اشعار حضرت علی اصغر علیه السلام

اصغریم جان ویرور الله

یاراسی قان ویرور الله

بالام اوخلاندی الهی

قانا غلطاندی الهی

حالیمه بیر یانانیم یوخ

کمکیم یوخ قالانیم یوخ

بالامین قانلی قماطین

گلوب الدن آلانیم یوخ

حرمله ایلدی عصیان

ظلمینی ایتدی نمایان

آتدی اوچ شعبه لی بیر اوخ

دگدی نازک بوغازیندان

قونداقی قالدی الیمده

صبریمی آلدی الیمده

اوخ دگنده بوغازیندان

ال ایاق چالدی الیمده

قانی قونداقه سوزولدی

سانکی شبنمدی دوزولدی

آناسی گورمیه ای کاش

باشی پیکردن اوزولدی

گوز یاشیم اوخشوری ابره

مایل ایله منی صبره

نجه دشمن قاباقیندا

تاپشوروم اوغلومی قبره

بالام اوخلاندی الهی

قانا غلطاندی الهی

آخان اولدوزلاریم آغلار

قان آدامسیزلاریم آغلار

سو آدین بیرده گتورمز

تشنه لب قیزلاریم آغلار

آناسی وای دیوب آغلار

علی لایلای دیوب آغلار

قانلی قونداقینی گورسه

بالام ایوای دیوب آغلار

بالام اولدوز کیمی آخری

یاندیروب قلبیمی یاخدی

قانینی عرشه سپنده

حسرتیله منه باخدی

ایله بولدوم دیدی بابا

بیله میدانی دولانما

منی تز خیمیه قیتر

یاراما - باخما اوتانما

قوی آنام آغلیا بابا

سینمی داغلیا بابا

قان آپاردی منی تز-

ویر - یارامی باغلیا بابا

بالام اوخلاندی الهی

قانا غلطاندی الهی

"اکرمی" یاندون اورکدن

دوتما هر بیرجه اتکدن

نقدر مشگلون اولسا

یاپیش اول قانلی بلکدن

بالام اوخلاندی الهی

قانا غلطاندی الهی

• دوشنبه
• 9
• فروردین
• 1400
• ساعت
• 11:30
• نوشته شده توسط
• یوسف اکبری

سبک(یئخیلدی سقا یره ...)

سو اوسته دیلسیز بالام قانه باتدی آی باجی
اوخا گولوب گؤزلرین یومدی یاتدی ای باجی
گل آپار . خیمه ده . ویر رباب آناسینا
اوخشیوب . آغلاسین . صود امر بالاسینا

خزان الی سولدوروب نوگل بهاره می
اوخا نشان ائتدیلر طفل شیرخواره می
سو ایستدیم دردینه بلکه بیر دوا اولا
بؤلوبدی حلقین سه پر اوخ کسوبدی چاره می
اصغری . اوخلیوب . کامه چاتدی کوفیان
ویرمدی . سو عدو . سو یئرینه ایچدی قان

آخوبدی هی صاق صولا حلقین اوخ بؤلن زمان
ملکلر آغلاشدیلار اصغریم گولن زمان
سرشک ماتم توکوب آغلیون بو دردینه
قماطه باغلی قالوب اللری ئولن زمان
دای بشیک . داشینی . آتدی صودامر بالام
لایلایین . چالدی اوخ . یاتدی صود امر بالام

غم ایلییر باغبان وورسا باد غم باغی
چتیندی هر بیر آنا گؤرسه گر اوغول داغی
یانار ئورک آختارار بیر بهانه آغلیا
بهانه ایلر رباب الده قانلی قنداقی
یاد ایدیب . اصغری . گاهواره ترپدر
گه خیال . عالمی . ‌ قنداقین آچوب بلر

بو آلتی آیلیق بالام آتمادی آتاسینی
جانین فدا ایلیوب آلدی حق رضاسینی
بوغازینون یاره سین من که باغلیانمادیم
آناسی مرهم قویوب باغلیار یاراسینی
هم آنا . هم بالا . شرمسارییم باجی
بو غم و . غصه دن . قلبی یاریه م باجی

کانال اشعار عباسی معروفان اهری

• سه شنبه
• 2
• دی
• 1399
• ساعت
• 23:48
• نوشته شده توسط
• یوسف اکبری

گل باجی کوفه لیلـــرظلمــده طغـــیان ائلدی
اوچ پــراوخ اصغــریمی قانینه غلطان ائلدی

چوخ اولــوب قـارداشون دشت بلاده محنی
یــار وانصــاری ئولوبــــدور داغلــوب انجمنی
دوغـرانوب ظلـموله بیربیرباجی سرو وسمنی
بیــرقالان اصغـــریدی دینـــینه قربان ائلدی

حرمله اوخلادی عطشان قوزی قربانی باجی
اللریم اوسته بیچوب حلقینی پیکانی باجی
گلشنیمــدن آیروب غنچه ی خنــدانی باجی
تیــرظلمیـله یانــان قلبیمی شان شان ائلدی

سینم اوسته قالوب ایمدی بوغازی یاره بالام
توش اولوب مکریله جور وستم خاره بالام
عالمین قلبین ایدوب محنتی صدپاره بالام
گـــــوئیـا تیــــر جفـــا دردینــه درمان ائلدی

• دوشنبه
• 11
• مرداد
• 1400
• ساعت
• 11:06
• نوشته شده توسط
• یوسف اکبری

من اَصغرَم شُهدا جَرگه سیندَه مُمتازَم
شَهیدِ کُوی حَقَم، شیر خوارِه سَربازَم

بُو رَسمدور عُلمالَر مَنَه تَوَسُل اِیدر
مُهم اَمرلَره کَاشفَم سَبَب سازَم

بَنی اُمّیَه نی مَحو اِیلَدی مَنیم قانیم
صَغیر سنیلَه باشدان اَیاقَه اِعجازَم

بُو فَرقی واردی مَنیلَه عَمُوم اَبُوالفَضلین
او شاهبازیدی من شاه اَلیندَه کی بازَم

عَبَث دَگُل اوُزومی گاهوارَه دَن آتدیم
شَهیدِ شاهِدَه من جان نِثارِ جانبازَم

بابام آپاردی مَنی اللّر اوُسته مِیدانَه
تَمام کائن و ماکاندا شُهرهء نازَم

قَلَم دایاندی دایان #رهنما تَمام اِیلَه
زبانحالیدی یاز شیر خوارَه سَربازَم

• شنبه
• 14
• مرداد
• 1402
• ساعت
• 23:13
• نوشته شده توسط
• یوسف اکبری

سبک شبانگاهان.......

باجی زینب لشکرعشقه
آخرین سرباز قانینه باتدی
زبس تشنه ایدی اموب پیکان
اللریم اوسته گوزیوموب یاتدی

باجی گل آل ویرآناسینا
ایدر چاره اوخ یاراسینا
یاوریم زینب *یاوریم زینب

سموم کفر گلستانیمده
آچمیین گولومی سولدوربدی باجی
دگوب اوچ پراوخ بوغازیندان
قانی قونداقین دولدوروبدی باجی
قیامتین عالمین بو بالا
عالم اهلینه قوپدوروبدی باجی
فنادن تاپدی بقا ایلدی
حقیلن سودا جاننی ساتدی

باجی گل آل ویرآناسینا
ایدر چاره اوخ یاراسینا
یاوریم زینب *یاوریم زینب

من آچدیم تا مکتب قرآن
اصغریم ایتدی آلتی آی تحصیل
منیله گلدی بو میدانه
پایۀ عشقین ایلسون تکمیل
ویروبلار اوخ بو آخان قانی
مُجمَلِ دینی ایلدی تفصیل
بو تحصیل و بو شهادتده
سود امر بالام مقصده چاتدی

باجی گل آل ویرآناسینا
ایدر چاره اوخ یاراسینا
یاوریم زینب *یاوریم زینب

منه سربازهنگ عشقیمده
وصل معشوقه هریان آختاردی
دئیدی لبیک هل معینمه تا
بومناده گلوب قربان آختاردی
حمایت ایتسون بوچولده منه
یوسف مصریم کنعا ن آختاردی
عزیز اولدی مصرعشقه بالام
اوخلانوب قانین قانیمه قاتدی

باجی گل آل ویرآناسینا
ایدر چاره اوخ یاراسینا
یاوریم زینب *یاوریم زینب

قوجاقیمده خوشلادی یرینی
غنچۀ نورس برگ گل آچدی
ولی اولمازگل تکانسیز اولا
اوچ پراوخ گتدی بیرتکان ساچدی
ساچلمش یرایسّی قانویردی
دیسگنوب بیردم رنگ رخ قاچدی
منه باخدی گوزلری آخدی
ایلدی خسوف آی کیمی باتدی

باجی گل آل ویر آناسینا
ایدرچاره اوخ یاراسینا
یاوریم زینب * یاوریم زینب

• شنبه
• 20
• دی
• 1399
• ساعت
• 20:13
• نوشته شده توسط
• یوسف اکبری

سبک : ای گل مینای من...

