اشعار حضرت علی اصغر علیه السلام

عصرين امامي قوي اوخويوم اوخشاما سنه
صبــر ايلسين بوغصــّه ده الله عطـا سنه

جانلار فدا حسينيله شش ماهه اصغره
اولموش بو ماجرا بيلورم برملا سنه

گلدي امام آلدي عليني ربابيدن
بيللم بويوردی سويگلي دور بوبالا سنه

امّا عليني دينه گرگ من فدا ويرم
چاتميش رباب! نوبت هر ابتلا سنه

گلدي داياندي لشگر عدوانه روبرو
تأثيرايدوب ديدی بالا ايستي هوا سنه

اصغرداريخما حرمله سيراب ايدر سني
بونّان علاوه تشنه ليگ اولماز روا سنه

آغزيندا قالدي سوزآقانين؛ قوپدي هاي هو
مولا !! بوغمده آغليوري ماسوا سنه

اوخ سيرايدورهواده يوموب گوزلرين حسين
قاتل ترحّم ايلمدي هيچ بالا سنه

نازك بوغازهارا بالا اوچ شعبه اوخ هارا
بيلّلم داخي بيله يارادان يوخ دوا سنه

گؤزلوريولون ننم اوني چوخ قويما ناگران
لايلاي چالار بهشت ده اول با وفا سنه

قوي(آذرين) قرا يوزي اشكون ترايلسون
شايد حسين(ع) شفاعت ايدنده باخا سنه

• پنج شنبه
• 25
• دی
• 1399
• ساعت
• 09:28
• نوشته شده توسط
• یوسف اکبری

اصغريم ايچدي ظلميله سو عوضينده قان باجي
حلقي اولوبدي اوغلومون اوچ پر اوخا نشان باجي

روز ازل بلا يازوب چون حق ذوالنعم منه
يتميش ايكي فدا لري زينت ايدوبدي گلشنه
اصغر شيرخواره ني ايلدي باش گيدنلره
باب الحوائج ايلدي اوغلومي ذوالمكان باجي

سولدي چمنده گوللريم گيتدي هامي فدالريم
اكبر و قاسميم اؤلوب قالدي اؤركده اللريم
علقمين اوسته دوغرانوب ماه منير لشگريم
فديه لريم تمام اولوب اصغريدي قالان باجي

سسلديم اوندا يوخ منه بير نفر ايلسون مدد
كوفه ليدن سس اولمادي گلدي صداي بيرولد
من هله قالموشام بابا سانما كي قالموسان احد
ويردي رباب اوز گولون /جيسميمه گلدي جان باجي

اللريم اوسته اصغري گتديم اولا منه فدا
گورنه تلظي ايليور سسلديم اي قوم دغا
رحم ايليون سوسوزدي بو گرمنه رحموز اولماسا
سو يرينه اوخ آتديلار عالم ايدوب فغان باجي

اوخ هدفه دگن زمان فاطمه ناله ايلدي
غملي ربابين اوغلوني تير سه شعبه پيلدي
گولدي بالام من آغلاديم اوندا رقيه نيلدي
ذبح ايلدي سه شعبه اوخ حنجريني گمان باجي

اوپديم علي اصغرين پارچالانان بوغازيني
خود بخود آخدي گوزلري قيلديم اوزوم نمازيني
باغريما باسديم اونداكي فاش ايليوردي رازيني
راز ديلين بونوعيله ايتدي منه بيان باجي

سويلدي قوي رقيه ني سوز عطش كباب ايده
قتلگهه گتيرمه قوي عمه ميلن اسير گيده
تشنه قوناغي كوفيلر ياخجي ايدله بدرقه
حرمله بيلسه تشنه دي حلقين ايدر نشان باجي

قلبووي قانيلن عجين ايله سه غملر (آذرين)
صدقيله يادوه گتير اوخلي بوغازين اصغرين
قانين آتان زمان ديدي عرشه طرف شه مبين
شيعه لرين شفاعتين ايليجك بوقان باجي

• پنج شنبه
• 25
• دی
• 1399
• ساعت
• 09:34
• نوشته شده توسط
• یوسف اکبری

جشن مطهردی - گویا کی محشردی - میلاد اصغردی جانلار فداسی
دلبند حیـدردی – جـان پیمبــردی – میلاد اصغردی جانلار فداسی
گلـدوخ بو آستانه * لطف ایله عیدیانه
دعوت اله بوجمعی * کربـلا و جمکـرانه
لایلای علی صغر

ای مـاه تابانیـم - ای شمـس رخشانیـم - قربـان سنـه جانیم ای شاه محشر
سن ماه رخشانسان – عشق اهلینه جانسان – جنتده سلطانسان ای شاه محشر
سن سن دیر و کنشتیم * عشقوندی سر نوشتیم
یـوخ جنتـه نیـازیـم * کربلادی چون بهشتیم
لایلای علی صغر

ای دُر نایابیم - پَرتولی مهتابیم - شش ماهه اربابیم قربانین اولام
جود و نتایج سن – درده معالج سن - باب الحوائج سن قربانین اولام
دیلده آدون اولوب حک * تک سن باباون علی تک
جشــن تـولـودونـدی * عـالمللــره مبــارک
لایلای علی صغر

• پنج شنبه
• 2
• بهمن
• 1399
• ساعت
• 22:03
• نوشته شده توسط
• یوسف اکبری

حسینون شش ماهه سربازی
نوگل نازی – یار جانبازی –
یاعلی اصغر
مبارکدی جشن میلادون
بو گوزل آدون - ائدی تن نازی
یاعلی اصغر
سنون میلادون نه زیبادی
آدیوه قربان اهل معنالر
کُل دنیالر – همده دریالر
جانِ جانسان
اوشش ماهه عمروه قربان
آلتی آیلیخدا ثابت ائدون
سن درده درمانسان ،روح ریحانسان
قهرمانسان
علی جانم یا علی جانم
من اوشش ماهه عمره قربانم
یاعلی جانم یاعلی جانم

حسینون سن کهکشانینده
سانکی اولدوزسان یوخ اینان مولا
عشقیلی آی سان
اگرچه جسمون اولوب اصغر
هم آدون اصغر شأنیده اما
اکبره تای سان
سنون قانین دین اسلامه
تازه جان وئردی اولدب پیرایه
تاپدی سرمایه - اولدی پرمایه
دین و قران
سنه مدیوندی علی اصغر
دین و آئین و مکتب و عرفان
روح جاویدان - آیة قران
نسل انسان

یقینیم وار سن کیمی شاهه
باغ جنتده اوز عمون محسن
حتمی یولداشدی
علی جان ای شاه شش ماهه
آندولا حقه بـو گـوزل آدون
هـر نـدن بـاشدی
آدون چون باب الحوائچدی
دردمندانین دردینه مولا
ایله بیر چاره – گلموشوک زاره
یاعلی اصغر
غمونده دائم یانار سینم
تا دوشر یاده یاره لی حلقون
باشه مولا جان – باغلاروخ قاره
یاعلی اصغر

• پنج شنبه
• 2
• بهمن
• 1399
• ساعت
• 22:05
• نوشته شده توسط
• یوسف اکبری

اصغر ای نـوگلِ خندان حسین
اصغر ای پاره ای از جـان حسین
اصغر ای طفل دبستان حسین
اصغر ای شیـر نیستـان حسین
اصغر ای چِلچِلـۀ آل تُـراب
اصغر ای مَـه رُخ و دلبنـد رباب
اصغر ای شـاپـرک اهـل ولا
اصغر ای نـابغــۀ کـربـوبـلا
اصغر ای عشـق خـدای اَزلی
اصغر ای جـان حسیـن بن علی
اصغر ای نام تو سوداگر عشق
فاش گویم که تویی رهبر عشق
اصغر ای فـاخرۀ عرش زمین
نوکـر و چـاکرِ تـو روح الامین
اصغر ای سـرور اَحـرارِ زمان
اصغر ای قلب زمـان را ضَـربان
اصغر ای ماه درخشـان رباب
اصغر ای پـاکی دامـان رباب
اصغرای نورِ دو چشمانِ رباب
نَـوۀ فـاطمـه و جـانِ ربـاب
پادشـاهان جهـان بنـدۀ تو
نهـر علقم شـده شرمنـدۀ تو
ساقیَ چشمۀ کوثردی بابان
علقمـه وار نه نیـازون آقا جان
تشنه لیک حَدینه سن تاب الدون
شرمیدن علقمی سن آب الدون
آدون اصغردی مقامون اوجالوب
پهلـوانلار بو آدونان گوج آلوب
فاطمه سفره سینون داد دوزوسان
کربلا صحنه سینون الدوزوسان
چاره سیز درده معالج سن آقا
آخی سن باب الحوائچ سن آقا
سن حسینون دلینون پاره سی سن
سن بوتون دردلریمون چاره سی سن

• پنج شنبه
• 2
• بهمن
• 1399
• ساعت
• 22:11
• نوشته شده توسط
• یوسف اکبری

در اهنگ ( بخدا دنیا رو نمیخام )

جانیمه اوت سالدی الله بوغازیندا اوخ یاراسی
الیم اوسته چیخدی جانی الله الله
بوغازینان سـوزدی قانی الله الله

