه گلدیم /آلتی آیلیق قوجاقیمدا منه جاندی
سسلدیم ای/ قوم کافر/گورموسوزبس بالامین حالی یاماندی
منه رحموز/ گلمور ای قوم /رحم ایدون اصغریمه لبلری یاندی1⃣
اوچ گجه سو/ ایچمیوبدی/عطشیندن علی یاندی باجی زینب
لایلای اوغلوم /لایلای اوغلوم/لایلای اوغلوم لایلای اوغلوم علی اصغر

خصم دون بیر/ ایش گوروبدی /کون و امکانه بویوک ولوله سالدی
قوپدی طوفان/گون دوتولدی /حرمله تا اله تیروکمان آلدی
چخدی صفدن/اوچ پرالده/ بیله احواله گویین رنگی قارالدی
دگدی اوچ پر/ اوخ بوغازدان /حنجری چشمه قاندی باجی زینب
لایلای اوغلوم /لایلای اوغلوم/لایلای اوغلوم لایلای اوغلوم علی اصغر

بوسه ویردی /اوخ بوغازدان/گولدی پیکانه اونون تشنه دوداقی
یاتمیشیدی /گوزین آچدی/پرپر اولدی گوزلیم غنچه سیاقی
اوچدی روحی /آسمانه/ محسنون جنته یولاندی قوناقی
جنت ایچره/قارداشیما/اصغر الان میهماندی باجی زینب
لایلای اوغلوم /لایلای اوغلوم/لایلای اوغلوم لایلای اوغلوم علی اصغر

داغ داش آغلور/ سینه داغلور/یرگوی اهلی بیله غملی غزلیمدن
اکبریم وار /نه اباالفضل /تا کی آلسونلا بو قربانی الیمدن
نه اورک وار/ نه ده یارا/ال چکم غنچه گولیمدن گوزلیمدن
گل اوزون آل /شیرخواری/گلشن عمری تالاندی باجی زینب
لایلای اوغلوم /لایلای اوغلوم/لایلای اوغلوم لایلای اوغلوم علی اصغر

• دوشنبه
• 29
• دی
• 1399
• ساعت
• 15:22
• نوشته شده توسط
• یوسف اکبری

ای چیخان ظلم الینن جانی اصغر
ای آخان حَلقیدن القانی اصغر

گئدمگه وار اشتیاقون لایلای اوغلوم
چالمـا بیلـه ال ایاقـون لایلای اوغلـوم

لایلای اوغلوم – لایلای اوغلوم

جامة عشقیـوی گل سویمـا اوغلوم
یوخ کسیم گل منی تک قویما اوغلوم
سـاغ صـولا دونمـه یاندیرما بو قلبی
تیـر غملـه بو قلبـی اوویما اوغلوم

یـالامـا بیلـه دوداقیـن لایلای اوغلـوم
چالمـا بیلـه ال ایاقـون لایلای اوغلـوم
لایلای اوغلوم – لایلای اوغلوم

ای ربابیـن مللـر جیـرانی اصغر
ای حسینون گوزل قربانی اصغر
چوخ ئوزوی یورما ای تشنه آهو
بیر دایان رَدّ ائدیم پیکانی اصغر

اسدی غمنن گل بوداقیـن لایلای اوغلـوم
چالمـا بیلـه ال ایاقـون لایلای اوغلـوم

لایلای اوغلوم – لایلای اوغلوم

حرمله وئردی بیر اوخ جانین اَسدی
سر به سر حلقیـوی اوخ اُوزدی،کسدی
دوره دن حالیمـه دشمن چـالور اَل
چیرپینـوب قلبیـمی یاندیرما بسدی

غم ییخا دشمن تُوفاقین لایلای اوغلـوم
چالمـا بیلـه ال ایاقـون لایلای اوغلـوم

لایلای اوغلوم – لایلای اوغلوم

• یکشنبه
• 5
• بهمن
• 1399
• ساعت
• 20:54
• نوشته شده توسط
• یوسف اکبری

بالا اوخلاندی باسوب باغرینا گوز یاش اَلدی
دستمـازین بـالا قـانیلـه حسین تازه لدی
اصغـرین قـدینی شمشیـریله اندازه لدی
فوری بیر قبری قازیب گیزلده ؛ دل یارمیالار
بـاری اصغـر بـاشینـی نیـزه لره وئرمیالار