نخل دینه هسته سن
هم سوسوزهم خسته سن
خاندان عصمته
سن اوغول وابسته سن

ای گلوده یاره سی
یوخدی منده چاره سی

سالدون آخر غم شراری بو دله اوغلوم
دیل آچیدون کاش گلیدون سن دیله اوغلوم

شیرخوار اُولسه، آنا
حقّی وارقلبی یانا
ایچمدون بیر جرعه سو
بو فرات دونسون قانا

اوچ گون ای عطشان قالان
قلبیمی درده سالان

ای سوسوز دینه فدائی رهبریم اصغر
عرش اعلایه اولان ای زیوریم اصغر

ای ربابون اصغری
بحردینون گوهری
قوشکیمی اوخلانموسان
ای شکسته شهپری

گورمدیم دل آچماقون
یول گیدوب بیرقاچماقون

دورقاناتلان گل قوجاقه من دیوم لایلای
گلمه سن قلبیم یانار بول سسلرم ایوای

سن لبِ عطشانیلن
بیرسولی پیکانیلن
آخدی قان قونداقوی
دولدوروبدی قانیلن

اللری باغلی بالام
قونداقی قانلی بالام

قانوی اوغلوم آتاون قانینه قاتدون
سن شهید لرتک بوگونده مقصده چاتدون

حالیوه چوخ آغلادیم
سینمی هی داغلادیم
تاپمادیم بیر قطره سو
اللریوی باغلادیم

قان ایچن غنچه گولوم
آچ گوزون تا من گولوم

سن منیم ماه مُنیریم باتموسان اصغر
اوخ دیوب لایلای نه راحت یاتموسان اصغر

سن نه راحت یاتموسان
سود سو فکرین آتموسان
بولموسن اوغلی ئولن
مادری آغلاتموسان

ای گلستاندا سولان
مادرین آغلار قویان

ای آتانون اللرینده جانویرن اوغلوم
ریشة اسلام ودینه قانویرن اوغلوم

قلبیمه اود ویرماقون
گه یاتوب گه دورماقون
یادیمه دوشدی بالا
سینمی بوش امماقون

سودگلوب پستانیمه
سالما اود بوجانیمه

یادیمه دوشدوقجا یانّام سود امراوغلوم
مین غمه درده بویانّام سود امراوغلوم

سن اولنده گولموسن
سرّعشقی بولموسن
زنده سن تا وار جهان
کیم دیورسن اولموسن

منده گللم قالمارام
تا وارام قان آغلارام

باغ دینون نو گولیدون اولموسان پر پر
گیت آنان زهرا الیندن میل ایله کوثر

آچ قاناد گل سینمه
بو آنان قربان سنه
باغلامازبیرده الون
اللرون رحم ایت منه

گیتمیش گل بوس ایدیم
تا دوروم شامه گیدوم

ای آدی باب الحوائج شافع محشر
امت اسلامه ایله بیرنظراصغر

یازدی « عدلی » بو سوزی
کربلاده وارگوزی
هیئت اهلینن گیده
هم «ببیرپور» هم اوزی

خالق الله لطف ایله
بو مرام گلسون اله

سن تمام مشکلاتی ایله سن آسان
بحرانعام وعطادن لطف ایله احسان

• شنبه
• 20
• دی
• 1399
• ساعت
• 20:15
• نوشته شده توسط
• یوسف اکبری

اَسوبدی صَرصَر خزان
پوزولدی صحن گلستان
توکردی گوز یاشین یوزه
گُلی اَلینده باغبان

دئدی یارب اولدی گُلوم تالان
منیم حالیمی بیلن اولمادی
اَلیم اوسته ئولدی بالام سوسوز
بیر ایچیم سویی وئرن اولمادی

بویاندی قانه اصغریم
دیل آچمیان دلاوریم
پوزوبدی حالیمی منیم
چیخوبدی یاددان اکبریم

آتوب اَنّی بیراوخی حَرمله
بالامون بوغازینی اوخ بولوب
دوداقی گولوبدی اَزل اوخا
صورا جان وئروبدی سوسوز ئولوب

باتوب سحر ستاره سی
گئدور بوغازدا یاره سی
بو سون بشیک مارالیمون
سینوبدی گاهواره سی

آناسی باخار یولا آغلیار
پوزولوبدی گلشنیمون طاقی
اوغولون نشانه سی من نِجه
آپاروم بو قرمزی قُنداقی

گرک دیم که شیعه لَر
اولار که گوز یاشین اَلر
سالون یادا بو اصغری
گئدوب بالام مَلر مَلر

دئمورم که قانلی قُماطینه
چکوب آهی سینوزی داغلیون
گَهی بیر سَرین سو ایچن زمان
قوریان دوداقینه آغلیون

• یکشنبه
• 21
• دی
• 1399
• ساعت
• 11:55
• نوشته شده توسط
• یوسف اکبری

ای حلقین اوچ پر اوخ بیچن ///سن سن دلداریم علي
آلتي آيليق ملر قوزوم/// يار و غمخواريم علي
عطشان قانه باتيب بالا ///گيتدون حق محضرينه
دعوت ايتدي سني بتول ///جناتين كوثرينه
گول تك سارالان بالا واي **** قنداقه سی قان بالا وای
گيت جنته آل پايووي **** زهرا چالا لايلايووي
يات نازلي اصغريم2

ای شیرخواره سربازیم ///باخما نالان آتووا
قالدیم آواره من علی ////بیله احوالاتووا
اولدوم شرمنده آی بالا ////او باغریقان آنادان
سبقت آلور فرشته لر ////بیربیر ملاقاتووا
گول تك سارالان بالا واي **** قنداقه سی قان بالا وای
گيت جنته آل پايووي **** زهرا چالا لايلايووي
يات نازلي اصغريم

گتدیم میدانه تا سنه/// بیرجرعه سو ویره لر
بیلمزدیم کوفه اهلینی ///راه کفره گیده لر
سسلندیم رحم ایدون بالام ///عطشاندی ماهی کیمی
سویرینه اوخ آتدیلار//// کفری تکمیل ایده لر
گول تك سارالان بالا واي **** قنداقه سی قان بالا وای
گيت جنته آل پايووي **** زهرا چالا لايلايووي
يات نازلي اصغريم

باخدیم اوچ شعبه زخمینه ////اکبادیم یاندی بالا
دوشدوم الله بیلور نجه ////چوخ چوخ غملی حالا
چکدیم تاتیری حلقیدن////باشون آسلاندی دالا
گولدون بیلدیردون سوزوی ////چک قورخما تیری بابا
گول تك سارالان بالا واي **** قنداقه سی قان بالا وای
گيت جنته آل پايووي **** زهرا چالا لايلايووي
يات نازلي اصغريم

الله خوار و ذلیل ایده ////دنیاده حرمله نی
بیرایش گوردی او بی حیا ////آغلاتدی فاطمه نی
منده آواره قالمیشام ////یوخ سنی مندن آلان
تاب ایلمور داخی آتون ///میداندا هلهله نی
گول تك سارالان بالا واي **** قنداقه سی قان بالا وای
گيت جنته آل پايووي **** زهرا چالا لايلايووي
يات نازلي اصغريم

