اشعار حضرت علی اصغر علیه السلام

ای حلقین اوچ پر اوخ بیچن ///سن سن دلداریم علي
آلتي آيليق ملر قوزوم/// يار و غمخواريم علي
عطشان قانه باتيب بالا ///گيتدون حق محضرينه
دعوت ايتدي سني بتول ///جناتين كوثرينه
گول تك سارالان بالا واي **** قنداقه سی قان بالا وای
گيت جنته آل پايووي **** زهرا چالا لايلايووي
يات نازلي اصغريم2

ای شیرخواره سربازیم ///باخما نالان آتووا
قالدیم آواره من علی ////بیله احوالاتووا
اولدوم شرمنده آی بالا ////او باغریقان آنادان
سبقت آلور فرشته لر ////بیربیر ملاقاتووا
گول تك سارالان بالا واي **** قنداقه سی قان بالا وای
گيت جنته آل پايووي **** زهرا چالا لايلايووي
يات نازلي اصغريم

گتدیم میدانه تا سنه/// بیرجرعه سو ویره لر
بیلمزدیم کوفه اهلینی ///راه کفره گیده لر
سسلندیم رحم ایدون بالام ///عطشاندی ماهی کیمی
سویرینه اوخ آتدیلار//// کفری تکمیل ایده لر
گول تك سارالان بالا واي **** قنداقه سی قان بالا وای
گيت جنته آل پايووي **** زهرا چالا لايلايووي
يات نازلي اصغريم

باخدیم اوچ شعبه زخمینه ////اکبادیم یاندی بالا
دوشدوم الله بیلور نجه ////چوخ چوخ غملی حالا
چکدیم تاتیری حلقیدن////باشون آسلاندی دالا
گولدون بیلدیردون سوزوی ////چک قورخما تیری بابا
گول تك سارالان بالا واي **** قنداقه سی قان بالا وای
گيت جنته آل پايووي **** زهرا چالا لايلايووي
يات نازلي اصغريم

الله خوار و ذلیل ایده ////دنیاده حرمله نی
بیرایش گوردی او بی حیا ////آغلاتدی فاطمه نی
منده آواره قالمیشام ////یوخ سنی مندن آلان
تاب ایلمور داخی آتون ///میداندا هلهله نی
گول تك سارالان بالا واي **** قنداقه سی قان بالا وای
گيت جنته آل پايووي **** زهرا چالا لايلايووي
يات نازلي اصغريم

• چهارشنبه
• 24
• دی
• 1399
• ساعت
• 18:36
• نوشته شده توسط
• یوسف اکبری

ملكوتي آغلادوبدي ؛ بيچيلن بوغازون اصغر
ديلون اولمادي قالوبدي ؛ اورگونده رازون اصغر

علي جان منيم اليمده گل گلستانيدون سن
سني قتلگاهه گتديم اولا باغ دين مزيـّن
بو خياليلن گتوردوم سو آلام سنه عدودن
اله گلمدي اولونجن بيله بير نيازون اصغر

قوي آچيم علي اوركده يازيلان غمين كتابي
يتورنمديم مراده خجلم بو دلكبابي
الي سينه ده غم افزا نجه من گوروم ربابي
سنون آلتي آي چكوبدي ؛ قوجاقيندا نازون اصغر

سن اوغنچه سن كي آچدون سحراولماميش سارالدون
عطشوندن آغلياندا اورگيم قرارين آلدون
سنه اوچ پر اوخ دگنده نه بيلوم نه حاله قالدون
من او گل فروش مستم ؛ كي چكر ايازون اصغر

سن اگر اوشاقسان اوغلوم ره اكبري گيدورسن
گيده سن جهاده گويا يمني كفن گيورسن
قيلاسان نماز عشقي عجبا شتاب ايدورسن
بوغازون قاني اولوبدي ؛ سولي دستمازون اصغر

سويي باغلادي اراذل ديله غم دولوبدي اوغلوم
سو سؤزي گلوب خيمده گنه حشر اولوبدي اوغلوم
علي اوچ گيجه سوسوزدان دوداقون سولوبدي اوغلوم
گتوروم نئجه بيانه ؛ بيله سوز و سازون اصغر

گتور (آذرين) جهاندا نقدر واروندي مشكل
هاميني كيچيك اليلن يتورر مراده كامل
هامي درده چاره ايلر ولي واردي شرطي اي دل
الون آچ ايله تمنـّا ؛ گوره دست بازون اصغر

• پنج شنبه
• 25
• دی
• 1399
• ساعت
• 09:30
• نوشته شده توسط
• یوسف اکبری

ای غنچۀ پرپر اوغلوم
لای لای گوزل اصغر اوغلوم
آتدون منی گوزدن اصغر
قالدی منه غملر اوغلوم

گئدوب بالا مرامه چاتدون-- نه تِز ربابی گوزدن آتدون
یاتانمویان عطشدن الان-- چاتوب وصاله گورنه یاتدون

ای بلبل دل بشکسته
جان وئردون عدالت اوسته
ناز ایلمه دین پیکانه
لب تشنه گئدوبسن خسته

قراریمی سه پر اوخ آلدی-- منی عجب بلایه سالدی
قسم اول اوخ بیچن بوغازه-- آنان بو غمده تِز قوجالدی

یوخ گول سنه تای گلشنده
اولدوم نجه من شرمنده
اول تشنه دیلون هر لحظه
آغزوندا دوشوردی بنده

سنه همان سه شعبه آغلار-- گؤی اهلی گؤیده سینه داغلار
بهشتیده یارالی زهرا-- غمینده دیزلرین قوجاقلار

ای فاطمیه دُر دانه
قربان یارالی قربانه
اوچ گون ال ایاق چالدون سن
ائتدون منیده دیوانه

سوسوز،،اورک مدالی گئتدون-- مدینه نین مارالی گئتدون
یولوی گوزلویوردی محسن-- حضورینه یارالی گئتدون

• یکشنبه
• 3
• اسفند
• 1399
• ساعت
• 22:58
• نوشته شده توسط
• یوسف اکبری

چوخ باخوب اصغره یانما منی یاندرما حسین
اوخلی قربانیوی میدانی دولاندرما حسین

ایتمه غم اولمادی سو سولدی الونده گل یاس
گتور اکبر کیمی دوتسون آناسی اصغره یاس
باخوری اهل جفا اصغرون آز باغریوا باس
خیمه ده منتظری واردی یوباندورما حسین

شعله آهویله قلبیمی آز یاندور یاخ
غش ایدوبدور آناسی خیمه ده بیر شیونه باخ
بالاوون قانینی گل بو آغاران زلفیمه یاخ
آتما قانین گویه افلاکی بویاندرما حسین

سن او قانیله بویاندون منیده قوی بویانوم
گلمه سن گلم اوزوم اولما رضا چوخ دولانوم
قویموری قید محبت باجون اولسون دایان
.چکمه خجلت چکیلوب دوره ده یاندورما منی

نه چکور اصغر آناسی اونی بیر لیلی بولر
شیر خواره بالاسین گورمسه صاق قالماز ئولر
پوزقون احوالیوه باخدوقجا بو شام اهلی گولر
دردیوی گل منه دی دشمنه آندورما حسین

سوورم بیرده او غنچه گولی آغوشه آلام
باغلیام حلقینی گهواره سینه بیرده سالام
ساخلاما عرصه گه رزمیده یورقوندی بالام
اوز اوزون یورما مصیبتدن اوساندورما حسین
______________???__________
آفت باد خزان یوز ویروب اول غنچه گوله
قورخورام آغلیاسان شاد اولا شام اهلی گوله
گورورم ایستموسن بو غمی اطفال بوله
من ربابه دیرم سن اونا قاندورما حسین

یاتمیوب اوچ گیجه گوندوزدی زبس ایچمیوب آب
سو ویروب زهرلی پیکان ایلیوب ایمدیکه خواب
سو ایچوب اصغری فکر ایلوری بیچاره رباب
یوخلیوب، ساخلاما میداندا اویاندرما حسین

