اشعار حضرت علی اصغر علیه السلام

چون ایلیوب مدینه دن عزم سفر حسین
آشوبِ غم جهانه سالوب سربسر حسین

عالمده هر بلا او شهی ایلدی نشان
گویا بلالی عالمه وئردی خبر حسین

هر محنت و بلا و غم و درد عالمی
بیر باخماقندا ایلدی مدّ نظر حسین

درس وفانی نقطه به نقطه تمام ائدوب
بیر حرف قویمادی قالا زیر و زبر حسین

منزل به منزل عالم عشقی ائدوبدی طی
تا صدر بزم وصلده دوتدی مَقَر حسین

توراتیده مصیبتی موسایه ذکر اولوب
انجیلیله زبوره اولوب مستطر حسین

آرام جان حیدر و نورِ دلِ حسن
روح رسول، قلب بتوله ثمر حسین

چوخ نامه لر یازوبلا او شاهی حجازدن
دعوت ائدوبله کوفیه مهمان گئدر حسین

عازم اولاندا جدّه سی گلدی حضورینه
عرض ایلدی که قیل بو سفردن حذر حسین

• یکشنبه
• 11
• فروردین
• 1398
• ساعت
• 10:55
• نوشته شده توسط
• ابوالفضل عابدی پور

به سبک(ای باد صبا کرب و بلایه گذر ایله...)

پایانه یتوب عهدیله پیمانیم الهی
اوخلاندی الیمده قوزی قربانیم الهی

بیر الده بالام، یارب آلوب بیر اله قرآن
گتدیم بو گون اثبات حق ایتماقلیقا عنوان
قرآنی دانوب ایلدیلر ظلمیده طغیان
دوتسون بو ستمگرلری قرآنیم الهی

سولموشدی الیم اوسته بو گل غنچۀ مینو
آهسته ملردی دیه سن بچّۀ آهو
یاندی سوسوزوندان بیر ایچیم ویرمدیلر سو
باخدیم اونا یاندی دل سوزانیم الهی

هر یانه فراتین سویی دریا کیمی آخدی
یاندوردی بالامی بو سوسوزلوق اودی یاخدی
آغلار گوزیله گه سویا گاهی منه باخدی
ایچدی قانینی اصغر عطشانیم الهی

صحرای بلا تاپدی بزک گللریمیله
عبّاسیمیله قاسمیله اکبریمیله
آرتدی بزکی غنچه دهن اصغریمیله
جنّاته وورار طعنه گلستانیم الهی

قانه بویانوب تشنه بو بیر گوهر نایاب
دین گلشنینی ایتدی قزل قانیله سیراب
بیر گون اولی بو گلشن آچار مین گل شاداب
اعلان اولونار مقصد پنهانیم الهی

بیر یرده که چوخ گرم اولا بازار محبّت
کالایه خریدار اولا ذات احدیّت
کالانی الیمده ساتوب آلّام دولی قیمت
محشرده شفاعت اولی عنوانیم الهی

نازلی بالامین یتدی بهارینده خزانی
سولدوردی اونی باد خزان غنچه زمانی
بیر سرخ گلابه بویادی کرب و بلانی
باتدی او گلابیله بو دامانیم الهی

آز سنّیله نسگل لری عالمده چوخ اولدی
واردان ال اوزوب، نغمۀ سو دلده یوخ اولدی
سیراب ایدن آخِرده سه شعبه بیر اوخ اولدی
باخدیم اونا یاندی دل بریانیم الهی

ائلسیز قالانا یاور و غمخوار تاپولماز
من ائلسیزه اغیار آرا بیر یار تاپولماز
فریاده یتن یوخ، داخی دلدار تاپولماز
فریادیمه یت ای حق منّانیم الهی

دوز عشقیله دوتدوم سنی، عرضیم یالان اولماز
سنده منی دوت بی کسی یاده سالان اولماز
دردیم ندی غصّم ندی دلدن آلان اولماز
ای درده یتن، دردیمه درمانیم الهی

بی یاورم اغیار آرا یاده سالانوم یوخ
انصاریم الیمدن گیدوب اصلا قالانیم یوخ
نازلی بالامین نعشین الیمدن آلانیم یوخ
قالموش الیم اوسته قوزی قربانیم الهی

قنداقی قوجاقیمده شرار غمه یانّام
بو قانلی چولی صاق صولا حسرتله دولانّام
گه صاق صولا حیرتله گیدوب، گاه دایانّام
خوناب توکر دیدۀ گریانیم الهی

اوخلاندی بو آهو باخیشیم ظلمیله اُلدی
حشره کیمی آغلار آناسی بو سوزی بولدی
غنچه دوداقی قاچدی باخوب بیر منه گولدی
آغلاتدی منی غنچۀ خندانیم الهی

بو عرصیه یول شیعه لر ایکاش سالیدی
بیر قیدیمه بو قانلی بیاباندا قالیدی
رافتله الیمدن قوزی قربانی آلیدی
آباد اولیدی دل ویرانیم الهی

یاخدیم یوزینه قانینی، خوش صحنه یاراتدیم
زلفین بویادیم، ارزش قربانی چوخاتدیم
اوجومدا همان قانی دوتوب من گویه آتدیم
ساخلا او قانی چرخیده یزدانیم الهی

یوز دونروب ایمدی هایانا عزم ایدوم الله
چارم کسیلوب، چاره ندور بس نیدوم الله
گلمز بو یوزیمدن که خیامه گیدوم الله
یوخ دورماقا، یوخ گیتماقا امکانیم الهی

خیمه قاپوسین ایمدی کسوب آغلار آناسی
فکر ایلوری سیراب اولونوب نازلی بالاسی
بولمور بوغازیندا وار اونون کاری یاراسی
بی روح دوشوب فدیۀ بی جانیم الهی

کیم واردی هرایه گیدوم ایتسونله حمایت
خرگاهه سالوم یول، چکورم چوخلی خجالت
میداندا دولانسام منه ایله لّه شماتت
بی شرمدی چوخ دشمن نادانیم الهی

مندن نه دونر درد و بلا، من نه بلادن
اعداده جفا جودیله، دویمازلا جفادن
فریاد جفاکاری بی شرم و حیادن
دیوان ایت اوزون داور دیوانیم الهی

سندندی نییم وار منیم ای ورد زبانیم
ویردیم سنون اوغروندا نیه گلدی گمانیم
یوخدور قالانیم ایمدی، مگر بو باش و جانیم
قربان ایلیم من سنه جانانیم الهی

من «تائبم» آگاه حسینی شرفیمدن
گر تیر شماتت یاغا دورت بیر طرفیمدن
حقدور هدفیم، دونمرم اصلا هدفیمدن
قرباندی الهی هدفه جانیم الهی

من «تائبم» الله بولورم چوخدی گناهیم
تکمیلدی پروندۀ سنگین سیاهیم
ویرّم قسم اصغر جانینا سینه ده آهیم
عفو ایله اوزون واردی نه عصیانیم الهی

• یکشنبه
• 2
• آذر
• 1399
• ساعت
• 21:54
• نوشته شده توسط
• یوسف اکبری

حرمله عالمه دولدوردی نوانی اوخولان
نالیه گتدی تمام ارض و سمانی اوخولان

کوفه دن عازم اولان وقتیده اول شوم ودغا
قلبیده چکمیشیدی نقش جفانی اوخولان

اوچ سه پر اوخ گتیریب کرب وبلایه او دنی
طیّ ائدیب مقصدینه راه خطانی اوخولان

کیمه قسمتدی او اوخلار هله معلوم دگیل
یاغدیرار عالمه باران بلانی اوخولان

بیر دیلی پاره لیر بیر بوغازی یاره لیر
یاراجاق سجده گه بدر دجانی اوخولان

باشلانوب جنگ وجدل یئتدی دم حساسه
تاپدی فرصت اگه بیر قد رسانی اوخولان

یولی کج نیتی کج الده کمان کج اوزی کج
ایستیور وورسون او میزان وفانی اوخولان

اولین تیرینی پیشانی عباسه ووروب
قان ائدیب دیده ده آغیله قرآنی اوخولان

اللری تنده یوخیدی چکه آلنوندان اوخی
اوجیده ووردی کانه او همانی اوخولان

شل‌اولیدی نئجه‌قان‌دولدی اوحق بین گوزونه
عاجز ایلیبدی یل آل عبانی اوخولان

دومین تیرینی بیر طفل لبن خواره ووروب
لرزیه گتدی اودم عرش خدانی اوخولان

الی سنسین‌کی اوخ آتماقدا اوچوخ ماهرمیش
هدف ائتسیدی وورارموش او هارانی اوخولان

پهلوانین ووروب آلنوندان اولوب بسکه جری
اوینادور الده کمان وئردی ادانی اوخولان

هنرین شمر وعمر سعده بئله گوستردی
آتانین ووردی قوجاقنده بالانی اوخولان

نرم ونازک بوغازی اوزدی آخوب باشی دالا
درده گتدی دل شاه شهدانی اوخولان

بیر اوخی قالدی اگه قدّ رسول اللهی
توکه صحرای غمه‌خون خدانی اوخولان

صولا گه صاغه گئچیب فرصتی سالسون الینه
یاندوروبدی اودل خیر نسانی اوخولان

داش‌دگیب آلنی سنوب‌قانی آخوب ایستدی تا
یاره لی شاهه وورا بیرده یارانی اوخولان

گوزده کی قانی سیله دامنینی آلدی اله
تئز نشان ائتدی دل میر هدانی اوخولان

اوخ کماندان قوتاروب سسلدی زهرا بالا وای
نالیه گتدی او دلخسته آنانی اوخولان

داغ ودردیله دولان قلبی بولوب اوچ یئره اوخ
سینه ده سندی دئنن کنز معانی اوخولان

اوخ نه اوخ اوخلادی عالم اوره گین بیر آندا
دئنن «احسان» او آلوب روح بقانی اوخولان

• یکشنبه
• 2
• آذر
• 1399
• ساعت
• 22:05
• نوشته شده توسط
• یوسف اکبری

آلدي اَليمدن حرمله ديل آچميان دُردانه مي
تاراج ايدوب ظُلمون اَلي غُنچه گل گلخانه مي