• چهارشنبه
• 24
• دی
• 1399
• ساعت
• 18:36
• نوشته شده توسط
• یوسف اکبری

ملكوتي آغلادوبدي ؛ بيچيلن بوغازون اصغر
ديلون اولمادي قالوبدي ؛ اورگونده رازون اصغر

علي جان منيم اليمده گل گلستانيدون سن
سني قتلگاهه گتديم اولا باغ دين مزيـّن
بو خياليلن گتوردوم سو آلام سنه عدودن
اله گلمدي اولونجن بيله بير نيازون اصغر

قوي آچيم علي اوركده يازيلان غمين كتابي
يتورنمديم مراده خجلم بو دلكبابي
الي سينه ده غم افزا نجه من گوروم ربابي
سنون آلتي آي چكوبدي ؛ قوجاقيندا نازون اصغر

سن اوغنچه سن كي آچدون سحراولماميش سارالدون
عطشوندن آغلياندا اورگيم قرارين آلدون
سنه اوچ پر اوخ دگنده نه بيلوم نه حاله قالدون
من او گل فروش مستم ؛ كي چكر ايازون اصغر

سن اگر اوشاقسان اوغلوم ره اكبري گيدورسن
گيده سن جهاده گويا يمني كفن گيورسن
قيلاسان نماز عشقي عجبا شتاب ايدورسن
بوغازون قاني اولوبدي ؛ سولي دستمازون اصغر

سويي باغلادي اراذل ديله غم دولوبدي اوغلوم
سو سؤزي گلوب خيمده گنه حشر اولوبدي اوغلوم
علي اوچ گيجه سوسوزدان دوداقون سولوبدي اوغلوم
گتوروم نئجه بيانه ؛ بيله سوز و سازون اصغر

گتور (آذرين) جهاندا نقدر واروندي مشكل
هاميني كيچيك اليلن يتورر مراده كامل
هامي درده چاره ايلر ولي واردي شرطي اي دل
الون آچ ايله تمنـّا ؛ گوره دست بازون اصغر

• پنج شنبه
• 25
• دی
• 1399
• ساعت
• 09:30
• نوشته شده توسط
• یوسف اکبری

اصغــريـم آچ گـوزلــرون
درديمـي گــوزدن اوخي
اَسمه اي جان سيز قوشوم
قوي چكيم اوچ پر اوخي

اللـريم اوستونده چيرپينـما بئله
ال اياق چالما باخير چون حرمله

لايلاي بالام لايلاي بالام

دوره ده دشمـن گولور
قلبيمـي يانـدرما چوخ
چـالمـا بيـله ال ايـاق
درديوه چون چاره يوخ
سربه سر بيشدي علي
حلقيـوي اوچ شعبه اوخ

واي منـه اي واي ربـابـه آي بالا
واي دييم يا سسلييم لايلاي بالا

لايلاي بالام لايلاي بالام

حنجـرونن آخـدي قـان
قالدي آغزيمدا سوزوم
لشــكر ايلــور هلهـله
مـن نجـه آيـا دوزوم
آچ گـوزون بـاخ اصغريم
شام اولوبدي گوندوزوم

اوخ ياراسينان نجـه گـور قان آخير
صاغ صولا دونمه بئله دشمن باخير

لايلاي بالام لايلاي بالام

قلبيمـون بندين اوغول
كربـلاده قيـرديلار
بولمـورم علـت نـدور
حلقوه اوخ وئرديلار
توتمـاسام باشيـن اگر
باش بدنن آيـريـلار

اوخ كي ديدي آخـدي باشون تئز دالا
اوخ بوغـازدان اَنـدي جـان جـان بالا

لايلاي بالام لايلاي بالام

• یکشنبه
• 5
• بهمن
• 1399
• ساعت
• 20:47
• نوشته شده توسط
• یوسف اکبری

چوخ آغلاما ای جیرانیم-- نیلوم سویا یوخ امکانیم
یاننام سنه من باخدوقجا-- الله نیه چیخمور جانیم

منی چوخ اوتاندیرما دیلیمی داغلاما اصغر
نه سو وار نه سود الله رضاسی آغلاما اصغر
اصغر اصغر

یاننام سوسوزومدان منده-- آغزیمدا دوشوب دل بنده
یوخ دهریده من تک مادر-- اولسون بالادان شرمنده

بو عطش چکیر شعله دیلیمده اودلانیر اصغر
اورگیم سنه باخدوقجا هر لحظه یانیر اصغر
اصغر اصغر

یخدی ایویمی آز آغلا-- بسدور من اؤلوم ال ساخلا
واللاهی یورلدون اصغر-- یانموش دیلیمی آز داغلا

قورویان دوداقلاره سوسوز جانه اوزوم قربان
سوزولن یانیخ گوزدن عذاره گوزلریم قربان
اصغر اصغر

دان اولدوزی تک تز آخما-- یاندیرما ربابی یاخما
گوز آلتی الیمدن هر دم-- میدان بلایه باخما

فلک آیریدار سنله ربابی چاره میز یوخدی
سنی ایلین سیراب ابولفضلی یخان اوخدی
اصغر اصغر

• دوشنبه
• 27
• بهمن
• 1399
• ساعت
• 19:37
• نوشته شده توسط
• یوسف اکبری

باجی گل اصغره زهریلی اوخ وئردی سو
اوخا گولدی بالام تاپدی جنان آبرو

اوخلانوب اصغریم--گوزل همسنگریم
جانِ زهرا(۲)

حرمله اوخلادی پوزدی دل عالمی
یری وار قوزویام عرشه باجی نالمی
منی بوکدی قوجاتدی علی اصغر غمی
اولموشام دلکباب--نیله سین پس رباب
جانِ زهرا(۲)

اوچ گجه آج یاتوب خیمده بو غنچه وش
دگمموش حلقینه اوخ،بالام ایتموشدی غش
تحفه وئردیم حقه صودامری پیشکش
تشنه لب جان وئروب--بوغازی قان وئروب
جانِ زهرا(۲)

سالارام سینمه تشنه گل یاسیمی
سسلرم داده گه اکبر و گه قاسمی
باشین آهن بولن باشرف عباسمی
چاتا فریادیمه-- گله امدادیمه
جانِ زهرا(۲)

غصه و محنتیم گل باجی حدّن گئچوب
صودامر اصغریم سو یرینه قان ایچوب
باجی خنجر کیمی،حلقینی پیکان بیچوب
زهریلی تیریدی--ایتی شمشیریدی
جانِ زهرا(۲)

خیمده گیزلدون بو گجه گهواره سین
گل ربابین آپار سوگیلی مه پاره سین
حلقنین باغلویون خیمده اوخ یاره سین
منده یوخدی توان--اولموشام باغریقان
جانِ زهرا(۲)

باد هجرانیله سولدی علینون باغی
من گرک دفن ایدم بو صودامر اوشاقی
داغیدار جسمینی ظلمیله آت دیرناقی
باش آچون آغلیون--قلبیزی داغلیون
جان زهرا

• سه شنبه
• 28
• بهمن
• 1399
• ساعت
• 22:41
• نوشته شده توسط
• یوسف اکبری

لایلای
علی بو قدری آغلاما یات
یارالی قلبی داغلاما یات
نه وارصودوم نه سو خیمده
چاره یولونی باغلاما یات

کاش عمرومون گولی سولیدی
بالا فراتی قان اولیدی

لایلای
او آهوسان دوشوب کمنده
غنچه گولوم سولور چمنده
قوری دوداقلارون ویرور اوت
یارالی سینه می اَمَنده

کاش عمرومون گولی سولیدی
بالا فراتی قان اولیدی

لایلای
فراتی باغلیبدی دشمن
سولوب سارالدی باغ و گلشن
مندن بالا گیلِیلی اولما
آنان خجالت اولدی سندن

کاش عمرومون گولی سولیدی
بالا فراتی قان اولیدی

لایلای
اوغول نجه دوزوم بو درده
باخانمرام بو روی زرده
سنی خدا الیمنن السا
گیدنمرم یثربه بیرده