بولموری اهل حرم وضعینی قارداش ایشیگون
سو امیدیله چکور الده سو جامی کشیکون
خردا قیز لار دولانولار باشنا بوش بشیگون
آغلا ماقدان بالالار اولدی دایاندرما حسین

گه فرات اوسته باخورسان ایدوسن شور و نوا
چاقورورسان بالاوی آلسون ابوالفضلون اخا
الی یوخ قارداشون عباسین اونی سندن آلا
عذری واردور آتاسی حیدری یاندورما حسین

یانار احوالیوه بیگانه اگر گورسه سنی
آغلاسان آغلادوسان قارداش آنام فاطمه نی
غصه دن باتدی سسیم آغلاما آغلاتما منی
خانه صبریمی بو چولده تالاندورما حسین

یاحسین رفع ایت (حسینی)دن اوزون بو مرضی
بیر نگاهون اولی مین دکتر عالی عوضی
گوز یاشیدی بو سوزیمدن نچه نوکر غرضی
چوخ باخوب اکبره یانما منی یاندورما حسین
اوخلی قربانیوی میدانی دولاندورما حسین

• پنج شنبه
• 21
• اسفند
• 1399
• ساعت
• 23:08
• نوشته شده توسط
• یوسف اکبری

ایوای
آنان ربابی درده سالدون
سو اولمادی سولوب سارالدون
ددیم گدیب سیراب اولارسان
سویون سراغین اوخدان آلدون

تعجبم اهل عراقه
عجب سو ویردیلر قوناقه

ایوای
ایتسون اوزی خدا گواهی
میداندا آغلادیبلا شاهی
حرمله دن بیری سوروشسون
ششماهه نین ندور گناهی

تعجبم اهل عراقه
عجب سو ویردیلر قوناقه

ایوای
اولدوز کیمی نه تز سوزوبسن
دگَنده اوخ نجه دوزوبسن
سسیوی گویلوم ایستیر آغلا
یوخسا ربابیدن کوسوبسن

تعجبم اهل عراقه
عجب سو ویردیلر قوناقه

ایوای
آرزولاریم اورکده قالدی
اوچگون بالام سولوب سارالدی
فراتی قانه دونسون ای کاش
سنی منیم الیمندن آلدی

تعجبم اهل عراقه
عجب سو ویردیلر قوناقه

ایوای
بیرلحظه کاش گولیدون اصغر
یا حالیمی بولیدون اصغر
کاش اللرون بالا آچیدیم
آسوده جان ویریدون اصغر

تعجبم اهل عراقه
عجب سو ویردیلر قوناقه

ایوای
گوزده سرشکی قانه قاتدون
اوخ سو ویروب آسوده یاتدون
زهرایه جنتده قوناقسان
(بیکَس) ربابی گوزدن آتدون

تعجبم اهل عراقه
عجب سو ویردیلر قوناقه

• جمعه
• 22
• اسفند
• 1399
• ساعت
• 21:52
• نوشته شده توسط
• یوسف اکبری

آغلاما ای منیم گل عذاریم
نسگلوندن یاندی قلب زاریم

سوز عطشدن سن درده دوشوب یاندون
نیلوم علاجیم یوخ یاندون الولاندون

دردون علی منی سالدی عذابه

آغلاما رحم ایله سن بو ربابه

لای لای اصغر....لای لای اصغر
سود امریم لایلای(۴)

اوچ گوندی سوسوزسان بولورم من
چارم یوخ گورورسن ئولورم من

فصل بهاراندا ابر کیمی دولدون
نه سو واریم نه صود غنچه گلوم سولدون
کیم نه بولور نجه آغلامیشام من
اللریوی نیه باغلامیشام من
لای لای اصغر.....لای لای اصغر
سود امریم لایلای(۴)

ای یوللاردا منیم همدمیم یات
سو فکرین باشوندان بیر لحظه آت

سینمی دیرناقون بسکی خراش ایتدی
طاقت و آرامیم الدن اوغول گیتدی
یاتمامیش اصغر دیسگینیسن سن
من باخورام بیله جان ویریسن سن

لای لای اصغر...... لای لای اصغر

صود امریم لایلای

حالیم پریشاندی بی قرارم
باغلانوب سو یولی یوخدی چارم

چوللره دریا تک آخدی فرات افسوس
بو یوزی قاره سو ایتدی بیزی مایوس

مشکله سالدی امرِ حیاتی
قانه دونیدی آب فراتی

لای لای اصغر.....لای لای اصغر
سود امریم لایلای

(بیکَسم )ربابی درده سالما
آز آغلا صبریمی الدن آلما

گل بو دل زاری ناله ایدوب سیخما
باخما یانا یانه یات ایویمی یخما

خیمه ده سو یوخدی بولورم من
شرمیدن عباسه دیمورم من

لای لای اصغر..... لای لای اصغر
سود امریم لایلای

• جمعه
• 22
• اسفند
• 1399
• ساعت
• 21:56
• نوشته شده توسط
• یوسف اکبری

آغلاما ای سود امریم
صبر ایله ای تاج سریم
آخما سحر اولدوزی تک
اشک توکور دیده لریم

لایلای علی لایلای علی

غنچه گولوم آغلاما یات
سینمی گل داغلاما یات
یوخ سودا امکانیم اوغول
چاره یولون باغلاما یات

یاندی دلیم غمدن اوغول
اینجیمرم سندن اوغول
سینمی چوخ ایتمه خراش
ایستمه سو مندن اوغول

ای یوزی آیینه حساب
ایتمه منی‌ بیله کباب
قویما دوداقه الیوی
قلبیدن اودلاندی رباب

غصه دیله اوخدی علی
چاره ایدن یوخدی علی
حرمله‌نین الده بالا
اوچ پر اوخی چوخدی علی

صبریمی غم غصه آلیب
بو آناوی درده سالیب
دیرناقیوین یرلری باخ
گورنجه سینمده قالیب

نار‌ غمه یاندی بالام
گوزلریم ایسلاندی بالام
اولمادی بیر شربه سویوم
اود دوتوب اودلاندی بالام

سینمی من داغلییرم
دردیوه چوخ آغلیرم
وای منه چاره م کسیلوب
اللریوی باغلییرم

• جمعه
• 22
• اسفند
• 1399
• ساعت
• 22:02
• نوشته شده توسط
• یوسف اکبری

هارا گئتمیشدون علی جان/آختاریردیم سنی اوغلوم
بیلمدیم اوخلاناجاقسان/عفو ائدرسن منی اوغلوم
گل ربابین سنه قربان ... ای منیم دردیمه درمان
هارا گئتمیشدون علی جان

یات حسینون قوجاقیندا/اورا اولسون سنه راحت
یوخ آنوندا بیلوسن صود/قالمیشام منده خجالت
قوی سالیم باشیمه قاره/باشلیوم روضه نی اوغلوم

ای منیم بخت و چراغیم/نیه تنها سوزولوبسن
آغلامورسان نئدن اصغر/یوخسا منن ده کوسوبسن
او یومولموش گوزیوی آچ/بیر سئویندیر منی اوغلوم

سن منیم تک واریمیدون/یوخلوقون جانیمی آلدی
یادگاری منه سندن/بیرده دیرناق ایزی قالدی
قوی باسیم باغریما لاقل/قانلی پیراهنی اوغلوم

• دوشنبه
• 2
• فروردین
• 1400
• ساعت
• 23:53
• نوشته شده توسط
• یوسف اکبری

هئچ من دیمورم بیکس اوغولسوز شاها خاطر
آدوز که مسلماندی٬ رسولُ اللّها خاطر
بیرجُرعه سو احسان ائلیون اللّها خاطر
چیخمِی نَفَسی سوز عطشدن یانور اوغلوم
واللّه قوریوب دیل دوداقی اودلانور اوغلوم

