اشعار حضرت علی اکبر علیه السلام

اون بیر شعبانیده دنیایه بیر گوهر گلوب
دهره بعد از مصطفی بیر شبه پیغمبر گلوب

گلشن زهرا صفا تاپدی گل آچدی روزگار
شاد اولوب لیلا،حسین اوغلی علی اکبرگلوب

اون بیر شعبانیده یثرب اولوب باغ جنان
آل احمد دودمانیندن اولوب بیر نور عیان

قدسیان تبریکه دل آچدی سؤوندی ماسوا
خیر مقدم سویلدی یکسر زمین و آسمان

اون بیر شعبانیده ختم پیمبر شاد اولوب
هم علی المرتضی ساقیّ کوثر شاد اولوب

وئردیلر حوریه لر جنتده زهرایه خبر
بیلجگین بو مژده دن خاتون محشر شاد اولوب

اون بیر شعبانیده لیلایه بیر بایرام اولوب
خاندان آل طاهایه گوزل ایام اولوب

بیر فقیه آل عصمت گوز آچوب بو عالمه
دوستان مرتضی هر یرده شادکام اولوب

• چهارشنبه
• 4
• اردیبهشت
• 1398
• ساعت
• 10:31
• نوشته شده توسط
• ابوالفضل عابدی پور

سبک: الله اکبرالله اکبر

ای اهل عالم، باشه چاتوب غم
شادی صداسی، گلور دمادم
شادو خرمدی رسول خاتم

واردی سماده بزم میلاد اکبر
شادو خراماندی بوگون اهل سما یکسر

جانم علی جان (2)

آشدی گل باغ، پیغمبر رحمت
پیغمبره سویلور، گوی اهلی تهنیت
دنیا قدومیندن اولدی بوگون جنت

یرگوی چرا غاندی رخ زیبای اکبردن
صبرو قرار آلدی علی اکبر گوزلردن

جانم علی جان (2)

وارقد رعناسی،چشمان شهلاسی
طعنه ویرور ماهه، رخشنده سیماسی
یوسف گلوب اولدی، محو تماشاسی

عرشه جمالیندن گئدور نور خدا هردم
ایلوب نگاهی یوسفون بازارینی
برهم

جانم علی جان (2)

فرشه سرمایه، عرشه پیرایه
اسلامه پایه ، قرآنه آیه
آلله پای وئردی خانیم زهرایه

عرشه

• سه شنبه
• 3
• اردیبهشت
• 1398
• ساعت
• 10:46
• نوشته شده توسط
• ابوالفضل عابدی پور

مژده یاران/دربهاران/
رسیده پیک خبرازسوی جانان
غرق شوراست/درسروراست
بیت حسین بن علی شاه خوبان

مژده منادی دهداکبرآمد
پورحسین شبه پیغمبرآمد
تهنیت تهنیت اکبرآمد۲

مرحبامرحبا آفرین آفرین
یاعلی اکبر یاعلی اکبر

عزوجاهش/یک نگاهش
دل بردازساکنان عرش اعلی
غرق شور و/غرق شادی
خنده به لبهانشانده ام لیلا

برج شرف را بهین اختر آمد
بحروفاراچنین گوهرآمد
تهنیت تهنیت اکبرآمد

مرحبا مرحبا آفرین آفرین
یاعلی اکبر یاعلی اکبر

مژده اولسون/عاشقانه
تهنیت اولسون آقا صاحب زمانه
لطف ایدوبدی/حیّ سرمد
بلبل اوخور باغدا نجه گور ترانه

اهل سماوات اولوب شاد و خندان
عرش الهی اولوبدور چراغان
سوووندی بو گجه شاه خوبان

مرحبا مرحبا

• سه شنبه
• 3
• اردیبهشت
• 1398
• ساعت
• 10:53
• نوشته شده توسط
• ابوالفضل عابدی پور

دیلینده یاهو الینده خنجر
گدور میدانه علیِ اکبر
ائو قدری یوزدن رسوله بنذر
جهاده سانکی گدور پیغمبر

گْزی یاشلان دولاد دولا
سالوبدی آتاسی یولا
باخور حسرتله آناسی
او اوجا قامته بویا

حرمدن آیرلدی گلدی دعوایه
چکوبدی شمشیری فوج اعدایه
بویوردی قان ورم دین طاهایه

بیلون جماعت اوچمینجی امامین اغلیام

امام عصروز حسین آتامدی
وصیِ احمد علی بابامدی
دلیل خلقت بیوک آنامدی
انون وصالی منیم دعامدی