کاش عمرومون گولی سولیدی
بالا فراتی قان اولیدی

لایلای
دردون ربابه چوخدی صبر ایت
علاجی الده یوخدی صبرایت
سوایستمه بالا دیوللر
جوابی اوچ پراوخدی صبرایت

کاش عمرومون گولی سولیدی
بالا فراتی قان اولیدی

لایلای
یاندیرما گَل بو دل کبابی
غارت اولوبدی صبر وتابی
گوزوم باخا باخا سولورسان
آغلاتمیسان (بیکَس) ربابی

کاش عمرومون گولی سولیدی
بالا فراتی قان اولیدی

• جمعه
• 22
• اسفند
• 1399
• ساعت
• 21:38
• نوشته شده توسط
• یوسف اکبری

آزآغلااصغریم ای-ربابه روح وروان
کسیلدی چارم اوغول-واریمدی سوزنهان
خیامی چوخ دولانیب-بوگون سوسوزبالالار
نه صودنه سووارعلی-رقیه جانی اینان

باغیمین گولی سنسن
چارم یوخ بولوسن سن
وای منه ئولوسن سن

علی لایلای علی لایلای

عجب سوسوزلوق اوتی-سالیبدی درده سنی
اولیدی اللری شل -سویولارین کسنی
گوزوم باخاباخاسن-یانیب کباب اولوسان
فراتی قانه دونه-خجالت ائتدی منی

اولدوزتک بئله آخما
تیرغم دیله تاخما
حسرتله منه باخما

علی لایلای علی لایلای

مَرهَم اشکیم علی-قوی یارامی بیتیره
ملالیوی عمووا-باجیلارین یتیره
رقیه خاطیرینه-نولوربیرآزیاتاسان
شایدعموم بوگئجه-خیمیه سوگتیره

سن گولسن گولرم من
حالیوی بولرم من
بول سنسیزئولرم من

علی لایلای علی لایلای

عطش شراره سالیب-وجودون اوتلانیری
آناندا سن تک اوغول-یانیب الولانیری
بودردیمی ای اوغول-کیمه بیان ائلییم
سینمده دیرناقیوین-یارالاری یانیری

سینمه سالیرام من
یوخ سوتوم یانیرام من
حالیوی قانیرام من

علی لایلای علی لایلای

گجه بونسگیلیوه-جهانی داغلامیشام
قوری دوداقلاریوا-باخیب چوخ آغلامیشام
زبس سوسوزدان علی-یوزون خراش ائلدون
گیلیلی اولمااوغول-الیوی باغلامیشام

ظلم ایتدی بیزه دشمن
گَل کوسمه بالا مندن
سن کوسسَن ئولرم من

علی لایلای علی لایلای

زبس سیزیلدامیسان-یوخوندی تاب وتوان
آنان ئولیدی علی-خراب اولیدی جهان
اوقدری آغلامیسان-گوزون دوشوب چوخورا
ئولوم تری دوزولوب-جبینیوه علی جان

بونسگیل، دیله اوخدی
آناوین ،غمی چوخدی
سینه ده ،سوتی یوخدی

علی لایلای علی لایلای

بوآلتی آی کی علی-سنیله همسفرم
گولنده سن گولرم-غمونده دیده ترم
خدانکرده اگر-بیرایش گله باشیوا
سن اولماسان وطنه-اوغول نئجه گئدرم

سوسوزدان یانان اوغلوم
چارم یوخ دایان اوغلوم
(بیکَسدی) آنان اوغلوم

علی لایلای علی لایلای

• جمعه
• 22
• اسفند
• 1399
• ساعت
• 21:43
• نوشته شده توسط
• یوسف اکبری

آچ گوزلرون ای راحت جان
اوچ شعبه لی پیکانه نشان
الله بالام قانه بویاندی - ایوای سسیم عرشه دایاندی
یاتمیشدی خوابیندن اویاندی
لای لای ربابین نازی لایلای(2)

ای زهریلی پیکانی اَمَن
جنّاته اَلی باغلی گئدن
ای کاش سنی بیرده اوپِیدیم_گوزیاشیوی گوزدن سیلیدیم
دردون نئدور اوغلوم بیلدیم
لای لای ربابین نازی لایلای(2)

ای لاله ی پرپر مَثَلی
اَل اوسته چیخان جانی علی
گول عارضی قان اولدی اوغلوم_لبخندی پنهان اولدی اوغلوم
زهرایه مهمان اولدی اوغلوم
لای لای ربابین نازی لایلای(2)

قوی قِیتریم اخیامه سنی
گل ایلمه شرمنده منی
یوخدور آنان قلبینده تابی_حقّینده گل ائت بو ثوابی
آغلاتما چوخ بیکس ربابی
لای لای ربابین نازی لایلای(2)

• سه شنبه
• 3
• فروردین
• 1400
• ساعت
• 14:01
• نوشته شده توسط
• یوسف اکبری

یارالی بالام،رقیه خیمده گلوب داخی نوایه
تک اوتوروبدی،بوش بشیگه یانا یانا ائدور گلایه
منه دیورکی،قوی دردیمی گئدیم دیوم صاحب لوایه
دور آش گوزلرون،منی چوخ ائلمه اوغول دچاره ملال
دو باخ بیر منه،کرخمشام دیلمده یوخدی حال مقال
یارالی بالام،ربابی الله گوره گل ائله حلال
اوغول وای دیرم/یا لای لای دیرم

دو باخ ربابه، سالوبدی سینمون صودی منی فشاره
امن یوخومدی،آنا صودون فقط وئرر شیریخواره
عجب چتیندی،گرک بو دشتیدن چخام گئدم کناره
علی اصغریم،نه یاتموسان اویان اوغول داخی خوابیدن
گلوبدور صودوم،دو امگیلن کوسولمه سنده ربابیدن
باخوب یوزومه،گولوب خلاص ائله بو پیچ و هم تابیدن
اوغول وای دیرم/یا لای لای دیرم

این بندم اضافی هست

ایویم یخلوب،وئروبدولار بالامی زهریلی تیریله
بو اوخ یریدی،باغازیوی اوغول بیچیبله شمشیریله
وای اولسون منه سنیله جنگه گلدولر نه تدبیریله

• شنبه
• 7
• فروردین
• 1400
• ساعت
• 20:41
• نوشته شده توسط
• یوسف اکبری

صود امن دل آچمیان - بالام لایلای

ایلمه بو قلبی قان - بالام لایلای

یات بو درده طاقت ایله

آز منی خجالت ایله

سوسوز بالام لایلای (۲)

یاندی بو قلبیم _آتش غمده

بیر زمان اوغلوم _یوخلا سینمده

دیوم سنه ایوای - سوسوز بالام لایلای

صرصر خزان بو گلشنه - اسدی

سو یولون بو چولده شمر دون کسدی

آغلاما عزیز جانیم

یوخ داخی سویا گمانیم

سوسوز بالام لایلای (۲)

قیزلارین عرشه _قووزانوب آهی

بی‌کس آناوین یوخدی گناهی

سو ایستمه مندن - خجالتم سندن

قالمیشام اوغول بو چولده - آواره

دردیوی نجه دیوم - علمداره

ایله بیر ایچیم سو احسان

اصغریم یانور سوسوزدان

سوسوز بالام لایلای (۲)

غملیدی سقّا - قان اولوب اشگی

گوئیا یکسر - خالیدی مشگی

عجب قیامتدی - عمون خجالتدی

سوسوز بالام لایلای (۲)

• سه شنبه
• 10
• فروردین
• 1400
• ساعت
• 12:33
• نوشته شده توسط
• یوسف اکبری

گتوروب الده علی اصغری میدانه حسین
بیر ایچیم سو آلا دشمندن او عطشانه حسین
یوز دوتوب لشگره شاه شهدا ائتدی خطاب
اصغریم یاندی عطشدن جگریم اولدی کباب
دئمورم اللریم اوسته ائلیون سیز سیراب