تِزگَل آنازهرا بالاما ویرمدیلر سو
لشکر قاباقیندا مَلَدی صودامر آهو
دلسیز بالامون حالینه قان آغلادی یاهو
اوچ پر اوخا توش اولدی بالام قانه بویاندی
دیسکیندی گوزآچدی٬ یوخودان بیردن اویاندی

من سو دئدیم امّا سه پر اوخ اولدی جوابیم
وار غملی ربابه منیم آخر نه جوابیم
اصغر ال ایاق چالدوقیجان آرتور عذابیم
تِزگل ننه آغوشیوه آل اوخشا بالامی
اولدوردی بونون تشنه لیگی یالقوز امامی

• پنج شنبه
• 5
• فروردین
• 1400
• ساعت
• 11:49
• نوشته شده توسط
• یوسف اکبری

آخر گئجه سی عمریوون اولدی سنه دشوار
اولمادی دؤشومده صودوم ای طفل لبن خوار
قالدون او حرارتلی چادردا گئجه بیدار
حقّمدی گَلم ناله و داده گئجه گوندوز

باخدوقجا سولان صورتووه فکری پریشان
خجلت تَری اوغلوم بورودی آلنیمی هر آن
بیلمم قوریوب نهر فراتون سویی الآن
یا موج ویرور کرب و بلاده گئجه گوندوز

قبروندن اوزاق دوشدی رباب ائتمه گلایه
حسرت چکورم یوز قویام اول خاک شفایه
إذن اولسا بیبوندن گلرم کرب و بلایه
یول باشلیارام پای پیاده گئجه گوندوز

• پنج شنبه
• 5
• فروردین
• 1400
• ساعت
• 15:41
• نوشته شده توسط
• یوسف اکبری

یارالی بالام،رقیه خیمده گلوب داخی نوایه
تک اوتوروبدی،بوش بشیگه یانا یانا ائدور گلایه
منه دیورکی،قوی دردیمی گئدیم دیوم صاحب لوایه
دور آش گوزلرون،منی چوخ ائلمه اوغول دچاره ملال
دو باخ بیر منه،کرخمشام دیلمده یوخدی حال مقال
یارالی بالام،ربابی الله گوره گل ائله حلال
اوغول وای دیرم/یا لای لای دیرم

دو باخ ربابه، سالوبدی سینمون صودی منی فشاره
امن یوخومدی،آنا صودون فقط وئرر شیریخواره
عجب چتیندی،گرک بو دشتیدن چخام گئدم کناره
علی اصغریم،نه یاتموسان اویان اوغول داخی خوابیدن
گلوبدور صودوم،دو امگیلن کوسولمه سنده ربابیدن
باخوب یوزومه،گولوب خلاص ائله بو پیچ و هم تابیدن
اوغول وای دیرم/یا لای لای دیرم

این بندم اضافی هست

ایویم یخلوب،وئروبدولار بالامی زهریلی تیریله
بو اوخ یریدی،باغازیوی اوغول بیچیبله شمشیریله
وای اولسون منه سنیله جنگه گلدولر نه تدبیریله

• شنبه
• 7
• فروردین
• 1400
• ساعت
• 20:41
• نوشته شده توسط
• یوسف اکبری

صود امن دل آچمیان - بالام لایلای

ایلمه بو قلبی قان - بالام لایلای

یات بو درده طاقت ایله

آز منی خجالت ایله

سوسوز بالام لایلای (۲)

یاندی بو قلبیم _آتش غمده

بیر زمان اوغلوم _یوخلا سینمده

دیوم سنه ایوای - سوسوز بالام لایلای

صرصر خزان بو گلشنه - اسدی

سو یولون بو چولده شمر دون کسدی

آغلاما عزیز جانیم

یوخ داخی سویا گمانیم

سوسوز بالام لایلای (۲)

قیزلارین عرشه _قووزانوب آهی

بی‌کس آناوین یوخدی گناهی

سو ایستمه مندن - خجالتم سندن

قالمیشام اوغول بو چولده - آواره

دردیوی نجه دیوم - علمداره

ایله بیر ایچیم سو احسان

اصغریم یانور سوسوزدان

سوسوز بالام لایلای (۲)

غملیدی سقّا - قان اولوب اشگی

گوئیا یکسر - خالیدی مشگی

عجب قیامتدی - عمون خجالتدی

سوسوز بالام لایلای (۲)

• سه شنبه
• 10
• فروردین
• 1400
• ساعت
• 12:33
• نوشته شده توسط
• یوسف اکبری

یوخدی سودوم آغلاما - ای عزیز جان اوغول

یات بو گیجه صبحه تک - ایلمه فغان اوغول

آغلاما - آغلاما - یوخدی چارم آغلاما

آغلاما - تشنه‌لب - شیر‌خوارم آغلاما

سو یولونی باغلیوب - اشقیای کین شعار

بو گیجه قیزلار هامی - سن کیمی سوسوز دولار

چالما بیله ال ایاق - قلبیم اود دوتوب یانار

من اوزومده تشنیم - باخ اوزون اینان اوغول

جان بالا - جان بالا - قلبیم اولدی قان بالا

حالیمه - یان بالا - ایلمه فغان بالا

نه دل آچموسان منه - آندیراسان اوز سوزون

گه باخوسان آغلوسان - گه بالا آخور گوزون

آندیرور احوالیوی - گول کیمی سولان یوزون

گوزلرینده گوز یاشون - اولدی لخته قان اوغول

اصغریم - اصغریم - تشنه لب کبوتریم

نوگل - احمریم - یات گل اوزلی دلبریم

گوزدن آخور گوز یاشون - ایسلانوبدی قونداقون

یاندیرور منی سنون - سو غمینده یانماقون

گل بو قوری سینمه - وورما خردا درناقون

باشیوی قوی سینمه - یوخلا بیر زمان اوغول

باغریقان - دلستان - طفل بی‌زبان علی

وار نه سود - نه سووا - منده یوخ گمان علی

سوز عطش هامّونی - اوخشادوب سولان گوله

سو یولونی سدّ ایدوب - شمر و زجر و حرمله

آلما بیله صبریمی - گل ربابه رحم ایله

اللریوی نیله‌سن - باغلاسا آنان اوغول

آغلارام - آغلارام - منده سینه داغلارام

بو گیجه - یاتماسان - اللریوی باغلارام

صبح آچیلور خسته‌سن - ماهپاره یات بالام

دردیوه تاپدیم سحر - بلکه چاره یات بالام

ایله منیم سینمی - گاهواره یات بالام

سنسیز آنان نیلیر - ای گل جنان اوغول

لایلای اوز - دیده تر - خون جگر - غرالیمه

لایلای اوز - تشنه لب - صود امر مارالیمه

• سه شنبه
• 10
• فروردین
• 1400
• ساعت
• 12:48
• نوشته شده توسط
• یوسف اکبری

هئچ بیلوسوز بو صود اَمَر هانسی گولون گلابی دور
قلبیمی یاندیران بونون طاقت و صبر و تابی دور
غیرتین آسمانینون اولدوزودی عقابی دور
روحیمون انتخابی دور عشقیمون آفتابی دور
دوزدی کی شیرخواره دی معرفتین کتابی دور
ایلمیوبدی ایلمز بی سبب ادعا حسین

سیّد پاکزاده دی دست گره گشاسی وار
هرنفسینده مین طبق معجزه گر دواسی وار
فرشیدن آرتوق عرشیده عاشق جانفداسی وار
صبرایلیون تلسمیون بوردا بلا کلاسی وار
سینمون اوسته اوغلومون گورملی ماجراسی وار
بوردا بلا عمارتین ایلیه جک بنا حسین

تشنه دی تشنه لبلری من کیمی ظلمه لا دیه
پارچالانا دوداقلاری سجده ده ربّنا دیه
روح خدا مسیح تک حمد دیه ثنا دیه
غیرتینه سیغیشمیور مُفسده مقتدا دیه
ننگ اولا کیم ستمگره جانیم اولا فدا دیه
ایلمیوبدی ایلمز ظالمه التجا حسین

