اشعار حضرت علی اصغر علیه السلام

یوخدی سودوم آغلاما - ای عزیز جان اوغول

یات بو گیجه صبحه تک - ایلمه فغان اوغول

آغلاما - آغلاما - یوخدی چارم آغلاما

آغلاما - تشنه‌لب - شیر‌خوارم آغلاما

سو یولونی باغلیوب - اشقیای کین شعار

بو گیجه قیزلار هامی - سن کیمی سوسوز دولار

چالما بیله ال ایاق - قلبیم اود دوتوب یانار

من اوزومده تشنیم - باخ اوزون اینان اوغول

جان بالا - جان بالا - قلبیم اولدی قان بالا

حالیمه - یان بالا - ایلمه فغان بالا

نه دل آچموسان منه - آندیراسان اوز سوزون

گه باخوسان آغلوسان - گه بالا آخور گوزون

آندیرور احوالیوی - گول کیمی سولان یوزون

گوزلرینده گوز یاشون - اولدی لخته قان اوغول

اصغریم - اصغریم - تشنه لب کبوتریم

نوگل - احمریم - یات گل اوزلی دلبریم

گوزدن آخور گوز یاشون - ایسلانوبدی قونداقون

یاندیرور منی سنون - سو غمینده یانماقون

گل بو قوری سینمه - وورما خردا درناقون

باشیوی قوی سینمه - یوخلا بیر زمان اوغول

باغریقان - دلستان - طفل بی‌زبان علی

وار نه سود - نه سووا - منده یوخ گمان علی

سوز عطش هامّونی - اوخشادوب سولان گوله

سو یولونی سدّ ایدوب - شمر و زجر و حرمله

آلما بیله صبریمی - گل ربابه رحم ایله

اللریوی نیله‌سن - باغلاسا آنان اوغول

آغلارام - آغلارام - منده سینه داغلارام

بو گیجه - یاتماسان - اللریوی باغلارام

صبح آچیلور خسته‌سن - ماهپاره یات بالام

دردیوه تاپدیم سحر - بلکه چاره یات بالام

ایله منیم سینمی - گاهواره یات بالام

سنسیز آنان نیلیر - ای گل جنان اوغول

لایلای اوز - دیده تر - خون جگر - غرالیمه

لایلای اوز - تشنه لب - صود امر مارالیمه

• سه شنبه
• 10
• فروردین
• 1400
• ساعت
• 12:48
• نوشته شده توسط
• یوسف اکبری

ای - غنچه ممتازیم - طفل دلنوازیم

اوخلانان الیمده - شش ماهه سربازیم

لای لای سینَمده آخان سِتاره م علی

اوخ قالوب بوغازوندا یوخ چاره م علی

جان علی اصغریم (۲)

یات - سو فکرین آتمیان - مرامه چاتمیان

نه راحت یاتموسان - اوچ گئجه یاتمیان

یاندیدیر منی سوز و گدازین علی

اوخ کسوب خنجر کیمی بوغازون علی

جان علی اصغریم (۲)

جان - حسینون مارالی - تشنه لب غزالی

آپارمارام سنی - خیمیه یارالی

اوخلی بوغازینان قان سوزولور علی

ایوای باشون بدندن اوزولور علی

جان علی اصغریم (۲)

سن - ربابین گولوسن - ائلّلر سویگولوسن

من سنه آغلورام - سن ولی گولوسن

یات حسینون تشنه لب قربانی علی

چکمیشم بوغازوندان پیکانی علی

جان علی اصغریم (۲)

• سه شنبه
• 10
• فروردین
• 1400
• ساعت
• 12:52
• نوشته شده توسط
• یوسف اکبری

سربازِ شش ماهه عازمِ میدان اولوب
گویده ملک لر بوتون بو ایشه حیران اولوب

لرزه دوشوب لشکره قوم ستم پروره
حرمه چپ چپ باخور نازلی علی اصغره
گوزلری سعد اوغلونون قانه دونوب تیتره ییر
حور و ملک یکسره اصغره احسن دییر

سربازِ شش ماهه عازمِ میدان اولوب
گویده ملک لر بوتون بو ایشه حیران اولوب

آلدی الی ئوستونه غنچه ی نیلورین
تللیده زینب دئدی غیرتیوه آفرین
نهضت سرخ حسین چونکی حساب ئوسته دی
نقطه ی اوج بو ایش طفل زباب ئوسته دی
اوچ پر اوخا جان دئدی اولدی فدای حسین
اصغره یئر جورلدی سینه سرای حسین

سربازِ شش ماهه عازمِ میدان اولوب
گویده ملک لر بوتون بو ایشه حیران اولوب

پادشه لا مکان لنگر هفت آسمان
صاحب سرّ المنان رهبر کل جهان....
باسدی سینیخ قلبینه اصغری بیر آن حسین
تللیده زینب دئدی جان سنه قربان حسین
سپدی قانین گویلره اصغر شش ماهنین
سسلدولرقدسیان عشقه هزار آفرین

سربازِ شش ماهه عازمِ میدان اولوب
گویده ملک لر بوتون بو ایشه حیران اولوب

• سه شنبه
• 21
• اردیبهشت
• 1400
• ساعت
• 15:24
• نوشته شده توسط
• یوسف اکبری

سن حسینون صودامر سربازیسان
سینه مه خاطره ی غم یازیسان
ال ایاق چالما بالا
صبریمی آلما بالا
یات لب عطشان بالا یات (۲)

برج غم اولدوزی تک باتدین علی
آتا آغوشین اوخا ساتدین علی
اوخا گولدون منی آغلاتدین علی
آرزووا چاتدین علی
نازیلن یاتدین علی
یات لب عطشان بالا یات (۲)

گولومی حرمله قئردی ولدی
اوچ پر اوخ حلقوه ووردی ولدی
آتادان اوغلون آییردی ولدی
سنی قانه بلدی
چولده جیران مله دی
یات لب عطشان بالا یات (۲)

نه بیلیدیم بئله بیر ساعت اولار
منه حسرت سنه اوخ قسمت اولار
سپرم عرشه قانین زینت اولار
مقتلین خلوت اولار
فاطمه دعوت اولار
یات لب عطشان بالا یات (۲)

وار هله حرمله نین بهتر اوخی
منه قسمت اولاجاق آخر اوخی
بوغازیندان چکرم اوچ پر اوخی
گؤرمه سین مادر اوخی
ائتمسین باور اوخی
یات لب عطشان بالا یات (۲)

الیم اوسته سنه لایلای دییرم
آناوین حالینه ایوای دییرم
زحمتی اولدی علی زای دییرم
من اوغول وای دییرم
یوخ سنه تای دییرم
یات لب عطشان بالا یات (۲)

سن اوغول گلشن غم بلبلوسن
سن رقیه بالامین سویگولوسن
محسنین یولداشی جنت گولوسن
باغ غم سنبلوسن
آغلورام سن گولوسن
یات لب عطشان بالا یات (۲)

• چهارشنبه
• 29
• اردیبهشت
• 1400
• ساعت
• 22:57
• نوشته شده توسط
• یوسف اکبری

آلتی آیلیق بیر بالا مشکل لری آسان ائدر
ائیله سه هرکیم توسل دردینه درمان ائدر

قولاری قونداقیده باتدی اگرچه قانینه
او کیچیک بارماقلاریلا سائله احسان ائدر

سوت امر دی لیک عالِم لر دوتار دامانینی
درگهینده مستمنده لطفی بی پایان ائدر

حرمله ، الله سنه لعن ائیله سین ای بی حیا
کیم نثار سوت امر بیر زهریلی پیکان ائدر

گوزلری یولدا آناسی خیمه لرده ناگران
شیرخوارین قونداقین کیم قانیلن الوان ائدر

دیزلرین ویردی یئره چکدی زهی سیخدی بیر اوخ
عرش و فرشی سر به سر اوخ غصه دن نالان ائدر

آغلا یا زهرا غریب اوغلون حسینین حالینه
آلتی آیلیق اوغلونی دین اوسته کیم قربان ائدر