اصغری سودامر آهوکیمی سیزیاد ائلیون
آپارون نهر فراته بونا امداد ائلیون

ایچمسه سو نقدر دل دوداقی پارچالانار
تیتریور دل دوداقی کاسه ی عمری جالانار
یاندیرار عالمی آهی گئدوب عرشه دایانار

قویمیون آهی بونون عرش برینه اوجالا
قورخورام ناله سی آفاقه بوتون لرزه سالا

حرمله عرصه ی میداندا دیزین وئردی یره
اوقدر سعی ائلیوب سالدی او آهونی گیره
ایستدی سویرینه زهریلی پیکانی وئره

او دنی الده کمان ظلمینه خاطر تلسور
بو بالا سوز عطشدن چوبالور لبلر اسور

اوخ دل آچدی دئدی ظالم صودامر جیراندی
بیر نظر ایله اونون حالینه باخ عطشاندی
سن ائدن ظلمه گوره ارض وسما گریاندی

منی بو ظلمیده مامور ائلمه صود امره
قدرتیم چوخدی منیم تئز یخارام شیری یره

اودنی قویدی کمانه ایکیمنجی اوخونی
ماهریدی او وئراردی اوزاقی هم یوخونی
ایستدی شاد ائلیه لشکر ایچینده چوخونی

دئدی من عرصه ده عباسی شکار ایلمیشم
بو حسینون اورگین درده دچار ایلمیشم

هدفین یاخچی اومأواده آلوبدور نظره
آتانین باخدی قوجاقینده کی اول صود امره
آلتی ایلیق بالانون دوشدی وجودی خطره

بیراوخا ائتدی نشان هم بالاسین هم آتاسین
قویا آواره همیشه علی اصغر آناسین

دگدی اوخ صود امرون حلقینه باش آخدی دالا
قانینی دوتدی حسین اوجینا قالدی نه حالا
سس گلوب توکمه یره سپ گوگه مظلومدی بالا
بو قان الله قانیدی الله اوزی مشتری دی
شهدا ایچره حسین صود امرون برتری دی

آتانون اللری اوستونده قالوب یوخ آلانی
گتوروب تله طرف الده او مظلوم بالانی
دئدی زینب بودی آخر شهدانون قالانی

باخبر ایله باجی خیمه ده غملی آناسین
پیشوازینه چخوب گورمگه گلسون بالاسین

چوخدی "تیموری"حسین عاشقی بوایراندا
گنه باشلاندی اونون تعزیه سی هریاندا
بدتر از حرمله چوخ وارگنه بو دوراندا

او زمان اوخلادی بی شرم وحیا عطشانی
بو زمان اوخشاری آواره قویوب شیطانی

• شنبه
• 11
• اردیبهشت
• 1400
• ساعت
• 20:58
• نوشته شده توسط
• یوسف اکبری

هئچ بیلوسوز بو صود اَمَر هانسی گولون گلابی دور
قلبیمی یاندیران بونون طاقت و صبر و تابی دور
غیرتین آسمانینون اولدوزودی عقابی دور
روحیمون انتخابی دور عشقیمون آفتابی دور
دوزدی کی شیرخواره دی معرفتین کتابی دور
ایلمیوبدی ایلمز بی سبب ادعا حسین

سیّد پاکزاده دی دست گره گشاسی وار
هرنفسینده مین طبق معجزه گر دواسی وار
فرشیدن آرتوق عرشیده عاشق جانفداسی وار
صبرایلیون تلسمیون بوردا بلا کلاسی وار
سینمون اوسته اوغلومون گورملی ماجراسی وار
بوردا بلا عمارتین ایلیه جک بنا حسین

تشنه دی تشنه لبلری من کیمی ظلمه لا دیه
پارچالانا دوداقلاری سجده ده ربّنا دیه
روح خدا مسیح تک حمد دیه ثنا دیه
غیرتینه سیغیشمیور مُفسده مقتدا دیه
ننگ اولا کیم ستمگره جانیم اولا فدا دیه
ایلمیوبدی ایلمز ظالمه التجا حسین

هرنه بویوردی الغرض اولمادی امری مستجاب
غالب اولوبدی لشکره سایۀ شوم التهاب
آلدی اَله کمانینی حرمله غرقِ اضطراب
ایلدی بیر سه پر اوخی اوخلار ایچیندن انتخاب
یر دئدی من باخانمارام گوی دیدی هارداسان رباب
اصغری باسدی باغرینا باشلادی ربّنا حسین

صاعقه مثلی ناگهان اوخ قوتاروب کمانیدن
ناله صداسی قوزانوب پهنۀ کهکشانیدن
سینه زنان فرشته لر گلدی یره جنانیدن
اوخ نجه اَندی اصغرین حلقینه آسمانیدن
قان اوشاقی قوجاقلادی دوشدی زبان بیانیدن
گوردی اونون یاراسینا تاپمیاجاق دوا حسین

اوخ گولونون بوغازینه گوردی باتوب تیکان کیمی
سینه سینه یاپیشدوروب غمزده باغبان کیمی
ئوپدی یاراسین ایگلدی قاسم نوجوان کیمی
باخدی مدینه سمتینه آغلادی آسمان کیمی
من اولا بیلمرم دیدی مادر مهربان کیمی
بسدی بو قدری آغلاما گوزلرووه فدا حسین

من دیدی ایستورم اوغول یارووی رویت ایلیوم
اوچ پر اوخون یاراسینا بلکه طبابت ایلیوم
چالما بو قدری اَل ایاق قوی سنی راحت ایلیوم
قوی بو اوخی چکیم چوله رفع جراحت ایلیوم
کعبه کیمی بوغازووی باری زیارت ایلیوم
بوسۀ روح پرورین حقّین ایدر ادا حسین

دوزدی کی اوچ پر اوخ سنون پوزدی بوتون نظامووی
دوزدی بو سوز صحیحیدور آلدی بو اوخ دوامووی
دوزدی بو بی مرامیلر بیلمدیلر مقامووی
سن ولی قهرمان کیمی حفظ ایله ئوز مرامووی
گون قاباقیندا تشنه لب ساخلاما ئوز امامووی
گون ایتیرر یولون اگر اولماسا رهنما حسین

معترفم شعورووه واقفم آرمانووه
مندن اولا صد آفرین غیرت بیکرانووه
باخما بو های و هویده سودووه یا زیانووه
آند اولا خسته جانیمه آند اولا تشنه جانووه
بیر گونی پادشاهیلر باش قویار آستانووه
اوندا دیرسن آی بابا عشقووه مرحبا حسین

آغلاما اوغلوم آغلاما من سنه اصغر آغلارام
فکر ایلمه ربابیدن من سنه کمتر آغلارام
هرکس الینده ایلسه غنچانی پرپر آغلارام
قبریده ایلرم سنه سینمی بستر آغلارام
یارووه غملی زینبیم باغلاسا معجر آغلارام
عمری نقدری وار سنه ساخلیا جاق عزا حسین

• چهارشنبه
• 5
• خرداد
• 1400
• ساعت
• 21:05
• نوشته شده توسط
• یوسف اکبری

اصغریم ای آی پاراسی
دردیوین یوخدور دواسی
آغلاما ای ربابون مارالی
دیل دوداقی عطشدن یارالی

یاعلی یاعلی یاعلی جان(٢)

آچ گوزون یاتما آماندی
کاسه ی صبریم جالاندی
حلقون آخر پارچالاندی
ای ربابون گل نازی اوغلوم
شاهیمون خوردا سربازی اوغلوم

یا علی یاعلی یاعلی جان(٢)

باد کینه اسدی اوغلوم
اوخ بوغازین کسدی اوغلوم
دور حسین بی کسدی اوغلوم
آلتی آی محرم رازیم اولدون
آچمادون دیل قوجاقیمده سولدون

یاعلی یاعلی یاعلی جان(٢)

سن منیم املیک قوزومسان
هم دادیمسان هم دوزومسان
گویده آیدین اولدوزومسان
تیز منی آتدون ای ماهپاره
چیخماموش باتدون ای ماهپاره

یاعلی یاعلی یاعلی جان(٢)