اوچ گجه گوندوزدی یارب ایچمیوب سو نیمه جاندی
اوخلانوب نازیک بوغازی پیکری پیوسته قاندی
خیمه ده بی کس آناسی یول گوزتلور ناگراندی
هی دیور الله نظر ات اولماسین باشدا بلاسی

آناسینان من آلاندا واریدی چـوخ سوز و سازی
الیمین اوستونده ایندی پارچالاندی گل بوغازی
قانه باتدی اکبریم تک چوخالـوبدور امتیازی
اصغریم اکبر نشانی عشقوون قاندی بهاسی

بو گلی دردیم گتیردیم دُوندرم بلکه گلابه
اوخلانوب اما الیمده دوشدی جانی پیچ و تابه
جان وئریب شش ماهه اوغلی صبـری وئرالله ربابه
قانه باتدی چون الیمده صود امر دیلسیز بالاسی

حرمله بولدی سوسوزدی اوخلادی عطشان بالانی
یوخدی الله اللریمنن قوزی قربانی آلانی
نه آلان واردی الیمنن نه ده وار قبره قویانی
نیلیک دیلسیزلرینده واردی گویده بیر خداسی

شاهد اُول یارب بو حالدا بالامون قیلدیم نمازین
عرشیده سن ساخلا الله بو شهیدین امتیازین
گویللره یاز بیشدی پیکان بالامون عطشان بوغازین
نه اوتاندی اوخ آتان اَل نه اوخون اولدی حیاسی

چشمه تک رخساره آخدی گوزلریمنن دیده یاشی
قالدی انگشتر الیمده پارچا پارچا اولدی قاشی
توتماسیدیم اللریمنن اوزولردی فـوری باشی
اصغریمده اولدی یارب دینوون قانلی فداسی

شاهین ئولسه بیرجوانی دردین هش وقت چوخلامازلار
تک قالان بیر شاهی آیا یاد ائدوب هش یوخلامازلار؟
رسمیدور دریا یانیندا تشنه آهـو اوخلامازلار
حرمله سیندیردی رسمی واردی یارب چوخ جزاسی

• شنبه
• 4
• بهمن
• 1399
• ساعت
• 20:20
• نوشته شده توسط
• یوسف اکبری

دئیـورم بـو سـوزی تأییـد الییـه مُنصـف لر
اصغـریـن گـوزلرینـه قـربـان اولا یوسـف لر
قوی دئییم سینه لـروزده چوخادیم تاب و تبی
اوپمگـه قنـداغینـی نُوبـه چکـور خضر نبی
قنداغین بوس الینللر او قـدر چوخدی کی؛ گر
قـوجـالار خضـر نبـی نـوبتینـه دورسا اگر
فاطمـه سینـه سی اصغـر آقامیـن بالشدی
دردمنـده کـرم اِتمـاق الـه اصغـر ایشیدی
حـوری لر جنـت العـاده اونـون غمکشیـدی
یوسف و نـوح نبی دائمـی جـارو کشیـدی
قطـره قطـره ییغیشا بیـر یئره گـر دریـالر
تـوپلاشـا بیـر یئره گـر مـه رُخ و هـم زیبالر
چوخـالا یونـس و یحیـائیلـه هـم عیسی لر
یـوسف و نـوح و سلیمـانیلـه هـم موسی لر
یاخچیلیخلاری ییغـوب پیسلیغـی کم ایلییَلر
یئر گویـون نابغـه سین بیـر یئره جم ایلییَلر
اولاریـن هامـوسینی بیر بیر مخلوط ائده سن
حقیدن اذن آلاسان صونرا اونی فوت ائده سن
اولارین ترکیبی ، مخلوطی اولار بیـر گوهـر
هلـه شـایـده اولار اولمیـالار بیـر اصغـر

• جمعه
• 10
• بهمن
• 1399
• ساعت
• 20:21
• نوشته شده توسط
• یوسف اکبری

مُحرران وفا مُنشیان محنت و غم
ائدوبله اوّل سرلوحه ده بو نوعی رقم

خرابه نون قاپوسیندا اسیر قوم عناد
امام مُفترضُ الطاعه سیّد سجاد

دوروب ائدردی تماشا ملول و دل ناشاد
گوروب بیر آهونی صید ایلیوبدی بیر صیاد

کئچنده آهو دونوب باخدی بیر امامه طرف
دیردی باطناً ای ابن شهریار نجف

ترحم ائت منه ای پادشاه عالمیان
ئوزوم دچار قالوبدور ایکی بالام ویلان

چاغوردی اوچونی فرزند سرور بطها
خلاص ایله بویوردی بونی رضای خدا

گئدوب بالالارینون حال زارینی بیلسون
قالوبلا آج اولارا صود وئروب گنه گلسون

اگر قیتمسه من ضامنم بو آهویه
بهاسینی وئرورم گرچه گئتسه هر سویه

دونوب امامه باخوب حیرتیله اول صیاد
شمادتیله دئدی ای اسیر دل ناشاد

اگر سنون بو قدر ثروت و جلالون وار
خرابه دن و بو زنجیردن ئوزون قورتار

الین اوزاتدی یره سرور حجاز و عراق
گوتوردی وئردی او صیاده بیر اووج تپراق

ائدنده تپراقا صیاد دقتیله نظر
نه گوردی تپراق اولوبدور تمام دُر و گهر

دوشوب ایاقینه عرض ائتدی کیمسن ایله بیان
آتام آنام ئوزوم اولام آقا سنه قربان

بویوردی حجت باری منم امام زمان
آتام حسیندی سوسوز کسدیلر باشین دالیدان

یوزون ایاقینه قویدی به دیدهٔ گریان
دیردی عجزیله العفو یا امام زمان

دوروب آچوب ال ایاقین بوراخدی حیوانی
ئوزوندن ایلدی راضی امام والانی

خلاص اولجاقین آهو قویوب بنای فرار
او قدر گئتدی که تا گوز ایویندن اولدی کنار

دوروبدی اوچی ولی کئچمدی او قدر زمان
ایکی بالاسی یانیندا یتیشدی اول حیوان

دوشوب ایاقلارینا اذن وئردی گوز یاشینا
دوروب امام زمانون دولاندیلار باشینا

دیردی باطناً عهدیم باشا یتیردیم آقا
بو ایکی طفلیمه صود وئرمدیم گتیردیم آقا

دولوبدی دوشلریم ای پادشاه هر دو سرا
اجازه وئرسون اگر صود وئرم بالالاریما

بویوردی آهویه اول یادگار ختم مآب
آپار بالالاروی ائت خرابه ده سیراب

گتوردی گوشهٔ ویرانیه ایکی بالانی
آلوب آرایه ایکی صود امر بالا آنانی

اَمَردیلر ایکی یاندان باخاردی آل الله
خانملارون آراسیندا گوروبدیلر ناگاه

اوجالدی ناله علی اصغرون آناسیندان
خرابه نالیه گلدی اونون نواسیندن

دیردی گل آنون ئولسون گُلیم سولوبدی بالا
هایانداسان علی جان دوشلریم دولوبدی بالا

بالا قوجاقیمه گل آغلا بیر دیوم جان جان
او‌گل کیمی سارالان رنگوه آنون قربان

بیر آز قالوبدی چخا جانیم اشتیاقوندن
خرابه ده یانارام من سنون فراقوندن

ندندی گلمز اجل قورتارام من ناشاد
آنوی یاخشی ملر قویموسان ایوون آباد

گل ای قویان منی هجرینده یانه یانه بالا
خدنگ قامتیمی دوندرن کمانه بالا

بو نسگیلون آنوی یاندیرور آنون ئولسون
نه نوعی تاب ائلدون تیر جانستانه بالا

چالاندا سن ال ایاق اولمادیم یانوندا سنون
یانار یانان اورگیم آتش نهانه بالا

هامی آنا بالاسین قتلگاهیدن تاپدی
تاپانمدیم سنی باغریم دولاندی قانه بالا

علی ئوزون باباوین سینه سینده یات راحت
آنوی قویگیلا ویرانه لرده جانه بالا

بیلوبدی باب کرمسن دخیل درگاهون
گلوب امیدیله«منعم»بو آستانه بالا

• چهارشنبه
• 15
• بهمن
• 1399
• ساعت
• 21:42
• نوشته شده توسط
• یوسف اکبری

آلدی آغوشه حسین بیرصودامر قونداقینی
لشگره وئردی نشان طفلِ لب عطشان، باقینی
حرمله بیرظلم ایدوب طاق ایتدی زهرا طاقینی
باش آچوب جنتذه زهرا، نالیه سارا گلوب

گوردی قانیله بویاندی تحفهٔ برجسته سی
خیمیه قیتردی بیر قونداق، دولی گول دسته سی
سسلدی گَل ای باجی ای درد و محنت خسته سی
خیمدن مغموم او ساعت زینب کبریٰ گلوب

گوردی آغوشه آلوب خورشید دین بیر اولدوزی
آغ گِینمیشدی گئدنده ایندی گلدی قرمزی
بیر سوال ایتدی حسیندن او گلرگلمز اوزی
بو سولان گلزاره آیا غنچهٔ زیبا گلوب؟؟؟

گلدی باغ مصطفانین اول خوش الحان بلبلی
آلدی قارداشدان باسوب آغوشه اول خندان گولی
سسلدی ای غنچه گول،، ای بو غریبن سوگلی
سن کیمی هانسی گوله آیا بئله ایذا گلوب