اوخ دگدي ديلسيز اوغلوما آه و نوا قالدي منه
چاتدي بالام مقصودينه درد و بلا قا لدي منه
گيتدي قوناق اوز جدّینه بزم عزا قالدي منه
گونلر قاباقيندا منيم ايتدي ئولونجه خانه مي

غنچه چاقيندا گول كيمين پرپر اولوبدور اصغريم
عمريم اولا عالم بوئي اصغردي ديلده از بريم
شاهدی بو عنوانيمه گوزدن آخان اشك تريم
بوگوزياشيم سيله دونوب ويران ايدر كاشانه مي

باشدا قرا ديلده يارا صبح و مسا قان آغلارام
مرجان كيمين گوز ياشيمي سولموش عُذاره باغلارام
بير آتشين آهيله من قلب جهانی داغلارام
پرپر ايدوب دست جفا غنچه گول گلخانه می

اولموشدي ديلسيز اوغلوما آغوش مولا جان پناه
اوچ پراوخ ايتدي سينه ی مظلوم امامي قتلگاه
آچدي گوزون عطشان بالام ايتدي آتایه بیر نگاه
گولدي بو گولمكدن قویوب آغلار شه فرزانه مي

يازدوقجا آخوندي نوا ايله لب عطشان اوغلوما
جاري ايله گوز ياشوي هر آن پريشان اوغلوما
آغلار گوزيلن بو سوزي یاز تشنه قربان اوغلوما
یاد ایلیه هر بیر بزمیده دیلسیز ئولن جانانه می

• سه شنبه
• 18
• آذر
• 1399
• ساعت
• 23:51
• نوشته شده توسط
• یوسف اکبری

غُنچه ني گـول ايلدي حرمـله نون پيكاني
ياندوروبدور آچيلان گول شه مظلوماني
ديلسيز اوخ ياردي او ديلسيز بالانون حنجريني
ايتدي سيراب او عطشا ني آخان القانی
نه اوخيدي او بير اوخ زهريلي هم اوچ پريدي
بيري يخميشدي آت اوستن اوجا بوي سقّاني
بيراوخي كه سالا عبّـاس علمـداري يـره
گور نه احواله سالار بير صود امر جيراني
ذهنيـده ايـله تجسّم بئله بير منظره ني
ديلده تحليل ايله گوز ياشلي اولان جرياني
باغبانون الي اوسته سارالان غنچه ی ناز
حال بحرانه سالوبدور قـوجالان گلباني
تشنه پيكان اوپوشوب تشنه علي اصغريلن
اولارون وصلي نـوایه گتوروب زهراني
سوسوز اصغر اوخيلان با هم اولوبلار سيراب
اوخ دوتوب جان ولي چيخدي او بالانون جاني
اوخ دگنده بوغازيندان او بالا آچدي گوزين
باخدي مولاسينه يانديردي دل سلطاني
آتا رخسارينه باخدوقجا گولوب طفل حزين
يـاندوروب سيّـد بـطحا ني لب خنداني
دايانـوب مرکز ميداندا حسين ابن علي
الی اوسته يـارالي ديلسيـز اولان قرباني
باخوب اخيامه طرف حضـرت زهرا گوزلی
شرم ايدور خيميه گيتسون او وفانون كاني
چاره سيزقالدي دونوب باخدي فرات اوسته طرف
گوردي قولسوز یخیلان جسمی یارا سّقاني
سسلدي دادينه عبّـاسيني شـاه شهدا
ديدي گل قارداش ابوالفضل وار اگرامكاني
بالام اوخلاندی الیم اوسته اونی یوخ آلانیم
كيمی وار یاده سالا بـو قـوجالان مولا ني
گـوئيا آلمادي عبـّاس حسينون سسيني
ولي زينب ايشيدوبدور او حزين ا لحانـي
تلّون اوستن گوروب اُول صحنه ني زهرايه مثل
آخدي گوز ياشي گوزوندن اوجالوب افغاني
يتوروب فوري ئوزون قارداشينا دیلده نوا
غمدن آزاد ايليـه درده دوشن مـولاني
ديدي قارداش سنه قربان اولا بو غملی باجون
ئولميوب زينـب هله غمده يـانـا جاناني
گـوزليور اللري قو نيندا رباب اوز بالاسين
ويربالاسين آپاروم گرچه چيخوبدور جاني
سالا گهواريه ششما هـه شهيدين يارالي
گـوزي آغـلار اوخيا زمـزمـه لالانـي
ايليوب اصغر آدين زينت آخوندي سوزينه
لُطف حقلن اوبالا مُهـر ایدجك ديواني
آشكارا ايليـور بو سوزي هر يرده بيـان
ديـور اصغر قاني احیا ایلدی قـرآني
بيـرده عرض ايليور انسان ديمرم حرمليه
ظـاهري همچو بشردي عملي حيـواني
فرق حيوان و بشرعقل وكمال وادب است
درك و فهـم اولماسا حيوان بيلرم انساني

• چهارشنبه
• 19
• آذر
• 1399
• ساعت
• 23:57
• نوشته شده توسط
• یوسف اکبری

الهـي دار فـنـاده وفـايــه مشتريم
وفـا و مهـر و محبت صفـايه مشتريم
فلك ورورمنه هرگون رقـم بلا سيندن
با شيـم بلا ليدي الله بلايـه مشتريم
دو رو جماعت ائدور گونده قلبيمي ياره
ويروبدي ئوز غم عظما نوايه مشتريم
منم منمدي سالان اهل عشقي ارزيشدن
منم سوزوندن اوزاق گز كه مايه مشتريم
بودهريده چاليشورچوخلاري طلااوسته
نه شهرت ايستيورم نه طلا يه مشتريم
اوركده چوخدي ملاليم اورگ توزين سيّلم
شفاعت ايستيورم من شفايه مشتـريم
مريض عشقم اليمدن يوخومدي بيردوتا نيم
عنايت ايتسه طـبيبيم دوايه مشتريم
اوركده عمده غميم وار كيمه بيان ايليم
حسین فاطمه تک دلربایه مشتريم
هايا ندا وار قره پـرچم پناه گا هيمدي
حسینه نسبتی وار چون قرايه مشتريم
قراچكيلسه هارا اُول مكانه ميليم وار
كا نّـه آهـنم آهـن ربــايـه مشتريم
گيدنده مجلسه گورم غريبه زمزمه وار
ا ئد نده نا له او محزون صدايه مشتريم
قوراندا مجلس حسینه مني ده ياد ائلیون
دعا ا ئدون اورگوزدن دعايه مشتريم
گيدور بيري گوروسوزسيرائدوراوروپاني
ديوركه گشت و گـذار كذايه مشتريم
گيدورگزوربيريده باغ وگل ستان ايچره
ديور ديلينده معطر فضايه مشتريم
ولي منيمده سيزون تك حسينه عشقيم وار
هايا ندا بزم عزا وار عزايه مشتريم
حسين غمينده گوزومدن روا نه اشگيمدور
ا ونون غمينده يارالي نـوايه مشتر يم
توكون عذاره اوركدن اوناب گو هروزي
چوخ آغليون آ قاما چون بكايه مشتريم
گلنده آدي مشامه گلور هـواي بهشت
حسين آ ديـلا معطـر هـوايه مشتريم
وليك نــار فرا قي ا ئدوب مني بـيمار
مريض عـشقم و دارا لشّـفايه مشتريم
توجّه ايتسه آقام كـربلاسيني گـوّرم
شرف تـاپان قا نيلان نينوايه مشتریم
نچونكه ايللراولارگوزلريم قالوب يولدا
بوآ غليان گـوزيلـن كـربلايه مشتريم
کچورگوزوم قـا با قيندان وقايع بسيار
ند ندي بيلمورم اُول ماجرايه مشتريم
اوآ لتي آ يليق اوشاقه عجيب علاقم وار
كه كيميادي آ دي كيميا يه مشتريـم
آلوبدي غنچه گلي باغبان ال اوسته گلور
گلور ديلينده ديور آشنا يه مشتريـم
گزوربوچولده گوزوم قارداشيم ابوالفضلي
اوعبـد صا لح و صاحب لوايه مشتريم
بو كربلاده نه گلسه با شا سواليم يـوخ
فداي عشقم و امـر خـدا يه مشتريم
الهي اللريم اوسته هـوسلنور اصغـر
بوصود امر اوخا منده جُدا يه مشتريم
فدالريم قوتاروبدور قالوب بو ششما هه
سپم بونون قا نين الان سمايه مشتريم
نه گوردي سرورعالم گلوب سمادن سس
حسين الونده كي ديلسيز فدايه مشتريم
گلوب ديله اوزمان بي مرّوت حرمله ده
دیدی اوخوم هدفه من عطایه مشتریم
آتوبدوي اوچ پراوخين طفل شيرخواره طرف
اوزوم اوخوم دیدی دیلسیز بالایه مشتریم
هواده سرعتيلن اوخ گلوب يرين تاپدي
اواوچ پراوخ دئمدي هيچ خطايه مشتريم
اوپوشدي ديلسيزاوشاقيلا ديلسيزاوخ ناگاه
يوخيدي ديل ديه اوخ آه و وايه مشتريم
دوداق لارون عوضينده سوسوزبوغازدان ئوپوپ
حيا ائدوب لبين اوپسون حيايه مشتريم
آچوبدي گوزلـرين اصغر اشاره ايله دئدي
با با غـم ايتمه بو تير بـلايه مشتريم
بوغازيمي بيچوب اوخ ائتمرم گله اما
عنايت ايله نـوا لي آنـايـه مشتريـم
داخي سو ايسته مورم اوخ ائدوب منی سیراب
بو ا بتـدادي هله ا نتهـايه مشتريـم
بوچولده مين اوخا طالب يارالي جا نيمدور
حق اوسته هر ستم جا نگزايه مشتريم
اجازه وير بلگيمده قيزل قا نـا بـو يا نا
خوشام بو قرميزي قا ندا بقايه مشتريم
بوچولده گوزلريم هي ساق صولا نظاره ايدور
سنون كيمين بئله من ا قربايه مشتريم
وليك يوخدي بوچولده بيزه كمك نيلك
ها مي غريبدي بير آشنـايه مشتريـم
آپار مني آنا ما دورما عـرصه ده نـالان
او نار غمده يا نان بينوايه مشتر يم
رباب آنام يا نوري خيمده منيم اوديمـا
شرار غمـده يا نان مبتلا يه مشتر يم
ديـم آنا نظر ايلـه يتيشميشم كا مـه
نه صود نه سو فقط عشق خدایه مشتريم
قما طـه بـاغليدي آخر ا ليم ايا قيمده
يارام اذيت ايـدور بير دوايه مشتريم