هرنه بویوردی الغرض اولمادی امری مستجاب
غالب اولوبدی لشکره سایۀ شوم التهاب
آلدی اَله کمانینی حرمله غرقِ اضطراب
ایلدی بیر سه پر اوخی اوخلار ایچیندن انتخاب
یر دئدی من باخانمارام گوی دیدی هارداسان رباب
اصغری باسدی باغرینا باشلادی ربّنا حسین

صاعقه مثلی ناگهان اوخ قوتاروب کمانیدن
ناله صداسی قوزانوب پهنۀ کهکشانیدن
سینه زنان فرشته لر گلدی یره جنانیدن
اوخ نجه اَندی اصغرین حلقینه آسمانیدن
قان اوشاقی قوجاقلادی دوشدی زبان بیانیدن
گوردی اونون یاراسینا تاپمیاجاق دوا حسین

اوخ گولونون بوغازینه گوردی باتوب تیکان کیمی
سینه سینه یاپیشدوروب غمزده باغبان کیمی
ئوپدی یاراسین ایگلدی قاسم نوجوان کیمی
باخدی مدینه سمتینه آغلادی آسمان کیمی
من اولا بیلمرم دیدی مادر مهربان کیمی
بسدی بو قدری آغلاما گوزلرووه فدا حسین

من دیدی ایستورم اوغول یارووی رویت ایلیوم
اوچ پر اوخون یاراسینا بلکه طبابت ایلیوم
چالما بو قدری اَل ایاق قوی سنی راحت ایلیوم
قوی بو اوخی چکیم چوله رفع جراحت ایلیوم
کعبه کیمی بوغازووی باری زیارت ایلیوم
بوسۀ روح پرورین حقّین ایدر ادا حسین

دوزدی کی اوچ پر اوخ سنون پوزدی بوتون نظامووی
دوزدی بو سوز صحیحیدور آلدی بو اوخ دوامووی
دوزدی بو بی مرامیلر بیلمدیلر مقامووی
سن ولی قهرمان کیمی حفظ ایله ئوز مرامووی
گون قاباقیندا تشنه لب ساخلاما ئوز امامووی
گون ایتیرر یولون اگر اولماسا رهنما حسین

معترفم شعورووه واقفم آرمانووه
مندن اولا صد آفرین غیرت بیکرانووه
باخما بو های و هویده سودووه یا زیانووه
آند اولا خسته جانیمه آند اولا تشنه جانووه
بیر گونی پادشاهیلر باش قویار آستانووه
اوندا دیرسن آی بابا عشقووه مرحبا حسین

آغلاما اوغلوم آغلاما من سنه اصغر آغلارام
فکر ایلمه ربابیدن من سنه کمتر آغلارام
هرکس الینده ایلسه غنچانی پرپر آغلارام
قبریده ایلرم سنه سینمی بستر آغلارام
یارووه غملی زینبیم باغلاسا معجر آغلارام
عمری نقدری وار سنه ساخلیا جاق عزا حسین

• چهارشنبه
• 5
• خرداد
• 1400
• ساعت
• 21:05
• نوشته شده توسط
• یوسف اکبری

اصغریم ای آی پاراسی
دردیوین یوخدور دواسی
آغلاما ای ربابون مارالی
دیل دوداقی عطشدن یارالی

یاعلی یاعلی یاعلی جان(٢)

آچ گوزون یاتما آماندی
کاسه ی صبریم جالاندی
حلقون آخر پارچالاندی
ای ربابون گل نازی اوغلوم
شاهیمون خوردا سربازی اوغلوم

یا علی یاعلی یاعلی جان(٢)

باد کینه اسدی اوغلوم
اوخ بوغازین کسدی اوغلوم
دور حسین بی کسدی اوغلوم
آلتی آی محرم رازیم اولدون
آچمادون دیل قوجاقیمده سولدون

یاعلی یاعلی یاعلی جان(٢)

سن منیم املیک قوزومسان
هم دادیمسان هم دوزومسان
گویده آیدین اولدوزومسان
تیز منی آتدون ای ماهپاره
چیخماموش باتدون ای ماهپاره

یاعلی یاعلی یاعلی جان(٢)

آرزو کردم بخوابی
پس چرا در پیچ و تابی
گوئیا در فکر آبی
می زنی بال و پر روی دستم
من خجالت ز روی تو هستم

یاعلی یاعلی یاعلی جان(٢)

غنچه ی نشکفته ی من
کودک آشفته ی من
طفل در خون خفته ی من
دشمنت داد عجب آبت اصغر
حرمله کرده سیرابت اصغر

یاعلی یاعلی یاعلی جان(٢)

• چهارشنبه
• 5
• خرداد
• 1400
• ساعت
• 22:14
• نوشته شده توسط
• یوسف اکبری

باخشون آهودان گوزل
دوداقلارون مخزن غزل
منیم پایمسان وئروب سنی
من ایچون رب لم یزل(۲)

داغیلا هر درد و ملالیم
گوله گوللر مثلی جمالیم
آلا گوز ایستکلی غزالیم
ننه قربانون آغلاما(۲)

قاشون اوخشور قلملره
یوزون طراوتلی بیر گوله
تلون دوشنده جمالیوه
قاریشور لاله سنبله(۲)

اولوب اشکون زلفوه ژاله
توکولوب گول مثلی جماله
ننه قربان هاشمی خاله
ننه قربانون آغلاما(۲)

آچیلاندا گوزل گوزون
چمنده گوللر بوتون گولور
آخاندا اشکون جمالیوه
ائله بیل ژاله دور سوزور(۲)

اوتورور شبنم گولون اوسته
اگیلورگول سنبلون اوسته
توکولور غم بولبولون اوسته
ننه قربانون آغلاما(۲)

گوزلیم آغلیاندا سن
سسون سالور اود قراریمه
آخوب سرشکیم سنون کیمی
دوزولوللر عذاریمه(۲)

باشوی قوی سینمون اوسته
ئوزیوی چوخ ائیلمه خسته
ننه باخسون دیده مسته
ننه قربانون آغلاما(۲)

• پنج شنبه
• 6
• خرداد
• 1400
• ساعت
• 23:10
• نوشته شده توسط
• یوسف اکبری

باجی الیم اوسته صود امر بالا بویانوب قانه
سوایستدیم شام و کوفیان اوخ ویروب بوعطشانه
گل آل باجی ویر آناسنا
ایدر چاره اوخ یاراسنا
گل بالامی آل زینب (2)

آناسندان مین دلیله من آلموشام بو نالانی
خجالتم من ربابیدن اوخ دگوب آخور قانی
بوخواهشی مندن ایت قبول سنی اکبرین جانی
اوزون ربابه تسلی ویر گلمسین او افغانه

گتوردوم تا سوایچه بالام ویرمیوبدی سو اعدا
من ایلدیم حجّتی تمام قوردی لیک عدو شورا
نتیجه ده حرمله اوخی سالدی عالمه غوغا
دولاندی دنیا بو باشیمه کاش اولیدی ویرانه

بوغم فزا دشتیده گلوب ایله خاطریم تنگه
دئدیم آلون سوویرون اوزوز گلمیوب بالام جنگه
هدایتیم ویرمدی اثر بیله قوم دل سنگه
بیر اوخ گلوب قاننی قاتوب قولومدان آخان قانه

آخوب قانی دولدی قونداقی غمه باتموشام زینب
فشارغمدن بوگوز یاشین قانه قاتموشام زینب
بیز آز قانین اوجوما آلوب گویه آتموشام زینب
بیر قطره سی گلمدی یره تحفه اولدی جانانه

دگنده اوخ آچدی بیر گوزون گولدی بیر منه باخدی
بو گولماقی اود ویروب دله یاندوروب دلی یاخدی
گوزون یومدی سُها کیمی صود امر بالام آخدی
بو چولده عشقین ویروب نشان شمعه اولدی پروانه