شهادت بیزلره اذت
یاشاماق سیزلره ذلت
خدایه امیدیمیز وار
بیزه آساندی هر محنت

منم علی اکبر شبه پیغمبر
بابام رکابینده چون علی صفدر
منم مبارزلر ایچره نام آور

بیلون جماعت اوچمینجی امامون اغلیام

• پنج شنبه
• 3
• مرداد
• 1398
• ساعت
• 11:46
• نوشته شده توسط
• ابوالفضل عابدی پور

شاد اول دلیم دلبر گلور
جانان مه پیکر گلور
یار ملک منظر گلور
آئینۀ داور گلور

پیغمبره بنذر گلور
اکبر گلور اکبر گلور

ساقی آچیب میخانه نی
جان آختارور جانانه نی
بو بزم انس و الفته
یول ورمیون بیگانه نی
مهمان حسن اکبروخ
گور هاردا صاحب خانه نی
سرور گلور مهتر گلور
اکبر گلور اکبر گلور

خوشدور بو بزم الفته
پیغمبر خاتم گله
ئوز اشبهی دیدارینه
تاج سر عالم گله
شربت ویره روح الامین
سو کوثر و زمزم گله
بند دل حیدر گلور
اکبر گلور اکبر گلور

من مست مست عشقیم
حال غنادن گچمشم
سیر و سلوک عشقده
سعی و صفادن گچمشم
بیر نازنینی دوتموشام
کهنه سرادن گچمشم
پرواز عشقه پر گلور
اکبر گلور اکبر گلور

مه پرده دی گل چهره دی
مه پ

• سه شنبه
• 3
• اردیبهشت
• 1398
• ساعت
• 10:56
• نوشته شده توسط
• ابوالفضل عابدی پور

آچ دل گوزیوی بیر دلبره باخ
گلدنده گوزل مه منظره باخ
طاهایه خدا جنتده دئدی
بیر گوز دولوسی گل اکبره باخ

اکبر ، آدیدور منبع جود و برکات
اکبر ، لبلریدور چشمه آب حیات
اکبر ، نورِ جمالینه گوندر صلوات

یاعلی اکبر یاعلی اکبر

مولا ائوینون اکبر گوزودی
بالداندا شیرین ، زیبا سوزودی
هر کیمسه گوروب سویلردی عجب
عیناً دیسون طاها اوزودی

اکبر ،یوزونی تا آی گوروب حیران قالوب
اکبر ، مین زلیخادن باخیشی جان آلوب
اکبر ، یوسفین بازارینی گوزدن سالوب

یاعلی اکبر یاعلی اکبر

دل شایق اولوب دلبر یوزونه
اول شبه نبی مظهر یوزونه
دیلدن سویونور شاه شهدا
باخدوقجا علی اکبر یوزونه

اکبر ، گل گلزار ولانون گوهری
اکبر ، اهل عشقون

• سه شنبه
• 3
• اردیبهشت
• 1398
• ساعت
• 11:09
• نوشته شده توسط
• ابوالفضل عابدی پور

شده عالم منور
اومد شبه پیمبر
شده ورد ملائک
فدای نامت اکبر

گل روی محمد
علی اکبر خوش آمد

شب میلاد اکبر
عجب دارد صفایی
نظری کن علی جان
بشیم ما کربلایی

گل روی محمد
علی اکبر خوش آمد

شیعیانه بشارت
ائدوب الله عنایت
گوز آچوب فخر طاها
اولوب جشن ولادت

گل روی محمد
علی اکبر خوش آمد

قاشی بیت الغزلدی
یوزی گولدن گوزلدی
دل و جان حسیندی
حبیب لم یزلدی

گل روی محمد
علی اکبر خوش آمد

گل لیلا گلوبدی
بیزه مولا گلوبدی
مه کنعانه سویله
مه بطحا گلوبدی

گل روی محمد
علی اکبر خوش آمد

• دوشنبه
• 1
• دی
• 1399
• ساعت
• 16:03
• نوشته شده توسط
• یوسف اکبری

آلا گوز جیران اکبریم
من سنه قربان اکبریم
سنی الله هدیه ویروب
دردیمه درمان اکبریم
جان اکبریم جان اکبریم
من سنه قربان اکبریم

شبه پیغمبرسن اوغلوم
مظهر حیدرسن اوغلوم
آنون لیلانون سویگلی
نازلی بیر دلبر سن اوغلوم
جان اکبریم جان اکبریم
من سنه قربان اکبریم

اکبر دیمه جان جهان
اکبر دیمه جسمیمه جان
من مریض عشقون اولدوم
اکبر سنسن درده درمان
جان اکبریم جان اکبریم
من سنه قربان اکبریم

• جمعه
• 26
• دی
• 1399
• ساعت
• 18:18
• نوشته شده توسط
• یوسف اکبری

عاشقم بیر دلبره
شاهد مه پیکره
اشبه پیغمبره
جدّی بنزرگوزلره
باب عشقه نوکره
سبط حیدر اکبره