• پنج شنبه
• 20
• آذر
• 1399
• ساعت
• 00:31
• نوشته شده توسط
• یوسف اکبری

وجه الحسن بالام
مندن کوسن بالام
لایلای ویرنده جان
گل تک اسن بالام
عشق ازل بالام - گولدن گؤزل بالام - لایلای عسل بالام

ناز ایلمه منه
لایلای دیوم سنه
سن قهرمان اوغول
من باغریقان ننه
لایلای شیرین سوزوم - لایلای دان اولدزوم - لایلای ملر قوزوم

اوخ چکدی نازووی
أوزدی بوغازووی
قویسون مزاره کیم
قیلسون نمازووی
عطشان گئدن بالا - بی جان گلن بالا - الده ئولن بالا

لایلای قرا گیله
یاننام بو نسگیله
من باغلادیم الین
اوغلوم حلال ایله
من قاره باغلارام - هی سینه داغلارام - بو درده آغلارام

ربابین جیرانی
لب تشنه قربانی
حلقون ئوپنمورم
ئوپسم گلر قانی
ای ماهپاره یات - وای شیرخواره یات - یات حلقی یاره یات

بی حاصلم اوغول
قاره گیله م اوغول
نیلیم دیل آچمادین
دردین بیلم اوغول
لایلای صود اممین -قانلی کفن گیین - دردی بیلینمیین

ائل سینه داغلیار
زهراده آغلیار
گئت یاره وی ئوزی
محشرده باغلیار
تا زنده یم اوغول - شرمنده یم اوغول - شرمنده یم اوغول

پایگاه حفظ و نشر آثار عباسی معروفان اهری (معروف)

• یکشنبه
• 23
• آذر
• 1399
• ساعت
• 15:21
• نوشته شده توسط
• یوسف اکبری

الهی الهی عالمین پناهی
صود امر بالامین نئیدی گناهی

نه عباسیدی نه اکبر مه لقا
گتیرپیم الیمده ایچسون آب بقا
حرمله اوخ ووردی صودامر قوناقا
بیلمدی وار غریبینده بیر اللهی

ششماهه سربازه اوچ پر اوخ وورمازلار
عمرونون شیشه سین غمده سئندیرمازلار
آتانی بالادان شرمنده قویمازلار
بی حیا حرمله یاندیردی بو شاهی

گئجه لر دویونجا صود امیب یاتمادی
آتدی گهواره نی باباسین آتمادی
ئولدی آلتی آیدا ئیلینه چاتمادی بالامین آز عمری دردینون گواهی

منیم عسل بالام عشق ازل بالام
دفتر عشقیمده شیرین غزل بالام
اوخا اولدی نشان آیدان گؤزل بالام
اوت سالدی قلبیمه دیلده سوز آهی

بالاجا قنداقی قانینا بلشدی
بالامین حالینا قوزولار ملشدی
بوغازی یاره لی دوداقی گولشدی
آتاسین آغلاتدی غمزه لی نگاهی

اللری قماطه باغلی بالام لایلای
سوسوزدان ئورگی داغلی بالام لایلای
لایلای قرمزی قنداقلی بالام لایلای
سن ئولدون ربابین گئدور عز و جاهی

شیشه ی عمرونه ویردیلار غم داشی
حلقینه اوخ دگوب اوزولوبدور باشی
رقیه یولداشی اکبرین قارداشی
سوسوز ئولدی سودان آیری دوشن ماهی

پایگاه حفظ و نشر آثار عباسی معروفان اهری

• دوشنبه
• 24
• آذر
• 1399
• ساعت
• 14:54
• نوشته شده توسط
• یوسف اکبری

کوفیان سو یولونی باغلادیلار
دلِ اهل حرمی داغلادیلار
قدغن اولدی سو اهل حرمه
ایش قالوب صاحب مشک و علمه

کسدیلر آب حیاتین یولونی
مایه ی شور و نشاطین یولونی
دشمنون لشگری سد ایلدیلر
خیمیه نهر فراتین یولونی

سو آخوب چوللره داغلار دئدی وای
گلشن عترته باغلار دئدی وای
قوریان مشکه باخوب حسرتیلن
خیمه ده تشنه دوداقلار دئدی وای

اشقیا ظلم مدام ایلدیلر
علقمی عترته دام ایلدیلر
فاطمه اوغلونا اشرار زمان
مهر زهرانی حرام ایلدیلر

محنت و غم بولودی گویده شاخور
نهر علقمده سو آهسته آخور
الده سو جامی سوسوزلار دایانوب
گوزلری مشک ابالفضله باخور

راه چاره نجه گور کسدی عدو
تشنه لر خیمه ده سسلندی عمو
عمو رحم ایله ربابون گولونه
بیر ایچیم اصغره احسان ائله سو

کربلاده بو گئجه محشر اولوب
بانگ یا فاطمه صحرایه دولوب
اسدی محنت یلی حیدر باغینا
فاطمه گللری ظلمیله سولوب

پایگاه حفظ و نشر آثار عباسی معروفان اهری

• دوشنبه
• 24
• آذر
• 1399
• ساعت
• 14:56
• نوشته شده توسط
• یوسف اکبری

سبک : اگر صبح قیامت را شبی هست….

باجی زینب گولوم سولدی اولان دین نخلینه هسته
آناسی خيمده آغلار ولی آهسته آهسته
کر:
گل گورنجه گولوم سولوبدی
قنداقی قانیلن دولوبدی
علی لایلای.. بالام لایلای
علی لایلای بالام لایلای

باجی گل اللريم اوسته قوزی قربانيم اوخلاندی
قماطه اللری باغلی سوسوز جیرانیم اوخلاندی
ایشیدّی هل معین مندن اولوب مستانیم اوخلاندی
آناسی خيمده آغلار ولی آهسته آهسته

اورک دوزمورالیم اوسته ویرور جانانینه جانی
گُلوب بیرلحظه گوزیومدی ایده گویا بوعنوانی
بابا اوچ شعبه اوخ امدیم بوغازیمدان آخورقانی
يارامی ويررباب باغلار ولی آهسته آهسته

ربابه ویرگوزی یولدا بالا گوزلورپریشاندی
آلارسندن اوپرسویلربالا سرتاسرین قاندی
چكرآغوشينه امّا گورربی روح وبی جاندی
توكرقانياش سينه داغلار ولی آهسته آهسته
.
.
سالارگاهي ديزی اوسته علی لايلای ديرآغلار
بوغازیندان گلرقانی دوباره یارسین باغلار
گینه سسلرعلی لایلای حرم اهلین غمی داغلار
دئدوقجان غملری آرتار ولی آهسته آهسته

دیرلایلای جهاد میدانینه عطشان گیدن لایلای
آجیندان دیرناقیلن صورتین خط خط ایدن لایلای
سوسوزقالدون گیدوب امدون سولی پیکان ندن لایلای
بونیسگیل قلبینی اودلار ولی آهسته آهسته

علي گورسنميوب سن تك اوشاق اوچ گون سوسوزقالسون
نه سوایچسون نه صود امسون بشیکده ال ایاق چالسون
اوروج دوتسون بو سینّینده آنانون صبرینی آلسون
قان ایچسون ایلسون افطار ولی آهسته آهسته

همای عشق سن پرآچ قانادلان گل سینم اوسته
قماطه اللرون بیرده رباب اتمز اوغول بسته
زبس صود سینمی گزمور ایدوبدی روحومی خسته
آنان داغ دلون ساخلار ولی آهسته آهسته

بودشت کربلا داغین اوغول من سینمه آلام
قوجاقدا صودا مرگورسم علی وای ناله سی سالام
بالا هجرونده آهوتک بیاباندا ملر قالام
منيلن آهولار آغلار ولی آهسته آهسته

سنی فرض ايليوب دشمن كه جنگه گلموسن اصغر
آتوبدی حرمله بیراوخ یوموب جنّتده گوز حیدر
بیچوپ نازک بوغازپیکان آنان قالدی بالا مضطر
اوغوب گل غنچه ده اشرار ولی آهسته آهسته