آرزو کردم بخوابی
پس چرا در پیچ و تابی
گوئیا در فکر آبی
می زنی بال و پر روی دستم
من خجالت ز روی تو هستم

یاعلی یاعلی یاعلی جان(٢)

غنچه ی نشکفته ی من
کودک آشفته ی من
طفل در خون خفته ی من
دشمنت داد عجب آبت اصغر
حرمله کرده سیرابت اصغر

یاعلی یاعلی یاعلی جان(٢)

• چهارشنبه
• 5
• خرداد
• 1400
• ساعت
• 22:14
• نوشته شده توسط
• یوسف اکبری

باخشون آهودان گوزل
دوداقلارون مخزن غزل
منیم پایمسان وئروب سنی
من ایچون رب لم یزل(۲)

داغیلا هر درد و ملالیم
گوله گوللر مثلی جمالیم
آلا گوز ایستکلی غزالیم
ننه قربانون آغلاما(۲)

قاشون اوخشور قلملره
یوزون طراوتلی بیر گوله
تلون دوشنده جمالیوه
قاریشور لاله سنبله(۲)

اولوب اشکون زلفوه ژاله
توکولوب گول مثلی جماله
ننه قربان هاشمی خاله
ننه قربانون آغلاما(۲)

آچیلاندا گوزل گوزون
چمنده گوللر بوتون گولور
آخاندا اشکون جمالیوه
ائله بیل ژاله دور سوزور(۲)

اوتورور شبنم گولون اوسته
اگیلورگول سنبلون اوسته
توکولور غم بولبولون اوسته
ننه قربانون آغلاما(۲)

گوزلیم آغلیاندا سن
سسون سالور اود قراریمه
آخوب سرشکیم سنون کیمی
دوزولوللر عذاریمه(۲)

باشوی قوی سینمون اوسته
ئوزیوی چوخ ائیلمه خسته
ننه باخسون دیده مسته
ننه قربانون آغلاما(۲)

• پنج شنبه
• 6
• خرداد
• 1400
• ساعت
• 23:10
• نوشته شده توسط
• یوسف اکبری

باجی الیم اوسته صود امر بالا بویانوب قانه
سوایستدیم شام و کوفیان اوخ ویروب بوعطشانه
گل آل باجی ویر آناسنا
ایدر چاره اوخ یاراسنا
گل بالامی آل زینب (2)

آناسندان مین دلیله من آلموشام بو نالانی
خجالتم من ربابیدن اوخ دگوب آخور قانی
بوخواهشی مندن ایت قبول سنی اکبرین جانی
اوزون ربابه تسلی ویر گلمسین او افغانه

گتوردوم تا سوایچه بالام ویرمیوبدی سو اعدا
من ایلدیم حجّتی تمام قوردی لیک عدو شورا
نتیجه ده حرمله اوخی سالدی عالمه غوغا
دولاندی دنیا بو باشیمه کاش اولیدی ویرانه

بوغم فزا دشتیده گلوب ایله خاطریم تنگه
دئدیم آلون سوویرون اوزوز گلمیوب بالام جنگه
هدایتیم ویرمدی اثر بیله قوم دل سنگه
بیر اوخ گلوب قاننی قاتوب قولومدان آخان قانه

آخوب قانی دولدی قونداقی غمه باتموشام زینب
فشارغمدن بوگوز یاشین قانه قاتموشام زینب
بیز آز قانین اوجوما آلوب گویه آتموشام زینب
بیر قطره سی گلمدی یره تحفه اولدی جانانه

دگنده اوخ آچدی بیر گوزون گولدی بیر منه باخدی
بو گولماقی اود ویروب دله یاندوروب دلی یاخدی
گوزون یومدی سُها کیمی صود امر بالام آخدی
بو چولده عشقین ویروب نشان شمعه اولدی پروانه

بولورالهی بو دشتیده کچموشم من اکبردن
تمام یارانِ با وفا عون و فضل و جعفردن
دا بیرزادیم قالموری ویرم چکموشم ال اصغردن
ایشیتدی قارداش سسین باجی گلدی قانلی میدانه

دئدی سنه زینبون فدا گلمه بیله افغانه
بوعالم عشقی طی ایدوب جانفدادی قرآنه
بودا گیدوب اکبرین یولون درس اولا مسلمانه
آپارسام ایندی خیامه من اولاجاق عزاخانه

تاپوبدی گل غنچه وقتیده وصل عشق جانانی
ویروبدی هَل مِن مُعینوه بو جواب روحانی
شهید اولا راه دینیده ترک ایده بو دنیانی
اوچا گیده روحی جنّته شکر ایده او یزدانه

سنون حسین درد وغملرون گلمیوب سانا گلمز
بو عالمی ویرسلر سنه تار زلفووه دگمز
بولور باجون قارداشی حسین بیعته باشین اگمز
اولار الست اوسته پای بند خلق ایدن او منّانه

خزان اولان غنچه گولوه (عدلینین ) جانی قربان
دیوربیرعمر نوحه یازوموشام ایلیون منه احسان
مریضه سی واردی ایستیاق خالقی ایده درمان
بواصغرین شرح حالینی یازوب هر نوا خوانه

• یکشنبه
• 9
• خرداد
• 1400
• ساعت
• 23:32
• نوشته شده توسط
• یوسف اکبری

منیم ای سوت امر اوغلوم منی قویدون مَلَر اوغلوم
بیرایکی گون دوزه بیلسن سینه مه سوت گلر اوغلوم
من دییه ر دیم آنایام من ، منی گورجک گولر اوغلوم
گوزومون یاشی آخاندا ، اوز اَلی لَن سیلر اوغلوم
آنان اُولسون سنه قربان سوزولور قان بوغازیندان
سن هارا اوخ هارا اوغلوم اولموشان قانیوه غلطان
سنه سوویرمدی دشمن ، آییریپلار سنی مندن
یوخوما بیرگیجه گلسن ، سنه لای لای چالارام من
ای منیم جسمیده جانیم ، منیم ای روح و روانیم
گوزووی آچ منه بیرباخ ، قالمیوب تاب و توانیم
گوزووی آچ آنان اولسون ، قانیوی قویما سوزولسون
آغلا اوغلوم سنه قربان ، کیم گوروپسن اوخا گولسون
من ربابم گوزی آغلار ، غم اوتی سینه می داغلار
بوغازین یاره سین اوغلوم حضرت فاطمه باغلار
منه ائیله نظر اوغلوم قالمیشام دیده تر اوغلوم
فکر ائله غملی ربابه نیجه سنسیز دوزَر اوغلوم
یارالی حالیوه یاندیم ، خیمه ده چوخلی یوباندیم
آتاوین گوردوم الینده ، قونداقین اوندان اوتاندیم
دیدیم اوندا شه عطشان ، اولا جانیم سنه قربان
(سیزه هئچ منتی یوخدی ، بالام اولموشدی سوسوزدان)
ایلییر کیم گولی پرپر ، گوزل اوغلوم علی اصغر
مندن آیری هارا گیتدین ، قرمزی گُل لره بنزر
سنه یاس ساخلامیشام من ، حالیوا آغلامیشام من
نه بیلیم اوخلاناجاقسان ، قولیوی باغلامیشام من
قان اولا سو من ایچنده یا اونی دشمن ایچنده
آغلارام هر گیچه گوندوز اولمادی بیر سن ایچنده
آغلارام غنچه گورنده ، سارالیپ سولسا چمنده
دییَرَم وای منه اوغلوم ، ویرمدیم سوت سنه منده
آنانین دلبری اصغر ، ای سوسوز غنچة پرپر
نگران اولما سوت اَلده ، یولوی فاطمه گوزلر
یاز ولایی شهدادن محنت کرب و بلا دن
شعری یاز گوزلری آغلار بیر بیله جور و جفا دن

• سه شنبه
• 1
• تیر
• 1400
• ساعت
• 18:52
• نوشته شده توسط
• یوسف اکبری

دوتموشدی حسین پاره ی قرآنی الینده
میدانی گزور اصغر عطشانی الینده

رحم ایلیون ای قوم بویوردی بو اوشاقه
حرمت بیلسوز شرعده واجبدی قوناقه
کیمدور گله بیر جرعه سو جامیله قباقه
اللّهه گوره کاسه ی احسانی الینده