بولورالهی بو دشتیده کچموشم من اکبردن
تمام یارانِ با وفا عون و فضل و جعفردن
دا بیرزادیم قالموری ویرم چکموشم ال اصغردن
ایشیتدی قارداش سسین باجی گلدی قانلی میدانه

دئدی سنه زینبون فدا گلمه بیله افغانه
بوعالم عشقی طی ایدوب جانفدادی قرآنه
بودا گیدوب اکبرین یولون درس اولا مسلمانه
آپارسام ایندی خیامه من اولاجاق عزاخانه

تاپوبدی گل غنچه وقتیده وصل عشق جانانی
ویروبدی هَل مِن مُعینوه بو جواب روحانی
شهید اولا راه دینیده ترک ایده بو دنیانی
اوچا گیده روحی جنّته شکر ایده او یزدانه

سنون حسین درد وغملرون گلمیوب سانا گلمز
بو عالمی ویرسلر سنه تار زلفووه دگمز
بولور باجون قارداشی حسین بیعته باشین اگمز
اولار الست اوسته پای بند خلق ایدن او منّانه

خزان اولان غنچه گولوه (عدلینین ) جانی قربان
دیوربیرعمر نوحه یازوموشام ایلیون منه احسان
مریضه سی واردی ایستیاق خالقی ایده درمان
بواصغرین شرح حالینی یازوب هر نوا خوانه

• یکشنبه
• 9
• خرداد
• 1400
• ساعت
• 23:32
• نوشته شده توسط
• یوسف اکبری

قهرماندور کربلانون سود امر رزمنده سی
آسمان اهلبیتین نیّر تابنده سی
اولدی اصغر حق تعالانون مقدس بنده سی
عرشیانی ساخلیوب حیرته زیبا خنده سی
اونلا تکمیل اولدی قانلی نهضتین پرونده سی
تا اوخا گولدی گلوب عرش اهلی یکسر شیونه
سسلیوبلر ای گل باغ ولا احسن سنه

چشم دوران گورممیشدی شیر خواره قهرمان
حیرته دوشدی شعوریندن زمین و آسمان
بیرده حاشا اصغره همتا گوره اهل جهان
کشف اولونماز خلقتینده واردی اسرار نهان
عالمه درس شرف وئردی او طفل بی زبان
قنداق ایچره باغلیوبدور عهد پیمان با حسین
آچمامیشدی دیل اشاریله چاغیردی یا حسین

رزمگاهه گلمگیمدن واردی منظوریم منیم
ایستورم بو دشتی ساطع ایلسون نوریم منیم
شیر خوارم گرچه یوخ بازوی پر زوریم منیم
قلبیمه سالمیش طلاتم باشداکی شوریم منیم
جان وئروب میداندا سقای سلحشوریم منیم
یار اگر یار اولسا جانین بذل ائدر یار عشقینه
گلمیشم قانه باتام منده علمدار عشقینه..

• دوشنبه
• 10
• خرداد
• 1400
• ساعت
• 23:51
• نوشته شده توسط
• یوسف اکبری

اصغره یرلر آغلادی اصغره گویلر آغلادی
بیچنده اوخ بوغازینی گل اولدی پرپر آغلادی

بهاری وقته هانسی گل سنون کیمی سولوب بالا
یانان دوداقلارین کیمی بو قلبیلر یانوب بالا
عطش یوروبدی چوخ سنی گوزون ندن دولوب بالا
انان چالاندا لای لایی بقیعده مادر آغلادی

دیدی بابا منی عجب خیالیدن چیخارتمیسان
مگر اولوبدی اصغرین ،الی بیلینده قالمیسان
سنون یوخوندی بیرکسین ندن منی اویاتمیسان
ایشتجگین بو صحبتی وفالی خواهر آغلادی

بویوردی باجی وءر منیم قوجاقیمه او سروری
ستاره لر کیمی اخوب نجه او قانلی گوزلری
عجبدی باغلیدی باجی بشیگه خیردا اللری
بو حال انکسارینه تمام حرملر آغلادی

نوازش ایلدی اونی الوب اتا قوجاقینه
اناسی شیون ایلیور بالاسینون فراقینه
اقا بویوردی لشگره باخین بونون دوداقینه
اوغول اتانین حالینه اولوبدی مضطر اغلادی

ولی اودم که حرمله اوخی گویوبدی چیلیه
اوخ ایریلوب شتابیله گیدور سوزون کیمه دیه؟
اوخ اوچدی اصغره طرف خبر چاتوب مدینیه
یای اغلیاندا سیزلادی گوی اوسته ششپر آغلادی

اوخ اصغرین بوغازینی بیچنده یاحسین دیدی
سو یرینه بوغاز قانین ایچنده یاحسین دیدی
گلوب حسین اوخی چکه چکنده یا حسین دیدی
ملاءکه باشین اچوب گوی اهلی یکسر آغلادی

اوپوب لبون اوخا دیدی یامان یره اوتوردون اوخ
عطشدن آغلیوردی چوخ مرادینه یتیردون اوخ
بالام دانشمیوردی هیچ اونی سوزه گتیردون اوخ
چالیخلادی بالیخ کیمین نجفده حیدر آغلادی

• سه شنبه
• 12
• مرداد
• 1400
• ساعت
• 13:18
• نوشته شده توسط
• یوسف اکبری

عجب یومدون گوزون یاتدین بالام لای لای گولوم لالای
منی گوزدن ندن آتدین بالام لای لای گولوم لای لای

بیر آز گل سینمه اوغلوم منه ناز ایلمه باری
بو اشگه خون دل قاتدین بالام لای لای گولوم لای لای

ندن ای اولدوزوم بیردن کوسوبسن ماه زیبادن
علی اولدوز کیمی آخدین بالام لای لای گولوم لای لای

سنی من آلتی آی اوغلوم گل اوسته نازیوی چکدیم
وصال یاریوه چاتدین بالام لای لای گولوم لای لای

دئینده اوخ بوغازیوه چالوبسان ال ایاق اوغلوم
گوزون آچدین منه باخدین بالام لا لای گولوم لای لای

دوواقیندن منه وئردی نچه پای جان وئرن لحظه
ربابی یاندیروب یاخدین بالام لای لای گولوم لایلای

تلسیردون منی یالقوز قویان بو چولده آی اصغر
گئدوب اوچ پر اوخی تاپدین بالام لایلای گولوم لایلای

• جمعه
• 15
• مرداد
• 1400
• ساعت
• 19:35
• نوشته شده توسط
• یوسف اکبری

شاهد اول باتوبدی قانه اصغر یم الیمده یارب
حلقینی ایدوب نشانه دوشمنیم الیمده یارب ۲بار

بیربه بیر شهید اولوبدی گول لریم گیدوب الیمدن
قانه غرق اولوبدی یکسر ایلریم گیدوب الیمدن
اوخ دیگوب گولوب یاتوبدی اصغر یم گیدوب الیمدن
شاهه اول باتوبدی قانه اصغر یم الیمده یارب ۲بار

حرمله بیر اوخ آتوبدی حلقینی ایدوبدی پاره
قانیله اولوبدی ألوان قلبیمی اید وبدی یاره
تشنه لب شهید اولوبدی اولمادی ألیمده چاره
شاهه اول باتوبدی قانه اصغر یم الیمده یارب ۲بار

نیلمیشدی اهل شامه صودامر بونازدانه
اوچ پر اوخ گلوب هوادن حلقینی ایدوب نشانه
اوخ آتان الین سنیدی قالدیم ایندی یانه یانه
شاهه اول باتوبدی قانه اصغر یم الیمده یارب ۲بار

اوچ گونیدی ایچمه میشدی سو او طفل شیرخواره
اوخ دیگوبدی گولدی یاتدی اوف اولا بوروزگاره
جان ویروب سوسوز عزیزیم گیتدی میهمان اویاره
شاهه اول باتوبدی قانه اصغر یم الیمده یارب ۲بار