آدون اصغراوزون اصغر ولی باب الحوائج سن
الون مشکل گشادورسن تمام درده معالج سن
بوجمعین مشگلون حل ایت دیوردردین نتایج سن
بيری«عدلی»ايدراظهار ولی آهسته آهسته
علی لایلای.. بالام لایلای
علی لایلای بالام لایلای

• جمعه
• 12
• دی
• 1399
• ساعت
• 22:52
• نوشته شده توسط
• یوسف اکبری

ظاهراً طفل رضيع سن باطناً سربازعشق
هنگ عشقه آلتی آيلوق جان فدا جانبازعشق

عشقوی گهواره دن مَن هَلْ معين تا سسلديم
ايتدودن اعلان من مُعينم گلدی تا آوازعشق

تشنه لب اوچ شعبه پيكانی سن اَمدون ” سينوه
تا مدال عشق اولا ای عاشق ممتازعشق

آخدی قانون اللريم اوسته قالوب گل پيكرون
جنّته روحون پرآچدی ايلسون پرواز عشق

بوقانون الله قانی اولدی قاروشدی قانيمه
گورسه دورهرقطره سی بوعالمه اعجازعشق

تحفۀ شايسته سن جانانيمه دلسيز بالا
سن ازل گيت وير خبراوز جديمه همرازعشق

سويله تك قالدی بابام قرخ مين قوشون يركربلا
ظهرعاشورا گچوب بر پا اولورآغازعشق

اهل ايمانون ديلينده «عدلی» بواولموش شعار
سنّی آزمشكل گشادی گلشنه گلنازعشق

• چهارشنبه
• 17
• دی
• 1399
• ساعت
• 19:08
• نوشته شده توسط
• یوسف اکبری

ولایت بحرینه بیر گوهرم من
شهامت هنگینه بیر افسرم من

نگینم گوشوارِ عرش دینه
شرف بارما قینا انگشترم من

علّی اکبر اوخشاردی رسوله
علی المرتضایه مظهرم من

شهیدعشقم و دریای عشقین
ایچینده بیردرخشان گوهرم من

آتام فُلک نجاتین رهبری دور
بو فُلک اُمته بیر لنگرم من

منم باب المُرادو شیعیانه
چتین وقت لرده یارو یاورم من

منم حَبْلُ الْمَتین بند قماطیم
دیمه اصغرکه سرّ اکبرم من

اگرعیسی دانوشدی مهدایچینده
مسیح عترت پیغمبرم من

لبیم سرچشمۀ آب حیات دی
دیمه محتاج شیر مادرم من

گلاب نوگلان باغ دینم
گلم من غنچه وقتی پرپرم من

آتوبدور حرمله پیکانی امدیم
سوسوز دینه فدا بیر رهبرم من

اگرچه ایچمدیم سوآخدی قانیم
ایچن روز قیامت کوثرم من

خلیل کربلایه من ذبیحم
گلستان عشقینه برگ ترم من

یوز ایللیق یوللاری شش ماهه گلدیم
شهیدان ایچره والا برترم من

سپیلدی گویلره قانیم حق اوسته
بلی عرش خدایه زیورم من

آنام زهراکیمی محشرگونونده
شفیع محشرم گر اصغرم من

حسینون اصغریندن یازدون «عدلی»
بولوردن دفتره زیب و فرم من

• چهارشنبه
• 17
• دی
• 1399
• ساعت
• 19:12
• نوشته شده توسط
• یوسف اکبری

آچمیین غنچه گولوم دینه فدا اولدی خدا
گیتدی اکبر یولونی اکبرینه اولدی فدا
ولی سوسوز ویروبدی جان الله
سو یرینه ایچوبدی قان الله
دئدیم آغلاماچوخ سینمده سودوم یوخ
سنه قان ایچیردر آتار حرمله اوخ
علی بالام علی

هی دئدیم ایستمه سوقیمتی جاندی بالایات
منده سن تک سوسوزام سودیماقون فکرینی آت
نه سودوم وارنه ده سوگوزیاشون آزقانیوه قات
باغبان هانسی گلستاندا گوروب غنچه سولا
هیچ گول سنون تک سولمیوب اصغر
قنداقی قانه دولمیوب اصغر
بالایوخدی چاره بوقدرگلمه زاره
سینم دیرنا قونلا اوغول اولدی یاره
علی بالام علی

سن دوداقلارون امن وقته اورک داغلاموشام
سس ویروب اوچ گجه من سنله اوغول آغلاموشام
دگمیه صورتیوه صدمه الون باغلاموشام
نینییم فکریمه یول بوعملیم گلدی بالا
گوزیاشوی ایتمه روان اصغر
قالمورسنه تاب و توان اصغر
منیم دلبریم سن مه انوریم ـن
بهاریم خزانیم سوسوز اصغریم سن
علی بالام علی

هی دئدیم یوخدی سودوم ال ایاقون چالما علی
قوریین دل دوداقون سینمه سن سالما علی
معنالی بـاخمـاقـیـلان طـاقتیمی آلما علی
آل طاهایه اولوب کرب و بلا کوه منا
سنده بشیکدن ویرجواب اصغر
گیت باغریمی ایله کباب اصغر
سنی سسلیین وار یولون گوزلیین وار
دیمه بو مناده سنه بنزیین وار
علی بالام علی

سنی مندن آتان آلدی دئدی الله قالانی
کربلاده سود امردی ساتورام بو بالانی
آخرین فدیه دی ربیم سن اوزون اول آلانی
ایستورم اصغریمی اکبریمه قربان اولا
بودی گل رنگی سولان اصغر
آدی منه ازبر اولا اصغر
بو عمره ثمردی بالام سود امردی
آخاربیرسُها تک سمایه قمردی
علی بالام علی

بنزوری فعلیده بوچولده بالام قارداشینا
اسمعیلدی بومنه باخمازحسین آزیاشینا
هاجراولموش آناسی سُرمه یاخوب گوزقاشینا
آنادا راضیدی اصغر گیده اکبریولونا
کمک ایتدی سنه اصغراوزی نوحه یازیلا
ذرّیۀ طاهادی بوالله مِهریۀ زهرادی سو الله
اسه طوفان ایستور سولی پیکان ایستور
سوسوزجان ویره تا قالا قران ایستور
علی بالام علی

نوحه ده غم یارانوب یازماموسان اوز باشیوا
اهلبیتی سُووَنی ییغ گینه «عدلی» باشیوا
نوحه خوان اولسان اگراذن اولونی گوزیاشیوا
کمک ایتدی سنه اصغراوزی نوحه یازیلا
باب الحوائجدی بالام اصغر
درده معالجدی بالام اصغر
هامی نوحه خوانه عزادار اولانه
شفیع قیامت بودی عاصیانه
علی بالام علی

• چهارشنبه
• 17
• دی
• 1399
• ساعت
• 20:28
• نوشته شده توسط
• یوسف اکبری

سبک: محرم رازیم الله ....

لطف خدای اکبر
گلوب جهانه اصغر
غنچه گولوم گوزآچدی
اولماقا دینه پرپر

هنگ عشقه خردا جا سر بازاولانیم
آلتی آی صورا قرآنا جانبازاولانیم

قوخما یوخدی
اوخ آتان یات
قیدیوه وار
چوخ قالان یات

اصغریم یات گوهریم یات

گهواره وه سالارام
لای لایوی چالارام
یرون راحت اولماسا
قـوجا قیمه آلارام

دردیوی اوغول سن دیمسن من بولرم
بیر گونوم اگر سنسیز اولا من اولرم

صبح اولونجان یاتمارم من
سینم اوسته یاتماسان سن

اصغریم یات گوهریم یات

جان عـزیز مادر
عرش خدایه زیور
سـینمه اللرون سال
مشکل آچار بو اللر

ایندیدن سنون اللریوی باغلامارام
سینمی گزور واردی صودوم آغلامارم

ام صـودون آج یاتما اصغر
قوت جا ندور شیر مادر

اصغریم یات گوهریم یات

گلشنده چوخ گول آچار
سوسن و سنبل آچار
هرنه نه نین اوشاقی
بُیوردونر دل آچار

من اوغول سنون دل آچماقون گورنمرم
ام صودومدن آجلوقووا دوزنمرم

یات گوزون یوم سالما درده
کربلا نی آل نـظـرده

اصغریم یات گوهریم یات

یوسف کنعان سن
سرو گلستان سن
سن بو ربابه عـلی
حیف اولا مهمان سن

من آنان کیمی واردی باشوندا ماجرا
حیف اولا دولار ظلمیله قونداقون قانا

اوخ آتار سنه حرمله بالا
یر گویه سالار ولوله بالا

اصغریم یات گوهریم یات

گویده گونوز آی اولماز
اصغـریمه تای اولماز
آلله سنی پای ویروب
سنکیمی بیر پای اولماز

سن سُها کیمی بیرگون اولارکه آخاسان
حلقیدن آخان قانی عذاره یاخاسان

شه ال اوسته جان ویررسن
دین حقه قان ویرر سن

اصغریم یات گوهریم یات

واردی چوخ امتیازون
سنسن شه حجازون
اللری اوسته اوغـول
پارچالانی بوغازون

بیرباخوب گولوب صوندا یومارسان گوزوی
کاش او لحظه ده دیه بولیدون سوزوی

نی کیمی آنان نالیه گلر
هر گجه گونوز آهوتک ملر

اصغریم یات گوهریم یات

(عدلیده) یوخ خیر عمل
سندن اوغول چکمز ال
سسـلسه داده سنی
حشریده فریاده گل

چوخ گناهی وارعمرونی ایلیوب خطا
ایت شفاعت رحم ایده عفو ایده خدا

کج گیدوب گر یول آزوبدی
مدح و نوحه چوخ یازوبدی

اصغریم یات گوهریم یات

• پنج شنبه
• 18
• دی
• 1399
• ساعت
• 12:54
• نوشته شده توسط
• یوسف اکبری

سبک: ویرانه ده نازلی بالام....