خرمن جان علی اصغره اوخ اوت قالادی
کاسه صبرینی اوج شعبلی پیکان جالادی
اوخ اوپوبدور بوغازین شاه رگین پارچالادی
گوئیا دشگلوگونه لولو مرجان دوزدی
بو قولاخدان او قولاقه کیمی حلقین اوزدی

رشته الفتی آغلار گوزیله قیردی حسین
اوخلانان صودامرین قبرینه تابشوردی حسین
یاره لی حلقین اوپوب قبره قویوب دوردی حسین
دئدی ای نازلی بالا گور نجه گوزیاش الورم
اله چوخ چکمز اوغول منده دالونجا گلورم

• پنج شنبه
• 9
• بهمن
• 1399
• ساعت
• 23:43
• نوشته شده توسط
• یوسف اکبری

ای اولان دردلر دواسی شاه مظلومان بالاسی
جانیمه اوت سالدی الله بوغازیندا اوخ یاراسی
الیم اوسته چیخدی جانی الله الله
بوغازینان سـوزدی قانی الله الله

اوچ گجه گوندوزدی یارب ایچمیوب سو نیمه جاندی
اوخلانوب نازیک بوغازی پیکری پیوسته قاندی
خیمه ده بی کس آناسی یول گوزتلور ناگراندی
هی دیور الله نظر ات اولماسین باشدا بلاسی

آناسینان من آلاندا واریدی چـوخ سوز و سازی
الیمین اوستونده ایندی پارچالاندی گل بوغازی
قانه باتدی اکبریم تک چوخالـوبدور امتیازی
اصغریم اکبر نشانی عشقوون قاندی بهاسی

بو گلی دردیم گتیردیم دُوندرم بلکه گلابه
اوخلانوب اما الیمده دوشدی جانی پیچ و تابه
جان وئریب شش ماهه اوغلی صبـری وئرالله ربابه
قانه باتدی چون الیمده صود امر دیلسیز بالاسی

حرمله بولدی سوسوزدی اوخلادی عطشان بالانی
یوخدی الله اللریمنن قوزی قربانی آلانی
نه آلان واردی الیمنن نه ده وار قبره قویانی
نیلیک دیلسیزلرینده واردی گویده بیر خداسی

شاهد اُول یارب بو حالدا بالامون قیلدیم نمازین
عرشیده سن ساخلا الله بو شهیدین امتیازین
گویللره یاز بیشدی پیکان بالامون عطشان بوغازین
نه اوتاندی اوخ آتان اَل نه اوخون اولدی حیاسی

چشمه تک رخساره آخدی گوزلریمنن دیده یاشی
قالدی انگشتر الیمده پارچا پارچا اولدی قاشی
توتماسیدیم اللریمنن اوزولردی فـوری باشی
اصغریمده اولدی یارب دینوون قانلی فداسی

شاهین ئولسه بیرجوانی دردین هش وقت چوخلامازلار
تک قالان بیر شاهی آیا یاد ائدوب هش یوخلامازلار؟
رسمیدور دریا یانیندا تشنه آهـو اوخلامازلار
حرمله سیندیردی رسمی واردی یارب چوخ جزاسی

• سه شنبه
• 14
• بهمن
• 1399
• ساعت
• 20:14
• نوشته شده توسط
• یوسف اکبری

حرمله گلدی قباقه اله آلموشدی کمان
ائله حالت یارادوب گونده چکیلدی آرادان
سس گلوب ویرما اوشاقی، بالا قیزلاردان اوتان
قویدی حیرتده دنی، عرش معلّانی باجی

چله دن آیریلوب اوخ دگدی علی اصغریمه
باش بدندن اوزولوب، آخدی باشی اللریمه
قانین آلدیم اله، تقدیم ایلدیم داوریمه
داغدار ائتدی بالام حضرت سبحانی باجی

اوخ دگوب یاندی، ولی دردینی بولدورمه دی بو
اوخ گولدی، منی آغلاتدی نجه عالمده دی بو
عشقه باخ، نهریده عباس کیمی ایچمه دی سو
یاندیروب حیدری هم حضرت زهرانی باجی

او چیچیک اللرینی قویدی کمانین یرینه
گوزلریم تا ساتاشوب حلقیده قانین یرینه
دیدیم الله منی اؤلدور بو بالانین یرینه
نجه چکدوم بوغازوتدان سولی پیکانی باجی