اصغری بلی نشان وئردی حسین اهریمنه
گر یازام سو ایسته دی، اوج خیانتدور دینه
فاطمه اوغلی دئمز سعد اوغلونا سو منه
گر دئسم سو اوسته یالواردی حسین اغیارینه
یوخ جوابیم حشریده عباس پرچمدارینه

• شنبه
• 25
• بهمن
• 1399
• ساعت
• 22:41
• نوشته شده توسط
• یوسف اکبری

آلدی آغوشه حسین بن علی گول دسته سین
باخدی او عطشان دوداقلاره، اؤپوبدی سینه سین
شه آپاردی سمت میدانه شرف آیینه سین
شه گیدیر اما دالیجا لشگر حورا گلور

ناگهان صفدن چیخوبدی، الده تیری حرمله
تیتردی ارکان خلقت، عرشه سالدی زلزله
اوچ پر اوخ قویدی کمانه، باخدی گول الده گوله
گوردی شاهی اللرینده بیر گل زیبا گلور

تیری چکدی،صول گوزون یومدی، دیزین ویردی یره
بیر حسینه باخدی بیرده باخدی دیلسیز اصغره
اوخ اوتورلندی کماندان بوسه ویردی حنجره
سو اوتاندی،نالیه قانه دونن دریا گلور

ایلدی راحت او طفلی قانیلن گهواره سی
گولدی، یاتدی چیخمادی شهزاده نین اصلا سسی
عرش و فرشی داغلادی اما ربابین ناله سی
وا علی اصغر نواسی ایندیده گویا گلور

آغلادی اطفال شاهین حالینه بیگانه لر
شعله چکدی خیمه ده یاندی دل پروانه لر
ال باشیندا مقتله قاچدی سوسوز پروانه لر
گوردی مولا قتلگاهه زینب کبری گلور

یازمارام من قتلگاهی صبریم ماتم کسیر
جنگ قورتولدی، اؤلن اؤلدی، قالان اولدی اسیر
نیلدی غارت گونی اهل ستم یازما «فقیر»
غارتین آدی گلنده، نالیه طاها گلور

• دوشنبه
• 27
• بهمن
• 1399
• ساعت
• 20:04
• نوشته شده توسط
• یوسف اکبری

دگوب تیر محنت بو جانه
دونوبدی بهاریم خزانه
سنه دگدی تیر سه شعبه
منیم قسمتیم تازیانه

لای‌لای یارالی یارالی نگاریم
خداحافظ ای شیر خواریم

سنه یاندیرودی حرارت
منی یاندوردی خجالت
سنه دگدی تیر سه شعبه
منه دگدی زخمِ فراقت

لای‌لای یارالی یارالی نگاریم
خداحافظ ای شیرخواریم

دیلیم بو غمه چوخ آلیشدی
اوزوم خونِ اشکه قاریشدی
اؤپنده او عطشان دوداقین
دیلیم لبلریوه یاپیشدی

لای‌لای یارالی یارالی نگاریم
خداحافظ ای شیر خواریم

اولار طفلین عالمده نازی
گولوب اویناماقدی،نیازی
مگر واردی بیر شیرخوارین
کسیلسن باشا باش بوغازی

لای‌لای یارالی یارالی نگاریم
خداحافظ ای شیرخواریم

منیم محنتیم چوخ چوخ اولدی
نه‌یم وار بو چولده یوخ اولدی
منی سیندیران کربلاده
سوسوز لبلر، اوچ‌پر اوخ اولدی

لای‌لای یارالی یارالی نگاریم
خداحافظ ای شیرخواریم

• دوشنبه
• 4
• اسفند
• 1399
• ساعت
• 23:13
• نوشته شده توسط
• یوسف اکبری

ای قوزی قربانیم
لایلای علی لایلای
سنه قربان جانیم
لایلای علی لایلای

لایلای علی لایلای لایلای علی لایلای

اولدوز باتار باتما
آناوی آغلاتما
آچ گوزلرون یاتما

باخ بو رخ زرده
یا بو آه سرده
سالدون منی درده

ای قانینه غلطان
آنان قالیب حیران
جانیم سنه قربان

گیتمه دیدیم گیتدون
سینمی ترک ایتدون
قان ایچدون قیتدون

قورییب لبلرون
باغلادیم اللرون
عفو ایله مادرون

مقصودیوه چاتدون
قانون ایچدون یاتدون
ربابی آغلاتدون

دردیم منیم چوخدی
بیر همدمیم یوخدی
قاتیلون بیر اوخدی

اوچ پر اوخا گولدون
سوزشین بولموردون
نه تز اوغول ئولدون

یوخ قلبیمون تابی
یوخ دردین حسابی
یاندیردون ربابی

روحوم چخور تندن
اوغول کوسمه مندن
شرمندیم سنن

باد خزان اسدی
غمون منه بسدی
اوخ حلقوی کسدی

گوزوم گرک دولسون
عمروم گولی سولسون
حرمله شل اولسون

(بیکَس) نواخاندی
گوزلری ایسلاندی
بسدی قلم یاندی

• جمعه
• 22
• اسفند
• 1399
• ساعت
• 21:40
• نوشته شده توسط
• یوسف اکبری

گوز آچ ای منیم امیدیم بئله یاتما اصغریم وای
سحر اولدوزوی باتان تک بئله باتما اصغریم وای

لایلای علی بالام یات
لایلای علی گلوم یات

نچه آیدی دوشموشم من غم و درد و ابتلایه
منی ناقلر یوروبدی یتیشینجه نینوایه
کاش ئولوب یتشمییدیم من اوغول بو کربلایه
بورا من قدم قویاندان اولدی ناله ازبریم وای

بو خراش اولان سینمده یالار اوغول ساغالماز
آناوین شکسته گویلون بیری دیندیروب آلانماز
سنی آلدیلار الیمدن بو رباب اُلر دا قالماز
نولی من فدا اولییدیم سنه ای گل تریم وای

سنه اوچ گجه گونوز من دیدیم ای اوغول آز آغلا
بله پوزما اوز اوزون سن بو یارالی قلبی داغلا
دیمدیم کوسوب دانیشما چاره یوللّارینی باغلا
دییرم دور ایندی آغلا یادگار اکبریم وای

سو امیدینه اوغول من آتاوا سنی ویرنده
رحم ایدر دیدیم بو لشگر حالوی سنون بولنده
آیری حاله قالمیشام من اوخلی حلقوی گورنده
حرمله سنه سو ویردی ای گول اوزلی دلبریم وای

من سنون امیدیویله گلمیشم اوغول عراقه
(بیکَسم)یوخومدی طاقت سوز محنت و فراقه
بعضی وقت گلور اوزاقدان آغلاماق سسون قولاقه
عالم خیالی گورّم آغلور ایندی اصغریم وای

• جمعه
• 22
• اسفند
• 1399
• ساعت
• 21:47
• نوشته شده توسط
• یوسف اکبری

اَماندی گوزله بَشَر، عُمرووی سن ایتمه خراب
یخینلشور اَجَلون اِیْله فکرِ روزِ حساب

گلور قاباقدا او گونکی، چَکَلله مَحکَمیه
گَرَک جواب ویره، کردگاره، شِیخیله شاب

خدای عالَمیان اَمریدور، یالان اولماز
کی ذرّه لر ساییلار، موقعِ حساب و کتاب

تمام عُمرِ بَشَر،انتخابه باغلیدی بَس
کی حق یولون گیده یا باطلی، اَیا اَحباب

هر انتخابه ولی اَلده اولماسا بُرهان
او انتخاب اولاجاق، مایه ی بَلا و عذاب

اگر سَنون باخیشون عالَمه دقیق اولسا
دوز انتخاب ایلیوب، اولماسان داخی بیتاب

او کَسکی رأیی نی ساتدی ناهاره یا شامه
یقین خیانت ایدوب مسلمینه یوخدی جواب

هَرَه عمل لرینه، عاقبت ویرر پاسخ
نه چون مساوی دگول دهریده شَرابیله آب

غلط آداملارا سن اولما نَردُبان ای دوست
اولار دییَن سو دگول، تَشنیه ویره لّه سَراب

وَلیک یاخجی لارا ایتمه سن حمایت اگر
زُبیر تک اولاجاقسان جهاندا خانه خراب

اَزَلده تیغ چکوب شاهِ اولیایه زُبیر
گوروب برابر اولانماز یقین، عُقابه، ذُباب (مَگس)

نه جَنگ ایدوب نه ده یار اولدی حیدره گیتدی
دیدی کی بیطرف اوللام، اوزون ایدوبدی مُجاب

وَلیک بولمه دی حقّه او کَسکی یار اولماز
جهنّم اهلی اولارعاقبت بویوندا طناب

فدا اولوم آدینا حُرّه باخ، یولون تاپدی
بولوبدی حَقّی، آتوب کُفری، فوری ایتدی شتاب

سالوب اَشاقه باشین عرض ایدوب امامه بویور
گوروم کی توبیه یول وار، و یا کی واردی عِقاب