خارجفائیله گولوم اولدی باجی خندان
جان ویردی اللراوسته گل بو صود امرعطشان

لایلای علی لایلای بالام لایلای علی لایلای

بیرظلم ایدوبدی حرمله " قلبیم الولاندی
تیرسه پرتوکدی قانین" قونداقی القاندی
یاتموشدی دیسگیندی بالام " بیر لحظه اویاندی
گولدی منه یومدی گوزون " باتدی مه تابان

گلموشدی سو ایشسین بالام" سوویرمدی اعدا
قتله یتیرسون شامیان " قوردی اودم شورا
بو دشتی ایتسونله منه " بیر محشر کبرا
اوخ گلدی دگدی اصغره "سالدی چوله طوفان

دنیا دولاندی باشیمه تار اولدی گوزومده
اوپدوم بو غازین زینبیم قان وار بو یوزومده
اصغر له باهم یاره لی اولدوم من اوزومده
اوخ حلقینی بیچدی اونون دگدی بو صاق قولدان

قانین ازل اعضاسینه "یاخدوم غمه باتدیم
مِحنت فشاریدنن قانین" گوز یاشیمه قاتدیم
اوجومدا دوتدوم قانینی" گوی سمتینه آتدیم
بیر قطره سی گلسه یره "دنیا اولار ویران

یوخ دوربوچولده بیرنف مندن بونی آلسون
ویرسون آنایه تا آنا گهواریه سالسون
حنجر یاراسین باغلاسین لایلاینی چالسون
اوچ گوندی تشنیدی بالام "عطشان ویروبدی جان

حسرتله باخدیم اصغره اصغره منه باخدی
گولدی یوزومه گولماقی قلبه شرر یاخدی
گوزیومدی یاتدی تا ابد اشگیم یوزه آخدی
سوایستمز بیرده بالام امدی سولی پیکان

دعوت ایدن حرمت پوزوب عزّتلی قوناقین
مهمانی بوچولده اَمُور خشکیده دوداقین
اوخ آتدی قوش تک اصغریم " چالدی ال ایاقین
ظلمونده نقصان قیمیوب " بو لشکر عدوان

(عدلی) صبوی عشقیدن آب حیات ایستر
رخسارینه اشگون توکر مندن برات ایستر
محشر گونی اول شافعه اود دان نجات ایستر
لطفون اونا شامل ایله تا اولماسین گریان

• پنج شنبه
• 18
• دی
• 1399
• ساعت
• 20:56
• نوشته شده توسط
• یوسف اکبری

اصغری تا اکبر مردان عشق
گتدی الده تا گوره میدان عشق

سسلدی بو صود امردی ای سپاه
یوخدی هیچ آئینیده طفله گناه

من حسینم سرور و جانباز عشق
اصغریمدور هنگیمه سرباز عشق

من حسینم یوسف مصر وصال
اصغر یمدور آیت حُسن و جمال

من حسینم شاهد دیرو حرم
اصغریمدور کعبۀ وصل اُمم

بو منم میم مسیحایه نوید
قالموشام عشق اوسته بوچولده وحید

من حسینم کاشف سرّ احد
شاه دینم والی ملک ابدا

اکبریم گر اُولدی قالدیم بی معین
اصغریمدور پیرو قرآن ودین

آچمین گل دور ویروب برَ باغ دین
آز قالور سولسون گروه مشرکین

بیرباخون سوزعطش بیتاب ایدوب
سوآخوب وحشیلری سیراب ایدوب

تا بشیکدن آلدی بوآواز عشق
گلشن عشقه گُل بی خار عشق

کلمۀ لبیکیلن اعجاز ایدوب
حق بونی عشاقیده ممتاز ایدوب

گوهرگنجینۀ سّرالاه
گوهر رخشنده دور بو مثل ماه

گوهر دریادی بو خشکیده لب
شوقیلن گلدی ایده دیدار رَبّ

گلدی بو عشق عالمین آغاز ایده
شمعینه پروانه تک پرواز ایده

گلدی اولسون رونق بازار عشق
صودامه اُوخدان اولا سالار عشق

وارسیزه داشدان اورگ مانند کوه
بحردینه گوهریمدی ای گروه

تشنه دی می ایستوری ویرسون نگار
مست اولوب تا ایلسون جانین نثار

اُول مئی که محرم دل ایلسون
قلبی روشن فکری عاقل ایلسون

اُول مئی که روحه تازه جان ویره
قلبه قوّت نور و هم ایمان ویره

حجّت اتمام ایلدی تا شاه دین
اولمادی کیمسه اولا یار و معین

نوگُله ایتدی فلک بی حد شتاب
تیریلن ویردی ایچه تا قطره آب

حرمله آتدی اونا تیرخدنگ
لبلری قونداقی اولدی لاله رنگ

تیر اوچ پرحنجرین تا چاک ایدوب
شاه دینون قلبنی غمناک ایدوب

سن ندن آتدون فلک تیرو کمان
کاش بولیدون نیندی شیرین زبان
گُلدی اَوّل گوزیوموب تا ویردی جان
تا جهان وار اود دوتارقلب جهان

آخدی قانی تا بوله اهل وفا
عاشقه چوخ نوش دور تیرجفا

بو غمه زهرا بالاسی آغلادی
مهری جوشه گلدی سینه داغلادی

اوجونا دولدوردی قانین تا گویه
سپدی امّا ایتمدی حقدن گله

هاتف غیبی یتوردی بو پیام
غم یمه بواصغرون من خوشلارام

وار بهشته دایه سی قوخما حسین
صود امردن ناگران اولما حسین

ناله آز ایت ای عزیز قدسیان
شعله ورایتمه یانار هفت آسمان

سینوه بوعشقی اَزّل آلموسان
قیدینه بو امُّتون سن قالموسان

بیزسنه مُلک شفاعت ویرموشوخ
یوم محشرشأن و عزّت ویرموشوخ

اُّمّت ایچره هم قره اولسا سفید
گوز تیکر واردور شفاعتدن اُمید

اول شکیبا دُوز غمه پروردگار
قویمیوب گورسون بیری خوش روزگار

انتقام اصغری مهدون آلار
اُمّت ایچره سایۀ رحمت سالار

اَلغرض اوخلاندی اَل اوسته بالا
تاپمادی اولسون بیری اَلدن آلا

سسلدی زینب گل آل اُولدی بالام
اوخلانوبدی گُلکیمی سولدی بالام

قلبیمی یاندوردی بو دلسیزاوشاق
شاخه دن سندی گلوم دوشدی بوداق

کشتیم دریای غمده قالموشام
سینمه دنیا بویی غم آلموشام

اکبریم گتیدی دیدیم اصغرقالار
گُلماقیلن درد و غم مندن آلار

بولمدیم بو صود امرقانه باتار
حق یولوندا دنیانی گوزدن آتار

مندن آل ویر تا آناسی آغلاسون
قان آخورحَنجریاراسین باغلاسون
دخت حیدر زینب والا گهر
گوهرگنجینۀ علم پدر