• دوشنبه
• 27
• بهمن
• 1399
• ساعت
• 19:30
• نوشته شده توسط
• یوسف اکبری

شرار عشقه قلبیم یاندی زینب
الیمده اصغریم اوخلاندی زینب
پوزولموشدی حسین،عباس اؤلنده
چکوب شعله دیلیم اودلاندی زینب

گَل نگاریم اؤلدی-شیرخواریم اؤلدی
سسلیون اورکدن،،ایوای علی وای

سوسوز طفلین اولار عالمده نازی
بالامین وار بیر عالی امتیازی
ویروب بوسه،سه پر اوخ حنجریندن
بیچیلدی باش باشا نازک بوغازی

رمزِ عشقی بولدی-جان وئرنده گولدی
سسلیون اورکدن،،ایوای علی وای

بالام یاتموشدی راحت،اوخ اویاتدی
دیدی لایلای او پیکان بیرده یاتدی
دگنده حلقینه اوچ پرلی ناوک
الیمده دیسگنوب القانه باتدی

گل آپار بالانی-باغلیون یارانی
سسلیون اورکدن،،ایوای علی وای

قوجاقیمده منه حسرتله باخدی
منی آخر باخیش یاندیردی یاخدی
دئدی بیر سوز اشاریله الیمده
ویروب سوسو ستارم بیرده آخدی

پوزدی آسمانی-ناله و فغانی
سسلیون اورکدن،،ایوای علی وای

قورومشدی عطشدن گول دوداقلار
بهشته قارداشیم محسن سراقلار
گرک دفن اییلویم بو شیرخواری
قالا یرده بالام،آتلار ایاقلار

وئر خبر ربابه-تاپشوروم ترابه
سسلیون اورکدن،،ایوای علی وای

• سه شنبه
• 28
• بهمن
• 1399
• ساعت
• 23:08
• نوشته شده توسط
• یوسف اکبری

قالانی اولمادی میداندا باخوب صودامره
بیر اشاریله دیدی زینب خونین جگره
آند وئردی باجوسون قانه باتان میخ و دره
دئدی زینب قالانوم اولمادی چارم کسیلوب
دئ ربابه بالانی وئر،الیم الدن اوزولوب

باغبان آلدی اله خیمده گول دسته سینی
قونداقین ردّ ایلدی اؤپدی اول سینه سینی
آپارور قتلگهه محسنین آیینه سینی
عرشیان گلدی تماشایه،چکوب شوقیله صف
گیدیری بحر کرم الده دوتوب درّ شرف

گوز یاشی سیل کیمی هر قدم آتدوقجا آخور
آه چکدوقجه جنانی شرر آهی یاخور
گه گئدیر گه دایانور غنچه ی عطشانه باخور
یتشوب لشگر اعدایه او دلخسته امام
دیدی رحمیز بونا گلسین،اؤلوری تشنه بالام

آیریلوب حرمله صفدن الینه آلدی کمان
سوزون آغزیندا قویوب شاهین اودم کینه روان
صول گوزون یومدی دیزین ویردی یره دوتدی نشان
اوخ گلوب زوزه کشان،حلقینه قانه بویادی
آیروب باشی بدندن،یارا گور نه یارادی

• سه شنبه
• 28
• بهمن
• 1399
• ساعت
• 23:15
• نوشته شده توسط
• یوسف اکبری

تهنیت سویلیین صاحب زمانه
دییون بولبولره،اوخی ترانه
سوروشساگربیری نولوب،دیون سیز
حسینین دلبری گلیب جهانه

ـــــــــ
هم نام بوتراب ـ مجنونی شیخ وشاب
آغوشینه آلیب ـ لای لای چالار رباب

باب الحوائج یا علی اصغر

منزل شاه دین اولوب چراغان
اولوب چون ستاره جمالی رخشان
عروس فاطمه گتیردی بیر گول
جمالین کیم گوروب قالیبدی حیران
ــــــــــ
زیبا جمالیدی ـ قاشلار هلالیدی
مجنون ائدن بیزی ـ ساغ یوزده خالی دی

باب الحوائج یا علی اصغر

عالمین دردینه گلیبدی چاره
گوشه چشمیله ایتسه اشاره
خیرداجا اللری مشکل گشادی
چوخ دویونر آچیب بو شیرخواره
ــــــــــــ
باب رجا گلیب ـ مشکل گشا گلیب
سرباز کوچکِ ـ کرب وبلا گلیب