بویوردی باشیوی قووزا، بیزه قوناقسان سن
اَماندی عارضیوه، اَشکی توکمه مِثلِ گُلاب

جهاندا کیم باش ا‌َگَه، اَهلِ بیتِ اَطهاره
یقیندی گورمیه جاق حَشریده اوکیمسه عذاب

ویروبله دینه فدا، چوخ آنا، بالالارینی
وَلیک آز آنا وار، معرفتده مِثلِ رُباب

عروسِ فاطمه نی حَرمله سالیب دَرده
بیر اوچ پَر اوخ،خانیمین روزگارین ایتدی خَراب

او اوخ کی ووردی عَلمداره مثلینی ووردی
او صود اَمَر بالیه، حَرمله ایدوب بی تاب

نَلَر اولوب دیمَرَم، اوخ دَیَنده دیسگیندی
دوباره اَللری اوسته امامین ایلدی خواب

گَلَنده نعشی خیامه قیامت اولموشدی
بویوردی زینبه گَل آل، بالام اولوب سیراب

آناسینا خَبر اِیْله، دا آغلامور یاتدی
قوتاردی گوللرینی، باغبانِ آلِ تُراب

ربابه باخ بالاسین گوردی عرض ایدوب شاها
بالام فدا سنه ای یادگارِ خَتمِ مَأب

کیچیکده اولسا هَدیه م بویوک حساب اِیْله
فدا اولوم سنه قَلبون، بو نوعی ایتمه مُذاب

مین اوغلوم اولسا فدا دینه، راضییَم سوز یوخ
مَباد، غُصّه لی گورسون، سنی بو لشگر اَعراب

ویریبدی درسِ وفا، عالَمه رباب خانیم
وَلیک اوخشاماسی عالَمی ایدردی کَباب

دییَردی بَختیمون ای اولدوزی نه تز باتدون
سنی گورونجه بوحالیله کاش ئولیدی رُباب

بو (بیکَسین) بولوسن سن اُمیدی سن اوغلوم
گوزون تیکوب اَلیوه دوت اَلین به روزِ حساب

• چهارشنبه
• 27
• اسفند
• 1399
• ساعت
• 23:09
• نوشته شده توسط
• یوسف اکبری

بو گجه بیت حق تاپدی آیری صفا
گلدی چون عالمه بیر گول اوزلی بالا

وارثِ نام و یادِ حیدردی
نامِ زیباسی علی اصغردی

باب الحوائج یا علی اصغر

بو بالا گلیبدی زیبِ گُلشن اولسون
یاحسین گوزلرون آقا روشن اولسون

دوزدی کی گویچک آدی اصغردی
سینّی خیردادی اوزی اکبردی

باب الحوائج یا علی اصغر

آناسی،عمّه لر آغوشه آلیبدی
هره بیر دیلیلَن بیر لایلای چالیبدی

زینب سویلردی آتاما بنزر
قاش گوزوندن ده آناما بنزر

باب الحوائج یا علی اصغر

گول یوزوندن اونون مِهر و مَه حیراندی
یقیناً ششماهه هر درده درماندی

دردین اولسا گَل بابِ عطایه
دعوت ایله سین کرب و بلایه

باب الحوائج یا علی اصغر

نورِ حقّ تَجَلّا ایدوبدی بو آیدا
غم،غُصه دیللردن گیدوبدی بو آیدا

(بیکَسه)لطف ایت آتاوا خاطر
قوناق ایله بیر آناوا خاطر

باب الحوائج یا علی اصغر

• یکشنبه
• 1
• فروردین
• 1400
• ساعت
• 16:01
• نوشته شده توسط
• یوسف اکبری

کفـــاره خطـــاب ایلـــــدی مولای معظّم
سیز منله عناد و جدلـــــوز واردی مسلّم
بو طفل لبن خواره نئدن باغلانوب علقم
من سویله مورم قلبیمی شاداب ائلیون سیز
رحموز وار اگر اصغــری سیراب ائلیون سیز

اســــلام آدینـــــا خنجری قرآنه چکورسوز
هم قرآنا هـــم پیکــــــر ایمانـــه چکورسوز
دوزخ اوتونی ظلمیله سیز جانه چکورسوز
باطل دی یولوز تیـــــر بلا قلبیزی دَلسون
شیطانه گلـــــن لعنت دنیــا سیزه گَلسون

چـــــوخ گلــدی گران موعظه لر لشکر شامه
سعد اوغلی گؤروب منظره نی باخدی امامه
قصـــد ایلـــــدی ظلمـــــی آپـــارا حدّ تمامه
ایمـــــائیله آگـــــاه ائلیـــــوب شرُّ الأنامــــی
امـــــر ائتـــــدی گله حرمله ی لقمــه حرامی

بیر اوخچوئیدی حرمله که صید ده ماهـــر
آهـــــو لری بیــــر اوخلا شکار ائتمگه قادر
سعد اوغلونون امریله کمانی ائدوب حاظر
بیر جیـــــرانی ئولدورمگه بیر اوخ اولا کافی
بیر طفله نئدن اوچ دنه سین ووردو او جافی

اوچ شعبه اوخیلان بیر اوخون فرقی بسی وار
جیـــــرانی بیچر خنجـــــره تای حالین ائدر زار
فکر ایـــــله او نازوک بوغــــازا نیلـــــدی ای یار
کـــــاش اصغره تک شعبه لی پیکان وورولاردی
جان وئرمگـــــی شاید ده بیر آز راحـت اولاردی

یوخ طاقتی قلبیـــنده داخی شاه حجازین
قصد ائتدی او دم بوسه ائده اصغر نازیــن
أگدی باشینی تا اوپه اول تشنه بوغـــازین
هجران اوخی اول لحظه ده حلقونده گوروندی
هم اصغـــــری هم اللــری القـــــانه بورونـــــدی

• سه شنبه
• 3
• فروردین
• 1400
• ساعت
• 14:15
• نوشته شده توسط
• یوسف اکبری

ای خدا بو چولده قلبیم - اودلاندی

اصغریم سینمده تشنه - اوخلاندی

حنجریندن آخدی قانی

اللریمده چیخدی جانی

پناهیم ای الله (۲)

کیمسه قالانیم - یوخدی الهی

نعشین آلانیم - یوخدی الهی

حسین اوغولسوزدی- بو چولده یالقوزدی

اوچ پر اوخ بوغازینی کسوب - بیچدی

قانینی سوسوز بالام سو تک - ایچدی

قونداقی بویاندی قانه

روحی اوچدی آسمانه

پناهیم ای الله (۲)

خیمده قیزلار گورسه - بو حالی

اوخشیوب آغلار - تشنه مارالی

آناسی دل داغلار - یاراسینی باغلار

حقّی وار آناسی سسلنه - ایوای

اوخلانان بوغازی اصغریم - لایلای

گویده ماهتابیم آغلار

زینب و ربابیم آغلار

پناهیم ای الله (۲)

گوز یاشیم اوخشور - بارش ابره

عشقونده قویدوم - اوغلومی قبره

من عاشقم صبره - بالام گیدور قبره

• دوشنبه
• 9
• فروردین
• 1400
• ساعت
• 12:12
• نوشته شده توسط
• یوسف اکبری

منیم دل آچمیان اوغلوم - سوسوزوندان سولان اوغلوم

هلاک اولوبسان عطشدن - منی درده سالان اوغلوم

آغلاما بیراز باخ بو سینه‌سی کبابه

وورما دیرناقون رحم ایله آنان ربابه

سوسوز دلبریم - گل احمریم

بیله آغلاما - علی‌اصغریم

آنان ئوله سسون دوشوب - ال ایاق چالوب آغلوسان

سینه‌مین قانی کسیلمور - بو قدر کی دیرناقلوسان

خیمه گاه عباسیده هامی سوسوزلار

العطش دیور جام الینده خردا قیزلار

اورک داغلادیم - یانوب آغلادیم

حلال ایت منی - الون باغلادیم

آل طاهانی بو لشگر - بو چولده سالوب حصاره

باغلانوبدور سو یوللاری - شمر اولیدی یوزی قاره

قورخورام سو اوسته سحر قیامت اولسون

تشنه‌لردن عباس عمون خجالت اولسون

بو چولده قوناق - عجب یوخلانار

سو اوسته اوغول - سحر اوخلانار

• سه شنبه
• 10
• فروردین
• 1400
• ساعت
• 12:45
• نوشته شده توسط
• یوسف اکبری

آغلاما بو قدری گوز یاشین توکمه گل عذاره اوغول علی
باغلیوبدی اعدا سویون یولون یوخ الیمده چاره اوغول علی

باشیوی منیم سینم اوسته قوی ای عزیز جان یوخلا اصغریم
سن ربابیدن آلما بو قدر طاقت و توان یوخلا اصغریم
نه سینمده واردی صودوم گلور نه سویا گمان یوخلا اصغریم
سینمه بیله وورما درناقون - ایلمه اشاره اوغول علی

ساکت ایتماقا من سنی اورک داغلارام اگر چاره تاپماسام
آغلادوقجا منده سنون کیمی آغلارام اگر چاره تاپماسام
اللریوی بند قماطیوه - باغلارام اگر چاره تاپماسام
چالما ال ایاق رحم قیل من زار و دلفکاره اوغول علی

سن کیمی هامی خردا قیزلارون خیمه‌لرده چوخ اضطرابی وار
اود دوتوب وجودون یانور سنون گویلوون ز بس التهابی وار
تشنه‌دور آنان سوزش عطش یاندیروبدی قلب کبابی وار
هامّیا عطش ایلیوب اثر ایله بیر نظاره اوغول علی