بیربه بیر صولوبدی گولر نوبت ایندی اصغریندی
شاهد اول بلا چولونده بو مصیبتیم چتیندی
بینوا أناسی گریان غملرینده دل غمیندی
شاهه اول باتوبدی قانه اصغر یم الیمده یارب ۲بار

تشنه لب شهید اولوبدی شیعه لر یانار ألاندا
چاتماز اصغر ه ولیکین چوخدی صودامر جهاندا
قان ویروبدی ریشه‌ی دین حشره تک قالا أماندا
شاهه اول باتوبدی قانه اصغر یم الیمده یارب ۲بار

ایندی راحت اولدون اصغر سینمین مدالی لای لای
قاسمیله یولدا ش اولدون اکبرین مثالی لای لای
گیدون آرتروب ربابین ای بالا ملالی لای لای

شاهد اول باتوبدی قانه اصغر یم الیمده یارب ۲بار

دوتدوم اوجوما قا نینان سپدیم ای بالا سمایه
یعنی شاهد اول الهی دوشمن ایدیگی جفایه
ویرمدی بوچولده لشکر سو بنات مصطفایه
شاهد اول باتوبدی قانه اصغر یم الیمده یارب ۲بار

• چهارشنبه
• 20
• مرداد
• 1400
• ساعت
• 17:51
• نوشته شده توسط
• یوسف اکبری

اصغرین گردیلی اولسیدی دیردی سوزونی
اوخ گلنده اوزی محوظ ایلیردی اوزونی
علتین بولمدوک اما نیه یومدی گوزونی
باخمادی حرمله اوزبد عملیندن اوتانا
یاکه تیر او زهدفیندن آخا بیر آیری یان

قدرتی که اوخا ورمیشدی اوبازوی ستم
سرعتین نچه برابر نچه برابر ایلمشدی نه کی کم
صوت مافوقیله دوشدی یولا باخاطر جم
چون هدف نازک وملطوفیدی اوخ اوچ پریدی
ایله بچمشدی بوغازین دیه سن خنجردی
اصغرین فکرینه گلمزدی که پیکان گلوری

اصغرین فکرینه گلمزدی که پیکان گلوری
اوز خیالینده دیردی منه پستان گلوری
اوخ دینده صورا احساس ایلیوب قان گلوری
ایله بیر نیمه تبسم ایلیوب غنچه دهان
دیل دولاندیقجا دوداقلاری اولوب قرمزی قان

گوندوزین شامه دولاندردی حسینین اوخ آتان
دوشدی بیر وضعه هوا تلخ الوب اوضای زمان
حرمله بیر اوخ آتوب لیک ایدوب اوخ ایکی قان
اولین دمده علی اصغری خندان ایلیوب
کچدی بازوی امامتده ده بیر قان ایلیوب

• شنبه
• 23
• مرداد
• 1400
• ساعت
• 12:12
• نوشته شده توسط
• یوسف اکبری

گَل باجی عطشان آپاردیم اصغری عطشان گتوردوم
اوخلی قربانین ربابه تازه دن مهمان گتوردوم

سو امیدیله بو طفلی خیمدن عطشان آپاردیم
اوز آناسیندان آیردیم بیر قوزی قربان آپاردیم
اللريم اوسته بالامی تحفهء جانان آپاردیم
عرض قیلدیم بار الها تحفهٔ ارزان گتوردوم

اولسا بیر بلبل چمنده گر گلِ رعنایه مأنوس
نیشِ خاری نوش ایدر ، نه شکوه ایلر نه بیر افسوس
ایستديم نمرودِ ثانی اولماسون بو چولده مأیوس
بير سوسوز ماهی نشانِ ناوکِ پیکان گتوردوم

تشنه حلقندن دگنده اوخ اوزی گَلدی امانه
دوز خدنگ ، افلاک قدّین اگدی دوندردی کمانه
قانینی اوجومدا دوتدم منده سپدیم آسمانه
سویلدیم یارب ختام ِخاتمِ پیمان گتوروم

قالميوب آهی بالامون چوخ گیدوب قان یاره سندن
گلماقا شرم ایلورم من مادر ِبیچاره سندن
اوندا که آتدی اوزینی اصغریم گهواره سندن
رمزیله آندوردی یعنی منده یاره جان گتوردوم

گوردی قوم اشقياده یوخدی آثارِ ترحّم
سو خیالین باشدان آتدی ایتمدی اصلا تكلّم
اوخ بوغازیندان دگنده ذوقدان ایتدی تبسّم
غنچه وش سولموش دوداقين گل کیمی خندان گتوردوم

بیر قالوردی بو نشانه گلستانیمدن گُلیمدن
گلشنیمدن ، بلبلمدن ، سوسنیمدن ، سونبلیمدن
اولمادی بیر کیمسه آلسون قانلی قنداقين اليمدن
لاعلاج اولدوم خیامه نعشنیی بو آن گتوردوم

قانلی قنداقین باسوب آغوشه میدانی دولاندیم
قصد ایدوب گلدیم آناسین منتظر گوردوم اوتاندیم
گه باخوب بو طفله یاندیم گاه گلدیم گه دایاندیم
رنجِ بسیاریله گلدیم سن دیمه آسان گتوردوم

ایستدیم یاريله يتسون عهد و پیمانیم ختامه
هر شهیدین پاره پاره نعشینی گَتدیم خیامه
گَل آنام باجی یورولما زحمتیم یتدی تمامه
آخرین بیر زحمتیمدور ، زحمته پایان گتوردوم

ویر خبر بیرده حرمده شیونِ دیگر قورولسون
آغلاسون اكبر آناسی ماتم ِاصغر قورولسون
خیمگاهیم حشره دونسون شورش ِمحشر قورولسون
اوخلی بیر محشوری شور ِمحشره اعلان گتوردوم

هی باخوب یانّام بو جامِ عشقدن مدهوشه زینب
من دانشدیرام دانشماز سن چاغور آغوشه زینب
گور چخوب روحی بدندن یا گیدوبدور هوشه زینب؟
هوشده اولسا اویاتما ، باخما من نالان گتوردوم

گللریم سولموشدی بیرجه گُل بوداقمده قالوردی
گلستانیمدن بو غنچه بیر سراغیمده قالوردی
فکریم آسوده دگلدی تا قوجاقیمده قالوردی
ایمدی ویردیم راحت اولدوم بیر ختمِ نقصان گتوردوم

تارِ زلف اکبریمده بیر تله بستیدی اصغر
ذوقِ وصليله او قدری آغليوب خستیدی اصغر
اوندا که من سندن آلدیم باجی جان اوستیدی اصغر
احتضاریله آپارديم ، محتضر قربان گتوردوم

بو زبانحالیمون واردور بو بیتینده معمّا
غیره فرض ایلر خطا اهلی ، بولر سوز دوزدی امّا
بیرده گُل گلشنده گولسه ایتمیوب انصاف اصلا
من عزا گلزارینون بو غنچه سین گریان گتوردوم

#شأنیم ای شاه ذیشان غرق ئدریای گناهم
زادِ عقبادن اليم بوش معصیتدن روسیاهم
ناامید ایتمه قاپوندان سن گورورسن بی پناهم
اصغره بیر نوحه یازدیم اکبره عنوان گتوردوم

• جمعه
• 5
• شهریور
• 1400
• ساعت
• 23:05
• نوشته شده توسط
• یوسف اکبری

ای سُود اَمر قارداش لای لای علی لای لای
چوح توکمه گوزدن یاش لای لای علی لای لای

سن بولمی سن یوخسا یوخ رحم دشمنده
رحم اِیت منه قارداش سُو ایسته مه سنده
آخر باجون ئولسون سنده سوسوز منده
ای سُود اَمر قارداش لای لای علی لای لای