((ماه ِ مَلکْ منظر
ادرکنی یا اکبر))

فارس ِ هیجا گلوب
عزّته معنا گلوب
لطفیده دریا گلوب
قامتی طوبا گلوب
مفخر لیلا گلوب
زینبه یارا گلوب

((ماه ِ مَلکْ منظر
ادرکنی یا اکبر))

کنزعشقین گوهری
اهل بیتین مفخری
ئولدورن طارقلری
مصرعین غارتگری
لیلی نین بال وپری
شیعه نین تاج سری

((ماه ِ مَلکْ منظر
ادرکنی یا اکبر))

نور چشم مرتضا
مفخر آل عبا
نیّر ارض و سما
منظر عشقه ، نما
گوزلره آدی ضیا
جدّی تک مشکل گشا

((ماه ِ مَلکْ منظر
ادرکنی یا اکبر))

نوگل باغ عَدَن
چلچراغ انجمن
بلبل شیرین سخن
زادۀ شاه زمن
عشقیله جاندان گئچن
س

• سه شنبه
• 3
• اردیبهشت
• 1398
• ساعت
• 11:16
• نوشته شده توسط
• ابوالفضل عابدی پور

بو گئجه گلدی گلدی بیر گل رعنا
غرق اولوب نوره نوره دامن لیلا
یارانوب خلقا خلقا مظهر طاها

دردلره درمان گلوب
عالمه سلطان گلوب
غیرته داغ وقاره دریا

رحمت حی ازل
طلعتی آیدان گوزل
هیکلی معرفت سراپا

دلربا آدی هر درده دوادی
نوه ی حضرت خیرالنسادی
اورگنوب جنگی عباس عموسینان
قهرمان و یل کرب وبلادی

یارادوب زیبا زیبا حی تبارک
ایاقین ئوپسون حورا گلدیله تک تک
(یا علی اکبر ٬ اکبر ٬ یا علی اکبر)

ملکوت اهلی اهلی گویده چالور ال
گوز آچوب دهره دهره میر مفضل
طلعتی عینا عینا خاتم مرسل

ملک ادب شاهیدی
برج شرف ماهیدی
اهل ولانین افتخاری

کنز یم و فضلیدی
عینا اباالفضلیدی
غیرت و حشمت و وقاری

در پر قیمت بحر شرفدی
جود

• سه شنبه
• 3
• اردیبهشت
• 1398
• ساعت
• 12:16
• نوشته شده توسط
• ابوالفضل عابدی پور

عکسیمی دیوانه تک شهر ایچره دیواره چکون
آز منه ایراد ائدون آز قلبیمه یاره چکون
عشقه سجده ایلرم من کافرم داره چکون

منطقین دانشگهیندن چیخموشام اخراجی‌ام
قاره پرچم‌لر دالیجا گزموشم من حاجی‌ام

یوسف زیبا دیورلر گور بی یُول اکبر نَدی
وَجهین استثنا دیورلر گور بی یُول اکبر نَدی
قدینه طوبی دیورلر گور بی یُول اکبر نَدی

سیم و زَرده یوخ گوزوم فکر ایلمه گوهر چی‌‌َم
قلبیده یوسف یازوبدی من ئوزوم اکبر چی‌َم

• چهارشنبه
• 22
• بهمن
• 1399
• ساعت
• 20:08
• نوشته شده توسط
• یوسف اکبری

گوز آچدی عالمه بیر گوهر ناب و ثمین گلدی
وُران اود سینیه بیرعشق داغ و آتشین گلدی
دئنن کام شه ِ عشاقه شهد و انگبین گلدی
نشاط و شور و غوغایه یساریلن یمین گلدی
جمالین کیم گوروب سسلندی ختم المرسلین گلدی

گلوبدور عالمه تندیس عزّت ، وجهِ وجه الله
نه یوسف،گلسه مین یوسف قالارحیران اونا بِالله
جمالاً خصلتاً خلقاً دئنن عیناً رسول الله
رسول اللّهه بنزر گوزلره دویماز باخان والله
قلم قاشلار ، آلا گوزلر ، جمالی دلنشین گلدی

ائدوبدور صورتین مهسا مصوّر کِلک یزدانی
پیمبر تک وجود لوحی نین تصویری نورانی
اولان سدّ سدیده آدینون عزّتله عنوانی
نه اکبر، دُرج بی مثل و بَدل دور احمد ثانی
وجودی کائناتین فخری،بیرحِصن حَصی

• چهارشنبه
• 4
• اردیبهشت
• 1398
• ساعت
• 10:34
• نوشته شده توسط
• ابوالفضل عابدی پور