اوخ نه اوخ پیکان نه پیکان تیغ و خنجر دن ایتی
یاره سین گورسه آناسی هر زمان افغان ائدر

من امامه عرض ائده مم اولدی سرگردان ولی
ال لر اوسته جان وئرن انسانی سرگردان ائدر

نه گدیردی خیمه یه نه واردی طاقت قالماقا
بو الستی عهدیدی ایفای اوءل پیمان ائدر

مطمئنه نفسیلن معبودی گوزلور گلماقین
راضیه مرضیّه نی رضوانینه مهمان ائدر

وئرمدی سو کسدی باشین شیرخوارین حرمله
بو قساوتده ایشی گور هانسی بی وجدان ائدر

بو مصیبتده همیشه آغلیار صاحب زمان
گوز یاشی قانه دونر باغرین بو غملر قان ائدر

ای ولائی آغلا یاز ای وای ربابین حالینه
وای بالام وای سسلنر غم گوزلرین گریان ائدر

• پنج شنبه
• 6
• خرداد
• 1400
• ساعت
• 12:46
• نوشته شده توسط
• یوسف اکبری

ای ایچن سو یرینه قان بالا وای
آنان اولسون سنه قربان بالا وای

منیم ای روح و روانیم گوزون آچ
اوجالوب عرشه فغانیم گوزون آچ
سنه قربان اولا جانیم گوزون آچ
قویما وردیم اولا هر آن بالا وای

سینمی ناله ایله داغلامشام
سنله باهم گجه چوخ آغلاموشام
عفو ایله اللریوی باغلاموشام
اولموشام ایمدی پشیمان بالا وای

گلمدی راز دلون لبلریوه
سورتدون هر دمده دلون لبلریوه
قویدون آخرده اَلون لبلریوه
قلبون اود دوتدی سوسوزدان بالاوای

بو اشاره منی یاندیردی بالا
خیمه نی چوخلی دولاندیردی بالا
کیم سنی قانه بویاندیردی بالا
اولدی بیر سنگدل انسان بالا وای

فرقتونله سینمی داغلاموسان
چاره یوللارین اوغول باغلامسون
کوسموسن مندن اودور آغلاموسان
ایده سن ایستیرم افغان بالا وای

نسگل اولدی سودومون اولماماقی
ساخلیانماز آنا سوسوز اوشاقی
یاندی سن تک آناوین دل دوداقی
اولدی سن تک اودا گریان بالا وای

آپاراندا سنی میدانه آتان
آغ گیندیردی سنی اُلسون آنان
اولدی آغ اونّوگوین زینتی قان
اولوب آغ اونّوگون الوان بالا وای

سنه سو ایستدی چون شاه اَنام
حالنی یوخلادیلار لشکر شام
بوغازون اوخلادی بو قوم ظلام
ای اولان دایه سی پیکان بالا وای

باخورام گل بدنون یوخ یاراسی
سینمه وار یاراون چوخ یاراسی
بیله اولماز بالا هیچ اوخ یاراسی
یا کسوب خنجر برّان بالا وای

کیم بیله خانهء صبرون تالیوب
سینمه داغ کیمی محنت قالیوب
اوخ باتوب بو بوغازون پارچالیوب
ایلیوب گل کیمی خندان بالا وای

بختیمون کوکبی باتدی سنیلن
سازشی یوخدی جهانین منیلن
آغلیاندا سنه من شیونیلن
گوله جاق فرقهء عدوان بالا وای

سو یولون هاردان اولور دشمن آچار
کیم دیدی اوخ دلیوی اَمسَن آچار
آغلارام قونداقوی عمّن آچار
اولوب عمّنده پریشان بالا وای

تیر غم سینمه ساچدی بالالار
خیمیه غم یولی آچدی بالالار
سنی گورجاخ بالا قاچدی بالالار
هره بیر یانه هراسان بالا وای

بیر بیره سویلدی سو ایستمیون
اوخلییلّر سوسوزی سو دیمیون
کیمدی قزلاره دِیَن غم یمیون
ایتمیون بیرده سو عنوان بالا وای

اوخشارام من که بو حالیله سنی
بزم ماتمده ده اوخشار (حسنی)
ناامید ایتمه عزایه گلنی
ایسته اوز قبریوه مهمان بالا وای

• دوشنبه
• 10
• خرداد
• 1400
• ساعت
• 15:12
• نوشته شده توسط
• یوسف اکبری

قهرماندور کربلانون سود امر رزمنده سی
آسمان اهلبیتین نیّر تابنده سی
اولدی اصغر حق تعالانون مقدس بنده سی
عرشیانی ساخلیوب حیرته زیبا خنده سی
اونلا تکمیل اولدی قانلی نهضتین پرونده سی
تا اوخا گولدی گلوب عرش اهلی یکسر شیونه
سسلیوبلر ای گل باغ ولا احسن سنه

چشم دوران گورممیشدی شیر خواره قهرمان
حیرته دوشدی شعوریندن زمین و آسمان
بیرده حاشا اصغره همتا گوره اهل جهان
کشف اولونماز خلقتینده واردی اسرار نهان
عالمه درس شرف وئردی او طفل بی زبان
قنداق ایچره باغلیوبدور عهد پیمان با حسین
آچمامیشدی دیل اشاریله چاغیردی یا حسین

رزمگاهه گلمگیمدن واردی منظوریم منیم
ایستورم بو دشتی ساطع ایلسون نوریم منیم
شیر خوارم گرچه یوخ بازوی پر زوریم منیم
قلبیمه سالمیش طلاتم باشداکی شوریم منیم
جان وئروب میداندا سقای سلحشوریم منیم
یار اگر یار اولسا جانین بذل ائدر یار عشقینه
گلمیشم قانه باتام منده علمدار عشقینه..

• دوشنبه
• 10
• خرداد
• 1400
• ساعت
• 23:51
• نوشته شده توسط
• یوسف اکبری

تاپدی باشیم بو چولده دمادم بلا اوغول
اولدوم غریبه درد و غمه مبتلا اوغول

لازمدی که آنا بالانون قیدینه قالا
سو یولارون کسوبله اونا نئینسین آنا
پارچالانان او لبلره جانیم اولا فدا
بلبل کیمی گل ایلمه آه و نوا اوغول

سو صحبتی بو چولده دونوب اولدی تا سراب
ناچار اولوب بو قولاریوا باغلادیم طناب
کم لطفیلیق دگوردی ویرور روحیمه عذاب
دوزمز بالاسینون غمینه هیچ آنا اوغول

دنیاده چوخ آنانی، سالار زحمته عیال
تاپسا ادامه زحمتی عالمده ماه و سال
گلمز دیله آنا، ایلمز اوزگه بیر خیال
باخسان گوررسن ایلور عیالین دعا اوغول

الله بولور سو اوسته نه قَدر اِیلدیم تلاش
سو سو گینه دیلیم دِیور، اما یواش یواش
سو اوسته گل بو سینه می چوخ ایلمه خراش
ویرما بو داغلی سینه مه چوخدا یارا اوغول

تیره اِیدوب گوزومده غمون روزگاریمی
چوخدا اوجاتما عرشه منیم آه و زاریمی
اولسا قصوریم ایله قبول اعتذاریمی
پارچالانان او لبلره جانیم فدا اوغول

قلبی یورار اورکده غمین چوخ قالانماقی
دردیم نَدور بولَر او که گوردی تالانماقی
آواره قالمشام بو دم حیران دولانماقی
تحمیل ایدوب بو دشتیده دست قضا اوغول

انصافیدور سو اوز اوزینه چوللره آخا
انصافیدور عطش اورکون یاندیرا یاخا
حسرت گوزیله نهر فراته گوزون باخا
اولسون گوروم بو دار فنانی فنا اوغول

قورخوم بودور که سوز عطش اِیلسون هلاک
هرگز دِمَم هلاکتیوه سو دگور ملاک
سو صحبتی بو چولده سنی اِیتدی سینه چاک
سینم ده ده سود اولمادی اولسون دوا اوغول