فخرنسوان قبلۀ مردان عشق
عصمت اله همره سلطان عشق

زهرۀ زهرا مَه بُرج وفا
شاهد احوال شاه کربلا

صبره اُسطوره آچوبدی اللرین
آلدی قارداشین الیندن اصغرین

عرض ایدوبدی ای خدای کردگار
بو جهان اُولمور ندندی تارو مار

حُرمتین سندیر دیلارپیغمبرین
دردیلر بیربیرگلستان گُل لرین

بو گُل نو رستۀ باغ ولا
پَرپَر اولدی قونداقی دولدی قانا

من بونی ویرسم ربابه ساچ یولار
دردوغمدن اشکی گوزده قان اولار

عاقبت ویردی خیمده مادری
آلدی آغوشه گل نیلوفری

گَلدی گفتاره اوغول خوش گلموسن
سو ویروبلر ایچموسن دینجلموسن

بوش قالوب سینده گل خوابگهون
دی هارا اولدی سنون قـتلگهون

اوچولارتیرآتدیلار اولدون نشان
صید ایدوب آخر سنی بوکوفیان

ایتموسن باغریمی قونداقوی قان
ولی وارچهره ده آثار جنان

بیرایچیم سواوسته گوردون کشمکش
بیر سولی پیکانی امدون غنچه وش

نخلۀ ایمانه اوغلوم هسته سن
یوم گوزون یات سینم اوسته خسته سن

یات بیرآزدینجل سنه لایلای دیوم
من باخوم بوحنجره ایوای دیوم

صودامرشیرین زبانیم اصغریم
سینه ده صبر و قراریم اصغریم

یاتماموشدان یارَوی قوی باغلیوم
یوز یوزه سنله قویوم بیرآغلیوم

جام وصلون ایلیوب سر خوش مَنی
ترک ایدم مُشکلدی اوغلوم من سنی

غم یتَر هجرینده قلب زاریمه
سیل تک اشکیم آخار رُخساریمه

قلبیمی بیجا یره من دَلمَرم
سن سیز عالمده بالا دینجلمرم

گورسم هریرده اوغول بیرصودامر
واریری تو کسم یوزه اشک بصر

آهوان حالون اگر بولسه ملر
قالماز آخربو روبابوندا اُلَر

سینمه سندنصورا گُل ساچمارام
غم قاراسین بو باشیمدان آچمارام

سن گلومدن بیر نفر آلسا خبر
نه دیوم من نه گلوب باشه نه لر

کاش منی درک ایلیه پیک اجل
لطفون اولسا سنده منله شامه گل

(عدلیدی )یتمیش ایکی بیتی یازان
اللروندن دردینه درمان آلان

• شنبه
• 20
• دی
• 1399
• ساعت
• 20:28
• نوشته شده توسط
• یوسف اکبری

آغلا قان آغلا گوزوم اصغر عطشانه گوره
باب حاجتدی آدی خورداجا دامانه گوره

اصغرین آدی منیم شعریمه دوز قاتدی گنه
اهل دل گورسه اونی تا که حکیمانه گوره

خوردا سرباز ئوزونی ایستدی عباسه قوشا
وادی عشقه دوشوب سیریده عرفانه گوره

بیلدی فرماندهی میداندا آدامسیز دایانوب
گلدی معناده دیله حضرت مَنّانه گوره

دئدی ای عرصهء میدانی آدامسیز دولانان
کف اخلاصه قویان جانینی جانانه گوره

الی قوینوندا دولانما بابا یاندیرما منی
لشکرون قویما سِنا بیر بله طوفانه گوره

هَله من ئولمه میشم گَل بابا اخیامه طرف
عرضیمی سالما یره غنچه ء خندانه گوره

شاهبازون یخیلوب ای شه گردون خَدَمه
خوردا شهبازووی قوی باری بو بیگانه گوره

عَموم عبّاسیدن اِلهام آلورام عشقیمه من
ایستورم پیر خِرد عشقیمی مردانه گوره

اصغر اولسامدا اگر رتبه ده اکبر تاییام
امتحان ایله اَلَستونده کی پیمانه گوره

گرچه یوخدور قولومون قدرتی جنگ ایلَمَگه
شیر بَچّونده گرک رزمی دلیرانه گوره

یاره لی سینووه قَلخان عوضینده منی آل
پیکر شاهه گلن اوخ ،گَله قَلخانه گوره

تای توشوم گولسه گُله من گولرم اوچ پر اوخا
پوزمارام حالیمی اصلا بِله پیکانه گوره

منی گُللردن آیرما سنی اکبر جانی گَل
غُنچووی گُللره قوش قوی اودا گُلخانه گوره

قدم آتسیدیم اگر زحمتیم اولمازدی سنه
اَلون اوسته گَل آپار داور سبحانه گوره

اوشاقین دردی اولاندا بیلر اَوّل نَنَه سی
یوخ دئمز ایسته سه گر جانینی درمانه گوره

سینه سینده نَنَمون رَدّی قالور دیرناقیمون
منی دوشدن آیروب سینه ده کی قانه گوره

زحمتیم چوخدی بو گونلرده نَنَمدن خَجِلم
اودا مَندن اوتانور بو قوری پِستانه گوره

گَل خلاص ایله اونی هم صودامر عاشقووی
عشق میقاتینی قوی عاشق مستانه گوره

منه گهواره سنه تنگیدی دنیا یوزی ، گَل
ایله بیر چاره بابا هر ایکی زندانه گوره

ایکی یورقون ایکی تشنه ایکی قارداشی ئولن
قوی نَنَم حضرت زهرا بیزی یان یانه گوره

نَنَه می ترک ائدورم تا سینوون اوسته یاتام
گِنه آغوشووی آچ بو قوزی قربانه گوره

اصغرین خورداجا دامانینه(نادر) آل آتار
اَلی چیخماز بوشا بو دیدهء گریانه گوره

• یکشنبه
• 21
• دی
• 1399
• ساعت
• 11:34
• نوشته شده توسط
• یوسف اکبری

عصرين امامي قوي اوخويوم اوخشاما سنه
صبــر ايلسين بوغصــّه ده الله عطـا سنه

جانلار فدا حسينيله شش ماهه اصغره
اولموش بو ماجرا بيلورم برملا سنه

گلدي امام آلدي عليني ربابيدن
بيللم بويوردی سويگلي دور بوبالا سنه

امّا عليني دينه گرگ من فدا ويرم
چاتميش رباب! نوبت هر ابتلا سنه

گلدي داياندي لشگر عدوانه روبرو
تأثيرايدوب ديدی بالا ايستي هوا سنه

اصغرداريخما حرمله سيراب ايدر سني
بونّان علاوه تشنه ليگ اولماز روا سنه

آغزيندا قالدي سوزآقانين؛ قوپدي هاي هو
مولا !! بوغمده آغليوري ماسوا سنه

اوخ سيرايدورهواده يوموب گوزلرين حسين
قاتل ترحّم ايلمدي هيچ بالا سنه

نازك بوغازهارا بالا اوچ شعبه اوخ هارا
بيلّلم داخي بيله يارادان يوخ دوا سنه

گؤزلوريولون ننم اوني چوخ قويما ناگران
لايلاي چالار بهشت ده اول با وفا سنه

قوي(آذرين) قرا يوزي اشكون ترايلسون
شايد حسين(ع) شفاعت ايدنده باخا سنه

• پنج شنبه
• 25
• دی
• 1399
• ساعت
• 09:28
• نوشته شده توسط
• یوسف اکبری

اصغريم ايچدي ظلميله سو عوضينده قان باجي
حلقي اولوبدي اوغلومون اوچ پر اوخا نشان باجي

روز ازل بلا يازوب چون حق ذوالنعم منه
يتميش ايكي فدا لري زينت ايدوبدي گلشنه
اصغر شيرخواره ني ايلدي باش گيدنلره
باب الحوائج ايلدي اوغلومي ذوالمكان باجي

سولدي چمنده گوللريم گيتدي هامي فدالريم
اكبر و قاسميم اؤلوب قالدي اؤركده اللريم
علقمين اوسته دوغرانوب ماه منير لشگريم
فديه لريم تمام اولوب اصغريدي قالان باجي

سسلديم اوندا يوخ منه بير نفر ايلسون مدد
كوفه ليدن سس اولمادي گلدي صداي بيرولد
من هله قالموشام بابا سانما كي قالموسان احد
ويردي رباب اوز گولون /جيسميمه گلدي جان باجي

اللريم اوسته اصغري گتديم اولا منه فدا
گورنه تلظي ايليور سسلديم اي قوم دغا
رحم ايليون سوسوزدي بو گرمنه رحموز اولماسا
سو يرينه اوخ آتديلار عالم ايدوب فغان باجي

اوخ هدفه دگن زمان فاطمه ناله ايلدي
غملي ربابين اوغلوني تير سه شعبه پيلدي
گولدي بالام من آغلاديم اوندا رقيه نيلدي
ذبح ايلدي سه شعبه اوخ حنجريني گمان باجي

اوپديم علي اصغرين پارچالانان بوغازيني
خود بخود آخدي گوزلري قيلديم اوزوم نمازيني
باغريما باسديم اونداكي فاش ايليوردي رازيني
راز ديلين بونوعيله ايتدي منه بيان باجي

سويلدي قوي رقيه ني سوز عطش كباب ايده
قتلگهه گتيرمه قوي عمه ميلن اسير گيده
تشنه قوناغي كوفيلر ياخجي ايدله بدرقه
حرمله بيلسه تشنه دي حلقين ايدر نشان باجي

قلبووي قانيلن عجين ايله سه غملر (آذرين)
صدقيله يادوه گتير اوخلي بوغازين اصغرين
قانين آتان زمان ديدي عرشه طرف شه مبين
شيعه لرين شفاعتين ايليجك بوقان باجي

• پنج شنبه
• 25
• دی
• 1399
• ساعت
• 09:34
• نوشته شده توسط
• یوسف اکبری

جشن مطهردی - گویا کی محشردی - میلاد اصغردی جانلار فداسی
دلبند حیـدردی – جـان پیمبــردی – میلاد اصغردی جانلار فداسی
گلـدوخ بو آستانه * لطف ایله عیدیانه
دعوت اله بوجمعی * کربـلا و جمکـرانه
لایلای علی صغر

ای مـاه تابانیـم - ای شمـس رخشانیـم - قربـان سنـه جانیم ای شاه محشر
سن ماه رخشانسان – عشق اهلینه جانسان – جنتده سلطانسان ای شاه محشر
سن سن دیر و کنشتیم * عشقوندی سر نوشتیم
یـوخ جنتـه نیـازیـم * کربلادی چون بهشتیم
لایلای علی صغر

ای دُر نایابیم - پَرتولی مهتابیم - شش ماهه اربابیم قربانین اولام
جود و نتایج سن – درده معالج سن - باب الحوائج سن قربانین اولام
دیلده آدون اولوب حک * تک سن باباون علی تک
جشــن تـولـودونـدی * عـالمللــره مبــارک
لایلای علی صغر

• پنج شنبه
• 2
• بهمن
• 1399
• ساعت
• 22:03
• نوشته شده توسط
• یوسف اکبری

حسینون شش ماهه سربازی
نوگل نازی – یار جانبازی –
یاعلی اصغر
مبارکدی جشن میلادون
بو گوزل آدون - ائدی تن نازی
یاعلی اصغر
سنون میلادون نه زیبادی
آدیوه قربان اهل معنالر
کُل دنیالر – همده دریالر
جانِ جانسان
اوشش ماهه عمروه قربان
آلتی آیلیخدا ثابت ائدون
سن درده درمانسان ،روح ریحانسان
قهرمانسان
علی جانم یا علی جانم
من اوشش ماهه عمره قربانم
یاعلی جانم یاعلی جانم