گل آچدی گلشنده
شهلر اونا بنده
جمالینی گورن‌وقتدن
آی اولدی شرمنده

آقام علی اکبر ۳ مولا آقام علی اکبر

شبیه طاهادی
عزیز مولادی
آتاسی شاه کربلا
آناسی لیلادی

گول آدی اکبردی
سلیل حیدردی
جهاندا هانسی بیر گوزل
بونا برابردی

هامی اولوبدی شاد
غم غصه دن آزاد
کیم اکبری گوروب دیدی
لیلا اوین آباد

• جمعه
• 29
• اسفند
• 1399
• ساعت
• 14:34
• نوشته شده توسط
• یوسف اکبری

سویله اهل دله
چشم دنیا هله
گورمیوبدی بئله
ماه انور

گلدی لیلا پایی
برج غیرت آیی
گلمیوبدی تایی
جز پیمبر

به به به به شبه طه گلوب
ابن الزهرا – جان لیلا گلوب

گور نیلوبدی ارحم الراحمین
احسن احسن احسن الخالقین

به به به به ...

ایها العالمین
آمده نور عین
بند قلب حسین
بحر غیرت

عرشیان گل به کف
آمده صف به صف
تا سرای شرف
بر زیارت

ماه کنعان مست رخسار او
شمس رخشان آینه دار او

به به به به ...

بیرطرفده حسین
بیرطرفده حسن
بیرطرفده مهِ
آل حیدر

بوطراوت باغین
ئوپدولر صول ساغین
ال به ال قنداقین
گزدیرللر

واردور بیله فرّو حشمت کیمین
بیله سیما بیله طلعت کیمین

به به به به ...

گوندن آیدن یوزی
محشر ایتموش گوز

• چهارشنبه
• 4
• اردیبهشت
• 1398
• ساعت
• 10:40
• نوشته شده توسط
• ابوالفضل عابدی پور

حسینه بیر اوغول ائتدی عطا خلّاق بی همتا
که اولدی گل جمالیندان مدینه جنت اعلا

صفالی بیر گول آچدی باغ عشق و معنویتده
که سالدی گول لری عالمده رونقدن طراوتده
نه گول بیر گول که یوخ مثل و نظیری باغ جنتده
ائله بیر گول که عطریندن اولوب سرمست ایکی دنیا

بیله بیر مه لقا بیرده گله حاشا بو دنیایه
گوزلّیق پایه سینده یوسف اولماز بونلا هم پایه
وجاهتده جمالی بنزیری اوز جدّی طاهایه
که خالق خلق ائدوب گول صورتین آئینۀ طاها

خطادور قامتون گر نخله طوبلیه بنزتسم
جمال بی مثالون یا گونیله آیه بنزتسم
و یا حسن کمالون یوسف زیبایه بنزتسم
هانی یوسفده بو حُسن دل انگیزو جهان آرا

وجاهتده ائدوب شرمنده خورشیدی بو مهپاره
سهیل

• چهارشنبه
• 4
• اردیبهشت
• 1398
• ساعت
• 10:52
• نوشته شده توسط
• ابوالفضل عابدی پور

جان لیلا ای رسول حق شبیهی اکبریم
نوجوانان بهشتین ای فقیهی اکبریم
سن سن شبیه مصطفی
ای مه کنعان جان سنه قربان
سن سن عزیز و دلربا
آیت جانان جان سنه قربان
ماه کنعان ای نام آور
گوزلری طاهایه بنذر
گوزلره قربان اکبریم
جان اکبریم جان اکبریم
جان سنه قربان اکبریم

جان لیلاسن شبیه مصطفاسن اکبریم
سن عزیز ودلرباسن مه لقا سن اکبریم
سن سن شبیه مصطفا
آی گوزل اوغلوم
جان سنه قربان
سن سن عزیز و دلربا
مه لقا سن سن
جان سنه قربان
قامتون رعنادی اکبر
گوزلرون شهلادی اکبر
قاشلارون غوغادی اکبر
جان اکبریم جان اکبریم
جان سنه قربان اکبریم

خلقا"و خلقا"عزیزیم ای شبیه محمد
نوجوانان بهشته سن سن اوغلوم سرآمد
سن سن شبیه مصطفی
ا

• چهارشنبه
• 4
• اردیبهشت
• 1398
• ساعت
• 10:53
• نوشته شده توسط
• ابوالفضل عابدی پور

گلشن عشقه بوگجه حامی باغبان گلوب
شاه شهیده یار اولا اکبر قهرمان گلوب

ساقی بو اکبرعشقینه ویرقدحی و ساغری
مست می ناب ایت منی لوح وقلم هم دفتری
اون بیراولوب شعبان آیی گلدی حسینون اکبری
مژده ویرون آناسینا حقه طرف دوتان گلوب