باب الحوائج یا علی اصغر

بند قنداقینه چنگ ویرالار
عاشقانه چوخی حاجت آلالار
هرکیمین گویلونه دوشسه زیارت
ربابین اوغلونا لای لای چالالار
ـــــــــــ
باب کرم گلیب _ بیرمحترم گلوب
عاشقلره یازا ـ بین الحرم گلیب

باب الحوائج یا علی اصغر

• یکشنبه
• 1
• فروردین
• 1400
• ساعت
• 18:03
• نوشته شده توسط
• یوسف اکبری

قدرتین ایتدی نمایان/عالمینه ذات سبحان
بیر اوغول ویردی حُسینه/کیم گوروبدی قالدی حیران

گول یوزی چوخ با صفادی
سسلیون اصغردی آدی

یا علی اصغر مدد۳

ایتدی نور حقّ تَجَلّا/روشن اولدی بیتِ مولا
یثرب اولدی رَشکِ جَنَّت/بیر گل آچدی باغ زهرا

مژده ویر آلِ تُرابه
پای ویروب الله ربابه

یا علی اصغر مدد۳

عشقی هر بیرقلبه دولماز/گوزدن اهلِ عشقی سالماز
قنداقین هرکیمسه دوتسا/دیلده اصلا دردی قالماز

مَلجَأ اهل وِلادی
گول آدی درده دوادی

یا علی اصغر مدد۳

غنچه ی گلزار زهرا/شیعیانه ایلر اعطا
تذکره ی کربلانی/ایلیَر ششماهه امضا

گول آدی دیللرده رایج
سسله یا باب الحوائج

یا علی اصغر مدد۳

(بیکَس)اولما بیله بیتاب/ایت همیشه حفظ آداب
هم سنه هم اهلِ عشقه/کربلانی یازسون ارباب

الده وار یاخجی بهانه
مژده ویر صاحب زمانه

یا علی اصغر مدد۳

• یکشنبه
• 1
• فروردین
• 1400
• ساعت
• 18:08
• نوشته شده توسط
• یوسف اکبری

بیر نچه لحظه گَلون صدقیله نیّت ائده‌گون
اصغرین شام غریبانینه باهم گئده گون

بالا ئولسه آنانون قلبین ائدر غصّه کباب
گورک آیا هله نیلور ئورگی داغلی رباب

یابومحفلده ائله عهدو وفا باغلاشاقون
وئره گون باش باشا دیلسیز ئولنه آغلاشاقون

گرچه شیعه بو عزا خانه نی گوزدن آتماز
هیچ عزا خانه یانان خیمیه امّا چاتماز

اصغرین دوزدی که آرتوبدی ئورک داغلیانی
بیرده گلمز اورانون اوخشیانی آغلیانی

سسلر ایچره تانونار قلب کباب اوخشاماسی
اولماز هئچ اوخشاما عالمده رباب اوخشاماسی

• شنبه
• 7
• فروردین
• 1400
• ساعت
• 12:22
• نوشته شده توسط
• یوسف اکبری

تیر ظلمیله نشانه - بالام ایوای (۲)

بویانان قونداقی قانه - بالام ایوای (۲)

قالمیشام دل داغلی - جان ویرن قول باغلی

اصغریم لایلای (۲)

اوچ گیجه نار عطشده یاندون

صبرون آزالدی جانه دایاندون

نسگلون گیتمز - دلدن ئولنجه

شه قوجاقینده - قانه بویاندون

آناوام یاننام غمونده - ملرم من

یوزه گوز یاشین همیشه - الرم من (۲)

سارالان ریحانیم - سنه قربان جانیم

یاندی بو چولده - سوسوزدان - خردا جیرانیم

اصغریم لایلای (۲)

آناوین گوز یاشی دائم - آخار آغلار

گیجه گوندوز قونداقیوا - باخار آغلار

بشیگون بوش قالدی - منی درده سالدی

اصغریم لایلای (۲)

عطریوی گوللر آچاندا آللام

قلبیم داریخار - نه حاله قاللام

اولدوزلار گویده - باتاندا اوغلوم

سنی حسرتله - خیاله ساللام

دیرم اولدوز سایاقی باتدی اوغلوم

آناسین گوزدن سو اوسته - آتدی اوغلوم

قالمیشام آواره - دردیمه یوخ چاره

باشیمه سن‌سیز - ئولنجه - باغلارام قاره

اصغریم لایلای (۲)

• چهارشنبه
• 11
• فروردین
• 1400
• ساعت
• 22:26
• نوشته شده توسط
• یوسف اکبری