چوخ تشنه سن بوللّم رَنگون سولوب گل تک
اود دوتوب اود لانّام بو حالوی گُورجَک
بیله خیال اِیتمه بیر سن سوسوز سان تک
اِی سُود اَمر قارداش لای لای علی لای لای

بی رحم دور بو قوم بولمز وَفا رَسمی
بیگانه ده اولماز چون آشنا رَسمی
بو لشگرون اولموش آخر جَفا رَسمی
اِی سُود اَمر قارداش لای لای علی لای لای

ای اکبریم اصغر دردون بیان اِیتمه
یاندیم کباب اولدوم باغریمی قان اِیتمه
آز آغلا تاب ایله بیله فغان اِیتمه
اِی سُود اَمر قارداش لای لای علی لای لای

دَرد آز قالوب قارداش بو سینمی دَلسون
یات قوی آنان آخر بیر لحظه دینجل سون
آرام دوت تا که سَقّا عَموم گلسون
اِی سُود اَمر قارداش لای لای علی لای لای

قارداش علی سن سن بیر گُل بوداقی مده
من بُلبُله سن تک گُل یوخ سراقی مده
یِرده یوخون گلمور گَل یات قوجاقی مده
اِی سُود اَمر قارداش لای لای علی لای لای

آز قالدی اوز قانون قونداقوه دولسون
گورسون آنان نَعشون گُل تک یانوب سول سون
پِستانِ دَم پیکان گهواره قبر اولسون
اِی سُود اَمر قارداش لای لای علی لای لای

اوچ گوندی بیر کیمسه سو ایچم یوب بوللّم
شامه کیمی قارداش آردون جا من گَلّم
آخر یقینیم دور ویرانه ده ئولّم
اِی سُود اَمر قارداش لای لای علی لای لای

آل پیغمبردن بیر گل یوزی گولمز
رَحم ایلمز بیر کس گوز یاشلارین سیلمز
بیر قطره شیرین سو نیلوم اَله گلمز
اِی سُود اَمر قارداش لای لای علی لای لای

اود ویردی یان دوردی دنیانی افغانون
آز قالدی کیم قارداش چخ سون سوسوز جانون
اِیلر سنی سیراب اِیم دی قزل قانون
اِی سُود اَمر قارداش لای لای علی لای لای

بی کس بابام ایلوب جانانی له پیمان
قربان سنه باجون وِیرسون سنی قربان
راحت اِیدر ایمدی اوچ شعبه لی پیکان
اِی سُود اَمر قارداش لای لای علی لای لای

آرتوب زِ بس (صافی) آغلار گوزون یاشی
اولدی یانان قلبون گوز یاشی یولداشی
سسلن که سسلردی بیر باجی قارداشی
اِی سُود اَمر قارداش لای لای علی لای لای

• چهارشنبه
• 17
• شهریور
• 1400
• ساعت
• 23:39
• نوشته شده توسط
• یوسف اکبری

گل دوتوب اوت اورگیم یاندی باجی
الیم اوسته بالام اوخلاندی باجی

جام صبرین باجی بیر اوخ جالادی
خانهٔ قلبیمی دشمن تالادی
اوخ دیوبدور بوغازین پارچالادی
یوز گوزی اُنوگی القاندی باجی

یاخشی قویدی سوزی میدان یرینه
نوش ائدوب قانینی درمان یرینه
اَمدی تیری باجی پستان یرینه
بولمدی زهرلی پیکاندی باجی

منی یاندیردی یانوب آغلاماقی
آتش آهه جگر داغلاماقی
گوزلریمدن گوزونی باغلاماقی
اورگیم اوت دوتوب اوتلاندی باجی

اتمیوب اوچ گئجه دور ناز ایله خواب
آناسین یاندروب ایتمیشدی کباب
یولونی گوزلوری بیچاره رباب
بولموری غنچه سی خنداندی باجی

آلدی مندن باجی بو حالی دوزوم
اوخ دگنده قالوب آغزیمدا سوزوم
خیمیه گلماقا گلموردی یوزوم
قارداشون حالی پریشاندی باجی

قالدی قونداقی الیمده باجی جان
قانلی میدانی دولاندم نگران
اولمادی قونداقنی مندن آلان
اوت دوتوب قلبیم الولاندی باجی

منی یاندردی ایله درد گران
یتیش امدادیمه ای روح روان
اوزون آل یاره سینی ویرمه نشان
آناسی سینه سی سوزاندی باجی

ظلمیله غنچه گلوم قانه باتوب
فانی دنیانی باجی گوزدن آتوب
یاتمیوب اوچ گئجه نی ایندی یاتوب
استراحت بونا الاندی باجی

کیم بولور قوم عدو نیله دیلر
ناقه صبری نجه پیله دیلر
ایستدیم سو بالامه ویرمدیلر
دیمیوبلر کی لب عطشاندی باجی

بو ستاره گون الی اوسته آخوب
قلب خورشیدی آخوب ناره یاخوب
اوخ دگنده منه حسرتله باخوب
گوزلریم حالینه گریاندی باجی

ماهین آردنجا ستاره دولانار
گور باتا آی او ستاره دایانار؟
اولارین حالینه خورشید یانار
حالیمه نه فلک اوتلاندی باجی

بسدی (یعقوبی) دولانما شرده
دینه اصغر آدنی هر یرده
دادوه بلکه یته محشرده
بیرده ده اصغریم اوخلاندی باجی

• چهارشنبه
• 17
• شهریور
• 1400
• ساعت
• 23:45
• نوشته شده توسط
• یوسف اکبری

بو قدری آغلاما علی ربابه رحم ایله اماندی
یوخومدی صود خجالتم بلالی چولده الاماندی
آز آغلا یانما منده یاندیم
خجالت ایلمه اوتاندیم

شمیم جانفزا گلور مشامه قانلی گلستاندان
بو گلستانه عاشقم آچوبدی داغلی لاله قاندان
فراتی باغلیوب عدو گلایه ایلمه آناندان
گوروم فراتی قان اولیدی
اجل گلوب رباب ئولیدی

هجوم ایدیلّه کوفیان بلالی چولده دسته دسته
سولان جمالون ایلوری آنان ربابی دلشکسته
یامان گونمدی آغلاما ربابین اولدی روحی خسته
سوسوزلوقون منه عیاندی
ربابه رحم ایله اماندی

نه غنچه گل کیمی آچوب نه داغلی لاله تک سولیدی
آخیر چوله گلور سسی گورم فراتی قان اولیدی
دوزنمورم بو حالیوه اجل گلوب رباب ئولیدی
عطش سالوبدی دیلدن ایوای
گئدور امیدیم الدن ایوای

رباب آنان بو حالیوه ئولنجه آغلاسا سزادی
عزالی محفلیم بو گون ربابه موکب عزادی
غریبه آشنا سسی نوالی نی کیمی، نوادی
ربابین آه و واسی، لای لای
گئجه گونوز نواسی، لای لای

انیس و مونسم منیم بو آلتی آیدا بیر سنیدون
نه غنچه گل نه گلستان صفای باغ و گلشنیدون
گوزوم گوزونده سینه ده همیشه امن و ایمنیدون
آز عمرون آشنا سی گئتدی
او گونلرین صفاسی گئتدی

بو دشت ابتلاده من قضای حقیله رضایم
بو عالمیله دلخوشام عروس آل مصطفایم
خمار کوی عشقوم انیس شیون و بلایم
بو چول صفالی گلستاندی
حریم عشق و امتحاندی

آنا بالالیق عالمی علی بیر آیری ماجرادی
صفای عالمون اوغول ربابه بزم با صفادی
رموز عشقه واقفم دئمه ربابه بی وفادی
بو سوزلریمده صادقم من
سنه ازلدن عاشقم من

زمانه دونسه دونمرم اُلنجه گلشن بلادن
فدای راه حق اولوب بیر عده آل مصطفادن
بو روحیم آیریلار مگر دیار دشت کربلا دن
بو چولده قان اولوبدی دل لر
سولوبدی رنگ رنگ گل لر