نورخدادی جلوه گرچهرۀ زیبایه باخون
سرو صنوبر اولدی مات قامت رعنایه باخون
یوسف مصرتک گوزل یوسف لیلایه باخون
لیلیه مجنون اولماقا عاشق مهربان گلوب

ویردی صفاچمنده گل دوزگون اولوب بوآی بهار
نوره دولوبدی عالمی رحمت حقدی نور یار
وار یری بو آیدا اولا اهل وفا مست نگار
ناهیدو زهره مشتری شمس و قمرعیان گلوب

آچدی بو عالمه گوزون احمد اطهربالاسی
صـدری گشاده غیرته شیر دلاور بالاسی
اگمیه جاق

• چهارشنبه
• 4
• اردیبهشت
• 1398
• ساعت
• 11:00
• نوشته شده توسط
• ابوالفضل عابدی پور

گوزل اوغلوم او گوزل گوزلره ماشاءالله
حُسن زیبای مَلک منظره ماشاءالله

خالقون لفظ تبارکده مبارک بیوروب
بئله اکبر یارادان اکبره ماشاءالله

یاشیل عمّامه گُل رویون آلوب سایه سینه
حُسن سلطانی قویان افسره ماشاءالله

نجه پیغمبرون آردیجا بلال حبشی
هی دیَردی بئله پیغمبره ماشاءالله

دوشوب آردونجا قرا طُرّه لرون مثل بلال
سنه ایمان گتورن کافره ماشاءالله

توکمه زلفون یوزه قویما گجه گوندوز بیر اولا
قاتما کافوری او مُشک تره ماشاءالله

تیغی نیلورسن علی وار ایکی شمشیری قاشون
ائله شمشیر قوی جوهره ماشاءالله

• پنج شنبه
• 5
• فروردین
• 1400
• ساعت
• 15:32
• نوشته شده توسط
• یوسف اکبری

یازیلّا صفحه ی تاریخیده بو عنوانی
قالوردی ایکی ایل ئولدورسون الله عثمانی

علیّ اکبر شهزاده گلدی دنیایه
ائدوب طواف ملک دودمان زهرانی

دییردی بیربیرینه یثرب اهلی ائولرده
نه قدری ایستیوب الله ، امّ لیلانی

پیمبرین عوضین وئردی امته الله
منوّر ائتدی رخی آسمان بطحانی

گورن دییردی یاتوب گاهواره ده احمد
امین وحی، اولوب گاهواره جنبانی

بیری دییردی مبارک آدین قویاخ یوسف
همیشه عشق اودونا یاندیرا زلیخانی

حسین آتاسی علینی زبس چوخ ایستردی
ئوزی قوجاقه آلوبدی او ماه سیمانی

اذان اقامه دئدی اکبرین قولاقینه
آدین علی چاغیروب آغلادی علی جانی

دئدی نه قدری بو واردی جهاندا منده وارام
حسینین عمرونون اکبر دقیق میزان

• چهارشنبه
• 4
• اردیبهشت
• 1398
• ساعت
• 12:08
• نوشته شده توسط
• ابوالفضل عابدی پور

یولا سالاندا جوانین شهید عشق الاه
کمال حسرتیله آردیجا ایدردی نگاه
.
.
یاناردی اول شه عطشان شرار نسگلیله
خطاب ایدردی سپاه جفایه بو دلیله
.
.
«شاه بیت»:
.
اکبر گلوری اهل جفایه خبر اولسون
آماده اونون قتلنه قوم کفر اولسون
.
.
گتدیم بو جگر گوشه می قربانگه عشقه
آماده دی باش ویرماقا راه شه عشقه
لابدّ اولان مرحله پیما ره عشقه
هر باره ده تسلیم قضا و قدر اولسون
.
.
ای فرقه بی رحم گورورسوز بو جوانی
کیم مصر ملاحتده بو دور یوسف ثانی
انصافیدی بو سلسله مُشک فشانی
آغشته خون , ظلمله چون مشک تر اولسون
.
.
ای قوم بودور عزت پیغمبره دلبند
لیلایه اوغول زینبه همدم منه فرزند
گر قانه باتا زلفی علی باشینه سوگند
الحق یر