بو عطش اودی بیر اود اولدی که هامّونین اوغول دوتدی دامنین
سولدوروب گلستان حیدرین گُل لاله‌سین همی سوسنین
مشگ صاحبین ایندی خیمده بالالار آلوب دوره‌سین یقین
الده بوش سو جامین آلوب گلور جمله آه و زاره اوغول علی

گورورم که چوخ سوزش عطش سنی سالدی طاقت و تابیدن
کاش اولیدی سیراب ایدم سنی دیده‌دن آخان اشگ نابیدن
هم سنی همی اوزومی داخی قورتارام اوغول اضطرابیدن
نیلسون آنان دردیوه سنون یوخ الینده چاره اوغول علی

نه دل آچموسان تا اورک سوزون دوشونم بالا منِ خونجگر
نه واروندی طاقت و نه قرار یاتاسان قوجاقیمده مختصر
وورماقونلا دیرناقلاریوی سن سینمه بلورسن کی صود گلر
سینمی سوزوم یوخدی وورگلان ایله پاره‌پاره اوغول علی

آغلاشور عطشدن خیامیده بالا قیزلار اوچگوندی های های
ولی وورمور هیچ بیری سن کیمی آنانین سینه سینه چنگ و نای
گوزلریوی سن یوم حزین حزین من دیوم سنه گنه لایلای
سینمی ایدوم سحره کیمی سنه گاهواره اوغول علی

دستِ لشگر غصّه‌دن داخی کاروان صبریم‌ منیم کوچور
نُه سمایه آهیم بو دشتیده پر آچوبدی قوشلار کیمی اوچور
بو گیجه سریّه اوز اوغلونا - لیلی اکبره آغ کفن بیچور
اولمیا سحر ایستوسن آنان سالا باشه قاره اوغول علی

"اکرمی" بو دنیاده پربها گنج یوخ سنه آبرو کیمی
دست محنت و غصّه سیندیروب قلبیوی سنون بیر سبو کیمی
هر نقدری یازسان یازانماسان "گلشنی" کیمی "عدل‌جو" کیمی
آغلاما بو قدری گوزون یاشین توکمه گل‌عذاره اوغول علی

• چهارشنبه
• 1
• اردیبهشت
• 1400
• ساعت
• 12:53
• نوشته شده توسط
• یوسف اکبری

عنوان: سوزوردی ایستی قوما غنچه دن گلاب حسین

توضیح: در یوم عاشورا، لحظه های دردآور زیادی را می توان مشاهده کرد. تشنگی کودکان خردسال،
شهادت تک تک یاران و اهل بیت، جریان قتلگاه، شهادت حضرت عباس(ع) و ...
اما از جمله تصاویر غم و اندو، زمانی بود که امام حسین(ع) وسط میدان ایستاده بودند
و تیر سه شعبه ای، گلوی اصغر شش ماهه را دریده بود. این همان حالی بود
که بارها و بارها با گریه مرا بر آن داشت تا این شعر را بسرایم؛ آن حالتی که
می خواست به خیمه ها برگردد، اما همین فکر که حضرت رباب
منتظر علی اصغرش است تا در آغوش بگیرد، توان راه رفتن را از امام گرفته بود.

بوجور کی ایلییسن گئتماقا شتاب حسین
سوروشموسان نیه بس هاردادی رباب حسین

دوروبدی خیمه دالیندا کی سن اوتانمیاسان
جگری گر کی اولوب غصه دن کباب حسین

سیغیشمیر عقلیمه، حیرانم ایندیده بو ایشه
بو نه حسابدور آیا! بو نه کتاب حسین!...

نیه کفن یئرینه قیرمیزی گئیوب اصغر
الیوین ئوسته گولور، ائتمیر اضطراب حسین

درست امر امان زمان واجبدور
ولی رباب آنادور؛ گر چه ائتدی تاب حسین

نلر اولوبدی سوزوم یوخ؛ ولیک نیسگیل اولا
مدار چرخ جفاکار اولا خراب حسین

اودم کی سوت امرین چالدی ال آیاق یاتدی
محاسنون اله دین قانیله خضاب حسین

او قانیدن بیر اووج دولدورب گویه سئپدین
دئدون بودور بالا سرباز انقلاب حسین

ولی خیامه گلن حالیوی دیوم نئجه من
سوزوردی ایستی قوما غنچه دن گلاب حسین

نئچه قدم کی گئدیردین بیر آز دایانیردون
رباب ایسته سه اوغلون، ندور جواب حسین

فدا او ساعته کی قان آخیردی گوزلردن
یاواش یاوا ش آزالیردی توان و تاب حسین

نه یاخشی اولدی کی زینب یئنیبدی تلّ اوستن
پوزولموش حاله باخیب ایلدی خطاب : حسین

بو حال نه حالیدی قارداش، سنه باجین قربان
باشوا من دولانیم یاغما چون سحاب حسین

علی اصغری وئر خیمیه ئوزوم آپاریم
کی منتظردی باسا باغرینا رباب حسین

لیاقت اولسا اگر « آرباطان»دا ، دوت اَلینی
گدای باب کرم ایله احتساب حسین

• دوشنبه
• 20
• اردیبهشت
• 1400
• ساعت
• 20:00
• نوشته شده توسط
• یوسف اکبری

چرپینیب قوش سایاغی، عالمی آغلاتدی بالام
کربلا تورپاغینی گویلره قوزاتدی بالام

اوخ پیچیبدیر بوغازین، باش آخینیبدور دالیا
دونیانی باشدان آتوب یومدی گوزون یاتدی بالام

اوخ نه لازم، بالاجا چیتمه گه بندیدی گولوم
اوخلانان واخدا یقین عرشی الولاتدی بالام

نیسگیل اولسون قانی تامسیندی قوری لبلریلن
بئله فیکر ایلییرم کی سوته اوخشاتدی بالام

بالاسی ئولسون اونون کی بالامی ئولدیردی
چرپینیب قوش سایاغی، عالمی آغلاتدی بالام

گؤن ،‌او گؤن باغرنا باسميشدي او - دان اولدوزوني
دوداقي ، سوزِ عطشدن سارالان اولدوزوني

ناگهان – آتدي اوخي حرمله ،‌قشقردي گئرك
آتانين اَللري ئوسته يخاسان اولدوزوني

اوخ كماننان قوتولوب گؤيده دئدي يازهرا!
چاره يوخدي ،‌اِديرم تيره نشان اولدوزوني

گاه ئوزون ووردي ساغا ،‌گاهي ئوزون ووردي سولا
ايستدي يخمايا اللرده قالان اولدوزوني