دردون اورکده یوخ سوز اولور دم به دم مزید
چوخد داریخما اولما بو تزلیقدا ناامید
تا سر سپاه لشکر حَق اولمیوب شهید
وار ممکنی اورک غمی زایل اولا اوغول

بو وضع و حاله صبر ایدسن سن گرک هله
سقا الیله حل اولاجاخدور بومسئله
حل اولماسا محالیدی گَلسون او سو اَله
سو یولارون کسوبدی بو قوم دغا اوغول

تیر غمه دوباره (عتیق) اِیلدون نشان
قاتدون سرشک چشمیمه بو غمده لخته قان
تکرار ایله او مصراع شعری ، آنا هاچان
باخسان گوررسن اوغلونی ایلور دعا اوغول

بداهه سرایی در گروه مداحان و شعرای اهلبیت (ع)

• یکشنبه
• 3
• مرداد
• 1400
• ساعت
• 15:57
• نوشته شده توسط
• یوسف اکبری

شاهد اول باتوبدی قانه اصغر یم الیمده یارب
حلقینی ایدوب نشانه دوشمنیم الیمده یارب ۲بار

بیربه بیر شهید اولوبدی گول لریم گیدوب الیمدن
قانه غرق اولوبدی یکسر ایلریم گیدوب الیمدن
اوخ دیگوب گولوب یاتوبدی اصغر یم گیدوب الیمدن
شاهه اول باتوبدی قانه اصغر یم الیمده یارب ۲بار

حرمله بیر اوخ آتوبدی حلقینی ایدوبدی پاره
قانیله اولوبدی ألوان قلبیمی اید وبدی یاره
تشنه لب شهید اولوبدی اولمادی ألیمده چاره
شاهه اول باتوبدی قانه اصغر یم الیمده یارب ۲بار

نیلمیشدی اهل شامه صودامر بونازدانه
اوچ پر اوخ گلوب هوادن حلقینی ایدوب نشانه
اوخ آتان الین سنیدی قالدیم ایندی یانه یانه
شاهه اول باتوبدی قانه اصغر یم الیمده یارب ۲بار

اوچ گونیدی ایچمه میشدی سو او طفل شیرخواره
اوخ دیگوبدی گولدی یاتدی اوف اولا بوروزگاره
جان ویروب سوسوز عزیزیم گیتدی میهمان اویاره
شاهه اول باتوبدی قانه اصغر یم الیمده یارب ۲بار

بیربه بیر صولوبدی گولر نوبت ایندی اصغریندی
شاهد اول بلا چولونده بو مصیبتیم چتیندی
بینوا أناسی گریان غملرینده دل غمیندی
شاهه اول باتوبدی قانه اصغر یم الیمده یارب ۲بار

تشنه لب شهید اولوبدی شیعه لر یانار ألاندا
چاتماز اصغر ه ولیکین چوخدی صودامر جهاندا
قان ویروبدی ریشه‌ی دین حشره تک قالا أماندا
شاهه اول باتوبدی قانه اصغر یم الیمده یارب ۲بار

ایندی راحت اولدون اصغر سینمین مدالی لای لای
قاسمیله یولدا ش اولدون اکبرین مثالی لای لای
گیدون آرتروب ربابین ای بالا ملالی لای لای

شاهد اول باتوبدی قانه اصغر یم الیمده یارب ۲بار

دوتدوم اوجوما قا نینان سپدیم ای بالا سمایه
یعنی شاهد اول الهی دوشمن ایدیگی جفایه
ویرمدی بوچولده لشکر سو بنات مصطفایه
شاهد اول باتوبدی قانه اصغر یم الیمده یارب ۲بار

• چهارشنبه
• 20
• مرداد
• 1400
• ساعت
• 17:51
• نوشته شده توسط
• یوسف اکبری

اصغرین گردیلی اولسیدی دیردی سوزونی
اوخ گلنده اوزی محوظ ایلیردی اوزونی
علتین بولمدوک اما نیه یومدی گوزونی
باخمادی حرمله اوزبد عملیندن اوتانا
یاکه تیر او زهدفیندن آخا بیر آیری یان

قدرتی که اوخا ورمیشدی اوبازوی ستم
سرعتین نچه برابر نچه برابر ایلمشدی نه کی کم
صوت مافوقیله دوشدی یولا باخاطر جم
چون هدف نازک وملطوفیدی اوخ اوچ پریدی
ایله بچمشدی بوغازین دیه سن خنجردی
اصغرین فکرینه گلمزدی که پیکان گلوری

اصغرین فکرینه گلمزدی که پیکان گلوری
اوز خیالینده دیردی منه پستان گلوری
اوخ دینده صورا احساس ایلیوب قان گلوری
ایله بیر نیمه تبسم ایلیوب غنچه دهان
دیل دولاندیقجا دوداقلاری اولوب قرمزی قان

گوندوزین شامه دولاندردی حسینین اوخ آتان
دوشدی بیر وضعه هوا تلخ الوب اوضای زمان
حرمله بیر اوخ آتوب لیک ایدوب اوخ ایکی قان
اولین دمده علی اصغری خندان ایلیوب
کچدی بازوی امامتده ده بیر قان ایلیوب

• شنبه
• 23
• مرداد
• 1400
• ساعت
• 12:12
• نوشته شده توسط
• یوسف اکبری

حلق اصغردن اوپن اوچ شعبه پیکان آغلادی
عرش و فرش و لوح و کرسی حیّ ِ سبحان آغلادی

بیر کسه درد دلین ابراز قیلسون یوخ دلی
اصغرین عطشان بوغازین اوپدی آچسون اوخ دلی
آچمادی دل زخمدار ایتدی ولیکن چوخ دلی
اوپجاق اوخ اوّلده اصغر گولدی اوندان آغلادی

یتدی حا میمین قیروب اوچ شعبه پیکان رشته سین
محکماتین ایلدی مستحکم اما مهره سین
پخش ایدوب دنیایه قرآن مجیدین خوشه سین
منزل قرآنی محزون گوردی قرآن آغلادی

من شه نبا العظیمم یوخدی منده کیف و کم
قتلیمه شورا ایدوبسوز بلموسوز من اُلمرم
کل شیئ هالک الّا وجه ربک هو منم
بو ندای زنده نی شمر ایتدی اذعان آغلادی

باغ وصلتدن دروب گل شاد اولوب رب الفلق
محضر جانانه گوندردی او گلدن بی طبق
لطفیوه عرض ایتدی یا رب مستحقم مستحق
بیمناک اولدی بدادن شاه خوبان آغلادی

مست عین و شین و قافم مست وصلم مست یار
اکبره اکبر فدا ویردیم اولام پیوست یار
شهسوارانه اولوبدور اکبریم پابست یار
کوی عشقی سیر ایدوبدور گوی چوگان آغلادی

جزر و مدایلور گوروب اطفالی بحر رنجیده
ماته دوشدی شه پیاده عرصهء شطرنجیده
سرّ کنتُ کنز مخفی گورسنوب شش پنجیده
فیلیدن دوشجاق وزیری، کنز پنهان آغلادی

سینسا جان پیمانه سی سینماز بیلون پیمان عشق
محو اولور روز وصالیله شب هجران عشق
بلبلین گورسه آچار گل، غنچه خندان عشق
غنچهء خندان گل آچدی اولدی خندان آغلادی

عالمه افشا ایدوب (بیضا) ید بیضاسینی
ویردی صیقل شعریله تیز ایتدی طبعین داسینی
ارتحالینده ملک لر دوتدی گویده یاسینی
مجلس ترحیمینه گلدی حریفان آغلادی

• یکشنبه
• 7
• شهریور
• 1400
• ساعت
• 14:23
• نوشته شده توسط
• یوسف اکبری

رحم ایلمور قُوم عَدو، الله بالام باندی
یوخ خیمه ده بیر شَربه سُو، الله بالام یاندی

امّیدی له گِیتدیم خدا مخیم ده هر یانه
سُو یوخلوقی اُمیدی می دوندردی حِرمانه
لطف و عنایت ایله بو خشکی ده پِستانه
دول سُون صُودیله چون سبو، الله بالام یاندی