• دوشنبه
• 31
• تیر
• 1398
• ساعت
• 13:26
• نوشته شده توسط
• ابوالفضل عابدی پور

علی آغلار گوره بولمم،او چشم شوخ و شهلانی
گوتوردم سندن ال گئت آغلاما آغلاتما لیلانی
.
دوزلموش صف به صف خنجر الینده لشگر اعدا
قدم قوی عرصه میدانه هرگز ایلمه پروا
اوزون راضی آتان راضی رضادور هم آنان لیلا
مخضب گورماقا قانیله بو زلف مطرانی
.
بولورسن بسته دور کونلوم او گیسوی پریشانه
گتور بیرده وروم شانه او زلف عنبر افشانه
چکوم سرمه گوزیوه ، گوندریم بو قانلی میدانه
باخان احسن دیسون نقاشیوه ای یوسف ثانی
.
علی زخم خدنگیله وجودین دولسا خرسندم
یوزون زلفون گوزون قانیله الوان اولسا خرسندم
سموم ظلمله گل عارضون گر سولسا خرسندم
داخی سندن صورا لیلا نئدر سیر گلستانی
.
بو مهر و بو محبتله نه نوعی ال اوزوم سندن
او

• شنبه
• 5
• مرداد
• 1398
• ساعت
• 14:31
• نوشته شده توسط
• ابوالفضل عابدی پور

ای جوانلار جان ویرور اوغلوم علی‌اکبردی بو
قویمیون نعشین قوم اوسته شبه پیغمبردی بو
.
خوشدلم هر چند گل جسمینده یاره قان ویرور
راه جاناندا او کیمدور بیر بیله قربان ویرور
قویمیون امّا گوزوم گورسون گورورسوز جان ویرور
پارۀ قلبیمدی چون نور دو چشم تردی بو
.
تشنه لبدور لیک قانی سوکیمی اولموش سبیل
اوّلین قربانیدور آل خلیلون بو قتیل
احترامین ساخلاماق لازمدی بسدور بو دلیل
خَلقاً و خُلقاً رسول اکرمه مَظهردی بو
.
چوخ باخون بیر لحظه دور اُولموش آناسیندان کنار
وار یقین لیلاده‌ده ایمدی بو حال احتضار
بوندان آرتوق قویمیون قالسون او بیکس انتظار
طاقت و صبر دل لیلای غم پروردی بو
.
شمع رخسارین گوروب اود دوتموشام پرو

• دوشنبه
• 7
• مرداد
• 1398
• ساعت
• 11:33
• نوشته شده توسط
• ابوالفضل عابدی پور

ایندی کی جان وئرمگه راغب سن ای ناشاد اوغول
من ده سندن اَل گوتوردوم،هر چه بادا باد اوغول
.
.
یاده سالدون بیر بئله حالتده دید ائتدون منی
مرحبا،سرگرم صهبای امید ائتدون منی
حضرت زهرا یانیندا روسفید ائتدون منی
شاد کام نشأتسن اولدوم،ائوون آباد اوغول
.
.
سالگیلان بو چؤلده گؤز یاشون کیمی گؤزدن منی
قوی اسیر و دستگیر ائتسون علی،شمر دنی
بوندان آرتیخ دورما،گئت آللاهه تاپشیردوم سنی
خنجر الده منتظر دور قتلووه جلّاد،اوغول
.
.
قوی بو قربانگاه عشقه ذوق و شوقیلن قدم
غم،غم اوستیندن گله،ای غمگساریم ائتمه غم
نور دیده م خنجر قاتل دمینده،چکمه دم
ائیلمه بیداد قوم اشقیادن،داد اوغول
.
.
پادشاه کربلا قالمیش بئله فرد و و

• دوشنبه
• 21
• مرداد
• 1398
• ساعت
• 12:11
• نوشته شده توسط
• ابوالفضل عابدی پور

آچ گوزلرون ای نوگل گلزار پیغمبر اوغول
گوزلور یولون خرگاهده ذرّیه حیدر اوغول
.
.
سن که یخلدون تشنه لب یتدون گوزل آمالوه
قورتولدون همُّ غمّدن بالمرّه خوش احوالوه
کیم بو تمنّاده اولا غبطه ایدر اقبالوه
یوخ بیر مقام و شأن اولا بو رتبه دن برتر اوغول
.
.
جانان یولوندا جان ویروب باشه یتردون خدمتون
درک ایلدون سن محضر طاهانی آخر ساعتون
امّا آنان لیلایه چوخ مشگلدی درد فرقتون
حسرت وصالون درکنه قالدی او بی یاور اوغول
.
.
باخدوقجا بو جسمه علی اشگیم چو دریا موج ایدر
بی پرده عرشه فرشدن داد و فغانیم اوج ایدر
طعن و شماتت حالیمه هر دسته هر بیر فوج ایدر
من باشون اوسته آغلارام امّا گولر لشگر اوغول
.
.
بیر سمتدن ای

• سه شنبه
• 22
• مرداد
• 1398
• ساعت
• 13:52
• نوشته شده توسط
• ابوالفضل عابدی پور