باخدي نازك بوغازا بيرده ربابین حالینا
آنانی گؤدور گودور؛ چوخ نگران اولدوزوني

اولمادي – اوخ بوغازا وئردي ئوپوش خنجر تك
بؤردي اللري ئوسته آتا ،‌قان اولدوزوني

ايستييردي گؤله اصغر ، ولي قان قويموردي
باشي سؤزدي دالا، گؤن اتدي فغان اولدوزوني

• سه شنبه
• 21
• اردیبهشت
• 1400
• ساعت
• 15:28
• نوشته شده توسط
• یوسف اکبری

گتوردی غنچه نازین ساتا نگاره حسین
بو عشقیلن یتوره دینی اعتباره حسین

دیدی الهی بو بیر غنچه ده ربابوندی
چکور الینده نه وار بیر به بیر عیاره حسین

آییرمیشام ننه سیندن بو نیمه جان بالانی
توجه ایلمیوب چشم اشکباره حسین

اگر چه یوخدی دیلی لایق حضوروندی
وارین یوخون سنه خاطر چکور شراره حسین

باخوردی یاره طرف گوردی تز هواده اوخی
گوز آلتی باخدی الی اوسته بیر شکاره حسین

بو ایسته دی دیه جان اوخ بوغازدا ایتدی مکان
دیدی شهادتی تبریک او شیر خواره حسین

بویادی صود امرین قانی باغبان اتگین
خدا بیلور نجه تاب ایتدی بو فشاره حسین

ال آتدی تیری چکه گولدی اصغرین دوداقی
ندا یتیشدی کی احسن بیله وقاره حسین

بهشتی اوغلووا ویردیم بو عرش و فرشی سنه
شفاعت امرینه بسدور بو بیر ستاره حسین

منیم چکیده شعریم بودور حسینچیلره
صبوریدی غم و اندوهه بی شماره حسین

تعجبم ولی بو صبر و استقامتیلن
اورگی گلمدی قویسون گلی مزاره حسین

یره جنازه نی قویدی دوروب نمازه امام
دیدی اورک سوزونی حی کردگاره حسین

• سه شنبه
• 28
• اردیبهشت
• 1400
• ساعت
• 13:07
• نوشته شده توسط
• یوسف اکبری

ایستورم مطلبی من باشلیام اصغر آدینا
لطف ایدوب نوکرینه دوزقاتا شعرین دادینا

خورداجا اللری وار باب الحوائج دی آقام
لا علاج دردیلره عمده معالجدی آقام

یثریبی ترک ایلین وقته حسین ابن علی
باشینون اوسته گوروردی گوزی پیک اجلی

قصد ایدوب کعبه یولون ختم رسولان بالاسی
بالا آیرلدی گيجه قالدی بقیده آناسی

آلتی آی گزدی بیابانلاری غم قافله سی
ایکی گون گیچموشیدی ماه محرم دهه سی

کربلا یه یتشوب آل علی قافله سی
آلوب آغوشه اونا صود ویرور اصغر ننه سی

قوردولار خیمه لری ساکن اولوب اهل حرم
اوخشیوردی بالاجا قیزلاری دریای کرم

هی دیوردی سیزه من جانیمی قربان ایدرم
خطر اولسا سیزی چون باشیله قولدان گیچرم

گیچدی سکیز گون اوگوندن آچلوب روز بلا
گیدوب انصار او بیابانیده تک قالدی آقا

سسلنوبدور منه یاری ایلین یوخ بوزمان
خیمه ده خوردا بالا ناله ایدوبدور اوجادان

غم یمه یالقوز آتا خورداجا اوغلون هله وار
بابا سربازوی گل عشقیله میدانه آپار

بویوروب زینبینه بس نیه نالاندی بالام
باجی آرام ایت اونی طفل لب عطشاندی بالام

دیدی یاتمشدی علی قارداش اویاندی سسیوه
سسلمه هل من معینی باجی قربان گوزووه

گوردی یالقوز سان اخا سسلدی لبیک علی
چرپنوبدی اوقدر دوشدی تواندان او ولی

بویوروب ویر منه اول طفل لب عطشانی باجی
آپاروم رزمگه اصغر نالانی باجی

ویردی زینب بالانی تاکه حسینون الینه
باخدی حسرتله آقا بیرده اوسولموش گلو نه

رزمگاهه ساری دوتدی یولونی اصغریله
اوبالا رتبده هم پایه اولوب اکبریله

تلیدن آشدی او دم هم شه وشهزاده گلوب
ملکوت اهلی باخوب عرشیده فریاده گلوب

دایانوب کفره مقابل اوزمان سرور دین
بیله فرمایش ایدوب یاندی بالام لشکر کین

کسموسوز سویولون آل للهه سیز شرم ایلیون
اوشاقون وار نه گناهی بونا بیر رحم ایلیون

گوردی سعد اوغلی قوشون ایچره دوشن همهمه نی
ایستدی ساکت ایده ظالم همان زمزمه نی

لشگره باخدی چاغوردی اوجادان حرمله نی
صفدن آیرلدی کمان الده اوبی شرم ودنی

دیدی امرایله وروم من بالانی یاآتانی
آتانون جانی چخار امرایلدی وربالانی

دیزلرین وردی یره قویدی کمانه اوخونی
تیترین اللریله سالدی نشانه اوخونی

اوجا سرداری یخان اوخ نه ایدر اصغریله
سجده گاهی یاران اوخ نیلیه جاق حنجریله

بیرسی دیدی اباالفضله ایتردی یولونی
بیریده کسدی بوغازیله حسینون قولونی

اوخ که آیرلدی کماندان ملیوب ایتدی فغان
دگدی نازوک بوغازا اصغر اویاندی یوخودان

ال ایاق چالدی آتا اللری اوسته بالاسی
دیدی یارب نه ایدیم گوزلوری ایندی آناسی

سن قبول ایله خدا بوقوزی قربان بالامی
اوزولوب باشی بدندن آپاروب قان بالامی

بارالها بالامون خیمه ده وارگوزلوینی
یوخدی کیمسه آلا بواللریم اوسته ئوله نی

اوزولوب باشی خدایاقالانی بیردریدی
سس گلوب آغلاما آلله بالوا مشتریدی

اوزووی پوزما داخی قلبیوی یاندیرما حسین
آناسی گوزلوراونی بسدی یوباندیرما حسین

خیمیه ساری آپاربوقوزی قربانی حسین
منتظر قویما داخی مادرنالانی حسین

گتوروب خیمه لره قانه بویانمیش بالانی
یوزی گلموردی گوره قلب پریشان آنانی

دیدی زینب یانورام ویرآپاروم بوگولی من
ادبیندن گله بولمورآناسی عفو ایله سن

گتوروب ویردی ربابه صودامراوغلونی تا
گوردی اصغر بوغازین پاره لیوب تیر جفا

دیدی یاننام بونا که اولمادی صود صود امریم
آج سوسوز اوخلادیلار اوددوتوب اوغلوم جگریم

داخی سندن صورااصغر باشیما قویمام حنا
سن بالا یات قوی آنون باشیوه اوچ یول دولانا

من دیردیم دیل آچوب سن منه مادردیه سن
بوی آچوب سن قاباقیمجا علی جان یول کیدسن

علی جان فکر ایلیردیم که طویون من گوررم
اوز الیمله داریوب زولفیوی بیربیر هوررم

نه بیلیدوم که فلک الدن آلار سویگولومی
دگوب اوچ شعبه لی اوخ خشک ایده جاق سنبولومی

عیبی یوخ سن گیت اوغول جنته قال محسنیله
قالا نسگیل اورگینده بو آنون شیونیله

گیت آنون فاطمه نون الده سنه چارسی وار
گوزله اوغلوم سینه سینده ننوین یاره سی وار

ولی شکوه ایلمه فاطمیه مندن علی
ننه قربان بویووا دویمامیشام سندن علی

• سه شنبه
• 28
• اردیبهشت
• 1400
• ساعت
• 13:32
• نوشته شده توسط
• یوسف اکبری

بوآچمیین گلوم غنچیدی پرپراولوب
گيدوب بوياندی قانا فدای اكبراولوب
.
قـلبيم قانا دولوری
گل عمری سولوری
عـين الحيات بالاسی
الده سوسوزاولوری
.
لایلای بالام لایلای
.
شكاراولاربالاسی بيرآهونون اگر
دوشرداليجا گيدرگوزوندن اشكين الر
دو گوراولان صود امرآنان نجه ملر
.
لايلای ديديم ياتاسان
سوفكرينی آتاسان
سـواوسته من دمديم
گيدوب قانا باتاسان
.
.
گلسن دوباره اگرقوجاقيمه آلارام
بـوسينم اوسته گهی گهواره وه سالارام
سندنصورا بوآنان قالمازديمه قالارام
گلسيدی سواَله
قويمازديم اصغراُله
دل اولمادی دانشا
گليدی بيردله
.
.
اوقدرآغلاموسان سسون قولاقدا قالوب
شل اولسون حرمله نی سنی بوحاله سالوب
بوقان كه سندن آخورآنان توانين آلوب
.
ای عمرومون ثمری
شش ماهه صود امری
گون باتماموش نيه بس
باتدون شرف قمری
.
.
مندن آلوب آتاسی آپاردی سوويره
شش ماهه سربازينی سوسوزدی هامّی گوره
سوويرميوبلراونا قانين توكوبله يره
.
يانّام بیرعمرآغلارام
باشا قره باغلارام
باشون داليجا دوشوب
بوسينمی داغلارام
.
.
.
گوروشميوبدی بالا گل غنچه ليقدا سولا
گوروم اوحرمله نون الی اوغول شل اولا
آيردی سنله منی قلبی مِحَنله دولا
.
ديديم سنی گورر
رحم ايليوب وِیرَر
بيرجرعه سونه كه اوخ
آتوب بالا اُلدورر
بوسينمی دلرم
گوزوم ياشين توكرم
نقدراُولمه ميشم
آهو كيمی ملرم