سُو قاب لاری خُشکی ده دور سوز ِحَرارت دَن
عَرشه چیخار یاندیم سَسی آلِ رِسالت دَن
سُو تاپمادیم دوشدی دیزیم آرام و طاقت دَن
هر قدر قیلدیم جستجو، الله بالام یاندی

بو چولده یارَب گورسه نور هنگامهء مَحشر
آغلور سو سوزلوق دان، یانُور اولادِ پیغمبر
کیم بو غریبون حالینه رَحم اِیلر ای داور
وار دور نَه قارداش نَه عَمو، الله بالام یاندی

نِیلوم عَلاجیم یوخ منیم اِی خالقِ علّام
نه دل بولور لای لای دِییوم بیر آز دو تا آرام
ایکاش آپارسون بیر نفر بو لَشکره پیغام
بولسون بو قومِ کینه جو، الله بالام یاندی

دیرناق وروب دور سینه مه از بس ایدوب پاره
قانه باتوب دور اللّری سینم اولوب یاره
تأثیر اِیدَر یِتسه سسیم بو قومِ اَشراره
گر ساکت اُول سا های و هو، الله بالام یاندی

آدیم رُباب امّا اوزوم سینمی ش رُباب اُولدوم
اُولدی خزان عمروم گولی، خانه خَراب اُولدوم
باخدوق جا بو سول موش گوله یاندیم ‌کباب اولدوم
یان سون گوروم قوم عَدو، الله بالام یاندی

گاهی علاقم جوش اِیدر آغوشی مه آلّام
گاهی عَلاجیم قطع اولور گهواریه سالام
اوخ لانسا آهُو تک بالام یارَب مَلر قالام
چون سُود اَمر آهُودی بو الله بالام یاندی

خلقین حیاتی چون سُو دور ای خالقِ داور
اِحسان ایدوب سن تا اِیچه هر مُومن و کافر
بیر قطره وِیرمُوللّر ولی بو قُومِ بَد اختر
اِیلوم بالامی تَر گلو، الله بالام یاندی

ایسّی هوا دیل سیز بالا آبِ روان اِیستر
ارزان سُویا عالی بَها بو کوفیان اِیستر
وِیرماق لیقا بیر جُرعه سُو یوز نقد جانِ اِیستر
قالدی سُودا نه آبرو، الله بالام یاندی

یارب سنی وِیرّم قسم بو مادرِ زاره
ایله (حسینی) دردینه لطفیله بیر چاره
یاز بو سوزه خاطیر اونی نوکر بو درباره
رحم ایلمور قوم عدو الله بالام یاندی

• چهارشنبه
• 17
• شهریور
• 1400
• ساعت
• 23:32
• نوشته شده توسط
• یوسف اکبری

گل دوتوب اوت اورگیم یاندی باجی
الیم اوسته بالام اوخلاندی باجی

جام صبرین باجی بیر اوخ جالادی
خانهٔ قلبیمی دشمن تالادی
اوخ دیوبدور بوغازین پارچالادی
یوز گوزی اُنوگی القاندی باجی

یاخشی قویدی سوزی میدان یرینه
نوش ائدوب قانینی درمان یرینه
اَمدی تیری باجی پستان یرینه
بولمدی زهرلی پیکاندی باجی

منی یاندیردی یانوب آغلاماقی
آتش آهه جگر داغلاماقی
گوزلریمدن گوزونی باغلاماقی
اورگیم اوت دوتوب اوتلاندی باجی

اتمیوب اوچ گئجه دور ناز ایله خواب
آناسین یاندروب ایتمیشدی کباب
یولونی گوزلوری بیچاره رباب
بولموری غنچه سی خنداندی باجی

آلدی مندن باجی بو حالی دوزوم
اوخ دگنده قالوب آغزیمدا سوزوم
خیمیه گلماقا گلموردی یوزوم
قارداشون حالی پریشاندی باجی

قالدی قونداقی الیمده باجی جان
قانلی میدانی دولاندم نگران
اولمادی قونداقنی مندن آلان
اوت دوتوب قلبیم الولاندی باجی

منی یاندردی ایله درد گران
یتیش امدادیمه ای روح روان
اوزون آل یاره سینی ویرمه نشان
آناسی سینه سی سوزاندی باجی

ظلمیله غنچه گلوم قانه باتوب
فانی دنیانی باجی گوزدن آتوب
یاتمیوب اوچ گئجه نی ایندی یاتوب
استراحت بونا الاندی باجی

کیم بولور قوم عدو نیله دیلر
ناقه صبری نجه پیله دیلر
ایستدیم سو بالامه ویرمدیلر
دیمیوبلر کی لب عطشاندی باجی

بو ستاره گون الی اوسته آخوب
قلب خورشیدی آخوب ناره یاخوب
اوخ دگنده منه حسرتله باخوب
گوزلریم حالینه گریاندی باجی

ماهین آردنجا ستاره دولانار
گور باتا آی او ستاره دایانار؟
اولارین حالینه خورشید یانار
حالیمه نه فلک اوتلاندی باجی

بسدی (یعقوبی) دولانما شرده
دینه اصغر آدنی هر یرده
دادوه بلکه یته محشرده
بیرده ده اصغریم اوخلاندی باجی

• چهارشنبه
• 17
• شهریور
• 1400
• ساعت
• 23:45
• نوشته شده توسط
• یوسف اکبری

آلوب از بسکه آناسیندان علی طاقت و تاب
آنالیق عالمی اوز اوغلونا ایلردی خطاب

گَل گیداخ بو ره عشقی علی باهم چالشاق
شمع و پروانه مثالی یانار اودتا آلشاق
قید قویمور منی، گل کوسموسن اوغلوم بارشاق
اهل بیت ایچره علی یاندیم ،اوتاندیرما منی
صود گلوبدور سینمه، اَم بالا یاندیرما منی

یانمیشام آغلامیشام بس کی سنه ئوز دولوسی
اورگیمده یانار اود واردی، اولوب سوز دولوسی
باش قارشدی گوزوه باخمادیم هیچ گوز دولوسی
او گیچن گونلریمین خاطره سی یاد اولسون
یاخچی آغلار گونه قویدون ایوین آباد اولسون

آناوا گولمدون اوغولوم اوخا گولدون نیه سن؟
توخدیبدور بوغازون یاره سی؟ سویله نجه سن
آیری عالمدی علی خیمییه گلسن بوله سن
قوشولوب بیر بیره اهل حرم ایوای دیوری
هامی آغلور یانور اوخشور سنه لای لای دیوری

بَلییَن وقت سویونردیم سنی من ،اوز اوزومه
او گوزل گوزلریله جلوه ایدردون گوزومه
ایندی فکر ایلییورم باخ علی منده دوزومه
نیلیوم ایش بئله گلدی، بالا غفلت ایله دیم
منی عفو ایله دویونجا سنه لای لای دیمه دیم

مهر رخشان سحر خیمه سرادن سوزولوب
گوزلریم مردمونه غصه و غمدور دوزولوب
اوخلانان گوندن آناویندا اورگی اوزلوب
چرپنور قلبیم او گوندن که اَلون باغلامیشام
بوغازون یاره سینی یاده سالوب آغلامیشام

غملی نی زاره یاغار غصه، اَسنده یللر
بلبل اوخشار یانار آغلار که آچولسون گللر
اوخشیاندا سسیمی چونکی تانیلار ائلر
ایشیدنلر بولر آغلور گینه اصغر آناسی
چاره سی یوخدی دیللر گیدوب الدن بالاسی

لای لایون زمزمه سی غصه لی آواز اولدی
غملی اکبر آناسیله آنان همراز اولدی
شکر لله که بالام عاشق ممتاز اولدی
شوقیلن جانوی تسلیم ایلدون جان آلانا
منده قربان اولارام سن کیمی قربان اولانا

گُل بوغازون ای اوغول، غنچه کیمین پرپریمش
اوخلانان گوندن آناویندا وجودی اریمیش
خیمه دئیدیم دیدیلر قانه باتان اصغر یمیش
بیر گمانیم گلوری قانه باتان گوز یاشیما
ایندی بولدوم آنان اُلسون نه گلوبدی باشما