علی اصغرین آدی همیشه دردلره دوادی
نوالی نوحه خوان لارا بو آد عزیز و آشنادی
رباب آناسینین یادی سرود بزم هر عزادی
همیشه گرم اولار عزاسی
یانقلی نوحه لر نواسی

• چهارشنبه
• 17
• شهریور
• 1400
• ساعت
• 23:52
• نوشته شده توسط
• یوسف اکبری

☑️ بند اول

منیم ای مه جمالیم
سوا حسرت مارالیم
پوزولدی گولشن وصلیم گدیب الدن جلالیم

اوغول حالیم یاماندی
داخی صبریم تالاندی
شرار ظلملیله سینم علی اوت توتدی یاندی

حمای رحمتیم رنجور اولوب اوچدون قفسدن
اوقدری سو دئدین سو تابادین توشدون نفسدن)۲

#چوللرده آهولر ملر ای سود امر آهو سنه
واویلا
دریا قوتارمازدی بیر آز ورسیدی دشمن سو سنه
واویلا

? ای وای یارالی جان یارالی

☑️ بند دوم

علی دردیم چوخ اولدی
نه آرزیم وار یوخ اولدی
منیم هجران ،سنین ده قسمتین اوچ پر اوخ اولدی

نوام عرشه چاتیبدی
سنه کیم اوخ آتیبدی
آنان اولسون بالا آغ اونوگون قانه باتیبدی

اولونجه وار یری اولسون آنان نی تک نوالی
اوخیردا تللرین قانیله ایسلاندی یارالی)۲

#چوللرده آهولر ملر ای سود امر آهو سنه
واویلا
دریا قوتارمازدی بیر آز ورسیدی دشمن سو سنه
واویلا

? ای وای یارالی جان یارالی

☑️ بند سوم

جهانی داغلادیم من
سو گزدیم آغلادیم من
کسیلدی چارم آخر اللریوی باغلادیم من

دوزوم یوخ بو عذابه
دوشوب دل پیچ و تابه
دیل آشسان گر دیلین قربان اولوم ایسته ربابه

گرح من تیر آهیله دل زاری بولیدیم
سنه اولماخ یاراشمیر ،سن اولونجان من اولیدیم)۲

#چوللرده آهولر ملر ای سود امر آهو سنه
واویلا
دریا قوتارمازدی بیر آز ورسیدی دشمن سو سنه
واویلا

? ای وای یارالی جان یارالی

☑️ بند چهارم

پریشانم پریشان
علی اوخلاندین عطشان
باشین دور مور بدنده گول بوغازیندان آخیر قان

سنه جان سسلمیشدیم
سینم ده بسلمیشدیم
گوزوم چخسین بالا من بئیله یاره گورممیشدیم

بیچیب اوخ حلقیوی باشدان باشا خجنر مثالی
یاران باغلانمین بیر یاره دی ای وای یارالی)۲

#چوللرده آهولر ملر ای سود امر آهو سنه
واویلا
دریا قوتارمازدی بیر آز ورسیدی دشمن سو سنه
واویلا

? ای وای یارالی جان یارالی

• شنبه
• 25
• شهریور
• 1402
• ساعت
• 00:07
• نوشته شده توسط
• یوسف اکبری

ولایت چرخینه گلدی بیر اولدوز
نه اولدوز آفتاب عالم افروز

بو بیر اختردی هر بیر اختره باش
سالار آردینجا مهرو ماهی بیر باش

بو بیر اختردی حیرانی فلکدی
بونون نازین چکن حورو ملکدی

بو بیراختردی حسنی بی بدلدی
گوزللربزمینه ضرب المثلدی

بو بیر اختردی برج نه طبقدن
آلار تاب و توانی مهرو مه دن

تمام نجمدن تابنده دور بو
ولایت چرخنینه زیبنده دور بو

نه مریخ و زحل نه زهره دور بو
هر ایکی عالم ایچره شهره دور بو

بونون نوری همان نور ازلدی
هر اولدوزدان بو آیدیندی گوزلدی

دیدیم اولدوز بو تشبیه غلطدی
بو نور پاک اجداد سلفدی

چخار آخشام سحر ایتمز هر اولدوز
بونون آخماقی تک اولماز جگر سوز

دیسم گلدی آچار اما سولار گل

• چهارشنبه
• 15
• اسفند
• 1397
• ساعت
• 13:47
• نوشته شده توسط
• ابوالفضل عابدی پور

سبک : ایران اگر دل توراشکستند

اصغر
ای اهل بیته مفخر اوغلوم
گل ریاض حیدر اوغلوم
ائدوبدی بو گوزل جمالون
مدینه نی منور اوغلوم

لای لای
منیم گوزل غزالیم اصغر
سینمده کی مدالیم اصغر (2)

اصغر
ربابون ای جلال و جاهی
خلایقین سراج راهی
قرارو صبریمی آلوبدی
بو قاره گوزلرین نگاهی

لای لای
منیم گوزل غزالیم اصغر
سینمده کی مدالیم اصغر (2)

اصغر
قسم اولا بو عشق نا به
بهشت اولار بو ایو ربابه
او لحظه ای که سن گدورسن
رباب سینه سینده خوابه

لای لای
منیم گوزل غزالیم اصغر
سینمده کی مدالیم اصغر (2)

اصغر
آدون اوغول نه دلربادی
جمالون آغ تلون قرادی
بهشت ائدوبدی منزلیمی
قدملرون نه باصفادی

لای لای
منیم گوزل غزالیم اصغر

• پنج شنبه
• 16
• اسفند
• 1397
• ساعت
• 10:10
• نوشته شده توسط
• ابوالفضل عابدی پور

دست قضا حسینه آچوب درد و غم یولی
دوردی ایاقه باشلادی حضرت خیم یولی

گاهی گیدور گهی دایانور ایستمور گیده
هرسالکه چتیندی گیده پیچ وخم یولی

چونکه گلنده خرداجا سربازیلن گلوب
سربازسیز گیدور شه محترم یولی

آز فاصله گوزونده اوزاق منزله دونوب
دیلدن چکور بیر آه گیدور بیر قدم یولی

غملر شریکینی چاغروب غم سوزون دیه
گل زینبیم گیدک ایکیمیز بیزتیکن یولی

گیدیم الی دولی الی بوش گلمیشم باجی
وار خجلتیم اودور کی گله بولمورم یولی

اصغر غمی یوروب منی پیشوازه گلمسون
امیدین اولماسین من ئوزوم تک گلم یولی

قلبیم دولوبدی آغلاماقا گلمیشم فقط
وای صودامر بالا دیمیشم دمبدم یولی

دردین دیدیم سوسوزلوقونا لشکر آغلادی
باخدیم فراته آچمادی قوم ظلم یولی

مرد افکن اوخ حریف قوی صود امر اوشاق
امکانیم اولمادی اوخا سد ایلیم یولی

نیلک سنینده اوغلون ئولوب گل قوشول منه
اهل کرمده کی ایده رد کرم یولی

چوخ یاخشیدور قوشولسا اوغلسوز اوغولسوزا
عاشق گرکدی طی ایلسون هر رقم

فلسفیدندی بوسوز سمع محبانه چاتور
خیمه لردن گوردولر بوش کاسه دور قیزلار آتور
سو دینلر گیزلنیب خون دلین اشکه قاتور
آلدی بیر قیزدان خبر آیا نیه نبضون آتور
اول بالا بیر سوز دیدی اولدی نواخوان اهل بیت

عرض ایدوب سوجامینه قان دولدورولار عمه جان
سو یولین سد ایلیوب یولدا دوریلار عمه جان
میزبانلار خسته مهمانی یوریلار عمه جان
ایچمیوک سو ایچمیوک فتنه قوریلار عمه جان
هرکیم ایستور سو گوریسن اوخ ویروللار عمه جان

• سه شنبه
• 4
• آذر
• 1399
• ساعت
• 13:35
• نوشته شده توسط
• یوسف اکبری