سلطانیدن اذن آلدی دعوایه علی اکبر
تنگ ایلیه میدانی اعدایه علی اکبر
ایستور که باشون قاتسون غوغایه علی اکبر
قصدی بودی یول سالسون دریایه علی اکبر
اوّلده یوزون دوتدی سقایه علی اکبر
اوپدی اوزون اللردن آهسته قوجاقلاشدی
تاپشوردی سوسوز لاری سقایه اوزاقلاشدی

میدانه گیدور اما وار باشدا علی شوری
آفاقی ایدوب روشن عمامه سینون نوری
باشدان ایاقا بنذور پیغمبره منشوری
حیدردی گیدور گویا خوار ایلیه مزدوری
معناده آلوب دورین جنّ و ملک وحوری
اکبر قدم آتدوقجا سسلور بیبی سی جان جان
جان قارداشیمون اوغلی عمون بویوا قربان

عنقا کیمی پر آچدی زین اوسته سوار اولدی
اخیامیدن آهسته آهسته کنار اولدی
باشدان ایاقا مست دیدار نگا

• یکشنبه
• 17
• شهریور
• 1398
• ساعت
• 10:41
• نوشته شده توسط
• TzwSVsOw

قره زولفووی یوزوندن
دارا آت کناره قارداش
مه رویونا سکینه
ایله سین نظاره قاردش

گورورم اوقانلی باشون علی نیزه لرسرینده
توکولوبدی قرمزی قان قوریوبدی لبلرینده
من اوزومده دست بسته علی اشقیا الینده
نه ایدیم بوباجون اولسون یوخ الیمده چاره قارداش

نجه تاب ایدرسکینه بیله محنت وجفاده
گهی ناقۀ برهنه گهی یرده پاپیاده
نئولی مرحمت یوزیله سالاسان باجووی یاده
آلیب اشقیا الیندن چکه سن کناره قارداش

نه ایدیم نه چاره ایلیم علی یوخدی بیرگمانیم
یول اوزاق اوزوم پیاده قوریوب لب ودهانیم
بیرجه باخ نظارت ایله من بیکسه جوانیم
که قونوب یولون توزی گورنجه گلعذاره قارداش

علی محنت و جفادن یتیشوب بوطفل جانه
گورورم اومشک زول

• دوشنبه
• 25
• شهریور
• 1398
• ساعت
• 10:04
• نوشته شده توسط
• TzwSVsOw

گلدی بو دنیایه _ لیلانین گوزلی
نوه لایق _ شیر لم یزلی
آدیدی اکبر _ اول ماه انور
خلقا و خلقا _ جدینه بنذر
آدینا قربان _ علی اکبرین

ماه دل آرادی _ گول یوزی زیبادی
حسینون بالاسی _ دلبند لیلادی
مه لقا گلدی _ دلربا گلدی
دین اسلامه _ جان فدا گلدی
آدینا قربان _ علی اکبرین

گل لیلا ائدوب _ عالمی گلستان
اون بیر شعباندا _ بلبل لر غزل خوان
گل زیبادی _ مه بطحادی
شهر یثربده _ شور و غوغادی
آدینا قربان _ علی اکبرین

(سالکم) گلمیشم _ عشقیلن بیانه
اکبرین مثالی _ گلمز بو جهانه
خلقتده تکدی _ اوزی گوؤچکدی
آدی قلبیمده _ اولدن حکدی
آدینا قربان _ علی اکبربن

• چهارشنبه
• 12
• خرداد
• 1400
• ساعت
• 22:45
• نوشته شده توسط
• یوسف اکبری

اون بیری شعبان گلیپ،جسمیلره جان گلیپ
دردلره درمان گلیپ حامی قرآن گلیپ
مظهر ایمان گلیپ، بیزلره جانان گلیپ
یوخدی سن تک کیمسه گویچک یا علی اکبر
مقدمین اولسون مبارک یاعلی اکبر

نوگل حیدر گلیپ ، شبه پیغمبر گلیپ
شیعه یه سرور گلیپ، باشلارا افسرگلیپ
مکتبه زیور گلیپ ، عشقیچین رهبر گلیپ
دلربا دلبرگلیپ، دنیایا اکبرگلیپ
یوخدی سن تک کیمسه گویچک یا علی اکبر
مقدمین اولسون مبارک یاعلی اکبر

زیور دنیایه باخ ، زینت عقبایه باخ
آیت کبرایه باخ، غنچة طاهایه باخ
طلعتی رخشایه باخ، صورتی زیبایه باخ
زادة لیلایه باخ ، باخ گوزل سیمایه باخ
یوخدی سن تک کیمسه گویچک یا علی اکبر
مقدمین اولسون مبارک یاعلی اکبر