خیمه گاه حرم عصمته گر دوشسه یولوم
(پوررادم) دیَرم من علی قربانون اولوم
داغ ایّام مصائبده منی قویما سولوم
تا منیم وار نفسیم سیزلره مجلس قورانام
اللّها شکر ایدورم اصغره زنجیر وورانام

• پنج شنبه
• 18
• شهریور
• 1400
• ساعت
• 17:59
• نوشته شده توسط
• یوسف اکبری

جگر قانین ایچن لای لای
شیرین جاننان گئچن لای لای
آنون اوخشار دییر اصغر
بوغازین اوخ بیچن لای لای
علی لای لای گلوم لای لای
یارالی بلبولوم لای لای
یا، طفل عطشان- لب تشنه قربان

علی شرمندیم سندن
سوسوز گیتدون بو سینمدن
گلیلی اولما چوخ مندن
عطش دردین چگن لای لای
علی لای لای گلوم لای لای
یارالی بلبولوم لای لای
یا، طفل عطشان- لب تشنه قربان

دولانان خسته میدانی
قان ایتدون قلب زهرانی
اوتا چگدون بو دنیانی
عطش جنگه گیدن لای لای
علی لای لای گلوم لای لای
یارالی بلبولوم لای لای
یا، طفل عطشان- لب تشنه قربان

غمینده سینه سوزانم
پریشانم پریشانم
سنین تک منده عطشانم
عطش جنگه گیدن لای لای
علی لای لای گلوم لای لای
یارالی بلبولوم لای لای
یا، طفل عطشان- لب تشنه قربان

قوجاقیمدا قالان عطشان
گیجه گوندوز ائدن افغان
یات آسوده سوسوز قربان
بوغازین اوخ بیچن لای لای
علی لای لای گلوم لای لای
یارالی بلبولوم لای لای
یا، طفل عطشان- لب تشنه قربان

چمنده گول کیمین صولدون
قرا یلدن خزان اولدون
قوجاقیمدان اوزاق اولدون
جفادن دینجلن لای لای
علی لای لای گلوم لای لای
یارالی بلبولوم لای لای
یا، طفل عطشان- لب تشنه قربان

• چهارشنبه
• 18
• مرداد
• 1402
• ساعت
• 01:09
• نوشته شده توسط
• یوسف اکبری

نوگل رباب اصغر غنچه لب گلوب بوگون
سالماقا دل عالمه تاب و تب گلوب بوگون

عالمی ایدوب قدومی گورنه باصفا
گلدی زاده حسین شهید کربلا

جانیم اصغر علی علی جانیم اصغر(۲)

گلستان ایدوب عالمی گل کیمی صفایه باخ
جنته دونوبدور حسینون ایوی عطایه باخ
اصغری حسینه حق بوگون عطا ایدوب
اصغریله شیعه دردینه دوا ایدوب
جانیم اصغر علی علی جانیم اصغر(۲)

اصغری حسین آلدی آغوشینه اوپوب یوزون
بیرده اوپدی اصغر بوغازین اوشه یوموب گوزون
غنچه لبلرین ایدوبدی بوسه آغلادی
قلب عالمی نوا ایدوبدی داغلادی
جانیم اصغر علی علی جانیم اصغر(۲)

ویردیلر رقیه آلوب سینیه دیدی اخا
اللرین اوپوب باخدی سویلوب باجون سنه فدا
نازیله دیور رقیه لایلا

• سه شنبه
• 21
• اسفند
• 1397
• ساعت
• 11:30
• نوشته شده توسط
• ابوالفضل عابدی پور

شهید اولوب هامی انصاری یوخدی دای قالانی
گتوردی عرصه گهه خیمه دن سوسوز بالانی

سولان یوزونن اوطفلین کناره چکدی عبا
دیدی جفانی بیلورسوز نجه بو طفله روا

منیله واردی عنادوز بو ایشده یوخدی سوزوم
ورین سو سودامره سودامرده یوخدی دوزوم

نه قوه واردی تحمل ایده نه دیل دیه سو
ایچور چولون وحوشی سودان ایچمیوب هله بو

نه نیزه سی نه ده خنجر نه تیری وار نه کمان
دیون بالام بیروزیلن ایدیب جدل نه زمان

رضای حقه گوره سو ویرون کی یاندی بالام
سو ویرمه سوزده بیلون سیز کی نیمه جاندی بالام

اگر واروزدی سیزون دین باخون بو سودامره
اوهانسی دین دی کی رحم ایله مز بو خون جگره

او هانسی دین دی کی ایستر گوجیله بیعت آلا
بیر عد

• چهارشنبه
• 20
• شهریور
• 1398
• ساعت
• 11:47
• نوشته شده توسط
• ابوالفضل عابدی پور

زینبیم گل آل الیمدن تشنه لب قربانی گتدیم
اللریم اوستونده امدی اصغریم پیکانی گتدیم
قزل قانه باتدی _ اوخا گولدی یاتدی

عهدیمی تکمیل ائدم بو دشتیده ائتدیم اراده
آلدیم آغوشه سوسوز قربانیمی گئتدیم جهاده
روبرو دوردوم سپاه اشقیائیلن مناده
قانیلن سیراب ائدوب بو غنچۀ خندانی گتدیم
قزل قانه باتدی _ اوخا گولدی یاتدی

دیلسیزیم گوردوم عطشدور ایستدیم سو اهرمندن
سو ایچوب آرام اولا شاید دئدیم رنج و مُحَندن
حرمله شرم ائتمدی اما نه خالقدن نه مندن
اوچ پر اوخ سالدی نفسدن آهوی زهرانی گتدیم
قزل قانه باتدی _ اوخا گولدی یاتدی

دست بیداد و جفادن ساغر صبریم جالاندی
اوخ دگوب حُلقوم اصغر لاله مثلی پارچالاندی
غنچۀ عمروم تالاندی اللریم قانه بویاندی
شیر خواریم اولدی سرّ عهدیمون عنوانی گتدیم
قزل قانه باتدی _ اوخا گولدی یاتدی

اوخ دگوب دیسکیندی فوراً گوزلرین آچدی ستارَم
بیر اوخا ائتدی تبسم بیر منه باخدی هزارم
سویلدیم یات دینجل اوغلوم دردووه بوخ آیری چارَم
صود امر قربانیمون چخدی الیمده جانی گتدیم
قزل قانه باتدی _ اوخا گولدی یاتدی

تیر صیاد جفادن آتش محنت اَلَندی
قول قنادی باغلی قوش تک دیلسیز اوغلوم یاره لندی
اوخ یریندن قان سوزولدی دوشلوگی قانه بلندی
اصغریم نوش ایلدی پیمانۀ پیمانی گتدیم
قزل قانه باتدی _ اوخا گولدی یاتدی

سالدی بو طفل نزارون اوچ پر اوخ حُلقینده لنگر
قول قناد ایستوردی چالسون اصغریم باغلیدی اللر
تیری چکدیم حنجریندن سسلدیم اللهُ اکبر
صحنۀ ایثاریمه شاهد دوتوب یزدانی گتدیم
قزل قانه باتدی _ اوخا گولدی یاتدی

زحمت عشقه دوزوب من ائتمدیم حاشا گلایه
ایلدیم تحفه تدارک ساحت قدس خدایه
قانینی اوجومدا دوتدوم شوقیلن سپدیم سمایه
شیر خوارون قانی اولدی عشقیمون برهانی زینب
قزل قانه باتدی _ اوخا گولدی یاتدی

یوخدی عشاقه مواسات عالمی اندازه عشقه
خون عاشقدور ویرر دنیا بوئی آوازه عشقه
منده خون اصغریمدن باغلادیم شیرازه عشقه
ئولدی شش ماهَم دیریلتدی پیکر قرآنی گتدیم
قزل قانه باتدی _ اوخا گولدی یاتدی