حسینون سن کهکشانینده
سانکی اولدوزسان یوخ اینان مولا
عشقیلی آی سان
اگرچه جسمون اولوب اصغر
هم آدون اصغر شأنیده اما
اکبره تای سان
سنون قانین دین اسلامه
تازه جان وئردی اولدب پیرایه
تاپدی سرمایه - اولدی پرمایه
دین و قران
سنه مدیوندی علی اصغر
دین و آئین و مکتب و عرفان
روح جاویدان - آیة قران
نسل انسان

یقینیم وار سن کیمی شاهه
باغ جنتده اوز عمون محسن
حتمی یولداشدی
علی جان ای شاه شش ماهه
آندولا حقه بـو گـوزل آدون
هـر نـدن بـاشدی
آدون چون باب الحوائچدی
دردمندانین دردینه مولا
ایله بیر چاره – گلموشوک زاره
یاعلی اصغر
غمونده دائم یانار سینم
تا دوشر یاده یاره لی حلقون
باشه مولا جان – باغلاروخ قاره
یاعلی اصغر

• پنج شنبه
• 2
• بهمن
• 1399
• ساعت
• 22:05
• نوشته شده توسط
• یوسف اکبری

اصغر ای نـوگلِ خندان حسین
اصغر ای پاره ای از جـان حسین
اصغر ای طفل دبستان حسین
اصغر ای شیـر نیستـان حسین
اصغر ای چِلچِلـۀ آل تُـراب
اصغر ای مَـه رُخ و دلبنـد رباب
اصغر ای شـاپـرک اهـل ولا
اصغر ای نـابغــۀ کـربـوبـلا
اصغر ای عشـق خـدای اَزلی
اصغر ای جـان حسیـن بن علی
اصغر ای نام تو سوداگر عشق
فاش گویم که تویی رهبر عشق
اصغر ای فـاخرۀ عرش زمین
نوکـر و چـاکرِ تـو روح الامین
اصغر ای سـرور اَحـرارِ زمان
اصغر ای قلب زمـان را ضَـربان
اصغر ای ماه درخشـان رباب
اصغر ای پـاکی دامـان رباب
اصغرای نورِ دو چشمانِ رباب
نَـوۀ فـاطمـه و جـانِ ربـاب
پادشـاهان جهـان بنـدۀ تو
نهـر علقم شـده شرمنـدۀ تو
ساقیَ چشمۀ کوثردی بابان
علقمـه وار نه نیـازون آقا جان
تشنه لیک حَدینه سن تاب الدون
شرمیدن علقمی سن آب الدون
آدون اصغردی مقامون اوجالوب
پهلـوانلار بو آدونان گوج آلوب
فاطمه سفره سینون داد دوزوسان
کربلا صحنه سینون الدوزوسان
چاره سیز درده معالج سن آقا
آخی سن باب الحوائچ سن آقا
سن حسینون دلینون پاره سی سن
سن بوتون دردلریمون چاره سی سن

• پنج شنبه
• 2
• بهمن
• 1399
• ساعت
• 22:11
• نوشته شده توسط
• یوسف اکبری

در اهنگ ( بخدا دنیا رو نمیخام )

جانیمه اوت سالدی الله بوغازیندا اوخ یاراسی
الیم اوسته چیخدی جانی الله الله
بوغازینان سـوزدی قانی الله الله

اوچ گجه گوندوزدی یارب ایچمیوب سو نیمه جاندی
اوخلانوب نازیک بوغازی پیکری پیوسته قاندی
خیمه ده بی کس آناسی یول گوزتلور ناگراندی
هی دیور الله نظر ات اولماسین باشدا بلاسی

آناسینان من آلاندا واریدی چـوخ سوز و سازی
الیمین اوستونده ایندی پارچالاندی گل بوغازی
قانه باتدی اکبریم تک چوخالـوبدور امتیازی
اصغریم اکبر نشانی عشقوون قاندی بهاسی

بو گلی دردیم گتیردیم دُوندرم بلکه گلابه
اوخلانوب اما الیمده دوشدی جانی پیچ و تابه
جان وئریب شش ماهه اوغلی صبـری وئرالله ربابه
قانه باتدی چون الیمده صود امر دیلسیز بالاسی

حرمله بولدی سوسوزدی اوخلادی عطشان بالانی
یوخدی الله اللریمنن قوزی قربانی آلانی
نه آلان واردی الیمنن نه ده وار قبره قویانی
نیلیک دیلسیزلرینده واردی گویده بیر خداسی

شاهد اُول یارب بو حالدا بالامون قیلدیم نمازین
عرشیده سن ساخلا الله بو شهیدین امتیازین
گویللره یاز بیشدی پیکان بالامون عطشان بوغازین
نه اوتاندی اوخ آتان اَل نه اوخون اولدی حیاسی

چشمه تک رخساره آخدی گوزلریمنن دیده یاشی
قالدی انگشتر الیمده پارچا پارچا اولدی قاشی
توتماسیدیم اللریمنن اوزولردی فـوری باشی
اصغریمده اولدی یارب دینوون قانلی فداسی

شاهین ئولسه بیرجوانی دردین هش وقت چوخلامازلار
تک قالان بیر شاهی آیا یاد ائدوب هش یوخلامازلار؟
رسمیدور دریا یانیندا تشنه آهـو اوخلامازلار
حرمله سیندیردی رسمی واردی یارب چوخ جزاسی

• شنبه
• 4
• بهمن
• 1399
• ساعت
• 20:20
• نوشته شده توسط
• یوسف اکبری

ای چیخان ظلم الینن جانی اصغر
ای آخان حَلقیدن القانی اصغر

گئدمگه وار اشتیاقون لایلای اوغلوم
چالمـا بیلـه ال ایاقـون لایلای اوغلـوم

لایلای اوغلوم – لایلای اوغلوم

جامة عشقیـوی گل سویمـا اوغلوم
یوخ کسیم گل منی تک قویما اوغلوم
سـاغ صـولا دونمـه یاندیرما بو قلبی
تیـر غملـه بو قلبـی اوویما اوغلوم

یـالامـا بیلـه دوداقیـن لایلای اوغلـوم
چالمـا بیلـه ال ایاقـون لایلای اوغلـوم
لایلای اوغلوم – لایلای اوغلوم

ای ربابیـن مللـر جیـرانی اصغر
ای حسینون گوزل قربانی اصغر
چوخ ئوزوی یورما ای تشنه آهو
بیر دایان رَدّ ائدیم پیکانی اصغر

اسدی غمنن گل بوداقیـن لایلای اوغلـوم
چالمـا بیلـه ال ایاقـون لایلای اوغلـوم

لایلای اوغلوم – لایلای اوغلوم

حرمله وئردی بیر اوخ جانین اَسدی
سر به سر حلقیـوی اوخ اُوزدی،کسدی
دوره دن حالیمـه دشمن چـالور اَل
چیرپینـوب قلبیـمی یاندیرما بسدی

غم ییخا دشمن تُوفاقین لایلای اوغلـوم
چالمـا بیلـه ال ایاقـون لایلای اوغلـوم

لایلای اوغلوم – لایلای اوغلوم

• یکشنبه
• 5
• بهمن
• 1399
• ساعت
• 20:54
• نوشته شده توسط
• یوسف اکبری

دئیـورم بـو سـوزی تأییـد الییـه مُنصـف لر
اصغـریـن گـوزلرینـه قـربـان اولا یوسـف لر
قوی دئییم سینه لـروزده چوخادیم تاب و تبی
اوپمگـه قنـداغینـی نُوبـه چکـور خضر نبی
قنداغین بوس الینللر او قـدر چوخدی کی؛ گر
قـوجـالار خضـر نبـی نـوبتینـه دورسا اگر
فاطمـه سینـه سی اصغـر آقامیـن بالشدی
دردمنـده کـرم اِتمـاق الـه اصغـر ایشیدی
حـوری لر جنـت العـاده اونـون غمکشیـدی
یوسف و نـوح نبی دائمـی جـارو کشیـدی
قطـره قطـره ییغیشا بیـر یئره گـر دریـالر
تـوپلاشـا بیـر یئره گـر مـه رُخ و هـم زیبالر
چوخـالا یونـس و یحیـائیلـه هـم عیسی لر
یـوسف و نـوح و سلیمـانیلـه هـم موسی لر
یاخچیلیخلاری ییغـوب پیسلیغـی کم ایلییَلر
یئر گویـون نابغـه سین بیـر یئره جم ایلییَلر
اولاریـن هامـوسینی بیر بیر مخلوط ائده سن
حقیدن اذن آلاسان صونرا اونی فوت ائده سن
اولارین ترکیبی ، مخلوطی اولار بیـر گوهـر
هلـه شـایـده اولار اولمیـالار بیـر اصغـر