• یکشنبه
• 9
• خرداد
• 1400
• ساعت
• 23:30
• نوشته شده توسط
• یوسف اکبری

شه ایدردی درد دل معبودیله
محرم و درمانیله ، مقصودیله

خالق بیچونیدن گلدی جواب
یا حسین ای شافع یوم الحساب

تحفه وی ایتدیم قبول ای شهریار
ساخلارام بو تحفه نی من یادگار

تحفه وین آثارینی قیلّام شفق
هر گجه دلخون اولار بو ماخلق

تحفه وی من ساخلارام گنجینه ده
نعشنی سنده نهان ایت سینه ده

سرّی صوندان فاش اولار ای کُونه پیر
اوندا کی قلبون سوکر اوچ شعبه تیر

لاله تک باشی آچلمش یاره وه
سینه ده سانسیز ساچلمش یاروه_

یاخشی بیر مرهم اولار بو شیرخوار
گورمیوب بیله طبابت روزگار

اوز جانین تک آل بو طفلی سینه وه
لعل تک زینت ایله گنجینه وه

یاحسین غم ایلمه سولدی گلون
یا که مخیمده سیزیلدار بلبلون

بو سوسوز قربان خدانون قانیدی
سرّ مظلومیّتون عنوانیدی

ئوز الیملن قورموشام بیر آسمان
آسمان اولماز بیله ای مهرِ جان

آسمان بنیاد اولوب میزانیله
ابرلر ایجاد اولوبدور قانیله

بو گویه من ویرمیشم بیر آفتاب
آفتابی سنسن ای نیّر مآب

ماهین ایتدیم من ابوالفضل غیور
بیله بیر مه گورمیوب چشم دهور

چرخنی من نجم باران ایلدیم
زینتین عیّوقِ یاران ایلدیم

گوردوم ایستر بیر سها نجمی بو چرخ
یعنی که بیر پربها نجمی بو چرخ

بو سهایه قرعه ووردوم اصغری
منطوی ایتدیم بونا مین اکبری

روحنی خلق ایلدیم بی منتها
مستفیض درگهی اهل سما

منتهاسیز خلقیلن اولسا قیاس
ربّیله ممکن دگور یوخسا قیاس

بو سها مین مُهره بازی ایلییَر
لحظه لحظه تازه بیر جامه گییَر

صادقه عزّت لباسین گییدیرر
کاذبه ذلّت لباسین گییدیرر

خلق آرا معیار ایماندور بو طفل
مظهر مرموز یزداندور بو طفل

هر او کس منکر اولا بو رتبته
یوخدی راهی آستان رحمته

چونکه ابلیس لعین ادباریدن
منکر حقّ اولدی گچدی یاریدن

اول فصیل ناقه دن بو شیرخوار
آز دگور ای عاشق والاتبار

من بو طفلین قاننی آلّام حسین
بو قیامت مثلینی سالّام حسین

منتقمدور اسم پاکیمدن بیری
جان قوتارماز ریح و خاکیمدن بیری

بو ایشین وار حکمتی صبر ایت حسین
سعی قیل میعادیمه تئز یت حسین

بو رضیعون اولمادی سیراب اگر
یتمدی بو لعل نابه آب اگر_

غم یمه ای چشمهء آب حیات
ایلرم بو طفلی من بحر صفات

هر صفاته بحر بی پایان اولار
فعل ذاته مظهر یزدان اولار

ایلرم باب الحوائج اوغلووی
دردمندانه معالج اوغلووی

مین عجایبلر ایدر بوندان بروز
فعلنه خیره اولار چشمان روز

کاملا آگاهسن ای حق پرست
تیر غیرت دور بونا ایلوب نشست

یوخسا قیلّام ماسوانی بحر آب
گلمیه تا عرشه بانگ آب و آب

امتحانسیزدا حسینیمسن منیم
چشمه گاه فیض و عینیمسن منیم

لیک وار بو عرصه نین چوخ حکمتی
بیر باخشدان ذات حقّین غیرتی

بیر جهتدن عشقوون اندازه سی
ظاهر اولسون ایستیرم آوازه سی

واقف اولسون ماسوا میزانیوه
عشقوه ایثاریوه ایمانیوه

ایستیرم قرآنی اجرا ایلییَم
بو اُلومله دینی احیا ایلییَم

ایستیرم ذاتین ایده هر کس بروز
آیریلا اهل شب و مردان روز

بو قیامون عالمه کشتی اولار
کشتی ایچره اهل حق بیربیر دولار

بو قیامون مین قیامت خلق ایدر
کسب همّت نهضتوندن خلق ایدر

حکمتیم قویماز اولا دین پایمال
قانلاروز احیا ایدر ای خوشخصال

خونیهایم بو توکولموش قانلارا
خاک و خون ایچره یخلمش جانلارا

بو توکولموش قانلارون وار قیمتی
قطره سی ایلر شفاعت امّتی

خاصّه بو عطشان علی اصغر قانی
قانینه غلطان علی اصغر قانی

کیمسه نی چوخ سویسه یزدانِ وحید
اوز یولوندا ایلییَر مطلق شهید

ارزش دینیم گرک افشا اولا
قانلاروزلا دین حق احیا اولا

درک ایده بو نکته نی خرد و کبار
دینینه قویموش نه قیمت کردگار

دینه خاطر خاتم پیغمبران
مین بلایه توش اولوبدور هر زمان

دینه خاطر اولیانون شاهنی
محنته سالدیم اوجاتدیم آهنی

دینه خاطر نوحی سالدیم محنته
عمروجه توش ایلدیم مین زحمته

دینه خاطر عیسیه جان ویرمیشم
خلق ایچنده روح ایمان ویرمیشم

دینه خاطر اولدی موسای کلیم
قوم اسرائیله هادیّ ِ سلیم

دینیمه خاطر خلیل حق پرست
آتش ایچره ایلدی گُل تک نشست

دینیمه قطعاً حمایت ایلرم
اهل دینه من عنایت ایلرم

هر او کس یوز دوندره بو دینیدن
ئوز ئوزین محروم ایدوبدور کینیدن

دین حق بیردور اَیا محنت مآب
دین حق اسلامدور، اسلامِ ناب

حیّ قادر وعدیه ایفا ایدر
ئوز مبارک دینینی احیا ایدر

فوج فوج ایستر هامی اذن دخول
فرع قالماز بیر قالار اصل الاصول

بو گونون مثلینده ای نور خدا
بو قیامین مثلینه ویرّم ندا

سن که نوریمسن منیم ای جانِ پاک
بو گونون مثلنده قیلّام تابناک

نوریمی تکمیل قیلّام نوریله
گر هامی اکراه ایده مین زوریله

بو سوزون شرحی مفصّل باب دور
باب یوخ مین لر کتاب ناب دور

شرحنی مجمل ایدر قدرت اَلی
اوندا که ظاهر اولار حجت اَلی

نوحه نی تعقیب ایله بسدور نگین
بحریده گرچه سوزون خسدور نگین

• چهارشنبه
• 12
• خرداد
• 1400
• ساعت
• 15:55
• نوشته شده توسط
• یوسف اکبری

غم دلها سر آمده
که مژده از دلبر آمده
تو لد اصغر آمده

نوه ی حیدر آمده
نوه ی حیدر آمده

غم هجران دگر سر آمدᐸ۲>
جشن میلاد اصغر آمد

مژده بر عاشقان هو
جهان جنان شد زلطف او
که زخم دل میشود رفو

داده گل باغ آرزو
داده گل باغ آرزو

غم هجران دگر سر آمد
جشن میلاد اصغر آمد

ترکی

و ئرون عا شقلره خبر
کی لطف یار اولدی جلوه گر
ربابه الله ا ئدوب نظر

بیراو غو ل وئردی خوش سیر
بیر اوغول وئردی خوش سیر

اولا شیرین کاموز مبارک
شیعه لر بایراموز مبارک

گلدی دنیایه بیر با لا
کی عشقی دلده قرار آ لا
آدی دیللرده یئر سا لا

غم عشقینده مبتلا
او لا عشاق کر بلا

او لا شیرین کاموز مبارک
شیعه لر بایراموز مبارک

• جمعه
• 11
• تیر
• 1400
• ساعت
• 10:59
• نوشته شده توسط
• یوسف اکبری

اصغــــر آقام حُسینچیلرون افتخاریدور
شَانی گـــوزلدی شیعه لرون اعتباریدور

گرچه آدی کیچیکدی،بُویوک امتیازی وار
عَلّامــــه لر،بو ســـروره دستِ نیـازی وار
اهل ِ جنانـــه ، بو بالانون ،فَخرو نازی وار
شیعه ایچینــــده پَرچــم پُر اِهتِــزازی وار
عاشقلــــرون صفــــای دل بی قراریدور

غِبطـــه ایدلَّلر حـــور و ملائک ،مقامینه
لَبِّیک،سسلـــنوبـدی بـــالا اوز اِمـــامینه
هر ایلـــــده اربعینـــده گیدلَّــر سلامینه
حیرتــــده قویــدی اهل جهانی مرامینه
اصغــــر قـــــانی دیــار بلا اقتداریدور

ششماهه نون گوزل آدی زینتدی پرچمه
سروردی بیزلـــــره و همــــی کُلِّ عالمه
کوثردی بو ، نه حاجتـــی وار نهر علقمه
طفل حُسیندی زیور اولوب عرش اعظمه
عاشقلرون نگاریـدی ،هــم شهریاریدور

اصغردی لیک ،مَنزِلَتی چــوخ کَبیریدور
شاهلار گدادی درگهینه ، بــو ،اَمیریدور
دلبر لر ایچره بو بالا چــوخ بی نظیریدور
هر دردون اولسا چاره قیلر ، چون خَبیریدور
جَنَّتده ، مُحسنـون بو بالا هَمجــــواریدور

گورسَـــه اگر جَمالینی آی شَرمسار اولار
یوسف گوره بو دلبــری چوخ بی قرار اولار
فَصـــل خَزان ایشیتسَه آدین نو بَـهار اولار
کیم بو چــکه بو غُنچه نی بی اختیار اولار
چون عاشــــق حَقیقیِ پَــرور دِگاریدور

اصغردی عَطر و بوی گُل یــاسی وار بونون
بابَ الحوائــج آدیــدی اِحساسی وار بونون
کانِ سَخا عمـــوسیــدی ،عباسی وار بونون
اربابیمیز حسیــن کیمــی بابا سی وار بونون
خَلّاق عالمــــون بو گــوزل شاهکاریدور

روز بــــلاده سـوز عَطشـدن اولوب کبـاب
یاتموبدی صبحه جک آناسـی حضرت رباب
هی سسلیور صباحه کیمین ایلـه صبرو تاب
بلکه عمون فراته گیدوب مشک اولا، پُـر آب
اهل حـــــرم بو غمده گوزی اشکباریدور

الله شب بــــلانون عجب مــــاجــراسی وار
چون حضرت ربـــاب اورگینـــــده نواسی وار
اصغر سوسوزدی ،خیمه عجب غم نمـاسی وار
لای لای دیور رقیه ، اورکــده عــزاسی وار
زهرایــــــه بَنـــــذرون ،بـــوبالا دلرباسیدور

هی سسلیـــور آنـــــاسی او بـــانوی بــاحیا
ایت استراحت ای گــــل گُلـــــزار کربـلـا
دیناخلاما منیم سینمی یــــوخ صودوم بــالا
قوی غم گیجه قوتارسون علی تا که صبح اولا
قانــــه دونیدی ســو نه عجب روزگاریدور