زینب ای زهرایه مظهر غم شریکیم انقلابه
عاشق صادق گرکدور صبر ائده جور و عتابه
گئت باجی وئر مژده الان خیمه ده بی کس ربابه
حاضر ائتسون گاهوارین صود امر قربانی گتدیم
قزل قانه باتدی _ اوخا گولدی یاتدی

• جمعه
• 30
• آبان
• 1399
• ساعت
• 19:48
• نوشته شده توسط
• یوسف اکبری

اوچ گوندی بو گون اصغریم عطشاندی الهی
رحم ایله بالام اود دوتوب اودلاندی الهی

ایچموبدی سو عطشاندی یوخی یوخدی گوزونده
گُل تک سارالوب واردی ئولوم حالی یوزونده
آخر منیده حالی کباب ائتدی اوزونده
قلبی دوتوب اود هر باخانون یاندی الهی

بو سهلدور اوچ گوندی بو گون ایلمیوب خواب
نه صوداَموب آخرنه ایچوبدور بیر ایچم آب
آثار عطش اصغری ائیلوب ائله بی تاب
یوخ طاقتی چوخ حالی پریشاندی الهی

یوخدور دلی اوز دردینی یا رب ائده اظهار
نی تک گلوب افغانه ائدر ناله سیزیلدار
هر کیم باخوب احوالنه دلدن یانوب آغلار
اهل حرمون دیده سی گریاندی الهی

نه خیمه ده سو وار نه صوده واردی گمانیم
بیر نوعی یانور آتش درد و غمه جانیم
واردور یری عرشه اوجالا آه و فغانیم
فریادیمه بو حالتی عنواندی الهی

بیر سو که ائدوبسن اونی مهریّۀ زهرا
ذرّیۀ زهرایه حرام ائیلدی اعدا
برپادی خیام ایچره بو گون محشر کبری
هر کس اوزی اوز حالنه گریاندی الهی

یا رب نقدر تاب اولی آلتی آیلیق اوشاقدا
یاتمور نئدیم آخر نه بشیکده نه قوجاقدا
یوخ بیر آنا یانسون من بیچاره سیاقدا
بو باره دن آخر جگریم قاندی الهی

گاهی سالورام سینمه گه دل دیورم من
لای لایمه باخمور یانوری ائیلوری شیون
محشرده اوزون حکم ائیله ای خالق ذوالمَن
بو حاله سبب فرقۀ عدواندی الهی

بولمور نه سو واردور نه صودیم، متصل آغلور
نی تک گلور افغانه سرشگین یوزه باغلور
گاهی اموری لبلرینی قلبیمی داغلور
بو محنته دوزمک مگر آساندی الهی

از بس عطش الدن بالامون صبرین آلوبدور
رنگی سوسوزوندان ساری گُل تک سارالوبدور
دلدن دوشوب آخر ائیله بیر حاله قالوبدور
حالنده ئولوم حالی نمایاندی الهی

یا رب سالوب «عاصینی» ز بس چرخ فشاره
دونموش نظرینده گونوزوم بیر شب تاره
بو اصغره وئرم قسم ائت دردیمه چاره
مقبول ائیله مندن سن همین آندی الهی

• جمعه
• 30
• آبان
• 1399
• ساعت
• 20:13
• نوشته شده توسط
• یوسف اکبری

سبک: از صلابت ملت و ارتش و سپاه ما...

آغلاما علی ایلمه سینمی کباب اوغول
اللری سویا چاتموری بینوا رباب اوغول
ال ایاق چالوب بو سینمی یارالاما
گل ربابه رحم ایله بالا چابالاما
لای لای علی علی علی لای لای علی (2)

خیمه لرده بیر قطره سو نیلیرم تاپانمورام
العطش دیوب منده سن تک بالا یاتانمورام
اولمادی سنه سو وئرماقا لیاقتیم
ئولدورر منی بو باره دن خجالتیم
لای لای علی علی علی لای لای علی (2)

گَل ستاره تک آخما اصغریم
یاندیروب منی یاخما اصغریم
گذشت ایله اللرون باغلارام
ئولونجه بو حالیوه آغلارام
جان علی لای لای علی لای لای (2)

سو غمی یانار اودلارا قلبیمی سالوب بالا
صبر ایله ، فراتی دیوللر عمون آلوب بالا
نذر ایلورم سویی گتورسه اُول عزیز
عمرومون بویی اولام آناسنا کنیز
لای لای علی علی علی لای لای علی (2)

• جمعه
• 21
• آذر
• 1399
• ساعت
• 23:09
• نوشته شده توسط
• یوسف اکبری

سبک(یئخیلدی سقا یره ...)

سو اوسته دیلسیز بالام قانه باتدی آی باجی
اوخا گولوب گؤزلرین یومدی یاتدی ای باجی
گل آپار . خیمه ده . ویر رباب آناسینا
اوخشیوب . آغلاسین . صود امر بالاسینا

خزان الی سولدوروب نوگل بهاره می
اوخا نشان ائتدیلر طفل شیرخواره می
سو ایستدیم دردینه بلکه بیر دوا اولا
بؤلوبدی حلقین سه پر اوخ کسوبدی چاره می
اصغری . اوخلیوب . کامه چاتدی کوفیان
ویرمدی . سو عدو . سو یئرینه ایچدی قان

آخوبدی هی صاق صولا حلقین اوخ بؤلن زمان
ملکلر آغلاشدیلار اصغریم گولن زمان
سرشک ماتم توکوب آغلیون بو دردینه
قماطه باغلی قالوب اللری ئولن زمان
دای بشیک . داشینی . آتدی صودامر بالام
لایلایین . چالدی اوخ . یاتدی صود امر بالام

غم ایلییر باغبان وورسا باد غم باغی
چتیندی هر بیر آنا گؤرسه گر اوغول داغی
یانار ئورک آختارار بیر بهانه آغلیا
بهانه ایلر رباب الده قانلی قنداقی
یاد ایدیب . اصغری . گاهواره ترپدر
گه خیال . عالمی . ‌ قنداقین آچوب بلر

بو آلتی آیلیق بالام آتمادی آتاسینی
جانین فدا ایلیوب آلدی حق رضاسینی
بوغازینون یاره سین من که باغلیانمادیم
آناسی مرهم قویوب باغلیار یاراسینی
هم آنا . هم بالا . شرمسارییم باجی
بو غم و . غصه دن . قلبی یاریه م باجی

کانال اشعار عباسی معروفان اهری

• سه شنبه
• 2
• دی
• 1399
• ساعت
• 23:48
• نوشته شده توسط
• یوسف اکبری

چوللرده آهولر ملر ای صود امر آهو سنه
دریا قوتارمازدی بیر آز وئرسیدی دشمن سو سنه

بیر سو که وحشی لر ایچه اطفاله یوخ لازم دگل
هر جرعه سی بیر طفل اوچون کافیدی چوخ لازم دگل
سو وئرمورم بیر کلمه دی اوچ شعبه اوخ لازم دگل
سو ایستدون اوخ یوخ دئدی ای صود امر آهو سنه

بلبل جهاندا رسمیدور گلبرگینی خوار ایستمز
عالم اگر گلزار اولا گلشنده بیر خار ایستمز
بیر صود امر ئولدورمگه بیر مرد خونخوار ایستمز
غیظ تمامیله آتوب اوخ قوّه لی بازو سنه

ای سو سراقینده گزن سو آختارشمورسان نیه
آغزوندا چوخ سوز وار سنون بولمم دانشمورسان نیه
دنیا سویوندان کوسموسن منله دانشمورسان نیه
منده یولوب بذل ایلرم تل تل آغارمیش مو سنه

افسوس اوغول دیل آچمادون تا رحمه گلسون حرمله
یومدون دوداقون دینمدون سالدون ربابی مشکله
قان ورطه سینده ال ایاق چالدون امید ساحله
جسمون اولوب فُلک نجات اوز اللرون پارو سنه

عمّون اجازه وئرسه گر قالّام بو چولده گیتمرم
روز و شب آختارّام سنی تاپسام اگرترک ائتمرم
زلفومله یارَن باغلارام چوخ سیخمارام اینجیتمرم
گوز کاسه سینده بسلرم خون دلی دارو سنه