غنچم سارالیب صر صر ظلمون وزشیندن
جان اوسته دی دیلسیز بالا گوردوم روشیندن
گتدیم سو ایچوب دینجله تاب و طپشیندن
شش ماهه دی یوخ خنجر بُرّانی الینده

آغوشیمه آلدیم کی آیردیم آناسیندان
گوردوم نگراندی آنا دیلسیز بالا سیندان
شرمندیدی بولمدی اوپسون هارا سیندان
قالموشدی ربابون قوری پستانی الینده

بو شرح و بیان دشمنی گتدی هیجانه
سعد اوغلی گوروب ایش دولانور گلدی بیانه
امر ایتدی گیدوب حرمله سرعتله نشانه
آماده ایدوب زهرلی پیکانی الینده

بو طفلون ایشین من دیدی السّاعه قوتارّام
اوچ شعبه لی پیکانله آسوده سوارّام
سو قویمارام ایچسین بوغازین تیریله یارّام
قالسین باباسی بُلبُل خوشخوانی الینده

اگلشدی قویوب حرمله بیر تیر کمانه
زهدن قوتاران اوخدا دیوردی یانا یانه
هاردا قوناقین قانه بویار صاحب خانه
یا اینکه سالار مشکله مهمانی الینده

اوخ گلدی هواده دیله ای ربّ مشیّت
هارداندی یولوم امر ایله ای قادر قدرت
امر اولدی کی قویما چکه محبوبیم اذیّت
گوزلر سنی چوخدان قوزی قربانی الینده

پرّان یتشوب خدمت سلطان حجازه
مأمورم علی اصغروه آلدی اجازه
اگلشدی اوخ اوندان سورا بیر تشنه بوغازه
رام اولدی حسینون بالا جیرانی الینده

القصّه بیتوب خار ستم گل بوداقیندا
اصغر بویانوب قانه حسینون قوجاقیندا
اما نه نه ال سینه ده اصغر سوراقیندا
آغلور دولانور زلف پریشانی الینده

آغ گل دولانوب لاله ی نُعمانه الهی
قالدی آتاسی بر سر باریک دو راهی
خونابه ی اشکیله قاتوب شعله ی آهی
بیلمور هارا گتسون گل خندانی الینده

صبح اولدوزی عشقین سحرین گورمدی باتدی
باخ بیر سودامر عاشقه اوز مادرین آتدی
سلطان شهیدانیله بیر قبرده یاتدی
اما بوغازیندن توکولن قانی الینده

یوز دوتدی حسین خالق محبوب و جلیله
اللّه ندی قیمت دیدی بو خون قلیله
سس گلدی همین قاندی شفاعتده وسیله
اوتدان قوتاریب ساخلار احبّانی الینده

هر شیعه عزادار اولا دلبند بتوله
حُرّه وهبه اصغره اولاد رسوله
طاعاتی یقیناً یتیشر حدّ قبوله
اما اولا سرمایه ی ایمانی الینده

بیر عمریدی مأنوس غم آل عبایم
هم جمع پریشان تکایای عزایم
من ناصرم اما شعرا ایچره "صفا"یم
هر شاعرون اولسون گرک عنوانی الینده

• دوشنبه
• 4
• مرداد
• 1400
• ساعت
• 20:43
• نوشته شده توسط
• یوسف اکبری

اصغره یرلر آغلادی اصغره گویلر آغلادی
بیچنده اوخ بوغازینی گل اولدی پرپر آغلادی

بهاری وقته هانسی گل سنون کیمی سولوب بالا
یانان دوداقلارین کیمی بو قلبیلر یانوب بالا
عطش یوروبدی چوخ سنی گوزون ندن دولوب بالا
انان چالاندا لای لایی بقیعده مادر آغلادی

دیدی بابا منی عجب خیالیدن چیخارتمیسان
مگر اولوبدی اصغرین ،الی بیلینده قالمیسان
سنون یوخوندی بیرکسین ندن منی اویاتمیسان
ایشتجگین بو صحبتی وفالی خواهر آغلادی

بویوردی باجی وءر منیم قوجاقیمه او سروری
ستاره لر کیمی اخوب نجه او قانلی گوزلری
عجبدی باغلیدی باجی بشیگه خیردا اللری
بو حال انکسارینه تمام حرملر آغلادی

نوازش ایلدی اونی الوب اتا قوجاقینه
اناسی شیون ایلیور بالاسینون فراقینه
اقا بویوردی لشگره باخین بونون دوداقینه
اوغول اتانین حالینه اولوبدی مضطر اغلادی

ولی اودم که حرمله اوخی گویوبدی چیلیه
اوخ ایریلوب شتابیله گیدور سوزون کیمه دیه؟
اوخ اوچدی اصغره طرف خبر چاتوب مدینیه
یای اغلیاندا سیزلادی گوی اوسته ششپر آغلادی

اوخ اصغرین بوغازینی بیچنده یاحسین دیدی
سو یرینه بوغاز قانین ایچنده یاحسین دیدی
گلوب حسین اوخی چکه چکنده یا حسین دیدی
ملاءکه باشین اچوب گوی اهلی یکسر آغلادی

اوپوب لبون اوخا دیدی یامان یره اوتوردون اوخ
عطشدن آغلیوردی چوخ مرادینه یتیردون اوخ
بالام دانشمیوردی هیچ اونی سوزه گتیردون اوخ
چالیخلادی بالیخ کیمین نجفده حیدر آغلادی

• سه شنبه
• 12
• مرداد
• 1400
• ساعت
• 13:18
• نوشته شده توسط
• یوسف اکبری

عجب یومدون گوزون یاتدین بالام لای لای گولوم لالای
منی گوزدن ندن آتدین بالام لای لای گولوم لای لای

بیر آز گل سینمه اوغلوم منه ناز ایلمه باری
بو اشگه خون دل قاتدین بالام لای لای گولوم لای لای

ندن ای اولدوزوم بیردن کوسوبسن ماه زیبادن
علی اولدوز کیمی آخدین بالام لای لای گولوم لای لای

سنی من آلتی آی اوغلوم گل اوسته نازیوی چکدیم
وصال یاریوه چاتدین بالام لای لای گولوم لای لای

دئینده اوخ بوغازیوه چالوبسان ال ایاق اوغلوم
گوزون آچدین منه باخدین بالام لا لای گولوم لای لای

دوواقیندن منه وئردی نچه پای جان وئرن لحظه
ربابی یاندیروب یاخدین بالام لای لای گولوم لایلای

تلسیردون منی یالقوز قویان بو چولده آی اصغر
گئدوب اوچ پر اوخی تاپدین بالام لایلای گولوم لایلای

• جمعه
• 15
• مرداد
• 1400
• ساعت
• 19:35
• نوشته شده توسط
• یوسف اکبری

یات اصغریم آغلاما صود یوخوم ای وای اوغول
گل سینمه تا چالوم من سنه لای لای اوغول

لای لای علی اصغریم
ای وای علی اصغریم

سولدون سارالدین گولوم صرصر ساراتدی سنی
سن سولجاقین صولدوروب بو سولماقین گلشنی
یوخ عیبی ناز ایلدون آخرده آتدون منی
گل سینمه تا چالوم من سنه لای لای اوغول

گه سنی بوش قونداقا بوکدوم اوغول اغلادیم
بو ماتمین دردینه چوخ قلبیمی داغلادیم
گوردوم علی دوزموسن اللریوی باغلادیم
گل سینمه تا چالوم من سنه لای لای اوغول

باغلادیم گل اللرین یاندیم اوتاندیم علی
دیرناق چالاندا سنون حالیوه یاندیم علی
صود وار سینمده الان عفو ائت یوباندیم علی
گل سینمه تا چالوم من سنه لای لای اوغول

سن آلتی آی همدم و دلبریم اولدون منیم
آز سینیده دوزدی که غمخواریم اولدون منیم
میدانه اغوشیده سرداریم اولدون منیم
گل سینمه تا چالوم من سنه لای لای اوغول