• دوشنبه
• 31
• خرداد
• 1400
• ساعت
• 17:20
• نوشته شده توسط
• یوسف اکبری

آچ گوزلرون اي طاقت جانيم بالا ياتما
بيكس آنوام رحم ايله گوزدن مني آتما

سينمده سني بسلديم اي تازه جوانيم
سس وئر سسيمه خسته ديلم يوخدي توانيم
دور گلميش آنون گورمگه ای روح و روانيم

جسمون بويانوب قانه عباه ايچره ياتوبسان
دين اوسته ويروب جا نوي آماله چاتوبسان

اوخشاردي رسول اللّه زیبا ئوزون اوغلوم
باشوندن آخوب قان بویانوب قاش گوزون اوغلوم
چون ُدر گرا نمايه دي شيرين سوزون اوغلوم

دورمنله دانيش بيراوپوم اول قانلي دوداقدان
قربانون اولوم دوت اليمي دوشدوم اياقدان

عشقيم سنيدون عاشقيديم گول يوزه اوغلوم
رعنا بويوا قاشلارا شهلا گوزه اوغلوم
بي كس آنوام گوزلرون آچ گل سوزه اوغلوم

سندن صورا مونس گئجه گوندوز منه غمدي
عالم بوئي گر آغلاسام اوغلوم سنه كمدي

دين اوسته وئروب جانوي اوز قانوه باتدون
جانانوه خاطر گوزل آمالوه چاتدون
بيكس آنوي گوزدن علي جان نه تئزآتدون

باخدوقجا سنون جسموه گوز ياش الورم من
سینم دوتوب اود نالیه نی تک گلورم من

ورموش باشوا ياره بالا خصم بد اختر
قاني سوزولوب اولدی يوزون لاله احمر
اوخلاردا ايدوب پيكروي چون گول پرپر

ايتمش يارالارون يارالي قلبيمي ياره
يانام بو غمه يوخدي سنون ياروه چاره

بو حالتون اوغلوم آنوا چوخ اثر ايلر
روشن گونوزي گوزلره تار و كدر ايلر
باخدوقجا سنون ياروه حالين بتر ايلر

بخت اولدوزیمیدون فلک عشقیده باتدون
لیلانی آتوب گوزدن عباده بالا یاتدون

جسمونده اولان ياره ايدوب قلبيمي ياره
پروانه كيمين يانام اوغول شعله ی ناره
چارم كسيلوب كيمدي ايده درديمه چاره

يانديرما بو داغلی دیلیمی نار فراقه
قربانون اولوم گوزلرون آچ بیردور اياقه

چوخ حسرتيدون محضر جانانه علي جان
عشقون چوخيدي خالق سبحانه علي جان
كامه يتشوب باتموسان آلقانه علي جان

قسمت سنه آخر بالا باغ عدن اولدي
بی کس آنوون مونیسی درد و محن اولدي

سن سيز نجه قالام دوزرم دار فناده
دائم قالارام ياسدا گوزوم حال بكاده
سالماز بو قرابختي جهاندا بيري ياده

احواليمه آغلار گویون ُالدوزلاري الان
سو سو وروب ايلوله منيم حاليمه افغان

بو غم منه مشگلدي نئجه فرض ايدوم آسان
يانّام شرر هجريده چون شمع شبستان
امّا بو سوزي ايلورم اوغلوم سنه اعلان

سالدون مني گوزدن ولي گوزياشیما خاطر
آخونديه محشرده شفاعت ايله آخر

• چهارشنبه
• 19
• آذر
• 1399
• ساعت
• 00:10
• نوشته شده توسط
• یوسف اکبری

خَلق ایلدی داور
بیر شِبه پیمبر
لیلا گوزون آیدین
گلدی علی اکبر (2)

جَنّت گُلی سولماز
یاپراقینی یولماز
چوخدور گوزل امّا
بو طِفله تای اولماز
گلدی علی اکبر (2)

چوخلار دئدی آیدور
گویدن یِره پایدور
بو خَلقاً و خُلقاً
پیغمبره تایدور
گلدی علی اکبر (2)

صورت مَه تابان
لَعل لبی خندان
وار هاشمی خالی
هم چاه زَنخدان
گلدی علی اکبر (2)

بو قَدّ و بو قامَت
ایلوبدی قیامت
نقش ایلدی نقّاش
بیر بیله وَجاهت
گلدی علی اکبر (2)

گُل عارضی خوشرو
تِل تِل خَم گیسو
قاشلاری کَماندور
گوز نرگس جادو
گلدی علی اکبر (2)

• یکشنبه
• 13
• تیر
• 1400
• ساعت
• 16:47
• نوشته شده توسط
• یوسف اکبری