• جمعه
• 5
• دی
• 1399
• ساعت
• 23:33
• نوشته شده توسط
• یوسف اکبری

ای کرب و بلا غنچه سی ٬ گللر سنه قربان
ائللر گؤزلی ٬ غصه لی ائللر سنه قربان
بو قاره گیینلر سو ایچن وقتده دییللر
ای سو یئرینه قان ایچن اصغر سنه قربان

سن اوچ گئجه عطشان ال ایاق چالدین آلیشدین
مین دفعه کوسوب نهر فراتیله باریشدین
قسمت سنه بیر قطره سودان اولمادی آخر
لبیک دئدون لشگر اسلامه قاریشدین

ای کاش او صحرای مصیبت باغ اولیدی
داغلار ایاقون آلتدا دؤنوب تپراق اولیدی
ای کاش دگن وقتده سنه تیر سه شعبه
عباس عمون کرب و بلاده صاغ اولیدی

کانال اشعار عباسی معروفان اهری (معروف)

• شنبه
• 6
• دی
• 1399
• ساعت
• 22:50
• نوشته شده توسط
• یوسف اکبری

سبک شبانگاهان.......

باجی زینب لشکرعشقه
آخرین سرباز قانینه باتدی
زبس تشنه ایدی اموب پیکان
اللریم اوسته گوزیوموب یاتدی

باجی گل آل ویرآناسینا
ایدر چاره اوخ یاراسینا
یاوریم زینب *یاوریم زینب

سموم کفر گلستانیمده
آچمیین گولومی سولدوربدی باجی
دگوب اوچ پراوخ بوغازیندان
قانی قونداقین دولدوروبدی باجی
قیامتین عالمین بو بالا
عالم اهلینه قوپدوروبدی باجی
فنادن تاپدی بقا ایلدی
حقیلن سودا جاننی ساتدی

باجی گل آل ویرآناسینا
ایدر چاره اوخ یاراسینا
یاوریم زینب *یاوریم زینب

من آچدیم تا مکتب قرآن
اصغریم ایتدی آلتی آی تحصیل
منیله گلدی بو میدانه
پایۀ عشقین ایلسون تکمیل
ویروبلار اوخ بو آخان قانی
مُجمَلِ دینی ایلدی تفصیل
بو تحصیل و بو شهادتده
سود امر بالام مقصده چاتدی

باجی گل آل ویرآناسینا
ایدر چاره اوخ یاراسینا
یاوریم زینب *یاوریم زینب

منه سربازهنگ عشقیمده
وصل معشوقه هریان آختاردی
دئیدی لبیک هل معینمه تا
بومناده گلوب قربان آختاردی
حمایت ایتسون بوچولده منه
یوسف مصریم کنعا ن آختاردی
عزیز اولدی مصرعشقه بالام
اوخلانوب قانین قانیمه قاتدی

باجی گل آل ویرآناسینا
ایدر چاره اوخ یاراسینا
یاوریم زینب *یاوریم زینب

قوجاقیمده خوشلادی یرینی
غنچۀ نورس برگ گل آچدی
ولی اولمازگل تکانسیز اولا
اوچ پراوخ گتدی بیرتکان ساچدی
ساچلمش یرایسّی قانویردی
دیسگنوب بیردم رنگ رخ قاچدی
منه باخدی گوزلری آخدی
ایلدی خسوف آی کیمی باتدی

باجی گل آل ویر آناسینا
ایدرچاره اوخ یاراسینا
یاوریم زینب * یاوریم زینب

• شنبه
• 20
• دی
• 1399
• ساعت
• 20:13
• نوشته شده توسط
• یوسف اکبری

سبک : ای گل مینای من...

نخل دینه هسته سن
هم سوسوزهم خسته سن
خاندان عصمته
سن اوغول وابسته سن

ای گلوده یاره سی
یوخدی منده چاره سی

سالدون آخر غم شراری بو دله اوغلوم
دیل آچیدون کاش گلیدون سن دیله اوغلوم

شیرخوار اُولسه، آنا
حقّی وارقلبی یانا
ایچمدون بیر جرعه سو
بو فرات دونسون قانا

اوچ گون ای عطشان قالان
قلبیمی درده سالان

ای سوسوز دینه فدائی رهبریم اصغر
عرش اعلایه اولان ای زیوریم اصغر

ای ربابون اصغری
بحردینون گوهری
قوشکیمی اوخلانموسان
ای شکسته شهپری

گورمدیم دل آچماقون
یول گیدوب بیرقاچماقون

دورقاناتلان گل قوجاقه من دیوم لایلای
گلمه سن قلبیم یانار بول سسلرم ایوای

سن لبِ عطشانیلن
بیرسولی پیکانیلن
آخدی قان قونداقوی
دولدوروبدی قانیلن

اللری باغلی بالام
قونداقی قانلی بالام

قانوی اوغلوم آتاون قانینه قاتدون
سن شهید لرتک بوگونده مقصده چاتدون

حالیوه چوخ آغلادیم
سینمی هی داغلادیم
تاپمادیم بیر قطره سو
اللریوی باغلادیم

قان ایچن غنچه گولوم
آچ گوزون تا من گولوم

سن منیم ماه مُنیریم باتموسان اصغر
اوخ دیوب لایلای نه راحت یاتموسان اصغر

سن نه راحت یاتموسان
سود سو فکرین آتموسان
بولموسن اوغلی ئولن
مادری آغلاتموسان

ای گلستاندا سولان
مادرین آغلار قویان

ای آتانون اللرینده جانویرن اوغلوم
ریشة اسلام ودینه قانویرن اوغلوم

قلبیمه اود ویرماقون
گه یاتوب گه دورماقون
یادیمه دوشدی بالا
سینمی بوش امماقون

سودگلوب پستانیمه
سالما اود بوجانیمه

یادیمه دوشدوقجا یانّام سود امراوغلوم
مین غمه درده بویانّام سود امراوغلوم

سن اولنده گولموسن
سرّعشقی بولموسن
زنده سن تا وار جهان
کیم دیورسن اولموسن

منده گللم قالمارام
تا وارام قان آغلارام

باغ دینون نو گولیدون اولموسان پر پر
گیت آنان زهرا الیندن میل ایله کوثر

آچ قاناد گل سینمه
بو آنان قربان سنه
باغلامازبیرده الون
اللرون رحم ایت منه

گیتمیش گل بوس ایدیم
تا دوروم شامه گیدوم

ای آدی باب الحوائج شافع محشر
امت اسلامه ایله بیرنظراصغر

یازدی « عدلی » بو سوزی
کربلاده وارگوزی
هیئت اهلینن گیده
هم «ببیرپور» هم اوزی

خالق الله لطف ایله
بو مرام گلسون اله

سن تمام مشکلاتی ایله سن آسان
بحرانعام وعطادن لطف ایله احسان

• شنبه
• 20
• دی
• 1399
• ساعت
• 20:15
• نوشته شده توسط
• یوسف اکبری

اَسوبدی صَرصَر خزان
پوزولدی صحن گلستان
توکردی گوز یاشین یوزه
گُلی اَلینده باغبان

دئدی یارب اولدی گُلوم تالان
منیم حالیمی بیلن اولمادی
اَلیم اوسته ئولدی بالام سوسوز
بیر ایچیم سویی وئرن اولمادی

بویاندی قانه اصغریم
دیل آچمیان دلاوریم
پوزوبدی حالیمی منیم
چیخوبدی یاددان اکبریم

آتوب اَنّی بیراوخی حَرمله
بالامون بوغازینی اوخ بولوب
دوداقی گولوبدی اَزل اوخا
صورا جان وئروبدی سوسوز ئولوب

باتوب سحر ستاره سی
گئدور بوغازدا یاره سی
بو سون بشیک مارالیمون
سینوبدی گاهواره سی

آناسی باخار یولا آغلیار
پوزولوبدی گلشنیمون طاقی
اوغولون نشانه سی من نِجه
آپاروم بو قرمزی قُنداقی