ویرم سنــــی قســـم آقــا ، جَدُّون پیمبره
زهــــرای اَطهـــــره ،هَمیـــده شیر داوره
کَربُ بلاده قلبــــی یــــانان ،غملی مادره
یازدی بــــو شعــری ایله عنایت بو نوکره
(پویا)گـــوزی غمینـده چو اَبر بَهاریدور

• پنج شنبه
• 17
• تیر
• 1400
• ساعت
• 10:48
• نوشته شده توسط
• یوسف اکبری

مُژده یـــــاران حسیـــنه
دِلبَـــستگـــانِ حسیـــنه
اصغــــر گـــــــوز آچــوب دنیایه
پـــــای ویـــــروب الله مـــــولایه
شیرینـــدی چون عسلدی
گــــوزلـــلردن گوزلدی
عالمـــه گـــوهر گلدی
لطف ایـــدوب قادر الله
یـــوزی گوزی مثل ماه
هامــــی دیــون ماشاالله
صَـــلِّ عَلی مُحَمَّد - علی اَصغر خوش آمد

آدی زیـــب هیئــتیمــــیزدی
اعتــبــــار و شـــوکتیمیزدی
باب الـــحوائجــــدی بو آقا
فخـــریمـــیز حیثیتیمیــزدی
آدینه جانلار فدادی - شهید کرب و بلادی
گـــــوزل آدیـــن ازبرم
درگهینیــــده نــــوکرم
داده اونـــــی سسلـــرم
خوان عشقــــه نمکدی
آقـــــامیزه کمـــکدی
واللهـــی اصغــر تکدی
صَـــلِّ عَلی مُحَمَّد - علی اَصغر خوش آمد

دوشـــــدی عالم تب و تابه
الله پــــای ویـــــردی ربابه
نجه دیوم آیا بنذر - واللهی آی بونا بنذر
عالــم اولـوب گل افشان
یرلـــر گــــویلر چراغان
دردلـــــره گلدی درمان
شیعـــه لر آدون سســلر
عشقــــون اورکده بسلر
ســـن آقــــا بیزده نوکر
صَـــلِّ عَلی مُحَمَّد - علی اَصغر خوش آمد

دوزونی هــرکس دادا بیلمز
بونـــی اهــــل دل بالا بیلمز
آنـــد اولا حــلقین یاراسینا
بو آدا کیم چپ باخا بلمز
چونکه دریـــای احساســــدی
گــــوزل عمــــوسی عباسدی
شکوه عـــــزت گـلدی
گــــلِ ولایت گــلدی
صفـــای هــیئت گلدی
ایستــه بــو گجه (پویا)
بایراملوخ ایتسون اعطا
بو جـــمعه بیــر کربلا
صَـــلِّ عَلی مُحَمَّد - علی اَصغر خوش آمد

• جمعه
• 25
• تیر
• 1400
• ساعت
• 10:42
• نوشته شده توسط
• یوسف اکبری

گل دوتوب اوت اورگیم یاندی باجی
الیم اوسته بالام اوخلاندی باجی

جام صبرین باجی بیر اوخ جالادی
خانهٔ قلبیمی دشمن تالادی
اوخ دیوبدور بوغازین پارچالادی
یوز گوزی اُنوگی القاندی باجی

یاخشی قویدی سوزی میدان یرینه
نوش ائدوب قانینی درمان یرینه
اَمدی تیری باجی پستان یرینه
بولمدی زهرلی پیکاندی باجی

منی یاندیردی یانوب آغلاماقی
آتش آهه جگر داغلاماقی
گوزلریمدن گوزونی باغلاماقی
اورگیم اوت دوتوب اوتلاندی باجی

اتمیوب اوچ گئجه دور ناز ایله خواب
آناسین یاندروب ایتمیشدی کباب
یولونی گوزلوری بیچاره رباب
بولموری غنچه سی خنداندی باجی

آلدی مندن باجی بو حالی دوزوم
اوخ دگنده قالوب آغزیمدا سوزوم
خیمیه گلماقا گلموردی یوزوم
قارداشون حالی پریشاندی باجی

قالدی قونداقی الیمده باجی جان
قانلی میدانی دولاندم نگران
اولمادی قونداقنی مندن آلان
اوت دوتوب قلبیم الولاندی باجی

منی یاندردی ایله درد گران
یتیش امدادیمه ای روح روان
اوزون آل یاره سینی ویرمه نشان
آناسی سینه سی سوزاندی باجی

ظلمیله غنچه گلوم قانه باتوب
فانی دنیانی باجی گوزدن آتوب
یاتمیوب اوچ گئجه نی ایندی یاتوب
استراحت بونا الاندی باجی

کیم بولور قوم عدو نیله دیلر
ناقه صبری نجه پیله دیلر
ایستدیم سو بالامه ویرمدیلر
دیمیوبلر کی لب عطشاندی باجی

بو ستاره گون الی اوسته آخوب
قلب خورشیدی آخوب ناره یاخوب
اوخ دگنده منه حسرتله باخوب
گوزلریم حالینه گریاندی باجی

ماهین آردنجا ستاره دولانار
گور باتا آی او ستاره دایانار؟
اولارین حالینه خورشید یانار
حالیمه نه فلک اوتلاندی باجی

بسدی یعقوبی دولانما شرده
دینه اصغر آدنی هر یرده
دادوه بلکه یته محشرده
بیرده ده اصغریم اوخلاندی باجی

• جمعه
• 1
• مرداد
• 1400
• ساعت
• 20:55
• نوشته شده توسط
• یوسف اکبری

آه او گوندن کربلاده آیری بیر طوفانیدور
ساکنان نه فلک بو امریدن حیرانیدور

بیر طرفده لشکر کفرو شیاطین زمان
بیر طرفده لشکر شاهنشه ادیانیدور

بیر طرف یوز مین نفر اللرده شمشیر و سنان
بیر طرف یتمیش ایکی عشاق هم پیمانیدور

بیر طرف دنیا پرست و باطنا اهل ریا
بیر طرفده هر بیری چون آیه قرآنیدور

بیر طرف باطنده بیعت ایلیوب ابلیسنن
بیر طرف روز الستن بیعتی اعلانیدور

بیر طرف شمر و سنان و ابن سعد بی حیا
بیر طرفده چون حبیب ابن مظاهر دینه پشتیبانیدور

بیر طرفده ارزق و مارد دوروب شمشیریلن
بیر طرفده پور حیدر شیر تک غرانیدور

بیر طرفده ابن سعد اوغلانلاری جنگه گلوب
بیر طرفده اکبر و قاسم که جمله بیرمه تابانیدور

ظهر عاشورا اولاندا امر ائدیبدور ابن سعد
اویاندی شمشیر و خنجر نیزه چون بارانیدور

اولدولار شیطانیلن دین اهلی بیر بیر روبرور
یوز اولاردان بیر بولاردان قانینه غلطانیدور

بیر به بیر باش وردیلر تا دین ایوی آباد اولا
قالدی بیر شش ماهه سربازی که چوخ عطشانیدور

شاه دین هل من معین سسلندی بیردن گوردولر
ترپشور گهواره ده چون طالب میدانیدور

عمه سی آلدی قوجاقه گئتدی میدانه طرف
گوردی قارداش قامتی داله چونوب چوگانیدور

اصغری وئردی حسینه گلدی اخیامه طرف
باغ عصمت اهلینه زینب اوزی باغبانیدور

اصغری آلدی قوجاقه شاه دین بیر آغلادی
چون گوروب سوز عطشدن غنچه سی نالانیدور

یوز قویوب میدانه چخدی تلین اوسته شاه دین
سس چکوب بو طفل شش ماهه منه مهمانیدور

خیمده بیکس آناسی سو تاپانمور اصغره
سیز وئرون بیر شربه امکانوزده واراحسانیدور

ایچمیوب اوچ گوندی سو یوخدور توان و طاقتی
رحم ائدون آخر گورورسوز بو بالا بی جانیدور

ولوله دوشدی سپاه کینه گوردی ابن سعد
آز قالور لشکر گئده الدن هامی لرزانیدور

سسلدی صوت نهیبیله کی این الحرمله
گورموسن لشکر مگر میداندا رو گردانیدور

تیز حسینون کس سسین سیراب ایله شش ماهه سین
تیرینی قویدی کمانه تابع فرمانیدور

وئردی بیر قوت کمانه تیری بیردن رد ائدوب
چوخ چتیندور یازماقی فکر ایلمه آسانیدور

تا هدفده بند اولوب بوینی اوزولدی اصغرون
اوخ دئمه اوچ شعبه لی بیر زهریلی پیکانیدور

عرض ائدوبدور بار الها بیر قالوردی اصغریم
سن قبول ایله حسینون خرداجا قربانیدور

بیر الیلن دوتدی قانین بیر الیلن اصغری
قانی آتدی چون بولوبدور زینت کیهانیدور

مین نچه ایلدور آلوبلار کهکشانلار رنگینی
هر غروب اولدقجا عشق اهلی گورر الوانیدور

« صادقی » گوز یاشیلن یاز دفترونده ثبت ائله
دین حق بو قانیلن تا حشر جاویدانیدور

• پنج شنبه
• 7
• مرداد
• 1400
• ساعت
• 12:51
• نوشته شده توسط
• یوسف اکبری