• جمعه
• 10
• بهمن
• 1399
• ساعت
• 20:21
• نوشته شده توسط
• یوسف اکبری

مُحرران وفا مُنشیان محنت و غم
ائدوبله اوّل سرلوحه ده بو نوعی رقم

خرابه نون قاپوسیندا اسیر قوم عناد
امام مُفترضُ الطاعه سیّد سجاد

دوروب ائدردی تماشا ملول و دل ناشاد
گوروب بیر آهونی صید ایلیوبدی بیر صیاد

کئچنده آهو دونوب باخدی بیر امامه طرف
دیردی باطناً ای ابن شهریار نجف

ترحم ائت منه ای پادشاه عالمیان
ئوزوم دچار قالوبدور ایکی بالام ویلان

چاغوردی اوچونی فرزند سرور بطها
خلاص ایله بویوردی بونی رضای خدا

گئدوب بالالارینون حال زارینی بیلسون
قالوبلا آج اولارا صود وئروب گنه گلسون

اگر قیتمسه من ضامنم بو آهویه
بهاسینی وئرورم گرچه گئتسه هر سویه

دونوب امامه باخوب حیرتیله اول صیاد
شمادتیله دئدی ای اسیر دل ناشاد

اگر سنون بو قدر ثروت و جلالون وار
خرابه دن و بو زنجیردن ئوزون قورتار

الین اوزاتدی یره سرور حجاز و عراق
گوتوردی وئردی او صیاده بیر اووج تپراق

ائدنده تپراقا صیاد دقتیله نظر
نه گوردی تپراق اولوبدور تمام دُر و گهر

دوشوب ایاقینه عرض ائتدی کیمسن ایله بیان
آتام آنام ئوزوم اولام آقا سنه قربان

بویوردی حجت باری منم امام زمان
آتام حسیندی سوسوز کسدیلر باشین دالیدان

یوزون ایاقینه قویدی به دیدهٔ گریان
دیردی عجزیله العفو یا امام زمان

دوروب آچوب ال ایاقین بوراخدی حیوانی
ئوزوندن ایلدی راضی امام والانی

خلاص اولجاقین آهو قویوب بنای فرار
او قدر گئتدی که تا گوز ایویندن اولدی کنار

دوروبدی اوچی ولی کئچمدی او قدر زمان
ایکی بالاسی یانیندا یتیشدی اول حیوان

دوشوب ایاقلارینا اذن وئردی گوز یاشینا
دوروب امام زمانون دولاندیلار باشینا

دیردی باطناً عهدیم باشا یتیردیم آقا
بو ایکی طفلیمه صود وئرمدیم گتیردیم آقا

دولوبدی دوشلریم ای پادشاه هر دو سرا
اجازه وئرسون اگر صود وئرم بالالاریما

بویوردی آهویه اول یادگار ختم مآب
آپار بالالاروی ائت خرابه ده سیراب

گتوردی گوشهٔ ویرانیه ایکی بالانی
آلوب آرایه ایکی صود امر بالا آنانی

اَمَردیلر ایکی یاندان باخاردی آل الله
خانملارون آراسیندا گوروبدیلر ناگاه

اوجالدی ناله علی اصغرون آناسیندان
خرابه نالیه گلدی اونون نواسیندن

دیردی گل آنون ئولسون گُلیم سولوبدی بالا
هایانداسان علی جان دوشلریم دولوبدی بالا

بالا قوجاقیمه گل آغلا بیر دیوم جان جان
او‌گل کیمی سارالان رنگوه آنون قربان

بیر آز قالوبدی چخا جانیم اشتیاقوندن
خرابه ده یانارام من سنون فراقوندن

ندندی گلمز اجل قورتارام من ناشاد
آنوی یاخشی ملر قویموسان ایوون آباد

گل ای قویان منی هجرینده یانه یانه بالا
خدنگ قامتیمی دوندرن کمانه بالا

بو نسگیلون آنوی یاندیرور آنون ئولسون
نه نوعی تاب ائلدون تیر جانستانه بالا

چالاندا سن ال ایاق اولمادیم یانوندا سنون
یانار یانان اورگیم آتش نهانه بالا

هامی آنا بالاسین قتلگاهیدن تاپدی
تاپانمدیم سنی باغریم دولاندی قانه بالا

علی ئوزون باباوین سینه سینده یات راحت
آنوی قویگیلا ویرانه لرده جانه بالا

بیلوبدی باب کرمسن دخیل درگاهون
گلوب امیدیله«منعم»بو آستانه بالا

• چهارشنبه
• 15
• بهمن
• 1399
• ساعت
• 21:42
• نوشته شده توسط
• یوسف اکبری

درسِ‌ قیام آلوبدور چوخلار بو صودامردن
رمز قیام اولوبدور چون انقلابِ اصغر

اولسون قسم حُسینه قینَر دونان اورک‌لر
لطفیله ذره شاخسا گر آفتابِ اصغر

دیرناقلاری قَلم‌دور ، القان اولوب مرکب
یازدی غمون ، اولوبدور سینه کتابِ اصغر

ئوز شاعرین کرمله دیوانَ صاحب ائتدی
دیوان‌لارا سالوبدی سایه سَحابِ اصغر

ذوق‌وقریحه سن‌سن شعروغزل‌ده سن‌سن
من بیر غلامَم اولموش قلبیم کبابِ اصغر

هر نه‌یازوب#پریشان سندَن عطا اولوبدی
مست‌ایلیوب‌منی‌چون‌چوخدان‌شرابِ‌اصغر

میلادیوه محقر بیر شعری یازدیم آقا
چوخ دردمنده چاره ایلوبدی بابِ اصغر

• چهارشنبه
• 22
• بهمن
• 1399
• ساعت
• 15:45
• نوشته شده توسط
• یوسف اکبری

آلدی آغوشه حسین بیرصودامر قونداقینی
لشگره وئردی نشان طفلِ لب عطشان، باقینی
حرمله بیرظلم ایدوب طاق ایتدی زهرا طاقینی
باش آچوب جنتذه زهرا، نالیه سارا گلوب

گوردی قانیله بویاندی تحفهٔ برجسته سی
خیمیه قیتردی بیر قونداق، دولی گول دسته سی
سسلدی گَل ای باجی ای درد و محنت خسته سی
خیمدن مغموم او ساعت زینب کبریٰ گلوب

گوردی آغوشه آلوب خورشید دین بیر اولدوزی
آغ گِینمیشدی گئدنده ایندی گلدی قرمزی
بیر سوال ایتدی حسیندن او گلرگلمز اوزی
بو سولان گلزاره آیا غنچهٔ زیبا گلوب؟؟؟

گلدی باغ مصطفانین اول خوش الحان بلبلی
آلدی قارداشدان باسوب آغوشه اول خندان گولی
سسلدی ای غنچه گول،، ای بو غریبن سوگلی
سن کیمی هانسی گوله آیا بئله ایذا گلوب

اصغری بلی نشان وئردی حسین اهریمنه
گر یازام سو ایسته دی، اوج خیانتدور دینه
فاطمه اوغلی دئمز سعد اوغلونا سو منه
گر دئسم سو اوسته یالواردی حسین اغیارینه
یوخ جوابیم حشریده عباس پرچمدارینه

• شنبه
• 25
• بهمن
• 1399
• ساعت
• 22:41
• نوشته شده توسط
• یوسف اکبری

آلدی آغوشه حسین بن علی گول دسته سین
باخدی او عطشان دوداقلاره، اؤپوبدی سینه سین
شه آپاردی سمت میدانه شرف آیینه سین
شه گیدیر اما دالیجا لشگر حورا گلور

ناگهان صفدن چیخوبدی، الده تیری حرمله
تیتردی ارکان خلقت، عرشه سالدی زلزله
اوچ پر اوخ قویدی کمانه، باخدی گول الده گوله
گوردی شاهی اللرینده بیر گل زیبا گلور

تیری چکدی،صول گوزون یومدی، دیزین ویردی یره
بیر حسینه باخدی بیرده باخدی دیلسیز اصغره
اوخ اوتورلندی کماندان بوسه ویردی حنجره
سو اوتاندی،نالیه قانه دونن دریا گلور

ایلدی راحت او طفلی قانیلن گهواره سی
گولدی، یاتدی چیخمادی شهزاده نین اصلا سسی
عرش و فرشی داغلادی اما ربابین ناله سی
وا علی اصغر نواسی ایندیده گویا گلور

آغلادی اطفال شاهین حالینه بیگانه لر
شعله چکدی خیمه ده یاندی دل پروانه لر
ال باشیندا مقتله قاچدی سوسوز پروانه لر
گوردی مولا قتلگاهه زینب کبری گلور

یازمارام من قتلگاهی صبریم ماتم کسیر
جنگ قورتولدی، اؤلن اؤلدی، قالان اولدی اسیر
نیلدی غارت گونی اهل ستم یازما «فقیر»
غارتین آدی گلنده، نالیه طاها گلور

• دوشنبه
• 27
• بهمن
• 1399
• ساعت
• 20:04
• نوشته شده توسط
• یوسف اکبری

دگوب تیر محنت بو جانه
دونوبدی بهاریم خزانه
سنه دگدی تیر سه شعبه
منیم قسمتیم تازیانه

لای‌لای یارالی یارالی نگاریم
خداحافظ ای شیر خواریم

سنه یاندیرودی حرارت
منی یاندوردی خجالت
سنه دگدی تیر سه شعبه
منه دگدی زخمِ فراقت

لای‌لای یارالی یارالی نگاریم
خداحافظ ای شیرخواریم

دیلیم بو غمه چوخ آلیشدی
اوزوم خونِ اشکه قاریشدی
اؤپنده او عطشان دوداقین
دیلیم لبلریوه یاپیشدی

لای‌لای یارالی یارالی نگاریم
خداحافظ ای شیر خواریم

اولار طفلین عالمده نازی
گولوب اویناماقدی،نیازی
مگر واردی بیر شیرخوارین
کسیلسن باشا باش بوغازی

لای‌لای یارالی یارالی نگاریم
خداحافظ ای شیرخواریم

منیم محنتیم چوخ چوخ اولدی
نه‌یم وار بو چولده یوخ اولدی
منی سیندیران کربلاده
سوسوز لبلر، اوچ‌پر اوخ اولدی

لای‌لای یارالی یارالی نگاریم
خداحافظ ای شیرخواریم

• دوشنبه
• 4
• اسفند
• 1399
• ساعت
• 23:13
• نوشته شده توسط
• یوسف اکبری