گرک دیم که شیعه لَر
اولار که گوز یاشین اَلر
سالون یادا بو اصغری
گئدوب بالام مَلر مَلر

دئمورم که قانلی قُماطینه
چکوب آهی سینوزی داغلیون
گَهی بیر سَرین سو ایچن زمان
قوریان دوداقینه آغلیون

• یکشنبه
• 21
• دی
• 1399
• ساعت
• 11:55
• نوشته شده توسط
• یوسف اکبری

ای حلقین اوچ پر اوخ بیچن ///سن سن دلداریم علي
آلتي آيليق ملر قوزوم/// يار و غمخواريم علي
عطشان قانه باتيب بالا ///گيتدون حق محضرينه
دعوت ايتدي سني بتول ///جناتين كوثرينه
گول تك سارالان بالا واي **** قنداقه سی قان بالا وای
گيت جنته آل پايووي **** زهرا چالا لايلايووي
يات نازلي اصغريم2

ای شیرخواره سربازیم ///باخما نالان آتووا
قالدیم آواره من علی ////بیله احوالاتووا
اولدوم شرمنده آی بالا ////او باغریقان آنادان
سبقت آلور فرشته لر ////بیربیر ملاقاتووا
گول تك سارالان بالا واي **** قنداقه سی قان بالا وای
گيت جنته آل پايووي **** زهرا چالا لايلايووي
يات نازلي اصغريم

گتدیم میدانه تا سنه/// بیرجرعه سو ویره لر
بیلمزدیم کوفه اهلینی ///راه کفره گیده لر
سسلندیم رحم ایدون بالام ///عطشاندی ماهی کیمی
سویرینه اوخ آتدیلار//// کفری تکمیل ایده لر
گول تك سارالان بالا واي **** قنداقه سی قان بالا وای
گيت جنته آل پايووي **** زهرا چالا لايلايووي
يات نازلي اصغريم

باخدیم اوچ شعبه زخمینه ////اکبادیم یاندی بالا
دوشدوم الله بیلور نجه ////چوخ چوخ غملی حالا
چکدیم تاتیری حلقیدن////باشون آسلاندی دالا
گولدون بیلدیردون سوزوی ////چک قورخما تیری بابا
گول تك سارالان بالا واي **** قنداقه سی قان بالا وای
گيت جنته آل پايووي **** زهرا چالا لايلايووي
يات نازلي اصغريم

الله خوار و ذلیل ایده ////دنیاده حرمله نی
بیرایش گوردی او بی حیا ////آغلاتدی فاطمه نی
منده آواره قالمیشام ////یوخ سنی مندن آلان
تاب ایلمور داخی آتون ///میداندا هلهله نی
گول تك سارالان بالا واي **** قنداقه سی قان بالا وای
گيت جنته آل پايووي **** زهرا چالا لايلايووي
يات نازلي اصغريم

• چهارشنبه
• 24
• دی
• 1399
• ساعت
• 18:36
• نوشته شده توسط
• یوسف اکبری

ملكوتي آغلادوبدي ؛ بيچيلن بوغازون اصغر
ديلون اولمادي قالوبدي ؛ اورگونده رازون اصغر

علي جان منيم اليمده گل گلستانيدون سن
سني قتلگاهه گتديم اولا باغ دين مزيـّن
بو خياليلن گتوردوم سو آلام سنه عدودن
اله گلمدي اولونجن بيله بير نيازون اصغر

قوي آچيم علي اوركده يازيلان غمين كتابي
يتورنمديم مراده خجلم بو دلكبابي
الي سينه ده غم افزا نجه من گوروم ربابي
سنون آلتي آي چكوبدي ؛ قوجاقيندا نازون اصغر

سن اوغنچه سن كي آچدون سحراولماميش سارالدون
عطشوندن آغلياندا اورگيم قرارين آلدون
سنه اوچ پر اوخ دگنده نه بيلوم نه حاله قالدون
من او گل فروش مستم ؛ كي چكر ايازون اصغر

سن اگر اوشاقسان اوغلوم ره اكبري گيدورسن
گيده سن جهاده گويا يمني كفن گيورسن
قيلاسان نماز عشقي عجبا شتاب ايدورسن
بوغازون قاني اولوبدي ؛ سولي دستمازون اصغر

سويي باغلادي اراذل ديله غم دولوبدي اوغلوم
سو سؤزي گلوب خيمده گنه حشر اولوبدي اوغلوم
علي اوچ گيجه سوسوزدان دوداقون سولوبدي اوغلوم
گتوروم نئجه بيانه ؛ بيله سوز و سازون اصغر

گتور (آذرين) جهاندا نقدر واروندي مشكل
هاميني كيچيك اليلن يتورر مراده كامل
هامي درده چاره ايلر ولي واردي شرطي اي دل
الون آچ ايله تمنـّا ؛ گوره دست بازون اصغر

• پنج شنبه
• 25
• دی
• 1399
• ساعت
• 09:30
• نوشته شده توسط
• یوسف اکبری

اصغــريـم آچ گـوزلــرون
درديمـي گــوزدن اوخي
اَسمه اي جان سيز قوشوم
قوي چكيم اوچ پر اوخي

اللـريم اوستونده چيرپينـما بئله
ال اياق چالما باخير چون حرمله

لايلاي بالام لايلاي بالام

دوره ده دشمـن گولور
قلبيمـي يانـدرما چوخ
چـالمـا بيـله ال ايـاق
درديوه چون چاره يوخ
سربه سر بيشدي علي
حلقيـوي اوچ شعبه اوخ

واي منـه اي واي ربـابـه آي بالا
واي دييم يا سسلييم لايلاي بالا

لايلاي بالام لايلاي بالام

حنجـرونن آخـدي قـان
قالدي آغزيمدا سوزوم
لشــكر ايلــور هلهـله
مـن نجـه آيـا دوزوم
آچ گـوزون بـاخ اصغريم
شام اولوبدي گوندوزوم

اوخ ياراسينان نجـه گـور قان آخير
صاغ صولا دونمه بئله دشمن باخير

لايلاي بالام لايلاي بالام

قلبيمـون بندين اوغول
كربـلاده قيـرديلار
بولمـورم علـت نـدور
حلقوه اوخ وئرديلار
توتمـاسام باشيـن اگر
باش بدنن آيـريـلار

اوخ كي ديدي آخـدي باشون تئز دالا
اوخ بوغـازدان اَنـدي جـان جـان بالا

لايلاي بالام لايلاي بالام

• یکشنبه
• 5
• بهمن
• 1399
• ساعت
• 20:47
• نوشته شده توسط
• یوسف اکبری

چوخ آغلاما ای جیرانیم-- نیلوم سویا یوخ امکانیم
یاننام سنه من باخدوقجا-- الله نیه چیخمور جانیم

منی چوخ اوتاندیرما دیلیمی داغلاما اصغر
نه سو وار نه سود الله رضاسی آغلاما اصغر
اصغر اصغر

یاننام سوسوزومدان منده-- آغزیمدا دوشوب دل بنده
یوخ دهریده من تک مادر-- اولسون بالادان شرمنده

بو عطش چکیر شعله دیلیمده اودلانیر اصغر
اورگیم سنه باخدوقجا هر لحظه یانیر اصغر
اصغر اصغر

یخدی ایویمی آز آغلا-- بسدور من اؤلوم ال ساخلا
واللاهی یورلدون اصغر-- یانموش دیلیمی آز داغلا

قورویان دوداقلاره سوسوز جانه اوزوم قربان
سوزولن یانیخ گوزدن عذاره گوزلریم قربان
اصغر اصغر

دان اولدوزی تک تز آخما-- یاندیرما ربابی یاخما
گوز آلتی الیمدن هر دم-- میدان بلایه باخما

فلک آیریدار سنله ربابی چاره میز یوخدی
سنی ایلین سیراب ابولفضلی یخان اوخدی
اصغر اصغر

• دوشنبه
• 27
• بهمن
• 1399
• ساعت
• 19:37
• نوشته شده توسط
• یوسف اکبری