دیل اچمامیشدون ولی اولدی عیان دیل سوزون
سوز عطش سوزدوروب اعماق درده گوزون
بوش قونداقین گئتدیلر ،هاردا قالوبسان ئوزون
گل سینمه تا چالوم من سنه لای لای اوغول

هچ مادری من دوشن درده اوغول دوشمسین
الله گوروم قاتل بی رحمیدن گشمسین
دیل سیز اوشاق هچ اتا اللرینده ئولمسین
گل سینمه تا چالوم من سنه لای لای اوغول

ایندی سنون گتمگین سالدی بهانه اله
خالی قوجاقیم قالوب اردونجا دوشدوم چوله
بیر اوخونان حرمله ای کاش منی ئولدوره
گل سینمه تا چالوم من سنه لای لای اوغول

محملده اغلار اولان گوز گوهری اختارور
صیادیلر جیرانی اولموش جری آختارور
نیزئیله سس دوشوب شمر اصغری آختارور
گل سینمه تا چالوم من سنه لای لای اوغول

یازدین "خدایی" سوزون تا یادگاری قالا
حسرتده قالدی رباب اصغره لای لای چالا
تا جان وئرونجه دئدی هاردا یاتوبسان بالا
گل سینمه تا چالوم منه سنه لای لای اوغول

• شنبه
• 16
• مرداد
• 1400
• ساعت
• 12:30
• نوشته شده توسط
• یوسف اکبری

زینب الیم اوستونده اصغر بالام اوخلاندی
بیر گوزلری جیرانه بنزر بالام اوخلاندی

قونداقینه قان دولدی رنگی سارالیب سولدی
اوخ حنجرینه دگجک بولدوم بالاما نولدی
معناده ننم زهرا گیسولرینی یولددی
ای وای دیدی الله اکبر بالام اوخلاندی

توش اولدی که پیکانه آخدی قانی میدانه
پرپر گلومی سان که خار سپدی گلستانه
بی شرم جماعتدن سو ایستدیم عطشانه
اوخ آتدی جوابینده لشگر بالام اوخلاندی

قالمشدی باجی زینب سینمده گل ایمنده
چوخ دلخوشودوم آیری حالت واریدی منده
اود دوتدی گلوم یاندی رحم اولمادی دشمنده
تر لاله دونوب اولدی گرپر بالام اوخلاندی

هر چند آنالار زینب دویماز بالا نازیندن
دل واپس اولار دائم سوزیله گدازیندن
الساعه اوزوم چکدیم پیکانی بوغازیندن
تز یومدی گوزین چالدی شهپر بالام اوخلاندی

گچدی قوشونین ظلمی حدینن عیارینن
قویموبلا اثر قالسین وقریله وقاریندن
اوخ دگدی یمینیندن قان گلدی یساریندن
بیچدی بوغازین مثل خنجر بالام اوخلاندی

• پنج شنبه
• 21
• مرداد
• 1400
• ساعت
• 12:22
• نوشته شده توسط
• یوسف اکبری

بو قدری آغلاما ایتمه فغان علی اصغر
اولا بو حالوه قربان آنان علی اصغر

سوسوزلوقون بولورم نیلیوم آنان ئولسون
خجالتم بولوسن من سودان علی اصغر

دوشوبدی گلشن جسمون اوغول طراوتدن
اسوب جمالوه باد خزان علی اصغر

سنون دل آچماقوا من نقدر مایلدیم
بو شوقیلن واریدیم هر زمان علی اصغر

سولوبدی لعل لبون غنچه تک یانار جگرون
دیمه بو حالوه یوخدور یانان علی اصغر

ایدوب مشاهده احوالوی اوزوم یانارام
اولور عُذاریمه اشگیم روان علی اصغر

ولی چه فایده بو یانماقیم ثمر ویرمز
نه وار سودوم نه سویا وار گمان علی اصغر

ایشیتموسن سو دیوب آغلوری سکینه باجون
اولوبدی لاله کیمی باغری قان علی اصغر

اولوبدی ایمدی سلامت اوغول عمون عباس
اونا بو حالون ایدیدیم بیان علی اصغر

سو ممکن اولمیا قورخوم بودور چکه خجلت
سوسوزدی سنکیمی بولّم آتان علی اصغر

دولانمیشام سودان ئوتری تمام خیمه لری
تاپولمیوب بیر ایچیم سو اینان علی اصغر

نِدیم نه چاره الیمدن اوغول علی نه گلور
هامی سوسوزدان ایدر الامان علی اصغر

ترحماً ایله بو نوکرون { شهابه } نظر
اولوب مدام سنه نوحه خوان علی اصغر

• جمعه
• 5
• شهریور
• 1400
• ساعت
• 11:13
• نوشته شده توسط
• یوسف اکبری

ای سُود اَمر قارداش لای لای علی لای لای
چوح توکمه گوزدن یاش لای لای علی لای لای

سن بولمی سن یوخسا یوخ رحم دشمنده
رحم اِیت منه قارداش سُو ایسته مه سنده
آخر باجون ئولسون سنده سوسوز منده
ای سُود اَمر قارداش لای لای علی لای لای

چوخ تشنه سن بوللّم رَنگون سولوب گل تک
اود دوتوب اود لانّام بو حالوی گُورجَک
بیله خیال اِیتمه بیر سن سوسوز سان تک
اِی سُود اَمر قارداش لای لای علی لای لای

بی رحم دور بو قوم بولمز وَفا رَسمی
بیگانه ده اولماز چون آشنا رَسمی
بو لشگرون اولموش آخر جَفا رَسمی
اِی سُود اَمر قارداش لای لای علی لای لای

ای اکبریم اصغر دردون بیان اِیتمه
یاندیم کباب اولدوم باغریمی قان اِیتمه
آز آغلا تاب ایله بیله فغان اِیتمه
اِی سُود اَمر قارداش لای لای علی لای لای

دَرد آز قالوب قارداش بو سینمی دَلسون
یات قوی آنان آخر بیر لحظه دینجل سون
آرام دوت تا که سَقّا عَموم گلسون
اِی سُود اَمر قارداش لای لای علی لای لای

قارداش علی سن سن بیر گُل بوداقی مده
من بُلبُله سن تک گُل یوخ سراقی مده
یِرده یوخون گلمور گَل یات قوجاقی مده
اِی سُود اَمر قارداش لای لای علی لای لای

آز قالدی اوز قانون قونداقوه دولسون
گورسون آنان نَعشون گُل تک یانوب سول سون
پِستانِ دَم پیکان گهواره قبر اولسون
اِی سُود اَمر قارداش لای لای علی لای لای

اوچ گوندی بیر کیمسه سو ایچم یوب بوللّم
شامه کیمی قارداش آردون جا من گَلّم
آخر یقینیم دور ویرانه ده ئولّم
اِی سُود اَمر قارداش لای لای علی لای لای

آل پیغمبردن بیر گل یوزی گولمز
رَحم ایلمز بیر کس گوز یاشلارین سیلمز
بیر قطره شیرین سو نیلوم اَله گلمز
اِی سُود اَمر قارداش لای لای علی لای لای

اود ویردی یان دوردی دنیانی افغانون
آز قالدی کیم قارداش چخ سون سوسوز جانون
اِیلر سنی سیراب اِیم دی قزل قانون
اِی سُود اَمر قارداش لای لای علی لای لای

بی کس بابام ایلوب جانانی له پیمان
قربان سنه باجون وِیرسون سنی قربان
راحت اِیدر ایمدی اوچ شعبه لی پیکان
اِی سُود اَمر قارداش لای لای علی لای لای

آرتوب زِ بس (صافی) آغلار گوزون یاشی
اولدی یانان قلبون گوز یاشی یولداشی
سسلن که سسلردی بیر باجی قارداشی
اِی سُود اَمر قارداش لای لای علی لای لای

• چهارشنبه
• 17
• شهریور
• 1400
• ساعت
• 23:39
• نوشته شده توسط
• یوسف اکبری